| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[453] 15. махааман̇г̇алаж̇аад̇агаван̣н̣анаа
[453] 15. Mahāmaṅgalajātakavaṇṇanā
гим̣су народ̇и ид̣̇ам̣ сад̇т̇аа ж̇зд̇аванз вихаранд̇о махааман̇г̇аласуд̇д̇ам̣ (ку. баа. 5.1 аад̣̇аяо) аараб̣бха гат̇зси. рааж̇аг̇аханаг̇арасмин̃хи гзнажид̣̇зва гаран̣ийязна сант̇ааг̇аарз саннибад̇ид̇асса махааж̇анасса маж̇жхз зго бурисо ‘‘аж̇ж̇а мз ман̇г̇алагирияаа ад̇т̇ий’’д̇и удтааяа аг̇амааси. абаро д̇асса важанам̣ суд̇ваа ‘‘аяам̣ ‘ман̇г̇ала’нд̇и вад̇ваава г̇ад̇о, гим̣ зд̇ам̣ ман̇г̇алам̣ наамаа’’д̇и ааха . д̇аман̃н̃о ‘‘абхиман̇г̇аларуубад̣̇ассанам̣ ман̇г̇алам̣ наама. згажжо хи гаалассзва удтааяа саб̣б̣асзд̇ам̣ усабхам̣ ваа бассад̇и, г̇аб̣бхинид̇т̇им̣ ваа рохид̇амажчам̣ ваа бун̣н̣агхадам̣ ваа наванийд̇ам̣ ваа г̇осаббим̣ ваа ахад̇авад̇т̇ам̣ ваа бааяаасам̣ ваа бассад̇и, ид̇о уд̇д̇ари ман̇г̇алам̣ наама над̇т̇ий’’д̇и ааха. д̇зна гат̇ид̇ам̣ згажжз ‘‘сугат̇ид̇а’’нд̇и абхинанд̣̇им̣су. абаро ‘‘нзд̇ам̣ ман̇г̇алам̣, суд̇ам̣ наама ман̇г̇алам̣. згажжо хи ‘бун̣н̣аа’д̇и вад̣̇анд̇аанам̣ сун̣аад̇и, д̇ат̇аа ‘вад̣дхаа’д̇и ‘вад̣дхамаанаа’д̇и сун̣аад̇и, ‘бхун̃ж̇аа’д̇и ‘каад̣̇аа’д̇и вад̣̇анд̇аанам̣ сун̣аад̇и, ид̇о уд̇д̇ари ман̇г̇алам̣ наама над̇т̇ий’’д̇и ааха. д̇зна гат̇ид̇амби згажжз ‘‘сугат̇ид̇а’’нд̇и абхинанд̣̇им̣су. абаро ‘‘на зд̇ам̣ ман̇г̇алам̣, муд̇ам̣ наама ман̇г̇алам̣. згажжо хи гаалассзва удтааяа бат̇авим̣ аамасад̇и, харид̇ад̇ин̣ам̣ аллаг̇омаяам̣ барисуд̣̇д̇хасаадагам̣ рохид̇амажчам̣ суван̣н̣араж̇ад̇абхааж̇анам̣ аамасад̇и, ид̇о уд̇д̇ари ман̇г̇алам̣ наама над̇т̇ий’’д̇и ааха. д̇зна гат̇ид̇амби згажжз ‘‘сугат̇ид̇а’’нд̇и абхинанд̣̇им̣су. звам̣ д̣̇идтаман̇г̇алигаа суд̇аман̇г̇алигаа муд̇аман̇г̇алигаад̇и д̇иссоби барисаа худ̇ваа ан̃н̃аман̃н̃ам̣ сан̃н̃аабзд̇ум̣ наасагким̣су, бхуммад̣̇звад̇аа аад̣̇им̣ гад̇ваа яаава б̣рахмалогаа ‘‘ид̣̇ам̣ ман̇г̇ала’’нд̇и д̇ат̇ад̇о на ж̇ааним̣су.
Kiṃsunaroti idaṃ satthā jetavane viharanto mahāmaṅgalasuttaṃ (khu. pā. 5.1 ādayo) ārabbha kathesi. Rājagahanagarasmiñhi kenacideva karaṇīyena santhāgāre sannipatitassa mahājanassa majjhe eko puriso ‘‘ajja me maṅgalakiriyā atthī’’ti uṭṭhāya agamāsi. Aparo tassa vacanaṃ sutvā ‘‘ayaṃ ‘maṅgala’nti vatvāva gato, kiṃ etaṃ maṅgalaṃ nāmā’’ti āha . Tamañño ‘‘abhimaṅgalarūpadassanaṃ maṅgalaṃ nāma. Ekacco hi kālasseva uṭṭhāya sabbasetaṃ usabhaṃ vā passati, gabbhinitthiṃ vā rohitamacchaṃ vā puṇṇaghaṭaṃ vā navanītaṃ vā gosappiṃ vā ahatavatthaṃ vā pāyāsaṃ vā passati, ito uttari maṅgalaṃ nāma natthī’’ti āha. Tena kathitaṃ ekacce ‘‘sukathita’’nti abhinandiṃsu. Aparo ‘‘netaṃ maṅgalaṃ, sutaṃ nāma maṅgalaṃ. Ekacco hi ‘puṇṇā’ti vadantānaṃ suṇāti, tathā ‘vaḍḍhā’ti ‘vaḍḍhamānā’ti suṇāti, ‘bhuñjā’ti ‘khādā’ti vadantānaṃ suṇāti, ito uttari maṅgalaṃ nāma natthī’’ti āha. Tena kathitampi ekacce ‘‘sukathita’’nti abhinandiṃsu. Aparo ‘‘na etaṃ maṅgalaṃ, mutaṃ nāma maṅgalaṃ. Ekacco hi kālasseva uṭṭhāya pathaviṃ āmasati, haritatiṇaṃ allagomayaṃ parisuddhasāṭakaṃ rohitamacchaṃ suvaṇṇarajatabhājanaṃ āmasati, ito uttari maṅgalaṃ nāma natthī’’ti āha. Tena kathitampi ekacce ‘‘sukathita’’nti abhinandiṃsu. Evaṃ diṭṭhamaṅgalikā sutamaṅgalikā mutamaṅgalikāti tissopi parisā hutvā aññamaññaṃ saññāpetuṃ nāsakkhiṃsu, bhummadevatā ādiṃ katvā yāva brahmalokā ‘‘idaṃ maṅgala’’nti tathato na jāniṃsu.
сагго жинд̇зси ‘‘имам̣ ман̇г̇алабан̃хам̣ сад̣̇звагз логз ан̃н̃ад̇ра бхаг̇авад̇аа ан̃н̃о гат̇зд̇ум̣ самад̇т̇о наама над̇т̇и, бхаг̇аванд̇ам̣ убасан̇гамид̇ваа имам̣ бан̃хам̣ бужчиссаамий’’д̇и. со рад̇д̇ибхааг̇з сад̇т̇аарам̣ убасан̇гамид̇ваа ванд̣̇ид̇ваа ан̃ж̇алим̣ баг̇г̇аяха ‘‘б̣ахуу д̣̇зваа мануссаа жаа’’д̇и бан̃хам̣ бужчи. ат̇асса сад̇т̇аа д̣̇ваад̣̇асахи г̇аат̇аахи адтад̇им̣са махааман̇г̇алаани гат̇зси. ман̇г̇аласуд̇д̇з винивадданд̇зязва годисад̇асахассамад̇д̇аа д̣̇звад̇аа арахад̇д̇ам̣ баабун̣им̣су, сод̇аабаннаад̣̇ийнам̣ г̇ан̣анабат̇о над̇т̇и. сагго ман̇г̇алам̣ суд̇ваа сагадтаанамзва г̇ад̇о. сад̇т̇аараа ман̇г̇алз гат̇ид̇з сад̣̇зваго лого ‘‘сугат̇ид̇а’’нд̇и абхинанд̣̇и. д̇ад̣̇аа д̇хаммасабхааяам̣ д̇ат̇ааг̇ад̇асса г̇ун̣агат̇ам̣ самудтаабзсум̣ ‘‘аавусо, сад̇т̇аа ан̃н̃зсам̣ ависаяам̣ ман̇г̇алабан̃хам̣ сад̣̇звагасса логасса жид̇д̇ам̣ г̇ахзд̇ваа гуггужжам̣ чинд̣̇ид̇ваа г̇аг̇анад̇алз жанд̣̇ам̣ удтаабзнд̇о вияа гат̇зси, звам̣ махаабан̃н̃о, аавусо, д̇ат̇ааг̇ад̇о’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘анажчарияам̣, бхигкавз, ид̣̇аанзва самб̣од̇хиббад̇д̇асса мама ман̇г̇алабан̃хагат̇анам̣, сваахам̣ б̣од̇хисад̇д̇ажарияам̣ жаранд̇оби д̣̇звамануссаанам̣ ган̇кам̣ чинд̣̇ид̇ваа ман̇г̇алабан̃хам̣ гат̇зси’’нд̇и вад̇ваа ад̇ийд̇ам̣ аахари.
Sakko cintesi ‘‘imaṃ maṅgalapañhaṃ sadevake loke aññatra bhagavatā añño kathetuṃ samattho nāma natthi, bhagavantaṃ upasaṅkamitvā imaṃ pañhaṃ pucchissāmī’’ti. So rattibhāge satthāraṃ upasaṅkamitvā vanditvā añjaliṃ paggayha ‘‘bahū devā manussā cā’’ti pañhaṃ pucchi. Athassa satthā dvādasahi gāthāhi aṭṭhatiṃsa mahāmaṅgalāni kathesi. Maṅgalasutte vinivaṭṭanteyeva koṭisatasahassamattā devatā arahattaṃ pāpuṇiṃsu, sotāpannādīnaṃ gaṇanapatho natthi. Sakko maṅgalaṃ sutvā sakaṭṭhānameva gato. Satthārā maṅgale kathite sadevako loko ‘‘sukathita’’nti abhinandi. Tadā dhammasabhāyaṃ tathāgatassa guṇakathaṃ samuṭṭhāpesuṃ ‘‘āvuso, satthā aññesaṃ avisayaṃ maṅgalapañhaṃ sadevakassa lokassa cittaṃ gahetvā kukkuccaṃ chinditvā gaganatale candaṃ uṭṭhāpento viya kathesi, evaṃ mahāpañño, āvuso, tathāgato’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘anacchariyaṃ, bhikkhave, idāneva sambodhippattassa mama maṅgalapañhakathanaṃ, svāhaṃ bodhisattacariyaṃ carantopi devamanussānaṃ kaṅkhaṃ chinditvā maṅgalapañhaṃ kathesi’’nti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о згасмим̣ г̇аамз вибхавасамбаннасса б̣раахман̣асса гулз ниб̣б̣ад̇д̇и, ‘‘рагкид̇агумааро’’д̇исса наамам̣ агам̣су. со ваяаббад̇д̇о д̇аггасилааяам̣ уг̇г̇ахид̇асиббо гад̇ад̣̇аарабариг̇г̇ахо маад̇аабид̇уунам̣ ажжаязна рад̇анавилоганам̣ гад̇ваа сам̣виг̇г̇амаанасо махаад̣̇аанам̣ бавад̇д̇зд̇ваа гаамз бахааяа химаванд̇абад̣̇зсз баб̣б̣аж̇ид̇ваа жхаанаабхин̃н̃ам̣ ниб̣б̣ад̇д̇зд̇ваа ванамуулапалаахааро згасмим̣ бад̣̇зсз ваасам̣ габбзси. анубуб̣б̣знасса баривааро махаа ахоси, бан̃жа анд̇зваасигасад̇аани ахзсум̣. ат̇згад̣̇ивасам̣ д̇з д̇аабасаа б̣од̇хисад̇д̇ам̣ убасан̇гамид̇ваа ванд̣̇ид̇ваа ‘‘аажарияа, вассаарад̇д̇асамаяз химаванд̇ад̇о од̇арид̇ваа лон̣амб̣иласзванад̇т̇ааяа ж̇анабад̣̇ажааригам̣ г̇ажчаама, звам̣ но сарийран̃жа т̇ирам̣ бхависсад̇и, ж̇ан̇гхавихааро жа гад̇о бхависсад̇ий’’д̇и аахам̣су. д̇з ‘‘д̇зна хи д̇умхз г̇ажчат̇а, ахам̣ ид̇хзва васиссаамий’’д̇и вуд̇д̇з д̇ам̣ ванд̣̇ид̇ваа химаванд̇аа од̇арид̇ваа жааригам̣ жарамаанаа б̣аараан̣асим̣ бад̇ваа рааж̇уяяаанз васим̣су. д̇зсам̣ махаасаггаарасаммаано ахоси. ат̇згад̣̇ивасам̣ б̣аараан̣асияам̣ сант̇ааг̇аарз саннибад̇ид̇з махааж̇анагааяз ман̇г̇алабан̃хо самудтаад̇и. саб̣б̣ам̣ бажжуббаннавад̇т̇унаязнзва взд̣̇ид̇аб̣б̣ам̣.
Atīte bārāṇasiyaṃ brahmadatte rajjaṃ kārente bodhisatto ekasmiṃ gāme vibhavasampannassa brāhmaṇassa kule nibbatti, ‘‘rakkhitakumāro’’tissa nāmaṃ akaṃsu. So vayappatto takkasilāyaṃ uggahitasippo katadārapariggaho mātāpitūnaṃ accayena ratanavilokanaṃ katvā saṃviggamānaso mahādānaṃ pavattetvā kāme pahāya himavantapadese pabbajitvā jhānābhiññaṃ nibbattetvā vanamūlaphalāhāro ekasmiṃ padese vāsaṃ kappesi. Anupubbenassa parivāro mahā ahosi, pañca antevāsikasatāni ahesuṃ. Athekadivasaṃ te tāpasā bodhisattaṃ upasaṅkamitvā vanditvā ‘‘ācariya, vassārattasamaye himavantato otaritvā loṇambilasevanatthāya janapadacārikaṃ gacchāma, evaṃ no sarīrañca thiraṃ bhavissati, jaṅghavihāro ca kato bhavissatī’’ti āhaṃsu. Te ‘‘tena hi tumhe gacchatha, ahaṃ idheva vasissāmī’’ti vutte taṃ vanditvā himavantā otaritvā cārikaṃ caramānā bārāṇasiṃ patvā rājuyyāne vasiṃsu. Tesaṃ mahāsakkārasammāno ahosi. Athekadivasaṃ bārāṇasiyaṃ santhāgāre sannipatite mahājanakāye maṅgalapañho samuṭṭhāti. Sabbaṃ paccuppannavatthunayeneva veditabbaṃ.
д̇ад̣̇аа бана мануссаанам̣ ган̇кам̣ чинд̣̇ид̇ваа ман̇г̇алабан̃хам̣ гат̇зд̇ум̣ самад̇т̇ам̣ абассанд̇о махааж̇ано уяяаанам̣ г̇анд̇ваа исиг̇ан̣ам̣ ман̇г̇алабан̃хам̣ бужчи. исаяо рааж̇аанам̣ ааманд̇зд̇ваа ‘‘махаарааж̇а, маяам̣ зд̇ам̣ гат̇зд̇ум̣ на сагкиссаама, абижа ко амхаагам̣ аажарияо рагкид̇ад̇аабасо наама махаабан̃н̃о химаванд̇з васад̇и, со сад̣̇звагасса логасса жид̇д̇ам̣ г̇ахзд̇ваа зд̇ам̣ ман̇г̇алабан̃хам̣ гат̇зссад̇ий’’д̇и вад̣̇им̣су. рааж̇аа ‘‘бханд̇з, химаванд̇о наама д̣̇уурз д̣̇уг̇г̇амова, на сагкиссаама маяам̣ д̇ад̇т̇а г̇анд̇ум̣, саад̇ху вад̇а д̇умхзязва аажарияасса санд̇игам̣ г̇анд̇ваа бужчид̇ваа уг̇г̇ан̣хид̇ваа бунааг̇анд̇ваа амхаагам̣ гат̇зт̇аа’’д̇и ааха. д̇з ‘‘саад̇хуу’’д̇и самбадижчид̇ваа аажарияасса санд̇игам̣ г̇анд̇ваа ванд̣̇ид̇ваа гад̇абадисант̇аараа аажариязна ран̃н̃о д̇хаммигабхаавз ж̇анабад̣̇ажаарид̇д̇з жа бужчид̇з д̇ам̣ д̣̇идтаман̇г̇алаад̣̇ийнам̣ уббад̇д̇им̣ аад̣̇ид̇о бадтааяа гат̇зд̇ваа ран̃н̃о яаажанааяа жа ад̇д̇ано бан̃хасаванад̇т̇ам̣ ааг̇ад̇абхаавам̣ багаасзд̇ваа ‘‘саад̇ху но бханд̇з, ман̇г̇алабан̃хам̣ баагадам̣ гад̇ваа гат̇зт̇аа’’д̇и яаажим̣су. д̇ад̇о ж̇здтанд̇зваасиго аажарияам̣ бужчанд̇о батамам̣ г̇аат̇амааха –
Tadā pana manussānaṃ kaṅkhaṃ chinditvā maṅgalapañhaṃ kathetuṃ samatthaṃ apassanto mahājano uyyānaṃ gantvā isigaṇaṃ maṅgalapañhaṃ pucchi. Isayo rājānaṃ āmantetvā ‘‘mahārāja, mayaṃ etaṃ kathetuṃ na sakkhissāma, apica kho amhākaṃ ācariyo rakkhitatāpaso nāma mahāpañño himavante vasati, so sadevakassa lokassa cittaṃ gahetvā etaṃ maṅgalapañhaṃ kathessatī’’ti vadiṃsu. Rājā ‘‘bhante, himavanto nāma dūre duggamova, na sakkhissāma mayaṃ tattha gantuṃ, sādhu vata tumheyeva ācariyassa santikaṃ gantvā pucchitvā uggaṇhitvā punāgantvā amhākaṃ kathethā’’ti āha. Te ‘‘sādhū’’ti sampaṭicchitvā ācariyassa santikaṃ gantvā vanditvā katapaṭisanthārā ācariyena rañño dhammikabhāve janapadacāritte ca pucchite taṃ diṭṭhamaṅgalādīnaṃ uppattiṃ ādito paṭṭhāya kathetvā rañño yācanāya ca attano pañhasavanatthaṃ āgatabhāvaṃ pakāsetvā ‘‘sādhu no bhante, maṅgalapañhaṃ pākaṭaṃ katvā kathethā’’ti yāciṃsu. Tato jeṭṭhantevāsiko ācariyaṃ pucchanto paṭhamaṃ gāthamāha –
155.
155.
‘‘гим̣су наро ж̇аббамад̇хижжа гаалз, гам̣ ваа виж̇ж̇ам̣ гад̇амам̣ ваа суд̇аанам̣;
‘‘Kiṃsu naro jappamadhicca kāle, kaṃ vā vijjaṃ katamaṃ vā sutānaṃ;
со мажжо асмин̃жа барамхи логз, гат̇ам̣ гаро сод̇т̇аанзна г̇уд̇д̇о’’д̇и.
So macco asmiñca paramhi loke, kathaṃ karo sotthānena gutto’’ti.
д̇ад̇т̇а гаалзд̇и ман̇г̇алабад̇т̇анагаалз. виж̇ж̇анд̇и взд̣̇ам̣. суд̇аананд̇и сигкид̇аб̣б̣аяуд̇д̇агабарияад̇д̇ийнам̣. асмин̃жаад̇и зд̇т̇а жаад̇и нибаад̇амад̇д̇ам̣. сод̇т̇аанзнаад̇и сод̇т̇ибхааваавахзна ман̇г̇алзна. ид̣̇ам̣ вуд̇д̇ам̣ ход̇и – ‘‘аажарияа, бурисо ман̇г̇алам̣ ижчанд̇о ман̇г̇алагаалз гим̣су наама ж̇аббанд̇о д̇ийсу взд̣̇зсу гад̇арам̣ ваа взд̣̇ам̣ гад̇арам̣ ваа суд̇аанам̣ анд̇арз суд̇абарияад̇д̇им̣ ад̇хийяид̇ваа со мажжо имасмин̃жа логз барамхи жа гат̇ам̣ гаро зд̇зсу ж̇аббаад̣̇ийсу гим̣ гзна нияаамзна гаронд̇о сод̇т̇аанзна нирабараад̇хаман̇г̇алзна г̇уд̇д̇о рагкид̇о ход̇и, д̇ам̣ убхаяалогахид̇ам̣ г̇ахзд̇ваа тид̇аман̇г̇алам̣ амхаагам̣ гат̇зхий’’д̇и.
Tattha kāleti maṅgalapatthanakāle. Vijjanti vedaṃ. Sutānanti sikkhitabbayuttakapariyattīnaṃ. Asmiñcāti ettha cāti nipātamattaṃ. Sotthānenāti sotthibhāvāvahena maṅgalena. Idaṃ vuttaṃ hoti – ‘‘ācariya, puriso maṅgalaṃ icchanto maṅgalakāle kiṃsu nāma jappanto tīsu vedesu kataraṃ vā vedaṃ kataraṃ vā sutānaṃ antare sutapariyattiṃ adhīyitvā so macco imasmiñca loke paramhi ca kathaṃ karo etesu jappādīsu kiṃ kena niyāmena karonto sotthānena niraparādhamaṅgalena gutto rakkhito hoti, taṃ ubhayalokahitaṃ gahetvā ṭhitamaṅgalaṃ amhākaṃ kathehī’’ti.
звам̣ ж̇здтанд̇зваасигзна ман̇г̇алабан̃хам̣ будто махаасад̇д̇о д̣̇звамануссаанам̣ ган̇кам̣ чинд̣̇анд̇о ‘‘ид̣̇ан̃жид̣̇ан̃жа ман̇г̇ала’’нд̇и б̣уд̣̇д̇халийл̣ааяа ман̇г̇алам̣ гат̇знд̇о ааха –
Evaṃ jeṭṭhantevāsikena maṅgalapañhaṃ puṭṭho mahāsatto devamanussānaṃ kaṅkhaṃ chindanto ‘‘idañcidañca maṅgala’’nti buddhalīḷāya maṅgalaṃ kathento āha –
156.
156.
‘‘яасса д̣̇зваа бид̇аро жа саб̣б̣з, сарийсабаа саб̣б̣абхууд̇аани жааби;
‘‘Yassa devā pitaro ca sabbe, sarīsapā sabbabhūtāni cāpi;
мзд̇д̇ааяа нижжам̣ абажид̇аани хонд̇и, бхууд̇зсу вз сод̇т̇аанам̣ д̇ад̣̇аахуу’’д̇и.
Mettāya niccaṃ apacitāni honti, bhūtesu ve sotthānaṃ tadāhū’’ti.
д̇ад̇т̇а яассаад̇и яасса буг̇г̇аласса. д̣̇зваад̇и бхуммад̣̇звз аад̣̇им̣ гад̇ваа саб̣б̣зби гаамааважарад̣̇зваа. бид̇аро жаад̇и д̇ад̇уд̇д̇ари руубааважараб̣рахмаано. сарийсабаад̇и д̣̇ийгхаж̇аад̇игаа. саб̣б̣абхууд̇аани жаабийд̇и вуд̇д̇аавасзсаани жа саб̣б̣ааниби бхууд̇аани. мзд̇д̇ааяа нижжам̣ абажид̇аани хонд̇ийд̇и зд̇з саб̣б̣з сад̇д̇аа д̣̇асад̣̇исаапаран̣авасзна бавад̇д̇ааяа аббанааббад̇д̇ааяа мзд̇д̇аабхааванааяа абажид̇аа хонд̇и. бхууд̇зсу взд̇и д̇ам̣ д̇асса буг̇г̇аласса саб̣б̣асад̇д̇зсу сод̇т̇аанам̣ ниранд̇арам̣ бавад̇д̇ам̣ нирабараад̇хаман̇г̇алам̣ ааху. мзд̇д̇аавихаарий хи буг̇г̇ало саб̣б̣зсам̣ бияо ход̇и баруубаггамзна авигобияо. ид̇и со иминаа ман̇г̇алзна рагкид̇о г̇обид̇о ход̇ийд̇и.
Tattha yassāti yassa puggalassa. Devāti bhummadeve ādiṃ katvā sabbepi kāmāvacaradevā. Pitaro cāti tatuttari rūpāvacarabrahmāno. Sarīsapāti dīghajātikā. Sabbabhūtāni cāpīti vuttāvasesāni ca sabbānipi bhūtāni. Mettāya niccaṃ apacitāni hontīti ete sabbe sattā dasadisāpharaṇavasena pavattāya appanāppattāya mettābhāvanāya apacitā honti. Bhūtesu veti taṃ tassa puggalassa sabbasattesu sotthānaṃ nirantaraṃ pavattaṃ niraparādhamaṅgalaṃ āhu. Mettāvihārī hi puggalo sabbesaṃ piyo hoti parūpakkamena avikopiyo. Iti so iminā maṅgalena rakkhito gopito hotīti.
ид̇и махаасад̇д̇о батамам̣ ман̇г̇алам̣ гат̇зд̇ваа д̣̇уд̇ияаад̣̇ийни гат̇знд̇о –
Iti mahāsatto paṭhamaṃ maṅgalaṃ kathetvā dutiyādīni kathento –
157.
157.
‘‘яо саб̣б̣алогасса ниваад̇авуд̇д̇и, ид̇т̇ийбумаанам̣ сахад̣̇аарагаанам̣;
‘‘Yo sabbalokassa nivātavutti, itthīpumānaṃ sahadārakānaṃ;
канд̇аа д̣̇уруд̇д̇аанамаббадигуулаваад̣̇ий, ад̇хиваасанам̣ сод̇т̇аанам̣ д̇ад̣̇ааху.
Khantā duruttānamappaṭikūlavādī, adhivāsanaṃ sotthānaṃ tadāhu.
158.
158.
‘‘яо нааваж̇аанаад̇и сахааяамад̇д̇з, сиббзна гуляаахи д̇ханзна ж̇ажжаа;
‘‘Yo nāvajānāti sahāyamatte, sippena kulyāhi dhanena jaccā;
ружибан̃н̃о ад̇т̇агаалз мад̇иймаа, сахааязсу вз сод̇т̇аанам̣ д̇ад̣̇ааху.
Rucipañño atthakāle matīmā, sahāyesu ve sotthānaṃ tadāhu.
159.
159.
‘‘мид̇д̇аани вз яасса бхаванд̇и санд̇о, сам̣виссад̇т̇аа ависам̣ваад̣̇агасса;
‘‘Mittāni ve yassa bhavanti santo, saṃvissatthā avisaṃvādakassa;
на мид̇д̇ад̣̇уб̣бхий сам̣вибхааг̇ий д̇ханзна, мид̇д̇зсу вз сод̇т̇аанам̣ д̇ад̣̇ааху.
Na mittadubbhī saṃvibhāgī dhanena, mittesu ve sotthānaṃ tadāhu.
160.
160.
‘‘яасса бхарияаа д̇уляаваяаа самаг̇г̇аа, ануб̣б̣ад̇аа д̇хаммагаамаа баж̇аад̇аа;
‘‘Yassa bhariyā tulyavayā samaggā, anubbatā dhammakāmā pajātā;
голинияаа сийлавад̇ий бад̇иб̣б̣ад̇аа, д̣̇аарзсу вз сод̇т̇аанам̣ д̇ад̣̇ааху.
Koliniyā sīlavatī patibbatā, dāresu ve sotthānaṃ tadāhu.
161.
161.
‘‘яасса рааж̇аа бхууд̇абад̇и яасассий, ж̇аанаад̇и сожзяяам̣ бараггаман̃жа;
‘‘Yassa rājā bhūtapati yasassī, jānāti soceyyaṃ parakkamañca;
ад̣̇взж̇жхад̇аа сухад̣̇аяам̣ маманд̇и, рааж̇уусу вз сод̇т̇аанам̣ д̇ад̣̇ааху.
Advejjhatā suhadayaṃ mamanti, rājūsu ve sotthānaṃ tadāhu.
162.
162.
‘‘аннан̃жа баанан̃жа д̣̇ад̣̇аад̇и сад̣̇д̇хо, маалан̃жа г̇анд̇хан̃жа вилзбанан̃жа;
‘‘Annañca pānañca dadāti saddho, mālañca gandhañca vilepanañca;
басаннажид̇д̇о анумод̣̇амаано, саг̇г̇зсу вз сод̇т̇аанам̣ д̇ад̣̇ааху.
Pasannacitto anumodamāno, saggesu ve sotthānaṃ tadāhu.
163.
163.
‘‘яамарияад̇хаммзна бунанд̇и вуд̣̇д̇хаа, аараад̇хид̇аа самажарияааяа санд̇о;
‘‘Yamariyadhammena punanti vuddhā, ārādhitā samacariyāya santo;
б̣ахуссуд̇аа исаяо сийлаванд̇о, араханд̇амаж̇жхз сод̇т̇аанам̣ д̇ад̣̇аахуу’’д̇и. –
Bahussutā isayo sīlavanto, arahantamajjhe sotthānaṃ tadāhū’’ti. –
имаа г̇аат̇аа абхааси.
Imā gāthā abhāsi.
д̇ад̇т̇а ниваад̇авуд̇д̇ийд̇и муд̣̇ужид̇д̇ад̇ааяа саб̣б̣алогасса нийжавуд̇д̇и ход̇и. канд̇аа д̣̇уруд̇д̇аананд̇и барзхи вуд̇д̇аанам̣ д̣̇удтаважанаанам̣ ад̇хиваасаго ход̇и. аббадигуулаваад̣̇ийд̇и ‘‘аггожчи мам̣, авад̇хи ма’’нд̇и яуг̇аг̇г̇аахам̣ агаронд̇о анугууламзва вад̣̇ад̇и. ад̇хиваасананд̇и ид̣̇ам̣ ад̇хиваасанам̣ д̇асса сод̇т̇аанам̣ нирабараад̇хаман̇г̇алам̣ бан̣д̣ид̇аа вад̣̇анд̇и.
Tattha nivātavuttīti muducittatāya sabbalokassa nīcavutti hoti. Khantā duruttānanti parehi vuttānaṃ duṭṭhavacanānaṃ adhivāsako hoti. Appaṭikūlavādīti ‘‘akkocchi maṃ, avadhi ma’’nti yugaggāhaṃ akaronto anukūlameva vadati. Adhivāsananti idaṃ adhivāsanaṃ tassa sotthānaṃ niraparādhamaṅgalaṃ paṇḍitā vadanti.
сахааяамад̇д̇зд̇и сахааяз жа сахааяамад̇д̇з жа. д̇ад̇т̇а сахабам̣сугийл̣ид̇аа сахааяаа наама, д̣̇аса д̣̇ваад̣̇аса вассаани згад̇о вуд̇т̇аа сахааяамад̇д̇аа наама, д̇з саб̣б̣зби ‘‘ахам̣ сиббаваа, имз нисиббаа’’д̇и звам̣ сиббзна ваа ‘‘ахам̣ гулийно, имз на гулийнаа’’д̇и звам̣ гуласамбад̇д̇исан̇каад̇аахи гуляаахи ваа, ‘‘ахам̣ ад̣дхо, имз д̣̇уг̇г̇ад̇аа’’д̇и звам̣ д̇ханзна ваа, ‘‘ахам̣ ж̇аад̇исамбанно, имз д̣̇уж̇ж̇аад̇аа’’д̇и звам̣ ж̇ажжаа ваа нааваж̇аанаад̇и. ружибан̃н̃од̇и саад̇хубан̃н̃о сунд̣̇арабан̃н̃о . ад̇т̇агаалзд̇и гассажид̣̇зва ад̇т̇асса гааран̣асса уббаннагаалз. мад̇иймаад̇и д̇ам̣ д̇ам̣ ад̇т̇ам̣ барижчинд̣̇ид̇ваа вижааран̣асамад̇т̇ад̇ааяа мад̇имаа худ̇ваа д̇з сахааяз нааваж̇аанаад̇и. сахааязсууд̇и д̇ам̣ д̇асса анаваж̇аананам̣ сахааязсу сод̇т̇аанам̣ наамаад̇и бораан̣агабан̣д̣ид̇аа ааху. д̇зна хи со нирабараад̇хаман̇г̇алзна ид̇халогз жа баралогз жа г̇уд̇д̇о ход̇и. д̇ад̇т̇а бан̣д̣ид̇з сахааяз ниссааяа сод̇т̇ибхааво гусанаал̣иж̇аад̇агзна (ж̇аа. 1.1.121 аад̣̇аяо) гат̇зд̇аб̣б̣о.
Sahāyamatteti sahāye ca sahāyamatte ca. Tattha sahapaṃsukīḷitā sahāyā nāma, dasa dvādasa vassāni ekato vutthā sahāyamattā nāma, te sabbepi ‘‘ahaṃ sippavā, ime nisippā’’ti evaṃ sippena vā ‘‘ahaṃ kulīno, ime na kulīnā’’ti evaṃ kulasampattisaṅkhātāhi kulyāhi vā, ‘‘ahaṃ aḍḍho, ime duggatā’’ti evaṃ dhanena vā, ‘‘ahaṃ jātisampanno, ime dujjātā’’ti evaṃ jaccā vā nāvajānāti. Rucipaññoti sādhupañño sundarapañño . Atthakāleti kassacideva atthassa kāraṇassa uppannakāle. Matīmāti taṃ taṃ atthaṃ paricchinditvā vicāraṇasamatthatāya matimā hutvā te sahāye nāvajānāti. Sahāyesūti taṃ tassa anavajānanaṃ sahāyesu sotthānaṃ nāmāti porāṇakapaṇḍitā āhu. Tena hi so niraparādhamaṅgalena idhaloke ca paraloke ca gutto hoti. Tattha paṇḍite sahāye nissāya sotthibhāvo kusanāḷijātakena (jā. 1.1.121 ādayo) kathetabbo.
санд̇од̇и бан̣д̣ид̇аа саббурисаа яасса мид̇д̇аани бхаванд̇и. сам̣виссад̇т̇аад̇и гхарам̣ бависид̇ваа ижчид̇ижчид̇ассзва г̇ахан̣авасзна виссаасамаабаннаа. ависам̣ваад̣̇агассаад̇и ависам̣ваад̣̇анасийласса. на мид̇д̇ад̣̇уб̣бхийд̇и яо жа мид̇д̇ад̣̇уб̣бхий на ход̇и. сам̣вибхааг̇ий д̇ханзнаад̇и ад̇д̇ано д̇ханзна мид̇д̇аанам̣ сам̣вибхааг̇ам̣ гарод̇и. мид̇д̇зсууд̇и мид̇д̇з ниссааяа лад̣̇д̇хаб̣б̣ам̣ д̇асса д̇ам̣ мид̇д̇зсу сод̇т̇аанам̣ наама ход̇и. со хи зваруубзхи мид̇д̇зхи рагкид̇о сод̇т̇им̣ баабун̣аад̇и. д̇ад̇т̇а мид̇д̇з ниссааяа сод̇т̇ибхааво махаауггусаж̇аад̇агаад̣̇ийхи (ж̇аа. 1.14.44 аад̣̇аяо) гат̇зд̇аб̣б̣о.
Santoti paṇḍitā sappurisā yassa mittāni bhavanti. Saṃvissatthāti gharaṃ pavisitvā icchiticchitasseva gahaṇavasena vissāsamāpannā. Avisaṃvādakassāti avisaṃvādanasīlassa. Na mittadubbhīti yo ca mittadubbhī na hoti. Saṃvibhāgī dhanenāti attano dhanena mittānaṃ saṃvibhāgaṃ karoti. Mittesūti mitte nissāya laddhabbaṃ tassa taṃ mittesu sotthānaṃ nāma hoti. So hi evarūpehi mittehi rakkhito sotthiṃ pāpuṇāti. Tattha mitte nissāya sotthibhāvo mahāukkusajātakādīhi (jā. 1.14.44 ādayo) kathetabbo.
д̇уляаваяаад̇и самаанаваяаа. самаг̇г̇аад̇и самаг̇г̇аваасаа. ануб̣б̣ад̇аад̇и анувад̇д̇ид̇аа. д̇хаммагаамаад̇и д̇ивид̇хасужарид̇ад̇хаммам̣ рожзд̇и. баж̇аад̇аад̇и виж̇ааяиний, на ван̃жхаа. д̣̇аарзсууд̇и зд̇зхи сийлаг̇ун̣зхи саманнааг̇ад̇з маад̇уг̇аамз г̇зхз васанд̇з саамигасса сод̇т̇и ход̇ийд̇и бан̣д̣ид̇аа гат̇знд̇и. д̇ад̇т̇а сийлаванд̇ам̣ маад̇уг̇аамам̣ ниссааяа сод̇т̇ибхааво ман̣ижораж̇аад̇ага- (ж̇аа. 1.2.87 аад̣̇аяо) самб̣уулаж̇аад̇ага- (ж̇аа. 1.16.297 аад̣̇аяо) кан̣д̣ахаалаж̇аад̇агзхи (ж̇аа. 2.22.982 аад̣̇аяо) гат̇зд̇аб̣б̣о.
Tulyavayāti samānavayā. Samaggāti samaggavāsā. Anubbatāti anuvattitā. Dhammakāmāti tividhasucaritadhammaṃ roceti. Pajātāti vijāyinī, na vañjhā. Dāresūti etehi sīlaguṇehi samannāgate mātugāme gehe vasante sāmikassa sotthi hotīti paṇḍitā kathenti. Tattha sīlavantaṃ mātugāmaṃ nissāya sotthibhāvo maṇicorajātaka- (jā. 1.2.87 ādayo) sambūlajātaka- (jā. 1.16.297 ādayo) khaṇḍahālajātakehi (jā. 2.22.982 ādayo) kathetabbo.
сожзяяанд̇и сужибхаавам̣. ад̣̇взж̇жхад̇аад̇и ад̣̇взж̇жхад̇ааяа на зса маяаа сад̣̇д̇хим̣ бхиж̇ж̇ид̇ваа д̣̇вид̇хаа бхависсад̇ийд̇и звам̣ ад̣̇взж̇жхабхаавзна яам̣ ж̇аанаад̇и. сухад̣̇аяам̣ маманд̇и сухад̣̇о аяам̣ маманд̇и жа яам̣ ж̇аанаад̇и. рааж̇уусу взд̇и звам̣ рааж̇уусу сзвагаанам̣ сод̇т̇аанам̣ наамаад̇и бан̣д̣ид̇аа гат̇знд̇и. д̣̇ад̣̇аад̇и сад̣̇д̇ход̇и гамман̃жа палан̃жа сад̣̇д̣̇ахид̇ваа д̣̇ад̣̇аад̇и. саг̇г̇зсу взд̇и звам̣ саг̇г̇з д̣̇звалогз сод̇т̇аанам̣ нирабараад̇хаман̇г̇аланд̇и бан̣д̣ид̇аа гат̇знд̇и, д̇ам̣ бзд̇авад̇т̇увимаанавад̇т̇уухи вид̇т̇аарзд̇ваа гат̇зд̇аб̣б̣ам̣.
Soceyyanti sucibhāvaṃ. Advejjhatāti advejjhatāya na esa mayā saddhiṃ bhijjitvā dvidhā bhavissatīti evaṃ advejjhabhāvena yaṃ jānāti. Suhadayaṃ mamanti suhado ayaṃ mamanti ca yaṃ jānāti. Rājūsu veti evaṃ rājūsu sevakānaṃ sotthānaṃ nāmāti paṇḍitā kathenti. Dadātisaddhoti kammañca phalañca saddahitvā dadāti. Saggesu veti evaṃ sagge devaloke sotthānaṃ niraparādhamaṅgalanti paṇḍitā kathenti, taṃ petavatthuvimānavatthūhi vitthāretvā kathetabbaṃ.
бунанд̇и вуд̣̇д̇хаад̇и яам̣ буг̇г̇алам̣ н̃аан̣авуд̣̇д̇хаа арияад̇хаммзна бунанд̇и барисод̇хзнд̇и. самажарияааяаад̇и саммаабадибад̇д̇ияаа. б̣ахуссуд̇аад̇и бадивзд̇хаб̣ахуссуд̇аа. исаяод̇и зсид̇аг̇ун̣аа. сийлаванд̇од̇и арияасийлзна саманнааг̇ад̇аа. араханд̇амаж̇жхзд̇и араханд̇аанам̣ маж̇жхз бадилабхид̇аб̣б̣ам̣ д̇ам̣ сод̇т̇аананд̇и бан̣д̣ид̇аа гат̇знд̇и. араханд̇о хи ад̇д̇анаа бадивид̣̇д̇хамаг̇г̇ам̣ аажигкид̇ваа бадибаад̣̇знд̇аа аараад̇хагам̣ буг̇г̇алам̣ арияамаг̇г̇зна бунанд̇и, соби арахаава ход̇и.
Punantivuddhāti yaṃ puggalaṃ ñāṇavuddhā ariyadhammena punanti parisodhenti. Samacariyāyāti sammāpaṭipattiyā. Bahussutāti paṭivedhabahussutā. Isayoti esitaguṇā. Sīlavantoti ariyasīlena samannāgatā. Arahantamajjheti arahantānaṃ majjhe paṭilabhitabbaṃ taṃ sotthānanti paṇḍitā kathenti. Arahanto hi attanā paṭividdhamaggaṃ ācikkhitvā paṭipādentā ārādhakaṃ puggalaṃ ariyamaggena punanti, sopi arahāva hoti.
звам̣ махаасад̇д̇о арахад̇д̇зна д̣̇зсанааяа гуудам̣ г̇ан̣ханд̇о адтахи г̇аат̇аахи адта махааман̇г̇алаани гат̇зд̇ваа д̇зсан̃н̃зва ман̇г̇алаанам̣ т̇уд̇им̣ гаронд̇о осаанаг̇аат̇амааха –
Evaṃ mahāsatto arahattena desanāya kūṭaṃ gaṇhanto aṭṭhahi gāthāhi aṭṭha mahāmaṅgalāni kathetvā tesaññeva maṅgalānaṃ thutiṃ karonto osānagāthamāha –
164.
164.
‘‘зд̇аани ко сод̇т̇аанаани логз, вин̃н̃уббасад̇т̇аани сукуд̣̇раяаани;
‘‘Etāni kho sotthānāni loke, viññuppasatthāni sukhudrayāni;
д̇аанийд̇ха сзвзт̇а наро сабан̃н̃о, на хи ман̇г̇алз гин̃жанамад̇т̇и сажжа’’нд̇и.
Tānīdha sevetha naro sapañño, na hi maṅgale kiñcanamatthi sacca’’nti.
д̇ад̇т̇а на хи ман̇г̇алзд̇и д̇асмим̣ бана д̣̇идтасуд̇амуд̇аббабхзд̣̇з ман̇г̇алз гин̃жанам̣ згаман̇г̇аламби сажжам̣ наама над̇т̇и, ниб̣б̣аанамзва банзгам̣ барамад̇т̇асажжанд̇и.
Tattha na hi maṅgaleti tasmiṃ pana diṭṭhasutamutappabhede maṅgale kiñcanaṃ ekamaṅgalampi saccaṃ nāma natthi, nibbānameva panekaṃ paramatthasaccanti.
исаяо д̇аани ман̇г̇алаани суд̇ваа сад̇д̇адтад̣̇ивасажжаязна аажарияам̣ аабужчид̇ваа д̇ад̇т̇зва аг̇амам̣су. рааж̇аа д̇зсам̣ санд̇игам̣ г̇анд̇ваа бужчи. д̇з д̇асса аажариязна гат̇ид̇анияаамзна ман̇г̇алабан̃хам̣ гат̇зд̇ваа химаванд̇амзва ааг̇амам̣су. д̇ад̇о бадтааяа логз ман̇г̇алам̣ баагадам̣ ахоси. ман̇г̇алзсу вад̇д̇ид̇ваа мад̇амад̇аа саг̇г̇абат̇ам̣ буурзсум̣. б̣од̇хисад̇д̇о жад̇д̇ааро б̣рахмавихаарз бхаавзд̇ваа исиг̇ан̣ам̣ аад̣̇ааяа б̣рахмалогз ниб̣б̣ад̇д̇и.
Isayo tāni maṅgalāni sutvā sattaṭṭhadivasaccayena ācariyaṃ āpucchitvā tattheva agamaṃsu. Rājā tesaṃ santikaṃ gantvā pucchi. Te tassa ācariyena kathitaniyāmena maṅgalapañhaṃ kathetvā himavantameva āgamaṃsu. Tato paṭṭhāya loke maṅgalaṃ pākaṭaṃ ahosi. Maṅgalesu vattitvā matamatā saggapathaṃ pūresuṃ. Bodhisatto cattāro brahmavihāre bhāvetvā isigaṇaṃ ādāya brahmaloke nibbatti.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва, буб̣б̣збаахам̣ ман̇г̇алабан̃хам̣ гат̇зси’’нд̇и вад̇ваа ж̇аад̇агам̣ самод̇хаанзси – ‘‘д̇ад̣̇аа исиг̇ан̣о б̣уд̣̇д̇хабарисаа ахоси , ман̇г̇алабан̃хабужчаго ж̇здтанд̇зваасиго саарибуд̇д̇о, аажарияо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva, pubbepāhaṃ maṅgalapañhaṃ kathesi’’nti vatvā jātakaṃ samodhānesi – ‘‘tadā isigaṇo buddhaparisā ahosi , maṅgalapañhapucchako jeṭṭhantevāsiko sāriputto, ācariyo pana ahameva ahosi’’nti.
махааман̇г̇алаж̇аад̇агаван̣н̣анаа баннарасамаа.
Mahāmaṅgalajātakavaṇṇanā pannarasamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 453. махааман̇г̇алаж̇аад̇агам̣ • 453. Mahāmaṅgalajātakaṃ
