| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[469] 6. махааган̣хаж̇аад̇агаван̣н̣анаа
[469] 6. Mahākaṇhajātakavaṇṇanā
ган̣хо ган̣хо жаад̇и ид̣̇ам̣ сад̇т̇аа ж̇зд̇аванз вихаранд̇о логад̇т̇ажарияам̣ аараб̣бха гат̇зси. згад̣̇ивасан̃хи бхигкуу д̇хаммасабхааяам̣ нисийд̣̇ид̇ваа ‘‘яааван̃жид̣̇ам̣, аавусо, сад̇т̇аа б̣ахуж̇анахид̇ааяа бадибанно ад̇д̇ано паасувихаарам̣ бахааяа логассзва ад̇т̇ам̣ жарад̇и, барамаабхисамб̣од̇хим̣ бад̇ваа саяам̣ бад̇д̇ажийварамаад̣̇ааяа адтаарасаяож̇анамаг̇г̇ам̣ г̇анд̇ваа бан̃жаваг̇г̇ияад̇т̇зраанам̣ д̇хаммажаггам̣ (сам̣. ни. 5.1081; махаава. 13 аад̣̇аяо; бади. ма. 2.30) бавад̇д̇зд̇ваа бан̃жамияаа багкасса анад̇д̇алагкан̣асуд̇д̇ам̣ (сам̣. ни. 3.59; махаава. 20 аад̣̇аяо) гат̇зд̇ваа саб̣б̣зсам̣ арахад̇д̇ам̣ ад̣̇ааси. урувзлам̣ г̇анд̇ваа д̇збхаад̇игаж̇адилаанам̣ ад̣дхуд̣дхаани баадихаарияасахассаани д̣̇ассзд̇ваа баб̣б̣ааж̇зд̇ваа г̇аяаасийсз аад̣̇ид̇д̇абарияааяам̣ (сам̣. ни. 4.235; махаава. 54) гат̇зд̇ваа ж̇адиласахассаанам̣ арахад̇д̇ам̣ ад̣̇ааси, махаагассабасса д̇ийн̣и г̇аавуд̇аани бажжуг̇г̇аманам̣ г̇анд̇ваа д̇ийхи оваад̣̇зхи убасамбад̣̇ам̣ ад̣̇ааси. зго бажчаабхад̇д̇ам̣ бан̃жажад̇д̇аалийсаяож̇анамаг̇г̇ам̣ г̇анд̇ваа буггусаад̇игулабуд̇д̇ам̣ анааг̇аамипалз бад̇идтаабзси, махаагаббинасса вийсаяож̇анасад̇ам̣ бажжуг̇г̇аманам̣ гад̇ваа арахад̇д̇ам̣ ад̣̇ааси, зго бажчаабхад̇д̇ам̣ д̇им̣саяож̇анамаг̇г̇ам̣ г̇анд̇ваа д̇аава гагкал̣ам̣ парусам̣ ан̇г̇улимаалам̣ арахад̇д̇з бад̇идтаабзси, д̇им̣саяож̇анамаг̇г̇ам̣ г̇анд̇ваа аал̣авагам̣ яагкам̣ сод̇аабад̇д̇ипалз бад̇идтаабзд̇ваа гумаарасса сод̇т̇им̣ агааси. д̇аавад̇им̣сабхаванз д̇змаасам̣ васанд̇о асийд̇ияаа д̣̇звад̇аагодийнам̣ д̇хаммаабхисамаяам̣ самбаад̣̇зси, б̣рахмалогам̣ г̇анд̇ваа б̣агаб̣рахмуно д̣̇идтим̣ бхинд̣̇ид̇ваа д̣̇асаннам̣ б̣рахмасахассаанам̣ арахад̇д̇ам̣ ад̣̇ааси, анусам̣важчарам̣ д̇ийсу ман̣д̣алзсу жааригам̣ жарамаано убаниссаяасамбаннаанам̣ мануссаанам̣ саран̣аани жзва сийлаанижа маг̇г̇апалаани жа д̣̇зд̇и, нааг̇асубан̣н̣аад̣̇ийнамби наанаббагаарам̣ ад̇т̇ам̣ жарад̇ий’’д̇и д̣̇асаб̣аласса логад̇т̇ажарияаг̇ун̣ам̣ гат̇аяим̣су. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘анажчарияам̣, бхигкавз, сохам̣ ид̣̇аани абхисамб̣од̇хим̣ бад̇ваа логасса ад̇т̇ам̣ жарзяяам̣, буб̣б̣з сарааг̇агаалзби логасса ад̇т̇ам̣ ажари’’нд̇и вад̇ваа ад̇ийд̇ам̣ аахари.
Kaṇhokaṇho cāti idaṃ satthā jetavane viharanto lokatthacariyaṃ ārabbha kathesi. Ekadivasañhi bhikkhū dhammasabhāyaṃ nisīditvā ‘‘yāvañcidaṃ, āvuso, satthā bahujanahitāya paṭipanno attano phāsuvihāraṃ pahāya lokasseva atthaṃ carati, paramābhisambodhiṃ patvā sayaṃ pattacīvaramādāya aṭṭhārasayojanamaggaṃ gantvā pañcavaggiyattherānaṃ dhammacakkaṃ (saṃ. ni. 5.1081; mahāva. 13 ādayo; paṭi. ma. 2.30) pavattetvā pañcamiyā pakkhassa anattalakkhaṇasuttaṃ (saṃ. ni. 3.59; mahāva. 20 ādayo) kathetvā sabbesaṃ arahattaṃ adāsi. Uruvelaṃ gantvā tebhātikajaṭilānaṃ aḍḍhuḍḍhāni pāṭihāriyasahassāni dassetvā pabbājetvā gayāsīse ādittapariyāyaṃ (saṃ. ni. 4.235; mahāva. 54) kathetvā jaṭilasahassānaṃ arahattaṃ adāsi, mahākassapassa tīṇi gāvutāni paccuggamanaṃ gantvā tīhi ovādehi upasampadaṃ adāsi. Eko pacchābhattaṃ pañcacattālīsayojanamaggaṃ gantvā pukkusātikulaputtaṃ anāgāmiphale patiṭṭhāpesi, mahākappinassa vīsayojanasataṃ paccuggamanaṃ katvā arahattaṃ adāsi, eko pacchābhattaṃ tiṃsayojanamaggaṃ gantvā tāva kakkhaḷaṃ pharusaṃ aṅgulimālaṃ arahatte patiṭṭhāpesi, tiṃsayojanamaggaṃ gantvā āḷavakaṃ yakkhaṃ sotāpattiphale patiṭṭhāpetvā kumārassa sotthiṃ akāsi. Tāvatiṃsabhavane temāsaṃ vasanto asītiyā devatākoṭīnaṃ dhammābhisamayaṃ sampādesi, brahmalokaṃ gantvā bakabrahmuno diṭṭhiṃ bhinditvā dasannaṃ brahmasahassānaṃ arahattaṃ adāsi, anusaṃvaccharaṃ tīsu maṇḍalesu cārikaṃ caramāno upanissayasampannānaṃ manussānaṃ saraṇāni ceva sīlānica maggaphalāni ca deti, nāgasupaṇṇādīnampi nānappakāraṃ atthaṃ caratī’’ti dasabalassa lokatthacariyaguṇaṃ kathayiṃsu. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘anacchariyaṃ, bhikkhave, sohaṃ idāni abhisambodhiṃ patvā lokassa atthaṃ careyyaṃ, pubbe sarāgakālepi lokassa atthaṃ acari’’nti vatvā atītaṃ āhari.
ад̇ийд̇з гассабасаммаасамб̣уд̣̇д̇хагаалз б̣аараан̣асияам̣ усийнаго наама рааж̇аа раж̇ж̇ам̣ гаарзси. гассабасаммаасамб̣уд̣̇д̇хз жад̇усажжад̣̇зсанааяа махааж̇анам̣ гилзсаб̣анд̇ханаа можзд̇ваа ниб̣б̣аананаг̇арам̣ буурзд̇ваа бариниб̣б̣уд̇з д̣̇ийгхасса ад̣̇д̇хуно ажжаязна саасанам̣ осагги. бхигкуу згавийсад̇ияаа анзсанаахи ж̇ийвигам̣ габбзнд̇и, бхигкуу г̇ихисам̣саг̇г̇ам̣ гаронд̇и, буд̇д̇ад̇хийд̇аад̣̇ийхи вад̣дханд̇и. бхигкунияоби г̇ихисам̣саг̇г̇ам̣ гаронд̇и, буд̇д̇ад̇хийд̇аад̣̇ийхи вад̣дханд̇и. бхигкуу бхигкуд̇хаммам̣, бхигкунияо бхигкунид̇хаммам̣, убосагаа убаасагад̇хаммам̣, убаасигаа убаасигад̇хаммам̣, б̣раахман̣аа б̣раахман̣ад̇хаммам̣ виссаж̇ж̇зсум̣. язбхуяязна мануссаа д̣̇аса агусалагаммабат̇з самаад̣̇ааяа вад̇д̇им̣су, мад̇амад̇аа абааязсу барибуурзсум̣. д̇ад̣̇аа сагго д̣̇зварааж̇аа навз навз д̣̇звз абассанд̇о мануссалогам̣ ологзд̇ваа мануссаанам̣ абааязсу ниб̣б̣ад̇д̇ид̇абхаавам̣ н̃ад̇ваа сад̇т̇у саасанам̣ осаггид̇ам̣ д̣̇исваа ‘‘гим̣ ну гариссаамий’’д̇и жинд̇зд̇ваа ‘‘ад̇т̇зго убааяо, махааж̇анам̣ д̇аасзд̇ваа бхийд̇абхаавам̣ н̃ад̇ваа бажчаа ассаасзд̇ваа д̇хаммам̣ д̣̇зсзд̇ваа осаггид̇ам̣ саасанам̣ баг̇г̇аяха абарамби вассасахассам̣ бавад̇д̇анагааран̣ам̣ гариссаамий’’д̇и саннидтаанам̣ гад̇ваа маад̇алид̣̇звабуд̇д̇ам̣ можаббамаан̣ад̣̇аатам̣ жад̇уухи д̣̇аатаахи виниг̇г̇ад̇арасмияаа бхаяаанагам̣ гад̇ваа г̇аб̣бхинийнам̣ д̣̇ассанзнзва г̇аб̣бхабаад̇анасамад̇т̇ам̣ гхораруубам̣ ааж̇аанзяяаббамаан̣ам̣ гаал̣аван̣н̣ам̣ махааган̣хасунакам̣ маабзд̇ваа бан̃жаб̣анд̇ханзна б̣анд̇хид̇ваа рад̇д̇амаалам̣ ган̣тз бил̣анд̇хид̇ваа раж̇ж̇угодигам̣ аад̣̇ааяа саяам̣ д̣̇вз гаасааяаани ниваасзд̇ваа бажчаамукз бан̃жад̇хаа гзсз б̣анд̇хид̇ваа рад̇д̇амаалам̣ бил̣анд̇хид̇ваа ааробид̇абаваал̣аван̣н̣аж̇ияам̣ махаад̇ханум̣ г̇ахзд̇ваа важ̇ираг̇г̇анаараажам̣ накзна бариваддзнд̇о ванажарагавзсам̣ г̇ахзд̇ваа наг̇арад̇о яож̇анамад̇д̇з таанз од̇арид̇ваа ‘‘нассад̇и лого, нассад̇и лого’’д̇и д̇игкад̇д̇ум̣ сад̣̇д̣̇ам̣ анусаавзд̇ваа мануссз уд̇д̇аасзд̇ваа наг̇аруубажаарам̣ бад̇ваа буна сад̣̇д̣̇амагааси.
Atīte kassapasammāsambuddhakāle bārāṇasiyaṃ usīnako nāma rājā rajjaṃ kāresi. Kassapasammāsambuddhe catusaccadesanāya mahājanaṃ kilesabandhanā mocetvā nibbānanagaraṃ pūretvā parinibbute dīghassa addhuno accayena sāsanaṃ osakki. Bhikkhū ekavīsatiyā anesanāhi jīvikaṃ kappenti, bhikkhū gihisaṃsaggaṃ karonti, puttadhītādīhi vaḍḍhanti. Bhikkhuniyopi gihisaṃsaggaṃ karonti, puttadhītādīhi vaḍḍhanti. Bhikkhū bhikkhudhammaṃ, bhikkhuniyo bhikkhunidhammaṃ, uposakā upāsakadhammaṃ, upāsikā upāsikadhammaṃ, brāhmaṇā brāhmaṇadhammaṃ vissajjesuṃ. Yebhuyyena manussā dasa akusalakammapathe samādāya vattiṃsu, matamatā apāyesu paripūresuṃ. Tadā sakko devarājā nave nave deve apassanto manussalokaṃ oloketvā manussānaṃ apāyesu nibbattitabhāvaṃ ñatvā satthu sāsanaṃ osakkitaṃ disvā ‘‘kiṃ nu karissāmī’’ti cintetvā ‘‘attheko upāyo, mahājanaṃ tāsetvā bhītabhāvaṃ ñatvā pacchā assāsetvā dhammaṃ desetvā osakkitaṃ sāsanaṃ paggayha aparampi vassasahassaṃ pavattanakāraṇaṃ karissāmī’’ti sanniṭṭhānaṃ katvā mātalidevaputtaṃ mocappamāṇadāṭhaṃ catūhi dāṭhāhi viniggatarasmiyā bhayānakaṃ katvā gabbhinīnaṃ dassaneneva gabbhapātanasamatthaṃ ghorarūpaṃ ājāneyyappamāṇaṃ kāḷavaṇṇaṃ mahākaṇhasunakhaṃ māpetvā pañcabandhanena bandhitvā rattamālaṃ kaṇṭhe piḷandhitvā rajjukoṭikaṃ ādāya sayaṃ dve kāsāyāni nivāsetvā pacchāmukhe pañcadhā kese bandhitvā rattamālaṃ piḷandhitvā āropitapavāḷavaṇṇajiyaṃ mahādhanuṃ gahetvā vajiragganārācaṃ nakhena parivaṭṭento vanacarakavesaṃ gahetvā nagarato yojanamatte ṭhāne otaritvā ‘‘nassati loko, nassati loko’’ti tikkhattuṃ saddaṃ anusāvetvā manusse uttāsetvā nagarūpacāraṃ patvā puna saddamakāsi.
мануссаа сунакам̣ д̣̇исваа уд̇расд̇аа наг̇арам̣ бависид̇ваа д̇ам̣ бавад̇д̇им̣ ран̃н̃о аарожзсум̣. рааж̇аа сийгхам̣ наг̇арад̣̇ваараани бид̣̇ахаабзси. саггоби адтаарасахад̇т̇ам̣ баагаарам̣ уллан̇гхид̇ваа сунакзна сад̣̇д̇хим̣ анд̇онаг̇арз бад̇идтахи. мануссаа бхийд̇ад̇асид̇аа балааяид̇ваа г̇зхаани бависид̇ваа нилийяим̣су. махааган̣хоби д̣̇идтад̣̇идтз мануссз убад̇хаавид̇ваа санд̇аасзнд̇о рааж̇анивзсанам̣ аг̇амааси. рааж̇ан̇г̇ан̣з мануссаа бхаязна балааяид̇ваа рааж̇анивзсанам̣ бависид̇ваа д̣̇ваарам̣ бид̣̇ахим̣су. усийнагарааж̇ааби ород̇хз г̇ахзд̇ваа баасаад̣̇ам̣ абхирухи. махааган̣хо сунако буримабаад̣̇з угкибид̇ваа ваад̇абаанз тад̇ваа махаабхуссид̇ам̣ бхусси. д̇асса сад̣̇д̣̇о хздтаа авийжим̣, убари бхаваг̇г̇ам̣ бад̇ваа сагалажаггаваал̣ам̣ зганиннаад̣̇ам̣ ахоси. вид̇хураж̇аад̇агз (ж̇аа. 2.22.1346 аад̣̇аяо) хи бун̣н̣агаяагкаран̃н̃о, гусаж̇аад̇агз (ж̇аа. 2.20.1 аад̣̇аяо) гусаран̃н̃о, бхуурид̣̇ад̇д̇аж̇аад̇агз (ж̇аа. 2.22.784 аад̣̇аяо) суд̣̇ассананааг̇аран̃н̃о, имасмим̣ махааган̣хаж̇аад̇агз аяам̣ сад̣̇д̣̇од̇и имз жад̇д̇ааро сад̣̇д̣̇аа ж̇амб̣уд̣̇ибз махаасад̣̇д̣̇аа наама ахзсум̣.
Manussā sunakhaṃ disvā utrastā nagaraṃ pavisitvā taṃ pavattiṃ rañño ārocesuṃ. Rājā sīghaṃ nagaradvārāni pidahāpesi. Sakkopi aṭṭhārasahatthaṃ pākāraṃ ullaṅghitvā sunakhena saddhiṃ antonagare patiṭṭhahi. Manussā bhītatasitā palāyitvā gehāni pavisitvā nilīyiṃsu. Mahākaṇhopi diṭṭhadiṭṭhe manusse upadhāvitvā santāsento rājanivesanaṃ agamāsi. Rājaṅgaṇe manussā bhayena palāyitvā rājanivesanaṃ pavisitvā dvāraṃ pidahiṃsu. Usīnakarājāpi orodhe gahetvā pāsādaṃ abhiruhi. Mahākaṇho sunakho purimapāde ukkhipitvā vātapāne ṭhatvā mahābhussitaṃ bhussi. Tassa saddo heṭṭhā avīciṃ, upari bhavaggaṃ patvā sakalacakkavāḷaṃ ekaninnādaṃ ahosi. Vidhurajātake (jā. 2.22.1346 ādayo) hi puṇṇakayakkharañño, kusajātake (jā. 2.20.1 ādayo) kusarañño, bhūridattajātake (jā. 2.22.784 ādayo) sudassananāgarañño, imasmiṃ mahākaṇhajātake ayaṃ saddoti ime cattāro saddā jambudipe mahāsaddā nāma ahesuṃ.
наг̇араваасино бхийд̇ад̇асид̇аа худ̇ваа згабурисоби саггзна сад̣̇д̇хим̣ гат̇зд̇ум̣ наасагки, рааж̇ааязва сад̇им̣ убадтаабзд̇ваа ваад̇абаанам̣ ниссааяа саггам̣ ааманд̇зд̇ваа ‘‘амбхо луд̣̇д̣̇ага, гасмаа д̇з сунако бхуссад̇ий’’д̇и ааха. ‘‘чаад̇абхаавзна, махаарааж̇аа’’д̇и. ‘‘д̇зна хи д̇асса бхад̇д̇ам̣ д̣̇аабзссаамий’’д̇и анд̇ож̇анасса жа ад̇д̇ано жа баггабхад̇д̇ам̣ саб̣б̣ам̣ д̣̇аабзси. д̇ам̣ саб̣б̣ам̣ сунако згагаб̣ал̣ам̣ вияа гад̇ваа буна сад̣̇д̣̇амагааси. буна рааж̇аа бужчид̇ваа ‘‘ид̣̇ааниби мз сунако чаад̇оязваа’’д̇и суд̇ваа хад̇т̇иассаад̣̇ийнам̣ баггабхад̇д̇ам̣ саб̣б̣ам̣ аахараабзд̇ваа д̣̇аабзси. д̇асмим̣ згаббахаарзнзва нидтаабид̇з сагаланаг̇арасса баггабхад̇д̇ам̣ д̣̇аабзси. д̇амби со д̇ат̇зва бхун̃ж̇ид̇ваа буна сад̣̇д̣̇амагааси. рааж̇аа ‘‘на зса сунако, ниссам̣саяам̣ зса яагко бхависсад̇и, ааг̇аманагааран̣ам̣ бужчиссаамий’’д̇и бхийд̇ад̇асид̇о худ̇ваа бужчанд̇о батамам̣ г̇аат̇амааха –
Nagaravāsino bhītatasitā hutvā ekapurisopi sakkena saddhiṃ kathetuṃ nāsakkhi, rājāyeva satiṃ upaṭṭhāpetvā vātapānaṃ nissāya sakkaṃ āmantetvā ‘‘ambho luddaka, kasmā te sunakho bhussatī’’ti āha. ‘‘Chātabhāvena, mahārājā’’ti. ‘‘Tena hi tassa bhattaṃ dāpessāmī’’ti antojanassa ca attano ca pakkabhattaṃ sabbaṃ dāpesi. Taṃ sabbaṃ sunakho ekakabaḷaṃ viya katvā puna saddamakāsi. Puna rājā pucchitvā ‘‘idānipi me sunakho chātoyevā’’ti sutvā hatthiassādīnaṃ pakkabhattaṃ sabbaṃ āharāpetvā dāpesi. Tasmiṃ ekappahāreneva niṭṭhāpite sakalanagarassa pakkabhattaṃ dāpesi. Tampi so tatheva bhuñjitvā puna saddamakāsi. Rājā ‘‘na esa sunakho, nissaṃsayaṃ esa yakkho bhavissati, āgamanakāraṇaṃ pucchissāmī’’ti bhītatasito hutvā pucchanto paṭhamaṃ gāthamāha –
61.
61.
‘‘ган̣хо ган̣хо жа гхоро жа, суггад̣̇аато бабхаасаваа;
‘‘Kaṇho kaṇho ca ghoro ca, sukkadāṭho pabhāsavā;
б̣ад̣̇д̇хо бан̃жахи раж̇ж̇уухи, гим̣ рави сунако д̇аваа’’д̇и.
Baddho pañcahi rajjūhi, kiṃ ravi sunakho tavā’’ti.
д̇ад̇т̇а ган̣хо ган̣ход̇и бхаяавасзна д̣̇ал̣хийвасзна ваа аамзд̣ид̇ам̣. гхород̇и бассанд̇аанам̣ бхаяаж̇анаго. бабхаасаваад̇и д̣̇аатаа нигканд̇арам̣сибабхаасзна бабхаасаваа. гим̣ равийд̇и гим̣ вирави. д̇авзса зваруубо гагкал̣о сунако гим̣ гарод̇и, гим̣ миг̇з г̇ан̣хаад̇и, уд̣̇ааху д̇з амид̇д̇з, гим̣ д̇з иминаа, виссаж̇ж̇зхи нанд̇и ад̇хиббааязнзвамааха.
Tattha kaṇho kaṇhoti bhayavasena daḷhīvasena vā āmeḍitaṃ. Ghoroti passantānaṃ bhayajanako. Pabhāsavāti dāṭhā nikkhantaraṃsipabhāsena pabhāsavā. Kiṃ ravīti kiṃ viravi. Tavesa evarūpo kakkhaḷo sunakho kiṃ karoti, kiṃ mige gaṇhāti, udāhu te amitte, kiṃ te iminā, vissajjehi nanti adhippāyenevamāha.
д̇ам̣ суд̇ваа сагго д̣̇уд̇ияам̣ г̇аат̇амааха –
Taṃ sutvā sakko dutiyaṃ gāthamāha –
62.
62.
‘‘нааяам̣ миг̇аанамад̇т̇ааяа, усийнага бхависсад̇и;
‘‘Nāyaṃ migānamatthāya, usīnaka bhavissati;
мануссаанам̣ анаяо худ̇ваа, д̇ад̣̇аа ган̣хо бамогкад̇ий’’д̇и.
Manussānaṃ anayo hutvā, tadā kaṇho pamokkhatī’’ti.
д̇ассад̇т̇о – аяан̃хи ‘‘миг̇амам̣сам̣ каад̣̇иссаамий’’д̇и ид̇ха нааг̇ад̇о, д̇асмаа миг̇аанам̣ ад̇т̇о на бхависсад̇и, мануссамам̣сам̣ бана каад̣̇ид̇ум̣ ааг̇ад̇о, д̇асмаа д̇зсам̣ анаяо махаавинаасагаараго худ̇ваа яад̣̇аа анзна мануссаа винаасам̣ баабид̇аа бхависсанд̇и, д̇ад̣̇аа аяам̣ ган̣хо бамогкад̇и, мама хад̇т̇ад̇о мужжиссад̇ийд̇и.
Tassattho – ayañhi ‘‘migamaṃsaṃ khādissāmī’’ti idha nāgato, tasmā migānaṃ attho na bhavissati, manussamaṃsaṃ pana khādituṃ āgato, tasmā tesaṃ anayo mahāvināsakārako hutvā yadā anena manussā vināsaṃ pāpitā bhavissanti, tadā ayaṃ kaṇho pamokkhati, mama hatthato muccissatīti.
ат̇а нам̣ рааж̇аа ‘‘гим̣ бана д̇з бхо луд̣̇д̣̇ага-сунако саб̣б̣зсам̣язва мануссаанам̣ мам̣сам̣ каад̣̇иссад̇и, уд̣̇ааху д̇ава амид̇д̇аанан̃н̃зваа’’д̇и бужчид̇ваа ‘‘амид̇д̇аанан̃н̃зва мз, махаарааж̇аа’’д̇и вуд̇д̇з ‘‘гз бана ид̇ха д̇з амид̇д̇аа’’д̇и бужчид̇ваа ‘‘ад̇хаммаабхирад̇аа висамажаарино, махаарааж̇аа’’д̇и вуд̇д̇з ‘‘гат̇зхи д̇аава нз амхаага’’нд̇и бужчи. ат̇асса гат̇знд̇о д̣̇зварааж̇аа д̣̇аса г̇аат̇аа абхааси –
Atha naṃ rājā ‘‘kiṃ pana te bho luddaka-sunakho sabbesaṃyeva manussānaṃ maṃsaṃ khādissati, udāhu tava amittānaññevā’’ti pucchitvā ‘‘amittānaññeva me, mahārājā’’ti vutte ‘‘ke pana idha te amittā’’ti pucchitvā ‘‘adhammābhiratā visamacārino, mahārājā’’ti vutte ‘‘kathehi tāva ne amhāka’’nti pucchi. Athassa kathento devarājā dasa gāthā abhāsi –
63.
63.
‘‘бад̇д̇ахад̇т̇аа саман̣агаа, мун̣д̣аа сан̇гхаадибааруд̇аа;
‘‘Pattahatthā samaṇakā, muṇḍā saṅghāṭipārutā;
нан̇г̇алзхи гасиссанд̇и, д̇ад̣̇аа ган̣хо бамогкад̇и.
Naṅgalehi kasissanti, tadā kaṇho pamokkhati.
64.
64.
‘‘д̇абассинияо баб̣б̣аж̇ид̇аа, мун̣д̣аа сан̇гхаадибааруд̇аа;
‘‘Tapassiniyo pabbajitā, muṇḍā saṅghāṭipārutā;
яад̣̇аа логз г̇амиссанд̇и, д̇ад̣̇аа ган̣хо бамогкад̇и.
Yadā loke gamissanti, tadā kaṇho pamokkhati.
65.
65.
‘‘д̣̇ийгход̇д̇ародтаа ж̇адилаа, бан̇гад̣̇анд̇аа раж̇ассираа;
‘‘Dīghottaroṭṭhā jaṭilā, paṅkadantā rajassirā;
ин̣ам̣ жод̣̇ааяа г̇ажчанд̇и, д̇ад̣̇аа ган̣хо бамогкад̇и.
Iṇaṃ codāya gacchanti, tadā kaṇho pamokkhati.
66.
66.
‘‘ад̇хижжа взд̣̇з саавид̇д̇им̣, яан̃н̃ад̇анд̇ан̃жа б̣раахман̣аа;
‘‘Adhicca vede sāvittiṃ, yaññatantañca brāhmaṇā;
бхад̇игааяа яаж̇иссанд̇и, д̇ад̣̇аа ган̣хо бамогкад̇и.
Bhatikāya yajissanti, tadā kaṇho pamokkhati.
67.
67.
‘‘маад̇арам̣ бид̇арам̣ жааби, ж̇ин̣н̣агам̣ г̇ад̇аяоб̣б̣анам̣;
‘‘Mātaraṃ pitaraṃ cāpi, jiṇṇakaṃ gatayobbanaṃ;
бахуу санд̇о на бхаранд̇и, д̇ад̣̇аа ган̣хо бамогкад̇и.
Pahū santo na bharanti, tadā kaṇho pamokkhati.
68.
68.
‘‘маад̇арам̣ бид̇арам̣ жааби, ж̇ин̣н̣агам̣ г̇ад̇аяоб̣б̣анам̣;
‘‘Mātaraṃ pitaraṃ cāpi, jiṇṇakaṃ gatayobbanaṃ;
б̣аалаа д̇умхзд̇и вагканд̇и, д̇ад̣̇аа ган̣хо бамогкад̇и.
Bālā tumheti vakkhanti, tadā kaṇho pamokkhati.
69.
69.
‘‘аажарияабхарияам̣ саким̣, маад̇улааним̣ бид̇ужчагим̣;
‘‘Ācariyabhariyaṃ sakhiṃ, mātulāniṃ pitucchakiṃ;
яад̣̇аа логз г̇амиссанд̇и, д̇ад̣̇аа ган̣хо бамогкад̇и.
Yadā loke gamissanti, tadā kaṇho pamokkhati.
70.
70.
‘‘асижаммам̣ г̇ахзд̇ваана, каг̇г̇ам̣ баг̇г̇аяха б̣раахман̣аа;
‘‘Asicammaṃ gahetvāna, khaggaṃ paggayha brāhmaṇā;
бант̇агхаад̇ам̣ гариссанд̇и, д̇ад̣̇аа ган̣хо бамогкад̇и.
Panthaghātaṃ karissanti, tadā kaṇho pamokkhati.
71.
71.
‘‘суггажчавий взд̇хавзраа, т̇уулаб̣аахуу абаад̇убхаа;
‘‘Sukkacchavī vedhaverā, thūlabāhū apātubhā;
мид̇д̇абхзд̣̇ам̣ гариссанд̇и, д̇ад̣̇аа ган̣хо бамогкад̇и.
Mittabhedaṃ karissanti, tadā kaṇho pamokkhati.
72.
72.
‘‘мааяаавино нзгад̇игаа, асаббурисажинд̇агаа;
‘‘Māyāvino nekatikā, asappurisacintakā;
яад̣̇аа логз бхависсанд̇и, д̇ад̣̇аа ган̣хо бамогкад̇ий’’д̇и.
Yadā loke bhavissanti, tadā kaṇho pamokkhatī’’ti.
д̇ад̇т̇а саман̣агаад̇и ‘‘маяам̣ саман̣аамхаа’’д̇и бадин̃н̃аамад̇д̇агзна хийл̣ид̇авохаарзнзвамааха. гасиссанд̇ийд̇и д̇з д̇ад̣̇ааби гасанд̇иязва. аяам̣ бана аж̇аананд̇о вияа звамааха. аяан̃хисса ад̇хиббааяо – зд̇з зваруубаа д̣̇уссийлаа мама амид̇д̇аа, яад̣̇аа мама сунакзна зд̇з маарзд̇ваа мам̣сам̣ каад̣̇ид̇ам̣ бхависсад̇и, д̇ад̣̇аа зса ган̣хо ид̇о бан̃жараж̇ж̇уб̣анд̇ханаа бамогкад̇ийд̇и. иминаа убааязна саб̣б̣аг̇аат̇аасу ад̇хиббааяаяож̇анаа взд̣̇ид̇аб̣б̣аа.
Tattha samaṇakāti ‘‘mayaṃ samaṇāmhā’’ti paṭiññāmattakena hīḷitavohārenevamāha. Kasissantīti te tadāpi kasantiyeva. Ayaṃ pana ajānanto viya evamāha. Ayañhissa adhippāyo – ete evarūpā dussīlā mama amittā, yadā mama sunakhena ete māretvā maṃsaṃ khāditaṃ bhavissati, tadā esa kaṇho ito pañcarajjubandhanā pamokkhatīti. Iminā upāyena sabbagāthāsu adhippāyayojanā veditabbā.
баб̣б̣аж̇ид̇аад̇и б̣уд̣̇д̇хасаасанз баб̣б̣аж̇ид̇аа. г̇амиссанд̇ийд̇и аг̇аарамаж̇жхз бан̃жа гаамаг̇ун̣з барибхун̃ж̇анд̇ияо вижариссанд̇и. д̣̇ийгход̇д̇ародтаад̇и д̣̇аатигаанам̣ вад̣дхид̇ад̇д̇аа д̣̇ийгхуд̇д̇ародтаа. бан̇гад̣̇анд̇аад̇и бан̇гзна малзна саманнааг̇ад̇ад̣̇анд̇аа. ин̣ам̣ жод̣̇ааяаад̇и бхигкаажарияааяа д̇ханам̣ сам̣харид̇ваа вад̣дхияаа ин̣ам̣ баяож̇зд̇ваа д̇ам̣ жод̣̇зд̇ваа д̇ад̇о лад̣̇д̇хзна ж̇ийвигам̣ габбзнд̇аа яад̣̇аа г̇ажчанд̇ийд̇и ад̇т̇о.
Pabbajitāti buddhasāsane pabbajitā. Gamissantīti agāramajjhe pañca kāmaguṇe paribhuñjantiyo vicarissanti. Dīghottaroṭṭhāti dāṭhikānaṃ vaḍḍhitattā dīghuttaroṭṭhā. Paṅkadantāti paṅkena malena samannāgatadantā. Iṇaṃ codāyāti bhikkhācariyāya dhanaṃ saṃharitvā vaḍḍhiyā iṇaṃ payojetvā taṃ codetvā tato laddhena jīvikaṃ kappentā yadā gacchantīti attho.
саавид̇д̇инд̇и саавид̇д̇ин̃жа ад̇хияид̇ваа. яан̃н̃ад̇анд̇ан̃жаад̇и яан̃н̃авид̇хааяагад̇анд̇ам̣, яан̃н̃ам̣ ад̇хияид̇ваад̇и ад̇т̇о. бхад̇игааяаад̇и д̇з д̇з рааж̇арааж̇амахаамад̇д̇з убасан̇гамид̇ваа ‘‘д̇умхаагам̣ яан̃н̃ам̣ яаж̇иссаама, д̇ханам̣ д̣̇зт̇аа’’д̇и звам̣ бхад̇иад̇т̇ааяа яад̣̇аа яан̃н̃ам̣ яаж̇иссанд̇и. бахуу санд̇од̇и бхарид̇ум̣ босзд̇ум̣ самад̇т̇аа самаанаа. б̣аалаа д̇умхзд̇и д̇умхз б̣аалаа на гин̃жи ж̇аанаат̇аад̇и яад̣̇аа вагканд̇и. г̇амиссанд̇ийд̇и логад̇хаммасзванавасзна г̇амиссанд̇и. бант̇агхаад̇анд̇и бант̇з тад̇ваа мануссз маарзд̇ваа д̇зсам̣ бхан̣д̣аг̇г̇ахан̣ам̣.
Sāvittinti sāvittiñca adhiyitvā. Yaññatantañcāti yaññavidhāyakatantaṃ, yaññaṃ adhiyitvāti attho. Bhatikāyāti te te rājarājamahāmatte upasaṅkamitvā ‘‘tumhākaṃ yaññaṃ yajissāma, dhanaṃ dethā’’ti evaṃ bhatiatthāya yadā yaññaṃ yajissanti. Pahū santoti bharituṃ posetuṃ samatthā samānā. Bālā tumheti tumhe bālā na kiñci jānāthāti yadā vakkhanti. Gamissantīti lokadhammasevanavasena gamissanti. Panthaghātanti panthe ṭhatvā manusse māretvā tesaṃ bhaṇḍaggahaṇaṃ.
суггажчавийд̇и гасааважун̣н̣аад̣̇игхам̣санзна самудтаабид̇асуггажчавиван̣н̣аа. взд̇хавзраад̇и вид̇хаваа абад̇игаа, д̇аахи вид̇хаваахи взрам̣ жаранд̇ийд̇и взд̇хавзраа. т̇уулаб̣аахууд̇и баад̣̇абаримад̣̇д̣̇анаад̣̇ийхи самудтаабид̇амам̣сад̇ааяа махааб̣аахуу. абаад̇убхаад̇и абаад̇убхааваа, д̇хануббаад̣̇арахид̇аад̇и ад̇т̇о. мид̇д̇абхзд̣̇анд̇и мит̇убхзд̣̇ам̣, аяамзва ваа баато. ид̣̇ам̣ вуд̇д̇ам̣ ход̇и – яад̣̇аа зваруубаа ид̇т̇ид̇худ̇д̇аа ‘‘имаа амхз на ж̇ахиссанд̇ий’’д̇и сахиран̃н̃аа вид̇хаваа убаг̇анд̇ваа сам̣ваасам̣ габбзд̇ваа д̇аасам̣ санд̇агам̣ каад̣̇ид̇ваа д̇аахи сад̣̇д̇хим̣ мид̇д̇абхзд̣̇ам̣ гариссанд̇и , виссаасам̣ бхинд̣̇ид̇ваа ан̃н̃ам̣ сахиран̃н̃ам̣ г̇амиссанд̇и, д̇ад̣̇аа зса д̇з жорз саб̣б̣зва каад̣̇ид̇ваа мужжиссад̇и. асаббурисажинд̇агаад̇и асаббурисажид̇д̇зхи барад̣̇угкажинд̇анасийлаа. д̇ад̣̇аад̇и д̇ад̣̇аа саб̣б̣збимз гхаад̇зд̇ваа каад̣̇ид̇амам̣со ган̣хо бамогкад̇ийд̇и.
Sukkacchavīti kasāvacuṇṇādighaṃsanena samuṭṭhāpitasukkacchavivaṇṇā. Vedhaverāti vidhavā apatikā, tāhi vidhavāhi veraṃ carantīti vedhaverā. Thūlabāhūti pādaparimaddanādīhi samuṭṭhāpitamaṃsatāya mahābāhū. Apātubhāti apātubhāvā, dhanuppādarahitāti attho. Mittabhedanti mithubhedaṃ, ayameva vā pāṭho. Idaṃ vuttaṃ hoti – yadā evarūpā itthidhuttā ‘‘imā amhe na jahissantī’’ti sahiraññā vidhavā upagantvā saṃvāsaṃ kappetvā tāsaṃ santakaṃ khāditvā tāhi saddhiṃ mittabhedaṃ karissanti , vissāsaṃ bhinditvā aññaṃ sahiraññaṃ gamissanti, tadā esa te core sabbeva khāditvā muccissati. Asappurisacintakāti asappurisacittehi paradukkhacintanasīlā. Tadāti tadā sabbepime ghātetvā khāditamaṃso kaṇho pamokkhatīti.
зван̃жа бана вад̇ваа ‘‘имз маяхам̣, махаарааж̇а, амид̇д̇аа’’д̇и д̇з д̇з ад̇хаммагаарагз багканд̣̇ид̇ваа каад̣̇ид̇угаамад̇ам̣ вияа гад̇ваа д̣̇ассзд̇и. со д̇ад̇о махааж̇анасса уд̇расд̇агаалз сунакам̣ раж̇ж̇уяаа аагад̣дхид̇ваа табид̇ам̣ вияа гад̇ваа луд̣̇д̣̇агавзсам̣ виж̇ахид̇ваа ад̇д̇ано аанубхаавзна аагаасз ж̇аламаано тад̇ваа ‘‘махаарааж̇а, ахам̣ сагго д̣̇зварааж̇аа, ‘аяам̣ лого винассад̇ий’д̇и ааг̇ад̇о, бамад̇д̇аа хи махааж̇анаа, ад̇хаммам̣ вад̇д̇ид̇ваа мад̇амад̇аа самбад̇и абааяз буурзнд̇и, д̣̇звалого д̇ужчо вияа вид̇о, ид̇о бадтааяа ад̇хаммигзсу гад̇д̇аб̣б̣ам̣ ахам̣ ж̇ааниссаами, д̇вам̣ аббамад̇д̇о хохи, махаарааж̇аа’’д̇и жад̇уухи сад̇аарахаг̇аат̇аахи д̇хаммам̣ д̣̇зсзд̇ваа мануссаанам̣ д̣̇аанасийлзсу бад̇идтаабзд̇ваа осаггид̇асаасанам̣ ан̃н̃ам̣ вассасахассам̣ бавад̇д̇анасамад̇т̇ам̣ гад̇ваа маад̇алим̣ аад̣̇ааяа сагадтаанамзва г̇ад̇о. махааж̇анаа д̣̇аанасийлаад̣̇ийни бун̃н̃аани гад̇ваа д̣̇звалогз ниб̣б̣ад̇д̇им̣су.
Evañca pana vatvā ‘‘ime mayhaṃ, mahārāja, amittā’’ti te te adhammakārake pakkhanditvā khāditukāmataṃ viya katvā dasseti. So tato mahājanassa utrastakāle sunakhaṃ rajjuyā ākaḍḍhitvā ṭhapitaṃ viya katvā luddakavesaṃ vijahitvā attano ānubhāvena ākāse jalamāno ṭhatvā ‘‘mahārāja, ahaṃ sakko devarājā, ‘ayaṃ loko vinassatī’ti āgato, pamattā hi mahājanā, adhammaṃ vattitvā matamatā sampati apāye pūrenti, devaloko tuccho viya vito, ito paṭṭhāya adhammikesu kattabbaṃ ahaṃ jānissāmi, tvaṃ appamatto hohi, mahārājā’’ti catūhi satārahagāthāhi dhammaṃ desetvā manussānaṃ dānasīlesu patiṭṭhāpetvā osakkitasāsanaṃ aññaṃ vassasahassaṃ pavattanasamatthaṃ katvā mātaliṃ ādāya sakaṭṭhānameva gato. Mahājanā dānasīlādīni puññāni katvā devaloke nibbattiṃsu.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣ бхигкавз буб̣б̣збаахам̣ логасса ад̇т̇амзва жараамий’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа маад̇али аананд̣̇о ахоси, сагго бана ахамзва ахоси’’нд̇и.
Satthā imaṃ dhammadesanaṃ āharitvā ‘‘evaṃ bhikkhave pubbepāhaṃ lokassa atthameva carāmī’’ti vatvā jātakaṃ samodhānesi – ‘‘tadā mātali ānando ahosi, sakko pana ahameva ahosi’’nti.
махааган̣хаж̇аад̇агаван̣н̣анаа чадтаа.
Mahākaṇhajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 469. махааган̣хаж̇аад̇агам̣ • 469. Mahākaṇhajātakaṃ
