| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
2. махааг̇осин̇г̇асуд̇д̇ам̣
2. Mahāgosiṅgasuttaṃ
332. звам̣ мз суд̇ам̣ – згам̣ самаяам̣ бхаг̇аваа г̇осин̇г̇асаалаванад̣̇ааяз вихарад̇и самб̣ахулзхи абхин̃н̃аад̇зхи абхин̃н̃аад̇зхи т̇зрзхи саавагзхи сад̣̇д̇хим̣ – ааяасмад̇аа жа саарибуд̇д̇зна ааяасмад̇аа жа махаамог̇г̇аллаанзна ааяасмад̇аа жа махаагассабзна ааяасмад̇аа жа ануруд̣̇д̇хзна ааяасмад̇аа жа рзвад̇зна ааяасмад̇аа жа аананд̣̇зна, ан̃н̃зхи жа абхин̃н̃аад̇зхи абхин̃н̃аад̇зхи т̇зрзхи саавагзхи сад̣̇д̇хим̣. ат̇а ко ааяасмаа махаамог̇г̇аллаано сааяанхасамаяам̣ бадисаллаанаа вудтид̇о язнааяасмаа махаагассабо д̇знубасан̇гами; убасан̇гамид̇ваа ааяасманд̇ам̣ махаагассабам̣ зд̇ад̣̇авожа – ‘‘ааяаамаавусо, гассаба, язнааяасмаа саарибуд̇д̇о д̇знубасан̇гамиссаама д̇хаммассаванааяаа’’д̇и. ‘‘звамаавусо’’д̇и ко ааяасмаа махаагассабо ааяасмад̇о махаамог̇г̇аллаанасса бажжассоси. ат̇а ко ааяасмаа жа махаамог̇г̇аллаано ааяасмаа жа махаагассабо ааяасмаа жа ануруд̣̇д̇хо язнааяасмаа саарибуд̇д̇о д̇знубасан̇гамим̣су д̇хаммассаванааяа. ад̣̇д̣̇асаа ко ааяасмаа аананд̣̇о ааяасманд̇ан̃жа махаамог̇г̇аллаанам̣ ааяасманд̇ан̃жа махаагассабам̣ ааяасманд̇ан̃жа ануруд̣̇д̇хам̣ язнааяасмаа саарибуд̇д̇о д̇знубасан̇гаманд̇з д̇хаммассаванааяа. д̣̇исваана язнааяасмаа рзвад̇о д̇знубасан̇гами; убасан̇гамид̇ваа ааяасманд̇ам̣ рзвад̇ам̣ зд̇ад̣̇авожа – ‘‘убасан̇гаманд̇аа ко амуу, аавусо 1 рзвад̇а, саббурисаа язнааяасмаа саарибуд̇д̇о д̇зна д̇хаммассаванааяа. ааяаамаавусо рзвад̇а, язнааяасмаа саарибуд̇д̇о д̇знубасан̇гамиссаама д̇хаммассаванааяаа’’д̇и. ‘‘звамаавусо’’д̇и ко ааяасмаа рзвад̇о ааяасмад̇о аананд̣̇асса бажжассоси. ат̇а ко ааяасмаа жа рзвад̇о ааяасмаа жа аананд̣̇о язнааяасмаа саарибуд̇д̇о д̇знубасан̇гамим̣су д̇хаммассаванааяа.
332. Evaṃ me sutaṃ – ekaṃ samayaṃ bhagavā gosiṅgasālavanadāye viharati sambahulehi abhiññātehi abhiññātehi therehi sāvakehi saddhiṃ – āyasmatā ca sāriputtena āyasmatā ca mahāmoggallānena āyasmatā ca mahākassapena āyasmatā ca anuruddhena āyasmatā ca revatena āyasmatā ca ānandena, aññehi ca abhiññātehi abhiññātehi therehi sāvakehi saddhiṃ. Atha kho āyasmā mahāmoggallāno sāyanhasamayaṃ paṭisallānā vuṭṭhito yenāyasmā mahākassapo tenupasaṅkami; upasaṅkamitvā āyasmantaṃ mahākassapaṃ etadavoca – ‘‘āyāmāvuso, kassapa, yenāyasmā sāriputto tenupasaṅkamissāma dhammassavanāyā’’ti. ‘‘Evamāvuso’’ti kho āyasmā mahākassapo āyasmato mahāmoggallānassa paccassosi. Atha kho āyasmā ca mahāmoggallāno āyasmā ca mahākassapo āyasmā ca anuruddho yenāyasmā sāriputto tenupasaṅkamiṃsu dhammassavanāya. Addasā kho āyasmā ānando āyasmantañca mahāmoggallānaṃ āyasmantañca mahākassapaṃ āyasmantañca anuruddhaṃ yenāyasmā sāriputto tenupasaṅkamante dhammassavanāya. Disvāna yenāyasmā revato tenupasaṅkami; upasaṅkamitvā āyasmantaṃ revataṃ etadavoca – ‘‘upasaṅkamantā kho amū, āvuso 2 revata, sappurisā yenāyasmā sāriputto tena dhammassavanāya. Āyāmāvuso revata, yenāyasmā sāriputto tenupasaṅkamissāma dhammassavanāyā’’ti. ‘‘Evamāvuso’’ti kho āyasmā revato āyasmato ānandassa paccassosi. Atha kho āyasmā ca revato āyasmā ca ānando yenāyasmā sāriputto tenupasaṅkamiṃsu dhammassavanāya.
333. ад̣̇д̣̇асаа ко ааяасмаа саарибуд̇д̇о ааяасманд̇ан̃жа рзвад̇ам̣ ааяасманд̇ан̃жа аананд̣̇ам̣ д̣̇уурад̇ова ааг̇ажчанд̇з. д̣̇исваана ааяасманд̇ам̣ аананд̣̇ам̣ зд̇ад̣̇авожа – ‘‘зд̇у ко ааяасмаа аананд̣̇о! свааг̇ад̇ам̣ ааяасмад̇о аананд̣̇асса бхаг̇авад̇о убадтаагасса бхаг̇авад̇о санд̇игааважарасса! раман̣ийяам̣, аавусо аананд̣̇а, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа 3 саалаа, д̣̇иб̣б̣аа, ман̃н̃з, г̇анд̇хаа самбаванд̇и; гат̇ам̣руубзна, аавусо аананд̣̇а, бхигкунаа г̇осин̇г̇асаалаванам̣ собхзяяаа’’д̇и? ‘‘ид̇хаавусо саарибуд̇д̇а , бхигку б̣ахуссуд̇о ход̇и суд̇ад̇харо суд̇асаннижаяо. яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇аа саб̣яан̃ж̇анаа; гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и, д̇хаад̇аа 4, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со жад̇ассаннам̣ барисаанам̣ д̇хаммам̣ д̣̇зсзд̇и бариман̣д̣алзхи бад̣̇аб̣яан̃ж̇анзхи ануббаб̣анд̇хзхи 5 анусаяасамуг̇гхаад̇ааяа. зваруубзна ко, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’д̇и.
333. Addasā kho āyasmā sāriputto āyasmantañca revataṃ āyasmantañca ānandaṃ dūratova āgacchante. Disvāna āyasmantaṃ ānandaṃ etadavoca – ‘‘etu kho āyasmā ānando! Svāgataṃ āyasmato ānandassa bhagavato upaṭṭhākassa bhagavato santikāvacarassa! Ramaṇīyaṃ, āvuso ānanda, gosiṅgasālavanaṃ, dosinā ratti, sabbaphāliphullā 6 sālā, dibbā, maññe, gandhā sampavanti; kathaṃrūpena, āvuso ānanda, bhikkhunā gosiṅgasālavanaṃ sobheyyā’’ti? ‘‘Idhāvuso sāriputta , bhikkhu bahussuto hoti sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā; kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti, dhātā 7, vacasā paricitā, manasānupekkhitā, diṭṭhiyā suppaṭividdhā. So catassannaṃ parisānaṃ dhammaṃ deseti parimaṇḍalehi padabyañjanehi anuppabandhehi 8 anusayasamugghātāya. Evarūpena kho, āvuso sāriputta, bhikkhunā gosiṅgasālavanaṃ sobheyyā’’ti.
334. звам̣ вуд̇д̇з, ааяасмаа саарибуд̇д̇о ааяасманд̇ам̣ рзвад̇ам̣ зд̇ад̣̇авожа – ‘‘б̣яаагад̇ам̣ ко, аавусо рзвад̇а, ааяасмад̇аа аананд̣̇зна яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ рзвад̇ам̣ бужчаама – ‘раман̣ийяам̣, аавусо рзвад̇а, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа саалаа, д̣̇иб̣б̣аа, ман̃н̃з, г̇анд̇хаа самбаванд̇и; гат̇ам̣руубзна, аавусо рзвад̇а, бхигкунаа г̇осин̇г̇асаалаванам̣ собхзяяаа’’’д̇и? ‘‘ид̇хаавусо саарибуд̇д̇а, бхигку бадисаллаанаараамо ход̇и бадисаллаанарад̇о, аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано, вибассанааяа саманнааг̇ад̇о, б̣руухзд̇аа сун̃н̃ааг̇аараанам̣. зваруубзна ко, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’д̇и.
334. Evaṃ vutte, āyasmā sāriputto āyasmantaṃ revataṃ etadavoca – ‘‘byākataṃ kho, āvuso revata, āyasmatā ānandena yathāsakaṃ paṭibhānaṃ. Tattha dāni mayaṃ āyasmantaṃ revataṃ pucchāma – ‘ramaṇīyaṃ, āvuso revata, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso revata, bhikkhunā gosiṅgasālavanaṃ sobheyyā’’’ti? ‘‘Idhāvuso sāriputta, bhikkhu paṭisallānārāmo hoti paṭisallānarato, ajjhattaṃ cetosamathamanuyutto anirākatajjhāno, vipassanāya samannāgato, brūhetā suññāgārānaṃ. Evarūpena kho, āvuso sāriputta, bhikkhunā gosiṅgasālavanaṃ sobheyyā’’ti.
335. звам̣ вуд̇д̇з, ааяасмаа саарибуд̇д̇о ааяасманд̇ам̣ ануруд̣̇д̇хам̣ зд̇ад̣̇авожа – ‘‘б̣яаагад̇ам̣ ко, аавусо ануруд̣̇д̇ха, ааяасмад̇аа рзвад̇зна яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ ануруд̣̇д̇хам̣ бужчаама – ‘раман̣ийяам̣, аавусо ануруд̣̇д̇ха, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа саалаа, д̣̇иб̣б̣аа, ман̃н̃з, г̇анд̇хаа самбаванд̇и; гат̇ам̣руубзна, аавусо ануруд̣̇д̇ха, бхигкунаа г̇осин̇г̇асаалаванам̣ собхзяяаа’’’д̇и? ‘‘ид̇хаавусо саарибуд̇д̇а, бхигку д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сахассам̣ логаанам̣ вологзд̇и. сзяяат̇ааби, аавусо саарибуд̇д̇а, жагкумаа бурисо убарибаасаад̣̇авараг̇ад̇о сахассам̣ нзмиман̣д̣алаанам̣ вологзяяа; звамзва ко, аавусо саарибуд̇д̇а, бхигку д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сахассам̣ логаанам̣ вологзд̇и. зваруубзна ко, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’д̇и.
335. Evaṃ vutte, āyasmā sāriputto āyasmantaṃ anuruddhaṃ etadavoca – ‘‘byākataṃ kho, āvuso anuruddha, āyasmatā revatena yathāsakaṃ paṭibhānaṃ. Tattha dāni mayaṃ āyasmantaṃ anuruddhaṃ pucchāma – ‘ramaṇīyaṃ, āvuso anuruddha, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso anuruddha, bhikkhunā gosiṅgasālavanaṃ sobheyyā’’’ti? ‘‘Idhāvuso sāriputta, bhikkhu dibbena cakkhunā visuddhena atikkantamānusakena sahassaṃ lokānaṃ voloketi. Seyyathāpi, āvuso sāriputta, cakkhumā puriso uparipāsādavaragato sahassaṃ nemimaṇḍalānaṃ volokeyya; evameva kho, āvuso sāriputta, bhikkhu dibbena cakkhunā visuddhena atikkantamānusakena sahassaṃ lokānaṃ voloketi. Evarūpena kho, āvuso sāriputta, bhikkhunā gosiṅgasālavanaṃ sobheyyā’’ti.
336. звам̣ вуд̇д̇з, ааяасмаа саарибуд̇д̇о ааяасманд̇ам̣ махаагассабам̣ зд̇ад̣̇авожа – ‘‘б̣яаагад̇ам̣ ко, аавусо гассаба, ааяасмад̇аа ануруд̣̇д̇хзна яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ махаагассабам̣ бужчаама – ‘раман̣ийяам̣, аавусо гассаба, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа саалаа, д̣̇иб̣б̣аа, ман̃н̃з, г̇анд̇хаа самбаванд̇и; гат̇ам̣руубзна, аавусо гассаба, бхигкунаа г̇осин̇г̇асаалаванам̣ собхзяяаа’’’д̇и? ‘‘ид̇хаавусо саарибуд̇д̇а, бхигку ад̇д̇анаа жа ааран̃н̃иго ход̇и ааран̃н̃игад̇д̇асса жа ван̣н̣аваад̣̇ий, ад̇д̇анаа жа бин̣д̣абаад̇иго ход̇и бин̣д̣абаад̇игад̇д̇асса жа ван̣н̣аваад̣̇ий, ад̇д̇анаа жа бам̣сугуулиго ход̇и бам̣сугуулигад̇д̇асса жа ван̣н̣аваад̣̇ий, ад̇д̇анаа жа д̇зжийвариго ход̇и д̇зжийваригад̇д̇асса жа ван̣н̣аваад̣̇ий, ад̇д̇анаа жа аббижчо ход̇и аббижчад̇ааяа жа ван̣н̣аваад̣̇ий, ад̇д̇анаа жа санд̇удто ход̇и санд̇удтияаа жа ван̣н̣аваад̣̇ий, ад̇д̇анаа жа бавивид̇д̇о ход̇и бавивзгасса жа ван̣н̣аваад̣̇ий, ад̇д̇анаа жа асам̣садто ход̇и асам̣саг̇г̇асса жа ван̣н̣аваад̣̇ий, ад̇д̇анаа жа аарад̣̇д̇хавийрияо ход̇и вийрияаарамбхасса жа ван̣н̣аваад̣̇ий, ад̇д̇анаа жа сийласамбанно ход̇и сийласамбад̣̇ааяа жа ван̣н̣аваад̣̇ий, ад̇д̇анаа жа самаад̇хисамбанно ход̇и самаад̇хисамбад̣̇ааяа жа ван̣н̣аваад̣̇ий, ад̇д̇анаа жа бан̃н̃аасамбанно ход̇и бан̃н̃аасамбад̣̇ааяа жа ван̣н̣аваад̣̇ий, ад̇д̇анаа жа вимуд̇д̇исамбанно ход̇и вимуд̇д̇исамбад̣̇ааяа жа ван̣н̣аваад̣̇ий, ад̇д̇анаа жа вимуд̇д̇ин̃аан̣ад̣̇ассанасамбанно ход̇и вимуд̇д̇ин̃аан̣ад̣̇ассанасамбад̣̇ааяа жа ван̣н̣аваад̣̇ий. зваруубзна ко, аавусо саарибуд̇д̇а , бхигкунаа г̇осин̇г̇асаалаванам̣ собхзяяаа’’д̇и.
336. Evaṃ vutte, āyasmā sāriputto āyasmantaṃ mahākassapaṃ etadavoca – ‘‘byākataṃ kho, āvuso kassapa, āyasmatā anuruddhena yathāsakaṃ paṭibhānaṃ. Tattha dāni mayaṃ āyasmantaṃ mahākassapaṃ pucchāma – ‘ramaṇīyaṃ, āvuso kassapa, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso kassapa, bhikkhunā gosiṅgasālavanaṃ sobheyyā’’’ti? ‘‘Idhāvuso sāriputta, bhikkhu attanā ca āraññiko hoti āraññikattassa ca vaṇṇavādī, attanā ca piṇḍapātiko hoti piṇḍapātikattassa ca vaṇṇavādī, attanā ca paṃsukūliko hoti paṃsukūlikattassa ca vaṇṇavādī, attanā ca tecīvariko hoti tecīvarikattassa ca vaṇṇavādī, attanā ca appiccho hoti appicchatāya ca vaṇṇavādī, attanā ca santuṭṭho hoti santuṭṭhiyā ca vaṇṇavādī, attanā ca pavivitto hoti pavivekassa ca vaṇṇavādī, attanā ca asaṃsaṭṭho hoti asaṃsaggassa ca vaṇṇavādī, attanā ca āraddhavīriyo hoti vīriyārambhassa ca vaṇṇavādī, attanā ca sīlasampanno hoti sīlasampadāya ca vaṇṇavādī, attanā ca samādhisampanno hoti samādhisampadāya ca vaṇṇavādī, attanā ca paññāsampanno hoti paññāsampadāya ca vaṇṇavādī, attanā ca vimuttisampanno hoti vimuttisampadāya ca vaṇṇavādī, attanā ca vimuttiñāṇadassanasampanno hoti vimuttiñāṇadassanasampadāya ca vaṇṇavādī. Evarūpena kho, āvuso sāriputta , bhikkhunā gosiṅgasālavanaṃ sobheyyā’’ti.
337. звам̣ вуд̇д̇з, ааяасмаа саарибуд̇д̇о ааяасманд̇ам̣ махаамог̇г̇аллаанам̣ зд̇ад̣̇авожа – ‘‘б̣яаагад̇ам̣ ко, аавусо мог̇г̇аллаана, ааяасмад̇аа махаагассабзна яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ махаамог̇г̇аллаанам̣ бужчаама – ‘раман̣ийяам̣, аавусо мог̇г̇аллаана, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа саалаа, д̣̇иб̣б̣аа, ман̃н̃з, г̇анд̇хаа самбаванд̇и; гат̇ам̣руубзна, аавусо мог̇г̇аллаана, бхигкунаа г̇осин̇г̇асаалаванам̣ собхзяяаа’’’д̇и? ‘‘ид̇хаавусо саарибуд̇д̇а, д̣̇вз бхигкуу абхид̇хаммагат̇ам̣ гат̇знд̇и, д̇з ан̃н̃аман̃н̃ам̣ бан̃хам̣ бужчанд̇и, ан̃н̃аман̃н̃асса бан̃хам̣ будтаа виссаж̇ж̇знд̇и, но жа сам̣саад̣̇знд̇и 9, д̇хаммий жа нзсам̣ гат̇аа бавад̇д̇иний ход̇и. зваруубзна ко, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’д̇и.
337. Evaṃ vutte, āyasmā sāriputto āyasmantaṃ mahāmoggallānaṃ etadavoca – ‘‘byākataṃ kho, āvuso moggallāna, āyasmatā mahākassapena yathāsakaṃ paṭibhānaṃ. Tattha dāni mayaṃ āyasmantaṃ mahāmoggallānaṃ pucchāma – ‘ramaṇīyaṃ, āvuso moggallāna, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso moggallāna, bhikkhunā gosiṅgasālavanaṃ sobheyyā’’’ti? ‘‘Idhāvuso sāriputta, dve bhikkhū abhidhammakathaṃ kathenti, te aññamaññaṃ pañhaṃ pucchanti, aññamaññassa pañhaṃ puṭṭhā vissajjenti, no ca saṃsādenti 10, dhammī ca nesaṃ kathā pavattinī hoti. Evarūpena kho, āvuso sāriputta, bhikkhunā gosiṅgasālavanaṃ sobheyyā’’ti.
338. ат̇а ко ааяасмаа махаамог̇г̇аллаано ааяасманд̇ам̣ саарибуд̇д̇ам̣ зд̇ад̣̇авожа – ‘‘б̣яаагад̇ам̣ ко, аавусо саарибуд̇д̇а, амхзхи саб̣б̣зхзва яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ саарибуд̇д̇ам̣ бужчаама – ‘раман̣ийяам̣, аавусо саарибуд̇д̇а, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа саалаа, д̣̇иб̣б̣аа, ман̃н̃з, г̇анд̇хаа самбаванд̇и; гат̇ам̣руубзна, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’’д̇и? ‘‘ид̇хаавусо мог̇г̇аллаана, бхигку жид̇д̇ам̣ васам̣ вад̇д̇зд̇и, но жа бхигку жид̇д̇асса васзна вад̇д̇ад̇и. со яааяа вихаарасамаабад̇д̇ияаа ааган̇кад̇и буб̣б̣ан̣хасамаяам̣ вихарид̇ум̣, д̇ааяа вихаарасамаабад̇д̇ияаа буб̣б̣ан̣хасамаяам̣ вихарад̇и; яааяа вихаарасамаабад̇д̇ияаа ааган̇кад̇и маж̇жханхигасамаяам̣ 11 вихарид̇ум̣, д̇ааяа вихаарасамаабад̇д̇ияаа маж̇жханхигасамаяам̣ вихарад̇и; яааяа вихаарасамаабад̇д̇ияаа ааган̇кад̇и сааяанхасамаяам̣ вихарид̇ум̣, д̇ааяа вихаарасамаабад̇д̇ияаа сааяанхасамаяам̣ вихарад̇и. сзяяат̇ааби, аавусо мог̇г̇аллаана, ран̃н̃о ваа рааж̇амахаамад̇д̇асса ваа наанаарад̇д̇аанам̣ д̣̇уссаанам̣ д̣̇уссагаран̣д̣аго бууро асса. со яан̃н̃ад̣̇зва д̣̇уссаяуг̇ам̣ ааган̇кзяяа буб̣б̣ан̣хасамаяам̣ баарубид̇ум̣, д̇ам̣ д̇ад̣̇зва д̣̇уссаяуг̇ам̣ буб̣б̣ан̣хасамаяам̣ баарубзяяа; яан̃н̃ад̣̇зва д̣̇уссаяуг̇ам̣ ааган̇кзяяа маж̇жханхигасамаяам̣ баарубид̇ум̣, д̇ам̣ д̇ад̣̇зва д̣̇уссаяуг̇ам̣ маж̇жханхигасамаяам̣ баарубзяяа; яан̃н̃ад̣̇зва д̣̇уссаяуг̇ам̣ ааган̇кзяяа сааяанхасамаяам̣ баарубид̇ум̣, д̇ам̣ д̇ад̣̇зва д̣̇уссаяуг̇ам̣ сааяанхасамаяам̣ баарубзяяа. звамзва ко, аавусо мог̇г̇аллаана, бхигку жид̇д̇ам̣ васам̣ вад̇д̇зд̇и, но жа бхигку жид̇д̇асса васзна вад̇д̇ад̇и. со яааяа вихаарасамаабад̇д̇ияаа ааган̇кад̇и буб̣б̣ан̣хасамаяам̣ вихарид̇ум̣, д̇ааяа вихаарасамаабад̇д̇ияаа буб̣б̣ан̣хасамаяам̣ вихарад̇и; яааяа вихаарасамаабад̇д̇ияаа ааган̇кад̇и маж̇жханхигасамаяам̣ вихарид̇ум̣, д̇ааяа вихаарасамаабад̇д̇ияаа маж̇жханхигасамаяам̣ вихарад̇и; яааяа вихаарасамаабад̇д̇ияаа ааган̇кад̇и сааяанхасамаяам̣ вихарид̇ум̣, д̇ааяа вихаарасамаабад̇д̇ияаа сааяанхасамаяам̣ вихарад̇и. зваруубзна ко, аавусо мог̇г̇аллаана, бхигкунаа г̇осин̇г̇асаалаванам̣ собхзяяаа’’д̇и.
338. Atha kho āyasmā mahāmoggallāno āyasmantaṃ sāriputtaṃ etadavoca – ‘‘byākataṃ kho, āvuso sāriputta, amhehi sabbeheva yathāsakaṃ paṭibhānaṃ. Tattha dāni mayaṃ āyasmantaṃ sāriputtaṃ pucchāma – ‘ramaṇīyaṃ, āvuso sāriputta, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso sāriputta, bhikkhunā gosiṅgasālavanaṃ sobheyyā’’’ti? ‘‘Idhāvuso moggallāna, bhikkhu cittaṃ vasaṃ vatteti, no ca bhikkhu cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ 12 viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharati. Seyyathāpi, āvuso moggallāna, rañño vā rājamahāmattassa vā nānārattānaṃ dussānaṃ dussakaraṇḍako pūro assa. So yaññadeva dussayugaṃ ākaṅkheyya pubbaṇhasamayaṃ pārupituṃ, taṃ tadeva dussayugaṃ pubbaṇhasamayaṃ pārupeyya; yaññadeva dussayugaṃ ākaṅkheyya majjhanhikasamayaṃ pārupituṃ, taṃ tadeva dussayugaṃ majjhanhikasamayaṃ pārupeyya; yaññadeva dussayugaṃ ākaṅkheyya sāyanhasamayaṃ pārupituṃ, taṃ tadeva dussayugaṃ sāyanhasamayaṃ pārupeyya. Evameva kho, āvuso moggallāna, bhikkhu cittaṃ vasaṃ vatteti, no ca bhikkhu cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharati. Evarūpena kho, āvuso moggallāna, bhikkhunā gosiṅgasālavanaṃ sobheyyā’’ti.
339. ат̇а ко ааяасмаа саарибуд̇д̇о д̇з ааяасманд̇з зд̇ад̣̇авожа – ‘‘б̣яаагад̇ам̣ ко, аавусо, амхзхи саб̣б̣зхзва яат̇аасагам̣ бадибхаанам̣. ааяаамаавусо, язна бхаг̇аваа д̇знубасан̇гамиссаама; убасан̇гамид̇ваа зд̇амад̇т̇ам̣ бхаг̇авад̇о аарожзссаама. яат̇аа но бхаг̇аваа б̣яаагариссад̇и д̇ат̇аа нам̣ д̇хаарзссаамаа’’д̇и. ‘‘звамаавусо’’д̇и ко д̇з ааяасманд̇о ааяасмад̇о саарибуд̇д̇асса бажжассосум̣. ат̇а ко д̇з ааяасманд̇о язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘ад̣̇д̣̇асам̣ ко ахам̣, бханд̇з, ааяасманд̇ан̃жа рзвад̇ам̣ ааяасманд̇ан̃жа аананд̣̇ам̣ д̣̇уурад̇ова ааг̇ажчанд̇з. д̣̇исваана ааяасманд̇ам̣ аананд̣̇ам̣ зд̇ад̣̇авожам̣ – ‘зд̇у ко ааяасмаа аананд̣̇о! свааг̇ад̇ам̣ ааяасмад̇о аананд̣̇асса бхаг̇авад̇о убадтаагасса бхаг̇авад̇о санд̇игааважарасса! раман̣ийяам̣, аавусо аананд̣̇а, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа саалаа, д̣̇иб̣б̣аа, ман̃н̃з, г̇анд̇хаа самбаванд̇и; гат̇ам̣руубзна, аавусо аананд̣̇а, бхигкунаа г̇осин̇г̇асаалаванам̣ собхзяяаа’д̇и? звам̣ вуд̇д̇з, бханд̇з, ааяасмаа аананд̣̇о мам̣ зд̇ад̣̇авожа – ‘ид̇хаавусо, саарибуд̇д̇а, бхигку б̣ахуссуд̇о ход̇и суд̇ад̇харо…бз… анусаяасамуг̇гхаад̇ааяа. зваруубзна ко, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’’д̇и. ‘‘саад̇ху саад̇ху, саарибуд̇д̇а! яат̇аа д̇ам̣ аананд̣̇ова саммаа б̣яаагарамаано б̣яаагарзяяа. аананд̣̇о хи, саарибуд̇д̇а, б̣ахуссуд̇о суд̇ад̇харо суд̇асаннижаяо. яз д̇з д̇хаммаа аад̣̇игаляаан̣аа маж̇жхзгаляаан̣аа барияосаанагаляаан̣аа саад̇т̇аа саб̣яан̃ж̇анаа; гзвалабарибун̣н̣ам̣ барисуд̣̇д̇хам̣ б̣рахмажарияам̣ абхивад̣̇анд̇и, д̇ат̇ааруубаасса д̇хаммаа б̣ахуссуд̇аа хонд̇и, д̇хаад̇аа, важасаа барижид̇аа, манасаанубзгкид̇аа, д̣̇идтияаа суббадивид̣̇д̇хаа. со жад̇ассаннам̣ барисаанам̣ д̇хаммам̣ д̣̇зсзд̇и бариман̣д̣алзхи бад̣̇аб̣яан̃ж̇анзхи ануббаб̣анд̇хзхи анусаяасамуг̇гхаад̇ааяаа’’д̇и.
339. Atha kho āyasmā sāriputto te āyasmante etadavoca – ‘‘byākataṃ kho, āvuso, amhehi sabbeheva yathāsakaṃ paṭibhānaṃ. Āyāmāvuso, yena bhagavā tenupasaṅkamissāma; upasaṅkamitvā etamatthaṃ bhagavato ārocessāma. Yathā no bhagavā byākarissati tathā naṃ dhāressāmā’’ti. ‘‘Evamāvuso’’ti kho te āyasmanto āyasmato sāriputtassa paccassosuṃ. Atha kho te āyasmanto yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho āyasmā sāriputto bhagavantaṃ etadavoca – ‘‘addasaṃ kho ahaṃ, bhante, āyasmantañca revataṃ āyasmantañca ānandaṃ dūratova āgacchante. Disvāna āyasmantaṃ ānandaṃ etadavocaṃ – ‘etu kho āyasmā ānando! Svāgataṃ āyasmato ānandassa bhagavato upaṭṭhākassa bhagavato santikāvacarassa! Ramaṇīyaṃ, āvuso ānanda, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti; kathaṃrūpena, āvuso ānanda, bhikkhunā gosiṅgasālavanaṃ sobheyyā’ti? Evaṃ vutte, bhante, āyasmā ānando maṃ etadavoca – ‘idhāvuso, sāriputta, bhikkhu bahussuto hoti sutadharo…pe… anusayasamugghātāya. Evarūpena kho, āvuso sāriputta, bhikkhunā gosiṅgasālavanaṃ sobheyyā’’’ti. ‘‘Sādhu sādhu, sāriputta! Yathā taṃ ānandova sammā byākaramāno byākareyya. Ānando hi, sāriputta, bahussuto sutadharo sutasannicayo. Ye te dhammā ādikalyāṇā majjhekalyāṇā pariyosānakalyāṇā sātthā sabyañjanā; kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti, dhātā, vacasā paricitā, manasānupekkhitā, diṭṭhiyā suppaṭividdhā. So catassannaṃ parisānaṃ dhammaṃ deseti parimaṇḍalehi padabyañjanehi anuppabandhehi anusayasamugghātāyā’’ti.
340. ‘‘звам̣ вуд̇д̇з, ахам̣, бханд̇з, ааяасманд̇ам̣ рзвад̇ам̣ зд̇ад̣̇авожам̣ – ‘б̣яаагад̇ам̣ ко, аавусо рзвад̇а ааяасмад̇аа аананд̣̇зна яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ рзвад̇ам̣ бужчаама – раман̣ийяам̣, аавусо рзвад̇а, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа саалаа, д̣̇иб̣б̣аа ман̃н̃з г̇анд̇хаа самбаванд̇и. гат̇ам̣руубзна, аавусо рзвад̇а, бхигкунаа г̇осин̇г̇асаалаванам̣ собхзяяаа’д̇и? звам̣ вуд̇д̇з, бханд̇з, ааяасмаа рзвад̇о мам̣ зд̇ад̣̇авожа – ‘ид̇хаавусо саарибуд̇д̇а бхигку бадисаллаанаараамо ход̇и бадисаллаанарад̇о , аж̇жхад̇д̇ам̣ жзд̇осамат̇амануяуд̇д̇о, анираагад̇аж̇жхаано, вибассанааяа саманнааг̇ад̇о, б̣руухзд̇аа сун̃н̃ааг̇аараанам̣. зваруубзна ко, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’’д̇и. ‘‘саад̇ху саад̇ху, саарибуд̇д̇а! яат̇аа д̇ам̣ рзвад̇ова саммаа б̣яаагарамаано б̣яаагарзяяа. рзвад̇о хи, саарибуд̇д̇а, бадисаллаанаараамо бадисаллаанарад̇о, аж̇жхад̇д̇ам̣ жзд̇осамат̇амануяуд̇д̇о анираагад̇аж̇жхаано, вибассанааяа саманнааг̇ад̇о б̣руухзд̇аа сун̃н̃ааг̇аараана’’нд̇и.
340. ‘‘Evaṃ vutte, ahaṃ, bhante, āyasmantaṃ revataṃ etadavocaṃ – ‘byākataṃ kho, āvuso revata āyasmatā ānandena yathāsakaṃ paṭibhānaṃ. Tattha dāni mayaṃ āyasmantaṃ revataṃ pucchāma – ramaṇīyaṃ, āvuso revata, gosiṅgasālavanaṃ, dosinā ratti, sabbaphāliphullā sālā, dibbā maññe gandhā sampavanti. Kathaṃrūpena, āvuso revata, bhikkhunā gosiṅgasālavanaṃ sobheyyā’ti? Evaṃ vutte, bhante, āyasmā revato maṃ etadavoca – ‘idhāvuso sāriputta bhikkhu paṭisallānārāmo hoti paṭisallānarato , ajjhattaṃ cetosamathamanuyutto, anirākatajjhāno, vipassanāya samannāgato, brūhetā suññāgārānaṃ. Evarūpena kho, āvuso sāriputta, bhikkhunā gosiṅgasālavanaṃ sobheyyā’’’ti. ‘‘Sādhu sādhu, sāriputta! Yathā taṃ revatova sammā byākaramāno byākareyya. Revato hi, sāriputta, paṭisallānārāmo paṭisallānarato, ajjhattaṃ cetosamathamanuyutto anirākatajjhāno, vipassanāya samannāgato brūhetā suññāgārāna’’nti.
341. ‘‘звам̣ вуд̇д̇з, ахам̣, бханд̇з, ааяасманд̇ам̣ ануруд̣̇д̇хам̣ зд̇ад̣̇авожам̣ – ‘б̣яаагад̇ам̣ ко аавусо ануруд̣̇д̇ха ааяасмад̇аа рзвад̇зна…бз… гат̇ам̣руубзна, аавусо ануруд̣̇д̇ха, бхигкунаа г̇осин̇г̇асаалаванам̣ собхзяяаа’д̇и. звам̣ вуд̇д̇з, бханд̇з, ааяасмаа ануруд̣̇д̇хо мам̣ зд̇ад̣̇авожа – ‘ид̇хаавусо саарибуд̇д̇а, бхигку д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сахассам̣ логаанам̣ вологзд̇и. сзяяат̇ааби, аавусо саарибуд̇д̇а, жагкумаа бурисо…бз… зваруубзна ко аавусо саарибуд̇д̇а бхигкунаа г̇осин̇г̇асаалаванам̣ собхзяяаа’’’д̇и. ‘‘саад̇ху саад̇ху, саарибуд̇д̇а, яат̇аа д̇ам̣ ануруд̣̇д̇хова саммаа б̣яаагарамаано б̣яаагарзяяа. ануруд̣̇д̇хо хи, саарибуд̇д̇а, д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сахассам̣ логаанам̣ вологзд̇ий’’д̇и.
341. ‘‘Evaṃ vutte, ahaṃ, bhante, āyasmantaṃ anuruddhaṃ etadavocaṃ – ‘byākataṃ kho āvuso anuruddha āyasmatā revatena…pe… kathaṃrūpena, āvuso anuruddha, bhikkhunā gosiṅgasālavanaṃ sobheyyā’ti. Evaṃ vutte, bhante, āyasmā anuruddho maṃ etadavoca – ‘idhāvuso sāriputta, bhikkhu dibbena cakkhunā visuddhena atikkantamānusakena sahassaṃ lokānaṃ voloketi. Seyyathāpi, āvuso sāriputta, cakkhumā puriso…pe… evarūpena kho āvuso sāriputta bhikkhunā gosiṅgasālavanaṃ sobheyyā’’’ti. ‘‘Sādhu sādhu, sāriputta, yathā taṃ anuruddhova sammā byākaramāno byākareyya. Anuruddho hi, sāriputta, dibbena cakkhunā visuddhena atikkantamānusakena sahassaṃ lokānaṃ voloketī’’ti.
342. ‘‘звам̣ вуд̇д̇з, ахам̣, бханд̇з, ааяасманд̇ам̣ махаагассабам̣ зд̇ад̣̇авожам̣ – ‘б̣яаагад̇ам̣ ко, аавусо гассаба ааяасмад̇аа ануруд̣̇д̇хзна яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ махаагассабам̣ бужчаама…бз… гат̇ам̣ руубзна ко, аавусо гассаба, бхигкунаа г̇осин̇г̇асаалаванам̣ собхзяяаа’д̇и? звам̣ вуд̇д̇з бханд̇з, ааяасмаа махаагассабо мам̣ зд̇ад̣̇авожа – ‘ид̇хаавусо саарибуд̇д̇а, бхигку ад̇д̇анаа жа ааран̃н̃иго ход̇и ааран̃н̃игад̇д̇асса жа ван̣н̣аваад̣̇ий, ад̇д̇анаа жа бин̣д̣абаад̇иго ход̇и…бз… ад̇д̇анаа жа бам̣сугуулиго ход̇и…бз… ад̇д̇анаа жа д̇зжийвариго ход̇и…бз… ад̇д̇анаа жа аббижчо ход̇и…бз… ад̇д̇анаа жа санд̇удто ход̇и…бз… ад̇д̇анаа жа бавивид̇д̇о ход̇и…бз… ад̇д̇анаа жа асам̣садто ход̇и…бз… ад̇д̇анаа жа аарад̣̇д̇хавийрияо ход̇и…бз… ад̇д̇анаа жа сийласамбанно ход̇и…бз… ад̇д̇анаа жа самаад̇хисамбанно ход̇и…бз… ад̇д̇анаа жа бан̃н̃аасамбанно ход̇и… ад̇д̇анаа жа вимуд̇д̇исамбанно ход̇и… ад̇д̇анаа жа вимуд̇д̇ин̃аан̣ад̣̇ассанасамбанно ход̇и вимуд̇д̇ин̃аан̣ад̣̇ассанасамбад̣̇ааяа жа ван̣н̣аваад̣̇ий. зваруубзна ко, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’’д̇и . ‘‘саад̇ху саад̇ху, саарибуд̇д̇а! яат̇аа д̇ам̣ гассабова саммаа б̣яаагарамаано б̣яаагарзяяа. гассабо хи, саарибуд̇д̇а, ад̇д̇анаа жа ааран̃н̃иго ааран̃н̃игад̇д̇асса жа ван̣н̣аваад̣̇ий, ад̇д̇анаа жа бин̣д̣абаад̇иго бин̣д̣абаад̇игад̇д̇асса жа ван̣н̣аваад̣̇ий, ад̇д̇анаа жа бам̣сугуулиго бам̣сугуулигад̇д̇асса жа ван̣н̣аваад̣̇ий, ад̇д̇анаа жа д̇зжийвариго д̇зжийваригад̇д̇асса жа ван̣н̣аваад̣̇ий, ад̇д̇анаа жа аббижчо аббижчад̇ааяа жа ван̣н̣аваад̣̇ий, ад̇д̇анаа жа санд̇удто санд̇удтияаа жа ван̣н̣аваад̣̇ий, ад̇д̇анаа жа бавивид̇д̇о бавивзгасса жа ван̣н̣аваад̣̇ий, ад̇д̇анаа жа асам̣садто асам̣саг̇г̇асса жа ван̣н̣аваад̣̇ий, ад̇д̇анаа жа аарад̣̇д̇хавийрияо вийрияаарамбхасса жа ван̣н̣аваад̣̇ий, ад̇д̇анаа жа сийласамбанно сийласамбад̣̇ааяа жа ван̣н̣аваад̣̇ий, ад̇д̇анаа жа самаад̇хисамбанно самаад̇хисамбад̣̇ааяа жа ван̣н̣аваад̣̇ий, ад̇д̇анаа жа бан̃н̃аасамбанно бан̃н̃аасамбад̣̇ааяа жа ван̣н̣аваад̣̇ий, ад̇д̇анаа жа вимуд̇д̇исамбанно вимуд̇д̇исамбад̣̇ааяа жа ван̣н̣аваад̣̇ий, ад̇д̇анаа жа вимуд̇д̇ин̃аан̣ад̣̇ассанасамбанно вимуд̇д̇ин̃аан̣ад̣̇ассанасамбад̣̇ааяа жа ван̣н̣аваад̣̇ий’’д̇и.
342. ‘‘Evaṃ vutte, ahaṃ, bhante, āyasmantaṃ mahākassapaṃ etadavocaṃ – ‘byākataṃ kho, āvuso kassapa āyasmatā anuruddhena yathāsakaṃ paṭibhānaṃ. Tattha dāni mayaṃ āyasmantaṃ mahākassapaṃ pucchāma…pe… kathaṃ rūpena kho, āvuso kassapa, bhikkhunā gosiṅgasālavanaṃ sobheyyā’ti? Evaṃ vutte bhante, āyasmā mahākassapo maṃ etadavoca – ‘idhāvuso sāriputta, bhikkhu attanā ca āraññiko hoti āraññikattassa ca vaṇṇavādī, attanā ca piṇḍapātiko hoti…pe… attanā ca paṃsukūliko hoti…pe… attanā ca tecīvariko hoti…pe… attanā ca appiccho hoti…pe… attanā ca santuṭṭho hoti…pe… attanā ca pavivitto hoti…pe… attanā ca asaṃsaṭṭho hoti…pe… attanā ca āraddhavīriyo hoti…pe… attanā ca sīlasampanno hoti…pe… attanā ca samādhisampanno hoti…pe… attanā ca paññāsampanno hoti… attanā ca vimuttisampanno hoti… attanā ca vimuttiñāṇadassanasampanno hoti vimuttiñāṇadassanasampadāya ca vaṇṇavādī. Evarūpena kho, āvuso sāriputta, bhikkhunā gosiṅgasālavanaṃ sobheyyā’’’ti . ‘‘Sādhu sādhu, sāriputta! Yathā taṃ kassapova sammā byākaramāno byākareyya. Kassapo hi, sāriputta, attanā ca āraññiko āraññikattassa ca vaṇṇavādī, attanā ca piṇḍapātiko piṇḍapātikattassa ca vaṇṇavādī, attanā ca paṃsukūliko paṃsukūlikattassa ca vaṇṇavādī, attanā ca tecīvariko tecīvarikattassa ca vaṇṇavādī, attanā ca appiccho appicchatāya ca vaṇṇavādī, attanā ca santuṭṭho santuṭṭhiyā ca vaṇṇavādī, attanā ca pavivitto pavivekassa ca vaṇṇavādī, attanā ca asaṃsaṭṭho asaṃsaggassa ca vaṇṇavādī, attanā ca āraddhavīriyo vīriyārambhassa ca vaṇṇavādī, attanā ca sīlasampanno sīlasampadāya ca vaṇṇavādī, attanā ca samādhisampanno samādhisampadāya ca vaṇṇavādī, attanā ca paññāsampanno paññāsampadāya ca vaṇṇavādī, attanā ca vimuttisampanno vimuttisampadāya ca vaṇṇavādī, attanā ca vimuttiñāṇadassanasampanno vimuttiñāṇadassanasampadāya ca vaṇṇavādī’’ti.
343. ‘‘звам̣ вуд̇д̇з, ахам̣ бханд̇з ааяасманд̇ам̣ махаамог̇г̇аллаанам̣ зд̇ад̣̇авожам̣ – ‘б̣яаагад̇ам̣ ко, аавусо мог̇г̇аллаана, ааяасмад̇аа махаагассабзна яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ махаамог̇г̇аллаанам̣ бужчаама…бз… гат̇ам̣руубзна, аавусо мог̇г̇аллаана, бхигкунаа г̇осин̇г̇асаалаванам̣ собхзяяаа’д̇и? звам̣ вуд̇д̇з, бханд̇з, ааяасмаа махаамог̇г̇аллаано мам̣ зд̇ад̣̇авожа – ‘ид̇хаавусо саарибуд̇д̇а, д̣̇вз бхигкуу абхид̇хаммагат̇ам̣ гат̇знд̇и. д̇з ан̃н̃аман̃н̃ам̣ бан̃хам̣ бужчанд̇и, ан̃н̃аман̃н̃асса бан̃хам̣ будтаа виссаж̇ж̇знд̇и, но жа сам̣саад̣̇знд̇и, д̇хаммий жа нзсам̣ гат̇аа бавад̇д̇иний ход̇и. зваруубзна ко, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’’’д̇и. ‘‘саад̇ху саад̇ху, саарибуд̇д̇а, яат̇аа д̇ам̣ мог̇г̇аллаанова саммаа б̣яаагарамаано б̣яаагарзяяа. мог̇г̇аллаано хи, саарибуд̇д̇а, д̇хаммагат̇иго’’д̇и.
343. ‘‘Evaṃ vutte, ahaṃ bhante āyasmantaṃ mahāmoggallānaṃ etadavocaṃ – ‘byākataṃ kho, āvuso moggallāna, āyasmatā mahākassapena yathāsakaṃ paṭibhānaṃ. Tattha dāni mayaṃ āyasmantaṃ mahāmoggallānaṃ pucchāma…pe… kathaṃrūpena, āvuso moggallāna, bhikkhunā gosiṅgasālavanaṃ sobheyyā’ti? Evaṃ vutte, bhante, āyasmā mahāmoggallāno maṃ etadavoca – ‘idhāvuso sāriputta, dve bhikkhū abhidhammakathaṃ kathenti. Te aññamaññaṃ pañhaṃ pucchanti, aññamaññassa pañhaṃ puṭṭhā vissajjenti, no ca saṃsādenti, dhammī ca nesaṃ kathā pavattinī hoti. Evarūpena kho, āvuso sāriputta, bhikkhunā gosiṅgasālavanaṃ sobheyyā’’’ti. ‘‘Sādhu sādhu, sāriputta, yathā taṃ moggallānova sammā byākaramāno byākareyya. Moggallāno hi, sāriputta, dhammakathiko’’ti.
344. звам̣ вуд̇д̇з, ааяасмаа махаамог̇г̇аллаано бхаг̇аванд̇ам̣ зд̇ад̣̇авожа – ‘‘ат̇а кваахам̣, бханд̇з, ааяасманд̇ам̣ саарибуд̇д̇ам̣ зд̇ад̣̇авожам̣ – ‘б̣яаагад̇ам̣ ко, аавусо саарибуд̇д̇а, амхзхи саб̣б̣зхзва яат̇аасагам̣ бадибхаанам̣. д̇ад̇т̇а д̣̇аани маяам̣ ааяасманд̇ам̣ саарибуд̇д̇ам̣ бужчаама – раман̣ийяам̣, аавусо саарибуд̇д̇а, г̇осин̇г̇асаалаванам̣, д̣̇осинаа рад̇д̇и, саб̣б̣апаалипуллаа саалаа, д̣̇иб̣б̣аа, ман̃н̃з, г̇анд̇хаа самбаванд̇и. гат̇ам̣руубзна, аавусо саарибуд̇д̇а, бхигкунаа г̇осин̇г̇асаалаванам̣ собхзяяаа’д̇и? звам̣ вуд̇д̇з, бханд̇з, ааяасмаа саарибуд̇д̇о мам̣ зд̇ад̣̇авожа – ‘ид̇хаавусо, мог̇г̇аллаана, бхигку жид̇д̇ам̣ васам̣ вад̇д̇зд̇и но жа бхигку жид̇д̇асса васзна вад̇д̇ад̇и. со яааяа вихаарасамаабад̇д̇ияаа ааган̇кад̇и буб̣б̣ан̣хасамаяам̣ вихарид̇ум̣, д̇ааяа вихаарасамаабад̇д̇ияаа буб̣б̣ан̣хасамаяам̣ вихарад̇и; яааяа вихаарасамаабад̇д̇ияаа ааган̇кад̇и маж̇жханхигасамаяам̣ вихарид̇ум̣, д̇ааяа вихаарасамаабад̇д̇ияаа маж̇жханхигасамаяам̣ вихарад̇и; яааяа вихаарасамаабад̇д̇ияаа ааган̇кад̇и сааяанхасамаяам̣ вихарид̇ум̣, д̇ааяа вихаарасамаабад̇д̇ияаа сааяанхасамаяам̣ вихарад̇и. сзяяат̇ааби, аавусо мог̇г̇аллаана, ран̃н̃о ваа рааж̇амахаамад̇д̇асса ваа наанаарад̇д̇аанам̣ д̣̇уссаанам̣ д̣̇уссагаран̣д̣аго бууро асса. со яан̃н̃ад̣̇зва д̣̇уссаяуг̇ам̣ ааган̇кзяяа буб̣б̣ан̣хасамаяам̣ баарубид̇ум̣ , д̇ам̣ д̇ад̣̇зва д̣̇уссаяуг̇ам̣ буб̣б̣ан̣хасамаяам̣ баарубзяяа; яан̃н̃ад̣̇зва д̣̇уссаяуг̇ам̣ ааган̇кзяяа маж̇жханхигасамаяам̣ баарубид̇ум̣, д̇ам̣ д̇ад̣̇зва д̣̇уссаяуг̇ам̣ маж̇жханхигасамаяам̣ баарубзяяа; яан̃н̃ад̣̇зва д̣̇уссаяуг̇ам̣ ааган̇кзяяа сааяанхасамаяам̣ баарубид̇ум̣, д̇ам̣ д̇ад̣̇зва д̣̇уссаяуг̇ам̣ сааяанхасамаяам̣ баарубзяяа. звамзва ко, аавусо мог̇г̇аллаана, бхигку жид̇д̇ам̣ васам̣ вад̇д̇зд̇и, но жа бхигку жид̇д̇асса васзна вад̇д̇ад̇и. со яааяа вихаарасамаабад̇д̇ияаа ааган̇кад̇и буб̣б̣ан̣хасамаяам̣ вихарид̇ум̣, д̇ааяа вихаарасамаабад̇д̇ияаа буб̣б̣ан̣хасамаяам̣ вихарад̇и; яааяа вихаарасамаабад̇д̇ияаа ааган̇кад̇и маж̇жханхигасамаяам̣ вихарид̇ум̣, д̇ааяа вихаарасамаабад̇д̇ияаа маж̇жханхигасамаяам̣ вихарад̇и; яааяа вихаарасамаабад̇д̇ияаа ааган̇кад̇и сааяанхасамаяам̣ вихарид̇ум̣, д̇ааяа вихаарасамаабад̇д̇ияаа сааяанхасамаяам̣ вихарад̇и. зваруубзна ко, аавусо мог̇г̇аллаана, бхигкунаа г̇осин̇г̇асаалаванам̣ собхзяяаа’’’д̇и. ‘‘саад̇ху саад̇ху, мог̇г̇аллаана! яат̇аа д̇ам̣ саарибуд̇д̇ова саммаа б̣яаагарамаано б̣яаагарзяяа. саарибуд̇д̇о хи, мог̇г̇аллаана, жид̇д̇ам̣ васам̣ вад̇д̇зд̇и но жа саарибуд̇д̇о жид̇д̇асса васзна вад̇д̇ад̇и. со яааяа вихаарасамаабад̇д̇ияаа ааган̇кад̇и буб̣б̣ан̣хасамаяам̣ вихарид̇ум̣, д̇ааяа вихаарасамаабад̇д̇ияаа буб̣б̣ан̣хасамаяам̣ вихарад̇и; яааяа вихаарасамаабад̇д̇ияаа ааган̇кад̇и маж̇жханхигасамаяам̣ вихарид̇ум̣, д̇ааяа вихаарасамаабад̇д̇ияаа маж̇жханхигасамаяам̣ вихарад̇и; яааяа вихаарасамаабад̇д̇ияаа ааган̇кад̇и сааяанхасамаяам̣ вихарид̇ум̣, д̇ааяа вихаарасамаабад̇д̇ияаа сааяанхасамаяам̣ вихарад̇ий’’д̇и.
344. Evaṃ vutte, āyasmā mahāmoggallāno bhagavantaṃ etadavoca – ‘‘atha khvāhaṃ, bhante, āyasmantaṃ sāriputtaṃ etadavocaṃ – ‘byākataṃ kho, āvuso sāriputta, amhehi sabbeheva yathāsakaṃ paṭibhānaṃ. Tattha dāni mayaṃ āyasmantaṃ sāriputtaṃ pucchāma – ramaṇīyaṃ, āvuso sāriputta, gosiṅgasālavanaṃ, dosinā ratti, sabbaphāliphullā sālā, dibbā, maññe, gandhā sampavanti. Kathaṃrūpena, āvuso sāriputta, bhikkhunā gosiṅgasālavanaṃ sobheyyā’ti? Evaṃ vutte, bhante, āyasmā sāriputto maṃ etadavoca – ‘idhāvuso, moggallāna, bhikkhu cittaṃ vasaṃ vatteti no ca bhikkhu cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharati. Seyyathāpi, āvuso moggallāna, rañño vā rājamahāmattassa vā nānārattānaṃ dussānaṃ dussakaraṇḍako pūro assa. So yaññadeva dussayugaṃ ākaṅkheyya pubbaṇhasamayaṃ pārupituṃ , taṃ tadeva dussayugaṃ pubbaṇhasamayaṃ pārupeyya; yaññadeva dussayugaṃ ākaṅkheyya majjhanhikasamayaṃ pārupituṃ, taṃ tadeva dussayugaṃ majjhanhikasamayaṃ pārupeyya; yaññadeva dussayugaṃ ākaṅkheyya sāyanhasamayaṃ pārupituṃ, taṃ tadeva dussayugaṃ sāyanhasamayaṃ pārupeyya. Evameva kho, āvuso moggallāna, bhikkhu cittaṃ vasaṃ vatteti, no ca bhikkhu cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharati. Evarūpena kho, āvuso moggallāna, bhikkhunā gosiṅgasālavanaṃ sobheyyā’’’ti. ‘‘Sādhu sādhu, moggallāna! Yathā taṃ sāriputtova sammā byākaramāno byākareyya. Sāriputto hi, moggallāna, cittaṃ vasaṃ vatteti no ca sāriputto cittassa vasena vattati. So yāya vihārasamāpattiyā ākaṅkhati pubbaṇhasamayaṃ viharituṃ, tāya vihārasamāpattiyā pubbaṇhasamayaṃ viharati; yāya vihārasamāpattiyā ākaṅkhati majjhanhikasamayaṃ viharituṃ, tāya vihārasamāpattiyā majjhanhikasamayaṃ viharati; yāya vihārasamāpattiyā ākaṅkhati sāyanhasamayaṃ viharituṃ, tāya vihārasamāpattiyā sāyanhasamayaṃ viharatī’’ti.
345. звам̣ вуд̇д̇з, ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘гасса ну ко, бханд̇з, субхаасид̇а’’нд̇и? ‘‘саб̣б̣зсам̣ во, саарибуд̇д̇а, субхаасид̇ам̣ барияааязна. аби жа мамаби сун̣аат̇а яат̇ааруубзна бхигкунаа г̇осин̇г̇асаалаванам̣ собхзяяа. ид̇ха, саарибуд̇д̇а, бхигку бажчаабхад̇д̇ам̣ бин̣д̣абаад̇абадигганд̇о нисийд̣̇ад̇и баллан̇гам̣ аабхуж̇ид̇ваа уж̇ум̣ гааяам̣ бан̣ид̇хааяа баримукам̣ сад̇им̣ убадтабзд̇ваа – ‘на д̇ааваахам̣ имам̣ баллан̇гам̣ бхинд̣̇иссаами яаава мз наанубаад̣̇ааяа аасавзхи жид̇д̇ам̣ вимужжиссад̇ий’д̇и. зваруубзна ко, саарибуд̇д̇а, бхигкунаа г̇осин̇г̇асаалаванам̣ собхзяяаа’’д̇и.
345. Evaṃ vutte, āyasmā sāriputto bhagavantaṃ etadavoca – ‘‘kassa nu kho, bhante, subhāsita’’nti? ‘‘Sabbesaṃ vo, sāriputta, subhāsitaṃ pariyāyena. Api ca mamapi suṇātha yathārūpena bhikkhunā gosiṅgasālavanaṃ sobheyya. Idha, sāriputta, bhikkhu pacchābhattaṃ piṇḍapātapaṭikkanto nisīdati pallaṅkaṃ ābhujitvā ujuṃ kāyaṃ paṇidhāya parimukhaṃ satiṃ upaṭṭhapetvā – ‘na tāvāhaṃ imaṃ pallaṅkaṃ bhindissāmi yāva me nānupādāya āsavehi cittaṃ vimuccissatī’ti. Evarūpena kho, sāriputta, bhikkhunā gosiṅgasālavanaṃ sobheyyā’’ti.
ид̣̇амавожа бхаг̇аваа. ад̇д̇аманаа д̇з ааяасманд̇о 13 бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te āyasmanto 14 bhagavato bhāsitaṃ abhinandunti.
махааг̇осин̇г̇асуд̇д̇ам̣ нидтид̇ам̣ д̣̇уд̇ияам̣.
Mahāgosiṅgasuttaṃ niṭṭhitaṃ dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. махааг̇осин̇г̇асуд̇д̇аван̣н̣анаа • 2. Mahāgosiṅgasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. махааг̇осин̇г̇асуд̇д̇аван̣н̣анаа • 2. Mahāgosiṅgasuttavaṇṇanā
