| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
6. махаад̇хаммасамаад̣̇аанасуд̇д̇аван̣н̣анаа
6. Mahādhammasamādānasuttavaṇṇanā
473. звам̣ мз суд̇д̇анд̇и махаад̇хаммасамаад̣̇аанасуд̇д̇ам̣. д̇ад̇т̇а звам̣гаамаад̇и звам̣ижчаа. звам̣чанд̣̇аад̇и звам̣аж̇жхаасаяаа. звам̣ад̇хиббааяаад̇и звам̣лад̣̇д̇хигаа. д̇ад̇раад̇и д̇асмим̣ анидтавад̣дханз жзва идтабарихаанз жа. бхаг̇авам̣муулагаад̇и бхаг̇аваа муулам̣ зд̇зсанд̇и бхаг̇авам̣муулагаа. ид̣̇ам̣ вуд̇д̇ам̣ ход̇и – имз, бханд̇з, амхаагам̣ д̇хаммаа буб̣б̣з гассабасаммаасамб̣уд̣̇д̇хзна уббаад̣̇ид̇аа, д̇асмим̣ бариниб̣б̣уд̇з згам̣ б̣уд̣̇д̇ханд̇арам̣ ан̃н̃о саман̣о ваа б̣раахман̣о ваа имз д̇хаммз уббаад̣̇зд̇ум̣ самад̇т̇о наама наахоси, бхаг̇авад̇аа бана но имз д̇хаммаа уббаад̣̇ид̇аа. бхаг̇аванд̇ан̃хи ниссааяа маяам̣ имз д̇хаммз ааж̇аанаама бадивиж̇жхаамаад̇и звам̣ бхаг̇авам̣муулагаа но, бханд̇з, д̇хаммаад̇и. бхаг̇авам̣нзд̇д̇игаад̇и бхаг̇аваа хи д̇хаммаанам̣ нзд̇аа винзд̇аа анунзд̇аад̇и. яат̇аасабхаавад̇о баадиязггам̣ баадиязггам̣ наамам̣ г̇ахзд̇ваа д̣̇ассид̇аа д̇хаммаа бхаг̇авам̣нзд̇д̇игаа наама хонд̇и. бхаг̇авам̣бадисаран̣аад̇и жад̇убхуумагаа д̇хаммаа саб̣б̣ан̃н̃уд̇ан̃н̃аан̣асса аабаат̇ам̣ ааг̇ажчамаанаа бхаг̇авад̇и бадисаранд̇и наамаад̇и бхаг̇авам̣бадисаран̣аа. бадисаранд̇ийд̇и осаранд̇и самосаранд̇и. абижа махааб̣од̇химан̣д̣з нисиннасса бхаг̇авад̇о бадивзд̇хавасзна пассо ааг̇ажчад̇и, ахам̣ бхаг̇аваа гиннаамод̇и? д̇вам̣ пусанадтзна пассо наама. взд̣̇анаа, сан̃н̃аа, сан̇каараа, вин̃н̃аан̣ам̣ ааг̇ажчад̇и. ахам̣ бхаг̇аваа гиннааманд̇и? д̇вам̣ виж̇аананадтзна вин̃н̃аан̣ам̣ наамаад̇и звам̣ жад̇убхуумагад̇хаммаанам̣ яат̇аасабхаавад̇о баадиязггам̣ баадиязггам̣ наамам̣ г̇ан̣ханд̇о бхаг̇аваа д̇хаммз бадисарад̇ийд̇иби бхаг̇авам̣бадисаран̣аа. бхаг̇аванд̇ан̃н̃зва бадибхаад̇ууд̇и бхаг̇авад̇оязва зд̇асса бхаасид̇асса ад̇т̇о убадтаад̇у, д̇умхзязва но гат̇зд̇ваа д̣̇зт̇аад̇и ад̇т̇о.
473.Evaṃme suttanti mahādhammasamādānasuttaṃ. Tattha evaṃkāmāti evaṃicchā. Evaṃchandāti evaṃajjhāsayā. Evaṃadhippāyāti evaṃladdhikā. Tatrāti tasmiṃ aniṭṭhavaḍḍhane ceva iṭṭhaparihāne ca. Bhagavaṃmūlakāti bhagavā mūlaṃ etesanti bhagavaṃmūlakā. Idaṃ vuttaṃ hoti – ime, bhante, amhākaṃ dhammā pubbe kassapasammāsambuddhena uppāditā, tasmiṃ parinibbute ekaṃ buddhantaraṃ añño samaṇo vā brāhmaṇo vā ime dhamme uppādetuṃ samattho nāma nāhosi, bhagavatā pana no ime dhammā uppāditā. Bhagavantañhi nissāya mayaṃ ime dhamme ājānāma paṭivijjhāmāti evaṃ bhagavaṃmūlakā no, bhante, dhammāti. Bhagavaṃnettikāti bhagavā hi dhammānaṃ netā vinetā anunetāti. Yathāsabhāvato pāṭiyekkaṃ pāṭiyekkaṃ nāmaṃ gahetvā dassitā dhammā bhagavaṃnettikā nāma honti. Bhagavaṃpaṭisaraṇāti catubhūmakā dhammā sabbaññutaññāṇassa āpāthaṃ āgacchamānā bhagavati paṭisaranti nāmāti bhagavaṃpaṭisaraṇā. Paṭisarantīti osaranti samosaranti. Apica mahābodhimaṇḍe nisinnassa bhagavato paṭivedhavasena phasso āgacchati, ahaṃ bhagavā kinnāmoti? Tvaṃ phusanaṭṭhena phasso nāma. Vedanā, saññā, saṅkhārā, viññāṇaṃ āgacchati. Ahaṃ bhagavā kinnāmanti? Tvaṃ vijānanaṭṭhena viññāṇaṃ nāmāti evaṃ catubhūmakadhammānaṃ yathāsabhāvato pāṭiyekkaṃ pāṭiyekkaṃ nāmaṃ gaṇhanto bhagavā dhamme paṭisaratītipi bhagavaṃpaṭisaraṇā. Bhagavantaññeva paṭibhātūti bhagavatoyeva etassa bhāsitassa attho upaṭṭhātu, tumheyeva no kathetvā dethāti attho.
474. сзвид̇аб̣б̣зд̇и ниссаяид̇аб̣б̣з. бхаж̇ид̇аб̣б̣зд̇и убаг̇анд̇аб̣б̣з. яат̇аа д̇ам̣ авид̣̇д̣̇асунод̇и яат̇аа авид̣̇уно б̣ааласса анд̇хабут̇уж̇ж̇анасса. яат̇аа д̇ам̣ вид̣̇д̣̇асунод̇и яат̇аа вид̣̇уно мзд̇хаавино бан̣д̣ид̇асса.
474.Sevitabbeti nissayitabbe. Bhajitabbeti upagantabbe. Yathā taṃ aviddasunoti yathā aviduno bālassa andhaputhujjanassa. Yathā taṃ viddasunoti yathā viduno medhāvino paṇḍitassa.
475. ад̇т̇и, бхигкавз, д̇хаммасамаад̣̇аананд̇и буримасуд̇д̇з уббадибаадиаагаарзна маад̇игаа табид̇аа , ид̇ха бана яат̇аад̇хаммарасзнзва сад̇т̇аа маад̇игам̣ табзси. д̇ад̇т̇а д̇хаммасамаад̣̇аананд̇и баан̣аад̇ибаад̇аад̣̇ийнам̣ д̇хаммаанам̣ г̇ахан̣ам̣.
475.Atthi, bhikkhave, dhammasamādānanti purimasutte uppaṭipāṭiākārena mātikā ṭhapitā , idha pana yathādhammaraseneva satthā mātikaṃ ṭhapesi. Tattha dhammasamādānanti pāṇātipātādīnaṃ dhammānaṃ gahaṇaṃ.
476. авиж̇ж̇ааг̇ад̇од̇и авиж̇ж̇ааяа саманнааг̇ад̇о.
476.Avijjāgatoti avijjāya samannāgato.
477. виж̇ж̇ааг̇ад̇од̇и виж̇ж̇ааяа саманнааг̇ад̇о бан̃н̃аваа.
477.Vijjāgatoti vijjāya samannāgato paññavā.
478. сахааби д̣̇угкзнаад̇и зд̇т̇а мижчаажааро абхиж̇жхаа мижчаад̣̇идтийд̇и имз д̇аава д̇аяо буб̣б̣ажзд̇анааяа жа абаражзд̇анааяа жаад̇и д̣̇виннам̣ жзд̇анаанам̣ васзна д̣̇угкавзд̣̇анаа хонд̇и. саннидтаабагажзд̇анаа бана сукасамбаяуд̇д̇аа ваа убзгкаасамбаяуд̇д̇аа ваа ход̇и. сзсаа баан̣аад̇ибаад̇аад̣̇аяо сад̇д̇а д̇иссаннамби жзд̇анаанам̣ васзна д̣̇угкавзд̣̇анаа хонд̇и. ид̣̇ам̣ санд̇хааяа вуд̇д̇ам̣ – ‘‘сахааби д̣̇угкзна сахааби д̣̇оманассзнаа’’д̇и. д̣̇оманассамзва жзд̇т̇а д̣̇угканд̇и взд̣̇ид̇аб̣б̣ам̣. барияздтим̣ ваа аабаж̇ж̇анд̇асса буб̣б̣абхааг̇абарабхааг̇зсу гааяигам̣ д̣̇угкамби ваддад̇иязва.
478.Sahāpi dukkhenāti ettha micchācāro abhijjhā micchādiṭṭhīti ime tāva tayo pubbacetanāya ca aparacetanāya cāti dvinnaṃ cetanānaṃ vasena dukkhavedanā honti. Sanniṭṭhāpakacetanā pana sukhasampayuttā vā upekkhāsampayuttā vā hoti. Sesā pāṇātipātādayo satta tissannampi cetanānaṃ vasena dukkhavedanā honti. Idaṃ sandhāya vuttaṃ – ‘‘sahāpi dukkhena sahāpi domanassenā’’ti. Domanassameva cettha dukkhanti veditabbaṃ. Pariyeṭṭhiṃ vā āpajjantassa pubbabhāgaparabhāgesu kāyikaṃ dukkhampi vaṭṭatiyeva.
479. сахааби сукзнаад̇и зд̇т̇а баан̣аад̇ибаад̇о парусаваажаа б̣яаабаад̣̇од̇и имз д̇аава д̇аяо буб̣б̣ажзд̇анааяа жа абаражзд̇анааяа жаад̇и д̣̇виннам̣ жзд̇анаанам̣ васзна сукавзд̣̇анаа хонд̇и. саннидтаабагажзд̇анаа бана д̣̇угкасамбаяуд̇д̇аава ход̇и. сзсаа сад̇д̇а д̇иссаннамби жзд̇анаанам̣ васзна сукавзд̣̇анаа хонд̇иязва. сахааби соманассзнаад̇и соманассамзва жзд̇т̇а суканд̇и взд̣̇ид̇аб̣б̣ам̣. идтаподтаб̣б̣асаман̇г̇ино ваа буб̣б̣абхааг̇абарабхааг̇зсу гааяигам̣ сукамби ваддад̇иязва.
479.Sahāpisukhenāti ettha pāṇātipāto pharusavācā byāpādoti ime tāva tayo pubbacetanāya ca aparacetanāya cāti dvinnaṃ cetanānaṃ vasena sukhavedanā honti. Sanniṭṭhāpakacetanā pana dukkhasampayuttāva hoti. Sesā satta tissannampi cetanānaṃ vasena sukhavedanā hontiyeva. Sahāpi somanassenāti somanassameva cettha sukhanti veditabbaṃ. Iṭṭhaphoṭṭhabbasamaṅgino vā pubbabhāgaparabhāgesu kāyikaṃ sukhampi vaṭṭatiyeva.
480. д̇ад̇ияад̇хаммасамаад̣̇аанз ид̇хзгажжо мажчаб̣анд̇хо ваа ход̇и, мааг̇авиго ваа, баан̣убагхаад̇ам̣язва ниссааяа ж̇ийвигам̣ габбзд̇и. д̇асса г̇арудтаанияо бхигку агаамагассзва баан̣аад̇ибаад̇з аад̣̇ийнавам̣, баан̣аад̇ибаад̇авирад̇ияаа жа аанисам̣сам̣ гат̇зд̇ваа сигкаабад̣̇ам̣ д̣̇зд̇и. со г̇ан̣ханд̇оби д̣̇угкид̇о д̣̇оманассид̇ова худ̇ваа г̇ан̣хаад̇и. абарабхааг̇з гад̇ибаахам̣ вийд̇инаамзд̇ваа рагкид̇ум̣ асаггонд̇оби д̣̇угкид̇ова ход̇и, д̇асса буб̣б̣аабаражзд̇анаа д̣̇угкасахаг̇ад̇аава хонд̇и. саннидтаабагажзд̇анаа бана сукасахаг̇ад̇аа ваа убзгкаасахаг̇ад̇аа ваад̇и звам̣ саб̣б̣ад̇т̇а ад̇т̇о взд̣̇ид̇аб̣б̣о . ид̇и буб̣б̣абхааг̇абарабхааг̇ажзд̇анаава санд̇хааяа ид̣̇ам̣ вуд̇д̇ам̣ – ‘‘сахааби д̣̇угкзна сахааби д̣̇оманассзнаа’’д̇и. д̣̇оманассамзва жзд̇т̇а д̣̇угканд̇и взд̣̇ид̇аб̣б̣ам̣.
480. Tatiyadhammasamādāne idhekacco macchabandho vā hoti, māgaviko vā, pāṇupaghātaṃyeva nissāya jīvikaṃ kappeti. Tassa garuṭṭhāniyo bhikkhu akāmakasseva pāṇātipāte ādīnavaṃ, pāṇātipātaviratiyā ca ānisaṃsaṃ kathetvā sikkhāpadaṃ deti. So gaṇhantopi dukkhito domanassitova hutvā gaṇhāti. Aparabhāge katipāhaṃ vītināmetvā rakkhituṃ asakkontopi dukkhitova hoti, tassa pubbāparacetanā dukkhasahagatāva honti. Sanniṭṭhāpakacetanā pana sukhasahagatā vā upekkhāsahagatā vāti evaṃ sabbattha attho veditabbo . Iti pubbabhāgaparabhāgacetanāva sandhāya idaṃ vuttaṃ – ‘‘sahāpi dukkhena sahāpi domanassenā’’ti. Domanassameva cettha dukkhanti veditabbaṃ.
481. жад̇уд̇т̇ад̇хаммасамаад̣̇аанз д̣̇асасуби бад̣̇зсу д̇иссоби буб̣б̣абхааг̇аабарабхааг̇асаннидтаабагажзд̇анаа сукасамбаяуд̇д̇аа хонд̇иязва, д̇ам̣ санд̇хааяа ид̣̇ам̣ вуд̇д̇ам̣ – ‘‘сахааби сукзна сахааби соманассзнаа’’д̇и. соманассамзва жзд̇т̇а суканд̇и взд̣̇ид̇аб̣б̣ам̣.
481. Catutthadhammasamādāne dasasupi padesu tissopi pubbabhāgāparabhāgasanniṭṭhāpakacetanā sukhasampayuttā hontiyeva, taṃ sandhāya idaṃ vuttaṃ – ‘‘sahāpi sukhena sahāpi somanassenā’’ti. Somanassameva cettha sukhanti veditabbaṃ.
482. д̇ид̇д̇агаалааб̣ууд̇и д̇ид̇д̇агарасаалааб̣у. висзна сам̣садтод̇и халаахалависзна самбаяуд̇д̇о миссид̇о лул̣ид̇о. нажчаад̣̇зссад̇ийд̇и на ружжиссад̇и на д̇удтим̣ гариссад̇и. ниг̇ажчасийд̇и г̇амиссаси. аббадисан̇кааяа бивзяяаад̇и д̇ам̣ аббажжавзгкид̇ваа бивзяяа.
482.Tittakālābūti tittakarasaalābu. Visena saṃsaṭṭhoti halāhalavisena sampayutto missito luḷito. Nacchādessatīti na ruccissati na tuṭṭhiṃ karissati. Nigacchasīti gamissasi. Appaṭisaṅkhāya piveyyāti taṃ appaccavekkhitvā piveyya.
483. аабаанийяагам̣сод̇и аабаанийяасса мад̇хурабаанагасса бхарид̇агам̣со. ван̣н̣асамбаннод̇и баанагаван̣н̣аад̣̇ийхи самбаннаван̣н̣о, гам̣сз багкид̇д̇абаанагавасзна баанагагам̣соби звам̣ вуд̇д̇о. чаад̣̇зссад̇ийд̇и д̇ан̃хи халаахалависам̣ яад̇т̇а яад̇т̇а багкид̇д̇ам̣ ход̇и, д̇асса д̇ассзва расам̣ д̣̇зд̇и. д̇зна вуд̇д̇ам̣ ‘‘чаад̣̇зссад̇ий’’д̇и.
483.Āpānīyakaṃsoti āpānīyassa madhurapānakassa bharitakaṃso. Vaṇṇasampannoti pānakavaṇṇādīhi sampannavaṇṇo, kaṃse pakkhittapānakavasena pānakakaṃsopi evaṃ vutto. Chādessatīti tañhi halāhalavisaṃ yattha yattha pakkhittaṃ hoti, tassa tasseva rasaṃ deti. Tena vuttaṃ ‘‘chādessatī’’ti.
484. бууд̇имуд̇д̇анд̇и муд̇д̇амзва. яат̇аа хи мануссабхааво суван̣н̣аван̣н̣о бууд̇игааяод̇взва, д̇ад̣̇ахуж̇аад̇ааби г̇аложилад̇аа бууд̇илад̇аад̇взва вужжад̇и. звам̣ д̇ан̇кан̣ам̣ г̇ахид̇ам̣ д̇арун̣амби муд̇д̇ам̣ бууд̇имуд̇д̇амзва. наанаабхзсаж̇ж̇зхийд̇и харийд̇агаамалагаад̣̇ийхи нааносад̇хзхи. сукий ассаад̇и арог̇о суван̣н̣аван̣н̣о сукий бхавзяяа.
484.Pūtimuttanti muttameva. Yathā hi manussabhāvo suvaṇṇavaṇṇo pūtikāyotveva, tadahujātāpi galocilatā pūtilatātveva vuccati. Evaṃ taṅkhaṇaṃ gahitaṃ taruṇampi muttaṃ pūtimuttameva. Nānābhesajjehīti harītakāmalakādīhi nānosadhehi. Sukhī assāti arogo suvaṇṇavaṇṇo sukhī bhaveyya.
485. д̣̇ад̇хи жа мад̇ху жаад̇и субарисуд̣̇д̇хам̣ д̣̇ад̇хи жа сумад̇хурам̣ мад̇ху жа. згаж̇жхам̣ сам̣садтанд̇и згад̇о гад̇ваа миссид̇ам̣ аалул̣ид̇ам̣. д̇асса д̇анд̇и д̇асса д̇ам̣ жад̇умад̇хурабхзсаж̇ж̇ам̣ бивад̇о ружжзяяа. ид̣̇ан̃жа яам̣ бхаг̇анд̣̇арасам̣садтам̣ лохид̇ам̣ багканд̣̇ад̇и, на д̇асса бхзсаж̇ж̇ам̣, аахаарам̣ т̇амбхзд̇ваа маг̇г̇ам̣ авалан̃ж̇ам̣ гарод̇и. яам̣ бана бид̇д̇асам̣садтам̣ лохид̇ам̣, д̇ассзд̇ам̣ бхзсаж̇ж̇ам̣ сийд̇алагирияааяа барияад̇д̇абхууд̇ам̣.
485.Dadhi ca madhu cāti suparisuddhaṃ dadhi ca sumadhuraṃ madhu ca. Ekajjhaṃ saṃsaṭṭhanti ekato katvā missitaṃ āluḷitaṃ. Tassa tanti tassa taṃ catumadhurabhesajjaṃ pivato rucceyya. Idañca yaṃ bhagandarasaṃsaṭṭhaṃ lohitaṃ pakkhandati, na tassa bhesajjaṃ, āhāraṃ thambhetvā maggaṃ avalañjaṃ karoti. Yaṃ pana pittasaṃsaṭṭhaṃ lohitaṃ, tassetaṃ bhesajjaṃ sītalakiriyāya pariyattabhūtaṃ.
486. вид̣̇д̇хзд̇и уб̣б̣ид̣̇д̇хз. мзгхавиг̇амзна д̣̇уурийбхууд̇зд̇и ад̇т̇о. виг̇ад̇авалаахагзд̇и абаг̇ад̇амзгхз, д̣̇звзд̇и аагаасз. аагаасаг̇ад̇ам̣ д̇амаг̇ад̇анд̇и аагаасаг̇ад̇ам̣ д̇амам̣. бут̇усаман̣аб̣раахман̣абараббаваад̣̇зд̇и бут̇уунам̣ саман̣аб̣раахман̣асан̇каад̇аанам̣ барзсам̣ ваад̣̇з. абхивихажжаад̇и абхиханд̇ваа. бхаасад̇з жа д̇абад̇з жа вирожад̇з жаад̇и сарад̣̇агаалз маж̇жханхигасамаяз аад̣̇ижжова обхаасам̣ мун̃жад̇и д̇абад̇и виж̇ж̇од̇ад̇ийд̇и.
486.Viddheti ubbiddhe. Meghavigamena dūrībhūteti attho. Vigatavalāhaketi apagatameghe, deveti ākāse. Ākāsagataṃ tamagatanti ākāsagataṃ tamaṃ. Puthusamaṇabrāhmaṇaparappavādeti puthūnaṃ samaṇabrāhmaṇasaṅkhātānaṃ paresaṃ vāde. Abhivihaccāti abhihantvā. Bhāsate ca tapate ca virocate cāti saradakāle majjhanhikasamaye ādiccova obhāsaṃ muñcati tapati vijjotatīti.
ид̣̇ам̣ бана суд̇д̇ам̣ д̣̇звад̇аанам̣ ад̇ивияа бияам̣ манаабам̣. д̇ад̇рид̣̇ам̣ вад̇т̇у – д̣̇агкин̣ад̣̇исааяам̣ гира хад̇т̇ибхог̇аж̇анабад̣̇з сан̇г̇аравихааро наама ад̇т̇и. д̇асса бхож̇анасаалад̣̇ваарз сан̇г̇араругкз ад̇хивад̇т̇аа д̣̇звад̇аа рад̇д̇ибхааг̇з згасса д̣̇ахарасса сарабхан̃н̃авасзна ид̣̇ам̣ суд̇д̇ам̣ осаарзнд̇асса суд̇ваа саад̇хугаарам̣ ад̣̇ааси. д̣̇ахаро гим̣ зсод̇и ааха. ахам̣, бханд̇з, имасмим̣ ругкз ад̇хивад̇т̇аа д̣̇звад̇аад̇и. гасмим̣ д̣̇звад̇з басаннааси, гим̣ сад̣̇д̣̇з, уд̣̇ааху суд̇д̇зд̇и? сад̣̇д̣̇о наама, бханд̇з, яасса гассажи ход̇иязва, суд̇д̇з басаннаамхи. сад̇т̇аараа ж̇зд̇аванз нисийд̣̇ид̇ваа гат̇ид̇ад̣̇ивасз жа аж̇ж̇а жа згаб̣яан̃ж̇анзби наанам̣ над̇т̇ийд̇и. ассоси д̇вам̣ д̣̇звад̇з сад̇т̇аараа гат̇ид̇ад̣̇ивасзд̇и? аама, бханд̇з. гад̇т̇а тид̇аа ассосийд̇и? ж̇зд̇аванам̣, бханд̇з, г̇ад̇аамхи, махзсагкаасу бана д̣̇звад̇аасу ааг̇ажчанд̇ийсу д̇ад̇т̇а огаасам̣ алабхид̇ваа ид̇хзва тад̇ваа ассосинд̇и. зд̇т̇а тид̇ааяа саггаа суд̇т̇у сад̣̇д̣̇о сод̇унд̇и? д̇вам̣ бана, бханд̇з, маяхам̣ сад̣̇д̣̇ам̣ сун̣асийд̇и? аама д̣̇звад̇зд̇и. д̣̇агкин̣аган̣н̣абассз нисийд̣̇ид̇ваа гат̇анагаало вияа, бханд̇з, ход̇ийд̇и. гим̣ бана д̣̇звад̇з сад̇т̇у руубам̣ бассасийд̇и? сад̇т̇аа мамзва ологзд̇ийд̇и ман̃н̃амаанаа сан̣таад̇ум̣ на саггоми, бханд̇зд̇и. висзсам̣ бана ниб̣б̣ад̇д̇зд̇ум̣ асагкид̇т̇а д̣̇звад̇зд̇и. д̣̇звад̇аа д̇ад̇т̇зва анд̇арад̇хааяи. д̇ам̣ д̣̇ивасам̣ гирзса д̣̇звабуд̇д̇о сод̇аабад̇д̇ипалз бад̇идтид̇о. звамид̣̇ам̣ суд̇д̇ам̣ д̣̇звад̇аанам̣ бияам̣ манаабам̣. сзсам̣ саб̣б̣ад̇т̇а уд̇д̇аанад̇т̇амзваад̇и.
Idaṃ pana suttaṃ devatānaṃ ativiya piyaṃ manāpaṃ. Tatridaṃ vatthu – dakkhiṇadisāyaṃ kira hatthibhogajanapade saṅgaravihāro nāma atthi. Tassa bhojanasāladvāre saṅgararukkhe adhivatthā devatā rattibhāge ekassa daharassa sarabhaññavasena idaṃ suttaṃ osārentassa sutvā sādhukāraṃ adāsi. Daharo kiṃ esoti āha. Ahaṃ, bhante, imasmiṃ rukkhe adhivatthā devatāti. Kasmiṃ devate pasannāsi, kiṃ sadde, udāhu sutteti? Saddo nāma, bhante, yassa kassaci hotiyeva, sutte pasannāmhi. Satthārā jetavane nisīditvā kathitadivase ca ajja ca ekabyañjanepi nānaṃ natthīti. Assosi tvaṃ devate satthārā kathitadivaseti? Āma, bhante. Kattha ṭhitā assosīti? Jetavanaṃ, bhante, gatāmhi, mahesakkhāsu pana devatāsu āgacchantīsu tattha okāsaṃ alabhitvā idheva ṭhatvā assosinti. Ettha ṭhitāya sakkā sutthu saddo sotunti? Tvaṃ pana, bhante, mayhaṃ saddaṃ suṇasīti? Āma devateti. Dakkhiṇakaṇṇapasse nisīditvā kathanakālo viya, bhante, hotīti. Kiṃ pana devate satthu rūpaṃ passasīti? Satthā mameva oloketīti maññamānā saṇṭhātuṃ na sakkomi, bhanteti. Visesaṃ pana nibbattetuṃ asakkhittha devateti. Devatā tattheva antaradhāyi. Taṃ divasaṃ kiresa devaputto sotāpattiphale patiṭṭhito. Evamidaṃ suttaṃ devatānaṃ piyaṃ manāpaṃ. Sesaṃ sabbattha uttānatthamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаад̇хаммасамаад̣̇аанасуд̇д̇аван̣н̣анаа нидтид̇аа.
Mahādhammasamādānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 6. махаад̇хаммасамаад̣̇аанасуд̇д̇ам̣ • 6. Mahādhammasamādānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 6. махаад̇хаммасамаад̣̇аанасуд̇д̇аван̣н̣анаа • 6. Mahādhammasamādānasuttavaṇṇanā
