| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
7. махаажад̇д̇аарийсагасуд̇д̇аван̣н̣анаа
7. Mahācattārīsakasuttavaṇṇanā
136. звам̣ мз суд̇анд̇и махаажад̇д̇аарийсагасуд̇д̇ам̣. д̇ад̇т̇а арияанд̇и нид̣̇д̣̇осам̣ логуд̇д̇арам̣, нид̣̇д̣̇осан̃хи ‘‘арияа’’нд̇и вужжад̇и. саммаасамаад̇хинд̇и маг̇г̇асамаад̇хим̣. саубанисанд̇и сабажжаяам̣. сабаригкааранд̇и сабариваарам̣.
136.Evaṃme sutanti mahācattārīsakasuttaṃ. Tattha ariyanti niddosaṃ lokuttaraṃ, niddosañhi ‘‘ariya’’nti vuccati. Sammāsamādhinti maggasamādhiṃ. Saupanisanti sapaccayaṃ. Saparikkhāranti saparivāraṃ.
баригкад̇аад̇и бариваарид̇аа. саммаад̣̇идти буб̣б̣ан̇г̇амаа ход̇ийд̇и д̣̇вид̇хаа саммаад̣̇идти буб̣б̣ан̇г̇амаа ход̇и бурзжааригаа вибассанаасаммаад̣̇идти жа маг̇г̇асаммаад̣̇идти жа. вибассанаасаммаад̣̇идти д̇збхуумагасан̇каарз анижжаад̣̇ивасзна баривиймам̣сад̇и; маг̇г̇асаммаад̣̇идти бана баривиймам̣санабарияосаанз бхуумилад̣̇д̇хам̣ ваддам̣ самуг̇гхаадаяамаанаа вуубасамаяамаанаа сийд̇уд̣̇агагхадасахассам̣ мад̇т̇агз аасин̃жамаанаа вияа уббаж̇ж̇ад̇и. яат̇аа хи кзд̇д̇ам̣ гурумаано гассаго батамам̣ аран̃н̃з ругкз чинд̣̇ад̇и, бажчаа аг̇г̇им̣ д̣̇зд̇и, со аг̇г̇и батамам̣ чиннз ругкз анавасзсз жхаабзд̇и, звамзва вибассанаасаммаад̣̇идти батамам̣ анижжаад̣̇ивасзна сан̇каарз виймам̣сад̇и, маг̇г̇асаммаад̣̇идти д̇ааяа виймам̣санад̇т̇ам̣ сан̇каарз буна аббавад̇д̇ивасзна самуг̇гхаадаяамаанаа уббаж̇ж̇ад̇и, саа д̣̇увид̇хааби ид̇ха ад̇хиббзд̇аа.
Parikkhatāti parivāritā. Sammādiṭṭhipubbaṅgamā hotīti dvidhā sammādiṭṭhi pubbaṅgamā hoti purecārikā vipassanāsammādiṭṭhi ca maggasammādiṭṭhi ca. Vipassanāsammādiṭṭhi tebhūmakasaṅkhāre aniccādivasena parivīmaṃsati; maggasammādiṭṭhi pana parivīmaṃsanapariyosāne bhūmiladdhaṃ vaṭṭaṃ samugghāṭayamānā vūpasamayamānā sītudakaghaṭasahassaṃ matthake āsiñcamānā viya uppajjati. Yathā hi khettaṃ kurumāno kassako paṭhamaṃ araññe rukkhe chindati, pacchā aggiṃ deti, so aggi paṭhamaṃ chinne rukkhe anavasese jhāpeti, evameva vipassanāsammādiṭṭhi paṭhamaṃ aniccādivasena saṅkhāre vīmaṃsati, maggasammādiṭṭhi tāya vīmaṃsanatthaṃ saṅkhāre puna appavattivasena samugghāṭayamānā uppajjati, sā duvidhāpi idha adhippetā.
мижчаад̣̇идтийд̇и баж̇аанаад̇ийд̇и мижчаад̣̇идтим̣ анижжам̣ д̣̇угкам̣ анад̇д̇аад̇и лагкан̣абадивзд̇хзна аарамман̣ад̇о баж̇аанаад̇и, саммаад̣̇идтим̣ гижжад̇о асаммохад̇о баж̇аанаад̇и. саасса ход̇и саммаад̣̇идтийд̇и саа звам̣ баж̇аананаа асса саммаад̣̇идти наама ход̇и.
Micchādiṭṭhīti pajānātīti micchādiṭṭhiṃ aniccaṃ dukkhaṃ anattāti lakkhaṇapaṭivedhena ārammaṇato pajānāti, sammādiṭṭhiṃ kiccato asammohato pajānāti. Sāssa hoti sammādiṭṭhīti sā evaṃ pajānanā assa sammādiṭṭhi nāma hoti.
д̣̇вааяам̣ вад̣̇аамийд̇и д̣̇ваяам̣ вад̣̇аами, д̣̇увид̇хагодтаасам̣ вад̣̇аамийд̇и ад̇т̇о. бун̃н̃абхааг̇ияаад̇и бун̃н̃агодтаасабхууд̇аа. убад̇хивзбаггаад̇и убад̇хисан̇каад̇асса вибаагасса д̣̇ааяигаа.
Dvāyaṃ vadāmīti dvayaṃ vadāmi, duvidhakoṭṭhāsaṃ vadāmīti attho. Puññabhāgiyāti puññakoṭṭhāsabhūtā. Upadhivepakkāti upadhisaṅkhātassa vipākassa dāyikā.
бан̃н̃аа бан̃н̃инд̣̇рияанд̇иаад̣̇ийсу вибхаж̇ид̇ваа вибхаж̇ид̇ваа амад̇ад̣̇ваарам̣ бан̃н̃абзд̇и д̣̇ассзд̇ийд̇и бан̃н̃аа. д̇асмим̣ ад̇т̇з инд̣̇ад̇д̇ам̣ гарод̇ийд̇и бан̃н̃инд̣̇рияам̣. авиж̇ж̇ааяа на гамбад̇ийд̇и бан̃н̃ааб̣алам̣. б̣ож̇жхан̇г̇аббад̇д̇аа худ̇ваа жад̇усажжад̇хаммз вижинаад̇ийд̇и д̇хаммавижаяасамб̣ож̇жхан̇г̇о. маг̇г̇асамбад̇д̇ияаа басадтаа собханаа д̣̇идтийд̇и саммаад̣̇идти. арияамаг̇г̇асса ан̇г̇анд̇и маг̇г̇ан̇г̇ам̣. сод̇и со бхигку. бахаанааяаад̇и баж̇аханад̇т̇ааяа. убасамбад̣̇ааяаад̇и бадилаабхад̇т̇ааяа. саммаавааяаамод̇и нияяааниго гусалавааяаамо. сад̇од̇и сад̇ияаа саманнааг̇ад̇о худ̇ваа. анубарид̇хааванд̇и анубаривад̇д̇анд̇ийд̇и сахаж̇аад̇аа жа бурзж̇аад̇аа жа худ̇ваа бариваарзнд̇и. зд̇т̇а хи саммаавааяаамо жа саммаасад̇и жа логуд̇д̇арасаммаад̣̇идтим̣ сахаж̇аад̇аа бариваарзнд̇и рааж̇аанам̣ вияа згарат̇з тид̇аа асиг̇г̇аахачад̇д̇аг̇г̇аахаа. вибассанаасаммаад̣̇идти бана бурзж̇аад̇аа худ̇ваа бариваарзд̇и рат̇асса бурад̇о бад̇д̇игаад̣̇аяо вияа. д̣̇уд̇ияабаб̣б̣ад̇о бадтааяа бана саммаасан̇габбаад̣̇ийнам̣ д̇аяоби сахаж̇аад̇абариваараава хонд̇ийд̇и взд̣̇ид̇аб̣б̣аа.
Paññā paññindriyantiādīsu vibhajitvā vibhajitvā amatadvāraṃ paññapeti dassetīti paññā. Tasmiṃ atthe indattaṃ karotīti paññindriyaṃ. Avijjāya na kampatīti paññābalaṃ. Bojjhaṅgappattā hutvā catusaccadhamme vicinātīti dhammavicayasambojjhaṅgo. Maggasampattiyā pasaṭṭhā sobhanā diṭṭhīti sammādiṭṭhi. Ariyamaggassa aṅganti maggaṅgaṃ. Soti so bhikkhu. Pahānāyāti pajahanatthāya. Upasampadāyāti paṭilābhatthāya. Sammāvāyāmoti niyyāniko kusalavāyāmo. Satoti satiyā samannāgato hutvā. Anuparidhāvanti anuparivattantīti sahajātā ca purejātā ca hutvā parivārenti. Ettha hi sammāvāyāmo ca sammāsati ca lokuttarasammādiṭṭhiṃ sahajātā parivārenti rājānaṃ viya ekarathe ṭhitā asiggāhachattaggāhā. Vipassanāsammādiṭṭhi pana purejātā hutvā parivāreti rathassa purato pattikādayo viya. Dutiyapabbato paṭṭhāya pana sammāsaṅkappādīnaṃ tayopi sahajātaparivārāva hontīti veditabbā.
137. мижчаасан̇габбод̇и баж̇аанаад̇ийд̇и мижчаасан̇габбам̣ анижжам̣ д̣̇угкам̣ анад̇д̇аад̇и лагкан̣абадивзд̇хзна аарамман̣ад̇о баж̇аанаад̇и саммаасан̇габбам̣ гижжад̇о асаммохад̇о баж̇аанаад̇и. ид̇о абарзсу саммааваажаад̣̇ийсуби звамзва яож̇анаа взд̣̇ид̇аб̣б̣аа. гаамасан̇габбаад̣̇аяо д̣̇взд̇хаавид̇аггасуд̇д̇з (ма. ни. 1.206) вуд̇д̇ааязва.
137.Micchāsaṅkappoti pajānātīti micchāsaṅkappaṃ aniccaṃ dukkhaṃ anattāti lakkhaṇapaṭivedhena ārammaṇato pajānāti sammāsaṅkappaṃ kiccato asammohato pajānāti. Ito aparesu sammāvācādīsupi evameva yojanā veditabbā. Kāmasaṅkappādayo dvedhāvitakkasutte (ma. ni. 1.206) vuttāyeva.
д̇аггод̇иаад̣̇ийсу д̇агганавасзна д̇агго. свзва жа убасаг̇г̇зна бад̣̇ам̣ вад̣дхзд̇ваа вид̇аггод̇и вуд̇д̇о, свзва сан̇габбанавасзна сан̇габбо. згаг̇г̇о худ̇ваа аарамман̣з аббзд̇ийд̇и аббанаа . убасаг̇г̇зна бана бад̣̇ам̣ вад̣дхзд̇ваа б̣яаббанаад̇и вуд̇д̇ам̣. жзд̇асо абхиниробанаад̇и жид̇д̇асса абхиниробанаа. вид̇аггасмин̃хи сад̇и вид̇агго аарамман̣з жид̇д̇ам̣ абхиниробзд̇и вид̇аггз бана асад̇и ад̇д̇аноязва д̇хаммад̇ааяа жид̇д̇ам̣ аарамман̣ам̣ абхирухад̇и ж̇аад̇исамбанно абхин̃н̃аад̇абурисо вияа рааж̇аг̇зхам̣. анабхин̃н̃аад̇асса хи бадихаарзна ваа д̣̇овааригзна ваа ад̇т̇о ход̇и, абхин̃н̃аад̇ам̣ ж̇аад̇исамбаннам̣ саб̣б̣з рааж̇арааж̇амахаамад̇д̇аа ж̇аананд̇ийд̇и ад̇д̇анова д̇хаммад̇ааяа нигкамад̇и жзва бависад̇и жа, звам̣самбад̣̇амид̣̇ам̣ взд̣̇ид̇аб̣б̣ам̣. ваажам̣ сан̇карод̇ийд̇и важийсан̇кааро. зд̇т̇а жа логияавид̇агго ваажам̣ сан̇карод̇и, на логуд̇д̇аро. гин̃жааби на сан̇карод̇и, важийсан̇каарод̇взва жа банасса наамам̣ ход̇и. саммаасан̇габбам̣ анубарид̇хааванд̇ийд̇и логуд̇д̇арасаммаасан̇габбам̣ бариваарзнд̇и. зд̇т̇а жа д̇аяоби нзгкаммасан̇габбаад̣̇аяо буб̣б̣абхааг̇з наанаажид̇д̇зсу лаб̣бханд̇и, маг̇г̇агкан̣з бана д̇ин̣н̣амби гаамасан̇габбаад̣̇ийнан̃жа бад̣̇ажчзд̣̇ам̣ самуг̇гхаад̇ам̣ гаронд̇о маг̇г̇ан̇г̇ам̣ буураяамаано згова саммаасан̇габбо уббаж̇ж̇ид̇ваа нзгкаммасан̇габбаад̣̇ивасзна д̇ийн̣и наамаани лабхад̇и. барад̇о саммааваажаад̣̇ийсуби зсзва наяо.
Takkotiādīsu takkanavasena takko. Sveva ca upasaggena padaṃ vaḍḍhetvā vitakkoti vutto, sveva saṅkappanavasena saṅkappo. Ekaggo hutvā ārammaṇe appetīti appanā. Upasaggena pana padaṃ vaḍḍhetvā byappanāti vuttaṃ. Cetaso abhiniropanāti cittassa abhiniropanā. Vitakkasmiñhi sati vitakko ārammaṇe cittaṃ abhiniropeti vitakke pana asati attanoyeva dhammatāya cittaṃ ārammaṇaṃ abhiruhati jātisampanno abhiññātapuriso viya rājagehaṃ. Anabhiññātassa hi paṭihārena vā dovārikena vā attho hoti, abhiññātaṃ jātisampannaṃ sabbe rājarājamahāmattā jānantīti attanova dhammatāya nikkhamati ceva pavisati ca, evaṃsampadamidaṃ veditabbaṃ. Vācaṃ saṅkharotīti vacīsaṅkhāro. Ettha ca lokiyavitakko vācaṃ saṅkharoti, na lokuttaro. Kiñcāpi na saṅkharoti, vacīsaṅkhārotveva ca panassa nāmaṃ hoti. Sammāsaṅkappaṃ anuparidhāvantīti lokuttarasammāsaṅkappaṃ parivārenti. Ettha ca tayopi nekkhammasaṅkappādayo pubbabhāge nānācittesu labbhanti, maggakkhaṇe pana tiṇṇampi kāmasaṅkappādīnañca padacchedaṃ samugghātaṃ karonto maggaṅgaṃ pūrayamāno ekova sammāsaṅkappo uppajjitvā nekkhammasaṅkappādivasena tīṇi nāmāni labhati. Parato sammāvācādīsupi eseva nayo.
138. мусааваад̣̇аа взраман̣ийд̇иаад̣̇ийсу вирад̇иби жзд̇анааби ваддад̇и. аарад̇ийд̇иаад̣̇ийсу важийд̣̇ужжарид̇зхи аарагаа рамад̇ийд̇и аарад̇и. винаа д̇зхи рамад̇ийд̇и вирад̇и. д̇ад̇о д̇ад̇о бадинивад̇д̇аава худ̇ваа д̇зхи винаа рамад̇ийд̇и бадивирад̇и. убасаг̇г̇авасзна ваа бад̣̇ам̣ вад̣дхид̇ам̣, саб̣б̣амид̣̇ам̣ ораманабхаавассзва ад̇хиважанам̣. взрам̣ ман̣ад̇и винаасзд̇ийд̇и взраман̣и. ид̣̇амби ораманассзва взважанам̣.
138.Musāvādāveramaṇītiādīsu viratipi cetanāpi vaṭṭati. Āratītiādīsu vacīduccaritehi ārakā ramatīti ārati. Vinā tehi ramatīti virati. Tato tato paṭinivattāva hutvā tehi vinā ramatīti paṭivirati. Upasaggavasena vā padaṃ vaḍḍhitaṃ, sabbamidaṃ oramanabhāvasseva adhivacanaṃ. Veraṃ maṇati vināsetīti veramaṇi. Idampi oramanasseva vevacanaṃ.
139. баан̣аад̇ибаад̇аа взраман̣ийд̇иаад̣̇ийсуби жзд̇анаа вирад̇ийд̇и убхаяамби ваддад̇иязва.
139.Pāṇātipātā veramaṇītiādīsupi cetanā viratīti ubhayampi vaṭṭatiyeva.
140. гуханаад̇иаад̣̇ийсу д̇ивид̇хзна гуханавад̇т̇унаа логам̣ зд̇ааяа гухаяанд̇и вимхаабаяанд̇ийд̇и гуханаа. лаабхасаггаарад̇т̇игаа худ̇ваа зд̇ааяа лабанд̇ийд̇и лабанаа. нимид̇д̇ам̣ сийламзд̇зсанд̇и нзмид̇д̇игаа, д̇зсам̣ бхааво нзмид̇д̇игад̇аа. ниббзсо сийламзд̇зсанд̇и ниббзсигаа, д̇зсам̣ бхааво ниббзсигад̇аа. лаабхзна лаабхам̣ ниж̇иг̇ийсанд̇и маг̇г̇анд̇и бариязсанд̇ийд̇и лаабхзна лаабхам̣ ниж̇иг̇ийсанаа, д̇зсам̣ бхааво лаабхзна лаабхам̣ ниж̇иг̇ийсанад̇аа. аяамзд̇т̇а сан̇кзбо, вид̇т̇аарзна банзд̇аа гуханаад̣̇игаа висуд̣̇д̇химаг̇г̇з сийланид̣̇д̣̇зсзязва баал̣ин̃жа адтагат̇ан̃жа аахарид̇ваа багаасид̇аа. мижчааааж̇ийвасса бахаанааяаад̇и зд̇т̇а на гзвалам̣ баал̣ияам̣ ааг̇ад̇ова мижчааааж̇ийво, ааж̇ийвахзд̇у бана бавад̇д̇ид̇аа баан̣аад̇ибаад̇аад̣̇аяо сад̇д̇агаммабат̇ажзд̇анааби мижчааааж̇ийвова. д̇аасам̣язва сад̇д̇аннам̣ жзд̇анаанам̣ бад̣̇абажчзд̣̇ам̣ самуг̇гхаад̇ам̣ гурумаанам̣ маг̇г̇ан̇г̇ам̣ буураяамаанаа уббаннаа вирад̇и саммааааж̇ийво наама.
140.Kuhanātiādīsu tividhena kuhanavatthunā lokaṃ etāya kuhayanti vimhāpayantīti kuhanā. Lābhasakkāratthikā hutvā etāya lapantīti lapanā. Nimittaṃ sīlametesanti nemittikā, tesaṃ bhāvo nemittikatā. Nippeso sīlametesanti nippesikā, tesaṃ bhāvo nippesikatā. Lābhena lābhaṃ nijigīsanti magganti pariyesantīti lābhena lābhaṃ nijigīsanā, tesaṃ bhāvo lābhena lābhaṃ nijigīsanatā. Ayamettha saṅkhepo, vitthārena panetā kuhanādikā visuddhimagge sīlaniddeseyeva pāḷiñca aṭṭhakathañca āharitvā pakāsitā. Micchāājīvassa pahānāyāti ettha na kevalaṃ pāḷiyaṃ āgatova micchāājīvo, ājīvahetu pana pavattitā pāṇātipātādayo sattakammapathacetanāpi micchāājīvova. Tāsaṃyeva sattannaṃ cetanānaṃ padapacchedaṃ samugghātaṃ kurumānaṃ maggaṅgaṃ pūrayamānā uppannā virati sammāājīvo nāma.
141. саммаад̣̇идтиссаад̇и маг̇г̇асаммаад̣̇идтияам̣ тид̇асса буг̇г̇аласса. саммаасан̇габбо баход̇ийд̇и маг̇г̇асаммаасан̇габбо баход̇и, паласаммаад̣̇идтиссаби паласаммаасан̇габбо баход̇ийд̇и звам̣ саб̣б̣абад̣̇зсу ад̇т̇о взд̣̇ид̇аб̣б̣о. саммаан̃аан̣асса саммаавимуд̇д̇ийд̇и зд̇т̇а бана маг̇г̇асаммаасамаад̇химхи тид̇асса маг̇г̇абажжавзгкан̣ам̣ саммаан̃аан̣ам̣ баход̇и, паласаммаасамаад̇химхи тид̇асса палабажжавзгкан̣ам̣ саммаан̃аан̣ам̣ баход̇и. маг̇г̇абажжавзгкан̣асаммаан̃аан̣з жа тид̇асса маг̇г̇асаммаавимуд̇д̇и баход̇и, палабажжавзгкан̣асаммаан̃аан̣з тид̇асса паласаммаавимуд̇д̇и баход̇ийд̇и ад̇т̇о. зд̇т̇а жа табзд̇ваа адта палан̇г̇аани саммаан̃аан̣ам̣ бажжавзгкан̣ам̣ гад̇ваа саммаавимуд̇д̇им̣ палам̣ гаад̇ум̣ ваддад̇ийд̇и вуд̇д̇ам̣.
141.Sammādiṭṭhissāti maggasammādiṭṭhiyaṃ ṭhitassa puggalassa. Sammāsaṅkappo pahotīti maggasammāsaṅkappo pahoti, phalasammādiṭṭhissapi phalasammāsaṅkappo pahotīti evaṃ sabbapadesu attho veditabbo. Sammāñāṇassasammāvimuttīti ettha pana maggasammāsamādhimhi ṭhitassa maggapaccavekkhaṇaṃ sammāñāṇaṃ pahoti, phalasammāsamādhimhi ṭhitassa phalapaccavekkhaṇaṃ sammāñāṇaṃ pahoti. Maggapaccavekkhaṇasammāñāṇe ca ṭhitassa maggasammāvimutti pahoti, phalapaccavekkhaṇasammāñāṇe ṭhitassa phalasammāvimutti pahotīti attho. Ettha ca ṭhapetvā aṭṭha phalaṅgāni sammāñāṇaṃ paccavekkhaṇaṃ katvā sammāvimuttiṃ phalaṃ kātuṃ vaṭṭatīti vuttaṃ.
142. саммаад̣̇идтисса , бхигкавз, мижчаад̣̇идти ниж̇ж̇ин̣н̣аа ход̇ийд̇иаад̣̇ийсу авасзсанигааяабхаан̣агаа палам̣ гат̇ид̇анд̇и вад̣̇анд̇и, маж̇жхимабхаан̣агаа бана д̣̇асаннам̣ ниж̇ж̇аравад̇т̇уунам̣ ааг̇ад̇адтаанз маг̇г̇о гат̇ид̇од̇и вад̣̇анд̇и. д̇ад̇т̇а д̣̇ассанадтзна саммаад̣̇идти взд̣̇ид̇аб̣б̣аа, вид̣̇ид̇агаран̣адтзна саммаан̃аан̣ам̣, д̇ад̣̇ад̇химуд̇д̇адтзна саммаавимуд̇д̇и.
142.Sammādiṭṭhissa, bhikkhave, micchādiṭṭhi nijjiṇṇā hotītiādīsu avasesanikāyabhāṇakā phalaṃ kathitanti vadanti, majjhimabhāṇakā pana dasannaṃ nijjaravatthūnaṃ āgataṭṭhāne maggo kathitoti vadanti. Tattha dassanaṭṭhena sammādiṭṭhi veditabbā, viditakaraṇaṭṭhena sammāñāṇaṃ, tadadhimuttaṭṭhena sammāvimutti.
вийсад̇и гусалабагкаад̇и саммаад̣̇идтиаад̣̇аяо д̣̇аса, ‘‘саммаад̣̇идтибажжаяаа жа анзгз гусалаа д̇хаммаа’’д̇иаад̣̇инаа наязна вуд̇д̇аа д̣̇асаад̇и звам̣ вийсад̇и гусалабагкаа хонд̇и. вийсад̇и агусалабагкаад̇и ‘‘мижчаад̣̇идти ниж̇ж̇ин̣н̣аа ход̇ий’’д̇иаад̣̇инаа наязна вуд̇д̇аа мижчаад̣̇идтиаад̣̇аяо д̣̇аса, ‘‘яз жа мижчаад̣̇идтибажжаяаа анзгз баабагаа’’д̇иаад̣̇инаа вуд̇д̇аа д̣̇аса жаад̇и звам̣ вийсад̇и агусалабагкаа взд̣̇ид̇аб̣б̣аа. махаажад̇д̇аарийсагод̇и махаавибаагад̣̇аанзна маханд̇аанам̣ гусалабагкигаанан̃жзва агусалабагкигаанан̃жа жад̇д̇аарийсааяа д̇хаммаанам̣ багаасид̇ад̇д̇аа махаажад̇д̇аарийсагод̇и.
Vīsati kusalapakkhāti sammādiṭṭhiādayo dasa, ‘‘sammādiṭṭhipaccayā ca aneke kusalā dhammā’’tiādinā nayena vuttā dasāti evaṃ vīsati kusalapakkhā honti. Vīsati akusalapakkhāti ‘‘micchādiṭṭhi nijjiṇṇā hotī’’tiādinā nayena vuttā micchādiṭṭhiādayo dasa, ‘‘ye ca micchādiṭṭhipaccayā aneke pāpakā’’tiādinā vuttā dasa cāti evaṃ vīsati akusalapakkhā veditabbā. Mahācattārīsakoti mahāvipākadānena mahantānaṃ kusalapakkhikānañceva akusalapakkhikānañca cattārīsāya dhammānaṃ pakāsitattā mahācattārīsakoti.
имасмин̃жа бана суд̇д̇з бан̃жа саммаад̣̇идтияо гат̇ид̇аа вибассанаасаммаад̣̇идти гаммассагад̇аасаммаад̣̇идти маг̇г̇асаммаад̣̇идти паласаммаад̣̇идти бажжавзгкан̣аасаммаад̣̇идтийд̇и. д̇ад̇т̇а ‘‘мижчаад̣̇идтим̣ мижчаад̣̇идтийд̇и баж̇аанаад̇ий’’д̇иаад̣̇инаа наязна вуд̇д̇аа вибассанаасаммаад̣̇идти наама. ‘‘ад̇т̇и д̣̇инна’’нд̇иаад̣̇инаа наязна вуд̇д̇аа гаммассагад̇аасаммаад̣̇идти наама. ‘‘саммаад̣̇идтисса, бхигкавз, саммаасан̇габбо баход̇ий’’д̇и зд̇т̇а бана маг̇г̇асаммаад̣̇идти паласаммаад̣̇идтийд̇и д̣̇взби гат̇ид̇аа. ‘‘саммаан̃аан̣ам̣ баход̇ий’’д̇и. зд̇т̇а бана бажжавзгкан̣аасаммаад̣̇идти гат̇ид̇аад̇и взд̣̇ид̇аб̣б̣аа.
Imasmiñca pana sutte pañca sammādiṭṭhiyo kathitā vipassanāsammādiṭṭhi kammassakatāsammādiṭṭhi maggasammādiṭṭhi phalasammādiṭṭhi paccavekkhaṇāsammādiṭṭhīti. Tattha ‘‘micchādiṭṭhiṃ micchādiṭṭhīti pajānātī’’tiādinā nayena vuttā vipassanāsammādiṭṭhi nāma. ‘‘Atthi dinna’’ntiādinā nayena vuttā kammassakatāsammādiṭṭhi nāma. ‘‘Sammādiṭṭhissa, bhikkhave, sammāsaṅkappo pahotī’’ti ettha pana maggasammādiṭṭhi phalasammādiṭṭhīti dvepi kathitā. ‘‘Sammāñāṇaṃ pahotī’’ti. Ettha pana paccavekkhaṇāsammādiṭṭhi kathitāti veditabbā.
143. саммаад̣̇идтим̣ жз бхавам̣ г̇арахад̇ийд̇и мижчаад̣̇идти наамааяам̣ собханаад̇и вад̣̇анд̇оби саммаад̣̇идти наамааяам̣ на собханаад̇и вад̣̇анд̇оби саммаад̣̇идтим̣ г̇арахад̇и наама. оггалаад̇и оггалаж̇анабад̣̇аваасино. вассабхан̃н̃аад̇и вассо жа бхан̃н̃о жаад̇и д̣̇вз ж̇анаа. ахзд̇уваад̣̇аад̇и над̇т̇и хзд̇у над̇т̇и бажжаяо сад̇д̇аанам̣ висуд̣̇д̇хияаад̇и звамаад̣̇иваад̣̇ино. агирияаваад̣̇аад̇и гарод̇о на гарийяад̇и баабанд̇и звам̣ гирияабадигкзбаваад̣̇ино. над̇т̇игаваад̣̇аад̇и над̇т̇и д̣̇иннанд̇иаад̣̇иваад̣̇ино. д̇з имзсу д̇ийсуби д̣̇ассанзсу огганд̇анияаамаа ахзсум̣. гат̇ам̣ банзд̇зсу нияаамо ход̇ийд̇и. яо хи зваруубам̣ лад̣̇д̇хим̣ г̇ахзд̇ваа рад̇д̇идтаанад̣̇иваадтаанз нисинно саж̇жхааяад̇и виймам̣сад̇и, д̇асса ‘‘над̇т̇и хзд̇у над̇т̇и бажжаяо гарод̇о на гарийяад̇и баабам̣, над̇т̇и д̣̇иннам̣, гааяасса бхзд̣̇аа ужчиж̇ж̇ад̇ий’’д̇и д̇асмим̣ аарамман̣з мижчаасад̇и санд̇идтад̇и, жид̇д̇ам̣ згаг̇г̇ам̣ ход̇и, ж̇аванаани ж̇аванд̇и. батамаж̇аванз сад̇згижчо ход̇и, д̇ат̇аа д̣̇уд̇ияаад̣̇ийсу. сад̇д̇амз б̣уд̣̇д̇хаанамби ад̇згижчо анивад̇д̇ий аридтаган̣д̣агасад̣̇исо ход̇и.
143.Sammādiṭṭhiṃce bhavaṃ garahatīti micchādiṭṭhi nāmāyaṃ sobhanāti vadantopi sammādiṭṭhi nāmāyaṃ na sobhanāti vadantopi sammādiṭṭhiṃ garahati nāma. Okkalāti okkalajanapadavāsino. Vassabhaññāti vasso ca bhañño cāti dve janā. Ahetuvādāti natthi hetu natthi paccayo sattānaṃ visuddhiyāti evamādivādino. Akiriyavādāti karoto na karīyati pāpanti evaṃ kiriyapaṭikkhepavādino. Natthikavādāti natthi dinnantiādivādino. Te imesu tīsupi dassanesu okkantaniyāmā ahesuṃ. Kathaṃ panetesu niyāmo hotīti. Yo hi evarūpaṃ laddhiṃ gahetvā rattiṭṭhānadivāṭṭhāne nisinno sajjhāyati vīmaṃsati, tassa ‘‘natthi hetu natthi paccayo karoto na karīyati pāpaṃ, natthi dinnaṃ, kāyassa bhedā ucchijjatī’’ti tasmiṃ ārammaṇe micchāsati santiṭṭhati, cittaṃ ekaggaṃ hoti, javanāni javanti. Paṭhamajavane satekiccho hoti, tathā dutiyādīsu. Sattame buddhānampi atekiccho anivattī ariṭṭhakaṇḍakasadiso hoti.
д̇ад̇т̇а гожи згам̣ д̣̇ассанам̣ оггамад̇и, гожи д̣̇вз, гожи д̇ийн̣иби, нияад̇амижчаад̣̇идтигова ход̇и, бад̇д̇о саг̇г̇амаг̇г̇ааваран̣ан̃жзва могкамаг̇г̇ааваран̣ан̃жа. абхаб̣б̣о д̇асса ад̇д̇абхаавасса ананд̇арам̣ саг̇г̇амби г̇анд̇ум̣, баг̇зва могкам̣, ваддакаан̣у наамзса сад̇д̇о бат̇авийг̇обаго, язбхуяязна зваруубасса бхавад̇о вудтаанам̣ над̇т̇и. вассабхан̃н̃ааби зд̣̇исаа ахзсум̣. нинд̣̇ааб̣яааросаубаарамбхабхаяаад̇и ад̇д̇ано нинд̣̇аабхаязна гхадданабхаязна убаваад̣̇абхаязна жаад̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
Tattha koci ekaṃ dassanaṃ okkamati, koci dve, koci tīṇipi, niyatamicchādiṭṭhikova hoti, patto saggamaggāvaraṇañceva mokkhamaggāvaraṇañca. Abhabbo tassa attabhāvassa anantaraṃ saggampi gantuṃ, pageva mokkhaṃ, vaṭṭakhāṇu nāmesa satto pathavīgopako, yebhuyyena evarūpassa bhavato vuṭṭhānaṃ natthi. Vassabhaññāpi edisā ahesuṃ. Nindābyārosaupārambhabhayāti attano nindābhayena ghaṭṭanabhayena upavādabhayena cāti attho. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаажад̇д̇аарийсагасуд̇д̇аван̣н̣анаа нидтид̇аа.
Mahācattārīsakasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. махаажад̇д̇аарийсагасуд̇д̇ам̣ • 7. Mahācattārīsakasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. махаажад̇д̇аарийсагасуд̇д̇аван̣н̣анаа • 7. Mahācattārīsakasuttavaṇṇanā
