Library / Tipiṭaka / д̇ибидага • Tipiṭaka / т̇зраг̇аат̇аабаал̣и • Theragāthāpāḷi

18. жад̇д̇аалийсанибаад̇о

18. Cattālīsanipāto

1. махаагассабад̇т̇зраг̇аат̇аа

1. Mahākassapattheragāthā

1054.

‘‘на г̇ан̣зна бурагкад̇о жарз, вимано ход̇и самаад̇хи д̣̇уллабхо;

‘‘Na gaṇena purakkhato care, vimano hoti samādhi dullabho;

наанааж̇анасан̇г̇ахо д̣̇уко, ид̇и д̣̇исваана г̇ан̣ам̣ на рожаяз.

Nānājanasaṅgaho dukho, iti disvāna gaṇaṃ na rocaye.

1055.

‘‘на гулаани убаб̣б̣аж̇з муни, вимано ход̇и самаад̇хи д̣̇уллабхо;

‘‘Na kulāni upabbaje muni, vimano hoti samādhi dullabho;

со уссугго расаануг̇ид̣̇д̇хо, ад̇т̇ам̣ рин̃жад̇и яо сукаавахо.

So ussukko rasānugiddho, atthaṃ riñcati yo sukhāvaho.

1056.

‘‘бан̇год̇и хи нам̣ авзд̣̇аяум̣, яааяам̣ ванд̣̇анабууж̇анаа гулзсу;

‘‘Paṅkoti hi naṃ avedayuṃ, yāyaṃ vandanapūjanā kulesu;

сукумам̣ салла д̣̇уруб̣б̣ахам̣, саггааро гаабурисзна д̣̇уж̇ж̇ахо.

Sukhumaṃ salla durubbahaṃ, sakkāro kāpurisena dujjaho.

1057.

‘‘сзнаасанамхаа оруяха, наг̇арам̣ бин̣д̣ааяа баависим̣;

‘‘Senāsanamhā oruyha, nagaraṃ piṇḍāya pāvisiṃ;

бхун̃ж̇анд̇ам̣ бурисам̣ гудтим̣, саггажжам̣ д̇ам̣ убадтахим̣.

Bhuñjantaṃ purisaṃ kuṭṭhiṃ, sakkaccaṃ taṃ upaṭṭhahiṃ.

1058.

‘‘со мз ¹ баггзна хад̇т̇зна, аалобам̣ убанаамаяи;

‘‘So me ² pakkena hatthena, ālopaṃ upanāmayi;

аалобам̣ багкибанд̇асса, ан̇г̇ули жзд̇т̇а ³ чиж̇ж̇ат̇а.

Ālopaṃ pakkhipantassa, aṅguli cettha ⁴ chijjatha.

1059.

‘‘гуддамуулан̃жа ⁵ ниссааяа, аалобам̣ д̇ам̣ абхун̃ж̇исам̣;

‘‘Kuṭṭamūlañca ⁶ nissāya, ālopaṃ taṃ abhuñjisaṃ;

бхун̃ж̇амаанз ваа бхуд̇д̇з ваа, ж̇зг̇ужчам̣ мз на виж̇ж̇ад̇и.

Bhuñjamāne vā bhutte vā, jegucchaṃ me na vijjati.

1060.

‘‘уд̇д̇идтабин̣д̣о аахааро, бууд̇имуд̇д̇ан̃жа осад̇хам̣;

‘‘Uttiṭṭhapiṇḍo āhāro, pūtimuttañca osadhaṃ;

сзнаасанам̣ ругкамуулам̣, бам̣сугуулан̃жа жийварам̣;

Senāsanaṃ rukkhamūlaṃ, paṃsukūlañca cīvaraṃ;

яассзд̇з абхисамбхуд̇ваа ⁷, са вз жаад̇уд̣̇д̣̇исо наро.

Yassete abhisambhutvā ⁸, sa ve cātuddiso naro.

1061.

‘‘яад̇т̇а згз вихан̃н̃анд̇и, ааруханд̇аа силужжаяам̣;

‘‘Yattha eke vihaññanti, āruhantā siluccayaṃ;

д̇асса б̣уд̣̇д̇хасса д̣̇ааяаад̣̇о, самбаж̇аано бад̇иссад̇о;

Tassa buddhassa dāyādo, sampajāno patissato;

ид̣̇д̇хиб̣алзнубад̇т̇ад̣̇д̇хо , гассабо абхируухад̇и.

Iddhibalenupatthaddho , kassapo abhirūhati.

1062.

‘‘бин̣д̣абаад̇абадигганд̇о , сзламааруяха гассабо;

‘‘Piṇḍapātapaṭikkanto , selamāruyha kassapo;

жхааяад̇и анубаад̣̇аано, бахийнабхаяабхзраво.

Jhāyati anupādāno, pahīnabhayabheravo.

1063.

‘‘бин̣д̣абаад̇абадигганд̇о, сзламааруяха гассабо;

‘‘Piṇḍapātapaṭikkanto, selamāruyha kassapo;

жхааяад̇и анубаад̣̇аано, д̣аяхамаанзсу ниб̣б̣уд̇о.

Jhāyati anupādāno, ḍayhamānesu nibbuto.

1064.

‘‘бин̣д̣абаад̇абадигганд̇о, сзламааруяха гассабо;

‘‘Piṇḍapātapaṭikkanto, selamāruyha kassapo;

жхааяад̇и анубаад̣̇аано, гад̇агижжо анаасаво.

Jhāyati anupādāno, katakicco anāsavo.

1065.

‘‘гарзримаалаавид̇ад̇аа , бхуумибхааг̇аа манорамаа;

‘‘Karerimālāvitatā , bhūmibhāgā manoramā;

гун̃ж̇араабхируд̣̇аа раммаа, д̇з сзлаа рамаяанд̇и мам̣.

Kuñjarābhirudā rammā, te selā ramayanti maṃ.

1066.

‘‘нийлаб̣бхаван̣н̣аа ружираа, ваарисийд̇аа сужинд̇хараа;

‘‘Nīlabbhavaṇṇā rucirā, vārisītā sucindharā;

инд̣̇аг̇обагасан̃чаннаа, д̇з сзлаа рамаяанд̇и мам̣.

Indagopakasañchannā, te selā ramayanti maṃ.

1067.

‘‘нийлаб̣бхагуудасад̣̇исаа, гуудааг̇аараваруубамаа;

‘‘Nīlabbhakūṭasadisā, kūṭāgāravarūpamā;

вааран̣аабхируд̣̇аа раммаа, д̇з сзлаа рамаяанд̇и мам̣.

Vāraṇābhirudā rammā, te selā ramayanti maṃ.

1068.

‘‘абхивудтаа раммад̇алаа, наг̇аа исибхи сзвид̇аа;

‘‘Abhivuṭṭhā rammatalā, nagā isibhi sevitā;

аб̣бхуннад̣̇ид̇аа сикийхи, д̇з сзлаа рамаяанд̇и мам̣.

Abbhunnaditā sikhīhi, te selā ramayanti maṃ.

1069.

‘‘алам̣ жхааяид̇угаамасса, бахид̇ад̇д̇асса мз сад̇о;

‘‘Alaṃ jhāyitukāmassa, pahitattassa me sato;

алам̣ мз ад̇т̇агаамасса ⁹, бахид̇ад̇д̇асса бхигкуно.

Alaṃ me atthakāmassa ¹⁰, pahitattassa bhikkhuno.

1070.

‘‘алам̣ мз паасугаамасса, бахид̇ад̇д̇асса бхигкуно;

‘‘Alaṃ me phāsukāmassa, pahitattassa bhikkhuno;

алам̣ мз яог̇агаамасса, бахид̇ад̇д̇асса д̇аад̣̇ино.

Alaṃ me yogakāmassa, pahitattassa tādino.

1071.

‘‘умаабубпзна самаанаа, г̇аг̇анааваб̣бхачаад̣̇ид̇аа;

‘‘Umāpupphena samānā, gaganāvabbhachāditā;

наанаад̣̇иж̇аг̇ан̣аагин̣н̣аа , д̇з сзлаа рамаяанд̇и мам̣.

Nānādijagaṇākiṇṇā , te selā ramayanti maṃ.

1072.

‘‘анаагин̣н̣аа г̇ахадтзхи, миг̇асан̇гханисзвид̇аа;

‘‘Anākiṇṇā gahaṭṭhehi, migasaṅghanisevitā;

наанаад̣̇иж̇аг̇ан̣аагин̣н̣аа, д̇з сзлаа рамаяанд̇и мам̣.

Nānādijagaṇākiṇṇā, te selā ramayanti maṃ.

1073.

‘‘ажчод̣̇игаа бут̇усилаа, г̇онан̇г̇уламиг̇ааяуд̇аа;

‘‘Acchodikā puthusilā, gonaṅgulamigāyutā;

амб̣усзвааласан̃чаннаа, д̇з сзлаа рамаяанд̇и мам̣.

Ambusevālasañchannā, te selā ramayanti maṃ.

1074.

‘‘на бан̃жан̇г̇игзна д̇уриязна, рад̇и мз ход̇и д̇аад̣̇исий;

‘‘Na pañcaṅgikena turiyena, rati me hoti tādisī;

яат̇аа згаг̇г̇ажид̇д̇асса, саммаа д̇хаммам̣ вибассад̇о.

Yathā ekaggacittassa, sammā dhammaṃ vipassato.

1075.

‘‘гаммам̣ б̣ахугам̣ на гаараяз, бариваж̇ж̇зяяа ж̇анам̣ на уяяамз;

‘‘Kammaṃ bahukaṃ na kāraye, parivajjeyya janaṃ na uyyame;

уссугго со расаануг̇ид̣̇д̇хо, ад̇т̇ам̣ рин̃жад̇и яо сукаавахо.

Ussukko so rasānugiddho, atthaṃ riñcati yo sukhāvaho.

1076.

‘‘гаммам̣ б̣ахугам̣ на гаараяз, бариваж̇ж̇зяяа анад̇д̇анзяяамзд̇ам̣;

‘‘Kammaṃ bahukaṃ na kāraye, parivajjeyya anattaneyyametaṃ;

гижчад̇и гааяо гиламад̇и, д̣̇угкид̇о со самат̇ам̣ на винд̣̇ад̇и.

Kicchati kāyo kilamati, dukkhito so samathaṃ na vindati.

1077.

‘‘одтаббахад̇амад̇д̇зна, ад̇д̇аанамби на бассад̇и;

‘‘Oṭṭhappahatamattena, attānampi na passati;

бад̇т̇ад̣̇д̇хаг̇ийво жарад̇и, ахам̣ сзяяод̇и ман̃н̃ад̇и.

Patthaddhagīvo carati, ahaṃ seyyoti maññati.

1078.

‘‘асзяяо сзяяасамаанам̣, б̣аало ман̃н̃ад̇и ад̇д̇аанам̣;

‘‘Aseyyo seyyasamānaṃ, bālo maññati attānaṃ;

на д̇ам̣ вин̃н̃уу басам̣санд̇и, бад̇т̇ад̣̇д̇хамаанасам̣ нарам̣.

Na taṃ viññū pasaṃsanti, patthaddhamānasaṃ naraṃ.

1079.

‘‘яо жа сзяяохамасмийд̇и, наахам̣ сзяяод̇и ваа бана;

‘‘Yo ca seyyohamasmīti, nāhaṃ seyyoti vā pana;

хийно д̇ам̣сад̣̇исо ¹¹ ваад̇и, вид̇хаасу на вигамбад̇и.

Hīno taṃsadiso ¹² vāti, vidhāsu na vikampati.

1080.

‘‘бан̃н̃аванд̇ам̣ д̇ат̇аа д̇аад̣̇им̣, сийлзсу сусамаахид̇ам̣;

‘‘Paññavantaṃ tathā tādiṃ, sīlesu susamāhitaṃ;

жзд̇осамат̇амануд̇д̇ам̣, д̇ан̃жз вин̃н̃уу басам̣сарз.

Cetosamathamanuttaṃ, tañce viññū pasaṃsare.

1081.

‘‘яасса саб̣рахмажаарийсу, г̇аараво нуубалаб̣бхад̇и;

‘‘Yassa sabrahmacārīsu, gāravo nūpalabbhati;

аарагаа ход̇и сад̣̇д̇хаммаа, набхад̇о бут̇авий яат̇аа.

Ārakā hoti saddhammā, nabhato puthavī yathā.

1082.

‘‘язсан̃жа хири од̇д̇аббам̣, сад̣̇аа саммаа убадтид̇ам̣;

‘‘Yesañca hiri ottappaṃ, sadā sammā upaṭṭhitaṃ;

вируул̣хаб̣рахмажарияаа д̇з, д̇зсам̣ кийн̣аа бунаб̣бхаваа.

Virūḷhabrahmacariyā te, tesaṃ khīṇā punabbhavā.

1083.

‘‘уд̣̇д̇хад̇о жабало бхигку, бам̣сугуулзна бааруд̇о;

‘‘Uddhato capalo bhikkhu, paṃsukūlena pāruto;

габийва сийхажаммзна, на со д̇знубасобхад̇и.

Kapīva sīhacammena, na so tenupasobhati.

1084.

‘‘ануд̣̇д̇хад̇о ажабало, нибаго сам̣вуд̇инд̣̇рияо;

‘‘Anuddhato acapalo, nipako saṃvutindriyo;

собхад̇и бам̣сугуулзна, сийхова г̇ириг̇аб̣бхарз.

Sobhati paṃsukūlena, sīhova girigabbhare.

1085.

‘‘зд̇з самб̣ахулаа д̣̇зваа, ид̣̇д̇химанд̇о яасассино;

‘‘Ete sambahulā devā, iddhimanto yasassino;

д̣̇асад̣̇звасахассаани, саб̣б̣з д̇з б̣рахмагааяигаа.

Dasadevasahassāni, sabbe te brahmakāyikā.

1086.

‘‘д̇хаммасзнаабад̇им̣ вийрам̣, махаажхааяим̣ самаахид̇ам̣;

‘‘Dhammasenāpatiṃ vīraṃ, mahājhāyiṃ samāhitaṃ;

саарибуд̇д̇ам̣ намассанд̇аа, д̇идтанд̇и бан̃ж̇алийгад̇аа.

Sāriputtaṃ namassantā, tiṭṭhanti pañjalīkatā.

1087.

‘‘‘намо д̇з бурисааж̇ан̃н̃а, намо д̇з бурисуд̇д̇ама;

‘‘‘Namo te purisājañña, namo te purisuttama;

яасса д̇з наабхиж̇аанаама, яамби ниссааяа жхааяад̇и ¹³.

Yassa te nābhijānāma, yampi nissāya jhāyati ¹⁴.

1088.

‘‘‘ажчзрам̣ вад̇а б̣уд̣̇д̇хаанам̣, г̇амбхийро г̇ожаро саго;

‘‘‘Accheraṃ vata buddhānaṃ, gambhīro gocaro sako;

яз маяам̣ наабхиж̇аанаама, ваалавзд̇хисамааг̇ад̇аа’.

Ye mayaṃ nābhijānāma, vālavedhisamāgatā’.

1089.

‘‘д̇ам̣ д̇ат̇аа д̣̇звагааязхи, бууж̇ид̇ам̣ бууж̇анаарахам̣;

‘‘Taṃ tathā devakāyehi, pūjitaṃ pūjanārahaṃ;

саарибуд̇д̇ам̣ д̇ад̣̇аа д̣̇исваа, габбинасса сид̇ам̣ аху.

Sāriputtaṃ tadā disvā, kappinassa sitaṃ ahu.

1090.

‘‘яаавад̇аа б̣уд̣̇д̇хакзд̇д̇амхи, табаяид̇ваа махаамуним̣;

‘‘Yāvatā buddhakhettamhi, ṭhapayitvā mahāmuniṃ;

д̇худ̇аг̇ун̣з висидтохам̣, сад̣̇исо мз на виж̇ж̇ад̇и.

Dhutaguṇe visiṭṭhohaṃ, sadiso me na vijjati.

1091.

‘‘барижин̣н̣о маяаа сад̇т̇аа, гад̇ам̣ б̣уд̣̇д̇хасса саасанам̣;

‘‘Pariciṇṇo mayā satthā, kataṃ buddhassa sāsanaṃ;

охид̇о г̇аруго бхааро, над̇т̇и д̣̇аани бунаб̣бхаво.

Ohito garuko bhāro, natthi dāni punabbhavo.

1092.

‘‘на жийварз на саяанз, бхож̇анз нубалимбад̇и;

‘‘Na cīvare na sayane, bhojane nupalimpati;

г̇од̇амо анаббамзяяо, мул̣аалабубпам̣ вималам̣ва;

Gotamo anappameyyo, muḷālapupphaṃ vimalaṃva;

амб̣унаа нзгкамманинно, д̇ибхаваабхиниссадо.

Ambunā nekkhammaninno, tibhavābhinissaṭo.

1093.

‘‘сад̇ибадтаанаг̇ийво со, сад̣̇д̇хаахад̇т̇о махаамуни;

‘‘Satipaṭṭhānagīvo so, saddhāhattho mahāmuni;

бан̃н̃аасийсо махаан̃аан̣ий, сад̣̇аа жарад̇и ниб̣б̣уд̇о’’д̇и.

Paññāsīso mahāñāṇī, sadā carati nibbuto’’ti.

… махаагассабо т̇зро….

… Mahākassapo thero….

жад̇д̇аалийсанибаад̇о нидтид̇о.

Cattālīsanipāto niṭṭhito.

д̇ад̇руд̣̇д̣̇аанам̣ –

Tatruddānaṃ –

жад̇д̇аалийсанибаад̇амхи, махаагассабасавхаяо;

Cattālīsanipātamhi, mahākassapasavhayo;

згова т̇зро г̇аат̇ааяо, жад̇д̇аасийла д̣̇увзби жаад̇и.

Ekova thero gāthāyo, cattāsīla duvepi cāti.

Next: 19. бан̃н̃аасанибаад̇о • 19. Paññāsanipāto

Footnotes:

1. д̇ам̣ (сий. га.)

2. taṃ (sī. ka.)

3. бзд̇т̇а (сий. га.)

4. pettha (sī. ka.)

5. гуд̣д̣амуулан̃жа (сий. сяаа.)

6. kuḍḍamūlañca (sī. syā.)

7. абхибхун̃ж̇ад̇и (?)

8. abhibhuñjati (?)

9. ад̇д̇агаамасса (?)

10. attakāmassa (?)

11. д̇ийнохам̣ сад̣̇исо (сяаа.)

12. tīnohaṃ sadiso (syā.)

13. жхааяаси (га. адта.)

14. jhāyasi (ka. aṭṭha.)

Related texts:

адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / т̇зраг̇аат̇аа-адтагат̇аа • Theragāthā-aṭṭhakathā / 1. махаагассабад̇т̇зраг̇аат̇ааван̣н̣анаа • 1. Mahākassapattheragāthāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact