| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
10. махаанаамасуд̇д̇ам̣
10. Mahānāmasuttaṃ
10. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. ат̇а ко махаанаамо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно, ко махаанаамо сагго бхаг̇аванд̇ам̣ зд̇ад̣̇авожа – ‘‘яо со, бханд̇з, арияасааваго ааг̇ад̇апало вин̃н̃аад̇асаасано, со гад̇амзна вихаарзна б̣ахулам̣ вихарад̇ий’’д̇и?
10. Ekaṃ samayaṃ bhagavā sakkesu viharati kapilavatthusmiṃ nigrodhārāme. Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno, kho mahānāmo sakko bhagavantaṃ etadavoca – ‘‘yo so, bhante, ariyasāvako āgataphalo viññātasāsano, so katamena vihārena bahulaṃ viharatī’’ti?
‘‘яо со, махаанаама, арияасааваго ааг̇ад̇апало вин̃н̃аад̇асаасано, со иминаа вихаарзна б̣ахулам̣ вихарад̇и. 1 ид̇ха, махаанаама, арияасааваго д̇ат̇ааг̇ад̇ам̣ ануссарад̇и – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. яасмим̣, махаанаама, самаяз арияасааваго д̇ат̇ааг̇ад̇ам̣ ануссарад̇и нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и д̇ат̇ааг̇ад̇ам̣ аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. аяам̣ вужжад̇и, махаанаама – ‘арияасааваго висамаг̇ад̇ааяа баж̇ааяа самаббад̇д̇о вихарад̇и, саб̣яаабаж̇ж̇ааяа баж̇ааяа аб̣яаабаж̇ж̇о вихарад̇и, д̇хаммасод̇ам̣ самаабанно б̣уд̣̇д̇хаануссад̇им̣ бхаавзд̇и’’’.
‘‘Yo so, mahānāma, ariyasāvako āgataphalo viññātasāsano, so iminā vihārena bahulaṃ viharati. 2 Idha, mahānāma, ariyasāvako tathāgataṃ anussarati – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Yasmiṃ, mahānāma, samaye ariyasāvako tathāgataṃ anussarati nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti tathāgataṃ ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Ayaṃ vuccati, mahānāma – ‘ariyasāvako visamagatāya pajāya samappatto viharati, sabyāpajjāya pajāya abyāpajjo viharati, dhammasotaṃ samāpanno buddhānussatiṃ bhāveti’’’.
‘‘буна жабарам̣, махаанаама, арияасааваго д̇хаммам̣ ануссарад̇и – ‘сваагкаад̇о бхаг̇авад̇аа д̇хаммо санд̣̇идтиго агаалиго зхибассиго обанзяяиго бажжад̇д̇ам̣ взд̣̇ид̇аб̣б̣о вин̃н̃уухий’д̇и. яасмим̣, махаанаама, самаяз арияасааваго д̇хаммам̣ ануссарад̇и нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и ; уж̇уг̇ад̇амзвасса д̇асмим̣ самаяз жид̇д̇ам̣ ход̇и д̇хаммам̣ аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇а баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. аяам̣ вужжад̇и, махаанаама – ‘арияасааваго висамаг̇ад̇ааяа баж̇ааяа самаббад̇д̇о вихарад̇и, саб̣яаабаж̇ж̇ааяа баж̇ааяа аб̣яаабаж̇ж̇о вихарад̇и , д̇хаммасод̇ам̣ самаабанно д̇хаммаануссад̇им̣ бхаавзд̇и’’’.
‘‘Puna caparaṃ, mahānāma, ariyasāvako dhammaṃ anussarati – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti. Yasmiṃ, mahānāma, samaye ariyasāvako dhammaṃ anussarati nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti ; ujugatamevassa tasmiṃ samaye cittaṃ hoti dhammaṃ ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhita pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Ayaṃ vuccati, mahānāma – ‘ariyasāvako visamagatāya pajāya samappatto viharati, sabyāpajjāya pajāya abyāpajjo viharati , dhammasotaṃ samāpanno dhammānussatiṃ bhāveti’’’.
‘‘буна жабарам̣, махаанаама, арияасааваго сан̇гхам̣ ануссарад̇и – ‘суббадибанно бхаг̇авад̇о саавагасан̇гхо, уж̇уббадибанно бхаг̇авад̇о саавагасан̇гхо, н̃ааяаббадибанно бхаг̇авад̇о саавагасан̇гхо, саамийжиббадибанно бхаг̇авад̇о саавагасан̇гхо, яад̣̇ид̣̇ам̣ жад̇д̇аари бурисаяуг̇аани адта бурисабуг̇г̇алаа зса бхаг̇авад̇о саавагасан̇гхо аахунзяяо баахунзяяо д̣̇агкин̣зяяо ан̃ж̇алигаран̣ийяо ануд̇д̇арам̣ бун̃н̃агкзд̇д̇ам̣ логассаа’д̇и. яасмим̣, махаанаама, самаяз арияасааваго сан̇гхам̣ ануссарад̇и нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и сан̇гхам̣ аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. аяам̣ вужжад̇и, махаанаама – ‘арияасааваго висамаг̇ад̇ааяа баж̇ааяа самаббад̇д̇о вихарад̇и, саб̣яаабаж̇ж̇ааяа баж̇ааяа аб̣яаабаж̇ж̇о вихарад̇и, д̇хаммасод̇ам̣ самаабанно сан̇гхаануссад̇им̣ бхаавзд̇и’’’.
‘‘Puna caparaṃ, mahānāma, ariyasāvako saṅghaṃ anussarati – ‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṃ cattāri purisayugāni aṭṭha purisapuggalā esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’ti. Yasmiṃ, mahānāma, samaye ariyasāvako saṅghaṃ anussarati nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti saṅghaṃ ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Ayaṃ vuccati, mahānāma – ‘ariyasāvako visamagatāya pajāya samappatto viharati, sabyāpajjāya pajāya abyāpajjo viharati, dhammasotaṃ samāpanno saṅghānussatiṃ bhāveti’’’.
‘‘буна жабарам̣, махаанаама, арияасааваго ад̇д̇ано сийлаани ануссарад̇и акан̣д̣аани ажчид̣̇д̣̇аани асаб̣алаани агаммаасаани бхуж̇иссаани вин̃н̃уббасад̇т̇аани абараамадтаани самаад̇хисам̣вад̇д̇анигаани . яасмим̣, махаанаама, самаяз арияасааваго сийлам̣ ануссарад̇и нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и сийлам̣ аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. аяам̣ вужжад̇и, махаанаама – ‘арияасааваго висамаг̇ад̇ааяа баж̇ааяа самаббад̇д̇о вихарад̇и, саб̣яаабаж̇ж̇ааяа баж̇ааяа аб̣яаабаж̇ж̇о вихарад̇и, д̇хаммасод̇ам̣ самаабанно сийлаануссад̇им̣ бхаавзд̇и’’’.
‘‘Puna caparaṃ, mahānāma, ariyasāvako attano sīlāni anussarati akhaṇḍāni acchiddāni asabalāni akammāsāni bhujissāni viññuppasatthāni aparāmaṭṭhāni samādhisaṃvattanikāni . Yasmiṃ, mahānāma, samaye ariyasāvako sīlaṃ anussarati nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti sīlaṃ ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Ayaṃ vuccati, mahānāma – ‘ariyasāvako visamagatāya pajāya samappatto viharati, sabyāpajjāya pajāya abyāpajjo viharati, dhammasotaṃ samāpanno sīlānussatiṃ bhāveti’’’.
‘‘буна жабарам̣, махаанаама, арияасааваго ад̇д̇ано жааг̇ам̣ ануссарад̇и – ‘лаабхаа вад̇а мз, сулад̣̇д̇хам̣ вад̇а мз! яохам̣ мажчзрамалабарияудтид̇ааяа баж̇ааяа виг̇ад̇амаламажчзрзна жзд̇асаа аг̇аарам̣ аж̇жхаавасаами муд̇д̇ажааг̇о баяад̇абаан̣и воссаг̇г̇арад̇о яаажаяог̇о д̣̇аанасам̣вибхааг̇арад̇о’д̇и. яасмим̣, махаанаама, самаяз арияасааваго жааг̇ам̣ ануссарад̇и нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и , на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и жааг̇ам̣ аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. аяам̣ вужжад̇и, махаанаама – ‘арияасааваго висамаг̇ад̇ааяа баж̇ааяа самаббад̇д̇о вихарад̇и, саб̣яаабаж̇ж̇ааяа баж̇ааяа аб̣яаабаж̇ж̇о вихарад̇и, д̇хаммасод̇ам̣ самаабанно жааг̇аануссад̇им̣ бхаавзд̇и’’’.
‘‘Puna caparaṃ, mahānāma, ariyasāvako attano cāgaṃ anussarati – ‘lābhā vata me, suladdhaṃ vata me! Yohaṃ maccheramalapariyuṭṭhitāya pajāya vigatamalamaccherena cetasā agāraṃ ajjhāvasāmi muttacāgo payatapāṇi vossaggarato yācayogo dānasaṃvibhāgarato’ti. Yasmiṃ, mahānāma, samaye ariyasāvako cāgaṃ anussarati nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti , na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti cāgaṃ ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Ayaṃ vuccati, mahānāma – ‘ariyasāvako visamagatāya pajāya samappatto viharati, sabyāpajjāya pajāya abyāpajjo viharati, dhammasotaṃ samāpanno cāgānussatiṃ bhāveti’’’.
‘‘буна жабарам̣, махаанаама, арияасааваго д̣̇звад̇аануссад̇им̣ бхаавзд̇и – ‘санд̇и д̣̇зваа жаад̇умахаарааж̇игаа 3, санд̇и д̣̇зваа д̇аавад̇им̣саа, санд̇и д̣̇зваа яаамаа, санд̇и д̣̇зваа д̇усид̇аа, санд̇и д̣̇зваа ниммаанарад̇ино, санд̇и д̣̇зваа бараниммид̇авасавад̇д̇ино, санд̇и д̣̇зваа б̣рахмагааяигаа, санд̇и д̣̇зваа д̇ад̇уд̇д̇ари 4. яат̇ааруубааяа сад̣̇д̇хааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа 5, маяхамби д̇ат̇ааруубаа сад̣̇д̇хаа сам̣виж̇ж̇ад̇и. яат̇ааруубзна сийлзна саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа, маяхамби д̇ат̇ааруубам̣ сийлам̣ сам̣виж̇ж̇ад̇и. яат̇ааруубзна суд̇зна саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа, маяхамби д̇ат̇ааруубам̣ суд̇ам̣ сам̣виж̇ж̇ад̇и. яат̇ааруубзна жааг̇зна саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа, маяхамби д̇ат̇ааруубо жааг̇о сам̣виж̇ж̇ад̇и. яат̇ааруубааяа бан̃н̃ааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇а убабаннаа, маяхамби д̇ат̇ааруубаа бан̃н̃аа сам̣виж̇ж̇ад̇ий’д̇и. яасмим̣ , махаанаама, самаяз арияасааваго ад̇д̇ано жа д̇аасан̃жа д̣̇звад̇аанам̣ сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссарад̇и нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и д̇аа д̣̇звад̇аа аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. аяам̣ вужжад̇и, махаанаама – ‘арияасааваго висамаг̇ад̇ааяа баж̇ааяа самаббад̇д̇о вихарад̇и , саб̣яаабаж̇ж̇ааяа 6 баж̇ааяа аб̣яаабаж̇ж̇о 7 вихарад̇и, д̇хаммасод̇ам̣ самаабанно д̣̇звад̇аануссад̇им̣ бхаавзд̇и’’’.
‘‘Puna caparaṃ, mahānāma, ariyasāvako devatānussatiṃ bhāveti – ‘santi devā cātumahārājikā 8, santi devā tāvatiṃsā, santi devā yāmā, santi devā tusitā, santi devā nimmānaratino, santi devā paranimmitavasavattino, santi devā brahmakāyikā, santi devā tatuttari 9. Yathārūpāya saddhāya samannāgatā tā devatā ito cutā tattha upapannā 10, mayhampi tathārūpā saddhā saṃvijjati. Yathārūpena sīlena samannāgatā tā devatā ito cutā tattha upapannā, mayhampi tathārūpaṃ sīlaṃ saṃvijjati. Yathārūpena sutena samannāgatā tā devatā ito cutā tattha upapannā, mayhampi tathārūpaṃ sutaṃ saṃvijjati. Yathārūpena cāgena samannāgatā tā devatā ito cutā tattha upapannā, mayhampi tathārūpo cāgo saṃvijjati. Yathārūpāya paññāya samannāgatā tā devatā ito cutā tattha upapannā, mayhampi tathārūpā paññā saṃvijjatī’ti. Yasmiṃ , mahānāma, samaye ariyasāvako attano ca tāsañca devatānaṃ saddhañca sīlañca sutañca cāgañca paññañca anussarati nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti tā devatā ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Ayaṃ vuccati, mahānāma – ‘ariyasāvako visamagatāya pajāya samappatto viharati , sabyāpajjāya 11 pajāya abyāpajjo 12 viharati, dhammasotaṃ samāpanno devatānussatiṃ bhāveti’’’.
‘‘яо со, махаанаама, арияасааваго ааг̇ад̇апало вин̃н̃аад̇асаасано, со иминаа вихаарзна б̣ахулам̣ вихарад̇ий’’д̇и. д̣̇асамам̣.
‘‘Yo so, mahānāma, ariyasāvako āgataphalo viññātasāsano, so iminā vihārena bahulaṃ viharatī’’ti. Dasamaṃ.
аахунзяяаваг̇г̇о батамо.
Āhuneyyavaggo paṭhamo.
д̇ассуд̣̇д̣̇аанам̣ –
Tassuddānaṃ –
д̣̇вз аахунзяяаа инд̣̇рияа, б̣алаани д̇аяо ааж̇аанийяаа;
Dve āhuneyyā indriya, balāni tayo ājānīyā;
ануд̇д̇арияа ануссад̇ий, махаанаамзна д̇з д̣̇асаад̇и.
Anuttariya anussatī, mahānāmena te dasāti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. махаанаамасуд̇д̇аван̣н̣анаа • 10. Mahānāmasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. махаанаамасуд̇д̇аван̣н̣анаа • 10. Mahānāmasuttavaṇṇanā
