| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. махаалисуд̇д̇аван̣н̣анаа
3. Mahālisuttavaṇṇanā
259. д̇ад̇ияз убасан̇гамийд̇и ‘‘сагго д̣̇зварааж̇аад̇и гат̇знд̇и, ад̇т̇и ну ко со сагго, язна со д̣̇идтабуб̣б̣од̇и имамад̇т̇ам̣ д̣̇асаб̣алам̣ бужчиссаамий’’д̇и убасан̇гами. д̇ан̃жа баж̇аанаамийд̇и б̣ахуважанз згаважанам̣, д̇з жа д̇хаммз баж̇аанаамийд̇и ад̇т̇о. сагго гира ананд̇арз ад̇д̇абхаавз маг̇ад̇харадтз мажалаг̇аамз магхо наама маан̣аво ахоси бан̣д̣ид̇о б̣яад̇д̇о, б̣од̇хисад̇д̇ажарияаа вияа жа д̇асса жарияаа ахоси. со д̇зд̇д̇им̣са бурисз г̇ахзд̇ваа галяаан̣амагааси. згад̣̇ивасам̣ ад̇д̇анова бан̃н̃ааяа убабаригкид̇ваа г̇аамамаж̇жхз махааж̇анасса саннибад̇ид̇адтаанз гажаварам̣ убхад̇обассзсу абаб̣яуухид̇ваа д̇ам̣ таанам̣ раман̣ийяам̣ агааси. буна д̇ад̇т̇зва ман̣д̣абам̣ гаарзси. буна г̇ажчанд̇з гаалз саалам̣ гаарзси. г̇аамад̇о жа нигкамид̇ваа г̇аавуд̇амби ад̣дхаяож̇анамби д̇иг̇аавуд̇амби яож̇анамби вижарид̇ваа д̇зхи сахааязхи сад̣̇д̇хим̣ висамам̣ самам̣ агааси. д̇з саб̣б̣зва згажчанд̣̇аа д̇ад̇т̇а д̇ад̇т̇а сзд̇уяуд̇д̇адтаанз сзд̇ум̣, ман̣д̣абасаалаабогкаран̣имаалааважчаробанабад̣̇ийнам̣ яуд̇д̇адтаанзсу ман̣д̣абасаалаабогкаран̣имаалааважчаробанаад̣̇ийни гаронд̇аа б̣ахум̣ бун̃н̃амагам̣су. магхо сад̇д̇а вад̇абад̣̇аани буурзд̇ваа гааяасса бхзд̣̇аа сад̣̇д̇хим̣ сахааязхи д̇аавад̇им̣сабхаванз ниб̣б̣ад̇д̇и. д̇ам̣ саб̣б̣ам̣ бхаг̇аваа ж̇аанаад̇и. д̇знааха – язсам̣ д̇хаммаанам̣ самаад̣̇иннад̇д̇аа сагго саггад̇д̇ам̣ аж̇жхаг̇аа, д̇ан̃жа баж̇аанаамийд̇и. аяам̣ саггасса саггад̇д̇аад̇хиг̇амз сан̇кзбагат̇аа, вид̇т̇ааро бана суман̇г̇алавилаасинияаа д̣̇ийгханигааяадтагат̇ааяа саггабан̣хаван̣н̣анааяам̣ вуд̇д̇о. д̇ад̇ияам̣.
259. Tatiye upasaṅkamīti ‘‘sakko devarājāti kathenti, atthi nu kho so sakko, yena so diṭṭhapubboti imamatthaṃ dasabalaṃ pucchissāmī’’ti upasaṅkami. Tañca pajānāmīti bahuvacane ekavacanaṃ, te ca dhamme pajānāmīti attho. Sakko kira anantare attabhāve magadharaṭṭhe macalagāme magho nāma māṇavo ahosi paṇḍito byatto, bodhisattacariyā viya ca tassa cariyā ahosi. So tettiṃsa purise gahetvā kalyāṇamakāsi. Ekadivasaṃ attanova paññāya upaparikkhitvā gāmamajjhe mahājanassa sannipatitaṭṭhāne kacavaraṃ ubhatopassesu apabyūhitvā taṃ ṭhānaṃ ramaṇīyaṃ akāsi. Puna tattheva maṇḍapaṃ kāresi. Puna gacchante kāle sālaṃ kāresi. Gāmato ca nikkhamitvā gāvutampi aḍḍhayojanampi tigāvutampi yojanampi vicaritvā tehi sahāyehi saddhiṃ visamaṃ samaṃ akāsi. Te sabbeva ekacchandā tattha tattha setuyuttaṭṭhāne setuṃ, maṇḍapasālāpokkharaṇimālāvaccharopanapadīnaṃ yuttaṭṭhānesu maṇḍapasālāpokkharaṇimālāvaccharopanādīni karontā bahuṃ puññamakaṃsu. Magho satta vatapadāni pūretvā kāyassa bhedā saddhiṃ sahāyehi tāvatiṃsabhavane nibbatti. Taṃ sabbaṃ bhagavā jānāti. Tenāha – yesaṃ dhammānaṃ samādinnattā sakko sakkattaṃ ajjhagā, tañca pajānāmīti. Ayaṃ sakkassa sakkattādhigame saṅkhepakathā, vitthāro pana sumaṅgalavilāsiniyā dīghanikāyaṭṭhakathāya sakkapaṇhavaṇṇanāyaṃ vutto. Tatiyaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. махаалисуд̇д̇ам̣ • 3. Mahālisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. махаалисуд̇д̇аван̣н̣анаа • 3. Mahālisuttavaṇṇanā
