| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
3. махаагажжаанабхад̣̇д̣̇згарад̇д̇асуд̇д̇ам̣
3. Mahākaccānabhaddekarattasuttaṃ
279. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и д̇абод̣̇аараамз. ат̇а ко ааяасмаа самид̣̇д̇хи рад̇д̇ияаа бажжуусасамаяам̣ бажжудтааяа язна д̇абод̣̇о 1 д̇знубасан̇гами г̇ад̇д̇аани барисин̃жид̇ум̣. д̇абод̣̇з г̇ад̇д̇аани барисин̃жид̇ваа бажжуд̇д̇арид̇ваа згажийваро адтааси г̇ад̇д̇аани буб̣б̣аабаяамаано 2. ат̇а ко ан̃н̃ад̇араа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ д̇абод̣̇ам̣ обхаасзд̇ваа язнааяасмаа самид̣̇д̇хи д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇аа ко саа д̣̇звад̇аа ааяасманд̇ам̣ самид̣̇д̇хим̣ зд̇ад̣̇авожа – ‘‘д̇хаарзси д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жаа’’д̇и? ‘‘на ко ахам̣, аавусо, д̇хаарзми бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. д̇вам̣ банаавусо, д̇хаарзси бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жаа’’д̇и? ‘‘ахамби ко, бхигку, на д̇хаарзми бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. д̇хаарзси бана д̇вам̣, бхигку, бхад̣̇д̣̇згарад̇д̇ияо г̇аат̇аа’’д̇и? ‘‘на ко ахам̣, аавусо, д̇хаарзми бхад̣̇д̣̇згарад̇д̇ияо г̇аат̇аад̇и. д̇вам̣ банаавусо, д̇хаарзси бхад̣̇д̣̇згарад̇д̇ияо г̇аат̇аа’’д̇и? ‘‘ахамби ко, бхигку на д̇хаарзми бхад̣̇д̣̇згарад̇д̇ияо г̇аат̇аад̇и. уг̇г̇ан̣хаахи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа; барияаабун̣аахи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа; д̇хаарзхи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. ад̇т̇асам̣хид̇о, бхигку, бхад̣̇д̣̇згарад̇д̇асса уд̣̇д̣̇зсо жа вибхан̇г̇о жа аад̣̇иб̣рахмажарияаго’’д̇и. ид̣̇амавожа саа д̣̇звад̇аа; ид̣̇ам̣ вад̇ваа д̇ад̇т̇званд̇арад̇хааяи.
279. Evaṃ me sutaṃ – ekaṃ samayaṃ bhagavā rājagahe viharati tapodārāme. Atha kho āyasmā samiddhi rattiyā paccūsasamayaṃ paccuṭṭhāya yena tapodo 3 tenupasaṅkami gattāni parisiñcituṃ. Tapode gattāni parisiñcitvā paccuttaritvā ekacīvaro aṭṭhāsi gattāni pubbāpayamāno 4. Atha kho aññatarā devatā abhikkantāya rattiyā abhikkantavaṇṇā kevalakappaṃ tapodaṃ obhāsetvā yenāyasmā samiddhi tenupasaṅkami; upasaṅkamitvā ekamantaṃ aṭṭhāsi. Ekamantaṃ ṭhitā kho sā devatā āyasmantaṃ samiddhiṃ etadavoca – ‘‘dhāresi tvaṃ, bhikkhu, bhaddekarattassa uddesañca vibhaṅgañcā’’ti? ‘‘Na kho ahaṃ, āvuso, dhāremi bhaddekarattassa uddesañca vibhaṅgañca. Tvaṃ panāvuso, dhāresi bhaddekarattassa uddesañca vibhaṅgañcā’’ti? ‘‘Ahampi kho, bhikkhu, na dhāremi bhaddekarattassa uddesañca vibhaṅgañca. Dhāresi pana tvaṃ, bhikkhu, bhaddekarattiyo gāthā’’ti? ‘‘Na kho ahaṃ, āvuso, dhāremi bhaddekarattiyo gāthāti. Tvaṃ panāvuso, dhāresi bhaddekarattiyo gāthā’’ti? ‘‘Ahampi kho, bhikkhu na dhāremi bhaddekarattiyo gāthāti. Uggaṇhāhi tvaṃ, bhikkhu, bhaddekarattassa uddesañca vibhaṅgañca; pariyāpuṇāhi tvaṃ, bhikkhu, bhaddekarattassa uddesañca vibhaṅgañca; dhārehi tvaṃ, bhikkhu, bhaddekarattassa uddesañca vibhaṅgañca. Atthasaṃhito, bhikkhu, bhaddekarattassa uddeso ca vibhaṅgo ca ādibrahmacariyako’’ti. Idamavoca sā devatā; idaṃ vatvā tatthevantaradhāyi.
280. ат̇а ко ааяасмаа самид̣̇д̇хи д̇ассаа рад̇д̇ияаа ажжаязна язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа самид̣̇д̇хи бхаг̇аванд̇ам̣ зд̇ад̣̇авожа –
280. Atha kho āyasmā samiddhi tassā rattiyā accayena yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā samiddhi bhagavantaṃ etadavoca –
‘‘ид̇хаахам̣, бханд̇з, рад̇д̇ияаа бажжуусасамаяам̣ бажжудтааяа язна д̇абод̣̇о д̇знубасан̇гамим̣ г̇ад̇д̇аани барисин̃жид̇ум̣. д̇абод̣̇з г̇ад̇д̇аани барисин̃жид̇ваа бажжуд̇д̇арид̇ваа згажийваро адтаасим̣ г̇ад̇д̇аани буб̣б̣аабаяамаано. ат̇а ко бханд̇з, ан̃н̃ад̇араа д̣̇звад̇аа абхигганд̇ааяа рад̇д̇ияаа абхигганд̇аван̣н̣аа гзвалагаббам̣ д̇абод̣̇ам̣ обхаасзд̇ваа язнаахам̣ д̇знубасан̇гами; убасан̇гамид̇ваа згаманд̇ам̣ адтааси. згаманд̇ам̣ тид̇аа ко саа д̣̇звад̇аа мам̣ зд̇ад̣̇авожа – ‘д̇хаарзси д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жаа’’’д̇и?
‘‘Idhāhaṃ, bhante, rattiyā paccūsasamayaṃ paccuṭṭhāya yena tapodo tenupasaṅkamiṃ gattāni parisiñcituṃ. Tapode gattāni parisiñcitvā paccuttaritvā ekacīvaro aṭṭhāsiṃ gattāni pubbāpayamāno. Atha kho bhante, aññatarā devatā abhikkantāya rattiyā abhikkantavaṇṇā kevalakappaṃ tapodaṃ obhāsetvā yenāhaṃ tenupasaṅkami; upasaṅkamitvā ekamantaṃ aṭṭhāsi. Ekamantaṃ ṭhitā kho sā devatā maṃ etadavoca – ‘dhāresi tvaṃ, bhikkhu, bhaddekarattassa uddesañca vibhaṅgañcā’’’ti?
‘‘звам̣ вуд̇д̇з ахам̣, бханд̇з, д̇ам̣ д̣̇звад̇ам̣ зд̇ад̣̇авожам̣ – ‘на ко ахам̣, аавусо, д̇хаарзми бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. д̇вам̣ банаавусо, д̇хаарзси бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жаа’д̇и? ‘ахамби ко, бхигку, на д̇хаарзми бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. д̇хаарзси бана д̇вам̣, бхигку, бхад̣̇д̣̇згарад̇д̇ияо г̇аат̇аа’д̇и? ‘на ко ахам̣, аавусо, д̇хаарзми бхад̣̇д̣̇згарад̇д̇ияо г̇аат̇аад̇и. д̇вам̣ банаавусо, д̇хаарзси бхад̣̇д̣̇згарад̇д̇ияо г̇аат̇аа’д̇и? ‘ахамби ко, бхигку, на д̇хаарзми бхад̣̇д̣̇згарад̇д̇ияо г̇аат̇аад̇и. уг̇г̇ан̣хаахи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа; барияаабун̣аахи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа; д̇хаарзхи д̇вам̣, бхигку, бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа. ад̇т̇асам̣хид̇о, бхигку, бхад̣̇д̣̇згарад̇д̇асса уд̣̇д̣̇зсо жа вибхан̇г̇о жа аад̣̇иб̣рахмажарияаго’д̇и. ид̣̇амавожа, бханд̇з, саа д̣̇звад̇аа; ид̣̇ам̣ вад̇ваа д̇ад̇т̇званд̇арад̇хааяи. саад̇ху мз, бханд̇з, бхаг̇аваа бхад̣̇д̣̇згарад̇д̇асса уд̣̇д̣̇зсан̃жа вибхан̇г̇ан̃жа д̣̇зсзд̇уу’’д̇и. ‘‘д̇зна хи, бхигку, сун̣аахи, саад̇хугам̣ манаси гарохи; бхаасиссаамий’’д̇и. ‘‘звам̣, бханд̇з’’д̇и ко ааяасмаа самид̣̇д̇хи бхаг̇авад̇о бажжассоси. бхаг̇аваа зд̇ад̣̇авожа –
‘‘Evaṃ vutte ahaṃ, bhante, taṃ devataṃ etadavocaṃ – ‘na kho ahaṃ, āvuso, dhāremi bhaddekarattassa uddesañca vibhaṅgañca. Tvaṃ panāvuso, dhāresi bhaddekarattassa uddesañca vibhaṅgañcā’ti? ‘Ahampi kho, bhikkhu, na dhāremi bhaddekarattassa uddesañca vibhaṅgañca. Dhāresi pana tvaṃ, bhikkhu, bhaddekarattiyo gāthā’ti? ‘Na kho ahaṃ, āvuso, dhāremi bhaddekarattiyo gāthāti. Tvaṃ panāvuso, dhāresi bhaddekarattiyo gāthā’ti? ‘Ahampi kho, bhikkhu, na dhāremi bhaddekarattiyo gāthāti. Uggaṇhāhi tvaṃ, bhikkhu, bhaddekarattassa uddesañca vibhaṅgañca; pariyāpuṇāhi tvaṃ, bhikkhu, bhaddekarattassa uddesañca vibhaṅgañca; dhārehi tvaṃ, bhikkhu, bhaddekarattassa uddesañca vibhaṅgañca. Atthasaṃhito, bhikkhu, bhaddekarattassa uddeso ca vibhaṅgo ca ādibrahmacariyako’ti. Idamavoca, bhante, sā devatā; idaṃ vatvā tatthevantaradhāyi. Sādhu me, bhante, bhagavā bhaddekarattassa uddesañca vibhaṅgañca desetū’’ti. ‘‘Tena hi, bhikkhu, suṇāhi, sādhukaṃ manasi karohi; bhāsissāmī’’ti. ‘‘Evaṃ, bhante’’ti kho āyasmā samiddhi bhagavato paccassosi. Bhagavā etadavoca –
‘‘ад̇ийд̇ам̣ наанвааг̇амзяяа, наббадиган̇кз анааг̇ад̇ам̣;
‘‘Atītaṃ nānvāgameyya, nappaṭikaṅkhe anāgataṃ;
яад̣̇ад̇ийд̇ам̣ бахийнам̣ д̇ам̣, аббад̇д̇ан̃жа анааг̇ад̇ам̣.
Yadatītaṃ pahīnaṃ taṃ, appattañca anāgataṃ.
‘‘бажжуббаннан̃жа яо д̇хаммам̣, д̇ад̇т̇а д̇ад̇т̇а вибассад̇и;
‘‘Paccuppannañca yo dhammaṃ, tattha tattha vipassati;
асам̣хийрам̣ асам̣губбам̣, д̇ам̣ вид̣̇ваа мануб̣руухаяз.
Asaṃhīraṃ asaṃkuppaṃ, taṃ vidvā manubrūhaye.
‘‘аж̇ж̇зва гижжамаад̇аббам̣, го ж̇ан̃н̃аа маран̣ам̣ сувз;
‘‘Ajjeva kiccamātappaṃ, ko jaññā maraṇaṃ suve;
на хи но сан̇г̇арам̣ д̇зна, махаасзнзна мажжунаа.
Na hi no saṅgaraṃ tena, mahāsenena maccunā.
‘‘звам̣ вихаарим̣ аад̇аабим̣, ахорад̇д̇амад̇анд̣̇ид̇ам̣;
‘‘Evaṃ vihāriṃ ātāpiṃ, ahorattamatanditaṃ;
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
ид̣̇амавожа бхаг̇аваа; ид̣̇ам̣ вад̇ваана суг̇ад̇о удтааяаасанаа вихаарам̣ баависи. ат̇а ко д̇зсам̣ бхигкуунам̣ , ажирабагганд̇асса бхаг̇авад̇о, зд̇ад̣̇ахоси – ‘‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто –
Idamavoca bhagavā; idaṃ vatvāna sugato uṭṭhāyāsanā vihāraṃ pāvisi. Atha kho tesaṃ bhikkhūnaṃ , acirapakkantassa bhagavato, etadahosi – ‘‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –
‘‘ад̇ийд̇ам̣ наанвааг̇амзяяа, наббадиган̇кз анааг̇ад̇ам̣;
‘‘Atītaṃ nānvāgameyya, nappaṭikaṅkhe anāgataṃ;
яад̣̇ад̇ийд̇ам̣ бахийнам̣ д̇ам̣, аббад̇д̇ан̃жа анааг̇ад̇ам̣.
Yadatītaṃ pahīnaṃ taṃ, appattañca anāgataṃ.
‘‘бажжуббаннан̃жа яо д̇хаммам̣, д̇ад̇т̇а д̇ад̇т̇а вибассад̇и;
‘‘Paccuppannañca yo dhammaṃ, tattha tattha vipassati;
асам̣хийрам̣ асам̣губбам̣, д̇ам̣ вид̣̇ваа мануб̣руухаяз.
Asaṃhīraṃ asaṃkuppaṃ, taṃ vidvā manubrūhaye.
‘‘аж̇ж̇зва гижжамаад̇аббам̣, го ж̇ан̃н̃аа маран̣ам̣ сувз;
‘‘Ajjeva kiccamātappaṃ, ko jaññā maraṇaṃ suve;
на хи но сан̇г̇арам̣ д̇зна, махаасзнзна мажжунаа.
Na hi no saṅgaraṃ tena, mahāsenena maccunā.
‘‘звам̣ вихаарим̣ аад̇аабим̣, ахорад̇д̇амад̇анд̣̇ид̇ам̣;
‘‘Evaṃ vihāriṃ ātāpiṃ, ahorattamatanditaṃ;
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
‘‘го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’’д̇и?
‘‘Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’’ti?
ат̇а ко д̇зсам̣ бхигкуунам̣ зд̇ад̣̇ахоси – ‘‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣; баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’’д̇и.
Atha kho tesaṃ bhikkhūnaṃ etadahosi – ‘‘ayaṃ kho āyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ; pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’’ti.
281. ат̇а ко д̇з бхигкуу язнааяасмаа махаагажжаано д̇знубасан̇гамим̣су; убасан̇гамид̇ваа ааяасмад̇аа махаагажжаанзна сад̣̇д̇хим̣ саммод̣̇им̣су. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу ааяасманд̇ам̣ махаагажжаанам̣ зд̇ад̣̇авожум̣ – ‘‘ид̣̇ам̣ ко но, аавусо гажжаана, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто –
281. Atha kho te bhikkhū yenāyasmā mahākaccāno tenupasaṅkamiṃsu; upasaṅkamitvā āyasmatā mahākaccānena saddhiṃ sammodiṃsu. Sammodanīyaṃ kathaṃ sāraṇīyaṃ vītisāretvā ekamantaṃ nisīdiṃsu. Ekamantaṃ nisinnā kho te bhikkhū āyasmantaṃ mahākaccānaṃ etadavocuṃ – ‘‘idaṃ kho no, āvuso kaccāna, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –
‘‘ад̇ийд̇ам̣ наанвааг̇амзяяа…бз…
‘‘Atītaṃ nānvāgameyya…pe…
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
‘‘д̇зсам̣ но, аавусо гажжаана, амхаагам̣, ажирабагганд̇асса бхаг̇авад̇о, зд̇ад̣̇ахоси – ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто –
‘‘Tesaṃ no, āvuso kaccāna, amhākaṃ, acirapakkantassa bhagavato, etadahosi – idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –
‘‘ад̇ийд̇ам̣ наанвааг̇амзяяа…бз…
‘‘Atītaṃ nānvāgameyya…pe…
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
‘‘го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаад̇и? д̇зсам̣ но , аавусо гажжаана, амхаагам̣ зд̇ад̣̇ахоси – ‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’д̇и. вибхаж̇ад̇ааяасмаа махаагажжаано’’д̇и.
‘‘Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyāti? Tesaṃ no , āvuso kaccāna, amhākaṃ etadahosi – ‘ayaṃ kho āyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’ti. Vibhajatāyasmā mahākaccāno’’ti.
‘‘сзяяат̇ааби, аавусо, бурисо саарад̇т̇иго саараг̇авзсий саарабариязсанам̣ жарамаано махад̇о ругкасса д̇идтад̇о сааравад̇о ад̇иггаммзва муулам̣ ад̇иггамма канд̇хам̣ саакаабалаасз саарам̣ бариязсид̇аб̣б̣ам̣ ман̃н̃зяяа; звам̣ самбад̣̇амид̣̇ам̣ ааяасманд̇аанам̣ сад̇т̇ари саммукийбхууд̇з д̇ам̣ бхаг̇аванд̇ам̣ ад̇исид̇ваа амхз зд̇амад̇т̇ам̣ бадибужчид̇аб̣б̣ам̣ ман̃н̃ат̇а 5. со хаавусо, бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о. со жзва банзд̇асса гаало ахоси яам̣ бхаг̇аванд̇ам̣язва зд̇амад̇т̇ам̣ бадибужчзяяаат̇а, яат̇аа во бхаг̇аваа б̣яаагарзяяа д̇ат̇аа нам̣ д̇хаарзяяаат̇аа’’д̇и.
‘‘Seyyathāpi, āvuso, puriso sāratthiko sāragavesī sārapariyesanaṃ caramāno mahato rukkhassa tiṭṭhato sāravato atikkammeva mūlaṃ atikkamma khandhaṃ sākhāpalāse sāraṃ pariyesitabbaṃ maññeyya; evaṃ sampadamidaṃ āyasmantānaṃ satthari sammukhībhūte taṃ bhagavantaṃ atisitvā amhe etamatthaṃ paṭipucchitabbaṃ maññatha 6. So hāvuso, bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. So ceva panetassa kālo ahosi yaṃ bhagavantaṃyeva etamatthaṃ paṭipuccheyyātha, yathā vo bhagavā byākareyya tathā naṃ dhāreyyāthā’’ti.
‘‘ад̣̇д̇хаавусо гажжаана, бхаг̇аваа ж̇аанам̣ ж̇аанаад̇и, бассам̣ бассад̇и, жагкубхууд̇о н̃аан̣абхууд̇о д̇хаммабхууд̇о б̣рахмабхууд̇о вад̇д̇аа бавад̇д̇аа ад̇т̇асса ниннзд̇аа амад̇асса д̣̇аад̇аа д̇хаммассаамий д̇ат̇ааг̇ад̇о. со жзва банзд̇асса гаало ахоси яам̣ бхаг̇аванд̇ам̣язва зд̇амад̇т̇ам̣ бадибужчзяяаама; яат̇аа но бхаг̇аваа б̣яаагарзяяа д̇ат̇аа нам̣ д̇хаарзяяаама. аби жааяасмаа махаагажжаано сад̇т̇ужзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣; баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. вибхаж̇ад̇ааяасмаа махаагажжаано аг̇арум̣ гарид̇ваа’’д̇и 7.
‘‘Addhāvuso kaccāna, bhagavā jānaṃ jānāti, passaṃ passati, cakkhubhūto ñāṇabhūto dhammabhūto brahmabhūto vattā pavattā atthassa ninnetā amatassa dātā dhammassāmī tathāgato. So ceva panetassa kālo ahosi yaṃ bhagavantaṃyeva etamatthaṃ paṭipuccheyyāma; yathā no bhagavā byākareyya tathā naṃ dhāreyyāma. Api cāyasmā mahākaccāno satthuceva saṃvaṇṇito sambhāvito ca viññūnaṃ sabrahmacārīnaṃ; pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Vibhajatāyasmā mahākaccāno agaruṃ karitvā’’ti 8.
‘‘д̇зна хаавусо, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звамаавусо’’д̇и ко д̇з бхигкуу ааяасмад̇о махаагажжаанасса бажжассосум̣. ааяасмаа махаагажжаано зд̇ад̣̇авожа –
‘‘Tena hāvuso, suṇātha, sādhukaṃ manasi karotha; bhāsissāmī’’ti. ‘‘Evamāvuso’’ti kho te bhikkhū āyasmato mahākaccānassa paccassosuṃ. Āyasmā mahākaccāno etadavoca –
‘‘яам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто –
‘‘Yaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –
‘‘ад̇ийд̇ам̣ наанвааг̇амзяяа…бз…
‘‘Atītaṃ nānvāgameyya…pe…
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
имасса ко ахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса звам̣ вид̇т̇аарзна ад̇т̇ам̣ ааж̇аанаами –
Imassa kho ahaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi –
282. ‘‘гат̇ан̃жа, аавусо, ад̇ийд̇ам̣ анвааг̇амзд̇и? ид̇и мз жагку ахоси ад̇ийд̇амад̣̇д̇хаанам̣ ид̇и руубаад̇и – д̇ад̇т̇а чанд̣̇арааг̇аббадиб̣ад̣̇д̇хам̣ 9 ход̇и вин̃н̃аан̣ам̣, чанд̣̇арааг̇аббадиб̣ад̣̇д̇хад̇д̇аа вин̃н̃аан̣асса д̇ад̣̇абхинанд̣̇ад̇и, д̇ад̣̇абхинанд̣̇анд̇о ад̇ийд̇ам̣ анвааг̇амзд̇и. ид̇и мз сод̇ам̣ ахоси ад̇ийд̇амад̣̇д̇хаанам̣ ид̇и сад̣̇д̣̇аад̇и…бз… ид̇и мз гхаанам̣ ахоси ад̇ийд̇амад̣̇д̇хаанам̣ ид̇и г̇анд̇хаад̇и… ид̇и мз ж̇ивхаа ахоси ад̇ийд̇амад̣̇д̇хаанам̣ ид̇и расаад̇и… ид̇и мз гааяо ахоси ад̇ийд̇амад̣̇д̇хаанам̣ ид̇и подтаб̣б̣аад̇и… ид̇и мз мано ахоси ад̇ийд̇амад̣̇д̇хаанам̣ ид̇и д̇хаммаад̇и – д̇ад̇т̇а чанд̣̇арааг̇аббадиб̣ад̣̇д̇хам̣ ход̇и вин̃н̃аан̣ам̣, чанд̣̇арааг̇аббадиб̣ад̣̇д̇хад̇д̇аа вин̃н̃аан̣асса д̇ад̣̇абхинанд̣̇ад̇и, д̇ад̣̇абхинанд̣̇анд̇о ад̇ийд̇ам̣ анвааг̇амзд̇и – звам̣ ко, аавусо, ад̇ийд̇ам̣ анвааг̇амзд̇и.
282. ‘‘Kathañca, āvuso, atītaṃ anvāgameti? Iti me cakkhu ahosi atītamaddhānaṃ iti rūpāti – tattha chandarāgappaṭibaddhaṃ 10 hoti viññāṇaṃ, chandarāgappaṭibaddhattā viññāṇassa tadabhinandati, tadabhinandanto atītaṃ anvāgameti. Iti me sotaṃ ahosi atītamaddhānaṃ iti saddāti…pe… iti me ghānaṃ ahosi atītamaddhānaṃ iti gandhāti… iti me jivhā ahosi atītamaddhānaṃ iti rasāti… iti me kāyo ahosi atītamaddhānaṃ iti phoṭṭhabbāti… iti me mano ahosi atītamaddhānaṃ iti dhammāti – tattha chandarāgappaṭibaddhaṃ hoti viññāṇaṃ, chandarāgappaṭibaddhattā viññāṇassa tadabhinandati, tadabhinandanto atītaṃ anvāgameti – evaṃ kho, āvuso, atītaṃ anvāgameti.
‘‘гат̇ан̃жа , аавусо, ад̇ийд̇ам̣ наанвааг̇амзд̇и? ид̇и мз жагку ахоси ад̇ийд̇амад̣̇д̇хаанам̣ ид̇и руубаад̇и – д̇ад̇т̇а на чанд̣̇арааг̇аббадиб̣ад̣̇д̇хам̣ ход̇и вин̃н̃аан̣ам̣, на чанд̣̇арааг̇аббадиб̣ад̣̇д̇хад̇д̇аа вин̃н̃аан̣асса на д̇ад̣̇абхинанд̣̇ад̇и, на д̇ад̣̇абхинанд̣̇анд̇о ад̇ийд̇ам̣ наанвааг̇амзд̇и. ид̇и мз сод̇ам̣ ахоси ад̇ийд̇амад̣̇д̇хаанам̣ ид̇и сад̣̇д̣̇аад̇и…бз… ид̇и мз гхаанам̣ ахоси ад̇ийд̇амад̣̇д̇хаанам̣ ид̇и г̇анд̇хаад̇и… ид̇и мз ж̇ивхаа ахоси ад̇ийд̇амад̣̇д̇хаанам̣ ид̇и расаад̇и… ид̇и мз гааяо ахоси ад̇ийд̇амад̣̇д̇хаанам̣ ид̇и подтаб̣б̣аад̇и… ид̇и мз мано ахоси ад̇ийд̇амад̣̇д̇хаанам̣ ид̇и д̇хаммаад̇и – д̇ад̇т̇а на чанд̣̇арааг̇аббадиб̣ад̣̇д̇хам̣ ход̇и вин̃н̃аан̣ам̣, на чанд̣̇арааг̇аббадиб̣ад̣̇д̇хад̇д̇аа вин̃н̃аан̣асса, на д̇ад̣̇абхинанд̣̇ад̇и, на д̇ад̣̇абхинанд̣̇анд̇о ад̇ийд̇ам̣ наанвааг̇амзд̇и – звам̣ ко, аавусо, ад̇ийд̇ам̣ наанвааг̇амзд̇и.
‘‘Kathañca , āvuso, atītaṃ nānvāgameti? Iti me cakkhu ahosi atītamaddhānaṃ iti rūpāti – tattha na chandarāgappaṭibaddhaṃ hoti viññāṇaṃ, na chandarāgappaṭibaddhattā viññāṇassa na tadabhinandati, na tadabhinandanto atītaṃ nānvāgameti. Iti me sotaṃ ahosi atītamaddhānaṃ iti saddāti…pe… iti me ghānaṃ ahosi atītamaddhānaṃ iti gandhāti… iti me jivhā ahosi atītamaddhānaṃ iti rasāti… iti me kāyo ahosi atītamaddhānaṃ iti phoṭṭhabbāti… iti me mano ahosi atītamaddhānaṃ iti dhammāti – tattha na chandarāgappaṭibaddhaṃ hoti viññāṇaṃ, na chandarāgappaṭibaddhattā viññāṇassa, na tadabhinandati, na tadabhinandanto atītaṃ nānvāgameti – evaṃ kho, āvuso, atītaṃ nānvāgameti.
283. ‘‘гат̇ан̃жа , аавусо, анааг̇ад̇ам̣ бадиган̇кад̇и? ид̇и мз жагку сияаа анааг̇ад̇амад̣̇д̇хаанам̣ ид̇и руубаад̇и – аббадилад̣̇д̇хасса бадилаабхааяа жид̇д̇ам̣ бан̣ид̣̇ахад̇и, жзд̇асо бан̣ид̇хаанабажжаяаа д̇ад̣̇абхинанд̣̇ад̇и, д̇ад̣̇абхинанд̣̇анд̇о анааг̇ад̇ам̣ бадиган̇кад̇и. ид̇и мз сод̇ам̣ сияаа анааг̇ад̇амад̣̇д̇хаанам̣ ид̇и сад̣̇д̣̇аад̇и…бз… ид̇и мз гхаанам̣ сияаа анааг̇ад̇амад̣̇д̇хаанам̣ ид̇и г̇анд̇хаад̇и… ид̇и мз ж̇ивхаа сияаа анааг̇ад̇амад̣̇д̇хаанам̣ ид̇и расаад̇и… ид̇и мз гааяо сияаа анааг̇ад̇амад̣̇д̇хаанам̣ ид̇и подтаб̣б̣аад̇и… ид̇и мз мано сияаа анааг̇ад̇амад̣̇д̇хаанам̣ ид̇и д̇хаммаад̇и – аббадилад̣̇д̇хасса бадилаабхааяа жид̇д̇ам̣ бан̣ид̣̇ахад̇и, жзд̇асо бан̣ид̇хаанабажжаяаа д̇ад̣̇абхинанд̣̇ад̇и, д̇ад̣̇абхинанд̣̇анд̇о анааг̇ад̇ам̣ бадиган̇кад̇и – звам̣ ко, аавусо, анааг̇ад̇ам̣ бадиган̇кад̇и.
283. ‘‘Kathañca , āvuso, anāgataṃ paṭikaṅkhati? Iti me cakkhu siyā anāgatamaddhānaṃ iti rūpāti – appaṭiladdhassa paṭilābhāya cittaṃ paṇidahati, cetaso paṇidhānapaccayā tadabhinandati, tadabhinandanto anāgataṃ paṭikaṅkhati. Iti me sotaṃ siyā anāgatamaddhānaṃ iti saddāti…pe… iti me ghānaṃ siyā anāgatamaddhānaṃ iti gandhāti… iti me jivhā siyā anāgatamaddhānaṃ iti rasāti… iti me kāyo siyā anāgatamaddhānaṃ iti phoṭṭhabbāti… iti me mano siyā anāgatamaddhānaṃ iti dhammāti – appaṭiladdhassa paṭilābhāya cittaṃ paṇidahati, cetaso paṇidhānapaccayā tadabhinandati, tadabhinandanto anāgataṃ paṭikaṅkhati – evaṃ kho, āvuso, anāgataṃ paṭikaṅkhati.
‘‘гат̇ан̃жа, аавусо, анааг̇ад̇ам̣ наббадиган̇кад̇и? ид̇и мз жагку сияаа анааг̇ад̇амад̣̇д̇хаанам̣ ид̇и руубаад̇и – аббадилад̣̇д̇хасса бадилаабхааяа жид̇д̇ам̣ наббан̣ид̣̇ахад̇и , жзд̇асо аббан̣ид̇хаанабажжаяаа на д̇ад̣̇абхинанд̣̇ад̇и, на д̇ад̣̇абхинанд̣̇анд̇о анааг̇ад̇ам̣ наббадиган̇кад̇и. ид̇и мз сод̇ам̣ сияаа анааг̇ад̇амад̣̇д̇хаанам̣ ид̇и сад̣̇д̣̇аад̇и…бз… ид̇и мз гхаанам̣ сияаа анааг̇ад̇амад̣̇д̇хаанам̣ ид̇и г̇анд̇хаад̇и… ид̇и мз ж̇ивхаа сияаа анааг̇ад̇амад̣̇д̇хаанам̣ ид̇и расаад̇и… ид̇и мз гааяо сияаа анааг̇ад̇амад̣̇д̇хаанам̣ ид̇и подтаб̣б̣аад̇и… ид̇и мз мано сияаа анааг̇ад̇амад̣̇д̇хаанам̣ ид̇и д̇хаммаад̇и – аббадилад̣̇д̇хасса бадилаабхааяа жид̇д̇ам̣ наббан̣ид̣̇ахад̇и, жзд̇асо аббан̣ид̇хаанабажжаяаа на д̇ад̣̇абхинанд̣̇ад̇и, на д̇ад̣̇абхинанд̣̇анд̇о анааг̇ад̇ам̣ наббадиган̇кад̇и – звам̣ ко, аавусо, анааг̇ад̇ам̣ наббадиган̇кад̇и.
‘‘Kathañca, āvuso, anāgataṃ nappaṭikaṅkhati? Iti me cakkhu siyā anāgatamaddhānaṃ iti rūpāti – appaṭiladdhassa paṭilābhāya cittaṃ nappaṇidahati , cetaso appaṇidhānapaccayā na tadabhinandati, na tadabhinandanto anāgataṃ nappaṭikaṅkhati. Iti me sotaṃ siyā anāgatamaddhānaṃ iti saddāti…pe… iti me ghānaṃ siyā anāgatamaddhānaṃ iti gandhāti… iti me jivhā siyā anāgatamaddhānaṃ iti rasāti… iti me kāyo siyā anāgatamaddhānaṃ iti phoṭṭhabbāti… iti me mano siyā anāgatamaddhānaṃ iti dhammāti – appaṭiladdhassa paṭilābhāya cittaṃ nappaṇidahati, cetaso appaṇidhānapaccayā na tadabhinandati, na tadabhinandanto anāgataṃ nappaṭikaṅkhati – evaṃ kho, āvuso, anāgataṃ nappaṭikaṅkhati.
284. ‘‘гат̇ан̃жа, аавусо, бажжуббаннзсу д̇хаммзсу сам̣хийрад̇и? яан̃жаавусо, жагку яз жа руубаа – убхаяамзд̇ам̣ бажжуббаннам̣. д̇асмим̣ жз бажжуббаннз чанд̣̇арааг̇аббадиб̣ад̣̇д̇хам̣ ход̇и вин̃н̃аан̣ам̣, чанд̣̇арааг̇аббадиб̣ад̣̇д̇хад̇д̇аа вин̃н̃аан̣асса д̇ад̣̇абхинанд̣̇ад̇и, д̇ад̣̇абхинанд̣̇анд̇о бажжуббаннзсу д̇хаммзсу сам̣хийрад̇и. яан̃жаавусо, сод̇ам̣ яз жа сад̣̇д̣̇аа…бз… яан̃жаавусо, гхаанам̣ яз жа г̇анд̇хаа… яаа жаавусо, ж̇ивхаа яз жа расаа… яо жаавусо, гааяо яз жа подтаб̣б̣аа… яо жаавусо, мано яз жа д̇хаммаа – убхаяамзд̇ам̣ бажжуббаннам̣. д̇асмим̣ жз бажжуббаннз чанд̣̇арааг̇аббадиб̣ад̣̇д̇хам̣ ход̇и вин̃н̃аан̣ам̣, чанд̣̇арааг̇аббадиб̣ад̣̇д̇хад̇д̇аа вин̃н̃аан̣асса д̇ад̣̇абхинанд̣̇ад̇и, д̇ад̣̇абхинанд̣̇анд̇о бажжуббаннзсу д̇хаммзсу сам̣хийрад̇и – звам̣ ко, аавусо, бажжуббаннзсу д̇хаммзсу сам̣хийрад̇и.
284. ‘‘Kathañca, āvuso, paccuppannesu dhammesu saṃhīrati? Yañcāvuso, cakkhu ye ca rūpā – ubhayametaṃ paccuppannaṃ. Tasmiṃ ce paccuppanne chandarāgappaṭibaddhaṃ hoti viññāṇaṃ, chandarāgappaṭibaddhattā viññāṇassa tadabhinandati, tadabhinandanto paccuppannesu dhammesu saṃhīrati. Yañcāvuso, sotaṃ ye ca saddā…pe… yañcāvuso, ghānaṃ ye ca gandhā… yā cāvuso, jivhā ye ca rasā… yo cāvuso, kāyo ye ca phoṭṭhabbā… yo cāvuso, mano ye ca dhammā – ubhayametaṃ paccuppannaṃ. Tasmiṃ ce paccuppanne chandarāgappaṭibaddhaṃ hoti viññāṇaṃ, chandarāgappaṭibaddhattā viññāṇassa tadabhinandati, tadabhinandanto paccuppannesu dhammesu saṃhīrati – evaṃ kho, āvuso, paccuppannesu dhammesu saṃhīrati.
‘‘гат̇ан̃жа , аавусо, бажжуббаннзсу д̇хаммзсу на сам̣хийрад̇и? яан̃жаавусо, жагку яз жа руубаа – убхаяамзд̇ам̣ бажжуббаннам̣. д̇асмим̣ жз бажжуббаннз на чанд̣̇арааг̇аббадиб̣ад̣̇д̇хам̣ ход̇и вин̃н̃аан̣ам̣, на чанд̣̇арааг̇аббадиб̣ад̣̇д̇хад̇д̇аа вин̃н̃аан̣асса на д̇ад̣̇абхинанд̣̇ад̇и, на д̇ад̣̇абхинанд̣̇анд̇о бажжуббаннзсу д̇хаммзсу на сам̣хийрад̇и. яан̃жаавусо, сод̇ам̣ яз жа сад̣̇д̣̇аа…бз… яан̃жаавусо, гхаанам̣ яз жа г̇анд̇хаа… яаа жаавусо, ж̇ивхаа яз жа расаа… яо жаавусо, гааяо яз жа подтаб̣б̣аа… яо жаавусо, мано яз жа д̇хаммаа – убхаяамзд̇ам̣ бажжуббаннам̣. д̇асмим̣ жз бажжуббаннз на чанд̣̇арааг̇аббадиб̣ад̣̇д̇хам̣ ход̇и вин̃н̃аан̣ам̣, на чанд̣̇арааг̇аббадиб̣ад̣̇д̇хад̇д̇аа вин̃н̃аан̣асса на д̇ад̣̇абхинанд̣̇ад̇и, на д̇ад̣̇абхинанд̣̇анд̇о бажжуббаннзсу д̇хаммзсу на сам̣хийрад̇и – звам̣ ко, аавусо, бажжуббаннзсу д̇хаммзсу на сам̣хийрад̇и.
‘‘Kathañca , āvuso, paccuppannesu dhammesu na saṃhīrati? Yañcāvuso, cakkhu ye ca rūpā – ubhayametaṃ paccuppannaṃ. Tasmiṃ ce paccuppanne na chandarāgappaṭibaddhaṃ hoti viññāṇaṃ, na chandarāgappaṭibaddhattā viññāṇassa na tadabhinandati, na tadabhinandanto paccuppannesu dhammesu na saṃhīrati. Yañcāvuso, sotaṃ ye ca saddā…pe… yañcāvuso, ghānaṃ ye ca gandhā… yā cāvuso, jivhā ye ca rasā… yo cāvuso, kāyo ye ca phoṭṭhabbā… yo cāvuso, mano ye ca dhammā – ubhayametaṃ paccuppannaṃ. Tasmiṃ ce paccuppanne na chandarāgappaṭibaddhaṃ hoti viññāṇaṃ, na chandarāgappaṭibaddhattā viññāṇassa na tadabhinandati, na tadabhinandanto paccuppannesu dhammesu na saṃhīrati – evaṃ kho, āvuso, paccuppannesu dhammesu na saṃhīrati.
285. ‘‘яам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто –
285. ‘‘Yaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –
‘‘ад̇ийд̇ам̣ наанвааг̇амзяяа…бз…
‘‘Atītaṃ nānvāgameyya…pe…
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
‘‘имасса ко ахам̣, аавусо, бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса звам̣ вид̇т̇аарзна ад̇т̇ам̣ ааж̇аанаами. ааган̇камаанаа жа бана д̇умхз ааяасманд̇о бхаг̇аванд̇ам̣язва убасан̇гамид̇ваа зд̇амад̇т̇ам̣ бадибужчзяяаат̇а, яат̇аа во бхаг̇аваа б̣яаагарод̇и д̇ат̇аа нам̣ д̇хаарзяяаат̇аа’’д̇и.
‘‘Imassa kho ahaṃ, āvuso, bhagavatā saṃkhittena uddesassa uddiṭṭhassa vitthārena atthaṃ avibhattassa evaṃ vitthārena atthaṃ ājānāmi. Ākaṅkhamānā ca pana tumhe āyasmanto bhagavantaṃyeva upasaṅkamitvā etamatthaṃ paṭipuccheyyātha, yathā vo bhagavā byākaroti tathā naṃ dhāreyyāthā’’ti.
ат̇а ко д̇з бхигкуу ааяасмад̇о махаагажжаанасса бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко д̇з бхигкуу бхаг̇аванд̇ам̣ зд̇ад̣̇авожум̣ – ‘‘яам̣ ко но, бханд̇з, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто –
Atha kho te bhikkhū āyasmato mahākaccānassa bhāsitaṃ abhinanditvā anumoditvā uṭṭhāyāsanā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘yaṃ kho no, bhante, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –
‘‘ад̇ийд̇ам̣ наанвааг̇амзяяа…бз…
‘‘Atītaṃ nānvāgameyya…pe…
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
д̇зсам̣ но, бханд̇з, амхаагам̣, ажирабагганд̇асса бхаг̇авад̇о, зд̇ад̣̇ахоси – ‘‘ид̣̇ам̣ ко но, аавусо, бхаг̇аваа сам̣кид̇д̇зна уд̣̇д̣̇зсам̣ уд̣̇д̣̇исид̇ваа вид̇т̇аарзна ад̇т̇ам̣ авибхаж̇ид̇ваа удтааяаасанаа вихаарам̣ бавидто –
Tesaṃ no, bhante, amhākaṃ, acirapakkantassa bhagavato, etadahosi – ‘‘idaṃ kho no, āvuso, bhagavā saṃkhittena uddesaṃ uddisitvā vitthārena atthaṃ avibhajitvā uṭṭhāyāsanā vihāraṃ paviṭṭho –
‘‘ад̇ийд̇ам̣ наанвааг̇амзяяа, наббадиган̇кз анааг̇ад̇ам̣;
‘‘Atītaṃ nānvāgameyya, nappaṭikaṅkhe anāgataṃ;
яад̣̇ад̇ийд̇ам̣ бахийнам̣ д̇ам̣, аббад̇д̇ан̃жа анааг̇ад̇ам̣.
Yadatītaṃ pahīnaṃ taṃ, appattañca anāgataṃ.
‘‘бажжуббаннан̃жа яо д̇хаммам̣, д̇ад̇т̇а д̇ад̇т̇а вибассад̇и;
‘‘Paccuppannañca yo dhammaṃ, tattha tattha vipassati;
асам̣хийрам̣ асам̣губбам̣, д̇ам̣ вид̣̇ваа мануб̣руухаяз.
Asaṃhīraṃ asaṃkuppaṃ, taṃ vidvā manubrūhaye.
‘‘аж̇ж̇зва гижжамаад̇аббам̣, го ж̇ан̃н̃аа маран̣ам̣ сувз;
‘‘Ajjeva kiccamātappaṃ, ko jaññā maraṇaṃ suve;
на хи но сан̇г̇арам̣ д̇зна, махаасзнзна мажжунаа.
Na hi no saṅgaraṃ tena, mahāsenena maccunā.
‘‘звам̣ вихаарим̣ аад̇аабим̣, ахорад̇д̇амад̇анд̣̇ид̇ам̣;
‘‘Evaṃ vihāriṃ ātāpiṃ, ahorattamatanditaṃ;
д̇ам̣ вз бхад̣̇д̣̇згарад̇д̇од̇и, санд̇о аажигкад̇з муний’’д̇и.
Taṃ ve bhaddekarattoti, santo ācikkhate munī’’ti.
‘‘‘го ну ко имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇зяяаа’д̇и? д̇зсам̣ но, бханд̇з, амхаагам̣ зд̇ад̣̇ахоси – ‘аяам̣ ко ааяасмаа махаагажжаано сад̇т̇у жзва сам̣ван̣н̣ид̇о самбхаавид̇о жа вин̃н̃уунам̣ саб̣рахмажаарийнам̣. баход̇и жааяасмаа махаагажжаано имасса бхаг̇авад̇аа сам̣кид̇д̇зна уд̣̇д̣̇зсасса уд̣̇д̣̇идтасса вид̇т̇аарзна ад̇т̇ам̣ авибхад̇д̇асса вид̇т̇аарзна ад̇т̇ам̣ вибхаж̇ид̇ум̣. яам̣нууна маяам̣ язнааяасмаа махаагажжаано д̇знубасан̇гамзяяаама; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчзяяаамаа’д̇и. ат̇а ко маяам̣, бханд̇з, язнааяасмаа махаагажжаано д̇знубасан̇гамимха; убасан̇гамид̇ваа ааяасманд̇ам̣ махаагажжаанам̣ зд̇амад̇т̇ам̣ бадибужчимха. д̇зсам̣ но, бханд̇з, ааяасмад̇аа махаагажжаанзна имзхи аагаарзхи имзхи бад̣̇зхи имзхи б̣яан̃ж̇анзхи ад̇т̇о вибхад̇д̇о’’д̇и.
‘‘‘Ko nu kho imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajeyyā’ti? Tesaṃ no, bhante, amhākaṃ etadahosi – ‘ayaṃ kho āyasmā mahākaccāno satthu ceva saṃvaṇṇito sambhāvito ca viññūnaṃ sabrahmacārīnaṃ. Pahoti cāyasmā mahākaccāno imassa bhagavatā saṃkhittena uddesassa uddiṭṭhassa vitthārena atthaṃ avibhattassa vitthārena atthaṃ vibhajituṃ. Yaṃnūna mayaṃ yenāyasmā mahākaccāno tenupasaṅkameyyāma; upasaṅkamitvā āyasmantaṃ mahākaccānaṃ etamatthaṃ paṭipuccheyyāmā’ti. Atha kho mayaṃ, bhante, yenāyasmā mahākaccāno tenupasaṅkamimha; upasaṅkamitvā āyasmantaṃ mahākaccānaṃ etamatthaṃ paṭipucchimha. Tesaṃ no, bhante, āyasmatā mahākaccānena imehi ākārehi imehi padehi imehi byañjanehi attho vibhatto’’ti.
‘‘бан̣д̣ид̇о, бхигкавз, махаагажжаано; махаабан̃н̃о, бхигкавз махаагажжаано. мам̣ жзби д̇умхз, бхигкавз, зд̇амад̇т̇ам̣ бадибужчзяяаат̇а, ахамби д̇ам̣ звамзвам̣ б̣яаагарзяяам̣ яат̇аа д̇ам̣ махаагажжаанзна б̣яаагад̇ам̣. зсо, жзвзд̇асса ад̇т̇о. зван̃жа нам̣ д̇хаарзт̇аа’’д̇и.
‘‘Paṇḍito, bhikkhave, mahākaccāno; mahāpañño, bhikkhave mahākaccāno. Maṃ cepi tumhe, bhikkhave, etamatthaṃ paṭipuccheyyātha, ahampi taṃ evamevaṃ byākareyyaṃ yathā taṃ mahākaccānena byākataṃ. Eso, cevetassa attho. Evañca naṃ dhārethā’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
махаагажжаанабхад̣̇д̣̇згарад̇д̇асуд̇д̇ам̣ нидтид̇ам̣ д̇ад̇ияам̣.
Mahākaccānabhaddekarattasuttaṃ niṭṭhitaṃ tatiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. махаагажжаанабхад̣̇д̣̇згарад̇д̇асуд̇д̇аван̣н̣анаа • 3. Mahākaccānabhaddekarattasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 3. махаагажжаанабхад̣̇д̣̇згарад̇д̇асуд̇д̇аван̣н̣анаа • 3. Mahākaccānabhaddekarattasuttavaṇṇanā
