| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8-10. махаад̣̇идтисуд̇д̇аад̣̇иван̣н̣анаа
8-10. Mahādiṭṭhisuttādivaṇṇanā
213-215. агадаад̇и агад̇аа. агадавид̇хаад̇и агад̇авид̇хаанаа, ‘‘звам̣ гарохий’’д̇и гзнажи гаарид̇ааби на хонд̇ийд̇и ад̇т̇о. аниммид̇аад̇и ид̣̇д̇хияааби на ниммид̇аа. аниммаад̇аад̇и аниммаабид̇аа. ‘‘аниммид̇аб̣б̣аа’’д̇иби баато, на ниммид̇аб̣б̣аад̇и ад̇т̇о. ван̃жхаад̇и ван̃жхабасуван̃жхад̇аалаад̣̇аяо вияа апалаа гассажи аж̇анагаа. баб̣б̣ад̇агуудам̣ вияа тид̇аад̇и гуудадтаа. зсигадтааяино вияа худ̇ваа тид̇аад̇и зсигадтааяидтид̇аа, яат̇аа суникаад̇о зсигад̇т̇амбхо нижжало д̇идтад̇и, звам̣ тид̇аад̇и ад̇т̇о. на ин̃ж̇анд̇ийд̇и зсигад̇т̇амбхо вияа тид̇ад̇д̇аа на жаланд̇и. на вибарин̣аманд̇ийд̇и багад̇им̣ на виж̇аханд̇и. на ан̃н̃аман̃н̃ам̣ б̣яааб̣аад̇хзнд̇ийд̇и ан̃н̃аман̃н̃ам̣ на убахананд̇и. нааланд̇и на самад̇т̇аа. бат̇авийгааяод̇иаад̣̇ийсу бат̇авийязва бат̇авийгааяо, бат̇авийсамуухо ваа. сад̇д̇аннам̣д̇взва гааяаананд̇и яат̇аа муг̇г̇араасиаад̣̇ийсу бахадам̣ сад̇т̇ам̣ муг̇г̇араасиаад̣̇ийнам̣ анд̇арзнзва бависад̇и, звам̣ сад̇д̇аннам̣ гааяаанам̣ анд̇арзна чид̣̇д̣̇зна виварзна сад̇т̇ам̣ бависад̇и. д̇ад̇т̇а ‘‘ахам̣ имам̣ ж̇ийвид̇аа воробзмий’’д̇и гзвалам̣ сан̃н̃аамад̇д̇амзва ход̇ийд̇и д̣̇ассзнд̇и.
213-215.Akaṭāti akatā. Akaṭavidhāti akatavidhānā, ‘‘evaṃ karohī’’ti kenaci kāritāpi na hontīti attho. Animmitāti iddhiyāpi na nimmitā. Animmātāti animmāpitā. ‘‘Animmitabbā’’tipi pāṭho, na nimmitabbāti attho. Vañjhāti vañjhapasuvañjhatālādayo viya aphalā kassaci ajanakā. Pabbatakūṭaṃ viya ṭhitāti kūṭaṭṭhā. Esikaṭṭhāyino viya hutvā ṭhitāti esikaṭṭhāyiṭṭhitā, yathā sunikhāto esikatthambho niccalo tiṭṭhati, evaṃ ṭhitāti attho. Naiñjantīti esikatthambho viya ṭhitattā na calanti. Na vipariṇamantīti pakatiṃ na vijahanti. Na aññamaññaṃ byābādhentīti aññamaññaṃ na upahananti. Nālanti na samatthā. Pathavīkāyotiādīsu pathavīyeva pathavīkāyo, pathavīsamūho vā. Sattannaṃtveva kāyānanti yathā muggarāsiādīsu pahaṭaṃ satthaṃ muggarāsiādīnaṃ antareneva pavisati, evaṃ sattannaṃ kāyānaṃ antarena chiddena vivarena satthaṃ pavisati. Tattha ‘‘ahaṃ imaṃ jīvitā voropemī’’ti kevalaṃ saññāmattameva hotīti dassenti.
яонибамукасад̇асахассаанийд̇и бамукаяонийнам̣ уд̇д̇амаяонийнам̣ жуд̣̇д̣̇асасад̇асахассаани ан̃н̃аани жа садтисад̇аани ан̃н̃аани жа часад̇аани бан̃жа жа гаммуно сад̇аанийд̇и бан̃жагаммасад̇аани жаад̇и гзвалам̣ д̇аггамад̇д̇агзна нирад̇т̇агад̣̇идтим̣ д̣̇ийбзнд̇и. бан̃жа жа гаммаани д̇ийн̣и жа гаммаанийд̇иаад̣̇ийсуби зсзва наяо. гзжи банааху ‘‘бан̃жа гаммаанийд̇и бан̃жинд̣̇рияавасзна г̇ан̣ханд̇и, д̇ийн̣ийд̇и гааяагаммаад̣̇ивасзнаа’’д̇и. гаммз жа ад̣дхагаммз жаад̇и зд̇т̇а банасса гааяагаммаважийгаммаани гамманд̇и лад̣̇д̇хи, маногаммам̣ убад̣дхагамманд̇и. д̣̇вадтибадибад̣̇аад̇и д̣̇ваасадтибадибад̣̇аад̇и вад̣̇анд̇и. д̣̇вадтанд̇арагаббаад̇и згасмим̣ габбз жад̇усадти анд̇арагаббаа наама хонд̇и, аяам̣ бана ан̃н̃з д̣̇вз аж̇аананд̇о звамааха.
Yonipamukhasatasahassānīti pamukhayonīnaṃ uttamayonīnaṃ cuddasasatasahassāni aññāni ca saṭṭhisatāni aññāni ca chasatāni pañca ca kammuno satānīti pañcakammasatāni cāti kevalaṃ takkamattakena niratthakadiṭṭhiṃ dīpenti. Pañca ca kammāni tīṇi ca kammānītiādīsupi eseva nayo. Keci panāhu ‘‘pañca kammānīti pañcindriyavasena gaṇhanti, tīṇīti kāyakammādivasenā’’ti. Kamme ca aḍḍhakamme cāti ettha panassa kāyakammavacīkammāni kammanti laddhi, manokammaṃ upaḍḍhakammanti. Dvaṭṭhipaṭipadāti dvāsaṭṭhipaṭipadāti vadanti. Dvaṭṭhantarakappāti ekasmiṃ kappe catusaṭṭhi antarakappā nāma honti, ayaṃ pana aññe dve ajānanto evamāha.
чал̣аабхиж̇аад̇ияод̇и ган̣хаабхиж̇аад̇и нийлаабхиж̇аад̇и лохид̇аабхиж̇аад̇и халид̣̇д̣̇аабхиж̇аад̇и суггаабхиж̇аад̇и барамасуггаабхиж̇аад̇ийд̇и имаа ча абхиж̇аад̇ияо вад̣̇анд̇и. д̇ад̇т̇а ораб̣бхигаа суугаригаа саагун̣игаа мааг̇авигаа луд̣̇д̣̇аа мажчагхаад̇агаа жораа жорагхаад̇агаа б̣анд̇ханааг̇ааригаа, яз ваа банан̃н̃зби гзжи гуруурагамманд̇аа, аяам̣ ган̣хаабхиж̇аад̇ийд̇и вад̣̇анд̇и. бхигкуу нийлаабхиж̇аад̇ийд̇и вад̣̇анд̇и. д̇з гира жад̇уусу бажжаязсу ган̣дагз багкибид̇ваа каад̣̇анд̇и, ‘‘бхигкуу жа ган̣дагавуд̇д̇игаа’’д̇и (а. ни. 6.57) аяам̣ хисса баал̣и зва. ат̇а ваа ган̣дагавуд̇д̇игаа зва наама згз баб̣б̣аж̇ид̇аад̇и вад̣̇анд̇и. лохид̇аабхиж̇аад̇и наама ниг̇ан̣таа згасаадагаад̇и вад̣̇анд̇и. имз гира буримзхи д̣̇вийхи бан̣д̣арад̇араа. г̇ихий од̣̇аад̇авасанаа ажзлагасаавагаа халид̣̇д̣̇аабхиж̇аад̇ийд̇и вад̣̇анд̇и. звам̣ ад̇д̇ано бажжаяад̣̇ааяагз ниг̇ан̣тзхиби ж̇здтагад̇арз гаронд̇и. ааж̇ийвагаа ааж̇ийвинияо аяам̣ суггаабхиж̇аад̇ийд̇и вад̣̇анд̇и. д̇з гира буримзхи жад̇уухи бан̣д̣арад̇араа . нанд̣̇о важчо, гисо сам̣гижжо, магкали г̇осаало барамасуггаабхиж̇аад̇ийд̇и вад̣̇анд̇и. д̇з гира саб̣б̣зхи бан̣д̣арад̇араа.
Chaḷābhijātiyoti kaṇhābhijāti nīlābhijāti lohitābhijāti haliddābhijāti sukkābhijāti paramasukkābhijātīti imā cha abhijātiyo vadanti. Tattha orabbhikā sūkarikā sākuṇikā māgavikā luddā macchaghātakā corā coraghātakā bandhanāgārikā, ye vā panaññepi keci kurūrakammantā, ayaṃ kaṇhābhijātīti vadanti. Bhikkhū nīlābhijātīti vadanti. Te kira catūsu paccayesu kaṇṭake pakkhipitvā khādanti, ‘‘bhikkhū ca kaṇṭakavuttikā’’ti (a. ni. 6.57) ayaṃ hissa pāḷi eva. Atha vā kaṇṭakavuttikā eva nāma eke pabbajitāti vadanti. Lohitābhijāti nāma nigaṇṭhā ekasāṭakāti vadanti. Ime kira purimehi dvīhi paṇḍaratarā. Gihī odātavasanā acelakasāvakā haliddābhijātīti vadanti. Evaṃ attano paccayadāyake nigaṇṭhehipi jeṭṭhakatare karonti. Ājīvakā ājīviniyo ayaṃ sukkābhijātīti vadanti. Te kira purimehi catūhi paṇḍaratarā . Nando vaccho, kiso saṃkicco, makkhali gosālo paramasukkābhijātīti vadanti. Te kira sabbehi paṇḍaratarā.
адта бурисабхуумияод̇и манд̣̇абхууми кид̣д̣аабхууми виймам̣сагабхууми уж̇уг̇ад̇абхууми сзкабхууми саман̣абхууми ж̇аананабхууми баннабхуумийд̇и имаа адта бурисабхуумияод̇и вад̣̇анд̇и. д̇ад̇т̇а ж̇аад̇ад̣̇ивасад̇о бадтааяа сад̇д̇а д̣̇ивасз самб̣аад̇хадтаанад̇о нигканд̇ад̇д̇аа сад̇д̇аа манд̣̇аа хонд̇и момуухаа, аяам̣ манд̣̇абхуумийд̇и вад̣̇анд̇и. яз бана д̣̇уг̇г̇ад̇ид̇о ааг̇ад̇аа хонд̇и, д̇з абхин̣хам̣ род̣̇анд̇и жзва вираванд̇и жа, суг̇ад̇ид̇о ааг̇ад̇аа д̇ам̣ ануссарид̇ваа ануссарид̇ваа хасанд̇и, аяам̣ кид̣д̣аабхууми наама. маад̇аабид̇уунам̣ хад̇т̇ам̣ ваа баад̣̇ам̣ ваа ман̃жам̣ ваа бийтам̣ ваа г̇ахзд̇ваа бхуумияам̣ бад̣̇анигкибанам̣ виймам̣сагабхууми наама. бад̣̇асаа г̇анд̇ум̣ самад̇т̇агаало уж̇уг̇ад̇абхууми наама. сиббаани сигканагаало сзкабхууми наама. гхараа нигкамма баб̣б̣аж̇анагаало саман̣абхууми наама. аажарияам̣ сзвид̇ваа ж̇аананагаало ж̇аананабхууми наама. ‘‘бхигку жа баннаго ж̇ино на гин̃жи аахаа’’д̇и звам̣ алаабхим̣ саман̣ам̣ баннабхуумийд̇и вад̣̇анд̇и.
Aṭṭhapurisabhūmiyoti mandabhūmi khiḍḍābhūmi vīmaṃsakabhūmi ujugatabhūmi sekhabhūmi samaṇabhūmi jānanabhūmi pannabhūmīti imā aṭṭha purisabhūmiyoti vadanti. Tattha jātadivasato paṭṭhāya satta divase sambādhaṭṭhānato nikkhantattā sattā mandā honti momūhā, ayaṃ mandabhūmīti vadanti. Ye pana duggatito āgatā honti, te abhiṇhaṃ rodanti ceva viravanti ca, sugatito āgatā taṃ anussaritvā anussaritvā hasanti, ayaṃ khiḍḍābhūmi nāma. Mātāpitūnaṃ hatthaṃ vā pādaṃ vā mañcaṃ vā pīṭhaṃ vā gahetvā bhūmiyaṃ padanikkhipanaṃ vīmaṃsakabhūmi nāma. Padasā gantuṃ samatthakālo ujugatabhūmi nāma. Sippāni sikkhanakālo sekhabhūmi nāma. Gharā nikkhamma pabbajanakālo samaṇabhūmi nāma. Ācariyaṃ sevitvā jānanakālo jānanabhūmi nāma. ‘‘Bhikkhu ca pannako jino na kiñci āhā’’ti evaṃ alābhiṃ samaṇaṃ pannabhūmīti vadanti.
згуунабан̃н̃ааса ааж̇ийвагасад̇зд̇и згуунабан̃н̃ааса ааж̇ийвавуд̇д̇исад̇аани. бариб̣б̣ааж̇агасад̇зд̇и бариб̣б̣ааж̇агабаб̣б̣аж̇ж̇аасад̇аани. нааг̇аваасасад̇зд̇и нааг̇аман̣д̣аласад̇аани. вийсз инд̣̇рияасад̇зд̇и вийса инд̣̇рияасад̇аани. д̇им̣сз нираяасад̇зд̇и д̇им̣са нираяасад̇аани. раж̇од̇хаад̇уяод̇и раж̇аогиран̣адтаанаани. хад̇т̇абидтибаад̣̇абидтаад̣̇ийни санд̇хааяа вад̣̇ад̇и. сад̇д̇а сан̃н̃ийг̇аб̣бхаад̇и одтаг̇он̣аг̇ад̣̇рабхааж̇абасумиг̇амахим̣сз санд̇хааяа вад̣̇ад̇и. сад̇д̇а асан̃н̃ийг̇аб̣бхаад̇и саалияаваг̇од̇хумамуг̇г̇аган̇г̇уварагагуд̣̇руусагз санд̇хааяа вад̣̇ад̇и. ниг̇ан̣тиг̇аб̣бхаад̇и г̇ан̣тимхи ж̇аад̇аг̇аб̣бхаа, ужчувзл̣унал̣аад̣̇аяо санд̇хааяа вад̣̇ад̇и. сад̇д̇а д̣̇зваад̇и б̣ахуу д̣̇зваа, со бана сад̇д̇аад̇и вад̣̇ад̇и. мануссааби ананд̇аа, со сад̇д̇аад̇и вад̣̇ад̇и. сад̇д̇а бзсаажаад̇и бисаажаа маханд̇амаханд̇аа, сад̇д̇аад̇и вад̣̇ад̇и. сараад̇и махаасараа. ган̣н̣амун̣д̣а-рат̇агаара-анод̇ад̇д̇а-сийхаббабаад̇а-чад̣̇д̣̇анд̇а-мужалинд̣̇а-гун̣аалад̣̇ахз г̇ахзд̇ваа вад̣̇ад̇и.
Ekūnapaññāsaājīvakasateti ekūnapaññāsa ājīvavuttisatāni. Paribbājakasateti paribbājakapabbajjāsatāni. Nāgavāsasateti nāgamaṇḍalasatāni. Vīse indriyasateti vīsa indriyasatāni. Tiṃse nirayasateti tiṃsa nirayasatāni. Rajodhātuyoti rajaokiraṇaṭṭhānāni. Hatthapiṭṭhipādapiṭṭhādīni sandhāya vadati. Satta saññīgabbhāti oṭṭhagoṇagadrabhaajapasumigamahiṃse sandhāya vadati. Satta asaññīgabbhāti sāliyavagodhumamuggakaṅguvarakakudrūsake sandhāya vadati. Nigaṇṭhigabbhāti gaṇṭhimhi jātagabbhā, ucchuveḷunaḷādayo sandhāya vadati. Satta devāti bahū devā, so pana sattāti vadati. Manussāpi anantā, so sattāti vadati. Satta pesācāti pisācā mahantamahantā, sattāti vadati. Sarāti mahāsarā. Kaṇṇamuṇḍa-rathakāra-anotatta-sīhappapāta-chaddanta-mucalinda-kuṇāladahe gahetvā vadati.
бавудаад̇и г̇ан̣тигаа. бабаад̇аад̇и махаабабаад̇аа. бабаад̇асад̇аанийд̇и куд̣̇д̣̇агабабаад̇асад̇аани. субинаад̇и махаасубинаа. субинасад̇аанийд̇и куд̣̇д̣̇агасубинасад̇аани. махаагаббинод̇и махаагаббаанам̣. зд̇т̇а згамхаа махаасараа вассасад̇з вассасад̇з гусаг̇г̇зна згам̣ уд̣̇агаб̣инд̣̇ум̣ нийхарид̇ваа сад̇д̇агкад̇д̇ум̣ д̇амхи сарз нируд̣̇агз гад̇з зго махаагаббод̇и вад̣̇ад̇и. зваруубаанам̣ махаагаббаанам̣ жад̇ураасийд̇исад̇асахассаани кзбзд̇ваа б̣аалз жа бан̣д̣ид̇з жа д̣̇угкассанд̇ам̣ гаронд̇ийд̇и аяамасса лад̣̇д̇хи. бан̣д̣ид̇оби гира анд̇араависуж̇жхид̇ум̣ на саггод̇и, б̣аалоби д̇ад̇о уд̣̇д̇хам̣ на г̇ажчад̇и.
Pavuṭāti gaṇṭhikā. Papātāti mahāpapātā. Papātasatānīti khuddakapapātasatāni. Supināti mahāsupinā. Supinasatānīti khuddakasupinasatāni. Mahākappinoti mahākappānaṃ. Ettha ekamhā mahāsarā vassasate vassasate kusaggena ekaṃ udakabinduṃ nīharitvā sattakkhattuṃ tamhi sare nirudake kate eko mahākappoti vadati. Evarūpānaṃ mahākappānaṃ caturāsītisatasahassāni khepetvā bāle ca paṇḍite ca dukkhassantaṃ karontīti ayamassa laddhi. Paṇḍitopi kira antarāvisujjhituṃ na sakkoti, bālopi tato uddhaṃ na gacchati.
сийлзна ваад̇и ажзлагасийлзна ваа ан̃н̃зна ваа язна гзнажи. вад̇знаад̇и д̇аад̣̇исзнзва вад̇зна. д̇абзнаад̇и д̇абогаммзна. абарибаггам̣ барибаажзд̇и наама яо ‘‘ахам̣ бан̣д̣ид̇о’’д̇и анд̇араа висуж̇жхад̇и. барибаггам̣ пусса пусса б̣яанд̇ийгарод̇и наама яо ‘‘ахам̣ б̣аало’’д̇и вуд̇д̇абаримаан̣агаалам̣ ад̇иггамид̇ваа яаад̇и. хзвам̣ над̇т̇ийд̇и звам̣ над̇т̇и. д̇ан̃хи убхаяамби на саггаа гаад̇унд̇и д̣̇ийбзд̇и. д̣̇он̣амид̇зд̇и д̣̇он̣зна мид̇ам̣ вияа. сукад̣̇угкзд̇и сукад̣̇угкам̣. барияанд̇агад̇зд̇и вуд̇д̇абаримаан̣зна гаалзна гад̇абарияанд̇о. над̇т̇и хааяанавад̣дханзд̇и над̇т̇и хааяанавад̣дханаани, на сам̣сааро бан̣д̣ид̇асса хааяад̇и, на б̣ааласса вад̣дхад̇ийд̇и ад̇т̇о. уггам̣саавагам̣сзд̇и уггам̣саавагам̣саа. хааяанавад̣дханаанамзвзд̇ам̣ взважанам̣. ид̣̇аани д̇амад̇т̇ам̣ убамааяа саад̇хзнд̇о сзяяат̇ааби наамаад̇иаад̣̇имааха. д̇ад̇т̇а суд̇д̇аг̇ул̣зд̇и взтзд̇ваа гад̇асуд̇д̇аг̇ул̣з. ниб̣б̣зтияамаанамзва балзд̇ийд̇и баб̣б̣ад̇з ваа ругкаг̇г̇з ваа тад̇ваа кид̇д̇ам̣ суд̇д̇аббамаан̣зна ниб̣б̣зтияамаанамзва г̇ажчад̇и, суд̇д̇з кийн̣з д̇ад̇т̇зва д̇идтад̇и, на г̇ажчад̇и звамзва б̣аалаа жа бан̣д̣ид̇аа жа гаалавасзна ниб̣б̣зтияамаанаа сукад̣̇угкам̣ балзнд̇и, яат̇аавуд̇д̇зна гаалзна ад̇иггаманд̇ийд̇и д̣̇ассзд̇и.
Sīlenavāti acelakasīlena vā aññena vā yena kenaci. Vatenāti tādiseneva vatena. Tapenāti tapokammena. Aparipakkaṃ paripāceti nāma yo ‘‘ahaṃ paṇḍito’’ti antarā visujjhati. Paripakkaṃ phussa phussa byantīkaroti nāma yo ‘‘ahaṃ bālo’’ti vuttaparimāṇakālaṃ atikkamitvā yāti. Hevaṃ natthīti evaṃ natthi. Tañhi ubhayampi na sakkā kātunti dīpeti. Doṇamiteti doṇena mitaṃ viya. Sukhadukkheti sukhadukkhaṃ. Pariyantakateti vuttaparimāṇena kālena katapariyanto. Natthi hāyanavaḍḍhaneti natthi hāyanavaḍḍhanāni, na saṃsāro paṇḍitassa hāyati, na bālassa vaḍḍhatīti attho. Ukkaṃsāvakaṃseti ukkaṃsāvakaṃsā. Hāyanavaḍḍhanānamevetaṃ vevacanaṃ. Idāni tamatthaṃ upamāya sādhento seyyathāpi nāmātiādimāha. Tattha suttaguḷeti veṭhetvā katasuttaguḷe. Nibbeṭhiyamānameva paletīti pabbate vā rukkhagge vā ṭhatvā khittaṃ suttappamāṇena nibbeṭhiyamānameva gacchati, sutte khīṇe tattheva tiṭṭhati, na gacchati evameva bālā ca paṇḍitā ca kālavasena nibbeṭhiyamānā sukhadukkhaṃ palenti, yathāvuttena kālena atikkamantīti dasseti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya
8. махаад̣̇идтисуд̇д̇ам̣ • 8. Mahādiṭṭhisuttaṃ
9. сассад̇ад̣̇идтисуд̇д̇ам̣ • 9. Sassatadiṭṭhisuttaṃ
10. асассад̇ад̣̇идтисуд̇д̇ам̣ • 10. Asassatadiṭṭhisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8-10. махаад̣̇идтисуд̇д̇аад̣̇иван̣н̣анаа • 8-10. Mahādiṭṭhisuttādivaṇṇanā
