| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૭. મહાનામસિક્ખાપદવણ્ણના
7. Mahānāmasikkhāpadavaṇṇanā
૩૦૩. સત્તમસિક્ખાપદે – મહાનામો નામ ભગવતો ચૂળપિતુપુત્તો માસમત્તેન મહલ્લકતરો દ્વીસુ ફલેસુ પતિટ્ઠિતો અરિયસાવકો. ભેસજ્જં ઉસ્સન્નં હોતીતિ વજતો આહરિત્વા ઠપિતસપ્પિ બહુ હોતિ.
303. Sattamasikkhāpade – mahānāmo nāma bhagavato cūḷapituputto māsamattena mahallakataro dvīsu phalesu patiṭṭhito ariyasāvako. Bhesajjaṃ ussannaṃ hotīti vajato āharitvā ṭhapitasappi bahu hoti.
૩૦૬. સાદિતબ્બાતિ તસ્મિં સમયે રોગો નત્થીતિ ન પટિક્ખિપિતબ્બા; રોગે સતિ વિઞ્ઞાપેસ્સામીતિ અધિવાસેતબ્બા. એત્તકેહિ ભેસજ્જેહિ પવારેમીતિ નામવસેન સપ્પિતેલાદીસુ દ્વીહિ તીહિ વા પરિમાણવસેન પત્થેન નાળિયા આળ્હકેનાતિ વા.અઞ્ઞં ભેસજ્જં વિઞ્ઞાપેતીતિ સપ્પિના પવારિતો તેલં વિઞ્ઞાપેતિ, આળ્હકેન પવારિતો દોણં. ન ભેસજ્જેન કરણીયેનાતિ મિસ્સકભત્તેનપિ ચે યાપેતું સક્કોતિ, ન ભેસજ્જકરણીયં નામ હોતિ.
306.Sāditabbāti tasmiṃ samaye rogo natthīti na paṭikkhipitabbā; roge sati viññāpessāmīti adhivāsetabbā. Ettakehi bhesajjehi pavāremīti nāmavasena sappitelādīsu dvīhi tīhi vā parimāṇavasena patthena nāḷiyā āḷhakenāti vā.Aññaṃ bhesajjaṃ viññāpetīti sappinā pavārito telaṃ viññāpeti, āḷhakena pavārito doṇaṃ. Na bhesajjena karaṇīyenāti missakabhattenapi ce yāpetuṃ sakkoti, na bhesajjakaraṇīyaṃ nāma hoti.
૩૧૦. પવારિતાનન્તિ યે અત્તનો પુગ્ગલિકાય પવારણાય પવારિતા; તેસં પવારિતાનુરૂપેન વિઞ્ઞત્તિયા અનાપત્તિ. સઙ્ઘવસેન પવારિતેસુ પન પમાણં સલ્લક્ખેતબ્બમેવાતિ. સેસં ઉત્તાનમેવ.
310.Pavāritānanti ye attano puggalikāya pavāraṇāya pavāritā; tesaṃ pavāritānurūpena viññattiyā anāpatti. Saṅghavasena pavāritesu pana pamāṇaṃ sallakkhetabbamevāti. Sesaṃ uttānameva.
છસમુટ્ઠાનં – કિરિયં, નોસઞ્ઞાવિમોક્ખં, અચિત્તકં, પણ્ણત્તિવજ્જં, કાયકમ્મં, વચીકમ્મં, તિચિત્તં, તિવેદનન્તિ.
Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
મહાનામસિક્ખાપદં સત્તમં.
Mahānāmasikkhāpadaṃ sattamaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૫. અચેલકવગ્ગો • 5. Acelakavaggo
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૭. મહાનામસિક્ખાપદવણ્ણના • 7. Mahānāmasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૭. મહાનામસિક્ખાપદવણ્ણના • 7. Mahānāmasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૭. મહાનામસિક્ખાપદવણ્ણના • 7. Mahānāmasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૭. મહાનામસિક્ખાપદં • 7. Mahānāmasikkhāpadaṃ
