| Library / Tipiṭaka / திபிடக • Tipiṭaka / படிஸம்பி⁴தா³மக்³க³பாளி • Paṭisambhidāmaggapāḷi |
4. மக்³க³ங்க³வாரோ
4. Maggaṅgavāro
26. ஸப்³பே³ ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா பஸ்ஸதி. ஸம்மாதி³ட்டி²பரிபா⁴விதா ஹோதி மெத்தாசேதோவிமுத்தி.
26. Sabbe sattā averino hontu, khemino hontu, sukhino hontūti – sammā passati. Sammādiṭṭhiparibhāvitā hoti mettācetovimutti.
ஸப்³பே³ ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா அபி⁴னிரோபேதி. ஸம்மாஸங்கப்பபரிபா⁴விதா ஹோதி மெத்தாசேதோவிமுத்தி.
Sabbe sattā averino hontu, khemino hontu, sukhino hontūti – sammā abhiniropeti. Sammāsaṅkappaparibhāvitā hoti mettācetovimutti.
ஸப்³பே³ ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா பரிக்³க³ண்ஹாதி. ஸம்மாவாசாபரிபா⁴விதா ஹோதி மெத்தாசேதோவிமுத்தி.
Sabbe sattā averino hontu, khemino hontu, sukhino hontūti – sammā pariggaṇhāti. Sammāvācāparibhāvitā hoti mettācetovimutti.
ஸப்³பே³ ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா ஸமுட்டா²பேதி. ஸம்மாகம்மந்தபரிபா⁴விதா ஹோதி மெத்தாசேதோவிமுத்தி.
Sabbe sattā averino hontu, khemino hontu, sukhino hontūti – sammā samuṭṭhāpeti. Sammākammantaparibhāvitā hoti mettācetovimutti.
ஸப்³பே³ ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா வோதா³பேதி . ஸம்மாஆஜீவபரிபா⁴விதா ஹோதி மெத்தாசேதோவிமுத்தி.
Sabbe sattā averino hontu, khemino hontu, sukhino hontūti – sammā vodāpeti . Sammāājīvaparibhāvitā hoti mettācetovimutti.
ஸப்³பே³ ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா பக்³க³ண்ஹாதி. ஸம்மாவாயாமபரிபா⁴விதா ஹோதி மெத்தாசேதோவிமுத்தி.
Sabbe sattā averino hontu, khemino hontu, sukhino hontūti – sammā paggaṇhāti. Sammāvāyāmaparibhāvitā hoti mettācetovimutti.
ஸப்³பே³ ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா உபட்டா²பேதி. ஸம்மாஸதிபரிபா⁴விதா ஹோதி மெத்தாசேதோவிமுத்தி.
Sabbe sattā averino hontu, khemino hontu, sukhino hontūti – sammā upaṭṭhāpeti. Sammāsatiparibhāvitā hoti mettācetovimutti.
ஸப்³பே³ ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா ஸமாத³ஹதி. ஸம்மாஸமாதி⁴பரிபா⁴விதா ஹோதி மெத்தாசேதோவிமுத்தி.
Sabbe sattā averino hontu, khemino hontu, sukhino hontūti – sammā samādahati. Sammāsamādhiparibhāvitā hoti mettācetovimutti.
இமே அட்ட² மக்³க³ங்கா³ மெத்தாய சேதோவிமுத்தியா ஆஸேவனா ஹொந்தி. இமேஹி அட்ட²ஹி மக்³க³ங்கே³ஹி மெத்தாசேதோவிமுத்தி ஆஸேவீயதி. இமே அட்ட² மக்³க³ங்கா³ மெத்தாய சேதோவிமுத்தியா பா⁴வனா ஹொந்தி. இமேஹி அட்ட²ஹி மக்³க³ங்கே³ஹி மெத்தாசேதோவிமுத்தி பா⁴வீயதி. இமே அட்ட² மக்³க³ங்கா³ மெத்தாய சேதோவிமுத்தியா ப³ஹுலீகதா ஹொந்தி. இமேஹி அட்ட²ஹி மக்³க³ங்கே³ஹி மெத்தாசேதோவிமுத்தி ப³ஹுலீகரீயதி. இமே அட்ட² மக்³க³ங்கா³ மெத்தாய சேதோவிமுத்தியா அலங்காரா ஹொந்தி. இமேஹி அட்ட²ஹி மக்³க³ங்கே³ஹி மெத்தாசேதோவிமுத்தி ஸ்வாலங்கதா ஹொந்தி. இமே அட்ட² மக்³க³ங்கா³ மெத்தாய சேதோவிமுத்தியா பரிக்கா²ரா ஹொந்தி. இமேஹி அட்ட²ஹி மக்³க³ங்கே³ஹி மெத்தாசேதோவிமுத்தி ஸுபரிக்க²தா ஹோதி. இமே அட்ட² மக்³க³ங்கா³ மெத்தாய சேதோவிமுத்தியா பரிவாரா ஹொந்தி. இமேஹி அட்ட²ஹி மக்³க³ங்கே³ஹி மெத்தாசேதோவிமுத்தி ஸுபரிவுதா ஹோதி. இமே அட்ட² மக்³க³ங்கா³ மெத்தாய சேதோவிமுத்தியா ஆஸேவனா ஹொந்தி , பா⁴வனா ஹொந்தி , ப³ஹுலீகதா ஹொந்தி, அலங்காரா ஹொந்தி, பரிக்கா²ரா ஹொந்தி, பரிவாரா ஹொந்தி, பாரிபூரீ ஹொந்தி, ஸஹக³தா ஹொந்தி, ஸஹஜாதா ஹொந்தி, ஸங்ஸட்டா² ஹொந்தி, ஸம்பயுத்தா ஹொந்தி, பக்க²ந்த³னா ஹொந்தி, பஸீத³னா ஹொந்தி, ஸந்திட்ட²னா ஹொந்தி, விமுச்சனா ஹொந்தி, ‘‘ஏதங் ஸந்த’’ந்தி ப²ஸ்ஸனா ஹொந்தி, யானீகதா ஹொந்தி, வத்து²கதா ஹொந்தி, அனுட்டி²தா ஹொந்தி, பரிசிதா ஹொந்தி, ஸுஸமாரத்³தா⁴ ஹொந்தி, ஸுபா⁴விதா ஹொந்தி, ஸ்வாதி⁴ட்டி²தா ஹொந்தி, ஸுஸமுக்³க³தா ஹொந்தி, ஸுவிமுத்தா ஹொந்தி நிப்³ப³த்தெந்தி ஜோதெந்தி பதாபெந்தி.
Ime aṭṭha maggaṅgā mettāya cetovimuttiyā āsevanā honti. Imehi aṭṭhahi maggaṅgehi mettācetovimutti āsevīyati. Ime aṭṭha maggaṅgā mettāya cetovimuttiyā bhāvanā honti. Imehi aṭṭhahi maggaṅgehi mettācetovimutti bhāvīyati. Ime aṭṭha maggaṅgā mettāya cetovimuttiyā bahulīkatā honti. Imehi aṭṭhahi maggaṅgehi mettācetovimutti bahulīkarīyati. Ime aṭṭha maggaṅgā mettāya cetovimuttiyā alaṅkārā honti. Imehi aṭṭhahi maggaṅgehi mettācetovimutti svālaṅkatā honti. Ime aṭṭha maggaṅgā mettāya cetovimuttiyā parikkhārā honti. Imehi aṭṭhahi maggaṅgehi mettācetovimutti suparikkhatā hoti. Ime aṭṭha maggaṅgā mettāya cetovimuttiyā parivārā honti. Imehi aṭṭhahi maggaṅgehi mettācetovimutti suparivutā hoti. Ime aṭṭha maggaṅgā mettāya cetovimuttiyā āsevanā honti , bhāvanā honti , bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti, saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpenti.
27. ஸப்³பே³ஸங் பாணானங்…பே॰… ஸப்³பே³ஸங் பூ⁴தானங்… ஸப்³பே³ஸங் புக்³க³லானங்… ஸப்³பே³ஸங் அத்தபா⁴வபரியாபன்னானங்… ஸப்³பா³ஸங் இத்தீ²னங்… ஸப்³பே³ஸங் புரிஸானங்… ஸப்³பே³ஸங் அரியானங்… ஸப்³பே³ஸங் அனரியானங்… ஸப்³பே³ஸங் தே³வானங்… ஸப்³பே³ஸங் மனுஸ்ஸானங்… ஸப்³பே³ஸங் வினிபாதிகானங் பீளனங் வஜ்ஜெத்வா அபீளனாய, உபகா⁴தங் வஜ்ஜெத்வா அனுபகா⁴தேன, ஸந்தாபங் வஜ்ஜெத்வா அஸந்தாபேன, பரியாதா³னங் வஜ்ஜெத்வா அபரியாதா³னேன, விஹேஸங் வஜ்ஜெத்வா அவிஹேஸாய, ஸப்³பே³ வினிபாதிகா அவேரினோ ஹொந்து மா வேரினோ, ஸுகி²னோ ஹொந்து மா து³க்கி²னோ, ஸுகி²தத்தா ஹொந்து மா து³க்கி²தத்தாதி – இமேஹி அட்ட²ஹாகாரேஹி ஸப்³பே³ வினிபாதிகே மெத்தாயதீதி – மெத்தா. தங் த⁴ம்மங் சேதயதீதி – சேதோ. ஸப்³ப³ப்³யாபாத³பரியுட்டா²னேஹி விமுச்சதீதி – விமுத்தி. மெத்தா ச சேதோ ச விமுத்தி சாதி – மெத்தாசேதோவிமுத்தி.
27. Sabbesaṃ pāṇānaṃ…pe… sabbesaṃ bhūtānaṃ… sabbesaṃ puggalānaṃ… sabbesaṃ attabhāvapariyāpannānaṃ… sabbāsaṃ itthīnaṃ… sabbesaṃ purisānaṃ… sabbesaṃ ariyānaṃ… sabbesaṃ anariyānaṃ… sabbesaṃ devānaṃ… sabbesaṃ manussānaṃ… sabbesaṃ vinipātikānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe vinipātikā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe vinipātike mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
ஸப்³பே³ வினிபாதிகா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸத்³தா⁴ய அதி⁴முச்சதி. ஸத்³தி⁴ந்த்³ரியபரிபா⁴விதா ஹோதி மெத்தாசேதோவிமுத்தி…பே॰… நிப்³ப³த்தெந்தி ஜோதெந்தி பதாபெந்தி.
Sabbe vinipātikā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti…pe… nibbattenti jotenti patāpenti.
ஸப்³பே³ஸங் புரத்தி²மாய தி³ஸாய ஸத்தானங்…பே॰… ஸப்³பே³ஸங் பச்சி²மாய தி³ஸாய ஸத்தானங்… ஸப்³பே³ஸங் உத்தராய தி³ஸாய ஸத்தானங்… ஸப்³பே³ஸங் த³க்கி²ணாய தி³ஸாய ஸத்தானங்… ஸப்³பே³ஸங் புரத்தி²மாய அனுதி³ஸாய ஸத்தானங்… ஸப்³பே³ஸங் பச்சி²மாய அனுதி³ஸாய ஸத்தானங்… ஸப்³பே³ஸங் உத்தராய அனுதி³ஸாய ஸத்தானங்… ஸப்³பே³ஸங் த³க்கி²ணாய அனுதி³ஸாய ஸத்தானங்… ஸப்³பே³ஸங் ஹெட்டி²மாய தி³ஸாய ஸத்தானங்… ஸப்³பே³ஸங் உபரிமாய தி³ஸாய ஸத்தானங் பீளனங் வஜ்ஜெத்வா அபீளனாய, உபகா⁴தங் வஜ்ஜெத்வா அனுபகா⁴தேன, ஸந்தாபங் வஜ்ஜெத்வா அஸந்தாபேன, பரியாதா³னங் வஜ்ஜெத்வா அபரியாதா³னேன, விஹேஸங் வஜ்ஜெத்வா அவிஹேஸாய, ஸப்³பே³ உபரிமாய தி³ஸாய ஸத்தா அவேரினோ ஹொந்து மா வேரினோ, ஸுகி²னோ ஹொந்து மா து³க்கி²னோ, ஸுகி²தத்தா ஹொந்து மா து³க்கி²தத்தாதி – இமேஹி அட்ட²ஹாகாரேஹி ஸப்³பே³ உபரிமாய தி³ஸாய ஸத்தே மெத்தாயதீதி – மெத்தா. தங் த⁴ம்மங் சேதயதீதி – சேதோ. ஸப்³ப³ப்³யாபாத³பரியுட்டா²னேஹி விமுச்சதீதி – விமுத்தி. மெத்தா ச சேதோ ச விமுத்தி சாதி – மெத்தாசேதோவிமுத்தி.
Sabbesaṃ puratthimāya disāya sattānaṃ…pe… sabbesaṃ pacchimāya disāya sattānaṃ… sabbesaṃ uttarāya disāya sattānaṃ… sabbesaṃ dakkhiṇāya disāya sattānaṃ… sabbesaṃ puratthimāya anudisāya sattānaṃ… sabbesaṃ pacchimāya anudisāya sattānaṃ… sabbesaṃ uttarāya anudisāya sattānaṃ… sabbesaṃ dakkhiṇāya anudisāya sattānaṃ… sabbesaṃ heṭṭhimāya disāya sattānaṃ… sabbesaṃ uparimāya disāya sattānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe uparimāya disāya sattā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe uparimāya disāya satte mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
ஸப்³பே³ உபரிமாய தி³ஸாய ஸத்தா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸத்³தா⁴ய அதி⁴முச்சதி. ஸத்³தி⁴ந்த்³ரியபரிபா⁴விதா ஹோதி மெத்தாசேதோவிமுத்தி…பே॰… நிப்³ப³த்தெந்தி ஜோதெந்தி பதாபெந்தி.
Sabbe uparimāya disāya sattā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti…pe… nibbattenti jotenti patāpenti.
ஸப்³பே³ஸங் புரத்தி²மாய தி³ஸாய பாணானங்…பே॰… பூ⁴தானங்… புக்³க³லானங் அத்தபா⁴வபரியாபன்னானங்… ஸப்³பா³ஸங் இத்தீ²னங்… ஸப்³பே³ஸங் புரிஸானங்… ஸப்³பே³ஸங் அரியானங்… ஸப்³பே³ஸங் அனரியானங்… ஸப்³பே³ஸங் தே³வானங்… ஸப்³பே³ஸங் மனுஸ்ஸானங்… ஸப்³பே³ஸங் வினிபாதிகானங்… ஸப்³பே³ஸங் பச்சி²மாய தி³ஸாய வினிபாதிகானங்… ஸப்³பே³ஸங் உத்தராய தி³ஸாய வினிபாதிகானங்… ஸப்³பே³ஸங் த³க்கி²ணாய தி³ஸாய வினிபாதிகானங்… ஸப்³பே³ஸங் புரத்தி²மாய அனுதி³ஸாய வினிபாதிகானங்… ஸப்³பே³ஸங் பச்சி²மாய அனுதி³ஸாய வினிபாதிகானங்… ஸப்³பே³ஸங் உத்தராய அனுதி³ஸாய வினிபாதிகானங்… ஸப்³பே³ஸங் த³க்கி²ணாய அனுதி³ஸாய வினிபாதிகானங்… ஸப்³பே³ஸங் ஹெட்டி²மாய தி³ஸாய வினிபாதிகானங்… ஸப்³பே³ஸங் உபரிமாய தி³ஸாய வினிபாதிகானங் பீளனங் வஜ்ஜெத்வா அபீளனாய, உபகா⁴தங் வஜ்ஜெத்வா அனுபகா⁴தேன, ஸந்தாபங் வஜ்ஜெத்வா அஸந்தாபேன, பரியாதா³னங் வஜ்ஜெத்வா அபரியாதா³னேன, விஹேஸங் வஜ்ஜெத்வா அவிஹேஸாய, ஸப்³பே³ உபரிமாய தி³ஸாய வினிபாதிகா அவேரினோ ஹொந்து மா வேரினோ, ஸுகி²னோ ஹொந்து மா து³க்கி²னோ, ஸுகி²தத்தா ஹொந்து மா து³க்கி²தத்தாதி – இமேஹி அட்ட²ஹாகாரேஹி ஸப்³பே³ உபரிமாய தி³ஸாய வினிபாதிகே மெத்தாயதீதி – மெத்தா. தங் த⁴ம்மங் சேதயதீதி – சேதோ. ஸப்³ப³ப்³யாபாத³பரியுட்டா²னேஹி விமுச்சதீதி – விமுத்தி. மெத்தா ச சேதோ ச விமுத்தி சாதி – மெத்தாசேதோவிமுத்தி.
Sabbesaṃ puratthimāya disāya pāṇānaṃ…pe… bhūtānaṃ… puggalānaṃ attabhāvapariyāpannānaṃ… sabbāsaṃ itthīnaṃ… sabbesaṃ purisānaṃ… sabbesaṃ ariyānaṃ… sabbesaṃ anariyānaṃ… sabbesaṃ devānaṃ… sabbesaṃ manussānaṃ… sabbesaṃ vinipātikānaṃ… sabbesaṃ pacchimāya disāya vinipātikānaṃ… sabbesaṃ uttarāya disāya vinipātikānaṃ… sabbesaṃ dakkhiṇāya disāya vinipātikānaṃ… sabbesaṃ puratthimāya anudisāya vinipātikānaṃ… sabbesaṃ pacchimāya anudisāya vinipātikānaṃ… sabbesaṃ uttarāya anudisāya vinipātikānaṃ… sabbesaṃ dakkhiṇāya anudisāya vinipātikānaṃ… sabbesaṃ heṭṭhimāya disāya vinipātikānaṃ… sabbesaṃ uparimāya disāya vinipātikānaṃ pīḷanaṃ vajjetvā apīḷanāya, upaghātaṃ vajjetvā anupaghātena, santāpaṃ vajjetvā asantāpena, pariyādānaṃ vajjetvā apariyādānena, vihesaṃ vajjetvā avihesāya, sabbe uparimāya disāya vinipātikā averino hontu mā verino, sukhino hontu mā dukkhino, sukhitattā hontu mā dukkhitattāti – imehi aṭṭhahākārehi sabbe uparimāya disāya vinipātike mettāyatīti – mettā. Taṃ dhammaṃ cetayatīti – ceto. Sabbabyāpādapariyuṭṭhānehi vimuccatīti – vimutti. Mettā ca ceto ca vimutti cāti – mettācetovimutti.
ஸப்³பே³ உபரிமாய தி³ஸாய வினிபாதிகா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸத்³தா⁴ய அதி⁴முச்சதி. ஸத்³தி⁴ந்த்³ரியபரிபா⁴விதா ஹோதி மெத்தாசேதோவிமுத்தி.
Sabbe uparimāya disāya vinipātikā averino hontu, khemino hontu, sukhino hontūti – saddhāya adhimuccati. Saddhindriyaparibhāvitā hoti mettācetovimutti.
ஸப்³பே³ உபரிமாய தி³ஸாய வினிபாதிகா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – வீரியங் பக்³க³ண்ஹாதி. வீரியிந்த்³ரியபரிபா⁴விதா ஹோதி மெத்தாசேதோவிமுத்தி.
Sabbe uparimāya disāya vinipātikā averino hontu, khemino hontu, sukhino hontūti – vīriyaṃ paggaṇhāti. Vīriyindriyaparibhāvitā hoti mettācetovimutti.
ஸதிங் உபட்டா²பேதி. ஸதிந்த்³ரியபரிபா⁴விதா ஹோதி மெத்தாசேதோவிமுத்தி. சித்தங் ஸமாத³ஹதி. ஸமாதி⁴ந்த்³ரியபரிபா⁴விதா ஹோதி மெத்தாசேதோவிமுத்தி. பஞ்ஞாய பஜானாதி. பஞ்ஞிந்த்³ரியபரிபா⁴விதா ஹோதி மெத்தாசேதோவிமுத்தி.
Satiṃ upaṭṭhāpeti. Satindriyaparibhāvitā hoti mettācetovimutti. Cittaṃ samādahati. Samādhindriyaparibhāvitā hoti mettācetovimutti. Paññāya pajānāti. Paññindriyaparibhāvitā hoti mettācetovimutti.
இமானி பஞ்சிந்த்³ரியானி மெத்தாய சேதோவிமுத்தியா ஆஸேவனா ஹொந்தி. இமேஹி பஞ்சஹி இந்த்³ரியேஹி மெத்தாசேதோவிமுத்தி ஆஸேவீயதி…பே॰… நிப்³ப³த்தெந்தி ஜோதெந்தி பதாபெந்தி.
Imāni pañcindriyāni mettāya cetovimuttiyā āsevanā honti. Imehi pañcahi indriyehi mettācetovimutti āsevīyati…pe… nibbattenti jotenti patāpenti.
ஸப்³பே³ உபரிமாய தி³ஸாய வினிபாதிகா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – அஸ்ஸத்³தி⁴யே ந கம்பதி. ஸத்³தா⁴ப³லபரிபா⁴விதா ஹோதி மெத்தாசேதோவிமுத்தி. கோஸஜ்ஜே ந கம்பதி. வீரியப³லபரிபா⁴விதா ஹோதி மெத்தாசேதோவிமுத்தி. பமாதே³ ந கம்பதி. ஸதிப³லபரிபா⁴விதா ஹோதி மெத்தாசேதோவிமுத்தி. உத்³த⁴ச்சே ந கம்பதி. ஸமாதி⁴ப³லபரிபா⁴விதா ஹோதி மெத்தாசேதோவிமுத்தி. அவிஜ்ஜாய ந கம்பதி. பஞ்ஞாப³லபரிபா⁴விதா ஹோதி மெத்தாசேதோவிமுத்தி.
Sabbe uparimāya disāya vinipātikā averino hontu, khemino hontu, sukhino hontūti – assaddhiye na kampati. Saddhābalaparibhāvitā hoti mettācetovimutti. Kosajje na kampati. Vīriyabalaparibhāvitā hoti mettācetovimutti. Pamāde na kampati. Satibalaparibhāvitā hoti mettācetovimutti. Uddhacce na kampati. Samādhibalaparibhāvitā hoti mettācetovimutti. Avijjāya na kampati. Paññābalaparibhāvitā hoti mettācetovimutti.
இமானி பஞ்ச ப³லானி மெத்தாய சேதோவிமுத்தியா ஆஸேவனா ஹொந்தி. இமேஹி பஞ்சஹி ப³லேஹி மெத்தாசேதோவிமுத்தி ஆஸேவீயதி…பே॰… நிப்³ப³த்தெந்தி ஜோதெந்தி பதாபெந்தி.
Imāni pañca balāni mettāya cetovimuttiyā āsevanā honti. Imehi pañcahi balehi mettācetovimutti āsevīyati…pe… nibbattenti jotenti patāpenti.
ஸப்³பே³ உபரிமாய தி³ஸாய வினிபாதிகா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸதிங் உபட்டா²பேதி. ஸதிஸம்பொ³ஜ்ஜ²ங்க³பரிபா⁴விதா ஹோதி மெத்தாசேதோவிமுத்தி.
Sabbe uparimāya disāya vinipātikā averino hontu, khemino hontu, sukhino hontūti – satiṃ upaṭṭhāpeti. Satisambojjhaṅgaparibhāvitā hoti mettācetovimutti.
பஞ்ஞாய பவிசினாதி. த⁴ம்மவிசயஸம்பொ³ஜ்ஜ²ங்க³பரிபா⁴விதா ஹோதி மெத்தாசேதோவிமுத்தி. வீரியங் பக்³க³ண்ஹாதி. வீரியஸம்பொ³ஜ்ஜ²ங்க³பரிபா⁴விதா ஹோதி மெத்தாசேதோவிமுத்தி. பரிளாஹங் படிப்பஸ்ஸம்பே⁴தி. பீதிஸம்பொ³ஜ்ஜ²ங்க³பரிபா⁴விதா ஹோதி மெத்தாசேதோவிமுத்தி. து³ட்டு²ல்லங் படிப்பஸ்ஸம்பே⁴தி. பஸ்ஸத்³தி⁴ஸம்பொ³ஜ்ஜ²ங்க³பரிபா⁴விதா ஹோதி மெத்தாசேதோவிமுத்தி. சித்தங் ஸமாத³ஹதி. ஸமாதி⁴ஸம்பொ³ஜ்ஜ²ங்க³பரிபா⁴விதா ஹோதி மெத்தாசேதோவிமுத்தி. ஞாணேன கிலேஸே படிஸங்கா²தி. உபெக்கா²ஸம்பொ³ஜ்ஜ²ங்க³பரிபா⁴விதா ஹோதி மெத்தாசேதோவிமுத்தி.
Paññāya pavicināti. Dhammavicayasambojjhaṅgaparibhāvitā hoti mettācetovimutti. Vīriyaṃ paggaṇhāti. Vīriyasambojjhaṅgaparibhāvitā hoti mettācetovimutti. Pariḷāhaṃ paṭippassambheti. Pītisambojjhaṅgaparibhāvitā hoti mettācetovimutti. Duṭṭhullaṃ paṭippassambheti. Passaddhisambojjhaṅgaparibhāvitā hoti mettācetovimutti. Cittaṃ samādahati. Samādhisambojjhaṅgaparibhāvitā hoti mettācetovimutti. Ñāṇena kilese paṭisaṅkhāti. Upekkhāsambojjhaṅgaparibhāvitā hoti mettācetovimutti.
இமே ஸத்த பொ³ஜ்ஜ²ங்கா³ மெத்தாய சேதோவிமுத்தியா ஆஸேவனா ஹொந்தி. இமேஹி ஸத்தஹி பொ³ஜ்ஜ²ங்கே³ஹி மெத்தாசேதோவிமுத்தி ஆஸேவீயதி…பே॰… நிப்³ப³த்தெந்தி ஜோதெந்தி பதாபெந்தி.
Ime satta bojjhaṅgā mettāya cetovimuttiyā āsevanā honti. Imehi sattahi bojjhaṅgehi mettācetovimutti āsevīyati…pe… nibbattenti jotenti patāpenti.
ஸப்³பே³ உபரிமாய தி³ஸாய வினிபாதிகா அவேரினோ ஹொந்து, கே²மினோ ஹொந்து, ஸுகி²னோ ஹொந்தூதி – ஸம்மா பஸ்ஸதி. ஸம்மாதி³ட்டி² பரிபா⁴விதா ஹோதி மெத்தாசேதோவிமுத்தி. ஸம்மா அபி⁴னிரோபேதி. ஸம்மாஸங்கப்பபரிபா⁴விதா ஹோதி மெத்தாசேதோவிமுத்தி. ஸம்மா பரிக்³க³ண்ஹாதி. ஸம்மாவாசாபரிபா⁴விதா ஹோதி மெத்தாசேதோவிமுத்தி. ஸம்மா ஸமுட்டா²பேதி. ஸம்மாகம்மந்தபரிபா⁴விதா ஹோதி மெத்தாசேதோவிமுத்தி. ஸம்மா வோதா³பேதி. ஸம்மா ஆஜீவபரிபா⁴விதா ஹோதி மெத்தாசேதோவிமுத்தி. ஸம்மா பக்³க³ண்ஹாதி. ஸம்மாவாயாமபரிபா⁴விதா ஹோதி மெத்தாசேதோவிமுத்தி. ஸம்மா உபட்டா²தி. ஸம்மாஸதிபரிபா⁴விதா ஹோதி மெத்தாசேதோவிமுத்தி. ஸம்மா ஸமாத³ஹதி. ஸம்மாஸமாதி⁴பரிபா⁴விதா ஹோதி மெத்தாசேதோவிமுத்தி.
Sabbe uparimāya disāya vinipātikā averino hontu, khemino hontu, sukhino hontūti – sammā passati. Sammādiṭṭhi paribhāvitā hoti mettācetovimutti. Sammā abhiniropeti. Sammāsaṅkappaparibhāvitā hoti mettācetovimutti. Sammā pariggaṇhāti. Sammāvācāparibhāvitā hoti mettācetovimutti. Sammā samuṭṭhāpeti. Sammākammantaparibhāvitā hoti mettācetovimutti. Sammā vodāpeti. Sammā ājīvaparibhāvitā hoti mettācetovimutti. Sammā paggaṇhāti. Sammāvāyāmaparibhāvitā hoti mettācetovimutti. Sammā upaṭṭhāti. Sammāsatiparibhāvitā hoti mettācetovimutti. Sammā samādahati. Sammāsamādhiparibhāvitā hoti mettācetovimutti.
இமே அட்ட² மக்³க³ங்கா³ மெத்தாய சேதோவிமுத்தியா ஆஸேவனா ஹொந்தி. இமேஹி அட்ட²ஹி மக்³க³ங்கே³ஹி மெத்தாசேதோவிமுத்தி ஆஸேவீயதி…பே॰… இமே அட்ட² மக்³க³ங்கா³ மெத்தாய சேதோவிமுத்தியா பரிபா⁴விதா ஹொந்தி. இமேஹி அட்ட²ஹி மக்³க³ங்கே³ஹி மெத்தாசேதோவிமுத்தி ஸுபரிவுதா ஹோதி. இமே அட்ட² மக்³க³ங்கா³ மெத்தாய சேதோவிமுத்தியா ஆஸேவனா ஹொந்தி, பா⁴வனா ஹொந்தி, ப³ஹுலீகதா ஹொந்தி, அலங்காரா ஹொந்தி, பரிக்கா²ரா ஹொந்தி, பரிவாரா ஹொந்தி, பாரிபூரீ ஹொந்தி, ஸஹக³தா ஹொந்தி, ஸஹஜாதா ஹொந்தி , ஸங்ஸட்டா² ஹொந்தி, ஸம்பயுத்தா ஹொந்தி, பக்க²ந்த³னா ஹொந்தி, பஸீத³னா ஹொந்தி, ஸந்திட்ட²னா ஹொந்தி, விமுச்சனா ஹொந்தி, ‘‘ஏதங் ஸந்த’’ந்தி ப²ஸ்ஸனா ஹொந்தி, யானீகதா ஹொந்தி, வத்து²கதா ஹொந்தி, அனுட்டி²தா ஹொந்தி, பரிசிதா ஹொந்தி, ஸுஸமாரத்³தா⁴ ஹொந்தி, ஸுபா⁴விதா ஹொந்தி, ஸ்வாதி⁴ட்டி²தா ஹொந்தி, ஸுஸமுக்³க³தா ஹொந்தி, ஸுவிமுத்தா ஹொந்தி நிப்³ப³த்தெந்தி ஜோதெந்தி பதாபெந்தீதி.
Ime aṭṭha maggaṅgā mettāya cetovimuttiyā āsevanā honti. Imehi aṭṭhahi maggaṅgehi mettācetovimutti āsevīyati…pe… ime aṭṭha maggaṅgā mettāya cetovimuttiyā paribhāvitā honti. Imehi aṭṭhahi maggaṅgehi mettācetovimutti suparivutā hoti. Ime aṭṭha maggaṅgā mettāya cetovimuttiyā āsevanā honti, bhāvanā honti, bahulīkatā honti, alaṅkārā honti, parikkhārā honti, parivārā honti, pāripūrī honti, sahagatā honti, sahajātā honti , saṃsaṭṭhā honti, sampayuttā honti, pakkhandanā honti, pasīdanā honti, santiṭṭhanā honti, vimuccanā honti, ‘‘etaṃ santa’’nti phassanā honti, yānīkatā honti, vatthukatā honti, anuṭṭhitā honti, paricitā honti, susamāraddhā honti, subhāvitā honti, svādhiṭṭhitā honti, susamuggatā honti, suvimuttā honti nibbattenti jotenti patāpentīti.
மெத்தாகதா² நிட்டி²தா.
Mettākathā niṭṭhitā.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / படிஸம்பி⁴தா³மக்³க³-அட்ட²கதா² • Paṭisambhidāmagga-aṭṭhakathā / 2-4. ப³லாதி³வாரத்தயவண்ணனா • 2-4. Balādivārattayavaṇṇanā
