Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā

[516] 6. махаагабиж̇аад̇агаван̣н̣анаа

[516] 6. Mahākapijātakavaṇṇanā

б̣аараан̣асяам̣ ахуу рааж̇аад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса силаабавиж̇жханам̣ аараб̣бха гат̇зси. д̇зна хи д̇хануг̇г̇ахз баяож̇зд̇ваа абарабхааг̇з силааяа бавид̣̇д̇хааяа бхигкуухи д̣̇звад̣̇ад̇д̇асса аван̣н̣з гат̇ид̇з сад̇т̇аа ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о маяхам̣ силам̣ бавиж̇жхиязваа’’д̇и вад̇ваа ад̇ийд̇ам̣ аахари.

Bārāṇasyaṃ ahū rājāti idaṃ satthā veḷuvane viharanto devadattassa silāpavijjhanaṃ ārabbha kathesi. Tena hi dhanuggahe payojetvā aparabhāge silāya paviddhāya bhikkhūhi devadattassa avaṇṇe kathite satthā ‘‘na, bhikkhave, idāneva, pubbepi devadatto mayhaṃ silaṃ pavijjhiyevā’’ti vatvā atītaṃ āhari.

ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з гаасигаг̇аамагз зго гассагаб̣раахман̣о кзд̇д̇ам̣ гасид̇ваа г̇он̣з виссаж̇ж̇зд̇ваа гуд̣̇д̣̇аалагаммам̣ гаад̇ум̣ аарабхи. г̇он̣аа згасмим̣ г̇ажчз бан̣н̣аани каад̣̇анд̇аа ануггамзна адавим̣ бависид̇ваа балааяим̣су. со взлам̣ саллагкзд̇ваа гуд̣̇д̣̇аалам̣ табзд̇ваа г̇он̣з ологзнд̇о ад̣̇исваа д̣̇оманассаббад̇д̇о д̇з бариязсанд̇о анд̇оадавим̣ бависид̇ваа аахин̣д̣анд̇о химаванд̇ам̣ баависи. со д̇ад̇т̇а д̣̇исаамуул̣хо худ̇ваа сад̇д̇аахам̣ нираахааро вижаранд̇о згам̣ д̇инд̣̇угаругкам̣ д̣̇исваа абхируяха палаани каад̣̇анд̇о д̇инд̣̇угаругкад̇о бариг̇ал̣ид̇ваа садтихад̇т̇з нарагабабаад̇з бад̇и. д̇ад̇расса д̣̇аса д̣̇ивасаа вийд̇ивад̇д̇аа. д̇ад̣̇аа б̣од̇хисад̇д̇о габияонияам̣ ниб̣б̣ад̇д̇ид̇ваа палаапалаани каад̣̇анд̇о д̇ам̣ бурисам̣ д̣̇исваа силааяа яог̇г̇ам̣ гад̇ваа д̇ам̣ бурисам̣ уд̣̇д̇харид̇ваа силааяа мад̇т̇агз нисийд̣̇аабзд̇ваа звамааха – ‘‘бхо б̣раахман̣а, ахам̣ гиламаами, мухуд̇д̇ам̣ нид̣̇д̣̇ааяиссаами, мам̣ рагкаахий’’д̇и. со д̇асса нид̣̇д̣̇ааяанд̇асса силааяа мад̇т̇агам̣ бад̣̇аалзси. махаасад̇д̇о д̇асса д̇ам̣ гаммам̣ н̃ад̇ваа уббад̇ид̇ваа саакааяа нисийд̣̇ид̇ваа ‘‘бхо буриса, д̇вам̣ бхуумияаа г̇ажча, ахам̣ саакаг̇г̇зна д̇уяхам̣ маг̇г̇ам̣ аажигканд̇о г̇амиссаамий’’д̇и д̇ам̣ бурисам̣ аран̃н̃ад̇о нийхарид̇ваа маг̇г̇з табзд̇ваа баб̣б̣ад̇абаад̣̇амзва баависи. со бурисо махаасад̇д̇з абараж̇жхид̇ваа гудтий худ̇ваа д̣̇идтад̇хаммзязва мануссабзд̇о ахоси.

Atīte bārāṇasiyaṃ brahmadatte rajjaṃ kārente kāsikagāmake eko kassakabrāhmaṇo khettaṃ kasitvā goṇe vissajjetvā kuddālakammaṃ kātuṃ ārabhi. Goṇā ekasmiṃ gacche paṇṇāni khādantā anukkamena aṭaviṃ pavisitvā palāyiṃsu. So velaṃ sallakkhetvā kuddālaṃ ṭhapetvā goṇe olokento adisvā domanassappatto te pariyesanto antoaṭaviṃ pavisitvā āhiṇḍanto himavantaṃ pāvisi. So tattha disāmūḷho hutvā sattāhaṃ nirāhāro vicaranto ekaṃ tindukarukkhaṃ disvā abhiruyha phalāni khādanto tindukarukkhato parigaḷitvā saṭṭhihatthe narakapapāte pati. Tatrassa dasa divasā vītivattā. Tadā bodhisatto kapiyoniyaṃ nibbattitvā phalāphalāni khādanto taṃ purisaṃ disvā silāya yoggaṃ katvā taṃ purisaṃ uddharitvā silāya matthake nisīdāpetvā evamāha – ‘‘bho brāhmaṇa, ahaṃ kilamāmi, muhuttaṃ niddāyissāmi, maṃ rakkhāhī’’ti. So tassa niddāyantassa silāya matthakaṃ padālesi. Mahāsatto tassa taṃ kammaṃ ñatvā uppatitvā sākhāya nisīditvā ‘‘bho purisa, tvaṃ bhūmiyā gaccha, ahaṃ sākhaggena tuyhaṃ maggaṃ ācikkhanto gamissāmī’’ti taṃ purisaṃ araññato nīharitvā magge ṭhapetvā pabbatapādameva pāvisi. So puriso mahāsatte aparajjhitvā kuṭṭhī hutvā diṭṭhadhammeyeva manussapeto ahosi.

со сад̇д̇а вассаани д̣̇угкабийл̣ид̇о вижаранд̇о б̣аараан̣асияам̣ миг̇ааж̇инам̣ наама уяяаанам̣ бависид̇ваа баагааранд̇арз гад̣̇алибан̣н̣ам̣ ад̇т̇арид̇ваа взд̣̇анааббад̇д̇о нибаж̇ж̇и. д̇ад̣̇аа б̣аараан̣асирааж̇аа уяяаанам̣ г̇анд̇ваа д̇ад̇т̇а вижаранд̇о д̇ам̣ д̣̇исваа ‘‘госи д̇вам̣, гим̣ ваа гад̇ваа имам̣ д̣̇угкам̣ бад̇д̇о’’д̇и бужчи. собисса саб̣б̣ам̣ вид̇т̇аарад̇о аажигки. д̇амад̇т̇ам̣ багаасзнд̇о сад̇т̇аа ааха –

So satta vassāni dukkhapīḷito vicaranto bārāṇasiyaṃ migājinaṃ nāma uyyānaṃ pavisitvā pākārantare kadalipaṇṇaṃ attharitvā vedanāppatto nipajji. Tadā bārāṇasirājā uyyānaṃ gantvā tattha vicaranto taṃ disvā ‘‘kosi tvaṃ, kiṃ vā katvā imaṃ dukkhaṃ patto’’ti pucchi. Sopissa sabbaṃ vitthārato ācikkhi. Tamatthaṃ pakāsento satthā āha –

178.

‘‘б̣аараан̣асяам̣ ахуу рааж̇аа, гаасийнам̣ радтавад̣дхано;

‘‘Bārāṇasyaṃ ahū rājā, kāsīnaṃ raṭṭhavaḍḍhano;

мид̇д̇аамажжабариб̣яуул̣хо, аг̇амааси миг̇ааж̇инам̣.

Mittāmaccaparibyūḷho, agamāsi migājinaṃ.

179.

‘‘д̇ад̇т̇а б̣раахман̣амад̣̇д̣̇агки, сзд̇ам̣ жид̇рам̣ гилаасинам̣;

‘‘Tattha brāhmaṇamaddakkhi, setaṃ citraṃ kilāsinaṃ;

вид̣̇д̇хасд̇ам̣ говил̣аарам̣ва, гисам̣ д̇хаманисант̇ад̇ам̣.

Viddhastaṃ koviḷāraṃva, kisaṃ dhamanisanthataṃ.

180.

‘‘барамагаарун̃н̃ад̇ам̣ бад̇д̇ам̣, д̣̇исваа гижчаг̇ад̇ам̣ нарам̣;

‘‘Paramakāruññataṃ pattaṃ, disvā kicchagataṃ naraṃ;

аважа б̣яамхид̇о рааж̇аа, яагкаанам̣ гад̇амо нуси.

Avaca byamhito rājā, yakkhānaṃ katamo nusi.

181.

‘‘хад̇т̇абаад̣̇аа жа д̇з сзд̇аа, д̇ад̇о сзд̇ад̇арам̣ сиро;

‘‘Hatthapādā ca te setā, tato setataraṃ siro;

г̇ад̇д̇ам̣ гаммаасаван̣н̣ам̣ д̇з, гилаасаб̣ахуло жаси.

Gattaṃ kammāsavaṇṇaṃ te, kilāsabahulo casi.

182.

‘‘вадданаавал̣исан̇гаасаа , бидти д̇з ниннад̇уннад̇аа;

‘‘Vaṭṭanāvaḷisaṅkāsā , piṭṭhi te ninnatunnatā;

гаал̣абаб̣б̣аава д̇з ан̇г̇аа, наан̃н̃ам̣ бассаами зд̣̇исам̣.

Kāḷapabbāva te aṅgā, nāññaṃ passāmi edisaṃ.

183.

‘‘уг̇гхаддабаад̣̇о д̇асид̇о, гисо д̇хаманисант̇ад̇о;

‘‘Ugghaṭṭapādo tasito, kiso dhamanisanthato;

чаад̇о аад̇ад̇д̇аруубоси, гуд̇оси гад̇т̇а г̇ажчад̇и.

Chāto ātattarūposi, kutosi kattha gacchati.

184.

‘‘д̣̇уд̣̇д̣̇асий аббагаароси, д̣̇уб̣б̣ан̣н̣о бхиймад̣̇ассано;

‘‘Duddasī appakārosi, dubbaṇṇo bhīmadassano;

ж̇анзд̇д̇и яааби д̇з маад̇аа, на д̇ам̣ ижчзяяа бассид̇ум̣.

Janetti yāpi te mātā, na taṃ iccheyya passituṃ.

185.

‘‘гим̣ гаммамагарам̣ буб̣б̣з, гам̣ аваж̇жхам̣ агхаад̇аяи;

‘‘Kiṃ kammamakaraṃ pubbe, kaṃ avajjhaṃ aghātayi;

гиб̣б̣исам̣ яам̣ гарид̇ваана, ид̣̇ам̣ д̣̇угкам̣ убааг̇амий’’д̇и.

Kibbisaṃ yaṃ karitvāna, idaṃ dukkhaṃ upāgamī’’ti.

д̇ад̇т̇а б̣аараан̣асяанд̇и б̣аараан̣асияам̣. мид̇д̇аамажжабариб̣яуул̣ход̇и мид̇д̇зхи жа д̣̇ал̣хабхад̇д̇ийхи амажжзхи жа баривуд̇о. миг̇ааж̇инанд̇и звам̣наамагам̣ уяяаанам̣. сзд̇анд̇и сзд̇агудтзна сзд̇ам̣ габ̣арагудтзна вижид̇рам̣ барибхиннзна ган̣д̣ууяанагилаасагудтзна гилаасинам̣ взд̣̇анааббад̇д̇ам̣ гад̣̇алибан̣н̣з нибаннам̣ ад̣̇д̣̇аса. вид̣̇д̇хасд̇ам̣ говил̣аарам̣ваад̇и ван̣амукзхи баг̇гхаранд̇зна мам̣сзна вид̣̇д̇хасд̇ам̣ бубпид̇аговил̣аарасад̣̇исам̣. гисанд̇и згажжзсу бад̣̇зсзсу адтижаммамад̇д̇асарийрам̣ сирааж̇ааласант̇ад̇ам̣. б̣яамхид̇од̇и бхийд̇о вимхаяамаабанно ваа. яагкаананд̇и яагкаанам̣ анд̇арз д̇вам̣ гад̇араяагко наамааси. вадданаавал̣исан̇гаасаад̇и бидтиган̣дагадтаанз аавунид̇ваа табид̇аавадданаавал̣исад̣̇исаа. ан̇г̇аад̇и гаал̣абаб̣б̣аваллисад̣̇исаани д̇з ан̇г̇аани. наан̃н̃анд̇и ан̃н̃ам̣ бурисам̣ зд̣̇исам̣ на бассаами. уг̇гхаддабаад̣̇од̇и раж̇огин̣н̣абаад̣̇о. аад̇ад̇д̇аруубод̇и сугкасарийро. д̣̇уд̣̇д̣̇асийд̇и д̣̇угкзна бассид̇аб̣б̣о. аббагааросийд̇и сарийраббагаарарахид̇оси, д̣̇уссан̣тааносийд̇и ад̇т̇о. гим̣ гаммамагаранд̇и ид̇о буб̣б̣з гим̣ гаммам̣ агарам̣, агаасийд̇и ад̇т̇о. гиб̣б̣исанд̇и д̣̇аарун̣агаммам̣.

Tattha bārāṇasyanti bārāṇasiyaṃ. Mittāmaccaparibyūḷhoti mittehi ca daḷhabhattīhi amaccehi ca parivuto. Migājinanti evaṃnāmakaṃ uyyānaṃ. Setanti setakuṭṭhena setaṃ kabarakuṭṭhena vicitraṃ paribhinnena kaṇḍūyanakilāsakuṭṭhena kilāsinaṃ vedanāppattaṃ kadalipaṇṇe nipannaṃ addasa. Viddhastaṃ koviḷāraṃvāti vaṇamukhehi paggharantena maṃsena viddhastaṃ pupphitakoviḷārasadisaṃ. Kisanti ekaccesu padesesu aṭṭhicammamattasarīraṃ sirājālasanthataṃ. Byamhitoti bhīto vimhayamāpanno vā. Yakkhānanti yakkhānaṃ antare tvaṃ katarayakkho nāmāsi. Vaṭṭanāvaḷisaṅkāsāti piṭṭhikaṇṭakaṭṭhāne āvunitvā ṭhapitāvaṭṭanāvaḷisadisā. Aṅgāti kāḷapabbavallisadisāni te aṅgāni. Nāññanti aññaṃ purisaṃ edisaṃ na passāmi. Ugghaṭṭapādoti rajokiṇṇapādo. Ātattarūpoti sukkhasarīro. Duddasīti dukkhena passitabbo. Appakārosīti sarīrappakārarahitosi, dussaṇṭhānosīti attho. Kiṃ kammamakaranti ito pubbe kiṃ kammaṃ akaraṃ, akāsīti attho. Kibbisanti dāruṇakammaṃ.

д̇ад̇о барам̣ б̣раахман̣о ааха –

Tato paraṃ brāhmaṇo āha –

186.

‘‘д̇аг̇гха д̇з ахамагкиссам̣, яат̇ааби гусало д̇ат̇аа;

‘‘Taggha te ahamakkhissaṃ, yathāpi kusalo tathā;

сажжаваад̣̇ин̃хи логасмим̣, басам̣санд̇ийд̇ха бан̣д̣ид̇аа.

Saccavādiñhi lokasmiṃ, pasaṃsantīdha paṇḍitā.

187.

‘‘зго жарам̣ г̇ог̇авзсо, муул̣хо ажжасарим̣ ванз;

‘‘Eko caraṃ gogaveso, mūḷho accasariṃ vane;

аран̃н̃з ирийн̣з виванз, наанаагун̃ж̇арасзвид̇з.

Araññe irīṇe vivane, nānākuñjarasevite.

188.

‘‘ваал̣амиг̇аанужарид̇з, виббанадтосми гаананз;

‘‘Vāḷamigānucarite, vippanaṭṭhosmi kānane;

ажарим̣ д̇ад̇т̇а сад̇д̇аахам̣, куббибаасасамаббид̇о.

Acariṃ tattha sattāhaṃ, khuppipāsasamappito.

189.

‘‘д̇ад̇т̇а д̇инд̣̇угамад̣̇д̣̇агким̣, висамадтам̣ б̣убхугкид̇о;

‘‘Tattha tindukamaddakkhiṃ, visamaṭṭhaṃ bubhukkhito;

бабаад̇амабхиламб̣анд̇ам̣, самбаннапалад̇хааринам̣.

Papātamabhilambantaṃ, sampannaphaladhārinaṃ.

190.

‘‘ваад̇ассид̇аани бхагкзсим̣, д̇аани ружжим̣су мз бхусам̣;

‘‘Vātassitāni bhakkhesiṃ, tāni rucciṃsu me bhusaṃ;

ад̇ид̇д̇о ругкамааруухим̣, д̇ад̇т̇а хзссаами аасид̇о.

Atitto rukkhamārūhiṃ, tattha hessāmi āsito.

191.

‘‘згам̣ мз бхагкид̇ам̣ ааси, д̣̇уд̇ияам̣ абхибад̇т̇ид̇ам̣;

‘‘Ekaṃ me bhakkhitaṃ āsi, dutiyaṃ abhipatthitaṃ;

д̇ад̇о саа бхан̃ж̇ат̇а саакаа, чиннаа парасунаа вияа.

Tato sā bhañjatha sākhā, chinnā pharasunā viya.

192.

‘‘сохам̣ сахаава саакаахи, уд̣̇д̇хам̣баад̣̇о авам̣сиро;

‘‘Sohaṃ sahāva sākhāhi, uddhaṃpādo avaṃsiro;

аббад̇идтз анааламб̣з, г̇ирид̣̇уг̇г̇асми баабад̇ам̣.

Appatiṭṭhe anālambe, giriduggasmi pāpataṃ.

193.

‘‘яасмаа жа ваари г̇амбхийрам̣, д̇асмаа на самабаж̇ж̇исам̣;

‘‘Yasmā ca vāri gambhīraṃ, tasmā na samapajjisaṃ;

д̇ад̇т̇а сзсим̣ нираананд̣̇о, ануунаа д̣̇аса рад̇д̇ияо.

Tattha sesiṃ nirānando, anūnā dasa rattiyo.

194.

‘‘ат̇зд̇т̇а габи мааг̇ан̃чи, г̇онан̇г̇уло д̣̇арийжаро;

‘‘Athettha kapi māgañchi, gonaṅgulo darīcaro;

саакаахи саакам̣ вижаранд̇о, каад̣̇амаано д̣̇умабпалам̣.

Sākhāhi sākhaṃ vicaranto, khādamāno dumapphalaṃ.

195.

‘‘со мам̣ д̣̇исваа гисам̣ бан̣д̣ум̣, гаарун̃н̃амагарам̣ маяи;

‘‘So maṃ disvā kisaṃ paṇḍuṃ, kāruññamakaraṃ mayi;

амбхо го наама со зд̇т̇а, звам̣ д̣̇угкзна аддид̇о.

Ambho ko nāma so ettha, evaṃ dukkhena aṭṭito.

196.

‘‘мануссо амануссо ваа, ад̇д̇аанам̣ мз бавзд̣̇аяа;

‘‘Manusso amanusso vā, attānaṃ me pavedaya;

д̇ассан̃ж̇алим̣ бан̣аамзд̇ваа, ид̣̇ам̣ важанамаб̣равим̣.

Tassañjaliṃ paṇāmetvā, idaṃ vacanamabraviṃ.

197.

‘‘мануссохам̣ б̣яасамбад̇д̇о, саа мз над̇т̇и ид̇о г̇ад̇и;

‘‘Manussohaṃ byasampatto, sā me natthi ito gati;

д̇ам̣ во вад̣̇аами бхад̣̇д̣̇ам̣ во, д̇ван̃жа мз саран̣ам̣ бхава.

Taṃ vo vadāmi bhaddaṃ vo, tvañca me saraṇaṃ bhava.

198.

‘‘г̇арум̣ силам̣ г̇ахзд̇ваана, вижарий баб̣б̣ад̇з габи;

‘‘Garuṃ silaṃ gahetvāna, vicarī pabbate kapi;

силааяа яог̇г̇ам̣ гад̇ваана, нисабхо зд̇ад̣̇аб̣рави.

Silāya yoggaṃ katvāna, nisabho etadabravi.

199.

‘‘зхи мз бидтимааруяха, г̇ийвам̣ г̇ан̣хаахи б̣аахубхи;

‘‘Ehi me piṭṭhimāruyha, gīvaṃ gaṇhāhi bāhubhi;

ахам̣ д̇ам̣ уд̣̇д̇хариссаами, г̇ирид̣̇уг̇г̇ад̇а взг̇асаа.

Ahaṃ taṃ uddharissāmi, giriduggata vegasā.

200.

‘‘д̇асса д̇ам̣ важанам̣ суд̇ваа, ваанаринд̣̇асса сириймад̇о;

‘‘Tassa taṃ vacanaṃ sutvā, vānarindassa sirīmato;

бидтимааруяха д̇хийрасса, г̇ийвам̣ б̣аахаахи аг̇г̇ахим̣.

Piṭṭhimāruyha dhīrassa, gīvaṃ bāhāhi aggahiṃ.

201.

‘‘со мам̣ д̇ад̇о самудтааси, д̇зж̇ассий б̣алаваа габи;

‘‘So maṃ tato samuṭṭhāsi, tejassī balavā kapi;

вихан̃н̃амаано гижчзна, г̇ирид̣̇уг̇г̇ад̇а взг̇асаа.

Vihaññamāno kicchena, giriduggata vegasā.

202.

‘‘уд̣̇д̇харид̇ваана мам̣ санд̇о, нисабхо зд̇ад̣̇аб̣рави;

‘‘Uddharitvāna maṃ santo, nisabho etadabravi;

ин̇гха мам̣ самма рагкассу, басубиссам̣ мухуд̇д̇агам̣.

Iṅgha maṃ samma rakkhassu, pasupissaṃ muhuttakaṃ.

203.

‘‘сийхаа б̣яаг̇гхаа жа д̣̇ийбий жа, ажчагогад̇аражчаяо;

‘‘Sīhā byagghā ca dīpī ca, acchakokataracchayo;

д̇з мам̣ бамад̇д̇ам̣ хим̣сзяяум̣, д̇з д̇вам̣ д̣̇исваа ниваараяа.

Te maṃ pamattaṃ hiṃseyyuṃ, te tvaṃ disvā nivāraya.

204.

‘‘звам̣ мз барид̇д̇аад̇ууна, басубий со мухуд̇д̇агам̣;

‘‘Evaṃ me parittātūna, pasupī so muhuttakaṃ;

д̇ад̣̇аахам̣ баабигам̣ д̣̇идтим̣, бадилажчим̣ аяонисо.

Tadāhaṃ pāpikaṃ diṭṭhiṃ, paṭilacchiṃ ayoniso.

205.

‘‘бхагко аяам̣ мануссаанам̣, яат̇аа жан̃н̃з ванз миг̇аа;

‘‘Bhakkho ayaṃ manussānaṃ, yathā caññe vane migā;

яам̣ нуунимам̣ вад̇хид̇ваана, чаад̇о каад̣̇зяяа ваанарам̣.

Yaṃ nūnimaṃ vadhitvāna, chāto khādeyya vānaraṃ.

206.

‘‘асид̇о жа г̇амиссаами, мам̣самаад̣̇ааяа самб̣алам̣;

‘‘Asito ca gamissāmi, maṃsamādāya sambalaṃ;

ганд̇аарам̣ нид̇т̇ариссаами, баат̇зяяам̣ мз бхависсад̇и.

Kantāraṃ nittharissāmi, pātheyyaṃ me bhavissati.

207.

‘‘д̇ад̇о силам̣ г̇ахзд̇ваана, мад̇т̇агам̣ саннид̇аал̣аяим̣;

‘‘Tato silaṃ gahetvāna, matthakaṃ sannitāḷayiṃ;

мама г̇ад̇д̇агиланд̇асса, бахааро д̣̇уб̣б̣ало аху.

Mama gattakilantassa, pahāro dubbalo ahu.

208.

‘‘со жа взг̇знуд̣̇аббад̇д̇о, габи рухирамагкид̇о;

‘‘So ca vegenudappatto, kapi ruhiramakkhito;

ассубун̣н̣зхи нзд̇д̇зхи, род̣̇анд̇о мам̣ уд̣̇игкад̇и.

Assupuṇṇehi nettehi, rodanto maṃ udikkhati.

209.

‘‘мааяяо мам̣ гари бхад̣̇д̣̇анд̇з, д̇ван̃жа наамзд̣̇исам̣ гари;

‘‘Māyyo maṃ kari bhaddante, tvañca nāmedisaṃ kari;

д̇ван̃жа ко наама д̣̇ийгхааву, ан̃н̃з ваарзд̇умарахаси.

Tvañca kho nāma dīghāvu, aññe vāretumarahasi.

210.

‘‘ахо вад̇а рз буриса, д̇аавад̣̇уггарагаарага;

‘‘Aho vata re purisa, tāvadukkarakāraka;

зд̣̇исаа висамаа д̣̇уг̇г̇аа, бабаад̇аа уд̣̇д̇хад̇о маяаа.

Edisā visamā duggā, papātā uddhato mayā.

211.

‘‘аанийд̇о баралогаава, д̣̇уб̣бхзяяам̣ мам̣ аман̃н̃ат̇а;

‘‘Ānīto paralokāva, dubbheyyaṃ maṃ amaññatha;

д̇ам̣ д̇зна баабагаммзна, баабам̣ баабзна жинд̇ид̇ам̣.

Taṃ tena pāpakammena, pāpaṃ pāpena cintitaṃ.

212.

‘‘маа хзва д̇вам̣ ад̇хаммадта, взд̣̇анам̣ гадугам̣ пуси;

‘‘Mā heva tvaṃ adhammaṭṭha, vedanaṃ kaṭukaṃ phusi;

маа хзва баабагаммам̣ д̇ам̣, палам̣ взл̣ум̣ва д̇ам̣ вад̇хи.

Mā heva pāpakammaṃ taṃ, phalaṃ veḷuṃva taṃ vadhi.

213.

‘‘д̇аяи мз над̇т̇и виссаасо, баабад̇хамма асан̃н̃ад̇а;

‘‘Tayi me natthi vissāso, pāpadhamma asaññata;

зхи мз бидтид̇о г̇ажча, д̣̇иссамаанова санд̇игз.

Ehi me piṭṭhito gaccha, dissamānova santike.

214.

‘‘муд̇д̇оси хад̇т̇аа ваал̣аанам̣, бад̇д̇оси маанусим̣ бад̣̇ам̣;

‘‘Muttosi hatthā vāḷānaṃ, pattosi mānusiṃ padaṃ;

зса маг̇г̇о ад̇хаммадта, д̇зна г̇ажча яат̇аасукам̣.

Esa maggo adhammaṭṭha, tena gaccha yathāsukhaṃ.

215.

‘‘ид̣̇ам̣ вад̇ваа г̇ирижаро, рахад̣̇з багкаляа мад̇т̇агам̣;

‘‘Idaṃ vatvā giricaro, rahade pakkhalya matthakaṃ;

ассууни самбамаж̇ж̇ид̇ваа, д̇ад̇о баб̣б̣ад̇амаарухи.

Assūni sampamajjitvā, tato pabbatamāruhi.

216.

‘‘сохам̣ д̇знаабхисад̇д̇осми, барил̣аахзна аддид̇о;

‘‘Sohaṃ tenābhisattosmi, pariḷāhena aṭṭito;

д̣аяхамаанзна г̇ад̇д̇зна, ваарим̣ баад̇ум̣ убааг̇амим̣.

Ḍayhamānena gattena, vāriṃ pātuṃ upāgamiṃ.

217.

‘‘аг̇г̇инаа вияа санд̇ад̇д̇о, рахад̣̇о рухирамагкид̇о;

‘‘Agginā viya santatto, rahado ruhiramakkhito;

буб̣б̣алохид̇асан̇гаасо, саб̣б̣о мз самабаж̇ж̇ат̇а.

Pubbalohitasaṅkāso, sabbo me samapajjatha.

218.

‘‘яааванд̇о уд̣̇аб̣инд̣̇ууни, гааяасмим̣ нибад̇им̣су мз;

‘‘Yāvanto udabindūni, kāyasmiṃ nipatiṃsu me;

д̇ааванд̇о г̇ан̣д̣а ж̇ааязт̇а, ад̣̇д̇хаб̣злувасаад̣̇исаа.

Tāvanto gaṇḍa jāyetha, addhabeluvasādisā.

219.

‘‘бабхиннаа баг̇гхарим̣су мз, гун̣абаа буб̣б̣алохид̇аа;

‘‘Pabhinnā pagghariṃsu me, kuṇapā pubbalohitā;

язна язнзва г̇ажчаами, г̇аамзсу ниг̇амзсу жа.

Yena yeneva gacchāmi, gāmesu nigamesu ca.

220.

‘‘д̣̇ан̣д̣ахад̇т̇аа ниваарзнд̇и, ид̇т̇ияо бурисаа жа мам̣;

‘‘Daṇḍahatthā nivārenti, itthiyo purisā ca maṃ;

оггид̇аа бууд̇иг̇анд̇хзна, маассу орзна ааг̇амаа.

Okkitā pūtigandhena, māssu orena āgamā.

221.

‘‘зд̇аад̣̇исам̣ ид̣̇ам̣ д̣̇угкам̣, сад̇д̇а вассаани д̣̇аани мз;

‘‘Etādisaṃ idaṃ dukkhaṃ, satta vassāni dāni me;

анубхоми сагам̣ гаммам̣, буб̣б̣з д̣̇уггадамад̇д̇ано.

Anubhomi sakaṃ kammaṃ, pubbe dukkaṭamattano.

222.

‘‘д̇ам̣ во вад̣̇аами бхад̣̇д̣̇анд̇з, яааванд̇зд̇т̇а самааг̇ад̇аа;

‘‘Taṃ vo vadāmi bhaddante, yāvantettha samāgatā;

маассу мид̇д̇аана д̣̇уб̣бхид̇т̇о, мид̇д̇ад̣̇уб̣бхо хи баабаго.

Māssu mittāna dubbhittho, mittadubbho hi pāpako.

223.

‘‘гудтий гилаасий бхавад̇и, яо мид̇д̇аанид̇ха д̣̇уб̣бхад̇и;

‘‘Kuṭṭhī kilāsī bhavati, yo mittānidha dubbhati;

гааяасса бхзд̣̇аа мид̇д̇ад̣̇д̣̇у, нираяам̣ собабаж̇ж̇ад̇ий’’д̇и.

Kāyassa bhedā mittaddu, nirayaṃ sopapajjatī’’ti.

д̇ад̇т̇а гусалод̇и яат̇аа чзго гусало гат̇зд̇и, д̇ат̇аа во гат̇зссаами. г̇ог̇авзсод̇и надтз г̇он̣з г̇авзсанд̇о. ажжасаринд̇и мануссабат̇ам̣ ад̇иггамид̇ваа химаванд̇ам̣ баависим̣. аран̃н̃зд̇и арааж̇агз сун̃н̃з. ирийн̣зд̇и сугкаганд̇аарз. виванзд̇и вивид̇д̇з. виббанадтод̇и маг̇г̇амуул̣хо. б̣убхугкид̇од̇и сан̃ж̇аад̇аб̣убхугко чаад̇аж̇жхад̇д̇о. бабаад̇амабхиламб̣анд̇анд̇и бабаад̇аабхимукам̣ оламб̣анд̇ам̣. самбаннапалад̇хааринанд̇и мад̇хурапалад̇хааринам̣. ваад̇ассид̇аанийд̇и батамам̣ д̇аава ваад̇абад̇ид̇аани каад̣̇им̣. д̇ад̇т̇а хзссаамийд̇и д̇асмим̣ ругкз сухид̇о бхависсаамийд̇и аарул̣хомхи. д̇ад̇о саа бхан̃ж̇ат̇а саакаад̇и д̇асса абхибад̇т̇ид̇асса ад̇т̇ааяа хад̇т̇з басаарид̇з саа маяаа абхирул̣хаа саакаа парасунаа чиннаа вияа абхан̃ж̇ат̇а. анааламб̣зд̇и ааламб̣ид̇аб̣б̣адтаанарахид̇з. г̇ирид̣̇уг̇г̇асминд̇и г̇иривисамз. сзсинд̇и саяид̇омхи.

Tattha kusaloti yathā cheko kusalo katheti, tathā vo kathessāmi. Gogavesoti naṭṭhe goṇe gavesanto. Accasarinti manussapathaṃ atikkamitvā himavantaṃ pāvisiṃ. Araññeti arājake suññe. Irīṇeti sukkhakantāre. Vivaneti vivitte. Vippanaṭṭhoti maggamūḷho. Bubhukkhitoti sañjātabubhukkho chātajjhatto. Papātamabhilambantanti papātābhimukhaṃ olambantaṃ. Sampannaphaladhārinanti madhuraphaladhārinaṃ. Vātassitānīti paṭhamaṃ tāva vātapatitāni khādiṃ. Tattha hessāmīti tasmiṃ rukkhe suhito bhavissāmīti āruḷhomhi. Tato sā bhañjatha sākhāti tassa abhipatthitassa atthāya hatthe pasārite sā mayā abhiruḷhā sākhā pharasunā chinnā viya abhañjatha. Anālambeti ālambitabbaṭṭhānarahite. Giriduggasminti girivisame. Sesinti sayitomhi.

габи мааг̇ан̃чийд̇и габи ааг̇ан̃чи. г̇онан̇г̇улод̇и г̇уннам̣ нан̇г̇удтасад̣̇исанан̇г̇удто. ‘‘г̇онан̇г̇удто’’д̇иби баато. ‘‘г̇онан̇г̇улий’’д̇иби батанд̇и. агарам̣ маяийд̇и агараа маяи. амбход̇и, махаарааж̇а, со габирааж̇аа д̇асмим̣ нарагабабаад̇з мама уд̣̇агабот̇анасад̣̇д̣̇ам̣ суд̇ваа мам̣ ‘‘амбхо’’д̇и аалабид̇ваа ‘‘го наамзсо’’д̇и бужчи. б̣яасамбад̇д̇од̇и б̣яасанам̣ бад̇д̇о, бабаад̇асса васам̣ бад̇д̇од̇и ваа ад̇т̇о. бхад̣̇д̣̇ам̣ вод̇и д̇асмаа д̇умхз вад̣̇аами – ‘‘бхад̣̇д̣̇ам̣ д̇умхаагам̣ ход̇уу’’д̇и. г̇арум̣ силанд̇и, махаарааж̇а, со габирааж̇аа маяаа звам̣ вуд̇д̇з ‘‘маа бхааяий’’д̇и мам̣ ассаасзд̇ваа батамам̣ д̇аава г̇арум̣ силам̣ г̇ахзд̇ваа яог̇г̇ам̣ гаронд̇о баб̣б̣ад̇з вижари . нисабход̇и бурисанисабхо уд̇д̇амаваанаринд̣̇о баб̣б̣ад̇абабаад̇з тад̇ваа мам̣ зд̇ад̣̇аб̣равийд̇и.

Kapi māgañchīti kapi āgañchi. Gonaṅguloti gunnaṃ naṅguṭṭhasadisanaṅguṭṭho. ‘‘Gonaṅguṭṭho’’tipi pāṭho. ‘‘Gonaṅgulī’’tipi paṭhanti. Akaraṃ mayīti akarā mayi. Ambhoti, mahārāja, so kapirājā tasmiṃ narakapapāte mama udakapothanasaddaṃ sutvā maṃ ‘‘ambho’’ti ālapitvā ‘‘ko nāmeso’’ti pucchi. Byasampattoti byasanaṃ patto, papātassa vasaṃ pattoti vā attho. Bhaddaṃ voti tasmā tumhe vadāmi – ‘‘bhaddaṃ tumhākaṃ hotū’’ti. Garuṃ silanti, mahārāja, so kapirājā mayā evaṃ vutte ‘‘mā bhāyī’’ti maṃ assāsetvā paṭhamaṃ tāva garuṃ silaṃ gahetvā yoggaṃ karonto pabbate vicari . Nisabhoti purisanisabho uttamavānarindo pabbatapapāte ṭhatvā maṃ etadabravīti.

б̣аахубхийд̇и д̣̇вийхи б̣аахаахи мама г̇ийвам̣ суг̇г̇ахид̇ам̣ г̇ан̣ха. взг̇асаад̇и взг̇зна. сириймад̇од̇и бун̃н̃аванд̇асса. аг̇г̇ахинд̇и садтихад̇т̇ам̣ нарагабабаад̇ам̣ ваад̇авзг̇зна од̇арид̇ваа уд̣̇агабидтз тид̇асса ахам̣ взг̇зна бидтимабхирухид̇ваа убхохи б̣аахаахи г̇ийвам̣ аг̇г̇ахзсим̣. вихан̃н̃амаанод̇и гиламанд̇о. гижчзнаад̇и д̣̇угкзна. санд̇од̇и бан̣д̣ид̇о, ат̇а ваа барисанд̇о гиланд̇о. рагкассууд̇и ахам̣ д̇ам̣ уд̣̇д̇харанд̇о гиланд̇о мухуд̇д̇ам̣ виссаманд̇о басубиссам̣, д̇асмаа мам̣ рагкаахи. яат̇аа жан̃н̃з ванз миг̇аад̇и сийхаад̣̇ийхи ан̃н̃зби яз имасмим̣ ванз ваал̣амиг̇аа. баал̣ияам̣ бана ‘‘ажчагогад̇аражчаяо’’д̇и ликанд̇и. барид̇д̇аад̇уунаад̇и, махаарааж̇а, звам̣ со габирааж̇аа мам̣ ад̇д̇ано барид̇д̇аан̣ам̣ гад̇ваа мухуд̇д̇ам̣ басуби. аяонисод̇и аяонисоманасигаарзна. бхагкод̇и каад̣̇ид̇аб̣б̣аяуд̇д̇аго. асид̇о д̇хаад̇о сухид̇о. самб̣аланд̇и баат̇зяяам̣. мад̇т̇агам̣ саннид̇аал̣аяинд̇и д̇асса ваанаринд̣̇асса мад̇т̇агам̣ бахарим̣. ‘‘саннид̇аал̣аяа’’нд̇иби баато. д̣̇уб̣б̣ало ахууд̇и на б̣алаваа ааси, яат̇аад̇хиббааяам̣ на аг̇амаасийд̇и.

Bāhubhīti dvīhi bāhāhi mama gīvaṃ suggahitaṃ gaṇha. Vegasāti vegena. Sirīmatoti puññavantassa. Aggahinti saṭṭhihatthaṃ narakapapātaṃ vātavegena otaritvā udakapiṭṭhe ṭhitassa ahaṃ vegena piṭṭhimabhiruhitvā ubhohi bāhāhi gīvaṃ aggahesiṃ. Vihaññamānoti kilamanto. Kicchenāti dukkhena. Santoti paṇḍito, atha vā parisanto kilanto. Rakkhassūti ahaṃ taṃ uddharanto kilanto muhuttaṃ vissamanto pasupissaṃ, tasmā maṃ rakkhāhi. Yathā caññe vane migāti sīhādīhi aññepi ye imasmiṃ vane vāḷamigā. Pāḷiyaṃ pana ‘‘acchakokataracchayo’’ti likhanti. Parittātūnāti, mahārāja, evaṃ so kapirājā maṃ attano parittāṇaṃ katvā muhuttaṃ pasupi. Ayonisoti ayonisomanasikārena. Bhakkhoti khāditabbayuttako. Asito dhāto suhito. Sambalanti pātheyyaṃ. Matthakaṃ sannitāḷayinti tassa vānarindassa matthakaṃ pahariṃ. ‘‘Sannitāḷaya’’ntipi pāṭho. Dubbalo ahūti na balavā āsi, yathādhippāyaṃ na agamāsīti.

взг̇знаад̇и маяаа бахадабаасаан̣авзг̇зна. уд̣̇аббад̇д̇од̇и удтид̇о. мааяяод̇и д̇зна мид̇д̇ад̣̇уб̣бхибурисзна силааяа бавид̣̇д̇хааяа махаажаммам̣ чинд̣̇ид̇ваа оламб̣и, рухирам̣ баг̇гхари. махаасад̇д̇о взд̣̇анааббад̇д̇о жинд̇зси – ‘‘имасмим̣ таанз ан̃н̃о над̇т̇и, ид̣̇ам̣ бхаяам̣ имам̣ бурисам̣ ниссааяа уббанна’’нд̇и. со маран̣абхаяабхийд̇о оламб̣анд̇ам̣ жаммаб̣анд̇хам̣ хад̇т̇зна г̇ахзд̇ваа уббад̇ид̇ваа саакам̣ абхируяха д̇зна баабабурисзна сад̣̇д̇хим̣ саллабанд̇о ‘‘мааяяо ма’’нд̇иаад̣̇имааха. д̇ад̇т̇а мааяяо мам̣ гари бхад̣̇д̣̇анд̇зд̇и маа агари аяяо мам̣ бхад̣̇д̣̇анд̇зд̇и д̇ам̣ ниваарзд̇и. д̇ван̃жа ко наамаад̇и д̇вам̣ наама звам̣ маяаа бабаад̇аа уд̣̇д̇хадо зд̣̇исам̣ парусагаммам̣ маяи гари, ахо д̇з аяуд̇д̇ам̣ гад̇анд̇и. ахо вад̇аад̇и д̇ам̣ г̇араханд̇о звамааха. д̇аавад̣̇уггарагаарагаад̇и маяи абараж̇жханзна ад̇ид̣̇уггарагаммагаарага. баралогааваад̇и баралогад̇о вияа аанийд̇о. д̣̇уб̣бхзяяанд̇и д̣̇уб̣бхид̇аб̣б̣ам̣ вад̇хид̇аб̣б̣ам̣. взд̣̇анам̣ гадуганд̇и звам̣ санд̇зби д̇вам̣ ад̇хаммадта яаад̣̇исам̣ взд̣̇анам̣ ахам̣ пусаами, зд̣̇исам̣ взд̣̇анам̣ гадугам̣ маа пуси, д̇ам̣ баабагаммам̣ палам̣ взл̣ум̣ва д̇ам̣ маа вад̇хи. ид̇и мам̣, махаарааж̇а, со бияабуд̇д̇агам̣ вияа анугамби.

Vegenāti mayā pahaṭapāsāṇavegena. Udappattoti uṭṭhito. Māyyoti tena mittadubbhipurisena silāya paviddhāya mahācammaṃ chinditvā olambi, ruhiraṃ pagghari. Mahāsatto vedanāppatto cintesi – ‘‘imasmiṃ ṭhāne añño natthi, idaṃ bhayaṃ imaṃ purisaṃ nissāya uppanna’’nti. So maraṇabhayabhīto olambantaṃ cammabandhaṃ hatthena gahetvā uppatitvā sākhaṃ abhiruyha tena pāpapurisena saddhiṃ sallapanto ‘‘māyyo ma’’ntiādimāha. Tattha māyyo maṃ kari bhaddanteti mā akari ayyo maṃ bhaddanteti taṃ nivāreti. Tvañca kho nāmāti tvaṃ nāma evaṃ mayā papātā uddhaṭo edisaṃ pharusakammaṃ mayi kari, aho te ayuttaṃ katanti. Aho vatāti taṃ garahanto evamāha. Tāvadukkarakārakāti mayi aparajjhanena atidukkarakammakāraka. Paralokāvāti paralokato viya ānīto. Dubbheyyanti dubbhitabbaṃ vadhitabbaṃ. Vedanaṃ kaṭukanti evaṃ santepi tvaṃ adhammaṭṭha yādisaṃ vedanaṃ ahaṃ phusāmi, edisaṃ vedanaṃ kaṭukaṃ mā phusi, taṃ pāpakammaṃ phalaṃ veḷuṃva taṃ mā vadhi. Iti maṃ, mahārāja, so piyaputtakaṃ viya anukampi.

ат̇а нам̣ ахам̣ зд̇ад̣̇авожам̣ – ‘‘аяяа, маяаа гад̇ам̣ д̣̇осам̣ хад̣̇аяз маа гари, маа мам̣ асаббурисам̣ зваруубз аран̃н̃з наасаяа, ахам̣ д̣̇исаамуул̣хо маг̇г̇ам̣ на ж̇аанаами, ад̇д̇анаа гад̇ам̣ гаммам̣ маа наасзт̇а, ж̇ийвид̇ад̣̇аанам̣ мз д̣̇зт̇а, аран̃н̃аа нийхарид̇ваа мануссабат̇з табзт̇аа’’д̇и. звам̣ вуд̇д̇з со маяаа сад̣̇д̇хим̣ саллабанд̇о ‘‘д̇аяи мз над̇т̇и виссаасо’’д̇и аад̣̇имааха. д̇ад̇т̇а д̇аяийд̇и ид̇о бадтааяа маяхам̣ д̇аяи виссаасо над̇т̇и. зхийд̇и, бхо буриса, ахам̣ д̇аяаа сад̣̇д̇хим̣ маг̇г̇зна на г̇амиссаами, д̇вам̣ бана зхи мама бидтид̇о авид̣̇уурз д̣̇иссамаанасарийрова г̇ажча, ахам̣ ругкаг̇г̇зхзва г̇амиссаамийд̇и. муд̇д̇осийд̇и ат̇а со мам̣, махаарааж̇а, аран̃н̃аа нийхарид̇ваа, бхо буриса, ваал̣амиг̇аанам̣ хад̇т̇аа муд̇д̇оси. бад̇д̇оси маанусим̣ бад̣̇анд̇и мануссуубажаарам̣ бад̇д̇о ааг̇ад̇оси, зса д̇з маг̇г̇о, зд̇зна г̇ажчаад̇и ааха.

Atha naṃ ahaṃ etadavocaṃ – ‘‘ayya, mayā kataṃ dosaṃ hadaye mā kari, mā maṃ asappurisaṃ evarūpe araññe nāsaya, ahaṃ disāmūḷho maggaṃ na jānāmi, attanā kataṃ kammaṃ mā nāsetha, jīvitadānaṃ me detha, araññā nīharitvā manussapathe ṭhapethā’’ti. Evaṃ vutte so mayā saddhiṃ sallapanto ‘‘tayi me natthi vissāso’’ti ādimāha. Tattha tayīti ito paṭṭhāya mayhaṃ tayi vissāso natthi. Ehīti, bho purisa, ahaṃ tayā saddhiṃ maggena na gamissāmi, tvaṃ pana ehi mama piṭṭhito avidūre dissamānasarīrova gaccha, ahaṃ rukkhaggeheva gamissāmīti. Muttosīti atha so maṃ, mahārāja, araññā nīharitvā, bho purisa, vāḷamigānaṃ hatthā muttosi. Pattosi mānusiṃ padanti manussūpacāraṃ patto āgatosi, esa te maggo, etena gacchāti āha.

г̇ирижарод̇и г̇ирижаарий ваанаро. багкаляаад̇и д̇ховид̇ваа. д̇знаабхисад̇д̇осмийд̇и со ахам̣, махаарааж̇а , д̇зна ваанарзна абхисад̇д̇о, баабагаммз барин̣ад̇з д̇знаабхисад̇д̇осмийд̇и ман̃н̃амаано звамааха. аддид̇од̇и убад̣̇д̣̇уд̇о. убааг̇аминд̇и згам̣ рахад̣̇ам̣ убаг̇ад̇осми. самабаж̇ж̇ат̇аад̇и ж̇аад̇о, зваруубо худ̇ваа убадтааси. яааванд̇од̇и яад̇д̇агаани. г̇ан̣д̣а ж̇ааязт̇аад̇и г̇ан̣д̣аа ж̇ааяим̣су. со гира бибаасам̣ санд̇хаарзд̇ум̣ асаггонд̇о уд̣̇аган̃ж̇алим̣ угкибид̇ваа т̇огам̣ бивид̇ваа сзсам̣ сарийрз син̃жи. ат̇асса д̇аавад̣̇зва уд̣̇агаб̣инд̣̇уг̇ан̣анааяа ад̣дхаб̣злувабаггаббамаан̣аа г̇ан̣д̣аа удтахим̣су, д̇асмаа звамааха. бабхиннаад̇и д̇з г̇ан̣д̣аа д̇ам̣ д̣̇ивасамзва бхиж̇ж̇ид̇ваа гун̣абаа бууд̇иг̇анд̇хигаа худ̇ваа буб̣б̣алохид̇аани баг̇гхарим̣су. язна язнаад̇и язна язна маг̇г̇зна. оггид̇аад̇и бууд̇иг̇анд̇хзна огин̣н̣аа баригкид̇д̇аа бариваарид̇аа. маассу орзна ааг̇амаад̇и д̣̇удтасад̇д̇а орзна маассу ааг̇амаа, амхаагам̣ санд̇игам̣ маа ааг̇амийд̇и звам̣ вад̣̇анд̇аа мам̣ ниваарзнд̇ийд̇и ад̇т̇о. сад̇д̇а вассаани д̣̇аани мзд̇и, махаарааж̇а, д̇ад̇о бадтааяа ид̣̇аани сад̇д̇а вассаани мама зд̇д̇агам̣ гаалам̣ сагам̣ гаммам̣ анубхоми.

Giricaroti giricārī vānaro. Pakkhalyāti dhovitvā. Tenābhisattosmīti so ahaṃ, mahārāja , tena vānarena abhisatto, pāpakamme pariṇate tenābhisattosmīti maññamāno evamāha. Aṭṭitoti upadduto. Upāgaminti ekaṃ rahadaṃ upagatosmi. Samapajjathāti jāto, evarūpo hutvā upaṭṭhāsi. Yāvantoti yattakāni. Gaṇḍa jāyethāti gaṇḍā jāyiṃsu. So kira pipāsaṃ sandhāretuṃ asakkonto udakañjaliṃ ukkhipitvā thokaṃ pivitvā sesaṃ sarīre siñci. Athassa tāvadeva udakabindugaṇanāya aḍḍhabeluvapakkappamāṇā gaṇḍā uṭṭhahiṃsu, tasmā evamāha. Pabhinnāti te gaṇḍā taṃ divasameva bhijjitvā kuṇapā pūtigandhikā hutvā pubbalohitāni pagghariṃsu. Yena yenāti yena yena maggena. Okkitāti pūtigandhena okiṇṇā parikkhittā parivāritā. Māssu orena āgamāti duṭṭhasatta orena māssu āgamā, amhākaṃ santikaṃ mā āgamīti evaṃ vadantā maṃ nivārentīti attho. Satta vassāni dāni meti, mahārāja, tato paṭṭhāya idāni satta vassāni mama ettakaṃ kālaṃ sakaṃ kammaṃ anubhomi.

ид̇и со ад̇д̇ано мид̇д̇ад̣̇уб̣бхигаммам̣ вид̇т̇аарзд̇ваа, ‘‘махаарааж̇а, ман̃н̃зва ологзд̇ваа зваруубам̣ гаммам̣ на гзнажи гад̇д̇аб̣б̣а’’нд̇и вад̇ваа ‘‘д̇ам̣ во’’д̇иаад̣̇имааха. д̇ад̇т̇а д̇анд̇и д̇асмаа. яасмаа зваруубам̣ гаммам̣ звам̣ д̣̇угкавибаагам̣, д̇асмаад̇и ад̇т̇о.

Iti so attano mittadubbhikammaṃ vitthāretvā, ‘‘mahārāja, maññeva oloketvā evarūpaṃ kammaṃ na kenaci kattabba’’nti vatvā ‘‘taṃ vo’’tiādimāha. Tattha tanti tasmā. Yasmā evarūpaṃ kammaṃ evaṃ dukkhavipākaṃ, tasmāti attho.

223.

‘‘гудтий гилаасий бхавад̇и, яо мид̇д̇аанид̇ха д̣̇уб̣бхад̇и;

‘‘Kuṭṭhī kilāsī bhavati, yo mittānidha dubbhati;

гааяасса бхзд̣̇аа мид̇д̇ад̣̇д̣̇у, нираяам̣ собабаж̇ж̇ад̇ий’’д̇и. –

Kāyassa bhedā mittaddu, nirayaṃ sopapajjatī’’ti. –

аяам̣ абхисамб̣уд̣̇д̇хаг̇аат̇аа. бхигкавз, яо ид̇ха логз мид̇д̇аани д̣̇уб̣бхад̇и хим̣сад̇и, со зваруубо ход̇ийд̇и ад̇т̇о.

Ayaṃ abhisambuddhagāthā. Bhikkhave, yo idha loke mittāni dubbhati hiṃsati, so evarūpo hotīti attho.

д̇ассаби бурисасса ран̃н̃аа сад̣̇д̇хим̣ гат̇знд̇ассзва бат̇авий виварам̣ ад̣̇ааси. д̇ан̇кан̣ан̃н̃зва жавид̇ваа авийжимхи ниб̣б̣ад̇д̇о. рааж̇аа д̇асмим̣ бат̇авим̣ бавидтз уяяаанаа нигкамид̇ваа наг̇арам̣ бавидто.

Tassapi purisassa raññā saddhiṃ kathentasseva pathavī vivaraṃ adāsi. Taṅkhaṇaññeva cavitvā avīcimhi nibbatto. Rājā tasmiṃ pathaviṃ paviṭṭhe uyyānā nikkhamitvā nagaraṃ paviṭṭho.

сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣зби д̣̇звад̣̇ад̇д̇о маяхам̣ силам̣ бадивиж̇жхиязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа мид̇д̇ад̣̇уб̣бхий бурисо д̣̇звад̣̇ад̇д̇о ахоси, габирааж̇аа бана ахамзва ахоси’’нд̇и.

Satthā imaṃ dhammadesanaṃ āharitvā ‘‘na, bhikkhave, idāneva, pubbepi devadatto mayhaṃ silaṃ paṭivijjhiyevā’’ti vatvā jātakaṃ samodhānesi – ‘‘tadā mittadubbhī puriso devadatto ahosi, kapirājā pana ahameva ahosi’’nti.

махаагабиж̇аад̇агаван̣н̣анаа чадтаа.

Mahākapijātakavaṇṇanā chaṭṭhā.

Next: [517] 7. д̣̇агарагкасаж̇аад̇агаван̣н̣анаа • [517] 7. Dakarakkhasajātakavaṇṇanā

Related texts:

д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 516. махаагабиж̇аад̇агам̣ • 516. Mahākapijātakaṃ

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact