| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. махааг̇осин̇г̇асуд̇д̇аван̣н̣анаа
2. Mahāgosiṅgasuttavaṇṇanā
332. звам̣ мз суд̇анд̇и махааг̇осин̇г̇асуд̇д̇ам̣. д̇ад̇т̇а г̇осин̇г̇асаалаванад̣̇ааязд̇и ид̣̇ам̣ васанадтаанад̣̇ассанад̇т̇ам̣ вуд̇д̇ам̣. ан̃н̃зсу хи суд̇д̇зсу, ‘‘саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз’’д̇и звам̣ батамам̣ г̇ожараг̇аамам̣ д̣̇ассзд̇ваа бажчаа васанадтаанам̣ д̣̇ассзд̇и. имасмим̣ бана махааг̇осин̇г̇асуд̇д̇з бхаг̇авад̇о г̇ожараг̇аамо аниб̣анд̇хо, гожид̣̇зва г̇ожараг̇аамо бхависсад̇и. д̇асмаа васанадтаанамзва барид̣̇ийбид̇ам̣. аран̃н̃анид̣̇аанагам̣ наамзд̇ам̣ суд̇д̇анд̇и. самб̣ахулзхийд̇и б̣ахугзхи. абхин̃н̃аад̇зхи абхин̃н̃аад̇зхийд̇и саб̣б̣ад̇т̇а виссуд̇зхи баагадзхи. т̇зрзхи саавагзхи сад̣̇д̇хинд̇и баад̇имогкасам̣вараад̣̇ийхи т̇ирагаарагзхзва д̇хаммзхи саманнааг̇ад̇ад̇д̇аа т̇зрзхи, савананд̇з ж̇аад̇ад̇д̇аа саавагзхи сад̣̇д̇хим̣ згад̇о. ид̣̇аани д̇з т̇зрз саруубад̇о д̣̇ассзнд̇о, ааяасмад̇аа жа саарибуд̇д̇знаад̇иаад̣̇имааха. д̇ад̇т̇ааяасмаа саарибуд̇д̇о ад̇д̇ано сийлаад̣̇ийхи г̇ун̣зхи б̣уд̣̇д̇хасаасанз абхин̃н̃аад̇о. жагкуманд̇аанам̣ г̇аг̇анамаж̇жхз тид̇о суурияо вияа жанд̣̇о вияа, самуд̣̇д̣̇ад̇ийрз тид̇аанам̣ сааг̇аро вияа жа баагадо бан̃н̃аад̇о. на гзвалан̃жасса имасмим̣ суд̇д̇з ааг̇ад̇аг̇ун̣авасзнзва маханд̇ад̇аа взд̣̇ид̇аб̣б̣аа, ид̇о ан̃н̃зсам̣ д̇хаммад̣̇ааяаад̣̇асуд̇д̇ам̣ анан̇г̇ан̣асуд̇д̇ам̣ саммаад̣̇идтисуд̇д̇ам̣ сийханаад̣̇асуд̇д̇ам̣ рат̇авинийд̇ам̣ махаахад̇т̇ибад̣̇обамам̣ махаавзд̣̇аллам̣ жаад̇умасуд̇д̇ам̣ д̣̇ийгханакам̣ анубад̣̇асуд̇д̇ам̣ сзвид̇аб̣б̣аасзвид̇аб̣б̣асуд̇д̇ам̣ сажжавибхан̇г̇асуд̇д̇ам̣ бин̣д̣абаад̇абаарисуд̣̇д̇хи самбасаад̣̇анийяам̣ сан̇г̇ийд̇исуд̇д̇ам̣ д̣̇асуд̇д̇арасуд̇д̇ам̣ бавааран̣аасуд̇д̇ам̣ (сам̣. ни. 1.215 аад̣̇аяо) сусимасуд̇д̇ам̣ т̇зрабан̃хасуд̇д̇ам̣ махаанид̣̇д̣̇зсо бадисамбхид̣̇аамаг̇г̇о т̇зрасийханаад̣̇асуд̇д̇ам̣ абхинигкаманам̣ зд̇ад̣̇аг̇г̇анд̇и имзсамби суд̇д̇аанам̣ васзна т̇зрасса маханд̇ад̇аа взд̣̇ид̇аб̣б̣аа. зд̇ад̣̇аг̇г̇асмин̃хи, ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ махаабан̃н̃аанам̣ яад̣̇ид̣̇ам̣ саарибуд̇д̇о’’д̇и (а. ни. 1.188-189) вуд̇д̇ам̣.
332.Evaṃme sutanti mahāgosiṅgasuttaṃ. Tattha gosiṅgasālavanadāyeti idaṃ vasanaṭṭhānadassanatthaṃ vuttaṃ. Aññesu hi suttesu, ‘‘sāvatthiyaṃ viharati jetavane anāthapiṇḍikassa ārāme’’ti evaṃ paṭhamaṃ gocaragāmaṃ dassetvā pacchā vasanaṭṭhānaṃ dasseti. Imasmiṃ pana mahāgosiṅgasutte bhagavato gocaragāmo anibandho, kocideva gocaragāmo bhavissati. Tasmā vasanaṭṭhānameva paridīpitaṃ. Araññanidānakaṃ nāmetaṃ suttanti. Sambahulehīti bahukehi. Abhiññātehi abhiññātehīti sabbattha vissutehi pākaṭehi. Therehi sāvakehi saddhinti pātimokkhasaṃvarādīhi thirakārakeheva dhammehi samannāgatattā therehi, savanante jātattā sāvakehi saddhiṃ ekato. Idāni te there sarūpato dassento, āyasmatā ca sāriputtenātiādimāha. Tatthāyasmā sāriputto attano sīlādīhi guṇehi buddhasāsane abhiññāto. Cakkhumantānaṃ gaganamajjhe ṭhito sūriyo viya cando viya, samuddatīre ṭhitānaṃ sāgaro viya ca pākaṭo paññāto. Na kevalañcassa imasmiṃ sutte āgataguṇavaseneva mahantatā veditabbā, ito aññesaṃ dhammadāyādasuttaṃ anaṅgaṇasuttaṃ sammādiṭṭhisuttaṃ sīhanādasuttaṃ rathavinītaṃ mahāhatthipadopamaṃ mahāvedallaṃ cātumasuttaṃ dīghanakhaṃ anupadasuttaṃ sevitabbāsevitabbasuttaṃ saccavibhaṅgasuttaṃ piṇḍapātapārisuddhi sampasādanīyaṃ saṅgītisuttaṃ dasuttarasuttaṃ pavāraṇāsuttaṃ (saṃ. ni. 1.215 ādayo) susimasuttaṃ therapañhasuttaṃ mahāniddeso paṭisambhidāmaggo therasīhanādasuttaṃ abhinikkhamanaṃ etadagganti imesampi suttānaṃ vasena therassa mahantatā veditabbā. Etadaggasmiñhi, ‘‘etadaggaṃ, bhikkhave, mama sāvakānaṃ bhikkhūnaṃ mahāpaññānaṃ yadidaṃ sāriputto’’ti (a. ni. 1.188-189) vuttaṃ.
махаамог̇г̇аллааноби сийлаад̣̇иг̇ун̣зхи жзва имасмим̣ суд̇д̇з ааг̇ад̇аг̇ун̣зхи жа т̇зро вияа абхин̃н̃аад̇о баагадо махаа. абижасса анумаанасуд̇д̇ам̣, жуул̣ад̇ан̣хаасан̇каяасуд̇д̇ам̣ маарад̇аж̇ж̇анияасуд̇д̇ам̣ баасаад̣̇агамбанам̣ сагалам̣ ид̣̇д̇хибаад̣̇асам̣яуд̇д̇ам̣ нанд̣̇обананд̣̇ад̣̇аманам̣ яамагабаадихаарияагаалз д̣̇звалогаг̇аманам̣ вимаанавад̇т̇у бзд̇авад̇т̇у т̇зрасса абхинигкаманам̣ зд̇ад̣̇аг̇г̇анд̇и имзсамби васзна маханд̇абхааво взд̣̇ид̇аб̣б̣о . зд̇ад̣̇аг̇г̇асмин̃хи, ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ ид̣̇д̇химанд̇аанам̣ яад̣̇ид̣̇ам̣ махаамог̇г̇аллаано’’д̇и (а. ни. 1.190) вуд̇д̇ам̣.
Mahāmoggallānopi sīlādiguṇehi ceva imasmiṃ sutte āgataguṇehi ca thero viya abhiññāto pākaṭo mahā. Apicassa anumānasuttaṃ, cūḷataṇhāsaṅkhayasuttaṃ māratajjaniyasuttaṃ pāsādakampanaṃ sakalaṃ iddhipādasaṃyuttaṃ nandopanandadamanaṃ yamakapāṭihāriyakāle devalokagamanaṃ vimānavatthu petavatthu therassa abhinikkhamanaṃ etadagganti imesampi vasena mahantabhāvo veditabbo . Etadaggasmiñhi, ‘‘etadaggaṃ, bhikkhave, mama sāvakānaṃ bhikkhūnaṃ iddhimantānaṃ yadidaṃ mahāmoggallāno’’ti (a. ni. 1.190) vuttaṃ.
махаагассабоби сийлаад̣̇иг̇ун̣зхи жзва имасмим̣ суд̇д̇з ааг̇ад̇аг̇ун̣зхи жа т̇зро вияа абхин̃н̃аад̇о баагадо махаа. абижасса жийварабаривад̇д̇анасуд̇д̇ам̣ ж̇ин̣н̣ажийварасуд̇д̇ам̣ (сам̣. ни. 2.154 аад̣̇аяо) жанд̣̇обамам̣ сагалам̣ гассабасам̣яуд̇д̇ам̣ махааарияавам̣сасуд̇д̇ам̣ т̇зрасса абхинигкаманам̣ зд̇ад̣̇аг̇г̇анд̇и имзсамби васзна маханд̇абхааво взд̣̇ид̇аб̣б̣о. зд̇ад̣̇аг̇г̇асмин̃хи, ‘‘зд̇ад̣̇аг̇г̇ам̣ , бхигкавз, мама саавагаанам̣ бхигкуунам̣ д̇худ̇аваад̣̇аанам̣ яад̣̇ид̣̇ам̣ махаагассабо’’д̇и (а. ни. 1.191) вуд̇д̇ам̣.
Mahākassapopi sīlādiguṇehi ceva imasmiṃ sutte āgataguṇehi ca thero viya abhiññāto pākaṭo mahā. Apicassa cīvaraparivattanasuttaṃ jiṇṇacīvarasuttaṃ (saṃ. ni. 2.154 ādayo) candopamaṃ sakalaṃ kassapasaṃyuttaṃ mahāariyavaṃsasuttaṃ therassa abhinikkhamanaṃ etadagganti imesampi vasena mahantabhāvo veditabbo. Etadaggasmiñhi, ‘‘etadaggaṃ , bhikkhave, mama sāvakānaṃ bhikkhūnaṃ dhutavādānaṃ yadidaṃ mahākassapo’’ti (a. ni. 1.191) vuttaṃ.
ануруд̣̇д̇хад̇т̇зроби сийлаад̣̇иг̇ун̣зхи жзва имасмим̣ суд̇д̇з ааг̇ад̇аг̇ун̣зхи жа т̇зро вияа абхин̃н̃аад̇о баагадо махаа. абижасса жуул̣аг̇осин̇г̇асуд̇д̇ам̣ нал̣агабаанасуд̇д̇ам̣ ануд̇д̇арияасуд̇д̇ам̣ убаггилзсасуд̇д̇ам̣ ануруд̣̇д̇хасам̣яуд̇д̇ам̣ махаабурисавид̇аггасуд̇д̇ам̣ т̇зрасса абхинигкаманам̣ зд̇ад̣̇аг̇г̇анд̇и имзсамби васзна маханд̇абхааво взд̣̇ид̇аб̣б̣о. зд̇ад̣̇аг̇г̇асмин̃хи, ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ д̣̇иб̣б̣ажагкугаанам̣ яад̣̇ид̣̇ам̣ ануруд̣̇д̇хо’’д̇и (а. ни. 1.192) вуд̇д̇ам̣.
Anuruddhattheropi sīlādiguṇehi ceva imasmiṃ sutte āgataguṇehi ca thero viya abhiññāto pākaṭo mahā. Apicassa cūḷagosiṅgasuttaṃ naḷakapānasuttaṃ anuttariyasuttaṃ upakkilesasuttaṃ anuruddhasaṃyuttaṃ mahāpurisavitakkasuttaṃ therassa abhinikkhamanaṃ etadagganti imesampi vasena mahantabhāvo veditabbo. Etadaggasmiñhi, ‘‘etadaggaṃ, bhikkhave, mama sāvakānaṃ bhikkhūnaṃ dibbacakkhukānaṃ yadidaṃ anuruddho’’ti (a. ni. 1.192) vuttaṃ.
ааяасмад̇аа жа рзвад̇знаад̇и зд̇т̇а бана д̣̇вз рзвад̇аа кад̣̇ираванияарзвад̇о жа ган̇каарзвад̇о жа. д̇ад̇т̇а кад̣̇ираванияарзвад̇о д̇хаммасзнаабад̇ид̇т̇зрасса ганидтабхаад̇иго, на со ид̇ха ад̇хиббзд̇о. ‘‘агаббияо г̇ул̣о, агаббияаа муг̇г̇аа’’д̇и (махаава. 272) звам̣ ган̇кааб̣ахуло бана т̇зро ид̇ха рзвад̇од̇и ад̇хиббзд̇о. соби сийлаад̣̇иг̇ун̣зхи жзва имасмим̣ суд̇д̇з ааг̇ад̇аг̇ун̣зхи жа т̇зро вияа абхин̃н̃аад̇о баагадо махаа. абижасса абхинигкаманзнаби зд̇ад̣̇аг̇г̇знаби маханд̇абхааво взд̣̇ид̇аб̣б̣о. зд̇ад̣̇аг̇г̇асмин̃хи, ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ жхааяийнам̣ яад̣̇ид̣̇ам̣ ган̇каарзвад̇о’’д̇и (а. ни. 1.204) вуд̇д̇ам̣.
Āyasmatā ca revatenāti ettha pana dve revatā khadiravaniyarevato ca kaṅkhārevato ca. Tattha khadiravaniyarevato dhammasenāpatittherassa kaniṭṭhabhātiko, na so idha adhippeto. ‘‘Akappiyo guḷo, akappiyā muggā’’ti (mahāva. 272) evaṃ kaṅkhābahulo pana thero idha revatoti adhippeto. Sopi sīlādiguṇehi ceva imasmiṃ sutte āgataguṇehi ca thero viya abhiññāto pākaṭo mahā. Apicassa abhinikkhamanenapi etadaggenapi mahantabhāvo veditabbo. Etadaggasmiñhi, ‘‘etadaggaṃ, bhikkhave, mama sāvakānaṃ bhikkhūnaṃ jhāyīnaṃ yadidaṃ kaṅkhārevato’’ti (a. ni. 1.204) vuttaṃ.
аананд̣̇ад̇т̇зроби сийлаад̣̇иг̇ун̣зхи жзва имасмим̣ суд̇д̇з ааг̇ад̇аг̇ун̣зхи жа т̇зро вияа абхин̃н̃аад̇о баагадо махаа. абижасса сзгкасуд̇д̇ам̣ б̣аахид̇игасуд̇д̇ам̣ аанзн̃ж̇асаббааяам̣ г̇обагамог̇г̇аллаанам̣ б̣ахуд̇хаад̇угам̣ жуул̣асун̃н̃ад̇ам̣ махаасун̃н̃ад̇ам̣ ажчарияаб̣бхуд̇асуд̇д̇ам̣ бхад̣̇д̣̇згарад̇д̇ам̣ махаанид̣̇аанам̣ махаабариниб̣б̣аанам̣ субхасуд̇д̇ам̣ жуул̣анияалогад̇хаад̇усуд̇д̇ам̣ абхинигкаманам̣ зд̇ад̣̇аг̇г̇анд̇и имзсамби васзна маханд̇абхааво взд̣̇ид̇аб̣б̣о. зд̇ад̣̇аг̇г̇асмин̃хи, ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ б̣ахуссуд̇аанам̣ яад̣̇ид̣̇ам̣ аананд̣̇о’’д̇и (а. ни. 1.219-223) вуд̇д̇ам̣.
Ānandattheropi sīlādiguṇehi ceva imasmiṃ sutte āgataguṇehi ca thero viya abhiññāto pākaṭo mahā. Apicassa sekkhasuttaṃ bāhitikasuttaṃ āneñjasappāyaṃ gopakamoggallānaṃ bahudhātukaṃ cūḷasuññataṃ mahāsuññataṃ acchariyabbhutasuttaṃ bhaddekarattaṃ mahānidānaṃ mahāparinibbānaṃ subhasuttaṃ cūḷaniyalokadhātusuttaṃ abhinikkhamanaṃ etadagganti imesampi vasena mahantabhāvo veditabbo. Etadaggasmiñhi, ‘‘etadaggaṃ, bhikkhave, mama sāvakānaṃ bhikkhūnaṃ bahussutānaṃ yadidaṃ ānando’’ti (a. ni. 1.219-223) vuttaṃ.
ан̃н̃зхи жа абхин̃н̃аад̇зхи абхин̃н̃аад̇зхийд̇и на гзвалан̃жа зд̇зхзва, ан̃н̃зхи жа махааг̇ун̣ад̇ааяа баагадзхи абхин̃н̃аад̇зхи б̣ахуухи т̇зрзхи саавагзхи сад̣̇д̇хим̣ бхаг̇аваа г̇осин̇г̇асаалаванад̣̇ааяз вихарад̇ийд̇и ад̇т̇о. ааяасмаа хи саарибуд̇д̇о саяам̣ махаабан̃н̃о ан̃н̃зби б̣ахуу махаабан̃н̃з бхигкуу г̇ахзд̇ваа д̇ад̣̇аа д̣̇асаб̣алам̣ бариваарзд̇ваа вихааси. ааяасмаа махаамог̇г̇аллаано саяам̣ ид̣̇д̇химаа, ааяасмаа махаагассабо саяам̣ д̇худ̇аваад̣̇о, ааяасмаа ануруд̣̇д̇хо саяам̣ д̣̇иб̣б̣ажагкуго, ааяасмаа рзвад̇о саяам̣ жхаанаабхирад̇о, ааяасмаа аананд̣̇о саяам̣ б̣ахуссуд̇о ан̃н̃зби б̣ахуу б̣ахуссуд̇з бхигкуу г̇ахзд̇ваа д̇ад̣̇аа д̣̇асаб̣алам̣ бариваарзд̇ваа вихааси, звам̣ д̇ад̣̇аа зд̇з жа ан̃н̃з жа абхин̃н̃аад̇аа махаат̇зраа д̇им̣сасахассамад̇д̇аа бхигкуу д̣̇асаб̣алам̣ бариваарзд̇ваа вихарим̣сууд̇и взд̣̇ид̇аб̣б̣аа.
Aññehi ca abhiññātehi abhiññātehīti na kevalañca eteheva, aññehi ca mahāguṇatāya pākaṭehi abhiññātehi bahūhi therehi sāvakehi saddhiṃ bhagavā gosiṅgasālavanadāye viharatīti attho. Āyasmā hi sāriputto sayaṃ mahāpañño aññepi bahū mahāpaññe bhikkhū gahetvā tadā dasabalaṃ parivāretvā vihāsi. Āyasmā mahāmoggallāno sayaṃ iddhimā, āyasmā mahākassapo sayaṃ dhutavādo, āyasmā anuruddho sayaṃ dibbacakkhuko, āyasmā revato sayaṃ jhānābhirato, āyasmā ānando sayaṃ bahussuto aññepi bahū bahussute bhikkhū gahetvā tadā dasabalaṃ parivāretvā vihāsi, evaṃ tadā ete ca aññe ca abhiññātā mahātherā tiṃsasahassamattā bhikkhū dasabalaṃ parivāretvā vihariṃsūti veditabbā.
бадисаллаанаа вудтид̇од̇и паласамаабад̇д̇ививзгад̇о вудтид̇о. язнааяасмаа махаагассабо д̇знубасан̇гамийд̇и т̇зро гира бадисаллаанаа вудтид̇о бажчималогад̇хаад̇ум̣ ологзнд̇о вананд̇з гийл̣анд̇асса мад̇д̇акад̇д̇ияасса ган̣н̣ад̇о бад̇амаанам̣ гун̣д̣алам̣ вияа, сам̣харид̇ваа самуг̇г̇з багкибамаанам̣ рад̇д̇агамб̣алам̣ вияа, ман̣инааг̇ад̣̇анд̇ад̇о бад̇амаанам̣ сад̇асахассаг̇гханигам̣ суван̣н̣абаад̇им̣ вияа жа ад̇т̇ам̣ г̇ажчамаанам̣ барибун̣н̣абан̣н̣аасаяож̇анам̣ суурияаман̣д̣алам̣ ад̣̇д̣̇аса. д̇ад̣̇ананд̇арам̣ баажийналогад̇хаад̇ум̣ ологзнд̇о нзмияам̣ г̇ахзд̇ваа баривад̇д̇аяамаанам̣ раж̇ад̇ажаггам̣ вияа, раж̇ад̇агуудад̇о нигкаманд̇ам̣ кийрад̇хаарааман̣д̣ам̣ вияа, сабагкз бабподзд̇ваа г̇аг̇анад̇алз багканд̣̇амаанам̣ сзд̇ахам̣сам̣ вияа жа мзгхаван̣н̣ааяа самуд̣̇д̣̇агужчид̇о уг̇г̇анд̇ваа баажийнажаггаваал̣абаб̣б̣ад̇амад̇т̇агз сасалагкан̣аббадиман̣д̣ид̇ам̣ згуунабан̣н̣аасаяож̇анам̣ жанд̣̇аман̣д̣алам̣ ад̣̇д̣̇аса. д̇ад̇о саалаванам̣ ологзси. д̇асмин̃хи самаяз сааларугкаа муулад̇о бадтааяа яаава аг̇г̇аа саб̣б̣абаалипуллаа д̣̇угуулабааруд̇аа вияа, муд̇д̇аагалаабавинад̣̇д̇хаа вияа жа вирожим̣су. бхуумид̇алам̣ бубпасант̇арабууж̇ааяа бадиман̣д̣ид̇ам̣ вияа, д̇ад̇т̇а д̇ад̇т̇а нибад̇анд̇зна бубпарзн̣унаа лаакаарасзна син̃жамаанам̣ вияа жа ахоси. бхамарамад̇хугараг̇ан̣аа гусумарзн̣умад̣̇амад̇д̇аа убаг̇ааяамаанаа вияа вананд̇арзсу вижаранд̇и. д̇ад̣̇аа жа убосат̇ад̣̇ивасова ход̇и. ат̇а т̇зро, ‘‘гааяа ну ко аж̇ж̇а рад̇ияаа вийд̇инаамзссаамий’’д̇и жинд̇зси, арияасаавагаа жа наама бияад̇хаммассаванаа хонд̇и. ат̇асса зд̇ад̣̇ахоси – ‘‘аж̇ж̇а маяхам̣ ж̇здтабхаад̇игасса д̇хаммасзнаабад̇ид̇т̇зрасса санд̇игам̣ г̇анд̇ваа д̇хаммарад̇ияаа вийд̇инаамзссаамий’’д̇и. г̇ажчанд̇о бана згагова аг̇анд̇ваа ‘‘маяхам̣ бияасахааяам̣ махаагассабад̇т̇зрам̣ г̇ахзд̇ваа г̇амиссаамий’’д̇и нисиннадтаанад̇о вудтааяа жаммакан̣д̣ам̣ бабподзд̇ваа язнааяасмаа махаагассабо д̇знубасан̇гами.
Paṭisallānā vuṭṭhitoti phalasamāpattivivekato vuṭṭhito. Yenāyasmā mahākassapo tenupasaṅkamīti thero kira paṭisallānā vuṭṭhito pacchimalokadhātuṃ olokento vanante kīḷantassa mattakhattiyassa kaṇṇato patamānaṃ kuṇḍalaṃ viya, saṃharitvā samugge pakkhipamānaṃ rattakambalaṃ viya, maṇināgadantato patamānaṃ satasahassagghanikaṃ suvaṇṇapātiṃ viya ca atthaṃ gacchamānaṃ paripuṇṇapaṇṇāsayojanaṃ sūriyamaṇḍalaṃ addasa. Tadanantaraṃ pācīnalokadhātuṃ olokento nemiyaṃ gahetvā parivattayamānaṃ rajatacakkaṃ viya, rajatakūṭato nikkhamantaṃ khīradhārāmaṇḍaṃ viya, sapakkhe papphoṭetvā gaganatale pakkhandamānaṃ setahaṃsaṃ viya ca meghavaṇṇāya samuddakucchito uggantvā pācīnacakkavāḷapabbatamatthake sasalakkhaṇappaṭimaṇḍitaṃ ekūnapaṇṇāsayojanaṃ candamaṇḍalaṃ addasa. Tato sālavanaṃ olokesi. Tasmiñhi samaye sālarukkhā mūlato paṭṭhāya yāva aggā sabbapāliphullā dukūlapārutā viya, muttākalāpavinaddhā viya ca virociṃsu. Bhūmitalaṃ pupphasantharapūjāya paṭimaṇḍitaṃ viya, tattha tattha nipatantena pupphareṇunā lākhārasena siñcamānaṃ viya ca ahosi. Bhamaramadhukaragaṇā kusumareṇumadamattā upagāyamānā viya vanantaresu vicaranti. Tadā ca uposathadivasova hoti. Atha thero, ‘‘kāya nu kho ajja ratiyā vītināmessāmī’’ti cintesi, ariyasāvakā ca nāma piyadhammassavanā honti. Athassa etadahosi – ‘‘ajja mayhaṃ jeṭṭhabhātikassa dhammasenāpatittherassa santikaṃ gantvā dhammaratiyā vītināmessāmī’’ti. Gacchanto pana ekakova agantvā ‘‘mayhaṃ piyasahāyaṃ mahākassapattheraṃ gahetvā gamissāmī’’ti nisinnaṭṭhānato vuṭṭhāya cammakhaṇḍaṃ papphoṭetvā yenāyasmā mahākassapo tenupasaṅkami.
звамаавусод̇и ко ааяасмаа махаагассабод̇и т̇зроби яасмаа бияад̇хаммассаванова арияасааваго, д̇асмаа д̇асса важанам̣ суд̇ваа г̇ажчаавусо, д̇вам̣, маяхам̣ сийсам̣ ваа руж̇ж̇ад̇и бидти ваад̇и гин̃жи лзсаабад̣̇зсам̣ агад̇ваа д̇удтахад̣̇аяова, ‘‘звамаавусо’’д̇иаад̣̇имааха. бадиссуд̇ваа жа нисиннадтаанад̇о вудтааяа жаммакан̣д̣ам̣ бабподзд̇ваа махаамог̇г̇аллаанам̣ ануб̣анд̇хи. д̇асмим̣ самаяз д̣̇вз махаат̇зраа бадибаадияаа тид̇аани д̣̇вз жанд̣̇аман̣д̣алаани вияа, д̣̇вз суурияаман̣д̣алаани вияа, д̣̇вз чад̣̇д̣̇анд̇анааг̇арааж̇аано вияа, д̣̇вз сийхаа вияа, д̣̇вз б̣яаг̇гхаа вияа жа вирожим̣су. ануруд̣̇д̇хад̇т̇зроби д̇асмим̣ самаяз д̣̇иваадтаанз нисинно д̣̇вз махаат̇зрз саарибуд̇д̇ад̇т̇зрасса санд̇игам̣ г̇ажчанд̇з д̣̇исваа бажчималогад̇хаад̇ум̣ ологзнд̇о суурияам̣ вананд̇ам̣ бависанд̇ам̣ вияа, баажийналогад̇хаад̇ум̣ ологзнд̇о жанд̣̇ам̣ вананд̇ад̇о уг̇г̇ажчанд̇ам̣ вияа, саалаванам̣ ологзнд̇о саб̣б̣абаалипулламзва саалаванан̃жа д̣̇исваа аж̇ж̇а убосат̇ад̣̇ивасо, имз жа мз ж̇здтабхаад̇игаа д̇хаммасзнаабад̇исса санд̇игам̣ г̇ажчанд̇и, маханд̇зна д̇хаммассаванзна бхавид̇аб̣б̣ам̣, ахамби д̇хаммассаванасса бхааг̇ий бхависсаамийд̇и нисиннадтаанад̇о вудтааяа жаммакан̣д̣ам̣ бабподзд̇ваа махаат̇зраанам̣ бад̣̇аанубад̣̇иго худ̇ваа нигками. д̇зна вуд̇д̇ам̣ – ‘‘ат̇а ко ааяасмаа жа махаамог̇г̇аллаано ааяасмаа жа махаагассабо ааяасмаа жа ануруд̣̇д̇хо язнааяасмаа саарибуд̇д̇о д̇знубасан̇гамим̣суу’’д̇и. убасан̇гамим̣сууд̇и. бадибаадияаа тид̇аа д̇аяо жанд̣̇аа вияа, суурияаа вияа, сийхаа вияа жа вирожамаанаа убасан̇гамим̣су.
Evamāvusotikho āyasmā mahākassapoti theropi yasmā piyadhammassavanova ariyasāvako, tasmā tassa vacanaṃ sutvā gacchāvuso, tvaṃ, mayhaṃ sīsaṃ vā rujjati piṭṭhi vāti kiñci lesāpadesaṃ akatvā tuṭṭhahadayova, ‘‘evamāvuso’’tiādimāha. Paṭissutvā ca nisinnaṭṭhānato vuṭṭhāya cammakhaṇḍaṃ papphoṭetvā mahāmoggallānaṃ anubandhi. Tasmiṃ samaye dve mahātherā paṭipāṭiyā ṭhitāni dve candamaṇḍalāni viya, dve sūriyamaṇḍalāni viya, dve chaddantanāgarājāno viya, dve sīhā viya, dve byagghā viya ca virociṃsu. Anuruddhattheropi tasmiṃ samaye divāṭṭhāne nisinno dve mahāthere sāriputtattherassa santikaṃ gacchante disvā pacchimalokadhātuṃ olokento sūriyaṃ vanantaṃ pavisantaṃ viya, pācīnalokadhātuṃ olokento candaṃ vanantato uggacchantaṃ viya, sālavanaṃ olokento sabbapāliphullameva sālavanañca disvā ajja uposathadivaso, ime ca me jeṭṭhabhātikā dhammasenāpatissa santikaṃ gacchanti, mahantena dhammassavanena bhavitabbaṃ, ahampi dhammassavanassa bhāgī bhavissāmīti nisinnaṭṭhānato vuṭṭhāya cammakhaṇḍaṃ papphoṭetvā mahātherānaṃ padānupadiko hutvā nikkhami. Tena vuttaṃ – ‘‘atha kho āyasmā ca mahāmoggallāno āyasmā ca mahākassapo āyasmā ca anuruddho yenāyasmā sāriputto tenupasaṅkamiṃsū’’ti. Upasaṅkamiṃsūti. Paṭipāṭiyā ṭhitā tayo candā viya, sūriyā viya, sīhā viya ca virocamānā upasaṅkamiṃsu.
333. звам̣ убасан̇гаманд̇з бана д̇з махаат̇зрз ааяасмаа аананд̣̇о ад̇д̇ано д̣̇иваадтаанз нисинноязва д̣̇исваа, ‘‘аж̇ж̇а маханд̇ам̣ д̇хаммассаванам̣ бхависсад̇и, маяааби д̇асса бхааг̇инаа бхавид̇аб̣б̣ам̣, на ко бана згагова г̇амиссаами, маяхам̣ бияасахааяамби рзвад̇ад̇т̇зрам̣ г̇ахзд̇ваа г̇амиссаамий’’д̇и саб̣б̣ам̣ махаамог̇г̇аллаанасса махаагассабасса ануруд̣̇д̇хасса убасан̇гаманз вуд̇д̇анаязнзва вид̇т̇аарад̇о взд̣̇ид̇аб̣б̣ам̣. ид̇и д̇з д̣̇вз ж̇анаа бадибаадияаа тид̇аа д̣̇вз жанд̣̇аа вияа, суурияаа вияа, сийхаа вияа жа вирожамаанаа убасан̇гамим̣су. д̇зна вуд̇д̇ам̣ – ‘‘ад̣̇д̣̇асаа ко ааяасмаа саарибуд̇д̇о’’д̇иаад̣̇и . д̣̇исваана ааяасманд̇ам̣ аананд̣̇ам̣ зд̇ад̣̇авожаад̇и д̣̇уурад̇ова д̣̇исваа ануггамзна гат̇ааубажаарам̣ самбад̇д̇амзд̇ам̣, ‘‘зд̇у ко ааяасмаа’’д̇иаад̣̇иважанам̣ авожа. раман̣ийяам̣, аавусод̇и зд̇т̇а д̣̇увид̇хам̣ рааман̣зяяагам̣ ванарааман̣зяяагам̣ буг̇г̇аларааман̣зяяаган̃жа. д̇ад̇т̇а ванам̣ наама нааг̇асалал̣асаалажамбагаад̣̇ийхи сан̃чаннам̣ ход̇и б̣ахалажчааяам̣ бубпапалуубаг̇ам̣ вивид̇харугкам̣ уд̣̇агасамбаннам̣ г̇аамад̇о ниссадам̣, ид̣̇ам̣ ванарааман̣зяяагам̣ наама. яам̣ санд̇хааяа вуд̇д̇ам̣ –
333. Evaṃ upasaṅkamante pana te mahāthere āyasmā ānando attano divāṭṭhāne nisinnoyeva disvā, ‘‘ajja mahantaṃ dhammassavanaṃ bhavissati, mayāpi tassa bhāginā bhavitabbaṃ, na kho pana ekakova gamissāmi, mayhaṃ piyasahāyampi revatattheraṃ gahetvā gamissāmī’’ti sabbaṃ mahāmoggallānassa mahākassapassa anuruddhassa upasaṅkamane vuttanayeneva vitthārato veditabbaṃ. Iti te dve janā paṭipāṭiyā ṭhitā dve candā viya, sūriyā viya, sīhā viya ca virocamānā upasaṅkamiṃsu. Tena vuttaṃ – ‘‘addasā kho āyasmā sāriputto’’tiādi . Disvāna āyasmantaṃ ānandaṃ etadavocāti dūratova disvā anukkamena kathāupacāraṃ sampattametaṃ, ‘‘etu kho āyasmā’’tiādivacanaṃ avoca. Ramaṇīyaṃ, āvusoti ettha duvidhaṃ rāmaṇeyyakaṃ vanarāmaṇeyyakaṃ puggalarāmaṇeyyakañca. Tattha vanaṃ nāma nāgasalaḷasālacampakādīhi sañchannaṃ hoti bahalacchāyaṃ pupphaphalūpagaṃ vividharukkhaṃ udakasampannaṃ gāmato nissaṭaṃ, idaṃ vanarāmaṇeyyakaṃ nāma. Yaṃ sandhāya vuttaṃ –
‘‘раман̣ийяаани аран̃н̃аани, яад̇т̇а на рамад̇ий ж̇ано;
‘‘Ramaṇīyāni araññāni, yattha na ramatī jano;
вийд̇арааг̇аа рамиссанд̇и, на д̇з гаамаг̇авзсино’’д̇и. (д̇ха. ба. 99);
Vītarāgā ramissanti, na te kāmagavesino’’ti. (dha. pa. 99);
ванам̣ бана сажзби уж̇ж̇ан̇г̇алз ход̇и нируд̣̇агам̣ виралажчааяам̣ ган̣дагасамаагин̣н̣ам̣, б̣уд̣̇д̇хаад̣̇аяобзд̇т̇а арияаа вихаранд̇и, ид̣̇ам̣ буг̇г̇аларааман̣зяяагам̣ наама. яам̣ санд̇хааяа вуд̇д̇ам̣ –
Vanaṃ pana sacepi ujjaṅgale hoti nirudakaṃ viralacchāyaṃ kaṇṭakasamākiṇṇaṃ, buddhādayopettha ariyā viharanti, idaṃ puggalarāmaṇeyyakaṃ nāma. Yaṃ sandhāya vuttaṃ –
‘‘г̇аамз ваа яад̣̇и вааран̃н̃з, ниннз ваа яад̣̇и ваа т̇алз;
‘‘Gāme vā yadi vāraññe, ninne vā yadi vā thale;
яад̇т̇а араханд̇о вихаранд̇и, д̇ам̣ бхуумирааман̣зяяага’’нд̇и. (д̇ха. ба. 98);
Yattha arahanto viharanti, taṃ bhūmirāmaṇeyyaka’’nti. (dha. pa. 98);
ид̇ха бана д̇ам̣ д̣̇увид̇хамби лаб̣бхад̇и. д̇ад̣̇аа хи г̇осин̇г̇асаалаванам̣ саб̣б̣абаалипуллам̣ ход̇и гусумаг̇анд̇хасуг̇анд̇хам̣, сад̣̇звагз жзд̇т̇а логз аг̇г̇абуг̇г̇ало саммаасамб̣уд̣̇д̇хо д̇им̣сасахассамад̇д̇зхи абхин̃н̃аад̇абхигкуухи сад̣̇д̇хим̣ вихарад̇и. д̇ам̣ санд̇хааяа вуд̇д̇ам̣ – ‘‘раман̣ийяам̣, аавусо аананд̣̇а, г̇осин̇г̇асаалавана’’нд̇и.
Idha pana taṃ duvidhampi labbhati. Tadā hi gosiṅgasālavanaṃ sabbapāliphullaṃ hoti kusumagandhasugandhaṃ, sadevake cettha loke aggapuggalo sammāsambuddho tiṃsasahassamattehi abhiññātabhikkhūhi saddhiṃ viharati. Taṃ sandhāya vuttaṃ – ‘‘ramaṇīyaṃ, āvuso ānanda, gosiṅgasālavana’’nti.
д̣̇осинаад̇и д̣̇осаабаг̇ад̇аа, аб̣бхам̣ махигаа д̇хуумо раж̇о раахууд̇и имзхи бан̃жахи убаггилзсзхи вирахид̇аад̇и вуд̇д̇ам̣ ход̇и. саб̣б̣абаалипуллаад̇и саб̣б̣ад̇т̇а баалипуллаа, муулад̇о бадтааяа яаава аг̇г̇аа абубпид̇адтаанам̣ наама над̇т̇и. д̣̇иб̣б̣аа ман̃н̃з г̇анд̇хаа самбаванд̇ийд̇и д̣̇иб̣б̣аа манд̣̇аарабубпаговил̣аарабаарижчад̇д̇агажанд̣̇анажун̣н̣аг̇анд̇хаа вияа саманд̇аа бавааяанд̇и, саггасуяаасанд̇усид̇аниммаанарад̇ибараниммид̇амахааб̣рахмаанам̣ од̇ин̣н̣адтаанам̣ вияа вааяанд̇ийд̇и вуд̇д̇ам̣ ход̇и.
Dosināti dosāpagatā, abbhaṃ mahikā dhūmo rajo rāhūti imehi pañcahi upakkilesehi virahitāti vuttaṃ hoti. Sabbapāliphullāti sabbattha pāliphullā, mūlato paṭṭhāya yāva aggā apupphitaṭṭhānaṃ nāma natthi. Dibbā maññe gandhā sampavantīti dibbā mandārapupphakoviḷārapāricchattakacandanacuṇṇagandhā viya samantā pavāyanti, sakkasuyāsantusitanimmānaratiparanimmitamahābrahmānaṃ otiṇṇaṭṭhānaṃ viya vāyantīti vuttaṃ hoti.
гат̇ам̣руубзна , аавусо аананд̣̇аад̇и аананд̣̇ад̇т̇зро д̇зсам̣ бан̃жаннам̣ т̇зраанам̣ сан̇гханавагова. гасмаа т̇зро д̇ам̣язва батамам̣ бужчад̇ийд̇и? мамааяид̇ад̇д̇аа. д̇з хи д̣̇вз т̇зраа ан̃н̃аман̃н̃ам̣ мамааяим̣су. саарибуд̇д̇ад̇т̇зро, ‘‘маяаа гад̇д̇аб̣б̣ам̣ сад̇т̇у убадтаанам̣ гарод̇ий’’д̇и аананд̣̇ад̇т̇зрам̣ мамааяи. аананд̣̇ад̇т̇зро бхаг̇авад̇о саавагаанам̣ аг̇г̇од̇и саарибуд̇д̇ад̇т̇зрам̣ мамааяи, гулад̣̇аарагз баб̣б̣ааж̇зд̇ваа саарибуд̇д̇ад̇т̇зрасса санд̇игз убаж̇жхам̣ г̇ан̣хаабзси. саарибуд̇д̇ад̇т̇зроби д̇ат̇зва агааси. звам̣ згамзгзна ад̇д̇ано бад̇д̇ажийварам̣ д̣̇ад̇ваа баб̣б̣ааж̇зд̇ваа убаж̇жхам̣ г̇ан̣хаабид̇аани бан̃жа бхигкусад̇аани ахзсум̣. ааяасмаа аананд̣̇о бан̣ийд̇аани жийвараад̣̇ийниби лабхид̇ваа т̇зрассзва д̣̇зд̇и.
Kathaṃrūpena, āvuso ānandāti ānandatthero tesaṃ pañcannaṃ therānaṃ saṅghanavakova. Kasmā thero taṃyeva paṭhamaṃ pucchatīti? Mamāyitattā. Te hi dve therā aññamaññaṃ mamāyiṃsu. Sāriputtatthero, ‘‘mayā kattabbaṃ satthu upaṭṭhānaṃ karotī’’ti ānandattheraṃ mamāyi. Ānandatthero bhagavato sāvakānaṃ aggoti sāriputtattheraṃ mamāyi, kuladārake pabbājetvā sāriputtattherassa santike upajjhaṃ gaṇhāpesi. Sāriputtattheropi tatheva akāsi. Evaṃ ekamekena attano pattacīvaraṃ datvā pabbājetvā upajjhaṃ gaṇhāpitāni pañca bhikkhusatāni ahesuṃ. Āyasmā ānando paṇītāni cīvarādīnipi labhitvā therasseva deti.
зго гира б̣раахман̣о жинд̇зси – ‘‘б̣уд̣̇д̇харад̇анасса жа сан̇гхарад̇анасса жа бууж̇аа бан̃н̃ааяад̇и, гат̇ам̣ ну ко д̇хаммарад̇анам̣ бууж̇ид̇ам̣ наама ход̇ий’’д̇и? со бхаг̇аванд̇ам̣ убасан̇гамид̇ваа зд̇амад̇т̇ам̣ бужчи. бхаг̇аваа ааха – ‘‘сажзси, б̣раахман̣а, д̇хаммарад̇анам̣ бууж̇ид̇угаамо, згам̣ б̣ахуссуд̇ам̣ бууж̇зхий’’д̇и б̣ахуссуд̇ам̣, бханд̇з, аажигкат̇аад̇и бхигкусан̇гхам̣ бужчад̇и. со бхигкусан̇гхам̣ убасан̇гамид̇ваа б̣ахуссуд̇ам̣, бханд̇з, аажигкат̇аад̇и ааха. аананд̣̇ад̇т̇зро б̣раахман̣аад̇и. б̣раахман̣о т̇зрам̣ сахассаг̇гханигзна жийварзна бууж̇зси. т̇зро д̇ам̣ г̇ахзд̇ваа бхаг̇авад̇о санд̇игам̣ аг̇амааси. бхаг̇аваа ‘‘гуд̇о, аананд̣̇а, лад̣̇д̇ха’’нд̇и ааха. згзна, бханд̇з, б̣раахман̣зна д̣̇иннам̣, ид̣̇ам̣ банаахам̣ ааяасмад̇о саарибуд̇д̇асса д̣̇аад̇угаамод̇и. д̣̇зхи, аананд̣̇аад̇и. жааригам̣ багганд̇о, бханд̇зд̇и. ааг̇ад̇агаалз д̣̇зхийд̇и. сигкаабад̣̇ам̣, бханд̇з, бан̃н̃ад̇д̇анд̇и. гад̣̇аа бана саарибуд̇д̇о ааг̇амиссад̇ийд̇и? д̣̇асаахамад̇д̇зна, бханд̇зд̇и. ‘‘ануж̇аанаами, аананд̣̇а, д̣̇асаахабарамам̣ ад̇ирзгажийварам̣ нигкибид̇у’’нд̇и (баараа. 461; махаава. 347) сигкаабад̣̇ам̣ бан̃н̃абзси. саарибуд̇д̇ад̇т̇зроби д̇ат̇зва яам̣гин̃жи манаабам̣ лабхад̇и, д̇ам̣ аананд̣̇ад̇т̇зрасса д̣̇зд̇и. звам̣ д̇з т̇зраа ан̃н̃аман̃н̃ам̣ мамааяим̣су, ид̇и мамааяид̇ад̇д̇аа батамам̣ бужчи.
Eko kira brāhmaṇo cintesi – ‘‘buddharatanassa ca saṅgharatanassa ca pūjā paññāyati, kathaṃ nu kho dhammaratanaṃ pūjitaṃ nāma hotī’’ti? So bhagavantaṃ upasaṅkamitvā etamatthaṃ pucchi. Bhagavā āha – ‘‘sacesi, brāhmaṇa, dhammaratanaṃ pūjitukāmo, ekaṃ bahussutaṃ pūjehī’’ti bahussutaṃ, bhante, ācikkhathāti bhikkhusaṅghaṃ pucchati. So bhikkhusaṅghaṃ upasaṅkamitvā bahussutaṃ, bhante, ācikkhathāti āha. Ānandatthero brāhmaṇāti. Brāhmaṇo theraṃ sahassagghanikena cīvarena pūjesi. Thero taṃ gahetvā bhagavato santikaṃ agamāsi. Bhagavā ‘‘kuto, ānanda, laddha’’nti āha. Ekena, bhante, brāhmaṇena dinnaṃ, idaṃ panāhaṃ āyasmato sāriputtassa dātukāmoti. Dehi, ānandāti. Cārikaṃ pakkanto, bhanteti. Āgatakāle dehīti. Sikkhāpadaṃ, bhante, paññattanti. Kadā pana sāriputto āgamissatīti? Dasāhamattena, bhanteti. ‘‘Anujānāmi, ānanda, dasāhaparamaṃ atirekacīvaraṃ nikkhipitu’’nti (pārā. 461; mahāva. 347) sikkhāpadaṃ paññapesi. Sāriputtattheropi tatheva yaṃkiñci manāpaṃ labhati, taṃ ānandattherassa deti. Evaṃ te therā aññamaññaṃ mamāyiṃsu, iti mamāyitattā paṭhamaṃ pucchi.
абижа анумад̇ибужчаа наамзсаа куд̣̇д̣̇агад̇о бадтааяа бужчид̇аб̣б̣аа ход̇и. д̇асмаа т̇зро жинд̇зси – ‘‘ахам̣ батамам̣ аананд̣̇ам̣ бужчиссаами, аананд̣̇о ад̇д̇ано бадибхаанам̣ б̣яаагариссад̇и. д̇ад̇о рзвад̇ам̣, ануруд̣̇д̇хам̣, махаагассабам̣, махаамог̇г̇аллаанам̣ бужчиссаами. махаамог̇г̇аллаано ад̇д̇ано бадибхаанам̣ б̣яаагариссад̇и. д̇ад̇о бан̃жаби т̇зраа мам̣ бужчиссанд̇и, ахамби ад̇д̇ано бадибхаанам̣ б̣яаагариссаамий’’д̇и. зд̇д̇аавад̇ааби аяам̣ д̇хаммад̣̇зсанаа сикааббад̇д̇аа взбуллаббад̇д̇аа на бхависсад̇и, ат̇а маяам̣ саб̣б̣зби д̣̇асаб̣алам̣ убасан̇гамид̇ваа бужчиссаама, сад̇т̇аа саб̣б̣ан̃н̃уд̇ан̃н̃аан̣зна б̣яаагариссад̇и. зд̇д̇аавад̇аа аяам̣ д̇хаммад̣̇зсанаа сикааббад̇д̇аа взбуллаббад̇д̇аа бхависсад̇и. яат̇аа хи ж̇анабад̣̇амхи уббанно аддо г̇аамабхож̇агам̣ баабун̣аад̇и, д̇асмим̣ нижчид̇ум̣ асаггонд̇з ж̇анабад̣̇абхож̇агам̣ баабун̣аад̇и, д̇асмим̣ асаггонд̇з махаавинижчаяаамажжам̣, д̇асмим̣ асаггонд̇з сзнаабад̇им̣, д̇асмим̣ асаггонд̇з убарааж̇ам̣, д̇асмим̣ винижчид̇ум̣ асаггонд̇з рааж̇аанам̣ баабун̣аад̇и, ран̃н̃аа винижчид̇агаалад̇о бадтааяа аддо абараабарам̣ на сан̃жарад̇и, рааж̇аважанзнзва чиж̇ж̇ад̇и. звамзвам̣ ахан̃хи батамам̣ аананд̣̇ам̣ бужчиссаами…бз… ат̇а маяам̣ саб̣б̣зби д̣̇асаб̣алам̣ убасан̇гамид̇ваа бужчиссаама, сад̇т̇аа саб̣б̣ан̃н̃уд̇ан̃н̃аан̣зна б̣яаагариссад̇и. зд̇д̇аавад̇аа аяам̣ д̇хаммад̣̇зсанаа сикааббад̇д̇аа взбуллаббад̇д̇аа бхависсад̇и. звам̣ анумад̇ибужчам̣ бужчанд̇о т̇зро батамам̣ аананд̣̇ад̇т̇зрам̣ бужчи.
Apica anumatipucchā nāmesā khuddakato paṭṭhāya pucchitabbā hoti. Tasmā thero cintesi – ‘‘ahaṃ paṭhamaṃ ānandaṃ pucchissāmi, ānando attano paṭibhānaṃ byākarissati. Tato revataṃ, anuruddhaṃ, mahākassapaṃ, mahāmoggallānaṃ pucchissāmi. Mahāmoggallāno attano paṭibhānaṃ byākarissati. Tato pañcapi therā maṃ pucchissanti, ahampi attano paṭibhānaṃ byākarissāmī’’ti. Ettāvatāpi ayaṃ dhammadesanā sikhāppattā vepullappattā na bhavissati, atha mayaṃ sabbepi dasabalaṃ upasaṅkamitvā pucchissāma, satthā sabbaññutaññāṇena byākarissati. Ettāvatā ayaṃ dhammadesanā sikhāppattā vepullappattā bhavissati. Yathā hi janapadamhi uppanno aṭṭo gāmabhojakaṃ pāpuṇāti, tasmiṃ nicchituṃ asakkonte janapadabhojakaṃ pāpuṇāti, tasmiṃ asakkonte mahāvinicchayaamaccaṃ, tasmiṃ asakkonte senāpatiṃ, tasmiṃ asakkonte uparājaṃ, tasmiṃ vinicchituṃ asakkonte rājānaṃ pāpuṇāti, raññā vinicchitakālato paṭṭhāya aṭṭo aparāparaṃ na sañcarati, rājavacaneneva chijjati. Evamevaṃ ahañhi paṭhamaṃ ānandaṃ pucchissāmi…pe… atha mayaṃ sabbepi dasabalaṃ upasaṅkamitvā pucchissāma, satthā sabbaññutaññāṇena byākarissati. Ettāvatā ayaṃ dhammadesanā sikhāppattā vepullappattā bhavissati. Evaṃ anumatipucchaṃ pucchanto thero paṭhamaṃ ānandattheraṃ pucchi.
б̣ахуссуд̇о ход̇ийд̇и б̣аху асса суд̇ам̣ ход̇и, наван̇г̇ам̣ сад̇т̇усаасанам̣ баал̣ианусанд̇хибуб̣б̣аабаравасзна уг̇г̇ахид̇ам̣ ход̇ийд̇и ад̇т̇о. суд̇ад̇харод̇и суд̇асса аад̇хаарабхууд̇о. яасса хи ид̇о г̇ахид̇ам̣ ид̇о балааяад̇и, чид̣̇д̣̇агхадз уд̣̇агам̣ вияа на д̇идтад̇и, барисамаж̇жхз згам̣ суд̇д̇ам̣ ваа ж̇аад̇агам̣ ваа гат̇зд̇ум̣ ваа ваажзд̇ум̣ ваа на саггод̇и, аяам̣ на суд̇ад̇харо наама. яасса бана уг̇г̇ахид̇ам̣ б̣уд̣̇д̇хаважанам̣ уг̇г̇ахид̇агааласад̣̇исамзва ход̇и, д̣̇асаби вийсад̇иби вассаани саж̇жхааяам̣ агаронд̇асса на нассад̇и, аяам̣ суд̇ад̇харо наама. суд̇асаннижаяод̇и суд̇асса саннижаяабхууд̇о. яат̇аа хи суд̇ам̣ хад̣̇аяаман̃ж̇уусааяа саннижид̇ам̣ силааяам̣ лзкаа вияа, суван̣н̣агхадз багкид̇д̇асийхавасаа вияа жа аж̇жхосааяа д̇идтад̇и, аяам̣ суд̇асаннижаяо наама. д̇хаад̇аад̇и тид̇аа баг̇ун̣аа. згажжасса хи уг̇г̇ахид̇ам̣ б̣уд̣̇д̇хаважанам̣ д̇хаад̇ам̣ баг̇ун̣ам̣ нижжалид̇ам̣ на ход̇и, асугасуд̇д̇ам̣ ваа ж̇аад̇агам̣ ваа гат̇зхийд̇и вуд̇д̇з саж̇жхааяид̇ваа сам̣санд̣̇ид̇ваа самануг̇г̇аахид̇ваа ж̇ааниссаамийд̇и вад̣̇ад̇и. згажжасса д̇хаад̇ам̣ баг̇ун̣ам̣ бхаван̇г̇асод̇асад̣̇исам̣ ход̇и, асугасуд̇д̇ам̣ ваа ж̇аад̇агам̣ ваа гат̇зхийд̇и вуд̇д̇з уд̣̇д̇харид̇ваа д̇амзва гат̇зд̇и. д̇ам̣ санд̇хааяа вуд̇д̇ам̣ ‘‘д̇хаад̇аа’’д̇и.
Bahussuto hotīti bahu assa sutaṃ hoti, navaṅgaṃ satthusāsanaṃ pāḷianusandhipubbāparavasena uggahitaṃ hotīti attho. Sutadharoti sutassa ādhārabhūto. Yassa hi ito gahitaṃ ito palāyati, chiddaghaṭe udakaṃ viya na tiṭṭhati, parisamajjhe ekaṃ suttaṃ vā jātakaṃ vā kathetuṃ vā vācetuṃ vā na sakkoti, ayaṃ na sutadharo nāma. Yassa pana uggahitaṃ buddhavacanaṃ uggahitakālasadisameva hoti, dasapi vīsatipi vassāni sajjhāyaṃ akarontassa na nassati, ayaṃ sutadharo nāma. Sutasannicayoti sutassa sannicayabhūto. Yathā hi sutaṃ hadayamañjūsāya sannicitaṃ silāyaṃ lekhā viya, suvaṇṇaghaṭe pakkhittasīhavasā viya ca ajjhosāya tiṭṭhati, ayaṃ sutasannicayo nāma. Dhātāti ṭhitā paguṇā. Ekaccassa hi uggahitaṃ buddhavacanaṃ dhātaṃ paguṇaṃ niccalitaṃ na hoti, asukasuttaṃ vā jātakaṃ vā kathehīti vutte sajjhāyitvā saṃsanditvā samanuggāhitvā jānissāmīti vadati. Ekaccassa dhātaṃ paguṇaṃ bhavaṅgasotasadisaṃ hoti, asukasuttaṃ vā jātakaṃ vā kathehīti vutte uddharitvā tameva katheti. Taṃ sandhāya vuttaṃ ‘‘dhātā’’ti.
важасаа барижид̇аад̇и суд̇д̇ад̣̇асага-ваг̇г̇ад̣̇асага-бан̣н̣аасад̣̇асагаанам̣ васзна ваажааяа саж̇жхааяид̇аа. манасаанубзгкид̇аад̇и жид̇д̇зна анубзгкид̇аа, яасса ваажааяа саж̇жхааяид̇ам̣ б̣уд̣̇д̇хаважанам̣ манасаа жинд̇знд̇асса д̇ад̇т̇а д̇ад̇т̇а баагадам̣ ход̇и. махаад̣̇ийбам̣ ж̇аалзд̇ваа тид̇асса руубаг̇ад̇ам̣ вияа бан̃н̃ааяад̇и. д̇ам̣ санд̇хааяа вуд̇д̇ам̣ – ‘‘важасаа барижид̇аа манасаанубзгкид̇аа’’д̇и. д̣̇идтияаа суббадивид̣̇д̇хаад̇и ад̇т̇ад̇о жа гааран̣ад̇о жа бан̃н̃ааяа суббадивид̣̇д̇хаа. бариман̣д̣алзхи бад̣̇аб̣яан̃ж̇анзхийд̇и зд̇т̇а бад̣̇амзва ад̇т̇асса б̣яан̃ж̇анад̇о бад̣̇аб̣яан̃ж̇анам̣, д̇ам̣ агкарабаарибуурим̣ гад̇ваа д̣̇асавид̇хаб̣яан̃ж̇анаб̣уд̣̇д̇хияо абарихаабзд̇ваа вуд̇д̇ам̣ бариман̣д̣алам̣ наама ход̇и, зваруубзхи бад̣̇аб̣яан̃ж̇анзхийд̇и ад̇т̇о. абижа яо бхигку барисад̇и д̇хаммам̣ д̣̇зсзнд̇о суд̇д̇ам̣ ваа ж̇аад̇агам̣ ваа нигкабид̇ваа ан̃н̃ам̣ убаарамбхагарам̣ суд̇д̇ам̣ аахарад̇и, д̇асса убамам̣ гат̇зд̇и, д̇ад̣̇ад̇т̇ам̣ охаарзд̇и, звамид̣̇ам̣ г̇ахзд̇ваа зд̇т̇а кибанд̇о згабассзнзва барихаранд̇о гаалам̣ н̃ад̇ваа вудтахад̇и. нигкид̇д̇асуд̇д̇ам̣ бана нигкад̇д̇амад̇д̇амзва ход̇и, д̇асса гат̇аа абариман̣д̣алаа наама ход̇и. яо бана суд̇д̇ам̣ ваа ж̇аад̇агам̣ ваа нигкибид̇ваа б̣ахи згабад̣̇амби аг̇анд̇ваа баал̣ияаа анусанд̇хин̃жа буб̣б̣аабаран̃жа амагкзнд̇о аажариязхи д̣̇иннанаяз тад̇ваа д̇улигааяа барижчинд̣̇анд̇о вияа, г̇амбхийрамаад̇игааяа уд̣̇агам̣ бзсзнд̇о вияа, бад̣̇ам̣ годдзнд̇о синд̇хавааж̇аанийяо вияа г̇ажчад̇и, д̇асса гат̇аа бариман̣д̣алаа наама ход̇и. зваруубим̣ гат̇ам̣ санд̇хааяа – ‘‘бариман̣д̣алзхи бад̣̇аб̣яан̃ж̇анзхий’’д̇и вуд̇д̇ам̣.
Vacasā paricitāti suttadasaka-vaggadasaka-paṇṇāsadasakānaṃ vasena vācāya sajjhāyitā. Manasānupekkhitāti cittena anupekkhitā, yassa vācāya sajjhāyitaṃ buddhavacanaṃ manasā cintentassa tattha tattha pākaṭaṃ hoti. Mahādīpaṃ jāletvā ṭhitassa rūpagataṃ viya paññāyati. Taṃ sandhāya vuttaṃ – ‘‘vacasā paricitā manasānupekkhitā’’ti. Diṭṭhiyā suppaṭividdhāti atthato ca kāraṇato ca paññāya suppaṭividdhā. Parimaṇḍalehipadabyañjanehīti ettha padameva atthassa byañjanato padabyañjanaṃ, taṃ akkharapāripūriṃ katvā dasavidhabyañjanabuddhiyo aparihāpetvā vuttaṃ parimaṇḍalaṃ nāma hoti, evarūpehi padabyañjanehīti attho. Apica yo bhikkhu parisati dhammaṃ desento suttaṃ vā jātakaṃ vā nikkhapitvā aññaṃ upārambhakaraṃ suttaṃ āharati, tassa upamaṃ katheti, tadatthaṃ ohāreti, evamidaṃ gahetvā ettha khipanto ekapasseneva pariharanto kālaṃ ñatvā vuṭṭhahati. Nikkhittasuttaṃ pana nikkhattamattameva hoti, tassa kathā aparimaṇḍalā nāma hoti. Yo pana suttaṃ vā jātakaṃ vā nikkhipitvā bahi ekapadampi agantvā pāḷiyā anusandhiñca pubbāparañca amakkhento ācariyehi dinnanaye ṭhatvā tulikāya paricchindanto viya, gambhīramātikāya udakaṃ pesento viya, padaṃ koṭṭento sindhavājānīyo viya gacchati, tassa kathā parimaṇḍalā nāma hoti. Evarūpiṃ kathaṃ sandhāya – ‘‘parimaṇḍalehi padabyañjanehī’’ti vuttaṃ.
ануббаб̣анд̇хзхийд̇и зд̇т̇а яо бхигку д̇хаммам̣ гат̇знд̇о суд̇д̇ам̣ ваа ж̇аад̇агам̣ ваа аарабхид̇ваа аарад̣̇д̇хагаалад̇о бадтааяа д̇урид̇ад̇урид̇о аран̣им̣ мант̇знд̇о вияа, ун̣хакаад̣̇анийяам̣ каад̣̇анд̇о вияа, баал̣ияаа анусанд̇хибуб̣б̣аабарзсу г̇ахид̇ам̣ г̇ахид̇амзва аг̇г̇ахид̇ам̣ аг̇г̇ахид̇амзва жа гад̇ваа бураан̣абан̣н̣анд̇арзсу жарамаанам̣ г̇од̇хам̣ удтабзнд̇о вияа д̇ад̇т̇а д̇ад̇т̇а бахаранд̇о осаабзнд̇о охааяа г̇ажчад̇и. яоби д̇хаммам̣ гат̇знд̇о гаалзна сийгхам̣ гаалзна д̣̇анд̇хам̣ гаалзна махаасад̣̇д̣̇ам̣ гаалзна куд̣̇д̣̇агасад̣̇д̣̇ам̣ гарод̇и. яат̇аа бзд̇аг̇г̇и гаалзна ж̇алад̇и, гаалзна ниб̣б̣ааяад̇и, звамзва ид̇ха бзд̇аг̇г̇ид̇хаммагат̇иго наама ход̇и, барисааяа удтаад̇угаамааяа бунаббунам̣ аарабхад̇и. яоби гат̇знд̇о д̇ад̇т̇а д̇ад̇т̇а вид̇т̇ааяад̇и, нид̇т̇унанд̇о ганд̣̇анд̇о вияа гат̇зд̇и, имзсам̣ саб̣б̣зсамби гат̇аа аббаб̣анд̇хаа наама ход̇и. яо бана суд̇д̇ам̣ аарабхид̇ваа аажариязхи д̣̇иннанаяз тид̇о ажчиннад̇хаарам̣ гад̇ваа над̣̇ийсод̇ам̣ вияа бавад̇д̇зд̇и, аагаасаг̇ан̇г̇ад̇о бхассамаанам̣ уд̣̇агам̣ вияа ниранд̇арам̣ гат̇ам̣ бавад̇д̇зд̇и, д̇асса гат̇аа ануббаб̣анд̇хаа ход̇и. д̇ам̣ санд̇хааяа вуд̇д̇ам̣ ‘‘ануббаб̣анд̇хзхий’’д̇и. анусаяасамуг̇гхаад̇ааяаад̇и сад̇д̇аннам̣ анусаяаанам̣ самуг̇гхаад̇ад̇т̇ааяа. зваруубзнаад̇и зваруубзна б̣ахуссуд̇зна бхигкунаа д̇ат̇ааруубзнзва бхигкусад̇зна бхигкусахассзна ваа сан̇гхаадиган̣н̣зна ваа сан̇гхаадиган̣н̣ам̣, баллан̇гзна ваа баллан̇гам̣ аахажжа нисиннзна г̇осин̇г̇асаалаванам̣ собхзяяа. иминаа наязна саб̣б̣аваарзсу ад̇т̇о взд̣̇ид̇аб̣б̣о.
Anuppabandhehīti ettha yo bhikkhu dhammaṃ kathento suttaṃ vā jātakaṃ vā ārabhitvā āraddhakālato paṭṭhāya turitaturito araṇiṃ manthento viya, uṇhakhādanīyaṃ khādanto viya, pāḷiyā anusandhipubbāparesu gahitaṃ gahitameva aggahitaṃ aggahitameva ca katvā purāṇapaṇṇantaresu caramānaṃ godhaṃ uṭṭhapento viya tattha tattha paharanto osāpento ohāya gacchati. Yopi dhammaṃ kathento kālena sīghaṃ kālena dandhaṃ kālena mahāsaddaṃ kālena khuddakasaddaṃ karoti. Yathā petaggi kālena jalati, kālena nibbāyati, evameva idha petaggidhammakathiko nāma hoti, parisāya uṭṭhātukāmāya punappunaṃ ārabhati. Yopi kathento tattha tattha vitthāyati, nitthunanto kandanto viya katheti, imesaṃ sabbesampi kathā appabandhā nāma hoti. Yo pana suttaṃ ārabhitvā ācariyehi dinnanaye ṭhito acchinnadhāraṃ katvā nadīsotaṃ viya pavatteti, ākāsagaṅgato bhassamānaṃ udakaṃ viya nirantaraṃ kathaṃ pavatteti, tassa kathā anuppabandhā hoti. Taṃ sandhāya vuttaṃ ‘‘anuppabandhehī’’ti. Anusayasamugghātāyāti sattannaṃ anusayānaṃ samugghātatthāya. Evarūpenāti evarūpena bahussutena bhikkhunā tathārūpeneva bhikkhusatena bhikkhusahassena vā saṅghāṭikaṇṇena vā saṅghāṭikaṇṇaṃ, pallaṅkena vā pallaṅkaṃ āhacca nisinnena gosiṅgasālavanaṃ sobheyya. Iminā nayena sabbavāresu attho veditabbo.
334. бадисаллаанам̣ асса аараамод̇и бадисаллаанаараамо. бадисаллаанз рад̇од̇и бадисаллаанарад̇о.
334. Paṭisallānaṃ assa ārāmoti paṭisallānārāmo. Paṭisallāne ratoti paṭisallānarato.
335. сахассам̣ логаананд̇и сахассам̣ логад̇хаад̇уунам̣. зд̇д̇аган̃хи т̇зрасса д̇хувасзванам̣ ааваж̇ж̇анабадиб̣ад̣̇д̇хам̣, ааган̇камаано бана т̇зро анзгааниби жаггаваал̣асахассаани вологзд̇иязва. убарибаасаад̣̇авараг̇ад̇од̇и сад̇д̇абхуумагасса ваа навабхуумагасса ваа баасаад̣̇аварасса убари г̇ад̇о. сахассам̣ нзмиман̣д̣алаанам̣ вологзяяаад̇и баасаад̣̇абаривзн̣з наабхияаа бад̇идтид̇аанам̣ нзмиваддияаа нзмиваддим̣ аахажжа тид̇аанам̣ нзмиман̣д̣алаанам̣ сахассам̣ ваад̇абаанам̣ виварид̇ваа ологзяяа, д̇асса наабхияоби баагадаа хонд̇и, арааби аранд̇арааниби нзмияоби. звамзва ко, аавусод̇и, аавусо, звам̣ аяамби д̣̇иб̣б̣ажагкуго бхигку д̣̇иб̣б̣зна жагкунаа ад̇игганд̇амаанусагзна сахассам̣ логаанам̣ вологзд̇и. д̇асса баасаад̣̇з тид̇абурисасса жагганаабхияо вияа жаггаваал̣асахассз синзрусахассам̣ баагадам̣ ход̇и. араа вияа д̣̇ийбаа баагадаа хонд̇и. аранд̇араани вияа д̣̇ийбадтид̇амануссаа баагадаа хонд̇и. нзмияо вияа жаггаваал̣абаб̣б̣ад̇аа баагадаа хонд̇и.
335.Sahassaṃlokānanti sahassaṃ lokadhātūnaṃ. Ettakañhi therassa dhuvasevanaṃ āvajjanapaṭibaddhaṃ, ākaṅkhamāno pana thero anekānipi cakkavāḷasahassāni voloketiyeva. Uparipāsādavaragatoti sattabhūmakassa vā navabhūmakassa vā pāsādavarassa upari gato. Sahassaṃ nemimaṇḍalānaṃ volokeyyāti pāsādapariveṇe nābhiyā patiṭṭhitānaṃ nemivaṭṭiyā nemivaṭṭiṃ āhacca ṭhitānaṃ nemimaṇḍalānaṃ sahassaṃ vātapānaṃ vivaritvā olokeyya, tassa nābhiyopi pākaṭā honti, arāpi arantarānipi nemiyopi. Evameva kho, āvusoti, āvuso, evaṃ ayampi dibbacakkhuko bhikkhu dibbena cakkhunā atikkantamānusakena sahassaṃ lokānaṃ voloketi. Tassa pāsāde ṭhitapurisassa cakkanābhiyo viya cakkavāḷasahasse sinerusahassaṃ pākaṭaṃ hoti. Arā viya dīpā pākaṭā honti. Arantarāni viya dīpaṭṭhitamanussā pākaṭā honti. Nemiyo viya cakkavāḷapabbatā pākaṭā honti.
336. ааран̃н̃игод̇и самаад̣̇ин̣н̣ааран̃н̃ад̇худ̇ан̇г̇о. сзсабад̣̇зсуби зсзва наяо.
336.Āraññikoti samādiṇṇaaraññadhutaṅgo. Sesapadesupi eseva nayo.
337. но жа сам̣саад̣̇знд̇ийд̇и на осаад̣̇знд̇и. сахзд̇уган̃хи сагааран̣ам̣ гад̇ваа бан̃хам̣ бужчид̇ум̣ виссаж̇ж̇ид̇умби асаггонд̇о сам̣саад̣̇зд̇и наама. звам̣ на гаронд̇ийд̇и ад̇т̇о. бавад̇д̇иний ход̇ийд̇и над̣̇ийсод̇од̣̇агам̣ вияа бавад̇д̇ад̇и.
337.No ca saṃsādentīti na osādenti. Sahetukañhi sakāraṇaṃ katvā pañhaṃ pucchituṃ vissajjitumpi asakkonto saṃsādeti nāma. Evaṃ na karontīti attho. Pavattinī hotīti nadīsotodakaṃ viya pavattati.
338. яааяа вихаарасамаабад̇д̇ияаад̇и яааяа логияааяа вихаарасамаабад̇д̇ияаа, яааяа логуд̇д̇арааяа вихаарасамаабад̇д̇ияаа.
338.Yāyavihārasamāpattiyāti yāya lokiyāya vihārasamāpattiyā, yāya lokuttarāya vihārasamāpattiyā.
339. саад̇ху саад̇ху саарибуд̇д̇аад̇и аяам̣ саад̇хугааро аананд̣̇ад̇т̇зрасса д̣̇инно. саарибуд̇д̇ад̇т̇зрзна бана сад̣̇д̇хим̣ бхаг̇аваа аалабад̇и. зса наяо саб̣б̣ад̇т̇а. яат̇аа д̇ам̣ аананд̣̇оваад̇и яат̇аа аананд̣̇ова саммаа б̣яаагаран̣амаано б̣яаагарзяяа, звам̣ б̣яаагад̇ам̣ аананд̣̇зна ад̇д̇ано анужчавигамзва, аж̇жхаасаяаануруубамзва б̣яаагад̇анд̇и ад̇т̇о. аананд̣̇ад̇т̇зро хи ад̇д̇анааби б̣ахуссуд̇о, аж̇жхаасаяобисса звам̣ ход̇и – ‘‘ахо вад̇а саасанз саб̣рахмажаарий б̣ахуссуд̇аа бхавзяяу’’нд̇и. гасмаа? б̣ахуссуд̇асса хи габбияаагаббияам̣ сааваж̇ж̇аанаваж̇ж̇ам̣, г̇аругалахугам̣ сад̇згижчаад̇згижчам̣ баагадам̣ ход̇и. б̣ахуссуд̇о уг̇г̇ахид̇аб̣уд̣̇д̇хаважанам̣ ааваж̇ж̇ид̇ваа имасмим̣ таанз сийлам̣ гат̇ид̇ам̣, имасмим̣ самаад̇хи, имасмим̣ вибассанаа, имасмим̣ маг̇г̇апаланиб̣б̣аанаанийд̇и сийласса ааг̇ад̇адтаанз сийлам̣ буурзд̇ваа, самаад̇хисса ааг̇ад̇адтаанз самаад̇хим̣ буурзд̇ваа вибассанааяа ааг̇ад̇адтаанз вибассанааг̇аб̣бхам̣ г̇ан̣хаабзд̇ваа маг̇г̇ам̣ бхаавзд̇ваа палам̣ сажчигарод̇и. д̇асмаа т̇зрасса звам̣ аж̇жхаасаяо ход̇и – ‘‘ахо вад̇а саб̣рахмажаарий згам̣ ваа д̣̇вз ваа д̇аяо ваа жад̇д̇ааро ваа бан̃жа ваа нигааяз уг̇г̇ахзд̇ваа ааваж̇ж̇анд̇аа сийлаад̣̇ийнам̣ ааг̇ад̇адтаанзсу сийлаад̣̇ийни барибуурзд̇ваа ануггамзна маг̇г̇апаланиб̣б̣аанаани сажчигарзяяу’’нд̇и. сзсаваарзсуби зсзва наяо.
339.Sādhu sādhu sāriputtāti ayaṃ sādhukāro ānandattherassa dinno. Sāriputtattherena pana saddhiṃ bhagavā ālapati. Esa nayo sabbattha. Yathā taṃ ānandovāti yathā ānandova sammā byākaraṇamāno byākareyya, evaṃ byākataṃ ānandena attano anucchavikameva, ajjhāsayānurūpameva byākatanti attho. Ānandatthero hi attanāpi bahussuto, ajjhāsayopissa evaṃ hoti – ‘‘aho vata sāsane sabrahmacārī bahussutā bhaveyyu’’nti. Kasmā? Bahussutassa hi kappiyākappiyaṃ sāvajjānavajjaṃ, garukalahukaṃ satekicchātekicchaṃ pākaṭaṃ hoti. Bahussuto uggahitabuddhavacanaṃ āvajjitvā imasmiṃ ṭhāne sīlaṃ kathitaṃ, imasmiṃ samādhi, imasmiṃ vipassanā, imasmiṃ maggaphalanibbānānīti sīlassa āgataṭṭhāne sīlaṃ pūretvā, samādhissa āgataṭṭhāne samādhiṃ pūretvā vipassanāya āgataṭṭhāne vipassanāgabbhaṃ gaṇhāpetvā maggaṃ bhāvetvā phalaṃ sacchikaroti. Tasmā therassa evaṃ ajjhāsayo hoti – ‘‘aho vata sabrahmacārī ekaṃ vā dve vā tayo vā cattāro vā pañca vā nikāye uggahetvā āvajjantā sīlādīnaṃ āgataṭṭhānesu sīlādīni paripūretvā anukkamena maggaphalanibbānāni sacchikareyyu’’nti. Sesavāresupi eseva nayo.
340. ааяасмаа хи рзвад̇о жхаанаж̇жхаасаяо жхаанаабхирад̇о, д̇асмаасса звам̣ ход̇и – ‘‘ахо вад̇а саб̣рахмажаарий згигаа нисийд̣̇ид̇ваа гасин̣абаригаммам̣ гад̇ваа адта самаабад̇д̇ияо ниб̣б̣ад̇д̇зд̇ваа жхаанабад̣̇адтаанам̣ вибассанам̣ вад̣дхзд̇ваа логуд̇д̇арад̇хаммам̣ сажчигарзяяу’’нд̇и. д̇асмаа звам̣ б̣яаагааси.
340. Āyasmā hi revato jhānajjhāsayo jhānābhirato, tasmāssa evaṃ hoti – ‘‘aho vata sabrahmacārī ekikā nisīditvā kasiṇaparikammaṃ katvā aṭṭha samāpattiyo nibbattetvā jhānapadaṭṭhānaṃ vipassanaṃ vaḍḍhetvā lokuttaradhammaṃ sacchikareyyu’’nti. Tasmā evaṃ byākāsi.
341. ааяасмаа ануруд̣̇д̇хо д̣̇иб̣б̣ажагкуго, д̇асса звам̣ ход̇и – ‘‘ахо вад̇а саб̣рахмажаарий аалогам̣ вад̣дхзд̇ваа д̣̇иб̣б̣зна жагкунаа анзгзсу жаггаваал̣асахассзсу жавамаанз жа убабаж̇ж̇амаанз жа сад̇д̇з д̣̇исваа ваддабхаязна жид̇д̇ам̣ сам̣взж̇зд̇ваа вибассанам̣ вад̣дхзд̇ваа логуд̇д̇арад̇хаммам̣ сажчигарзяяу’’нд̇и. д̇асмаа звам̣ б̣яаагааси.
341. Āyasmā anuruddho dibbacakkhuko, tassa evaṃ hoti – ‘‘aho vata sabrahmacārī ālokaṃ vaḍḍhetvā dibbena cakkhunā anekesu cakkavāḷasahassesu cavamāne ca upapajjamāne ca satte disvā vaṭṭabhayena cittaṃ saṃvejetvā vipassanaṃ vaḍḍhetvā lokuttaradhammaṃ sacchikareyyu’’nti. Tasmā evaṃ byākāsi.
342. ааяасмаа махаагассабо д̇худ̇аваад̣̇о, д̇асса звам̣ ход̇и – ‘‘ахо вад̇а саб̣рахмажаарий д̇худ̇аваад̣̇аа худ̇ваа д̇худ̇ан̇г̇аанубхаавзна бажжаяад̇ан̣хам̣ милаабзд̇ваа абарзби наанаббагаарз гилзсз д̇хунид̇ваа вибассанам̣ вад̣дхзд̇ваа логуд̇д̇арад̇хаммам̣ сажчигарзяяу’’нд̇и. д̇асмаа звам̣ б̣яаагааси.
342. Āyasmā mahākassapo dhutavādo, tassa evaṃ hoti – ‘‘aho vata sabrahmacārī dhutavādā hutvā dhutaṅgānubhāvena paccayataṇhaṃ milāpetvā aparepi nānappakāre kilese dhunitvā vipassanaṃ vaḍḍhetvā lokuttaradhammaṃ sacchikareyyu’’nti. Tasmā evaṃ byākāsi.
343. ааяасмаа махаамог̇г̇аллаано самаад̇хибаарамияаа мад̇т̇агам̣ бад̇д̇о, сукумам̣ бана жид̇д̇анд̇арам̣ канд̇ханд̇арам̣ д̇хаад̇ванд̇арам̣ ааяад̇ананд̇арам̣ жхааногганд̇игам̣ аарамман̣огганд̇игам̣ ан̇г̇ававад̇т̇аанам̣ аарамман̣ававад̇т̇аанам̣ ан̇г̇асан̇ганд̇и аарамман̣асан̇ганд̇и згад̇овад̣дханам̣ убхад̇овад̣дхананд̇и аабхид̇хаммигад̇хаммагат̇игассзва баагадам̣. анаабхид̇хаммиго хи д̇хаммам̣ гат̇знд̇о – ‘‘аяам̣ сагаваад̣̇о аяам̣ бараваад̣̇о’’д̇и на ж̇аанаад̇и. сагаваад̣̇ам̣ д̣̇ийбзссаамийд̇и бараваад̣̇ам̣ д̣̇ийбзд̇и, бараваад̣̇ам̣ д̣̇ийбзссаамийд̇и сагаваад̣̇ам̣ д̣̇ийбзд̇и, д̇хамманд̇арам̣ висам̣ваад̣̇зд̇и. аабхид̇хаммиго сагаваад̣̇ам̣ сагаваад̣̇анияаамзнзва , бараваад̣̇ам̣ бараваад̣̇анияаамзнзва д̣̇ийбзд̇и, д̇хамманд̇арам̣ на висам̣ваад̣̇зд̇и. д̇асмаа т̇зрасса звам̣ ход̇и – ‘‘ахо вад̇а саб̣рахмажаарий аабхид̇хаммигаа худ̇ваа сукумзсу таанзсу н̃аан̣ам̣ од̇аарзд̇ваа вибассанам̣ вад̣дхзд̇ваа логуд̇д̇арад̇хаммам̣ сажчигарзяяу’’нд̇и. д̇асмаа звам̣ б̣яаагааси.
343. Āyasmā mahāmoggallāno samādhipāramiyā matthakaṃ patto, sukhumaṃ pana cittantaraṃ khandhantaraṃ dhātvantaraṃ āyatanantaraṃ jhānokkantikaṃ ārammaṇokkantikaṃ aṅgavavatthānaṃ ārammaṇavavatthānaṃ aṅgasaṅkanti ārammaṇasaṅkanti ekatovaḍḍhanaṃ ubhatovaḍḍhananti ābhidhammikadhammakathikasseva pākaṭaṃ. Anābhidhammiko hi dhammaṃ kathento – ‘‘ayaṃ sakavādo ayaṃ paravādo’’ti na jānāti. Sakavādaṃ dīpessāmīti paravādaṃ dīpeti, paravādaṃ dīpessāmīti sakavādaṃ dīpeti, dhammantaraṃ visaṃvādeti. Ābhidhammiko sakavādaṃ sakavādaniyāmeneva , paravādaṃ paravādaniyāmeneva dīpeti, dhammantaraṃ na visaṃvādeti. Tasmā therassa evaṃ hoti – ‘‘aho vata sabrahmacārī ābhidhammikā hutvā sukhumesu ṭhānesu ñāṇaṃ otāretvā vipassanaṃ vaḍḍhetvā lokuttaradhammaṃ sacchikareyyu’’nti. Tasmā evaṃ byākāsi.
344. ааяасмаа саарибуд̇д̇о бан̃н̃аабаарамияаа мад̇т̇агам̣ бад̇д̇о, бан̃н̃авааязва жа жид̇д̇ам̣ ад̇д̇ано васз вад̇д̇зд̇ум̣ саггод̇и, на д̣̇уббан̃н̃о. д̣̇уббан̃н̃о хи уббаннасса жид̇д̇асса васз вад̇д̇зд̇ваа ид̇о жид̇о жа вибпанд̣̇ид̇вааби гад̇ибаахзнзва г̇ихибхаавам̣ бад̇ваа анаяаб̣яасанам̣ баабун̣аад̇и. д̇асмаа т̇зрасса звам̣ ход̇и – ‘‘ахо вад̇а саб̣рахмажаарий ажид̇д̇авасигаа худ̇ваа жид̇д̇ам̣ ад̇д̇ано васз вад̇д̇зд̇ваа саб̣б̣аанасса висзвид̇авибпанд̣̇ид̇аани бхан̃ж̇ид̇ваа ийсагамби б̣ахи нигкамид̇ум̣ ад̣̇знд̇аа вибассанам̣ вад̣дхзд̇ваа логуд̇д̇арад̇хаммам̣ сажчигарзяяу’’нд̇и. д̇асмаа звам̣ б̣яаагааси.
344. Āyasmā sāriputto paññāpāramiyā matthakaṃ patto, paññavāyeva ca cittaṃ attano vase vattetuṃ sakkoti, na duppañño. Duppañño hi uppannassa cittassa vase vattetvā ito cito ca vipphanditvāpi katipāheneva gihibhāvaṃ patvā anayabyasanaṃ pāpuṇāti. Tasmā therassa evaṃ hoti – ‘‘aho vata sabrahmacārī acittavasikā hutvā cittaṃ attano vase vattetvā sabbānassa visevitavipphanditāni bhañjitvā īsakampi bahi nikkhamituṃ adentā vipassanaṃ vaḍḍhetvā lokuttaradhammaṃ sacchikareyyu’’nti. Tasmā evaṃ byākāsi.
345. саб̣б̣зсам̣ во, саарибуд̇д̇а, субхаасид̇ам̣ барияааязнаад̇и саарибуд̇д̇а, яасмаа сан̇гхаараамасса наама б̣ахуссуд̇абхигкуухиби собханагааран̣ам̣ ад̇т̇и, жхаанаабхирад̇зхиби, д̣̇иб̣б̣ажагкугзхиби, д̇худ̇аваад̣̇зхиби, аабхид̇хаммигзхиби, ажид̇д̇авасигзхиби собханагааран̣ам̣ ад̇т̇и. д̇асмаа саб̣б̣зсам̣ во субхаасид̇ам̣ барияааязна, д̇зна д̇зна гааран̣зна субхаасид̇амзва, но д̣̇уб̣бхаасид̇ам̣. абижа мамаби сун̣аат̇аад̇и абижа мамаби важанам̣ сун̣аат̇а. на д̇ааваахам̣ имам̣ баллан̇гам̣ бхинд̣̇иссаамийд̇и на д̇аава ахам̣ имам̣ жад̇уран̇г̇авийрияам̣ ад̇хидтааяа аабхуж̇ид̇ам̣ баллан̇гам̣ бхинд̣̇иссаами, на можзссаамийд̇и ад̇т̇о. ид̣̇ам̣ гира бхаг̇аваа барибаагаг̇ад̇з н̃аан̣з раж̇ж̇асирим̣ бахааяа гад̇аабхинигкамано анубуб̣б̣зна б̣од̇химан̣д̣ам̣ ааруяха жад̇уран̇г̇авийрияам̣ ад̇хидтааяа абарааж̇ид̇абаллан̇гам̣ аабхуж̇ид̇ваа д̣̇ал̣хасамаад̣̇аано худ̇ваа нисинно д̇ин̣н̣ам̣ маараанам̣ мад̇т̇агам̣ бхинд̣̇ид̇ваа бажжуусасамаяз д̣̇асасахассилогад̇хаад̇ум̣ уннаад̣̇знд̇о саб̣б̣ан̃н̃уд̇ан̃н̃аан̣ам̣ бадивиж̇жхи, д̇ам̣ ад̇д̇ано махааб̣од̇хибаллан̇гам̣ санд̇хааяа звамааха. абижа бажчимам̣ ж̇анад̇ам̣ анугамбамааноби бадибад̇д̇исаарам̣ бут̇уж̇ж̇анагаляаан̣агам̣ д̣̇ассзнд̇о звамааха. бассад̇и хи бхаг̇аваа – ‘‘анааг̇ад̇з звам̣ аж̇жхаасаяаа гулабуд̇д̇аа ид̇и бадисан̃жигкиссанд̇и, ‘бхаг̇аваа махааг̇осин̇г̇асуд̇д̇ам̣ гат̇знд̇о ид̇ха, саарибуд̇д̇а, бхигку бажчаабхад̇д̇ам̣…бз… зваруубзна ко, саарибуд̇д̇а, бхигкунаа г̇осин̇г̇асаалаванам̣ собхзяяаад̇и ааха, маяам̣ бхаг̇авад̇о аж̇жхаасаяам̣ г̇ан̣хиссаамаа’д̇и бажчаабхад̇д̇ам̣ бин̣д̣абаад̇абадигганд̇аа жад̇уран̇г̇авийрияам̣ ад̇хидтааяа д̣̇ал̣хасамаад̣̇аанаа худ̇ваа ‘арахад̇д̇ам̣ аббад̇ваа имам̣ баллан̇гам̣ на бхинд̣̇иссаамаа’д̇и саман̣ад̇хаммам̣ гаад̇аб̣б̣ам̣ ман̃н̃иссанд̇и, д̇з звам̣ бадибаннаа гад̇ибаахзнзва ж̇аад̇иж̇араамаран̣асса анд̇ам̣ гариссанд̇ий’’д̇и, имам̣ бажчимам̣ ж̇анад̇ам̣ анугамбамаано бадибад̇д̇исаарам̣ бут̇уж̇ж̇анагаляаан̣агам̣ д̣̇ассзнд̇о звамааха. зваруубзна ко, саарибуд̇д̇а, бхигкунаа г̇осин̇г̇асаалаванам̣ собхзяяаад̇и, саарибуд̇д̇а, зваруубзна бхигкунаа ниббарияааязнзва г̇осин̇г̇асаалаванам̣ собхзяяаад̇и яат̇аанусанд̇хинаава д̣̇зсанам̣ нидтабзсийд̇и.
345.Sabbesaṃ vo, sāriputta, subhāsitaṃ pariyāyenāti sāriputta, yasmā saṅghārāmassa nāma bahussutabhikkhūhipi sobhanakāraṇaṃ atthi, jhānābhiratehipi, dibbacakkhukehipi, dhutavādehipi, ābhidhammikehipi, acittavasikehipi sobhanakāraṇaṃ atthi. Tasmā sabbesaṃ vo subhāsitaṃ pariyāyena, tena tena kāraṇena subhāsitameva, no dubbhāsitaṃ. Apica mamapi suṇāthāti apica mamapi vacanaṃ suṇātha. Na tāvāhaṃ imaṃ pallaṅkaṃ bhindissāmīti na tāva ahaṃ imaṃ caturaṅgavīriyaṃ adhiṭṭhāya ābhujitaṃ pallaṅkaṃ bhindissāmi, na mocessāmīti attho. Idaṃ kira bhagavā paripākagate ñāṇe rajjasiriṃ pahāya katābhinikkhamano anupubbena bodhimaṇḍaṃ āruyha caturaṅgavīriyaṃ adhiṭṭhāya aparājitapallaṅkaṃ ābhujitvā daḷhasamādāno hutvā nisinno tiṇṇaṃ mārānaṃ matthakaṃ bhinditvā paccūsasamaye dasasahassilokadhātuṃ unnādento sabbaññutaññāṇaṃ paṭivijjhi, taṃ attano mahābodhipallaṅkaṃ sandhāya evamāha. Apica pacchimaṃ janataṃ anukampamānopi paṭipattisāraṃ puthujjanakalyāṇakaṃ dassento evamāha. Passati hi bhagavā – ‘‘anāgate evaṃ ajjhāsayā kulaputtā iti paṭisañcikkhissanti, ‘bhagavā mahāgosiṅgasuttaṃ kathento idha, sāriputta, bhikkhu pacchābhattaṃ…pe… evarūpena kho, sāriputta, bhikkhunā gosiṅgasālavanaṃ sobheyyāti āha, mayaṃ bhagavato ajjhāsayaṃ gaṇhissāmā’ti pacchābhattaṃ piṇḍapātapaṭikkantā caturaṅgavīriyaṃ adhiṭṭhāya daḷhasamādānā hutvā ‘arahattaṃ appatvā imaṃ pallaṅkaṃ na bhindissāmā’ti samaṇadhammaṃ kātabbaṃ maññissanti, te evaṃ paṭipannā katipāheneva jātijarāmaraṇassa antaṃ karissantī’’ti, imaṃ pacchimaṃ janataṃ anukampamāno paṭipattisāraṃ puthujjanakalyāṇakaṃ dassento evamāha. Evarūpena kho, sāriputta, bhikkhunā gosiṅgasālavanaṃ sobheyyāti, sāriputta, evarūpena bhikkhunā nippariyāyeneva gosiṅgasālavanaṃ sobheyyāti yathānusandhināva desanaṃ niṭṭhapesīti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махааг̇осин̇г̇асуд̇д̇аван̣н̣анаа нидтид̇аа.
Mahāgosiṅgasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. махааг̇осин̇г̇асуд̇д̇ам̣ • 2. Mahāgosiṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. махааг̇осин̇г̇асуд̇д̇аван̣н̣анаа • 2. Mahāgosiṅgasuttavaṇṇanā
