| Library / Tipiṭaka / તિપિટક • Tipiṭaka / જાતકપાળિ • Jātakapāḷi |
૪૯૧. મહામોરજાતકં (૮)
491. Mahāmorajātakaṃ (8)
૧૪૩.
143.
સચે હિ ત્યાહં ધનહેતુ ગાહિતો, મા મં વધી જીવગાહં ગહેત્વા;
Sace hi tyāhaṃ dhanahetu gāhito, mā maṃ vadhī jīvagāhaṃ gahetvā;
૧૪૪.
144.
ન મે અયં તુય્હ વધાય અજ્જ, સમાહિતો ચાપધુરે 5 ખુરપ્પો;
Na me ayaṃ tuyha vadhāya ajja, samāhito cāpadhure 6 khurappo;
પાસઞ્ચ ત્યાહં અધિપાતયિસ્સં, યથાસુખં ગચ્છતુ મોરરાજા.
Pāsañca tyāhaṃ adhipātayissaṃ, yathāsukhaṃ gacchatu morarājā.
૧૪૫.
145.
યં સત્ત વસ્સાનિ મમાનુબન્ધિ, રત્તિન્દિવં ખુપ્પિપાસં સહન્તો;
Yaṃ satta vassāni mamānubandhi, rattindivaṃ khuppipāsaṃ sahanto;
અથ કિસ્સ મં પાસવસૂપનીતં, પમુત્તવે ઇચ્છસિ બન્ધનસ્મા.
Atha kissa maṃ pāsavasūpanītaṃ, pamuttave icchasi bandhanasmā.
૧૪૬ .
146.
પાણાતિપાતા વિરતો નુસજ્જ, અભયં નુ તે સબ્બભૂતેસુ દિન્નં;
Pāṇātipātā virato nusajja, abhayaṃ nu te sabbabhūtesu dinnaṃ;
યં મં તુવં પાસવસૂપનીતં, પમુત્તવે ઇચ્છસિ બન્ધનસ્મા.
Yaṃ maṃ tuvaṃ pāsavasūpanītaṃ, pamuttave icchasi bandhanasmā.
૧૪૭.
147.
પાણાતિપાતા વિરતસ્સ બ્રૂહિ, અભયઞ્ચ યો સબ્બભૂતેસુ દેતિ;
Pāṇātipātā viratassa brūhi, abhayañca yo sabbabhūtesu deti;
પુચ્છામિ તં મોરરાજેતમત્થં, ઇતો ચુતો કિં લભતે સુખં સો.
Pucchāmi taṃ morarājetamatthaṃ, ito cuto kiṃ labhate sukhaṃ so.
૧૪૮.
148.
પાણાતિપાતા વિરતસ્સ બ્રૂમિ, અભયઞ્ચ યો સબ્બભૂતેસુ દેતિ;
Pāṇātipātā viratassa brūmi, abhayañca yo sabbabhūtesu deti;
દિટ્ઠેવ ધમ્મે લભતે પસંસં, સગ્ગઞ્ચ સો યાતિ સરીરભેદા.
Diṭṭheva dhamme labhate pasaṃsaṃ, saggañca so yāti sarīrabhedā.
૧૪૯.
149.
ન સન્તિ દેવા ઇતિ આહુ 7 એકે, ઇધેવ જીવો વિભવં ઉપેતિ;
Na santi devā iti āhu 8 eke, idheva jīvo vibhavaṃ upeti;
તથા ફલં સુકતદુક્કટાનં, દત્તુપઞ્ઞત્તઞ્ચ વદન્તિ દાનં;
Tathā phalaṃ sukatadukkaṭānaṃ, dattupaññattañca vadanti dānaṃ;
તેસં વચો અરહતં સદ્દહાનો, તસ્મા અહં સકુણે બાધયામિ.
Tesaṃ vaco arahataṃ saddahāno, tasmā ahaṃ sakuṇe bādhayāmi.
૧૫૦.
150.
ચન્દો ચ સુરિયો ચ ઉભો સુદસ્સના, ગચ્છન્તિ ઓભાસયમન્તલિક્ખે;
Cando ca suriyo ca ubho sudassanā, gacchanti obhāsayamantalikkhe;
ઇમસ્સ લોકસ્સ પરસ્સ વા તે, કથં નુ તે આહુ મનુસ્સલોકે.
Imassa lokassa parassa vā te, kathaṃ nu te āhu manussaloke.
૧૫૧.
151.
ચન્દો ચ સુરિયો ચ ઉભો સુદસ્સના, ગચ્છન્તિ ઓભાસયમન્તલિક્ખે;
Cando ca suriyo ca ubho sudassanā, gacchanti obhāsayamantalikkhe;
પરસ્સ લોકસ્સ ન તે ઇમસ્સ, દેવાતિ તે આહુ મનુસ્સલોકે.
Parassa lokassa na te imassa, devāti te āhu manussaloke.
૧૫૨.
152.
એત્થેવ તે નીહતા હીનવાદા, અહેતુકા યે ન વદન્તિ કમ્મં;
Ettheva te nīhatā hīnavādā, ahetukā ye na vadanti kammaṃ;
તથા ફલં સુકતદુક્કટાનં, દત્તુપઞ્ઞત્તં યે ચ વદન્તિ દાનં.
Tathā phalaṃ sukatadukkaṭānaṃ, dattupaññattaṃ ye ca vadanti dānaṃ.
૧૫૩.
153.
તથા ફલં સુકતદુક્કટાનં, દત્તુપઞ્ઞત્તઞ્ચ કથં ભવેય્ય.
Tathā phalaṃ sukatadukkaṭānaṃ, dattupaññattañca kathaṃ bhaveyya.
૧૫૪.
154.
કથંકરો કિન્તિકરો કિમાચરં, કિં સેવમાનો કેન તપોગુણેન;
Kathaṃkaro kintikaro kimācaraṃ, kiṃ sevamāno kena tapoguṇena;
અક્ખાહિ 13 મે મોરરાજેતમત્થં, યથા અહં નો નિરયં પતેય્યં.
Akkhāhi 14 me morarājetamatthaṃ, yathā ahaṃ no nirayaṃ pateyyaṃ.
૧૫૫.
155.
યે કેચિ અત્થિ સમણા પથબ્યા, કાસાયવત્થા અનગારિયા તે;
Ye keci atthi samaṇā pathabyā, kāsāyavatthā anagāriyā te;
પાતોવ પિણ્ડાય ચરન્તિ કાલે, વિકાલચરિયા વિરતા હિ સન્તો.
Pātova piṇḍāya caranti kāle, vikālacariyā viratā hi santo.
૧૫૬.
156.
તે તત્થ કાલેનુપસઙ્કમિત્વા, પુચ્છાહિ યં તે મનસો પિયં સિયા;
Te tattha kālenupasaṅkamitvā, pucchāhi yaṃ te manaso piyaṃ siyā;
તે તે પવક્ખન્તિ યથાપજાનં, ઇમસ્સ લોકસ્સ પરસ્સ ચત્થં.
Te te pavakkhanti yathāpajānaṃ, imassa lokassa parassa catthaṃ.
૧૫૭.
157.
તચંવ જિણ્ણં ઉરગો પુરાણં, પણ્ડૂપલાસં હરિતો દુમોવ;
Tacaṃva jiṇṇaṃ urago purāṇaṃ, paṇḍūpalāsaṃ harito dumova;
એસપ્પહીનો મમ લુદ્દભાવો, જહામહં લુદ્દકભાવમજ્જ.
Esappahīno mama luddabhāvo, jahāmahaṃ luddakabhāvamajja.
૧૫૮.
158.
યે ચાપિ મે સકુણા અત્થિ બદ્ધા, સતાનિનેકાનિ નિવેસનસ્મિં;
Ye cāpi me sakuṇā atthi baddhā, satāninekāni nivesanasmiṃ;
૧૫૯.
159.
લુદ્દો ચરી પાસહત્થો અરઞ્ઞે, બાધેતુ મોરાધિપતિં યસસ્સિં;
Luddo carī pāsahattho araññe, bādhetu morādhipatiṃ yasassiṃ;
મહામોરજાતકં અટ્ઠમં.
Mahāmorajātakaṃ aṭṭhamaṃ.
Footnotes:
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / ખુદ્દકનિકાય (અટ્ઠકથા) • Khuddakanikāya (aṭṭhakathā) / જાતક-અટ્ઠકથા • Jātaka-aṭṭhakathā / [૪૯૧] ૮. મહામોરજાતકવણ્ણના • [491] 8. Mahāmorajātakavaṇṇanā
