| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
9. махаллагавихаарасигкаабад̣̇ам̣
9. Mahallakavihārasikkhāpadaṃ
135. навамз бидтасан̇гхаадассаад̇и д̣̇ваараб̣аахааяа. саа хи бидтз д̣̇виннам̣ гаваадаанам̣ сам̣ згад̇о гхаадо гхаданам̣ самааг̇амо зд̇ассад̇т̇ийд̇и бидтасан̇гхаадод̇и вужжад̇и. гурунд̣̇ияам̣ вуд̇д̇анд̇и самб̣анд̇хо. махааадтагат̇ааяам̣ вуд̇д̇анд̇и яож̇анаа. д̇анд̇и махааадтагат̇ааяа вуд̇д̇аважанам̣. звам̣ ‘‘д̇ад̣̇зваа’’д̇и зд̇т̇ааби. хийд̇и сажжам̣, яасмаа ваа. бхаг̇авад̇аабийд̇и на махааадтагат̇аажариязхи зва вуд̇д̇ам̣, ат̇а ко бхаг̇авад̇ааби гад̇од̇и яож̇анаа. д̣̇ваараб̣анд̇хзна аг̇г̇ал̣асса авинаабхаавад̇о ‘‘аг̇г̇ал̣адтабанааяаа’’д̇и вуд̇д̇зби аг̇г̇ал̣зна саха д̣̇ваараб̣анд̇хадтабанааяаад̇и ад̇т̇ова г̇ахзд̇аб̣б̣од̇и ааха ‘‘сагаваадагад̣̇ваараб̣анд̇хадтабанааяаа’’д̇и. аг̇г̇ал̣од̇и гаваадапалаго. имамзвад̇т̇анд̇и маяаа вуд̇д̇ам̣ имам̣ зва ад̇т̇ам̣ санд̇хааяаад̇и самб̣анд̇хо. зд̇т̇аад̇и ‘‘аг̇г̇ал̣адтабанааяаа’’д̇иважанз. ад̇хиббааяод̇и бхаг̇авад̇о абхисанд̇хи. хи-сад̣̇д̣̇о вид̇т̇аараж̇од̇аго. гамбад̇ийд̇и бхусам̣ гамбад̇и. жалад̇ийд̇и ийсам̣ жалад̇и. д̇знаад̇и д̇зна сит̇илабад̇анахзд̇унаа. маад̇игааяам̣, бад̣̇абхааж̇анийяан̃жа ‘‘аг̇г̇ал̣адтабанааяаа’’д̇ибад̣̇асса самб̣анд̇хаабхаавад̇о д̇асса самб̣анд̇хам̣ д̣̇ассзд̇ум̣ вуд̇д̇ам̣ ‘‘д̇ад̇т̇аа’’д̇иаад̣̇и. д̇ад̇т̇а д̇ад̇т̇аад̇и ‘‘аг̇г̇ал̣адтабанааяаа’’д̇иважанз на вуд̇д̇анд̇и самб̣анд̇хо. ад̇т̇асса гааран̣асса уббад̇д̇и ад̇т̇уббад̇д̇и, сааязва адтуббад̇д̇ийд̇и вужжад̇и д̇т̇агаарасса дтагаарам̣ гад̇ваа. ад̇хигаарад̇о д̣̇адтаб̣б̣од̇и яож̇анаа.
135. Navame piṭṭhasaṅghāṭassāti dvārabāhāya. Sā hi piṭṭhe dvinnaṃ kavāṭānaṃ saṃ ekato ghāṭo ghaṭanaṃ samāgamo etassatthīti piṭṭhasaṅghāṭoti vuccati. Kurundiyaṃ vuttanti sambandho. Mahāaṭṭhakathāyaṃ vuttanti yojanā. Tanti mahāaṭṭhakathāya vuttavacanaṃ. Evaṃ ‘‘tadevā’’ti etthāpi. Hīti saccaṃ, yasmā vā. Bhagavatāpīti na mahāaṭṭhakathācariyehi eva vuttaṃ, atha kho bhagavatāpi katoti yojanā. Dvārabandhena aggaḷassa avinābhāvato ‘‘aggaḷaṭṭhapanāyā’’ti vuttepi aggaḷena saha dvārabandhaṭṭhapanāyāti atthova gahetabboti āha ‘‘sakavāṭakadvārabandhaṭṭhapanāyā’’ti. Aggaḷoti kavāṭaphalako. Imamevatthanti mayā vuttaṃ imaṃ eva atthaṃ sandhāyāti sambandho. Etthāti ‘‘aggaḷaṭṭhapanāyā’’tivacane. Adhippāyoti bhagavato abhisandhi. Hi-saddo vitthārajotako. Kampatīti bhusaṃ kampati. Calatīti īsaṃ calati. Tenāti tena sithilapatanahetunā. Mātikāyaṃ, padabhājanīyañca ‘‘aggaḷaṭṭhapanāyā’’tipadassa sambandhābhāvato tassa sambandhaṃ dassetuṃ vuttaṃ ‘‘tatthā’’tiādi. Tattha tatthāti ‘‘aggaḷaṭṭhapanāyā’’tivacane na vuttanti sambandho. Atthassa kāraṇassa uppatti atthuppatti, sāyeva aṭṭhuppattīti vuccati tthakārassa ṭṭhakāraṃ katvā. Adhikārato daṭṭhabboti yojanā.
яам̣ бана важанам̣ вуд̇д̇анд̇и самб̣анд̇хо. яассаад̇и махаавихаарасса. убарийд̇и д̣̇ваарад̇о убари. д̇ийсу д̣̇исаасууд̇и убхосу бассзсу, убарийд̇и д̇ийсу д̣̇исаасу. д̇ад̇раабийд̇и куд̣̇д̣̇агз вихаарзби. саад̇и бхид̇д̇и. абарибуураубажаараабийд̇и саманд̇аа гаваадабамаан̣зна абарибуураубажаарааби. уггадтабарижчзд̣̇знаад̇и уггам̣сабамаан̣зна. хад̇т̇абаасад̇о ад̇ирзгам̣ на лимбид̇аб̣б̣од̇и ад̇хиббааяо. д̇ийсу д̣̇исаасу зва лимбид̇аб̣б̣о на ход̇и, лзбогаасз сад̇и ад̇хобхааг̇зби лимбид̇аб̣б̣од̇и ааха ‘‘сажз банассаа’’д̇иаад̣̇и. ассаад̇и вихаарасса. аалогам̣ санд̇хзнд̇и бид̣̇аханд̇ийд̇и ‘‘аалогасанд̇хий’’д̇и вуд̇д̇з ваад̇абаанагаваадагааязваад̇и д̣̇ассзнд̇о ааха ‘‘ваад̇абаанагаваадагаа вужжанд̇ий’’д̇и. ваад̇ам̣ бивад̇ийд̇и ваад̇абаанам̣, д̣̇ваарам̣, д̇асмим̣ тид̇аа гаваадагаа ваад̇абаанагаваадагаа. д̇зд̇и ваад̇абаанагаваадагаа бахаранд̇ийд̇и самб̣анд̇хо. зд̇т̇аад̇и аалогасанд̇химхи. саб̣б̣ад̣̇исаасууд̇и убхосу бассзсу, хздтаа, убарийд̇и жад̇уусу д̣̇исаасу. ‘‘д̇асмаа’’д̇ибад̣̇ам̣ ‘‘лимбид̇аб̣б̣о ваа лзбаабзд̇аб̣б̣о ваа’’д̇ибад̣̇ад̣̇ваяз хзд̇у. зд̇т̇аад̇и ‘‘аалогасанд̇хибаригаммааяаа’’д̇ибад̣̇з.
Yaṃ pana vacanaṃ vuttanti sambandho. Yassāti mahāvihārassa. Uparīti dvārato upari. Tīsu disāsūti ubhosu passesu, uparīti tīsu disāsu. Tatrāpīti khuddake vihārepi. Sāti bhitti. Aparipūraupacārāpīti samantā kavāṭapamāṇena aparipūraupacārāpi. Ukkaṭṭhaparicchedenāti ukkaṃsapamāṇena. Hatthapāsato atirekaṃ na limpitabboti adhippāyo. Tīsu disāsu eva limpitabbo na hoti, lepokāse sati adhobhāgepi limpitabboti āha ‘‘sace panassā’’tiādi. Assāti vihārassa. Ālokaṃ sandhenti pidahantīti ‘‘ālokasandhī’’ti vutte vātapānakavāṭakāyevāti dassento āha ‘‘vātapānakavāṭakā vuccantī’’ti. Vātaṃ pivatīti vātapānaṃ, dvāraṃ, tasmiṃ ṭhitā kavāṭakā vātapānakavāṭakā. Teti vātapānakavāṭakā paharantīti sambandho. Etthāti ālokasandhimhi. Sabbadisāsūti ubhosu passesu, heṭṭhā, uparīti catūsu disāsu. ‘‘Tasmā’’tipadaṃ ‘‘limpitabbo vā lepāpetabbo vā’’tipadadvaye hetu. Etthāti ‘‘ālokasandhiparikammāyā’’tipade.
иминаад̇и сзд̇аван̣н̣аад̣̇инаа. саб̣б̣амзд̇анд̇и зд̇ам̣ саб̣б̣ам̣ сзд̇аван̣н̣аад̣̇игам̣.
Imināti setavaṇṇādinā. Sabbametanti etaṃ sabbaṃ setavaṇṇādikaṃ.
яанд̇и гижжам̣. гад̇д̇аб̣б̣ам̣ гижжанд̇и самб̣анд̇хо. сад̣̇д̣̇анд̇араб̣яавахид̇оби д̣̇вад̇д̇исад̣̇д̣̇о барияааяасад̣̇д̣̇зна самаасо ход̇ийд̇и ааха ‘‘чад̣̇анасса д̣̇вад̇д̇ибарияааяа’’нд̇и. д̣̇вз ваа д̇аяо ваа барияааяаа самаахадаад̇и д̣̇вад̇д̇ибарияааяам̣ , самаахаарз д̣̇иг̇у, д̇исад̣̇д̣̇з барз д̣̇висса агааро ход̇и. баригкзбод̇и ануггамзна баригкзбо. абад̇яуубасаг̇г̇асса бадисзд̇хаваажагад̇д̇аа ‘‘ахарид̇з’’д̇и вуд̇д̇ам̣. зд̇т̇аад̇и ‘‘абахарид̇з’’д̇и бад̣̇з. ‘‘харид̇а’’нд̇и иминаа ад̇хиббзд̇анд̇и самб̣анд̇хо. аад̣̇игаббагаалз абаран̣н̣ад̇о буб̣б̣з бавад̇д̇ам̣ аннам̣ буб̣б̣ан̣н̣ам̣, абарасмим̣ буб̣б̣ан̣н̣ад̇о бажчаа бавад̇д̇ам̣ аннам̣ абаран̣н̣ам̣, нагаарад̣̇ваяасса н̣агаарад̣̇ваяам̣ гад̇ваа. д̇знзваад̇и ад̇хиббзд̇ад̇д̇аа зва.
Yanti kiccaṃ. Kattabbaṃ kiccanti sambandho. Saddantarabyavahitopi dvattisaddo pariyāyasaddena samāso hotīti āha ‘‘chadanassa dvattipariyāya’’nti. Dve vā tayo vā pariyāyā samāhaṭāti dvattipariyāyaṃ, samāhāre digu, tisadde pare dvissa akāro hoti. Parikkhepoti anukkamena parikkhepo. Apatyūpasaggassa paṭisedhavācakattā ‘‘aharite’’ti vuttaṃ. Etthāti ‘‘apaharite’’ti pade. ‘‘Harita’’nti iminā adhippetanti sambandho. Ādikappakāle aparaṇṇato pubbe pavattaṃ annaṃ pubbaṇṇaṃ, aparasmiṃ pubbaṇṇato pacchā pavattaṃ annaṃ aparaṇṇaṃ, nakāradvayassa ṇakāradvayaṃ katvā. Tenevāti adhippetattā eva.
вуд̇д̇анд̇и вабид̇ам̣, яат̇аа ‘‘сумзд̇хабхууд̇о бхаг̇аваа’’д̇изд̇т̇а б̣од̇хим̣ асамбад̇д̇оби б̣од̇хисад̇д̇о сумзд̇хабхууд̇о ‘‘бхаг̇аваа’’д̇и вужжад̇и авассамбхаавияад̇д̇аа, звам̣ харид̇ам̣ асамбад̇д̇амби кзд̇д̇ам̣ ‘‘харид̇а’’нд̇и вужжад̇и авассамбхаавияад̇д̇аад̇и ад̇т̇ам̣ д̣̇ассзд̇и ‘‘яасмимби кзд̇д̇з’’д̇иаад̣̇инаа.
Vuttanti vapitaṃ, yathā ‘‘sumedhabhūto bhagavā’’tiettha bodhiṃ asampattopi bodhisatto sumedhabhūto ‘‘bhagavā’’ti vuccati avassambhāviyattā, evaṃ haritaṃ asampattampi khettaṃ ‘‘harita’’nti vuccati avassambhāviyattāti atthaṃ dasseti ‘‘yasmimpi khette’’tiādinā.
ахарид̇зязваад̇и харид̇авирахз зва кзд̇д̇зд̇и яож̇анаа. д̇ад̇раабийд̇и ахарид̇акзд̇д̇зби. ‘‘бидтивам̣сассаа’’д̇ибад̣̇ам̣ ‘‘бассз’’д̇ибад̣̇з саамяад̇т̇ачадтий, иминаа багад̇иг̇зхам̣ д̣̇ассзд̇и. ‘‘гуудааг̇аараган̣н̣игааяаа’’д̇ибад̣̇ам̣ ‘‘убари, т̇уубигааяаа’’д̇ибад̣̇з саамяад̇т̇ачадтий, иминаа згагуудаяуд̇д̇з маал̣аад̣̇игз д̣̇ассзд̇и. тид̇ам̣ бхигкунд̇и самб̣анд̇хо. нисиннагам̣ яам̣ган̃жи ж̇ананд̇и яож̇анаа. д̇ассаад̇и тид̇адтаанасса. анд̇од̇и аб̣бханд̇арз, хи яасмаа аяам̣ огаасо бад̇аногаасод̇и яож̇анаа.
Ahariteyevāti haritavirahe eva khetteti yojanā. Tatrāpīti aharitakhettepi. ‘‘Piṭṭhivaṃsassā’’tipadaṃ ‘‘passe’’tipade sāmyatthachaṭṭhī, iminā pakatigehaṃ dasseti. ‘‘Kūṭāgārakaṇṇikāyā’’tipadaṃ ‘‘upari, thūpikāyā’’tipade sāmyatthachaṭṭhī, iminā ekakūṭayutte māḷādike dasseti. Ṭhitaṃ bhikkhunti sambandho. Nisinnakaṃ yaṃkañci jananti yojanā. Tassāti ṭhitaṭṭhānassa. Antoti abbhantare, hi yasmā ayaṃ okāso patanokāsoti yojanā.
136. чаад̣̇ид̇ам̣ наамаад̇и зд̇т̇а чаад̣̇ид̇асад̣̇д̣̇о бхаавад̇т̇о ход̇и, д̇знааха ‘‘чаад̣̇ана’’нд̇и. уж̇угамзваад̇и чад̣̇анудтаабанад̇о уд̣̇д̇хам̣ уж̇угам̣ зва. д̇анд̇и чаад̣̇анам̣. абанзд̇ваабийд̇и наасзд̇вааби. д̇асмаад̇и яасмаа лаб̣бхад̇и, д̇асмаа, баггамид̇аб̣б̣анд̇и самб̣анд̇хо. баригкзбзнаад̇и бариваарзна чаад̣̇знд̇ассаад̇и яож̇анаа. ид̇хаабийд̇и барияааяачаад̣̇анзби ад̇хидтахид̇ваад̇и самб̣анд̇хо. д̇ун̣хийбхууд̇знаад̇и д̇ун̣хийбхууд̇о худ̇ваа. чад̣̇анубарийд̇и чад̣̇анасса убари. хийд̇и сажжам̣. ‘‘д̇ад̇о жз уд̇д̇ари’’нд̇и зд̇т̇а д̇ад̇о д̣̇вад̇д̇ибарияааяад̇о убарийд̇и д̣̇ассзнд̇о ааха ‘‘д̇ин̣н̣ам̣ маг̇г̇аанам̣ ваа’’д̇иаад̣̇и.
136.Chāditaṃ nāmāti ettha chāditasaddo bhāvattho hoti, tenāha ‘‘chādana’’nti. Ujukamevāti chadanuṭṭhāpanato uddhaṃ ujukaṃ eva. Tanti chādanaṃ. Apanetvāpīti nāsetvāpi. Tasmāti yasmā labbhati, tasmā, pakkamitabbanti sambandho. Parikkhepenāti parivārena chādentassāti yojanā. Idhāpīti pariyāyachādanepi adhiṭṭhahitvāti sambandho. Tuṇhībhūtenāti tuṇhībhūto hutvā. Chadanuparīti chadanassa upari. Hīti saccaṃ. ‘‘Tato ce uttari’’nti ettha tato dvattipariyāyato uparīti dassento āha ‘‘tiṇṇaṃ maggānaṃ vā’’tiādi.
137. гарзна хад̇т̇зна лунид̇аб̣б̣о, чинд̣̇ид̇аб̣б̣о, лаад̇аб̣б̣о г̇ахзд̇аб̣б̣од̇и ваа гарал̣од̇и гад̇з ад̇т̇абагаран̣аад̣̇ид̇о д̇ин̣амудти зваад̇и ааха ‘‘д̇ин̣амудтияа’’нд̇и. навамам̣.
137. Karena hatthena lunitabbo, chinditabbo, lātabbo gahetabboti vā karaḷoti kate atthapakaraṇādito tiṇamuṭṭhi evāti āha ‘‘tiṇamuṭṭhiya’’nti. Navamaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 2. бхууд̇аг̇аамаваг̇г̇о • 2. Bhūtagāmavaggo
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 9. махаллагавихаарасигкаабад̣̇аван̣н̣анаа • 9. Mahallakavihārasikkhāpadavaṇṇanā
