Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā

    5. махааг̇овинд̣̇ажарияааван̣н̣анаа

    5. Mahāgovindacariyāvaṇṇanā

    бан̃жамз сад̇д̇арааж̇абурохид̇од̇и сад̇д̇абхууаад̣̇ийнам̣ сад̇д̇аннам̣ рааж̇уунам̣ саб̣б̣агижжаанусаасагабурохид̇о. бууж̇ид̇о нарад̣̇звзхийд̇и д̇зхи зва ан̃н̃зхи жа ж̇амб̣уд̣̇ийбз саб̣б̣зхзва кад̇д̇иязхи жад̇убажжаяабууж̇ааяа саггаарасаммаанзна жа бууж̇ид̇о. махааг̇овинд̣̇аб̣раахман̣од̇и махаанубхаавад̇ааяа г̇овинд̣̇ассаабхисзгзна абхисид̇д̇ад̇ааяа жа ‘‘махааг̇овинд̣̇о’’д̇и сан̇кам̣ г̇ад̇о б̣раахман̣о, абхисид̇д̇агаалад̇о бадтааяа хи б̣од̇хисад̇д̇асса аяам̣ саман̃н̃аа ж̇аад̇аа, наамзна бана ж̇од̇ибаало наама. д̇асса гира ж̇аад̇ад̣̇ивасз саб̣б̣аавуд̇хаани ж̇од̇им̣су. рааж̇ааби бажжуусасамаяз ад̇д̇ано ман̇г̇алаавуд̇хам̣ баж̇ж̇алид̇ам̣ д̣̇исваа бхийд̇о ад̇д̇ано бурохид̇ам̣ б̣од̇хисад̇д̇асса бид̇арам̣ убадтаанам̣ ааг̇ад̇ам̣ бужчид̇ваа ‘‘маа бхааяи, махаарааж̇а, маяхам̣ буд̇д̇о ж̇аад̇о, д̇ассаанубхаавзна на гзвалам̣ рааж̇аг̇зхзязва, сагаланаг̇арзби аавуд̇хаани баж̇ж̇алим̣су, на д̇ам̣ ниссааяа д̇уяхам̣ анд̇арааяо ад̇т̇и, сагалаж̇амб̣уд̣̇ийбз бана бан̃н̃ааяа д̇зна само на бхависсад̇и, д̇ассзд̇ам̣ буб̣б̣анимид̇д̇а’’нд̇и бурохид̇зна самассаасид̇о д̇удтажид̇д̇о ‘‘гумаарасса кийрамуулам̣ ход̇уу’’д̇и сахассам̣ д̣̇ад̇ваа ‘‘ваяаббад̇д̇агаалз маяхам̣ д̣̇ассзт̇аа’’д̇и ааха. со вуд̣̇д̇хиббад̇д̇о абарабхааг̇з аламад̇т̇ад̣̇ассо сад̇д̇аннам̣ рааж̇уунам̣ саб̣б̣агижжаанусаасаго худ̇ваа баб̣б̣аж̇ид̇ваа жа сад̇д̇з д̣̇идтад̇хаммигасамбарааяигзхи анад̇т̇зхи баалзд̇ваа ад̇т̇зхи нияож̇зси. ид̇и ж̇од̇ид̇ад̇д̇аа бааланасамад̇т̇ад̇ааяа жа ‘‘ж̇од̇ибаало’’д̇исса наамам̣ агам̣су. д̇зна вуд̇д̇ам̣ ‘‘наамзна ж̇од̇ибаало наамаа’’д̇и (д̣̇ий. ни. 2.304).

    Pañcame sattarājapurohitoti sattabhūādīnaṃ sattannaṃ rājūnaṃ sabbakiccānusāsakapurohito. Pūjito naradevehīti tehi eva aññehi ca jambudīpe sabbeheva khattiyehi catupaccayapūjāya sakkārasammānena ca pūjito. Mahāgovindabrāhmaṇoti mahānubhāvatāya govindassābhisekena abhisittatāya ca ‘‘mahāgovindo’’ti saṅkhaṃ gato brāhmaṇo, abhisittakālato paṭṭhāya hi bodhisattassa ayaṃ samaññā jātā, nāmena pana jotipālo nāma. Tassa kira jātadivase sabbāvudhāni jotiṃsu. Rājāpi paccūsasamaye attano maṅgalāvudhaṃ pajjalitaṃ disvā bhīto attano purohitaṃ bodhisattassa pitaraṃ upaṭṭhānaṃ āgataṃ pucchitvā ‘‘mā bhāyi, mahārāja, mayhaṃ putto jāto, tassānubhāvena na kevalaṃ rājageheyeva, sakalanagarepi āvudhāni pajjaliṃsu, na taṃ nissāya tuyhaṃ antarāyo atthi, sakalajambudīpe pana paññāya tena samo na bhavissati, tassetaṃ pubbanimitta’’nti purohitena samassāsito tuṭṭhacitto ‘‘kumārassa khīramūlaṃ hotū’’ti sahassaṃ datvā ‘‘vayappattakāle mayhaṃ dassethā’’ti āha. So vuddhippatto aparabhāge alamatthadasso sattannaṃ rājūnaṃ sabbakiccānusāsako hutvā pabbajitvā ca satte diṭṭhadhammikasamparāyikehi anatthehi pāletvā atthehi niyojesi. Iti jotitattā pālanasamatthatāya ca ‘‘jotipālo’’tissa nāmaṃ akaṃsu. Tena vuttaṃ ‘‘nāmena jotipālo nāmā’’ti (dī. ni. 2.304).

    д̇ад̇т̇а б̣од̇хисад̇д̇о д̣̇исамбад̇исса наама ран̃н̃о бурохид̇асса г̇овинд̣̇аб̣раахман̣асса буд̇д̇о худ̇ваа ад̇д̇ано бид̇у д̇асса жа ран̃н̃о ажжаязна д̇асса буд̇д̇о рзн̣у, сахааяаа жасса сад̇д̇абхуу, б̣рахмад̣̇ад̇д̇о, взссабхуу , бхарад̇о, д̣̇вз жа д̇хад̇арадтаад̇и имз сад̇д̇а рааж̇аано яат̇аа ан̃н̃аман̃н̃ам̣ на вивад̣̇анд̇и. звам̣ раж̇ж̇з бад̇идтаабзд̇ваа д̇зсам̣ ад̇т̇ад̇хаммз анусаасанд̇о ж̇амб̣уд̣̇ийбад̇алз саб̣б̣зсам̣ рааж̇уунам̣ ан̃н̃зсан̃жа б̣раахман̣аанам̣ д̣̇званааг̇аг̇ахабад̇игаанам̣ саггад̇о г̇аругад̇о маанид̇о бууж̇ид̇о абажид̇о уд̇д̇амам̣ г̇ааравадтаанам̣ бад̇д̇о ахоси. д̇асса ад̇т̇ад̇хаммзсу гусалад̇ааяа ‘‘махааг̇овинд̣̇о’’д̇взва саман̃н̃аа уд̣̇абаад̣̇и. яат̇ааха ‘‘г̇овинд̣̇о вад̇а, бхо б̣раахман̣о, махааг̇овинд̣̇о вад̇а, бхо б̣раахман̣о’’д̇и (д̣̇ий. ни. 2.305). д̇зна вуд̇д̇ам̣ –

    Tattha bodhisatto disampatissa nāma rañño purohitassa govindabrāhmaṇassa putto hutvā attano pitu tassa ca rañño accayena tassa putto reṇu, sahāyā cassa sattabhū, brahmadatto, vessabhū , bharato, dve ca dhataraṭṭhāti ime satta rājāno yathā aññamaññaṃ na vivadanti. Evaṃ rajje patiṭṭhāpetvā tesaṃ atthadhamme anusāsanto jambudīpatale sabbesaṃ rājūnaṃ aññesañca brāhmaṇānaṃ devanāgagahapatikānaṃ sakkato garukato mānito pūjito apacito uttamaṃ gāravaṭṭhānaṃ patto ahosi. Tassa atthadhammesu kusalatāya ‘‘mahāgovindo’’tveva samaññā udapādi. Yathāha ‘‘govindo vata, bho brāhmaṇo, mahāgovindo vata, bho brāhmaṇo’’ti (dī. ni. 2.305). Tena vuttaṃ –

    37.

    37.

    ‘‘бунаабарам̣ яад̣̇аа хоми, сад̇д̇арааж̇абурохид̇о;

    ‘‘Punāparaṃ yadā homi, sattarājapurohito;

    бууж̇ид̇о нарад̣̇звзхи, махааг̇овинд̣̇аб̣раахман̣о’’д̇и.

    Pūjito naradevehi, mahāgovindabrāhmaṇo’’ti.

    ат̇а б̣од̇хисад̇д̇асса бун̃н̃аанубхаавасамуссаахид̇зхи рааж̇уухи д̇зсам̣ ануяуд̇д̇зхи кад̇д̇иязхи б̣раахман̣аг̇ахабад̇игзхи нзг̇амаж̇аанабад̣̇зхи жа убаруубари убанийд̇о саманд̇ад̇о махогхо вияа аж̇жход̇т̇арамаано абаримзяяо ул̣ааро лаабхасаггааро уббаж̇ж̇и, яат̇аа д̇ам̣ абаримаан̣аасу ж̇аад̇ийсу убажид̇авибулабун̃н̃асан̃жаяасса ул̣аараабхиж̇аад̇асса барисуд̣̇д̇хасийлаажаарасса бзсаласса барияод̣̇аад̇асаб̣б̣асиббасса саб̣б̣асад̇д̇зсу буд̇д̇асад̣̇исамахаагарун̣аавибпаарасинид̣̇д̇хамуд̣̇ухад̣̇аяасса. со жинд̇зси – ‘‘зд̇арахи ко маяхам̣ махаалаабхасаггааро, яам̣нуунаахам̣ иминаа саб̣б̣асад̇д̇з санд̇аббзд̇ваа д̣̇аанабаарамим̣ барибуурзяяа’’нд̇и. со наг̇арасса маж̇жхз жад̇уусу д̣̇ваарзсу ад̇д̇ано нивзсанад̣̇ваарзд̇и ча д̣̇аанасаалааяо гаарзд̇ваа д̣̇звасигам̣ абаримид̇ад̇ханабарижжааг̇зна махаад̣̇аанам̣ бавад̇д̇зси. яам̣ яам̣ убааяанам̣ аанийяад̇и, яан̃жа ад̇д̇ано ад̇т̇ааяа абхисан̇карийяад̇и, саб̣б̣ам̣ д̇ам̣ д̣̇аанасаалаасу зва бзсзси. звам̣ д̣̇ивасз д̣̇ивасз махаабарижжааг̇ам̣ гаронд̇асса жасса жид̇д̇асса д̇ид̇д̇и ваа санд̇осо ваа наахоси, гуд̇о бана сан̇гожо. д̣̇аанаг̇г̇ан̃жасса лаабхаасааяа ааг̇ажчанд̇зхи д̣̇зяяад̇хаммам̣ г̇ахзд̇ваа г̇ажчанд̇зхи жа махаасад̇д̇асса жа г̇ун̣ависзсз гид̇д̇аяанд̇зхи махааж̇анагааязхи анд̇онаг̇арам̣ б̣ахинаг̇аран̃жа саманд̇ад̇о згогхабхууд̇ам̣ габбавудтаанамахаавааяусан̇гхаддабариб̣бхамид̇ам̣ вияа махаасамуд̣̇д̣̇ам̣ згаголаахалам̣ зганиннаад̣̇ам̣ ахоси. д̇зна вуд̇д̇ам̣ –

    Atha bodhisattassa puññānubhāvasamussāhitehi rājūhi tesaṃ anuyuttehi khattiyehi brāhmaṇagahapatikehi negamajānapadehi ca uparūpari upanīto samantato mahogho viya ajjhottharamāno aparimeyyo uḷāro lābhasakkāro uppajji, yathā taṃ aparimāṇāsu jātīsu upacitavipulapuññasañcayassa uḷārābhijātassa parisuddhasīlācārassa pesalassa pariyodātasabbasippassa sabbasattesu puttasadisamahākaruṇāvipphārasiniddhamuduhadayassa. So cintesi – ‘‘etarahi kho mayhaṃ mahālābhasakkāro, yaṃnūnāhaṃ iminā sabbasatte santappetvā dānapāramiṃ paripūreyya’’nti. So nagarassa majjhe catūsu dvāresu attano nivesanadvāreti cha dānasālāyo kāretvā devasikaṃ aparimitadhanapariccāgena mahādānaṃ pavattesi. Yaṃ yaṃ upāyanaṃ ānīyati, yañca attano atthāya abhisaṅkharīyati, sabbaṃ taṃ dānasālāsu eva pesesi. Evaṃ divase divase mahāpariccāgaṃ karontassa cassa cittassa titti vā santoso vā nāhosi, kuto pana saṅkoco. Dānaggañcassa lābhāsāya āgacchantehi deyyadhammaṃ gahetvā gacchantehi ca mahāsattassa ca guṇavisese kittayantehi mahājanakāyehi antonagaraṃ bahinagarañca samantato ekoghabhūtaṃ kappavuṭṭhānamahāvāyusaṅghaṭṭaparibbhamitaṃ viya mahāsamuddaṃ ekakolāhalaṃ ekaninnādaṃ ahosi. Tena vuttaṃ –

    38.

    38.

    ‘‘д̇ад̣̇аахам̣ сад̇д̇араж̇ж̇зсу, яам̣ мз ааси убааяанам̣;

    ‘‘Tadāhaṃ sattarajjesu, yaṃ me āsi upāyanaṃ;

    д̇зна д̣̇зми махаад̣̇аанам̣, агкобхам̣ сааг̇аруубама’’нд̇и.

    Tena demi mahādānaṃ, akkhobhaṃ sāgarūpama’’nti.

    д̇ад̇т̇а д̇ад̣̇ааханд̇и яад̣̇аа сад̇д̇арааж̇абурохид̇о махааг̇овинд̣̇аб̣раахман̣о хоми, д̇ад̣̇аа ахам̣. сад̇д̇араж̇ж̇зсууд̇и рзн̣уаад̣̇ийнам̣ сад̇д̇аннам̣ рааж̇уунам̣ раж̇ж̇зсу. агкобханд̇и аб̣бханд̇арзхи жа б̣аахирзхи жа бажжад̇т̇игзхи аббадисзд̇ханийяад̇ааяа гзнажи агкобханийяам̣. ‘‘ажжуб̣бха’’нд̇иби баато. ад̇ибун̣н̣ад̣̇аанаж̇жхаасаяасса д̣̇зяяад̇хаммасса жа ул̣аарабхаавзна вибулабхаавзна жа ад̇ивияа барибун̣н̣анд̇и ад̇т̇о. сааг̇аруубаманд̇и сааг̇арасад̣̇исам̣, яат̇аа сааг̇арз уд̣̇агам̣ сагалзнаби логзна харанд̇зна кзбзд̇ум̣ на саггаа, звам̣ д̇асса д̣̇аанаг̇г̇з д̣̇зяяад̇хамманд̇и.

    Tattha tadāhanti yadā sattarājapurohito mahāgovindabrāhmaṇo homi, tadā ahaṃ. Sattarajjesūti reṇuādīnaṃ sattannaṃ rājūnaṃ rajjesu. Akkhobhanti abbhantarehi ca bāhirehi ca paccatthikehi appaṭisedhanīyatāya kenaci akkhobhanīyaṃ. ‘‘Accubbha’’ntipi pāṭho. Atipuṇṇadānajjhāsayassa deyyadhammassa ca uḷārabhāvena vipulabhāvena ca ativiya paripuṇṇanti attho. Sāgarūpamanti sāgarasadisaṃ, yathā sāgare udakaṃ sakalenapi lokena harantena khepetuṃ na sakkā, evaṃ tassa dānagge deyyadhammanti.

    39. осаанаг̇аат̇ааяа варам̣ д̇хананд̇и уд̇д̇амам̣ ижчид̇ам̣ ваа д̇ханам̣. сзсам̣ вуд̇д̇анаяамзва.

    39. Osānagāthāya varaṃ dhananti uttamaṃ icchitaṃ vā dhanaṃ. Sesaṃ vuttanayameva.

    звам̣ махаасад̇д̇о батамагаббигамахаамзгхо вияа махаавассам̣ авибхааг̇зна маханд̇ам̣ д̣̇аанавассам̣ вассаабзнд̇о д̣̇аанаб̣яаавадо худ̇вааби сзсам̣ сад̇д̇аннам̣ рааж̇уунам̣ ад̇т̇ад̇хаммз аббамад̇д̇о анусаасад̇и. сад̇д̇а жа б̣раахман̣амахаасаалз виж̇ж̇аасиббам̣ сигкаабзд̇и, сад̇д̇а жа нхаад̇агасад̇аани манд̇з ваажзд̇и. д̇асса абарзна самаязна звам̣ галяаан̣о гид̇д̇исад̣̇д̣̇о аб̣бхуг̇г̇ад̇о ‘‘сагки махааг̇овинд̣̇о б̣раахман̣о б̣рахмаанам̣ бассад̇и, сагки махааг̇овинд̣̇о б̣раахман̣о б̣рахмунаа саагажчзд̇и саллабад̇и манд̇зд̇ий’’д̇и (д̣̇ий. ни. 2.312). со жинд̇зси – ‘‘зд̇арахи ко маяхам̣ аяам̣ абхууд̇о гид̇д̇исад̣̇д̣̇о аб̣бхуг̇г̇ад̇о ‘б̣рахмаанам̣ бассад̇и, сагки махааг̇овинд̣̇о б̣раахман̣о б̣рахмунаа саагажчзд̇и саллабад̇и манд̇зд̇ий’д̇и, яам̣нуунаахам̣ имам̣ бхууд̇ам̣ зва гарзяяа’’нд̇и. со ‘‘д̇з сад̇д̇а рааж̇аано сад̇д̇а жа б̣раахман̣амахаасаалз сад̇д̇а жа нхаад̇агасад̇аани ад̇д̇ано буд̇д̇ад̣̇ааран̃жа аабужчид̇ваа б̣рахмаанам̣ бассзяяа’’нд̇и жид̇д̇ам̣ бан̣ид̇хааяа вассигз жад̇д̇ааро маасз б̣рахмавихаарабхааванамануяун̃ж̇и. д̇асса жзд̇асаа жзд̇обаривид̇аггаман̃н̃ааяа б̣рахмаа санан̇гумааро бурад̇о баад̇урахоси. д̇ам̣ д̣̇исваа махаабурисо бужчи –

    Evaṃ mahāsatto paṭhamakappikamahāmegho viya mahāvassaṃ avibhāgena mahantaṃ dānavassaṃ vassāpento dānabyāvaṭo hutvāpi sesaṃ sattannaṃ rājūnaṃ atthadhamme appamatto anusāsati. Satta ca brāhmaṇamahāsāle vijjāsippaṃ sikkhāpeti, satta ca nhātakasatāni mante vāceti. Tassa aparena samayena evaṃ kalyāṇo kittisaddo abbhuggato ‘‘sakkhi mahāgovindo brāhmaṇo brahmānaṃ passati, sakkhi mahāgovindo brāhmaṇo brahmunā sākaccheti sallapati mantetī’’ti (dī. ni. 2.312). So cintesi – ‘‘etarahi kho mayhaṃ ayaṃ abhūto kittisaddo abbhuggato ‘brahmānaṃ passati, sakkhi mahāgovindo brāhmaṇo brahmunā sākaccheti sallapati mantetī’ti, yaṃnūnāhaṃ imaṃ bhūtaṃ eva kareyya’’nti. So ‘‘te satta rājāno satta ca brāhmaṇamahāsāle satta ca nhātakasatāni attano puttadārañca āpucchitvā brahmānaṃ passeyya’’nti cittaṃ paṇidhāya vassike cattāro māse brahmavihārabhāvanamanuyuñji. Tassa cetasā cetoparivitakkamaññāya brahmā sanaṅkumāro purato pāturahosi. Taṃ disvā mahāpuriso pucchi –

    ‘‘ван̣н̣аваа яасаваа сиримаа, го ну д̇вамаси маариса;

    ‘‘Vaṇṇavā yasavā sirimā, ko nu tvamasi mārisa;

    аж̇аананд̇аа д̇ам̣ бужчаама, гат̇ам̣ ж̇аанзму д̇ам̣ маяа’’нд̇и. (д̣̇ий. ни. 2.318);

    Ajānantā taṃ pucchāma, kathaṃ jānemu taṃ maya’’nti. (dī. ni. 2.318);

    д̇асса б̣рахмаа ад̇д̇аанам̣ ж̇аанаабзнд̇о –

    Tassa brahmā attānaṃ jānāpento –

    ‘‘мам̣ вз гумаарам̣ ж̇аананд̇и, б̣рахмалогз сананд̇анам̣;

    ‘‘Maṃ ve kumāraṃ jānanti, brahmaloke sanantanaṃ;

    саб̣б̣з ж̇аананд̇и мам̣ д̣̇зваа, звам̣ г̇овинд̣̇а ж̇аанаахий’’д̇и. (д̣̇ий. ни. 2.318) –

    Sabbe jānanti maṃ devā, evaṃ govinda jānāhī’’ti. (dī. ni. 2.318) –

    вад̇ваа д̇зна –

    Vatvā tena –

    ‘‘аасанам̣ уд̣̇агам̣ баж̇ж̇ам̣, мад̇хусааган̃жа б̣рахмуно;

    ‘‘Āsanaṃ udakaṃ pajjaṃ, madhusākañca brahmuno;

    аг̇гхз бхаванд̇ам̣ бужчаама, аг̇гхам̣ гуруд̇у но бхава’’нд̇и. (д̣̇ий. ни. 2.318) –

    Agghe bhavantaṃ pucchāma, agghaṃ kurutu no bhava’’nti. (dī. ni. 2.318) –

    убанийд̇ам̣ ад̇ит̇исаггаарам̣ анад̇т̇игоби б̣рахмаа д̇асса жид̇д̇асамбахам̣санад̇т̇ам̣ виссаасагаран̣ад̇т̇ан̃жа самбадижчанд̇о ‘‘бадиг̇г̇ан̣хаама д̇з аг̇гхам̣, яам̣, д̇вам̣ г̇овинд̣̇а, бхаасасий’’д̇и. вад̇ваа огаасад̣̇аанад̇т̇ам̣ –

    Upanītaṃ atithisakkāraṃ anatthikopi brahmā tassa cittasampahaṃsanatthaṃ vissāsakaraṇatthañca sampaṭicchanto ‘‘paṭiggaṇhāma te agghaṃ, yaṃ, tvaṃ govinda, bhāsasī’’ti. Vatvā okāsadānatthaṃ –

    ‘‘д̣̇идтад̇хаммахид̇ад̇т̇ааяа, самбарааяасукааяа жа;

    ‘‘Diṭṭhadhammahitatthāya, samparāyasukhāya ca;

    гад̇аавагаасо бужчассу, яам̣гин̃жи абхибад̇т̇ид̇а’’нд̇и. (д̣̇ий. ни. 2.318) –

    Katāvakāso pucchassu, yaṃkiñci abhipatthita’’nti. (dī. ni. 2.318) –

    огаасамагааси.

    Okāsamakāsi.

    ат̇а нам̣ махаабурисо самбарааяигам̣ зва ад̇т̇ам̣ –

    Atha naṃ mahāpuriso samparāyikaṃ eva atthaṃ –

    ‘‘бужчаами б̣рахмаанам̣ санан̇гумаарам̣, ган̇кий аган̇ким̣ баравзд̣̇иязсу;

    ‘‘Pucchāmi brahmānaṃ sanaṅkumāraṃ, kaṅkhī akaṅkhiṃ paravediyesu;

    гад̇т̇адтид̇о гимхи жа сигкамаано, баббод̇и мажжо амад̇ам̣ б̣рахмалога’’нд̇и. (д̣̇ий. ни. 2.319) –

    Katthaṭṭhito kimhi ca sikkhamāno, pappoti macco amataṃ brahmaloka’’nti. (dī. ni. 2.319) –

    бужчи.

    Pucchi.

    д̇асса б̣рахмаа б̣яаагаронд̇о –

    Tassa brahmā byākaronto –

    ‘‘хид̇ваа мамад̇д̇ам̣ мануж̇зсу б̣рахмз, згод̣̇ибхууд̇о гарун̣зд̇химуд̇д̇о;

    ‘‘Hitvā mamattaṃ manujesu brahme, ekodibhūto karuṇedhimutto;

    нираамаг̇анд̇хо вирад̇о мзт̇унасмаа, зд̇т̇адтид̇о зд̇т̇а жа сигкамаано;

    Nirāmagandho virato methunasmā, etthaṭṭhito ettha ca sikkhamāno;

    баббод̇и мажжо амад̇ам̣ б̣рахмалога’’нд̇и. (д̣̇ий. ни. 2.319) –

    Pappoti macco amataṃ brahmaloka’’nti. (dī. ni. 2.319) –

    б̣рахмалогаг̇аамимаг̇г̇ам̣ гат̇зси.

    Brahmalokagāmimaggaṃ kathesi.

    д̇ад̇т̇а мам̣ вз гумаарам̣ ж̇аананд̇ийд̇и вз згам̣сзна мам̣ ‘‘гумааро’’д̇и ж̇аананд̇и. б̣рахмалогзд̇и сздталогз. сананд̇ананд̇и жирад̇анам̣ бораан̣ам̣. звам̣, г̇овинд̣̇а, ж̇аанаахийд̇и, г̇овинд̣̇а, звам̣ мам̣ д̇хаарзхи.

    Tattha maṃ ve kumāraṃ jānantīti ve ekaṃsena maṃ ‘‘kumāro’’ti jānanti. Brahmaloketi seṭṭhaloke. Sanantananti ciratanaṃ porāṇaṃ. Evaṃ, govinda, jānāhīti, govinda, evaṃ maṃ dhārehi.

    аасананд̇и ид̣̇ам̣ бход̇о б̣рахмуно нисийд̣̇анад̇т̇ааяа аасанам̣ бан̃н̃ад̇д̇ам̣. ид̣̇ам̣ уд̣̇агам̣ барибхож̇анийяам̣ баад̣̇аанам̣ д̇хованад̇т̇ам̣ баанийяам̣ бибаасахаран̣ад̇т̇ааяа. ид̣̇ам̣ баж̇ж̇ам̣ бариссамавинод̣̇анад̇т̇ам̣ баад̣̇аб̣бхан̃ж̇анад̇злам̣. ид̣̇ам̣ мад̇хусаагам̣ ад̇аггам̣ алон̣игам̣ ад̇хуубанам̣ уд̣̇агзна сзд̣̇ид̇ам̣ саагам̣ санд̇хааяа вад̣̇ад̇и. д̇ад̣̇аа хи б̣од̇хисад̇д̇асса д̇ам̣ жад̇умаасам̣ б̣рахмажарияам̣ абхисаллзкавуд̇д̇ибарамуггадтам̣ ахоси. д̇ассимз саб̣б̣з аг̇гхз гад̇ваа бужчаама, д̇аяид̣̇ам̣ аг̇гхам̣ гуруд̇у бадиг̇г̇ан̣хаад̇у но бхавам̣ ид̣̇ам̣ аг̇гханд̇и вуд̇д̇ам̣ ход̇и. ид̇и махаабурисо б̣рахмуно нзсам̣ абарибхун̃ж̇анам̣ ж̇аананд̇оби вад̇д̇асийсз тад̇ваа ад̇д̇ано аажин̣н̣ам̣ ад̇ит̇ибууж̇анам̣ д̣̇ассзнд̇о звамааха. б̣рахмаабисса ад̇хиббааяам̣ ж̇аананд̇о ‘‘бадиг̇г̇ан̣хаама д̇з аг̇гхам̣, яам̣ д̇вам̣, г̇овинд̣̇а, бхаасасий’’д̇и ааха.

    Āsananti idaṃ bhoto brahmuno nisīdanatthāya āsanaṃ paññattaṃ. Idaṃ udakaṃ paribhojanīyaṃ pādānaṃ dhovanatthaṃ pānīyaṃ pipāsaharaṇatthāya. Idaṃ pajjaṃ parissamavinodanatthaṃ pādabbhañjanatelaṃ. Idaṃ madhusākaṃ atakkaṃ aloṇikaṃ adhūpanaṃ udakena seditaṃ sākaṃ sandhāya vadati. Tadā hi bodhisattassa taṃ catumāsaṃ brahmacariyaṃ abhisallekhavuttiparamukkaṭṭhaṃ ahosi. Tassime sabbe agghe katvā pucchāma, tayidaṃ agghaṃ kurutu paṭiggaṇhātu no bhavaṃ idaṃ agghanti vuttaṃ hoti. Iti mahāpuriso brahmuno nesaṃ aparibhuñjanaṃ jānantopi vattasīse ṭhatvā attano āciṇṇaṃ atithipūjanaṃ dassento evamāha. Brahmāpissa adhippāyaṃ jānanto ‘‘paṭiggaṇhāma te agghaṃ, yaṃ tvaṃ, govinda, bhāsasī’’ti āha.

    д̇ад̇т̇а д̇асса д̇з аасанз маяам̣ нисиннаа наама хома, баад̣̇од̣̇агзна баад̣̇аа д̇ход̇аа наама хонд̇у, баанийяам̣ бийд̇аа наама хома, баад̣̇аб̣бхан̃ж̇анзна баад̣̇аа магкид̇аа наама хонд̇у, уд̣̇агасаагамби барибхуд̇д̇ам̣ наама ход̇ууд̇и ад̇т̇о.

    Tattha tassa te āsane mayaṃ nisinnā nāma homa, pādodakena pādā dhotā nāma hontu, pānīyaṃ pītā nāma homa, pādabbhañjanena pādā makkhitā nāma hontu, udakasākampi paribhuttaṃ nāma hotūti attho.

    ган̇кий аган̇ким̣ баравзд̣̇иязсууд̇и ахам̣ савижигижчо барзна саяам̣ абхисан̇кад̇ад̇д̇аа барасса баагадзсу баравзд̣̇иязсу бан̃хзсу ниб̣б̣ижигижчам̣.

    Kaṅkhī akaṅkhiṃ paravediyesūti ahaṃ savicikiccho parena sayaṃ abhisaṅkhatattā parassa pākaṭesu paravediyesu pañhesu nibbicikicchaṃ.

    хид̇ваа мамад̇д̇анд̇и ‘‘ид̣̇ам̣ мама, ид̣̇ам̣ мамаа’’д̇и бавад̇д̇анагам̣ убагаран̣ад̇ан̣хам̣ жаж̇ид̇ваа. мануж̇зсууд̇и сад̇д̇зсу. б̣рахмзд̇и б̣од̇хисад̇д̇ам̣ аалабад̇и. згод̣̇ибхууд̇од̇и зго уд̣̇зд̇и бавад̇д̇ад̇ийд̇и згод̣̇ибхууд̇о згийбхууд̇о, згзна гааяавивзгам̣ д̣̇ассзд̇и. ат̇а ваа зго уд̣̇зд̇ийд̇и згод̣̇и, самаад̇хи. д̇ам̣ бхууд̇о бад̇д̇од̇и згод̣̇ибхууд̇о, убажаараббанаасамаад̇хийхи самаахид̇од̇и ад̇т̇о. зд̇ам̣ згод̣̇ибхаавам̣ гарун̣ааб̣рахмавихааравасзна д̣̇ассзнд̇о ‘‘гарун̣зд̇химуд̇д̇о’’д̇и ааха. гарун̣аж̇жхаанз ад̇химуд̇д̇о, д̇ам̣ жхаанам̣ ниб̣б̣ад̇д̇зд̇ваад̇и ад̇т̇о. нираамаг̇анд̇ход̇и гилзсасан̇каад̇ависсаг̇анд̇харахид̇о. зд̇т̇адтид̇од̇и зд̇зсу д̇хаммзсу тид̇о, зд̇з д̇хаммз самбаад̣̇зд̇ваа. зд̇т̇а жа сигкамаанод̇и зд̇зсу д̇хаммзсу сигкамаано , зд̇ам̣ б̣рахмавихаарабхааванам̣ бхаавзнд̇од̇и ад̇т̇о. аяамзд̇т̇а сан̇кзбо, вид̇т̇ааро бана баал̣ияам̣ (д̣̇ий. ни. 2.293 аад̣̇аяо) ааг̇ад̇оязваад̇и.

    Hitvā mamattanti ‘‘idaṃ mama, idaṃ mamā’’ti pavattanakaṃ upakaraṇataṇhaṃ cajitvā. Manujesūti sattesu. Brahmeti bodhisattaṃ ālapati. Ekodibhūtoti eko udeti pavattatīti ekodibhūto ekībhūto, ekena kāyavivekaṃ dasseti. Atha vā eko udetīti ekodi, samādhi. Taṃ bhūto pattoti ekodibhūto, upacārappanāsamādhīhi samāhitoti attho. Etaṃ ekodibhāvaṃ karuṇābrahmavihāravasena dassento ‘‘karuṇedhimutto’’ti āha. Karuṇajjhāne adhimutto, taṃ jhānaṃ nibbattetvāti attho. Nirāmagandhoti kilesasaṅkhātavissagandharahito. Etthaṭṭhitoti etesu dhammesu ṭhito, ete dhamme sampādetvā. Ettha ca sikkhamānoti etesu dhammesu sikkhamāno , etaṃ brahmavihārabhāvanaṃ bhāventoti attho. Ayamettha saṅkhepo, vitthāro pana pāḷiyaṃ (dī. ni. 2.293 ādayo) āgatoyevāti.

    ат̇а махаабурисо д̇асса б̣рахмуно важанам̣ суд̇ваа аамаг̇анд̇хз ж̇иг̇ужчанд̇о ‘‘ид̣̇аанзваахам̣ баб̣б̣аж̇иссаамий’’д̇и ааха. б̣рахмааби ‘‘саад̇ху, махаабуриса, баб̣б̣аж̇ассу. звам̣ сад̇и маяхамби д̇ава санд̇игз ааг̇аманам̣ свааг̇аманамзва бхависсад̇и, д̇вам̣, д̇аад̇а, сагалаж̇амб̣уд̣̇ийбз аг̇г̇абурисо батамаваяз тид̇о, звам̣ маханд̇ам̣ наама самбад̇д̇им̣ иссарияан̃жа бахааяа баб̣б̣аж̇анам̣ наама г̇анд̇хахад̇т̇ино аяоб̣анд̇ханам̣ чинд̣̇ид̇ваа ванаг̇аманам̣ вияа ад̇иул̣аарам̣, б̣уд̣̇д̇хад̇анд̇и наамзсаа’’д̇и махааб̣од̇хисад̇д̇асса д̣̇ал̣хийгаммам̣ гад̇ваа б̣рахмалогамзва г̇ад̇о. махаасад̇д̇оби ‘‘мама ид̇о нигкамид̇ваа баб̣б̣аж̇анам̣ наама на яуд̇д̇ам̣, ахам̣ рааж̇агулаанам̣ ад̇т̇ам̣ анусаасаами, д̇асмаа д̇зсам̣ аарожзд̇ваа сажз д̇зби баб̣б̣аж̇анд̇и сунд̣̇арамзва, но жз бурохид̇адтаанам̣ нияяаад̇зд̇ваа баб̣б̣аж̇иссаамий’’д̇и жинд̇зд̇ваа рзн̣усса д̇аава ран̃н̃о аарожзд̇ваа д̇зна бхияяосомад̇д̇ааяа гаамзхи ниманд̇ияамаано ад̇д̇ано сам̣взг̇ахзд̇ум̣ зганд̇зна баб̣б̣аж̇ид̇угаамад̇ан̃жасса нивзд̣̇зд̇ваа д̇зна ‘‘яад̣̇и звам̣ ахамби баб̣б̣аж̇иссаамий’’д̇и вуд̇д̇з ‘‘саад̇хуу’’д̇и самбадижчид̇ваа зд̇знзва наязна сад̇д̇абхууаад̣̇аяо ча кад̇д̇ияз, сад̇д̇а жа б̣раахман̣амахаасаалз, сад̇д̇а жа нхаад̇агасад̇аани, ад̇д̇ано бхарияааяо жа аабужчид̇ваа сад̇д̇аахамад̇д̇амзва д̇зсам̣ жид̇д̇аанурагкан̣ад̇т̇ам̣ тад̇ваа махаабхинигкаманасад̣̇исам̣ нигкамид̇ваа баб̣б̣аж̇и.

    Atha mahāpuriso tassa brahmuno vacanaṃ sutvā āmagandhe jigucchanto ‘‘idānevāhaṃ pabbajissāmī’’ti āha. Brahmāpi ‘‘sādhu, mahāpurisa, pabbajassu. Evaṃ sati mayhampi tava santike āgamanaṃ svāgamanameva bhavissati, tvaṃ, tāta, sakalajambudīpe aggapuriso paṭhamavaye ṭhito, evaṃ mahantaṃ nāma sampattiṃ issariyañca pahāya pabbajanaṃ nāma gandhahatthino ayobandhanaṃ chinditvā vanagamanaṃ viya atiuḷāraṃ, buddhatanti nāmesā’’ti mahābodhisattassa daḷhīkammaṃ katvā brahmalokameva gato. Mahāsattopi ‘‘mama ito nikkhamitvā pabbajanaṃ nāma na yuttaṃ, ahaṃ rājakulānaṃ atthaṃ anusāsāmi, tasmā tesaṃ ārocetvā sace tepi pabbajanti sundarameva, no ce purohitaṭṭhānaṃ niyyātetvā pabbajissāmī’’ti cintetvā reṇussa tāva rañño ārocetvā tena bhiyyosomattāya kāmehi nimantiyamāno attano saṃvegahetuṃ ekantena pabbajitukāmatañcassa nivedetvā tena ‘‘yadi evaṃ ahampi pabbajissāmī’’ti vutte ‘‘sādhū’’ti sampaṭicchitvā eteneva nayena sattabhūādayo cha khattiye, satta ca brāhmaṇamahāsāle, satta ca nhātakasatāni, attano bhariyāyo ca āpucchitvā sattāhamattameva tesaṃ cittānurakkhaṇatthaṃ ṭhatvā mahābhinikkhamanasadisaṃ nikkhamitvā pabbaji.

    д̇асса д̇з сад̇д̇арааж̇аано аад̣̇им̣ гад̇ваа саб̣б̣зва анубаб̣б̣аж̇им̣су. саа ахоси махад̇ий барисаа. анзгаяож̇анавид̇т̇аарааяа барисааяа баривуд̇о махаабурисо д̇хаммам̣ д̣̇зсзнд̇о г̇ааманиг̇амаж̇анабад̣̇арааж̇ад̇хаанийсу жааригам̣ жарад̇и, махааж̇анам̣ бун̃н̃з бад̇идтаабзд̇и. г̇ад̇аг̇ад̇адтаанз б̣уд̣̇д̇хаголаахалам̣ вияа ход̇и. мануссаа ‘‘г̇овинд̣̇абан̣д̣ид̇о гира ааг̇ажчад̇ий’’д̇и суд̇ваа бурзд̇арамзва ман̣д̣абам̣ гаарзд̇ваа д̇ам̣ алан̇гаараабзд̇ваа бажжуг̇г̇анд̇ваа ман̣д̣абам̣ бавзсзд̇ваа наанаг̇г̇арасабхож̇анзна бад̇имаанзнд̇и. махаалаабхасаггааро махогхо вияа аж̇жход̇т̇аранд̇о уббаж̇ж̇и. махаабурисо махааж̇анам̣ бун̃н̃з бад̇идтаабзси сийласамбад̣̇ааяа инд̣̇рияасам̣варз бхож̇анз мад̇д̇ан̃н̃уд̇ааяа ж̇ааг̇арияаануяог̇з гасин̣абаригаммз жхаанзсу абхин̃н̃аасу адтасамаабад̇д̇ийсу б̣рахмавихаарзсууд̇и. б̣уд̣̇д̇хуббаад̣̇агаало вияа ахоси.

    Tassa te sattarājāno ādiṃ katvā sabbeva anupabbajiṃsu. Sā ahosi mahatī parisā. Anekayojanavitthārāya parisāya parivuto mahāpuriso dhammaṃ desento gāmanigamajanapadarājadhānīsu cārikaṃ carati, mahājanaṃ puññe patiṭṭhāpeti. Gatagataṭṭhāne buddhakolāhalaṃ viya hoti. Manussā ‘‘govindapaṇḍito kira āgacchatī’’ti sutvā puretarameva maṇḍapaṃ kāretvā taṃ alaṅkārāpetvā paccuggantvā maṇḍapaṃ pavesetvā nānaggarasabhojanena patimānenti. Mahālābhasakkāro mahogho viya ajjhottharanto uppajji. Mahāpuriso mahājanaṃ puññe patiṭṭhāpesi sīlasampadāya indriyasaṃvare bhojane mattaññutāya jāgariyānuyoge kasiṇaparikamme jhānesu abhiññāsu aṭṭhasamāpattīsu brahmavihāresūti. Buddhuppādakālo viya ahosi.

    б̣од̇хисад̇д̇о яаавад̇ааяугам̣ баарамияо буурзнд̇о самаабад̇д̇исукзна вийд̇инаамзд̇ваа ааяубарияосаанз б̣рахмалогз ниб̣б̣ад̇д̇и. д̇асса д̇ам̣ б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇ам̣ жирам̣ д̣̇ийгхамад̣̇д̇хаанам̣ бавад̇д̇ид̇т̇а. д̇асса яз саасанам̣ саб̣б̣зна саб̣б̣ам̣ ааж̇ааним̣су, д̇з гааяасса бхзд̣̇аа барам̣ маран̣аа суг̇ад̇им̣ б̣рахмалогам̣ убабаж̇ж̇им̣су. яз на ааж̇ааним̣су, д̇з аббзгажжз бараниммид̇авасавад̇д̇ийнам̣ д̣̇зваанам̣ сахаб̣яад̇ам̣ убабаж̇ж̇им̣су. аббзгажжз ниммаанарад̇ийнам̣…бз… д̇усид̇аанам̣ яаамаанам̣ д̇аавад̇им̣саанам̣ жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇им̣су. яз саб̣б̣анихийнаа, д̇з г̇анд̇хаб̣б̣агааяам̣ барибуурзсум̣. ид̇и махааж̇ано язбхуяязна б̣рахмалогуубаг̇о саг̇г̇уубаг̇о жа ахоси. д̇асмаа д̣̇зваб̣рахмалогаа барибуурим̣су. жад̇д̇ааро абааяаа сун̃н̃аа вияа ахзсум̣.

    Bodhisatto yāvatāyukaṃ pāramiyo pūrento samāpattisukhena vītināmetvā āyupariyosāne brahmaloke nibbatti. Tassa taṃ brahmacariyaṃ iddhañceva phītañca vitthārikaṃ bāhujaññaṃ puthubhūtaṃ yāva devamanussehi suppakāsitaṃ ciraṃ dīghamaddhānaṃ pavattittha. Tassa ye sāsanaṃ sabbena sabbaṃ ājāniṃsu, te kāyassa bhedā paraṃ maraṇā sugatiṃ brahmalokaṃ upapajjiṃsu. Ye na ājāniṃsu, te appekacce paranimmitavasavattīnaṃ devānaṃ sahabyataṃ upapajjiṃsu. Appekacce nimmānaratīnaṃ…pe… tusitānaṃ yāmānaṃ tāvatiṃsānaṃ cātumahārājikānaṃ devānaṃ sahabyataṃ upapajjiṃsu. Ye sabbanihīnā, te gandhabbakāyaṃ paripūresuṃ. Iti mahājano yebhuyyena brahmalokūpago saggūpago ca ahosi. Tasmā devabrahmalokā paripūriṃsu. Cattāro apāyā suññā viya ahesuṃ.

    ид̇хааби агид̇д̇иж̇аад̇агз (ж̇аа. 1.13.83 аад̣̇аяо) вияа б̣од̇хисамбхааранид̣̇д̇хааран̣аа взд̣̇ид̇аб̣б̣аа – д̇ад̣̇аа сад̇д̇а рааж̇аано махаат̇зраа ахзсум̣, сзсабарисаа б̣уд̣̇д̇хабарисаа, махааг̇овинд̣̇о логанаат̇о. д̇ат̇аа рзн̣уаад̣̇ийнам̣ сад̇д̇аннам̣ рааж̇уунам̣ ан̃н̃аман̃н̃аавирод̇хзна яат̇аа сагараж̇ж̇з бад̇идтаабанам̣, д̇ат̇аа махад̇и сад̇д̇авид̇хз раж̇ж̇з д̇зсам̣ ад̇т̇ад̇хаммаанусаасанз аббамаад̣̇о, ‘‘б̣рахмунааби саагажчам̣ самаабаж̇ж̇ад̇ий’’д̇и бавад̇д̇асамбхааванам̣ яат̇аабхууд̇ам̣ гаад̇ум̣ жад̇д̇ааро маасз барамуггам̣саг̇ад̇о б̣рахмажарияаваасо. д̇зна б̣рахмуно ад̇д̇ани самаабаж̇ж̇анам̣, б̣рахмуно оваад̣̇з тад̇ваа сад̇д̇ахи рааж̇уухи сагалзна жа логзна убанийд̇ам̣ лаабхасаггаарам̣ кзл̣абин̣д̣ам̣ вияа чад̣д̣зд̇ваа абаримаан̣ааяа кад̇д̇ияаб̣раахман̣аад̣̇ибарисааяа анубаб̣б̣аж̇ж̇аанимид̇д̇ааяа баб̣б̣аж̇ж̇ааяа анудтаанам̣, б̣уд̣̇д̇хаанам̣ саасанасса вияа ад̇д̇ано саасанасса жирагаалаануббаб̣анд̇ход̇и звамаад̣̇аяо г̇ун̣аанубхааваа вибхаавзд̇аб̣б̣аад̇и.

    Idhāpi akittijātake (jā. 1.13.83 ādayo) viya bodhisambhāraniddhāraṇā veditabbā – tadā satta rājāno mahātherā ahesuṃ, sesaparisā buddhaparisā, mahāgovindo lokanātho. Tathā reṇuādīnaṃ sattannaṃ rājūnaṃ aññamaññāvirodhena yathā sakarajje patiṭṭhāpanaṃ, tathā mahati sattavidhe rajje tesaṃ atthadhammānusāsane appamādo, ‘‘brahmunāpi sākacchaṃ samāpajjatī’’ti pavattasambhāvanaṃ yathābhūtaṃ kātuṃ cattāro māse paramukkaṃsagato brahmacariyavāso. Tena brahmuno attani samāpajjanaṃ, brahmuno ovāde ṭhatvā sattahi rājūhi sakalena ca lokena upanītaṃ lābhasakkāraṃ kheḷapiṇḍaṃ viya chaḍḍetvā aparimāṇāya khattiyabrāhmaṇādiparisāya anupabbajjānimittāya pabbajjāya anuṭṭhānaṃ, buddhānaṃ sāsanassa viya attano sāsanassa cirakālānuppabandhoti evamādayo guṇānubhāvā vibhāvetabbāti.

    махааг̇овинд̣̇ажарияааван̣н̣анаа нидтид̇аа.

    Mahāgovindacariyāvaṇṇanā niṭṭhitā.




    Next: 6. нимирааж̇ажарияааван̣н̣анаа • 6. Nimirājacariyāvaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 5. махааг̇овинд̣̇ажарияаа • 5. Mahāgovindacariyā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact