| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭-੮. ਮਹਾਮੋਗ੍ਗਲ੍ਲਾਨਸੁਤ੍ਤਾਦਿવਣ੍ਣਨਾ
7-8. Mahāmoggallānasuttādivaṇṇanā
੧੬੭-੧੬੮. ਸਤ੍ਤਮਟ੍ਠਮੇਸੁ ਮਹਾਮੋਗ੍ਗਲ੍ਲਾਨਤ੍ਥੇਰਸ੍ਸਾਤਿਆਦਿਨਾ ਮੋਗ੍ਗਲ੍ਲਾਨਤ੍ਥੇਰਸ੍ਸ ਹੇਟ੍ਠਾ ਤਿਣ੍ਣਂ ਮਗ੍ਗਾਨਂ ਸੁਖਪਟਿਪਦਦਨ੍ਧਾਭਿਞ੍ਞਭਾવੋ, ਅਰਹਤ੍ਤਮਗ੍ਗਸ੍ਸ ਦੁਕ੍ਖਪਟਿਪਦਖਿਪ੍ਪਾਭਿਞ੍ਞਭਾવੋ વੁਤ੍ਤੋ, ਸਾਰਿਪੁਤ੍ਤਤ੍ਥੇਰਸ੍ਸ ਪਨ ਹੇਟ੍ਠਿਮਾਨਂ ਤਿਣ੍ਣਂ ਮਗ੍ਗਾਨਂ ਸੁਖਪਟਿਪਦਦਨ੍ਧਾਭਿਞ੍ਞਭਾવੋ, ਅਰਹਤ੍ਤਮਗ੍ਗਸ੍ਸ ਚ ਸੁਖਪਟਿਪਦਖਿਪ੍ਪਾਭਿਞ੍ਞਭਾવੋ ਦਸ੍ਸਿਤੋ। ਯਂ ਪਨ વੁਤ੍ਤਂ વਿਸੁਦ੍ਧਿਮਗ੍ਗੇ (વਿਸੁਦ੍ਧਿ॰ ੨.੮੦੧) ‘‘ਬੁਦ੍ਧਾਨਂ ਪਨ ਚਤ੍ਤਾਰੋਪਿ ਮਗ੍ਗਾ ਸੁਖਪਟਿਪਦਖਿਪ੍ਪਾਭਿਞ੍ਞਾવ ਅਹੇਸੁਂ, ਤਥਾ ਧਮ੍ਮਸੇਨਾਪਤਿਸ੍ਸ। ਮਹਾਮੋਗ੍ਗਲ੍ਲਾਨਤ੍ਥੇਰਸ੍ਸ ਪਨ ਪਠਮਮਗ੍ਗੋ ਸੁਖਪਟਿਪਦਖਿਪ੍ਪਾਭਿਞ੍ਞੋ ਅਹੋਸਿ, ਉਪਰਿ ਤਯੋ ਦੁਕ੍ਖਪਟਿਪਦਦਨ੍ਧਾਭਿਞ੍ਞਾ’’ਤਿ। ਯਞ੍ਚ વੁਤ੍ਤਂ ਅਟ੍ਠਸਾਲਿਨਿਯਂ (ਧ॰ ਸ॰ ਅਟ੍ਠ॰ ੧੪੭੬) ‘‘ਤਥਾਗਤਸ੍ਸ ਹਿ ਸਾਰਿਪੁਤ੍ਤਤ੍ਥੇਰਸ੍ਸ ਚ ਚਤ੍ਤਾਰੋਪਿ ਮਗ੍ਗਾ ਸੁਖਪਟਿਪਦਖਿਪ੍ਪਾਭਿਞ੍ਞਾવ ਅਹੇਸੁਂ, ਮਹਾਮੋਗ੍ਗਲ੍ਲਾਨਤ੍ਥੇਰਸ੍ਸ ਪਨ ਪਠਮਮਗ੍ਗੋ ਸੁਖਪਟਿਪਦਖਿਪ੍ਪਾਭਿਞ੍ਞੋ ਉਪਰਿ ਤਯੋ ਦੁਕ੍ਖਪਟਿਪਦਖਿਪ੍ਪਾਭਿਞ੍ਞਾ’’ਤਿ, ਤਂ ਸਬ੍ਬਂ ਅਞ੍ਞਮਞ੍ਞਂ ਨਾਨੁਲੋਮੇਤਿ। ਇਮਾਯ ਪਾਲ਼ਿਯਾ ਇਮਾਯ ਚ ਅਟ੍ਠਕਥਾਯ ਨ ਸਮੇਤਿ, ਤਸ੍ਮਾ વੀਮਂਸਿਤਬ੍ਬਮੇਤਂ। ਤਂਤਂਭਾਣਕਾਨਂ વਾ ਮਤੇਨ ਤਤ੍ਥ ਤਤ੍ਥ ਤਥਾ ਤਥਾ વੁਤ੍ਤਨ੍ਤਿ ਗਹੇਤਬ੍ਬਂ।
167-168. Sattamaṭṭhamesu mahāmoggallānattherassātiādinā moggallānattherassa heṭṭhā tiṇṇaṃ maggānaṃ sukhapaṭipadadandhābhiññabhāvo, arahattamaggassa dukkhapaṭipadakhippābhiññabhāvo vutto, sāriputtattherassa pana heṭṭhimānaṃ tiṇṇaṃ maggānaṃ sukhapaṭipadadandhābhiññabhāvo, arahattamaggassa ca sukhapaṭipadakhippābhiññabhāvo dassito. Yaṃ pana vuttaṃ visuddhimagge (visuddhi. 2.801) ‘‘buddhānaṃ pana cattāropi maggā sukhapaṭipadakhippābhiññāva ahesuṃ, tathā dhammasenāpatissa. Mahāmoggallānattherassa pana paṭhamamaggo sukhapaṭipadakhippābhiñño ahosi, upari tayo dukkhapaṭipadadandhābhiññā’’ti. Yañca vuttaṃ aṭṭhasāliniyaṃ (dha. sa. aṭṭha. 1476) ‘‘tathāgatassa hi sāriputtattherassa ca cattāropi maggā sukhapaṭipadakhippābhiññāva ahesuṃ, mahāmoggallānattherassa pana paṭhamamaggo sukhapaṭipadakhippābhiñño upari tayo dukkhapaṭipadakhippābhiññā’’ti, taṃ sabbaṃ aññamaññaṃ nānulometi. Imāya pāḷiyā imāya ca aṭṭhakathāya na sameti, tasmā vīmaṃsitabbametaṃ. Taṃtaṃbhāṇakānaṃ vā matena tattha tattha tathā tathā vuttanti gahetabbaṃ.
ਮਹਾਮੋਗ੍ਗਲ੍ਲਾਨਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Mahāmoggallānasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੭. ਮਹਾਮੋਗ੍ਗਲ੍ਲਾਨਸੁਤ੍ਤਂ • 7. Mahāmoggallānasuttaṃ
੮. ਸਾਰਿਪੁਤ੍ਤਸੁਤ੍ਤਂ • 8. Sāriputtasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੭. ਮਹਾਮੋਗ੍ਗਲ੍ਲਾਨਸੁਤ੍ਤવਣ੍ਣਨਾ • 7. Mahāmoggallānasuttavaṇṇanā
੮. ਸਾਰਿਪੁਤ੍ਤਸੁਤ੍ਤવਣ੍ਣਨਾ • 8. Sāriputtasuttavaṇṇanā
