| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੧੦. ਭਿਕ੍ਖੁਨਿਕ੍ਖਨ੍ਧਕਂ
10. Bhikkhunikkhandhakaṃ
ਮਹਾਪਜਾਪਤਿਗੋਤਮੀવਤ੍ਥੁਕਥਾવਣ੍ਣਨਾ
Mahāpajāpatigotamīvatthukathāvaṇṇanā
੪੦੨. ਭਿਕ੍ਖੁਨਿਕ੍ਖਨ੍ਧਕੇ ਸਕ੍ਕੇਸੁ વਿਹਰਤੀਤਿ ਪਠਮਗਮਨੇਨ ਗਨ੍ਤ੍વਾ વਿਹਰਤਿ। ਮਹਾਪਜਾਪਤਿ ਗੋਤਮੀਤਿ ਏਤ੍ਥ ਗੋਤਮੀਤਿ ਗੋਤ੍ਤਂ। ਨਾਮਕਰਣਦਿવਸੇ ਪਨਸ੍ਸਾ ਲਦ੍ਧਸਕ੍ਕਾਰਾ ਬ੍ਰਾਹ੍ਮਣਾ ਲਕ੍ਖਣਸਮ੍ਪਤ੍ਤਿਂ ਦਿਸ੍વਾ ‘‘ਸਚੇ ਅਯਂ ਧੀਤਰਂ ਲਭਿਸ੍ਸਤਿ, ਚਕ੍ਕવਤ੍ਤਿਰਞ੍ਞੋ ਮਹੇਸੀ ਭવਿਸ੍ਸਤਿ। ਸਚੇ ਪੁਤ੍ਤਂ ਲਭਿਸ੍ਸਤਿ, ਚਕ੍ਕવਤ੍ਤਿਰਾਜਾ ਭવਿਸ੍ਸਤੀਤਿ ਉਭਯਥਾਪਿ ਮਹਤੀਯੇવਸ੍ਸਾ ਪਜਾ ਭવਿਸ੍ਸਤੀ’’ਤਿ ਬ੍ਯਾਕਰਿਂਸੁ, ਤਸ੍ਮਾ ਪੁਤ੍ਤਪਜਾਯ ਚੇવ ਧੀਤੁਪਜਾਯ ਚ ਮਹਨ੍ਤਤਾਯ ‘‘ਮਹਾਪਜਾਪਤੀ’’ਤਿ ਨਾਮਂ ਅਕਂਸੁ, ਇਧ ਪਨ ਗੋਤ੍ਤੇਨ ਸਦ੍ਧਿਂ ਸਂਸਨ੍ਦਿਤ੍વਾ ‘‘ਮਹਾਪਜਾਪਤਿ ਗੋਤਮੀ’’ਤਿ વੁਤ੍ਤਂ। ਯੇਨ ਭਗવਾ ਤੇਨੁਪਸਙ੍ਕਮੀਤਿ ਭਗવਾ ਕਪਿਲਪੁਰਂ ਗਨ੍ਤ੍વਾ ਪਠਮਮੇવ ਨਨ੍ਦਂ ਪਬ੍ਬਾਜੇਸਿ, ਸਤ੍ਤਮੇ ਦਿવਸੇ ਰਾਹੁਲਕੁਮਾਰਂ। ਚੁਮ੍ਬਟਕਕਲਹੇ ਪਨ ਉਭਯਨਗਰવਾਸਿਕੇਸੁ ਯੁਦ੍ਧਤ੍ਥਾਯ ਨਿਕ੍ਖਨ੍ਤੇਸੁ ਸਤ੍ਥਾ ਗਨ੍ਤ੍વਾ ਤੇ ਰਾਜਾਨੋ ਸਞ੍ਞਾਪੇਤ੍વਾ ਅਤ੍ਤਦਣ੍ਡਸੁਤ੍ਤਂ (ਸੁ॰ ਨਿ॰ ੯੪੧ ਆਦਯੋ) ਕਥੇਸਿ। ਰਾਜਾਨੋ ਪਸੀਦਿਤ੍વਾ ਅਡ੍ਢਤੇਯ੍ਯਸਤੇ ਅਡ੍ਢਤੇਯ੍ਯਸਤੇ ਦਾਰਕੇ ਅਦਂਸੁ। ਤਾਨਿ ਪਞ੍ਚ ਕੁਮਾਰਸਤਾਨਿ ਸਤ੍ਥੁ ਸਨ੍ਤਿਕੇ ਪਬ੍ਬਜਿਂਸੁ। ਅਥ ਨੇਸਂ ਪਜਾਪਤਿਯੋ ਸਾਸਨਂ ਪੇਸੇਤ੍વਾ ਅਨਭਿਰਤਿਂ ਉਪ੍ਪਾਦਯਿਂਸੁ। ਸਤ੍ਥਾ ਤੇਸਂ ਅਨਭਿਰਤਿਯਾ ਉਪ੍ਪਨ੍ਨਭਾવਂ ਞਤ੍વਾ ਤੇ ਪਞ੍ਚਸਤੇ ਦਹਰਭਿਕ੍ਖੂ ਕੁਣਾਲਦਹਂ ਨੇਤ੍વਾ ਅਤ੍ਤਨੋ ਕੁਣਾਲਕਾਲੇ ਨਿਸਿਨ੍ਨਪੁਬ੍ਬੇ ਪਾਸਾਣਤਲੇ ਨਿਸੀਦਿਤ੍વਾ ਕੁਣਾਲਜਾਤਕਕਥਾਯ (ਜਾ॰ ੨.੨੧.ਕੁਣਾਲਜਾਤਕ) ਤੇਸਂ ਅਨਭਿਰਤਿਂ વਿਨੋਦੇਤ੍વਾ ਸਬ੍ਬੇਪਿ ਤੇ ਸੋਤਾਪਤ੍ਤਿਫਲੇ ਪਤਿਟ੍ਠਾਪੇਸਿ, ਪੁਨ ਮਹਾવਨਂ ਆਨੇਤ੍વਾ ਅਰਹਤ੍ਤਫਲੇ। ਤੇਸਂ ਚਿਤ੍ਤਜਾਨਨਤ੍ਥਂ ਪੁਨਪਿ ਪਜਾਪਤਿਯੋ ਸਾਸਨਂ ਪਹਿਣਿਂਸੁ। ਤੇ ‘‘ਅਭਬ੍ਬਾ ਮਯਂ ਘਰਾવਾਸਸ੍ਸਾ’’ਤਿ ਪਟਿਸਾਸਨਂ ਪਹਿਣਿਂਸੁ। ਤਾ ‘‘ਨ ਦਾਨਿ ਅਮ੍ਹਾਕਂ ਪਰਘਰਂ ਗਨ੍ਤੁਂ ਯੁਤ੍ਤਂ, ਮਹਾਪਜਾਪਤਿਯਾ ਸਨ੍ਤਿਕਂ ਗਨ੍ਤ੍વਾ ਪਬ੍ਬਜ੍ਜਂ ਅਨੁਜਾਨਾਪੇਤ੍વਾ ਪਬ੍ਬਜਿਸ੍ਸਾਮਾ’’ਤਿ ਪਞ੍ਚਸਤਾਪਿ ਮਹਾਪਜਾਪਤਿਂ ਉਪਸਙ੍ਕਮਿਤ੍વਾ ‘‘ਅਯ੍ਯੇ, ਅਮ੍ਹਾਕਂ ਪਬ੍ਬਜ੍ਜਂ ਅਨੁਜਾਨਾਪੇਥਾ’’ਤਿ ਆਹਂਸੁ। ਮਹਾਪਜਾਪਤਿ ਚ ਤਾ ਇਤ੍ਥਿਯੋ ਗਹੇਤ੍વਾ ਯੇਨ ਭਗવਾ ਤੇਨੁਪਸਙ੍ਕਮਿ, ਸੇਤਚ੍ਛਤ੍ਤਸ੍ਸ ਹੇਟ੍ਠਾ ਰਞ੍ਞੋ ਪਰਿਨਿਬ੍ਬੁਤਕਾਲੇ ਉਪਸਙ੍ਕਮੀਤਿਪਿ વਦਨ੍ਤਿਯੇવ। ਪਕ੍ਕਾਮੀਤਿ ਪੁਨ ਕਪਿਲਪੁਰਮੇવ ਪਾવਿਸਿ।
402. Bhikkhunikkhandhake sakkesu viharatīti paṭhamagamanena gantvā viharati. Mahāpajāpati gotamīti ettha gotamīti gottaṃ. Nāmakaraṇadivase panassā laddhasakkārā brāhmaṇā lakkhaṇasampattiṃ disvā ‘‘sace ayaṃ dhītaraṃ labhissati, cakkavattirañño mahesī bhavissati. Sace puttaṃ labhissati, cakkavattirājā bhavissatīti ubhayathāpi mahatīyevassā pajā bhavissatī’’ti byākariṃsu, tasmā puttapajāya ceva dhītupajāya ca mahantatāya ‘‘mahāpajāpatī’’ti nāmaṃ akaṃsu, idha pana gottena saddhiṃ saṃsanditvā ‘‘mahāpajāpati gotamī’’ti vuttaṃ. Yena bhagavā tenupasaṅkamīti bhagavā kapilapuraṃ gantvā paṭhamameva nandaṃ pabbājesi, sattame divase rāhulakumāraṃ. Cumbaṭakakalahe pana ubhayanagaravāsikesu yuddhatthāya nikkhantesu satthā gantvā te rājāno saññāpetvā attadaṇḍasuttaṃ (su. ni. 941 ādayo) kathesi. Rājāno pasīditvā aḍḍhateyyasate aḍḍhateyyasate dārake adaṃsu. Tāni pañca kumārasatāni satthu santike pabbajiṃsu. Atha nesaṃ pajāpatiyo sāsanaṃ pesetvā anabhiratiṃ uppādayiṃsu. Satthā tesaṃ anabhiratiyā uppannabhāvaṃ ñatvā te pañcasate daharabhikkhū kuṇāladahaṃ netvā attano kuṇālakāle nisinnapubbe pāsāṇatale nisīditvā kuṇālajātakakathāya (jā. 2.21.kuṇālajātaka) tesaṃ anabhiratiṃ vinodetvā sabbepi te sotāpattiphale patiṭṭhāpesi, puna mahāvanaṃ ānetvā arahattaphale. Tesaṃ cittajānanatthaṃ punapi pajāpatiyo sāsanaṃ pahiṇiṃsu. Te ‘‘abhabbā mayaṃ gharāvāsassā’’ti paṭisāsanaṃ pahiṇiṃsu. Tā ‘‘na dāni amhākaṃ paragharaṃ gantuṃ yuttaṃ, mahāpajāpatiyā santikaṃ gantvā pabbajjaṃ anujānāpetvā pabbajissāmā’’ti pañcasatāpi mahāpajāpatiṃ upasaṅkamitvā ‘‘ayye, amhākaṃ pabbajjaṃ anujānāpethā’’ti āhaṃsu. Mahāpajāpati ca tā itthiyo gahetvā yena bhagavā tenupasaṅkami, setacchattassa heṭṭhā rañño parinibbutakāle upasaṅkamītipi vadantiyeva. Pakkāmīti puna kapilapurameva pāvisi.
ਯਥਾਭਿਰਨ੍ਤਂ વਿਹਰਿਤ੍વਾਤਿ ਬੋਧਨੇਯ੍ਯਸਤ੍ਤਾਨਂ ਉਪਨਿਸ੍ਸਯਂ ਓਲੋਕੇਨ੍ਤੋ ਯਥਾਜ੍ਝਾਸਯੇਨ વਿਹਰਿਤ੍વਾ। ਚਾਰਿਕਂ ਪਕ੍ਕਾਮੀਤਿ ਮਹਾਜਨਸਙ੍ਗਹਂ ਕਰੋਨ੍ਤੋ ਉਤ੍ਤਮਾਯ ਬੁਦ੍ਧਸਿਰਿਯਾ ਅਨੋਪਮੇਨ ਬੁਦ੍ਧવਿਲਾਸੇਨ ਅਤੁਰਿਤਚਾਰਿਕਂ ਪਕ੍ਕਾਮਿ। ਸਮ੍ਬਹੁਲਾਹਿ ਸਾਕਿਯਾਨੀਹਿ ਸਦ੍ਧਿਨ੍ਤਿ ਅਨ੍ਤੋਨਿવੇਸਨਸ੍ਮਿਂਯੇવ ਦਸਬਲਂ ਉਦ੍ਦਿਸ੍ਸ ਪਬ੍ਬਜ੍ਜਾવੇਸਂ ਗਹੇਤ੍વਾ ਤਾਪਿ ਪਞ੍ਚਸਤਾ ਸਾਕਿਯਾਨਿਯੋ ਪਬ੍ਬਜ੍ਜਾવੇਸਂਯੇવ ਗਾਹਾਪੇਤ੍વਾ ਸਬ੍ਬਾਹਿਪਿ ਤਾਹਿ ਸਮ੍ਬਹੁਲਾਹਿ ਸਾਕਿਯਾਨੀਹਿ ਸਦ੍ਧਿਂ। ਪਕ੍ਕਾਮੀਤਿ ਗਮਨਂ ਅਭਿਨੀਹਰਿ। ਗਮਨਾਭਿਨੀਹਰਣਕਾਲੇ ਪਨਸ੍ਸਾ ‘‘ਸੁਕੁਮਾਰਾ ਰਾਜਿਤ੍ਥਿਯੋ ਪਦਸਾ ਗਨ੍ਤੁਂ ਨ ਸਕ੍ਖਿਸ੍ਸਨ੍ਤੀ’’ਤਿ ਸਾਕਿਯਕੋਲਿਯਰਾਜਾਨੋ ਸੁવਣ੍ਣਸਿવਿਕਾਯੋ ਉਪਟ੍ਠਾਪਯਿਂਸੁ, ਤਾ ਪਨ ‘‘ਯਾਨੇ ਆਰੁਯ੍ਹ ਗਚ੍ਛਨ੍ਤੀਹਿ ਸਤ੍ਥਰਿ ਅਗਾਰવੋ ਕਤੋ ਹੋਤੀ’’ਤਿ ਏਕਪਣ੍ਣਾਸਯੋਜਨਿਕਂ ਮਗ੍ਗਂ ਪਦਸਾવ ਪਟਿਪਜ੍ਜਿਂਸੁ। ਰਾਜਾਨੋਪਿ ਪੁਰਤੋ ਚ ਪਚ੍ਛਤੋ ਚ ਆਰਕ੍ਖਂ ਸਂવਿਦਹਾਪੇਤ੍વਾ ਤਣ੍ਡੁਲਸਪ੍ਪਿਤੇਲਾਦੀਨਂ ਸਕਟਾਨਿ ਪੂਰੇਤ੍વਾ ‘‘ਗਤਗਤਟ੍ਠਾਨੇ ਆਹਾਰਂ ਪਟਿਯਾਦੇਥਾ’’ਤਿ ਪੁਰਿਸੇ ਪੇਸਯਿਂਸੁ। ਸੂਨੇਹਿ ਪਾਦੇਹੀਤਿ ਤਾਸਞ੍ਹਿ ਸੁਖੁਮਾਲਤ੍ਤਾ ਪਾਦੇਸੁ ਏਕੋ ਫੋਟੋ ਉਟ੍ਠੇਤਿ, ਏਕੋ ਭਿਜ੍ਜਤਿ, ਉਭੋ ਪਾਦਾ ਕਟਕਟ੍ਠਿਸਮ੍ਪਰਿਕਿਣ੍ਣਾ વਿਯ ਹੁਤ੍વਾ ਉਦ੍ਧੁਮਾਤਾ। ਤੇਨ વੁਤ੍ਤਂ ‘‘ਸੂਨੇਹਿ ਪਾਦੇਹੀ’’ਤਿ। ਬਹਿਦ੍વਾਰਕੋਟ੍ਠਕੇਤਿ ਦ੍વਾਰਕੋਟ੍ਠਕਸ੍ਸ ਬਹਿ। ਕਸ੍ਮਾ ਪਨੇવਂ ਠਿਤਾਤਿ? ਏવਂ ਕਿਰਸ੍ਸਾ ਅਹੋਸਿ ‘‘ਅਹਂ ਤਥਾਗਤੇਨ ਅਨੁਞ੍ਞਾਤਾ ਸਯਮੇવ ਪਬ੍ਬਜ੍ਜਾવੇਸਂ ਅਗ੍ਗਹੇਸਿਂ, ਏવਂ ਗਹਿਤਭਾવੋ ਚ ਪਨ ਮੇ ਸਕਲਜਮ੍ਬੁਦੀਪੇ ਪਾਕਟੋ ਜਾਤੋ, ਸਚੇ ਸਤ੍ਥਾ ਪਬ੍ਬਜ੍ਜਂ ਅਨੁਜਾਨਿਸ੍ਸਤਿ, ਇਚ੍ਚੇਤਂ ਕੁਸਲਂ। ਸਚੇ ਨਾਨੁਜਾਨਿਸ੍ਸਤਿ, ਮਹਤੀ ਗਰਹਾ ਭવਿਸ੍ਸਤੀ’’ਤਿ વਿਹਾਰਂ ਪવਿਸਿਤੁਂ ਅਸਕ੍ਕੋਨ੍ਤੀ ਰੋਦਮਾਨਾ ਅਟ੍ਠਾਸਿ। ਕਿਂ ਨੁ ਤ੍વਂ ਗੋਤਮੀਤਿ ਕਿਂ ਨੁ ਰਾਜਕੁਲਾਨਂ વਿਪਤ੍ਤਿ ਉਪ੍ਪਨ੍ਨਾ, ਕੇਨ ਨੁ ਤ੍વਂ ਕਾਰਣੇਨ ਏવਂ વਿવਣ੍ਣਭਾવਂ ਪਤ੍ਤਾ ਸੂਨੇਹਿ ਪਾਦੇਹਿ…ਪੇ॰… ਠਿਤਾਤਿ।
Yathābhirantaṃviharitvāti bodhaneyyasattānaṃ upanissayaṃ olokento yathājjhāsayena viharitvā. Cārikaṃ pakkāmīti mahājanasaṅgahaṃ karonto uttamāya buddhasiriyā anopamena buddhavilāsena aturitacārikaṃ pakkāmi. Sambahulāhi sākiyānīhi saddhinti antonivesanasmiṃyeva dasabalaṃ uddissa pabbajjāvesaṃ gahetvā tāpi pañcasatā sākiyāniyo pabbajjāvesaṃyeva gāhāpetvā sabbāhipi tāhi sambahulāhi sākiyānīhi saddhiṃ. Pakkāmīti gamanaṃ abhinīhari. Gamanābhinīharaṇakāle panassā ‘‘sukumārā rājitthiyo padasā gantuṃ na sakkhissantī’’ti sākiyakoliyarājāno suvaṇṇasivikāyo upaṭṭhāpayiṃsu, tā pana ‘‘yāne āruyha gacchantīhi satthari agāravo kato hotī’’ti ekapaṇṇāsayojanikaṃ maggaṃ padasāva paṭipajjiṃsu. Rājānopi purato ca pacchato ca ārakkhaṃ saṃvidahāpetvā taṇḍulasappitelādīnaṃ sakaṭāni pūretvā ‘‘gatagataṭṭhāne āhāraṃ paṭiyādethā’’ti purise pesayiṃsu. Sūnehi pādehīti tāsañhi sukhumālattā pādesu eko phoṭo uṭṭheti, eko bhijjati, ubho pādā kaṭakaṭṭhisamparikiṇṇā viya hutvā uddhumātā. Tena vuttaṃ ‘‘sūnehi pādehī’’ti. Bahidvārakoṭṭhaketi dvārakoṭṭhakassa bahi. Kasmā panevaṃ ṭhitāti? Evaṃ kirassā ahosi ‘‘ahaṃ tathāgatena anuññātā sayameva pabbajjāvesaṃ aggahesiṃ, evaṃ gahitabhāvo ca pana me sakalajambudīpe pākaṭo jāto, sace satthā pabbajjaṃ anujānissati, iccetaṃ kusalaṃ. Sace nānujānissati, mahatī garahā bhavissatī’’ti vihāraṃ pavisituṃ asakkontī rodamānā aṭṭhāsi. Kiṃ nu tvaṃ gotamīti kiṃ nu rājakulānaṃ vipatti uppannā, kena nu tvaṃ kāraṇena evaṃ vivaṇṇabhāvaṃ pattā sūnehi pādehi…pe… ṭhitāti.
ਅਞ੍ਞੇਨਪਿ ਪਰਿਯਾਯੇਨਾਤਿ ਅਞ੍ਞੇਨਪਿ ਕਾਰਣੇਨ। ਆਪਾਦਿਕਾਤਿ ਸਂવਡ੍ਢਿਕਾ, ਤੁਮ੍ਹਾਕਂ ਹਤ੍ਥਪਾਦੇਸੁ ਹਤ੍ਥਪਾਦਕਿਚ੍ਚਂ ਅਸਾਧੇਨ੍ਤੇਸੁ ਹਤ੍ਥੇ ਚ ਪਾਦੇ ਚ વਡ੍ਢੇਤ੍વਾ ਪਟਿਜਗ੍ਗਿਕਾਤਿ ਅਤ੍ਥੋ। ਪੋਸਿਕਾਤਿ ਦਿવਸਸ੍ਸ ਦ੍વੇ ਤਯੋ વਾਰੇ ਨਹਾਪੇਤ੍વਾ ਭੋਜੇਤ੍વਾ ਪਾਯੇਤ੍વਾ ਤੁਮ੍ਹੇ ਪੋਸੇਸਿ। ਥਞ੍ਞਂ ਪਾਯੇਸੀਤਿ ਨਨ੍ਦਕੁਮਾਰੋ ਕਿਰ ਬੋਧਿਸਤ੍ਤਤੋ ਕਤਿਪਾਹੇਨੇવ ਦਹਰਤਰੋ। ਤਸ੍ਮਿਂ ਜਾਤੇ ਮਹਾਪਜਾਪਤਿ ਅਤ੍ਤਨੋ ਪੁਤ੍ਤਂ ਧਾਤੀਨਂ ਦਤ੍વਾ ਸਯਂ ਬੋਧਿਸਤ੍ਤਸ੍ਸ ਧਾਤਿਕਿਚ੍ਚਂ ਸਾਧਯਮਾਨਾ ਅਤ੍ਤਨੋ ਥਞ੍ਞਂ ਪਾਯੇਸਿ। ਤਂ ਸਨ੍ਧਾਯ ਥੇਰੋ ਏવਮਾਹ। ਸਾਧੁ ਭਨ੍ਤੇਤਿ ‘‘ਬਹੁਕਾਰਾ’’ਤਿਆਦੀਹਿ ਤਸ੍ਸਾ ਗੁਣਂ ਕਥੇਤ੍વਾ ਪੁਨ ਪਬ੍ਬਜ੍ਜਂ ਯਾਚਨ੍ਤੋ ਏવਮਾਹ।
Aññenapi pariyāyenāti aññenapi kāraṇena. Āpādikāti saṃvaḍḍhikā, tumhākaṃ hatthapādesu hatthapādakiccaṃ asādhentesu hatthe ca pāde ca vaḍḍhetvā paṭijaggikāti attho. Posikāti divasassa dve tayo vāre nahāpetvā bhojetvā pāyetvā tumhe posesi. Thaññaṃ pāyesīti nandakumāro kira bodhisattato katipāheneva daharataro. Tasmiṃ jāte mahāpajāpati attano puttaṃ dhātīnaṃ datvā sayaṃ bodhisattassa dhātikiccaṃ sādhayamānā attano thaññaṃ pāyesi. Taṃ sandhāya thero evamāha. Sādhu bhanteti ‘‘bahukārā’’tiādīhi tassā guṇaṃ kathetvā puna pabbajjaṃ yācanto evamāha.
ਮਹਾਪਜਾਪਤਿਗੋਤਮੀવਤ੍ਥੁਕਥਾવਣ੍ਣਨਾ ਨਿਟ੍ਠਿਤਾ।
Mahāpajāpatigotamīvatthukathāvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi / ਮਹਾਪਜਾਪਤਿਗੋਤਮੀવਤ੍ਥੁ • Mahāpajāpatigotamīvatthu
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਮਹਾਪਜਾਪਤਿਗੋਤਮੀવਤ੍ਥੁਕਥਾ • Mahāpajāpatigotamīvatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਮਹਾਪਜਾਪਤਿਗੋਤਮੀવਤ੍ਥੁਕਥਾવਣ੍ਣਨਾ • Mahāpajāpatigotamīvatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਮਹਾਪਜਾਪਤਿਗੋਤਮੀવਤ੍ਥੁਕਥਾ • Mahāpajāpatigotamīvatthukathā
