| Library / Tipiṭaka / તિપિટક • Tipiṭaka / અઙ્ગુત્તરનિકાય (ટીકા) • Aṅguttaranikāya (ṭīkā) |
૧૧. મહાચોરસુત્તવણ્ણના
11. Mahācorasuttavaṇṇanā
૫૧. એકાદસમે મહાબલવચોરો મહાચોરોતિ આહ ‘‘મહન્તો બલવચોરો’’તિ. બલવચોરોતિ ચ મહાથામતાય મહાપરિવારતાય મહાચોરિયકમ્મસમત્થતાય ચ વેદિતબ્બો. મહતં ગામનિગમાનં વિલુપ્પનં મહાવિલોપો. તં તં કારણં પક્ખિપિત્વાતિ તં તં અકરણમેવ કારણં કત્વા તપ્પટિબદ્ધાય કથાય પક્ખિપિત્વા. અત્થં કથયિસ્સન્તીતિ તસ્સ તસ્સ અત્થઞ્ચ કથયિસ્સન્તિ. હરન્તાતિ અપનેન્તા પરિહરન્તા. દસવત્થુકાયાતિ ‘‘સસ્સતો લોકો’’તિ (મ॰ નિ॰ ૧.૨૬૯) આદિદસવત્થુસન્નિસ્સિતાય. અન્તં ગહેત્વા ઠિતદિટ્ઠિયાતિ તમેવ સસ્સતાદિઅન્તં ગહેત્વા અવિસ્સજ્જેત્વા ઠિતદિટ્ઠિયા.
51. Ekādasame mahābalavacoro mahācoroti āha ‘‘mahanto balavacoro’’ti. Balavacoroti ca mahāthāmatāya mahāparivāratāya mahācoriyakammasamatthatāya ca veditabbo. Mahataṃ gāmanigamānaṃ viluppanaṃ mahāvilopo. Taṃ taṃ kāraṇaṃ pakkhipitvāti taṃ taṃ akaraṇameva kāraṇaṃ katvā tappaṭibaddhāya kathāya pakkhipitvā. Atthaṃ kathayissantīti tassa tassa atthañca kathayissanti. Harantāti apanentā pariharantā. Dasavatthukāyāti ‘‘sassato loko’’ti (ma. ni. 1.269) ādidasavatthusannissitāya. Antaṃ gahetvā ṭhitadiṭṭhiyāti tameva sassatādiantaṃ gahetvā avissajjetvā ṭhitadiṭṭhiyā.
મહાચોરસુત્તવણ્ણના નિટ્ઠિતા.
Mahācorasuttavaṇṇanā niṭṭhitā.
ચૂળવગ્ગવણ્ણના નિટ્ઠિતા.
Cūḷavaggavaṇṇanā niṭṭhitā.
પઠમપણ્ણાસકં નિટ્ઠિતં.
Paṭhamapaṇṇāsakaṃ niṭṭhitaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૧૧. મહાચોરસુત્તં • 11. Mahācorasuttaṃ
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૧. મહાચોરસુત્તવણ્ણના • 11. Mahācorasuttavaṇṇanā
