| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. махааассабурасуд̇д̇аван̣н̣анаа
9. Mahāassapurasuttavaṇṇanā
415. звам̣ мз суд̇анд̇и махааассабурасуд̇д̇ам̣. д̇ад̇т̇а ан̇г̇зсууд̇и ан̇г̇аа наама ж̇аанабад̣̇ино рааж̇агумаараа, д̇зсам̣ ниваасо згоби ж̇анабад̣̇о рул̣хийсад̣̇д̣̇зна ‘‘ан̇г̇аа’’д̇и вужжад̇и, д̇асмим̣ ан̇г̇зсу ж̇анабад̣̇з. ассабурам̣ наама ан̇г̇аанам̣ ниг̇амод̇и ассабуранд̇и наг̇аранаамзна лад̣̇д̇хавохааро ан̇г̇аанам̣ ж̇анабад̣̇асса зго ниг̇амо, д̇ам̣ г̇ожараг̇аамам̣ гад̇ваа вихарад̇ийд̇и ад̇т̇о. бхаг̇аваа зд̇ад̣̇авожаад̇и зд̇ам̣ ‘‘саман̣аа саман̣аад̇и во, бхигкавз, ж̇ано сан̃ж̇аанаад̇ий’’д̇иаад̣̇иважанамавожа.
415.Evaṃme sutanti mahāassapurasuttaṃ. Tattha aṅgesūti aṅgā nāma jānapadino rājakumārā, tesaṃ nivāso ekopi janapado ruḷhīsaddena ‘‘aṅgā’’ti vuccati, tasmiṃ aṅgesu janapade. Assapuraṃ nāma aṅgānaṃ nigamoti assapuranti nagaranāmena laddhavohāro aṅgānaṃ janapadassa eko nigamo, taṃ gocaragāmaṃ katvā viharatīti attho. Bhagavā etadavocāti etaṃ ‘‘samaṇā samaṇāti vo, bhikkhave, jano sañjānātī’’tiādivacanamavoca.
гасмаа бана звам̣ авожаад̇и. д̇асмим̣ гира ниг̇амз мануссаа сад̣̇д̇хаа басаннаа б̣уд̣̇д̇хамаамагаа д̇хаммамаамагаа сан̇гхамаамагаа, д̇ад̣̇ахубаб̣б̣аж̇ид̇асааман̣зрамби вассасад̇игад̇т̇зрасад̣̇исам̣ гад̇ваа басам̣санд̇и; буб̣б̣ан̣хасамаяам̣ бхигкусан̇гхам̣ бин̣д̣ааяа бависанд̇ам̣ д̣̇исваа б̣ийж̇анан̇г̇алаад̣̇ийни г̇ахзд̇ваа кзд̇д̇ам̣ г̇ажчанд̇ааби, парасуаад̣̇ийни г̇ахзд̇ваа аран̃н̃ам̣ бависанд̇ааби д̇аани убагаран̣аани нигкибид̇ваа бхигкусан̇гхасса нисийд̣̇анадтаанам̣ аасанасаалам̣ ваа ман̣д̣абам̣ ваа ругкамуулам̣ ваа саммаж̇ж̇ид̇ваа аасанаани бан̃н̃абзд̇ваа араж̇абаанийяам̣ бажжубадтаабзд̇ваа бхигкусан̇гхам̣ нисийд̣̇аабзд̇ваа яааг̇укаж̇ж̇агаад̣̇ийни д̣̇ад̇ваа гад̇абхад̇д̇агижжам̣ бхигкусан̇гхам̣ уяяож̇зд̇ваа д̇ад̇о д̇аани убагаран̣аани аад̣̇ааяа кзд̇д̇ам̣ ваа аран̃н̃ам̣ ваа г̇анд̇ваа ад̇д̇ано гаммаани гаронд̇и, гамманд̇адтаанзби нзсам̣ ан̃н̃аа гат̇аа наама над̇т̇и. жад̇д̇ааро маг̇г̇адтаа жад̇д̇ааро паладтаад̇и адта буг̇г̇алаа арияасан̇гхо наама; д̇з ‘‘зваруубзна сийлзна, зваруубзна аажаарзна, зваруубааяа бадибад̇д̇ияаа саманнааг̇ад̇аа лаж̇ж̇ино бзсалаа ул̣аараг̇ун̣аа’’д̇и бхигкусан̇гхассзва ван̣н̣ам̣ гат̇знд̇и. гамманд̇адтаанад̇о ааг̇анд̇ваа бхуд̇д̇асааяамаасаа гхарад̣̇ваарз нисиннааби, саяанигхарам̣ бависид̇ваа нисиннааби бхигкусан̇гхассзва ван̣н̣ам̣ гат̇знд̇и. бхаг̇аваа д̇зсам̣ мануссаанам̣ нибажжагаарам̣ д̣̇исваа бхигкусан̇гхам̣ бин̣д̣абаад̇аабажааяанз нияож̇зд̇ваа зд̇ад̣̇авожа.
Kasmā pana evaṃ avocāti. Tasmiṃ kira nigame manussā saddhā pasannā buddhamāmakā dhammamāmakā saṅghamāmakā, tadahupabbajitasāmaṇerampi vassasatikattherasadisaṃ katvā pasaṃsanti; pubbaṇhasamayaṃ bhikkhusaṅghaṃ piṇḍāya pavisantaṃ disvā bījanaṅgalādīni gahetvā khettaṃ gacchantāpi, pharasuādīni gahetvā araññaṃ pavisantāpi tāni upakaraṇāni nikkhipitvā bhikkhusaṅghassa nisīdanaṭṭhānaṃ āsanasālaṃ vā maṇḍapaṃ vā rukkhamūlaṃ vā sammajjitvā āsanāni paññapetvā arajapānīyaṃ paccupaṭṭhāpetvā bhikkhusaṅghaṃ nisīdāpetvā yāgukhajjakādīni datvā katabhattakiccaṃ bhikkhusaṅghaṃ uyyojetvā tato tāni upakaraṇāni ādāya khettaṃ vā araññaṃ vā gantvā attano kammāni karonti, kammantaṭṭhānepi nesaṃ aññā kathā nāma natthi. Cattāro maggaṭṭhā cattāro phalaṭṭhāti aṭṭha puggalā ariyasaṅgho nāma; te ‘‘evarūpena sīlena, evarūpena ācārena, evarūpāya paṭipattiyā samannāgatā lajjino pesalā uḷāraguṇā’’ti bhikkhusaṅghasseva vaṇṇaṃ kathenti. Kammantaṭṭhānato āgantvā bhuttasāyamāsā gharadvāre nisinnāpi, sayanigharaṃ pavisitvā nisinnāpi bhikkhusaṅghasseva vaṇṇaṃ kathenti. Bhagavā tesaṃ manussānaṃ nipaccakāraṃ disvā bhikkhusaṅghaṃ piṇḍapātāpacāyane niyojetvā etadavoca.
яз д̇хаммаа саман̣агаран̣аа жа б̣раахман̣агаран̣аа жаад̇и яз д̇хаммаа самаад̣̇ааяа барибуурид̇аа самид̇абаабасаман̣ан̃жа б̣аахид̇абаабаб̣раахман̣ан̃жа гаронд̇ийд̇и ад̇т̇о. ‘‘д̇ийн̣имаани, бхигкавз, саман̣асса саман̣ияаани саман̣агаран̣ийяаани . гад̇амаани д̇ийн̣и? ад̇хисийласигкаасамаад̣̇аанам̣, ад̇хижид̇д̇асигкаасамаад̣̇аанам̣ , ад̇хибан̃н̃аасигкаасамаад̣̇аана’’нд̇и (а. ни. 3.82) зд̇т̇а бана саман̣зна гад̇д̇аб̣б̣ад̇хаммаа вуд̇д̇аа. д̇зби жа саман̣агаран̣аа хонд̇иязва. ид̇ха бана хирод̇д̇аббаад̣̇ивасзна д̣̇зсанаа вид̇т̇аарид̇аа. звам̣ но аяам̣ амхааганд̇и зд̇т̇а нод̇и нибаад̇амад̇д̇ам̣. звам̣ аяам̣ амхааганд̇и ад̇т̇о. махабпалаа махаанисам̣саад̇и убхаяамби ад̇т̇ад̇о згамзва. аван̃жхаад̇и амогхаа. сапалаад̇и аяам̣ д̇ассзва ад̇т̇о. яассаа хи палам̣ над̇т̇и, саа ван̃жхаа наама ход̇и. сауд̣̇раяаад̇и савад̣дхи, ид̣̇ам̣ сапалад̇ааяа взважанам̣. зван̃хи во, бхигкавз, сигкид̇аб̣б̣анд̇и, бхигкавз, звам̣ д̇умхзхи сигкид̇аб̣б̣ам̣. ид̇и бхаг̇аваа иминаа зд̇д̇агзна таанзна хирод̇д̇аббаад̣̇ийнам̣ д̇хаммаанам̣ ван̣н̣ам̣ гат̇зси. гасмаа? важанабат̇абажчинд̣̇анад̇т̇ам̣. сажз хи гожи ажирабаб̣б̣аж̇ид̇о б̣аалабхигку звам̣ вад̣̇зяяа – ‘‘бхаг̇аваа хирод̇д̇аббаад̣̇ид̇хаммз самаад̣̇ааяа вад̇д̇ат̇аад̇и вад̣̇ад̇и, го ну ко д̇зсам̣ самаад̣̇ааяа вад̇д̇анз аанисам̣со’’д̇и? д̇асса важанабат̇абажчинд̣̇анад̇т̇ам̣. аяан̃жа аанисам̣со, имз хи д̇хаммаа самаад̣̇ааяа барибуурид̇аа самид̇абаабасаман̣ам̣ наама б̣аахид̇абаабаб̣раахман̣ам̣ наама гаронд̇и, жад̇убажжаяалаабхам̣ уббаад̣̇знд̇и, бажжаяад̣̇ааяагаанам̣ махабпалад̇ам̣ самбаад̣̇знд̇и, баб̣б̣аж̇ж̇ам̣ аван̃жхам̣ сапалам̣ сауд̣̇раяам̣ гаронд̇ийд̇и ван̣н̣ам̣ абхааси. аяамзд̇т̇а сан̇кзбо. вид̇т̇аарад̇о бана ван̣н̣агат̇аа сад̇ибадтаанз (д̣̇ий. ни. адта. 2.373; ма. ни. адта. 2.373) вуд̇д̇анаязнзва взд̣̇ид̇аб̣б̣аа.
Ye dhammā samaṇakaraṇā ca brāhmaṇakaraṇā cāti ye dhammā samādāya paripūritā samitapāpasamaṇañca bāhitapāpabrāhmaṇañca karontīti attho. ‘‘Tīṇimāni, bhikkhave, samaṇassa samaṇiyāni samaṇakaraṇīyāni . Katamāni tīṇi? Adhisīlasikkhāsamādānaṃ, adhicittasikkhāsamādānaṃ , adhipaññāsikkhāsamādāna’’nti (a. ni. 3.82) ettha pana samaṇena kattabbadhammā vuttā. Tepi ca samaṇakaraṇā hontiyeva. Idha pana hirottappādivasena desanā vitthāritā. Evaṃ no ayaṃ amhākanti ettha noti nipātamattaṃ. Evaṃ ayaṃ amhākanti attho. Mahapphalā mahānisaṃsāti ubhayampi atthato ekameva. Avañjhāti amoghā. Saphalāti ayaṃ tasseva attho. Yassā hi phalaṃ natthi, sā vañjhā nāma hoti. Saudrayāti savaḍḍhi, idaṃ saphalatāya vevacanaṃ. Evañhi vo, bhikkhave, sikkhitabbanti, bhikkhave, evaṃ tumhehi sikkhitabbaṃ. Iti bhagavā iminā ettakena ṭhānena hirottappādīnaṃ dhammānaṃ vaṇṇaṃ kathesi. Kasmā? Vacanapathapacchindanatthaṃ. Sace hi koci acirapabbajito bālabhikkhu evaṃ vadeyya – ‘‘bhagavā hirottappādidhamme samādāya vattathāti vadati, ko nu kho tesaṃ samādāya vattane ānisaṃso’’ti? Tassa vacanapathapacchindanatthaṃ. Ayañca ānisaṃso, ime hi dhammā samādāya paripūritā samitapāpasamaṇaṃ nāma bāhitapāpabrāhmaṇaṃ nāma karonti, catupaccayalābhaṃ uppādenti, paccayadāyakānaṃ mahapphalataṃ sampādenti, pabbajjaṃ avañjhaṃ saphalaṃ saudrayaṃ karontīti vaṇṇaṃ abhāsi. Ayamettha saṅkhepo. Vitthārato pana vaṇṇakathā satipaṭṭhāne (dī. ni. aṭṭha. 2.373; ma. ni. aṭṭha. 2.373) vuttanayeneva veditabbā.
416. хирод̇д̇аббзнаад̇и ‘‘яам̣ хирийяад̇и хирийяид̇аб̣б̣зна, од̇д̇аббад̇и од̇д̇аббид̇аб̣б̣знаа’’д̇и (д̇ха. са. 1331) звам̣ вид̇т̇аарид̇ааяа хирияаа жзва од̇д̇аббзна жа. абижзд̇т̇а аж̇жхад̇д̇асамудтаанаа хирий, б̣ахид̣̇д̇хаасамудтаанам̣ од̇д̇аббам̣. ад̇д̇аад̇хибад̇зяяаа хирий, логаад̇хибад̇зяяам̣ од̇д̇аббам̣. лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇аббам̣, вид̇т̇аарагат̇аа банзд̇т̇а саб̣б̣аагаарзна висуд̣̇д̇химаг̇г̇з вуд̇д̇аа. абижа имз д̣̇вз д̇хаммаа логам̣ бааланад̇о логабаалад̇хаммаа наамаад̇и гат̇ид̇аа. яат̇ааха – ‘‘д̣̇взмз, бхигкавз, суггаа д̇хаммаа логам̣ баалзнд̇и. гад̇амз д̣̇вз? хирий жа од̇д̇аббан̃жа . имз ко, бхигкавз, д̣̇вз суггаа д̇хаммаа логам̣ баалзнд̇и. имз жа ко, бхигкавз, д̣̇вз суггаа д̇хаммаа логам̣ на баалзяяум̣, наяид̇ха бан̃н̃ааязт̇а, ‘маад̇аа’д̇и ваа, ‘маад̇ужчаа’д̇и ваа, ‘маад̇улааний’д̇и ваа, ‘аажарияабхарияаа’д̇и ваа, ‘г̇аруунам̣ д̣̇аараа’д̇и ваа, самбхзд̣̇ам̣ лого аг̇амисса, яат̇аа аж̇зл̣агаа гуггудасуугараа сон̣асин̇г̇аалаа’’д̇и (а. ни. 2.9). имзязва ж̇аад̇агз ‘‘д̣̇звад̇хаммаа’’д̇и гат̇ид̇аа. яат̇ааха –
416.Hirottappenāti ‘‘yaṃ hirīyati hirīyitabbena, ottappati ottappitabbenā’’ti (dha. sa. 1331) evaṃ vitthāritāya hiriyā ceva ottappena ca. Apicettha ajjhattasamuṭṭhānā hirī, bahiddhāsamuṭṭhānaṃ ottappaṃ. Attādhipateyyā hirī, lokādhipateyyaṃ ottappaṃ. Lajjāsabhāvasaṇṭhitā hirī, bhayasabhāvasaṇṭhitaṃ ottappaṃ, vitthārakathā panettha sabbākārena visuddhimagge vuttā. Apica ime dve dhammā lokaṃ pālanato lokapāladhammā nāmāti kathitā. Yathāha – ‘‘dveme, bhikkhave, sukkā dhammā lokaṃ pālenti. Katame dve? Hirī ca ottappañca . Ime kho, bhikkhave, dve sukkā dhammā lokaṃ pālenti. Ime ca kho, bhikkhave, dve sukkā dhammā lokaṃ na pāleyyuṃ, nayidha paññāyetha, ‘mātā’ti vā, ‘mātucchā’ti vā, ‘mātulānī’ti vā, ‘ācariyabhariyā’ti vā, ‘garūnaṃ dārā’ti vā, sambhedaṃ loko agamissa, yathā ajeḷakā kukkuṭasūkarā soṇasiṅgālā’’ti (a. ni. 2.9). Imeyeva jātake ‘‘devadhammā’’ti kathitā. Yathāha –
‘‘хириод̇д̇аббасамбаннаа , суггад̇хаммасамаахид̇аа;
‘‘Hiriottappasampannā , sukkadhammasamāhitā;
санд̇о саббурисаа логз, д̣̇звад̇хаммаад̇и вужжарз’’д̇и. (ж̇аа. 1.1.6);
Santo sappurisā loke, devadhammāti vuccare’’ti. (jā. 1.1.6);
махаажунд̣̇ад̇т̇зрасса бана гилзсасаллзканабадибад̣̇аад̇и гад̇ваа д̣̇ассид̇аа. яат̇ааха – ‘‘барз ахиригаа бхависсанд̇и, маяамзд̇т̇а хириманаа бхависсаамаад̇и саллзко гаран̣ийяо. барз анод̇д̇аабий бхависсанд̇и, маяамзд̇т̇а од̇д̇аабий бхависсаамаад̇и саллзко гаран̣ийяо’’д̇и (ма. ни. 1.83). имзва махаагассабад̇т̇зрасса оваад̣̇уубасамбад̣̇аад̇и гад̇ваа д̣̇ассид̇аа. вуд̇д̇ан̃хзд̇ам̣ – ‘‘д̇асмаа д̇иха д̇з, гассаба, звам̣ сигкид̇аб̣б̣ам̣, д̇иб̣б̣ам̣ мз хирод̇д̇аббам̣ бажжубадтид̇ам̣ бхависсад̇и т̇зрзсу навзсу маж̇жхимзсууд̇и. зван̃хи д̇з, гассаба, сигкид̇аб̣б̣а’’нд̇и (сам̣. ни. 2.154). ид̇ха банзд̇з саман̣ад̇хаммаа наамаад̇и д̣̇ассид̇аа.
Mahācundattherassa pana kilesasallekhanapaṭipadāti katvā dassitā. Yathāha – ‘‘pare ahirikā bhavissanti, mayamettha hirimanā bhavissāmāti sallekho karaṇīyo. Pare anottāpī bhavissanti, mayamettha ottāpī bhavissāmāti sallekho karaṇīyo’’ti (ma. ni. 1.83). Imeva mahākassapattherassa ovādūpasampadāti katvā dassitā. Vuttañhetaṃ – ‘‘tasmā tiha te, kassapa, evaṃ sikkhitabbaṃ, tibbaṃ me hirottappaṃ paccupaṭṭhitaṃ bhavissati theresu navesu majjhimesūti. Evañhi te, kassapa, sikkhitabba’’nti (saṃ. ni. 2.154). Idha panete samaṇadhammā nāmāti dassitā.
яасмаа бана зд̇д̇аавад̇аа сааман̃н̃ад̇т̇о мад̇т̇агам̣ бад̇д̇о наама ход̇и, д̇асмаа абарзби саман̣агаран̣ад̇хаммз д̣̇ассзд̇ум̣ сияаа ко бана, бхигкавз, д̇умхааганд̇иаад̣̇имааха. д̇ад̇т̇а сааман̃н̃ад̇т̇од̇и сам̣яуд̇д̇агз д̇аава, ‘‘гад̇аман̃жа, бхигкавз, сааман̃н̃ам̣? аяамзва арияо адтан̇г̇иго маг̇г̇о. сзяяат̇ид̣̇ам̣, саммаад̣̇идти…бз… саммаасамаад̇хи, ид̣̇ам̣ вужжад̇и, бхигкавз, сааман̃н̃ам̣. гад̇амо жа, бхигкавз, сааман̃н̃ад̇т̇о? яо, бхигкавз, рааг̇агкаяо д̣̇осагкаяо мохагкаяо, аяам̣ вужжад̇и, бхигкавз, сааман̃н̃ад̇т̇о’’д̇и (сам̣. ни. 5.36) маг̇г̇о ‘‘сааман̃н̃а’’нд̇и, паланиб̣б̣аанаани ‘‘сааман̃н̃ад̇т̇о’’д̇и вуд̇д̇аани. имасмим̣ бана таанз маг̇г̇амби паламби згад̇о гад̇ваа сааман̃н̃ад̇т̇о гат̇ид̇од̇и взд̣̇ид̇аб̣б̣о. аарожаяаамийд̇и гат̇зми. бадивзд̣̇аяаамийд̇и ж̇аанаабзми.
Yasmā pana ettāvatā sāmaññattho matthakaṃ patto nāma hoti, tasmā aparepi samaṇakaraṇadhamme dassetuṃ siyā kho pana, bhikkhave, tumhākantiādimāha. Tattha sāmaññatthoti saṃyuttake tāva, ‘‘katamañca, bhikkhave, sāmaññaṃ? Ayameva ariyo aṭṭhaṅgiko maggo. Seyyathidaṃ, sammādiṭṭhi…pe… sammāsamādhi, idaṃ vuccati, bhikkhave, sāmaññaṃ. Katamo ca, bhikkhave, sāmaññattho? Yo, bhikkhave, rāgakkhayo dosakkhayo mohakkhayo, ayaṃ vuccati, bhikkhave, sāmaññattho’’ti (saṃ. ni. 5.36) maggo ‘‘sāmañña’’nti, phalanibbānāni ‘‘sāmaññattho’’ti vuttāni. Imasmiṃ pana ṭhāne maggampi phalampi ekato katvā sāmaññattho kathitoti veditabbo. Ārocayāmīti kathemi. Paṭivedayāmīti jānāpemi.
417. барисуд̣̇д̇хо но гааяасамаажаарод̇и зд̇т̇а гааяасамаажааро барисуд̣̇д̇хо абарисуд̣̇д̇ход̇и д̣̇увид̇хо. яо хи бхигку баан̣ам̣ ханад̇и ад̣̇иннам̣ аад̣̇ияад̇и, гаамзсу мижчаа жарад̇и, д̇асса гааяасамаажааро абарисуд̣̇д̇хо наама, аяам̣ бана гаммабат̇авасзнзва ваарид̇о. яо бана баан̣инаа ваа лзд̣д̣унаа ваа д̣̇ан̣д̣зна ваа сад̇т̇зна ваа барам̣ бот̇зд̇и вихзтзд̇и, д̇асса гааяасамаажааро абарисуд̣̇д̇хо наама, аяамби сигкаабад̣̇аб̣ад̣̇д̇хзнзва бадигкид̇д̇о. имасмим̣ суд̇д̇з убхаяамбзд̇ам̣ агат̇зд̇ваа барамасаллзко наама гат̇ид̇о. яо хи бхигку баанийяагхадз ваа баанийяам̣ биванд̇аанам̣, бад̇д̇з ваа бхад̇д̇ам̣ бхун̃ж̇анд̇аанам̣ гаагаанам̣ нивааран̣авасзна хад̇т̇ам̣ ваа д̣̇ан̣д̣ам̣ ваа лзд̣д̣ум̣ ваа уг̇г̇ирад̇и, д̇асса гааяасамаажааро абарисуд̣̇д̇хо. вибарийд̇о барисуд̣̇д̇хо наама. уд̇д̇аанод̇и уг̇г̇ад̇о баагадо. вивадод̇и анаавадо асан̃чанно. убхаязнааби барисуд̣̇д̇хад̇ам̣язва д̣̇ийбзд̇и. на жа чид̣̇д̣̇аваад̇и сад̣̇аа згасад̣̇исо анд̇аранд̇арз чид̣̇д̣̇арахид̇о. сам̣вуд̇од̇и гилзсаанам̣ д̣̇ваара бид̣̇аханзна бид̣̇ахид̇о, на важ̇ж̇абадижчаад̣̇анад̇т̇ааяа.
417.Parisuddho no kāyasamācāroti ettha kāyasamācāro parisuddho aparisuddhoti duvidho. Yo hi bhikkhu pāṇaṃ hanati adinnaṃ ādiyati, kāmesu micchā carati, tassa kāyasamācāro aparisuddho nāma, ayaṃ pana kammapathavaseneva vārito. Yo pana pāṇinā vā leḍḍunā vā daṇḍena vā satthena vā paraṃ potheti viheṭheti, tassa kāyasamācāro aparisuddho nāma, ayampi sikkhāpadabaddheneva paṭikkhitto. Imasmiṃ sutte ubhayampetaṃ akathetvā paramasallekho nāma kathito. Yo hi bhikkhu pānīyaghaṭe vā pānīyaṃ pivantānaṃ, patte vā bhattaṃ bhuñjantānaṃ kākānaṃ nivāraṇavasena hatthaṃ vā daṇḍaṃ vā leḍḍuṃ vā uggirati, tassa kāyasamācāro aparisuddho. Viparīto parisuddho nāma. Uttānoti uggato pākaṭo. Vivaṭoti anāvaṭo asañchanno. Ubhayenāpi parisuddhataṃyeva dīpeti. Na ca chiddavāti sadā ekasadiso antarantare chiddarahito. Saṃvutoti kilesānaṃ dvāra pidahanena pidahito, na vajjapaṭicchādanatthāya.
418. важийсамаажаарзби яо бхигку мусаа вад̣̇ад̇и, бисун̣ам̣ гат̇зд̇и, парусам̣ бхаасад̇и, сампам̣ балабад̇и, д̇асса важийсамаажааро абарисуд̣̇д̇хо наама. аяам̣ бана гаммабат̇авасзна ваарид̇о. яо бана г̇ахабад̇игаад̇и ваа д̣̇аасаад̇и ваа бзссаад̇и ваа аад̣̇ийхи кум̣сзнд̇о вад̣̇ад̇и, д̇асса важийсамаажааро абарисуд̣̇д̇хо наама. аяам̣ бана сигкаабад̣̇аб̣ад̣̇д̇хзнзва бадигкид̇д̇о. имасмим̣ суд̇д̇з убхаяамбзд̇ам̣ агат̇зд̇ваа барамасаллзко наама гат̇ид̇о. яо хи бхигку д̣̇ахарзна ваа сааман̣зрзна ваа, ‘‘гажжи, бханд̇з, амхаагам̣ убаж̇жхааяам̣ бассат̇аа’’д̇и вуд̇д̇з, самб̣ахулаа, аавусо, бхигкубхигкунияо згасмим̣ бад̣̇зсз вижад̣̇им̣су, убаж̇жхааяо д̇з виггааяигасаагабхан̣д̣игам̣ угкибид̇ваа г̇ад̇о бхависсад̇ий’’д̇иаад̣̇инаа наязна хасаад̇хиббааяоби зваруубам̣ гат̇ам̣ гат̇зд̇и, д̇асса важийсамаажааро абарисуд̣̇д̇хо. вибарийд̇о барисуд̣̇д̇хо наама.
418.Vacīsamācārepi yo bhikkhu musā vadati, pisuṇaṃ katheti, pharusaṃ bhāsati, samphaṃ palapati, tassa vacīsamācāro aparisuddho nāma. Ayaṃ pana kammapathavasena vārito. Yo pana gahapatikāti vā dāsāti vā pessāti vā ādīhi khuṃsento vadati, tassa vacīsamācāro aparisuddho nāma. Ayaṃ pana sikkhāpadabaddheneva paṭikkhitto. Imasmiṃ sutte ubhayampetaṃ akathetvā paramasallekho nāma kathito. Yo hi bhikkhu daharena vā sāmaṇerena vā, ‘‘kacci, bhante, amhākaṃ upajjhāyaṃ passathā’’ti vutte, sambahulā, āvuso, bhikkhubhikkhuniyo ekasmiṃ padese vicadiṃsu, upajjhāyo te vikkāyikasākabhaṇḍikaṃ ukkhipitvā gato bhavissatī’’tiādinā nayena hasādhippāyopi evarūpaṃ kathaṃ katheti, tassa vacīsamācāro aparisuddho. Viparīto parisuddho nāma.
419. маносамаажаарз яо бхигку абхиж̇жхаалу б̣яаабаннажид̇д̇о мижчаад̣̇идтиго ход̇и, д̇асса маносамаажааро абарисуд̣̇д̇хо наама. аяам̣ бана гаммабат̇авасзнзва ваарид̇о. яо бана убанигкид̇д̇ам̣ ж̇аад̇аруубараж̇ад̇ам̣ саад̣̇ияад̇и, д̇асса маносамаажааро абарисуд̣̇д̇хо наама. аяамби сигкаабад̣̇аб̣ад̣̇д̇хзнзва бадигкид̇д̇о. имасмим̣ суд̇д̇з убхаяамбзд̇ам̣ агат̇зд̇ваа барамасаллзко наама гат̇ид̇о. яо бана бхигку гаамавид̇аггам̣ ваа б̣яаабаад̣̇авид̇аггам̣ ваа вихим̣саавид̇аггам̣ ваа вид̇аггзд̇и, д̇асса маносамаажааро абарисуд̣̇д̇хо. вибарийд̇о барисуд̣̇д̇хо наама.
419.Manosamācāre yo bhikkhu abhijjhālu byāpannacitto micchādiṭṭhiko hoti, tassa manosamācāro aparisuddho nāma. Ayaṃ pana kammapathavaseneva vārito. Yo pana upanikkhittaṃ jātarūparajataṃ sādiyati, tassa manosamācāro aparisuddho nāma. Ayampi sikkhāpadabaddheneva paṭikkhitto. Imasmiṃ sutte ubhayampetaṃ akathetvā paramasallekho nāma kathito. Yo pana bhikkhu kāmavitakkaṃ vā byāpādavitakkaṃ vā vihiṃsāvitakkaṃ vā vitakketi, tassa manosamācāro aparisuddho. Viparīto parisuddho nāma.
420. ааж̇ийвасмим̣ яо бхигку ааж̇ийвахзд̇у взж̇ж̇агаммам̣ бахин̣аг̇аманам̣ г̇ан̣д̣апааланам̣ гарод̇и, арумагканам̣ д̣̇зд̇и, д̇злам̣ бажад̇ийд̇и згавийсад̇ианзсанаавасзна ж̇ийвигам̣ габбзд̇и. яо ваа бана вин̃н̃аабзд̇ваа бхун̃ж̇ад̇и, д̇асса ааж̇ийво абарисуд̣̇д̇хо наама. аяам̣ бана сигкаабад̣̇аб̣ад̣̇д̇хзнзва бадигкид̇д̇о. имасмим̣ суд̇д̇з убхаяамбзд̇ам̣ агат̇зд̇ваа барамасаллзко наама гат̇ид̇о. яо хи бхигку саббинаванийд̇ад̇зламад̇хупаан̣ид̇аад̣̇ийни лабхид̇ваа, ‘‘свз ваа бунад̣̇ивасз ваа бхависсад̇ий’’д̇и саннид̇хигаарагам̣ барибхун̃ж̇ад̇и, яо ваа бана нимб̣ан̇гураад̣̇ийни д̣̇исваа сааман̣зрз вад̣̇ад̇и – ‘‘ам̣н̇гурз каад̣̇ат̇аа’’д̇и, сааман̣зраа т̇зро каад̣̇ид̇угаамод̇и габбияам̣ гад̇ваа д̣̇знд̇и, д̣̇ахарз бана сааман̣зрз ваа баанийяам̣ биват̇а, аавусод̇и вад̣̇ад̇и, д̇з т̇зро баанийяам̣ бивид̇угаамод̇и баанийяасан̇кам̣ д̇ховид̇ваа д̣̇знд̇и, д̇амби барибхун̃ж̇анд̇асса ааж̇ийво абарисуд̣̇д̇хо наама ход̇и. вибарийд̇о барисуд̣̇д̇хо наама.
420. Ājīvasmiṃ yo bhikkhu ājīvahetu vejjakammaṃ pahiṇagamanaṃ gaṇḍaphālanaṃ karoti, arumakkhanaṃ deti, telaṃ pacatīti ekavīsatianesanāvasena jīvikaṃ kappeti. Yo vā pana viññāpetvā bhuñjati, tassa ājīvo aparisuddho nāma. Ayaṃ pana sikkhāpadabaddheneva paṭikkhitto. Imasmiṃ sutte ubhayampetaṃ akathetvā paramasallekho nāma kathito. Yo hi bhikkhu sappinavanītatelamadhuphāṇitādīni labhitvā, ‘‘sve vā punadivase vā bhavissatī’’ti sannidhikārakaṃ paribhuñjati, yo vā pana nimbaṅkurādīni disvā sāmaṇere vadati – ‘‘aṃṅkure khādathā’’ti, sāmaṇerā thero khāditukāmoti kappiyaṃ katvā denti, dahare pana sāmaṇere vā pānīyaṃ pivatha, āvusoti vadati, te thero pānīyaṃ pivitukāmoti pānīyasaṅkhaṃ dhovitvā denti, tampi paribhuñjantassa ājīvo aparisuddho nāma hoti. Viparīto parisuddho nāma.
422. мад̇д̇ан̃н̃ууд̇и бариязсанабадиг̇г̇ахан̣абарибхог̇зсу мад̇д̇ан̃н̃уу, яуд̇д̇ан̃н̃уу, бамаан̣ан̃н̃уу.
422.Mattaññūti pariyesanapaṭiggahaṇaparibhogesu mattaññū, yuttaññū, pamāṇaññū.
423. ж̇ааг̇арияамануяуд̇д̇аад̇и рад̇д̇инд̣̇ивам̣ ча годтаасз гад̇ваа згасмим̣ годтаасз нид̣̇д̣̇ааяа огаасам̣ д̣̇ад̇ваа бан̃жа годтаасз ж̇ааг̇арияамхи яуд̇д̇аа баяуд̇д̇аа. сийхасзяяанд̇и зд̇т̇а гаамабхог̇исзяяаа, бзд̇асзяяаа, сийхасзяяаа, д̇ат̇ааг̇ад̇асзяяаад̇и жад̇ассо сзяяаа. д̇ад̇т̇а ‘‘язбхуяязна, бхигкавз, гаамабхог̇ий сад̇д̇аа ваамзна бассзна сзнд̇ий’’д̇и (а. ни. 4.246) аяам̣ гаамабхог̇исзяяаа, д̇зсу хи язбхуяязна д̣̇агкин̣абассзна саяаано наама над̇т̇и.
423.Jāgariyamanuyuttāti rattindivaṃ cha koṭṭhāse katvā ekasmiṃ koṭṭhāse niddāya okāsaṃ datvā pañca koṭṭhāse jāgariyamhi yuttā payuttā. Sīhaseyyanti ettha kāmabhogiseyyā, petaseyyā, sīhaseyyā, tathāgataseyyāti catasso seyyā. Tattha ‘‘yebhuyyena, bhikkhave, kāmabhogī sattā vāmena passena sentī’’ti (a. ni. 4.246) ayaṃ kāmabhogiseyyā, tesu hi yebhuyyena dakkhiṇapassena sayāno nāma natthi.
‘‘язбхуяязна, бхигкавз, бзд̇аа уд̇д̇аанаа сзнд̇ий’’д̇и (а. ни. 4.246) аяам̣ бзд̇асзяяаа, бзд̇аа хи аббамам̣салохид̇ад̇д̇аа адтисан̇гхаад̇аж̇адид̇аа згзна бассзна саяид̇ум̣ на саггонд̇и, уд̇д̇аанаава сзнд̇и.
‘‘Yebhuyyena, bhikkhave, petā uttānā sentī’’ti (a. ni. 4.246) ayaṃ petaseyyā, petā hi appamaṃsalohitattā aṭṭhisaṅghātajaṭitā ekena passena sayituṃ na sakkonti, uttānāva senti.
‘‘язбхуяязна , бхигкавз, сийхо миг̇арааж̇аа нан̇г̇удтам̣ анд̇арасад̇т̇имхи анубагкибид̇ваа д̣̇агкин̣зна бассзна сзд̇ий’’д̇и (а. ни. 4.246) аяам̣ сийхасзяяаа. д̇зж̇уссад̣̇ад̇д̇аа хи сийхо миг̇арааж̇аа д̣̇вз буримабаад̣̇з згасмим̣ таанз бажчимабаад̣̇з згасмим̣ табзд̇ваа нан̇г̇удтам̣ анд̇арасад̇т̇имхи багкибид̇ваа буримабаад̣̇абажчимабаад̣̇анан̇г̇удтаанам̣ тид̇огаасам̣ саллагкзд̇ваа д̣̇виннам̣ буримабаад̣̇аанам̣ мад̇т̇агз сийсам̣ табзд̇ваа саяад̇и . д̣̇ивасамби саяид̇ваа баб̣уж̇жхамаано на уд̇раасанд̇о баб̣уж̇жхад̇и. сийсам̣ бана угкибид̇ваа буримабаад̣̇аанам̣ тид̇огаасам̣ саллагкзд̇и. сажз гин̃жи таанам̣ виж̇ахид̇ваа тид̇ам̣ ход̇и, ‘‘наяид̣̇ам̣ д̇уяхам̣ ж̇аад̇ияаа, на суурабхаавасса жа анурууба’’нд̇и анад̇д̇амано худ̇ваа д̇ад̇т̇зва саяад̇и, на г̇ожарааяа баггамад̇и. авиж̇ахид̇ваа тид̇з бана ‘‘д̇уяхам̣ ж̇аад̇ияаа суурабхаавасса жа ануруубамид̣̇а’’нд̇и хадтад̇удто удтааяа сийхавиж̇амбхид̇ам̣ виж̇амбхид̇ваа гзсарабхаарам̣ вид̇хунид̇ваа д̇игкад̇д̇ум̣ сийханаад̣̇ам̣ над̣̇ид̇ваа г̇ожарааяа баггамад̇и. жад̇уд̇т̇аж̇жхаанасзяяаа бана д̇ат̇ааг̇ад̇асзяяаад̇и вужжад̇и. д̇аасу ид̇ха сийхасзяяаа ааг̇ад̇аа. аяан̃хи д̇зж̇уссад̣̇аирияаабат̇ад̇д̇аа уд̇д̇амасзяяаа наама. баад̣̇з баад̣̇анд̇и д̣̇агкин̣абаад̣̇з ваамабаад̣̇ам̣. ажжаад̇хааяаад̇и ад̇иаад̇хааяа ийсагам̣ ад̇иггамма табзд̇ваа, г̇обпагзна хи г̇обпагз, ж̇аан̣унаа ваа ж̇аан̣умхи сан̇гхаддияамаанз абхин̣хам̣ взд̣̇анаа уббаж̇ж̇ад̇и, жид̇д̇ам̣ згаг̇г̇ам̣ на ход̇и, сзяяаа апаасугаа ход̇и. яат̇аа бана на сан̇гхаддзд̇и, звам̣ ад̇иггамма табид̇з взд̣̇анаа нуббаж̇ж̇ад̇и, жид̇д̇ам̣ згаг̇г̇ам̣ ход̇и, сзяяаа паасугаа ход̇и, д̇асмаа звамааха.
‘‘Yebhuyyena , bhikkhave, sīho migarājā naṅguṭṭhaṃ antarasatthimhi anupakkhipitvā dakkhiṇena passena setī’’ti (a. ni. 4.246) ayaṃ sīhaseyyā. Tejussadattā hi sīho migarājā dve purimapāde ekasmiṃ ṭhāne pacchimapāde ekasmiṃ ṭhapetvā naṅguṭṭhaṃ antarasatthimhi pakkhipitvā purimapādapacchimapādanaṅguṭṭhānaṃ ṭhitokāsaṃ sallakkhetvā dvinnaṃ purimapādānaṃ matthake sīsaṃ ṭhapetvā sayati . Divasampi sayitvā pabujjhamāno na utrāsanto pabujjhati. Sīsaṃ pana ukkhipitvā purimapādānaṃ ṭhitokāsaṃ sallakkheti. Sace kiñci ṭhānaṃ vijahitvā ṭhitaṃ hoti, ‘‘nayidaṃ tuyhaṃ jātiyā, na sūrabhāvassa ca anurūpa’’nti anattamano hutvā tattheva sayati, na gocarāya pakkamati. Avijahitvā ṭhite pana ‘‘tuyhaṃ jātiyā sūrabhāvassa ca anurūpamida’’nti haṭṭhatuṭṭho uṭṭhāya sīhavijambhitaṃ vijambhitvā kesarabhāraṃ vidhunitvā tikkhattuṃ sīhanādaṃ naditvā gocarāya pakkamati. Catutthajjhānaseyyā pana tathāgataseyyāti vuccati. Tāsu idha sīhaseyyā āgatā. Ayañhi tejussadairiyāpathattā uttamaseyyā nāma. Pāde pādanti dakkhiṇapāde vāmapādaṃ. Accādhāyāti atiādhāya īsakaṃ atikkamma ṭhapetvā, gopphakena hi gopphake, jāṇunā vā jāṇumhi saṅghaṭṭiyamāne abhiṇhaṃ vedanā uppajjati, cittaṃ ekaggaṃ na hoti, seyyā aphāsukā hoti. Yathā pana na saṅghaṭṭeti, evaṃ atikkamma ṭhapite vedanā nuppajjati, cittaṃ ekaggaṃ hoti, seyyā phāsukā hoti, tasmā evamāha.
425. абхиж̇жхам̣ логзд̇иаад̣̇и жуул̣ахад̇т̇ибад̣̇з вид̇т̇аарид̇ам̣.
425.Abhijjhaṃ loketiādi cūḷahatthipade vitthāritaṃ.
426. яаа банааяам̣ сзяяат̇ааби, бхигкавзд̇и убамаа вуд̇д̇аа. д̇ад̇т̇а ин̣ам̣ аад̣̇ааяаад̇и вад̣дхияаа д̇ханам̣ г̇ахзд̇ваа. б̣яанд̇ий гарзяяаад̇и виг̇ад̇анд̇аани гарзяяа. яат̇аа д̇зсам̣ гааган̣игамад̇д̇оби барияанд̇о наама наавасиссад̇и, звам̣ гарзяяа, саб̣б̣асо бадинияяаад̇зяяаад̇и ад̇т̇о. д̇ад̇онид̣̇аананд̇и аан̣ан̣яанид̣̇аанам̣. со хи ан̣ан̣омхийд̇и ааваж̇ж̇анд̇о б̣алавабаамож̇ж̇ам̣ лабхад̇и, б̣алавасоманассамад̇хиг̇ажчад̇и. д̇зна вуд̇д̇ам̣ – ‘‘лабхзт̇а баамож̇ж̇ам̣, ад̇хиг̇ажчзяяа соманасса’’нд̇и.
426. Yā panāyaṃ seyyathāpi, bhikkhaveti upamā vuttā. Tattha iṇaṃ ādāyāti vaḍḍhiyā dhanaṃ gahetvā. Byantī kareyyāti vigatantāni kareyya. Yathā tesaṃ kākaṇikamattopi pariyanto nāma nāvasissati, evaṃ kareyya, sabbaso paṭiniyyāteyyāti attho. Tatonidānanti āṇaṇyanidānaṃ. So hi aṇaṇomhīti āvajjanto balavapāmojjaṃ labhati, balavasomanassamadhigacchati. Tena vuttaṃ – ‘‘labhetha pāmojjaṃ, adhigaccheyya somanassa’’nti.
висабхааг̇авзд̣̇ануббад̇д̇ияаа гагажзнзва жад̇уирияаабат̇ам̣ чинд̣̇анд̇о ааб̣аад̇хад̇ийд̇и ааб̣аад̇хо, сваасса ад̇т̇ийд̇и ааб̣аад̇хиго. д̇ам̣самудтаанзна д̣̇угкзна д̣̇угкид̇о. ад̇химад̇д̇аг̇илаанод̇и б̣аал̣хаг̇илаано. нажчаад̣̇зяяаад̇и ад̇химад̇д̇аб̣яаад̇хибарзд̇ад̇ааяа на ружжзяяа. б̣аламад̇д̇аад̇и б̣аламзва, б̣алан̃жасса гааяз на бхавзяяаад̇и ад̇т̇о. д̇ад̇онид̣̇аананд̇и аарог̇яанид̣̇аанам̣, д̇асса хи арог̇омхийд̇и ааваж̇ж̇аяад̇о д̇ад̣̇убхаяам̣ ход̇и. д̇зна вуд̇д̇ам̣ – ‘‘лабхзт̇а баамож̇ж̇ам̣, ад̇хиг̇ажчзяяа соманасса’’нд̇и. на жасса гин̃жи бхог̇аанам̣ ваяод̇и гааган̣игамад̇д̇амби бхог̇аанам̣ ваяо на бхавзяяа. д̇ад̇онид̣̇аананд̇и б̣анд̇ханаамогканид̣̇аанам̣, сзсам̣ вуд̇д̇анаязнзва саб̣б̣абад̣̇зсу яож̇зд̇аб̣б̣ам̣. анад̇д̇аад̇хийнод̇и на ад̇д̇ани ад̇хийно, ад̇д̇ано ружияаа гин̃жи гаад̇ум̣ на лабхад̇и. бараад̇хийнод̇и барзсу ад̇хийно, барассзва ружияаа бавад̇д̇ад̇и. на язна гаамам̣ г̇амод̇и язна д̣̇исаабхааг̇знасса гаамо ход̇и. ижчаа уббаж̇ж̇ад̇и г̇аманааяа, д̇зна г̇анд̇ум̣ на лабхад̇и. д̣̇аасаб̣яаад̇и д̣̇аасабхааваа. бхуж̇иссод̇и ад̇д̇ано санд̇аго . д̇ад̇онид̣̇аананд̇и бхуж̇иссанид̣̇аанам̣. ганд̇аарад̣̇д̇хаанамаг̇г̇анд̇и ганд̇аарам̣ ад̣̇д̇хаанамаг̇г̇ам̣, нируд̣̇агам̣ д̣̇ийгхамаг̇г̇анд̇и ад̇т̇о. д̇ад̇онид̣̇аананд̇и кзманд̇абхууминид̣̇аанам̣.
Visabhāgavedanuppattiyā kakaceneva catuiriyāpathaṃ chindanto ābādhatīti ābādho, svāssa atthīti ābādhiko. Taṃsamuṭṭhānena dukkhena dukkhito. Adhimattagilānoti bāḷhagilāno. Nacchādeyyāti adhimattabyādhiparetatāya na rucceyya. Balamattāti balameva, balañcassa kāye na bhaveyyāti attho. Tatonidānanti ārogyanidānaṃ, tassa hi arogomhīti āvajjayato tadubhayaṃ hoti. Tena vuttaṃ – ‘‘labhetha pāmojjaṃ, adhigaccheyya somanassa’’nti. Nacassa kiñci bhogānaṃ vayoti kākaṇikamattampi bhogānaṃ vayo na bhaveyya. Tatonidānanti bandhanāmokkhanidānaṃ, sesaṃ vuttanayeneva sabbapadesu yojetabbaṃ. Anattādhīnoti na attani adhīno, attano ruciyā kiñci kātuṃ na labhati. Parādhīnoti paresu adhīno, parasseva ruciyā pavattati. Na yena kāmaṃ gamoti yena disābhāgenassa kāmo hoti. Icchā uppajjati gamanāya, tena gantuṃ na labhati. Dāsabyāti dāsabhāvā. Bhujissoti attano santako . Tatonidānanti bhujissanidānaṃ. Kantāraddhānamagganti kantāraṃ addhānamaggaṃ, nirudakaṃ dīghamagganti attho. Tatonidānanti khemantabhūminidānaṃ.
имз бан̃жа нийваран̣з аббахийнзд̇и зд̇т̇а бхаг̇аваа аббахийнам̣ гаамажчанд̣̇анийваран̣ам̣ ин̣асад̣̇исам̣, сзсаани рог̇аад̣̇исад̣̇исаани гад̇ваа д̣̇ассзд̇и. д̇ад̇рааяам̣ сад̣̇исад̇аа – яо хи барзсам̣ ин̣ам̣ г̇ахзд̇ваа винаасзд̇и. со д̇зхи ин̣ам̣ д̣̇зхийд̇и вужжамааноби парусам̣ вужжамааноби б̣аж̇жхамааноби бахарияамааноби гин̃жи бадиб̣аахид̇ум̣ на саггод̇и, саб̣б̣ам̣ д̇ид̇игкад̇и, д̇ид̇игкагааран̣ан̃хисса д̇ам̣ ин̣ам̣ ход̇и. звамзвам̣ яо яамхи гаамажчанд̣̇зна раж̇ж̇ад̇и, д̇ан̣хааг̇ан̣зна д̇ам̣ вад̇т̇ум̣ г̇ан̣хаад̇и, со д̇зна парусам̣ вужжамааноби б̣аж̇жхамааноби бахарияамааноби саб̣б̣ам̣ д̇ид̇игкад̇и. д̇ид̇игкагааран̣ан̃хисса со гаамажчанд̣̇о ход̇и гхарасаамигзхи вад̇хийяамаанаанам̣ ид̇т̇ийнам̣ вияаад̇и. звам̣ ин̣ам̣ вияа гаамажчанд̣̇о д̣̇адтаб̣б̣о.
Ime pañca nīvaraṇe appahīneti ettha bhagavā appahīnaṃ kāmacchandanīvaraṇaṃ iṇasadisaṃ, sesāni rogādisadisāni katvā dasseti. Tatrāyaṃ sadisatā – yo hi paresaṃ iṇaṃ gahetvā vināseti. So tehi iṇaṃ dehīti vuccamānopi pharusaṃ vuccamānopi bajjhamānopi pahariyamānopi kiñci paṭibāhituṃ na sakkoti, sabbaṃ titikkhati, titikkhakāraṇañhissa taṃ iṇaṃ hoti. Evamevaṃ yo yamhi kāmacchandena rajjati, taṇhāgaṇena taṃ vatthuṃ gaṇhāti, so tena pharusaṃ vuccamānopi bajjhamānopi pahariyamānopi sabbaṃ titikkhati. Titikkhakāraṇañhissa so kāmacchando hoti gharasāmikehi vadhīyamānānaṃ itthīnaṃ viyāti. Evaṃ iṇaṃ viya kāmacchando daṭṭhabbo.
яат̇аа бана бид̇д̇арог̇аад̇уро мад̇хусаггараад̣̇ийсуби д̣̇иннзсу бид̇д̇арог̇аад̇урад̇ааяа д̇зсам̣ расам̣ на винд̣̇ад̇и, д̇ид̇д̇агам̣ д̇ид̇д̇аганд̇и уг̇г̇ирад̇иязва. звамзвам̣ б̣яаабаннажид̇д̇о хид̇агаамзхи аажарияубаж̇жхааязхи аббамад̇д̇агамби овад̣̇ийяамаано оваад̣̇ам̣ на г̇ан̣хаад̇и, ‘‘ад̇и вияа мз д̇умхз убад̣̇д̣̇авзт̇аа’’д̇иаад̣̇ийни вад̇ваа виб̣бхамад̇и. бид̇д̇арог̇аад̇урад̇ааяа со бурисо мад̇хусаггараад̣̇ирасам̣ вияа, год̇хаад̇урад̇ааяа жхаанасукаад̣̇ибхзд̣̇ам̣ саасанарасам̣ на винд̣̇ад̇ийд̇и. звам̣ рог̇о вияа б̣яаабаад̣̇о д̣̇адтаб̣б̣о.
Yathā pana pittarogāturo madhusakkarādīsupi dinnesu pittarogāturatāya tesaṃ rasaṃ na vindati, tittakaṃ tittakanti uggiratiyeva. Evamevaṃ byāpannacitto hitakāmehi ācariyupajjhāyehi appamattakampi ovadīyamāno ovādaṃ na gaṇhāti, ‘‘ati viya me tumhe upaddavethā’’tiādīni vatvā vibbhamati. Pittarogāturatāya so puriso madhusakkarādirasaṃ viya, kodhāturatāya jhānasukhādibhedaṃ sāsanarasaṃ na vindatīti. Evaṃ rogo viya byāpādo daṭṭhabbo.
яат̇аа бана нагкад̇д̇ад̣̇ивасз б̣анд̇ханааг̇аарз б̣ад̣̇д̇хо бурисо нагкад̇д̇асса нзва аад̣̇им̣, на маж̇жхам̣, на барияосаанам̣ бассад̇и. со д̣̇уд̇ияад̣̇ивасз муд̇д̇о, ‘‘ахо хияяо нагкад̇д̇ам̣ манаабам̣, ахо нажжам̣, ахо г̇ийд̇а’’нд̇иаад̣̇ийни суд̇вааби бадиважанам̣ на д̣̇зд̇и. гим̣ гааран̣аа? нагкад̇д̇асса ананубхууд̇ад̇д̇аа. звамзвам̣ т̇инамид̣̇д̇хаабхибхууд̇о бхигку вижид̇д̇анаязби д̇хаммассаванз бавад̇д̇амаанз нзва д̇асса аад̣̇им̣, на маж̇жхам̣, на барияосаанам̣ ж̇аанаад̇и. со удтид̇з д̇хаммассаванз, ‘‘ахо д̇хаммассаванам̣, ахо гааран̣ам̣, ахо убамаа’’д̇и д̇хаммассаванасса ван̣н̣ам̣ бхан̣амаанаанам̣ суд̇вааби бадиважанам̣ на д̣̇зд̇и. гим̣ гааран̣аа? т̇инамид̣̇д̇хавасзна д̇хаммагат̇ааяа ананубхууд̇ад̇д̇аад̇и. звам̣ б̣анд̇ханааг̇аарам̣ вияа т̇инамид̣̇д̇хам̣ д̣̇адтаб̣б̣ам̣.
Yathā pana nakkhattadivase bandhanāgāre baddho puriso nakkhattassa neva ādiṃ, na majjhaṃ, na pariyosānaṃ passati. So dutiyadivase mutto, ‘‘aho hiyyo nakkhattaṃ manāpaṃ, aho naccaṃ, aho gīta’’ntiādīni sutvāpi paṭivacanaṃ na deti. Kiṃ kāraṇā? Nakkhattassa ananubhūtattā. Evamevaṃ thinamiddhābhibhūto bhikkhu vicittanayepi dhammassavane pavattamāne neva tassa ādiṃ, na majjhaṃ, na pariyosānaṃ jānāti. So uṭṭhite dhammassavane, ‘‘aho dhammassavanaṃ, aho kāraṇaṃ, aho upamā’’ti dhammassavanassa vaṇṇaṃ bhaṇamānānaṃ sutvāpi paṭivacanaṃ na deti. Kiṃ kāraṇā? Thinamiddhavasena dhammakathāya ananubhūtattāti. Evaṃ bandhanāgāraṃ viya thinamiddhaṃ daṭṭhabbaṃ.
яат̇аа бана нагкад̇д̇ам̣ гийл̣анд̇оби д̣̇аасо, ‘‘ид̣̇ам̣ наама ажжааяигам̣ гаран̣ийяам̣ ад̇т̇и, сийгхам̣, д̇ад̇т̇а г̇ажча, но жз г̇ажчаси, хад̇т̇абаад̣̇ам̣ ваа д̇з чинд̣̇аами ган̣н̣анаасам̣ ваа’’д̇и вуд̇д̇о сийгхам̣ г̇ажчад̇иязва, нагкад̇д̇асса аад̣̇имаж̇жхабарияосаанам̣ анубхавид̇ум̣ на лабхад̇и. гасмаа? бараад̇хийнад̇ааяа. звамзвам̣ винаяз аббагад̇ан̃н̃унаа вивзгад̇т̇ааяа аран̃н̃ам̣ бавидтзнааби гисмин̃жид̣̇зва анд̇амасо габбияамам̣сзби агаббияамам̣сасан̃н̃ааяа уббаннааяа вивзгам̣ бахааяа сийлависод̇ханад̇т̇ам̣ винаяад̇харасса санд̇игз г̇анд̇аб̣б̣ам̣ ход̇и. вивзгасукам̣ анубхавид̇ум̣ на лабхад̇и. гасмаа? уд̣̇д̇хажжагуггужжаабхибхууд̇ад̇ааяаад̇и, звам̣ д̣̇аасаб̣яам̣ вияа уд̣̇д̇хажжагуггужжам̣ д̣̇аддаб̣б̣ам̣.
Yathā pana nakkhattaṃ kīḷantopi dāso, ‘‘idaṃ nāma accāyikaṃ karaṇīyaṃ atthi, sīghaṃ, tattha gaccha, no ce gacchasi, hatthapādaṃ vā te chindāmi kaṇṇanāsaṃ vā’’ti vutto sīghaṃ gacchatiyeva, nakkhattassa ādimajjhapariyosānaṃ anubhavituṃ na labhati. Kasmā? Parādhīnatāya. Evamevaṃ vinaye appakataññunā vivekatthāya araññaṃ paviṭṭhenāpi kismiñcideva antamaso kappiyamaṃsepi akappiyamaṃsasaññāya uppannāya vivekaṃ pahāya sīlavisodhanatthaṃ vinayadharassa santike gantabbaṃ hoti. Vivekasukhaṃ anubhavituṃ na labhati. Kasmā? Uddhaccakukkuccābhibhūtatāyāti, evaṃ dāsabyaṃ viya uddhaccakukkuccaṃ daṭṭabbaṃ.
яат̇аа бана ганд̇аарад̣̇д̇хаанамаг̇г̇абадибанно бурисо жорзхи мануссаанам̣ вилуд̇д̇огаасам̣ бахад̇огаасан̃жа д̣̇исваа д̣̇ан̣д̣агасад̣̇д̣̇знаби сагун̣асад̣̇д̣̇знаби жораа ааг̇ад̇аад̇и уссан̇гид̇абарисан̇гид̇о ход̇и, г̇ажчад̇иби, д̇идтад̇иби, нивад̇д̇ад̇иби, г̇ад̇адтаанад̇о ааг̇ад̇адтаанамзва б̣ахуд̇арам̣ ход̇и. со гижчзна гасирзна кзманд̇абхуумим̣ баабун̣аад̇и ваа, на ваа баабун̣аад̇и. звамзвам̣ яасса адтасу таанзсу вижигижчаа уббаннаа ход̇и. со ‘‘б̣уд̣̇д̇хо ну ко, на ну ко б̣уд̣̇д̇хо’’д̇иаад̣̇инаа наязна вижигижчанд̇о ад̇химужжид̇ваа сад̣̇д̇хааяа г̇ан̣хид̇ум̣ на саггод̇и. асаггонд̇о маг̇г̇ам̣ ваа палам̣ ваа на баабун̣аад̇ийд̇и яат̇аа ганд̇аарад̣̇д̇хаанамаг̇г̇з ‘‘жораа ад̇т̇и над̇т̇ий’’д̇и бунаббунам̣ аасаббанабарисаббанам̣ абарияог̇ааханам̣ чамбхид̇ад̇д̇а жид̇д̇асса уббаад̣̇знд̇о кзманд̇абад̇д̇ияаа анд̇арааяам̣ гарод̇и, звам̣ вижигижчааби ‘‘б̣уд̣̇д̇хо ну ко на б̣уд̣̇д̇хо’’д̇иаад̣̇инаа наязна бунаббунам̣ аасаббанабарисаббанам̣ абарияог̇ааханам̣ чамбхид̇ад̇д̇ам̣ жид̇д̇асса уббаад̣̇аяамаанаа арияабхуумиббад̇д̇ияаа анд̇арааяам̣ гарод̇ийд̇и ганд̇аарад̣̇д̇хаанамаг̇г̇о вияа д̣̇адтаб̣б̣аа.
Yathā pana kantāraddhānamaggapaṭipanno puriso corehi manussānaṃ viluttokāsaṃ pahatokāsañca disvā daṇḍakasaddenapi sakuṇasaddenapi corā āgatāti ussaṅkitaparisaṅkito hoti, gacchatipi, tiṭṭhatipi, nivattatipi, gataṭṭhānato āgataṭṭhānameva bahutaraṃ hoti. So kicchena kasirena khemantabhūmiṃ pāpuṇāti vā, na vā pāpuṇāti. Evamevaṃ yassa aṭṭhasu ṭhānesu vicikicchā uppannā hoti. So ‘‘buddho nu kho, na nu kho buddho’’tiādinā nayena vicikicchanto adhimuccitvā saddhāya gaṇhituṃ na sakkoti. Asakkonto maggaṃ vā phalaṃ vā na pāpuṇātīti yathā kantāraddhānamagge ‘‘corā atthi natthī’’ti punappunaṃ āsappanaparisappanaṃ apariyogāhanaṃ chambhitatta cittassa uppādento khemantapattiyā antarāyaṃ karoti, evaṃ vicikicchāpi ‘‘buddho nu kho na buddho’’tiādinā nayena punappunaṃ āsappanaparisappanaṃ apariyogāhanaṃ chambhitattaṃ cittassa uppādayamānā ariyabhūmippattiyā antarāyaṃ karotīti kantāraddhānamaggo viya daṭṭhabbā.
ид̣̇аани сзяяат̇ааби, бхигкавз, аан̣ан̣яанд̇и зд̇т̇а бхаг̇аваа бахийнагаамажчанд̣̇анийваран̣ам̣ аан̣ан̣яасад̣̇исам̣, сзсаани аарог̇яаад̣̇исад̣̇исаани гад̇ваа д̣̇ассзд̇и. д̇ад̇рааяам̣ сад̣̇исад̇аа – яат̇аа хи бурисо ин̣ам̣ аад̣̇ааяа гамманд̇з баяож̇зд̇ваа самид̣̇д̇хагамманд̇о, ‘‘ид̣̇ам̣ ин̣ам̣ наама балиб̣од̇хамуула’’нд̇и жинд̇зд̇ваа савад̣дхигам̣ ин̣ам̣ нияяаад̇зд̇ваа бан̣н̣ам̣ паалаабзяяа. ат̇асса д̇ад̇о бадтааяа нзва гожи д̣̇ууд̇ам̣ бзсзд̇и, на бан̣н̣ам̣, со ин̣асаамигз д̣̇исвааби сажз ижчад̇и, аасанаа удтахад̇и, но жз, на удтахад̇и. гасмаа? д̇зхи сад̣̇д̇хим̣ ниллзбад̇ааяа алаг̇г̇ад̇ааяа. звамзва бхигку, ‘‘аяам̣ гаамажчанд̣̇о наама балиб̣од̇хамуула’’нд̇и сад̇ибадтаанз вуд̇д̇анаязнзва ча д̇хаммз бхаавзд̇ваа гаамажчанд̣̇анийваран̣ам̣ баж̇ахад̇и. д̇ассзвам̣ бахийнагаамажчанд̣̇асса яат̇аа ин̣амуд̇д̇асса бурисасса ин̣асаамигз д̣̇исваа нзва бхаяам̣ на чамбхид̇ад̇д̇ам̣ ход̇и. звамзва баравад̇т̇умхи нзва сан̇г̇о на б̣анд̇хо ход̇и. д̣̇иб̣б̣ааниби руубаани бассад̇о гилзсо на самуд̣̇аажарад̇и. д̇асмаа бхаг̇аваа аан̣ан̣яамива гаамажчанд̣̇аббахаанамааха.
Idāni seyyathāpi, bhikkhave, āṇaṇyanti ettha bhagavā pahīnakāmacchandanīvaraṇaṃ āṇaṇyasadisaṃ, sesāni ārogyādisadisāni katvā dasseti. Tatrāyaṃ sadisatā – yathā hi puriso iṇaṃ ādāya kammante payojetvā samiddhakammanto, ‘‘idaṃ iṇaṃ nāma palibodhamūla’’nti cintetvā savaḍḍhikaṃ iṇaṃ niyyātetvā paṇṇaṃ phālāpeyya. Athassa tato paṭṭhāya neva koci dūtaṃ peseti, na paṇṇaṃ, so iṇasāmike disvāpi sace icchati, āsanā uṭṭhahati, no ce, na uṭṭhahati. Kasmā? Tehi saddhiṃ nillepatāya alaggatāya. Evameva bhikkhu, ‘‘ayaṃ kāmacchando nāma palibodhamūla’’nti satipaṭṭhāne vuttanayeneva cha dhamme bhāvetvā kāmacchandanīvaraṇaṃ pajahati. Tassevaṃ pahīnakāmacchandassa yathā iṇamuttassa purisassa iṇasāmike disvā neva bhayaṃ na chambhitattaṃ hoti. Evameva paravatthumhi neva saṅgo na bandho hoti. Dibbānipi rūpāni passato kileso na samudācarati. Tasmā bhagavā āṇaṇyamiva kāmacchandappahānamāha.
яат̇аа бана со бид̇д̇арог̇аад̇уро бурисо бхзсаж̇ж̇агирияааяа д̇ам̣ рог̇ам̣ вуубасамзд̇ваа д̇ад̇о бадтааяа мад̇хусаггараад̣̇ийнам̣ расам̣ винд̣̇ад̇и. звамзвам̣ бхигку, ‘‘аяам̣ б̣яаабаад̣̇о наама анад̇т̇агаараго’’д̇и ча д̇хаммз бхаавзд̇ваа б̣яаабаад̣̇анийваран̣ам̣ баж̇ахад̇и. со звам̣ бахийнаб̣яаабаад̣̇о яат̇аа бид̇д̇арог̇авимуд̇д̇о бурисо мад̇хусаггараад̣̇ийни мад̇хураани самбияааяамаано бадисзвад̇и. звамзвам̣ аажаарабан̣н̣ад̇д̇иаад̣̇ийни сигкаабияамаано сирасаа самбадижчид̇ваа самбияааяамаано сигкад̇и. д̇асмаа бхаг̇аваа аарог̇яамива б̣яаабаад̣̇аббахаанамааха.
Yathā pana so pittarogāturo puriso bhesajjakiriyāya taṃ rogaṃ vūpasametvā tato paṭṭhāya madhusakkarādīnaṃ rasaṃ vindati. Evamevaṃ bhikkhu, ‘‘ayaṃ byāpādo nāma anatthakārako’’ti cha dhamme bhāvetvā byāpādanīvaraṇaṃ pajahati. So evaṃ pahīnabyāpādo yathā pittarogavimutto puriso madhusakkarādīni madhurāni sampiyāyamāno paṭisevati. Evamevaṃ ācārapaṇṇattiādīni sikkhāpiyamāno sirasā sampaṭicchitvā sampiyāyamāno sikkhati. Tasmā bhagavā ārogyamiva byāpādappahānamāha.
яат̇аа со нагкад̇д̇ад̣̇ивасз б̣анд̇ханааг̇аарам̣ бавзсид̇о бурисо абарасмим̣ нагкад̇д̇ад̣̇ивасз, ‘‘буб̣б̣зби ахам̣ бамаад̣̇ад̣̇осзна б̣ад̣̇д̇хо д̇ам̣ нагкад̇д̇ам̣ наанубхаваами, ид̣̇аани аббамад̇д̇о бхависсаамий’’д̇и яат̇аасса бажжад̇т̇игаа огаасам̣ на лабханд̇и. звам̣ аббамад̇д̇о худ̇ваа нагкад̇д̇ам̣ анубхавид̇ваа – ‘‘ахо нагкад̇д̇ам̣ ахо нагкад̇д̇а’’нд̇и уд̣̇аанам̣ уд̣̇аанзси. звамзва бхигку, ‘‘ид̣̇ам̣ т̇инамид̣̇д̇хам̣ наама махааанад̇т̇агара’’нд̇и ча д̇хаммз бхаавзд̇ваа т̇инамид̣̇д̇ханийваран̣ам̣ баж̇ахад̇и. со звам̣ бахийнат̇инамид̣̇д̇хо яат̇аа б̣анд̇ханаа муд̇д̇о бурисо сад̇д̇аахамби нагкад̇д̇асса аад̣̇имаж̇жхабарияосаанам̣ анубхавад̇и. звамзвам̣ бхигку д̇хамманагкад̇д̇асса аад̣̇имаж̇жхабарияосаанам̣ анубхаванд̇о саха бадисамбхид̣̇аахи арахад̇д̇ам̣ баабун̣аад̇и. д̇асмаа бхаг̇аваа б̣анд̇ханаа могкамива т̇инамид̣̇д̇хаббахаанамааха.
Yathā so nakkhattadivase bandhanāgāraṃ pavesito puriso aparasmiṃ nakkhattadivase, ‘‘pubbepi ahaṃ pamādadosena baddho taṃ nakkhattaṃ nānubhavāmi, idāni appamatto bhavissāmī’’ti yathāssa paccatthikā okāsaṃ na labhanti. Evaṃ appamatto hutvā nakkhattaṃ anubhavitvā – ‘‘aho nakkhattaṃ aho nakkhatta’’nti udānaṃ udānesi. Evameva bhikkhu, ‘‘idaṃ thinamiddhaṃ nāma mahāanatthakara’’nti cha dhamme bhāvetvā thinamiddhanīvaraṇaṃ pajahati. So evaṃ pahīnathinamiddho yathā bandhanā mutto puriso sattāhampi nakkhattassa ādimajjhapariyosānaṃ anubhavati. Evamevaṃ bhikkhu dhammanakkhattassa ādimajjhapariyosānaṃ anubhavanto saha paṭisambhidāhi arahattaṃ pāpuṇāti. Tasmā bhagavā bandhanā mokkhamiva thinamiddhappahānamāha.
яат̇аа бана д̣̇аасо ган̃жид̣̇зва мид̇д̇ам̣ убаниссааяа саамигаанам̣ д̇ханам̣ д̣̇ад̇ваа ад̇д̇аанам̣ бхуж̇иссам̣ гад̇ваа д̇ад̇о бадтааяа яам̣ ижчад̇и, д̇ам̣ гарзяяа. звамзва бхигку, ‘‘ид̣̇ам̣ уд̣̇д̇хажжагуггужжам̣ наама махааанад̇т̇агара’’нд̇и ча д̇хаммз бхаавзд̇ваа уд̣̇д̇хажжагуггужжам̣ баж̇ахад̇и. со звам̣ бахийнуд̣̇д̇хажжагуггужжо яат̇аа бхуж̇иссо бурисо яам̣ ижчад̇и, д̇ам̣ гарод̇и. на д̇ам̣ гожи б̣алаггаарзна д̇ад̇о нивад̇д̇зд̇и. звамзвам̣ бхигку яат̇аасукам̣ нзгкаммабадибад̣̇ам̣ бадибаж̇ж̇ад̇и, на нам̣ уд̣̇д̇хажжагуггужжам̣ б̣алаггаарзна д̇ад̇о нивад̇д̇зд̇и. д̇асмаа бхаг̇аваа бхуж̇иссам̣ вияа уд̣̇д̇хажжагуггужжаббахаанамааха.
Yathā pana dāso kañcideva mittaṃ upanissāya sāmikānaṃ dhanaṃ datvā attānaṃ bhujissaṃ katvā tato paṭṭhāya yaṃ icchati, taṃ kareyya. Evameva bhikkhu, ‘‘idaṃ uddhaccakukkuccaṃ nāma mahāanatthakara’’nti cha dhamme bhāvetvā uddhaccakukkuccaṃ pajahati. So evaṃ pahīnuddhaccakukkucco yathā bhujisso puriso yaṃ icchati, taṃ karoti. Na taṃ koci balakkārena tato nivatteti. Evamevaṃ bhikkhu yathāsukhaṃ nekkhammapaṭipadaṃ paṭipajjati, na naṃ uddhaccakukkuccaṃ balakkārena tato nivatteti. Tasmā bhagavā bhujissaṃ viya uddhaccakukkuccappahānamāha.
яат̇аа б̣алаваа бурисо хад̇т̇асаарам̣ г̇ахзд̇ваа саж̇ж̇аавуд̇хо сабаривааро ганд̇аарам̣ бадибаж̇ж̇зяяа. д̇ам̣ жораа д̣̇уурад̇ова д̣̇исваа балааязяяум̣. со сод̇т̇инаа д̇ам̣ ганд̇аарам̣ нид̇т̇арид̇ваа кзманд̇ам̣ бад̇д̇о хадтад̇удто асса. звамзвам̣ бхигку, ‘‘аяам̣ вижигижчаа наама анад̇т̇агааригаа’’д̇и ча д̇хаммз бхаавзд̇ваа вижигижчам̣ баж̇ахад̇и. со звам̣ бахийнавижигижчо яат̇аа б̣алаваа саж̇ж̇аавуд̇хо сабаривааро бурисо ниб̣бхаяо жорз д̇ин̣ам̣ вияа аг̇ан̣зд̇ваа сод̇т̇инаа нигкамид̇ваа кзманд̇абхуумим̣ баабун̣аад̇и. звамзвам̣ д̣̇ужжарид̇аганд̇аарам̣ нид̇т̇арид̇ваа барамакзманд̇абхуумим̣ амад̇ам̣ ниб̣б̣аанам̣ баабун̣аад̇и. д̇асмаа бхаг̇аваа кзманд̇абхуумим̣ вияа вижигижчаабахаанамааха.
Yathā balavā puriso hatthasāraṃ gahetvā sajjāvudho saparivāro kantāraṃ paṭipajjeyya. Taṃ corā dūratova disvā palāyeyyuṃ. So sotthinā taṃ kantāraṃ nittharitvā khemantaṃ patto haṭṭhatuṭṭho assa. Evamevaṃ bhikkhu, ‘‘ayaṃ vicikicchā nāma anatthakārikā’’ti cha dhamme bhāvetvā vicikicchaṃ pajahati. So evaṃ pahīnavicikiccho yathā balavā sajjāvudho saparivāro puriso nibbhayo core tiṇaṃ viya agaṇetvā sotthinā nikkhamitvā khemantabhūmiṃ pāpuṇāti. Evamevaṃ duccaritakantāraṃ nittharitvā paramakhemantabhūmiṃ amataṃ nibbānaṃ pāpuṇāti. Tasmā bhagavā khemantabhūmiṃ viya vicikicchāpahānamāha.
427. имамзва гааяанд̇и имам̣ гараж̇агааяам̣. абхисанд̣̇зд̇ийд̇и д̇змзд̇и снзхзд̇и, саб̣б̣ад̇т̇а бавад̇д̇абийд̇исукам̣ гарод̇и. барисанд̣̇зд̇ийд̇и саманд̇ад̇о санд̣̇зд̇и. барибуурзд̇ийд̇и вааяунаа бхасд̇ам̣ вияа буурзд̇и. барибпарад̇ийд̇и саманд̇ад̇о пусад̇и . саб̣б̣аавад̇о гааяассаад̇и асса бхигкуно саб̣б̣агодтаасавад̇о гааяасса. гин̃жи убаад̣̇иннагасанд̇ад̇ибавад̇д̇идтаанз чавимам̣салохид̇аануг̇ад̇ам̣ ан̣умад̇д̇амби таанам̣ батамаж̇жхаанасукзна апудтам̣ наама на ход̇и. д̣̇агкод̇и чзго бадиб̣ало нхаанийяажун̣н̣аани гаад̇ун̃жзва яож̇зд̇ун̃жа саннзд̇ун̃жа. гам̣сат̇аалзд̇и язна гзнажи лохзна гад̇абхааж̇анз. мад̇д̇игабхааж̇анам̣ бана т̇ирам̣ на ход̇и, саннзнд̇асса бхиж̇ж̇ад̇и, д̇асмаа д̇ам̣ на д̣̇ассзд̇и. барибпосагам̣ барибпосаганд̇и син̃жид̇ваа син̃жид̇ваа. саннзяяаад̇и ваамахад̇т̇зна гам̣сат̇аалам̣ г̇ахзд̇ваа д̣̇агкин̣зна хад̇т̇зна бамаан̣аяуд̇д̇ам̣ уд̣̇агам̣ син̃жид̇ваа син̃жид̇ваа баримад̣̇д̣̇анд̇о бин̣д̣ам̣ гарзяяа. снзхаануг̇ад̇аад̇и уд̣̇агасинзхзна ануг̇ад̇аа. снзхабарзд̇аад̇и уд̣̇агасинзхзна бариг̇ад̇аа. санд̇араб̣аахираад̇и сад̣̇д̇хим̣ анд̇обад̣̇зсзна жзва б̣ахибад̣̇зсзна жа, саб̣б̣ад̇т̇агамзва уд̣̇агасинзхзна пудаад̇и ад̇т̇о. на жа баг̇гхарин̣ийд̇и на б̣инд̣̇у б̣инд̣̇у уд̣̇агам̣ баг̇гхарад̇и, саггаа ход̇и хад̇т̇знаби д̣̇вийхиби д̇ийхиби ан̇г̇улийхи г̇ахзд̇ум̣ оваддигамби гаад̇унд̇и ад̇т̇о.
427.Imameva kāyanti imaṃ karajakāyaṃ. Abhisandetīti temeti sneheti, sabbattha pavattapītisukhaṃ karoti. Parisandetīti samantato sandeti. Paripūretīti vāyunā bhastaṃ viya pūreti. Parippharatīti samantato phusati . Sabbāvato kāyassāti assa bhikkhuno sabbakoṭṭhāsavato kāyassa. Kiñci upādinnakasantatipavattiṭṭhāne chavimaṃsalohitānugataṃ aṇumattampi ṭhānaṃ paṭhamajjhānasukhena aphuṭṭhaṃ nāma na hoti. Dakkhoti cheko paṭibalo nhānīyacuṇṇāni kātuñceva yojetuñca sannetuñca. Kaṃsathāleti yena kenaci lohena katabhājane. Mattikabhājanaṃ pana thiraṃ na hoti, sannentassa bhijjati, tasmā taṃ na dasseti. Paripphosakaṃ paripphosakanti siñcitvā siñcitvā. Sanneyyāti vāmahatthena kaṃsathālaṃ gahetvā dakkhiṇena hatthena pamāṇayuttaṃ udakaṃ siñcitvā siñcitvā parimaddanto piṇḍaṃ kareyya. Snehānugatāti udakasinehena anugatā. Snehaparetāti udakasinehena parigatā. Santarabāhirāti saddhiṃ antopadesena ceva bahipadesena ca, sabbatthakameva udakasinehena phuṭāti attho. Na ca pagghariṇīti na bindu bindu udakaṃ paggharati, sakkā hoti hatthenapi dvīhipi tīhipi aṅgulīhi gahetuṃ ovaṭṭikampi kātunti attho.
428. д̣̇уд̇ияаж̇жхаанасукаубамааяам̣ уб̣бхид̇од̣̇агод̇и уб̣бхиннауд̣̇аго, на хздтаа уб̣бхиж̇ж̇ид̇ваа уг̇г̇ажчанауд̣̇аго, анд̇оязва бана уб̣бхиж̇ж̇анауд̣̇агод̇и ад̇т̇о. ааяамуканд̇и ааг̇аманамаг̇г̇о. д̣̇звод̇и мзгхо. гаалзнагааланд̇и гаалз гаалз, анвад̣̇д̇хамаасам̣ ваа ануд̣̇асаахам̣ ваад̇и ад̇т̇о. д̇хааранд̇и вудтим̣. наануббавзжчзяяаад̇и на бавзсзяяа, на вассзяяаад̇и ад̇т̇о. сийд̇аа ваарид̇хаараа уб̣бхиж̇ж̇ид̇ваад̇и сийд̇ам̣ ваари д̇ам̣ уд̣̇агарахад̣̇ам̣ буураяамаанам̣ уб̣бхиж̇ж̇ид̇ваа. хздтаа уг̇г̇ажчанауд̣̇аган̃хи уг̇г̇анд̇ваа уг̇г̇анд̇ваа бхиж̇ж̇анд̇ам̣ уд̣̇агам̣ кобхзд̇и. жад̇уухи д̣̇исаахи бависанауд̣̇агам̣ бураан̣абан̣н̣ад̇ин̣агадтад̣̇ан̣д̣агаад̣̇ийхи уд̣̇агам̣ кобхзд̇и. вудтиуд̣̇агам̣ д̇хаараанибаад̇абубпул̣агзхи уд̣̇агам̣ кобхзд̇и. саннисиннамзва бана худ̇ваа ид̣̇д̇хиниммид̇амива уббаж̇ж̇амаанам̣ уд̣̇агам̣ имам̣ бад̣̇зсам̣ парад̇и, имам̣ бад̣̇зсам̣ на парад̇ийд̇и над̇т̇и. д̇зна апудогаасо наама на ход̇ийд̇и. д̇ад̇т̇а рахад̣̇о вияа гараж̇агааяо, уд̣̇агам̣ вияа д̣̇уд̇ияаж̇жхаанасукам̣. сзсам̣ буриманаязнзва взд̣̇ид̇аб̣б̣ам̣.
428. Dutiyajjhānasukhaupamāyaṃ ubbhitodakoti ubbhinnaudako, na heṭṭhā ubbhijjitvā uggacchanaudako, antoyeva pana ubbhijjanaudakoti attho. Āyamukhanti āgamanamaggo. Devoti megho. Kālenakālanti kāle kāle, anvaddhamāsaṃ vā anudasāhaṃ vāti attho. Dhāranti vuṭṭhiṃ. Nānuppaveccheyyāti na paveseyya, na vasseyyāti attho. Sītā vāridhārā ubbhijjitvāti sītaṃ vāri taṃ udakarahadaṃ pūrayamānaṃ ubbhijjitvā. Heṭṭhā uggacchanaudakañhi uggantvā uggantvā bhijjantaṃ udakaṃ khobheti. Catūhi disāhi pavisanaudakaṃ purāṇapaṇṇatiṇakaṭṭhadaṇḍakādīhi udakaṃ khobheti. Vuṭṭhiudakaṃ dhārānipātapupphuḷakehi udakaṃ khobheti. Sannisinnameva pana hutvā iddhinimmitamiva uppajjamānaṃ udakaṃ imaṃ padesaṃ pharati, imaṃ padesaṃ na pharatīti natthi. Tena aphuṭokāso nāma na hotīti. Tattha rahado viya karajakāyo, udakaṃ viya dutiyajjhānasukhaṃ. Sesaṃ purimanayeneva veditabbaṃ.
429. д̇ад̇ияаж̇жхаанасукаубамааяам̣ уббалаани зд̇т̇а санд̇ийд̇и уббалиний. сзсабад̣̇ад̣̇ваязсуби зсзва наяо. зд̇т̇а жа сзд̇арад̇д̇анийлзсу яам̣гин̃жи уббалам̣ уббаламзва, уунагасад̇абад̇д̇ам̣ бун̣д̣арийгам̣, сад̇абад̇д̇ам̣ бад̣̇умам̣. бад̇д̇анияамам̣ ваа винааби сзд̇ам̣ бад̣̇умам̣, рад̇д̇ам̣ бун̣д̣арийганд̇и аяамзд̇т̇а винижчаяо. уд̣̇агаануг̇г̇ад̇аанийд̇и уд̣̇агад̇о на уг̇г̇ад̇аани. анд̇онимуг̇г̇абосийнийд̇и уд̣̇агад̇аласса анд̇о нимуг̇г̇ааниязва худ̇ваа босийни, вад̣дхийнийд̇и ад̇т̇о. сзсам̣ буриманаязнзва взд̣̇ид̇аб̣б̣ам̣.
429. Tatiyajjhānasukhaupamāyaṃ uppalāni ettha santīti uppalinī. Sesapadadvayesupi eseva nayo. Ettha ca setarattanīlesu yaṃkiñci uppalaṃ uppalameva, ūnakasatapattaṃ puṇḍarīkaṃ, satapattaṃ padumaṃ. Pattaniyamaṃ vā vināpi setaṃ padumaṃ, rattaṃ puṇḍarīkanti ayamettha vinicchayo. Udakānuggatānīti udakato na uggatāni. Antonimuggaposīnīti udakatalassa anto nimuggāniyeva hutvā posīni, vaḍḍhīnīti attho. Sesaṃ purimanayeneva veditabbaṃ.
430. жад̇уд̇т̇аж̇жхаанасукаубамааяам̣ барисуд̣̇д̇хзна жзд̇асаа барияод̣̇аад̇знаад̇и зд̇т̇а нирубаггилзсадтзна барисуд̣̇д̇хам̣. бабхассарадтзна барияод̣̇аад̇ам̣ взд̣̇ид̇аб̣б̣ам̣. од̣̇аад̇зна вад̇т̇знаад̇и ид̣̇ам̣ уд̇упаран̣ад̇т̇ам̣ вуд̇д̇ам̣. гилидтавад̇т̇зна хи уд̇упаран̣ам̣ на ход̇и, д̇ан̇кан̣ад̇ход̇абарисуд̣̇д̇хзна уд̇упаран̣ам̣ б̣алавам̣ ход̇и. имиссаа хи убамааяа вад̇т̇ам̣ вияа гараж̇агааяо. уд̇упаран̣ам̣ вияа жад̇уд̇т̇аж̇жхаанасукам̣. д̇асмаа яат̇аа сунхаад̇асса бурисасса барисуд̣̇д̇хам̣ вад̇т̇ам̣ сасийсам̣ баарубид̇ваа нисиннасса сарийрад̇о уд̇у саб̣б̣амзва вад̇т̇ам̣ парад̇и, на гожи вад̇т̇асса апудогаасо ход̇и. звам̣ жад̇уд̇т̇аж̇жхаанасукзна бхигкуно гараж̇агааяасса на гожи огаасо апудо ход̇ийд̇и звамзд̇т̇а ад̇т̇о д̣̇адтаб̣б̣о. жад̇уд̇т̇аж̇жхаанажид̇д̇амзва ваа вад̇т̇ам̣ вияа, д̇ам̣самудтаанаруубам̣ уд̇упаран̣ам̣ вияа. яат̇аа хи гад̇т̇ажи од̣̇аад̇авад̇т̇з гааяам̣ абпусанд̇зби д̇ам̣самудтаанзна уд̇унаа саб̣б̣ад̇т̇агамзва гааяо пудто ход̇и. звам̣ жад̇уд̇т̇аж̇жхаанасамудтид̇зна сукумаруубзна саб̣б̣ад̇т̇агамзва бхигкуно гараж̇агааяо пудо ход̇ийд̇и звамзд̇т̇а ад̇т̇о д̣̇адтаб̣б̣о.
430. Catutthajjhānasukhaupamāyaṃ parisuddhena cetasā pariyodātenāti ettha nirupakkilesaṭṭhena parisuddhaṃ. Pabhassaraṭṭhena pariyodātaṃ veditabbaṃ. Odātena vatthenāti idaṃ utupharaṇatthaṃ vuttaṃ. Kiliṭṭhavatthena hi utupharaṇaṃ na hoti, taṅkhaṇadhotaparisuddhena utupharaṇaṃ balavaṃ hoti. Imissā hi upamāya vatthaṃ viya karajakāyo. Utupharaṇaṃ viya catutthajjhānasukhaṃ. Tasmā yathā sunhātassa purisassa parisuddhaṃ vatthaṃ sasīsaṃ pārupitvā nisinnassa sarīrato utu sabbameva vatthaṃ pharati, na koci vatthassa aphuṭokāso hoti. Evaṃ catutthajjhānasukhena bhikkhuno karajakāyassa na koci okāso aphuṭo hotīti evamettha attho daṭṭhabbo. Catutthajjhānacittameva vā vatthaṃ viya, taṃsamuṭṭhānarūpaṃ utupharaṇaṃ viya. Yathā hi katthaci odātavatthe kāyaṃ apphusantepi taṃsamuṭṭhānena utunā sabbatthakameva kāyo phuṭṭho hoti. Evaṃ catutthajjhānasamuṭṭhitena sukhumarūpena sabbatthakameva bhikkhuno karajakāyo phuṭo hotīti evamettha attho daṭṭhabbo.
431. буб̣б̣зниваасан̃аан̣аубамааяам̣ д̇ам̣д̣̇ивасам̣ гад̇агирияаа баагадаа ход̇ийд̇и д̇ам̣д̣̇ивасам̣ г̇ад̇аг̇аамад̇д̇аяамзва г̇ахид̇ам̣. д̇ад̇т̇а г̇аамад̇д̇аяам̣ г̇ад̇абурисо вияа буб̣б̣зниваасан̃аан̣алаабхий д̣̇адтаб̣б̣о. д̇аяо г̇аамаа вияа д̇аяо бхаваа д̣̇адтаб̣б̣аа. д̇асса бурисасса д̇ийсу г̇аамзсу д̇ам̣д̣̇ивасам̣ гад̇агирияааяа аавибхааво вияа буб̣б̣зниваасааяа жид̇д̇ам̣ абхинийхарид̇ваа нисиннасса бхигкуно д̇ийсу бхавзсу гад̇агирияааяа аавибхааво д̣̇адтаб̣б̣о.
431. Pubbenivāsañāṇaupamāyaṃ taṃdivasaṃ katakiriyā pākaṭā hotīti taṃdivasaṃ gatagāmattayameva gahitaṃ. Tattha gāmattayaṃ gatapuriso viya pubbenivāsañāṇalābhī daṭṭhabbo. Tayo gāmā viya tayo bhavā daṭṭhabbā. Tassa purisassa tīsu gāmesu taṃdivasaṃ katakiriyāya āvibhāvo viya pubbenivāsāya cittaṃ abhinīharitvā nisinnassa bhikkhuno tīsu bhavesu katakiriyāya āvibhāvo daṭṭhabbo.
432. д̣̇иб̣б̣ажагкуубамааяам̣ д̣̇вз аг̇аараад̇и д̣̇вз гхараа. сад̣̇ваараад̇и саммукад̣̇ваараа. анужан̇гаманд̇зд̇и абараабарам̣ сан̃жаранд̇з. анувижаранд̇зд̇и ид̇о жид̇о жа вижаранд̇з, ид̇о бана г̇зхаа нигкамид̇ваа зд̇ам̣ г̇зхам̣, зд̇асмаа ваа нигкамид̇ваа имам̣ г̇зхам̣ бависанавасзнаби д̣̇адтаб̣б̣аа. д̇ад̇т̇а д̣̇вз аг̇аараа сад̣̇ваараа вияа жуд̇ибадисанд̇хияо, жагкумаа бурисо вияа д̣̇иб̣б̣ажагкун̃аан̣алаабхий, жагкумад̇о бурисасса д̣̇виннам̣ г̇зхаанам̣ анд̇арз тад̇ваа бассад̇о д̣̇вз аг̇аарз бависанаганигкаманагабурисаанам̣ баагадагаало вияа д̣̇иб̣б̣ажагкулаабхино аалогам̣ вад̣дхзд̇ваа ологзнд̇асса жаванагаубабаж̇ж̇анагасад̇д̇аанам̣ баагадагаало. гим̣ бана д̇з н̃аан̣асса баагадаа, буг̇г̇алассаад̇и? н̃аан̣асса. д̇асса баагадад̇д̇аа бана буг̇г̇аласса баагадааязваад̇и.
432. Dibbacakkhuupamāyaṃ dve agārāti dve gharā. Sadvārāti sammukhadvārā. Anucaṅkamanteti aparāparaṃ sañcarante. Anuvicaranteti ito cito ca vicarante, ito pana gehā nikkhamitvā etaṃ gehaṃ, etasmā vā nikkhamitvā imaṃ gehaṃ pavisanavasenapi daṭṭhabbā. Tattha dve agārā sadvārā viya cutipaṭisandhiyo, cakkhumā puriso viya dibbacakkhuñāṇalābhī, cakkhumato purisassa dvinnaṃ gehānaṃ antare ṭhatvā passato dve agāre pavisanakanikkhamanakapurisānaṃ pākaṭakālo viya dibbacakkhulābhino ālokaṃ vaḍḍhetvā olokentassa cavanakaupapajjanakasattānaṃ pākaṭakālo. Kiṃ pana te ñāṇassa pākaṭā, puggalassāti? Ñāṇassa. Tassa pākaṭattā pana puggalassa pākaṭāyevāti.
433. аасавагкаяан̃аан̣аубамааяам̣ баб̣б̣ад̇асан̇кзбзд̇и баб̣б̣ад̇амад̇т̇агз. анаавилод̇и ниггад̣̇д̣̇амо. сиббияо жа самб̣угаа жа сиббисамб̣угам̣. сагкараа жа гат̇алаа жа сагкарагат̇алам̣. мажчаанам̣ г̇умб̣аа гхадаад̇и мажчаг̇умб̣ам̣. д̇идтанд̇амби жаранд̇амбийд̇и зд̇т̇а сагкарагат̇алам̣ д̇идтад̇иязва, ид̇араани жаранд̇иби д̇идтанд̇иби. яат̇аа бана анд̇аранд̇араа тид̇аасуби нисиннаасуби виж̇ж̇амаанаасуби, ‘‘зд̇аа г̇ааво жаранд̇ий’’д̇и жаранд̇ияо убаад̣̇ааяа ид̇арааби жаранд̇ийд̇и вужжанд̇и. звам̣ д̇идтанд̇амзва сагкарагат̇алам̣ убаад̣̇ааяа ид̇арамби д̣̇ваяам̣ д̇идтанд̇анд̇и вуд̇д̇ам̣. ид̇аран̃жа д̣̇ваяам̣ жаранд̇ам̣ убаад̣̇ааяа сагкарагат̇аламби жаранд̇анд̇и вуд̇д̇ам̣. д̇ад̇т̇а жагкумад̇о бурисасса д̇ийрз тад̇ваа бассад̇о сиббисамб̣угаад̣̇ийнам̣ вибхууд̇агаало вияа аасаваанам̣ каяааяа жид̇д̇ам̣ нийхарид̇ваа нисиннасса бхигкуно жад̇уннам̣ сажжаанам̣ вибхууд̇агаало д̣̇адтаб̣б̣о.
433. Āsavakkhayañāṇaupamāyaṃ pabbatasaṅkhepeti pabbatamatthake. Anāviloti nikkaddamo. Sippiyo ca sambukā ca sippisambukaṃ. Sakkharā ca kathalā ca sakkharakathalaṃ. Macchānaṃ gumbā ghaṭāti macchagumbaṃ. Tiṭṭhantampi carantampīti ettha sakkharakathalaṃ tiṭṭhatiyeva, itarāni carantipi tiṭṭhantipi. Yathā pana antarantarā ṭhitāsupi nisinnāsupi vijjamānāsupi, ‘‘etā gāvo carantī’’ti carantiyo upādāya itarāpi carantīti vuccanti. Evaṃ tiṭṭhantameva sakkharakathalaṃ upādāya itarampi dvayaṃ tiṭṭhantanti vuttaṃ. Itarañca dvayaṃ carantaṃ upādāya sakkharakathalampi carantanti vuttaṃ. Tattha cakkhumato purisassa tīre ṭhatvā passato sippisambukādīnaṃ vibhūtakālo viya āsavānaṃ khayāya cittaṃ nīharitvā nisinnassa bhikkhuno catunnaṃ saccānaṃ vibhūtakālo daṭṭhabbo.
434. ид̣̇аани сад̇д̇ахаагаарзхи салин̇г̇ад̇о саг̇ун̣ад̇о кийн̣аасавасса наамам̣ г̇ан̣ханд̇о, аяам̣ вужжад̇и, бхигкавз, бхигку саман̣о ид̇ибийд̇иаад̣̇имааха. д̇ад̇т̇а звам̣ ко, бхигкавз, бхигку саман̣о ход̇ийд̇иаад̣̇ийсу, бхигкавз, звам̣ бхигку самид̇абаабад̇д̇аа саман̣о ход̇и. б̣аахид̇абаабад̇д̇аа б̣раахман̣о ход̇и. нхаад̇агилзсад̇д̇аа нхаад̇аго ход̇и, д̇ход̇агилзсад̇д̇аад̇и ад̇т̇о. жад̇умаг̇г̇ан̃аан̣асан̇каад̇зхи взд̣̇зхи агусалад̇хаммаанам̣ г̇ад̇ад̇д̇аа взд̣̇аг̇уу ход̇и, вид̣̇ид̇ад̇д̇аад̇и ад̇т̇о. д̇знзва вид̣̇ид̇аасса хонд̇ийд̇иаад̣̇имааха. гилзсаанам̣ суд̇ад̇д̇аа сод̇д̇ияо ход̇и, ниссуд̇ад̇д̇аа абахад̇ад̇д̇аад̇и ад̇т̇о. гилзсаанам̣ аарагад̇д̇аа арияо ход̇и, хад̇ад̇д̇аад̇и ад̇т̇о. д̇зхи аарагад̇д̇аа арахам̣ ход̇и, д̣̇уурийбхууд̇ад̇д̇аад̇и ад̇т̇о. сзсам̣ саб̣ад̇т̇а баагадамзваад̇и.
434. Idāni sattahākārehi saliṅgato saguṇato khīṇāsavassa nāmaṃ gaṇhanto, ayaṃ vuccati, bhikkhave, bhikkhu samaṇo itipītiādimāha. Tattha evaṃ kho, bhikkhave, bhikkhu samaṇohotītiādīsu, bhikkhave, evaṃ bhikkhu samitapāpattā samaṇo hoti. Bāhitapāpattā brāhmaṇo hoti. Nhātakilesattā nhātako hoti, dhotakilesattāti attho. Catumaggañāṇasaṅkhātehi vedehi akusaladhammānaṃ gatattā vedagū hoti, viditattāti attho. Teneva viditāssa hontītiādimāha. Kilesānaṃ sutattā sottiyo hoti, nissutattā apahatattāti attho. Kilesānaṃ ārakattā ariyo hoti, hatattāti attho. Tehi ārakattā arahaṃ hoti, dūrībhūtattāti attho. Sesaṃ sabattha pākaṭamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махааассабурасуд̇д̇аван̣н̣анаа нидтид̇аа.
Mahāassapurasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. махааассабурасуд̇д̇ам̣ • 9. Mahāassapurasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. махааассабурасуд̇д̇аван̣н̣анаа • 9. Mahāassapurasuttavaṇṇanā
