| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[528] 3. махааб̣од̇хиж̇аад̇агаван̣н̣анаа
[528] 3. Mahābodhijātakavaṇṇanā
гим̣ ну д̣̇ан̣д̣ам̣ гимаж̇инанд̇и ид̣̇ам̣ сад̇т̇аа ж̇зд̇аванз вихаранд̇о бан̃н̃аабаарамим̣ аараб̣бха гат̇зси. вад̇т̇у махаауман̇г̇аж̇аад̇агз (ж̇аа. 2.22.590 аад̣̇аяо) аави бхависсад̇и. д̇ад̣̇аа бана сад̇т̇аа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о бан̃н̃аваа бараббаваад̣̇аббамад̣̇д̣̇аноязваа’’д̇и вад̇ваа ад̇ийд̇ам̣ аахари.
Kiṃ nu daṇḍaṃ kimajinanti idaṃ satthā jetavane viharanto paññāpāramiṃ ārabbha kathesi. Vatthu mahāumaṅgajātake (jā. 2.22.590 ādayo) āvi bhavissati. Tadā pana satthā ‘‘na, bhikkhave, idāneva, pubbepi tathāgato paññavā parappavādappamaddanoyevā’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз асийд̇игодивибхавасса уд̣̇ижжаб̣раахман̣амахаасааласса гулз ниб̣б̣ад̇д̇и, ‘‘б̣од̇хигумааро’’д̇исса наамам̣ гарим̣су. со ваяаббад̇д̇о д̇аггасилааяам̣ уг̇г̇ахид̇асиббо бажжааг̇анд̇ваа аг̇аарамаж̇жхз васанд̇о абарабхааг̇з гаамз бахааяа химаванд̇абад̣̇зсам̣ бависид̇ваа бариб̣б̣ааж̇агабаб̣б̣аж̇ж̇ам̣ баб̣б̣аж̇ид̇ваа д̇ад̇т̇зва ванамуулапалаахааро жирам̣ васид̇ваа вассаарад̇д̇асамаяз химаванд̇аа оруяха жааригам̣ жаранд̇о анубуб̣б̣зна б̣аараан̣асим̣ бад̇ваа рааж̇уяяаанз васид̇ваа бунад̣̇ивасз бариб̣б̣ааж̇агасааруббзна наг̇арз бхигкааяа жаранд̇о рааж̇ад̣̇ваарам̣ баабун̣и д̇амзнам̣ сийхабан̃ж̇арз тид̇о рааж̇аа д̣̇исваа д̇асса убасамз басийд̣̇ид̇ваа д̇ам̣ ад̇д̇ано бхаванам̣ бавзсзд̇ваа рааж̇абаллан̇гз нисийд̣̇аабзд̇ваа гад̇абадисант̇ааро т̇огам̣ д̇хаммагат̇ам̣ суд̇ваа наанаг̇г̇арасабхож̇анам̣ д̣̇аабзси. махаасад̇д̇о бхад̇д̇ам̣ г̇ахзд̇ваа жинд̇зси – ‘‘ид̣̇ам̣ рааж̇агулам̣ наама б̣ахуд̣̇осам̣ б̣ахубажжаамид̇д̇ам̣ ход̇и, го ну ко мама уббаннам̣ бхаяам̣ нид̇т̇ариссад̇ий’’д̇и. со авид̣̇уурз тид̇ам̣ рааж̇аваллабхам̣ згам̣ бин̇г̇аласунакам̣ д̣̇исваа маханд̇ам̣ бхад̇д̇абин̣д̣ам̣ г̇ахзд̇ваа д̇асса д̣̇аад̇угаамад̇аагаарам̣ д̣̇ассзси. рааж̇аа н̃ад̇ваа сунакасса бхааж̇анам̣ аахараабзд̇ваа бхад̇д̇ам̣ г̇аахаабзд̇ваа д̣̇аабзси. махаасад̇д̇оби д̇асса д̣̇ад̇ваа бхад̇д̇агижжам̣ нидтабзси. рааж̇аабисса бадин̃н̃ам̣ г̇ахзд̇ваа анд̇онаг̇арз рааж̇уяяаанз бан̣н̣асаалам̣ гаарзд̇ваа баб̣б̣аж̇ид̇абаригкаарз д̣̇ад̇ваа д̇ам̣ д̇ад̇т̇а ваасаабзси, д̣̇звасиган̃жасса д̣̇вз д̇аяо ваарз убадтаанам̣ аг̇амааси. бхож̇анагаалз бана махаасад̇д̇о нижжам̣ рааж̇абаллан̇гзязва нисийд̣̇ид̇ваа рааж̇абхож̇анамзва бхун̃ж̇ад̇и. звам̣ д̣̇ваад̣̇аса сам̣важчараани ад̇ийд̇аани.
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe asītikoṭivibhavassa udiccabrāhmaṇamahāsālassa kule nibbatti, ‘‘bodhikumāro’’tissa nāmaṃ kariṃsu. So vayappatto takkasilāyaṃ uggahitasippo paccāgantvā agāramajjhe vasanto aparabhāge kāme pahāya himavantapadesaṃ pavisitvā paribbājakapabbajjaṃ pabbajitvā tattheva vanamūlaphalāhāro ciraṃ vasitvā vassārattasamaye himavantā oruyha cārikaṃ caranto anupubbena bārāṇasiṃ patvā rājuyyāne vasitvā punadivase paribbājakasāruppena nagare bhikkhāya caranto rājadvāraṃ pāpuṇi tamenaṃ sīhapañjare ṭhito rājā disvā tassa upasame pasīditvā taṃ attano bhavanaṃ pavesetvā rājapallaṅke nisīdāpetvā katapaṭisanthāro thokaṃ dhammakathaṃ sutvā nānaggarasabhojanaṃ dāpesi. Mahāsatto bhattaṃ gahetvā cintesi – ‘‘idaṃ rājakulaṃ nāma bahudosaṃ bahupaccāmittaṃ hoti, ko nu kho mama uppannaṃ bhayaṃ nittharissatī’’ti. So avidūre ṭhitaṃ rājavallabhaṃ ekaṃ piṅgalasunakhaṃ disvā mahantaṃ bhattapiṇḍaṃ gahetvā tassa dātukāmatākāraṃ dassesi. Rājā ñatvā sunakhassa bhājanaṃ āharāpetvā bhattaṃ gāhāpetvā dāpesi. Mahāsattopi tassa datvā bhattakiccaṃ niṭṭhapesi. Rājāpissa paṭiññaṃ gahetvā antonagare rājuyyāne paṇṇasālaṃ kāretvā pabbajitaparikkhāre datvā taṃ tattha vāsāpesi, devasikañcassa dve tayo vāre upaṭṭhānaṃ agamāsi. Bhojanakāle pana mahāsatto niccaṃ rājapallaṅkeyeva nisīditvā rājabhojanameva bhuñjati. Evaṃ dvādasa saṃvaccharāni atītāni.
д̇асса бана ран̃н̃о бан̃жа амажжаа ад̇т̇ан̃жа д̇хамман̃жа анусаасанд̇и. д̇зсу зго ахзд̇угаваад̣̇ий, зго иссарагад̇аваад̣̇ий, зго буб̣б̣згад̇аваад̣̇ий, зго ужчзд̣̇аваад̣̇ий, зго кад̇д̇авиж̇ж̇аваад̣̇ий. д̇зсу ахзд̇угаваад̣̇ий ‘‘имз сад̇д̇аа сам̣саарасуд̣̇д̇хигаа’’д̇и махааж̇анам̣ уг̇г̇ан̣хаабзси. иссарагад̇аваад̣̇ий ‘‘аяам̣ лого иссараниммид̇о’’д̇и махааж̇анам̣ уг̇г̇ан̣хаабзси. буб̣б̣згад̇аваад̣̇ий ‘‘имзсам̣ сад̇д̇аанам̣ сукам̣ ваа д̣̇угкам̣ ваа уббаж̇ж̇амаанам̣ буб̣б̣згад̇знзва уббаж̇ж̇ад̇ий’’д̇и махааж̇анам̣ уг̇г̇ан̣хаабзси. ужчзд̣̇аваад̣̇ий ‘‘ид̇о баралогам̣ г̇ад̇о наама над̇т̇и, аяам̣ лого ужчиж̇ж̇ад̇ий’’д̇и махааж̇анам̣ уг̇г̇ан̣хаабзси. кад̇д̇авиж̇ж̇аваад̣̇ий ‘‘маад̇аабид̇ароби маарзд̇ваа ад̇д̇анова ад̇т̇о гаад̇аб̣б̣о’’д̇и махааж̇анам̣ уг̇г̇ан̣хаабзси. д̇з ран̃н̃о винижчаяз нияуд̇д̇аа лан̃ж̇акаад̣̇агаа худ̇ваа ассаамигам̣ саамигам̣, саамигам̣ ассаамигам̣ гаронд̇и.
Tassa pana rañño pañca amaccā atthañca dhammañca anusāsanti. Tesu eko ahetukavādī, eko issarakatavādī, eko pubbekatavādī, eko ucchedavādī, eko khattavijjavādī. Tesu ahetukavādī ‘‘ime sattā saṃsārasuddhikā’’ti mahājanaṃ uggaṇhāpesi. Issarakatavādī ‘‘ayaṃ loko issaranimmito’’ti mahājanaṃ uggaṇhāpesi. Pubbekatavādī ‘‘imesaṃ sattānaṃ sukhaṃ vā dukkhaṃ vā uppajjamānaṃ pubbekateneva uppajjatī’’ti mahājanaṃ uggaṇhāpesi. Ucchedavādī ‘‘ito paralokaṃ gato nāma natthi, ayaṃ loko ucchijjatī’’ti mahājanaṃ uggaṇhāpesi. Khattavijjavādī ‘‘mātāpitaropi māretvā attanova attho kātabbo’’ti mahājanaṃ uggaṇhāpesi. Te rañño vinicchaye niyuttā lañjakhādakā hutvā assāmikaṃ sāmikaṃ, sāmikaṃ assāmikaṃ karonti.
ат̇згад̣̇ивасам̣ зго бурисо гуудаддабарааж̇ид̇о махаасад̇д̇ам̣ бхигкааяа жаранд̇ам̣ рааж̇аг̇зхам̣ бависанд̇ам̣ д̣̇исваа ванд̣̇ид̇ваа, ‘‘бханд̇з, д̇умхз рааж̇аг̇зхз бхун̃ж̇амаанаа винижчаяаамажжз лан̃ж̇ам̣ г̇ахзд̇ваа логам̣ винаасзнд̇з гасмаа аж̇жхубзгкат̇а, ид̣̇аани бан̃жахи амажжзхи гуудаддагаарагасса хад̇т̇ад̇о лан̃ж̇ам̣ г̇ахзд̇ваа саамигова самаано ассаамиго гад̇о’’д̇и барид̣̇зви. со д̇асмим̣ гаарун̃н̃авасзна винижчаяам̣ г̇анд̇ваа д̇хаммзна винижчинид̇ваа саамиган̃н̃зва саамигам̣ агааси. махааж̇ано згаббахаарзнзва махаасад̣̇д̣̇зна саад̇хугаарам̣ ад̣̇ааси. рааж̇аа д̇ам̣ сад̣̇д̣̇ам̣ суд̇ваа ‘‘гим̣сад̣̇д̣̇о наамааяа’’нд̇и бужчид̇ваа д̇амад̇т̇ам̣ суд̇ваа гад̇абхад̇д̇агижжам̣ махаасад̇д̇ам̣ убанисийд̣̇ид̇ваа бужчи – ‘‘бханд̇з, аж̇ж̇а гира во аддо винижчид̇о’’д̇и. ‘‘аама, махаарааж̇аа’’д̇и. ‘‘бханд̇з, д̇умхзсу винижчинанд̇зсу махааж̇анасса вуд̣дхи бхависсад̇и, ид̇о бадтааяа д̇умхзва винижчинат̇аа’’д̇и. ‘‘махаарааж̇а, маяам̣ баб̣б̣аж̇ид̇аа наама, нзд̇ам̣ гаммам̣ амхаагам̣ гамма’’нд̇и. ‘‘бханд̇з, махааж̇анз гаарун̃н̃зна гаад̇ум̣ ваддад̇и, д̇умхз сагалад̣̇ивасам̣ маа винижчинат̇а, уяяаанад̇о бана ид̇хааг̇ажчанд̇аа винижчаяадтаанам̣ г̇анд̇ваа баад̇ова жад̇д̇ааро аддз винижчинат̇а, бхуд̇ваа уяяаанам̣ г̇ажчанд̇аа жад̇д̇ааро, звам̣ махааж̇анасса вуд̣дхи бхависсад̇ий’’д̇и. со д̇зна бунаббунам̣ яаажияамаано ‘‘саад̇хуу’’д̇и самбадижчид̇ваа д̇ад̇о бадтааяа д̇ат̇аа агааси.
Athekadivasaṃ eko puriso kūṭaṭṭaparājito mahāsattaṃ bhikkhāya carantaṃ rājagehaṃ pavisantaṃ disvā vanditvā, ‘‘bhante, tumhe rājagehe bhuñjamānā vinicchayāmacce lañjaṃ gahetvā lokaṃ vināsente kasmā ajjhupekkhatha, idāni pañcahi amaccehi kūṭaṭṭakārakassa hatthato lañjaṃ gahetvā sāmikova samāno assāmiko kato’’ti paridevi. So tasmiṃ kāruññavasena vinicchayaṃ gantvā dhammena vinicchinitvā sāmikaññeva sāmikaṃ akāsi. Mahājano ekappahāreneva mahāsaddena sādhukāraṃ adāsi. Rājā taṃ saddaṃ sutvā ‘‘kiṃsaddo nāmāya’’nti pucchitvā tamatthaṃ sutvā katabhattakiccaṃ mahāsattaṃ upanisīditvā pucchi – ‘‘bhante, ajja kira vo aṭṭo vinicchito’’ti. ‘‘Āma, mahārājā’’ti. ‘‘Bhante, tumhesu vinicchinantesu mahājanassa vuḍḍhi bhavissati, ito paṭṭhāya tumheva vinicchinathā’’ti. ‘‘Mahārāja, mayaṃ pabbajitā nāma, netaṃ kammaṃ amhākaṃ kamma’’nti. ‘‘Bhante, mahājane kāruññena kātuṃ vaṭṭati, tumhe sakaladivasaṃ mā vinicchinatha, uyyānato pana idhāgacchantā vinicchayaṭṭhānaṃ gantvā pātova cattāro aṭṭe vinicchinatha, bhutvā uyyānaṃ gacchantā cattāro, evaṃ mahājanassa vuḍḍhi bhavissatī’’ti. So tena punappunaṃ yāciyamāno ‘‘sādhū’’ti sampaṭicchitvā tato paṭṭhāya tathā akāsi.
гуудаддагаарагаа огаасам̣ на лабхим̣су. д̇зби амажжаа лан̃ж̇ам̣ алабханд̇аа д̣̇уг̇г̇ад̇аа худ̇ваа жинд̇аяим̣су – ‘‘б̣од̇хибариб̣б̣ааж̇агасса винижчинанагаалад̇о бадтааяа маяам̣ гин̃жи на лабхаама, ханд̣̇а нам̣ ‘рааж̇авзриго’д̇и вад̇ваа ран̃н̃о анд̇арз барибхинд̣̇ид̇ваа маараабзссаамаа’’д̇и. д̇з рааж̇аанам̣ убасан̇гамид̇ваа, ‘‘махаарааж̇а, б̣од̇хибариб̣б̣ааж̇аго д̇умхаагам̣ анад̇т̇агаамо’’д̇и вад̇ваа асад̣̇д̣̇аханд̇зна ран̃н̃аа ‘‘сийлаваа зса н̃аан̣асамбанно, на звам̣ гариссад̇ий’’д̇и вуд̇д̇з, ‘‘махаарааж̇а, д̇зна сагаланаг̇араваасино ад̇д̇ано хад̇т̇з гад̇ваа гзвалам̣ амхзязва бан̃жа ж̇анз гаад̇ум̣ на саггаа, сажз амхаагам̣ важанам̣ на сад̣̇д̣̇ахат̇а, д̇асса ид̇хааг̇аманагаалз барисам̣ ологзт̇аа’’д̇и аахам̣су. рааж̇аа ‘‘саад̇хуу’’д̇и сийхабан̃ж̇арз тид̇о д̇ам̣ ааг̇ажчанд̇ам̣ ологзнд̇о бариваарам̣ д̣̇исваа ад̇д̇ано ан̃н̃аан̣зна аддагаарагамануссз ‘‘д̇асса бариваараа’’д̇и ман̃н̃амаано бхиж̇ж̇ид̇ваа д̇з амажжз баггосаабзд̇ваа ‘‘гинд̇и гаромаа’’д̇и бужчи. ‘‘г̇ан̣хаабзт̇а нам̣, д̣̇зваа’’д̇и. ‘‘ол̣ааригам̣ абараад̇хам̣ абассанд̇аа гат̇ам̣ г̇ан̣хаамаа’’д̇и. ‘‘д̇зна хи, махаарааж̇а, багад̇ибарихаарамасса хаабзт̇а, д̇ам̣ барихааяанд̇ам̣ д̣̇исваа бан̣д̣ид̇о бариб̣б̣ааж̇аго гассажи анаарожзд̇ваа саяамзва балааяиссад̇ий’’д̇и.
Kūṭaṭṭakārakā okāsaṃ na labhiṃsu. Tepi amaccā lañjaṃ alabhantā duggatā hutvā cintayiṃsu – ‘‘bodhiparibbājakassa vinicchinanakālato paṭṭhāya mayaṃ kiñci na labhāma, handa naṃ ‘rājaveriko’ti vatvā rañño antare paribhinditvā mārāpessāmā’’ti. Te rājānaṃ upasaṅkamitvā, ‘‘mahārāja, bodhiparibbājako tumhākaṃ anatthakāmo’’ti vatvā asaddahantena raññā ‘‘sīlavā esa ñāṇasampanno, na evaṃ karissatī’’ti vutte, ‘‘mahārāja, tena sakalanagaravāsino attano hatthe katvā kevalaṃ amheyeva pañca jane kātuṃ na sakkā, sace amhākaṃ vacanaṃ na saddahatha, tassa idhāgamanakāle parisaṃ olokethā’’ti āhaṃsu. Rājā ‘‘sādhū’’ti sīhapañjare ṭhito taṃ āgacchantaṃ olokento parivāraṃ disvā attano aññāṇena aṭṭakārakamanusse ‘‘tassa parivārā’’ti maññamāno bhijjitvā te amacce pakkosāpetvā ‘‘kinti karomā’’ti pucchi. ‘‘Gaṇhāpetha naṃ, devā’’ti. ‘‘Oḷārikaṃ aparādhaṃ apassantā kathaṃ gaṇhāmā’’ti. ‘‘Tena hi, mahārāja, pakatiparihāramassa hāpetha, taṃ parihāyantaṃ disvā paṇḍito paribbājako kassaci anārocetvā sayameva palāyissatī’’ti.
рааж̇аа ‘‘саад̇хуу’’д̇и вад̇ваа анубуб̣б̣зна д̇асса барихаарам̣ барихаабзси. батамад̣̇ивасам̣ д̇аава нам̣ д̇ужчабаллан̇гзязва нисийд̣̇аабзсум̣. со д̇ужчабаллан̇гам̣ д̣̇исваава ран̃н̃о барибхиннабхаавам̣ н̃ад̇ваа саяамзва уяяаанам̣ г̇анд̇ваа д̇ам̣ д̣̇ивасамзва баггамид̇угаамо худ̇вааби ‘‘зганд̇зна н̃ад̇ваа баггамиссаамий’’д̇и на баггаами. ат̇асса бунад̣̇ивасз д̇ужчабаллан̇гз нисиннасса ран̃н̃обагад̇ибхад̇д̇ан̃жа ан̃н̃ан̃жа г̇ахзд̇ваа миссагабхад̇д̇ам̣ ад̣̇ам̣су. д̇ад̇ияад̣̇ивасз махаад̇алам̣ бависид̇ум̣ ад̣̇ад̇ваа собаанасийсзязва табзд̇ваа миссагабхад̇д̇ам̣ ад̣̇ам̣су. со д̇амби аад̣̇ааяа уяяаанам̣ г̇анд̇ваа бхад̇д̇агижжам̣ агааси. жад̇уд̇т̇ад̣̇ивасз хздтаабаасаад̣̇з табзд̇ваа ган̣ааж̇агабхад̇д̇ам̣ ад̣̇ам̣су. со д̇амби г̇ахзд̇ваа уяяаанам̣ г̇анд̇ваа бхад̇д̇агижжам̣ агааси. рааж̇аа амажжз бужчи – ‘‘б̣од̇хибариб̣б̣ааж̇аго саггаарз барихаабид̇зби на баггамад̇и, гинд̇и нам̣ гаромаа’’д̇и? ‘‘д̣̇зва, на со бхад̇д̇ад̇т̇ааяа жарад̇и, чад̇д̇ад̇т̇ааяа бана жарад̇и. сажз бхад̇д̇ад̇т̇ааяа жарзяяа, батамад̣̇ивасам̣язва балааязяяаа’’д̇и. ‘‘ид̣̇аани гим̣ гаромаа’’д̇и? ‘‘свз гхаад̇аабзт̇а нам̣, махаарааж̇аа’’д̇и. со ‘‘саад̇хуу’’д̇и д̇зсан̃н̃зва хад̇т̇з каг̇г̇з табзд̇ваа ‘‘свз анд̇арад̣̇ваарз тад̇ваа бависанд̇ассзвасса сийсам̣ чинд̣̇ид̇ваа кан̣д̣аакан̣д̣игам̣ гад̇ваа ган̃жи аж̇аанаабзд̇ваа важжагудияам̣ багкибид̇ваа нхад̇ваа ааг̇ажчзяяаат̇аа’’д̇и ааха. д̇з ‘‘саад̇хуу’’д̇и самбадижчид̇ваа ‘‘свз ааг̇анд̇ваа звам̣ гариссаамаа’’д̇и ан̃н̃аман̃н̃ам̣ вижаарзд̇ваа звам̣ ад̇д̇ано нивзсанам̣ аг̇амам̣су.
Rājā ‘‘sādhū’’ti vatvā anupubbena tassa parihāraṃ parihāpesi. Paṭhamadivasaṃ tāva naṃ tucchapallaṅkeyeva nisīdāpesuṃ. So tucchapallaṅkaṃ disvāva rañño paribhinnabhāvaṃ ñatvā sayameva uyyānaṃ gantvā taṃ divasameva pakkamitukāmo hutvāpi ‘‘ekantena ñatvā pakkamissāmī’’ti na pakkāmi. Athassa punadivase tucchapallaṅke nisinnassa raññopakatibhattañca aññañca gahetvā missakabhattaṃ adaṃsu. Tatiyadivase mahātalaṃ pavisituṃ adatvā sopānasīseyeva ṭhapetvā missakabhattaṃ adaṃsu. So tampi ādāya uyyānaṃ gantvā bhattakiccaṃ akāsi. Catutthadivase heṭṭhāpāsāde ṭhapetvā kaṇājakabhattaṃ adaṃsu. So tampi gahetvā uyyānaṃ gantvā bhattakiccaṃ akāsi. Rājā amacce pucchi – ‘‘bodhiparibbājako sakkāre parihāpitepi na pakkamati, kinti naṃ karomā’’ti? ‘‘Deva, na so bhattatthāya carati, chattatthāya pana carati. Sace bhattatthāya careyya, paṭhamadivasaṃyeva palāyeyyā’’ti. ‘‘Idāni kiṃ karomā’’ti? ‘‘Sve ghātāpetha naṃ, mahārājā’’ti. So ‘‘sādhū’’ti tesaññeva hatthe khagge ṭhapetvā ‘‘sve antaradvāre ṭhatvā pavisantassevassa sīsaṃ chinditvā khaṇḍākhaṇḍikaṃ katvā kañci ajānāpetvā vaccakuṭiyaṃ pakkhipitvā nhatvā āgaccheyyāthā’’ti āha. Te ‘‘sādhū’’ti sampaṭicchitvā ‘‘sve āgantvā evaṃ karissāmā’’ti aññamaññaṃ vicāretvā evaṃ attano nivesanaṃ agamaṃsu.
рааж̇ааби сааяам̣ бхуд̇д̇абхож̇ано сирисаяанз нибаж̇ж̇ид̇ваа махаасад̇д̇асса г̇ун̣з ануссари. ат̇асса д̇аавад̣̇зва сого уббаж̇ж̇и, сарийрад̇о сзд̣̇аа мужжим̣су, саяанз ассаасам̣ алабханд̇о абараабарам̣ баривад̇д̇и. ат̇асса аг̇г̇амахзсий убанибаж̇ж̇и, со д̇ааяа сад̣̇д̇хим̣ саллаабамад̇д̇амби на гари. ат̇а нам̣ саа ‘‘гим̣ ну ко, махаарааж̇а, саллаабамад̇д̇амби на гарот̇а, аби ну ко мз гожи абараад̇хо ад̇т̇ий’’д̇и бужчи. ‘‘над̇т̇и д̣̇зви, абижа ко б̣од̇хибариб̣б̣ааж̇аго гира амхаагам̣ бажжад̇т̇иго ж̇аад̇од̇и д̇асса свз гхаад̇анад̇т̇ааяа бан̃жа амажжз аан̣аабзсим̣, д̇з бана нам̣ маарзд̇ваа кан̣д̣аакан̣д̣игам̣ гад̇ваа важжагуубз багкибиссанд̇и, со бана амхаагам̣ д̣̇ваад̣̇аса сам̣важчараани б̣ахум̣ д̇хаммам̣ д̣̇зсзси, згаабараад̇хобисса маяаа бажжагкад̇о на д̣̇идтабуб̣б̣о, барабад̇д̇иязна худ̇ваа д̇асса маяаа вад̇хо аан̣ад̇д̇о, д̇зна гааран̣зна сожаамий’’д̇и. ат̇а нам̣ саа ‘‘сажз д̇з д̣̇зва со бажжад̇т̇иго ж̇аад̇о, д̇ам̣ гхаад̇знд̇о гим̣ сожаси, бажжад̇т̇игам̣ наама буд̇д̇амби гхаад̇зд̇ваа ад̇д̇ано сод̇т̇ибхааво гаад̇аб̣б̣ова, маа сожид̇т̇аа’’д̇и ассаасзси. со д̇ассаа важанзна бадилад̣̇д̇хассаасо нид̣̇д̣̇ам̣ оггами.
Rājāpi sāyaṃ bhuttabhojano sirisayane nipajjitvā mahāsattassa guṇe anussari. Athassa tāvadeva soko uppajji, sarīrato sedā mucciṃsu, sayane assāsaṃ alabhanto aparāparaṃ parivatti. Athassa aggamahesī upanipajji, so tāya saddhiṃ sallāpamattampi na kari. Atha naṃ sā ‘‘kiṃ nu kho, mahārāja, sallāpamattampi na karotha, api nu kho me koci aparādho atthī’’ti pucchi. ‘‘Natthi devi, apica kho bodhiparibbājako kira amhākaṃ paccatthiko jātoti tassa sve ghātanatthāya pañca amacce āṇāpesiṃ, te pana naṃ māretvā khaṇḍākhaṇḍikaṃ katvā vaccakūpe pakkhipissanti, so pana amhākaṃ dvādasa saṃvaccharāni bahuṃ dhammaṃ desesi, ekāparādhopissa mayā paccakkhato na diṭṭhapubbo, parapattiyena hutvā tassa mayā vadho āṇatto, tena kāraṇena socāmī’’ti. Atha naṃ sā ‘‘sace te deva so paccatthiko jāto, taṃ ghātento kiṃ socasi, paccatthikaṃ nāma puttampi ghātetvā attano sotthibhāvo kātabbova, mā socitthā’’ti assāsesi. So tassā vacanena paṭiladdhassāso niddaṃ okkami.
д̇асмим̣ кан̣з голзяяаго бин̇г̇аласунако д̇ам̣ гат̇ам̣ суд̇ваа ‘‘свз маяаа ад̇д̇ано б̣алзнасса ж̇ийвид̇ам̣ д̣̇аад̇ум̣ ваддад̇ий’’д̇и жинд̇зд̇ваа бунад̣̇ивасз баад̇ова баасаад̣̇аа оруяха махаад̣̇ваарам̣ ааг̇анд̇ваа уммаарз сийсам̣ гад̇ваа махаасад̇д̇асса ааг̇аманамаг̇г̇ам̣ ологзнд̇ова нибаж̇ж̇и. д̇зби амажжаа баад̇ова каг̇г̇ахад̇т̇аа ааг̇анд̇ваа д̣̇вааранд̇арз адтам̣су. б̣од̇хисад̇д̇оби взлам̣ саллагкзд̇ваа уяяаанаа нигкамма рааж̇ад̣̇ваарам̣ ааг̇ан̃чи. ат̇а нам̣ сунако д̣̇исваа мукам̣ виварид̇ваа жад̇ассо д̣̇аатаа д̣̇ассзд̇ваа ‘‘гим̣ д̇вам̣, бханд̇з, ж̇амб̣уд̣̇ийбад̇алз ан̃н̃ад̇т̇а бхигкам̣ на лабхаси, амхаагам̣ рааж̇аа д̇ава мааран̣ад̇т̇ааяа бан̃жа амажжз каг̇г̇ахад̇т̇з д̣̇вааранд̇арз табзси, маа д̇вам̣ налаадзна мажжум̣ г̇ахзд̇ваа ааг̇ами, сийгхам̣ баггамаа’’д̇и махаасад̣̇д̣̇зна вирави. со саб̣б̣аруд̇ан̃н̃уд̇ааяа д̇амад̇т̇ам̣ н̃ад̇ваа д̇ад̇ова нивад̇д̇ид̇ваа уяяаанам̣ г̇анд̇ваа баггаманад̇т̇ааяа баригкаарз аад̣̇ияи. рааж̇аа сийхабан̃ж̇арз тид̇о д̇ам̣ ааг̇ажчанд̇ам̣ г̇ажчанд̇ан̃жа д̣̇исваа ‘‘сажз аяам̣ мама бажжад̇т̇иго бхавзяяа, уяяаанам̣ г̇анд̇ваа б̣алам̣ саннибаад̇аабзд̇ваа гаммасаж̇ж̇о бхависсад̇и. но жз, ад̇д̇ано баригкаарз г̇ахзд̇ваа г̇аманасаж̇ж̇о бхависсад̇и, ж̇ааниссаами д̇аавасса гирияа’’нд̇и уяяаанам̣ г̇анд̇ваа махаасад̇д̇ам̣ ад̇д̇ано баригкаарз аад̣̇ааяа ‘‘г̇амиссаамий’’д̇и бан̣н̣асаалад̇о нигканд̇ам̣ жан̇гаманагодияам̣ д̣̇исваава ванд̣̇ид̇ваа згаманд̇ам̣ тид̇о батамам̣ г̇аат̇амааха –
Tasmiṃ khaṇe koleyyako piṅgalasunakho taṃ kathaṃ sutvā ‘‘sve mayā attano balenassa jīvitaṃ dātuṃ vaṭṭatī’’ti cintetvā punadivase pātova pāsādā oruyha mahādvāraṃ āgantvā ummāre sīsaṃ katvā mahāsattassa āgamanamaggaṃ olokentova nipajji. Tepi amaccā pātova khaggahatthā āgantvā dvārantare aṭṭhaṃsu. Bodhisattopi velaṃ sallakkhetvā uyyānā nikkhamma rājadvāraṃ āgañchi. Atha naṃ sunakho disvā mukhaṃ vivaritvā catasso dāṭhā dassetvā ‘‘kiṃ tvaṃ, bhante, jambudīpatale aññattha bhikkhaṃ na labhasi, amhākaṃ rājā tava māraṇatthāya pañca amacce khaggahatthe dvārantare ṭhapesi, mā tvaṃ nalāṭena maccuṃ gahetvā āgami, sīghaṃ pakkamā’’ti mahāsaddena viravi. So sabbarutaññutāya tamatthaṃ ñatvā tatova nivattitvā uyyānaṃ gantvā pakkamanatthāya parikkhāre ādiyi. Rājā sīhapañjare ṭhito taṃ āgacchantaṃ gacchantañca disvā ‘‘sace ayaṃ mama paccatthiko bhaveyya, uyyānaṃ gantvā balaṃ sannipātāpetvā kammasajjo bhavissati. No ce, attano parikkhāre gahetvā gamanasajjo bhavissati, jānissāmi tāvassa kiriya’’nti uyyānaṃ gantvā mahāsattaṃ attano parikkhāre ādāya ‘‘gamissāmī’’ti paṇṇasālato nikkhantaṃ caṅkamanakoṭiyaṃ disvāva vanditvā ekamantaṃ ṭhito paṭhamaṃ gāthamāha –
124.
124.
‘‘гим̣ ну д̣̇ан̣д̣ам̣ гимаж̇инам̣, гим̣ чад̇д̇ам̣ гимубааханам̣;
‘‘Kiṃ nu daṇḍaṃ kimajinaṃ, kiṃ chattaṃ kimupāhanaṃ;
гиман̇гусан̃жа бад̇д̇ан̃жа, сан̇гхаадин̃жааби б̣раахман̣а;
Kimaṅkusañca pattañca, saṅghāṭiñcāpi brāhmaṇa;
д̇арамаанаруубохааси, гим̣ ну бад̇т̇аяасз д̣̇иса’’нд̇и.
Taramānarūpohāsi, kiṃ nu patthayase disa’’nti.
д̇ассад̇т̇о – бханд̇з, буб̣б̣з д̇вам̣ амхаагам̣ гхарам̣ ааг̇ажчанд̇о д̣̇ан̣д̣аад̣̇ийни на г̇ан̣хааси, аж̇ж̇а бана гзна гааран̣зна д̣̇ан̣д̣ан̃жа аж̇инан̃жа чад̇д̇уубааханан̃жа мад̇д̇игабасиб̣б̣аголамб̣анаан̇гусан̃жа мад̇д̇игабад̇д̇ан̃жа сан̇гхаадин̃жаад̇и саб̣б̣збимз баригкаарз д̇арамаанаруубо г̇ан̣хааси, гад̇арам̣ ну д̣̇исам̣ бад̇т̇зси, гад̇т̇а г̇анд̇угаамосийд̇и бужчи.
Tassattho – bhante, pubbe tvaṃ amhākaṃ gharaṃ āgacchanto daṇḍādīni na gaṇhāsi, ajja pana kena kāraṇena daṇḍañca ajinañca chattūpāhanañca mattikapasibbakolambanaaṅkusañca mattikapattañca saṅghāṭiñcāti sabbepime parikkhāre taramānarūpo gaṇhāsi, kataraṃ nu disaṃ patthesi, kattha gantukāmosīti pucchi.
д̇ам̣ суд̇ваа махаасад̇д̇о ‘‘аяам̣ ад̇д̇анаа гад̇агаммам̣ на ж̇аанаад̇ийд̇и ман̃н̃ад̇и, ж̇аанаабзссаами на’’нд̇и д̣̇вз г̇аат̇аа абхааси –
Taṃ sutvā mahāsatto ‘‘ayaṃ attanā katakammaṃ na jānātīti maññati, jānāpessāmi na’’nti dve gāthā abhāsi –
125.
125.
‘‘д̣̇ваад̣̇асзд̇аани вассаани, вусид̇аани д̇аванд̇игз;
‘‘Dvādasetāni vassāni, vusitāni tavantike;
наабхиж̇аанаами сон̣зна, бин̇г̇алзнаабхигууж̇ид̇ам̣.
Nābhijānāmi soṇena, piṅgalenābhikūjitaṃ.
126.
126.
‘‘свааяам̣ д̣̇ид̇д̇ова над̣̇ад̇и, суггад̣̇аатам̣ вид̣̇ам̣саяам̣;
‘‘Svāyaṃ dittova nadati, sukkadāṭhaṃ vidaṃsayaṃ;
д̇ава суд̇ваа сабхарияасса, вийд̇асад̣̇д̇хасса мам̣ бад̇ий’’д̇и.
Tava sutvā sabhariyassa, vītasaddhassa maṃ patī’’ti.
д̇ад̇т̇а абхигууж̇ид̇анд̇и зд̇зна д̇ава сунакзна звам̣ махаавиравзна виравид̇ам̣ на ж̇аанаами. д̣̇ид̇д̇о ваад̇и д̣̇аббид̇о вияа. сабхарияассаад̇и д̇ава сабхарияасса мама мааран̣ад̇т̇ааяа бан̃жаннам̣ амажжаанам̣ аан̣ад̇д̇абхаавам̣ гат̇знд̇асса суд̇ваа ‘‘гим̣ д̇вам̣ ан̃н̃ад̇т̇а бхигкам̣ на лабхаси, ран̃н̃аа д̇з вад̇хо аан̣ад̇д̇о, ид̇ха мааг̇ажчий’’д̇и д̣̇ид̇д̇ова над̣̇ад̇и. вийд̇асад̣̇д̇хасса мам̣ бад̇ийд̇и маманд̇арз виг̇ад̇асад̣̇д̇хасса д̇ава важанам̣ суд̇ваа зва над̣̇ад̇ийд̇и ааха.
Tattha abhikūjitanti etena tava sunakhena evaṃ mahāviravena viravitaṃ na jānāmi. Ditto vāti dappito viya. Sabhariyassāti tava sabhariyassa mama māraṇatthāya pañcannaṃ amaccānaṃ āṇattabhāvaṃ kathentassa sutvā ‘‘kiṃ tvaṃ aññattha bhikkhaṃ na labhasi, raññā te vadho āṇatto, idha māgacchī’’ti dittova nadati. Vītasaddhassa maṃ patīti mamantare vigatasaddhassa tava vacanaṃ sutvā eva nadatīti āha.
д̇ад̇о рааж̇аа ад̇д̇ано д̣̇осам̣ самбадижчид̇ваа д̇ам̣ камаабзнд̇о жад̇уд̇т̇ам̣ г̇аат̇амааха –
Tato rājā attano dosaṃ sampaṭicchitvā taṃ khamāpento catutthaṃ gāthamāha –
127.
127.
‘‘аху зса гад̇о д̣̇осо, яат̇аа бхаасаси б̣раахман̣а;
‘‘Ahu esa kato doso, yathā bhāsasi brāhmaṇa;
зса бхияяо басийд̣̇аами, васа б̣раахман̣а мааг̇амаа’’д̇и.
Esa bhiyyo pasīdāmi, vasa brāhmaṇa māgamā’’ti.
д̇ад̇т̇а бхияяод̇и сажжам̣ маяаа звам̣ аан̣ад̇д̇ам̣, аяам̣ мз д̣̇осо, зса банаахам̣ ид̣̇аани ад̇хигад̇арам̣ д̇аяи басийд̣̇аами, ид̇хзва васа, маа ан̃н̃ад̇т̇а г̇амийд̇и.
Tattha bhiyyoti saccaṃ mayā evaṃ āṇattaṃ, ayaṃ me doso, esa panāhaṃ idāni adhikataraṃ tayi pasīdāmi, idheva vasa, mā aññattha gamīti.
д̇ам̣ суд̇ваа махаасад̇д̇о, ‘‘махаарааж̇а, бан̣д̣ид̇аа наама д̇аад̣̇исзна барабад̇д̇иязна абажжагкагааринаа сад̣̇д̇хим̣ на васанд̇ий’’д̇и вад̇ваа д̇асса анаажаарам̣ багаасзнд̇о ааха –
Taṃ sutvā mahāsatto, ‘‘mahārāja, paṇḍitā nāma tādisena parapattiyena apaccakkhakārinā saddhiṃ na vasantī’’ti vatvā tassa anācāraṃ pakāsento āha –
128.
128.
‘‘саб̣б̣асзд̇о бурз ааси, д̇ад̇оби саб̣ало аху;
‘‘Sabbaseto pure āsi, tatopi sabalo ahu;
саб̣б̣алохид̇аго д̣̇аани, гаало баггамид̇ум̣ мама.
Sabbalohitako dāni, kālo pakkamituṃ mama.
129.
129.
‘‘аб̣бханд̇арам̣ бурз ааси, д̇ад̇о маж̇жхз д̇ад̇о б̣ахи;
‘‘Abbhantaraṃ pure āsi, tato majjhe tato bahi;
бураа нид̣̇д̇хаманаа ход̇и, саяамзва важ̇аамахам̣.
Purā niddhamanā hoti, sayameva vajāmahaṃ.
130.
130.
‘‘вийд̇асад̣̇д̇хам̣ на сзвзяяа, убад̣̇аанам̣ванод̣̇агам̣;
‘‘Vītasaddhaṃ na seveyya, upadānaṃvanodakaṃ;
сажзби нам̣ анукан̣з, ваари гад̣̇д̣̇амаг̇анд̇хигам̣.
Sacepi naṃ anukhaṇe, vāri kaddamagandhikaṃ.
131.
131.
‘‘басаннамзва сзвзяяа, аббасаннам̣ виваж̇ж̇аяз;
‘‘Pasannameva seveyya, appasannaṃ vivajjaye;
басаннам̣ баяирубаасзяяа, рахад̣̇ам̣вуд̣̇агад̇т̇иго.
Pasannaṃ payirupāseyya, rahadaṃvudakatthiko.
132.
132.
‘‘бхаж̇з бхаж̇анд̇ам̣ бурисам̣, абхаж̇анд̇ам̣ на бхаж̇ж̇аяз;
‘‘Bhaje bhajantaṃ purisaṃ, abhajantaṃ na bhajjaye;
асаббурисад̇хаммо со, яо бхаж̇анд̇ам̣ на бхаж̇ж̇ад̇и.
Asappurisadhammo so, yo bhajantaṃ na bhajjati.
133.
133.
‘‘яо бхаж̇анд̇ам̣ на бхаж̇ад̇и, сзвамаанам̣ на сзвад̇и;
‘‘Yo bhajantaṃ na bhajati, sevamānaṃ na sevati;
са вз мануссабаабидто, миг̇о саакассид̇о яат̇аа.
Sa ve manussapāpiṭṭho, migo sākhassito yathā.
134.
134.
‘‘ажжаабхигкан̣асам̣саг̇г̇аа, асамосаран̣зна жа;
‘‘Accābhikkhaṇasaṃsaggā, asamosaraṇena ca;
зд̇зна мид̇д̇аа ж̇ийранд̇и, агаалз яаажанааяа жа.
Etena mittā jīranti, akāle yācanāya ca.
135.
135.
‘‘д̇асмаа наабхигкан̣ам̣ г̇ажчз, на жа г̇ажчз жираажирам̣;
‘‘Tasmā nābhikkhaṇaṃ gacche, na ca gacche cirāciraṃ;
гаалзна яаажам̣ яаажзяяа, звам̣ мид̇д̇аа на ж̇ийяарз.
Kālena yācaṃ yāceyya, evaṃ mittā na jīyare.
136.
136.
‘‘ад̇ижирам̣ ниваасзна, бияо бхавад̇и аббияо;
‘‘Aticiraṃ nivāsena, piyo bhavati appiyo;
ааманд̇а ко д̇ам̣ г̇ажчаама, бураа д̇з хома аббияаа’’д̇и.
Āmanta kho taṃ gacchāma, purā te homa appiyā’’ti.
д̇ад̇т̇а саб̣б̣асзд̇од̇и, махаарааж̇а, батамамзва д̇ава нивзсанз мама од̣̇ано саб̣б̣асзд̇о ахоси, яам̣ д̇вам̣ бхун̃ж̇аси, д̇амзва д̣̇аабзсийд̇и ад̇т̇о. д̇ад̇од̇и д̇ад̇о бажчаа барибхзд̣̇агаанам̣ важанам̣ г̇ахзд̇ваа д̇ава маяи вирад̇д̇агаалз саб̣ало миссагод̣̇ано ж̇аад̇о. д̣̇аанийд̇и ид̣̇аани саб̣б̣алохид̇аго ж̇аад̇о. гаалод̇и аг̇ун̣ан̃н̃усса д̇ава санд̇игаа ид̣̇аани мама баггамид̇ум̣ гаало. аб̣бханд̇аранд̇и батамам̣ мама аб̣бханд̇арам̣ аасанам̣ ааси, алан̇гад̇амахаад̇аламхи уссид̇асзд̇ажчад̇д̇з рааж̇абаллан̇гзязва мам̣ нисийд̣̇аабзсум̣. маж̇жхзд̇и собаанамад̇т̇агз. бураа нид̣̇д̇хаманаа ход̇ийд̇и яаава г̇ийвааяам̣ г̇ахзд̇ваа ниггад̣дханаа на ход̇и.
Tattha sabbasetoti, mahārāja, paṭhamameva tava nivesane mama odano sabbaseto ahosi, yaṃ tvaṃ bhuñjasi, tameva dāpesīti attho. Tatoti tato pacchā paribhedakānaṃ vacanaṃ gahetvā tava mayi virattakāle sabalo missakodano jāto. Dānīti idāni sabbalohitako jāto. Kāloti aguṇaññussa tava santikā idāni mama pakkamituṃ kālo. Abbhantaranti paṭhamaṃ mama abbhantaraṃ āsanaṃ āsi, alaṅkatamahātalamhi ussitasetacchatte rājapallaṅkeyeva maṃ nisīdāpesuṃ. Majjheti sopānamatthake. Purā niddhamanā hotīti yāva gīvāyaṃ gahetvā nikkaḍḍhanā na hoti.
анукан̣зд̇и сажзби ануд̣̇агам̣ уд̣̇абаанам̣ бад̇д̇о бурисо уд̣̇агам̣ абассанд̇о галалам̣ вияуухид̇ваа анукан̣зяяа, д̇ат̇ааби д̇ам̣ ваари гад̣̇д̣̇амаг̇анд̇хигам̣ бхавзяяа, аманун̃н̃ад̇ааяа на бивзяяа, д̇ат̇зва вийд̇асад̣̇д̇хам̣ баяирубаасанд̇зна лад̣̇д̇хабажжаяааби барид̇д̇аа жзва луукаа жа, аманун̃н̃аа абарибхог̇аарахаад̇и ад̇т̇о. басаннанд̇и бад̇идтид̇асад̣̇д̇хам̣. рахад̣̇анд̇и г̇амбхийрам̣ махаарахад̣̇ам̣. бхаж̇анд̇анд̇и ад̇д̇аанам̣ бхаж̇анд̇амзва бхаж̇зяяа. абхаж̇анд̇анд̇и бажжад̇т̇игам̣. на бхаж̇ж̇аязд̇и на бхаж̇зяяа. на бхаж̇ж̇ад̇ийд̇и яо бурисо ад̇д̇аанам̣ бхаж̇анд̇ам̣ хид̇ажид̇д̇ам̣ буг̇г̇алам̣ на бхаж̇ад̇и, со асаббурисад̇хаммо наамаад̇и. мануссабаабидтод̇и мануссалаамаго бад̇игудто саб̣б̣абажчимаго. саакассид̇од̇и маггадо.
Anukhaṇeti sacepi anudakaṃ udapānaṃ patto puriso udakaṃ apassanto kalalaṃ viyūhitvā anukhaṇeyya, tathāpi taṃ vāri kaddamagandhikaṃ bhaveyya, amanuññatāya na piveyya, tatheva vītasaddhaṃ payirupāsantena laddhapaccayāpi parittā ceva lūkhā ca, amanuññā aparibhogārahāti attho. Pasannanti patiṭṭhitasaddhaṃ. Rahadanti gambhīraṃ mahārahadaṃ. Bhajantanti attānaṃ bhajantameva bhajeyya. Abhajantanti paccatthikaṃ. Na bhajjayeti na bhajeyya. Na bhajjatīti yo puriso attānaṃ bhajantaṃ hitacittaṃ puggalaṃ na bhajati, so asappurisadhammo nāmāti. Manussapāpiṭṭhoti manussalāmako patikuṭṭho sabbapacchimako. Sākhassitoti makkaṭo.
ажжаабхигкан̣асам̣саг̇г̇аад̇и ад̇ивияа абхин̣хасам̣саг̇г̇зна. агаалзд̇и аяуд̇д̇аббад̇д̇агаалз барасса бияабхан̣д̣ам̣ яаажанааяа мид̇д̇аа ж̇ийранд̇и наама, д̇вамби ад̇ижирам̣ ниваасзна маяи мид̇д̇им̣ бхинд̣̇и. д̇асмаад̇и яасмаа ажжаабхигкан̣асам̣саг̇г̇зна асамосаран̣зна жа мид̇д̇аа ж̇ийранд̇и, д̇асмаа. жираажиранд̇и жирагаалам̣ вийд̇инаамзд̇ваа жирам̣ на г̇ажчз на убасан̇гамзяяа. яаажанд̇и яаажид̇аб̣б̣ам̣ бхан̣д̣агам̣ яуд̇д̇агаалз яаажзяяа. на ж̇ийяарзд̇и звам̣ мид̇д̇аа на ж̇ийранд̇и. бураа д̇з хома аббияаад̇и яаава д̇ава аббияаа на хома, д̇аава ааманд̇зд̇ваава д̇ам̣ г̇ажчаамаад̇и.
Accābhikkhaṇasaṃsaggāti ativiya abhiṇhasaṃsaggena. Akāleti ayuttappattakāle parassa piyabhaṇḍaṃ yācanāya mittā jīranti nāma, tvampi aticiraṃ nivāsena mayi mittiṃ bhindi. Tasmāti yasmā accābhikkhaṇasaṃsaggena asamosaraṇena ca mittā jīranti, tasmā. Cirāciranti cirakālaṃ vītināmetvā ciraṃ na gacche na upasaṅkameyya. Yācanti yācitabbaṃ bhaṇḍakaṃ yuttakāle yāceyya. Na jīyareti evaṃ mittā na jīranti. Purā te homa appiyāti yāva tava appiyā na homa, tāva āmantetvāva taṃ gacchāmāti.
рааж̇аа ааха –
Rājā āha –
137.
137.
‘‘звам̣ жз яаажамаанаанам̣, ан̃ж̇алим̣ нааваб̣уж̇жхаси;
‘‘Evaṃ ce yācamānānaṃ, añjaliṃ nāvabujjhasi;
барижаарагаанам̣ сад̇ам̣, важанам̣ на гароси но;
Paricārakānaṃ sataṃ, vacanaṃ na karosi no;
звам̣ д̇ам̣ абхияаажаама, буна гаяирааси барияааяа’’нд̇и.
Evaṃ taṃ abhiyācāma, puna kayirāsi pariyāya’’nti.
д̇ад̇т̇а нааваб̣уж̇жхасийд̇и сажз, бханд̇з, звам̣ яаажанд̇зна маяаа гад̇ам̣ ан̃ж̇алим̣ на ж̇аанааси, на бадиг̇г̇ан̣хасийд̇и ад̇т̇о. барияааяанд̇и буна ид̇хааг̇аманааяа згаваарам̣ гарзяяаасийд̇и яаажад̇и.
Tattha nāvabujjhasīti sace, bhante, evaṃ yācantena mayā kataṃ añjaliṃ na jānāsi, na paṭiggaṇhasīti attho. Pariyāyanti puna idhāgamanāya ekavāraṃ kareyyāsīti yācati.
б̣од̇хисад̇д̇о ааха –
Bodhisatto āha –
138.
138.
‘‘звам̣ жз но вихарад̇ам̣, анд̇арааяо на хзссад̇и;
‘‘Evaṃ ce no viharataṃ, antarāyo na hessati;
д̇уяхам̣ вааби махаарааж̇а, маяхам̣ ваа радтавад̣̇д̇хана;
Tuyhaṃ vāpi mahārāja, mayhaṃ vā raṭṭhavaddhana;
аббзва наама бассзма, ахорад̇д̇аанамажжаяз’’д̇и.
Appeva nāma passema, ahorattānamaccaye’’ti.
д̇ад̇т̇а звам̣ жз нод̇и сажз, махаарааж̇а, звам̣ наанаа худ̇ваа вихаранд̇аанам̣ амхаагам̣ анд̇арааяо на хзссад̇и, д̇уяхам̣ ваа маяхам̣ ваа ж̇ийвид̇ам̣ бавад̇д̇иссад̇ийд̇и д̣̇ийбзд̇и. бассзмаад̇и аби наама бассзяяаама.
Tattha evaṃ ce noti sace, mahārāja, evaṃ nānā hutvā viharantānaṃ amhākaṃ antarāyo na hessati, tuyhaṃ vā mayhaṃ vā jīvitaṃ pavattissatīti dīpeti. Passemāti api nāma passeyyāma.
звам̣ вад̇ваа махаасад̇д̇о ран̃н̃о д̇хаммам̣ д̣̇зсзд̇ваа ‘‘аббамад̇д̇о хохи, махаарааж̇аа’’д̇и вад̇ваа уяяаанаа нигкамид̇ваа згасмим̣ сабхааг̇адтаанз бхигкааяа жарид̇ваа б̣аараан̣асид̇о нигкамма анубуб̣б̣зна химаванд̇огаасамзва г̇анд̇ваа гин̃жи гаалам̣ васид̇ваа буна од̇арид̇ваа згам̣ бажжанд̇аг̇аамам̣ ниссааяа аран̃н̃з васи. д̇асса бана г̇ад̇агаалад̇о бадтааяа д̇з амажжаа буна винижчаяз нисийд̣̇ид̇ваа вилобам̣ гаронд̇аа жинд̇аяим̣су – ‘‘сажз махааб̣од̇хибариб̣б̣ааж̇аго бунааг̇амиссад̇и, ж̇ийвид̇ам̣ но над̇т̇и, гим̣ ну квасса анааг̇аманагааран̣ам̣ гарзяяаамаа’’д̇и. ат̇а нзсам̣ зд̇ад̣̇ахоси – ‘‘имз сад̇д̇аа бадиб̣ад̣̇д̇хадтаанам̣ наама ж̇ахид̇ум̣ на саггонд̇и, гим̣ ну квасса ид̇ха бадиб̣ад̣̇д̇хадтаана’’нд̇и. д̇ад̇о ‘‘ран̃н̃о аг̇г̇амахзсий’’д̇и н̃ад̇ваа ‘‘таанам̣ ко банзд̇ам̣ виж̇ж̇ад̇и, яам̣ со имам̣ ниссааяа ааг̇ажчзяяа, бадигажжзва нам̣ маараабзссаамаа’’д̇и д̇з рааж̇аанам̣ зд̇ад̣̇авожум̣ – ‘‘д̣̇зва, имасмим̣ д̣̇ивасз наг̇арз згаа гат̇аа сууяад̇ий’’д̇и. ‘‘гим̣ гат̇аа наамаа’’д̇и? ‘‘махааб̣од̇хибариб̣б̣ааж̇аго жа гира д̣̇звий жа ан̃н̃аман̃н̃ам̣ саасанабадисаасанам̣ бзсзнд̇ий’’д̇и. ‘‘гинд̇и гад̇ваа’’д̇и? д̇зна гира д̣̇звияаа бзсид̇ам̣ ‘‘саггаа ну ко ад̇д̇ано б̣алзна рааж̇аанам̣ маараабзд̇ваа мама сзд̇ажчад̇д̇ам̣ д̣̇аад̇у’’нд̇и. д̇ааяабисса бзсид̇ам̣ ‘‘ран̃н̃о мааран̣ам̣ наама мама бхааро, махааб̣од̇хибариб̣б̣ааж̇аго киббам̣ ааг̇ажчад̇уу’’д̇и рааж̇аа д̇зсам̣ бунаббунам̣ гат̇знд̇аанам̣ сад̣̇д̣̇ахид̇ваа ‘‘ид̣̇аани гим̣ гад̇д̇аб̣б̣а’’нд̇и бужчид̇ваа ‘‘д̣̇звим̣ маарзд̇ум̣ ваддад̇ий’’д̇и вуд̇д̇з анубабаригкид̇ваава ‘‘д̇зна хи нам̣ д̇умхзва маарзд̇ваа кан̣д̣аакан̣д̣игам̣ чинд̣̇ид̇ваа важжагуубз кибат̇аа’’д̇и ааха. д̇з д̇ат̇аа гарим̣су. д̇ассаа маарид̇абхааво сагаланаг̇арз баагадо ахоси.
Evaṃ vatvā mahāsatto rañño dhammaṃ desetvā ‘‘appamatto hohi, mahārājā’’ti vatvā uyyānā nikkhamitvā ekasmiṃ sabhāgaṭṭhāne bhikkhāya caritvā bārāṇasito nikkhamma anupubbena himavantokāsameva gantvā kiñci kālaṃ vasitvā puna otaritvā ekaṃ paccantagāmaṃ nissāya araññe vasi. Tassa pana gatakālato paṭṭhāya te amaccā puna vinicchaye nisīditvā vilopaṃ karontā cintayiṃsu – ‘‘sace mahābodhiparibbājako punāgamissati, jīvitaṃ no natthi, kiṃ nu khvassa anāgamanakāraṇaṃ kareyyāmā’’ti. Atha nesaṃ etadahosi – ‘‘ime sattā paṭibaddhaṭṭhānaṃ nāma jahituṃ na sakkonti, kiṃ nu khvassa idha paṭibaddhaṭṭhāna’’nti. Tato ‘‘rañño aggamahesī’’ti ñatvā ‘‘ṭhānaṃ kho panetaṃ vijjati, yaṃ so imaṃ nissāya āgaccheyya, paṭikacceva naṃ mārāpessāmā’’ti te rājānaṃ etadavocuṃ – ‘‘deva, imasmiṃ divase nagare ekā kathā sūyatī’’ti. ‘‘Kiṃ kathā nāmā’’ti? ‘‘Mahābodhiparibbājako ca kira devī ca aññamaññaṃ sāsanapaṭisāsanaṃ pesentī’’ti. ‘‘Kinti katvā’’ti? Tena kira deviyā pesitaṃ ‘‘sakkā nu kho attano balena rājānaṃ mārāpetvā mama setacchattaṃ dātu’’nti. Tāyapissa pesitaṃ ‘‘rañño māraṇaṃ nāma mama bhāro, mahābodhiparibbājako khippaṃ āgacchatū’’ti rājā tesaṃ punappunaṃ kathentānaṃ saddahitvā ‘‘idāni kiṃ kattabba’’nti pucchitvā ‘‘deviṃ māretuṃ vaṭṭatī’’ti vutte anupaparikkhitvāva ‘‘tena hi naṃ tumheva māretvā khaṇḍākhaṇḍikaṃ chinditvā vaccakūpe khipathā’’ti āha. Te tathā kariṃsu. Tassā māritabhāvo sakalanagare pākaṭo ahosi.
ат̇ассаа жад̇д̇ааро буд̇д̇аа ‘‘иминаа но нирабараад̇хаа маад̇аа маарид̇аа’’д̇и ран̃н̃о бажжад̇т̇игаа ахзсум̣. рааж̇аа махаабхаяаббад̇д̇о ахоси. махаасад̇д̇о барамбарааяа д̇ам̣ бавад̇д̇им̣ суд̇ваа жинд̇зси – ‘‘табзд̇ваа мам̣ ан̃н̃о д̇з гумаарз сан̃н̃аабзд̇ваа бид̇арам̣ камаабзд̇ум̣ самад̇т̇о наама над̇т̇и, ран̃н̃о жа ж̇ийвид̇ам̣ д̣̇ассаами, гумаарз жа баабад̇о можзссаамий’’д̇и. со бунад̣̇ивасз бажжанд̇аг̇аамам̣ бависид̇ваа мануссзхи д̣̇иннам̣ маггадамам̣сам̣ каад̣̇ид̇ваа д̇асса жаммам̣ яаажид̇ваа г̇ахзд̇ваа ассамабад̣̇з сугкаабзд̇ваа ниг̇г̇анд̇хам̣ гад̇ваа ниваасзсиби баарубзсиби ам̣сзби табзси. гим̣гааран̣аа? ‘‘б̣ахуубагааро мз’’д̇и важанад̇т̇ааяа. со д̇ам̣ жаммам̣ аад̣̇ааяа анубуб̣б̣зна б̣аараан̣асим̣ г̇анд̇ваа гумаарз убасан̇гамид̇ваа ‘‘бид̇угхаад̇агагаммам̣ наама д̣̇аарун̣ам̣, д̇ам̣ во на гаад̇аб̣б̣ам̣, аж̇араамаро сад̇д̇о наама над̇т̇и, ахам̣ д̇умхз ан̃н̃аман̃н̃ам̣ самаг̇г̇з гариссаамижжзва ааг̇ад̇о, д̇умхз маяаа бахид̇з саасанз ааг̇ажчзяяаат̇аа’’д̇и гумаарз овад̣̇ид̇ваа анд̇онаг̇арз уяяаанам̣ бависид̇ваа маггадажаммам̣ ад̇т̇арид̇ваа силаабаддз нисийд̣̇и.
Athassā cattāro puttā ‘‘iminā no niraparādhā mātā māritā’’ti rañño paccatthikā ahesuṃ. Rājā mahābhayappatto ahosi. Mahāsatto paramparāya taṃ pavattiṃ sutvā cintesi – ‘‘ṭhapetvā maṃ añño te kumāre saññāpetvā pitaraṃ khamāpetuṃ samattho nāma natthi, rañño ca jīvitaṃ dassāmi, kumāre ca pāpato mocessāmī’’ti. So punadivase paccantagāmaṃ pavisitvā manussehi dinnaṃ makkaṭamaṃsaṃ khāditvā tassa cammaṃ yācitvā gahetvā assamapade sukkhāpetvā niggandhaṃ katvā nivāsesipi pārupesipi aṃsepi ṭhapesi. Kiṃkāraṇā? ‘‘Bahūpakāro me’’ti vacanatthāya. So taṃ cammaṃ ādāya anupubbena bārāṇasiṃ gantvā kumāre upasaṅkamitvā ‘‘pitughātakakammaṃ nāma dāruṇaṃ, taṃ vo na kātabbaṃ, ajarāmaro satto nāma natthi, ahaṃ tumhe aññamaññaṃ samagge karissāmicceva āgato, tumhe mayā pahite sāsane āgaccheyyāthā’’ti kumāre ovaditvā antonagare uyyānaṃ pavisitvā makkaṭacammaṃ attharitvā silāpaṭṭe nisīdi.
ат̇а нам̣ уяяаанабаалаго д̣̇исваа взг̇зна г̇анд̇ваа ран̃н̃о аарожзси. рааж̇аа суд̇ваава сан̃ж̇аад̇асоманассо худ̇ваа д̇з амажжз аад̣̇ааяа д̇ад̇т̇а г̇анд̇ваа махаасад̇д̇ам̣ ванд̣̇ид̇ваа згаманд̇ам̣ нисийд̣̇ид̇ваа бадисант̇аарам̣ гаад̇ум̣ аарабхи. махаасад̇д̇о д̇зна сад̣̇д̇хим̣ асаммод̣̇ид̇ваа маггадажаммамзва баримаж̇ж̇и. ат̇а нам̣ звамааха – ‘‘бханд̇з, д̇умхз мам̣ агат̇зд̇ваа маггадажаммамзва баримаж̇ж̇ат̇а, гим̣ во ид̣̇ам̣ маяаа б̣ахуубагаарад̇ара’’нд̇и? ‘‘аама махаарааж̇а, б̣ахуубагааро мз зса ваанаро, ахамасса бидтз нисийд̣̇ид̇ваа вижарим̣, аяам̣ мз баанийяагхадам̣ аахари, васанадтаанам̣ саммаж̇ж̇и, аабхисамаажааригавад̇д̇абадивад̇д̇ам̣ мама агааси, ахам̣ бана ад̇д̇ано д̣̇уб̣б̣алажид̇д̇ад̇ааяа асса мам̣сам̣ каад̣̇ид̇ваа жаммам̣ сугкаабзд̇ваа ад̇т̇арид̇ваа нисийд̣̇аами жзва нибаж̇ж̇аами жа, звам̣ б̣ахуубагааро зса маяха’’нд̇и. ид̇и со д̇зсам̣ ваад̣̇з бхинд̣̇анад̇т̇ааяа ваанаражаммз ваанаравохаарам̣ ааробзд̇ваа д̇ам̣ д̇ам̣ барияааяам̣ санд̇хааяа имам̣ гат̇ам̣ гат̇зси. со хи д̇асса нивуд̇т̇абуб̣б̣ад̇д̇аа ‘‘бидтз нисийд̣̇ид̇ваа вижари’’нд̇и ааха; д̇ам̣ ам̣сз гад̇ваа баанийяагхадасса аахадабуб̣б̣ад̇д̇аа ‘‘баанийяагхадам̣ аахарий’’д̇и ааха; д̇зна жаммзна бхуумияам̣ саммадтабуб̣б̣ад̇д̇аа ‘‘васанадтаанам̣ саммаж̇ж̇ий’’д̇и ааха; нибаннагаалз д̇зна жаммзна бидтияаа, агганд̇агаалз баад̣̇аанам̣ пудтабуб̣б̣ад̇д̇аа ‘‘вад̇д̇абадивад̇д̇ам̣ мз агаасий’’д̇и ааха. чаад̇агаалз бана д̇асса мам̣сам̣ лабхид̇ваа каад̣̇ид̇ад̇д̇аа ‘‘ахам̣ бана ад̇д̇ано д̣̇уб̣б̣алажид̇д̇ад̇ааяа д̇асса мам̣сам̣ каад̣̇и’’нд̇и ааха.
Atha naṃ uyyānapālako disvā vegena gantvā rañño ārocesi. Rājā sutvāva sañjātasomanasso hutvā te amacce ādāya tattha gantvā mahāsattaṃ vanditvā ekamantaṃ nisīditvā paṭisanthāraṃ kātuṃ ārabhi. Mahāsatto tena saddhiṃ asammoditvā makkaṭacammameva parimajji. Atha naṃ evamāha – ‘‘bhante, tumhe maṃ akathetvā makkaṭacammameva parimajjatha, kiṃ vo idaṃ mayā bahūpakāratara’’nti? ‘‘Āma mahārāja, bahūpakāro me esa vānaro, ahamassa piṭṭhe nisīditvā vicariṃ, ayaṃ me pānīyaghaṭaṃ āhari, vasanaṭṭhānaṃ sammajji, ābhisamācārikavattapaṭivattaṃ mama akāsi, ahaṃ pana attano dubbalacittatāya assa maṃsaṃ khāditvā cammaṃ sukkhāpetvā attharitvā nisīdāmi ceva nipajjāmi ca, evaṃ bahūpakāro esa mayha’’nti. Iti so tesaṃ vāde bhindanatthāya vānaracamme vānaravohāraṃ āropetvā taṃ taṃ pariyāyaṃ sandhāya imaṃ kathaṃ kathesi. So hi tassa nivutthapubbattā ‘‘piṭṭhe nisīditvā vicari’’nti āha; taṃ aṃse katvā pānīyaghaṭassa āhaṭapubbattā ‘‘pānīyaghaṭaṃ āharī’’ti āha; tena cammena bhūmiyaṃ sammaṭṭhapubbattā ‘‘vasanaṭṭhānaṃ sammajjī’’ti āha; nipannakāle tena cammena piṭṭhiyā, akkantakāle pādānaṃ phuṭṭhapubbattā ‘‘vattapaṭivattaṃ me akāsī’’ti āha. Chātakāle pana tassa maṃsaṃ labhitvā khāditattā ‘‘ahaṃ pana attano dubbalacittatāya tassa maṃsaṃ khādi’’nti āha.
д̇ам̣ суд̇ваа д̇з амажжаа ‘‘баан̣аад̇ибаад̇о д̇зна гад̇о’’д̇и сан̃н̃ааяа ‘‘бассат̇а, бхо, баб̣б̣аж̇ид̇асса гаммам̣, маггадам̣ гира маарзд̇ваа мам̣сам̣ каад̣̇ид̇ваа жаммам̣ г̇ахзд̇ваа вижарад̇ий’’д̇и баан̣им̣ бахарид̇ваа барихаасамагам̣су. махаасад̇д̇о д̇з д̇ат̇аа гаронд̇з д̣̇исваа ‘‘имз ад̇д̇ано ваад̣̇абхзд̣̇анад̇т̇ааяа мама жаммам̣ аад̣̇ааяа ааг̇ад̇абхаавам̣ на ж̇аананд̇и, ж̇аанаабзссаами нз’’д̇и ахзд̇угаваад̣̇им̣ д̇аава ааманд̇зд̇ваа бужчи – ‘‘аавусо, д̇вам̣ гасмаа мам̣ барихасасий’’д̇и? ‘‘мид̇д̇ад̣̇уб̣бхигаммасса жзва баан̣аад̇ибаад̇асса жа гад̇ад̇д̇аа’’д̇и. д̇ад̇о махаасад̇д̇о ‘‘яо бана г̇ад̇ияаа жзва д̣̇идтияаа жа д̇з сад̣̇д̣̇ахид̇ваа звам̣ гарзяяа, д̇зна гим̣ д̣̇уггада’’нд̇и д̇асса ваад̣̇ам̣ бхинд̣̇анд̇о ааха –
Taṃ sutvā te amaccā ‘‘pāṇātipāto tena kato’’ti saññāya ‘‘passatha, bho, pabbajitassa kammaṃ, makkaṭaṃ kira māretvā maṃsaṃ khāditvā cammaṃ gahetvā vicaratī’’ti pāṇiṃ paharitvā parihāsamakaṃsu. Mahāsatto te tathā karonte disvā ‘‘ime attano vādabhedanatthāya mama cammaṃ ādāya āgatabhāvaṃ na jānanti, jānāpessāmi ne’’ti ahetukavādiṃ tāva āmantetvā pucchi – ‘‘āvuso, tvaṃ kasmā maṃ parihasasī’’ti? ‘‘Mittadubbhikammassa ceva pāṇātipātassa ca katattā’’ti. Tato mahāsatto ‘‘yo pana gatiyā ceva diṭṭhiyā ca te saddahitvā evaṃ kareyya, tena kiṃ dukkaṭa’’nti tassa vādaṃ bhindanto āha –
139.
139.
‘‘уд̣̇ийран̣аа жз сам̣г̇ад̇яаа, бхаавааяаманувад̇д̇ад̇и;
‘‘Udīraṇā ce saṃgatyā, bhāvāyamanuvattati;
агаамаа агаран̣ийяам̣ ваа, гаран̣ийяам̣ вааби губ̣б̣ад̇и;
Akāmā akaraṇīyaṃ vā, karaṇīyaṃ vāpi kubbati;
агаамагаран̣ийяамхи, гвид̇ха баабзна либбад̇и.
Akāmakaraṇīyamhi, kvidha pāpena lippati.
140.
140.
‘‘со жз ад̇т̇о жа д̇хаммо жа, галяаан̣о на жа баабаго;
‘‘So ce attho ca dhammo ca, kalyāṇo na ca pāpako;
бход̇о жз важанам̣ сажжам̣, сухад̇о ваанаро маяаа.
Bhoto ce vacanaṃ saccaṃ, suhato vānaro mayā.
141.
141.
‘‘ад̇д̇ано жз хи ваад̣̇асса, абараад̇хам̣ виж̇аанияаа;
‘‘Attano ce hi vādassa, aparādhaṃ vijāniyā;
на мам̣ д̇вам̣ г̇арахзяяааси, бход̇о ваад̣̇о хи д̇аад̣̇исо’’д̇и.
Na maṃ tvaṃ garaheyyāsi, bhoto vādo hi tādiso’’ti.
д̇ад̇т̇а уд̣̇ийран̣аад̇и гат̇аа. сам̣г̇ад̇яаад̇и сам̣г̇ад̇ияаа чаннам̣ абхиж̇аад̇ийнам̣ д̇ам̣ д̇ам̣ абхиж̇аад̇им̣ убаг̇аманзна. бхаавааяаманувад̇д̇ад̇ийд̇и бхаавзна анувад̇д̇ад̇и, гаран̣ад̇т̇з самбад̣̇аанам̣. агаамаад̇и агаамзна анижчааяа. агаран̣ийяам̣ ваа гаран̣ийяам̣ ваабийд̇и агад̇д̇аб̣б̣ам̣ баабам̣ ваа гад̇д̇аб̣б̣ам̣ гусалам̣ ваа. губ̣б̣ад̇ийд̇и гарод̇и. гвид̇хаад̇и го ид̇ха. ид̣̇ам̣ вуд̇д̇ам̣ ход̇и – д̇вам̣ ахзд̇угаваад̣̇ий ‘‘над̇т̇и хзд̇у над̇т̇и бажжаяо сад̇д̇аанам̣ сам̣гилзсааяаа’’д̇иаад̣̇ид̣̇идтиго, аяам̣ лого сам̣г̇ад̇ияаа жзва сабхаавзна жа анувад̇д̇ад̇и барин̣амад̇и, д̇ад̇т̇а д̇ад̇т̇а сукад̣̇угкам̣ бадисам̣взд̣̇зд̇и. агаамагова баабам̣ ваа бун̃н̃ам̣ ваа гарод̇ийд̇и вад̣̇аси, аяам̣ д̇ава уд̣̇ийран̣аа сажз д̇ат̇аа, звам̣ санд̇з агаамагаран̣ийяасмим̣ ад̇д̇ано д̇хаммад̇ааяа бавад̇д̇амаанз баабз го ид̇ха сад̇д̇о баабзна либбад̇и, сажз хи ад̇д̇анаа агад̇зна баабзна либбад̇и, на гожи на либбзяяаад̇и.
Tattha udīraṇāti kathā. Saṃgatyāti saṃgatiyā channaṃ abhijātīnaṃ taṃ taṃ abhijātiṃ upagamanena. Bhāvāyamanuvattatīti bhāvena anuvattati, karaṇatthe sampadānaṃ. Akāmāti akāmena anicchāya. Akaraṇīyaṃ vā karaṇīyaṃ vāpīti akattabbaṃ pāpaṃ vā kattabbaṃ kusalaṃ vā. Kubbatīti karoti. Kvidhāti ko idha. Idaṃ vuttaṃ hoti – tvaṃ ahetukavādī ‘‘natthi hetu natthi paccayo sattānaṃ saṃkilesāyā’’tiādidiṭṭhiko, ayaṃ loko saṃgatiyā ceva sabhāvena ca anuvattati pariṇamati, tattha tattha sukhadukkhaṃ paṭisaṃvedeti. Akāmakova pāpaṃ vā puññaṃ vā karotīti vadasi, ayaṃ tava udīraṇā sace tathā, evaṃ sante akāmakaraṇīyasmiṃ attano dhammatāya pavattamāne pāpe ko idha satto pāpena lippati, sace hi attanā akatena pāpena lippati, na koci na lippeyyāti.
со жзд̇и со ахзд̇угаваад̣̇асан̇каад̇о д̇ава бхаасид̇ад̇т̇о жа ад̇т̇аж̇од̇аго д̇хаммо жа галяаан̣о на жа баабаго. ‘‘ахзд̇уу аббажжаяаа сад̇д̇аа сам̣гилиссанд̇и, сукад̣̇угкам̣ бадисам̣взд̣̇ияанд̇ий’’д̇и ид̣̇ам̣ бход̇о важанам̣ сажжам̣ жз, сухад̇о ваанаро маяаа, го зд̇т̇а мама д̣̇осод̇и ад̇т̇о. виж̇аанияаад̇и, самма, сажз хи д̇вам̣ ад̇д̇ано ваад̣̇асса абараад̇хам̣ ж̇аанзяяааси, на мам̣ г̇арахзяяааси. гим̣гааран̣аа? бход̇о ваад̣̇о хи д̇аад̣̇исо, д̇асмаа аяам̣ мама ваад̣̇ам̣ гарод̇ийд̇и мам̣ басам̣сзяяааси, ад̇д̇ано бана ваад̣̇ам̣ аж̇аананд̇о мам̣ г̇арахасийд̇и.
So ceti so ahetukavādasaṅkhāto tava bhāsitattho ca atthajotako dhammo ca kalyāṇo na ca pāpako. ‘‘Ahetū appaccayā sattā saṃkilissanti, sukhadukkhaṃ paṭisaṃvediyantī’’ti idaṃ bhoto vacanaṃ saccaṃ ce, suhato vānaro mayā, ko ettha mama dosoti attho. Vijāniyāti, samma, sace hi tvaṃ attano vādassa aparādhaṃ jāneyyāsi, na maṃ garaheyyāsi. Kiṃkāraṇā? Bhoto vādo hi tādiso, tasmā ayaṃ mama vādaṃ karotīti maṃ pasaṃseyyāsi, attano pana vādaṃ ajānanto maṃ garahasīti.
звам̣ махаасад̇д̇о д̇ам̣ ниг̇г̇ан̣хид̇ваа аббадибхаан̣ам̣ агааси. соби рааж̇абарисад̇и ман̇губхууд̇о бад̇д̇агканд̇хо нисийд̣̇и. махаасад̇д̇оби д̇асса ваад̣̇ам̣ бхинд̣̇ид̇ваа иссарагад̇аваад̣̇им̣ ааманд̇зд̇ваа ‘‘д̇вам̣, аавусо, мам̣ гасмаа барихасаси, яад̣̇и иссараниммид̇аваад̣̇ам̣ саарад̇о бажжзсий’’д̇и вад̇ваа ааха –
Evaṃ mahāsatto taṃ niggaṇhitvā appaṭibhāṇaṃ akāsi. Sopi rājaparisati maṅkubhūto pattakkhandho nisīdi. Mahāsattopi tassa vādaṃ bhinditvā issarakatavādiṃ āmantetvā ‘‘tvaṃ, āvuso, maṃ kasmā parihasasi, yadi issaranimmitavādaṃ sārato paccesī’’ti vatvā āha –
142.
142.
‘‘иссаро саб̣б̣алогасса, сажз габбзд̇и ж̇ийвид̇ам̣;
‘‘Issaro sabbalokassa, sace kappeti jīvitaṃ;
ид̣̇д̇хим̣ б̣яасанабхааван̃жа, гаммам̣ галяаан̣абаабагам̣;
Iddhiṃ byasanabhāvañca, kammaṃ kalyāṇapāpakaṃ;
нид̣̇д̣̇зсагаарий бурисо, иссаро д̇зна либбад̇и.
Niddesakārī puriso, issaro tena lippati.
143.
143.
‘‘со жз ад̇т̇о жа д̇хаммо жа, галяаан̣о на жа баабаго;
‘‘So ce attho ca dhammo ca, kalyāṇo na ca pāpako;
бход̇о жз важанам̣ сажжам̣, сухад̇о ваанаро маяаа.
Bhoto ce vacanaṃ saccaṃ, suhato vānaro mayā.
144.
144.
‘‘ад̇д̇ано жз хи ваад̣̇асса, абараад̇хам̣ виж̇аанияаа;
‘‘Attano ce hi vādassa, aparādhaṃ vijāniyā;
на мам̣ д̇вам̣ г̇арахзяяааси, бход̇о ваад̣̇о хи д̇аад̣̇исо’’д̇и.
Na maṃ tvaṃ garaheyyāsi, bhoto vādo hi tādiso’’ti.
д̇ад̇т̇а габбзд̇и ж̇ийвид̇анд̇и сажз б̣рахмаа ваа ан̃н̃о ваа гожи иссаро ‘‘д̇вам̣ гасияаа ж̇ийва, д̇вам̣ г̇орагкзнаа’’д̇и звам̣ саб̣б̣алогасса ж̇ийвид̇ам̣ сам̣вид̣̇ахад̇и вижаарзд̇и. ид̣̇д̇хим̣ б̣яасанабхааван̃жаад̇и иссарияаад̣̇ибхзд̣̇аа ид̣̇д̇хияо жа н̃аад̇ивинаасаад̣̇игам̣ б̣яасанабхааван̃жа сзсан̃жа галяаан̣абаабагам̣ гаммам̣ саб̣б̣ам̣ яад̣̇и иссарова габбзд̇и гарод̇и. нид̣̇д̣̇зсагаарийд̇и яад̣̇и д̇асса нид̣̇д̣̇зсам̣ аан̣ад̇д̇имзва сзсо яо гожи бурисо гарод̇и, звам̣ санд̇з яо гожи бурисо баабам̣ гарод̇и, д̇асса иссарзна гад̇ад̇д̇аа иссарова д̇зна баабзна либбад̇и. сзсам̣ буриманаязнзва взд̣̇ид̇аб̣б̣ам̣. яат̇аа жа ид̇ха, звам̣ саб̣б̣ад̇т̇а.
Tattha kappeti jīvitanti sace brahmā vā añño vā koci issaro ‘‘tvaṃ kasiyā jīva, tvaṃ gorakkhenā’’ti evaṃ sabbalokassa jīvitaṃ saṃvidahati vicāreti. Iddhiṃ byasanabhāvañcāti issariyādibhedā iddhiyo ca ñātivināsādikaṃ byasanabhāvañca sesañca kalyāṇapāpakaṃ kammaṃ sabbaṃ yadi issarova kappeti karoti. Niddesakārīti yadi tassa niddesaṃ āṇattimeva seso yo koci puriso karoti, evaṃ sante yo koci puriso pāpaṃ karoti, tassa issarena katattā issarova tena pāpena lippati. Sesaṃ purimanayeneva veditabbaṃ. Yathā ca idha, evaṃ sabbattha.
ид̇и со амб̣ад̇ова муг̇г̇арам̣ г̇ахзд̇ваа амб̣ам̣ баад̇знд̇о вияа иссарагаран̣знзва иссарагад̇аваад̣̇ам̣ бхинд̣̇ид̇ваа буб̣б̣згад̇аваад̣̇им̣ ааманд̇зд̇ваа ‘‘д̇вам̣, аавусо, мам̣ гим̣ барихасаси, яад̣̇и буб̣б̣згад̇аваад̣̇ам̣ сажжам̣ ман̃н̃асий’’д̇и вад̇ваа ааха –
Iti so ambatova muggaraṃ gahetvā ambaṃ pātento viya issarakaraṇeneva issarakatavādaṃ bhinditvā pubbekatavādiṃ āmantetvā ‘‘tvaṃ, āvuso, maṃ kiṃ parihasasi, yadi pubbekatavādaṃ saccaṃ maññasī’’ti vatvā āha –
145.
145.
‘‘сажз буб̣б̣згад̇ахзд̇у, сукад̣̇угкам̣ ниг̇ажчад̇и;
‘‘Sace pubbekatahetu, sukhadukkhaṃ nigacchati;
бораан̣агам̣ гад̇ам̣ баабам̣, д̇амзсо мужжад̇з ин̣ам̣;
Porāṇakaṃ kataṃ pāpaṃ, tameso muccate iṇaṃ;
бораан̣ага ин̣амогко, гвид̇ха баабзна либбад̇и.
Porāṇaka iṇamokkho, kvidha pāpena lippati.
146.
146.
‘‘со жз ад̇т̇о жа д̇хаммо жа, галяаан̣о на жа баабаго;
‘‘So ce attho ca dhammo ca, kalyāṇo na ca pāpako;
бход̇о жз важанам̣ сажжам̣, сухад̇о ваанаро маяаа.
Bhoto ce vacanaṃ saccaṃ, suhato vānaro mayā.
147.
147.
‘‘ад̇д̇ано жз хи ваад̣̇асса, абараад̇хам̣ виж̇аанияаа;
‘‘Attano ce hi vādassa, aparādhaṃ vijāniyā;
на мам̣ д̇вам̣ г̇арахзяяааси, бход̇о ваад̣̇о хи д̇аад̣̇исо’’д̇и.
Na maṃ tvaṃ garaheyyāsi, bhoto vādo hi tādiso’’ti.
д̇ад̇т̇а буб̣б̣згад̇ахзд̇ууд̇и буб̣б̣агад̇ахзд̇у буримабхавз гад̇агаммагааран̣знзва. д̇амзсо мужжад̇з ин̣анд̇и яо вад̇хаб̣анд̇хаад̣̇ийхи д̣̇угкам̣ баабун̣аад̇и, яад̣̇и со яам̣ д̇зна бораан̣агам̣ гад̇ам̣ баабам̣, д̇ам̣ ид̣̇аани ин̣ам̣ мужжад̇и, звам̣ санд̇з мамаби зса бораан̣агаин̣ад̇о могко, анзна хи маггадзна буб̣б̣з бариб̣б̣ааж̇агзна худ̇ваа ахам̣ маггадо самаано маарзд̇ваа каад̣̇ид̇о бхависсаами, свааяам̣ ид̇ха маггадад̇д̇ам̣ бад̇д̇о маяаа бариб̣б̣ааж̇агад̇д̇ам̣ бад̇д̇зна маарзд̇ваа каад̣̇ид̇о бхависсад̇и, го ид̇ха баабзна либбад̇ийд̇и.
Tattha pubbekatahetūti pubbakatahetu purimabhave katakammakāraṇeneva. Tameso muccate iṇanti yo vadhabandhādīhi dukkhaṃ pāpuṇāti, yadi so yaṃ tena porāṇakaṃ kataṃ pāpaṃ, taṃ idāni iṇaṃ muccati, evaṃ sante mamapi esa porāṇakaiṇato mokkho, anena hi makkaṭena pubbe paribbājakena hutvā ahaṃ makkaṭo samāno māretvā khādito bhavissāmi, svāyaṃ idha makkaṭattaṃ patto mayā paribbājakattaṃ pattena māretvā khādito bhavissati, ko idha pāpena lippatīti.
ид̇и со д̇ассаби ваад̣̇ам̣ бхинд̣̇ид̇ваа ужчзд̣̇аваад̣̇им̣ абхимукам̣ гад̇ваа ‘‘д̇вам̣, аавусо, ‘ид̇т̇и д̣̇инна’нд̇иаад̣̇ийни вад̇ваа ‘ид̇хзва сад̇д̇аа ужчиж̇ж̇анд̇и, баралогам̣ г̇ад̇аа наама над̇т̇ий’д̇и ман̃н̃амаано гасмаа мам̣ барихасасий’’д̇и санд̇аж̇ж̇зд̇ваа ааха –
Iti so tassapi vādaṃ bhinditvā ucchedavādiṃ abhimukhaṃ katvā ‘‘tvaṃ, āvuso, ‘itthi dinna’ntiādīni vatvā ‘idheva sattā ucchijjanti, paralokaṃ gatā nāma natthī’ti maññamāno kasmā maṃ parihasasī’’ti santajjetvā āha –
148.
148.
‘‘жад̇уннам̣язвубаад̣̇ааяа, руубам̣ самбход̇и баан̣инам̣;
‘‘Catunnaṃyevupādāya, rūpaṃ sambhoti pāṇinaṃ;
яад̇о жа руубам̣ самбход̇и, д̇ад̇т̇зваанубаг̇ажчад̇и;
Yato ca rūpaṃ sambhoti, tatthevānupagacchati;
ид̇хзва ж̇ийвад̇и ж̇ийво, бзжжа бзжжа винассад̇и.
Idheva jīvati jīvo, pecca pecca vinassati.
149.
149.
‘‘ужчиж̇ж̇ад̇и аяам̣ лого, яз б̣аалаа яз жа бан̣д̣ид̇аа;
‘‘Ucchijjati ayaṃ loko, ye bālā ye ca paṇḍitā;
ужчиж̇ж̇амаанз логамхи, гвид̇ха баабзна либбад̇и.
Ucchijjamāne lokamhi, kvidha pāpena lippati.
150.
150.
‘‘со жз ад̇т̇о жа д̇хаммо жа, галяаан̣о на жа баабаго;
‘‘So ce attho ca dhammo ca, kalyāṇo na ca pāpako;
бход̇о жз важанам̣ сажжам̣, сухад̇о ваанаро маяаа.
Bhoto ce vacanaṃ saccaṃ, suhato vānaro mayā.
151.
151.
‘‘ад̇д̇ано жз хи ваад̣̇асса, абараад̇хам̣ виж̇аанияаа;
‘‘Attano ce hi vādassa, aparādhaṃ vijāniyā;
на мам̣ д̇вам̣ г̇арахзяяааси, бход̇о ваад̣̇о хи д̇аад̣̇исо’’д̇и.
Na maṃ tvaṃ garaheyyāsi, bhoto vādo hi tādiso’’ti.
д̇ад̇т̇а жад̇уннанд̇и бат̇авийаад̣̇ийнам̣ бхууд̇аанам̣. руубанд̇и руубагканд̇хо. д̇ад̇т̇зваад̇и яад̇о д̇ам̣ руубам̣ самбход̇и, нируж̇жханагаалзби д̇ад̇т̇зва анубаг̇ажчад̇и. иминаа д̇асса ‘‘жаад̇умахаабхууд̇иго аяам̣ бурисо яад̣̇аа гаалам̣ гарод̇и, д̇ад̣̇аа бат̇авий бат̇авийгааяам̣ анубзд̇и анубаг̇ажчад̇и, аабо… д̇зж̇о… вааяо вааяогааяам̣ анубзд̇и анубаг̇ажчад̇и, аагаасам̣ инд̣̇рияаани сан̇гаманд̇и, аасанд̇хибан̃жамаа бурисаа мад̇ам̣ аад̣̇ааяа г̇ажчанд̇и, яаава аал̣ааханаа бад̣̇аани бан̃н̃ааяанд̇и, гаабод̇агаани адтийни бхаванд̇и, бхасманд̇аа аахуд̇ияо , д̣̇ад̇д̇убан̃н̃ад̇д̇ам̣ яад̣̇ид̣̇ам̣ д̣̇аанам̣, д̇зсам̣ д̇ужчаа мусаа вилаабо, яз гзжи ад̇т̇игаваад̣̇ам̣ вад̣̇анд̇и, б̣аалз жа бан̣д̣ид̇з жа гааяасса бхзд̣̇аа ужчиж̇ж̇анд̇и винассанд̇и, на хонд̇и барам̣ маран̣аа’’д̇и имам̣ д̣̇идтим̣ бад̇идтаабзси. ид̇хзваад̇и имасмим̣язва логз ж̇ийво ж̇ийвад̇и. бзжжа бзжжа винассад̇ийд̇и баралогз ниб̣б̣ад̇д̇о сад̇д̇о г̇ад̇ивасзна ид̇ха анааг̇анд̇ваа д̇ад̇т̇зва баралогз винассад̇и ужчиж̇ж̇ад̇и. звам̣ ужчиж̇ж̇амаанз логасмим̣ го ид̇ха баабзна либбад̇ийд̇и.
Tattha catunnanti pathavīādīnaṃ bhūtānaṃ. Rūpanti rūpakkhandho. Tatthevāti yato taṃ rūpaṃ sambhoti, nirujjhanakālepi tattheva anupagacchati. Iminā tassa ‘‘cātumahābhūtiko ayaṃ puriso yadā kālaṃ karoti, tadā pathavī pathavīkāyaṃ anupeti anupagacchati, āpo… tejo… vāyo vāyokāyaṃ anupeti anupagacchati, ākāsaṃ indriyāni saṅkamanti, āsandhipañcamā purisā mataṃ ādāya gacchanti, yāva āḷāhanā padāni paññāyanti, kāpotakāni aṭṭhīni bhavanti, bhasmantā āhutiyo , dattupaññattaṃ yadidaṃ dānaṃ, tesaṃ tucchā musā vilāpo, ye keci atthikavādaṃ vadanti, bāle ca paṇḍite ca kāyassa bhedā ucchijjanti vinassanti, na honti paraṃ maraṇā’’ti imaṃ diṭṭhiṃ patiṭṭhāpesi. Idhevāti imasmiṃyeva loke jīvo jīvati. Pecca pecca vinassatīti paraloke nibbatto satto gativasena idha anāgantvā tattheva paraloke vinassati ucchijjati. Evaṃ ucchijjamāne lokasmiṃ ko idha pāpena lippatīti.
ид̇и со д̇ассаби ваад̣̇ам̣ бхинд̣̇ид̇ваа кад̇д̇авиж̇ж̇аваад̣̇им̣ ааманд̇зд̇ваа ‘‘д̇вам̣, аавусо, ‘маад̇аабид̇ароби маарзд̇ваа ад̇д̇ано ад̇т̇о гаад̇аб̣б̣о’д̇и имам̣ лад̣̇д̇хим̣ угкибид̇ваа вижаранд̇о гасмаа мам̣ барихасасий’’д̇и вад̇ваа ааха –
Iti so tassapi vādaṃ bhinditvā khattavijjavādiṃ āmantetvā ‘‘tvaṃ, āvuso, ‘mātāpitaropi māretvā attano attho kātabbo’ti imaṃ laddhiṃ ukkhipitvā vicaranto kasmā maṃ parihasasī’’ti vatvā āha –
152.
152.
‘‘ааху кад̇д̇авид̣̇аа логз, б̣аалаа бан̣д̣ид̇амаанино;
‘‘Āhu khattavidā loke, bālā paṇḍitamānino;
маад̇арам̣ бид̇арам̣ хан̃н̃з, ат̇о ж̇здтамби бхаад̇арам̣;
Mātaraṃ pitaraṃ haññe, atho jeṭṭhampi bhātaraṃ;
ханзяяа буд̇д̇ад̣̇аарз жа, ад̇т̇о жз д̇аад̣̇исо сияаа’’д̇и.
Haneyya puttadāre ca, attho ce tādiso siyā’’ti.
д̇ад̇т̇а кад̇д̇авид̣̇аад̇и кад̇д̇авиж̇ж̇аа, аяамзва ваа баато. кад̇д̇авиж̇ж̇аажарияаанам̣ зд̇ам̣ наамам̣. б̣аалаа бан̣д̣ид̇амаанинод̇и б̣аалаа самаанааби ‘‘бан̣д̣ид̇аа маяам̣ ад̇д̇ано бан̣д̣ид̇абхаавам̣ багаасзмаа’’д̇и ман̃н̃амаанаа бан̣д̣ид̇амаанино худ̇ваа звамааху. ад̇т̇о жзд̇и сажз ад̇д̇ано яат̇ааруубо гожи ад̇т̇о сияаа, на гин̃жи бариваж̇ж̇зяяа, саб̣б̣ам̣ ханзяязваад̇и вад̣̇анд̇и, д̇вамби нзсам̣ ан̃н̃ад̇арод̇и.
Tattha khattavidāti khattavijjā, ayameva vā pāṭho. Khattavijjācariyānaṃ etaṃ nāmaṃ. Bālā paṇḍitamāninoti bālā samānāpi ‘‘paṇḍitā mayaṃ attano paṇḍitabhāvaṃ pakāsemā’’ti maññamānā paṇḍitamānino hutvā evamāhu. Attho ceti sace attano yathārūpo koci attho siyā, na kiñci parivajjeyya, sabbaṃ haneyyevāti vadanti, tvampi nesaṃ aññataroti.
звам̣ д̇асса лад̣̇д̇хим̣ бад̇идтабзд̇ваа ад̇д̇ано лад̣̇д̇хим̣ багаасзнд̇о ааха –
Evaṃ tassa laddhiṃ patiṭṭhapetvā attano laddhiṃ pakāsento āha –
153.
153.
‘‘яасса ругкасса чааяааяа, нисийд̣̇зяяа саязяяа ваа;
‘‘Yassa rukkhassa chāyāya, nisīdeyya sayeyya vā;
на д̇асса саакам̣ бхан̃ж̇зяяа, мид̇д̇ад̣̇уб̣бхо хи баабаго.
Na tassa sākhaṃ bhañjeyya, mittadubbho hi pāpako.
154.
154.
‘‘ат̇а ад̇т̇з самуббаннз, самууламаби аб̣б̣ахз;
‘‘Atha atthe samuppanne, samūlamapi abbahe;
ад̇т̇о мз самб̣алзнааби, сухад̇о ваанаро маяаа.
Attho me sambalenāpi, suhato vānaro mayā.
155.
155.
‘‘со жз ад̇т̇о жа д̇хаммо жа, галяаан̣о на жа баабаго;
‘‘So ce attho ca dhammo ca, kalyāṇo na ca pāpako;
бход̇о жз важанам̣ сажжам̣, сухад̇о ваанаро маяаа.
Bhoto ce vacanaṃ saccaṃ, suhato vānaro mayā.
156.
156.
‘‘ад̇д̇ано жз хи ваад̣̇асса, абараад̇хам̣ виж̇аанияаа;
‘‘Attano ce hi vādassa, aparādhaṃ vijāniyā;
на мам̣ д̇вам̣ г̇арахзяяааси, бход̇о ваад̣̇о хи д̇аад̣̇исо’’д̇и.
Na maṃ tvaṃ garaheyyāsi, bhoto vādo hi tādiso’’ti.
д̇ад̇т̇а амбхо кад̇д̇авид̣̇а амхаагам̣ бана аажарияаа звам̣ ван̣н̣аяанд̇и. ад̇д̇анаа барибхуд̇д̇ажчааяасса ругкассаби саакам̣ ваа бан̣н̣ам̣ ваа на бхан̃ж̇зяяа. гим̣гааран̣аа ? мид̇д̇ад̣̇уб̣бхо хи баабаго. д̇вам̣ бана звам̣ вад̣̇зси – ‘‘ат̇а ад̇т̇з самуббаннз самууламаби аб̣б̣ахз’’д̇и, мама жа баат̇зяязна ад̇т̇о ахоси, д̇асмаа сажзбзса маяаа хад̇о, д̇ат̇ааби ад̇т̇о мз самб̣алзнааби, сухад̇о ваанаро маяаа.
Tattha ambho khattavida amhākaṃ pana ācariyā evaṃ vaṇṇayanti. Attanā paribhuttacchāyassa rukkhassapi sākhaṃ vā paṇṇaṃ vā na bhañjeyya. Kiṃkāraṇā ? Mittadubbho hi pāpako. Tvaṃ pana evaṃ vadesi – ‘‘atha atthe samuppanne samūlamapi abbahe’’ti, mama ca pātheyyena attho ahosi, tasmā sacepesa mayā hato, tathāpi attho me sambalenāpi, suhato vānaro mayā.
звам̣ со д̇ассаби ваад̣̇ам̣ бхинд̣̇ид̇ваа бан̃жасу д̇зсу абадибхаанзсу нисиннзсу рааж̇аанам̣ ааманд̇зд̇ваа, ‘‘махаарааж̇а, д̇вам̣ имз бан̃жа радтавилобагз махаажорз г̇ахзд̇ваа вижараси, ахо б̣аало, зваруубаанан̃хи сам̣саг̇г̇зна бурисо д̣̇идтад̇хаммигамби самбарааяигамби махаад̣̇угкам̣ баабун̣зяяаа’’д̇и вад̇ваа ран̃н̃о д̇хаммам̣ д̣̇зсзнд̇о ааха –
Evaṃ so tassapi vādaṃ bhinditvā pañcasu tesu apaṭibhānesu nisinnesu rājānaṃ āmantetvā, ‘‘mahārāja, tvaṃ ime pañca raṭṭhavilopake mahācore gahetvā vicarasi, aho bālo, evarūpānañhi saṃsaggena puriso diṭṭhadhammikampi samparāyikampi mahādukkhaṃ pāpuṇeyyā’’ti vatvā rañño dhammaṃ desento āha –
157.
157.
‘‘ахзд̇уваад̣̇о бурисо, яо жа иссарагуд̇д̇иго;
‘‘Ahetuvādo puriso, yo ca issarakuttiko;
буб̣б̣згад̇ий жа ужчзд̣̇ий, яо жа кад̇д̇авид̣̇о наро.
Pubbekatī ca ucchedī, yo ca khattavido naro.
158.
158.
‘‘зд̇з асаббурисаа логз, б̣аалаа бан̣д̣ид̇амаанино;
‘‘Ete asappurisā loke, bālā paṇḍitamānino;
гарзяяа д̇аад̣̇исо баабам̣, ат̇о ан̃н̃амби гаараяз;
Kareyya tādiso pāpaṃ, atho aññampi kāraye;
асаббурисасам̣саг̇г̇о, д̣̇угканд̇о гадугуд̣̇раяо’’д̇и.
Asappurisasaṃsaggo, dukkhanto kaṭukudrayo’’ti.
д̇ад̇т̇а д̇аад̣̇исод̇и, махаарааж̇а, яаад̣̇исаа зд̇з бан̃жа д̣̇идтиг̇ад̇игаа, д̇аад̣̇исо бурисо саяамби баабам̣ гарзяяа. яваасса важанам̣ сун̣аад̇и, д̇ам̣ ан̃н̃амби гаараяз. д̣̇угканд̇од̇и зваруубзхи асаббурисзхи сад̣̇д̇хим̣ сам̣саг̇г̇о ид̇халогзби баралогзби д̣̇угканд̇о гадугуд̣̇раяова ход̇и. имасса банад̇т̇асса багаасанад̇т̇ам̣ ‘‘яаани гаанижи, бхигкавз, бхаяаани уббаж̇ж̇анд̇и, саб̣б̣аани д̇аани б̣аалад̇о’’д̇и суд̇д̇ам̣ (а. ни. 3.1) аахарид̇аб̣б̣ам̣. г̇од̇хаж̇аад̇ага- (ж̇аа. 1.1.138) сан̃ж̇ийваж̇аад̇ага- (ж̇аа. 1.1.150) агид̇д̇иж̇аад̇агаад̣̇ийхи (ж̇аа. 1.13.83 аад̣̇аяо) жааяамад̇т̇о д̣̇ийбзд̇аб̣б̣о.
Tattha tādisoti, mahārāja, yādisā ete pañca diṭṭhigatikā, tādiso puriso sayampi pāpaṃ kareyya. Yvāssa vacanaṃ suṇāti, taṃ aññampi kāraye. Dukkhantoti evarūpehi asappurisehi saddhiṃ saṃsaggo idhalokepi paralokepi dukkhanto kaṭukudrayova hoti. Imassa panatthassa pakāsanatthaṃ ‘‘yāni kānici, bhikkhave, bhayāni uppajjanti, sabbāni tāni bālato’’ti suttaṃ (a. ni. 3.1) āharitabbaṃ. Godhajātaka- (jā. 1.1.138) sañjīvajātaka- (jā. 1.1.150) akittijātakādīhi (jā. 1.13.83 ādayo) cāyamattho dīpetabbo.
ид̣̇ааний обаммад̣̇ассанавасзна д̇хаммад̣̇зсанам̣ вад̣дхзнд̇о ааха –
Idānī opammadassanavasena dhammadesanaṃ vaḍḍhento āha –
159.
159.
‘‘ураб̣бхаруубзна вагассу буб̣б̣з, асам̣гид̇о аж̇аяуут̇ам̣ убзд̇и;
‘‘Urabbharūpena vakassu pubbe, asaṃkito ajayūthaṃ upeti;
ханд̇ваа уран̣им̣ аж̇игам̣ аж̇ан̃жа, уд̇раасаяид̇ваа язнагаамам̣ балзд̇и.
Hantvā uraṇiṃ ajikaṃ ajañca, utrāsayitvā yenakāmaṃ paleti.
160.
160.
‘‘д̇ат̇аавид̇хзгз саман̣аб̣раахман̣аасз, чад̣̇анам̣ гад̇ваа ван̃жаяанд̇и мануссз;
‘‘Tathāvidheke samaṇabrāhmaṇāse, chadanaṃ katvā vañcayanti manusse;
анаасагаа т̇ан̣д̣иласзяяагаа жа, раж̇ож̇аллам̣ уггудигаббад̇хаанам̣;
Anāsakā thaṇḍilaseyyakā ca, rajojallaṃ ukkuṭikappadhānaṃ;
барияааяабхад̇д̇ан̃жа абаанагад̇д̇аа, баабаажаараа араханд̇о вад̣̇аанаа.
Pariyāyabhattañca apānakattā, pāpācārā arahanto vadānā.
161.
161.
‘‘зд̇з асаббурисаа логз, б̣аалаа бан̣д̣ид̇амаанино;
‘‘Ete asappurisā loke, bālā paṇḍitamānino;
гарзяяа д̇аад̣̇исо баабам̣, ат̇о ан̃н̃амби гаараяз;
Kareyya tādiso pāpaṃ, atho aññampi kāraye;
асаббурисасам̣саг̇г̇о, д̣̇угканд̇о гадугуд̣̇раяо.
Asappurisasaṃsaggo, dukkhanto kaṭukudrayo.
162.
162.
‘‘яамааху над̇т̇и вийрияанд̇и, ахзд̇ун̃жа бавад̣̇анд̇и яз;
‘‘Yamāhu natthi vīriyanti, ahetuñca pavadanti ye;
барагаарам̣ ад̇д̇агааран̃жа, яз д̇ужчам̣ самаван̣н̣аяум̣.
Parakāraṃ attakārañca, ye tucchaṃ samavaṇṇayuṃ.
163.
163.
‘‘зд̇з асаббурисаа логз, б̣аалаа бан̣д̣ид̇амаанино;
‘‘Ete asappurisā loke, bālā paṇḍitamānino;
гарзяяа д̇аад̣̇исо баабам̣, ат̇о ан̃н̃амби гаараяз;
Kareyya tādiso pāpaṃ, atho aññampi kāraye;
асаббурисасам̣саг̇г̇о, д̣̇угканд̇о гадугуд̣̇раяо.
Asappurisasaṃsaggo, dukkhanto kaṭukudrayo.
164.
164.
‘‘сажз хи вийрияам̣ наасса, гаммам̣ галяаан̣абаабагам̣;
‘‘Sace hi vīriyaṃ nāssa, kammaṃ kalyāṇapāpakaṃ;
на бхарз вад̣дхагим̣ рааж̇аа, наби яанд̇аани гаараяз.
Na bhare vaḍḍhakiṃ rājā, napi yantāni kāraye.
165.
165.
‘‘яасмаа жа вийрияам̣ ад̇т̇и, гаммам̣ галяаан̣абаабагам̣;
‘‘Yasmā ca vīriyaṃ atthi, kammaṃ kalyāṇapāpakaṃ;
д̇асмаа яанд̇аани гаарзд̇и, рааж̇аа бхарад̇и вад̣дхагим̣.
Tasmā yantāni kāreti, rājā bharati vaḍḍhakiṃ.
166.
166.
‘‘яад̣̇и вассасад̇ам̣ д̣̇зво, на вассз на химам̣ бад̇з;
‘‘Yadi vassasataṃ devo, na vasse na himaṃ pate;
ужчиж̇ж̇зяяа аяам̣ лого, винассзяяа аяам̣ баж̇аа.
Ucchijjeyya ayaṃ loko, vinasseyya ayaṃ pajā.
167.
167.
‘‘яасмаа жа вассад̇ий д̣̇зво, химан̃жаанупусааяад̇и;
‘‘Yasmā ca vassatī devo, himañcānuphusāyati;
д̇асмаа сассаани бажжанд̇и, радтан̃жа баалид̇з жирам̣.
Tasmā sassāni paccanti, raṭṭhañca pālite ciraṃ.
168.
168.
‘‘г̇авам̣ жз д̇арамаанаанам̣, ж̇имхам̣ г̇ажчад̇и бун̇г̇аво;
‘‘Gavaṃ ce taramānānaṃ, jimhaṃ gacchati puṅgavo;
саб̣б̣аа д̇аа ж̇имхам̣ г̇ажчанд̇и, нзд̇д̇з ж̇имхам̣ г̇ад̇з сад̇и.
Sabbā tā jimhaṃ gacchanti, nette jimhaṃ gate sati.
169.
169.
‘‘звамзва мануссзсу, яо ход̇и сздтасаммад̇о;
‘‘Evameva manussesu, yo hoti seṭṭhasammato;
со жз ад̇хаммам̣ жарад̇и, баг̇зва ид̇араа баж̇аа;
So ce adhammaṃ carati, pageva itarā pajā;
саб̣б̣ам̣ радтам̣ д̣̇укам̣ сзд̇и, рааж̇аа жз ход̇и ад̇хаммиго.
Sabbaṃ raṭṭhaṃ dukhaṃ seti, rājā ce hoti adhammiko.
170.
170.
‘‘г̇авам̣ жз д̇арамаанаанам̣, уж̇ум̣ г̇ажчад̇и бун̇г̇аво;
‘‘Gavaṃ ce taramānānaṃ, ujuṃ gacchati puṅgavo;
саб̣б̣аа г̇аавий уж̇ум̣ яанд̇и, нзд̇д̇з уж̇ум̣ г̇ад̇з сад̇и.
Sabbā gāvī ujuṃ yanti, nette ujuṃ gate sati.
171.
171.
‘‘звамзва мануссзсу, яо ход̇и сздтасаммад̇о;
‘‘Evameva manussesu, yo hoti seṭṭhasammato;
со сажз д̇хаммам̣ жарад̇и, баг̇зва ид̇араа баж̇аа;
So sace dhammaṃ carati, pageva itarā pajā;
саб̣б̣ам̣ радтам̣ сукам̣ сзд̇и, рааж̇аа жз ход̇и д̇хаммиго.
Sabbaṃ raṭṭhaṃ sukhaṃ seti, rājā ce hoti dhammiko.
172.
172.
‘‘махааругкасса палино, аамам̣ чинд̣̇ад̇и яо палам̣;
‘‘Mahārukkhassa phalino, āmaṃ chindati yo phalaṃ;
расан̃жасса на ж̇аанаад̇и, б̣ийж̇ан̃жасса винассад̇и.
Rasañcassa na jānāti, bījañcassa vinassati.
173.
173.
‘‘махааругкуубамам̣ радтам̣, ад̇хаммзна басаасад̇и;
‘‘Mahārukkhūpamaṃ raṭṭhaṃ, adhammena pasāsati;
расан̃жасса на ж̇аанаад̇и, радтан̃жасса винассад̇и.
Rasañcassa na jānāti, raṭṭhañcassa vinassati.
174.
174.
‘‘махааругкасса палино, баггам̣ чинд̣̇ад̇и яо палам̣;
‘‘Mahārukkhassa phalino, pakkaṃ chindati yo phalaṃ;
расан̃жасса виж̇аанаад̇и, б̣ийж̇ан̃жасса на нассад̇и.
Rasañcassa vijānāti, bījañcassa na nassati.
175.
175.
‘‘махааругкуубамам̣ радтам̣, д̇хаммзна яо басаасад̇и;
‘‘Mahārukkhūpamaṃ raṭṭhaṃ, dhammena yo pasāsati;
расан̃жасса виж̇аанаад̇и, радтан̃ж̇асса на нассад̇и.
Rasañcassa vijānāti, raṭṭhañjassa na nassati.
176.
176.
‘‘яо жа рааж̇аа ж̇анабад̣̇ам̣, ад̇хаммзна басаасад̇и;
‘‘Yo ca rājā janapadaṃ, adhammena pasāsati;
саб̣б̣осад̇хийхи со рааж̇аа, вируд̣̇д̇хо ход̇и кад̇д̇ияо.
Sabbosadhīhi so rājā, viruddho hoti khattiyo.
177.
177.
‘‘д̇ат̇зва нзг̇амз хим̣сам̣, яз яуд̇д̇аа гаяавиггаяз;
‘‘Tatheva negame hiṃsaṃ, ye yuttā kayavikkaye;
ож̇ад̣̇аанаб̣алийгаарз, са госзна вируж̇жхад̇и.
Ojadānabalīkāre, sa kosena virujjhati.
178.
178.
‘‘бахаараваракзд̇д̇ан̃н̃уу, сан̇г̇аамз гад̇аниссамз;
‘‘Pahāravarakhettaññū, saṅgāme katanissame;
уссид̇з хим̣саяам̣ рааж̇аа, са б̣алзна вируж̇жхад̇и.
Ussite hiṃsayaṃ rājā, sa balena virujjhati.
179.
179.
‘‘д̇ат̇зва исаяо хим̣сам̣, сан̃н̃ад̇з б̣рахмажаарино;
‘‘Tatheva isayo hiṃsaṃ, saññate brahmacārino;
ад̇хаммажаарий кад̇д̇ияо, со саг̇г̇зна вируж̇жхад̇и.
Adhammacārī khattiyo, so saggena virujjhati.
180.
180.
‘‘яо жа рааж̇аа ад̇хаммадто, бхарияам̣ ханд̇и ад̣̇уусигам̣;
‘‘Yo ca rājā adhammaṭṭho, bhariyaṃ hanti adūsikaṃ;
луд̣̇д̇хам̣ басавад̇з таанам̣, буд̇д̇зхи жа вируж̇жхад̇и.
Luddhaṃ pasavate ṭhānaṃ, puttehi ca virujjhati.
181.
181.
‘‘д̇хаммам̣ жарз ж̇аанабад̣̇з, нзг̇амзсу б̣алзсу жа;
‘‘Dhammaṃ care jānapade, negamesu balesu ca;
исаяо жа на хим̣сзяяа, буд̇д̇ад̣̇аарз самам̣ жарз.
Isayo ca na hiṃseyya, puttadāre samaṃ care.
182.
182.
‘‘са д̇аад̣̇исо бхуумибад̇и, радтабаало агод̇хано;
‘‘Sa tādiso bhūmipati, raṭṭhapālo akodhano;
сабад̇д̇з самбагамбзд̇и, инд̣̇ова асураад̇хибо’’д̇и.
Sapatte sampakampeti, indova asurādhipo’’ti.
д̇ад̇т̇а вагассууд̇и ваго ассу, ассууд̇и нибаад̇амад̇д̇ам̣. ид̣̇ам̣ вуд̇д̇ам̣ ход̇и – махаарааж̇а, буб̣б̣з зго ураб̣бхаруубо ваго ахоси, д̇асса нан̇г̇удтамад̇д̇амзва д̣̇ийгхам̣, д̇ам̣ бана со анд̇арасад̇д̇имхи багкибид̇ваа ураб̣бхаруубзна асам̣гид̇о аж̇аяуут̇ам̣ убзд̇и. д̇ад̇т̇а уран̣иган̃жа аж̇иган̃жа аж̇ан̃жа ханд̇ваа язнагаамам̣ балзд̇и. д̇ат̇аавид̇хзгзд̇и д̇ат̇аавид̇хаа згз саман̣аб̣раахман̣аа баб̣б̣аж̇ж̇аалин̇г̇зна чад̣̇анам̣ гад̇ваа ад̇д̇аанам̣ чаад̣̇зд̇ваа мад̇хураважанаад̣̇ийхи хид̇агаамаа вияа худ̇ваа логам̣ ван̃жзнд̇и. ‘‘анаасагаа’’д̇иаад̣̇и д̇зсам̣ чад̣̇анасса д̣̇ассанад̇т̇ам̣ вуд̇д̇ам̣. згажжз хи ‘‘маяам̣ анаасагаа на гин̃жи аахаарзмаа’’д̇и мануссз ван̃жзнд̇и, абарз ‘‘маяам̣ т̇ан̣д̣иласзяяагаа’’д̇и. ан̃н̃зсам̣ бана раж̇ож̇аллам̣ чад̣̇анам̣, ан̃н̃зсам̣ уггудигаббад̇хаанам̣, д̇з г̇ажчанд̇ааби уббад̇ид̇ваа уггудигаава г̇ажчанд̇и. ан̃н̃зсам̣ сад̇д̇аахад̣̇асаахаад̣̇иваарабхож̇анасан̇каад̇ам̣ барияааяабхад̇д̇ачад̣̇анам̣, абарз абаанагад̇д̇аа хонд̇и, ‘‘маяам̣ баанийяам̣ на биваамаа’’д̇и вад̣̇анд̇и. араханд̇о вад̣̇аанаад̇и баабаажаараа худ̇вааби ‘‘маяам̣ араханд̇о’’д̇и вад̣̇анд̇аа вижаранд̇и. зд̇зд̇и, махаарааж̇а, имз ваа бан̃жа ж̇анаа хонд̇у ан̃н̃з ваа, яааванд̇о д̣̇идтиг̇ад̇игаа наама, саб̣б̣зби зд̇з асаббурисаа. яамаахууд̇и яз ааху, яз вад̣̇анд̇и.
Tattha vakassūti vako assu, assūti nipātamattaṃ. Idaṃ vuttaṃ hoti – mahārāja, pubbe eko urabbharūpo vako ahosi, tassa naṅguṭṭhamattameva dīghaṃ, taṃ pana so antarasattimhi pakkhipitvā urabbharūpena asaṃkito ajayūthaṃ upeti. Tattha uraṇikañca ajikañca ajañca hantvā yenakāmaṃ paleti. Tathāvidheketi tathāvidhā eke samaṇabrāhmaṇā pabbajjāliṅgena chadanaṃ katvā attānaṃ chādetvā madhuravacanādīhi hitakāmā viya hutvā lokaṃ vañcenti. ‘‘Anāsakā’’tiādi tesaṃ chadanassa dassanatthaṃ vuttaṃ. Ekacce hi ‘‘mayaṃ anāsakā na kiñci āhāremā’’ti manusse vañcenti, apare ‘‘mayaṃ thaṇḍilaseyyakā’’ti. Aññesaṃ pana rajojallaṃ chadanaṃ, aññesaṃ ukkuṭikappadhānaṃ, te gacchantāpi uppatitvā ukkuṭikāva gacchanti. Aññesaṃ sattāhadasāhādivārabhojanasaṅkhātaṃ pariyāyabhattachadanaṃ, apare apānakattā honti, ‘‘mayaṃ pānīyaṃ na pivāmā’’ti vadanti. Arahanto vadānāti pāpācārā hutvāpi ‘‘mayaṃ arahanto’’ti vadantā vicaranti. Eteti, mahārāja, ime vā pañca janā hontu aññe vā, yāvanto diṭṭhigatikā nāma, sabbepi ete asappurisā. Yamāhūti ye āhu, ye vadanti.
сажз хи вийрияам̣ наассаад̇и, махаарааж̇а, сажз н̃аан̣асамбаяуд̇д̇ам̣ гааяигажзд̇асигавийрияам̣ на бхавзяяа. гамманд̇и галяаан̣абаабагам̣ гаммамби яад̣̇и на бхавзяяа. на бхарзд̇и звам̣ санд̇з вад̣дхагим̣ ваа ан̃н̃з ваа гаарагз рааж̇аа на босзяяа, наби яанд̇аанийд̇и наби д̇зхи сад̇д̇абхуумигабаасаад̣̇аад̣̇ийни яанд̇аани гаарзяяа. гим̣гааран̣аа? вийрияасса жзва гаммасса жа абхааваа. ужчиж̇ж̇зяяаад̇и, махаарааж̇а, яад̣̇и зд̇д̇агам̣ гаалам̣ нзва д̣̇зво вассзяяа, на химам̣ бад̇зяяа , ат̇а габбудтаанагаало вияа аяам̣ лого ужчиж̇ж̇зяяа. ужчзд̣̇аваад̣̇инаа гат̇ид̇анияаамзна бана ужчзд̣̇о наама над̇т̇и. баалид̇зд̇и баалаяад̇и.
Sace hi vīriyaṃ nāssāti, mahārāja, sace ñāṇasampayuttaṃ kāyikacetasikavīriyaṃ na bhaveyya. Kammanti kalyāṇapāpakaṃ kammampi yadi na bhaveyya. Na bhareti evaṃ sante vaḍḍhakiṃ vā aññe vā kārake rājā na poseyya, napi yantānīti napi tehi sattabhūmikapāsādādīni yantāni kāreyya. Kiṃkāraṇā? Vīriyassa ceva kammassa ca abhāvā. Ucchijjeyyāti, mahārāja, yadi ettakaṃ kālaṃ neva devo vasseyya, na himaṃ pateyya , atha kappuṭṭhānakālo viya ayaṃ loko ucchijjeyya. Ucchedavādinā kathitaniyāmena pana ucchedo nāma natthi. Pāliteti pālayati.
‘‘г̇авам̣ жз’’д̇и жад̇ассо г̇аат̇аа ран̃н̃о д̇хаммад̣̇зсанааяамзва вуд̇д̇аа, д̇ат̇аа ‘‘махааругкассаа’’д̇иаад̣̇игаа. д̇ад̇т̇а махааругкассаад̇и мад̇хураамб̣аругкасса. ад̇хаммзнаад̇и аг̇ад̇иг̇аманзна. расан̃жасса на ж̇аанаад̇ийд̇и ад̇хаммиго рааж̇аа радтасса расам̣ ож̇ам̣ на ж̇аанаад̇и, ааяасамбад̇д̇им̣ на лабхад̇и. винассад̇ийд̇и сун̃н̃ам̣ ход̇и, мануссаа г̇ааманиг̇амз чад̣д̣зд̇ваа бажжанд̇ам̣ баб̣б̣ад̇ависамам̣ бхаж̇анд̇и, саб̣б̣аани ааяамукаани бажчиж̇ж̇анд̇и. саб̣б̣осад̇хийхийд̇и саб̣б̣зхи муулад̇ажабад̇д̇абубпапалаад̣̇ийхи жзва саббинаванийд̇аад̣̇ийхи жа осад̇хзхи вируж̇жхад̇и, д̇аани на самбаж̇ж̇анд̇и. ад̇хаммигаран̃н̃о хи бат̇авий нирож̇аа ход̇и, д̇ассаа нирож̇ад̇ааяа осад̇хаанам̣ ож̇аа на ход̇и, д̇аани рог̇ан̃жа вуубасамзд̇ум̣ на саггонд̇и. ид̇и со д̇зхи вируд̣̇д̇хо наама ход̇и.
‘‘Gavaṃ ce’’ti catasso gāthā rañño dhammadesanāyameva vuttā, tathā ‘‘mahārukkhassā’’tiādikā. Tattha mahārukkhassāti madhuraambarukkhassa. Adhammenāti agatigamanena. Rasañcassa na jānātīti adhammiko rājā raṭṭhassa rasaṃ ojaṃ na jānāti, āyasampattiṃ na labhati. Vinassatīti suññaṃ hoti, manussā gāmanigame chaḍḍetvā paccantaṃ pabbatavisamaṃ bhajanti, sabbāni āyamukhāni pacchijjanti. Sabbosadhīhīti sabbehi mūlatacapattapupphaphalādīhi ceva sappinavanītādīhi ca osadhehi virujjhati, tāni na sampajjanti. Adhammikarañño hi pathavī nirojā hoti, tassā nirojatāya osadhānaṃ ojā na hoti, tāni rogañca vūpasametuṃ na sakkonti. Iti so tehi viruddho nāma hoti.
нзг̇амзд̇и ниг̇амаваасигудумб̣игз. хим̣санд̇и хим̣санд̇о бийл̣знд̇о. яз яуд̇д̇аад̇и яз гаяавиггаяз яуд̇д̇аа ааяаанам̣ мукаа т̇алаж̇алабат̇аваан̣иж̇аа, д̇з жа хим̣санд̇о. ож̇ад̣̇аанаб̣алийгаарзд̇и д̇ад̇о д̇ад̇о бхан̣д̣аахаран̣асун̇гад̣̇аанавасзна ож̇ад̣̇аанан̃жзва чабхааг̇ад̣̇асабхааг̇аад̣̇ибхзд̣̇ам̣ б̣алин̃жа гаронд̇з. са госзнаад̇и со зд̇з хим̣санд̇о ад̇хаммигарааж̇аа д̇ханад̇хан̃н̃зхи барихааяанд̇о госзна вируж̇жхад̇и наама. бахаараваракзд̇д̇ан̃н̃ууд̇и ‘‘имасмим̣ таанз виж̇жхид̇ум̣ ваддад̇ий’’д̇и звам̣ бахааравараанам̣ кзд̇д̇ам̣ ж̇аананд̇з д̇хануг̇г̇ахз. сан̇г̇аамз гад̇аниссамзд̇и яуд̣̇д̇хз сугад̇агаммз махааяод̇хз. уссид̇зд̇и уг̇г̇ад̇з бан̃н̃аад̇з махаамад̇д̇з . хи саяанд̇и зваруубз саяам̣ ваа хим̣санд̇о барзхи ваа хим̣саабзнд̇о. б̣алзнаад̇и б̣алагааязна. д̇ат̇аавид̇хан̃хи рааж̇аанам̣ ‘‘аяам̣ б̣ахугаарз ад̇д̇ано раж̇ж̇ад̣̇ааяагзби хим̣сад̇и, гиман̇г̇ам̣ бана амхз’’д̇и авасзсааби яод̇хаа виж̇аханд̇иязва. ид̇и со б̣алзна вируд̣̇д̇хо наама ход̇и.
Negameti nigamavāsikuṭumbike. Hiṃsanti hiṃsanto pīḷento. Ye yuttāti ye kayavikkaye yuttā āyānaṃ mukhā thalajalapathavāṇijā, te ca hiṃsanto. Ojadānabalīkāreti tato tato bhaṇḍāharaṇasuṅkadānavasena ojadānañceva chabhāgadasabhāgādibhedaṃ baliñca karonte. Sa kosenāti so ete hiṃsanto adhammikarājā dhanadhaññehi parihāyanto kosena virujjhati nāma. Pahāravarakhettaññūti ‘‘imasmiṃ ṭhāne vijjhituṃ vaṭṭatī’’ti evaṃ pahāravarānaṃ khettaṃ jānante dhanuggahe. Saṅgāme katanissameti yuddhe sukatakamme mahāyodhe. Ussiteti uggate paññāte mahāmatte . Hi sayanti evarūpe sayaṃ vā hiṃsanto parehi vā hiṃsāpento. Balenāti balakāyena. Tathāvidhañhi rājānaṃ ‘‘ayaṃ bahukāre attano rajjadāyakepi hiṃsati, kimaṅgaṃ pana amhe’’ti avasesāpi yodhā vijahantiyeva. Iti so balena viruddho nāma hoti.
д̇ат̇зва исаяо хим̣санд̇и яат̇аа жа нзг̇амаад̣̇аяо, д̇ат̇зва зсид̇аг̇ун̣з баб̣б̣аж̇ид̇з аггосанабахаран̣аад̣̇ийхи хим̣санд̇о ад̇хаммажаарий рааж̇аа гааяасса бхзд̣̇аа абааяамзва убзд̇и, саг̇г̇з ниб̣б̣ад̇д̇ид̇ум̣ на саггод̇ийд̇и саг̇г̇зна вируд̣̇д̇хо наама ход̇и. бхарияам̣ ханд̇и ад̣̇уусиганд̇и ад̇д̇ано б̣аахужчааяааяа вад̣дхид̇ам̣ буд̇д̇ад̇хийд̇аахи сам̣вад̣дхам̣ сийлавад̇им̣ бхарияам̣ мид̇д̇абад̇ируубагаанам̣ жораанам̣ важанам̣ г̇ахзд̇ваа маарзд̇и. луд̣̇д̇хам̣ басавад̇з таананд̇и со ад̇д̇ано нираяуубабад̇д̇им̣ басавад̇и нибпаад̣̇зд̇и. буд̇д̇зхи жаад̇и имасмин̃н̃зва ад̇д̇абхаавз ад̇д̇ано буд̇д̇зхи сад̣̇д̇хим̣ вируж̇жхад̇ийд̇и.
Tatheva isayo hiṃsanti yathā ca negamādayo, tatheva esitaguṇe pabbajite akkosanapaharaṇādīhi hiṃsanto adhammacārī rājā kāyassa bhedā apāyameva upeti, sagge nibbattituṃ na sakkotīti saggena viruddho nāma hoti. Bhariyaṃ hanti adūsikanti attano bāhucchāyāya vaḍḍhitaṃ puttadhītāhi saṃvaḍḍhaṃ sīlavatiṃ bhariyaṃ mittapatirūpakānaṃ corānaṃ vacanaṃ gahetvā māreti. Luddhaṃ pasavate ṭhānanti so attano nirayūpapattiṃ pasavati nipphādeti. Puttehi cāti imasmiññeva attabhāve attano puttehi saddhiṃ virujjhatīti.
звамасса со д̇зсам̣ бан̃жаннам̣ ж̇анаанам̣ гат̇ам̣ г̇ахзд̇ваа д̣̇звияаа маарид̇абхааван̃жа буд̇д̇аанам̣ вируд̣̇д̇хабхааван̃жа санд̇химукз жорам̣ жуул̣ааяам̣ г̇ан̣ханд̇о вияа гат̇зси. махаасад̇д̇о хи д̇зсам̣ амажжаанам̣ ниг̇г̇ан̣ханан̃жа д̇хаммад̣̇зсанан̃жа д̣̇звияаа д̇зхи маарид̇абхаавасса аавигаран̣ад̇т̇ан̃жа д̇ад̇т̇а анубуб̣б̣зна гат̇ам̣ аахарид̇ваа огаасам̣ гад̇ваа зд̇амад̇т̇ам̣ гат̇зси. рааж̇аа д̇асса важанам̣ суд̇ваа ад̇д̇ано абараад̇хам̣ ж̇аани. ат̇а нам̣ махаасад̇д̇о ‘‘ид̇о бадтааяа, махаарааж̇а, зваруубаанам̣ баабаанам̣ гат̇ам̣ г̇ахзд̇ваа маа буна звамагаасий’’д̇и вад̇ваа овад̣̇анд̇о ‘‘д̇хаммам̣ жарз’’д̇иаад̣̇имааха.
Evamassa so tesaṃ pañcannaṃ janānaṃ kathaṃ gahetvā deviyā māritabhāvañca puttānaṃ viruddhabhāvañca sandhimukhe coraṃ cūḷāyaṃ gaṇhanto viya kathesi. Mahāsatto hi tesaṃ amaccānaṃ niggaṇhanañca dhammadesanañca deviyā tehi māritabhāvassa āvikaraṇatthañca tattha anupubbena kathaṃ āharitvā okāsaṃ katvā etamatthaṃ kathesi. Rājā tassa vacanaṃ sutvā attano aparādhaṃ jāni. Atha naṃ mahāsatto ‘‘ito paṭṭhāya, mahārāja, evarūpānaṃ pāpānaṃ kathaṃ gahetvā mā puna evamakāsī’’ti vatvā ovadanto ‘‘dhammaṃ care’’tiādimāha.
д̇ад̇т̇а д̇хаммам̣ жарзд̇и, махаарааж̇а, рааж̇аа наама ж̇анабад̣̇ам̣ ад̇хаммигзна б̣алинаа абийл̣знд̇о ж̇анабад̣̇з д̇хаммам̣ жарзяяа, саамигз асаамигз агаронд̇о нзг̇амзсу д̇хаммам̣ жарзяяа, адтаанз агиламзнд̇о б̣алзсу д̇хаммам̣ жарзяяа. вад̇хаб̣анд̇хааггосабарибхаасз барихаранд̇о бажжаяз жа нзсам̣ д̣̇ад̣̇анд̇о исаяо на вихим̣сзяяа, д̇хийд̇аро яуд̇д̇адтаанз бад̇идтаабзнд̇о буд̇д̇з жа сиббаани сигкаабзд̇ваа саммаа барихаранд̇о бхарияам̣ иссарияавоссаг̇г̇аалан̇гаарад̣̇аанасаммаананаад̣̇ийхи ануг̇г̇ан̣ханд̇о буд̇д̇ад̣̇аарз самам̣ жарзяяа. са д̇аад̣̇исод̇и со д̇аад̣̇исо рааж̇аа бавзн̣им̣ абхинд̣̇ид̇ваа д̇хаммзна самзна раж̇ж̇ам̣ гаарзнд̇о рааж̇аан̣ааяа рааж̇ад̇зж̇зна сабад̇д̇з самбагамбзд̇и д̇аасзд̇и жаалзд̇и. ‘‘инд̣̇оваа’’д̇и ид̣̇ам̣ убамад̇т̇ам̣ вуд̇д̇ам̣. яат̇аа асурз ж̇зд̇ваа абхибхавид̇ваа тид̇агаалад̇о бадтааяа асураад̇хибод̇и сан̇кяам̣ г̇ад̇о инд̣̇о ад̇д̇ано сабад̇д̇абхууд̇з асурз гамбзси, д̇ат̇аа гамбзд̇ийд̇и.
Tattha dhammaṃ careti, mahārāja, rājā nāma janapadaṃ adhammikena balinā apīḷento janapade dhammaṃ careyya, sāmike asāmike akaronto negamesu dhammaṃ careyya, aṭṭhāne akilamento balesu dhammaṃ careyya. Vadhabandhaakkosaparibhāse pariharanto paccaye ca nesaṃ dadanto isayo na vihiṃseyya, dhītaro yuttaṭṭhāne patiṭṭhāpento putte ca sippāni sikkhāpetvā sammā pariharanto bhariyaṃ issariyavossaggaalaṅkāradānasammānanādīhi anuggaṇhanto puttadāre samaṃ careyya. Sa tādisoti so tādiso rājā paveṇiṃ abhinditvā dhammena samena rajjaṃ kārento rājāṇāya rājatejena sapatte sampakampeti tāseti cāleti. ‘‘Indovā’’ti idaṃ upamatthaṃ vuttaṃ. Yathā asure jetvā abhibhavitvā ṭhitakālato paṭṭhāya asurādhipoti saṅkhyaṃ gato indo attano sapattabhūte asure kampesi, tathā kampetīti.
звам̣ махаасад̇д̇о ран̃н̃о д̇хаммам̣ д̣̇зсзд̇ваа жад̇д̇аароби гумаарз баггосаабзд̇ваа овад̣̇ид̇ваа ран̃н̃о гад̇агаммам̣ багаасзд̇ваа рааж̇аанам̣ камаабзд̇ваа ‘‘махаарааж̇а, ид̇о бадтааяа ад̇улзд̇ваа барибхзд̣̇агаанам̣ гат̇ам̣ г̇ахзд̇ваа маа зваруубам̣ саахасигагаммам̣ агааси, д̇умхзби гумаараа маа ран̃н̃о д̣̇уб̣бхид̇т̇аа’’д̇и саб̣б̣зсам̣ оваад̣̇ам̣ ад̣̇ааси. ат̇а нам̣ рааж̇аа ааха – ‘‘ахам̣, бханд̇з, д̇умхзсу жа д̣̇звияаа жа абараж̇жханд̇о имз ниссааяа зд̇зсам̣ гат̇ам̣ г̇ахзд̇ваа зд̇ам̣ баабагаммам̣ гарим̣, имз бан̃жаби маарзмий’’д̇и . на лаб̣бхаа, махаарааж̇а, звам̣ гаад̇унд̇и. д̇зна хи д̇зсам̣ хад̇т̇абаад̣̇з чзд̣̇аабзмийд̇и. ид̣̇амби на лаб̣бхаа гаад̇унд̇и. рааж̇аа ‘‘саад̇ху, бханд̇з’’д̇и самбадижчид̇ваа д̇з саб̣б̣асам̣харан̣з гад̇ваа бан̃жажуул̣аагаран̣аг̇ад̣̇д̣̇уулаб̣анд̇ханаг̇омаяаасин̃жанзхи авамаанзд̇ваа радтаа баб̣б̣ааж̇зси. б̣од̇хисад̇д̇о д̇ад̇т̇а гад̇ибаахам̣ васид̇ваа ‘‘аббамад̇д̇о хохий’’д̇и рааж̇аанам̣ овад̣̇ид̇ваа химаванд̇ам̣язва г̇анд̇ваа жхаанаабхин̃н̃аа ниб̣б̣ад̇д̇зд̇ваа яааваж̇ийвам̣ б̣рахмавихаарз бхаавзд̇ваа б̣рахмалогуубаг̇о ахоси.
Evaṃ mahāsatto rañño dhammaṃ desetvā cattāropi kumāre pakkosāpetvā ovaditvā rañño katakammaṃ pakāsetvā rājānaṃ khamāpetvā ‘‘mahārāja, ito paṭṭhāya atuletvā paribhedakānaṃ kathaṃ gahetvā mā evarūpaṃ sāhasikakammaṃ akāsi, tumhepi kumārā mā rañño dubbhitthā’’ti sabbesaṃ ovādaṃ adāsi. Atha naṃ rājā āha – ‘‘ahaṃ, bhante, tumhesu ca deviyā ca aparajjhanto ime nissāya etesaṃ kathaṃ gahetvā etaṃ pāpakammaṃ kariṃ, ime pañcapi māremī’’ti . Na labbhā, mahārāja, evaṃ kātunti. Tena hi tesaṃ hatthapāde chedāpemīti. Idampi na labbhā kātunti. Rājā ‘‘sādhu, bhante’’ti sampaṭicchitvā te sabbasaṃharaṇe katvā pañcacūḷākaraṇagaddūlabandhanagomayāsiñcanehi avamānetvā raṭṭhā pabbājesi. Bodhisatto tattha katipāhaṃ vasitvā ‘‘appamatto hohī’’ti rājānaṃ ovaditvā himavantaṃyeva gantvā jhānābhiññā nibbattetvā yāvajīvaṃ brahmavihāre bhāvetvā brahmalokūpago ahosi.
сад̇т̇аа имам̣ д̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̇ат̇ааг̇ад̇о бан̃н̃авааязва бараббаваад̣̇аббамад̣̇д̣̇аноязваа’’д̇и вад̇ваа ж̇аад̇агам̣ самод̇хаанзси ‘‘д̇ад̣̇аа бан̃жа д̣̇идтиг̇ад̇игаа бууран̣агассабамагкалиг̇осаалабагуд̇хагажжаанааж̇ид̇агзсагамб̣аланиг̇ан̣танаадабуд̇д̇аа ахзсум̣, бин̇г̇аласунако аананд̣̇о, махааб̣од̇хибариб̣б̣ааж̇аго бана ахамзва ахоси’’нд̇и.
Satthā imaṃ desanaṃ āharitvā ‘‘na, bhikkhave, idāneva, pubbepi tathāgato paññavāyeva parappavādappamaddanoyevā’’ti vatvā jātakaṃ samodhānesi ‘‘tadā pañca diṭṭhigatikā pūraṇakassapamakkhaligosālapakudhakaccānaajitakesakambalanigaṇṭhanāṭaputtā ahesuṃ, piṅgalasunakho ānando, mahābodhiparibbājako pana ahameva ahosi’’nti.
махааб̣од̇хиж̇аад̇агаван̣н̣анаа д̇ад̇ияаа.
Mahābodhijātakavaṇṇanā tatiyā.
ж̇аад̇агуд̣̇д̣̇аанам̣ –
Jātakuddānaṃ –
санил̣ийнигамавхаяано батамо, д̣̇уд̇ияо бана сауммад̣̇анд̇иваро;
Saniḷīnikamavhayano paṭhamo, dutiyo pana saummadantivaro;
д̇ад̇ияо бана б̣од̇хисирийвхаяано, гат̇ид̇аа бана д̇ийн̣и ж̇инзна субхаад̇и.
Tatiyo pana bodhisirīvhayano, kathitā pana tīṇi jinena subhāti.
бан̣н̣аасанибаад̇аван̣н̣анаа нидтид̇аа.
Paṇṇāsanipātavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 528. махааб̣од̇хиж̇аад̇агам̣ • 528. Mahābodhijātakaṃ
