Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā)

    3. махаабариниб̣б̣аанасуд̇д̇аван̣н̣анаа

    3. Mahāparinibbānasuttavaṇṇanā

    131. бууж̇анийяабхаавад̇о , б̣уд̣̇д̇хасамбад̣̇ан̃жа бахааяа бавад̇д̇ад̇аа маханд̇ан̃жа д̇ам̣ бариниб̣б̣аанан̃жаад̇и махаабариниб̣б̣аанам̣; саваасанаббахаанад̇о маханд̇ам̣ гилзсагкаяам̣ ниссааяа бавад̇д̇ам̣ бариниб̣б̣аананд̇иби махаабариниб̣б̣аанам̣; махад̇аа гаалзна махад̇аа ваа г̇ун̣араасинаа саад̇хид̇ам̣ бариниб̣б̣аананд̇иби махаабариниб̣б̣аанам̣; маханд̇абхаавааяа, д̇хаад̇уунам̣ б̣ахубхаавааяа бариниб̣б̣аананд̇иби махаабариниб̣б̣аанам̣; махад̇о логад̇о ниссадам̣ бариниб̣б̣аананд̇иби махаабариниб̣б̣аанам̣; саб̣б̣алогаасаад̇хааран̣ад̇д̇аа б̣уд̣̇д̇хаанам̣ сийлаад̣̇иг̇ун̣зхи махад̇о б̣уд̣̇д̇хасса бхаг̇авад̇о бариниб̣б̣аананд̇иби махаабариниб̣б̣аанам̣; махад̇и саасанз бад̇идтид̇з бариниб̣б̣аананд̇иби махаабариниб̣б̣аананд̇и б̣уд̣̇д̇хасса бхаг̇авад̇о бариниб̣б̣аанам̣ вужжад̇и, д̇аббадисам̣яуд̇д̇ам̣ суд̇д̇ам̣ махаабариниб̣б̣аанасуд̇д̇ам̣. г̇иж̇жхаа зд̇т̇а васанд̇ийд̇и г̇иж̇жхам̣, г̇иж̇жхам̣ гуудам̣ зд̇ассаад̇и г̇иж̇жхагуудо, г̇иж̇жхам̣ вияа ваа г̇иж̇жхам̣, гуудам̣, д̇ам̣ зд̇ассаад̇и г̇иж̇жхагуудо, баб̣б̣ад̇о, д̇асмим̣ г̇иж̇жхагуудз. д̇знааха ‘‘г̇иж̇жхаа’’д̇иаад̣̇и. абхияаад̇угаамод̇и зд̇т̇а абхи-сад̣̇д̣̇о абхибхаванад̇т̇о, ‘‘абхивиж̇аанаад̇уу’’д̇иаад̣̇ийсу (д̣̇ий. ни. 2.244; 3.85; ма. ни. 3.256) вияаад̇и ааха ‘‘абхибхаванад̇т̇ааяа яаад̇угаамо’’д̇и. важ̇ж̇ирааж̇аанод̇и ‘‘важ̇ж̇зд̇аб̣б̣аа имз’’д̇иаад̣̇ид̇о бавад̇д̇ам̣ важанам̣ убаад̣̇ааяа ‘‘важ̇ж̇ий’’д̇и лад̣̇д̇ханаамаа рааж̇аано, важ̇ж̇ийрадтасса ваа рааж̇аано важ̇ж̇ирааж̇аано. важ̇ж̇ирадтасса бана важ̇ж̇исаман̃н̃аа д̇анниваасирааж̇агумааравасзна взд̣̇ид̇аб̣б̣аа. рааж̇ид̣̇д̇хияаад̇и рааж̇абхааваануг̇ад̇зна сабхаавзна. со бана сабхааво нзсам̣ г̇ан̣арааж̇уунам̣ мит̇о саамаг̇г̇ияаа логз баагадо, жирадтааяий жа ахосийд̇и ‘‘самаг̇г̇абхаавам̣ гат̇зсий’’д̇и вуд̇д̇ам̣. ану ану д̇ам̣саман̇г̇ино бхаавзд̇и вад̣дхзд̇ийд̇и анубхааво, анубхааво зва аанубхааво, бад̇аабо, со бана нзсам̣ бад̇аабо хад̇т̇иассаад̣̇ивааханасамбад̇д̇ияаа, д̇ад̇т̇а жа сусигкид̇абхаавзна логз баагадо ж̇аад̇од̇и ‘‘зд̇зна…бз… гат̇зсий’’д̇и вуд̇д̇ам̣. д̇аал̣ажчиг̇г̇алзнаад̇и гун̃жигаачид̣̇д̣̇зна. асананд̇и сарам̣. ад̇ибаад̇аяиссанд̇ийд̇и ад̇иггаамзнд̇и. бон̇каанубон̇канд̇и бон̇касса анубон̇кам̣, буримасарасса бон̇кабад̣̇аануг̇ад̇абон̇кам̣ ид̇арам̣ сарам̣ гад̇ваад̇и ад̇т̇о. авираад̇хид̇анд̇и авираж̇жхид̇ам̣. ужчинд̣̇иссаамийд̇и уммууланавасзна гуласанд̇ад̇им̣ чинд̣̇иссаами. аяанам̣ вад̣дханам̣ аяо, д̇аббадигкзбзна анаяод̇и ааха ‘‘авад̣дхияаа зд̇ам̣ наама’’нд̇и. вигкибад̇ийд̇и вид̣̇уурад̇о кибад̇и, абанзд̇ийд̇и ад̇т̇о.

    131. Pūjanīyabhāvato , buddhasampadañca pahāya pavattatā mahantañca taṃ parinibbānañcāti mahāparinibbānaṃ; savāsanappahānato mahantaṃ kilesakkhayaṃ nissāya pavattaṃ parinibbānantipi mahāparinibbānaṃ; mahatā kālena mahatā vā guṇarāsinā sādhitaṃ parinibbānantipi mahāparinibbānaṃ; mahantabhāvāya, dhātūnaṃ bahubhāvāya parinibbānantipi mahāparinibbānaṃ; mahato lokato nissaṭaṃ parinibbānantipi mahāparinibbānaṃ; sabbalokāsādhāraṇattā buddhānaṃ sīlādiguṇehi mahato buddhassa bhagavato parinibbānantipi mahāparinibbānaṃ; mahati sāsane patiṭṭhite parinibbānantipi mahāparinibbānanti buddhassa bhagavato parinibbānaṃ vuccati, tappaṭisaṃyuttaṃ suttaṃ mahāparinibbānasuttaṃ. Gijjhā ettha vasantīti gijjhaṃ, gijjhaṃ kūṭaṃ etassāti gijjhakūṭo, gijjhaṃ viya vā gijjhaṃ, kūṭaṃ, taṃ etassāti gijjhakūṭo, pabbato, tasmiṃ gijjhakūṭe. Tenāha ‘‘gijjhā’’tiādi. Abhiyātukāmoti ettha abhi-saddo abhibhavanattho, ‘‘abhivijānātū’’tiādīsu (dī. ni. 2.244; 3.85; ma. ni. 3.256) viyāti āha ‘‘abhibhavanatthāya yātukāmo’’ti. Vajjirājānoti ‘‘vajjetabbā ime’’tiādito pavattaṃ vacanaṃ upādāya ‘‘vajjī’’ti laddhanāmā rājāno, vajjīraṭṭhassa vā rājāno vajjirājāno. Vajjiraṭṭhassa pana vajjisamaññā tannivāsirājakumāravasena veditabbā. Rājiddhiyāti rājabhāvānugatena sabhāvena. So pana sabhāvo nesaṃ gaṇarājūnaṃ mitho sāmaggiyā loke pākaṭo, ciraṭṭhāyī ca ahosīti ‘‘samaggabhāvaṃ kathesī’’ti vuttaṃ. Anu anu taṃsamaṅgino bhāveti vaḍḍhetīti anubhāvo, anubhāvo eva ānubhāvo, patāpo, so pana nesaṃ patāpo hatthiassādivāhanasampattiyā, tattha ca susikkhitabhāvena loke pākaṭo jātoti ‘‘etena…pe… kathesī’’ti vuttaṃ. Tāḷacchiggalenāti kuñcikāchiddena. Asananti saraṃ. Atipātayissantīti atikkāmenti. Poṅkhānupoṅkhanti poṅkhassa anupoṅkhaṃ, purimasarassa poṅkhapadānugatapoṅkhaṃ itaraṃ saraṃ katvāti attho. Avirādhitanti avirajjhitaṃ. Ucchindissāmīti ummūlanavasena kulasantatiṃ chindissāmi. Ayanaṃ vaḍḍhanaṃ ayo, tappaṭikkhepena anayoti āha ‘‘avaḍḍhiyā etaṃ nāma’’nti. Vikkhipatīti vidūrato khipati, apanetīti attho.

    г̇ан̇г̇ааяанд̇и г̇ан̇г̇аасамийбз. бадданаг̇ааманд̇и сагадабадданаг̇аамам̣. аан̣аад̇и аан̣аа вад̇д̇ад̇и. ад̣дхаяож̇ананд̇и жа д̇асмим̣ бадданз ад̣дхаяож̇анадтаанаваасино санд̇хааяа вуд̇д̇ам̣. д̇ад̇раад̇и д̇асмим̣ бадданз. б̣алаваагхаад̇аж̇аад̇од̇и уббаннаб̣алавагод̇хо.

    Gaṅgāyanti gaṅgāsamīpe. Paṭṭanagāmanti sakaṭapaṭṭanagāmaṃ. Āṇāti āṇā vattati. Aḍḍhayojananti ca tasmiṃ paṭṭane aḍḍhayojanaṭṭhānavāsino sandhāya vuttaṃ. Tatrāti tasmiṃ paṭṭane. Balavāghātajātoti uppannabalavakodho.

    мзд̇и маяхам̣. г̇ад̇знаад̇и г̇аманзна.

    Meti mayhaṃ. Gatenāti gamanena.

    рааж̇аабарихаанияад̇хаммаван̣н̣анаа

    Rājaaparihāniyadhammavaṇṇanā

    134. сийд̇ам̣ ваа ун̣хам̣ ваа над̇т̇и, д̇ааяам̣ взлааяам̣ бун̃н̃аанубхаавзна б̣уд̣̇д̇хаанам̣ саб̣б̣агаалам̣ самасийд̇ун̣хаава уд̇у ход̇и, д̇ам̣ санд̇хааяа д̇ат̇аа вуд̇д̇ам̣. абхин̣хам̣ саннибаад̇аад̇и нижжасаннибаад̇аа, д̇ам̣ бана нижжасаннибаад̇ад̇ам̣ д̣̇ассзд̇ум̣ ‘‘д̣̇ивасассаа’’д̇иаад̣̇и вуд̇д̇ам̣. саннибаад̇аб̣ахулаад̇и бажурасаннибаад̇аа. восаананд̇и сан̇гожам̣. ‘‘яаавагийва’’нд̇и згамзвзд̇ам̣ бад̣̇ам̣ анияамад̇о баримаан̣аваажий, гаало жзд̇т̇а ад̇хиббзд̇од̇и ааха ‘‘яад̇д̇агам̣ гаала’’нд̇и. ‘‘вуд̣̇д̇хиязваа’’д̇иаад̣̇инаа вуд̇д̇амад̇т̇ам̣ б̣яад̇ирзгамукзна д̣̇ассзд̇ум̣ ‘‘абхин̣хам̣ асаннибад̇анд̇аа хий’’д̇иаад̣̇и вуд̇д̇ам̣. аагулаад̇и кубхид̇аа, на басаннаа. бхиж̇ж̇ид̇ваад̇и ваг̇г̇аб̣анд̇хад̇о вибхаж̇ж̇а висум̣ висум̣ худ̇ваа.

    134.Sītaṃ vā uṇhaṃ vā natthi, tāyaṃ velāyaṃ puññānubhāvena buddhānaṃ sabbakālaṃ samasītuṇhāva utu hoti, taṃ sandhāya tathā vuttaṃ. Abhiṇhaṃ sannipātāti niccasannipātā, taṃ pana niccasannipātataṃ dassetuṃ ‘‘divasassā’’tiādi vuttaṃ. Sannipātabahulāti pacurasannipātā. Vosānanti saṅkocaṃ. ‘‘Yāvakīva’’nti ekamevetaṃ padaṃ aniyamato parimāṇavācī, kālo cettha adhippetoti āha ‘‘yattakaṃ kāla’’nti. ‘‘Vuddhiyevā’’tiādinā vuttamatthaṃ byatirekamukhena dassetuṃ ‘‘abhiṇhaṃ asannipatantā hī’’tiādi vuttaṃ. Ākulāti khubhitā, na pasannā. Bhijjitvāti vaggabandhato vibhajja visuṃ visuṃ hutvā.

    саннибаад̇абхзрияаад̇и саннибаад̇аарожанабхзрияаа. ад̣дхабхуд̇д̇аа ваад̇и саамибхуд̇д̇аа жа. осийд̣̇амаанзд̇и хааяамаанз.

    Sannipātabheriyāti sannipātārocanabheriyā. Aḍḍhabhuttā vāti sāmibhuttā ca. Osīdamāneti hāyamāne.

    буб̣б̣з агад̇анд̇и буб̣б̣з аниб̣б̣ад̇д̇ам̣. сун̇ганд̇и бхан̣д̣ам̣ г̇ахзд̇ваа г̇ажчанд̇зхи баб̣б̣ад̇акан̣д̣а над̣̇ийд̇ид̇т̇аг̇аамад̣̇ваараад̣̇ийсу рааж̇абурисаанам̣ д̣̇аад̇аб̣б̣абхааг̇ам̣. б̣алинд̇и нибпаннасассаад̣̇ид̇о чабхааг̇ам̣, сад̇д̇абхааг̇анд̇иаад̣̇инаа лад̣̇д̇хагарам̣. д̣̇ан̣д̣анд̇и д̣̇асавийсад̇игахаабан̣аад̣̇игам̣ абараад̇хаануруубам̣ г̇ахзд̇аб̣б̣ад̇ханад̣̇ан̣д̣ам̣. важ̇ж̇ид̇хамманд̇и важ̇ж̇ирааж̇ад̇хаммам̣. ид̣̇аани абан̃н̃ад̇д̇абан̃н̃аабанаад̣̇ийсу д̇аббадигкзба аад̣̇ийнаваанисам̣сз вид̇т̇аарад̇о д̣̇ассзд̇ум̣ ‘‘д̇зсам̣ абан̃н̃ад̇д̇а’’нд̇иаад̣̇и вуд̇д̇ам̣. баарижарияагкамаад̇и убадтаанагкамаа.

    Pubbe akatanti pubbe anibbattaṃ. Suṅkanti bhaṇḍaṃ gahetvā gacchantehi pabbatakhaṇḍa nadītitthagāmadvārādīsu rājapurisānaṃ dātabbabhāgaṃ. Balinti nipphannasassādito chabhāgaṃ, sattabhāgantiādinā laddhakaraṃ. Daṇḍanti dasavīsatikahāpaṇādikaṃ aparādhānurūpaṃ gahetabbadhanadaṇḍaṃ. Vajjidhammanti vajjirājadhammaṃ. Idāni apaññattapaññāpanādīsu tappaṭikkhepa ādīnavānisaṃse vitthārato dassetuṃ ‘‘tesaṃ apaññatta’’ntiādi vuttaṃ. Pāricariyakkhamāti upaṭṭhānakkhamā.

    гулабхог̇аиссарияаад̣̇ивасзна махад̇ий мад̇д̇аа бамаан̣ам̣ зд̇зсанд̇и махаамад̇д̇аа, нийд̇исад̇т̇авихид̇з винижчаяз табид̇аа махаамад̇д̇аа винижчаяамахаамад̇д̇аа, д̇зсам̣. д̣̇знд̇ийд̇и нияяаад̇знд̇и. сажз жород̇и звам̣сан̃н̃ино сажз хонд̇и. баабабхийруд̇ааяа ад̇д̇анаа гин̃жи авад̇ваа. д̣̇ан̣д̣анийд̇исан̃н̃ид̇з вохаарз нияуд̇д̇аад̇и вохааригаа, яз ‘‘д̇хаммадтаа’’д̇и вужжанд̇и. суд̇д̇ад̇хараа нийд̇исуд̇д̇ад̇хараа , ийд̣̇исз вохааравинижчаяз нияамзд̇ваа табид̇аа. барамбараабхад̇зсу адтасу гулзсу ж̇аад̇аа аг̇ад̇иг̇аманавирад̇аа адтамахаллагабурисаа адтагулигаа.

    Kulabhogaissariyādivasena mahatī mattā pamāṇaṃ etesanti mahāmattā, nītisatthavihite vinicchaye ṭhapitā mahāmattā vinicchayamahāmattā, tesaṃ. Dentīti niyyātenti. Sace coroti evaṃsaññino sace honti. Pāpabhīrutāya attanā kiñci avatvā. Daṇḍanītisaññite vohāre niyuttāti vohārikā, ye ‘‘dhammaṭṭhā’’ti vuccanti. Suttadharā nītisuttadharā , īdise vohāravinicchaye niyametvā ṭhapitā. Paramparābhatesu aṭṭhasu kulesu jātā agatigamanaviratā aṭṭhamahallakapurisā aṭṭhakulikā.

    саггааранд̇и убагаарам̣. г̇арубхаавам̣ бажжубадтабзд̇ваад̇и ‘‘имз амхаагам̣ г̇аруно’’д̇и д̇ад̇т̇а г̇арубхаавам̣ бад̇и бад̇и убадтабзд̇ваа. маанзнд̇ийд̇и саммаанзнд̇и, д̇ам̣ бана саммаананам̣ д̇зсу нзсам̣ ад̇д̇аманад̇аабуб̣б̣аганд̇и ааха ‘‘манзна бияааяанд̇ий’’д̇и. нибажжагааранд̇и бан̣ибаад̇ам̣. д̣̇ассзнд̇ийд̇и ‘‘имз амхаагам̣ бид̇аамахаа , маад̇аамахаа’’д̇иаад̣̇инаа нийжажид̇д̇аа худ̇ваа г̇аружид̇д̇аагаарам̣ д̣̇ассзнд̇и. санд̇хаарзд̇унд̇и самб̣анд̇хам̣ авижчиннам̣ гад̇ваа гхадзд̇ум̣.

    Sakkāranti upakāraṃ. Garubhāvaṃ paccupaṭṭhapetvāti ‘‘ime amhākaṃ garuno’’ti tattha garubhāvaṃ pati pati upaṭṭhapetvā. Mānentīti sammānenti, taṃ pana sammānanaṃ tesu nesaṃ attamanatāpubbakanti āha ‘‘manena piyāyantī’’ti. Nipaccakāranti paṇipātaṃ. Dassentīti ‘‘ime amhākaṃ pitāmahā , mātāmahā’’tiādinā nīcacittā hutvā garucittākāraṃ dassenti. Sandhāretunti sambandhaṃ avicchinnaṃ katvā ghaṭetuṃ.

    басаяхаагаарассаад̇и б̣алаггаарасса. гаамам̣ вуд̣̇д̇хияаа бууж̇анийяад̇ааяа ‘‘вуд̣̇д̇хихаанияо’’д̇и вуд̇д̇ам̣, ад̇т̇о бана вуд̇д̇аануггамзнзва яож̇зд̇аб̣б̣о, баал̣ияам̣ ваа яасмаа ‘‘вуд̣̇д̇хиязва баадиган̇каа, но барихааний’’д̇и вуд̇д̇ам̣, д̇асмаа д̇ад̣̇ануггамзна ‘‘вуд̣̇д̇хихаанияо’’д̇и вуд̇д̇ам̣.

    Pasayhākārassāti balakkārassa. Kāmaṃ vuddhiyā pūjanīyatāya ‘‘vuddhihāniyo’’ti vuttaṃ, attho pana vuttānukkameneva yojetabbo, pāḷiyaṃ vā yasmā ‘‘vuddhiyeva pāṭikaṅkhā, no parihānī’’ti vuttaṃ, tasmā tadanukkamena ‘‘vuddhihāniyo’’ti vuttaṃ.

    вибажжид̇ум̣ алад̣̇д̇хогаасз баабагаммз, д̇асса гаммасса вибаагз ваа анавасарова д̣̇звад̇обасаг̇г̇о, д̇асмим̣ бана лад̣̇д̇хогаасз сияаа д̣̇звад̇обасаг̇г̇асса авасарод̇и ааха ‘‘ануббаннам̣…бз… вад̣дхзнд̇ий’’д̇и. зд̇знзва ануббаннам̣ суканд̇и зд̇т̇ааби ад̇т̇о взд̣̇ид̇аб̣б̣о. ‘‘б̣алагааяасса д̣̇иг̇ун̣ад̇иг̇ун̣ад̇аад̣̇ассанам̣, бадибхаяабхаавад̣̇ассана’’нд̇и звам̣ аад̣̇инаа д̣̇звад̇аанам̣ сан̇г̇аамасийсз сахааяад̇аа взд̣̇ид̇аб̣б̣аа.

    Vipaccituṃ aladdhokāse pāpakamme, tassa kammassa vipāke vā anavasarova devatopasaggo, tasmiṃ pana laddhokāse siyā devatopasaggassa avasaroti āha ‘‘anuppannaṃ…pe… vaḍḍhentī’’ti. Eteneva anuppannaṃ sukhanti etthāpi attho veditabbo. ‘‘Balakāyassa diguṇatiguṇatādassanaṃ, paṭibhayabhāvadassana’’nti evaṃ ādinā devatānaṃ saṅgāmasīse sahāyatā veditabbā.

    анижчид̇анд̇и анидтам̣. ааваран̣ад̇од̇и нисзд̇ханад̇о. яасса д̇хаммад̇о анабзд̇аа д̇хаммияаад̇и ид̇ха ‘‘д̇хаммигаа’’д̇и вуд̇д̇аа. миг̇асуугараад̣̇игхаад̇ааяа сунакаад̣̇ийнам̣ гад̣дхид̇ваа ванажаран̣ам̣ вааж̇о, миг̇аваа, д̇ад̇т̇а нияуд̇д̇аа, д̇з ваа вааж̇знд̇и нзнд̇ийд̇и вааж̇игаа, миг̇авад̇хажаарино. жид̇д̇аббавад̇д̇им̣ бужчад̇и. гааяигаваажасигабаяог̇зна хи саа логз баагадаа багаасабхууд̇аад̇и.

    Anicchitanti aniṭṭhaṃ. Āvaraṇatoti nisedhanato. Yassa dhammato anapetā dhammiyāti idha ‘‘dhammikā’’ti vuttā. Migasūkarādighātāya sunakhādīnaṃ kaḍḍhitvā vanacaraṇaṃ vājo, migavā, tattha niyuttā, te vā vājenti nentīti vājikā, migavadhacārino. Cittappavattiṃ pucchati. Kāyikavācasikapayogena hi sā loke pākaṭā pakāsabhūtāti.

    135. д̣̇звааяад̇анабхаавзна жид̇ад̇д̇аа, логасса жид̇д̇ийгаарадтаанад̇д̇аа жа жзд̇ияам̣ ахоси.

    135. Devāyatanabhāvena citattā, lokassa cittīkāraṭṭhānattā ca cetiyaṃ ahosi.

    гаамам̣гааравасзна гин̃жиби на гаран̣ийяаад̇и агаран̣ийяаа. гаамам̣гааро бана хад̇т̇аг̇ад̇агаран̣авасзнаад̇и ааха ‘‘аг̇г̇ахзд̇аб̣б̣аад̇и ад̇т̇о’’д̇и. абхимукаяуд̣̇д̇хзнаад̇и абхимукам̣ уж̇угамзва сан̇г̇аамагаран̣зна. убалаабанам̣ саамам̣ д̣̇аанан̃жаад̇и д̣̇ассзд̇ум̣ ‘‘ала’’нд̇иаад̣̇и вуд̇д̇ам̣. бхзд̣̇оби ид̇ха убааяо зваад̇и вуд̇д̇ам̣ ‘‘ан̃н̃ад̇ра мит̇убхзд̣̇ааяаа’’д̇и. яуд̣̇д̇хасса бана анубааяад̇аа баг̇зва багаасид̇аа. ид̣̇анд̇и ‘‘ан̃н̃ад̇ра убалаабанааяа, ан̃н̃ад̇ра мит̇убхзд̣̇аа’’д̇и жа ид̣̇ам̣ важанам̣. гат̇ааяа наяам̣ лабхид̇ваад̇и ‘‘яаавагийван̃жа…бз… но барихааний’’д̇и имааяа бхаг̇авад̇о гат̇ааяа наяам̣ убааяам̣ лабхид̇ваа.

    Kāmaṃkāravasena kiñcipi na karaṇīyāti akaraṇīyā. Kāmaṃkāro pana hatthagatakaraṇavasenāti āha ‘‘aggahetabbāti attho’’ti. Abhimukhayuddhenāti abhimukhaṃ ujukameva saṅgāmakaraṇena. Upalāpanaṃ sāmaṃ dānañcāti dassetuṃ ‘‘ala’’ntiādi vuttaṃ. Bhedopi idha upāyo evāti vuttaṃ ‘‘aññatra mithubhedāyā’’ti. Yuddhassa pana anupāyatā pageva pakāsitā. Idanti ‘‘aññatra upalāpanāya, aññatra mithubhedā’’ti ca idaṃ vacanaṃ. Kathāya nayaṃ labhitvāti ‘‘yāvakīvañca…pe… no parihānī’’ti imāya bhagavato kathāya nayaṃ upāyaṃ labhitvā.

    анугамбааяаад̇и важ̇ж̇ирааж̇зсу ануг̇г̇ахзна. ассаад̇и бхаг̇авад̇о.

    Anukampāyāti vajjirājesu anuggahena. Assāti bhagavato.

    гат̇анд̇и важ̇ж̇ийхи сад̣̇д̇хим̣ гаад̇аб̣б̣аяуд̣̇д̇хагат̇ам̣. уж̇ум̣ гариссаамийд̇и бадирааж̇аано аанзд̇ваа баагаарабарикаанам̣ ан̃н̃ат̇аабхааваабаад̣̇анзна уж̇убхаавам̣ гариссаами.

    Kathanti vajjīhi saddhiṃ kātabbayuddhakathaṃ. Ujuṃ karissāmīti paṭirājāno ānetvā pākāraparikhānaṃ aññathābhāvāpādanena ujubhāvaṃ karissāmi.

    бад̇идтид̇аг̇ун̣од̇и бад̇идтид̇аажарияаг̇ун̣о. иссараа саннибад̇анд̇у, маяам̣ аниссараа, д̇ад̇т̇а г̇анд̇ваа гим̣ гариссаамаад̇и лижчавино на саннибад̇им̣сууд̇и яож̇анаа. суураа саннибад̇анд̇ууд̇и зд̇т̇ааби зсзва наяо.

    Patiṭṭhitaguṇoti patiṭṭhitācariyaguṇo. Issarā sannipatantu, mayaṃ anissarā, tattha gantvā kiṃ karissāmāti licchavino na sannipatiṃsūti yojanā. Sūrā sannipatantūti etthāpi eseva nayo.

    б̣алабхзринд̇и яуд̣̇д̇хааяа б̣алагааяасса удтаанабхзрим̣.

    Balabherinti yuddhāya balakāyassa uṭṭhānabheriṃ.

    бхигкуабарихаанияад̇хаммаван̣н̣анаа

    Bhikkhuaparihāniyadhammavaṇṇanā

    136. абарихаанааяа хид̇аад̇и абарихаанияаа, на барихааяанд̇и зд̇зхийд̇и ваа абарихаанияаа, д̇з бана яасмаа абарихаанияаа гаарагаа наама хонд̇и, д̇асмаа вуд̇д̇ам̣ ‘‘абарихаанигарз’’д̇и. яасмаа бана д̇з барихаанигараанам̣ уж̇убадибагкабхууд̇аа, д̇асмаа ааха ‘‘вуд̣̇д̇хихзд̇убхууд̇з’’д̇и. яасмаа бхаг̇авад̇о д̣̇зсанаа убаруубари н̃аан̣аалогам̣ басаад̣̇знд̇ий сад̇д̇аанам̣ хад̣̇аяанд̇хагаарам̣ вид̇хамад̇и, багаасзд̇аб̣б̣з жа ад̇т̇з хад̇т̇ад̇алз аамалагам̣ вияа судтуд̇арам̣ баагадз гад̇ваа д̣̇ассзд̇и, д̇асмаа вуд̇д̇ам̣ ‘‘жанд̣̇асахассам̣…бз… гат̇аяиссаамий’’д̇и.

    136. Aparihānāya hitāti aparihāniyā, na parihāyanti etehīti vā aparihāniyā, te pana yasmā aparihāniyā kārakā nāma honti, tasmā vuttaṃ ‘‘aparihānikare’’ti. Yasmā pana te parihānikarānaṃ ujupaṭipakkhabhūtā, tasmā āha ‘‘vuddhihetubhūte’’ti. Yasmā bhagavato desanā uparūpari ñāṇālokaṃ pasādentī sattānaṃ hadayandhakāraṃ vidhamati, pakāsetabbe ca atthe hatthatale āmalakaṃ viya suṭṭhutaraṃ pākaṭe katvā dasseti, tasmā vuttaṃ ‘‘candasahassaṃ…pe… kathayissāmī’’ti.

    яасмаа бхаг̇аваа ‘‘д̇асса б̣раахман̣асса саммукаа важ̇ж̇ийнам̣ абхин̣хасаннибаад̇аад̣̇ибадибад̇д̇им̣ гат̇знд̇оязва аяам̣ абарихаанияагат̇аа анияяаанигаа вадданиссид̇аа, маяхам̣ бана саасанз д̇ат̇ааруубий гат̇аа гат̇зд̇аб̣б̣аа, саа ход̇и нияяаанигаа вивадданиссид̇аа, яааяа саасанам̣ маяхам̣ бариниб̣б̣аанад̇о барамби ад̣̇д̇ханияам̣ асса жирадтид̇ига’’нд̇и жинд̇зси, д̇асмаа бхигкуу саннибаад̇аабзд̇ваа д̇зсам̣ абарихаанияз д̇хаммз д̣̇зсзнд̇о д̇знзва нияаамзна д̣̇зсзси. д̇зна вуд̇д̇ам̣ ‘‘ид̣̇ам̣ важ̇ж̇исад̇д̇агз вуд̇д̇асад̣̇исамзваа’’д̇и. звам̣ сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзнд̇о ‘‘ид̇хааби жаа’’д̇иаад̣̇имааха. д̇ад̇т̇а ‘‘д̇ад̇о’’д̇иаад̣̇и д̣̇исаасу ааг̇ад̇асаасанз вуд̇д̇ам̣ д̇ам̣ гат̇анам̣. вихаарасиймаа аагулаа яасмаа, д̇асмаа убосат̇абавааран̣аа тид̇аа.

    Yasmā bhagavā ‘‘tassa brāhmaṇassa sammukhā vajjīnaṃ abhiṇhasannipātādipaṭipattiṃ kathentoyeva ayaṃ aparihāniyakathā aniyyānikā vaṭṭanissitā, mayhaṃ pana sāsane tathārūpī kathā kathetabbā, sā hoti niyyānikā vivaṭṭanissitā, yāya sāsanaṃ mayhaṃ parinibbānato parampi addhaniyaṃ assa ciraṭṭhitika’’nti cintesi, tasmā bhikkhū sannipātāpetvā tesaṃ aparihāniye dhamme desento teneva niyāmena desesi. Tena vuttaṃ ‘‘idaṃ vajjisattake vuttasadisamevā’’ti. Evaṃ saṅkhepato vuttamatthaṃ vitthārato dassento ‘‘idhāpi cā’’tiādimāha. Tattha ‘‘tato’’tiādi disāsu āgatasāsane vuttaṃ taṃ kathanaṃ. Vihārasīmā ākulā yasmā, tasmā uposathapavāraṇā ṭhitā.

    олийяамаанагод̇и баал̣ид̇о, ад̇т̇ад̇о жа винассамаано. угкибаабзнд̇аад̇и баг̇ун̣абхаавагаран̣зна, ад̇т̇асам̣ван̣н̣анзна жа баг̇г̇ан̣ханд̇аа.

    Olīyamānakoti pāḷito, atthato ca vinassamāno. Ukkhipāpentāti paguṇabhāvakaraṇena, atthasaṃvaṇṇanena ca paggaṇhantā.

    саавад̇т̇ияам̣ бхигкуу вияа баажид̇д̇ияам̣ д̣̇зсаабзд̇аб̣б̣од̇и (баараа. 565 вид̇т̇ааравад̇т̇у). важ̇ж̇ибуд̇д̇агаа вияа д̣̇асавад̇т̇уд̣̇ийбанзна (жуул̣ава. 446 вид̇т̇ааравад̇т̇у). ‘‘г̇ихиг̇ад̇аанийд̇и г̇ихибадисам̣яуд̇д̇ааний’’д̇и вад̣̇анд̇и. г̇ихийсу г̇ад̇аани, д̇зхи н̃аад̇аани г̇ихиг̇ад̇аани. д̇хуумагаало зд̇ассаад̇и д̇хуумагаалигам̣ жид̇агад̇хуумавуубасамад̇о барам̣ аббавад̇д̇анад̇о.

    Sāvatthiyaṃ bhikkhū viya pācittiyaṃ desāpetabboti (pārā. 565 vitthāravatthu). Vajjiputtakā viya dasavatthudīpanena (cūḷava. 446 vitthāravatthu). ‘‘Gihigatānīti gihipaṭisaṃyuttānī’’ti vadanti. Gihīsu gatāni, tehi ñātāni gihigatāni. Dhūmakālo etassāti dhūmakālikaṃ citakadhūmavūpasamato paraṃ appavattanato.

    т̇ирабхааваббад̇д̇аад̇и саасанз т̇ирабхаавам̣ анивад̇д̇ид̇абхаавам̣ убаг̇ад̇аа. т̇зрагаарагзхийд̇и т̇зрабхаавасаад̇хагзхи сийлаад̣̇иг̇ун̣зхи асзгкад̇хаммзхи. б̣ахуу рад̇д̇ияод̇и баб̣б̣аж̇ид̇аа худ̇ваа б̣ахуу рад̇д̇ияо ж̇аананд̇и. сийлаад̣̇иг̇ун̣зсу бад̇идтаабанамзва саасанз барин̣ааяагад̇аад̇и ааха ‘‘д̇ийсу сигкаасу бавад̇д̇знд̇ий’’д̇и.

    Thirabhāvappattāti sāsane thirabhāvaṃ anivattitabhāvaṃ upagatā. Therakārakehīti therabhāvasādhakehi sīlādiguṇehi asekkhadhammehi. Bahū rattiyoti pabbajitā hutvā bahū rattiyo jānanti. Sīlādiguṇesu patiṭṭhāpanameva sāsane pariṇāyakatāti āha ‘‘tīsu sikkhāsu pavattentī’’ti.

    оваад̣̇ам̣ на д̣̇знд̇и абхааж̇анабхаавад̇о. бавзн̣ийгат̇анд̇и аажарияабарамбараабхад̇ам̣ саммаабадибад̇д̇ид̣̇ийбанам̣ д̇хаммагат̇ам̣. саарабхууд̇ам̣ д̇хаммабарияааяанд̇и самат̇авибассанаамаг̇г̇апаласамбаабанзна саарабхууд̇ам̣ б̣ож̇жхан̇г̇агосаллаануд̇д̇арасийд̇ийбхааваад̇хижид̇д̇асуд̇д̇аад̣̇ид̇хаммад̇анд̇им̣.

    Ovādaṃ na denti abhājanabhāvato. Paveṇīkathanti ācariyaparamparābhataṃ sammāpaṭipattidīpanaṃ dhammakathaṃ. Sārabhūtaṃ dhammapariyāyanti samathavipassanāmaggaphalasampāpanena sārabhūtaṃ bojjhaṅgakosallaanuttarasītībhāvaadhicittasuttādidhammatantiṃ.

    бунаб̣бхавад̣̇аанам̣ бунаб̣бхаво уд̇д̇арабад̣̇алобзна. ид̇арзд̇и яз на бажжаяавасигаа на аамисажагкугаа, д̇з на г̇ажчанд̇и д̇ан̣хааяа васам̣.

    Punabbhavadānaṃ punabbhavo uttarapadalopena. Itareti ye na paccayavasikā na āmisacakkhukā, te na gacchanti taṇhāya vasaṃ.

    ааран̃н̃агзсууд̇и аран̃н̃абхааг̇зсу аран̃н̃абарияаабаннзсу. нану яад̇т̇а гад̇т̇ажиби д̇ан̣хаа сааваж̇ж̇аа зваад̇и жод̣̇анам̣ санд̇хааяааха ‘‘г̇ааманд̇асзнаасанзсу хий’’д̇иаад̣̇и, д̇зна ‘‘ануд̇д̇арзсу вимогкзсу бихам̣ убадтаабаяад̇о’’д̇и зд̇т̇а вуд̇д̇асинзхаад̣̇аяо вияа ааран̃н̃агзсу сзнаасанзсу саалаяад̇аа сзвид̇аб̣б̣абагкияаа зваад̇и д̣̇ассзд̇и.

    Āraññakesūti araññabhāgesu araññapariyāpannesu. Nanu yattha katthacipi taṇhā sāvajjā evāti codanaṃ sandhāyāha ‘‘gāmantasenāsanesu hī’’tiādi, tena ‘‘anuttaresu vimokkhesu pihaṃ upaṭṭhāpayato’’ti ettha vuttasinehādayo viya āraññakesu senāsanesu sālayatā sevitabbapakkhiyā evāti dasseti.

    ад̇д̇анааваад̇и саяамзва, д̇зна барзхи ануссаахид̇аанам̣ сарасзнзва анааг̇ад̇аанам̣ бзсалаанам̣ бхигкуунам̣ ааг̇аманам̣, ааг̇ад̇аанан̃жа паасувихаарам̣ бажжаасисанд̇ийд̇и д̣̇ассзд̇и. иминаа нийхаарзнаад̇и имааяа бадибад̇д̇ияаа. аг̇г̇ахид̇ад̇хаммаг̇г̇ахан̣анд̇и аг̇г̇ахид̇асса барияад̇д̇ид̇хаммасса уг̇г̇ахан̣ам̣. г̇ахид̇асаж̇жхааяагаран̣анд̇и уг̇г̇ахид̇асса судту ад̇т̇ажинд̇анам̣. жинд̇анад̇т̇о хи саж̇жхааяасад̣̇д̣̇о.

    Attanāvāti sayameva, tena parehi anussāhitānaṃ saraseneva anāgatānaṃ pesalānaṃ bhikkhūnaṃ āgamanaṃ, āgatānañca phāsuvihāraṃ paccāsisantīti dasseti. Iminā nīhārenāti imāya paṭipattiyā. Aggahitadhammaggahaṇanti aggahitassa pariyattidhammassa uggahaṇaṃ. Gahitasajjhāyakaraṇanti uggahitassa suṭṭhu atthacintanaṃ. Cintanattho hi sajjhāyasaddo.

    знд̇ийд̇и убаг̇ажчанд̇и. нисийд̣̇анд̇и аасанабан̃н̃аабанаад̣̇инаа.

    Entīti upagacchanti. Nisīdanti āsanapaññāpanādinā.

    137. аарамид̇аб̣б̣адтзна гаммам̣ аараамо. гаммз рад̇аа, на г̇ант̇ад̇хурз, ваасад̇хурз ваад̇и гаммарад̇аа, ануяуд̇д̇аад̇и д̇аббарабхаавзна бунаббунам̣ басуд̇аа. ид̇и гаад̇аб̣б̣агамманд̇и д̇ам̣ д̇ам̣ бхигкуунам̣ гаад̇аб̣б̣ам̣ ужжааважагаммам̣ жийваравижааран̣аад̣̇и. д̇знааха ‘‘сзяяат̇ид̣̇а’’нд̇иаад̣̇и. убад̇т̇амбхананд̇и д̣̇убаддад̇ибаддаад̣̇игаран̣ам̣. д̇ан̃хи батамабадалаад̣̇ийнам̣ убад̇т̇амбханагааран̣ад̇д̇аа д̇ат̇аа вуд̇д̇ам̣. яад̣̇и звам̣ гат̇ам̣ аяам̣ гаммараамад̇аа бадигкид̇д̇аад̇и ааха ‘‘згажжо хий’’д̇иаад̣̇и.

    137. Āramitabbaṭṭhena kammaṃ ārāmo. Kamme ratā, na ganthadhure, vāsadhure vāti kammaratā, anuyuttāti tapparabhāvena punappunaṃ pasutā. Iti kātabbakammanti taṃ taṃ bhikkhūnaṃ kātabbaṃ uccāvacakammaṃ cīvaravicāraṇādi. Tenāha ‘‘seyyathida’’ntiādi. Upatthambhananti dupaṭṭatipaṭṭādikaraṇaṃ. Tañhi paṭhamapaṭalādīnaṃ upatthambhanakāraṇattā tathā vuttaṃ. Yadi evaṃ kathaṃ ayaṃ kammarāmatā paṭikkhittāti āha ‘‘ekacco hī’’tiādi.

    гаронд̇о язваад̇и яат̇аавуд̇д̇ад̇иражчаанагат̇ам̣ гат̇знд̇оязва. ад̇иражчаанагат̇аабхаавзби д̇асса д̇ад̇т̇а д̇аббарабхаавад̣̇ассанад̇т̇ам̣ авад̇хааран̣аважанам̣. барияанд̇агаарийд̇и сабарияанд̇ам̣ гад̇ваа вад̇д̇аа. ‘‘барияанд̇авад̇им̣ ваажам̣ бхаасид̇аа’’д̇и (д̣̇ий. ни. 1.9, 194) хи вуд̇д̇ам̣. аббабхассо ваад̇и баримид̇агат̇оязва зганд̇зна гат̇зд̇аб̣б̣ассзва гат̇анад̇о. самаабад̇д̇исамаабаж̇ж̇анам̣ арияо д̇ун̣хийбхааво.

    Karonto yevāti yathāvuttatiracchānakathaṃ kathentoyeva. Atiracchānakathābhāvepi tassa tattha tapparabhāvadassanatthaṃ avadhāraṇavacanaṃ. Pariyantakārīti sapariyantaṃ katvā vattā. ‘‘Pariyantavatiṃ vācaṃ bhāsitā’’ti (dī. ni. 1.9, 194) hi vuttaṃ. Appabhasso vāti parimitakathoyeva ekantena kathetabbasseva kathanato. Samāpattisamāpajjanaṃ ariyo tuṇhībhāvo.

    нид̣̇д̣̇ааяад̇иязваад̇и нид̣̇д̣̇оггаманз анаад̣̇ийнавад̣̇ассий нид̣̇д̣̇ааяад̇иязва. ирияаабат̇абаривад̇д̇анаад̣̇инаа на нам̣ винод̣̇зд̇и.

    Niddāyatiyevāti niddokkamane anādīnavadassī niddāyatiyeva. Iriyāpathaparivattanādinā na naṃ vinodeti.

    звам̣ сам̣садто ваад̇и вуд̇д̇анаязна г̇ан̣асан̇г̇ан̣игааяа сам̣садто зва вихарад̇и.

    Evaṃ saṃsaṭṭho vāti vuttanayena gaṇasaṅgaṇikāya saṃsaṭṭho eva viharati.

    д̣̇уссийлаа баабижчаа наамаад̇и саяам̣ ниссийлаа асанд̇аг̇ун̣асамбхааванижчааяа саманнааг̇ад̇ад̇д̇аа баабаа лаамагаа ижчаа зд̇зсанд̇и баабижчаа.

    Dussīlā pāpicchā nāmāti sayaṃ nissīlā asantaguṇasambhāvanicchāya samannāgatattā pāpā lāmakā icchā etesanti pāpicchā.

    баабабуг̇г̇алзхи мзд̇д̇игаран̣ад̇о баабамид̇д̇аа. д̇зхи сад̣̇аа саха бавад̇д̇анзна баабасахааяаа. д̇ад̇т̇а ниннад̇аад̣̇инаа д̇ад̣̇ад̇химуд̇д̇ад̇ааяа баабасамбаван̇гаа.

    Pāpapuggalehi mettikaraṇato pāpamittā. Tehi sadā saha pavattanena pāpasahāyā. Tattha ninnatādinā tadadhimuttatāya pāpasampavaṅkā.

    138. сад̣̇д̇хаа зд̇зсам̣ ад̇т̇ийд̇и сад̣̇д̇хаад̇и ааха ‘‘сад̣̇д̇хаасамбаннаа’’д̇и. ааг̇аманийяабадибад̣̇ааяа ааг̇ад̇асад̣̇д̇хаа ааг̇аманийяасад̣̇д̇хаа, саа саад̇исаяаа махааб̣од̇хисад̇д̇аанам̣ баробад̣̇зсзна винаа сад̣̇д̇хзяяавад̇т̇ум̣ авибарийд̇ад̇о ог̇аахзд̇ваа ад̇химужжанад̇од̇и ааха ‘‘саб̣б̣ан̃н̃уб̣од̇хисад̇д̇аанам̣ ход̇ий’’д̇и. сажжабадивзд̇хад̇о ааг̇ад̇асад̣̇д̇хаа ад̇хиг̇амасад̣̇д̇хаа сураб̣анд̇хаад̣̇ийнам̣ (д̣̇ий. ни. адта. 3.118; д̇ха. ба. адта. 1.суббаб̣уд̣̇д̇хагудтивад̇т̇у; уд̣̇аа. адта. 43) вияа. ‘‘саммаасамб̣уд̣̇д̇хо бхаг̇аваа’’д̇иаад̣̇инаа б̣уд̣̇д̇хаад̣̇ийсу уббаж̇ж̇анагабасаад̣̇о басаад̣̇асад̣̇д̇хаа махаагаббинарааж̇аад̣̇ийнам̣ (а. ни. адта. 1.1.231; д̇ха. ба. адта. 1.махаагаббинад̇т̇зравад̇т̇у; т̇зраг̇аа. адта. 2.махаагаббинад̇т̇зраг̇аат̇ааван̣н̣анаа, вид̇т̇ааро) вияа. ‘‘звамзд̇а’’нд̇и огганд̇ид̇ваа багканд̣̇ид̇ваа сад̣̇д̣̇аханавасзна габбанам̣ огаббанам̣. д̣̇увид̇хаабийд̇и басаад̣̇асад̣̇д̇хааби огаббанасад̣̇д̇хааби. д̇ад̇т̇а басаад̣̇асад̣̇д̇хаа абаранзяяаруубаа ход̇и саванамад̇д̇зна басийд̣̇анад̇о. огаббанасад̣̇д̇хаа сад̣̇д̇хзяяавад̇т̇ум̣ ог̇аахзд̇ваа анубависид̇ваа ‘‘звамзд̇а’’нд̇и бажжагкам̣ гаронд̇ий вияа бавад̇д̇ад̇и. д̇знааха ‘‘сад̣̇д̇хаад̇химуд̇д̇о ваггалид̇т̇зрасад̣̇исо ход̇ий’’д̇и. д̇асса хийд̇и огаббанасад̣̇д̇хааяа саманнааг̇ад̇асса. хирий зд̇асса ад̇т̇ийд̇и хири, хири мано зд̇зсанд̇и хириманаад̇и ааха ‘‘бааба…бз… жид̇д̇аа’’д̇и. баабад̇о од̇д̇аббзнд̇и уб̣б̣иж̇ж̇анд̇и бхааяанд̇ийд̇и од̇д̇аббий.

    138. Saddhā etesaṃ atthīti saddhāti āha ‘‘saddhāsampannā’’ti. Āgamanīyapaṭipadāya āgatasaddhā āgamanīyasaddhā, sā sātisayā mahābodhisattānaṃ paropadesena vinā saddheyyavatthuṃ aviparītato ogāhetvā adhimuccanatoti āha ‘‘sabbaññubodhisattānaṃ hotī’’ti. Saccapaṭivedhato āgatasaddhā adhigamasaddhā surabandhādīnaṃ (dī. ni. aṭṭha. 3.118; dha. pa. aṭṭha. 1.suppabuddhakuṭṭhivatthu; udā. aṭṭha. 43) viya. ‘‘Sammāsambuddho bhagavā’’tiādinā buddhādīsu uppajjanakapasādo pasādasaddhā mahākappinarājādīnaṃ (a. ni. aṭṭha. 1.1.231; dha. pa. aṭṭha. 1.mahākappinattheravatthu; theragā. aṭṭha. 2.mahākappinattheragāthāvaṇṇanā, vitthāro) viya. ‘‘Evameta’’nti okkantitvā pakkhanditvā saddahanavasena kappanaṃ okappanaṃ. Duvidhāpīti pasādasaddhāpi okappanasaddhāpi. Tattha pasādasaddhā aparaneyyarūpā hoti savanamattena pasīdanato. Okappanasaddhā saddheyyavatthuṃ ogāhetvā anupavisitvā ‘‘evameta’’nti paccakkhaṃ karontī viya pavattati. Tenāha ‘‘saddhādhimutto vakkalittherasadiso hotī’’ti. Tassa hīti okappanasaddhāya samannāgatassa. Hirī etassa atthīti hiri, hiri mano etesanti hirimanāti āha ‘‘pāpa…pe… cittā’’ti. Pāpato ottappenti ubbijjanti bhāyantīti ottappī.

    б̣аху суд̇ам̣ суд̇д̇аг̇зяяаад̣̇и зд̇знаад̇и б̣ахуссуд̇о, суд̇аг̇г̇ахан̣ам̣ жзд̇т̇а нид̣̇ассанамад̇д̇ам̣ д̇хааран̣абарижаяабарибужчаанубзгканад̣̇идтиниж̇жхаанаанам̣ бзд̇т̇а ижчид̇аб̣б̣ад̇д̇аа. саванамуулагад̇д̇аа ваа д̇зсамби д̇аг̇г̇ахан̣знзва г̇ахан̣ам̣ д̣̇адтаб̣б̣ам̣. ад̇т̇агаамзна барияаабун̣ид̇аб̣б̣ад̇о, д̣̇идтад̇хаммигаад̣̇ибурисад̇т̇асид̣̇д̇хияаа барияад̇д̇абхаавад̇о жа барияад̇д̇и, д̇ийн̣и бидагаани. сажжаббадивзд̇хо сажжаанам̣ бадивиж̇жханам̣. д̇ад̣̇аби б̣аахусажжам̣ яат̇аавуд̇д̇аб̣аахусажжагижжанибпад̇д̇ид̇о. барияад̇д̇и ад̇хиббзд̇аа сажжабадивзд̇хаавахзна б̣аахусажжзна б̣ахуссуд̇абхаавасса ид̇ха ижчид̇ад̇д̇аа. сод̇и барияад̇д̇иб̣ахуссуд̇о. жад̇уб̣б̣ид̇хо ход̇и бан̃жамасса багаарасса абхаавад̇о. саб̣б̣ад̇т̇агаб̣ахуссуд̇од̇и ниссаяамужжанагаб̣ахуссуд̇аад̣̇аяо вияа бад̣̇зсиго ахуд̇ваа бидагад̇д̇аяз саб̣б̣ад̇т̇агамзва б̣аахусажжасаб̣бхаавад̇о саб̣б̣асса ад̇т̇асса гааяанад̇о гат̇анад̇о саб̣б̣ад̇т̇агаб̣ахуссуд̇о. д̇з ид̇ха ад̇хиббзд̇аа бадибад̇д̇ибадивзд̇хасад̣̇д̇хаммаанам̣ муулабхууд̇з барияад̇д̇исад̣̇д̇хаммз суббад̇идтид̇абхаавад̇о.

    Bahu sutaṃ suttageyyādi etenāti bahussuto, sutaggahaṇaṃ cettha nidassanamattaṃ dhāraṇaparicayaparipucchānupekkhanadiṭṭhinijjhānānaṃ pettha icchitabbattā. Savanamūlakattā vā tesampi taggahaṇeneva gahaṇaṃ daṭṭhabbaṃ. Atthakāmena pariyāpuṇitabbato, diṭṭhadhammikādipurisatthasiddhiyā pariyattabhāvato ca pariyatti, tīṇi piṭakāni. Saccappaṭivedho saccānaṃ paṭivijjhanaṃ. Tadapi bāhusaccaṃ yathāvuttabāhusaccakiccanipphattito. Pariyatti adhippetā saccapaṭivedhāvahena bāhusaccena bahussutabhāvassa idha icchitattā. Soti pariyattibahussuto. Catubbidho hoti pañcamassa pakārassa abhāvato. Sabbatthakabahussutoti nissayamuccanakabahussutādayo viya padesiko ahutvā piṭakattaye sabbatthakameva bāhusaccasabbhāvato sabbassa atthassa kāyanato kathanato sabbatthakabahussuto. Te idha adhippetā paṭipattipaṭivedhasaddhammānaṃ mūlabhūte pariyattisaddhamme suppatiṭṭhitabhāvato.

    аарад̣̇д̇ханд̇и баг̇г̇ахид̇ам̣. д̇ам̣ бана д̣̇увид̇хамби вийрияаарамбхавибхааг̇зна д̣̇ассзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣. д̇ад̇т̇а згагаад̇и згаагино, вуубагадтавихааринод̇и ад̇т̇о.

    Āraddhanti paggahitaṃ. Taṃ pana duvidhampi vīriyārambhavibhāgena dassetuṃ ‘‘tatthā’’tiādi vuttaṃ. Tattha ekakāti ekākino, vūpakaṭṭhavihārinoti attho.

    бужчид̇ваад̇и барад̇о бужчид̇ваа. самбадижчаабзд̇унд̇и ‘‘д̇вам̣ асуганаамо’’д̇и вад̇ваа д̇зхи ‘‘аамаа’’д̇и бадиж̇аанаабзд̇унд̇и ад̇т̇о. звам̣ жирагад̇аад̣̇иануссаран̣асамад̇т̇асад̇инзбаггаанам̣ аббагасирзнзва сад̇исамб̣ож̇жхан̇г̇абхааванаабаарибуурим̣ г̇ажчад̇ийд̇и д̣̇ассанад̇т̇ам̣ ‘‘зваруубз бхигкуу санд̇хааяаа’’д̇и вуд̇д̇ам̣. д̇знзвааха ‘‘абижаа’’д̇иаад̣̇и.

    Pucchitvāti parato pucchitvā. Sampaṭicchāpetunti ‘‘tvaṃ asukanāmo’’ti vatvā tehi ‘‘āmā’’ti paṭijānāpetunti attho. Evaṃ cirakatādianussaraṇasamatthasatinepakkānaṃ appakasireneva satisambojjhaṅgabhāvanāpāripūriṃ gacchatīti dassanatthaṃ ‘‘evarūpe bhikkhū sandhāyā’’ti vuttaṃ. Tenevāha ‘‘apicā’’tiādi.

    139. б̣уж̇жхад̇и зд̇ааяаад̇и ‘‘б̣од̇хий’’д̇и лад̣̇д̇ханаамааяа саммаад̣̇идтиаад̣̇ид̇хаммасаамаг̇г̇ияаа ан̇г̇од̇и б̣ож̇жхан̇г̇о, басад̇т̇о, сунд̣̇аро ваа б̣ож̇жхан̇г̇о самб̣ож̇жхан̇г̇о. убадтааналагкан̣од̇и гааяавзд̣̇анаажид̇д̇ад̇хаммаанам̣ асубхад̣̇угкаанижжаанад̇д̇абхаавасаллагкан̣асан̇каад̇ам̣ аарамман̣з убадтаанам̣ лагкан̣ам̣ зд̇ассаад̇и убадтааналагкан̣о. жад̇уннам̣ арияасажжаанам̣ бийл̣анаад̣̇иббагаарад̇о вижаяо убабаригкаа лагкан̣ам̣ зд̇ассаад̇и бавижаяалагкан̣о. ануббаннаа гусалаануббаад̣̇анаад̣̇ивасзна жид̇д̇асса баг̇г̇ахо баг̇г̇ан̣ханам̣ лагкан̣ам̣ зд̇ассаад̇и баг̇г̇ахалагкан̣о. паран̣ам̣ вибпааригад̇аа лагкан̣ам̣ зд̇ассаад̇и паран̣алагкан̣о. убасамо гааяажид̇д̇абарил̣аахаанам̣ вуубасаманам̣ лагкан̣ам̣ зд̇ассаад̇и убасамалагкан̣о. авигкзбо вигкзбавид̣̇д̇хам̣санам̣ лагкан̣ам̣ зд̇ассаад̇и авигкзбалагкан̣о. лийнуд̣̇д̇хажжарахид̇з ад̇хижид̇д̇з бавад̇д̇амаанз баг̇г̇аханиг̇г̇ахасамбахам̣санзсу аб̣яаавадад̇д̇аа аж̇жхубзгканам̣ бадисан̇каанам̣ лагкан̣ам̣ зд̇ассаад̇и бадисан̇кааналагкан̣о.

    139. Bujjhati etāyāti ‘‘bodhī’’ti laddhanāmāya sammādiṭṭhiādidhammasāmaggiyā aṅgoti bojjhaṅgo, pasattho, sundaro vā bojjhaṅgo sambojjhaṅgo. Upaṭṭhānalakkhaṇoti kāyavedanācittadhammānaṃ asubhadukkhāniccānattabhāvasallakkhaṇasaṅkhātaṃ ārammaṇe upaṭṭhānaṃ lakkhaṇaṃ etassāti upaṭṭhānalakkhaṇo. Catunnaṃ ariyasaccānaṃ pīḷanādippakārato vicayo upaparikkhā lakkhaṇaṃ etassāti pavicayalakkhaṇo. Anuppannā kusalānuppādanādivasena cittassa paggaho paggaṇhanaṃ lakkhaṇaṃ etassāti paggahalakkhaṇo. Pharaṇaṃ vipphārikatā lakkhaṇaṃ etassāti pharaṇalakkhaṇo. Upasamo kāyacittapariḷāhānaṃ vūpasamanaṃ lakkhaṇaṃ etassāti upasamalakkhaṇo. Avikkhepo vikkhepaviddhaṃsanaṃ lakkhaṇaṃ etassāti avikkhepalakkhaṇo. Līnuddhaccarahite adhicitte pavattamāne paggahaniggahasampahaṃsanesu abyāvaṭattā ajjhupekkhanaṃ paṭisaṅkhānaṃ lakkhaṇaṃ etassāti paṭisaṅkhānalakkhaṇo.

    жад̇уухи гааран̣зхийд̇и сад̇исамбаж̇ан̃н̃ам̣, мудтассад̇ибуг̇г̇алабариваж̇ж̇анаа, убадтид̇ассад̇ибуг̇г̇аласзванаа, д̇ад̣̇ад̇химуд̇д̇ад̇аад̇и имзхи жад̇уухи гааран̣зхи. чахи гааран̣зхийд̇и барибужчагад̇аа, вад̇т̇увисад̣̇агирияаа, инд̣̇рияасамад̇д̇абадибаад̣̇анаа, д̣̇уббан̃н̃абуг̇г̇алабариваж̇ж̇анаа, бан̃н̃аванд̇абуг̇г̇аласзванаа, д̇ад̣̇ад̇химуд̇д̇ад̇аад̇и имзхи чахи гааран̣зхи. махаасад̇ибадтаанаван̣н̣анааяам̣ бана ‘‘сад̇д̇ахи гааран̣зхий’’ (д̣̇ий. ни. адта. 2.385; ма. ни. адта. 1.118) вагкад̇и, д̇ам̣ г̇амбхийран̃аан̣ажарияаабажжавзгкан̣аад̇и имам̣ гааран̣ам̣ багкибид̇ваа взд̣̇ид̇аб̣б̣ам̣. навахи гааран̣зхийд̇и абааяабхаяабажжавзгкан̣аа, г̇аманавийт̇ибажжавзгкан̣аа, бин̣д̣абаад̇асса абажааяанад̇аа, д̣̇ааяаж̇ж̇амахад̇д̇абажжавзгкан̣аа, сад̇т̇умахад̇д̇абажжавзгкан̣аа, саб̣рахмажаариймахад̇д̇абажжавзгкан̣аа, гусийд̇абуг̇г̇алабариваж̇ж̇анаа, аарад̣̇д̇хавийрияабуг̇г̇аласзванаа, д̇ад̣̇ад̇химуд̇д̇ад̇аад̇и имзхи навахи гааран̣зхи. махаасад̇ибадтаанаван̣н̣анааяам̣ (д̣̇ий. ни. адта. 2.385; ма. ни. адта. 1.118) бана аанисам̣сад̣̇ассаавид̇аа, ж̇аад̇имахад̇д̇абажжавзгкан̣аад̇и имзхи сад̣̇д̇хим̣ ‘‘згаад̣̇асаа’’д̇и вагкад̇и. д̣̇асахи гааран̣зхийд̇и б̣уд̣̇д̇хаануссад̇и, д̇хаммаануссад̇и, сан̇гхасийлажааг̇ад̣̇звад̇ааубасамаануссад̇и, луукабуг̇г̇алабариваж̇ж̇анаа, синид̣̇д̇хабуг̇г̇аласзванаа, д̇ад̣̇ад̇химуд̇д̇ад̇аад̇и имзхи д̣̇асахи. махаасад̇ибадтаанаван̣н̣анааяам̣ (д̣̇ий. ни. адта. 2.385; ма. ни. адта. 1.118) бана басаад̣̇анияасуд̇д̇анд̇абажжавзгкан̣ааяа сад̣̇д̇хим̣ ‘‘згаад̣̇асаа’’д̇и вагкад̇и. сад̇д̇ахи гааран̣зхийд̇и бан̣ийд̇абхож̇анасзванад̇аа , уд̇усукасзванад̇аа, ирияаабат̇асукасзванад̇аа, маж̇жхад̇д̇абаяог̇ад̇аа, саарад̣̇д̇хагааяабуг̇г̇алабариваж̇ж̇анад̇аа , бассад̣̇д̇хагааяабуг̇г̇аласзванад̇аа, д̇ад̣̇ад̇химуд̇д̇ад̇аад̇и имзхи сад̇д̇ахи. д̣̇асахи гааран̣зхийд̇и вад̇т̇увисад̣̇агирияаа, инд̣̇рияасамад̇д̇абадибаад̣̇анаа, нимид̇д̇агусалад̇аа, самаяз жид̇д̇асса баг̇г̇ахан̣ам̣, самаяз жид̇д̇асса ниг̇г̇ахан̣ам̣, самаяз жид̇д̇асса самбахам̣санам̣, самаяз жид̇д̇асса аж̇жхубзгканам̣, асамаахид̇абуг̇г̇алабариваж̇ж̇анам̣, самаахид̇абуг̇г̇аласзванам̣, д̇ад̣̇ад̇химуд̇д̇ад̇аад̇и имзхи д̣̇асахи гааран̣зхи. махаасад̇ибадтаанаван̣н̣анааяам̣ (д̣̇ий. ни. адта. 2.385; ма. ни. адта. 1.118) бана ‘‘жхаанавимогкабажжавзгкан̣аа’’д̇и иминаа сад̣̇д̇хим̣ ‘‘згаад̣̇асахий’’д̇и вагкад̇и. бан̃жахи гааран̣зхийд̇и сад̇д̇амаж̇жхад̇д̇ад̇аа, сан̇каарамаж̇жхад̇д̇ад̇аа, сад̇д̇асан̇каарагзлааяанабуг̇г̇алабариваж̇ж̇анаа, сад̇д̇асан̇каарамаж̇жхад̇д̇абуг̇г̇аласзванаа, д̇ад̣̇ад̇химуд̇д̇ад̇аад̇и имзхи бан̃жахи гааран̣зхи. яам̣ банзд̇т̇а вад̇д̇аб̣б̣ам̣, д̇ам̣ махаасад̇ибадтаанаван̣н̣анааяам̣ (д̣̇ий. ни. адта. 2.385; ма. ни. адта. 1.118) ааг̇амиссад̇и. гаамам̣ б̣од̇хибагкияад̇хаммаа наама ниббарияааяад̇о арияамаг̇г̇асамбаяуд̇д̇аа зва нияяаанигабхаавад̇о. суд̇д̇анд̇ад̣̇зсанаа наама барияааяагат̇аад̇и ‘‘иминаа вибассанаа…бз… гат̇зсий’’д̇и вуд̇д̇ам̣.

    Catūhi kāraṇehīti satisampajaññaṃ, muṭṭhassatipuggalaparivajjanā, upaṭṭhitassatipuggalasevanā, tadadhimuttatāti imehi catūhi kāraṇehi. Chahi kāraṇehīti paripucchakatā, vatthuvisadakiriyā, indriyasamattapaṭipādanā, duppaññapuggalaparivajjanā, paññavantapuggalasevanā, tadadhimuttatāti imehi chahi kāraṇehi. Mahāsatipaṭṭhānavaṇṇanāyaṃ pana ‘‘sattahi kāraṇehī’’ (dī. ni. aṭṭha. 2.385; ma. ni. aṭṭha. 1.118) vakkhati, taṃ gambhīrañāṇacariyāpaccavekkhaṇāti imaṃ kāraṇaṃ pakkhipitvā veditabbaṃ. Navahi kāraṇehīti apāyabhayapaccavekkhaṇā, gamanavīthipaccavekkhaṇā, piṇḍapātassa apacāyanatā, dāyajjamahattapaccavekkhaṇā, satthumahattapaccavekkhaṇā, sabrahmacārīmahattapaccavekkhaṇā, kusītapuggalaparivajjanā, āraddhavīriyapuggalasevanā, tadadhimuttatāti imehi navahi kāraṇehi. Mahāsatipaṭṭhānavaṇṇanāyaṃ (dī. ni. aṭṭha. 2.385; ma. ni. aṭṭha. 1.118) pana ānisaṃsadassāvitā, jātimahattapaccavekkhaṇāti imehi saddhiṃ ‘‘ekādasā’’ti vakkhati. Dasahi kāraṇehīti buddhānussati, dhammānussati, saṅghasīlacāgadevatāupasamānussati, lūkhapuggalaparivajjanā, siniddhapuggalasevanā, tadadhimuttatāti imehi dasahi. Mahāsatipaṭṭhānavaṇṇanāyaṃ (dī. ni. aṭṭha. 2.385; ma. ni. aṭṭha. 1.118) pana pasādaniyasuttantapaccavekkhaṇāya saddhiṃ ‘‘ekādasā’’ti vakkhati. Sattahi kāraṇehīti paṇītabhojanasevanatā , utusukhasevanatā, iriyāpathasukhasevanatā, majjhattapayogatā, sāraddhakāyapuggalaparivajjanatā , passaddhakāyapuggalasevanatā, tadadhimuttatāti imehi sattahi. Dasahi kāraṇehīti vatthuvisadakiriyā, indriyasamattapaṭipādanā, nimittakusalatā, samaye cittassa paggahaṇaṃ, samaye cittassa niggahaṇaṃ, samaye cittassa sampahaṃsanaṃ, samaye cittassa ajjhupekkhanaṃ, asamāhitapuggalaparivajjanaṃ, samāhitapuggalasevanaṃ, tadadhimuttatāti imehi dasahi kāraṇehi. Mahāsatipaṭṭhānavaṇṇanāyaṃ (dī. ni. aṭṭha. 2.385; ma. ni. aṭṭha. 1.118) pana ‘‘jhānavimokkhapaccavekkhaṇā’’ti iminā saddhiṃ ‘‘ekādasahī’’ti vakkhati. Pañcahi kāraṇehīti sattamajjhattatā, saṅkhāramajjhattatā, sattasaṅkhārakelāyanapuggalaparivajjanā, sattasaṅkhāramajjhattapuggalasevanā, tadadhimuttatāti imehi pañcahi kāraṇehi. Yaṃ panettha vattabbaṃ, taṃ mahāsatipaṭṭhānavaṇṇanāyaṃ (dī. ni. aṭṭha. 2.385; ma. ni. aṭṭha. 1.118) āgamissati. Kāmaṃ bodhipakkhiyadhammā nāma nippariyāyato ariyamaggasampayuttā eva niyyānikabhāvato. Suttantadesanā nāma pariyāyakathāti ‘‘iminā vipassanā…pe… kathesī’’ti vuttaṃ.

    140. д̇збхуумагз сан̇каарз ‘‘анижжаа’’д̇и анубассад̇и зд̇ааяаад̇и анижжаанубассанаа, д̇ат̇аа бавад̇д̇аа вибассанаа, саа бана яасмаа ад̇д̇анаа сахаг̇ад̇асан̃н̃ааяа бхаавид̇ааяа вибхаавид̇аа зва ход̇ийд̇и вуд̇д̇ам̣ ‘‘анижжаанубассанааяа сад̣̇д̇хим̣ уббаннасан̃н̃аа’’д̇и. сан̃н̃аасийсзна вааяам̣ вибассанааяа зва нид̣̇д̣̇зсо. анад̇д̇асан̃н̃аад̣̇ийсуби зсзва наяо. логияавибассанааби хонд̇и, яасмаа ‘‘анижжа’’нд̇иаад̣̇инаа д̇аа бавад̇д̇анд̇ийд̇и. логияавибассанаабийд̇и би-сад̣̇д̣̇зна миссагаабзд̇т̇а санд̇ийд̇и ад̇т̇ад̇о аабаннанд̇и ад̇т̇аабад̇д̇исид̣̇д̇хамад̇т̇ам̣ нид̣̇д̇хаарзд̇ваа саруубад̇о д̣̇ассзд̇ум̣ ‘‘вирааг̇о’’д̇иаад̣̇и вуд̇д̇ам̣. д̇ад̇т̇а ааг̇ад̇авасзнаад̇и д̇ат̇аа ааг̇ад̇абаал̣ивасзна ‘‘вирааг̇о нирод̇хо’’д̇и хи д̇ад̇т̇а ниб̣б̣аанам̣ вуд̇д̇анд̇и ид̇ха ‘‘вирааг̇асан̃н̃аа, нирод̇хасан̃н̃аа’’д̇и вуд̇д̇асан̃н̃аа ниб̣б̣аанаарамман̣ааби сияум̣. д̇зна вуд̇д̇ам̣ ‘‘д̣̇вз логуд̇д̇арааби хонд̇ий’’д̇и.

    140. Tebhūmake saṅkhāre ‘‘aniccā’’ti anupassati etāyāti aniccānupassanā, tathā pavattā vipassanā, sā pana yasmā attanā sahagatasaññāya bhāvitāya vibhāvitā eva hotīti vuttaṃ ‘‘aniccānupassanāya saddhiṃ uppannasaññā’’ti. Saññāsīsena vāyaṃ vipassanāya eva niddeso. Anattasaññādīsupi eseva nayo. Lokiyavipassanāpi honti, yasmā ‘‘anicca’’ntiādinā tā pavattantīti. Lokiyavipassanāpīti pi-saddena missakāpettha santīti atthato āpannanti atthāpattisiddhamatthaṃ niddhāretvā sarūpato dassetuṃ ‘‘virāgo’’tiādi vuttaṃ. Tattha āgatavasenāti tathā āgatapāḷivasena ‘‘virāgo nirodho’’ti hi tattha nibbānaṃ vuttanti idha ‘‘virāgasaññā, nirodhasaññā’’ti vuttasaññā nibbānārammaṇāpi siyuṃ. Tena vuttaṃ ‘‘dve lokuttarāpi hontī’’ti.

    141. мзд̇д̇аа зд̇асса ад̇т̇ийд̇и мзд̇д̇ам̣, жид̇д̇ам̣. д̇ам̣самудтаанам̣ гааяагаммам̣ мзд̇д̇ам̣ гааяагаммам̣. зса наяо сзсад̣̇ваязби. имааниби мзд̇д̇аагааяагаммаад̣̇ийни бхигкуунам̣ васзна ааг̇ад̇аани д̇зсам̣ сздтабарисабхаавад̇о. яат̇аа бана бхигкуусуби лаб̣бханд̇и, звам̣ г̇ихийсуби лаб̣бханд̇и жад̇убарисасаад̇хааран̣ад̇д̇аад̇и д̇ам̣ д̣̇ассзнд̇о ‘‘бхигкуунан̃хий’’д̇иаад̣̇имааха. гаамам̣ аад̣̇иб̣рахмажарияагад̇хаммассаванзнаби мзд̇д̇аагааяагаммаани лаб̣бханд̇и, ниббарияааяад̇о бана жаарид̇д̇ад̇хаммассаванзна аяамад̇т̇о ижчид̇од̇и д̣̇ассзнд̇о ‘‘аабхисамаажааригад̇хаммабууран̣а’’нд̇и ааха. д̇збидагамби б̣уд̣̇д̇хаважанам̣ барибужчанаад̇т̇агат̇анавасзна бавад̇д̇ияамаанам̣ хид̇аж̇жхаасаязна бавад̇д̇ид̇аб̣б̣ад̇о.

    141. Mettā etassa atthīti mettaṃ, cittaṃ. Taṃsamuṭṭhānaṃ kāyakammaṃ mettaṃ kāyakammaṃ. Esa nayo sesadvayepi. Imānipi mettākāyakammādīni bhikkhūnaṃ vasena āgatāni tesaṃ seṭṭhaparisabhāvato. Yathā pana bhikkhūsupi labbhanti, evaṃ gihīsupi labbhanti catuparisasādhāraṇattāti taṃ dassento ‘‘bhikkhūnañhī’’tiādimāha. Kāmaṃ ādibrahmacariyakadhammassavanenapi mettākāyakammāni labbhanti, nippariyāyato pana cārittadhammassavanena ayamattho icchitoti dassento ‘‘ābhisamācārikadhammapūraṇa’’nti āha. Tepiṭakampi buddhavacanaṃ paripucchanaatthakathanavasena pavattiyamānaṃ hitajjhāsayena pavattitabbato.

    аавийд̇и багаасам̣, багаасабхааво жзд̇т̇а яам̣ уд̣̇д̣̇исса д̇ам̣ гааяагаммам̣ гарийяад̇и, д̇асса саммукабхаавад̇од̇и ааха ‘‘саммукаа’’д̇и. раход̇и аббагаасам̣, аббагаасад̇аа жа яам̣ уд̣̇д̣̇исса д̇ам̣ гааяагаммам̣ гарийяад̇и, д̇асса бажжагкаабхаавад̇од̇и ааха ‘‘бараммукаа’’д̇и. сахааяабхааваг̇аманам̣ д̇зсам̣ бурад̇о. убхаязхийд̇и навагзхи, т̇зрзхи жа.

    Āvīti pakāsaṃ, pakāsabhāvo cettha yaṃ uddissa taṃ kāyakammaṃ karīyati, tassa sammukhabhāvatoti āha ‘‘sammukhā’’ti. Rahoti appakāsaṃ, appakāsatā ca yaṃ uddissa taṃ kāyakammaṃ karīyati, tassa paccakkhābhāvatoti āha ‘‘parammukhā’’ti. Sahāyabhāvagamanaṃ tesaṃ purato. Ubhayehīti navakehi, therehi ca.

    баг̇г̇аяхаад̇и баг̇г̇ан̣хид̇ваа ужжам̣ гад̇ваа.

    Paggayhāti paggaṇhitvā uccaṃ katvā.

    гаамам̣ мзд̇д̇аасинзхасинид̣̇д̇хаанам̣ наяанаанам̣ уммийланаа, басаннзна мукзна ологанан̃жа мзд̇д̇ам̣ гааяагаммамзва, яасса бана жид̇д̇асса васзна наяанаанам̣ мзд̇д̇аасинзхасинид̣̇д̇хад̇аа, мукасса жа басаннад̇аа, д̇ам̣ санд̇хааяа вуд̇д̇ам̣ ‘‘мзд̇д̇ам̣ маногаммам̣ наамаа’’д̇и.

    Kāmaṃ mettāsinehasiniddhānaṃ nayanānaṃ ummīlanā, pasannena mukhena olokanañca mettaṃ kāyakammameva, yassa pana cittassa vasena nayanānaṃ mettāsinehasiniddhatā, mukhassa ca pasannatā, taṃ sandhāya vuttaṃ ‘‘mettaṃ manokammaṃ nāmā’’ti.

    лаабхасад̣̇д̣̇о гаммасаад̇хано ‘‘лаабхаавад̇а, лаабхо лад̣̇д̇хо’’д̇иаад̣̇ийсу вияа, со жзд̇т̇а ‘‘д̇хаммалад̣̇д̇хаа’’д̇и важанад̇о ад̇ийд̇агаалигод̇и ааха ‘‘жийвараад̣̇аяо лад̣̇д̇хабажжаяаа’’д̇и. д̇хаммад̇о ааг̇ад̇аад̇и д̇хаммигаа. д̇знааха ‘‘д̇хаммалад̣̇д̇хаа’’д̇и. имамзва хи ад̇т̇ам̣ д̣̇ассзд̇ум̣ ‘‘гуханаад̣̇ий’’д̇иаад̣̇и вуд̇д̇ам̣. жид̇д̇зна вибхаж̇анабуб̣б̣агам̣ гааязна вибхаж̇ананд̇и мууламзва д̣̇ассзд̇ум̣ ‘‘звам̣ жид̇д̇зна вибхаж̇ана’’нд̇и вуд̇д̇ам̣, д̇зна жид̇д̇уббаад̣̇амад̇д̇знаби бадивибхааг̇о на гаад̇аб̣б̣од̇и д̣̇ассзд̇и. аббадивибхад̇д̇анд̇и бхааванабум̣саганид̣̇д̣̇зсо, аббадивибхад̇д̇ам̣ ваа лаабхам̣ бхун̃ж̇ад̇ийд̇и гамманид̣̇д̣̇зсо зва.

    Lābhasaddo kammasādhano ‘‘lābhāvata, lābho laddho’’tiādīsu viya, so cettha ‘‘dhammaladdhā’’ti vacanato atītakālikoti āha ‘‘cīvarādayo laddhapaccayā’’ti. Dhammato āgatāti dhammikā. Tenāha ‘‘dhammaladdhā’’ti. Imameva hi atthaṃ dassetuṃ ‘‘kuhanādī’’tiādi vuttaṃ. Cittena vibhajanapubbakaṃ kāyena vibhajananti mūlameva dassetuṃ ‘‘evaṃ cittena vibhajana’’nti vuttaṃ, tena cittuppādamattenapi paṭivibhāgo na kātabboti dasseti. Appaṭivibhattanti bhāvanapuṃsakaniddeso, appaṭivibhattaṃ vā lābhaṃ bhuñjatīti kammaniddeso eva.

    д̇ам̣ д̇ам̣ нзва г̇ихийнам̣ д̣̇зд̇и ад̇д̇ано ааж̇ийвасод̇ханад̇т̇ам̣. на ад̇д̇анаа бхун̃ж̇ад̇ийд̇и ад̇д̇анаава на барибхун̃ж̇ад̇и ‘‘маяхам̣ асаад̇хааран̣абхог̇ид̇аа маа ход̇уу’’д̇и. ‘‘бадиг̇г̇ан̣ханд̇о жа…бз… бассад̇ий’’д̇и иминаа д̇асса лаабхасса д̇ийсуби гаалзсу саад̇хааран̣ад̇о табанам̣ д̣̇ассид̇ам̣. ‘‘бадиг̇г̇ан̣ханд̇о жа сан̇гхзна саад̇хааран̣ам̣ ход̇уу’’д̇и иминаа бадиг̇г̇ахан̣агаало д̣̇ассид̇о, ‘‘г̇ахзд̇ваа…бз… бассад̇ий’’д̇и иминаа бадиг̇г̇ахид̇агаало, д̇ад̣̇убхаяам̣ бана д̇аад̣̇исзна буб̣б̣аабхог̇зна винаа на ход̇ийд̇и ад̇т̇асид̣̇д̇хо буримагаало. д̇аяид̣̇ам̣ бадиг̇г̇ахан̣ад̇о буб̣б̣з васса ход̇и ‘‘сан̇гхзна саад̇хааран̣ам̣ ход̇ууд̇и бадиг̇г̇ахзссаамий’’д̇и. бадиг̇г̇ан̣ханд̇асса ход̇и ‘‘сан̇гхзна саад̇хааран̣ам̣ ход̇ууд̇и бадиг̇г̇ан̣хаамий’’д̇и. бадиг̇г̇ахзд̇ваа ход̇и ‘‘сан̇гхзна саад̇хааран̣ам̣ ход̇ууд̇и бадиг̇г̇ахид̇ам̣ маяаа’’д̇и звам̣ д̇илагкан̣асамбаннам̣ гад̇ваа лад̣̇д̇халаабхам̣ осааналагкан̣ам̣ авигобзд̇ваа барибхун̃ж̇анд̇о саад̇хааран̣абхог̇ий, аббадивибхад̇д̇абхог̇ий жа ход̇и.

    Taṃtaṃ neva gihīnaṃ deti attano ājīvasodhanatthaṃ. Na attanā bhuñjatīti attanāva na paribhuñjati ‘‘mayhaṃ asādhāraṇabhogitā mā hotū’’ti. ‘‘Paṭiggaṇhanto ca…pe… passatī’’ti iminā tassa lābhassa tīsupi kālesu sādhāraṇato ṭhapanaṃ dassitaṃ. ‘‘Paṭiggaṇhanto ca saṅghena sādhāraṇaṃ hotū’’ti iminā paṭiggahaṇakālo dassito, ‘‘gahetvā…pe… passatī’’ti iminā paṭiggahitakālo, tadubhayaṃ pana tādisena pubbābhogena vinā na hotīti atthasiddho purimakālo. Tayidaṃ paṭiggahaṇato pubbe vassa hoti ‘‘saṅghena sādhāraṇaṃ hotūti paṭiggahessāmī’’ti. Paṭiggaṇhantassa hoti ‘‘saṅghena sādhāraṇaṃ hotūti paṭiggaṇhāmī’’ti. Paṭiggahetvā hoti ‘‘saṅghena sādhāraṇaṃ hotūti paṭiggahitaṃ mayā’’ti evaṃ tilakkhaṇasampannaṃ katvā laddhalābhaṃ osānalakkhaṇaṃ avikopetvā paribhuñjanto sādhāraṇabhogī, appaṭivibhattabhogī ca hoti.

    имам̣ бана сааран̣ийяад̇хамманд̇и имам̣ жад̇уд̇т̇ам̣ сарид̇аб̣б̣аяуд̇д̇ад̇хаммам̣. на хи…бз… г̇ан̣ханд̇и, д̇асмаа саад̇хааран̣абхог̇ид̇аа зва д̣̇уссийласса над̇т̇ийд̇и аарамбхоби д̇аава на самбхавад̇и, гуд̇о бууран̣анд̇и ад̇хиббааяо. ‘‘барисуд̣̇д̇хасийло’’д̇и иминаа лаабхасса д̇хаммигабхаавам̣ д̣̇ассзд̇и. ‘‘вад̇д̇ам̣ акан̣д̣знд̇о’’д̇и иминаа аббадивибхад̇д̇абхог̇ид̇ам̣, саад̇хааран̣абхог̇ид̇ан̃жа д̣̇ассзд̇и. сад̇и бана д̇ад̣̇убхаяз сааран̣ийяад̇хаммо буурид̇о зва ход̇ийд̇и ааха ‘‘буурзд̇ий’’д̇и. ‘‘од̣̇иссагам̣ гад̇ваа’’д̇и зд̇зна анод̣̇иссагам̣ гад̇ваа бид̇уно, аажарияубаж̇жхааяаад̣̇ийнам̣ ваа т̇зраасанад̇о бадтааяа д̣̇знд̇асса сааран̣ийяад̇хаммоязва ход̇ийд̇и. сааран̣ийяад̇хаммо банасса на ход̇ийд̇и бадиж̇аг̇г̇анадтаанз од̣̇иссагам̣ гад̇ваа д̣̇иннад̇д̇аа. д̇знааха ‘‘балиб̣од̇хаж̇аг̇г̇анам̣ наама ход̇ий’’д̇иаад̣̇и. яад̣̇и звам̣ саб̣б̣зна саб̣б̣ам̣ сааран̣ийяад̇хаммабуурагасса од̣̇иссагад̣̇аанам̣ на ваддад̇ийд̇и? но на ваддад̇и яуд̇д̇адтаанзд̇и д̣̇ассзнд̇о ‘‘д̇зна банаа’’д̇иаад̣̇имааха. г̇илаанаад̣̇ийнам̣ од̣̇иссагам̣ гад̇ваа д̣̇аанам̣ аббадивибхааг̇абагкигам̣ ‘‘асугасса на д̣̇ассаамий’’д̇и бадигкзбасса абхаавад̇о. б̣яад̇ирзгаббад̇хаано хи бадивибхааг̇о. д̇знааха ‘‘авасзса’’нд̇иаад̣̇и. ад̣̇аад̇умбийд̇и би-сад̣̇д̣̇зна д̣̇аад̇умби ваддад̇ийд̇и д̣̇ассзд̇и, д̇ан̃жа ко гарун̣ааяанавасзна, на вад̇д̇абууран̣авасзна.

    Imaṃ pana sāraṇīyadhammanti imaṃ catutthaṃ saritabbayuttadhammaṃ. Na hi…pe… gaṇhanti, tasmā sādhāraṇabhogitā eva dussīlassa natthīti ārambhopi tāva na sambhavati, kuto pūraṇanti adhippāyo. ‘‘Parisuddhasīlo’’ti iminā lābhassa dhammikabhāvaṃ dasseti. ‘‘Vattaṃ akhaṇḍento’’ti iminā appaṭivibhattabhogitaṃ, sādhāraṇabhogitañca dasseti. Sati pana tadubhaye sāraṇīyadhammo pūrito eva hotīti āha ‘‘pūretī’’ti. ‘‘Odissakaṃkatvā’’ti etena anodissakaṃ katvā pituno, ācariyupajjhāyādīnaṃ vā therāsanato paṭṭhāya dentassa sāraṇīyadhammoyeva hotīti. Sāraṇīyadhammo panassa na hotīti paṭijagganaṭṭhāne odissakaṃ katvā dinnattā. Tenāha ‘‘palibodhajagganaṃ nāma hotī’’tiādi. Yadi evaṃ sabbena sabbaṃ sāraṇīyadhammapūrakassa odissakadānaṃ na vaṭṭatīti? No na vaṭṭati yuttaṭṭhāneti dassento ‘‘tena panā’’tiādimāha. Gilānādīnaṃ odissakaṃ katvā dānaṃ appaṭivibhāgapakkhikaṃ ‘‘asukassa na dassāmī’’ti paṭikkhepassa abhāvato. Byatirekappadhāno hi paṭivibhāgo. Tenāha ‘‘avasesa’’ntiādi. Adātumpīti pi-saddena dātumpi vaṭṭatīti dasseti, tañca kho karuṇāyanavasena, na vattapūraṇavasena.

    сусигкид̇ааяаад̇и сааран̣ийяад̇хаммабууран̣авид̇химхи судту сигкид̇ааяа, сугусалааяаад̇и ад̇т̇о. ид̣̇аани д̇ассаа госаллам̣ д̣̇ассзд̇ум̣ ‘‘сусигкид̇ааяа хий’’д̇иаад̣̇и вуд̇д̇ам̣. ‘‘д̣̇ваад̣̇асахи вассзхи буурад̇и, на д̇ад̇о ора’’нд̇и иминаа д̇асса д̣̇уббууран̣ам̣ д̣̇ассзд̇и. д̇ат̇аа хи со махабпало махаанисам̣со, д̣̇идтад̇хаммигзхиби д̇аава г̇аруд̇арзхи палаанисам̣сзхи жа ануг̇ад̇о. д̇ам̣саман̇г̇ий жа буг̇г̇ало висзсалаабхий арияабуг̇г̇ало вияа логз ажчарияаб̣бхуд̇ад̇хаммасаманнааг̇ад̇о ход̇и. д̇ат̇аа хи со д̣̇уббаж̇ахам̣ д̣̇аанамаяасса, сийламаяасса жа бун̃н̃асса бадибагкад̇хаммам̣ суд̣̇уурз вигкамбхид̇ам̣ гад̇ваа сувисуд̣̇д̇хзна жзд̇асаа логз баагадо бан̃н̃аад̇о худ̇ваа вихарад̇и, д̇ассимамад̇т̇ам̣ б̣яад̇ирзгад̇о, анваяад̇о жа вибхаавзд̇ум̣ ‘‘сажз хий’’д̇иаад̣̇и вуд̇д̇ам̣, д̇ам̣ сувин̃н̃зяяамзва.

    Susikkhitāyāti sāraṇīyadhammapūraṇavidhimhi suṭṭhu sikkhitāya, sukusalāyāti attho. Idāni tassā kosallaṃ dassetuṃ ‘‘susikkhitāya hī’’tiādi vuttaṃ. ‘‘Dvādasahi vassehi pūrati, na tato ora’’nti iminā tassa duppūraṇaṃ dasseti. Tathā hi so mahapphalo mahānisaṃso, diṭṭhadhammikehipi tāva garutarehi phalānisaṃsehi ca anugato. Taṃsamaṅgī ca puggalo visesalābhī ariyapuggalo viya loke acchariyabbhutadhammasamannāgato hoti. Tathā hi so duppajahaṃ dānamayassa, sīlamayassa ca puññassa paṭipakkhadhammaṃ sudūre vikkhambhitaṃ katvā suvisuddhena cetasā loke pākaṭo paññāto hutvā viharati, tassimamatthaṃ byatirekato, anvayato ca vibhāvetuṃ ‘‘sace hī’’tiādi vuttaṃ, taṃ suviññeyyameva.

    ид̣̇аани яз самбарааяигз, д̣̇идтад̇хаммигз жа аанисам̣сз д̣̇ассзд̇ум̣ ‘‘зва’’нд̇иаад̣̇и вуд̇д̇ам̣. нзва иссаа, на мажчарияам̣ ход̇и жирагаалабхааванааяа вид̇худ̇абхаавад̇о. мануссаанам̣ бияо ход̇и барижжааг̇асийлад̇ааяа висуд̣̇д̇хад̇д̇аа. д̇знааха ‘‘д̣̇ад̣̇ам̣ бияо ход̇и бхаж̇анд̇и нам̣ б̣ахуу’’д̇иаад̣̇и (а. ни. 5.34). сулабхабажжаяо ход̇и д̣̇аанавасзна ул̣аараж̇жхаасаяаанам̣ бажжаяалаабхасса ид̇хаанисам̣сабхаавад̇о д̣̇аанасса. бад̇д̇аг̇ад̇ам̣ асса д̣̇ияяамаанам̣ на кийяад̇и бад̇д̇аг̇ад̇авасзна д̣̇ваад̣̇асавассигасса махаабад̇д̇асса авижчзд̣̇зна буурид̇ад̇д̇аа. аг̇г̇абхан̣д̣ам̣ лабхад̇и д̣̇звасигам̣ д̣̇агкин̣зяяаанам̣ аг̇г̇ад̇о бадтааяа д̣̇аанасса д̣̇иннад̇д̇аа. бхаязваа…бз… аабаж̇ж̇анд̇и д̣̇зяяабадиг̇г̇аахагавигаббам̣ агад̇ваа ад̇д̇ани нирабзгкажид̇д̇зна жирагаалам̣ д̣̇аанабуурад̇ааяа басаад̣̇ид̇ажид̇д̇ад̇д̇аа.

    Idāni ye samparāyike, diṭṭhadhammike ca ānisaṃse dassetuṃ ‘‘eva’’ntiādi vuttaṃ. Neva issā, na macchariyaṃ hoti cirakālabhāvanāya vidhutabhāvato. Manussānaṃ piyo hoti pariccāgasīlatāya visuddhattā. Tenāha ‘‘dadaṃ piyo hoti bhajanti naṃ bahū’’tiādi (a. ni. 5.34). Sulabhapaccayo hoti dānavasena uḷārajjhāsayānaṃ paccayalābhassa idhānisaṃsabhāvato dānassa. Pattagataṃ assa diyyamānaṃna khīyati pattagatavasena dvādasavassikassa mahāpattassa avicchedena pūritattā. Aggabhaṇḍaṃ labhati devasikaṃ dakkhiṇeyyānaṃ aggato paṭṭhāya dānassa dinnattā. Bhayevā…pe… āpajjanti deyyapaṭiggāhakavikappaṃ akatvā attani nirapekkhacittena cirakālaṃ dānapūratāya pasāditacittattā.

    д̇ад̇раад̇и д̇зсу аанисам̣сзсу вибхаавзд̇аб̣б̣зсу. имаани д̇ам̣ д̣̇ийбанаани вад̇т̇ууни гааран̣аани. алабханд̇аабийд̇и амахаабун̃н̃ад̇ааяа на лаабхино самаанааби. бхигкаажаарамаг̇г̇асабхааг̇анд̇и сабхааг̇ам̣ д̇аб̣бхааг̇ияам̣ бхигкаажаарамаг̇г̇ам̣ ж̇аананд̇и.

    Tatrāti tesu ānisaṃsesu vibhāvetabbesu. Imāni taṃ dīpanāni vatthūni kāraṇāni. Alabhantāpīti amahāpuññatāya na lābhino samānāpi. Bhikkhācāramaggasabhāganti sabhāgaṃ tabbhāgiyaṃ bhikkhācāramaggaṃ jānanti.

    ануд̇д̇аримануссад̇хаммад̇д̇аа, т̇зраанам̣ сам̣саяавинод̣̇анад̇т̇ан̃жа ‘‘сааран̣ийяад̇хаммо мз бханд̇з буурид̇о’’д̇и ааха. д̇ат̇аа хи д̣̇уд̇ияавад̇т̇усмимби т̇зрзна ад̇д̇аа багаасид̇о. мануссаанам̣ бияад̇ааяа, сулабхабажжаяад̇ааяаби ид̣̇ам̣ вад̇т̇умзва. бад̇д̇аг̇ад̇аакийяанасса бана висзсам̣ вибхааванад̇о ‘‘ид̣̇ам̣ д̇аава…бз… зд̇т̇а вад̇т̇у’’нд̇и вуд̇д̇ам̣.

    Anuttarimanussadhammattā, therānaṃ saṃsayavinodanatthañca ‘‘sāraṇīyadhammo me bhante pūrito’’ti āha. Tathā hi dutiyavatthusmimpi therena attā pakāsito. Manussānaṃ piyatāya, sulabhapaccayatāyapi idaṃ vatthumeva. Pattagatākhīyanassa pana visesaṃ vibhāvanato ‘‘idaṃ tāva…pe… ettha vatthu’’nti vuttaṃ.

    г̇ирибхан̣д̣амахаабууж̇ааяаад̇и жзд̇ияаг̇иримхи сагалалан̇гаад̣̇ийбз, яож̇анаббамаан̣з самуд̣̇д̣̇з жа нааваасан̇гхаадаад̣̇игз табзд̇ваа д̣̇ийбабубпаг̇анд̇хаад̣̇ийхи гарияамаанамахаабууж̇ааяам̣. барияааязнабийд̇и лзсзнаби. анужчавиганд̇и сааран̣ийяад̇хаммабууран̣ад̇оби ид̣̇ам̣ яат̇аабхууд̇аббавзд̣̇анам̣ д̇умхаагам̣ анужчавиганд̇и ад̇т̇о.

    Giribhaṇḍamahāpūjāyāti cetiyagirimhi sakalalaṅkādīpe, yojanappamāṇe samudde ca nāvāsaṅghāṭādike ṭhapetvā dīpapupphagandhādīhi kariyamānamahāpūjāyaṃ. Pariyāyenapīti lesenapi. Anucchavikanti sāraṇīyadhammapūraṇatopi idaṃ yathābhūtappavedanaṃ tumhākaṃ anucchavikanti attho.

    анаарожзд̇ваава балааяим̣су жорабхаязна. ‘‘ад̇д̇ано д̣̇уж̇ж̇ийвигааяаа’’д̇и жа вад̣̇анд̇и.

    Anārocetvāva palāyiṃsu corabhayena. ‘‘Attano dujjīvikāyā’’ti ca vadanti.

    ваддиссад̇ийд̇и габбиссад̇и. т̇зрий сааран̣ийяад̇хаммабууригаа ахоси, т̇зрасса бана сийлад̇зж̇знзва д̣̇звад̇аа уссуггам̣ аабаж̇ж̇и.

    Vaṭṭissatīti kappissati. Therī sāraṇīyadhammapūrikā ahosi, therassa pana sīlatejeneva devatā ussukkaṃ āpajji.

    над̇т̇и зд̇зсам̣ кан̣д̣анд̇и акан̣д̣аани. д̇ам̣ бана нзсам̣ кан̣д̣ам̣ д̣̇ассзд̇ум̣ ‘‘яассаа’’д̇иаад̣̇и вуд̇д̇ам̣. д̇ад̇т̇а убасамбаннасийлаанам̣ уд̣̇д̣̇зсаггамзна аад̣̇и анд̇аа взд̣̇ид̇аб̣б̣аа. д̇знааха ‘‘сад̇д̇асуу’’д̇иаад̣̇и. анубасамбаннасийлаанам̣ бана самаад̣̇аанаггамзнаби аад̣̇и анд̇аа лаб̣бханд̇и. барияанд̇з чиннасаадаго вияаад̇и вад̇т̇анд̇з, д̣̇асанд̇з ваа чиннавад̇т̇ам̣ вияа, висад̣̇исууд̣̇аахаран̣ам̣ жзд̇ам̣ ‘‘акан̣д̣ааний’’д̇и имасса ад̇хиг̇ад̇ад̇д̇аа. звам̣ сзсааниби уд̣̇аахаран̣аани. кан̣д̣ид̇абхиннад̇аа кан̣д̣ам̣, д̇ам̣ зд̇асса ад̇т̇ийд̇и кан̣д̣ам̣, сийлам̣. ‘‘чид̣̇д̣̇а’’нд̇иаад̣̇ийсуби зсзва наяо. взмаж̇жхз бхиннам̣ винивиж̇жханавасзна висабхааг̇аван̣н̣зна г̇аавий вияаад̇и самб̣анд̇хо. саб̣аларахид̇аани асаб̣алаани. д̇ат̇аа агаммаасаани. сийласса д̇ан̣хаад̣̇аасаб̣яад̇о можанам̣ виваддуубаниссаяабхааваабаад̣̇анам̣. яасмаа жа д̇ам̣саман̇г̇ийбуг̇г̇ало сзрий саяам̣васий бхуж̇иссо наама ход̇и, д̇асмааби бхуж̇иссаани. д̇знзвааха ‘‘бхуж̇иссабхаавагааран̣ад̇о бхуж̇иссааний’’д̇и. субарисуд̣̇д̇хабхаавзна баасам̣сад̇д̇аа вин̃н̃убасад̇т̇аани. иминаахам̣ сийлзна д̣̇зво ваа бхавзяяам̣, д̣̇зван̃н̃ад̇аро ваа, д̇ад̇т̇а ‘‘нижжо д̇хуво сассад̇о’’д̇и, ‘‘сийлзна суд̣̇д̇хий’’д̇и жа звам̣ аад̣̇инаа д̇ан̣хаад̣̇идтийхи абараамадтад̇д̇аа. ‘‘аяам̣ д̇з сийлзсу д̣̇осо’’д̇и жад̇уусуби вибад̇д̇ийсу яааяа гааяажи вибад̇д̇ияаа д̣̇ассанзна бараамадтум̣ ануд̣̇д̇хам̣сзд̇ум̣. самаад̇хисам̣вад̇д̇анаббаяож̇анаани самаад̇хисам̣вад̇д̇анигаани.

    Natthi etesaṃ khaṇḍanti akhaṇḍāni. Taṃ pana nesaṃ khaṇḍaṃ dassetuṃ ‘‘yassā’’tiādi vuttaṃ. Tattha upasampannasīlānaṃ uddesakkamena ādi antā veditabbā. Tenāha ‘‘sattasū’’tiādi. Anupasampannasīlānaṃ pana samādānakkamenapi ādi antā labbhanti. Pariyante chinnasāṭako viyāti vatthante, dasante vā chinnavatthaṃ viya, visadisūdāharaṇaṃ cetaṃ ‘‘akhaṇḍānī’’ti imassa adhigatattā. Evaṃ sesānipi udāharaṇāni. Khaṇḍitabhinnatā khaṇḍaṃ, taṃ etassa atthīti khaṇḍaṃ, sīlaṃ. ‘‘Chidda’’ntiādīsupi eseva nayo. Vemajjhe bhinnaṃ vinivijjhanavasena visabhāgavaṇṇena gāvī viyāti sambandho. Sabalarahitāni asabalāni. Tathā akammāsāni. Sīlassa taṇhādāsabyato mocanaṃ vivaṭṭūpanissayabhāvāpādanaṃ. Yasmā ca taṃsamaṅgīpuggalo serī sayaṃvasī bhujisso nāma hoti, tasmāpi bhujissāni. Tenevāha ‘‘bhujissabhāvakāraṇatobhujissānī’’ti. Suparisuddhabhāvena pāsaṃsattā viññupasatthāni. Imināhaṃ sīlena devo vā bhaveyyaṃ, devaññataro vā, tattha ‘‘nicco dhuvo sassato’’ti, ‘‘sīlena suddhī’’ti ca evaṃ ādinā taṇhādiṭṭhīhi aparāmaṭṭhattā. ‘‘Ayaṃ te sīlesu doso’’ti catūsupi vipattīsu yāya kāyaci vipattiyā dassanena parāmaṭṭhuṃ anuddhaṃsetuṃ. Samādhisaṃvattanappayojanāni samādhisaṃvattanikāni.

    самаанабхаавуубаг̇ад̇асийлаад̇и сийласамбад̇д̇ияаа самаанабхаавам̣ убаг̇ад̇асийлаа сабхааг̇авуд̇д̇игаа. гаамам̣ бут̇уж̇ж̇анаанан̃жа жад̇убаарисуд̣̇д̇хисийлз наанад̇д̇ам̣ на сияаа, д̇ам̣ бана на зганд̇игам̣, ид̣̇ам̣ зганд̇игам̣ нияад̇абхаавад̇од̇и ааха ‘‘над̇т̇и маг̇г̇асийлз наанад̇д̇а’’нд̇и. д̇ам̣ санд̇хааязд̇ам̣ вуд̇д̇анд̇и маг̇г̇асийлам̣ санд̇хааяа зд̇ам̣ ‘‘яаани д̇аани сийлааний’’д̇иаад̣̇и вуд̇д̇ам̣.

    Samānabhāvūpagatasīlāti sīlasampattiyā samānabhāvaṃ upagatasīlā sabhāgavuttikā. Kāmaṃ puthujjanānañca catupārisuddhisīle nānattaṃ na siyā, taṃ pana na ekantikaṃ, idaṃ ekantikaṃ niyatabhāvatoti āha ‘‘natthi maggasīle nānatta’’nti. Taṃ sandhāyetaṃ vuttanti maggasīlaṃ sandhāya etaṃ ‘‘yāni tāni sīlānī’’tiādi vuttaṃ.

    яааяанд̇и яаа аяам̣ маяхан̃жзва д̇умхааган̃жа бажжагкабхууд̇аа . д̣̇идтийд̇и маг̇г̇асаммаад̣̇идти. нид̣̇д̣̇осаад̇и нид̇худ̇ад̣̇осаа, самужчиннарааг̇аад̣̇ибаабад̇хаммаад̇и ад̇т̇о. нияяаад̇ийд̇и ваддад̣̇угкад̇о ниссарад̇и ниг̇ажчад̇и. саяам̣ нияяанд̇ассзва хи ‘‘д̇ам̣саман̇г̇ийбуг̇г̇алам̣ ваддад̣̇угкад̇о нияяаабзд̇ий’’д̇и вужжад̇и. яаа сад̇т̇у анусидти, д̇ам̣ гарод̇ийд̇и д̇аггаро, д̇асса, яат̇аанусидтам̣ бадибаж̇ж̇анагассаад̇и ад̇т̇о. самаанад̣̇идтибхааванд̇и сад̣̇исад̣̇идтибхаавам̣ сажжасамбадивзд̇хзна абхиннад̣̇идтибхаавам̣. вуд̣̇д̇хиязваад̇и арияавинаяз г̇ун̣зхи вуд̣дхиязва, но барихаанийд̇и аяам̣ абарихаанияад̇хаммад̣̇зсанаа ад̇д̇аноби саасанасса ад̣̇д̇ханияад̇ам̣ ааган̇канд̇зна бхаг̇авад̇аа ид̇ха д̣̇зсид̇аа.

    Yāyanti yā ayaṃ mayhañceva tumhākañca paccakkhabhūtā . Diṭṭhīti maggasammādiṭṭhi. Niddosāti nidhutadosā, samucchinnarāgādipāpadhammāti attho. Niyyātīti vaṭṭadukkhato nissarati nigacchati. Sayaṃ niyyantasseva hi ‘‘taṃsamaṅgīpuggalaṃ vaṭṭadukkhato niyyāpetī’’ti vuccati. Yā satthu anusiṭṭhi, taṃ karotīti takkaro, tassa, yathānusiṭṭhaṃ paṭipajjanakassāti attho. Samānadiṭṭhibhāvanti sadisadiṭṭhibhāvaṃ saccasampaṭivedhena abhinnadiṭṭhibhāvaṃ. Vuddhiyevāti ariyavinaye guṇehi vuḍḍhiyeva, no parihānīti ayaṃ aparihāniyadhammadesanā attanopi sāsanassa addhaniyataṃ ākaṅkhantena bhagavatā idha desitā.

    142. аасаннабариниб̣б̣аанад̇д̇аад̇и гад̇ибаяамаасаад̇хигзна сам̣важчарамад̇д̇зна бариниб̣б̣аанам̣ бхависсад̇ийд̇и гад̇ваа вуд̇д̇ам̣. зд̇ам̣язваад̇и ‘‘ид̇и сийла’’нд̇иаад̣̇игам̣язва ид̇и сийланд̇и зд̇т̇а ид̇и-сад̣̇д̣̇о багаарад̇т̇о, баримаан̣ад̇т̇о жа згаж̇жхам̣ гад̇ваа г̇ахид̇од̇и ааха ‘‘звам̣ сийлам̣ зд̇д̇агам̣ сийла’’нд̇и. звам̣ сийланд̇и звам̣ бабхзд̣̇ам̣ сийлам̣. зд̇д̇аганд̇и зд̇ам̣ барамам̣, на ид̇о бхияяо. жад̇убаарисуд̣̇д̇хисийланд̇и маг̇г̇асса самбхаарабхууд̇ам̣ логияажад̇убаарисуд̣̇д̇хисийлам̣. жид̇д̇згаг̇г̇ад̇аа самаад̇хийд̇и зд̇т̇ааби зсзва наяо. яасмим̣ сийлз тад̇ваад̇и яасмим̣ логуд̇д̇арагусаласса бад̣̇адтаанабхууд̇з ‘‘буб̣б̣зва ко банасса гааяагаммам̣ важийгаммам̣ ааж̇ийво субарисуд̣̇д̇хо ход̇ий’’д̇и (ма. ни. 3.431; гат̇аа. 874) звам̣ вуд̇д̇асийлз бад̇идтааяа. зсод̇и маг̇г̇апаласамаад̇хи. барибхаавид̇од̇и д̇зна сийлзна саб̣б̣асо бхаавид̇о самбхаавид̇о. махабпало ход̇и махаанисам̣сод̇и маг̇г̇асамаад̇хи д̇аава сааман̃н̃апалзхи махабпало, ваддад̣̇угкавуубасамзна махаанисам̣со. ид̇аро бадиббассад̣̇д̇хиббахаанзна махабпало, ниб̣б̣уд̇исукуббад̇д̇ияаа махаанисам̣со. яамхи самаад̇химхи тад̇ваад̇и яасмим̣ логуд̇д̇арагусаласса бад̣̇адтаанабхууд̇з баад̣̇агаж̇жхаанасамаад̇химхи жзва вудтаанаг̇ааминисамаад̇химхи жа тад̇ваа. саад̇и маг̇г̇апалабан̃н̃аа. д̇зна барибхаавид̇аад̇и д̇зна яат̇аавуд̇д̇асамаад̇хинаа саб̣б̣асо бхаавид̇аа барибхаавид̇аа. махабпаламахаанисам̣сад̇аа самаад̇химхи вуд̇д̇анаязна взд̣̇ид̇аб̣б̣аа. аби жа д̇з б̣ож̇жхан̇г̇амаг̇г̇ан̇г̇ажхаанан̇г̇аббабхзд̣̇ахзд̇уд̇ааяа махабпалаа сад̇д̇ад̣̇агкин̣зяяабуг̇г̇алавибхааг̇ахзд̇уд̇ааяа махаанисам̣саад̇и взд̣̇ид̇аб̣б̣аа. яааяа бан̃н̃ааяа тад̇ваад̇и яааяам̣ вибассанаабан̃н̃ааяам̣, самаад̇хивибассанаабан̃н̃ааяам̣ ваа тад̇ваа. самат̇аяаанигасса хи самаад̇хисахаг̇ад̇ааби бан̃н̃аа маг̇г̇аад̇хиг̇амааяа висзсабажжаяо ход̇иязва. саммад̣̇зваад̇и судтуязва яат̇аа аасаваанам̣ лзсоби наавасиссад̇и, звам̣ саб̣б̣асо аасавзхи вимужжад̇и. аг̇г̇амаг̇г̇агкан̣ан̃хи санд̇хааязд̇ам̣ вуд̇д̇ам̣.

    142.Āsannaparinibbānattāti katipayamāsādhikena saṃvaccharamattena parinibbānaṃ bhavissatīti katvā vuttaṃ. Etaṃyevāti ‘‘iti sīla’’ntiādikaṃyeva iti sīlanti ettha iti-saddo pakārattho, parimāṇattho ca ekajjhaṃ katvā gahitoti āha ‘‘evaṃ sīlaṃ ettakaṃ sīla’’nti. Evaṃ sīlanti evaṃ pabhedaṃ sīlaṃ. Ettakanti etaṃ paramaṃ, na ito bhiyyo. Catupārisuddhisīlanti maggassa sambhārabhūtaṃ lokiyacatupārisuddhisīlaṃ. Cittekaggatā samādhīti etthāpi eseva nayo. Yasmiṃ sīle ṭhatvāti yasmiṃ lokuttarakusalassa padaṭṭhānabhūte ‘‘pubbeva kho panassa kāyakammaṃ vacīkammaṃ ājīvo suparisuddho hotī’’ti (ma. ni. 3.431; kathā. 874) evaṃ vuttasīle patiṭṭhāya. Esoti maggaphalasamādhi. Paribhāvitoti tena sīlena sabbaso bhāvito sambhāvito. Mahapphalo hoti mahānisaṃsoti maggasamādhi tāva sāmaññaphalehi mahapphalo, vaṭṭadukkhavūpasamena mahānisaṃso. Itaro paṭippassaddhippahānena mahapphalo, nibbutisukhuppattiyā mahānisaṃso. Yamhi samādhimhiṭhatvāti yasmiṃ lokuttarakusalassa padaṭṭhānabhūte pādakajjhānasamādhimhi ceva vuṭṭhānagāminisamādhimhi ca ṭhatvā. Sāti maggaphalapaññā. Tena paribhāvitāti tena yathāvuttasamādhinā sabbaso bhāvitā paribhāvitā. Mahapphalamahānisaṃsatā samādhimhi vuttanayena veditabbā. Api ca te bojjhaṅgamaggaṅgajhānaṅgappabhedahetutāya mahapphalā sattadakkhiṇeyyapuggalavibhāgahetutāya mahānisaṃsāti veditabbā. Yāya paññāya ṭhatvāti yāyaṃ vipassanāpaññāyaṃ, samādhivipassanāpaññāyaṃ vā ṭhatvā. Samathayānikassa hi samādhisahagatāpi paññā maggādhigamāya visesapaccayo hotiyeva. Sammadevāti suṭṭhuyeva yathā āsavānaṃ lesopi nāvasissati, evaṃ sabbaso āsavehi vimuccati. Aggamaggakkhaṇañhi sandhāyetaṃ vuttaṃ.

    143. логияад̇т̇асад̣̇д̣̇аанам̣ вияа абхиранд̇а-сад̣̇д̣̇асса сид̣̇д̇хи д̣̇адтаб̣б̣аа. абхиранд̇ам̣ абхирад̇ам̣ абхирад̇ийд̇и хи ад̇т̇ад̇о згам̣. абхиранд̇а-сад̣̇д̣̇о жааяам̣ абхиружибарияааяо, на ассаад̣̇абарияааяо. ассаад̣̇авасзна хи гад̇т̇ажи васанд̇асса ассаад̣̇авад̇т̇увиг̇амзна сияаа д̇асса д̇ад̇т̇а анабхирад̇и, яад̣̇ид̣̇ам̣ кийн̣аасаваанам̣ над̇т̇и, баг̇зва б̣уд̣̇д̇хаананд̇и ааха ‘‘б̣уд̣̇д̇хаанам̣…бз… над̇т̇ий’’д̇и. абхирад̇ивасзна гад̇т̇ажи васид̇ваа д̇ад̣̇абхаавад̇о ан̃н̃ад̇т̇а г̇аманам̣ наама б̣уд̣̇д̇хаанам̣ над̇т̇и. взнзяяавинаяанад̇т̇ам̣ бана гад̇т̇ажи васид̇ваа д̇асмим̣ сид̣̇д̇хз взнзяяавинаяанад̇т̇амзва д̇ад̇о ан̃н̃ад̇т̇а г̇ажчанд̇и, аяамзд̇т̇а яат̇ааружи. ааяаамаад̇и зд̇т̇а аа-сад̣̇д̣̇о ‘‘ааг̇ажчаа’’д̇и иминаа самаанад̇т̇од̇и ааха ‘‘зхи яаамаа’’д̇и. аяаамаад̇и бана баатз а-гааро нибаад̇амад̇д̇ам̣. санд̇игааважарад̇д̇аа т̇зрам̣ аалабад̇и, на бана д̇ад̣̇аа сад̇т̇у санд̇игз васанд̇аанам̣ бхигкуунам̣ абхаавад̇о. абарижчиннаг̇ан̣ано хи д̇ад̣̇аа бхаг̇авад̇о санд̇игз бхигкусан̇гхо . д̇знааха ‘‘махад̇аа бхигкусан̇гхзна сад̣̇д̇хи’’нд̇и. амб̣аладтигааг̇амананд̇и амб̣аладтигааг̇аманабадисам̣яуд̇д̇абаатамааха. баадалиг̇аманзд̇и зд̇т̇ааби зсзва наяо. уд̇д̇аанамзва ананд̇арам̣, хздтаа жа сам̣ван̣н̣ид̇аруубад̇д̇аа.

    143. Lokiyatthasaddānaṃ viya abhiranta-saddassa siddhi daṭṭhabbā. Abhirantaṃ abhirataṃ abhiratīti hi atthato ekaṃ. Abhiranta-saddo cāyaṃ abhirucipariyāyo, na assādapariyāyo. Assādavasena hi katthaci vasantassa assādavatthuvigamena siyā tassa tattha anabhirati, yadidaṃ khīṇāsavānaṃ natthi, pageva buddhānanti āha ‘‘buddhānaṃ…pe… natthī’’ti. Abhirativasena katthaci vasitvā tadabhāvato aññattha gamanaṃ nāma buddhānaṃ natthi. Veneyyavinayanatthaṃ pana katthaci vasitvā tasmiṃ siddhe veneyyavinayanatthameva tato aññattha gacchanti, ayamettha yathāruci. Āyāmāti ettha ā-saddo ‘‘āgacchā’’ti iminā samānatthoti āha ‘‘ehi yāmā’’ti. Ayāmāti pana pāṭhe a-kāro nipātamattaṃ. Santikāvacarattā theraṃ ālapati, na pana tadā satthu santike vasantānaṃ bhikkhūnaṃ abhāvato. Aparicchinnagaṇano hi tadā bhagavato santike bhikkhusaṅgho . Tenāha ‘‘mahatā bhikkhusaṅghena saddhi’’nti. Ambalaṭṭhikāgamananti ambalaṭṭhikāgamanapaṭisaṃyuttapāṭhamāha. Pāṭaligamaneti etthāpi eseva nayo. Uttānameva anantaraṃ, heṭṭhā ca saṃvaṇṇitarūpattā.

    саарибуд̇д̇асийханаад̣̇аван̣н̣анаа

    Sāriputtasīhanādavaṇṇanā

    145. ‘‘ааяасмаа саарибуд̇д̇о’’д̇иаад̣̇и баатаж̇аад̇ам̣. самбасаад̣̇анийязд̇и самбасаад̣̇анийяасуд̇д̇з (д̣̇ий. ни. 3.141) вид̇т̇аарид̇ам̣ бораан̣адтагат̇ааяам̣, д̇асмаа маяамби д̇ад̇т̇зва нам̣ ад̇т̇ад̇о вид̇т̇аараяиссаамаад̇и ад̇хиббааяо.

    145.‘‘Āyasmā sāriputto’’tiādi pāṭhajātaṃ. Sampasādanīyeti sampasādanīyasutte (dī. ni. 3.141) vitthāritaṃ porāṇaṭṭhakathāyaṃ, tasmā mayampi tattheva naṃ atthato vitthārayissāmāti adhippāyo.

    д̣̇уссийлааад̣̇ийнававан̣н̣анаа

    Dussīlaādīnavavaṇṇanā

    148. ааг̇анд̇ваа васанд̇и зд̇т̇а ааг̇анд̇угаад̇и аавасат̇о, д̇ад̣̇зва аг̇ааранд̇и ааха ‘‘аавасат̇ааг̇ааранд̇и ааг̇анд̇угаанам̣ аавасат̇аг̇зха’’нд̇и. д̣̇виннам̣ рааж̇уунанд̇и лижчавирааж̇амаг̇ад̇харааж̇уунам̣. сахааяагаад̇и сзвагаа. гулаанийд̇и гудумб̣игз. сант̇ад̇анд̇и сант̇ари, саб̣б̣ам̣ сант̇ари саб̣б̣асант̇ари, д̇ам̣ саб̣б̣асант̇арим̣. бхааванабум̣саганид̣̇д̣̇зсо жааяам̣. д̇знааха ‘‘яат̇аа саб̣б̣ам̣ сант̇ад̇ам̣ ход̇и, зва’’нд̇и.

    148. Āgantvā vasanti ettha āgantukāti āvasatho, tadeva agāranti āha ‘‘āvasathāgāranti āgantukānaṃ āvasathageha’’nti. Dvinnaṃrājūnanti licchavirājamagadharājūnaṃ. Sahāyakāti sevakā. Kulānīti kuṭumbike. Santhatanti santhari, sabbaṃ santhari sabbasanthari, taṃ sabbasanthariṃ. Bhāvanapuṃsakaniddeso cāyaṃ. Tenāha ‘‘yathā sabbaṃ santhataṃ hoti, eva’’nti.

    149. д̣̇уссийлод̇и зд̇т̇а д̣̇у-сад̣̇д̣̇о абхаавад̇т̇о ‘‘д̣̇уббан̃н̃о’’д̇иаад̣̇ийсу (ма. ни. 1.449; а. ни. 5.10) вияа, на г̇арахад̇т̇од̇и ааха ‘‘асийло ниссийло’’д̇и. бхиннасам̣варод̇и зд̇т̇а яо самаад̣̇иннасийло гзнажи гааран̣зна сийлабхзд̣̇ам̣ бад̇д̇о, со д̇аава бхиннасам̣варо ход̇и. яо бана саб̣б̣зна саб̣б̣ам̣ асамаад̣̇иннасийло аажаарахийно, со гат̇ам̣ бхиннасам̣варо наама ход̇ийд̇и? соби саад̇хусамаажаарасса барихаанияасса бхзд̣̇ид̇ад̇д̇аа бхиннасам̣варо зва наама. виссадтасам̣варо сам̣варарахид̇од̇и хи вуд̇д̇ам̣ ход̇и.

    149.Dussīloti ettha du-saddo abhāvattho ‘‘duppañño’’tiādīsu (ma. ni. 1.449; a. ni. 5.10) viya, na garahatthoti āha ‘‘asīlo nissīlo’’ti. Bhinnasaṃvaroti ettha yo samādinnasīlo kenaci kāraṇena sīlabhedaṃ patto, so tāva bhinnasaṃvaro hoti. Yo pana sabbena sabbaṃ asamādinnasīlo ācārahīno, so kathaṃ bhinnasaṃvaro nāma hotīti? Sopi sādhusamācārassa parihāniyassa bheditattā bhinnasaṃvaro eva nāma. Vissaṭṭhasaṃvaro saṃvararahitoti hi vuttaṃ hoti.

    д̇ам̣ д̇ам̣ сиббадтаанам̣. маагхаад̇агаалзд̇и ‘‘маа гхаад̇зт̇а баан̣ино’’д̇и звам̣ маагхаад̇аад̇и гхосанам̣ гхосид̇ад̣̇ивасз.

    Taṃ taṃ sippaṭṭhānaṃ. Māghātakāleti ‘‘mā ghātetha pāṇino’’ti evaṃ māghātāti ghosanaṃ ghositadivase.

    аб̣бхуг̇г̇ажчад̇и баабаго гид̇д̇исад̣̇д̣̇о.

    Abbhuggacchati pāpako kittisaddo.

    аж̇жхаасаязна ман̇гу ход̇иязва виббадисаарибхаавад̇о.

    Ajjhāsayena maṅku hotiyeva vippaṭisāribhāvato.

    д̇ассаад̇и д̣̇уссийласса. самаад̣̇ааяа бавад̇д̇идтаананд̇и удтааяа самудтааяа гад̇агааран̣ам̣. аабаат̇ам̣ ааг̇ажчад̇ийд̇и д̇ам̣ манасо убадтаад̇и. уммийлзд̇ваа ид̇халоганд̇и уммийланагаалз ад̇д̇ано буд̇д̇ад̣̇аараад̣̇ид̣̇ассанавасзна ид̇ха логам̣ бассад̇и. нимийлзд̇ваа баралоганд̇и нимийланагаалз г̇ад̇инимид̇д̇убадтаанавасзна баралогам̣ бассад̇и. д̇знааха ‘‘жад̇д̇ааро абааяаа’’д̇иаад̣̇и. бан̃жамабад̣̇анд̇и ‘‘гааяасса бхзд̣̇аа’’д̇иаад̣̇инаа вуд̇д̇о бан̃жамо аад̣̇ийнавагодтаасо.

    Tassāti dussīlassa. Samādāya pavattiṭṭhānanti uṭṭhāya samuṭṭhāya katakāraṇaṃ. Āpāthaṃ āgacchatīti taṃ manaso upaṭṭhāti. Ummīletvā idhalokanti ummīlanakāle attano puttadārādidassanavasena idha lokaṃ passati. Nimīletvā paralokanti nimīlanakāle gatinimittupaṭṭhānavasena paralokaṃ passati. Tenāha ‘‘cattāro apāyā’’tiādi. Pañcamapadanti ‘‘kāyassa bhedā’’tiādinā vutto pañcamo ādīnavakoṭṭhāso.

    сийлаванд̇ааанисам̣саван̣н̣анаа

    Sīlavantaānisaṃsavaṇṇanā

    150. вуд̇д̇авибарияааязнаад̇и вуд̇д̇ааяа аад̣̇ийнавагат̇ааяа вибарияааязна. ‘‘аббамад̇д̇о д̇ам̣ д̇ам̣ гасиваан̣иж̇ж̇аад̣̇им̣ яат̇аагаалам̣ самбаад̣̇зд̇ум̣ саггод̇ий’’д̇иаад̣̇инаа ‘‘баасам̣сам̣ сийламасса ад̇т̇ийд̇и сийлаваа. сийласамбаннод̇и сийлзна саманнааг̇ад̇о. самбаннасийло’’д̇и звамаад̣̇игам̣ бана ад̇т̇аважанам̣ сугаранд̇и анаамадтам̣.

    150.Vuttavipariyāyenāti vuttāya ādīnavakathāya vipariyāyena. ‘‘Appamatto taṃ taṃ kasivāṇijjādiṃ yathākālaṃ sampādetuṃ sakkotī’’tiādinā ‘‘pāsaṃsaṃ sīlamassa atthīti sīlavā. Sīlasampannoti sīlena samannāgato. Sampannasīlo’’ti evamādikaṃ pana atthavacanaṃ sukaranti anāmaṭṭhaṃ.

    151. баал̣имуд̇д̇агааяаад̇и сан̇г̇ийд̇ианаарул̣хааяа д̇хаммигат̇ааяа. д̇ад̇т̇зваад̇и аавасат̇ааг̇аарз зва.

    151.Pāḷimuttakāyāti saṅgītianāruḷhāya dhammikathāya. Tatthevāti āvasathāgāre eva.

    баадалибуд̇д̇анаг̇арамаабанаван̣н̣анаа

    Pāṭaliputtanagaramāpanavaṇṇanā

    152. иссарияамад̇д̇ааяаад̇и иссарияаббамаан̣зна, иссариязна жзва вид̇д̇уубагаран̣зна жаад̇и звам̣ ваа ад̇т̇о д̣̇адтаб̣б̣о. убабхог̇уубагаран̣ааниби хи логз ‘‘мад̇д̇аа’’д̇и вужжанд̇и. баадалиг̇аамам̣ наг̇арам̣ гад̇ваад̇и буб̣б̣з ‘‘баадалиг̇аамо’’д̇и лад̣̇д̇ханаамам̣ таанам̣ ид̣̇аани наг̇арам̣ гад̇ваа. маабзнд̇ийд̇и бад̇идтаабзнд̇и. ааяамукабажчинд̣̇анад̇т̇анд̇и ааяад̣̇ваараанам̣ убажчзд̣̇анааяа. ‘‘сахассасзваа’’д̇и ваа баато, сахассасо зва. д̇знааха ‘‘згзгаваг̇г̇авасзна сахассам̣ сахассам̣ худ̇ваа’’д̇и. гхаравад̇т̇уунийд̇и гхарабад̇идтаабанадтаанаани. жид̇д̇аани наманд̇ийд̇и д̇ам̣д̇ам̣д̣̇звад̇аанубхаавзна д̇ад̇т̇а д̇ад̇т̇зва жид̇д̇аани наманд̇и вад̇т̇увиж̇ж̇аабаатагаанам̣, яад̇т̇а яад̇т̇а д̇аахи вад̇т̇ууни бариг̇г̇ахид̇аани. сиббаанубхаавзнаад̇и сиббаануг̇ад̇авиж̇ж̇аанубхаавзна. нааг̇аг̇г̇ааход̇и нааг̇аанам̣ ниваасаббариг̇г̇ахо. сзсад̣̇ваязсуби зсзва наяо. баасаан̣од̇и аббалагкан̣абаасаан̣о. каан̣угод̇и яо гожи каан̣уго . сиббам̣ ж̇аббид̇ваа д̇аад̣̇исам̣ саарамбхадтаанам̣ барихарид̇ваа анаарамбхз таанз д̇аахи вад̇т̇убариг̇г̇аахигаахи д̣̇звад̇аахи сад̣̇д̇хим̣ манд̇аяамаанаа вияа д̇ам̣д̇ам̣г̇зхаани маабзнд̇и убад̣̇зсад̣̇аанавасзна. нзсанд̇и вад̇т̇увиж̇ж̇аабаатагаанам̣, саб̣б̣аасам̣ д̣̇звад̇аанам̣. ман̇г̇алам̣ вад̣дхаабзссанд̇ийд̇и ман̇г̇алам̣ б̣руухзссанд̇и. бан̣д̣ид̇ад̣̇ассанаад̣̇ийни хи уд̇д̇амаман̇г̇алаани. д̇знааха ‘‘ат̇а маяа’’нд̇иаад̣̇и.

    152.Issariyamattāyāti issariyappamāṇena, issariyena ceva vittūpakaraṇena cāti evaṃ vā attho daṭṭhabbo. Upabhogūpakaraṇānipi hi loke ‘‘mattā’’ti vuccanti. Pāṭaligāmaṃ nagaraṃ katvāti pubbe ‘‘pāṭaligāmo’’ti laddhanāmaṃ ṭhānaṃ idāni nagaraṃ katvā. Māpentīti patiṭṭhāpenti. Āyamukhapacchindanatthanti āyadvārānaṃ upacchedanāya. ‘‘Sahassasevā’’ti vā pāṭho, sahassaso eva. Tenāha ‘‘ekekavaggavasena sahassaṃ sahassaṃ hutvā’’ti. Gharavatthūnīti gharapatiṭṭhāpanaṭṭhānāni. Cittāni namantīti taṃtaṃdevatānubhāvena tattha tattheva cittāni namanti vatthuvijjāpāṭhakānaṃ, yattha yattha tāhi vatthūni pariggahitāni. Sippānubhāvenāti sippānugatavijjānubhāvena. Nāgaggāhoti nāgānaṃ nivāsappariggaho. Sesadvayesupi eseva nayo. Pāsāṇoti appalakkhaṇapāsāṇo. Khāṇukoti yo koci khāṇuko . Sippaṃ jappitvā tādisaṃ sārambhaṭṭhānaṃ pariharitvā anārambhe ṭhāne tāhi vatthupariggāhikāhi devatāhi saddhiṃ mantayamānāviya taṃtaṃgehāni māpenti upadesadānavasena. Nesanti vatthuvijjāpāṭhakānaṃ, sabbāsaṃ devatānaṃ. Maṅgalaṃ vaḍḍhāpessantīti maṅgalaṃ brūhessanti. Paṇḍitadassanādīni hi uttamamaṅgalāni. Tenāha ‘‘atha maya’’ntiādi.

    сад̣̇д̣̇о аб̣бхуг̇г̇ажчад̇и аваяавад̇хаммзна самуд̣̇ааяасса абад̣̇исид̇аб̣б̣ад̇о яат̇аа ‘‘алан̇гад̇о д̣̇звад̣̇ад̇д̇о’’д̇и.

    Saddo abbhuggacchati avayavadhammena samudāyassa apadisitabbato yathā ‘‘alaṅkato devadatto’’ti.

    арияагамануссаананд̇и арияад̣̇зсаваасимануссаанам̣. раасивасзнзваад̇и ‘‘сахассам̣ сад̇асахасса’’нд̇иаад̣̇инаа раасивасзнзва, аббагасса бана бхан̣д̣асса гаяавиггаяо ан̃н̃ад̇т̇ааби лаб̣бхад̇зваад̇и ‘‘раасивасзнзваа’’д̇и вуд̇д̇ам̣. ваан̣иж̇ааяа бат̇о бавад̇д̇идтаананд̇и ван̣иббат̇од̇и буримавигаббз ад̇т̇о д̣̇уд̇ияавигаббз бана ваан̣иж̇аанам̣ бат̇о бавад̇д̇идтаананд̇и, ван̣иббат̇од̇и имамад̇т̇ам̣ д̣̇ассзнд̇о ‘‘ваан̣иж̇аанам̣ васанадтаана’’нд̇и ааха. бхан̣д̣абудз бхинд̣̇анд̇и можзнд̇и зд̇т̇аад̇и будабхзд̣̇ананд̇и аяамзд̇т̇а ад̇т̇од̇и ааха ‘‘бхан̣д̣абудз…бз… вуд̇д̇ам̣ ход̇ий’’д̇и.

    Ariyakamanussānanti ariyadesavāsimanussānaṃ. Rāsivasenevāti ‘‘sahassaṃ satasahassa’’ntiādinā rāsivaseneva, appakassa pana bhaṇḍassa kayavikkayo aññatthāpi labbhatevāti ‘‘rāsivasenevā’’ti vuttaṃ. Vāṇijāya patho pavattiṭṭhānanti vaṇippathoti purimavikappe attho dutiyavikappe pana vāṇijānaṃ patho pavattiṭṭhānanti, vaṇippathoti imamatthaṃ dassento ‘‘vāṇijānaṃ vasanaṭṭhāna’’nti āha. Bhaṇḍapuṭe bhindanti mocenti etthāti puṭabhedananti ayamettha atthoti āha ‘‘bhaṇḍapuṭe…pe… vuttaṃ hotī’’ti.

    жа-гаарад̇т̇о самужжаяад̇т̇о ваа-сад̣̇д̣̇о.

    Ca-kārattho samuccayattho vā-saddo.

    153. гаал̣аган̣н̣ий сад̇д̇аад̇и ад̇д̇анаа ган̣хад̇хаммаб̣ахулад̇ааяа барзсан̃жа ган̣хавибаагаанад̇т̇аниб̣б̣ад̇д̇инимид̇д̇ад̇ааяа ‘‘гаал̣аган̣н̣ий’’д̇и лад̣̇д̇ханаамаа баруубад̣̇д̣̇авагараа аббзсагкасад̇д̇аа. д̇анд̇и бхаг̇аванд̇ам̣. буб̣б̣ан̣хасамаяанд̇и буб̣б̣ан̣хз згам̣ самаяам̣. г̇аамаббависананийхаарзнаад̇и г̇аамаббавзсана нивасанаагаарзна. гааяабадиб̣ад̣̇д̇хам̣ гад̇ваад̇и жийварам̣ баарубид̇ваа, бад̇д̇ам̣ хад̇т̇зна г̇ахзд̇ваад̇и ад̇т̇о.

    153.Kāḷakaṇṇī sattāti attanā kaṇhadhammabahulatāya paresañca kaṇhavipākānatthanibbattinimittatāya ‘‘kāḷakaṇṇī’’ti laddhanāmā parūpaddavakarā appesakkhasattā. Tanti bhagavantaṃ. Pubbaṇhasamayanti pubbaṇhe ekaṃ samayaṃ. Gāmappavisananīhārenāti gāmappavesana nivasanākārena. Kāyapaṭibaddhaṃ katvāti cīvaraṃ pārupitvā, pattaṃ hatthena gahetvāti attho.

    зд̇т̇аад̇и зд̇асмим̣ ваа сагаббид̇аббад̣̇зсз. сан̃н̃ад̇зд̇и саммад̣̇зва сан̃н̃ад̇з сусам̣вуд̇агааяаваажаажид̇д̇з.

    Etthāti etasmiṃ vā sakappitappadese. Saññateti sammadeva saññate susaṃvutakāyavācācitte.

    бад̇д̇им̣ д̣̇ад̣̇зяяаад̇и ад̇д̇анаа басуд̇ам̣ бун̃н̃ам̣ д̇аасам̣ д̣̇звад̇аанам̣ ануббад̣̇аж̇ж̇зяяа. ‘‘бууж̇ид̇аа’’д̇иаад̣̇ийсу д̇ад̣̇зва бад̇д̇ид̣̇аанам̣ бууж̇аа, анааг̇ад̇з зва убад̣̇д̣̇авз аарагкасам̣вид̇хаанам̣ бадибууж̇аа. ‘‘язбхуяязна н̃аад̇имануссаа н̃аад̇ибзд̇аанам̣ бад̇д̇ид̣̇аанаад̣̇инаа бууж̇анамаананаад̣̇ийни гаронд̇и имз бана ан̃н̃аад̇агааби самаанаа д̇ат̇аа гаронд̇и, д̇асмаа нзсам̣ саггажжам̣ аарагкаа сам̣вид̇хаад̇аб̣б̣аа’’д̇и ан̃н̃аман̃н̃ам̣ самбаваарзд̇ваа д̣̇звад̇аа д̇ад̇т̇а уссуггам̣ аабаж̇ж̇анд̇ийд̇и д̣̇ассзнд̇о ‘‘имз’’д̇иаад̣̇имааха. б̣алигаммагаран̣ам̣ маананам̣, самбад̇и уббаннабариссаяахаран̣ам̣ бадимаананд̇и д̣̇ассзд̇ум̣ ‘‘зд̇з’’д̇иаад̣̇и вуд̇д̇ам̣.

    Pattiṃ dadeyyāti attanā pasutaṃ puññaṃ tāsaṃ devatānaṃ anuppadajjeyya. ‘‘Pūjitā’’tiādīsu tadeva pattidānaṃ pūjā, anāgate eva upaddave ārakkhasaṃvidhānaṃ paṭipūjā. ‘‘Yebhuyyena ñātimanussā ñātipetānaṃ pattidānādinā pūjanamānanādīni karonti ime pana aññātakāpi samānā tathā karonti, tasmā nesaṃ sakkaccaṃ ārakkhā saṃvidhātabbā’’ti aññamaññaṃ sampavāretvā devatā tattha ussukkaṃ āpajjantīti dassento ‘‘ime’’tiādimāha. Balikammakaraṇaṃ mānanaṃ, sampati uppannaparissayaharaṇaṃ paṭimānanti dassetuṃ ‘‘ete’’tiādi vuttaṃ.

    сунд̣̇араани бассад̇ийд̇и сунд̣̇араани идтаани зва бассад̇и, на анидтаани.

    Sundarāni passatīti sundarāni iṭṭhāni eva passati, na aniṭṭhāni.

    154. аан̣ияо годдзд̇ваад̇и лахугз д̣̇ааруд̣̇ан̣д̣з г̇ахзд̇ваа гаваадапалагз вияа ан̃н̃аман̃н̃ам̣ самб̣анд̇хз гаад̇ум̣ аан̣ияо годдзд̇ваа. нааваасан̇кзбзна гад̇ам̣ ул̣умбам̣, взл̣унал̣аад̣̇игз сан̇гхарид̇ваа валлиаад̣̇ийхи галаабавасзна б̣анд̇хид̇ваа гад̇д̇аб̣б̣ам̣ гуллам̣.

    154.Āṇiyo koṭṭetvāti lahuke dārudaṇḍe gahetvā kavāṭaphalake viya aññamaññaṃ sambandhe kātuṃ āṇiyo koṭṭetvā. Nāvāsaṅkhepena kataṃ uḷumpaṃ, veḷunaḷādike saṅgharitvā valliādīhi kalāpavasena bandhitvā kattabbaṃ kullaṃ.

    уд̣̇агадтаанассзд̇ам̣ ад̇хиважананд̇и яат̇аавуд̇д̇асса яасса гассажи уд̣̇агадтаанасса зд̇ам̣ ‘‘ан̣н̣ава’’нд̇и ад̇хиважанам̣, самуд̣̇д̣̇ассзваад̇и ад̇хиббааяо. саранд̇и ид̇ха над̣̇ий ад̇хиббзд̇аа сарад̇и санд̣̇ад̇ийд̇и гад̇ваа. г̇амбхийравид̇т̇ад̇анд̇и аг̇аад̇хадтзна г̇амбхийрам̣, сагалалогад̇д̇аяаб̣яаабид̇ааяа вид̇т̇ад̇ам̣. висаж̇ж̇аад̇и анаасаж̇ж̇а аббад̇ваа. баллалаани д̇зсам̣ ад̇аран̣ад̇о. винааязва гуллзнаад̇и ийд̣̇исам̣ уд̣̇агам̣ гуллзна ийд̣̇исзна винаа зва д̇ин̣н̣аа мзд̇хаавино ж̇анаа, д̇ан̣хаасарам̣ бана арияамаг̇г̇асан̇каад̇ам̣ сзд̇ум̣ гад̇ваа нид̇д̇ин̣н̣аад̇и яож̇анаа.

    Udakaṭṭhānassetaṃ adhivacananti yathāvuttassa yassa kassaci udakaṭṭhānassa etaṃ ‘‘aṇṇava’’nti adhivacanaṃ, samuddassevāti adhippāyo. Saranti idha nadī adhippetā sarati sandatīti katvā. Gambhīravitthatanti agādhaṭṭhena gambhīraṃ, sakalalokattayabyāpitāya vitthataṃ. Visajjāti anāsajja appatvā. Pallalāni tesaṃ ataraṇato. Vināyeva kullenāti īdisaṃ udakaṃ kullena īdisena vinā eva tiṇṇā medhāvino janā, taṇhāsaraṃ pana ariyamaggasaṅkhātaṃ setuṃ katvā nittiṇṇāti yojanā.

    батамабхаан̣аваараван̣н̣анаа нидтид̇аа.

    Paṭhamabhāṇavāravaṇṇanā niṭṭhitā.

    арияасажжагат̇ааван̣н̣анаа

    Ariyasaccakathāvaṇṇanā

    155. махаабанаад̣̇асса ран̃н̃о. баасаад̣̇агодияам̣ гад̇аг̇аамод̇и баасаад̣̇асса бад̇ид̇ат̇убигааяа бад̇идтид̇адтаанз нивидтаг̇аамо. арияабхаавагараананд̇и яз бадивиж̇жханд̇и, д̇зсам̣ арияабхаавагараанам̣ нимид̇д̇асса гад̇д̇убхаавуубажааравасзнзва вуд̇д̇ам̣. д̇ажчаавибаллаасабхууд̇абхаавзна сажжаанам̣. ануб̣од̇хо буб̣б̣абхааг̇ияам̣ н̃аан̣ам̣, бадивзд̇хо маг̇г̇ан̃аан̣зна абхисамаяо, д̇ад̇т̇а яасмаа ануб̣од̇хабуб̣б̣аго бадивзд̇хо ануб̣од̇хзна винаа на ход̇и, ануб̣од̇хоби згажжо бадивзд̇хзна самб̣анд̇хо, д̇ад̣̇убхаяаабхаавахзд̇уган̃жа ваддзва сам̣саран̣ам̣, д̇асмаа вуд̇д̇ам̣ баал̣ияам̣ ‘‘анануб̣од̇хаа…бз… д̇умхааган̃жаа’’д̇и. бадисанд̇хиг̇г̇ахан̣авасзна бхавад̇о бхаванд̇аруубаг̇аманам̣ санд̇хааванам̣, абараабарам̣ жаванубабаж̇ж̇анавасзна сан̃жаран̣ам̣ сам̣саран̣анд̇и ааха ‘‘бхавад̇о’’д̇иаад̣̇и. санд̇хаавид̇асам̣сарид̇абад̣̇аанам̣ гаммасаад̇ханад̇ам̣ санд̇хааяааха ‘‘маяаа жа д̇умхзхи жаа’’д̇и батамавигаббз. д̣̇уд̇ияавигаббз бана бхаавасаад̇ханад̇ам̣ хад̣̇аяз гад̇ваа ‘‘маман̃жзва д̇умхааган̃жаа’’д̇и яат̇ааруд̇авасзнзва вуд̇д̇ам̣. наяанасамад̇т̇аад̇и баабанасамад̇т̇аа, д̣̇ийгхараж̇ж̇унаа б̣ад̣̇д̇хасагун̣ам̣ вияа раж̇ж̇ухад̇т̇о бурисо д̣̇зсанд̇арам̣ д̇ан̣хаараж̇ж̇унаа б̣ад̣̇д̇хам̣ сад̇д̇асанд̇аанам̣ абхисан̇кааро бхаванд̇арам̣ нзд̇и зд̇ааяаад̇и бхаванзд̇д̇и, д̇ан̣хаа, саа арияамаг̇г̇асад̇т̇зна судту хад̇аа чиннаад̇и бхаванзд̇д̇исамуухад̇аа.

    155.Mahāpanādassa rañño. Pāsādakoṭiyaṃkatagāmoti pāsādassa patitathupikāya patiṭṭhitaṭṭhāne niviṭṭhagāmo. Ariyabhāvakarānanti ye paṭivijjhanti, tesaṃ ariyabhāvakarānaṃ nimittassa kattubhāvūpacāravaseneva vuttaṃ. Tacchāvipallāsabhūtabhāvena saccānaṃ. Anubodho pubbabhāgiyaṃ ñāṇaṃ, paṭivedho maggañāṇena abhisamayo, tattha yasmā anubodhapubbako paṭivedho anubodhena vinā na hoti, anubodhopi ekacco paṭivedhena sambandho, tadubhayābhāvahetukañca vaṭṭeva saṃsaraṇaṃ, tasmā vuttaṃ pāḷiyaṃ ‘‘ananubodhā…pe… tumhākañcā’’ti. Paṭisandhiggahaṇavasena bhavato bhavantarūpagamanaṃ sandhāvanaṃ, aparāparaṃ cavanupapajjanavasena sañcaraṇaṃ saṃsaraṇanti āha ‘‘bhavato’’tiādi. Sandhāvitasaṃsaritapadānaṃ kammasādhanataṃ sandhāyāha ‘‘mayā ca tumhehi cā’’ti paṭhamavikappe. Dutiyavikappe pana bhāvasādhanataṃ hadaye katvā ‘‘mamañceva tumhākañcā’’ti yathārutavaseneva vuttaṃ. Nayanasamatthāti pāpanasamatthā, dīgharajjunā baddhasakuṇaṃ viya rajjuhattho puriso desantaraṃ taṇhārajjunā baddhaṃ sattasantānaṃ abhisaṅkhāro bhavantaraṃ neti etāyāti bhavanetti, taṇhā, sā ariyamaggasatthena suṭṭhu hatā chinnāti bhavanettisamūhatā.

    анаавад̇д̇ид̇хаммасамб̣од̇хибарааяан̣аван̣н̣анаа

    Anāvattidhammasambodhiparāyaṇavaṇṇanā

    156. д̣̇вз г̇аамаа ‘‘наад̇игаа’’д̇и звам̣ лад̣̇д̇ханаамо, н̃а-гаарасса жааяам̣ на-гаараад̣̇зсзна нид̣̇д̣̇зсо ‘‘анимид̇д̇аа на нааяарз’’д̇иаад̣̇ийсу (висуд̣̇д̇хи. 1.174; ж̇аа. адта. 2.2.34) вияа. д̇знааха ‘‘н̃аад̇иг̇аамагз’’д̇и . г̇ин̃ж̇агаа вужжанд̇и идтагаа, г̇ин̃ж̇агаахи зва гад̇о аавасат̇од̇и г̇ин̃ж̇агаавасат̇о . со гира ааваасо яат̇аа суд̇хаабаригаммзна самбаяож̇анам̣ над̇т̇и, звам̣ идтагаахи зва жинид̇ваа чаад̣̇зд̇ваа гад̇о. д̇зна вуд̇д̇ам̣ ‘‘идтагаамаяз аавасат̇з’’д̇и. д̇улаад̣̇ан̣д̣агаваадапалагаани бана д̣̇аарумаяаанзва.

    156.Dve gāmā ‘‘nātikā’’ti evaṃ laddhanāmo, ña-kārassa cāyaṃ na-kārādesena niddeso ‘‘animittā na nāyare’’tiādīsu (visuddhi. 1.174; jā. aṭṭha. 2.2.34) viya. Tenāha ‘‘ñātigāmake’’ti . Giñjakā vuccanti iṭṭhakā, giñjakāhi eva kato āvasathoti giñjakāvasatho. So kira āvāso yathā sudhāparikammena sampayojanaṃ natthi, evaṃ iṭṭhakāhi eva cinitvā chādetvā kato. Tena vuttaṃ ‘‘iṭṭhakāmaye āvasathe’’ti. Tulādaṇḍakavāṭaphalakāni pana dārumayāneva.

    157. орам̣ вужжад̇и гаамад̇хаад̇у, бажжаяабхаавзна д̇ам̣ орам̣ бхаж̇анд̇ийд̇и орамбхааг̇ияаани, орамбхааг̇асса ваа хид̇аани орамбхааг̇ияаани. д̇знааха ‘‘хздтаабхааг̇ияаана’’нд̇иаад̣̇и. д̇ийхи маг̇г̇зхийд̇и хздтимзхи д̇ийхи маг̇г̇зхи. д̇зхи бахаад̇аб̣б̣ад̇ааяа хи нзсам̣ сам̣яож̇анаанам̣ орамбхааг̇ияад̇аа. орамбхан̃ж̇ияаани ваа орамбхааг̇ияаани вуд̇д̇аани нируд̇д̇инаязна. ид̣̇аани б̣яад̇ирзгамукзна нзсам̣ орамбхааг̇ияабхаавам̣ вибхаавзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣. вигкамбхид̇аани самад̇т̇ад̇аавигхаад̇зна бут̇уж̇ж̇анаанам̣, самужчиннаани саб̣б̣асо абхаавзна арияаанам̣ руубааруубабхавуубабад̇д̇ияаа виб̣анд̇хааяа на хонд̇ийд̇и вуд̇д̇ам̣ ‘‘авигкамбхид̇аани асамужчиннааний’’д̇и. ниб̣б̣ад̇д̇авасзнаад̇и бадисанд̇хиг̇г̇ахан̣авасзна. г̇анд̇ум̣ на д̣̇знд̇и махаг̇г̇ад̇аг̇аамигаммааяууханасса виниб̣анд̇ханад̇о. саггааяад̣̇идтиаад̣̇ийни д̇ийн̣и сам̣яож̇анаани гаамажчанд̣̇аб̣яаабаад̣̇аа вияа махаг̇г̇ад̇уубабад̇д̇ияаа авиниб̣анд̇хабхууд̇ааниби гаамабхавуубабад̇д̇ияаа висзсабажжаяад̇д̇аа д̇ад̇т̇а махаг̇г̇ад̇абхавз ниб̣б̣ад̇д̇амби д̇анниб̣б̣ад̇д̇ихзд̇угаммабаригкаяз гаамабхавуубабад̇д̇ибажжаяад̇ааяа махаг̇г̇ад̇абхавад̇о аанзд̇ваа буна ид̇хзва гаамабхавз зва ниб̣б̣ад̇д̇аабзнд̇и, д̇асмаа саб̣б̣ааниби бан̃жаби сам̣яож̇анаани орамбхааг̇ияаани зва. бадисанд̇хивасзна анааг̇аманасабхааваад̇и бадисанд̇хиг̇г̇ахан̣авасзна д̇асмаа логаа ид̇ха на ааг̇аманасабхааваа. б̣уд̣̇д̇хад̣̇ассанат̇зрад̣̇ассанад̇хаммассаванаанам̣ банад̇т̇ааяасса ааг̇аманам̣ аниваарид̇ам̣.

    157.Oraṃ vuccati kāmadhātu, paccayabhāvena taṃ oraṃ bhajantīti orambhāgiyāni, orambhāgassa vā hitāni orambhāgiyāni. Tenāha ‘‘heṭṭhābhāgiyāna’’ntiādi. Tīhi maggehīti heṭṭhimehi tīhi maggehi. Tehi pahātabbatāya hi nesaṃ saṃyojanānaṃ orambhāgiyatā. Orambhañjiyāni vā orambhāgiyāni vuttāni niruttinayena. Idāni byatirekamukhena nesaṃ orambhāgiyabhāvaṃ vibhāvetuṃ ‘‘tatthā’’tiādi vuttaṃ. Vikkhambhitāni samatthatāvighātena puthujjanānaṃ, samucchinnāni sabbaso abhāvena ariyānaṃ rūpārūpabhavūpapattiyā vibandhāya na hontīti vuttaṃ ‘‘avikkhambhitāni asamucchinnānī’’ti. Nibbattavasenāti paṭisandhiggahaṇavasena. Gantuṃ na denti mahaggatagāmikammāyūhanassa vinibandhanato. Sakkāyadiṭṭhiādīni tīṇi saṃyojanāni kāmacchandabyāpādā viya mahaggatūpapattiyā avinibandhabhūtānipi kāmabhavūpapattiyā visesapaccayattā tattha mahaggatabhave nibbattampi tannibbattihetukammaparikkhaye kāmabhavūpapattipaccayatāya mahaggatabhavato ānetvā puna idheva kāmabhave eva nibbattāpenti, tasmā sabbānipi pañcapi saṃyojanāni orambhāgiyāni eva. Paṭisandhivasena anāgamanasabhāvāti paṭisandhiggahaṇavasena tasmā lokā idha na āgamanasabhāvā. Buddhadassanatheradassanadhammassavanānaṃ panatthāyassa āgamanaṃ anivāritaṃ.

    гад̣̇аажи гарахажи уббад̇д̇ияаа савирал̣аагаарад̇аа барияудтаанаманд̣̇ад̇ааяа аб̣ахалад̇аад̇и д̣̇взд̇хааби д̇анубхааво. абхин̣ханд̇и б̣ахусо. б̣ахалаб̣ахалаад̇и д̇иб̣б̣ад̇иб̣б̣аа. яад̇т̇а уббаж̇ж̇анд̇и, д̇ам̣ санд̇аанам̣ мад̣̇д̣̇анд̇аа, паранд̇аа, саад̇хзнд̇аа, анд̇хагаарам̣ гаронд̇аа уббаж̇ж̇анд̇и, д̣̇вийхи бана маг̇г̇зхи бахийнад̇д̇аа д̇анугад̇анугаа манд̣̇аманд̣̇аа уббаж̇ж̇анд̇и. ‘‘буд̇д̇ад̇хийд̇аро хонд̇ий’’д̇и ид̣̇ам̣ агааран̣ам̣. д̇ат̇аа хи ан̇г̇абажжан̇г̇абараамасанамад̇д̇знаби д̇з хонд̇и. ид̣̇анд̇и ‘‘рааг̇ад̣̇осамохаанам̣ д̇ануд̇д̇аа’’д̇и ид̣̇ам̣ важанам̣. бхавад̇анугавасзнаад̇и аббагабхававасзна. д̇анд̇и махаасивад̇т̇зрасса важанам̣ бадигкид̇д̇анд̇и самб̣анд̇хо. яз бхаваа арияаанам̣ лаб̣бханд̇и, д̇з барибун̣н̣алагкан̣абхаваа зва. яз на лаб̣бханд̇и, д̇ад̇т̇а гийд̣̇исам̣ д̇ам̣ бхавад̇анугам̣, д̇асмаа убхаяат̇ааби бхавад̇анугасса асамбхаво зваад̇и д̣̇ассзд̇ум̣ ‘‘сод̇аабаннассаа’’д̇иаад̣̇и вуд̇д̇ам̣. адтамз бхавз бхавад̇анугам̣ над̇т̇и адтамассзва бхавасса саб̣б̣ассзва абхаавад̇о. сзсзсуби зсзва наяо.

    Kadāci karahaci uppattiyā saviraḷākāratā pariyuṭṭhānamandatāya abahalatāti dvedhāpi tanubhāvo. Abhiṇhanti bahuso. Bahalabahalāti tibbatibbā. Yattha uppajjanti, taṃ santānaṃ maddantā, pharantā, sādhentā, andhakāraṃ karontā uppajjanti, dvīhi pana maggehi pahīnattā tanukatanukā mandamandā uppajjanti. ‘‘Puttadhītaro hontī’’ti idaṃ akāraṇaṃ. Tathā hi aṅgapaccaṅgaparāmasanamattenapi te honti. Idanti ‘‘rāgadosamohānaṃ tanuttā’’ti idaṃ vacanaṃ. Bhavatanukavasenāti appakabhavavasena. Tanti mahāsivattherassa vacanaṃ paṭikkhittanti sambandho. Ye bhavā ariyānaṃ labbhanti, te paripuṇṇalakkhaṇabhavā eva. Ye na labbhanti, tattha kīdisaṃ taṃ bhavatanukaṃ, tasmā ubhayathāpi bhavatanukassa asambhavo evāti dassetuṃ ‘‘sotāpannassā’’tiādi vuttaṃ. Aṭṭhame bhave bhavatanukaṃ natthi aṭṭhamasseva bhavassa sabbasseva abhāvato. Sesesupi eseva nayo.

    гаамааважаралогам̣ санд̇хааяа вуд̇д̇ам̣ ид̇арасса логасса васзна д̇ат̇аа вад̇д̇ум̣ асаггун̣зяяад̇д̇аа. яо хи сагад̣̇ааг̇аамий д̣̇звамануссалогзсу вомиссагавасзна ниб̣б̣ад̇д̇ад̇и, соби гаамабхававасзнзва барижчинд̣̇ид̇аб̣б̣о. бхаг̇авад̇аа жа гаамалогз тад̇ваа ‘‘сагид̣̇зва имам̣ логам̣ ааг̇анд̇ваа’’д̇и вуд̇д̇ам̣, ‘‘имам̣ логам̣ ааг̇анд̇ваа’’д̇и жа иминаа бан̃жасу сагад̣̇ааг̇аамийсу жад̇д̇ааро важ̇ж̇зд̇ваа згова г̇ахид̇о. згажжо хи ид̇ха сагад̣̇ааг̇аамипалам̣ бад̇ваа ид̇хзва бариниб̣б̣ааяад̇и, згажжо ид̇ха бад̇ваа д̣̇звалогз бариниб̣б̣ааяад̇и, згажжо д̣̇звалогз бад̇ваа д̇ад̇т̇зва бариниб̣б̣ааяад̇и, згажжо д̣̇звалогз бад̇ваа ид̇хуубабаж̇ж̇ид̇ваа бариниб̣б̣ааяад̇и, имз жад̇д̇ааро ид̇ха на лаб̣бханд̇и. яо бана ид̇ха бад̇ваа д̣̇звалогз яаавад̇ааяугам̣ васид̇ваа буна ид̇хуубабаж̇ж̇ид̇ваа бариниб̣б̣ааяад̇и, аяам̣ ид̇ха ад̇хиббзд̇о. адтагат̇ааяам̣ бана имам̣ логанд̇и гаамабхаво ад̇хиббзд̇од̇и имамад̇т̇ам̣ вибхаавзд̇ум̣ ‘‘сажз хий’’д̇иаад̣̇инаа ан̃н̃ам̣язва жад̇уггам̣ д̣̇ассид̇ам̣.

    Kāmāvacaralokaṃsandhāya vuttaṃ itarassa lokassa vasena tathā vattuṃ asakkuṇeyyattā. Yo hi sakadāgāmī devamanussalokesu vomissakavasena nibbattati, sopi kāmabhavavaseneva paricchinditabbo. Bhagavatā ca kāmaloke ṭhatvā ‘‘sakideva imaṃ lokaṃ āgantvā’’ti vuttaṃ, ‘‘imaṃ lokaṃ āgantvā’’ti ca iminā pañcasu sakadāgāmīsu cattāro vajjetvā ekova gahito. Ekacco hi idha sakadāgāmiphalaṃ patvā idheva parinibbāyati, ekacco idha patvā devaloke parinibbāyati, ekacco devaloke patvā tattheva parinibbāyati, ekacco devaloke patvā idhūpapajjitvā parinibbāyati, ime cattāro idha na labbhanti. Yo pana idha patvā devaloke yāvatāyukaṃ vasitvā puna idhūpapajjitvā parinibbāyati, ayaṃ idha adhippeto. Aṭṭhakathāyaṃ pana imaṃ lokanti kāmabhavo adhippetoti imamatthaṃ vibhāvetuṃ ‘‘sace hī’’tiādinā aññaṃyeva catukkaṃ dassitaṃ.

    жад̇уусу …бз… сабхаавод̇и ад̇т̇о абааяаг̇аманийяаанам̣ баабад̇хаммаанам̣ саб̣б̣асо бахийнад̇д̇аа. д̇хамманияаамзнаад̇и маг̇г̇ад̇хамманияаамзна. нияад̇о убаримаг̇г̇аад̇хиг̇амасса авассам̣бхаавибхаавад̇о. д̇знааха ‘‘самб̣од̇хибарааяан̣о’’д̇и.

    Catūsu…pe… sabhāvoti attho apāyagamanīyānaṃ pāpadhammānaṃ sabbaso pahīnattā. Dhammaniyāmenāti maggadhammaniyāmena. Niyato uparimaggādhigamassa avassaṃbhāvibhāvato. Tenāha ‘‘sambodhiparāyaṇo’’ti.

    д̇хаммаад̣̇аасад̇хаммабарияааяаван̣н̣анаа

    Dhammādāsadhammapariyāyavaṇṇanā

    158. д̇зсам̣ д̇зсам̣ н̃аан̣аг̇ад̇инд̇и д̇зсам̣ д̇зсам̣ сад̇д̇аанам̣ ‘‘асуго сод̇аабанно, асуго сагад̣̇ааг̇аамий’’д̇иаад̣̇инаа д̇ам̣д̇ам̣н̃аан̣аад̇хиг̇аманам̣. н̃аан̣уубабад̇д̇им̣ н̃аан̣аабхисамбарааяанд̇и д̇ад̇о барамби ‘‘нияад̇о самб̣од̇хибарааяан̣о, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гариссад̇ий’’д̇иаад̣̇инаа жа н̃аан̣асахид̇ам̣ уббад̇д̇ибажжаяабхаавам̣. ологзнд̇асса н̃аан̣ажагкунаа бзгканд̇асса гааяагиламат̇ова, на д̇зна гаажи взнзяяаанам̣ ад̇т̇асид̣̇д̇хийд̇и ад̇хиббааяо. жид̇д̇авихзсаад̇и жид̇д̇акзд̣̇о, саа гилзсуубасам̣хид̇ад̇д̇аа б̣уд̣̇д̇хаанам̣ над̇т̇и. аад̣̇ийяад̇и аалогийяад̇и ад̇д̇аа зд̇знаад̇и аад̣̇аасам̣, д̇хаммабхууд̇ам̣ аад̣̇аасам̣ д̇хаммаад̣̇аасам̣, арияамаг̇г̇ан̃аан̣ассзд̇ам̣ ад̇хиважанам̣, д̇зна арияасаавагаа жад̇уусу арияасажжзсу вид̣̇д̇хасд̇асаммохад̇д̇аа ад̇д̇аанамби яаат̇аавад̇о н̃ад̇ваа яаат̇аавад̇о б̣яаагарзяяа, д̇аббагаасанад̇о бана д̇хаммабарияааяасса суд̇д̇асса д̇хаммаад̣̇аасад̇аа взд̣̇ид̇аб̣б̣аа. язна д̇хаммаад̣̇аасзнаад̇и ид̇ха бана маг̇г̇ад̇хаммамзва вад̣̇ад̇и.

    158.Tesaṃ tesaṃ ñāṇagatinti tesaṃ tesaṃ sattānaṃ ‘‘asuko sotāpanno, asuko sakadāgāmī’’tiādinā taṃtaṃñāṇādhigamanaṃ. Ñāṇūpapattiṃ ñāṇābhisamparāyanti tato parampi ‘‘niyato sambodhiparāyaṇo, sakideva imaṃ lokaṃ āgantvā dukkhassantaṃ karissatī’’tiādinā ca ñāṇasahitaṃ uppattipaccayabhāvaṃ. Olokentassa ñāṇacakkhunā pekkhantassa kāyakilamathova, na tena kāci veneyyānaṃ atthasiddhīti adhippāyo. Cittavihesāti cittakhedo, sā kilesūpasaṃhitattā buddhānaṃ natthi. Ādīyati ālokīyati attā etenāti ādāsaṃ, dhammabhūtaṃ ādāsaṃ dhammādāsaṃ, ariyamaggañāṇassetaṃ adhivacanaṃ, tena ariyasāvakā catūsu ariyasaccesu viddhastasammohattā attānampi yāthāvato ñatvā yāthāvato byākareyya, tappakāsanato pana dhammapariyāyassa suttassa dhammādāsatā veditabbā. Yena dhammādāsenāti idha pana maggadhammameva vadati.

    авзжжа яаат̇аавад̇о ж̇аанид̇ваа д̇аннимид̇д̇ауббаннабасаад̣̇о авзжжабасаад̣̇о, маг̇г̇аад̇хиг̇амзна уббаннабасаад̣̇о , со бана яасмаа баасаан̣абаб̣б̣ад̇о вияа нижжало, на жа гзнажи гааран̣зна виг̇ажчад̇и, д̇асмаа вуд̇д̇ам̣ ‘‘ажалзна ажжуд̇знаа’’д̇и.

    Avecca yāthāvato jānitvā tannimittauppannapasādo aveccapasādo, maggādhigamena uppannapasādo , so pana yasmā pāsāṇapabbato viya niccalo, na ca kenaci kāraṇena vigacchati, tasmā vuttaṃ ‘‘acalena accutenā’’ti.

    ‘‘бан̃жасийлааний’’д̇и г̇ахадтавасзнзд̇ам̣ вуд̇д̇ам̣ д̇зхи зганд̇абарихаран̣ийяад̇о. арияаанам̣ бана саб̣б̣аани сийлаани ганд̇аанзва. д̇знааха ‘‘саб̣б̣оби банзд̇т̇а сам̣варо лаб̣бхад̇иязваа’’д̇и.

    ‘‘Pañcasīlānī’’ti gahaṭṭhavasenetaṃ vuttaṃ tehi ekantapariharaṇīyato. Ariyānaṃ pana sabbāni sīlāni kantāneva. Tenāha ‘‘sabbopi panettha saṃvaro labbhatiyevā’’ti.

    саб̣б̣зсанд̇и саб̣б̣зсам̣ арияаанам̣. сигкаабад̣̇аавирод̇хзнаад̇и яат̇аа бхууд̇арожанаабад̇д̇и на ход̇и, звам̣. яуд̇д̇адтаанзд̇и гаад̇ум̣ яуд̇д̇адтаанз.

    Sabbesanti sabbesaṃ ariyānaṃ. Sikkhāpadāvirodhenāti yathā bhūtarocanāpatti na hoti, evaṃ. Yuttaṭṭhāneti kātuṃ yuttaṭṭhāne.

    амб̣абаалийг̇ан̣игаавад̇т̇уван̣н̣анаа

    Ambapālīgaṇikāvatthuvaṇṇanā

    161. д̇ад̣̇аа гира взсаалий ид̣̇д̇хаа пийд̇аа саб̣б̣ан̇г̇асамбаннаа ахоси взбуллаббад̇д̇аа, д̇ам̣ санд̇хааяааха ‘‘канд̇хагз вуд̇д̇анаязна взсаалияаа самбаннабхааво взд̣̇ид̇аб̣б̣о’’д̇и. д̇асмим̣ гира бхигкусан̇гхз бан̃жасад̇амад̇д̇аа бхигкуу наваа ажирабаб̣б̣аж̇ид̇аа ахзсум̣ осаннавийрияаа жа. д̇ат̇аа хи вагкад̇и ‘‘д̇ад̇т̇а гира згажжз бхигкуу осаннавийрияаа’’д̇иаад̣̇и (д̣̇ий. ни. адта. 2.165). сад̇ибажжубадтаанад̇т̇анд̇и д̇зсам̣ сад̇ибажжубадтаабанад̇т̇ам̣. сарад̇ийд̇и гааяаад̣̇игз яат̇аасабхаавад̇о н̃аан̣асамбаяуд̇д̇ааяа сад̇ияаа ануссарад̇и убад̇хаарзд̇и. самбаж̇аанаад̇ийд̇и самам̣ багаарзхи ж̇аанаад̇и аваб̣уж̇жхад̇и. аяамзд̇т̇а сан̇кзбо, вид̇т̇ааро бана барад̇о сад̇ибадтаанаван̣н̣анааяам̣ (д̣̇ий. ни. адта. 2.373; ма. ни. адта. 1.106) ааг̇амиссад̇и.

    161. Tadā kira vesālī iddhā phītā sabbaṅgasampannā ahosi vepullappattā, taṃ sandhāyāha ‘‘khandhake vuttanayena vesāliyā sampannabhāvo veditabbo’’ti. Tasmiṃ kira bhikkhusaṅghe pañcasatamattā bhikkhū navā acirapabbajitā ahesuṃ osannavīriyā ca. Tathā hi vakkhati ‘‘tattha kira ekacce bhikkhū osannavīriyā’’tiādi (dī. ni. aṭṭha. 2.165). Satipaccupaṭṭhānatthanti tesaṃ satipaccupaṭṭhāpanatthaṃ. Saratīti kāyādike yathāsabhāvato ñāṇasampayuttāya satiyā anussarati upadhāreti. Sampajānātīti samaṃ pakārehi jānāti avabujjhati. Ayamettha saṅkhepo, vitthāro pana parato satipaṭṭhānavaṇṇanāyaṃ (dī. ni. aṭṭha. 2.373; ma. ni. aṭṭha. 1.106) āgamissati.

    саб̣б̣асан̇г̇аахаганд̇и сарийраг̇ад̇асса жзва вад̇т̇аалан̇гаараг̇ад̇асса жаад̇и саб̣б̣асса нийлабхаавасса сан̇г̇аахагам̣ важанам̣. д̇ассзваад̇и нийлаад̇и саб̣б̣асан̇г̇аахагавасзна вуд̇д̇аад̇т̇ассзва. вибхааг̇ад̣̇ассананд̇и бабхзд̣̇ад̣̇ассанам̣. яат̇аа д̇з лижчавирааж̇аано абийд̇аад̣̇иван̣н̣аа зва гзжи вилзбанавасзна бийд̇аад̣̇иван̣н̣аа кааяим̣су, звам̣ анийлаад̣̇иван̣н̣аа зва гзжи вилзбанавасзна нийлаад̣̇иван̣н̣аа кааяим̣сууд̇и вуд̇д̇ам̣ ‘‘на д̇зсам̣ багад̇иван̣н̣о нийло’’д̇иаад̣̇и. нийло ман̣и зд̇зсууд̇и нийламан̣и, инд̣̇анийламахаанийлаад̣̇инийларад̇анавинад̣̇д̇хаа алан̇гаараа. д̇з гира суван̣н̣авиражид̇з хи ман̣иобхаасзхи зганийлаа вияа кааяанд̇и. нийламан̣икажид̇аад̇и нийларад̇анабаригкид̇д̇аа. нийлавад̇т̇абаригкид̇д̇аад̇и нийлавад̇т̇анийлагамбалабаригкзбаа. нийлаваммигзхийд̇и нийлагагхадабаригкид̇д̇зхи. саб̣б̣абад̣̇зсууд̇и ‘‘бийд̇аа хонд̇ий’’д̇иаад̣̇исаб̣б̣абад̣̇зсу. бариваддзсийд̇и бадигхаддзси. аахаранд̇и имасмаа рааж̇абурисаа б̣алинд̇и аахааро, д̇аббад̇д̇аж̇анабад̣̇од̇и ааха ‘‘саахааранд̇и саж̇анабад̣̇а’’нд̇и. ан̇г̇улиподоби ан̇г̇улияаа жааланавасзнзва ход̇ийд̇и вуд̇д̇ам̣ ‘‘ан̇г̇улим̣ жаалзсу’’нд̇и. амб̣агааяаад̇и маад̇уг̇аамзна. убажаараважанам̣ хзд̇ам̣ ид̇т̇ийсу, яад̣̇ид̣̇ам̣ ‘‘амб̣агаа маад̇уг̇аамо ж̇ананигаа’’д̇и.

    Sabbasaṅgāhakanti sarīragatassa ceva vatthālaṅkāragatassa cāti sabbassa nīlabhāvassa saṅgāhakaṃ vacanaṃ. Tassevāti nīlāti sabbasaṅgāhakavasena vuttaatthasseva. Vibhāgadassananti pabhedadassanaṃ. Yathā te licchavirājāno apītādivaṇṇā eva keci vilepanavasena pītādivaṇṇā khāyiṃsu, evaṃ anīlādivaṇṇā eva keci vilepanavasena nīlādivaṇṇā khāyiṃsūti vuttaṃ ‘‘na tesaṃ pakativaṇṇo nīlo’’tiādi. Nīlo maṇi etesūti nīlamaṇi, indanīlamahānīlādinīlaratanavinaddhā alaṅkārā. Te kira suvaṇṇaviracite hi maṇiobhāsehi ekanīlā viya khāyanti. Nīlamaṇikhacitāti nīlaratanaparikkhittā. Nīlavatthaparikkhittāti nīlavatthanīlakampalaparikkhepā. Nīlavammikehīti nīlakaghaṭaparikkhittehi. Sabbapadesūti ‘‘pītā hontī’’tiādisabbapadesu. Parivaṭṭesīti paṭighaṭṭesi. Āharanti imasmā rājapurisā balinti āhāro, tappattajanapadoti āha ‘‘sāhāranti sajanapada’’nti. Aṅguliphoṭopi aṅguliyā cālanavaseneva hotīti vuttaṃ ‘‘aṅguliṃ cālesu’’nti. Ambakāyāti mātugāmena. Upacāravacanaṃ hetaṃ itthīsu, yadidaṃ ‘‘ambakā mātugāmo jananikā’’ti.

    авалогзт̇аад̇и абавад̇д̇ид̇ваа ологанам̣ ологзт̇а. д̇ам̣ бана абавад̇д̇ид̇ваа ологанам̣ ану ану д̣̇ассанам̣ ход̇ийд̇и ааха ‘‘бунаббунам̣ бассат̇аа’’д̇и. убанзт̇аад̇и ‘‘яат̇ааяам̣ лижчавирааж̇абарисаа собхаад̇исаязна яуд̇д̇аа, звам̣ д̇аавад̇им̣сабарисаа’’д̇и убанаяам̣ гарот̇а. д̇знааха ‘‘д̇аавад̇им̣сзхи самагз гад̇ваа бассат̇аа’’д̇и.

    Avalokethāti apavattitvā olokanaṃ oloketha. Taṃ pana apavattitvā olokanaṃ anu anu dassanaṃ hotīti āha ‘‘punappunaṃ passathā’’ti. Upanethāti ‘‘yathāyaṃ licchavirājaparisā sobhātisayena yuttā, evaṃ tāvatiṃsaparisā’’ti upanayaṃ karotha. Tenāha ‘‘tāvatiṃsehi samake katvā passathā’’ti.

    ‘‘убасам̣харат̇а бхигкавз лижчавибарисам̣ д̇аавад̇им̣сасад̣̇иса’’нд̇и наяид̣̇ам̣ нимид̇д̇аг̇г̇аахз нияож̇анам̣, гзвалам̣ бана д̣̇иб̣б̣асамбад̇д̇исад̣̇исаа зд̇зсам̣ рааж̇уунам̣ иссарияасамбад̇д̇ийд̇и анубуб̣б̣игат̇ааяа саг̇г̇асамбад̇д̇игат̇анам̣ вияа д̣̇адтаб̣б̣ам̣. д̇зсу бана бхигкуусу згажжаанам̣ д̇ад̇т̇а нимид̇д̇аг̇г̇аахоби сияаа, д̇ам̣ санд̇хааяа вуд̇д̇ам̣ ‘‘нимид̇д̇аг̇г̇аахз уяяож̇зд̇ий’’д̇и. хид̇агаамад̇ааяа д̇зсам̣ бхигкуунам̣ яат̇аа ааяасмад̇о нанд̣̇асса хид̇агаамад̇ааяа саг̇г̇асамбад̇д̇ид̣̇ассанам̣. д̇знааха ‘‘д̇ад̇ра гираа’’д̇иаад̣̇и. осаннавийрияаад̇и саммаабадибад̇д̇ияам̣ авасаннавийрияаа, оссадтавийрияаа ваад̇и ад̇т̇о. анижжалагкан̣авибхааванад̇т̇анд̇и д̇зсам̣ рааж̇уунам̣ васзна бхигкуунам̣ анижжалагкан̣авибхууд̇абхаавад̇т̇ам̣.

    ‘‘Upasaṃharatha bhikkhave licchaviparisaṃ tāvatiṃsasadisa’’nti nayidaṃ nimittaggāhe niyojanaṃ, kevalaṃ pana dibbasampattisadisā etesaṃ rājūnaṃ issariyasampattīti anupubbikathāya saggasampattikathanaṃ viya daṭṭhabbaṃ. Tesu pana bhikkhūsu ekaccānaṃ tattha nimittaggāhopi siyā, taṃ sandhāya vuttaṃ ‘‘nimittaggāhe uyyojetī’’ti. Hitakāmatāya tesaṃ bhikkhūnaṃ yathā āyasmato nandassa hitakāmatāya saggasampattidassanaṃ. Tenāha ‘‘tatra kirā’’tiādi. Osannavīriyāti sammāpaṭipattiyaṃ avasannavīriyā, ossaṭṭhavīriyā vāti attho. Aniccalakkhaṇavibhāvanatthanti tesaṃ rājūnaṃ vasena bhikkhūnaṃ aniccalakkhaṇavibhūtabhāvatthaṃ.

    взл̣уваг̇аамавассуубаг̇аманаван̣н̣анаа

    Veḷuvagāmavassūpagamanavaṇṇanā

    163. самийбз взл̣уваг̇аамод̇и буб̣б̣ан̣хам̣ ваа сааяанхам̣ ваа г̇анд̇ваа нивад̇д̇анаяог̇яз аасаннадтаанз нивидтаа бариваараг̇аамо. сан̇г̇аммаад̇и саммаа г̇анд̇ваа. ассаад̇и бхаг̇авад̇о.

    163.Samīpe veḷuvagāmoti pubbaṇhaṃ vā sāyanhaṃ vā gantvā nivattanayogye āsannaṭṭhāne niviṭṭhā parivāragāmo. Saṅgammāti sammā gantvā. Assāti bhagavato.

    164. парусод̇и гагкал̣о, г̇аруд̇арод̇и ад̇т̇о. висабхааг̇арог̇од̇и д̇хаад̇увисабхааг̇ад̇ааяа самудтид̇о б̣ахалад̇арарог̇о, на ааб̣аад̇хамад̇д̇ам̣. н̃аан̣зна барижчинд̣̇ид̇ваад̇и взд̣̇анаанам̣ кан̣игад̇ам̣, д̣̇угкад̇ам̣, ад̇д̇асун̃н̃ад̇ан̃жа яаат̇аавад̇о н̃аан̣зна барижчиж̇ж̇а барид̇улзд̇ваа. ад̇хиваасзсийд̇и д̇аа абхибхаванд̇о яат̇аабаримад̣̇д̣̇ид̇аагаарасаллагкан̣зна ад̇д̇ани ааробзд̇ваа ваасзси, на д̇аахи абхибхуяяамаано. д̇знааха ‘‘авихан̃н̃амаано’’д̇иаад̣̇и. ад̣̇угкияамаанод̇и жзд̇од̣̇угкавасзна ад̣̇угкияамаано , гааяад̣̇угкам̣ бана ‘‘над̇т̇ий’’д̇и на саггаа вад̇д̇ум̣. асад̇и хи д̇асмим̣ ад̇хиваасанааяа зва асамбхавод̇и. анааманд̇зд̇ваад̇и анаалабид̇ваа. анабалогзд̇ваад̇и ависсаж̇ж̇ид̇ваа. д̇знааха ‘‘оваад̣̇аанусаасаним̣ ад̣̇ад̇ваад̇и вуд̇д̇ам̣ ход̇ий’’д̇и. буб̣б̣абхааг̇авийриязнаад̇и паласамаабад̇д̇ияаа баригаммавийриязна. паласамаабад̇д̇ивийриязнаад̇и паласамаабад̇д̇исамбаяуд̇д̇авийриязна. вигкамбхзд̇ваад̇и винод̣̇зд̇ваа. яат̇аа наама бубпанасамаяз жамбагаад̣̇иругкз взкз д̣̇иннз яаава со взко наабанийяад̇и, д̇аавасса бубпанасамад̇т̇ад̇аа вигкамбхид̇аа винод̣̇ид̇аа ход̇и, звамзва яат̇аавуд̇д̇авийрияавзкад̣̇аанзна д̇аа взд̣̇анаа сад̇т̇у сарийрз яат̇аабарижчиннам̣ гаалам̣ вигкамбхид̇аа винод̣̇ид̇аа ахзсум̣. д̇зна вуд̇д̇ам̣ ‘‘вигкамбхзд̇ваад̇и винод̣̇зд̇ваа’’д̇и. ж̇ийвид̇амби ж̇ийвид̇асан̇кааро гаммунаа сан̇карийяад̇ийд̇и гад̇ваа. чиж̇ж̇амаанам̣ вирод̇хибажжаяасамааяог̇зна баяог̇асамбад̇д̇ияаа гхадзд̇ваа табийяад̇и. ад̇хидтааяаад̇и ад̇хидтаанам̣ гад̇ваа. д̇знааха ‘‘д̣̇асамаасз маа уббаж̇ж̇ид̇т̇аад̇и самаабад̇д̇им̣ самаабаж̇ж̇ий’’д̇и. д̇ам̣ бана ‘‘ад̇хидтаанам̣, бавад̇д̇ана’’нд̇и жа вад̇д̇аб̣б̣ад̇ам̣ арахад̇ийд̇и вуд̇д̇ам̣ ‘‘ад̇хидтахид̇ваа бавад̇д̇зд̇ваа’’д̇и.

    164.Pharusoti kakkhaḷo, garutaroti attho. Visabhāgarogoti dhātuvisabhāgatāya samuṭṭhito bahalatararogo, na ābādhamattaṃ. Ñāṇena paricchinditvāti vedanānaṃ khaṇikataṃ, dukkhataṃ, attasuññatañca yāthāvato ñāṇena paricchijja parituletvā. Adhivāsesīti tā abhibhavanto yathāparimadditākārasallakkhaṇena attani āropetvā vāsesi, na tāhi abhibhuyyamāno. Tenāha ‘‘avihaññamāno’’tiādi. Adukkhiyamānoti cetodukkhavasena adukkhiyamāno , kāyadukkhaṃ pana ‘‘natthī’’ti na sakkā vattuṃ. Asati hi tasmiṃ adhivāsanāya eva asambhavoti. Anāmantetvāti anālapitvā. Anapaloketvāti avissajjitvā. Tenāha ‘‘ovādānusāsaniṃ adatvāti vuttaṃ hotī’’ti. Pubbabhāgavīriyenāti phalasamāpattiyā parikammavīriyena. Phalasamāpattivīriyenāti phalasamāpattisampayuttavīriyena. Vikkhambhetvāti vinodetvā. Yathā nāma pupphanasamaye campakādirukkhe vekhe dinne yāva so vekho nāpanīyati, tāvassa pupphanasamatthatā vikkhambhitā vinoditā hoti, evameva yathāvuttavīriyavekhadānena tā vedanā satthu sarīre yathāparicchinnaṃ kālaṃ vikkhambhitā vinoditā ahesuṃ. Tena vuttaṃ ‘‘vikkhambhetvāti vinodetvā’’ti. Jīvitampi jīvitasaṅkhāro kammunā saṅkharīyatīti katvā. Chijjamānaṃ virodhipaccayasamāyogena payogasampattiyā ghaṭetvā ṭhapīyati. Adhiṭṭhāyāti adhiṭṭhānaṃ katvā. Tenāha ‘‘dasamāse mā uppajjitthāti samāpattiṃ samāpajjī’’ti. Taṃ pana ‘‘adhiṭṭhānaṃ, pavattana’’nti ca vattabbataṃ arahatīti vuttaṃ ‘‘adhiṭṭhahitvā pavattetvā’’ti.

    кан̣игасамаабад̇д̇ийд̇и д̇аад̣̇исам̣ буб̣б̣аабхисан̇каарам̣ агад̇ваа таанасо самаабаж̇ж̇ид̇аб̣б̣асамаабад̇д̇и. буна сарийрам̣ взд̣̇анаа аж̇жход̇т̇арад̇и сависзсабуб̣б̣аабхисан̇каарасса агад̇ад̇д̇аа. руубасад̇д̇агааруубасад̇д̇агаани висуд̣̇д̇химаг̇г̇асам̣ван̣н̣анаасу (висуд̣̇д̇хи. дий. 2.706, 717) вид̇т̇аарид̇анаязна взд̣̇ид̇аб̣б̣аани. судту вигкамбхзд̇и буб̣б̣аабхисан̇каарасса саад̇исаяад̇д̇аа. ид̣̇аани д̇амад̇т̇ам̣ убамааяа вибхаавзд̇ум̣ ‘‘яат̇аа наамаа’’д̇иаад̣̇и вуд̇д̇ам̣. абаб̣яуул̣ход̇и абанийд̇о. жуд̣̇д̣̇асахаагаарзхи саннзд̇ваад̇и д̇зсам̣язва руубасад̇д̇агааруубасад̇д̇агаанам̣ васзна жуд̣̇д̣̇асахи багаарзхи вибассанаажид̇д̇ам̣, сагаламзва ваа ад̇д̇абхаавам̣ висабхааг̇арог̇асан̃ж̇анид̇алуукабхааванирог̇агаран̣ааяа синзхзд̇ваа на уббаж̇ж̇иязва саммаасамб̣уд̣̇д̇хзна саад̇исаяасамаабад̇д̇ивзг̇зна сувигкамбхид̇ад̇д̇аа.

    Khaṇikasamāpattīti tādisaṃ pubbābhisaṅkhāraṃ akatvā ṭhānaso samāpajjitabbasamāpatti. Puna sarīraṃ vedanā ajjhottharati savisesapubbābhisaṅkhārassa akatattā. Rūpasattakaarūpasattakāni visuddhimaggasaṃvaṇṇanāsu (visuddhi. ṭī. 2.706, 717) vitthāritanayena veditabbāni. Suṭṭhu vikkhambheti pubbābhisaṅkhārassa sātisayattā. Idāni tamatthaṃ upamāya vibhāvetuṃ ‘‘yathā nāmā’’tiādi vuttaṃ. Apabyūḷhoti apanīto. Cuddasahākārehi sannetvāti tesaṃyeva rūpasattakaarūpasattakānaṃ vasena cuddasahi pakārehi vipassanācittaṃ, sakalameva vā attabhāvaṃ visabhāgarogasañjanitalūkhabhāvanirogakaraṇāya sinehetvā na uppajjiyeva sammāsambuddhena sātisayasamāpattivegena suvikkhambhitattā.

    г̇илаано худ̇ваа буна вудтид̇од̇и буб̣б̣з г̇илаано худ̇ваа буна д̇ад̇о г̇илаанабхаавад̇о вудтид̇о. мад̇хурагабхааво наама сарийрасса т̇амбхид̇ад̇д̇ам̣, д̇ам̣ бана г̇арубхаавабуб̣б̣аганд̇и ааха ‘‘сан̃ж̇аад̇аг̇арубхааво сан̃ж̇аад̇ат̇ад̣̇д̇хабхааво’’д̇и. ‘‘наанаагаарад̇о на убадтаханд̇ий’’д̇и иминаа д̣̇исаасаммохоби мз ахоси согаб̣алзнаад̇и д̣̇ассзд̇и. сад̇ибадтаанаад̣̇ид̇хаммаад̇и гааяаанубассанаад̣̇аяо анубассанаад̇хаммаа буб̣б̣з вибхууд̇аа худ̇ваа убадтаханд̇ааби ид̣̇аани маяхам̣ баагадаа на хонд̇и.

    Gilāno hutvā puna vuṭṭhitoti pubbe gilāno hutvā puna tato gilānabhāvato vuṭṭhito. Madhurakabhāvo nāma sarīrassa thambhitattaṃ, taṃ pana garubhāvapubbakanti āha ‘‘sañjātagarubhāvo sañjātathaddhabhāvo’’ti. ‘‘Nānākārato na upaṭṭhahantī’’ti iminā disāsammohopi me ahosi sokabalenāti dasseti. Satipaṭṭhānādidhammāti kāyānupassanādayo anupassanādhammā pubbe vibhūtā hutvā upaṭṭhahantāpi idāni mayhaṃ pākaṭā na honti.

    165. аб̣бханд̇арам̣ гарод̇и наама ад̇д̇аниязва табанад̇о. буг̇г̇алам̣ аб̣бханд̇арам̣ гарод̇и наама самаанад̇д̇ад̇аавасзна д̇хаммзна буб̣б̣з д̇асса сан̇г̇ан̣хад̇о. д̣̇ахарагаалзд̇и ад̇д̇ано д̣̇ахарагаалз. гассажи агат̇зд̇ваад̇и гассажи ад̇д̇ано анд̇зваасигасса убаниг̇уухабхууд̇ам̣ г̇ант̇ам̣ агат̇зд̇ваа. мудтим̣ гад̇ваад̇и мудтиг̇ад̇ам̣ вияа рахасибхууд̇ам̣ гад̇ваа. яасмим̣ ваа надтз саб̣б̣о д̇ам̣муулаго д̇хаммо винассад̇и, со аад̣̇ид̇о муулабхууд̇о д̇хаммо, муссад̇и винассад̇и д̇хаммо зд̇зна надтзнаад̇и мудти, д̇ам̣ д̇ат̇ааруубам̣ мудтим̣ гад̇ваа барихарид̇ваа табид̇ам̣ гин̃жи над̇т̇ийд̇и д̣̇ассзд̇и.

    165.Abbhantaraṃ karoti nāma attaniyeva ṭhapanato. Puggalaṃ abbhantaraṃ karoti nāma samānattatāvasena dhammena pubbe tassa saṅgaṇhato. Daharakāleti attano daharakāle. Kassaci akathetvāti kassaci attano antevāsikassa upanigūhabhūtaṃ ganthaṃ akathetvā. Muṭṭhiṃ katvāti muṭṭhigataṃ viya rahasibhūtaṃ katvā. Yasmiṃ vā naṭṭhe sabbo taṃmūlako dhammo vinassati, so ādito mūlabhūto dhammo, mussati vinassati dhammo etena naṭṭhenāti muṭṭhi, taṃ tathārūpaṃ muṭṭhiṃ katvā pariharitvā ṭhapitaṃ kiñci natthīti dasseti.

    ахамзваад̇и авад̇хааран̣ам̣ бхигкусан̇гхабарихаран̣асса ан̃н̃асаад̇хааран̣ижчаад̣̇ассанад̇т̇ам̣, авад̇хааран̣зна бана винаа ‘‘ахам̣ бхигкусан̇гха’’нд̇иаад̣̇и бхигкусан̇гхабарихаран̣з ахам̣гаарамамам̣гаараабхаавад̣̇ассананд̇и д̣̇адтаб̣б̣ам̣. уд̣̇д̣̇исид̇аб̣б̣адтзнаад̇и ‘‘сад̇т̇аа’’д̇и уд̣̇д̣̇исид̇аб̣б̣адтзна. маа ваа ахзсум̣ бхигкууд̇и ад̇хиббааяо. ‘‘маа ваа ахосий’’д̇и ваа баато. звам̣ на ход̇ийд̇и ‘‘ахам̣ бхигкусан̇гхам̣ барихариссаамий’’д̇иаад̣̇и аагаарзна жид̇д̇аббавад̇д̇и на ход̇и. ‘‘бажчимаваяаануббад̇д̇абхаавад̣̇ийбанад̇т̇ам̣ вуд̇д̇а’’нд̇и иминаа ваяо вияа б̣уд̣̇д̇хагижжамби барияосид̇агамманд̇и д̣̇ийбзд̇и. сагадасса б̣аахаббад̣̇зсз д̣̇ал̣хийбхаавааяа взтад̣̇аанам̣ б̣аахаб̣анд̇хо. жагганзмисанд̇хийнам̣ д̣̇ал̣хийбхаавааяа взтад̣̇аанам̣ жаггаб̣анд̇хо.

    Ahamevāti avadhāraṇaṃ bhikkhusaṅghapariharaṇassa aññasādhāraṇicchādassanatthaṃ, avadhāraṇena pana vinā ‘‘ahaṃ bhikkhusaṅgha’’ntiādi bhikkhusaṅghapariharaṇe ahaṃkāramamaṃkārābhāvadassananti daṭṭhabbaṃ. Uddisitabbaṭṭhenāti ‘‘satthā’’ti uddisitabbaṭṭhena. Mā vāahesuṃ bhikkhūti adhippāyo. ‘‘Mā vā ahosī’’ti vā pāṭho. Evaṃ na hotīti ‘‘ahaṃ bhikkhusaṅghaṃ pariharissāmī’’tiādi ākārena cittappavatti na hoti. ‘‘Pacchimavayaanuppattabhāvadīpanatthaṃ vutta’’nti iminā vayo viya buddhakiccampi pariyositakammanti dīpeti. Sakaṭassa bāhappadese daḷhībhāvāya veṭhadānaṃ bāhabandho. Cakkanemisandhīnaṃ daḷhībhāvāya veṭhadānaṃ cakkabandho.

    д̇амад̇т̇анд̇и взтамиссагзна ман̃н̃зд̇и вуд̇д̇амад̇т̇ам̣. руубаад̣̇аяо зва д̇хаммаа савиг̇г̇ахо вияа убадтаанад̇о руубанимид̇д̇аад̣̇аяо, д̇зсам̣ руубанимид̇д̇аад̣̇ийнам̣. логияаанам̣ взд̣̇анаананд̇и яаасам̣ нирод̇ханзна паласамаабад̇д̇и самаабаж̇ж̇ид̇аб̣б̣аа, д̇аасам̣ нирод̇хаа паасу ход̇и, д̇ат̇аа б̣аал̣хавзд̣̇анаабхид̇уннасарийрассааби. д̇ад̣̇ад̇т̇ааяаад̇и паласамаабад̇д̇ивихаарад̇т̇ааяа. д̣̇вийхи бхааг̇зхи аабо г̇ад̇о зд̇т̇аад̇и д̣̇ийбо, огхзна бариг̇ад̇о худ̇ваа анаж̇жход̇т̇адо бхуумибхааг̇о, ид̇ха бана жад̇уухиби огхзхи, сам̣саарамахогхзнзва ваа анаж̇жход̇т̇адо ад̇д̇аа ‘‘д̣̇ийбо’’д̇и ад̇хиббзд̇о. д̇знааха ‘‘махаасамуд̣̇д̣̇аг̇ад̇аа’’д̇иаад̣̇и. ад̇д̇ассаран̣аад̇и ад̇д̇аббадисаран̣аа. ад̇д̇аг̇ад̇игаа ваад̇и ад̇д̇абарааяан̣аава . маа ан̃н̃аг̇ад̇игаад̇и ан̃н̃ам̣ гин̃жи г̇ад̇им̣ бадисаран̣ам̣ барааяан̣ам̣ маа жинд̇аяид̇т̇а. гасмаа? ад̇д̇аа наамзд̇т̇а барамад̇т̇ад̇о д̇хаммо аб̣бханд̇арадтзна, со звам̣ самбаад̣̇ид̇о д̇умхаагам̣ д̣̇ийбам̣ д̇аан̣ам̣ г̇ад̇и барааяан̣анд̇и. д̇зна вуд̇д̇ам̣ ‘‘д̇хаммад̣̇ийбаа’’д̇иаад̣̇и. д̇ат̇аа жааха ‘‘ад̇д̇аа хи ад̇д̇ано наат̇о, го хи наат̇о баро сияаа’’д̇и (д̇ха. ба. 160, 380) убад̣̇зсамад̇д̇амзва хи барасмим̣ бадиб̣ад̣̇д̇хам̣, ан̃н̃аа саб̣б̣аа самбад̇д̇и бурисасса ад̇д̇аад̇хийнаа зва. д̇знааха бхаг̇аваа ‘‘д̇умхзхи гижжам̣ аад̇аббам̣, агкаад̇ааро д̇ат̇ааг̇ад̇аа’’д̇и (д̇ха. ба. 276). д̇амаг̇г̇зд̇и д̇амаяог̇асса аг̇г̇з д̇асса ад̇игганд̇аабхаавад̇о. д̇знзвааха ‘‘имз аг̇г̇ад̇амаа’’д̇иаад̣̇и. мамаад̇и мама саасанз. саб̣б̣зби д̇з жад̇усад̇ибадтаанаг̇ожараа ваад̇и жад̇уб̣б̣ид̇хам̣ сад̇ибадтаанам̣ бхаавзд̇ваа б̣руухзд̇ваа д̇ад̣̇зва г̇ожарам̣ ад̇д̇ано бавад̇д̇идтаанам̣ гад̇ваа тид̇аа зва бхигкуу аг̇г̇з бхависсанд̇и.

    Tamatthanti veṭhamissakena maññeti vuttamatthaṃ. Rūpādayo eva dhammā saviggaho viya upaṭṭhānato rūpanimittādayo, tesaṃ rūpanimittādīnaṃ. Lokiyānaṃ vedanānanti yāsaṃ nirodhanena phalasamāpatti samāpajjitabbā, tāsaṃ nirodhā phāsu hoti, tathā bāḷhavedanābhitunnasarīrassāpi. Tadatthāyāti phalasamāpattivihāratthāya. Dvīhi bhāgehi āpo gato etthāti dīpo, oghena parigato hutvā anajjhotthaṭo bhūmibhāgo, idha pana catūhipi oghehi, saṃsāramahogheneva vā anajjhotthaṭo attā ‘‘dīpo’’ti adhippeto. Tenāha ‘‘mahāsamuddagatā’’tiādi. Attassaraṇāti attappaṭisaraṇā. Attagatikā vāti attaparāyaṇāva . Mā aññagatikāti aññaṃ kiñci gatiṃ paṭisaraṇaṃ parāyaṇaṃ mā cintayittha. Kasmā? Attā nāmettha paramatthato dhammo abbhantaraṭṭhena, so evaṃ sampādito tumhākaṃ dīpaṃ tāṇaṃ gati parāyaṇanti. Tena vuttaṃ ‘‘dhammadīpā’’tiādi. Tathā cāha ‘‘attā hi attano nātho, ko hi nātho paro siyā’’ti (dha. pa. 160, 380) upadesamattameva hi parasmiṃ paṭibaddhaṃ, aññā sabbā sampatti purisassa attādhīnā eva. Tenāha bhagavā ‘‘tumhehi kiccaṃ ātappaṃ, akkhātāro tathāgatā’’ti (dha. pa. 276). Tamaggeti tamayogassa agge tassa atikkantābhāvato. Tenevāha ‘‘ime aggatamā’’tiādi. Mamāti mama sāsane. Sabbepi te catusatipaṭṭhānagocarā vāti catubbidhaṃ satipaṭṭhānaṃ bhāvetvā brūhetvā tadeva gocaraṃ attano pavattiṭṭhānaṃ katvā ṭhitā eva bhikkhū agge bhavissanti.

    д̣̇уд̇ияабхаан̣аваараван̣н̣анаа нидтид̇аа.

    Dutiyabhāṇavāravaṇṇanā niṭṭhitā.

    нимид̇д̇обхаасагат̇ааван̣н̣анаа

    Nimittobhāsakathāvaṇṇanā

    166. анзгаваарам̣ бхаг̇аваа взсаалияам̣ вихарад̇и, д̇асмаа имам̣ взсаалиббавзсанам̣ нияамзд̇ваа д̣̇ассзд̇ум̣ ‘‘гад̣̇аа баависий’’д̇и бужчид̇ваа ааг̇аманад̇о бадтааяа д̇ам̣ д̣̇ассзнд̇о ‘‘бхаг̇аваа гираа’’д̇иаад̣̇имааха. ааг̇ад̇амаг̇г̇знзваад̇и буб̣б̣з яаава взл̣уваг̇аамагаа ааг̇ад̇амаг̇г̇знзва бадинивад̇д̇знд̇о. яат̇аабарижчзд̣̇знаад̇и яат̇аабарижчиннагаалзна. д̇ад̇од̇и паласамаабад̇д̇ид̇о. аяанд̇и ид̣̇аани вужжамаанаагааро. д̣̇иваадтаанологанаад̣̇и бариниб̣б̣аанасса зганд̇игабхаавад̣̇ассанам̣. оссадтод̇и виссадто ааяусан̇кааро ‘‘сад̇д̇аахамзва маяаа ж̇ийвид̇аб̣б̣а’’нд̇и.

    166. Anekavāraṃ bhagavā vesāliyaṃ viharati, tasmā imaṃ vesālippavesanaṃ niyametvā dassetuṃ ‘‘kadā pāvisī’’ti pucchitvā āgamanato paṭṭhāya taṃ dassento ‘‘bhagavā kirā’’tiādimāha. Āgatamaggenevāti pubbe yāva veḷuvagāmakā āgatamaggeneva paṭinivattento. Yathāparicchedenāti yathāparicchinnakālena. Tatoti phalasamāpattito. Ayanti idāni vuccamānākāro. Divāṭṭhānolokanādi parinibbānassa ekantikabhāvadassanaṃ. Ossaṭṭhoti vissaṭṭho āyusaṅkhāro ‘‘sattāhameva mayā jīvitabba’’nti.

    ж̇здтаганидтабхаад̇игаананд̇и саб̣б̣зва саб̣рахмажаарино санд̇хааяа вад̣̇ад̇и.

    Jeṭṭhakaniṭṭhabhātikānanti sabbeva sabrahmacārino sandhāya vadati.

    бадибаад̣̇зссаамийд̇и маг̇г̇абадибад̇д̇ияаа нияож̇зссаами. ман̣ипалагзд̇и ман̣икажид̇з бамукз ад̇т̇ад̇апалагз. д̇ам̣ батамам̣ д̣̇ассананд̇и яам̣ взл̣уванз бариб̣б̣ааж̇агаруубзна ааг̇ад̇асса сид̣̇д̇хам̣ д̣̇ассанам̣, д̇ам̣ батамад̣̇ассанам̣. яам̣ ваа аномад̣̇ассисса бхаг̇авад̇о важанам̣ сад̣̇д̣̇аханд̇зна д̇ад̣̇аа абхинийхаарагаалз бажжагкад̇о вияа д̇умхаагам̣ д̣̇ассанам̣ сид̣̇д̇хам̣, д̇ам̣ батамад̣̇ассанам̣. бажжааг̇аманажаариганд̇и бажжааг̇аманад̇т̇ам̣ жааригам̣.

    Paṭipādessāmīti maggapaṭipattiyā niyojessāmi. Maṇiphalaketi maṇikhacite pamukhe atthataphalake. Taṃ paṭhamaṃdassananti yaṃ veḷuvane paribbājakarūpena āgatassa siddhaṃ dassanaṃ, taṃ paṭhamadassanaṃ. Yaṃ vā anomadassissa bhagavato vacanaṃ saddahantena tadā abhinīhārakāle paccakkhato viya tumhākaṃ dassanaṃ siddhaṃ, taṃ paṭhamadassanaṃ. Paccāgamanacārikanti paccāgamanatthaṃ cārikaṃ.

    сад̇д̇ааханд̇и ажжанд̇асам̣яог̇з убаяог̇аважанам̣. т̇зрасса ж̇аад̇оварагаг̇зхам̣ гира ид̇араг̇зхад̇о вивзгадтам̣, вивадан̇г̇ан̣ан̃жа, д̇асмаа д̣̇зваб̣рахмаанам̣ убасан̇гаманаяог̇яанд̇и ‘‘ж̇аад̇оварагам̣ бадиж̇аг̇г̇ат̇аа’’д̇и вуд̇д̇ам̣. сод̇и убарзвад̇о. д̇ам̣ бавад̇д̇инд̇и д̇ад̇т̇а васид̇угаамад̇ааяа вуд̇д̇ам̣ д̇ам̣.

    Sattāhanti accantasaṃyoge upayogavacanaṃ. Therassa jātovarakagehaṃ kira itaragehato vivekaṭṭhaṃ, vivaṭaṅgaṇañca, tasmā devabrahmānaṃ upasaṅkamanayogyanti ‘‘jātovarakaṃ paṭijaggathā’’ti vuttaṃ. Soti uparevato. Taṃ pavattinti tattha vasitukāmatāya vuttaṃ taṃ.

    ‘‘ж̇аананд̇ааби д̇ат̇ааг̇ад̇аа бужчанд̇ий’’д̇и (баараа. 16, 165) иминаа нийхаарзна т̇зро ‘‘гз д̇умхз’’д̇и бужчи. ‘‘д̇вам̣ жад̇уухи махаарааж̇зхи маханд̇ад̇аро’’д̇и будто ад̇д̇ано махад̇д̇ам̣ сад̇т̇у убари багкибанд̇о ‘‘аараамигасад̣̇исаа зд̇з убаасигз амхаагам̣ сад̇т̇уно’’д̇и ааха. саавагасамбад̇д̇игид̇д̇анамби хи ад̇т̇ад̇о сад̇т̇у самбад̇д̇им̣язва вибхаавзд̇и.

    ‘‘Jānantāpi tathāgatā pucchantī’’ti (pārā. 16, 165) iminā nīhārena thero ‘‘ke tumhe’’ti pucchi. ‘‘Tvaṃ catūhi mahārājehi mahantataro’’ti puṭṭho attano mahattaṃ satthu upari pakkhipanto ‘‘ārāmikasadisā ete upāsike amhākaṃ satthuno’’ti āha. Sāvakasampattikittanampi hi atthato satthu sampattiṃyeva vibhāveti.

    сод̇аабад̇д̇ипалз бад̇идтааяаад̇и т̇зрасса д̣̇зсанаанубхаавзна, ад̇д̇ано жа убаниссаяасамбад̇д̇ияаа н̃аан̣асса барибаггад̇д̇аа сод̇аабад̇д̇ипалз бад̇идтахид̇ваа.

    Sotāpattiphale patiṭṭhāyāti therassa desanānubhāvena, attano ca upanissayasampattiyā ñāṇassa paripakkattā sotāpattiphale patiṭṭhahitvā.

    аяанд̇и яат̇аавуд̇д̇аа. зд̇т̇аад̇и ‘‘взсаалим̣ бин̣д̣ааяа баависий’’д̇и зд̇асмим̣ взсаалийбавзсз. анубуб̣б̣ийгат̇аад̇и анубуб̣б̣ад̣̇ийбаний гат̇аа.

    Ayanti yathāvuttā. Etthāti ‘‘vesāliṃ piṇḍāya pāvisī’’ti etasmiṃ vesālīpavese. Anupubbīkathāti anupubbadīpanī kathā.

    167. уд̣̇знаяагкасса жзд̇ияадтаанзд̇и уд̣̇знасса наама яагкасса ааяад̇анабхаавзна идтагаахи жид̇з махааж̇анасса жид̇д̇ийгад̇адтаанз. гад̇авихаарод̇и бхаг̇аванд̇ам̣ уд̣̇д̣̇исса гад̇авихааро. вужжад̇ийд̇и буримавохаарзна ‘‘уд̣̇знажзд̇ияа’’нд̇и вужжад̇и. г̇од̇амагаад̣̇ийсубийд̇и ‘‘г̇од̇амагажзд̇ияа’’нд̇и звам̣ аад̣̇ийсуби. зсзва наяод̇и жзд̇ияадтаанз гад̇авихаарабхаавам̣ ад̇ид̣̇исад̇и. вад̣дхид̇аад̇и бхааванаабаарибууривасзна бариб̣руухид̇аа. бунаббунам̣ гад̇аад̇и бхааванааяа б̣ахулийгаран̣зна абараабарам̣ бавад̇д̇ид̇аа. яуд̇д̇аяаанам̣ вияа гад̇аад̇и яат̇аа яуд̇д̇ам̣ ааж̇ан̃н̃аяаанам̣ чзгзна саарат̇инаа ад̇хидтид̇ам̣ яат̇ааружи бавад̇д̇ад̇и, звам̣ яат̇ааружибавад̇д̇ирахад̇ам̣ г̇амид̇аа. бад̇идтаанадтзнаад̇и ад̇хидтаанадтзна. вад̇т̇у вияа гад̇аад̇и саб̣б̣асо убаггилзсависод̇ханзна ид̣̇д̇хивисаяад̇ааяа бавад̇д̇идтаанабхаавад̇о сувисод̇хид̇абариссаяавад̇т̇у вияа гад̇аа. ад̇хидтид̇аад̇и бадибагкад̣̇уурийбхаавад̇о субхаавид̇абхаавзна д̇ам̣д̇ам̣ад̇хидтаанаяог̇яад̇ааяа табид̇аа . саманд̇ад̇о жид̇аад̇и саб̣б̣абхааг̇зна бхааванубажаяам̣ г̇амид̇аа. д̇знааха ‘‘сувад̣дхид̇аа’’д̇и. судту самаарад̣̇д̇хаад̇и ид̣̇д̇хибхааванааяа сикааббад̇д̇ияаа саммад̣̇зва сам̣сзвид̇аа.

    167.Udenayakkhassa cetiyaṭṭhāneti udenassa nāma yakkhassa āyatanabhāvena iṭṭhakāhi cite mahājanassa cittīkataṭṭhāne. Katavihāroti bhagavantaṃ uddissa katavihāro. Vuccatīti purimavohārena ‘‘udenacetiya’’nti vuccati. Gotamakādīsupīti ‘‘gotamakacetiya’’nti evaṃ ādīsupi. Eseva nayoti cetiyaṭṭhāne katavihārabhāvaṃ atidisati. Vaḍḍhitāti bhāvanāpāripūrivasena paribrūhitā. Punappunaṃ katāti bhāvanāya bahulīkaraṇena aparāparaṃ pavattitā. Yuttayānaṃ viya katāti yathā yuttaṃ ājaññayānaṃ chekena sārathinā adhiṭṭhitaṃ yathāruci pavattati, evaṃ yathārucipavattirahataṃ gamitā. Patiṭṭhānaṭṭhenāti adhiṭṭhānaṭṭhena. Vatthu viya katāti sabbaso upakkilesavisodhanena iddhivisayatāya pavattiṭṭhānabhāvato suvisodhitaparissayavatthu viya katā. Adhiṭṭhitāti paṭipakkhadūrībhāvato subhāvitabhāvena taṃtaṃadhiṭṭhānayogyatāya ṭhapitā . Samantato citāti sabbabhāgena bhāvanupacayaṃ gamitā. Tenāha ‘‘suvaḍḍhitā’’ti. Suṭṭhu samāraddhāti iddhibhāvanāya sikhāppattiyā sammadeva saṃsevitā.

    анияамзнаад̇и ‘‘яасса гассажий’’д̇и анияамаважанзна. нияамзд̇ваад̇и ‘‘д̇ат̇ааг̇ад̇ассаа’’д̇и саруубад̣̇ассанзна нияамзд̇ваа. ааяуббамаан̣анд̇и барамааяуббамаан̣ам̣ вад̣̇ад̇и, д̇ассзва г̇ахан̣з гааран̣ам̣ б̣рахмаж̇ааласуд̇д̇аван̣н̣анааяам̣ (д̣̇ий. ни. адта. 1.40; д̣̇ий. ни. дий. 1.40) вуд̇д̇анаязнзва взд̣̇ид̇аб̣б̣ам̣. махаасивад̇т̇зро бана ‘‘махааб̣од̇хисад̇д̇аанам̣ жаримабхавз бадисанд̇хид̣̇ааяино гаммасса асан̇кязяяааяугад̇аасам̣вад̇д̇анасамад̇т̇ад̇ам̣ хад̣̇аяз табзд̇ваа б̣уд̣̇д̇хаанам̣ ааяусан̇каарасса бариссаяавигкамбханасамад̇т̇ад̇аа баал̣ияам̣ ааг̇ад̇аа зваад̇и имам̣ бхад̣̇д̣̇агаббамзва д̇идтзяяаа’’д̇и авожа. ‘‘кан̣д̣ижжаад̣̇ийхи абхибхуяяад̇ий’’д̇и зд̇зна яат̇аа ид̣̇д̇хиб̣алзна ж̇арааяа на бадигхаад̇о, звам̣ д̇зна маран̣ассаби на бадигхаад̇од̇и ад̇т̇ад̇о аабаннамзваад̇и. ‘‘гва саро кид̇д̇о, гва жа нибад̇ид̇о’’д̇и ан̃н̃ат̇аа вудтид̇знааби т̇зраваад̣̇зна адтагат̇ааважанамзва самад̇т̇ид̇анд̇и д̣̇адтаб̣б̣ам̣ . д̇знааха ‘‘со на ружжад̇и…бз… нияамид̇а’’нд̇и.

    Aniyamenāti ‘‘yassa kassacī’’ti aniyamavacanena. Niyametvāti ‘‘tathāgatassā’’ti sarūpadassanena niyametvā. Āyuppamāṇanti paramāyuppamāṇaṃ vadati, tasseva gahaṇe kāraṇaṃ brahmajālasuttavaṇṇanāyaṃ (dī. ni. aṭṭha. 1.40; dī. ni. ṭī. 1.40) vuttanayeneva veditabbaṃ. Mahāsivatthero pana ‘‘mahābodhisattānaṃ carimabhave paṭisandhidāyino kammassa asaṅkhyeyyāyukatāsaṃvattanasamatthataṃ hadaye ṭhapetvā buddhānaṃ āyusaṅkhārassa parissayavikkhambhanasamatthatā pāḷiyaṃ āgatā evāti imaṃ bhaddakappameva tiṭṭheyyā’’ti avoca. ‘‘Khaṇḍiccādīhi abhibhuyyatī’’ti etena yathā iddhibalena jarāya na paṭighāto, evaṃ tena maraṇassapi na paṭighātoti atthato āpannamevāti. ‘‘Kva saro khitto, kva ca nipatito’’ti aññathā vuṭṭhitenāpi theravādena aṭṭhakathāvacanameva samatthitanti daṭṭhabbaṃ . Tenāha ‘‘so na ruccati…pe… niyamita’’nti.

    барияудтид̇ажид̇д̇од̇и яат̇аа гин̃жи ад̇т̇аанад̇т̇ам̣ саллагкзд̇ум̣ на саггаа, звам̣ абхибхууд̇ажид̇д̇о. со бана абхибхаво махад̇аа уд̣̇агогхзна аббагасса уд̣̇агасса аж̇жход̇т̇аран̣ам̣ вияа ахосийд̇и вуд̇д̇ам̣ ‘‘аж̇жход̇т̇адажид̇д̇о’’д̇и. ан̃н̃обийд̇и т̇зрад̇о, ариязхи ваа ан̃н̃оби яо гожи бут̇уж̇ж̇ано. бут̇уж̇ж̇анаг̇г̇ахан̣ан̃жзд̇т̇а яат̇аа саб̣б̣зна саб̣б̣ам̣ аббахийнавибаллаасо маарзна барияудтид̇ажид̇д̇о гин̃жи ад̇т̇ам̣ саллагкзд̇ум̣ на саггод̇и, звам̣ т̇зро бхаг̇авад̇аа гад̇ам̣ нимид̇д̇обхаасам̣ саб̣б̣асо на саллагкзсийд̇и д̣̇ассанад̇т̇ам̣. д̇знааха ‘‘мааро хий’’д̇иаад̣̇и. жад̇д̇ааро вибаллаасаад̇и асубхз ‘‘субха’’нд̇и сан̃н̃аавибаллаасо, жид̇д̇авибаллаасо, д̣̇угкз ‘‘сука’’нд̇и сан̃н̃аавибаллаасо, жид̇д̇авибаллаасод̇и имз жад̇д̇ааро вибаллаасаа. д̇знаад̇и яад̣̇иби ид̇арз адта вибаллаасаа бахийнаа, д̇ат̇ааби яат̇аавуд̇д̇аанам̣ жад̇уннам̣ вибаллаасаанам̣ аббахийнабхаавзна. ассаад̇и т̇зрасса. мад̣̇д̣̇ад̇ийд̇и пусанамад̇д̇зна мад̣̇д̣̇анд̇о вияа ход̇и, ан̃н̃ат̇аа д̇зна мад̣̇д̣̇ид̇з сад̇д̇аанам̣ маран̣амзва сияаа. гим̣ сагкиссад̇и, на сагкиссад̇ийд̇и ад̇хиббааяо. гасмаа на сагкиссад̇и, нану зса аг̇г̇асаавагасса гужчим̣ бавидтод̇и? сажжам̣ бавидто, д̇ан̃жа ко ад̇д̇ано аанубхаавад̣̇ассанад̇т̇ам̣, на виб̣аад̇ханаад̇хиббааязна. виб̣аад̇ханаад̇хиббааязна бана ид̇ха ‘‘гим̣ сагкиссад̇ий’’д̇и вуд̇д̇ам̣ хад̣̇аяамад̣̇д̣̇анасса ад̇хиг̇ад̇ад̇д̇аа. нимид̇д̇обхаасанд̇и зд̇т̇а ‘‘д̇идтад̇у бхаг̇аваа габба’’нд̇и сагалагаббам̣ авадтаанаяаажанааяа ‘‘яасса гассажи аананд̣̇а жад̇д̇ааро ид̣̇д̇хибаад̣̇аа бхаавид̇аа’’д̇иаад̣̇инаа ан̃н̃аабад̣̇зсзна ад̇д̇ано жад̇урид̣̇д̇хибаад̣̇абхааванаанубхаавзна габбам̣ авадтаанасамад̇т̇ад̇аавасзна сан̃н̃уббаад̣̇анам̣ нимид̇д̇ам̣, д̇ат̇аа бана барияааяам̣ мун̃жид̇ваа уж̇угам̣язва ад̇д̇ано ад̇хиббааяавибхааванам̣ обхаасо. ж̇аананд̇оязва ваад̇и маарзна барияудтид̇абхаавам̣ ж̇аананд̇о зва. ад̇д̇ано абараад̇хахзд̇уд̇о сад̇д̇аанам̣ сого д̇ануго ход̇и, на б̣алаваад̇и ааха ‘‘д̣̇осааробанзна согад̇анугаран̣ад̇т̇а’’нд̇и. гим̣ бана т̇зро маарзна барияудтид̇ажид̇д̇агаалз бавад̇д̇им̣ бажчаа ж̇аанаад̇ийд̇и? на ж̇аанаад̇и сабхаавзна, б̣уд̣̇д̇хаанубхаавзна бана ануж̇аанаад̇и.

    Pariyuṭṭhitacittoti yathā kiñci atthānatthaṃ sallakkhetuṃ na sakkā, evaṃ abhibhūtacitto. So pana abhibhavo mahatā udakoghena appakassa udakassa ajjhottharaṇaṃ viya ahosīti vuttaṃ ‘‘ajjhotthaṭacitto’’ti. Aññopīti therato, ariyehi vā aññopi yo koci puthujjano. Puthujjanaggahaṇañcettha yathā sabbena sabbaṃ appahīnavipallāso mārena pariyuṭṭhitacitto kiñci atthaṃ sallakkhetuṃ na sakkoti, evaṃ thero bhagavatā kataṃ nimittobhāsaṃ sabbaso na sallakkhesīti dassanatthaṃ. Tenāha ‘‘māro hī’’tiādi. Cattāro vipallāsāti asubhe ‘‘subha’’nti saññāvipallāso, cittavipallāso, dukkhe ‘‘sukha’’nti saññāvipallāso, cittavipallāsoti ime cattāro vipallāsā. Tenāti yadipi itare aṭṭha vipallāsā pahīnā, tathāpi yathāvuttānaṃ catunnaṃ vipallāsānaṃ appahīnabhāvena. Assāti therassa. Maddatīti phusanamattena maddanto viya hoti, aññathā tena maddite sattānaṃ maraṇameva siyā. Kiṃ sakkhissati, na sakkhissatīti adhippāyo. Kasmā na sakkhissati, nanu esa aggasāvakassa kucchiṃ paviṭṭhoti? Saccaṃ paviṭṭho, tañca kho attano ānubhāvadassanatthaṃ, na vibādhanādhippāyena. Vibādhanādhippāyena pana idha ‘‘kiṃ sakkhissatī’’ti vuttaṃ hadayamaddanassa adhigatattā. Nimittobhāsanti ettha ‘‘tiṭṭhatu bhagavā kappa’’nti sakalakappaṃ avaṭṭhānayācanāya ‘‘yassa kassaci ānanda cattāro iddhipādā bhāvitā’’tiādinā aññāpadesena attano caturiddhipādabhāvanānubhāvena kappaṃ avaṭṭhānasamatthatāvasena saññuppādanaṃ nimittaṃ, tathā pana pariyāyaṃ muñcitvā ujukaṃyeva attano adhippāyavibhāvanaṃ obhāso. Jānantoyeva vāti mārena pariyuṭṭhitabhāvaṃ jānanto eva. Attano aparādhahetuto sattānaṃ soko tanuko hoti, na balavāti āha ‘‘dosāropanena sokatanukaraṇattha’’nti. Kiṃ pana thero mārena pariyuṭṭhitacittakāle pavattiṃ pacchā jānātīti? Na jānāti sabhāvena, buddhānubhāvena pana anujānāti.

    маараяаажанагат̇ааван̣н̣анаа

    Mārayācanakathāvaṇṇanā

    168. анад̇т̇з нияож̇знд̇о г̇ун̣амааран̣зна маарзд̇и, вирааг̇авиб̣анд̇ханзна ваа ж̇аад̇инимид̇д̇ад̇ааяа д̇ад̇т̇а д̇ад̇т̇а ж̇аад̇ам̣ ж̇аад̇ам̣ маарзнд̇о вияа ход̇ийд̇и ‘‘маарзд̇ийд̇и мааро’’д̇и вуд̇д̇ам̣. ад̇ивияа баабад̇ааяа баабимаа. ган̣хад̇хаммзхи саманнааг̇ад̇о ган̣хо. вирааг̇аад̣̇иг̇ун̣аанам̣ анд̇агаран̣ад̇о анд̇аго. сад̇д̇аанам̣ анад̇т̇аавахабадибад̇д̇им̣ на мужжад̇ийд̇и намужи. ад̇д̇ано маарабаасзна бамад̇д̇з б̣анд̇хад̇и, бамад̇д̇аа ваа б̣анд̇хуу зд̇ассаад̇и бамад̇д̇аб̣анд̇ху. сад̇д̇амасад̇д̇аахад̇о барам̣ сад̇д̇а ахаани санд̇хааяааха ‘‘адтамз сад̇д̇аахз’’д̇и на бана баллан̇гасад̇д̇аахаад̣̇и вияа нияад̇агижжасса адтамасад̇д̇аахасса наама лаб̣бханад̇о. сад̇д̇амасад̇д̇аахасса хи барад̇о аж̇абааланиг̇род̇хамуулз махааб̣рахмуно, саггасса жа д̣̇зваран̃н̃о бадин̃н̃аад̇ад̇хаммад̣̇зсанам̣ бхаг̇аванд̇ам̣ н̃ад̇ваа ‘‘ид̣̇аани сад̇д̇з д̇хаммад̣̇зсанааяа мама висаяам̣ ад̇иггамаабзссад̇ий’’д̇и сан̃ж̇аад̇ад̣̇оманассо худ̇ваа тид̇о жинд̇зси ‘‘ханд̣̇а д̣̇аанаахам̣ нам̣ убааязна бариниб̣б̣аабзссаами, звамасса манорат̇о ан̃н̃ат̇ад̇д̇ам̣ г̇амиссад̇и, мама жа манорат̇о иж̇жхиссад̇ий’’д̇и . звам̣ бана жинд̇зд̇ваа бхаг̇аванд̇ам̣ убасан̇гамид̇ваа згам̣ анд̇ам̣ тид̇о ‘‘бариниб̣б̣аад̇у д̣̇аани бханд̇з бхаг̇аваа’’д̇иаад̣̇инаа бариниб̣б̣аанам̣ яаажи, д̇ам̣ санд̇хааяа вуд̇д̇ам̣ ‘‘адтамз сад̇д̇аахз’’д̇иаад̣̇и. д̇ад̇т̇а аж̇ж̇аад̇и ааяусан̇каароссаж̇ж̇анад̣̇ивасам̣ санд̇хааяааха. бхаг̇аваа жасса абхисанд̇хим̣ ж̇аананд̇оби д̇ам̣ анаавигад̇ваа бариниб̣б̣аанасса агаалабхаавамзва багаасзнд̇о яаажанам̣ бадигкиби. д̇знааха ‘‘на д̇аавааха’’нд̇иаад̣̇и.

    168.Anatthe niyojento guṇamāraṇena māreti, virāgavibandhanena vā jātinimittatāya tattha tattha jātaṃ jātaṃ mārento viya hotīti ‘‘māretīti māro’’ti vuttaṃ. Ativiya pāpatāya pāpimā. Kaṇhadhammehi samannāgato kaṇho. Virāgādiguṇānaṃ antakaraṇato antako. Sattānaṃ anatthāvahapaṭipattiṃ na muccatīti namuci. Attano mārapāsena pamatte bandhati, pamattā vā bandhū etassāti pamattabandhu. Sattamasattāhato paraṃ satta ahāni sandhāyāha ‘‘aṭṭhame sattāhe’’ti na pana pallaṅkasattāhādi viya niyatakiccassa aṭṭhamasattāhassa nāma labbhanato. Sattamasattāhassa hi parato ajapālanigrodhamūle mahābrahmuno, sakkassa ca devarañño paṭiññātadhammadesanaṃ bhagavantaṃ ñatvā ‘‘idāni satte dhammadesanāya mama visayaṃ atikkamāpessatī’’ti sañjātadomanasso hutvā ṭhito cintesi ‘‘handa dānāhaṃ naṃ upāyena parinibbāpessāmi, evamassa manoratho aññathattaṃ gamissati, mama ca manoratho ijjhissatī’’ti . Evaṃ pana cintetvā bhagavantaṃ upasaṅkamitvā ekaṃ antaṃ ṭhito ‘‘parinibbātu dāni bhante bhagavā’’tiādinā parinibbānaṃ yāci, taṃ sandhāya vuttaṃ ‘‘aṭṭhame sattāhe’’tiādi. Tattha ajjāti āyusaṅkhārossajjanadivasaṃ sandhāyāha. Bhagavā cassa abhisandhiṃ jānantopi taṃ anāvikatvā parinibbānassa akālabhāvameva pakāsento yācanaṃ paṭikkhipi. Tenāha ‘‘na tāvāha’’ntiādi.

    маг̇г̇авасзна вияад̇д̇аад̇и сажжасамбадивзд̇хавзяяад̇д̇иязна б̣яад̇д̇аа. д̇ат̇зва винийд̇аад̇и маг̇г̇авасзна гилзсаанам̣ самужчзд̣̇авинаяанзна винийд̇аа. д̇ат̇аа висаарад̣̇аад̇и арияамаг̇г̇аад̇хиг̇амзнзва сад̇т̇усаасанз взсаараж̇ж̇аббад̇д̇ияаа висаарад̣̇аа , саараж̇ж̇агараанам̣ д̣̇идтивижигижчаад̣̇ибаабад̇хаммаанам̣ виг̇амзна висаарад̣̇абхаавам̣ бад̇д̇аад̇и ад̇т̇о. яасса суд̇асса васзна ваддад̣̇угкад̇о ниссаран̣ам̣ самбхавад̇и, д̇ам̣ ид̇ха уггадтанид̣̇д̣̇зсзна ‘‘суд̇а’’нд̇и ад̇хиббзд̇анд̇и ааха ‘‘д̇збидагавасзнаа’’д̇и. д̇ин̣н̣ам̣ бидагаанам̣ самуухо д̇збидагам̣, д̇ийн̣и ваа бидагаани д̇ибидагам̣, д̇ибидагамзва д̇збидагам̣, д̇асса васзна. д̇амзваад̇и яам̣ д̇ам̣ д̇збидагам̣ сод̇аб̣б̣абхаавзна ‘‘суд̇а’’нд̇и вуд̇д̇ам̣, д̇амзва. д̇хамманд̇и барияад̇д̇ид̇хаммам̣. д̇хаарзнд̇ийд̇и суван̣н̣абхааж̇анз багкид̇д̇асийхавасам̣ вияа авинассанд̇ам̣ гад̇ваа суббаг̇ун̣асуббавад̇д̇ибхаавзна д̇хаарзнд̇и хад̣̇аяз табзнд̇и. ид̇и барияад̇д̇ид̇хаммавасзна б̣ахуссуд̇ад̇хаммад̇харабхаавам̣ д̣̇ассзд̇ваа ид̣̇аани бадивзд̇хад̇хаммавасзнаби д̇ам̣ д̣̇ассзд̇ум̣ ‘‘ат̇а ваа’’д̇иаад̣̇и вуд̇д̇ам̣. арияад̇хаммассаад̇и маг̇г̇апалад̇хаммасса, нававид̇хассааби ваа логуд̇д̇арад̇хаммасса. ануд̇хаммабхууд̇анд̇и ад̇хиг̇амааяа ануруубад̇хаммабхууд̇ам̣. анужчавигабадибад̣̇анд̇и жа д̇амзва вибассанаад̇хаммамааха, чаб̣б̣ид̇хаа висуд̣̇д̇хияо ваа. ануд̇хамманд̇и д̇ассаа яат̇аавуд̇д̇абадибад̣̇ааяа ануруубам̣ абхисаллзкид̇ам̣ аббижчад̇аад̣̇ид̇хаммам̣. жаран̣асийлаад̇и самаад̣̇ааяа бавад̇д̇анасийлаа. ану маг̇г̇апалад̇хаммо зд̇иссаад̇и ваа ануд̇хаммаа, вудтаанаг̇ааминивибассанаа, д̇ассаа жаран̣асийлаа. ад̇д̇ано аажарияаваад̣̇анд̇и ад̇д̇ано аажарияасса саммаасамб̣уд̣̇д̇хасса ваад̣̇ам̣. сад̣̇звагасса логасса аажаарасигкаабанзна аажарияо, бхаг̇аваа. д̇асса ваад̣̇о, жад̇усажжад̣̇зсанаа.

    Maggavasena viyattāti saccasampaṭivedhaveyyattiyena byattā. Tatheva vinītāti maggavasena kilesānaṃ samucchedavinayanena vinītā. Tathā visāradāti ariyamaggādhigameneva satthusāsane vesārajjappattiyā visāradā , sārajjakarānaṃ diṭṭhivicikicchādipāpadhammānaṃ vigamena visāradabhāvaṃ pattāti attho. Yassa sutassa vasena vaṭṭadukkhato nissaraṇaṃ sambhavati, taṃ idha ukkaṭṭhaniddesena ‘‘suta’’nti adhippetanti āha ‘‘tepiṭakavasenā’’ti. Tiṇṇaṃ piṭakānaṃ samūho tepiṭakaṃ, tīṇi vā piṭakāni tipiṭakaṃ, tipiṭakameva tepiṭakaṃ, tassa vasena. Tamevāti yaṃ taṃ tepiṭakaṃ sotabbabhāvena ‘‘suta’’nti vuttaṃ, tameva. Dhammanti pariyattidhammaṃ. Dhārentīti suvaṇṇabhājane pakkhittasīhavasaṃ viya avinassantaṃ katvā suppaguṇasuppavattibhāvena dhārenti hadaye ṭhapenti. Iti pariyattidhammavasena bahussutadhammadharabhāvaṃ dassetvā idāni paṭivedhadhammavasenapi taṃ dassetuṃ ‘‘atha vā’’tiādi vuttaṃ. Ariyadhammassāti maggaphaladhammassa, navavidhassāpi vā lokuttaradhammassa. Anudhammabhūtanti adhigamāya anurūpadhammabhūtaṃ. Anucchavikapaṭipadanti ca tameva vipassanādhammamāha, chabbidhā visuddhiyo vā. Anudhammanti tassā yathāvuttapaṭipadāya anurūpaṃ abhisallekhitaṃ appicchatādidhammaṃ. Caraṇasīlāti samādāya pavattanasīlā. Anu maggaphaladhammo etissāti vā anudhammā, vuṭṭhānagāminivipassanā, tassā caraṇasīlā. Attano ācariyavādanti attano ācariyassa sammāsambuddhassa vādaṃ. Sadevakassa lokassa ācārasikkhāpanena ācariyo, bhagavā. Tassa vādo, catusaccadesanā.

    аажигкиссанд̇ийд̇и аад̣̇ид̇о гат̇зссанд̇и, ад̇д̇анаа уг̇г̇ахид̇анияаамзна барз уг̇г̇ан̣хаабзссанд̇ийд̇и ад̇т̇о. д̣̇зсзссанд̇ийд̇и ваажзссанд̇и, баал̣им̣ саммаа баб̣од̇хзссанд̇ийд̇и ад̇т̇о. бан̃н̃аабзссанд̇ийд̇и баж̇аанаабзссанд̇и, сан̇гаабзссанд̇ийд̇и ад̇т̇о. бадтабзссанд̇ийд̇и багаарзхи табзссанд̇и, багаасзссанд̇ийд̇и ад̇т̇о. вивариссанд̇ийд̇и вивадам̣ гариссанд̇и. вибхаж̇иссанд̇ийд̇и вибхад̇д̇ам̣ гариссанд̇и. уд̇д̇ааним̣ гариссанд̇ийд̇и ануд̇д̇аанам̣ г̇амбхийрам̣ уд̇д̇аанам̣ баагадам̣ гариссанд̇и. саха д̇хаммзнаад̇и зд̇т̇а д̇хамма-сад̣̇д̣̇о гааран̣абарияааяо ‘‘хзд̇умхи н̃аан̣ам̣ д̇хаммабадисамбхид̣̇аа’’д̇иаад̣̇ийсу (вибха. 270) вияаад̇и ааха ‘‘сахзд̇угзна сагааран̣зна важанзнаа’’д̇и. саббаадихаарияанд̇и саниссаран̣ам̣ , яат̇аа бараваад̣̇ам̣ бхан̃ж̇ид̇ваа сагаваад̣̇о бад̇идтахад̇и, звам̣ хзд̇уд̣̇аахаран̣зхи яат̇аад̇хиг̇ад̇амад̇т̇ам̣ самбаад̣̇зд̇ваа д̇хаммам̣ гат̇зссанд̇и. д̇знааха ‘‘нияяаанигам̣ гад̇ваа д̇хаммам̣ д̣̇зсзссанд̇ий’’д̇и, нававид̇хам̣ логуд̇д̇арад̇хаммам̣ баб̣од̇хзссанд̇ийд̇и ад̇т̇о. зд̇т̇а жа ‘‘бан̃н̃аабзссанд̇ий’’д̇иаад̣̇ийхи чахи бад̣̇зхи ча ад̇т̇абад̣̇аани д̣̇ассид̇аани, аад̣̇ид̇о бана д̣̇вийхи бад̣̇зхи ча б̣яан̃ж̇анабад̣̇аани. зд̇д̇аавад̇аа д̇збидагам̣ б̣уд̣̇д̇хаважанам̣ сам̣ван̣н̣анаанаязна сан̇г̇ахзд̇ваа д̣̇ассид̇ам̣ ход̇и. вуд̇д̇ан̃хзд̇ам̣ нзд̇д̇ияам̣ ‘‘д̣̇ваад̣̇асабад̣̇аани суд̇д̇ам̣, д̇ам̣ саб̣б̣ам̣ б̣яан̃ж̇анан̃жа ад̇т̇о жаа’’д̇и (нзд̇д̇и. сан̇каарз).

    Ācikkhissantīti ādito kathessanti, attanā uggahitaniyāmena pare uggaṇhāpessantīti attho. Desessantīti vācessanti, pāḷiṃ sammā pabodhessantīti attho. Paññāpessantīti pajānāpessanti, saṅkāpessantīti attho. Paṭṭhapessantīti pakārehi ṭhapessanti, pakāsessantīti attho. Vivarissantīti vivaṭaṃ karissanti. Vibhajissantīti vibhattaṃ karissanti. Uttāniṃ karissantīti anuttānaṃ gambhīraṃ uttānaṃ pākaṭaṃ karissanti. Saha dhammenāti ettha dhamma-saddo kāraṇapariyāyo ‘‘hetumhi ñāṇaṃ dhammapaṭisambhidā’’tiādīsu (vibha. 270) viyāti āha ‘‘sahetukena sakāraṇena vacanenā’’ti. Sappāṭihāriyanti sanissaraṇaṃ , yathā paravādaṃ bhañjitvā sakavādo patiṭṭhahati, evaṃ hetudāharaṇehi yathādhigatamatthaṃ sampādetvā dhammaṃ kathessanti. Tenāha ‘‘niyyānikaṃ katvā dhammaṃ desessantī’’ti, navavidhaṃ lokuttaradhammaṃ pabodhessantīti attho. Ettha ca ‘‘paññāpessantī’’tiādīhi chahi padehi cha atthapadāni dassitāni, ādito pana dvīhi padehi cha byañjanapadāni. Ettāvatā tepiṭakaṃ buddhavacanaṃ saṃvaṇṇanānayena saṅgahetvā dassitaṃ hoti. Vuttañhetaṃ nettiyaṃ ‘‘dvādasapadāni suttaṃ, taṃ sabbaṃ byañjanañca attho cā’’ti (netti. saṅkhāre).

    сигкад̇д̇аяасан̇г̇ахид̇анд̇и ад̇хисийласигкаад̣̇исигкад̇д̇аяасан̇г̇ахан̣ам̣. сагалам̣ саасанаб̣рахмажарияанд̇и анавасзсам̣ сад̇т̇усаасанабхууд̇ам̣ сздтажарияам̣. самид̣̇д̇ханд̇и саммад̣̇зва вад̣дхид̇ам̣. жхаанассаад̣̇авасзнаад̇и д̇зхи д̇зхи бхигкуухи самад̇хиг̇ад̇ажхаанасукавасзна. вуд̣̇д̇хиббад̇д̇анд̇и ул̣аарабан̣ийд̇абхааваг̇аманзна саб̣б̣асо баривуд̣̇д̇хим̣ убаг̇ад̇ам̣. саб̣б̣абаалипуллам̣ вияа абхин̃н̃аасамбад̇д̇ивасзна абхин̃н̃аасамбад̣̇аахи саасанаабхивуд̣̇д̇хияаа мад̇т̇агаббад̇д̇ид̇о. бад̇идтид̇авасзнаад̇и бад̇идтаанавасзна, бад̇идтаббад̇д̇ияаад̇и ад̇т̇о. бадивзд̇хавасзна б̣ахуно ж̇анасса хид̇анд̇и б̣аахуж̇ан̃н̃ам̣. д̇знааха ‘‘б̣ахуж̇анаабхисамаяавасзнаа’’д̇и. бут̇у бут̇улам̣ бхууд̇ам̣ ж̇аад̇ам̣, бут̇у ваа бут̇уд̇д̇ам̣ бхууд̇ам̣ бад̇д̇анд̇и бут̇убхууд̇ам̣. д̇знааха ‘‘саб̣б̣аагаара…бз… бад̇д̇а’’нд̇и. судту багаасид̇анд̇и судту саммад̣̇зва аад̣̇игаляаан̣аад̣̇ибхаавзна бавзд̣̇ид̇ам̣.

    Sikkhattayasaṅgahitanti adhisīlasikkhādisikkhattayasaṅgahaṇaṃ. Sakalaṃ sāsanabrahmacariyanti anavasesaṃ satthusāsanabhūtaṃ seṭṭhacariyaṃ. Samiddhanti sammadeva vaḍḍhitaṃ. Jhānassādavasenāti tehi tehi bhikkhūhi samadhigatajhānasukhavasena. Vuddhippattanti uḷārapaṇītabhāvagamanena sabbaso parivuddhiṃ upagataṃ. Sabbapāliphullaṃ viya abhiññāsampattivasena abhiññāsampadāhi sāsanābhivuddhiyā matthakappattito. Patiṭṭhitavasenāti patiṭṭhānavasena, patiṭṭhappattiyāti attho. Paṭivedhavasena bahuno janassa hitanti bāhujaññaṃ. Tenāha ‘‘bahujanābhisamayavasenā’’ti. Puthu puthulaṃ bhūtaṃ jātaṃ, puthu vā puthuttaṃ bhūtaṃ pattanti puthubhūtaṃ. Tenāha ‘‘sabbākāra…pe… patta’’nti. Suṭṭhu pakāsitanti suṭṭhu sammadeva ādikalyāṇādibhāvena paveditaṃ.

    ааяусан̇каараоссаж̇ж̇анаван̣н̣анаа

    Āyusaṅkhāraossajjanavaṇṇanā

    169. сад̇им̣ суубадтид̇ам̣ гад̇ваад̇и аяам̣ гааяаад̣̇ивибхааг̇о ад̇д̇абхаавасан̃н̃ид̇о д̣̇угкабхааро маяаа зд̇д̇агам̣ гаалам̣ вахид̇о, ид̣̇аани бана на вахид̇аб̣б̣о, зд̇асса аваханад̇т̇ам̣ жирад̇арам̣ гаалам̣ арияамаг̇г̇асамбхааро самбхад̇о, свааяам̣ арияамаг̇г̇о бадивид̣̇д̇хо, яад̇о имз гааяаад̣̇аяо асубхаад̣̇ид̇о саммад̣̇зва барин̃н̃аад̇аа, жад̇уб̣б̣ид̇хамби саммаасад̇им̣ яат̇аад̇ат̇ам̣ висаяз судту убадтид̇ам̣ гад̇ваа. н̃аан̣зна барижчинд̣̇ид̇ваад̇и яасмаа имасса ад̇д̇абхаавасан̃н̃ид̇асса д̣̇угкабхаарасса ваханз баяож̇анабхууд̇ам̣ ад̇д̇ахид̇ам̣ д̇аава махааб̣од̇химуулз зва барисамаабид̇ам̣, барахид̇ам̣ бана б̣уд̣̇д̇хавзнзяяавинаяанам̣ барисамаабид̇аб̣б̣ам̣, д̇ам̣ ид̣̇аани маасад̇д̇аязнзва барисамаабанам̣ баабун̣иссад̇и, д̇асмаа абхааси ‘‘висаакабун̣н̣амааяам̣ бариниб̣б̣ааяиссаамий’’д̇и, звам̣ б̣уд̣̇д̇хан̃аан̣зна барижчинд̣̇ид̇ваа саб̣б̣абхааг̇зна нижчаяам̣ гад̇ваа. ааяусан̇каарам̣ виссаж̇ж̇ийд̇и ааяуно ж̇ийвид̇асса абхисан̇каарагам̣ паласамаабад̇д̇ид̇хаммам̣ ‘‘на самаабаж̇ж̇иссаамий’’д̇и виссаж̇ж̇и д̇ам̣виссаж̇ж̇анзнзва д̇зна абхисан̇карияамаанам̣ ж̇ийвид̇асан̇каарам̣ ‘‘наббавад̇д̇зссаамий’’д̇и виссаж̇ж̇и. д̇знааха ‘‘д̇ад̇т̇аа’’д̇иаад̣̇и. таанамаханд̇ад̇ааяаби бавад̇д̇иаагаарамаханд̇ад̇ааяаби маханд̇о бат̇авийгамбо. д̇ад̇т̇а таанамаханд̇ад̇ааяа бхуумижааласса махад̇д̇ам̣ д̣̇ассзд̇ум̣ ‘‘д̇ад̣̇аа гира…бз… гамбид̇т̇аа’’д̇и вуд̇д̇ам̣. саа бана ж̇аад̇игкзд̇д̇абхууд̇аа д̣̇асасахассий логад̇хаад̇у зва, на яаа гаажи, яаа махаабхинийхаарамахааж̇аад̇иаад̣̇ийсуби гамбид̇т̇а. д̇ад̣̇ааби д̇ад̇д̇игааяа зва гамбанз гим̣ гааран̣ам̣ ? ж̇аад̇игкзд̇д̇абхаавзна д̇ассзва аад̣̇ид̇о бариг̇г̇ахасса гад̇ад̇д̇аа. бариг̇г̇ахагаран̣ам̣ жасса д̇хаммад̇аавасзна взд̣̇ид̇аб̣б̣ам̣. д̇ат̇аа хи буримаб̣уд̣̇д̇хаанамби д̇аавад̇агамзва ж̇аад̇игкзд̇д̇ам̣ ахоси. д̇ат̇аа хи вуд̇д̇ам̣ ‘‘д̣̇асасахассий логад̇хаад̇уу, ниссад̣̇д̣̇аа хонд̇и нираагулаа…бз… махаасамуд̣̇д̣̇о аабхуж̇ад̇и, д̣̇асасахассий багамбад̇ий’’д̇и жа аад̣̇и (б̣у. вам̣. 84-91). уд̣̇агабарияанд̇ам̣ гад̇ваа чаббагаарабавзд̇ханзна авийд̇арааг̇з бхим̣сзд̇ийд̇и бхим̣сано, со зва бхим̣санагод̇и ааха ‘‘бхаяаж̇анаго’’д̇и. д̣̇звабхзрияод̇и д̣̇звад̣̇унд̣̇убхисад̣̇д̣̇асса барияааяаважанамад̇д̇ам̣. на жзд̇т̇а гаажи бхзрий ‘‘д̣̇звад̣̇унд̣̇убхий’’д̇и ад̇хиббзд̇аа, ат̇а ко уббаад̇абхаавзна лаб̣бхамаано аагаасаг̇ад̇о ниг̇гхосасад̣̇д̣̇о. д̇знааха ‘‘д̣̇зво’’д̇иаад̣̇и. д̣̇звод̇и мзгхо. д̇асса хи ажчабхаавзна аагаасасса вассаабхаавзна сугкаг̇аж̇ж̇ид̇асан̃н̃ид̇з сад̣̇д̣̇з нижчаранд̇з д̣̇звад̣̇унд̣̇убхисаман̃н̃аа. д̇знааха ‘‘д̣̇зво сугкаг̇аж̇ж̇ид̇ам̣ г̇аж̇ж̇ий’’д̇и.

    169.Satiṃ sūpaṭṭhitaṃ katvāti ayaṃ kāyādivibhāgo attabhāvasaññito dukkhabhāro mayā ettakaṃ kālaṃ vahito, idāni pana na vahitabbo, etassa avahanatthaṃ cirataraṃ kālaṃ ariyamaggasambhāro sambhato, svāyaṃ ariyamaggo paṭividdho, yato ime kāyādayo asubhādito sammadeva pariññātā, catubbidhampi sammāsatiṃ yathātathaṃ visaye suṭṭhu upaṭṭhitaṃ katvā. Ñāṇena paricchinditvāti yasmā imassa attabhāvasaññitassa dukkhabhārassa vahane payojanabhūtaṃ attahitaṃ tāva mahābodhimūle eva parisamāpitaṃ, parahitaṃ pana buddhaveneyyavinayanaṃ parisamāpitabbaṃ, taṃ idāni māsattayeneva parisamāpanaṃ pāpuṇissati, tasmā abhāsi ‘‘visākhapuṇṇamāyaṃ parinibbāyissāmī’’ti, evaṃ buddhañāṇena paricchinditvā sabbabhāgena nicchayaṃ katvā. Āyusaṅkhāraṃ vissajjīti āyuno jīvitassa abhisaṅkhārakaṃ phalasamāpattidhammaṃ ‘‘na samāpajjissāmī’’ti vissajji taṃvissajjaneneva tena abhisaṅkhariyamānaṃ jīvitasaṅkhāraṃ ‘‘nappavattessāmī’’ti vissajji. Tenāha ‘‘tatthā’’tiādi. Ṭhānamahantatāyapi pavattiākāramahantatāyapi mahanto pathavīkampo. Tattha ṭhānamahantatāya bhūmicālassa mahattaṃ dassetuṃ ‘‘tadā kira…pe… kampitthā’’ti vuttaṃ. Sā pana jātikkhettabhūtā dasasahassī lokadhātu eva, na yā kāci, yā mahābhinīhāramahājātiādīsupi kampittha. Tadāpi tattikāya eva kampane kiṃ kāraṇaṃ ? Jātikkhettabhāvena tasseva ādito pariggahassa katattā. Pariggahakaraṇaṃ cassa dhammatāvasena veditabbaṃ. Tathā hi purimabuddhānampi tāvatakameva jātikkhettaṃ ahosi. Tathā hi vuttaṃ ‘‘dasasahassī lokadhātū, nissaddā honti nirākulā…pe… mahāsamuddo ābhujati, dasasahassī pakampatī’’ti ca ādi (bu. vaṃ. 84-91). Udakapariyantaṃ katvā chappakārapavedhanena avītarāge bhiṃsetīti bhiṃsano, so eva bhiṃsanakoti āha ‘‘bhayajanako’’ti. Devabheriyoti devadundubhisaddassa pariyāyavacanamattaṃ. Na cettha kāci bherī ‘‘devadundubhī’’ti adhippetā, atha kho uppātabhāvena labbhamāno ākāsagato nigghosasaddo. Tenāha ‘‘devo’’tiādi. Devoti megho. Tassa hi acchabhāvena ākāsassa vassābhāvena sukkhagajjitasaññite sadde niccharante devadundubhisamaññā. Tenāha ‘‘devo sukkhagajjitaṃ gajjī’’ti.

    бийд̇ивзг̇ависсадтанд̇и ‘‘звам̣ жирад̇арам̣ гаалам̣ вахид̇о аяам̣ ад̇д̇абхаавасан̃н̃ид̇о д̣̇угкабхааро, ид̣̇аани на жирассзва нигкибиссад̇ий’’д̇и сан̃ж̇аад̇асоманассо бхаг̇аваа сабхаавзнзва бийд̇ивзг̇ависсадтам̣ уд̣̇аанам̣ уд̣̇аанзси. звам̣ бана уд̣̇аанзнд̇зна аяамби ад̇т̇о саад̇хид̇о ход̇ийд̇и д̣̇ассанад̇т̇ам̣ адтагат̇ааяам̣ ‘‘гасмаа’’д̇иаад̣̇и вуд̇д̇ам̣.

    Pītivegavissaṭṭhanti ‘‘evaṃ cirataraṃ kālaṃ vahito ayaṃ attabhāvasaññito dukkhabhāro, idāni na cirasseva nikkhipissatī’’ti sañjātasomanasso bhagavā sabhāveneva pītivegavissaṭṭhaṃ udānaṃ udānesi. Evaṃ pana udānentena ayampi attho sādhito hotīti dassanatthaṃ aṭṭhakathāyaṃ ‘‘kasmā’’tiādi vuttaṃ.

    д̇улийяад̇ийд̇и д̇уланд̇и д̇ула-сад̣̇д̣̇о гаммасаад̇ханод̇и д̣̇ассзд̇ум̣ ‘‘д̇улид̇а’’нд̇и вуд̇д̇ам̣. аббаанубхаавад̇ааяа барижчиннам̣. д̇ат̇аа хи д̇ам̣ барид̇о кан̣д̣ид̇абхаавзна ‘‘барид̇д̇а’’нд̇и вужжад̇и. бадибагкавигкамбханад̇о д̣̇ийгхасанд̇аанад̇ааяа, вибулапалад̇ааяа жа на д̇улам̣ на барижчиннам̣. язхи гааран̣зхи буб̣б̣з ависзсад̇о махаг̇г̇ад̇ам̣ ‘‘ад̇ула’’нд̇и вуд̇д̇ам̣, д̇аани гааран̣аани руубааважарад̇о ааруббасса саад̇исаяаани виж̇ж̇анд̇ийд̇и ‘‘аруубааважарам̣ ад̇ула’’нд̇и вуд̇д̇ам̣, ид̇аран̃жа ‘‘д̇ула’’нд̇и, аббавибаагам̣ д̇ийсуби гаммзсу яам̣ д̇анувибаагам̣ хийнам̣, д̇ам̣ д̇улам̣. б̣ахувибааганд̇и яам̣ махаавибаагам̣ бан̣ийд̇ам̣, д̇ам̣ ад̇улам̣. яам̣ банзд̇т̇а маж̇жхимам̣, д̇ам̣ хийнам̣, уггадтанд̇и д̣̇вид̇хаа бхинд̣̇ид̇ваа д̣̇вийсу бхааг̇зсу багкибид̇аб̣б̣ам̣. хийнад̇д̇игаван̣н̣анааяам̣ вуд̇д̇анаязнзва аббаб̣ахувибаагад̇ам̣ нид̣̇д̇хаарзд̇ваа д̇асса васзна д̇улаад̇улабхааво взд̣̇ид̇аб̣б̣о. самбхавад̇и зд̇асмаад̇и самбхавод̇и ааха ‘‘самбхавасса хзд̇убхууд̇а’’нд̇и. нияагаж̇жхад̇д̇арад̇од̇и сасанд̇аанад̇хаммзсу вибассанаавасзна, г̇ожараасзванааяа жа нирад̇о. савибаагам̣ самаанам̣ бавад̇д̇ивибаагамад̇д̇ад̣̇ааяигаммам̣ савибаагадтзна самбхавам̣. на жа д̇ам̣ гаамаад̣̇ибхаваабхисан̇каараганд̇и д̇ад̇о висзсанад̇т̇ам̣ ‘‘самбхава’’нд̇и вад̇ваа ‘‘бхавасан̇каара’’нд̇и вуд̇д̇ам̣. оссаж̇ж̇ийд̇и арияамаг̇г̇зна авассаж̇ж̇и . гаважам̣ вияа ад̇д̇абхаавам̣ барияонанд̇хид̇ваа тид̇ам̣ ад̇д̇ани самбхууд̇ад̇д̇аа ад̇д̇асамбхавам̣ гилзсан̃жа абхинд̣̇ийд̇и гилзсабхзд̣̇асахабхаавигаммоссаж̇ж̇анам̣ д̣̇ассзнд̇о д̇ад̣̇убхаяасса гааран̣ам̣ авожа ‘‘аж̇жхад̇д̇арад̇о самаахид̇о’’д̇и.

    Tulīyatīti tulanti tula-saddo kammasādhanoti dassetuṃ ‘‘tulita’’nti vuttaṃ. Appānubhāvatāya paricchinnaṃ. Tathā hi taṃ parito khaṇḍitabhāvena ‘‘paritta’’nti vuccati. Paṭipakkhavikkhambhanato dīghasantānatāya, vipulaphalatāya ca na tulaṃ na paricchinnaṃ. Yehi kāraṇehi pubbe avisesato mahaggataṃ ‘‘atula’’nti vuttaṃ, tāni kāraṇāni rūpāvacarato āruppassa sātisayāni vijjantīti ‘‘arūpāvacaraṃ atula’’nti vuttaṃ, itarañca ‘‘tula’’nti, appavipākaṃ tīsupi kammesu yaṃ tanuvipākaṃ hīnaṃ, taṃ tulaṃ. Bahuvipākanti yaṃ mahāvipākaṃ paṇītaṃ, taṃ atulaṃ. Yaṃ panettha majjhimaṃ, taṃ hīnaṃ, ukkaṭṭhanti dvidhā bhinditvā dvīsu bhāgesu pakkhipitabbaṃ. Hīnattikavaṇṇanāyaṃ vuttanayeneva appabahuvipākataṃ niddhāretvā tassa vasena tulātulabhāvo veditabbo. Sambhavati etasmāti sambhavoti āha ‘‘sambhavassa hetubhūta’’nti. Niyakajjhattaratoti sasantānadhammesu vipassanāvasena, gocarāsevanāya ca nirato. Savipākaṃ samānaṃ pavattivipākamattadāyikammaṃ savipākaṭṭhena sambhavaṃ. Na ca taṃ kāmādibhavābhisaṅkhārakanti tato visesanatthaṃ ‘‘sambhava’’nti vatvā ‘‘bhavasaṅkhāra’’nti vuttaṃ. Ossajjīti ariyamaggena avassajji . Kavacaṃ viya attabhāvaṃ pariyonandhitvā ṭhitaṃ attani sambhūtattā attasambhavaṃ kilesañca abhindīti kilesabhedasahabhāvikammossajjanaṃ dassento tadubhayassa kāraṇaṃ avoca ‘‘ajjhattarato samāhito’’ti.

    д̇ийрзнд̇од̇и ‘‘уббаад̣̇о бхаяам̣, ануббаад̣̇о кзма’’нд̇иаад̣̇инаа виймам̣санд̇о. ‘‘д̇улзнд̇о д̇ийрзнд̇о’’д̇иаад̣̇инаа сан̇кзбад̇о вуд̇д̇амад̇т̇ам̣ вид̇т̇аарад̇о д̣̇ассзд̇ум̣ ‘‘бан̃жагканд̇хаа’’д̇и аад̣̇им̣ вад̇ваа бхавасан̇каарасса авассаж̇ж̇анаагаарам̣ саруубад̇о д̣̇ассзси. ‘‘зва’’нд̇иаад̣̇инаа бана уд̣̇аанаван̣н̣анааяам̣ аад̣̇ид̇о вуд̇д̇амад̇т̇ам̣ ниг̇аманавасзна д̣̇ассзси.

    Tīrentoti ‘‘uppādo bhayaṃ, anuppādo khema’’ntiādinā vīmaṃsanto. ‘‘Tulento tīrento’’tiādinā saṅkhepato vuttamatthaṃ vitthārato dassetuṃ ‘‘pañcakkhandhā’’ti ādiṃ vatvā bhavasaṅkhārassa avassajjanākāraṃ sarūpato dassesi. ‘‘Eva’’ntiādinā pana udānavaṇṇanāyaṃ ādito vuttamatthaṃ nigamanavasena dassesi.

    махаабхуумижаалаван̣н̣анаа

    Mahābhūmicālavaṇṇanā

    171. яанд̇и гаран̣з ваа ад̇хигаран̣з ваа бажжад̇д̇аважананд̇и ад̇хиббааязна ааха ‘‘язна самаязна, яасмим̣ ваа самаяз’’д̇и. угкзбагаваад̇аад̇и уд̣̇агасанд̇хаарагаваад̇ам̣ убажчинд̣̇ид̇ваа тид̇адтаанад̇о кзбагаваад̇аа. ‘‘садти…бз… б̣ахала’’нд̇и ид̣̇ам̣ д̇асса ваад̇асса уб̣б̣зд̇хаббамаан̣амзва г̇ахзд̇ваа вуд̇д̇ам̣, ааяаамавид̇т̇аарад̇о бана д̣̇асасахассажаггаваал̣аббамаан̣амби уд̣̇агасанд̇хаарагаваад̇ам̣ убажчинд̣̇ад̇иязва. аагаасзд̇и буб̣б̣з ваад̇зна бад̇идтид̇огаасз. буна ваад̇од̇и угкзбагаваад̇з д̇ат̇аагад̇ваа виг̇ад̇з уд̣̇агасанд̇хаарагаваад̇о буна ааб̣анд̇хид̇ваа г̇ан̣хаад̇и яат̇аа д̇ам̣ уд̣̇агам̣ на бхассад̇и, звам̣ уд̇т̇амбхзнд̇ам̣ ааб̣анд̇ханавид̇аанавасзна б̣анд̇хид̇ваа г̇ан̣хаад̇и. д̇ад̇о уд̣̇агам̣ уг̇г̇ажчад̇ийд̇и д̇ад̇о ааб̣анд̇хид̇ваа г̇ахан̣ад̇о д̇зна ваад̇зна уд̇т̇амбхид̇ам̣ уд̣̇агам̣ уг̇г̇ажчад̇и убари г̇ажчад̇и. ход̇иязваад̇и анд̇аранд̇араа ход̇иязва. б̣ахалабхаавзнаад̇и махаабат̇авияаа маханд̇абхаавзна. сагалаа хи махаабат̇авий д̇ад̣̇аа ог̇г̇ажчад̇и, уг̇г̇ажчад̇и жа, д̇асмаа гамбанам̣ на бан̃н̃ааяад̇и.

    171. Yanti karaṇe vā adhikaraṇe vā paccattavacananti adhippāyena āha ‘‘yena samayena, yasmiṃ vā samaye’’ti. Ukkhepakavātāti udakasandhārakavātaṃ upacchinditvā ṭhitaṭṭhānato khepakavātā. ‘‘Saṭṭhi…pe… bahala’’nti idaṃ tassa vātassa ubbedhappamāṇameva gahetvā vuttaṃ, āyāmavitthārato pana dasasahassacakkavāḷappamāṇampi udakasandhārakavātaṃ upacchindatiyeva. Ākāseti pubbe vātena patiṭṭhitokāse. Puna vātoti ukkhepakavāte tathākatvā vigate udakasandhārakavāto puna ābandhitvāgaṇhāti yathā taṃ udakaṃ na bhassati, evaṃ utthambhentaṃ ābandhanavitānavasena bandhitvā gaṇhāti. Tato udakaṃ uggacchatīti tato ābandhitvā gahaṇato tena vātena utthambhitaṃ udakaṃ uggacchati upari gacchati. Hotiyevāti antarantarā hotiyeva. Bahalabhāvenāti mahāpathaviyā mahantabhāvena. Sakalā hi mahāpathavī tadā oggacchati, uggacchati ca, tasmā kampanaṃ na paññāyati.

    иж̇жханассаад̇и ижчид̇ад̇т̇асиж̇жханасса. анубхавид̇аб̣б̣ассаиссарияасамбад̇д̇иаад̣̇игасса. барид̇д̇аад̇и бадилад̣̇д̇хамад̇д̇аа наад̇исубхаавид̇аа. д̇ат̇аа жа бхааванаа б̣алавад̇ий на ход̇ийд̇и ааха ‘‘д̣̇уб̣б̣алаа’’д̇и. сан̃н̃аасийсзна хи бхааванаа вуд̇д̇аа. аббамаан̣аад̇и баг̇ун̣аа субхаавид̇аа. саа хи т̇ираа д̣̇ал̣хад̇араа ход̇ийд̇и ааха ‘‘б̣алаваа’’д̇и. ‘‘барид̇д̇аа бат̇авийсан̃н̃аа, аббамаан̣аа аабосан̃н̃аа’’д̇и д̣̇зсанаамад̇д̇амзва, аабосан̃н̃ааяа бана субхаавид̇ааяа бат̇авийгамбо сукзнзва иж̇жхад̇ийд̇и аяамзд̇т̇а ад̇хиббааяо взд̣̇ид̇аб̣б̣о. сам̣взж̇знд̇о д̣̇иб̣б̣асамбад̇д̇ияаа бамад̇д̇ам̣ саггам̣ д̣̇зварааж̇аанам̣. виймам̣санд̇о ваа д̇аавад̣̇зва самад̇хиг̇ад̇ам̣ ад̇д̇ано ид̣̇д̇хиб̣алам̣. махаамог̇г̇аллаанад̇т̇зрасса баасаад̣̇агамбанам̣ баагаданд̇и д̇ам̣ анаамасид̇ваа сан̇гхарагкид̇асааман̣зрасса баасаад̣̇агамбанам̣ д̣̇ассзд̇ум̣ ‘‘со гирааяасмаа’’д̇иаад̣̇и вуд̇д̇ам̣. бууд̇имиссо г̇анд̇хо зд̇ассаад̇и бууд̇иг̇анд̇хо, д̇зна бууд̇иг̇анд̇хзнзва ад̇хиг̇ад̇амаад̇угужчисамбхавам̣ вияа г̇анд̇хзнзва сийсзна, ад̇ивияа д̣̇аараго зваад̇и ад̇т̇о.

    Ijjhanassāti icchitatthasijjhanassa. Anubhavitabbassaissariyasampattiādikassa. Parittāti paṭiladdhamattā nātisubhāvitā. Tathā ca bhāvanā balavatī na hotīti āha ‘‘dubbalā’’ti. Saññāsīsena hi bhāvanā vuttā. Appamāṇāti paguṇā subhāvitā. Sā hi thirā daḷhatarā hotīti āha ‘‘balavā’’ti. ‘‘Parittā pathavīsaññā, appamāṇā āposaññā’’ti desanāmattameva, āposaññāya pana subhāvitāya pathavīkampo sukheneva ijjhatīti ayamettha adhippāyo veditabbo. Saṃvejento dibbasampattiyā pamattaṃ sakkaṃ devarājānaṃ. Vīmaṃsanto vā tāvadeva samadhigataṃ attano iddhibalaṃ. Mahāmoggallānattherassa pāsādakampanaṃ pākaṭanti taṃ anāmasitvā saṅgharakkhitasāmaṇerassa pāsādakampanaṃ dassetuṃ ‘‘so kirāyasmā’’tiādi vuttaṃ. Pūtimisso gandho etassāti pūtigandho, tena pūtigandheneva adhigatamātukucchisambhavaṃ viya gandheneva sīsena, ativiya dārako evāti attho.

    аажарияанд̇и аажарияуубад̣̇зсам̣. ид̣̇д̇хаабхисан̇кааро наама ид̣̇д̇хивид̇хаббадибагкаад̣̇ийбхаавзна ижчид̇аб̣б̣о, со жа убааяз госалласса ад̇д̇анаа на саммаа уг̇г̇ахид̇ад̇д̇аа на д̇аава сигкид̇од̇и ааха ‘‘асигкид̇ваава яуд̣̇д̇хам̣ бавидтосий’’д̇и. ‘‘билаванд̇а’’нд̇и иминаа сагаламзва баасаад̣̇авад̇т̇ум̣ уд̣̇агам̣ гад̇ваа ад̇хидтаад̇аб̣б̣абаасаад̣̇ова д̇ад̇т̇а билавад̇ийд̇и д̣̇ассзд̇и. ад̇хидтаанаггамам̣ бана убамааяа д̣̇ассзнд̇о ‘‘д̇аад̇а…бз… ж̇аанаахий’’д̇и ааха. д̇ад̇т̇а габаллагабууванд̇и аасид̇д̇агабуувам̣, д̇ам̣ бажанд̇аа габаалз батамам̣ гин̃жи бидтам̣ табзд̇ваа ануггамзна вад̣дхзд̇ваа анд̇анд̇зна барижчинд̣̇анд̇и буувам̣ саманд̇ад̇о барижчиннам̣ гад̇ваа табзнд̇и, звам̣ ‘‘аабогасин̣авасзна ‘баасаад̣̇зна бад̇идтид̇адтаанам̣ уд̣̇агам̣ ход̇уу’д̇и ад̇хидтаханд̇о саманд̇ад̇о баасаад̣̇асса яаава барияанд̇аа яат̇аа уд̣̇агам̣ ход̇и, д̇ат̇аа ад̇хидтаад̇аб̣б̣а’’нд̇и убамааяа убад̣̇исад̇и.

    Ācariyanti ācariyūpadesaṃ. Iddhābhisaṅkhāro nāma iddhividhappaṭipakkhādībhāvena icchitabbo, so ca upāye kosallassa attanā na sammā uggahitattā na tāva sikkhitoti āha ‘‘asikkhitvāva yuddhaṃ paviṭṭhosī’’ti. ‘‘Pilavanta’’nti iminā sakalameva pāsādavatthuṃ udakaṃ katvā adhiṭṭhātabbapāsādova tattha pilavatīti dasseti. Adhiṭṭhānakkamaṃ pana upamāya dassento ‘‘tāta…pe… jānāhī’’ti āha. Tattha kapallakapūvanti āsittakapūvaṃ, taṃ pacantā kapāle paṭhamaṃ kiñci piṭṭhaṃ ṭhapetvā anukkamena vaḍḍhetvā antantena paricchindanti pūvaṃ samantato paricchinnaṃ katvā ṭhapenti, evaṃ ‘‘āpokasiṇavasena ‘pāsādena patiṭṭhitaṭṭhānaṃ udakaṃ hotū’ti adhiṭṭhahanto samantato pāsādassa yāva pariyantā yathā udakaṃ hoti, tathā adhiṭṭhātabba’’nti upamāya upadisati.

    махаабад̣̇аанз вуд̇д̇амзваад̇и ‘‘д̇хаммад̇аа зсаа, бхигкавз, яад̣̇аа б̣од̇хисад̇д̇о д̇усид̇аа гааяаа жавид̇ваа маад̇угужчим̣ оггамад̇ий’’д̇и (д̣̇ий. ни. 2.18) вад̇ваа ‘‘аяан̃жа д̣̇асасахассий логад̇хаад̇у сан̇гамбад̇и самбагамбад̇и самбавзд̇хад̇ий’’д̇и (д̣̇ий. ни. 2.18), д̇ат̇аа ‘‘д̇хаммад̇аа зсаа, бхигкавз, яад̣̇аа б̣од̇хисад̇д̇о маад̇угужчимхаа нигкамад̇ий’’д̇и (д̣̇ий. ни. 2.30) вад̇ваа ‘‘аяан̃жа д̣̇асасахассий логад̇хаад̇у сан̇гамбад̇и самбагамбад̇и самбавзд̇хад̇ий’’д̇и (д̣̇ий. ни. 2.32) жа махааб̣од̇хисад̇д̇асса г̇аб̣бхогганд̇ияам̣, абхиж̇аад̇ияан̃жа д̇хаммад̇аавасзна махаабад̣̇аанзбат̇авийгамбасса вуд̇д̇ад̇д̇аа ид̇арзсуби жад̇уусу таанзсу бат̇авийгамбо д̇хаммад̇аавасзнзваад̇и махаабад̣̇аанзад̇т̇ад̇о вуд̇д̇ам̣ зваад̇и ад̇хиббааяо.

    Mahāpadānevuttamevāti ‘‘dhammatā esā, bhikkhave, yadā bodhisatto tusitā kāyā cavitvā mātukucchiṃ okkamatī’’ti (dī. ni. 2.18) vatvā ‘‘ayañca dasasahassī lokadhātu saṅkampati sampakampati sampavedhatī’’ti (dī. ni. 2.18), tathā ‘‘dhammatā esā, bhikkhave, yadā bodhisatto mātukucchimhā nikkhamatī’’ti (dī. ni. 2.30) vatvā ‘‘ayañca dasasahassī lokadhātu saṅkampati sampakampati sampavedhatī’’ti (dī. ni. 2.32) ca mahābodhisattassa gabbhokkantiyaṃ, abhijātiyañca dhammatāvasena mahāpadānepathavīkampassa vuttattā itaresupi catūsu ṭhānesu pathavīkampo dhammatāvasenevāti mahāpadāneatthato vuttaṃ evāti adhippāyo.

    ид̣̇аани нзсам̣ бат̇авийгамбанам̣ гааран̣ад̇о, бавад̇д̇иаагаарад̇о жа вибхааг̇ам̣ д̣̇ассзд̇ум̣ ‘‘ид̇и имзсуу’’д̇иаад̣̇и вуд̇д̇ам̣. д̇хаад̇угобзнаад̇и угкзбагад̇хаад̇усан̇каад̇ааяа вааяод̇хаад̇уяаа багобзна. ид̣̇д̇хаанубхаавзнаад̇и н̃аан̣ид̣̇д̇хияаа ваа гаммавибаагаж̇ид̣̇д̇хияаа ваа бабхаавзна, д̇зж̇знаад̇и ад̇т̇о. бун̃н̃ад̇зж̇знаад̇и бун̃н̃аанубхаавзна, махааб̣од̇хисад̇д̇асса бун̃н̃аб̣алзнаад̇и ад̇т̇о. н̃аан̣ад̇зж̇знаад̇и бадивзд̇хан̃аан̣аанубхаавзна. саад̇хугаарад̣̇аанавасзнаад̇и яат̇аа анан̃н̃асаад̇хааран̣зна бадивзд̇хан̃аан̣аанубхаавзна абхихад̇аа махаабат̇авий абхисамб̣од̇хияам̣ агамбид̇т̇а, звам̣ анан̃н̃асаад̇хааран̣зна д̣̇зсанаан̃аан̣аанубхаавзна абхихад̇аа махаабат̇авий агамбид̇т̇а, д̇ам̣ банассаа саад̇хугаарад̣̇аанам̣ вияа ход̇ийд̇и ‘‘саад̇хугаарад̣̇аанавасзнаа’’д̇и вуд̇д̇ам̣.

    Idāni nesaṃ pathavīkampanaṃ kāraṇato, pavattiākārato ca vibhāgaṃ dassetuṃ ‘‘iti imesū’’tiādi vuttaṃ. Dhātukopenāti ukkhepakadhātusaṅkhātāya vāyodhātuyā pakopena. Iddhānubhāvenāti ñāṇiddhiyā vā kammavipākajiddhiyā vā pabhāvena, tejenāti attho. Puññatejenāti puññānubhāvena, mahābodhisattassa puññabalenāti attho. Ñāṇatejenāti paṭivedhañāṇānubhāvena. Sādhukāradānavasenāti yathā anaññasādhāraṇena paṭivedhañāṇānubhāvena abhihatā mahāpathavī abhisambodhiyaṃ akampittha, evaṃ anaññasādhāraṇena desanāñāṇānubhāvena abhihatā mahāpathavī akampittha, taṃ panassā sādhukāradānaṃ viya hotīti ‘‘sādhukāradānavasenā’’ti vuttaṃ.

    язна бана бхаг̇аваа асийд̇иануб̣яан̃ж̇анабадиман̣д̣ид̇ад̣̇вад̇д̇им̣самахаабурисалагкан̣а- (д̣̇ий. ни. 2.33; 3.198; ма. ни. 2.385) вижид̇раруубагааяо саб̣б̣аагаарабарисуд̣̇д̇хасийлагканд̇хаад̣̇иг̇ун̣арад̇анасамид̣̇д̇хид̇хаммагааяо бун̃н̃амахад̇д̇ат̇аамамахад̇д̇аяасамахаааид̣̇д̇химахад̇д̇абан̃н̃аамахад̇д̇аанам̣ барамуггам̣саг̇ад̇о асамо асамасамо аббадибуг̇г̇ало арахам̣ саммаасамб̣уд̣̇д̇хо ад̇д̇ано ад̇д̇абхаавасан̃н̃ид̇ам̣ канд̇хабан̃жагам̣ габбам̣ ваа габбаавасзсам̣ ваа табзд̇ум̣ самад̇т̇оби сан̇кад̇ад̇хаммам̣ бадиж̇иг̇ужчанаагаараббавад̇д̇зна н̃аан̣ависзсзна д̇ин̣ааяаби аман̃н̃амаано ааяусан̇каароссаж̇ж̇анавид̇хинаа нирабзгко оссаж̇ж̇и. д̇ад̣̇анубхааваабхихад̇аа махаабат̇авий ааяусан̇каароссаж̇ж̇анз агамбид̇т̇а, д̇ам̣ банассаа гаарун̃н̃асабхаавасан̣тид̇аа вияа ход̇ийд̇и вуд̇д̇ам̣ ‘‘гаарун̃н̃асабхаавзнаа’’д̇и . яасмаа бхаг̇аваа бариниб̣б̣аанасамаяз жад̇увийсад̇игодисад̇асахассасан̇кяаа самаабад̇д̇ияо самаабаж̇ж̇и анд̇аранд̇араа паласамаабад̇д̇исамаабаж̇ж̇анзна, д̇асса буб̣б̣абхааг̇з саад̇исаяам̣ д̇игкам̣ суурам̣ вибассанаан̃аан̣ан̃жа бавад̇д̇зси, ‘‘яад̣̇ад̇т̇ан̃жа маяаа звам̣ сужирагаалам̣ анан̃н̃асаад̇хааран̣о барамуггам̣саг̇ад̇о н̃аан̣асамбхааро самбхад̇о, ануд̇д̇аро жа вимогко самад̇хиг̇ад̇о, д̇асса вад̇а мз сикааббад̇д̇апалабхууд̇аа ажжанд̇анидтаа анубаад̣̇исзсаниб̣б̣аанад̇хаад̇у аж̇ж̇а самиж̇жхад̇ий’’д̇и бхияяо ад̇ивияа соманассаббад̇д̇асса бхаг̇авад̇о бийд̇ивибпаараад̣̇иг̇ун̣авибулад̇араанубхааво барзхи асаад̇хааран̣ан̃аан̣аад̇исаяо уд̣̇абаад̣̇и, яасса самаабад̇д̇иб̣аласамубаб̣руухид̇асса н̃аан̣аад̇исаяасса аанубхаавам̣ санд̇хааяа ид̣̇ам̣ вуд̇д̇ам̣ ‘‘д̣̇взмз бин̣д̣абаад̇аа самасамапалаа самасамавибаагаа’’д̇иаад̣̇и (уд̣̇аа. 75), д̇асмаа д̇асса аанубхаавзна самабхихад̇аа махаабат̇авий агамбид̇т̇а. д̇ам̣ банассаа д̇ассам̣ взлааяам̣ аарод̣̇анаагаараббад̇д̇и вияа ход̇ийд̇и ‘‘адтамо аарод̣̇анзнаа’’д̇и вуд̇д̇ам̣.

    Yena pana bhagavā asītianubyañjanapaṭimaṇḍitadvattiṃsamahāpurisalakkhaṇa- (dī. ni. 2.33; 3.198; ma. ni. 2.385) vicitrarūpakāyo sabbākāraparisuddhasīlakkhandhādiguṇaratanasamiddhidhammakāyo puññamahattathāmamahattayasamahaāiddhimahattapaññāmahattānaṃ paramukkaṃsagato asamo asamasamo appaṭipuggalo arahaṃ sammāsambuddho attano attabhāvasaññitaṃ khandhapañcakaṃ kappaṃ vā kappāvasesaṃ vā ṭhapetuṃ samatthopi saṅkhatadhammaṃ paṭijigucchanākārappavattena ñāṇavisesena tiṇāyapi amaññamāno āyusaṅkhārossajjanavidhinā nirapekkho ossajji. Tadanubhāvābhihatā mahāpathavī āyusaṅkhārossajjane akampittha, taṃ panassā kāruññasabhāvasaṇṭhitā viya hotīti vuttaṃ ‘‘kāruññasabhāvenā’’ti . Yasmā bhagavā parinibbānasamaye catuvīsatikoṭisatasahassasaṅkhyā samāpattiyo samāpajji antarantarā phalasamāpattisamāpajjanena, tassa pubbabhāge sātisayaṃ tikkhaṃ sūraṃ vipassanāñāṇañca pavattesi, ‘‘yadatthañca mayā evaṃ sucirakālaṃ anaññasādhāraṇo paramukkaṃsagato ñāṇasambhāro sambhato, anuttaro ca vimokkho samadhigato, tassa vata me sikhāppattaphalabhūtā accantaniṭṭhā anupādisesanibbānadhātu ajja samijjhatī’’ti bhiyyo ativiya somanassappattassa bhagavato pītivipphārādiguṇavipulatarānubhāvo parehi asādhāraṇañāṇātisayo udapādi, yassa samāpattibalasamupabrūhitassa ñāṇātisayassa ānubhāvaṃ sandhāya idaṃ vuttaṃ ‘‘dveme piṇḍapātā samasamaphalā samasamavipākā’’tiādi (udā. 75), tasmā tassa ānubhāvena samabhihatā mahāpathavī akampittha. Taṃ panassā tassaṃ velāyaṃ ārodanākārappatti viya hotīti ‘‘aṭṭhamo ārodanenā’’ti vuttaṃ.

    ид̣̇аани сан̇кзбад̇о вуд̇д̇амад̇т̇ам̣ виваранд̇о ‘‘маад̇угужчим̣ оггаманд̇з’’д̇иаад̣̇имааха. аяам̣ банад̇т̇од̇и ‘‘саад̇хугаарад̣̇аанавасзнаа’’д̇иаад̣̇инаа вуд̇д̇о ад̇т̇о. бат̇авийд̣̇звад̇ааяа васзнаад̇и зд̇т̇а самуд̣̇д̣̇ад̣̇звад̇аа вияа махаабат̇авияаа ад̇хид̣̇звад̇аа гира наама ад̇т̇и. д̇аад̣̇исз гааран̣з сад̇и д̇ассаа жид̇д̇авасзна аяам̣ махаабат̇авий сан̇гамбад̇и самбагамбад̇и самбавзд̇хад̇и, яат̇аа ваад̇авалаахагад̣̇звад̇аанам̣ жид̇д̇авасзна ваад̇аа вааяанд̇и, сийд̇ун̣хааб̣бхавассавалаахагад̣̇звад̇аанам̣ жид̇д̇авасзна сийд̇аад̣̇аяо бхаванд̇и. д̇ат̇аа хи висаакабун̣н̣амааяам̣ абхисамб̣од̇хиад̇т̇ам̣ б̣од̇хиругкамуулз нисиннасса логанаат̇асса анд̇арааяагаран̣ад̇т̇ам̣ убадтид̇ам̣ маараб̣алам̣ вид̇хамид̇ум̣ –

    Idāni saṅkhepato vuttamatthaṃ vivaranto ‘‘mātukucchiṃ okkamante’’tiādimāha. Ayaṃ panatthoti ‘‘sādhukāradānavasenā’’tiādinā vutto attho. Pathavīdevatāya vasenāti ettha samuddadevatā viya mahāpathaviyā adhidevatā kira nāma atthi. Tādise kāraṇe sati tassā cittavasena ayaṃ mahāpathavī saṅkampati sampakampati sampavedhati, yathā vātavalāhakadevatānaṃ cittavasena vātā vāyanti, sītuṇhaabbhavassavalāhakadevatānaṃ cittavasena sītādayo bhavanti. Tathā hi visākhapuṇṇamāyaṃ abhisambodhiatthaṃ bodhirukkhamūle nisinnassa lokanāthassa antarāyakaraṇatthaṃ upaṭṭhitaṃ mārabalaṃ vidhamituṃ –

    ‘‘ажзд̇анааяам̣ бат̇авий, авин̃н̃ааяа сукам̣ д̣̇укам̣;

    ‘‘Acetanāyaṃ pathavī, aviññāya sukhaṃ dukhaṃ;

    сааби д̣̇аанаб̣алаа маяхам̣, сад̇д̇агкад̇д̇ум̣ багамбат̇аа’’д̇и. (жарияаа. 1.124) –

    Sāpi dānabalā mayhaṃ, sattakkhattuṃ pakampathā’’ti. (cariyā. 1.124) –

    важанасамананд̇арам̣ махаабат̇авий бхиж̇ж̇ид̇ваа сабарисам̣ маарам̣ баривад̇д̇зси. зд̇анд̇и саад̇хугаарад̣̇аанаад̣̇и. яад̣̇иби над̇т̇и ажзд̇анад̇д̇аа, д̇хаммад̇аавасзна бана вуд̇д̇анаязна сияаад̇и саггаа вад̇д̇ум̣. д̇хаммад̇аа бана ад̇т̇ад̇о д̇хаммасабхааво, со бун̃н̃ад̇хаммасса ваа н̃аан̣ад̇хаммасса ваа аанубхаавасабхаавод̇и. д̇аяид̣̇ам̣ саб̣б̣ам̣ вижаарид̇амзва, зван̃жа гад̇ваа –

    Vacanasamanantaraṃ mahāpathavī bhijjitvā saparisaṃ māraṃ parivattesi. Etanti sādhukāradānādi. Yadipi natthi acetanattā, dhammatāvasena pana vuttanayena siyāti sakkā vattuṃ. Dhammatā pana atthato dhammasabhāvo, so puññadhammassa vā ñāṇadhammassa vā ānubhāvasabhāvoti. Tayidaṃ sabbaṃ vicāritameva, evañca katvā –

    ‘‘имз д̇хаммз саммасад̇о, сабхаавасарасалагкан̣з;

    ‘‘Ime dhamme sammasato, sabhāvasarasalakkhaṇe;

    д̇хаммад̇зж̇зна васуд̇хаа, д̣̇асасахассий багамбат̇аа’’д̇и. (б̣у. вам̣. 1.166);

    Dhammatejena vasudhā, dasasahassī pakampathā’’ti. (bu. vaṃ. 1.166);

    аад̣̇и важанан̃жа самад̇т̇ид̇ам̣ ход̇и.

    Ādi vacanañca samatthitaṃ hoti.

    нид̣̇д̣̇идтанид̣̇ассананд̇и нид̣̇д̣̇идтасса ад̇т̇асса нияяаад̇анам̣, ниг̇амананд̇и ад̇т̇о. зд̇д̇аавад̇аад̇и бат̇авийгамбаад̣̇иуббаад̣̇аж̇ананзна жзва бат̇авийгамбасса бхаг̇авад̇о хзд̇унид̣̇ассанзна жа. ‘‘ад̣̇д̇хаа аж̇ж̇а бхаг̇авад̇аа ааяусан̇кааро оссадто’’д̇и саллагкзси баарисзсан̃ааязна. зван̃хи д̇ад̣̇аа т̇зро д̇амад̇т̇ам̣ виймам̣сзяяа нааяам̣ бхуумигамбо д̇хаад̇уббагобахзд̇уго д̇асса абан̃н̃ааяамаанаруубад̇д̇аа, б̣аахирагоби иси звам̣ махаанубхааво б̣уд̣̇д̇хагаалз над̇т̇и, саасанигоби сад̇т̇у анаарожзд̇ваа звам̣ гаронд̇о наама над̇т̇и, сзсаанам̣ бан̃жаннам̣ ид̣̇аани асамбхаво, звам̣ бхуумигамбо жааяам̣ махаабхим̣санаго саломахам̣со ахоси, д̇асмаа баарисзсад̇о ааха ‘‘аж̇ж̇а бхаг̇авад̇аа ааяусан̇кааро оссадтод̇и саллагкзсий’’д̇и.

    Niddiṭṭhanidassananti niddiṭṭhassa atthassa niyyātanaṃ, nigamananti attho. Ettāvatāti pathavīkampādiuppādajananena ceva pathavīkampassa bhagavato hetunidassanena ca. ‘‘Addhā ajja bhagavatā āyusaṅkhāro ossaṭṭho’’ti sallakkhesi pārisesañāyena. Evañhi tadā thero tamatthaṃ vīmaṃseyya nāyaṃ bhūmikampo dhātuppakopahetuko tassa apaññāyamānarūpattā, bāhirakopi isi evaṃ mahānubhāvo buddhakāle natthi, sāsanikopi satthu anārocetvā evaṃ karonto nāma natthi, sesānaṃ pañcannaṃ idāni asambhavo, evaṃ bhūmikampo cāyaṃ mahābhiṃsanako salomahaṃso ahosi, tasmā pārisesato āha ‘‘ajja bhagavatā āyusaṅkhāro ossaṭṭhoti sallakkhesī’’ti.

    адтабарисаван̣н̣анаа

    Aṭṭhaparisavaṇṇanā

    172. огаасам̣ ад̣̇ад̇ваад̇и ‘‘д̇идтад̇у бханд̇з бхаг̇аваа габба’’нд̇иаад̣̇и (д̣̇ий. ни. 2.178) наяаббавад̇д̇ааяа т̇зрасса ааяаажанааяа авасарам̣ ад̣̇ад̇ваа. ан̃н̃ааниби адтагаани самбин̣д̣знд̇о хзд̇уадтагад̇о ан̃н̃аани барисаабхибхааяад̇анавимогкавасзна д̇ийн̣и адтагаани сан̇г̇ахзд̇ваа д̣̇ассзнд̇о ‘‘адта ко имаа’’д̇иаад̣̇имааха. ‘‘ааяасмад̇о аананд̣̇асса согуббад̇д̇им̣ барихаранд̇о вигкзбам̣ гаронд̇о’’д̇и гзжи сахасаа бхан̣ид̇з б̣алавасого уббаж̇ж̇зяяаад̇и.

    172.Okāsaṃ adatvāti ‘‘tiṭṭhatu bhante bhagavā kappa’’ntiādi (dī. ni. 2.178) nayappavattāya therassa āyācanāya avasaraṃ adatvā. Aññānipi aṭṭhakāni sampiṇḍento hetuaṭṭhakato aññāni parisābhibhāyatanavimokkhavasena tīṇi aṭṭhakāni saṅgahetvā dassento ‘‘aṭṭha kho imā’’tiādimāha. ‘‘Āyasmato ānandassa sokuppattiṃ pariharanto vikkhepaṃ karonto’’ti keci sahasā bhaṇite balavasoko uppajjeyyāti.

    самааг̇анд̇аб̣б̣ад̇о, самааг̇ажчад̇ийд̇и ваа самааг̇амо, барисаа. б̣имб̣исаарабамуко самааг̇амо б̣имб̣исаарасамааг̇амо. сзсад̣̇ваязби зсзва наяо. б̣имб̣исаара…бз… самааг̇амаад̣̇исад̣̇исам̣ кад̇д̇ияабарисанд̇и яож̇анаа. ан̃н̃зсу жаггаваал̣зсуби лаб̣бхад̇зязва сад̇т̇у кад̇д̇ияабарисаад̣̇иубасан̇гаманам̣. аад̣̇ид̇о д̇зхи сад̣̇д̇хим̣ сад̇т̇у бхаасанам̣ аалаабо. гат̇анабадигат̇анам̣ саллаабо. д̇хаммубасан̃хид̇аа бужчаа бадибужчаа д̇хаммасаагажчаа. сан̣таанам̣ бадижжа гат̇анам̣ сан̣таанабарияааяад̇д̇аа ван̣н̣а-сад̣̇д̣̇асса ‘‘маханд̇ам̣ хад̇т̇ирааж̇аван̣н̣ам̣ абхинимминид̇ваа’’д̇иаад̣̇ийсу (сам̣. ни. 1.138) вияа. ‘‘д̇зса’’нд̇и бад̣̇ам̣ убхаяабад̣̇аабзгкам̣ ‘‘д̇зсамби лагкан̣асан̣таанам̣ вияа сад̇т̇у сарийрасан̣таанам̣, д̇зсам̣ гзвалам̣ бан̃н̃ааяад̇и зваа’’д̇и. нааби аамуггаман̣игун̣д̣ало бхаг̇аваа ход̇ийд̇и яож̇анаа. чиннассараад̇и д̣̇вид̇хаабхууд̇ассараа. г̇аг̇г̇арассараад̇и ж̇аж̇ж̇арид̇ассараа. бхаасанд̇аранд̇и д̇зсам̣ сад̇д̇аанам̣ бхаасад̇о ан̃н̃ам̣ бхаасам̣. виймам̣саад̇и жинд̇анаа. ‘‘гимад̇т̇ам̣…бз… д̣̇зсзд̇ий’’д̇и ид̣̇ам̣ нану ад̇д̇аанам̣ ж̇аанаабзд̇ваа д̇хаммз гат̇ид̇з д̇зсам̣ саад̇исаяо басаад̣̇о ход̇ийд̇и иминаа ад̇хиббааязна вуд̇д̇ам̣? язсам̣ ад̇д̇аанам̣ аж̇аанаабзд̇ваава д̇хаммз гат̇ид̇з басаад̣̇о ход̇и, на ж̇аанаабзд̇ваа, д̇аад̣̇исз санд̇хааяа сад̇т̇аа д̇ат̇аа гарод̇и. д̇ад̇т̇а баяож̇анамааха ‘‘ваасанад̇т̇ааяаа’’д̇и. звам̣ суд̇обийд̇и звам̣ авин̃н̃аад̇ад̣̇зсаго авин̃н̃аад̇ааг̇аманоби суд̇о д̇хаммо ад̇д̇ано д̇хаммасуд̇хаммад̇ааязва анааг̇ад̇з бажжаяо ход̇и сун̣анд̇асса.

    Samāgantabbato, samāgacchatīti vā samāgamo, parisā. Bimbisārapamukho samāgamo bimbisārasamāgamo. Sesadvayepi eseva nayo. Bimbisāra…pe… samāgamādisadisaṃ khattiyaparisanti yojanā. Aññesu cakkavāḷesupi labbhateyeva satthu khattiyaparisādiupasaṅkamanaṃ. Ādito tehi saddhiṃ satthu bhāsanaṃ ālāpo. Kathanapaṭikathanaṃ sallāpo. Dhammupasañhitā pucchā paṭipucchā dhammasākacchā. Saṇṭhānaṃ paṭicca kathanaṃ saṇṭhānapariyāyattā vaṇṇa-saddassa ‘‘mahantaṃ hatthirājavaṇṇaṃ abhinimminitvā’’tiādīsu (saṃ. ni. 1.138) viya. ‘‘Tesa’’nti padaṃ ubhayapadāpekkhaṃ ‘‘tesampi lakkhaṇasaṇṭhānaṃ viya satthu sarīrasaṇṭhānaṃ, tesaṃ kevalaṃ paññāyati evā’’ti. Nāpi āmukkamaṇikuṇḍalo bhagavā hotīti yojanā. Chinnassarāti dvidhābhūtassarā. Gaggarassarāti jajjaritassarā. Bhāsantaranti tesaṃ sattānaṃ bhāsato aññaṃ bhāsaṃ. Vīmaṃsāti cintanā. ‘‘Kimatthaṃ…pe… desetī’’ti idaṃ nanu attānaṃ jānāpetvā dhamme kathite tesaṃ sātisayo pasādo hotīti iminā adhippāyena vuttaṃ? Yesaṃ attānaṃ ajānāpetvāva dhamme kathite pasādo hoti, na jānāpetvā, tādise sandhāya satthā tathā karoti. Tattha payojanamāha ‘‘vāsanatthāyā’’ti. Evaṃ sutopīti evaṃ aviññātadesako aviññātāgamanopi suto dhammo attano dhammasudhammatāyeva anāgate paccayo hoti suṇantassa.

    ‘‘аананд̣̇аа’’д̇иаад̣̇иго сан̇г̇ийд̇ианаарул̣хо баал̣ид̇хаммо зва д̇ат̇аа д̣̇ассид̇о. зса наяо ид̇о барзсуби зваруубзсу таанзсу.

    ‘‘Ānandā’’tiādiko saṅgītianāruḷho pāḷidhammo eva tathā dassito. Esa nayo ito paresupi evarūpesu ṭhānesu.

    адтаабхибхааяад̇анаван̣н̣анаа

    Aṭṭhaabhibhāyatanavaṇṇanā

    173. абхибхавад̇ийд̇и абхибху, баригаммам̣, н̃аан̣ам̣ ваа. абхибху ааяад̇анам̣ зд̇ассаад̇и абхибхааяад̇анам̣, жхаанам̣. абхибхавид̇аб̣б̣ам̣ ваа аарамман̣асан̇каад̇ам̣ ааяад̇анам̣ зд̇ассаад̇и абхибхааяад̇анам̣. аарамман̣аабхибхаванад̇о абхибху жа д̇ам̣ ааяад̇анан̃жа яог̇ино сукависзсаанам̣ ад̇хидтаанабхаавад̇о, манааяад̇анад̇хаммааяад̇анабхаавад̇о ваад̇иби сасамбаяуд̇д̇ам̣ жхаанам̣ абхибхааяад̇анам̣. д̇знааха ‘‘абхибхаванагааран̣ааний’’д̇иаад̣̇и. д̇аани хийд̇и абхибхааяад̇анасан̃н̃ид̇аани жхаанаани. ‘‘буг̇г̇аласса н̃аан̣уд̇д̇арияад̇ааяаа’’д̇и ид̣̇ам̣ убхаяад̇т̇ааби яож̇зд̇аб̣б̣ам̣. гат̇ам̣? бадибагкабхаавзна бажжанийгад̇хаммз абхибхаванд̇и буг̇г̇аласса н̃аан̣уд̇д̇арияад̇ааяа аарамман̣аани абхибхаванд̇и. н̃аан̣аб̣алзнзва хи аарамман̣аабхибхаванам̣ вияа бадибагкаабхибхаво бийд̇и.

    173. Abhibhavatīti abhibhu, parikammaṃ, ñāṇaṃ vā. Abhibhu āyatanaṃ etassāti abhibhāyatanaṃ, jhānaṃ. Abhibhavitabbaṃ vā ārammaṇasaṅkhātaṃ āyatanaṃ etassāti abhibhāyatanaṃ. Ārammaṇābhibhavanato abhibhu ca taṃ āyatanañca yogino sukhavisesānaṃ adhiṭṭhānabhāvato, manāyatanadhammāyatanabhāvato vātipi sasampayuttaṃ jhānaṃ abhibhāyatanaṃ. Tenāha ‘‘abhibhavanakāraṇānī’’tiādi. Tāni hīti abhibhāyatanasaññitāni jhānāni. ‘‘Puggalassa ñāṇuttariyatāyā’’ti idaṃ ubhayatthāpi yojetabbaṃ. Kathaṃ? Paṭipakkhabhāvena paccanīkadhamme abhibhavanti puggalassa ñāṇuttariyatāya ārammaṇāni abhibhavanti. Ñāṇabaleneva hi ārammaṇābhibhavanaṃ viya paṭipakkhābhibhavo pīti.

    баригаммавасзна аж̇жхад̇д̇ам̣ руубасан̃н̃ий, на аббанаавасзна. на хи бадибхааг̇анимид̇д̇аарамман̣аа аббанаа аж̇жхад̇д̇ависаяаа самбхавад̇и, д̇ам̣ бана аж̇жхад̇д̇абаригаммавасзна лад̣̇д̇хам̣ гасин̣анимид̇д̇ам̣ ависуд̣̇д̇хамзва ход̇и, на б̣ахид̣̇д̇хаабаригаммавасзна лад̣̇д̇хам̣ вияа висуд̣̇д̇хам̣.

    Parikammavasena ajjhattaṃ rūpasaññī, na appanāvasena. Na hi paṭibhāganimittārammaṇā appanā ajjhattavisayā sambhavati, taṃ pana ajjhattaparikammavasena laddhaṃ kasiṇanimittaṃ avisuddhameva hoti, na bahiddhāparikammavasena laddhaṃ viya visuddhaṃ.

    барид̇д̇аанийд̇и яат̇аалад̣̇д̇хаани суббасараавамад̇д̇аани. д̇знааха ‘‘авад̣дхид̇ааний’’д̇и. барид̇д̇авасзнзваад̇и ван̣н̣авасзна аабхог̇з виж̇ж̇амаанзби барид̇д̇авасзнзва ид̣̇ам̣ абхибхааяад̇анам̣ вуд̇д̇ам̣. барид̇д̇ад̇аа хзд̇т̇а абхибхаванасса гааран̣ам̣. ван̣н̣аабхог̇з сад̇иби асад̇иби абхибхааяад̇анабхааванаа наама д̇игкабан̃н̃ассзва самбхавад̇и, на ид̇арассаад̇и ааха ‘‘н̃аан̣уд̇д̇ариго буг̇г̇ало’’д̇и. абхибхавид̇ваа самаабаж̇ж̇ад̇ийд̇и зд̇т̇а абхибхаванам̣, самаабаж̇ж̇анан̃жа убажаараж̇жхаанаад̇хиг̇амасамананд̇арамзва аббанаажхаануббаад̣̇ананд̇и ааха ‘‘саха нимид̇д̇уббаад̣̇знзвзд̇т̇а аббанам̣ баабзд̇ий’’д̇и. саха нимид̇д̇уббаад̣̇знаад̇и жа аббанаабариваасаабхаавасса лагкан̣ам̣ важанамзд̇ам̣. яо ‘‘киббаабхин̃н̃о’’д̇и вужжад̇и, д̇ад̇оби н̃аан̣уд̇д̇арассзва абхибхааяад̇анабхааванаа. зд̇т̇аад̇и зд̇асмим̣ нимид̇д̇з. аббанам̣ баабзд̇ийд̇и бхааванам̣ аббанам̣ нзд̇и.

    Parittānīti yathāladdhāni suppasarāvamattāni. Tenāha ‘‘avaḍḍhitānī’’ti. Parittavasenevāti vaṇṇavasena ābhoge vijjamānepi parittavaseneva idaṃ abhibhāyatanaṃ vuttaṃ. Parittatā hettha abhibhavanassa kāraṇaṃ. Vaṇṇābhoge satipi asatipi abhibhāyatanabhāvanā nāma tikkhapaññasseva sambhavati, na itarassāti āha ‘‘ñāṇuttariko puggalo’’ti. Abhibhavitvā samāpajjatīti ettha abhibhavanaṃ, samāpajjanañca upacārajjhānādhigamasamanantarameva appanājhānuppādananti āha ‘‘saha nimittuppādenevettha appanaṃ pāpetī’’ti. Saha nimittuppādenāti ca appanāparivāsābhāvassa lakkhaṇaṃ vacanametaṃ. Yo ‘‘khippābhiñño’’ti vuccati, tatopi ñāṇuttarasseva abhibhāyatanabhāvanā. Etthāti etasmiṃ nimitte. Appanaṃ pāpetīti bhāvanaṃ appanaṃ neti.

    зд̇т̇а жа гзжи ‘‘уббаннз убажаараж̇жхаанз д̇ам̣ аараб̣бха яз хздтиманд̇зна д̣̇вз д̇аяо ж̇аванаваараа бавад̇д̇анд̇и, д̇з убажаараж̇жхаанабагкигаа зва, д̇ад̣̇ананд̇аран̃жа бхаван̇г̇абариваасзна, убажаараасзванааяа жа винаа аббанаа ход̇и, саха нимид̇д̇уббаад̣̇знзва аббанам̣ баабзд̇ий’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣. на хи бариваасид̇абаригаммзна аббанаавааро ижчид̇о, нааби махаг̇г̇ад̇аббамаан̣аж̇жхаанзсу вияа убажаараж̇жхаанз зганд̇ад̇о бажжавзгкан̣аа ижчид̇аб̣б̣аа, д̇асмаа убажаараж̇жхаанаад̇хиг̇аманад̇о барам̣ гад̇ибаяабхаван̇г̇ажид̇д̇аавасаанз аббанам̣ баабун̣анд̇о ‘‘саха нимид̇д̇уббаад̣̇знзвзд̇т̇а аббанам̣ баабзд̇ий’’д̇и вуд̇д̇о. саха нимид̇д̇уббаад̣̇знзваад̇и жа ад̇хиббааяигамид̣̇ам̣ важанам̣, на нийд̇ад̇т̇ам̣, ад̇хиббааяо вуд̇д̇анаязнзва взд̣̇ид̇аб̣б̣о, на анд̇осамаабад̇д̇ияам̣ д̇ад̣̇аа д̇ат̇ааруубасса аабхог̇асса асамбхавад̇о. самаабад̇д̇ид̇о вудтид̇асса аабхог̇о буб̣б̣абхааг̇абхааванааяавасзна жхаанагкан̣з бавад̇д̇ам̣ абхибхаванаагаарам̣ г̇ахзд̇ваа бавад̇д̇од̇и д̣̇адтаб̣б̣ам̣. абхид̇хаммадтагат̇ааяам̣ бана ‘‘иминаа д̇асса буб̣б̣аабхог̇о гат̇ид̇о’’д̇и (д̇ха. са. адта. 204) вуд̇д̇ам̣. анд̇осамаабад̇д̇ияам̣ д̇ат̇аа аабхог̇аабхаавз гасмаа ‘‘жхаанасан̃н̃ааяабий’’д̇и вуд̇д̇анд̇и ааха ‘‘абхибхавана…бз… ад̇т̇ий’’д̇и.

    Ettha ca keci ‘‘uppanne upacārajjhāne taṃ ārabbha ye heṭṭhimantena dve tayo javanavārā pavattanti, te upacārajjhānapakkhikā eva, tadanantarañca bhavaṅgaparivāsena, upacārāsevanāya ca vinā appanā hoti, saha nimittuppādeneva appanaṃ pāpetī’’ti vadanti, taṃ tesaṃ matimattaṃ. Na hi parivāsitaparikammena appanāvāro icchito, nāpi mahaggatappamāṇajjhānesu viya upacārajjhāne ekantato paccavekkhaṇā icchitabbā, tasmā upacārajjhānādhigamanato paraṃ katipayabhavaṅgacittāvasāne appanaṃ pāpuṇanto ‘‘saha nimittuppādenevettha appanaṃ pāpetī’’ti vutto. Saha nimittuppādenevāti ca adhippāyikamidaṃ vacanaṃ, na nītatthaṃ, adhippāyo vuttanayeneva veditabbo, na antosamāpattiyaṃ tadā tathārūpassa ābhogassa asambhavato. Samāpattito vuṭṭhitassa ābhogo pubbabhāgabhāvanāyavasena jhānakkhaṇe pavattaṃ abhibhavanākāraṃ gahetvā pavattoti daṭṭhabbaṃ. Abhidhammaṭṭhakathāyaṃ pana ‘‘iminā tassa pubbābhogo kathito’’ti (dha. sa. aṭṭha. 204) vuttaṃ. Antosamāpattiyaṃ tathā ābhogābhāve kasmā ‘‘jhānasaññāyapī’’ti vuttanti āha ‘‘abhibhavana…pe… atthī’’ti.

    вад̣дхид̇аббамаан̣аанийд̇и вибулаббамаан̣аанийд̇и ад̇т̇о, на зган̇г̇улад̣̇ван̇г̇улаад̣̇ивасзна вад̣дхим̣ баабид̇аанийд̇и д̇ат̇аа вад̣дханассзвзд̇т̇а асамбхавад̇о. д̇знааха ‘‘маханд̇ааний’’д̇и. бхад̇д̇авад̣дхид̇аганд̇и бхун̃ж̇анабхааж̇анам̣ вад̣дхзд̇ваа д̣̇иннабхад̇д̇ам̣, згаасанз бурисзна бхун̃ж̇ид̇аб̣б̣абхад̇д̇ад̇о убад̣дхабхад̇д̇анд̇и ад̇т̇о.

    Vaḍḍhitappamāṇānīti vipulappamāṇānīti attho, na ekaṅguladvaṅgulādivasena vaḍḍhiṃ pāpitānīti tathā vaḍḍhanassevettha asambhavato. Tenāha ‘‘mahantānī’’ti. Bhattavaḍḍhitakanti bhuñjanabhājanaṃ vaḍḍhetvā dinnabhattaṃ, ekāsane purisena bhuñjitabbabhattato upaḍḍhabhattanti attho.

    руубз сан̃н̃аа руубасан̃н̃аа, саа асса ад̇т̇ийд̇и руубасан̃н̃ий, на руубасан̃н̃ий аруубасан̃н̃ий, сан̃н̃аасийсзна жхаанам̣ вад̣̇ад̇и. руубасан̃н̃ааяа ануббаад̣̇анам̣ звзд̇т̇а алаабхид̇аа.

    Rūpe saññā rūpasaññā, sā assa atthīti rūpasaññī, na rūpasaññī arūpasaññī, saññāsīsena jhānaṃ vadati. Rūpasaññāya anuppādanaṃ evettha alābhitā.

    б̣ахид̣̇д̇хаава уббаннанд̇и б̣ахид̣̇д̇хаа вад̇т̇усмим̣язва уббаннам̣. абхид̇хаммз бана ‘‘аж̇жхад̇д̇ам̣ аруубасан̃н̃ий б̣ахид̣̇д̇хаа руубаани бассад̇и барид̇д̇аани суван̣н̣ад̣̇уб̣б̣ан̣н̣аани…бз… аббамаан̣аани суван̣н̣ад̣̇уб̣б̣ан̣н̣ааний’’д̇и (д̇ха. са. 220) звам̣ жад̇уннам̣ абхибхааяад̇анаанам̣ ааг̇ад̇ад̇д̇аа абхид̇хаммадтагат̇ааяам̣ (д̇ха. са. адта. 204) ‘‘гасмаа бана ‘яат̇аа суд̇д̇анд̇з аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇и барид̇д̇аанийд̇иаад̣̇и вуд̇д̇ам̣, звам̣ авад̇ваа ид̇ха жад̇уусуби абхибхааяад̇анзсу аж̇жхад̇д̇ам̣ аруубасан̃н̃ид̇аава вуд̇д̇аа’д̇и жод̣̇анам̣ гад̇ваа ‘аж̇жхад̇д̇аруубаанам̣ анабхибхаванийяад̇о’д̇и гааран̣ам̣ вад̇ваа, д̇ад̇т̇а ваа хи ид̇ха ваа б̣ахид̣̇д̇хаа руубаанзва абхибхавид̇аб̣б̣аани, д̇асмаа д̇аани нияамад̇о вад̇д̇аб̣б̣аанийд̇и д̇ад̇рааби ид̇хааби вуд̇д̇аани. ‘аж̇жхад̇д̇ам̣ руубасан̃н̃ий’д̇и ид̣̇ам̣ бана сад̇т̇у д̣̇зсанаавилаасамад̇д̇амзваа’’д̇и вуд̇д̇ам̣. зд̇т̇а жа ван̣н̣аабхог̇арахид̇аани, сахид̇аани жа саб̣б̣аани барид̇д̇аани ‘‘барид̇д̇аани суван̣н̣ад̣̇уб̣б̣ан̣н̣ааний’’д̇и вуд̇д̇аани, д̇ат̇аа аббамаан̣аани ‘‘аббамаан̣аани суван̣н̣ад̣̇уб̣б̣ан̣н̣ааний’’д̇и. ад̇т̇и хи со барияааяо барид̇д̇аани абхибхуяяа д̇аани жз гад̣̇аажи ван̣н̣авасзна аабхуж̇ид̇аани хонд̇и, суван̣н̣ад̣̇уб̣б̣ан̣н̣аани абхибхуяяаад̇и. барияааяагат̇аа хи суд̇д̇анд̇ад̣̇зсанаад̇и. абхид̇хаммз (д̇ха. са. 222) бана ниббарияааяад̣̇зсанад̇д̇аа ван̣н̣аабхог̇арахид̇аани висум̣ вуд̇д̇аани, д̇ат̇аа сахид̇аани. ад̇т̇и хи убхаяад̇т̇а абхибхаванависзсод̇и. д̇ат̇аа ид̇ха барияааяад̣̇зсанад̇д̇аа вимогкаанамби абхибхаванабарияааяо ад̇т̇ийд̇и ‘‘аж̇жхад̇д̇ам̣ руубасан̃н̃ий’’д̇иаад̣̇инаа батамад̣̇уд̇ияаабхибхааяад̇анзсу батамавимогко, д̇ад̇ияажад̇уд̇т̇аабхибхааяад̇анзсу д̣̇уд̇ияавимогко, ван̣н̣аабхибхааяад̇анзсу д̇ад̇ияавимогко жа абхибхаванаббавад̇д̇ид̇о сан̇г̇ахид̇о. абхид̇хаммз бана ниббарияааяад̣̇зсанад̇д̇аа вимогкаабхибхааяад̇анаани асан̇гарад̇о д̣̇ассзд̇ум̣ вимогкз важ̇ж̇зд̇ваа абхибхааяад̇анаани гат̇ид̇аани ; саб̣б̣аани жа вимогкагижжаани жхаанаани вимогкад̣̇зсанааяам̣ вуд̇д̇аани. д̇ад̣̇зд̇ам̣ ‘‘аж̇жхад̇д̇ам̣ руубасан̃н̃ий’’д̇и ааг̇ад̇асса абхибхааяад̇анад̣̇ваяасса абхид̇хаммз абхибхааяад̇анзсу аважанад̇о ‘‘руубий руубаани бассад̇ий’’д̇иаад̣̇ийнан̃жа саб̣б̣авимогкагижжасаад̇хааран̣аважанабхаавад̇о вавад̇т̇аанам̣ гад̇анд̇и вин̃н̃ааяад̇и. ‘‘аж̇жхад̇д̇аруубаанам̣ анабхибхаванийяад̇о’’д̇и ид̣̇ам̣ гад̇т̇ажиби ‘‘аж̇жхад̇д̇ам̣ руубаани бассад̇ий’’д̇и авад̇ваа саб̣б̣ад̇т̇а яам̣ вуд̇д̇ам̣ ‘‘б̣ахид̣̇д̇хаа руубаани бассад̇ий’’д̇и, д̇асса гааран̣аважанам̣, д̇зна яам̣ ан̃н̃ахзд̇угам̣, д̇ам̣ д̇зна хзд̇унаа вуд̇д̇ам̣. яам̣ бана д̣̇зсанаавилаасахзд̇угам̣ аж̇жхад̇д̇ам̣ аруубасан̃н̃ид̇ааяа зва абхид̇хаммз (д̇ха. са. 223) важанам̣, на д̇асса ан̃н̃ам̣ гааран̣ам̣ маг̇г̇ид̇аб̣б̣анд̇и д̣̇ассзд̇и. аж̇жхад̇д̇аруубаанам̣ анабхибхаванийяад̇аа жа д̇зсам̣ б̣ахид̣̇д̇хаа руубаанам̣ вияа абхууд̇ад̇д̇аа. д̣̇зсанаавилаасо жа яат̇аавуд̇д̇ававад̇т̇аанавасзна взд̣̇ид̇аб̣б̣о взнзяяаж̇жхаасаяавасзна виж̇ж̇амаанабарияааяагат̇аабхаавад̇о. ‘‘суван̣н̣ад̣̇уб̣б̣ан̣н̣ааний’’д̇и зд̇знзва сид̣̇д̇хад̇д̇аа на нийлаад̣̇и абхибхааяад̇анаани вад̇д̇аб̣б̣аанийд̇и жз? д̇ам̣ на, нийлаад̣̇ийсу гад̇аад̇хигаараанам̣ нийлаад̣̇ибхаавассзва абхибхаванагааран̣ад̇д̇аа. на хи д̇зсам̣ барисуд̣̇д̇хаабарисуд̣̇д̇хаван̣н̣аанам̣ барид̇д̇ад̇аа, аббамаан̣ад̇аа ваа абхибхаванагааран̣ам̣, ат̇а ко нийлаад̣̇ибхааво зваад̇и. зд̇зсу жа барид̇д̇аад̣̇игасин̣аруубзсу яам̣ яам̣ жарид̇асса имаани абхибхааяад̇анаани иж̇жханд̇и, д̇ам̣ д̣̇ассзд̇ум̣ ‘‘имзсу банаа’’д̇иаад̣̇и вуд̇д̇ам̣.

    Bahiddhāvauppannanti bahiddhā vatthusmiṃyeva uppannaṃ. Abhidhamme pana ‘‘ajjhattaṃ arūpasaññī bahiddhā rūpāni passati parittāni suvaṇṇadubbaṇṇāni…pe… appamāṇāni suvaṇṇadubbaṇṇānī’’ti (dha. sa. 220) evaṃ catunnaṃ abhibhāyatanānaṃ āgatattā abhidhammaṭṭhakathāyaṃ (dha. sa. aṭṭha. 204) ‘‘kasmā pana ‘yathā suttante ajjhattaṃ rūpasaññī eko bahiddhā rūpāni passati parittānītiādi vuttaṃ, evaṃ avatvā idha catūsupi abhibhāyatanesu ajjhattaṃ arūpasaññitāva vuttā’ti codanaṃ katvā ‘ajjhattarūpānaṃ anabhibhavanīyato’ti kāraṇaṃ vatvā, tattha vā hi idha vā bahiddhā rūpāneva abhibhavitabbāni, tasmā tāni niyamato vattabbānīti tatrāpi idhāpi vuttāni. ‘Ajjhattaṃ rūpasaññī’ti idaṃ pana satthu desanāvilāsamattamevā’’ti vuttaṃ. Ettha ca vaṇṇābhogarahitāni, sahitāni ca sabbāni parittāni ‘‘parittāni suvaṇṇadubbaṇṇānī’’ti vuttāni, tathā appamāṇāni ‘‘appamāṇāni suvaṇṇadubbaṇṇānī’’ti. Atthi hi so pariyāyo parittāni abhibhuyya tāni ce kadāci vaṇṇavasena ābhujitāni honti, suvaṇṇadubbaṇṇāni abhibhuyyāti. Pariyāyakathā hi suttantadesanāti. Abhidhamme (dha. sa. 222) pana nippariyāyadesanattā vaṇṇābhogarahitāni visuṃ vuttāni, tathā sahitāni. Atthi hi ubhayattha abhibhavanavisesoti. Tathā idha pariyāyadesanattā vimokkhānampi abhibhavanapariyāyo atthīti ‘‘ajjhattaṃ rūpasaññī’’tiādinā paṭhamadutiyaabhibhāyatanesu paṭhamavimokkho, tatiyacatutthaabhibhāyatanesu dutiyavimokkho, vaṇṇābhibhāyatanesu tatiyavimokkho ca abhibhavanappavattito saṅgahito. Abhidhamme pana nippariyāyadesanattā vimokkhābhibhāyatanāni asaṅkarato dassetuṃ vimokkhe vajjetvā abhibhāyatanāni kathitāni ; sabbāni ca vimokkhakiccāni jhānāni vimokkhadesanāyaṃ vuttāni. Tadetaṃ ‘‘ajjhattaṃ rūpasaññī’’ti āgatassa abhibhāyatanadvayassa abhidhamme abhibhāyatanesu avacanato ‘‘rūpī rūpāni passatī’’tiādīnañca sabbavimokkhakiccasādhāraṇavacanabhāvato vavatthānaṃ katanti viññāyati. ‘‘Ajjhattarūpānaṃ anabhibhavanīyato’’ti idaṃ katthacipi ‘‘ajjhattaṃ rūpāni passatī’’ti avatvā sabbattha yaṃ vuttaṃ ‘‘bahiddhā rūpāni passatī’’ti, tassa kāraṇavacanaṃ, tena yaṃ aññahetukaṃ, taṃ tena hetunā vuttaṃ. Yaṃ pana desanāvilāsahetukaṃ ajjhattaṃ arūpasaññitāya eva abhidhamme (dha. sa. 223) vacanaṃ, na tassa aññaṃ kāraṇaṃ maggitabbanti dasseti. Ajjhattarūpānaṃ anabhibhavanīyatā ca tesaṃ bahiddhā rūpānaṃ viya abhūtattā. Desanāvilāso ca yathāvuttavavatthānavasena veditabbo veneyyajjhāsayavasena vijjamānapariyāyakathābhāvato. ‘‘Suvaṇṇadubbaṇṇānī’’ti eteneva siddhattā na nīlādi abhibhāyatanāni vattabbānīti ce? Taṃ na, nīlādīsu katādhikārānaṃ nīlādibhāvasseva abhibhavanakāraṇattā. Na hi tesaṃ parisuddhāparisuddhavaṇṇānaṃ parittatā, appamāṇatā vā abhibhavanakāraṇaṃ, atha kho nīlādibhāvo evāti. Etesu ca parittādikasiṇarūpesu yaṃ yaṃ caritassa imāni abhibhāyatanāni ijjhanti, taṃ dassetuṃ ‘‘imesu panā’’tiādi vuttaṃ.

    саб̣б̣асан̇г̇аахагавасзнаад̇и сагаланийлаван̣н̣анийланид̣̇ассананийланибхаасаанам̣ саад̇хааран̣авасзна. ван̣н̣авасзнаад̇и сабхаававан̣н̣авасзна. нид̣̇ассанавасзнаад̇и бассид̇аб̣б̣ад̇аавасзна жагкувин̃н̃аан̣аад̣̇ивин̃н̃аан̣авийт̇ияаа г̇ахзд̇аб̣б̣ад̇аавасзна. обхаасавасзнаад̇и саббабхаасад̇ааяа авабхаасанавасзна. умаабубпанд̇и ад̇асибубпам̣. нийламзва ход̇и ван̣н̣асан̇гараабхаавад̇о. б̣аараан̣асисамбхаванд̇и б̣аараан̣асияам̣ самудтид̇ам̣.

    Sabbasaṅgāhakavasenāti sakalanīlavaṇṇanīlanidassananīlanibhāsānaṃ sādhāraṇavasena. Vaṇṇavasenāti sabhāvavaṇṇavasena. Nidassanavasenāti passitabbatāvasena cakkhuviññāṇādiviññāṇavīthiyā gahetabbatāvasena. Obhāsavasenāti sappabhāsatāya avabhāsanavasena. Umāpupphanti atasipupphaṃ. Nīlameva hoti vaṇṇasaṅkarābhāvato. Bārāṇasisambhavanti bārāṇasiyaṃ samuṭṭhitaṃ.

    згажжасса ид̇о б̣аахирагасса аббамаан̣ам̣ ад̇ивид̇т̇аарид̇ам̣ гасин̣анимид̇д̇ам̣ ологзнд̇асса бхаяам̣ уббаж̇ж̇зяяа ‘‘гим̣ ну ко ид̣̇ам̣ сагалам̣ логам̣ абхибхавид̇ваа аж̇жход̇т̇арид̇ваа г̇ан̣хаад̇ий’’д̇и, д̇ат̇ааг̇ад̇асса бана д̇аад̣̇исам̣ бхаяам̣ ваа саараж̇ж̇ам̣ ваа над̇т̇ийд̇и абхийд̇абхаавад̣̇ассанад̇т̇амзва аанийд̇аани.

    Ekaccassa ito bāhirakassa appamāṇaṃ ativitthāritaṃ kasiṇanimittaṃ olokentassa bhayaṃ uppajjeyya ‘‘kiṃ nu kho idaṃ sakalaṃ lokaṃ abhibhavitvā ajjhottharitvā gaṇhātī’’ti, tathāgatassa pana tādisaṃ bhayaṃ vā sārajjaṃ vā natthīti abhītabhāvadassanatthameva ānītāni.

    адтавимогкаван̣н̣анаа

    Aṭṭhavimokkhavaṇṇanā

    174. уд̇д̇аанад̇т̇ааязва хздтаа ад̇т̇ад̇о вибхад̇д̇ад̇д̇аа. згажжасса вимогкод̇и гхособи бхаяаавахо ваддаабхирад̇абхаавад̇о, д̇ат̇ааг̇ад̇асса бана вимогкз убасамбаж̇ж̇а вихарад̇оби д̇ам̣ над̇т̇ийд̇и абхийд̇абхаавад̣̇ассанад̇т̇амзва аанийд̇аани.

    174.Uttānatthāyeva heṭṭhā atthato vibhattattā. Ekaccassa vimokkhoti ghosopi bhayāvaho vaṭṭābhiratabhāvato, tathāgatassa pana vimokkhe upasampajja viharatopi taṃ natthīti abhītabhāvadassanatthameva ānītāni.

    аананд̣̇аяаажанагат̇ааван̣н̣анаа

    Ānandayācanakathāvaṇṇanā

    178. б̣од̇хийд̇и саб̣б̣ан̃н̃уд̇ан̃н̃аан̣ам̣. д̇ан̃хи ‘‘жад̇умаг̇г̇ан̃аан̣абадивзд̇ха’’нд̇взва вуд̇д̇ам̣ саб̣б̣ан̃н̃уд̇ан̃н̃аан̣аббадивзд̇хасса д̇ам̣муулагад̇д̇аа. звам̣ вуд̇д̇абхааванд̇и ‘‘ааган̇камаано аананд̣̇а д̇ат̇ааг̇ад̇о габбам̣ ваа д̇идтзяяаа’’д̇и (д̣̇ий. ни. 2.166) звам̣ вуд̇д̇абхаавам̣.

    178.Bodhīti sabbaññutaññāṇaṃ. Tañhi ‘‘catumaggañāṇapaṭivedha’’ntveva vuttaṃ sabbaññutaññāṇappaṭivedhassa taṃmūlakattā. Evaṃ vuttabhāvanti ‘‘ākaṅkhamāno ānanda tathāgato kappaṃ vā tiṭṭheyyā’’ti (dī. ni. 2.166) evaṃ vuttabhāvaṃ.

    179. д̇амби ол̣аариганимид̇д̇ам̣ гад̇ам̣ д̇асса маарзна барияудтид̇ажзд̇асо на бадивид̣̇д̇хам̣ на саллагкид̇ам̣.

    179.Tampi oḷārikanimittaṃ kataṃ tassa mārena pariyuṭṭhitacetaso na paṭividdhaṃ na sallakkhitaṃ.

    183. аад̣̇игзхийд̇и звамаад̣̇ийхи мид̇д̇аамажжасухаж̇ж̇аахи. бияааяид̇аб̣б̣ад̇о биязхи. манавад̣дханад̇о манаабзхи. ж̇аад̇ияаад̇и ж̇аад̇иануруубаг̇аманзна. наанаабхааво висум̣бхааво асамб̣ад̣̇д̇хабхааво. маран̣зна винаабхаавод̇и жуд̇ияаа д̇знад̇д̇абхаавзна абунараавад̇д̇анад̇о виббаяог̇о. бхавзна ан̃н̃ат̇аабхаавод̇и бхаванд̇араг̇г̇ахан̣зна буримаагаарад̇о ан̃н̃аагаарад̇аа ‘‘гаамааважарасад̇д̇о руубааважаро ход̇ий’’д̇иаад̣̇инаа, д̇ад̇т̇ааби ‘‘мануссо д̣̇зво ход̇ий’’д̇иаад̣̇инааби яож̇зд̇аб̣б̣о. гуд̇зд̇т̇а лаб̣бхаад̇и гуд̇о гухим̣ гисмим̣ наама таанз зд̇т̇а зд̇асмим̣ канд̇хаббавад̇д̇з ‘‘яам̣ д̇ам̣ ж̇аад̇ам̣…бз… маа балуж̇ж̇ий’’д̇и лад̣̇д̇хум̣ саггаа. на саггаа зва д̇аад̣̇исасса гааран̣асса абхаавад̇од̇и ааха ‘‘нзд̇ам̣ таанам̣ виж̇ж̇ад̇ий’’д̇и. звам̣ ажчарияаб̣бхуд̇ад̇хаммам̣ д̇ат̇ааг̇ад̇ассааби сарийрам̣, гиман̇г̇ам̣ бана ан̃н̃зсанд̇и ад̇хиббааяо. ‘‘бажжаавамиссад̇ий’’д̇и нзд̇ам̣ таанам̣ виж̇ж̇ад̇и сад̇им̣ суубадтид̇ам̣ гад̇ваа н̃аан̣зна барижчинд̣̇ид̇ваа ааяусан̇каараанам̣ оссадтад̇д̇аа, б̣уд̣̇д̇хагижжасса жа барияосаабид̇ад̇д̇аа. на хзд̇т̇а маасад̇д̇аяад̇о барам̣ б̣уд̣̇д̇хавзнзяяаа лаб̣бханд̇ийд̇и.

    183.Ādikehīti evamādīhi mittāmaccasuhajjāhi. Piyāyitabbato piyehi. Manavaḍḍhanato manāpehi. Jātiyāti jātianurūpagamanena. Nānābhāvo visuṃbhāvo asambaddhabhāvo. Maraṇena vinābhāvoti cutiyā tenattabhāvena apunarāvattanato vippayogo. Bhavena aññathābhāvoti bhavantaraggahaṇena purimākārato aññākāratā ‘‘kāmāvacarasatto rūpāvacaro hotī’’tiādinā, tatthāpi ‘‘manusso devo hotī’’tiādināpi yojetabbo. Kutettha labbhāti kuto kuhiṃ kismiṃ nāma ṭhāne ettha etasmiṃ khandhappavatte ‘‘yaṃ taṃ jātaṃ…pe… mā palujjī’’ti laddhuṃ sakkā. Na sakkā eva tādisassa kāraṇassa abhāvatoti āha ‘‘netaṃ ṭhānaṃ vijjatī’’ti. Evaṃ acchariyabbhutadhammaṃ tathāgatassāpi sarīraṃ, kimaṅgaṃ pana aññesanti adhippāyo. ‘‘Paccāvamissatī’’ti netaṃ ṭhānaṃ vijjati satiṃ sūpaṭṭhitaṃ katvā ñāṇena paricchinditvā āyusaṅkhārānaṃ ossaṭṭhattā, buddhakiccassa ca pariyosāpitattā. Na hettha māsattayato paraṃ buddhaveneyyā labbhantīti.

    184. саасанасса жирадтид̇и наама сасамбхаарзхи арияамаг̇г̇ад̇хаммзхи гзвалзхийд̇и ааха ‘‘саб̣б̣ам̣ логияалогуд̇д̇аравасзнзва гат̇ид̇а’’нд̇и логияаахи сийласамаад̇хибан̃н̃аахи винаа логуд̇д̇арад̇хаммасамад̇хиг̇амасса асамбхавад̇о.

    184. Sāsanassa ciraṭṭhiti nāma sasambhārehi ariyamaggadhammehi kevalehīti āha ‘‘sabbaṃ lokiyalokuttaravaseneva kathita’’nti lokiyāhi sīlasamādhipaññāhi vinā lokuttaradhammasamadhigamassa asambhavato.

    д̇ад̇ияабхаан̣аваараван̣н̣анаа нидтид̇аа.

    Tatiyabhāṇavāravaṇṇanā niṭṭhitā.

    нааг̇аабалогид̇аван̣н̣анаа

    Nāgāpalokitavaṇṇanā

    186. нааг̇аабалогид̇анд̇и нааг̇асса вияа абалогид̇ам̣, хад̇т̇инааг̇асса абалоганасад̣̇исам̣ абалогананд̇и ад̇т̇о. аахажжаад̇и пусид̇ваа. ан̇гусагалаг̇г̇аани вияаад̇и ан̇гусагаани вияа ан̃н̃аман̃н̃асмим̣ лаг̇г̇аани аасад̇д̇аани худ̇ваа тид̇аани. згааб̣ад̣̇д̇хаанийд̇и ан̃н̃аман̃н̃ам̣ згад̇о ааб̣ад̣̇д̇хаани. д̇асмаад̇и г̇ийвадтийнам̣ згаг̇гханаанам̣ вияа згааб̣ад̣̇д̇хабхаавзна, на гзвалам̣ г̇ийвадтийнам̣язва, ат̇а ко саб̣б̣ааниби д̇аани б̣уд̣̇д̇хаанам̣ табзд̇ваа б̣аахусанд̇хиаад̣̇игаа д̣̇ваад̣̇аса махаасанд̇хияо, ан̇г̇улисанд̇хияо жа ид̇арасанд̇хийсу згааб̣ад̣̇д̇хаани худ̇ваа тид̇аани, яад̇о нзсам̣ багад̇ихад̇т̇ийнам̣ годисахассаб̣алаббамаан̣ам̣ гааяаб̣алам̣ ход̇и. взсаалинаг̇араабхимукам̣ агааси ган̣дагабаривад̇д̇анз вияа габиланаг̇араабхимукам̣. яад̣̇и звам̣ гат̇ам̣ д̇ам̣ нааг̇аабалогид̇ам̣ наама ж̇аад̇ам̣? д̇ад̣̇аж̇жхаасаяам̣ убаад̣̇ааяа. бхаг̇аваа хи нааг̇аабалогид̇авасзнзва абалогзд̇угаамо ж̇аад̇о, бун̃н̃аанубхаавзна банасса бад̇идтид̇адтаанам̣ баривад̇д̇и, д̇зна д̇ам̣ ‘‘нааг̇аабалогид̇ам̣’’ д̇взва вужжад̇и.

    186.Nāgāpalokitanti nāgassa viya apalokitaṃ, hatthināgassa apalokanasadisaṃ apalokananti attho. Āhaccāti phusitvā. Aṅkusakalaggāni viyāti aṅkusakāni viya aññamaññasmiṃ laggāni āsattāni hutvā ṭhitāni. Ekābaddhānīti aññamaññaṃ ekato ābaddhāni. Tasmāti gīvaṭṭhīnaṃ ekagghanānaṃ viya ekābaddhabhāvena, na kevalaṃ gīvaṭṭhīnaṃyeva, atha kho sabbānipi tāni buddhānaṃ ṭhapetvā bāhusandhiādikā dvādasa mahāsandhiyo, aṅgulisandhiyo ca itarasandhīsu ekābaddhāni hutvā ṭhitāni, yato nesaṃ pakatihatthīnaṃ koṭisahassabalappamāṇaṃ kāyabalaṃ hoti. Vesālinagarābhimukhaṃ akāsi kaṇṭakaparivattane viya kapilanagarābhimukhaṃ. Yadi evaṃ kathaṃ taṃ nāgāpalokitaṃ nāma jātaṃ? Tadajjhāsayaṃ upādāya. Bhagavā hi nāgāpalokitavaseneva apaloketukāmo jāto, puññānubhāvena panassa patiṭṭhitaṭṭhānaṃ parivatti, tena taṃ ‘‘nāgāpalokitaṃ’’ tveva vuccati.

    ‘‘ид̣̇ам̣ бажчимагам̣ аананд̣̇а д̇ат̇ааг̇ад̇асса взсаалияаа д̣̇ассана’’нд̇и наяид̣̇ам̣ взсаалияаа абалоганасса гааран̣аважанам̣ анзганд̇игад̇д̇аа, бхууд̇агат̇анамад̇д̇ам̣ банзд̇ам̣. маг̇г̇асод̇ханавасзна д̇ам̣ д̣̇ассзд̇ваа ан̃н̃ад̣̇звзд̇т̇а абалоганагааран̣ам̣ д̣̇ассзд̇угаамо ‘‘нану жаа’’д̇иаад̣̇имааха. д̇ам̣ д̇ам̣ саб̣б̣ам̣ бажчимад̣̇ассанамзва ануггамзна гусинаарам̣ г̇анд̇ваа бариниб̣б̣аад̇угаамад̇ааяа д̇ад̇о д̇ад̇о нигканд̇ад̇д̇аа. ‘‘анажчарияад̇д̇аа’’д̇и иминаа яат̇аавуд̇д̇ам̣ анзганд̇игад̇д̇ам̣ барихарад̇и, д̇аяид̣̇ам̣ сод̇ханамад̇д̇ам̣. ид̣̇ам̣ банзд̇т̇а авибарийд̇ам̣ гааран̣анд̇и д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. на хи бхаг̇аваа саабзгко взсаалим̣ абалогзси, ‘‘ид̣̇ам̣ бана мз г̇аманам̣ абунарааг̇амана’’нд̇и д̣̇ассанамукзна б̣ахуж̇анахид̇ааяа б̣ахуж̇анасукааяа логаанугамбааяа абалогзси. д̇знааха ‘‘абижа взсаалирааж̇аано’’д̇иаад̣̇и.

    ‘‘Idaṃ pacchimakaṃ ānanda tathāgatassa vesāliyā dassana’’nti nayidaṃ vesāliyā apalokanassa kāraṇavacanaṃ anekantikattā, bhūtakathanamattaṃ panetaṃ. Maggasodhanavasena taṃ dassetvā aññadevettha apalokanakāraṇaṃ dassetukāmo ‘‘nanu cā’’tiādimāha. Taṃ taṃ sabbaṃ pacchimadassanameva anukkamena kusināraṃ gantvā parinibbātukāmatāya tato tato nikkhantattā. ‘‘Anacchariyattā’’ti iminā yathāvuttaṃ anekantikattaṃ pariharati, tayidaṃ sodhanamattaṃ. Idaṃ panettha aviparītaṃ kāraṇanti dassetuṃ ‘‘apicā’’tiādi vuttaṃ. Na hi bhagavā sāpekkho vesāliṃ apalokesi, ‘‘idaṃ pana me gamanaṃ apunarāgamana’’nti dassanamukhena bahujanahitāya bahujanasukhāya lokānukampāya apalokesi. Tenāha ‘‘apica vesālirājāno’’tiādi.

    анд̇агарод̇и сагалаваддад̣̇угкасса сагасанд̇аанз, барасанд̇аанз жа винаасагаро абхаавагаро. б̣уд̣̇д̇хажагкуд̇хаммажагкуд̣̇иб̣б̣ажагкумам̣сажагкусаманд̇ажагкусан̇каад̇зхи бан̃жахи жагкуухи жагкумаа. саваасанаанам̣ гилзсаанам̣ самужчиннад̇д̇аа саад̇исаяам̣ гилзсабариниб̣б̣аанзна бариниб̣б̣уд̇о.

    Antakaroti sakalavaṭṭadukkhassa sakasantāne, parasantāne ca vināsakaro abhāvakaro. Buddhacakkhudhammacakkhudibbacakkhumaṃsacakkhusamantacakkhusaṅkhātehi pañcahi cakkhūhi cakkhumā. Savāsanānaṃ kilesānaṃ samucchinnattā sātisayaṃ kilesaparinibbānena parinibbuto.

    жад̇умахаабад̣̇зсаван̣н̣анаа

    Catumahāpadesavaṇṇanā

    187. махааогаасзд̇и маханд̇з огаасз. маханд̇аани д̇хаммасса бад̇идтаабанадтаанаани. язсу бад̇идтаабид̇о д̇хаммо нижчийяад̇и асанд̣̇зхад̇о, гаани бана д̇аани? ааг̇аманависидтаани суд̇д̇од̇аран̣аад̣̇ийни. д̣̇уд̇ияавигаббз абад̣̇исанд̇ийд̇и абад̣̇зсаа, ‘‘саммукаа мзд̇ам̣ аавусо бхаг̇авад̇о суд̇а’’нд̇иаад̣̇инаа гзнажи аабхад̇асса ‘‘д̇хаммо’’д̇и винижчинанз гааран̣ам̣. гим̣ бана д̇анд̇и? д̇асса яат̇аабхад̇асса суд̇д̇од̇аран̣аад̣̇и зва. яад̣̇и звам̣ гат̇ам̣ жад̇д̇аарод̇и? яасмаа д̇хаммасса д̣̇вз самбарааяаа сад̇т̇аа, саавагаа жа, д̇зсу жа саавагаа сан̇гхаг̇ан̣абуг̇г̇алавасзна д̇ивид̇хаа , звам̣ ‘‘д̇умхаагам̣ маяаа яам̣ д̇хаммо бадиг̇г̇ахид̇о’’д̇и абад̣̇исид̇аб̣б̣аанам̣ бхзд̣̇зна жад̇д̇ааро. д̇знааха ‘‘саммукаа мз д̇ам̣ аавусо бхаг̇авад̇о суд̇а’’нд̇иаад̣̇и. д̇ат̇аа жа вуд̇д̇ам̣ нзд̇д̇ияам̣ ‘‘жад̇д̇ааро махаабад̣̇зсаа б̣уд̣̇д̇хаабад̣̇зсо сан̇гхаабад̣̇зсо самб̣ахулад̇т̇зраабад̣̇зсо згад̇т̇зраабад̣̇зсо. имз жад̇д̇ааро махаабад̣̇зсаа’’д̇и (нзд̇д̇и. 18) б̣уд̣̇д̇хо абад̣̇зсо зд̇ассаад̇и б̣уд̣̇д̇хаабад̣̇зсо. зса наяо сзсзсуби. д̇знааха ‘‘б̣уд̣̇д̇хаад̣̇аяо…бз… махаагааран̣ааний’’д̇и.

    187.Mahāokāseti mahante okāse. Mahantāni dhammassa patiṭṭhāpanaṭṭhānāni. Yesu patiṭṭhāpito dhammo nicchīyati asandehato, kāni pana tāni? Āgamanavisiṭṭhāni suttotaraṇādīni. Dutiyavikappe apadisantīti apadesā, ‘‘sammukhā metaṃ āvuso bhagavato suta’’ntiādinā kenaci ābhatassa ‘‘dhammo’’ti vinicchinane kāraṇaṃ. Kiṃ pana tanti? Tassa yathābhatassa suttotaraṇādi eva. Yadi evaṃ kathaṃ cattāroti? Yasmā dhammassa dve samparāyā satthā, sāvakā ca, tesu ca sāvakā saṅghagaṇapuggalavasena tividhā , evaṃ ‘‘tumhākaṃ mayā yaṃ dhammo paṭiggahito’’ti apadisitabbānaṃ bhedena cattāro. Tenāha ‘‘sammukhā me taṃ āvuso bhagavato suta’’ntiādi. Tathā ca vuttaṃ nettiyaṃ ‘‘cattāro mahāpadesā buddhāpadeso saṅghāpadeso sambahulattherāpadeso ekattherāpadeso. Ime cattāro mahāpadesā’’ti (netti. 18) buddho apadeso etassāti buddhāpadeso. Esa nayo sesesupi. Tenāha ‘‘buddhādayo…pe… mahākāraṇānī’’ti.

    188. нзва абхинанд̣̇ид̇аб̣б̣анд̇и на самбадижчид̇аб̣б̣ам̣. г̇ант̇асса самбадижчанам̣ наама савананд̇и ааха ‘‘на сод̇аб̣б̣а’’нд̇и. бад̣̇аб̣яан̃ж̇анаанийд̇и бад̣̇аани жа б̣яан̃ж̇анаани жа, ад̇т̇абад̣̇аани, б̣яан̃ж̇анабад̣̇аани жаад̇и ад̇т̇о. баж̇ж̇ад̇и ад̇т̇о зд̇зхийд̇и бад̣̇аани, агкараад̣̇ийни б̣яан̃ж̇анабад̣̇аани. баж̇ж̇ид̇аб̣б̣ад̇о бад̣̇аани, сан̇гаасанаад̣̇ийни ад̇т̇абад̣̇аани. адтагат̇ааяам̣бана ‘‘‘бад̣̇асан̇каад̇аани б̣яан̃ж̇анааний’д̇и б̣яан̃ж̇анабад̣̇аанзва вуд̇д̇ааний’’д̇и гзжи, д̇ам̣ на, ад̇т̇ам̣ б̣яан̃ж̇знд̇ийд̇и б̣яан̃ж̇анаани, б̣яан̃ж̇анабад̣̇аани, д̇зхи б̣яан̃ж̇ид̇аб̣б̣ад̇о б̣яан̃ж̇анаани, ад̇т̇абад̣̇аанийд̇и убхаяасан̇г̇ахад̇о. имасмим̣ таанзд̇и д̇знаабхад̇асуд̇д̇асса имасмим̣ бад̣̇зсз. баал̣и вуд̇д̇аад̇и гзвало баал̣ид̇хаммо бавад̇д̇о. ад̇т̇о вуд̇д̇од̇и баал̣ияаа ад̇т̇о бавад̇д̇о нид̣̇д̣̇идто. анусанд̇хи гат̇ид̇од̇и яат̇аарад̣̇д̇хад̣̇зсанааяа, убари д̣̇зсанааяа жа анусанд̇хаанам̣ гат̇ид̇ам̣ самб̣анд̇хо гат̇ид̇о . буб̣б̣аабарам̣ гат̇ид̇анд̇и буб̣б̣знаабарам̣ авируж̇жханан̃жзва висзсаад̇хаанан̃жа гат̇ид̇ам̣ багаасид̇ам̣. звам̣ баал̣ид̇хаммаад̣̇ийни саммад̣̇зва саллагкзд̇ваа г̇ахан̣ам̣ саад̇хугам̣ уг̇г̇ахан̣анд̇и ааха ‘‘судту г̇ахзд̇ваа’’д̇и. суд̇д̇з од̇аарзд̇аб̣б̣аанийд̇и н̃аан̣зна суд̇д̇з ог̇аахзд̇ваа д̇аарзд̇аб̣б̣аани, д̇ам̣ бана ог̇аахзд̇ваа д̇аран̣ам̣ д̇ад̇т̇а од̇аран̣ам̣ ануббавзсанам̣ ход̇ийд̇и вуд̇д̇ам̣ ‘‘суд̇д̇з од̇аарзд̇аб̣б̣ааний’’д̇и. сам̣санд̣̇зд̇ваа д̣̇ассанам̣ санд̣̇ассананд̇и ааха ‘‘винаяз сам̣санд̣̇зд̇аб̣б̣ааний’’д̇и.

    188.Nevaabhinanditabbanti na sampaṭicchitabbaṃ. Ganthassa sampaṭicchanaṃ nāma savananti āha ‘‘na sotabba’’nti. Padabyañjanānīti padāni ca byañjanāni ca, atthapadāni, byañjanapadāni cāti attho. Pajjati attho etehīti padāni, akkharādīni byañjanapadāni. Pajjitabbato padāni, saṅkāsanādīni atthapadāni. Aṭṭhakathāyaṃpana ‘‘‘padasaṅkhātāni byañjanānī’ti byañjanapadāneva vuttānī’’ti keci, taṃ na, atthaṃ byañjentīti byañjanāni, byañjanapadāni, tehi byañjitabbato byañjanāni, atthapadānīti ubhayasaṅgahato. Imasmiṃ ṭhāneti tenābhatasuttassa imasmiṃ padese. Pāḷi vuttāti kevalo pāḷidhammo pavatto. Attho vuttoti pāḷiyā attho pavatto niddiṭṭho. Anusandhi kathitoti yathāraddhadesanāya, upari desanāya ca anusandhānaṃ kathitaṃ sambandho kathito . Pubbāparaṃ kathitanti pubbenāparaṃ avirujjhanañceva visesādhānañca kathitaṃ pakāsitaṃ. Evaṃ pāḷidhammādīni sammadeva sallakkhetvā gahaṇaṃ sādhukaṃ uggahaṇanti āha ‘‘suṭṭhu gahetvā’’ti. Sutte otāretabbānīti ñāṇena sutte ogāhetvā tāretabbāni, taṃ pana ogāhetvā taraṇaṃ tattha otaraṇaṃ anuppavesanaṃ hotīti vuttaṃ ‘‘sutte otāretabbānī’’ti. Saṃsandetvā dassanaṃ sandassananti āha ‘‘vinaye saṃsandetabbānī’’ti.

    гим̣ бана д̇ам̣ суд̇д̇ам̣, го ваа винаяод̇и вижааран̣ааяа аажарияаанам̣ мад̇ибхзд̣̇амукзна д̇амад̇т̇ам̣ д̣̇ассзд̇ум̣ ‘‘зд̇т̇а жаа’’д̇иаад̣̇и вуд̇д̇ам̣. винаяод̇и вибхан̇г̇абаатамааха. со хи маад̇игаасан̃н̃ид̇асса суд̇д̇асса ад̇т̇асуужанад̇о ‘‘суд̇д̇а’’нд̇и вад̇д̇аб̣б̣ад̇ам̣ арахад̇и. вивид̇ханаяад̇д̇аа, висидтанаяад̇д̇аа жа винаяо, канд̇хагабаато. званд̇и звам̣ суд̇д̇авинаязсу бариг̇г̇аяхамаанзсу винаяабидагамби на барияаад̣̇ийяад̇и бариваарабаал̣ияаа асан̇г̇ахид̇ад̇д̇аа. суд̇д̇анд̇аабхид̇хаммабидагаани ваа суд̇д̇ам̣ ад̇т̇асуужанаад̣̇иад̇т̇асамбхавад̇о. звамбийд̇и ‘‘суд̇д̇анд̇аабхид̇хаммабидагаани суд̇д̇ам̣, винаяабидагам̣ винаяо’’д̇и звам̣ суд̇д̇авинаяавибхааг̇з вужжамаанзби. на д̇аава барияаад̣̇ийяанд̇ийд̇и на д̇аава анавасзсад̇о бариг̇г̇аяханд̇и, гасмаад̇и ааха ‘‘асуд̇д̇анаамаган̃хий’’д̇иаад̣̇и. яасмаа ‘‘суд̇д̇а’’нд̇и имам̣ наамам̣ анааробзд̇ваа сан̇г̇ийд̇амби ж̇аад̇агаад̣̇иб̣уд̣̇д̇хаважанам̣ ад̇т̇и, д̇асмаа вуд̇д̇анаязна д̇ийн̣и бидагаани на барияаад̣̇ин̣н̣аанийд̇и. суд̇д̇анибаад̇ауд̣̇аанаид̇ивуд̇д̇агаад̣̇ийни д̣̇ийгханигааяаад̣̇аяо вияа суд̇д̇анаамам̣ ааробзд̇ваа асан̇г̇ийд̇аанийд̇и ад̇хиббааяз банзд̇т̇а ж̇аад̇агаад̣̇ийхи сад̣̇д̇хим̣ д̇ааниби г̇ахид̇аани. б̣уд̣̇д̇хавам̣сажарияаабидагаанам̣ банзд̇т̇а аг̇г̇ахан̣з гааран̣ам̣ маг̇г̇ид̇аб̣б̣ам̣, гим̣ ваа д̇зна маг̇г̇анзна? саб̣б̣обааяам̣ ван̣н̣анаанаяо т̇зраваад̣̇ам̣ д̣̇ассанамукзна бадигкид̇д̇о зваад̇и.

    Kiṃ pana taṃ suttaṃ, ko vā vinayoti vicāraṇāya ācariyānaṃ matibhedamukhena tamatthaṃ dassetuṃ ‘‘ettha cā’’tiādi vuttaṃ. Vinayoti vibhaṅgapāṭhamāha. So hi mātikāsaññitassa suttassa atthasūcanato ‘‘sutta’’nti vattabbataṃ arahati. Vividhanayattā, visiṭṭhanayattā ca vinayo, khandhakapāṭho. Evanti evaṃ suttavinayesu pariggayhamānesu vinayapiṭakampi na pariyādīyati parivārapāḷiyā asaṅgahitattā. Suttantābhidhammapiṭakāni vā suttaṃ atthasūcanādiatthasambhavato. Evampīti ‘‘suttantābhidhammapiṭakāni suttaṃ, vinayapiṭakaṃ vinayo’’ti evaṃ suttavinayavibhāge vuccamānepi. Na tāva pariyādīyantīti na tāva anavasesato pariggayhanti, kasmāti āha ‘‘asuttanāmakañhī’’tiādi. Yasmā ‘‘sutta’’nti imaṃ nāmaṃ anāropetvā saṅgītampi jātakādibuddhavacanaṃ atthi, tasmā vuttanayena tīṇi piṭakāni na pariyādiṇṇānīti. Suttanipātaudānaitivuttakādīni dīghanikāyādayo viya suttanāmaṃ āropetvā asaṅgītānīti adhippāye panettha jātakādīhi saddhiṃ tānipi gahitāni. Buddhavaṃsacariyāpiṭakānaṃ panettha aggahaṇe kāraṇaṃ maggitabbaṃ, kiṃ vā tena magganena? Sabbopāyaṃ vaṇṇanānayo theravādaṃ dassanamukhena paṭikkhitto evāti.

    ад̇т̇ийд̇и гим̣ ад̇т̇и, асуд̇д̇анаамагам̣ б̣уд̣̇д̇хаважанам̣ над̇т̇и зваад̇и д̣̇ассзд̇и. д̇ат̇аа хи нид̣̇аанаван̣н̣анааяам̣ (д̣̇ий. ни. дий. 1.батамамахаасан̇г̇ийд̇игат̇ааван̣н̣анаа; саарад̇т̇а. дий. 1.батамамахаасан̇г̇ийд̇игат̇ааван̣н̣анаа) амхзхи вуд̇д̇ам̣ ‘‘суд̇д̇анд̇и сааман̃н̃авид̇хи, висзсавид̇хаяо барз’’д̇и. д̇ам̣ саб̣б̣ам̣ бадигкибид̇ваа ‘‘суд̇д̇анд̇и винаяо’’д̇иаад̣̇инаа вуд̇д̇ам̣ сам̣ван̣н̣анаанаяам̣ ‘‘нааяамад̇т̇о ид̇хаад̇хиббзд̇о’’д̇и бадисод̇хзд̇ваа. винзд̇и зд̇зна гилзсзд̇и винаяо, гилзсавинаяануубааяо, со зва жа нам̣ гарод̇ийд̇и гааран̣анд̇и ааха ‘‘винаяо бана гааран̣а’’нд̇и.

    Atthīti kiṃ atthi, asuttanāmakaṃ buddhavacanaṃ natthi evāti dasseti. Tathā hi nidānavaṇṇanāyaṃ (dī. ni. ṭī. 1.paṭhamamahāsaṅgītikathāvaṇṇanā; sārattha. ṭī. 1.paṭhamamahāsaṅgītikathāvaṇṇanā) amhehi vuttaṃ ‘‘suttanti sāmaññavidhi, visesavidhayo pare’’ti. Taṃ sabbaṃ paṭikkhipitvā ‘‘suttanti vinayo’’tiādinā vuttaṃ saṃvaṇṇanānayaṃ ‘‘nāyamattho idhādhippeto’’ti paṭisodhetvā. Vineti etena kileseti vinayo, kilesavinayanūpāyo, so eva ca naṃ karotīti kāraṇanti āha ‘‘vinayo pana kāraṇa’’nti.

    д̇хаммзд̇и барияад̇д̇ид̇хаммз. сарааг̇ааяаад̇и сарааг̇абхаавааяа гаамарааг̇абхаварааг̇абариб̣рууханааяа. сан̃н̃ог̇ааяаад̇и бхавасам̣яож̇анааяа. аажаяааяаад̇и ваддасса вад̣дханад̇т̇ааяа. махижчад̇ааяаад̇и махижчабхаавааяа. асанд̇удтияаад̇и асанд̇удтибхаавааяа. сан̇г̇ан̣игааяаад̇и гилзсасан̇г̇ан̣аг̇ан̣асан̇г̇ан̣авихаарааяа. госаж̇ж̇ааяаад̇и гусийд̇абхаавааяа. д̣̇уб̣бхарад̇ааяаад̇и д̣̇уббосад̇ааяа. вирааг̇ааяаад̇и сагалаваддад̇о вираж̇ж̇анад̇т̇ааяа. висан̃н̃ог̇ааяаад̇и гаамабхаваад̣̇ийхи висам̣яуж̇ж̇анад̇т̇ааяа. абажаяааяаад̇и саб̣б̣ассааби ваддасса абажаяанааяа, ниб̣б̣аанааяаад̇и ад̇т̇о. аббижчад̇ааяаад̇и бажжаяаббижчад̇аад̣̇ивасзна саб̣б̣асо ижчаабаг̇амааяа. санд̇удтияаад̇и д̣̇ваад̣̇асавид̇хасанд̇удтибхаавааяа. бавивзгааяаад̇и бавивид̇д̇абхаавааяа, гааяавивзгаад̣̇ид̇ад̣̇ан̇г̇авивзгаад̣̇ививзгасид̣̇д̇хияаа. вийрияаарамбхааяаад̇и гааяигасса жзва, жзд̇асигасса жа вийрияасса баг̇г̇ахан̣ад̇т̇ааяа. субхарад̇ааяаад̇и сукабосанад̇т̇ааяа. звам̣ яо барияад̇д̇ид̇хаммо уг̇г̇ахан̣ад̇хааран̣абарибужчааманасигааравасзна яонисо бадибаж̇ж̇анд̇асса сарааг̇аад̣̇ибхаавабариваж̇ж̇анасса гааран̣ам̣ худ̇ваа вирааг̇аад̣̇ибхаавааяа сам̣вад̇д̇ад̇и, згам̣сад̇о зсо д̇хаммо. зсо винаяо, саммад̣̇зва абааяаад̣̇ийсу абад̇анавасзна д̇хааран̣ад̇о, гилзсаанам̣ винаяанад̇о, сад̇т̇у саммаасамб̣уд̣̇д̇хасса оваад̣̇аанусидтибхаавад̇о зд̇ам̣ сад̇т̇усаасананд̇и д̇хаарзяяааси ж̇аанзяяааси, аваб̣уж̇жхзяяаасийд̇и ад̇т̇о. жад̇усажжасса суужанам̣ суд̇д̇анд̇и ааха ‘‘суд̇д̇зд̇и д̇збидагз б̣уд̣̇д̇хаважанз’’д̇и. д̇збидаган̃хи б̣уд̣̇д̇хаважанам̣ сажжавинимуд̇д̇ам̣ над̇т̇и. рааг̇аад̣̇ивинаяанагааран̣ам̣ д̇ат̇ааг̇ад̇зна суд̇д̇абад̣̇зна багаасид̇анд̇и ааха ‘‘винаязд̇и зд̇асмим̣ рааг̇аад̣̇ивинаяагааран̣з’’д̇и.

    Dhammeti pariyattidhamme. Sarāgāyāti sarāgabhāvāya kāmarāgabhavarāgaparibrūhanāya. Saññogāyāti bhavasaṃyojanāya. Ācayāyāti vaṭṭassa vaḍḍhanatthāya. Mahicchatāyāti mahicchabhāvāya. Asantuṭṭhiyāti asantuṭṭhibhāvāya. Saṅgaṇikāyāti kilesasaṅgaṇagaṇasaṅgaṇavihārāya. Kosajjāyāti kusītabhāvāya. Dubbharatāyāti dupposatāya. Virāgāyāti sakalavaṭṭato virajjanatthāya. Visaññogāyāti kāmabhavādīhi visaṃyujjanatthāya. Apacayāyāti sabbassāpi vaṭṭassa apacayanāya, nibbānāyāti attho. Appicchatāyāti paccayappicchatādivasena sabbaso icchāpagamāya. Santuṭṭhiyāti dvādasavidhasantuṭṭhibhāvāya. Pavivekāyāti pavivittabhāvāya, kāyavivekāditadaṅgavivekādivivekasiddhiyā. Vīriyārambhāyāti kāyikassa ceva, cetasikassa ca vīriyassa paggahaṇatthāya. Subharatāyāti sukhaposanatthāya. Evaṃ yo pariyattidhammo uggahaṇadhāraṇaparipucchāmanasikāravasena yoniso paṭipajjantassa sarāgādibhāvaparivajjanassa kāraṇaṃ hutvā virāgādibhāvāya saṃvattati, ekaṃsato eso dhammo. Eso vinayo, sammadeva apāyādīsu apatanavasena dhāraṇato, kilesānaṃ vinayanato, satthu sammāsambuddhassa ovādānusiṭṭhibhāvato etaṃ satthusāsananti dhāreyyāsi jāneyyāsi, avabujjheyyāsīti attho. Catusaccassa sūcanaṃ suttanti āha ‘‘sutteti tepiṭake buddhavacane’’ti. Tepiṭakañhi buddhavacanaṃ saccavinimuttaṃ natthi. Rāgādivinayanakāraṇaṃ tathāgatena suttapadena pakāsitanti āha ‘‘vinayeti etasmiṃ rāgādivinayakāraṇe’’ti.

    суд̇д̇з осаран̣ан̃жзд̇т̇а д̇збидагз б̣уд̣̇д̇хаважанз барияаабаннад̇аавасзнзва взд̣̇ид̇аб̣б̣ам̣, на ан̃н̃ат̇аад̇и ааха ‘‘суд̇д̇абадибаадияаа гад̇т̇ажи анааг̇анд̇ваа’’д̇и. чаллим̣ удтабзд̇ваад̇и арог̇асса махад̇о ругкасса д̇идтад̇о убаггамзна чаллияаа сагалигааяа, бабадигааяа ваа удтабанам̣ вияа арог̇асса саасанад̇хаммасса д̇идтад̇о б̣яан̃ж̇анамад̇д̇зна д̇аббарияаабаннам̣ вияа худ̇ваа чаллисад̣̇исам̣ буб̣б̣аабаравируд̣̇д̇хад̇аад̣̇ид̣̇осам̣ удтабзд̇ваа барид̣̇ийбзд̇ваа, д̇аад̣̇исаани бана згам̣сад̇о г̇ул̣хавзссанд̇араад̣̇ибарияаабаннаани хонд̇ийд̇и ааха ‘‘г̇ул̣хавзссанд̇ара…бз…бан̃н̃ааяанд̇ийд̇и ад̇т̇о’’д̇и . рааг̇аад̣̇ивинаязд̇и рааг̇аад̣̇ийнам̣ винаяанад̇т̇з. д̇ад̣̇аагаарад̇ааяа на бан̃н̃ааяамаанаани на д̣̇иссамаанаани чад̣д̣зд̇аб̣б̣аани важ̇ж̇ид̇аб̣б̣аани на г̇ахзд̇аб̣б̣аани. саб̣б̣ад̇т̇аад̇и саб̣б̣аваарзсу.

    Sutte osaraṇañcettha tepiṭake buddhavacane pariyāpannatāvaseneva veditabbaṃ, na aññathāti āha ‘‘suttapaṭipāṭiyā katthaci anāgantvā’’ti. Challiṃ uṭṭhapetvāti arogassa mahato rukkhassa tiṭṭhato upakkamena challiyā sakalikāya, papaṭikāya vā uṭṭhapanaṃ viya arogassa sāsanadhammassa tiṭṭhato byañjanamattena tappariyāpannaṃ viya hutvā challisadisaṃ pubbāparaviruddhatādidosaṃ uṭṭhapetvā paridīpetvā, tādisāni pana ekaṃsato guḷhavessantarādipariyāpannāni hontīti āha ‘‘guḷhavessantara…pe…paññāyantīti attho’’ti . Rāgādivinayeti rāgādīnaṃ vinayanatthe. Tadākāratāya na paññāyamānāni na dissamānāni chaḍḍetabbāni vajjitabbāni na gahetabbāni. Sabbatthāti sabbavāresu.

    имасмим̣ бана таанзд̇и имасмим̣ махаабад̣̇зсанид̣̇д̣̇зсадтаанз. ‘‘суд̇д̇з жад̇д̇ааро махаабад̣̇зсаа’’д̇иаад̣̇инаа вуд̇д̇амби авуд̇д̇зна сад̣̇д̇хим̣ г̇ахзд̇ваа багин̣н̣агагат̇ааяа маад̇игам̣ уд̣̇д̣̇исад̇и. н̃аад̇ум̣ ижчид̇о ад̇т̇о бан̃хо, д̇асса виссаж̇ж̇анаани бан̃хааб̣яаагаран̣аани, ад̇т̇асуужанаад̣̇иад̇т̇зна суд̇д̇ам̣, баал̣и, д̇ам̣ суд̇д̇ам̣ ануломзд̇и анугуулзд̇ийд̇и суд̇д̇аануломам̣, махаабад̣̇зсо. аажарияаа вад̣̇анд̇и сам̣ван̣н̣знд̇и баал̣им̣ зд̇знаад̇и аажарияаваад̣̇о адтагат̇аа. д̇асса д̇асса т̇зрасса ад̇д̇ано зва мад̇и ад̇хиббааяод̇и ад̇д̇аномад̇и. д̇хаммавинижчаяз бад̇д̇зд̇и д̇хаммз винижчинид̇аб̣б̣з убадтид̇з. имзд̇и ананд̇арам̣ вуд̇д̇аа жад̇д̇ааро махаабад̣̇зсаа. бамийяад̇и д̇хаммо барижчиж̇ж̇ад̇и винижчийяад̇и зд̇знаад̇и бамаан̣ам̣. д̇знааха ‘‘яам̣ зд̇т̇а самзд̇ий’’д̇иаад̣̇и. ид̇аранд̇и махаабад̣̇зсзсу асамзнд̇ам̣. буна ид̇аранд̇и агаббияам̣ ануломзнд̇ам̣ габбияам̣ бадиб̣ааханд̇ам̣ санд̇хааяааха.

    Imasmiṃpana ṭhāneti imasmiṃ mahāpadesaniddesaṭṭhāne. ‘‘Sutte cattāro mahāpadesā’’tiādinā vuttampi avuttena saddhiṃ gahetvā pakiṇṇakakathāya mātikaṃ uddisati. Ñātuṃ icchito attho pañho, tassa vissajjanāni pañhābyākaraṇāni, atthasūcanādiatthena suttaṃ, pāḷi, taṃ suttaṃ anulometi anukūletīti suttānulomaṃ, mahāpadeso. Ācariyā vadanti saṃvaṇṇenti pāḷiṃ etenāti ācariyavādo aṭṭhakathā. Tassa tassa therassa attano eva mati adhippāyoti attanomati. Dhammavinicchaye patteti dhamme vinicchinitabbe upaṭṭhite. Imeti anantaraṃ vuttā cattāro mahāpadesā. Pamīyati dhammo paricchijjati vinicchīyati etenāti pamāṇaṃ. Tenāha ‘‘yaṃ ettha sametī’’tiādi. Itaranti mahāpadesesu asamentaṃ. Puna itaranti akappiyaṃ anulomentaṃ kappiyaṃ paṭibāhantaṃ sandhāyāha.

    згам̣сзнзва б̣яаагаад̇аб̣б̣о виссаж̇ж̇зд̇аб̣б̣од̇и згам̣саб̣яаагаран̣ийяо. вибхаж̇ж̇аад̇и бужчид̇амад̇т̇ам̣ авад̇хааран̣аад̣̇ибхзд̣̇зна вибхаж̇ид̇ваа. бадибужчаад̇и бужчанд̇ам̣ буг̇г̇алам̣ бадибужчид̇ваа. табанийяод̇и д̇ид̇хааби ависсаж̇ж̇анийяад̇д̇аа табанийяо б̣яаагаран̣ам̣ агад̇ваа табзд̇аб̣б̣о. ‘‘жагкум̣ анижжа’’нд̇и бан̃хз уд̇д̇арабад̣̇аавад̇хааран̣ам̣ санд̇хааяа ‘‘згам̣сзнзва б̣яаагаад̇аб̣б̣а’’нд̇и вуд̇д̇ам̣ нижжад̇ааяа лзсассааби д̇ад̇т̇а абхаавад̇о. буримабад̣̇аавад̇хааран̣з бана вибхаж̇ж̇аб̣яаагаран̣ийяад̇аа жагкусод̇зсу висзсад̇т̇асааман̃н̃ад̇т̇аанам̣ асаад̇хааран̣абхаавад̇о. д̣̇виннам̣ д̇зсам̣ сад̣̇исад̇аажод̣̇анаа бадибужчанамукзнзва б̣яаагаран̣ийяаа бадигкзбавасзна, анун̃н̃аад̇авасзна жа виссаж̇ж̇ид̇аб̣б̣ад̇од̇и ааха ‘‘яат̇аа жагку, д̇ат̇аа сод̇ам̣…бз… аяам̣ бадибужчааб̣яаагаран̣ийяо бан̃хо’’д̇и. д̇ам̣ ж̇ийвам̣ д̇ам̣ сарийранд̇и ж̇ийвасарийраанам̣ анан̃н̃ад̇аабан̃хо. яасса язна анан̃н̃ад̇аажод̣̇ид̇аа, со зва барамад̇т̇ад̇о нубалаб̣бхад̇ийд̇и ван̃жхаад̇анаяасса мад̇д̇зяяад̇аагид̇д̇анасад̣̇исод̇и аб̣яаагаад̇аб̣б̣ад̇ааяа табанийяо вуд̇д̇од̇и. имаани жад̇д̇аари бан̃хаб̣яаагаран̣аани бамаан̣ам̣ д̇знзва наязна д̇зсам̣ бан̃хаанам̣ б̣яаагаад̇аб̣б̣ад̇о.

    Ekaṃseneva byākātabbo vissajjetabboti ekaṃsabyākaraṇīyo. Vibhajjāti pucchitamatthaṃ avadhāraṇādibhedena vibhajitvā. Paṭipucchāti pucchantaṃ puggalaṃ paṭipucchitvā. Ṭhapanīyoti tidhāpi avissajjanīyattā ṭhapanīyo byākaraṇaṃ akatvā ṭhapetabbo. ‘‘Cakkhuṃ anicca’’nti pañhe uttarapadāvadhāraṇaṃ sandhāya ‘‘ekaṃseneva byākātabba’’nti vuttaṃ niccatāya lesassāpi tattha abhāvato. Purimapadāvadhāraṇe pana vibhajjabyākaraṇīyatā cakkhusotesu visesatthasāmaññatthānaṃ asādhāraṇabhāvato. Dvinnaṃ tesaṃ sadisatācodanā paṭipucchanamukheneva byākaraṇīyā paṭikkhepavasena, anuññātavasena ca vissajjitabbatoti āha ‘‘yathā cakkhu, tathā sotaṃ…pe… ayaṃ paṭipucchābyākaraṇīyo pañho’’ti. Taṃ jīvaṃ taṃ sarīranti jīvasarīrānaṃ anaññatāpañho. Yassa yena anaññatācoditā, so eva paramatthato nupalabbhatīti vañjhātanayassa matteyyatākittanasadisoti abyākātabbatāya ṭhapanīyo vuttoti. Imāni cattāri pañhabyākaraṇāni pamāṇaṃ teneva nayena tesaṃ pañhānaṃ byākātabbato.

    винаяамахаабад̣̇зсо габбияаануломавид̇хаанад̇о ниббарияааяад̇о ануломагаббияам̣ наама, махаабад̣̇зсабхаавзна бана д̇ам̣сад̣̇исад̇ааяа суд̇д̇анд̇амахаабад̣̇зсзсуби ‘‘ануломагаббияа’’нд̇и аяам̣ адтагат̇аавохааро. яад̣̇иби д̇ад̇т̇а д̇ад̇т̇а бхаг̇авад̇аа бавад̇д̇ид̇абагин̣н̣агад̣̇зсанаава адтагат̇аа, саа бана д̇хаммасан̇г̇аахагзхи батамам̣ д̇ийн̣и бидагаани сан̇г̇ааяид̇ваа д̇асса ад̇т̇аван̣н̣анаануруубзнзва ваажанаамаг̇г̇ам̣ ааробид̇ад̇д̇аа ‘‘аажарияаваад̣̇о’’д̇и вужжад̇и аажарияаа вад̣̇анд̇и сам̣ван̣н̣знд̇и баал̣им̣ зд̇знаад̇и. д̇знааха ‘‘аажарияаваад̣̇о наама адтагат̇аа’’д̇и. д̇иссо сан̇г̇ийд̇ияо аарул̣хо зва жа б̣уд̣̇д̇хаважанасса ад̇т̇асам̣ван̣н̣анаабхууд̇о гат̇аамаг̇г̇о махинд̣̇ад̇т̇зрзна д̇амб̣абан̣н̣ид̣̇ийбам̣ аабхад̇о бажчаа д̇амб̣абан̣н̣иязхи махаат̇зрзхи сийхал̣абхаасааяа табид̇о нигааяанд̇аралад̣̇д̇хисан̇гарабарихаран̣ад̇т̇ам̣. ад̇д̇аномад̇и наама т̇зраваад̣̇о. наяаг̇г̇аахзнаад̇и суд̇д̇аад̣̇ид̇о лаб̣бхамаананаяаг̇г̇ахан̣зна. ануб̣уд̣̇д̇хияаад̇и суд̇д̇аад̣̇ийниязва ануг̇ад̇аб̣уд̣̇д̇хияаа. ад̇д̇ано бадибхаананд̇и ад̇д̇ано зва д̇асса ад̇т̇асса вуд̇д̇анаязна убадтаанам̣, яат̇ааубадтид̇аа ад̇т̇аа зва д̇ат̇аа вуд̇д̇аа. самзнд̇амзва г̇ахзд̇аб̣б̣анд̇и яат̇аа суд̇д̇зна сам̣санд̣̇ад̇и, звам̣ махаабад̣̇зсад̇о ад̇т̇аа уд̣̇д̇харид̇аб̣б̣аад̇и д̣̇ассзд̇и. бамаад̣̇абаатавасзна аажарияаваад̣̇асса гад̣̇аажи баал̣ияаа асам̣санд̣̇анааби сияаа, со на г̇ахзд̇аб̣б̣од̇и д̣̇ассзнд̇о ааха ‘‘аажарияаваад̣̇оби суд̇д̇зна самзнд̇оязва г̇ахзд̇аб̣б̣о’’д̇и. саб̣б̣ад̣̇уб̣б̣алаа буг̇г̇аласса саяам̣ бадибхаанабхаавад̇о. д̇ат̇аа жа сааби г̇ахзд̇аб̣б̣аа, гийд̣̇исий? суд̇д̇зна самзнд̇аа язваад̇и яож̇анаа. д̇аасууд̇и д̇ийсу сан̇г̇ийд̇ийсу. ‘‘ааг̇ад̇амзва бамаан̣а’’нд̇и иминаа махаагассабаад̣̇ийхи сан̇г̇ийд̇амзва ‘‘суд̇д̇а’’нд̇и ид̇хаад̇хиббзд̇анд̇и д̇ад̣̇ан̃н̃асса суд̇д̇абхаавамзва бадигкибад̇и. д̇ад̣̇ад̇т̇аа зва хи д̇иссо сан̇г̇ийд̇ияо. д̇ад̇т̇аад̇и г̇аараяхасуд̇д̇з. на жзва суд̇д̇з осаранд̇и, на жа винаяз санд̣̇иссанд̇ийд̇и взд̣̇ид̇аб̣б̣аани д̇асса асуд̇д̇абхаавад̇о д̇зна ‘‘ануломагаббияам̣ суд̇д̇зна самзнд̇амзва г̇ахзд̇аб̣б̣а’’нд̇и вуд̇д̇ам̣ звад̇т̇ам̣ ниг̇аманавасзна нид̣̇ассзд̇и. саб̣б̣ад̇т̇а ‘‘на ид̇ара’’нд̇и важанам̣ д̇ад̇т̇а д̇ад̇т̇а г̇ахид̇аавад̇хааран̣апалад̣̇ассанам̣ д̣̇адтаб̣б̣ам̣.

    Vinayamahāpadeso kappiyānulomavidhānato nippariyāyato anulomakappiyaṃ nāma, mahāpadesabhāvena pana taṃsadisatāya suttantamahāpadesesupi ‘‘anulomakappiya’’nti ayaṃ aṭṭhakathāvohāro. Yadipi tattha tattha bhagavatā pavattitapakiṇṇakadesanāva aṭṭhakathā, sā pana dhammasaṅgāhakehi paṭhamaṃ tīṇi piṭakāni saṅgāyitvā tassa atthavaṇṇanānurūpeneva vācanāmaggaṃ āropitattā ‘‘ācariyavādo’’ti vuccati ācariyā vadanti saṃvaṇṇenti pāḷiṃ etenāti. Tenāha ‘‘ācariyavādo nāma aṭṭhakathā’’ti. Tisso saṅgītiyo āruḷho eva ca buddhavacanassa atthasaṃvaṇṇanābhūto kathāmaggo mahindattherena tambapaṇṇidīpaṃ ābhato pacchā tambapaṇṇiyehi mahātherehi sīhaḷabhāsāya ṭhapito nikāyantaraladdhisaṅkarapariharaṇatthaṃ. Attanomati nāma theravādo. Nayaggāhenāti suttādito labbhamānanayaggahaṇena. Anubuddhiyāti suttādīniyeva anugatabuddhiyā. Attano paṭibhānanti attano eva tassa atthassa vuttanayena upaṭṭhānaṃ, yathāupaṭṭhitā atthā eva tathā vuttā. Samentameva gahetabbanti yathā suttena saṃsandati, evaṃ mahāpadesato atthā uddharitabbāti dasseti. Pamādapāṭhavasena ācariyavādassa kadāci pāḷiyā asaṃsandanāpi siyā, so na gahetabboti dassento āha ‘‘ācariyavādopi suttena samentoyevagahetabbo’’ti. Sabbadubbalā puggalassa sayaṃ paṭibhānabhāvato. Tathā ca sāpi gahetabbā, kīdisī? Suttena samentā yevāti yojanā. Tāsūti tīsu saṅgītīsu. ‘‘Āgatameva pamāṇa’’nti iminā mahākassapādīhi saṅgītameva ‘‘sutta’’nti idhādhippetanti tadaññassa suttabhāvameva paṭikkhipati. Tadatthā eva hi tisso saṅgītiyo. Tatthāti gārayhasutte. Na ceva sutte osaranti, na ca vinaye sandissantīti veditabbāni tassa asuttabhāvato tena ‘‘anulomakappiyaṃ suttena samentameva gahetabba’’nti vuttaṃ evatthaṃ nigamanavasena nidasseti. Sabbattha ‘‘na itara’’nti vacanaṃ tattha tattha gahitāvadhāraṇaphaladassanaṃ daṭṭhabbaṃ.

    гаммаарабуд̇д̇ажунд̣̇авад̇т̇уван̣н̣анаа

    Kammāraputtacundavatthuvaṇṇanā

    189. суугарамад̣̇д̣̇аванд̇и ванавараахасса муд̣̇умам̣сам̣. яасмаа жунд̣̇о арияасааваго сод̇аабанно, ан̃н̃з жа бхаг̇авад̇о, бхигкусан̇гхасса жа аахаарам̣ бадияаад̣̇знд̇аа анаваж̇ж̇амзва бадияаад̣̇знд̇и, д̇асмаа вуд̇д̇ам̣ ‘‘бавад̇д̇амам̣са’’нд̇и. д̇ам̣ гираад̇и ‘‘наад̇ид̇арун̣ассаа’’д̇иаад̣̇инаа вуд̇д̇ависзсам̣. д̇ат̇аа хи д̇ам̣ ‘‘муд̣̇у жзва синид̣̇д̇хан̃жаа’’д̇и вуд̇д̇ам̣. муд̣̇умам̣сабхаавад̇о хи абхисан̇каран̣ависзсзна жа ‘‘мад̣̇д̣̇ава’’нд̇и вуд̇д̇ам̣. ож̇ам̣ багкибим̣су ‘‘аяам̣ бхаг̇авад̇о бажчимаго аахааро’’д̇и бун̃н̃ависзсаабзгкааяа, д̇ам̣ бана д̇ат̇аабагкид̇д̇ад̣̇иб̣б̣ож̇ад̇ааяа г̇аруд̇арам̣ ж̇аад̇ам̣.

    189.Sūkaramaddavanti vanavarāhassa mudumaṃsaṃ. Yasmā cundo ariyasāvako sotāpanno, aññe ca bhagavato, bhikkhusaṅghassa ca āhāraṃ paṭiyādentā anavajjameva paṭiyādenti, tasmā vuttaṃ ‘‘pavattamaṃsa’’nti. Taṃ kirāti ‘‘nātitaruṇassā’’tiādinā vuttavisesaṃ. Tathā hi taṃ ‘‘mudu ceva siniddhañcā’’ti vuttaṃ. Mudumaṃsabhāvato hi abhisaṅkharaṇavisesena ca ‘‘maddava’’nti vuttaṃ. Ojaṃ pakkhipiṃsu ‘‘ayaṃ bhagavato pacchimako āhāro’’ti puññavisesāpekkhāya, taṃ pana tathāpakkhittadibbojatāya garutaraṃ jātaṃ.

    ан̃н̃з яам̣ д̣̇уж̇ж̇ийрам̣, д̇ам̣ аж̇аананд̇аа ‘‘гассажи ад̣̇ад̇ваа винаасид̇а’’нд̇и убавад̣̇зяяунд̇и баруубаваад̣̇аможанад̇т̇ам̣ бхаг̇аваа ‘‘наахам̣ д̇а’’нд̇иаад̣̇инаа сийханаад̣̇ам̣ над̣̇ад̇и.

    Aññe yaṃ dujjīraṃ, taṃ ajānantā ‘‘kassaci adatvā vināsita’’nti upavadeyyunti parūpavādamocanatthaṃ bhagavā ‘‘nāhaṃ ta’’ntiādinā sīhanādaṃ nadati.

    190. гат̇ам̣ банааяам̣ сийханаад̣̇о нану д̇ам̣ бхаг̇авад̇оби саммаабарин̣аамам̣ на г̇ад̇анд̇и? наяид̣̇ам̣ звам̣ д̣̇адтаб̣б̣ам̣, яасмаа ‘‘саммад̣̇зва д̇ам̣ бхаг̇авад̇о барин̣аамам̣ г̇ад̇а’’нд̇и вад̇д̇ум̣ арахад̇и д̇аббажжаяаа уббаннасса вигаарасса абхаавад̇о, ан̃н̃абажжаяасса жа вигаарасса муд̣̇убхаавам̣ аабаад̣̇ид̇ад̇д̇аа. д̇знааха ‘‘на бана бхуд̇д̇аббажжаяаа’’д̇иаад̣̇и. на хи бхаг̇аваа, ан̃н̃з ваа бана кийн̣аасаваа нававзд̣̇ануббаад̣̇анавасзна аахаарам̣ барибхун̃ж̇анд̇и адтан̇г̇асаманнааг̇ад̇амзва гад̇ваа аахаарасса убабхун̃ж̇анад̇о. яад̣̇и звам̣ гасмаа баал̣ияам̣ ‘‘бхад̇д̇ам̣ бхуд̇д̇аависса каро ааб̣аад̇хо уббаж̇ж̇ий’’д̇иаад̣̇и вуд̇д̇ам̣? д̇ам̣ бхож̇ануд̇д̇арагаалам̣ уббаннад̇д̇аа вуд̇д̇ам̣. ‘‘на бана бхуд̇д̇абажжаяаа’’д̇и вуд̇д̇о вааяамад̇т̇о адтагат̇ааяам̣. гад̇убажид̇асса лад̣̇д̇хогаасасса гаммасса васзна б̣алавад̇иби рог̇з уббаннз г̇арусинид̣̇д̇хабхож̇анаббажжаяаа взд̣̇анааниг̇г̇ахо ж̇аад̇о, д̇знааха ‘‘яад̣̇и хий’’д̇иаад̣̇и. бад̇т̇ид̇адтаанзд̇и ижчид̇адтаанз, ижчаа жасса д̇ад̇т̇а г̇анд̇ваа винзд̇аб̣б̣авзнзяяаабзгкаа д̣̇адтаб̣б̣аа. г̇аат̇ааяамби ‘‘суд̇а’’нд̇и иминаа суд̇амад̇д̇ам̣, барзсам̣ важанамад̇д̇амзд̇ам̣, на бана бхож̇анаббажжаяаа ааб̣аад̇хам̣ пуси д̇хийрод̇и д̣̇ассзд̇и.

    190. Kathaṃ panāyaṃ sīhanādo nanu taṃ bhagavatopi sammāpariṇāmaṃ na gatanti? Nayidaṃ evaṃ daṭṭhabbaṃ, yasmā ‘‘sammadeva taṃ bhagavato pariṇāmaṃ gata’’nti vattuṃ arahati tappaccayā uppannassa vikārassa abhāvato, aññapaccayassa ca vikārassa mudubhāvaṃ āpāditattā. Tenāha ‘‘na pana bhuttappaccayā’’tiādi. Na hi bhagavā, aññe vā pana khīṇāsavā navavedanuppādanavasena āhāraṃ paribhuñjanti aṭṭhaṅgasamannāgatameva katvā āhārassa upabhuñjanato. Yadi evaṃ kasmā pāḷiyaṃ ‘‘bhattaṃ bhuttāvissa kharo ābādho uppajjī’’tiādi vuttaṃ? Taṃ bhojanuttarakālaṃ uppannattā vuttaṃ. ‘‘Na pana bhuttapaccayā’’ti vutto vāyamattho aṭṭhakathāyaṃ. Katupacitassa laddhokāsassa kammassa vasena balavatipi roge uppanne garusiniddhabhojanappaccayā vedanāniggaho jāto, tenāha ‘‘yadi hī’’tiādi. Patthitaṭṭhāneti icchitaṭṭhāne, icchā cassa tattha gantvā vinetabbaveneyyāpekkhā daṭṭhabbā. Gāthāyampi ‘‘suta’’nti iminā sutamattaṃ, paresaṃ vacanamattametaṃ, na pana bhojanappaccayā ābādhaṃ phusi dhīroti dasseti.

    баанийяаахаран̣аван̣н̣анаа

    Pānīyāharaṇavaṇṇanā

    191. басаннабхаавзна уд̣̇агасса ажчабхааво взд̣̇ид̇аб̣б̣од̇и ааха ‘‘ажчод̣̇агаад̇и басаннод̣̇агаа’’д̇и. саад̣̇урасад̇д̇аа саад̇ад̇аад̇и ааха ‘‘мад̇хурод̣̇агаа’’д̇и. д̇анугамзва салилам̣ висзсад̇о сийд̇алам̣, на б̣ахаланд̇и ааха ‘‘д̇анусийд̇аласалилаа’’д̇и. ниггад̣̇д̣̇амаад̇и сзд̇абхаавасса гааран̣амааха. бан̇гажигкаллаад̣̇ивасзна хи уд̣̇агасса виван̣н̣ад̇аа, сабхаавад̇о бана д̇ам̣ сзд̇аван̣н̣ам̣ зваад̇и.

    191. Pasannabhāvena udakassa acchabhāvo veditabboti āha ‘‘acchodakāti pasannodakā’’ti. Sādurasattā sātatāti āha ‘‘madhurodakā’’ti. Tanukameva salilaṃ visesato sītalaṃ, na bahalanti āha ‘‘tanusītalasalilā’’ti. Nikkaddamāti setabhāvassa kāraṇamāha. Paṅkacikkhallādivasena hi udakassa vivaṇṇatā, sabhāvato pana taṃ setavaṇṇaṃ evāti.

    буггусамаллабуд̇д̇авад̇т̇уван̣н̣анаа

    Pukkusamallaputtavatthuvaṇṇanā

    192. д̇хураваад̇зд̇и бадимукаваад̇з. д̣̇ийгхабин̇г̇алод̇и д̣̇ийгхо худ̇ваа бин̇г̇алажагкуго. бин̇г̇алагкиго хи со ‘‘аал̣ааро’’д̇и бан̃н̃ааяид̇т̇а. зваруубанд̇и д̣̇агкад̇и гариссад̇и бхависсад̇ийд̇и ийд̣̇исам̣. ийд̣̇исзсууд̇и яад̇ра яам̣жаад̇и зваруубанибаад̇асад̣̇д̣̇аяуд̇д̇адтаанзсу.

    192.Dhuravāteti paṭimukhavāte. Dīghapiṅgaloti dīgho hutvā piṅgalacakkhuko. Piṅgalakkhiko hi so ‘‘āḷāro’’ti paññāyittha. Evarūpanti dakkhati karissati bhavissatīti īdisaṃ. Īdisesūti yatra yaṃcāti evarūpanipātasaddayuttaṭṭhānesu.

    193. вижаранд̇ияо мзгхаг̇аб̣бхад̇о нижчаранд̇ияо вияа хонд̇ийд̇и вуд̇д̇ам̣ ‘‘нижчаранд̇ийсууд̇и вижаранд̇ийсуу’’д̇и. нававид̇хааяаад̇и наваббагаарааяа. навасу хи багаарзсу згавид̇хааби асани д̇аббарияаабаннад̇ааяа ‘‘нававид̇хаа’’ д̇взва вужжад̇и. ийд̣̇исий хи зсаа рул̣хи адтавимогкабад̇д̇иби саман̃н̃аа вияа. асан̃н̃ам̣ гарод̇и, яо д̇ассаа сад̣̇д̣̇зна , д̇зж̇асаа жа аж̇жход̇т̇адо. згам̣ жагганд̇и згам̣ ман̣д̣алам̣. сан̇гаарам̣ д̇ийрзнд̇ий барижчиж̇ж̇анд̇ий вияа д̣̇ассзд̇ийд̇и сад̇зраа. г̇аг̇г̇арааяамаанаад̇и г̇аг̇г̇араад̇исад̣̇д̣̇ам̣ гаронд̇ий, ануравад̣̇ассанан̃хзд̇ам̣. габисийсаад̇и габисийсаагааравад̇ий. мажчавилолигаад̇и уд̣̇агз барибпанд̣̇амаанамажчо вияа вилул̣ид̇аагаараа. гуггудасад̣̇исаад̇и басаарид̇абагкагуггудаагаараа. нан̇г̇аласса гассанагаалз гассагаанам̣ хад̇т̇зна г̇ахзд̇аб̣б̣адтаанз ман̣игаа ход̇и, д̇ам̣ убаад̣̇ааяа нан̇г̇алам̣ ‘‘д̣̇ан̣д̣аман̣игаа’’д̇и вужжад̇и, д̇асмаа д̣̇ан̣д̣аман̣игаагаараа д̣̇ан̣д̣аман̣игаа. д̇знааха ‘‘нан̇г̇аласад̣̇исаа’’д̇и. д̣̇звз вассанд̇зби саж̇од̇ибхууд̇ад̇ааяа уд̣̇агзна ад̇змзд̇аб̣б̣ад̇о махаасани ‘‘сугкаасаний’’д̇и вуд̇д̇аа. д̇знааха ‘‘бад̇ид̇адтаанам̣ самуг̇гхаадзд̇ий’’д̇и.

    193. Vicarantiyo meghagabbhato niccharantiyo viya hontīti vuttaṃ ‘‘niccharantīsūti vicarantīsū’’ti. Navavidhāyāti navappakārāya. Navasu hi pakāresu ekavidhāpi asani tappariyāpannatāya ‘‘navavidhā’’ tveva vuccati. Īdisī hi esā ruḷhi aṭṭhavimokkhapattipi samaññā viya. Asaññaṃ karoti, yo tassā saddena , tejasā ca ajjhotthaṭo. Ekaṃ cakkanti ekaṃ maṇḍalaṃ. Saṅkāraṃ tīrentī paricchijjantī viya dassetīti saterā. Gaggarāyamānāti gaggarātisaddaṃ karontī, anuravadassanañhetaṃ. Kapisīsāti kapisīsākāravatī. Macchavilolikāti udake paripphandamānamaccho viya viluḷitākārā. Kukkuṭasadisāti pasāritapakkhakukkuṭākārā. Naṅgalassa kassanakāle kassakānaṃ hatthena gahetabbaṭṭhāne maṇikā hoti, taṃ upādāya naṅgalaṃ ‘‘daṇḍamaṇikā’’ti vuccati, tasmā daṇḍamaṇikākārā daṇḍamaṇikā. Tenāha ‘‘naṅgalasadisā’’ti. Deve vassantepi sajotibhūtatāya udakena atemetabbato mahāsani ‘‘sukkhāsanī’’ti vuttā. Tenāha ‘‘patitaṭṭhānaṃ samugghāṭetī’’ti.

    бхусааг̇аарагзд̇и бхусамаяз аг̇аарагз. д̇ад̇т̇а гира маханд̇ам̣ балаалабун̃ж̇ам̣ аб̣бханд̇арад̇о балаалам̣ ниггад̣дхид̇ваа саалаасад̣̇исам̣ баб̣б̣аж̇ид̇аанам̣ васанаяог̇г̇адтаанам̣ гад̇ам̣, д̇ад̣̇аа бхаг̇аваа д̇ад̇т̇а васи, д̇ам̣ бана каламан̣д̣алам̣ саалаасад̣̇исанд̇и ааха ‘‘каласаалааяа’’нд̇и. зд̇т̇аад̇и хзд̇умхи бхуммаважананд̇и ааха ‘‘зд̇асмим̣ гааран̣з’’д̇и, асанибаад̇зна чаннам̣ ж̇анаанам̣ хад̇агааран̣зд̇и ад̇т̇о. со д̇вам̣ бханд̇зд̇и аяамзва ваа баато.

    Bhusāgāraketi bhusamaye agārake. Tattha kira mahantaṃ palālapuñjaṃ abbhantarato palālaṃ nikkaḍḍhitvā sālāsadisaṃ pabbajitānaṃ vasanayoggaṭṭhānaṃ kataṃ, tadā bhagavā tattha vasi, taṃ pana khalamaṇḍalaṃ sālāsadisanti āha ‘‘khalasālāya’’nti. Etthāti hetumhi bhummavacananti āha ‘‘etasmiṃ kāraṇe’’ti, asanipātena channaṃ janānaṃ hatakāraṇeti attho. So tvaṃ bhanteti ayameva vā pāṭho.

    194. син̇г̇ий наама гира уд̇д̇амам̣ ад̇ивияа бабхассарам̣ б̣уд̣̇д̇хаанам̣ чавиван̣н̣обхаасам̣ д̣̇звалогад̇о ааг̇ад̇асуван̣н̣ам̣. д̇знзвааха ‘‘син̇г̇ийсуван̣н̣аван̣н̣а’’нд̇и. ‘‘гим̣ бана т̇зро д̇ам̣ г̇ан̣хий’’д̇и саяамзва бужчам̣ самудтаабзд̇ваа д̇ад̇т̇а гааран̣ам̣ д̣̇ассзнд̇о ‘‘гин̃жаабий’’д̇иаад̣̇имааха. д̇знзва гааран̣знаад̇и убадтаагадтаанасса мад̇т̇агаббад̇д̇и, барзсам̣ важаногаасабажчзд̣̇анам̣, д̇зна вад̇т̇зна сад̇т̇у бууж̇анам̣, сад̇т̇у аж̇жхаасаяаанувад̇д̇ананд̇и иминаа д̇знзва яат̇аавуд̇д̇зна жад̇уб̣б̣ид̇хзна гааран̣зна.

    194. Siṅgī nāma kira uttamaṃ ativiya pabhassaraṃ buddhānaṃ chavivaṇṇobhāsaṃ devalokato āgatasuvaṇṇaṃ. Tenevāha ‘‘siṅgīsuvaṇṇavaṇṇa’’nti. ‘‘Kiṃ pana thero taṃ gaṇhī’’ti sayameva pucchaṃ samuṭṭhāpetvā tattha kāraṇaṃ dassento ‘‘kiñcāpī’’tiādimāha. Teneva kāraṇenāti upaṭṭhākaṭṭhānassa matthakappatti, paresaṃ vacanokāsapacchedanaṃ, tena vatthena satthu pūjanaṃ, satthu ajjhāsayānuvattananti iminā teneva yathāvuttena catubbidhena kāraṇena.

    195. т̇зро жа д̇аавад̣̇зва д̇ам̣ син̇г̇ийван̣н̣ам̣ мадтад̣̇уссам̣ бхаг̇авад̇о убанаамзси ‘‘бадиг̇г̇ан̣хад̇у мз бханд̇з бхаг̇аваа имам̣ мадтад̣̇уссам̣, д̇ам̣ мамасса д̣̇ийгхарад̇д̇ам̣ хид̇ааяа сукааяаа’’д̇и. бадиг̇г̇ахзси бхаг̇аваа, бадиг̇г̇ахзд̇ваава нам̣ барибхун̃ж̇и . д̇зна вуд̇д̇ам̣ ‘‘бхаг̇авааби д̇ад̇о згам̣ ниваасзси, згам̣ баарубий’’д̇и. д̇аавад̣̇зва гира д̇ам̣ бхигкуу оваддигаран̣амад̇д̇зна д̇уннагаммам̣ нидтаабзд̇ваа т̇зрасса убанзсум̣, т̇зро бхаг̇авад̇о убанаамзси. хад̇ажжигам̣ вияаад̇и бадихад̇аббабхам̣, вияа-сад̣̇д̣̇о нибаад̇амад̇д̇ам̣. бхаг̇авад̇о хи сарийраббабхаахи абхибхуяяамаанаа д̇асса вад̇т̇аяуг̇асса бабхассарад̇аа наахоси. анд̇анд̇знзваад̇и анд̇о анд̇о зва, аб̣бханд̇арад̇о зваад̇и ад̇т̇о. д̇знааха ‘‘б̣ахибанасса бабхаа над̇т̇ий’’д̇и.

    195. Thero ca tāvadeva taṃ siṅgīvaṇṇaṃ maṭṭhadussaṃ bhagavato upanāmesi ‘‘paṭiggaṇhatu me bhante bhagavā imaṃ maṭṭhadussaṃ, taṃ mamassa dīgharattaṃ hitāya sukhāyā’’ti. Paṭiggahesi bhagavā, paṭiggahetvāva naṃ paribhuñji . Tena vuttaṃ ‘‘bhagavāpi tato ekaṃ nivāsesi, ekaṃ pārupī’’ti. Tāvadeva kira taṃ bhikkhū ovaṭṭikaraṇamattena tunnakammaṃ niṭṭhāpetvā therassa upanesuṃ, thero bhagavato upanāmesi. Hataccikaṃ viyāti paṭihatappabhaṃ, viya-saddo nipātamattaṃ. Bhagavato hi sarīrappabhāhi abhibhuyyamānā tassa vatthayugassa pabhassaratā nāhosi. Antantenevāti anto anto eva, abbhantarato evāti attho. Tenāha ‘‘bahipanassa pabhā natthī’’ti.

    ‘‘басаннаруубам̣ самудтаабзд̇ий’’д̇и зд̇знзд̇асса аахаарасса бхуд̇д̇аббажжаяаа на со рог̇од̇и аяамад̇т̇о д̣̇ийбид̇о. д̣̇вийсу гаалзсу звам̣ ход̇и д̣̇виннам̣ ниб̣б̣аанад̇хаад̇уунам̣ самад̇хиг̇амасамаяабхаавад̇о. убавад̇д̇анз анд̇арзна яамагасаалаананд̇и зд̇т̇а вад̇д̇аб̣б̣ам̣ барад̇о ааг̇амиссад̇и.

    ‘‘Pasannarūpaṃ samuṭṭhāpetī’’ti etenetassa āhārassa bhuttappaccayā na so rogoti ayamattho dīpito. Dvīsu kālesu evaṃ hoti dvinnaṃ nibbānadhātūnaṃ samadhigamasamayabhāvato. Upavattane antarena yamakasālānanti ettha vattabbaṃ parato āgamissati.

    196. саб̣б̣ам̣ суван̣н̣аван̣н̣амзва ахоси ад̇ивияа барисуд̣̇д̇хааяа бабхассарааяа згаг̇гханааяа бхаг̇авад̇о сарийраббабхааяа ниранд̇арам̣ абхибхууд̇ад̇д̇аа.

    196.Sabbaṃsuvaṇṇavaṇṇameva ahosi ativiya parisuddhāya pabhassarāya ekagghanāya bhagavato sarīrappabhāya nirantaraṃ abhibhūtattā.

    д̇хаммзд̇и барияад̇д̇ид̇хаммз. бавад̇д̇аад̇и бааважанабхаавзна д̣̇зсзд̇аа. бурад̇ова нисийд̣̇и оваад̣̇аббадигаран̣абхаавад̇о.

    Dhammeti pariyattidhamme. Pavattāti pāvacanabhāvena desetā. Puratova nisīdi ovādappaṭikaraṇabhāvato.

    197. д̣̇аанаанисам̣сасан̇каад̇аа лаабхаад̇и ван̣н̣ад̣̇аанаб̣алад̣̇аанаад̣̇ибхзд̣̇аа д̣̇аанасса аанисам̣сасан̃н̃ид̇аа д̣̇идтад̇хаммигаа, самбарааяигаа жа лаабхаа ижчид̇аб̣б̣аа. д̇з алаабхаад̇и д̇з саб̣б̣з д̇уяхам̣ алаабхаа, лаабхаа зва на хонд̇и. д̣̇идтзва д̇хаммз бажжагкабхууд̇з имасмим̣язва ад̇д̇абхаавз бхаваа д̣̇идтад̇хаммигаа. самбарзд̇аб̣б̣ад̇о бзжжа г̇анд̇аб̣б̣ад̇о ‘‘самбарааяо’’д̇и лад̣̇д̇ханаамз баралогз бхаваа самбарааяигаа. д̣̇идтад̇хаммигаа жа самбарааяигаа жа д̣̇идтад̇хаммигасамбарааяигаа. д̣̇аанаанисам̣сасан̇каад̇аа лаабхаад̇и д̣̇аанаанисам̣сабхууд̇аа лаабхаа. саб̣б̣ат̇аа самамзва худ̇ваа самам̣ палам̣ зд̇зсам̣ на згад̣̇зсзнаад̇и самасамапалаа. бин̣д̣абаад̇аад̇и д̇аб̣б̣исаяам̣ д̣̇аанамаяам̣ бун̃н̃амааха.

    197.Dānānisaṃsasaṅkhātālābhāti vaṇṇadānabaladānādibhedā dānassa ānisaṃsasaññitā diṭṭhadhammikā, samparāyikā ca lābhā icchitabbā. Te alābhāti te sabbe tuyhaṃ alābhā, lābhā eva na honti. Diṭṭheva dhamme paccakkhabhūte imasmiṃyeva attabhāve bhavā diṭṭhadhammikā. Samparetabbato pecca gantabbato ‘‘samparāyo’’ti laddhanāme paraloke bhavā samparāyikā. Diṭṭhadhammikā ca samparāyikā ca diṭṭhadhammikasamparāyikā. Dānānisaṃsasaṅkhātā lābhāti dānānisaṃsabhūtā lābhā. Sabbathā samameva hutvā samaṃ phalaṃ etesaṃ na ekadesenāti samasamaphalā. Piṇḍapātāti tabbisayaṃ dānamayaṃ puññamāha.

    яад̣̇и кзд̇д̇авасзна нзсам̣ самапалад̇аа ад̇хиббзд̇аа, сад̇иби згасанд̇аанабхаавз бут̇уж̇ж̇анаараханд̇абхаавасид̣̇д̇хам̣ нану д̇зсам̣ кзд̇д̇ам̣ висидтанд̇и д̣̇ассзд̇ум̣ ‘‘нану жаа’’д̇иаад̣̇имааха. бариниб̣б̣аанасамад̇ааяаад̇и гилзсабариниб̣б̣аанаканд̇хабариниб̣б̣аанабхаавзна бариниб̣б̣аанасамад̇ааяа. ‘‘барибхун̃ж̇ид̇ваа бариниб̣б̣уд̇о’’д̇и зд̇зна яат̇аа бан̣ийд̇абин̣д̣абаад̇абарибхог̇уубад̇т̇амбхид̇аруубагааяасанниссаяо д̇хаммагааяо сукзнзва гилзсз барижжаж̇и, бхож̇анасаббааяасам̣сид̣̇д̇хияаа звам̣ сукзнзва канд̇хз барижжаж̇ийд̇и звам̣ гилзсабарижжааг̇асса, канд̇хабарижжааг̇асса жа сукасид̣̇д̇хинимид̇д̇ад̇ааяа убхиннам̣ бин̣д̣абаад̇аанам̣ самапалад̇аа ж̇од̇ид̇аа. ‘‘бин̣д̣абаад̇асийсзна жа бин̣д̣абаад̇ад̣̇аанам̣ ж̇од̇ид̇а’’нд̇и вуд̇д̇о вааяамад̇т̇о. яат̇аа хи суж̇аад̇ааяа ‘‘имам̣ аахаарам̣ ниссааяа маяхам̣ д̣̇звад̇ааяа ван̣н̣асукаб̣алаад̣̇иг̇ун̣аа саммад̣̇зва самбаж̇ж̇зяяу’’нд̇и ул̣ааро аж̇жхаасаяо д̇ад̣̇аа ахоси, звам̣ жунд̣̇ассаби гаммаарабуд̇д̇асса ‘‘имам̣ аахаарам̣ ниссааяа бхаг̇авад̇о ван̣н̣асукаб̣алаад̣̇иг̇ун̣аа саммад̣̇зва самбаж̇ж̇зяяу’’нд̇и ул̣ааро аж̇жхаасаяод̇и звамби нзсам̣ убхиннам̣ самапалад̇аа взд̣̇ид̇аб̣б̣аа. сад̇иби жад̇увийсад̇игодисад̇асахассасамаабад̇д̇ийнам̣ д̣̇звасигам̣ вал̣ан̃ж̇анасамаабад̇д̇ибхаавз яат̇аа бана абхисамб̣уж̇жханад̣̇ивасз абхинававибассанам̣ бадтабзнд̇о руубасад̇д̇агаад̣̇и (висуд̣̇д̇хи. дий. 2.707 вид̇т̇ааро) васзна жуд̣̇д̣̇асахаагаарзхи саннзд̇ваа махаавибассанаамукзна д̇аа самаабад̇д̇ияо самаабаж̇ж̇и, звам̣ бариниб̣б̣аанад̣̇ивасзби саб̣б̣аа д̇аа самаабаж̇ж̇ийд̇и звам̣ самаабад̇д̇исамад̇ааяаби д̇зсам̣ самапалад̇аа. жунд̣̇асса д̇аава ануссаран̣ам̣ ул̣аарад̇арам̣ ход̇у бхаг̇авад̇о д̣̇иннабхаавзна ан̃н̃ат̇ад̇д̇аабхаавад̇о, суж̇аад̇ааяа бана гат̇ам̣ д̣̇звад̇ааяа д̣̇иннанд̇и? звам̣сан̃н̃ибхаавад̇од̇и ааха ‘‘суж̇аад̇аа жаа’’д̇иаад̣̇и. абарабхааг̇зд̇и абхисамб̣од̇хид̇о абарабхааг̇з. буна абарабхааг̇зд̇и бариниб̣б̣аанад̇о барад̇о. д̇хаммасийсанд̇и д̇хаммаанам̣ мад̇т̇агабхууд̇ам̣ ниб̣б̣аанам̣. мз г̇ахид̇анд̇и мама васзна г̇ахид̇ам̣. д̇знааха ‘‘маяхам̣ гираа’’д̇иаад̣̇и.

    Yadi khettavasena nesaṃ samaphalatā adhippetā, satipi ekasantānabhāve puthujjanaarahantabhāvasiddhaṃ nanu tesaṃ khettaṃ visiṭṭhanti dassetuṃ ‘‘nanu cā’’tiādimāha. Parinibbānasamatāyāti kilesaparinibbānakhandhaparinibbānabhāvena parinibbānasamatāya. ‘‘Paribhuñjitvā parinibbuto’’ti etena yathā paṇītapiṇḍapātaparibhogūpatthambhitarūpakāyasannissayo dhammakāyo sukheneva kilese pariccaji, bhojanasappāyasaṃsiddhiyā evaṃ sukheneva khandhe pariccajīti evaṃ kilesapariccāgassa, khandhapariccāgassa ca sukhasiddhinimittatāya ubhinnaṃ piṇḍapātānaṃ samaphalatā jotitā. ‘‘Piṇḍapātasīsena ca piṇḍapātadānaṃ jotita’’nti vutto vāyamattho. Yathā hi sujātāya ‘‘imaṃ āhāraṃ nissāya mayhaṃ devatāya vaṇṇasukhabalādiguṇā sammadeva sampajjeyyu’’nti uḷāro ajjhāsayo tadā ahosi, evaṃ cundassapi kammāraputtassa ‘‘imaṃ āhāraṃ nissāya bhagavato vaṇṇasukhabalādiguṇā sammadeva sampajjeyyu’’nti uḷāro ajjhāsayoti evampi nesaṃ ubhinnaṃ samaphalatā veditabbā. Satipi catuvīsatikoṭisatasahassasamāpattīnaṃ devasikaṃ vaḷañjanasamāpattibhāve yathā pana abhisambujjhanadivase abhinavavipassanaṃ paṭṭhapento rūpasattakādi (visuddhi. ṭī. 2.707 vitthāro) vasena cuddasahākārehi sannetvā mahāvipassanāmukhena tā samāpattiyo samāpajji, evaṃ parinibbānadivasepi sabbā tā samāpajjīti evaṃ samāpattisamatāyapi tesaṃ samaphalatā. Cundassa tāva anussaraṇaṃ uḷārataraṃ hotu bhagavato dinnabhāvena aññathattābhāvato, sujātāya pana kathaṃ devatāya dinnanti? Evaṃsaññibhāvatoti āha ‘‘sujātā cā’’tiādi. Aparabhāgeti abhisambodhito aparabhāge. Puna aparabhāgeti parinibbānato parato. Dhammasīsanti dhammānaṃ matthakabhūtaṃ nibbānaṃ. Me gahitanti mama vasena gahitaṃ. Tenāha ‘‘mayhaṃ kirā’’tiādi.

    ад̇хибад̇ибхааво аад̇хибад̇зяяанд̇и ааха ‘‘ж̇здтабхаавасам̣вад̇д̇анияага’’нд̇и.

    Adhipatibhāvo ādhipateyyanti āha ‘‘jeṭṭhabhāvasaṃvattaniyaka’’nti.

    сам̣варзд̇и сийласам̣варз. взранд̇и баан̣аад̇ибаад̇аад̣̇ибан̃жавид̇хам̣ взрам̣. д̇ан̃хи взрид̇хаммабхаавад̇о, взрахзд̇уд̇ааяа жа ‘‘взра’’нд̇и вужжад̇и. госаллам̣ вужжад̇и н̃аан̣ам̣, д̇зна яуд̇д̇о гусалод̇и ааха ‘‘гусало бана н̃аан̣асамбанно’’д̇и. н̃аан̣асамбад̣̇аа наама н̃аан̣абаарибуурий, саа жа аг̇г̇амаг̇г̇авасзна взд̣̇ид̇аб̣б̣аа, аг̇г̇амаг̇г̇о жа ниравасзсад̇о гилзсз баж̇ахад̇ийд̇и ааха ‘‘арияамаг̇г̇зна…бз… ж̇ахаад̇ий’’д̇и. имам̣ баабагам̣ ж̇ахид̇ваад̇и д̣̇аанзна д̇аава лобхамажчарияаад̣̇ибаабагам̣, сийлзна баан̣аад̇ибаад̇аад̣̇ибаабагам̣ ж̇ахид̇ваа д̇ад̣̇ан̇г̇авасзна бахааяа д̇ад̇о самат̇авибассанаад̇хаммзхи вигкамбханавасзна, д̇ад̇о маг̇г̇абадибаадияаа самужчзд̣̇авасзна анавасзсам̣ баабагам̣ бахааяа. д̇ат̇аа бахийнад̇д̇аа зва рааг̇аад̣̇ийнам̣ каяаа гилзсаниб̣б̣аанзна саб̣б̣асо гилзсавуубасамзна ниб̣б̣уд̇о бариниб̣б̣уд̇од̇и саубаад̣̇исзсааяа ниб̣б̣аанад̇хаад̇уяаа д̣̇зсанааяа гуудам̣ г̇ан̣ханд̇о ‘‘ид̇и жунд̣̇асса…бз… самбассамаано уд̣̇аанам̣ уд̣̇аанзсий’’д̇и.

    Saṃvareti sīlasaṃvare. Veranti pāṇātipātādipañcavidhaṃ veraṃ. Tañhi veridhammabhāvato, verahetutāya ca ‘‘vera’’nti vuccati. Kosallaṃ vuccati ñāṇaṃ, tena yutto kusaloti āha ‘‘kusalo pana ñāṇasampanno’’ti. Ñāṇasampadā nāma ñāṇapāripūrī, sā ca aggamaggavasena veditabbā, aggamaggo ca niravasesato kilese pajahatīti āha ‘‘ariyamaggena…pe… jahātī’’ti. Imaṃ pāpakaṃ jahitvāti dānena tāva lobhamacchariyādipāpakaṃ, sīlena pāṇātipātādipāpakaṃ jahitvā tadaṅgavasena pahāya tato samathavipassanādhammehi vikkhambhanavasena, tato maggapaṭipāṭiyā samucchedavasena anavasesaṃ pāpakaṃ pahāya. Tathā pahīnattā eva rāgādīnaṃ khayā kilesanibbānena sabbaso kilesavūpasamena nibbuto parinibbutoti saupādisesāya nibbānadhātuyā desanāya kūṭaṃ gaṇhanto ‘‘iti cundassa…pe… sampassamāno udānaṃ udānesī’’ti.

    жад̇уд̇т̇абхаан̣аваараван̣н̣анаа нидтид̇аа.

    Catutthabhāṇavāravaṇṇanā niṭṭhitā.

    яамагасаалаван̣н̣анаа

    Yamakasālavaṇṇanā

    198. звам̣ д̇ам̣ гусинаарааяам̣ ход̇ийд̇и яат̇аа анураад̇хабурасса т̇уубаараамо д̣̇агкин̣абажчимад̣̇исааяам̣, звам̣ д̇ам̣ уяяаанам̣ гусинаарааяа д̣̇агкин̣абажчимад̣̇исааяам̣ ход̇и. д̇асмаад̇и яасмаа наг̇арам̣ бависид̇угаамаа уяяаанад̇о убзжжа вад̇д̇анд̇и г̇ажчанд̇и зд̇знаад̇и ‘‘убавад̇д̇ана’’нд̇и вужжад̇и, д̇ам̣ саалабанд̇ибхаавзна тид̇ам̣ саалаванам̣. анд̇арзнаад̇и взмаж̇жхз. д̇асса гира ман̃жагассаад̇и д̇ад̇т̇а бан̃н̃абияамаанасса д̇асса ман̃жагасса. д̇ад̇рааби…бз… зго баад̣̇абхааг̇асса, д̇асмаа ‘‘анд̇арзна яамагасаалаана’’нд̇и вуд̇д̇ам̣. сам̣сиб̣б̣ид̇ваад̇и ан̃н̃аман̃н̃ааасад̇д̇авидабасаакад̇ааяа сам̣сиб̣б̣ид̇ваа вияа. ‘‘тид̇асаакаа’’д̇иби вуд̇д̇ам̣ адтагат̇ааяам̣. яам̣ бана баал̣ияам̣ ‘‘уд̇д̇арасийсагам̣ ман̃жагам̣ бан̃н̃абзхий’’д̇и вуд̇д̇ам̣, д̇ам̣ бажчимад̣̇ассанам̣ д̣̇адтум̣ ааг̇ад̇аанам̣ д̣̇звад̇аанам̣ д̣̇адтум̣ яог̇яад̇аавасзна вуд̇д̇ам̣. гзжи бана ‘‘уд̇д̇арад̣̇исаавилоганамукам̣ буб̣б̣ад̣̇исаасийсагам̣ гад̇ваа ман̃жагам̣ бан̃н̃абзхийд̇и ад̇т̇о’’д̇и вад̣̇анд̇и, д̇ам̣ д̇зсам̣ мад̇имад̇д̇ам̣.

    198.Evaṃtaṃ kusinārāyaṃ hotīti yathā anurādhapurassa thūpārāmo dakkhiṇapacchimadisāyaṃ, evaṃ taṃ uyyānaṃ kusinārāya dakkhiṇapacchimadisāyaṃ hoti. Tasmāti yasmā nagaraṃ pavisitukāmā uyyānato upecca vattanti gacchanti etenāti ‘‘upavattana’’nti vuccati, taṃ sālapantibhāvena ṭhitaṃ sālavanaṃ. Antarenāti vemajjhe. Tassa kira mañcakassāti tattha paññapiyamānassa tassa mañcakassa. Tatrāpi…pe… eko pādabhāgassa, tasmā ‘‘antarena yamakasālāna’’nti vuttaṃ. Saṃsibbitvāti aññamaññaāsattaviṭapasākhatāya saṃsibbitvā viya. ‘‘Ṭhitasākhā’’tipi vuttaṃ aṭṭhakathāyaṃ. Yaṃ pana pāḷiyaṃ ‘‘uttarasīsakaṃ mañcakaṃ paññapehī’’ti vuttaṃ, taṃ pacchimadassanaṃ daṭṭhuṃ āgatānaṃ devatānaṃ daṭṭhuṃ yogyatāvasena vuttaṃ. Keci pana ‘‘uttaradisāvilokanamukhaṃ pubbadisāsīsakaṃ katvā mañcakaṃ paññapehīti attho’’ti vadanti, taṃ tesaṃ matimattaṃ.

    зд̇з нааг̇аанамуд̇д̇амаад̇и зд̇з г̇од̇д̇ад̇о г̇ожариаад̣̇инаамагаа хад̇т̇инааг̇зсу б̣алзна сздтад̇амаа. маж̇жхимадтагат̇ааяам̣ (ма. ни. адта. 1.148) бана гзжи хад̇т̇ино ид̇о ан̃н̃ат̇аа ааг̇ад̇аа, со бана нзсам̣ наамамад̇д̇агад̇о бхзд̣̇о д̣̇адтаб̣б̣о.

    Ete nāgānamuttamāti ete gottato gocariādināmakā hatthināgesu balena seṭṭhatamā. Majjhimaṭṭhakathāyaṃ (ma. ni. aṭṭha. 1.148) pana keci hatthino ito aññathā āgatā, so pana nesaṃ nāmamattakato bhedo daṭṭhabbo.

    барибхуд̇д̇агаалад̇о бадтааяа…бз… баригкаяам̣ г̇ад̇ам̣, ‘‘на бана барибхуд̇д̇аббажжаяаа’’д̇и хздтаа вуд̇д̇анаязнзва ад̇т̇о д̣̇адтаб̣б̣о. жан̇г̇аваарзд̇и уумияам̣. гад̇огаасасса гаммасса васзна яат̇аасамудтид̇о рог̇о аарог̇яам̣ абхимад̣̇д̣̇ад̇ийд̇и гад̇ваа зд̇амад̇т̇ам̣ д̣̇ассзнд̇о ‘‘вияаа’’д̇и вуд̇д̇ам̣. яасмаа бхаг̇аваа хздтаа вуд̇д̇анаязна габбам̣, габбаавасзсам̣ ваа таад̇ум̣ самад̇т̇о зва, д̇ад̇д̇агам̣ гаалам̣ таанз баяож̇анаабхаавад̇о ааяусан̇каарз оссаж̇ж̇ид̇ваа д̇аад̣̇исасса гаммасса огаасам̣ ад̣̇ааси, д̇асмаа зд̇амад̇т̇ам̣ д̣̇ассзнд̇о ‘‘вияаа’’д̇иби вад̇д̇ум̣ яуж̇ж̇ад̇иязва.

    Paribhuttakālato paṭṭhāya…pe… parikkhayaṃ gataṃ, ‘‘na pana paribhuttappaccayā’’ti heṭṭhā vuttanayeneva attho daṭṭhabbo. Caṅgavāreti ūmiyaṃ. Katokāsassa kammassa vasena yathāsamuṭṭhito rogo ārogyaṃ abhimaddatīti katvā etamatthaṃ dassento ‘‘viyā’’ti vuttaṃ. Yasmā bhagavā heṭṭhā vuttanayena kappaṃ, kappāvasesaṃ vā ṭhātuṃ samattho eva, tattakaṃ kālaṃ ṭhāne payojanābhāvato āyusaṅkhāre ossajjitvā tādisassa kammassa okāsaṃ adāsi, tasmā etamatthaṃ dassento ‘‘viyā’’tipi vattuṃ yujjatiyeva.

    гусалам̣ гаад̇аб̣б̣ам̣ ман̃н̃иссанд̇и ‘‘звам̣ махабпалам̣, звам̣ махаанисам̣сам̣, махаанубхааван̃жа д̇ам̣ гусала’’нд̇и.

    Kusalaṃ kātabbaṃ maññissanti ‘‘evaṃ mahapphalaṃ, evaṃ mahānisaṃsaṃ, mahānubhāvañca taṃ kusala’’nti.

    згассааби сад̇д̇асса ваддад̣̇угкавуубасамо б̣уд̣̇д̇хаанам̣ г̇аруд̇аро худ̇ваа убадтаад̇и ад̇ид̣̇уллабхабхаавад̇о, д̇асмаа ‘‘абарамби бассад̇ий’’д̇иаад̣̇и вуд̇д̇ам̣, свааяамад̇т̇о мааг̇ан̣д̣ияасуд̇д̇зна (су. ни. 841) д̣̇ийбзд̇аб̣б̣о.

    Ekassāpi sattassa vaṭṭadukkhavūpasamo buddhānaṃ garutaro hutvā upaṭṭhāti atidullabhabhāvato, tasmā ‘‘aparampi passatī’’tiādi vuttaṃ, svāyamattho māgaṇḍiyasuttena (su. ni. 841) dīpetabbo.

    д̇ад̇ияам̣ бана гааран̣ам̣ сад̇д̇аанам̣ уббаж̇ж̇анагаанад̇т̇абарихаран̣анд̇и д̇ам̣ д̣̇ассзнд̇о буна ‘‘абарамби бассад̇ий’’д̇иаад̣̇имааха.

    Tatiyaṃ pana kāraṇaṃ sattānaṃ uppajjanakaanatthapariharaṇanti taṃ dassento puna ‘‘aparampi passatī’’tiādimāha.

    сийхасзяяанд̇и. зд̇т̇а саяанам̣ сзяяаа, сийхасса вияа сзяяаа сийхасзяяаа, д̇ам̣ сийхасзяяам̣. ат̇а ваа сийхасзяяанд̇и сздтасзяяам̣, яад̣̇ид̣̇ам̣ ад̇т̇ад̣̇ваяам̣ барад̇о ааг̇амиссад̇и.

    Sīhaseyyanti. Ettha sayanaṃ seyyā, sīhassa viya seyyā sīhaseyyā, taṃ sīhaseyyaṃ. Atha vā sīhaseyyanti seṭṭhaseyyaṃ, yadidaṃ atthadvayaṃ parato āgamissati.

    ‘‘ваамзна бассзна сзнд̇ий’’д̇и звам̣ вуд̇д̇аа гаамабхог̇исзяяаа, д̣̇агкин̣абассзна саяаано наама над̇т̇и д̣̇агкин̣ахад̇т̇асса сарийраг̇г̇ахан̣аад̣̇ияог̇агкамад̇о, бурисавасзна жзд̇ам̣ вуд̇д̇ам̣.

    ‘‘Vāmena passena sentī’’ti evaṃ vuttā kāmabhogiseyyā,dakkhiṇapassena sayāno nāma natthi dakkhiṇahatthassa sarīraggahaṇādiyogakkhamato, purisavasena cetaṃ vuttaṃ.

    згзна бассзна саяид̇ум̣ на саггонд̇и д̣̇угкуббад̇д̇ид̇о.

    Ekenapassena sayituṃ na sakkonti dukkhuppattito.

    аяам̣ сийхасзяяаад̇и аяам̣ звам̣ вуд̇д̇аа сийхасзяяаа. ‘‘д̇зж̇уссад̣̇ад̇д̇аа’’д̇и иминаа сийхасса абхийрубхаавам̣ д̣̇ассзд̇и. бхийругаа хи сзсамиг̇аа ад̇д̇ано аасаяам̣ бависид̇ваа санд̇аасабуб̣б̣агам̣ яат̇аа д̇ат̇аа саяанд̇и, сийхо бана абхийрубхаавад̇о сад̇огаарий бхигку вияа сад̇им̣ убадтаабзд̇ваава саяад̇и. д̇знааха ‘‘буримабаад̣̇з’’д̇иаад̣̇и. д̣̇агкин̣з буримабаад̣̇з ваамасса буримабаад̣̇асса табанавасзна д̣̇вз буримабаад̣̇з згасмим̣ таанз табзд̇ваа. бажчимабаад̣̇зд̇и д̣̇вз бажчимабаад̣̇з. вуд̇д̇анаязнзва ид̇хааби згасмим̣ таанз баад̣̇адтабанам̣ взд̣̇ид̇аб̣б̣ам̣, тид̇огаасасаллагкан̣ам̣ абхийрубхаавзнзва. ‘‘сийсам̣ бана угкибид̇ваа’’д̇иаад̣̇инаа вуд̇д̇аа сийхагирияаа ануд̇раасабаб̣уж̇жханам̣ вияа абхийрубхаавасид̣̇д̇хаа д̇хаммад̇аавасзнзваад̇и взд̣̇ид̇аб̣б̣аа. сийхавиж̇амбхид̇авиж̇амбханам̣ ад̇ивзлам̣ згаагаарзна табид̇аанам̣ сарийрааваяаваанам̣ г̇аманаад̣̇игирияаасу яог̇яабхааваабаад̣̇анад̇т̇ам̣. д̇игкад̇д̇ум̣ сийханаад̣̇анад̣̇анам̣ аббзсагкамиг̇аж̇аад̇абарихаран̣ад̇т̇ам̣.

    Ayaṃ sīhaseyyāti ayaṃ evaṃ vuttā sīhaseyyā. ‘‘Tejussadattā’’ti iminā sīhassa abhīrubhāvaṃ dasseti. Bhīrukā hi sesamigā attano āsayaṃ pavisitvā santāsapubbakaṃ yathā tathā sayanti, sīho pana abhīrubhāvato satokārī bhikkhu viya satiṃ upaṭṭhāpetvāva sayati. Tenāha ‘‘purimapāde’’tiādi. Dakkhiṇe purimapāde vāmassa purimapādassa ṭhapanavasena dve purimapāde ekasmiṃ ṭhāne ṭhapetvā. Pacchimapādeti dve pacchimapāde. Vuttanayeneva idhāpi ekasmiṃ ṭhāne pādaṭṭhapanaṃ veditabbaṃ, ṭhitokāsasallakkhaṇaṃ abhīrubhāveneva. ‘‘Sīsaṃ pana ukkhipitvā’’tiādinā vuttā sīhakiriyā anutrāsapabujjhanaṃ viya abhīrubhāvasiddhā dhammatāvasenevāti veditabbā. Sīhavijambhitavijambhanaṃ ativelaṃ ekākārena ṭhapitānaṃ sarīrāvayavānaṃ gamanādikiriyāsu yogyabhāvāpādanatthaṃ. Tikkhattuṃ sīhanādanadanaṃ appesakkhamigajātapariharaṇatthaṃ.

    сзд̇и аб̣яаавадабхаавзна бавад̇д̇ад̇и зд̇т̇аад̇и сзяяаа, жад̇уд̇т̇аж̇жхаанамзва сзяяаа жад̇уд̇т̇аж̇жхаанасзяяаа. гим̣ бана д̇ам̣ жад̇уд̇т̇аж̇жхаананд̇и? аанаабаанажад̇уд̇т̇аж̇жхаанам̣, д̇ад̇о хи вудтахид̇ваа вибассанам̣ вад̣дхзд̇ваа бхаг̇аваа ануггамзна аг̇г̇амаг̇г̇ам̣ ад̇хиг̇анд̇ваа д̇ат̇ааг̇ад̇о ж̇аад̇од̇и. ‘‘д̇аяид̣̇ам̣ бад̣̇адтаанам̣ наама, на сзяяаа, д̇ат̇ааби яасмаа ‘жад̇уд̇т̇аж̇жхаанаа вудтахид̇ваа самананд̇араа бхаг̇аваа бариниб̣б̣ааяий’д̇и (д̣̇ий. ни. 2.219) вагкад̇и, д̇асмаа логияажад̇уд̇т̇аж̇жхаанасамаабад̇д̇и зва д̇ат̇ааг̇ад̇асзяяаа’’д̇и гзжи, звам̣ сад̇и бариниб̣б̣аанагаалигаава д̇ат̇ааг̇ад̇асзяяаад̇и аабаж̇ж̇ад̇и, на жа бхаг̇аваа логияажад̇уд̇т̇аж̇жхаанасамаабаж̇ж̇анаб̣ахуло вихааси. аг̇г̇апалавасзна бавад̇д̇ам̣ банзд̇т̇а жад̇уд̇т̇аж̇жхаанам̣ взд̣̇ид̇аб̣б̣ам̣. д̇ад̇т̇а яат̇аа сад̇д̇аанам̣ нид̣̇д̣̇убаг̇аманалагкан̣аа сзяяаа бхаван̇г̇ажид̇д̇авасзна ход̇и, саа жа нзсам̣ батамаж̇аад̇исаманваяаа язбхуяяавуд̇д̇игаа, звам̣ бхаг̇авад̇о арияаж̇аад̇исаманваяам̣ язбхуяяавуд̇д̇игам̣ аг̇г̇апалабхууд̇ам̣ жад̇уд̇т̇аж̇жхаанам̣ ‘‘д̇ат̇ааг̇ад̇асзяяаа’’д̇и взд̣̇ид̇аб̣б̣ам̣. сийхасзяяаа наама сздтасзяяаад̇и ааха ‘‘уд̇д̇амасзяяаа’’д̇и.

    Seti abyāvaṭabhāvena pavattati etthāti seyyā, catutthajjhānameva seyyā catutthajjhānaseyyā. Kiṃ pana taṃ catutthajjhānanti? Ānāpānacatutthajjhānaṃ, tato hi vuṭṭhahitvā vipassanaṃ vaḍḍhetvā bhagavā anukkamena aggamaggaṃ adhigantvā tathāgato jātoti. ‘‘Tayidaṃ padaṭṭhānaṃ nāma, na seyyā, tathāpi yasmā ‘catutthajjhānā vuṭṭhahitvā samanantarā bhagavā parinibbāyī’ti (dī. ni. 2.219) vakkhati, tasmā lokiyacatutthajjhānasamāpatti eva tathāgataseyyā’’ti keci, evaṃ sati parinibbānakālikāva tathāgataseyyāti āpajjati, na ca bhagavā lokiyacatutthajjhānasamāpajjanabahulo vihāsi. Aggaphalavasena pavattaṃ panettha catutthajjhānaṃ veditabbaṃ. Tattha yathā sattānaṃ niddupagamanalakkhaṇā seyyā bhavaṅgacittavasena hoti, sā ca nesaṃ paṭhamajātisamanvayā yebhuyyavuttikā, evaṃ bhagavato ariyajātisamanvayaṃ yebhuyyavuttikaṃ aggaphalabhūtaṃ catutthajjhānaṃ ‘‘tathāgataseyyā’’ti veditabbaṃ. Sīhaseyyā nāma seṭṭhaseyyāti āha ‘‘uttamaseyyā’’ti.

    над̇т̇и зд̇иссаа удтаананд̇и анудтаанаа, сзяяаа, д̇ам̣ анудтаанасзяяам̣. ‘‘ид̇о удтахиссаамий’’д̇и манасигаарасса абхаавад̇о ‘‘удтаанасан̃н̃ам̣ манаси гарид̇ваа’’д̇и на вуд̇д̇ам̣. зд̇т̇аад̇и зд̇асмим̣ анудтаанасзяяубаг̇аманз. гааяавасзна анудтаанам̣, на жид̇д̇авасзна, жид̇д̇авасзна жа анудтаанам̣ наама нид̣̇д̣̇убаг̇амананд̇и д̇ад̣̇абхаавам̣ д̣̇ассзд̇ум̣ ‘‘нид̣̇д̣̇аавасзнаа’’д̇иаад̣̇и вуд̇д̇ам̣. бхаван̇г̇ассаад̇и нид̣̇д̣̇убаг̇аманалагкан̣асса бхаван̇г̇асса.

    Natthi etissā uṭṭhānanti anuṭṭhānā, seyyā, taṃ anuṭṭhānaseyyaṃ. ‘‘Ito uṭṭhahissāmī’’ti manasikārassa abhāvato ‘‘uṭṭhānasaññaṃ manasi karitvā’’ti na vuttaṃ.Etthāti etasmiṃ anuṭṭhānaseyyupagamane. Kāyavasena anuṭṭhānaṃ, na cittavasena, cittavasena ca anuṭṭhānaṃ nāma niddupagamananti tadabhāvaṃ dassetuṃ ‘‘niddāvasenā’’tiādi vuttaṃ. Bhavaṅgassāti niddupagamanalakkhaṇassa bhavaṅgassa.

    саб̣б̣абаалипуллаад̇и саб̣б̣ад̇т̇агамзва вигасанавасзна пуллаа, на згад̣̇зсавигасанавасзна. д̇знааха ‘‘саб̣б̣з саманд̇ад̇о бубпид̇аа’’д̇и. згажчаннаад̇и сампуллабубпзхи згаагаарзна саб̣б̣ад̇т̇зва чаад̣̇ид̇аа. уллогабад̣̇умаанийд̇и хздтаа ологзнд̇аани вияа д̇идтанабад̣̇умаани. морабин̃чагалаабо вияа бан̃жаван̣н̣абубпасан̃чаад̣̇ид̇ад̇д̇аа.

    Sabbapāliphullāti sabbatthakameva vikasanavasena phullā, na ekadesavikasanavasena. Tenāha ‘‘sabbe samantato pupphitā’’ti. Ekacchannāti samphullapupphehi ekākārena sabbattheva chāditā. Ullokapadumānīti heṭṭhā olokentāni viya tiṭṭhanapadumāni. Morapiñchakalāpo viya pañcavaṇṇapupphasañchāditattā.

    нанд̣̇абогкаран̣ийсамбхаваанийд̇и нанд̣̇абогкаран̣ийд̇ийрасамбхаваани. махаад̇умб̣амад̇д̇анд̇и аал̣хагамад̇д̇ам̣. бавидтаанийд̇и кид̇д̇аани. сарийрамзва огиранд̇ийд̇и сарийрамзва аж̇жхогиранд̇и.

    Nandapokkharaṇīsambhavānīti nandapokkharaṇītīrasambhavāni. Mahātumbamattanti āḷhakamattaṃ. Paviṭṭhānīti khittāni. Sarīrameva okirantīti sarīrameva ajjhokiranti.

    д̣̇звад̇аанам̣ убагаббанажанд̣̇анажун̣н̣аанийд̇и садтиби бан̃н̃аасамби яож̇анаани вааяанагасзд̇аван̣н̣ажанд̣̇анажун̣н̣аани. д̣̇иб̣б̣аг̇анд̇хаж̇аалажун̣н̣аанийд̇и д̣̇иб̣б̣аг̇анд̇хад̣̇иб̣б̣ажун̣н̣аани. харид̇аалаан̃ж̇анажун̣н̣аад̣̇ийниби д̣̇иб̣б̣аани барамасуг̇анд̇хаани зваад̇и взд̣̇ид̇аб̣б̣аани. д̇знзвааха ‘‘саб̣б̣ад̣̇иб̣б̣аг̇анд̇хаваасавигад̇ияо’’д̇и.

    Devatānaṃupakappanacandanacuṇṇānīti saṭṭhipi paññāsampi yojanāni vāyanakasetavaṇṇacandanacuṇṇāni. Dibbagandhajālacuṇṇānīti dibbagandhadibbacuṇṇāni. Haritālaañjanacuṇṇādīnipi dibbāni paramasugandhāni evāti veditabbāni. Tenevāha ‘‘sabbadibbagandhavāsavikatiyo’’ti.

    згажаггаваал̣з саннибад̇ид̇ваа анд̇алигкз важ̇ж̇анд̇и махаабхинигкаманагаалз вияа.

    Ekacakkavāḷe sannipatitvā antalikkhe vajjanti mahābhinikkhamanakāle viya.

    д̇аад̇и д̣̇звад̇аа. г̇ант̇амаанаа ваад̇и маалам̣ ражанд̇ияо зва. абаринидтид̇аа ваад̇и яат̇аад̇хиббааяам̣ барияосид̇аа зва. хад̇т̇зна хад̇т̇анд̇и ад̇д̇ано хад̇т̇зна барасса хад̇т̇ам̣. г̇ийвааяа г̇ийванд̇и ган̣таг̇аахавасзна ад̇д̇ано г̇ийвааяа барасса г̇ийвам̣. г̇ахзд̇ваад̇и аамасид̇ваа. махааяасо махааяасод̇и аамзд̣ид̇авасзна ан̃н̃аман̃н̃ам̣ аалаабаважанам̣.

    Tāti devatā. Ganthamānā vāti mālaṃ racantiyo eva. Apariniṭṭhitā vāti yathādhippāyaṃ pariyositā eva. Hatthena hatthanti attano hatthena parassa hatthaṃ. Gīvāya gīvanti kaṇṭhagāhavasena attano gīvāya parassa gīvaṃ. Gahetvāti āmasitvā. Mahāyaso mahāyasoti āmeḍitavasena aññamaññaṃ ālāpavacanaṃ.

    199. маханд̇ам̣ уссааханд̇и д̇ат̇ааг̇ад̇асса бууж̇аасаггааравасзна бавад̇д̇ияамаанам̣ маханд̇ам̣ уссаахам̣ д̣̇исваа.

    199.Mahantaṃ ussāhanti tathāgatassa pūjāsakkāravasena pavattiyamānaṃ mahantaṃ ussāhaṃ disvā.

    сааязва бана бадибад̣̇аад̇и буб̣б̣абхааг̇абадибад̣̇аа зва. анужчавигад̇д̇аад̇и ад̇хиг̇анд̇аб̣б̣асса нававид̇халогуд̇д̇арад̇хаммасса ануруубад̇д̇аа.

    Sāyevapana paṭipadāti pubbabhāgapaṭipadā eva. Anucchavikattāti adhigantabbassa navavidhalokuttaradhammassa anurūpattā.

    сийланд̇и жаарид̇д̇асийламааха. аажаарабан̃н̃ад̇д̇ийд̇и жаарид̇д̇асийлам̣. яаава г̇од̇рабхуд̇од̇и яаава г̇од̇рабхун̃аан̣ам̣, д̇аава бавад̇д̇зд̇аб̣б̣аа самат̇авибассанаа саммаабадибад̣̇аа. ид̣̇аани д̇ам̣ саммаабадибад̣̇ам̣ б̣яад̇ирзгад̇о, анваяад̇о жа вибхаавзд̇ум̣ ‘‘д̇асмаа’’д̇иаад̣̇и вуд̇д̇ам̣. ж̇инагаал̣асуд̇д̇анд̇и ж̇инамахаавад̣дхагинаа табид̇ам̣ важ̇ж̇зд̇аб̣б̣аг̇ахзд̇аб̣б̣ад̇хаммасанд̣̇ассанагаал̣асуд̇д̇ам̣ сигкаабад̣̇амарияаад̣̇ам̣, убаасагобаасигааваарзсу ‘‘г̇анд̇хабууж̇ам̣ маалаабууж̇ам̣ гарод̇ий’’д̇и важанам̣ жаарид̇д̇асийлабагкз табзд̇ваа гаран̣ам̣ санд̇хааяа вуд̇д̇ам̣, д̇зна бхигкубхигкунийнамби д̇ат̇аагаран̣ам̣ анун̃н̃аад̇амзваад̇и д̣̇адтаб̣б̣ам̣.

    Sīlanti cārittasīlamāha. Ācārapaññattīti cārittasīlaṃ. Yāva gotrabhutoti yāva gotrabhuñāṇaṃ, tāva pavattetabbā samathavipassanā sammāpaṭipadā. Idāni taṃ sammāpaṭipadaṃ byatirekato, anvayato ca vibhāvetuṃ ‘‘tasmā’’tiādi vuttaṃ. Jinakāḷasuttanti jinamahāvaḍḍhakinā ṭhapitaṃ vajjetabbagahetabbadhammasandassanakāḷasuttaṃ sikkhāpadamariyādaṃ, upāsakopāsikāvāresu ‘‘gandhapūjaṃ mālāpūjaṃ karotī’’ti vacanaṃ cārittasīlapakkhe ṭhapetvā karaṇaṃ sandhāya vuttaṃ, tena bhikkhubhikkhunīnampi tathākaraṇaṃ anuññātamevāti daṭṭhabbaṃ.

    аяан̃хийд̇и д̇хаммаануд̇хаммабадибад̣̇ам̣ санд̇хааяа вад̣̇ад̇и.

    Ayañhīti dhammānudhammapaṭipadaṃ sandhāya vadati.

    убаваан̣ад̇т̇зраван̣н̣анаа

    Upavāṇattheravaṇṇanā

    200. абанзсийд̇и тид̇аббад̣̇зсад̇о яат̇аа абаг̇ажчад̇и, звамагааси, на бана ниб̣бхажчи. д̇знааха ‘‘аананд̣̇о’’д̇иаад̣̇и. вуд̇д̇асад̣̇исаа ваад̇и самажид̇д̇абарияааяад̣̇зсанааяам̣ (а. ни. 2.37) вуд̇д̇асад̣̇исаа зва. ааваарзнд̇од̇и чаад̣̇знд̇о.

    200.Apanesīti ṭhitappadesato yathā apagacchati, evamakāsi, na pana nibbhacchi. Tenāha ‘‘ānando’’tiādi. Vuttasadisā vāti samacittapariyāyadesanāyaṃ (a. ni. 2.37) vuttasadisā eva. Āvārentoti chādento.

    яасмаа гассабассаб̣уд̣̇д̇хасса жзд̇ияз аарагкад̣̇звад̇аа ахоси, д̇асмаа т̇зрова д̇зж̇уссад̣̇о, на ан̃н̃з араханд̇од̇и аанзд̇ваа яож̇анаа.

    Yasmā kassapassabuddhassa cetiye ārakkhadevatā ahosi, tasmā therova tejussado, na aññe arahantoti ānetvā yojanā.

    ид̣̇аани ааг̇аманад̇о бадтааяа д̇амад̇т̇ам̣ вид̇т̇аарад̇о д̣̇ассзд̇ум̣ ‘‘вибассимхи гира саммаасамб̣уд̣̇д̇хз’’д̇иаад̣̇и аарад̣̇д̇хам̣. ‘‘жаад̇умахаарааж̇игаа д̣̇звад̇аа’’д̇и ид̣̇ам̣ г̇об̣алийб̣ад̣̇д̣̇ан̃ааязна г̇ахзд̇аб̣б̣ам̣ бхуммад̣̇звад̇аад̣̇ийнамби д̇аббарияаабаннад̇д̇аа. д̇зсам̣ мануссаанам̣.

    Idāni āgamanato paṭṭhāya tamatthaṃ vitthārato dassetuṃ ‘‘vipassimhi kira sammāsambuddhe’’tiādi āraddhaṃ. ‘‘Cātumahārājikā devatā’’ti idaṃ gobalībaddañāyena gahetabbaṃ bhummadevatādīnampi tappariyāpannattā. Tesaṃ manussānaṃ.

    д̇ад̇т̇аад̇и гассабасса бхаг̇авад̇о жзд̇ияз.

    Tatthāti kassapassa bhagavato cetiye.

    201. ад̇хиваасзнд̇ийд̇и рожзнд̇и.

    201.Adhivāsentīti rocenti.

    чиннабаад̇о вияа чиннабаад̇о, д̇ам̣ чиннабаад̇ам̣, бхааванабум̣саганид̣̇д̣̇зсо яам̣. аавадданд̇ийд̇и абхимукабхаавзна вадданд̇и. яад̇т̇а бад̇ид̇аа, д̇ад̇о гад̇ибаяарад̇анадтаанам̣ вадданавасзнзва г̇анд̇ваа буна яат̇аабад̇ид̇амзва таанам̣ вадданавасзна ааг̇ажчанд̇и. д̇знааха ‘‘аавадданд̇ияо бад̇ид̇адтаанамзва ааг̇ажчанд̇ий’’д̇и. вивадданд̇ийд̇и яад̇т̇а бад̇ид̇аа, д̇ад̇о винивадданд̇и. д̇знааха ‘‘бад̇ид̇адтаанад̇о барабхааг̇ам̣ ваддамаанаа г̇ажчанд̇ий’’д̇и. бурад̇о вадданам̣ аавадданам̣, ид̇арам̣ д̇ивид̇хамби виваддананд̇и д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. д̣̇звад̇аа д̇хаарзд̇ум̣ на саггод̇и уд̣̇агам̣ вияа осийд̣̇анад̇о. д̇знааха ‘‘д̇ад̇т̇аа’’д̇иаад̣̇и. д̇ад̇т̇аад̇и багад̇ибат̇авияам̣. д̣̇звад̇аа осийд̣̇анд̇и д̇хаад̇уунам̣ сан̣хасукумаалабхаавад̇о. бат̇авияам̣ бат̇авим̣ маабзсунд̇и багад̇ибат̇авияам̣ ад̇д̇ано сарийрам̣ д̇хаарзд̇ум̣ самад̇т̇ам̣ ид̣̇д̇хаанубхаавзна бат̇авим̣ маабзсум̣.

    Chinnapāto viya chinnapāto, taṃ chinnapātaṃ, bhāvanapuṃsakaniddeso yaṃ. Āvaṭṭantīti abhimukhabhāvena vaṭṭanti. Yattha patitā, tato katipayaratanaṭṭhānaṃ vaṭṭanavaseneva gantvā puna yathāpatitameva ṭhānaṃ vaṭṭanavasena āgacchanti. Tenāha ‘‘āvaṭṭantiyopatitaṭṭhānameva āgacchantī’’ti. Vivaṭṭantīti yattha patitā, tato vinivaṭṭanti. Tenāha ‘‘patitaṭṭhānato parabhāgaṃ vaṭṭamānā gacchantī’’ti. Purato vaṭṭanaṃ āvaṭṭanaṃ, itaraṃ tividhampi vivaṭṭananti dassetuṃ ‘‘apicā’’tiādi vuttaṃ. Devatā dhāretuṃ na sakkoti udakaṃ viya osīdanato. Tenāha ‘‘tatthā’’tiādi. Tatthāti pakatipathaviyaṃ. Devatā osīdanti dhātūnaṃ saṇhasukhumālabhāvato. Pathaviyaṃpathaviṃ māpesunti pakatipathaviyaṃ attano sarīraṃ dhāretuṃ samatthaṃ iddhānubhāvena pathaviṃ māpesuṃ.

    гаамам̣ д̣̇оманассз асад̇иби згажжо рааг̇о ход̇иязва, рааг̇з бана асад̇и д̣̇оманассасса асамбхаво зваад̇и д̇ад̣̇згадтабхаавад̇од̇и ааха ‘‘вийд̇арааг̇аад̇и бахийнад̣̇оманассаа’’д̇и. силаат̇амбхасад̣̇исаа идтаанидтзсу ниб̣б̣игаарад̇ааяа.

    Kāmaṃ domanasse asatipi ekacco rāgo hotiyeva, rāge pana asati domanassassa asambhavo evāti tadekaṭṭhabhāvatoti āha ‘‘vītarāgāti pahīnadomanassā’’ti. Silāthambhasadisā iṭṭhāniṭṭhesu nibbikāratāya.

    жад̇усам̣взж̇анийяадтаанаван̣н̣анаа

    Catusaṃvejanīyaṭṭhānavaṇṇanā

    202. абаараг̇ан̇г̇ааяаад̇и г̇ан̇г̇ааяа орамбхааг̇з. ‘‘сан̇гаарачад̣д̣агасаммаж̇ж̇анияо г̇ахзд̇ваа’’д̇иаад̣̇и ад̇д̇ано ад̇д̇ано васанадтаанз вад̇д̇агаран̣аагаарад̣̇ассанам̣. ‘‘звам̣ д̣̇вийсу гаалзсуу’’д̇иаад̣̇и нид̣̇ассанад̇т̇ам̣ бажжаамасанам̣, д̇ам̣ хздтаа ад̇хиг̇ад̇ам̣.

    202.Apāragaṅgāyāti gaṅgāya orambhāge. ‘‘Saṅkārachaḍḍakasammajjaniyo gahetvā’’tiādi attano attano vasanaṭṭhāne vattakaraṇākāradassanaṃ. ‘‘Evaṃ dvīsu kālesū’’tiādi nidassanatthaṃ paccāmasanaṃ, taṃ heṭṭhā adhigataṃ.

    гаммасаад̇хано самбхааванад̇т̇о бхааванийяа-сад̣̇д̣̇од̇и ааха ‘‘манасаа бхаавид̇з самбхаавид̇з’’д̇и. д̣̇уд̇ияавигаббз бана бхааванам̣, вад̣дханан̃жа бадибагкабахаанад̇од̇и ааха ‘‘яз ваа’’д̇иаад̣̇и.

    Kammasādhano sambhāvanattho bhāvanīya-saddoti āha ‘‘manasā bhāvite sambhāvite’’ti. Dutiyavikappe pana bhāvanaṃ, vaḍḍhanañca paṭipakkhapahānatoti āha ‘‘ye vā’’tiādi.

    б̣уд̣̇д̇хаад̣̇ийсу д̇ийсу вад̇т̇уусу басаннажид̇д̇асса, на гаммапаласад̣̇д̇хаамад̇д̇зна. саа жасса сад̣̇д̇хаасамбад̣̇аа звам̣ взд̣̇ид̇аб̣б̣аад̇и палзна хзд̇ум̣ д̣̇ассзнд̇о ‘‘вад̇д̇асамбаннассаа’’д̇и ааха. сам̣взг̇о наама саход̇д̇аббан̃аан̣ам̣, абхиж̇аад̇идтаанаад̣̇ийниби д̇асса уббад̇д̇ихзд̇ууни бхаванд̇ийд̇и ааха ‘‘сам̣взг̇аж̇анагааний’’д̇и.

    Buddhādīsu tīsu vatthūsu pasannacittassa, na kammaphalasaddhāmattena. Sā cassa saddhāsampadā evaṃ veditabbāti phalena hetuṃ dassento ‘‘vattasampannassā’’ti āha. Saṃvego nāma sahottappañāṇaṃ, abhijātiṭṭhānādīnipi tassa uppattihetūni bhavantīti āha ‘‘saṃvegajanakānī’’ti.

    жзд̇ияабууж̇анад̇т̇ам̣ жааригаа жзд̇ияажааригаа. саг̇г̇з бад̇идтахиссанд̇иязва б̣уд̣̇д̇хаг̇ун̣аарамман̣ааяа гусалажзд̇анааяа саг̇г̇асам̣вад̇д̇анияабхаавад̇о.

    Cetiyapūjanatthaṃ cārikā cetiyacārikā. Sagge patiṭṭhahissantiyeva buddhaguṇārammaṇāya kusalacetanāya saggasaṃvattaniyabhāvato.

    аананд̣̇абужчаагат̇ааван̣н̣анаа

    Ānandapucchākathāvaṇṇanā

    203. зд̇т̇аад̇и маад̇уг̇аамз. аяам̣ уд̇д̇амаа бадибад̇д̇и, яад̣̇ид̣̇ам̣ ад̣̇ассанам̣, д̣̇ассанамуулагад̇д̇аа д̇аббажжаяаанам̣ саб̣б̣аанад̇т̇аанам̣. лобход̇и гаамарааг̇о. жид̇д̇ажаланаа бадибад̇д̇ианд̇арааяагаро жид̇д̇агкобхо. мурумураабзд̇ваад̇и саадтигам̣ гад̇ваа каад̣̇анз ануравад̣̇ассанам̣. абаримид̇ам̣ гаалам̣ д̣̇угкаанубхаванам̣ абарижчиннад̣̇угкаанубхаванам̣. виссаасод̇и висан̇г̇о гхадданаабхааво. од̇аарод̇и д̇ад̇т̇а жид̇д̇асса ануббавзсо. асихад̇т̇зна взрийбурисзна, бисаажзнааби каад̣̇ид̇угаамзна. аасийд̣̇зд̇и аггаманаад̣̇ивасзна б̣аад̇хзяяа. ассаад̇и маад̇уг̇аамасса. баб̣б̣аж̇ид̇зхи гад̇д̇аб̣б̣агамманд̇и аамисабадиг̇г̇ахан̣аад̣̇и баб̣б̣аж̇ид̇зхи гаад̇аб̣б̣ам̣ гаммам̣. сад̇ийд̇и ваа гааяаг̇ад̇аасад̇и убадтаабзд̇аб̣б̣аа.

    203.Etthāti mātugāme. Ayaṃ uttamā paṭipatti,yadidaṃ adassanaṃ, dassanamūlakattā tappaccayānaṃ sabbānatthānaṃ. Lobhoti kāmarāgo. Cittacalanā paṭipattiantarāyakaro cittakkhobho. Murumurāpetvāti saaṭṭhikaṃ katvā khādane anuravadassanaṃ. Aparimitaṃ kālaṃ dukkhānubhavanaṃ aparicchinnadukkhānubhavanaṃ. Vissāsoti visaṅgo ghaṭṭanābhāvo. Otāroti tattha cittassa anuppaveso. Asihatthena verīpurisena, pisācenāpi khāditukāmena. Āsīdeti akkamanādivasena bādheyya. Assāti mātugāmassa. Pabbajitehi kattabbakammanti āmisapaṭiggahaṇādi pabbajitehi kātabbaṃ kammaṃ. Satīti vā kāyagatāsati upaṭṭhāpetabbā.

    204. ад̇анд̇иб̣ад̣̇д̇хаад̇и абхааравахаа. бзсид̇ажид̇д̇аад̇и ниб̣б̣аанам̣ бад̇и бзсид̇ажид̇д̇аа.

    204.Atantibaddhāti abhāravahā. Pesitacittāti nibbānaṃ pati pesitacittā.

    205. вихад̇знаад̇и габбаасавихананад̇ханунаа баб̣б̣аж̇адаанам̣ виж̇аданавасзна хад̇зна. д̇знааха ‘‘субот̇ид̇знаа’’д̇и, асан̇гаран̣авасзна судту бот̇ид̇знаад̇и ад̇т̇о, д̣̇ассанийяасам̣взж̇анийяадтаанагид̇д̇анзна жа васанадтаанам̣ гат̇ид̇ам̣.

    205.Vihatenāti kappāsavihananadhanunā pabbajaṭānaṃ vijaṭanavasena hatena. Tenāha ‘‘supothitenā’’ti, asaṅkaraṇavasena suṭṭhu pothitenāti attho, dassanīyasaṃvejanīyaṭṭhānakittanena ca vasanaṭṭhānaṃ kathitaṃ.

    аананд̣̇аажчарияад̇хаммаван̣н̣анаа

    Ānandaacchariyadhammavaṇṇanā

    207. т̇зрам̣ ад̣̇исваа ааманд̇зсийд̇и д̇ад̇т̇а ад̣̇исваа ааваж̇ж̇анд̇о т̇зрасса тид̇адтаанам̣, бавад̇д̇ин̃жа н̃ад̇ваа ааманд̇зси.

    207.Theraṃ adisvā āmantesīti tattha adisvā āvajjanto therassa ṭhitaṭṭhānaṃ, pavattiñca ñatvā āmantesi.

    гааяагаммасса хид̇абхааво хид̇аж̇жхаасаязна бавад̇д̇ид̇ад̇д̇аад̇и ааха ‘‘хид̇авуд̣̇д̇хияаа гад̇знаа’’д̇и. сукабхааво гааяигад̣̇угкаабхааво, жзд̇асигасукабхааво жзд̇асигасукасамудтид̇ад̇д̇аа жаад̇и вуд̇д̇ам̣ ‘‘сукасоманассзнзва гад̇знаа’’д̇и. аавираховибхааг̇ад̇о ад̣̇ваяабхаавад̇о ад̣̇ваязнаад̇и имамад̇т̇ам̣ д̣̇ассзд̇ум̣ ‘‘яат̇аа’’д̇иаад̣̇и вуд̇д̇ам̣. сад̇т̇у кзд̇д̇абхаавасамбад̇д̇ияаа, т̇зрасса аж̇жхаасаяасамбад̇д̇ияаа жа ‘‘зд̇д̇агамид̣̇а’’нд̇и бамаан̣ам̣ г̇ахзд̇ум̣ асаггун̣зяяад̇ааяа бамаан̣авирахид̇ад̇д̇аа д̇асса гаммассаад̇и ааха ‘‘жаггаваал̣амбий’’д̇иаад̣̇и.

    Kāyakammassa hitabhāvo hitajjhāsayena pavattitattāti āha ‘‘hitavuddhiyā katenā’’ti. Sukhabhāvo kāyikadukkhābhāvo, cetasikasukhabhāvo cetasikasukhasamuṭṭhitattā cāti vuttaṃ ‘‘sukhasomanasseneva katenā’’ti. Āvirahovibhāgato advayabhāvato advayenāti imamatthaṃ dassetuṃ ‘‘yathā’’tiādi vuttaṃ. Satthu khettabhāvasampattiyā, therassa ajjhāsayasampattiyā ca ‘‘ettakamida’’nti pamāṇaṃ gahetuṃ asakkuṇeyyatāya pamāṇavirahitattā tassa kammassāti āha ‘‘cakkavāḷampī’’tiādi.

    звам̣ бавад̇д̇ид̇знаад̇и звам̣ од̣̇иссагамзд̇д̇аабхааванааяа васзна бавад̇д̇ид̇зна. виваддуубаниссаяабхууд̇ам̣ гад̇ам̣ убажид̇ам̣ бун̃н̃ам̣ зд̇знаад̇и гад̇абун̃н̃о, арахад̇д̇аад̇хиг̇амааяа гад̇аад̇хигаарод̇и ад̇т̇о. д̇знааха ‘‘абхинийхаарасамбанносийд̇и д̣̇ассзд̇ий’’д̇и.

    Evaṃ pavattitenāti evaṃ odissakamettābhāvanāya vasena pavattitena. Vivaṭṭūpanissayabhūtaṃ kataṃ upacitaṃ puññaṃ etenāti katapuñño, arahattādhigamāya katādhikāroti attho. Tenāha ‘‘abhinīhārasampannosīti dassetī’’ti.

    208. гад̇т̇ажи сан̇гужид̇ам̣ худ̇ваа тид̇ам̣ махаабат̇авим̣ бад̇т̇аранд̇о вияа, бадисам̣хадам̣ худ̇ваа тид̇ам̣ аагаасам̣ вид̇т̇аарзнд̇о вияа, жад̇усадтаад̇хигаяож̇анасад̇асахассуб̣б̣зд̇хам̣ жаггаваал̣аг̇ирим̣ ад̇хо осаарзнд̇о вияа, адтасадтаад̇хигасахассаяож̇анасад̇асахассуб̣б̣зд̇хам̣ синзрум̣ угкибзнд̇о вияа, сад̇аяож̇анааяаамавид̇т̇аарам̣ махааж̇амб̣ум̣ канд̇хз г̇ахзд̇ваа жаалзнд̇о вияаад̇и бан̃жа хи убамаа хи т̇зрасса г̇ун̣агат̇аа маханд̇абхаавад̣̇ассанад̇т̇ан̃жзва ан̃н̃зсам̣ д̣̇уггадабхаавад̣̇ассанад̇т̇ан̃жа ааг̇ад̇аава. зд̇знзва жаад̇и жа-сад̣̇д̣̇зна ‘‘ахам̣ зд̇арахи арахам̣ саммаасамб̣уд̣̇д̇хо’’ (д̣̇ий. ни. 2.4), ‘‘сад̣̇звагасмим̣ логасмим̣ над̇т̇и мз бадибуг̇г̇ало’’д̇и (ма. ни. 1.285; 2.341; махаава. 11; гат̇аа. 405; ми. ба. 5.11) жа звам̣ аад̣̇ийнам̣ сан̇г̇ахо д̣̇адтаб̣б̣о. б̣яад̇д̇од̇и канд̇хагосаллаад̣̇исан̇каад̇зна взяяад̇д̇иязна саманнааг̇ад̇о. мзд̇хаавийд̇и мзд̇хаасан̇каад̇ааяа саммаабхаавид̇ааяа бан̃н̃ааяа саманнааг̇ад̇о.

    208. Katthaci saṅkucitaṃ hutvā ṭhitaṃ mahāpathaviṃ pattharanto viya, paṭisaṃhaṭaṃ hutvā ṭhitaṃ ākāsaṃ vitthārento viya, catusaṭṭhādhikayojanasatasahassubbedhaṃ cakkavāḷagiriṃ adho osārento viya, aṭṭhasaṭṭhādhikasahassayojanasatasahassubbedhaṃ sineruṃ ukkhipento viya, satayojanāyāmavitthāraṃ mahājambuṃ khandhe gahetvā cālento viyāti pañca hi upamā hi therassa guṇakathā mahantabhāvadassanatthañceva aññesaṃ dukkaṭabhāvadassanatthañca āgatāva. Eteneva cāti ca-saddena ‘‘ahaṃ etarahi arahaṃ sammāsambuddho’’ (dī. ni. 2.4), ‘‘sadevakasmiṃ lokasmiṃ natthi me paṭipuggalo’’ti (ma. ni. 1.285; 2.341; mahāva. 11; kathā. 405; mi. pa. 5.11) ca evaṃ ādīnaṃ saṅgaho daṭṭhabbo. Byattoti khandhakosallādisaṅkhātena veyyattiyena samannāgato. Medhāvīti medhāsaṅkhātāya sammābhāvitāya paññāya samannāgato.

    209. бадисант̇аарад̇хамманд̇и багад̇ижаарид̇д̇авасзна вуд̇д̇ам̣, убаг̇ад̇аанам̣ бана бхигкуунам̣ бхигкунийнан̃жа бужчаависсаж̇ж̇анавасзна жзва жид̇д̇аруживасзна жа яат̇аагаалам̣ д̇хаммам̣ д̣̇зсзд̇иязва, убаасагобаасигаанам̣ бана убанисиннагат̇аавасзна.

    209.Paṭisanthāradhammanti pakaticārittavasena vuttaṃ, upagatānaṃ pana bhikkhūnaṃ bhikkhunīnañca pucchāvissajjanavasena ceva cittarucivasena ca yathākālaṃ dhammaṃ desetiyeva, upāsakopāsikānaṃ pana upanisinnakathāvasena.

    махаасуд̣̇ассанасуд̇д̇ад̣̇зсанааван̣н̣анаа

    Mahāsudassanasuttadesanāvaṇṇanā

    210. куд̣̇д̣̇ага-сад̣̇д̣̇о бад̇ируубаваажий, га-сад̣̇д̣̇о аббад̇т̇од̇и ааха ‘‘куд̣̇д̣̇аганаг̇арагзд̇и наг̇арабад̇ируубагз самб̣аад̇хз куд̣̇д̣̇аганаг̇арагз’’д̇и. д̇хубарависааласан̣таанад̇ааяа д̇ам̣ ‘‘уж̇ж̇ан̇г̇аланаг̇арага’’нд̇и вуд̇д̇анд̇и ааха ‘‘висаманаг̇арагз’’д̇и. ан̃н̃зсам̣ махаанаг̇араанам̣ згад̣̇зсаббамаан̣ад̇ааяа саакаасад̣̇исз. зд̇т̇а жа ‘‘куд̣̇д̣̇аганаг̇арагз’’д̇и иминаа д̇асса наг̇арасса аббагабхааво вуд̇д̇о, ‘‘уж̇ж̇ан̇г̇аланаг̇арагз’’д̇и иминаа бхуумивибад̇д̇ияаа нихийнабхааво, ‘‘саакаанаг̇арагз’’д̇и иминаа аббад̇хаанабхааво. саараббад̇д̇аад̇и вибхавасаараад̣̇инаа саарамахад̇д̇ам̣ бад̇д̇аа.

    210.Khuddaka-saddo patirūpavācī, ka-saddo appatthoti āha ‘‘khuddakanagaraketi nagarapatirūpake sambādhe khuddakanagarake’’ti. Dhuparavisālasaṇṭhānatāya taṃ ‘‘ujjaṅgalanagaraka’’nti vuttanti āha ‘‘visamanagarake’’ti. Aññesaṃ mahānagarānaṃ ekadesappamāṇatāya sākhāsadise. Ettha ca ‘‘khuddakanagarake’’ti iminā tassa nagarassa appakabhāvo vutto, ‘‘ujjaṅgalanagarake’’ti iminā bhūmivipattiyā nihīnabhāvo, ‘‘sākhānagarake’’ti iminā appadhānabhāvo. Sārappattāti vibhavasārādinā sāramahattaṃ pattā.

    гахаабан̣асагаданд̇и зд̇т̇а ‘‘д̣̇вигумбхам̣ сагадам̣. гумбхо бана д̣̇асамб̣ан̣о’’д̇и вад̣̇анд̇и. д̣̇вз бависанд̇ийд̇и д̣̇вз гахаабан̣асагадаани д̣̇вз ааяавасзна бависанд̇и.

    Kahāpaṇasakaṭanti ettha ‘‘dvikumbhaṃ sakaṭaṃ. Kumbho pana dasambaṇo’’ti vadanti. Dve pavisantīti dve kahāpaṇasakaṭāni dve āyavasena pavisanti.

    субхигкаад̇и сулабхаахаараа, сунд̣̇араахаараа жа. д̇знааха ‘‘каж̇ж̇абхож̇ж̇асамбаннаа’’д̇и. сад̣̇д̣̇ам̣ гаронд̇зд̇и равасааринаа д̇удтабхаавзна гон̃жанаад̣̇ам̣ гаронд̇з. авивид̇д̇аад̇и асун̃н̃аа, гад̣̇аажи рат̇о батамам̣ г̇ажчад̇и, д̇ам̣ ан̃н̃о ануб̣анд̇ханд̇о г̇ажчад̇и, гад̣̇аажи д̣̇уд̇ияам̣ вуд̇д̇арат̇о батамам̣ г̇ажчад̇и, ид̇аро д̇ам̣ ануб̣анд̇хад̇и звам̣ ан̃н̃аман̃н̃ам̣ ануб̣анд̇хамаанаа. зд̇т̇аад̇и гусаавад̇ийнаг̇арз. д̇асса маханд̇абхаавад̇о жзва ид̣̇д̇хаад̣̇ибхаавад̇о жа нижжам̣ баяож̇ид̇аанзва бхзриаад̣̇ийни д̇уурияаани, самма саммаад̇и ваа ан̃н̃аман̃н̃ам̣ бияаалаабасад̣̇д̣̇о самма-сад̣̇д̣̇о. гам̣сад̇аал̣аад̣̇исаб̣б̣ад̇аал̣ааважарасад̣̇д̣̇о д̇аал̣а-сад̣̇д̣̇о, гуудабхзри-сад̣̇д̣̇о гумбхат̇уун̣асад̣̇д̣̇о.

    Subhikkhāti sulabhāhārā, sundarāhārā ca. Tenāha ‘‘khajjabhojjasampannā’’ti. Saddaṃ karonteti ravasārinā tuṭṭhabhāvena koñcanādaṃ karonte. Avivittāti asuññā, kadāci ratho paṭhamaṃ gacchati, taṃ añño anubandhanto gacchati, kadāci dutiyaṃ vuttaratho paṭhamaṃ gacchati, itaro taṃ anubandhati evaṃ aññamaññaṃ anubandhamānā. Etthāti kusāvatīnagare. Tassa mahantabhāvato ceva iddhādibhāvato ca niccaṃ payojitāneva bheriādīni tūriyāni, samma sammāti vā aññamaññaṃ piyālāpasaddo samma-saddo. Kaṃsatāḷādisabbatāḷāvacarasaddo tāḷa-saddo, kūṭabheri-saddo kumbhathūṇasaddo.

    зваруубаа сад̣̇д̣̇аа хонд̇и гажавараагин̣н̣авийт̇ид̇ааяа, аран̃н̃з ганд̣̇амуулабан̣н̣аад̣̇иг̇г̇ахан̣ааяа, д̇ад̇т̇а д̣̇угкаж̇ийвигад̇ааяа жаад̇и яат̇ааггамам̣ яож̇зд̇аб̣б̣ам̣. ид̇ха на звам̣ ахоси д̣̇звалогз вияа саб̣б̣асо барибун̣н̣асамбад̇д̇игад̇ааяа.

    Evarūpāsaddā honti kacavarākiṇṇavīthitāya, araññe kandamūlapaṇṇādiggahaṇāya, tattha dukkhajīvikatāya cāti yathākkamaṃ yojetabbaṃ. Idha na evaṃ ahosi devaloke viya sabbaso paripuṇṇasampattikatāya.

    маханд̇ам̣ голаахаланд̇и сад̣̇д̇хаасамбаннаанам̣ д̣̇звад̇аанам̣, убаасагаанан̃жа васзна бурад̇о бурад̇о махад̇ий уг̇гхосанаа ход̇и. д̇ад̇т̇а бхаг̇аванд̇ам̣ уд̣̇д̣̇исса гад̇асса вихаарасса абхаавад̇о, бхигкусан̇гхасса жа маханд̇абхаавад̇о д̇з ааг̇анд̇ваа…бз… бзсзси. бзсзнд̇о жа ‘‘гат̇ан̃хи наама бхаг̇аваа бажчимз гаалз ад̇д̇ано бавад̇д̇им̣ амхаагам̣ наарожзси, нзсам̣ д̣̇оманассам̣ маа ахосий’’д̇и ‘‘аж̇ж̇а ко ваасздтаа’’д̇иаад̣̇инаа саасанам̣ бзсзси.

    Mahantaṃ kolāhalanti saddhāsampannānaṃ devatānaṃ, upāsakānañca vasena purato purato mahatī ugghosanā hoti. Tattha bhagavantaṃ uddissa katassa vihārassa abhāvato, bhikkhusaṅghassa ca mahantabhāvato te āgantvā…pe… pesesi. Pesento ca ‘‘kathañhi nāma bhagavā pacchime kāle attano pavattiṃ amhākaṃ nārocesi, nesaṃ domanassaṃ mā ahosī’’ti ‘‘ajja kho vāseṭṭhā’’tiādinā sāsanaṃ pesesi.

    маллаанам̣ ванд̣̇анааван̣н̣анаа

    Mallānaṃ vandanāvaṇṇanā

    211. агхам̣ д̣̇угкам̣ аавзнд̇и багаасзнд̇ийд̇и агхаавино, баагадийбхууд̇ад̣̇угкаад̇и ааха ‘‘уббаннад̣̇угкаа’’д̇и. н̃аад̇исаалохид̇абхаавзна гулам̣ баривад̇д̇ад̇и зд̇т̇аад̇и гулабаривад̇д̇ам̣. д̇ам̣ д̇ам̣гулийнабхааг̇зна тид̇о сад̇д̇анигааяо ‘‘гулабаривад̇д̇асо’’д̇и вуд̇д̇анд̇и ааха ‘‘гулабаривад̇д̇а’’нд̇и. д̇з бана д̇ам̣д̇ам̣гулабаривад̇д̇абарижчиннаа малларааж̇аано д̇асмим̣ наг̇арз вийт̇иаад̣̇исабхааг̇зна васанд̇ийд̇и вуд̇д̇ам̣ ‘‘вийт̇исабхааг̇зна жзва ражчаасабхааг̇зна жаа’’д̇и.

    211. Aghaṃ dukkhaṃ āventi pakāsentīti aghāvino, pākaṭībhūtadukkhāti āha ‘‘uppannadukkhā’’ti. Ñātisālohitabhāvena kulaṃ parivattati etthāti kulaparivattaṃ. Taṃ taṃkulīnabhāgena ṭhito sattanikāyo ‘‘kulaparivattaso’’ti vuttanti āha ‘‘kulaparivatta’’nti. Te pana taṃtaṃkulaparivattaparicchinnā mallarājāno tasmiṃ nagare vīthiādisabhāgena vasantīti vuttaṃ ‘‘vīthisabhāgena ceva racchāsabhāgena cā’’ti.

    субхад̣̇д̣̇абариб̣б̣ааж̇агавад̇т̇уван̣н̣анаа

    Subhaddaparibbājakavatthuvaṇṇanā

    212. ган̇каа зва ган̇каад̇хаммо. згад̇о ваад̇и бхуумим̣ авибхаж̇ид̇ваа саад̇хааран̣ад̇ова. б̣ийж̇ад̇о жа аг̇г̇ам̣ г̇ахзд̇ваа аахаарам̣ самбаад̣̇зд̇ваа д̣̇аанам̣ б̣ийж̇аг̇г̇ам̣. г̇аб̣бхагаалзд̇и г̇аб̣бхад̇хааран̣ад̇о барам̣ кийраг̇г̇ахан̣агаалз. д̇знааха ‘‘г̇аб̣бхам̣ паалзд̇ваа кийрам̣ нихарид̇ваа’’д̇иаад̣̇и. бут̇угагаалзд̇и сассаанам̣ наад̇ибаггз бут̇угаяог̇яапалагаалз. лааяанаг̇г̇анд̇и баггасса сассасса лаванз лаванаарамбхз д̣̇аанам̣ ад̣̇ааси. лунасса сассасса взн̣ивасзна б̣анд̇хид̇ваа табанам̣ взн̣игаран̣ам̣. д̇асса аарамбхз д̣̇аанам̣ взн̣аг̇г̇ам̣. взн̣ияо бана згад̇о гад̇ваа раасигаран̣ам̣ галаабо. д̇ад̇т̇а аг̇г̇ад̣̇аанам̣ галаабаг̇г̇ам̣. галаабад̇о нийхарид̇ваа мад̣̇д̣̇анз аг̇г̇ад̣̇аанам̣ калаг̇г̇ам̣. мад̣̇д̣̇ид̇ам̣ опун̣ид̇ваа д̇хан̃н̃асса раасигаран̣з аг̇г̇ад̣̇аанам̣ калабхан̣д̣аг̇г̇ам̣. д̇хан̃н̃асса калад̇о годтз багкибанз аг̇г̇ад̣̇аанам̣ годтаг̇г̇ам̣. уд̣̇д̇харид̇ваад̇и годтад̇о уд̣̇д̇харид̇ваа.

    212. Kaṅkhā eva kaṅkhādhammo. Ekato vāti bhūmiṃ avibhajitvā sādhāraṇatova. Bījato ca aggaṃ gahetvā āhāraṃ sampādetvā dānaṃ bījaggaṃ. Gabbhakāleti gabbhadhāraṇato paraṃ khīraggahaṇakāle. Tenāha ‘‘gabbhaṃ phāletvā khīraṃ niharitvā’’tiādi. Puthukakāleti sassānaṃ nātipakke puthukayogyaphalakāle. Lāyanagganti pakkassa sassassa lavane lavanārambhe dānaṃ adāsi. Lunassa sassassa veṇivasena bandhitvā ṭhapanaṃ veṇikaraṇaṃ. Tassa ārambhe dānaṃ veṇaggaṃ. Veṇiyo pana ekato katvā rāsikaraṇaṃ kalāpo. Tattha aggadānaṃ kalāpaggaṃ. Kalāpato nīharitvā maddane aggadānaṃ khalaggaṃ. Madditaṃ ophuṇitvā dhaññassa rāsikaraṇe aggadānaṃ khalabhaṇḍaggaṃ. Dhaññassa khalato koṭṭhe pakkhipane aggadānaṃ koṭṭhaggaṃ. Uddharitvāti koṭṭhato uddharitvā.

    ‘‘нава аг̇г̇ад̣̇аанаани ад̣̇аасий’’д̇и иминаа ‘‘гат̇ам̣ ну ко ахам̣ сад̇т̇у санд̇игз аг̇г̇ад̇ова мужжзяяа’’нд̇и аг̇г̇аг̇г̇ад̣̇аанавасзна виваддуубаниссаяасса гусаласса гад̇уубажид̇ад̇д̇аа, н̃аан̣асса жа д̇ат̇аа барибаагам̣ г̇ад̇ад̇д̇аа аг̇г̇ад̇хаммад̣̇зсанааяа д̇асса бхааж̇анабхаавам̣ д̣̇ассзд̇и. д̇знааха ‘‘имам̣ аг̇г̇ад̇хаммам̣ д̇асса д̣̇зсзссаамий’’д̇иаад̣̇и. охийяид̇ваа сан̇гожам̣ аабаж̇ж̇ид̇ваа.

    ‘‘Navaaggadānāni adāsī’’ti iminā ‘‘kathaṃ nu kho ahaṃ satthu santike aggatova mucceyya’’nti aggaggadānavasena vivaṭṭūpanissayassa kusalassa katūpacitattā, ñāṇassa ca tathā paripākaṃ gatattā aggadhammadesanāya tassa bhājanabhāvaṃ dasseti. Tenāha ‘‘imaṃ aggadhammaṃ tassa desessāmī’’tiādi. Ohīyitvā saṅkocaṃ āpajjitvā.

    213. ан̃н̃аад̇угаамова на санд̣̇идтим̣ бараамаасий. аб̣бхан̃н̃им̣сууд̇и санд̣̇зхаж̇аад̇асса бужчааважананд̇и гад̇ваа ж̇ааним̣сууд̇и ад̇т̇амааха. д̇знааха баал̣ияам̣ ‘‘саб̣б̣зва на аб̣бхан̃н̃им̣суу’’д̇и. нзсанд̇и бууран̣аад̣̇ийнам̣. саа бадин̃н̃аад̇и ‘‘гарод̇о ко махаарааж̇а гаараяад̇о’’д̇иаад̣̇инаа (д̣̇ий. ни. 1.166) бадин̃н̃аад̇аа, саб̣б̣ан̃н̃убадин̃н̃аа зва ваа. нияяаанигаад̇и саббаадихаарияаа, д̇зсам̣ ваа сид̣̇д̇ханд̇асан̇каад̇аа бадин̃н̃аа ваддад̇о ниссаран̣адтзна нияяаанигаад̇и. саасанасса самбад̇д̇ияаа д̇зсам̣ саб̣б̣ан̃н̃уд̇ам̣, д̇аб̣б̣ибарияааяад̇о жа асаб̣б̣ан̃н̃уд̇ам̣ г̇ажчад̇ийд̇и д̣̇адтаб̣б̣ам̣. д̇знааха ‘‘д̇асмаа’’д̇иаад̣̇и. ад̇т̇аабхаавад̇од̇и субхад̣̇д̣̇асса саад̇хзд̇аб̣б̣аад̇т̇аабхаавад̇о. огаасаабхаавад̇од̇и д̇ат̇аа вид̇т̇аарид̇ам̣ гад̇ваа д̇хаммам̣ д̣̇зсзд̇ум̣ авасараабхаавад̇о. ид̣̇аани д̇амзва огаасаабхаавам̣ д̣̇ассзд̇ум̣ ‘‘батамаяаамасми’’нд̇иаад̣̇и вуд̇д̇ам̣.

    213.Aññātukāmova na sandiṭṭhiṃ parāmāsī. Abbhaññiṃsūti sandehajātassa pucchāvacananti katvā jāniṃsūti atthamāha. Tenāha pāḷiyaṃ ‘‘sabbeva na abbhaññiṃsū’’ti. Nesanti pūraṇādīnaṃ. Sā paṭiññāti ‘‘karoto kho mahārāja kārayato’’tiādinā (dī. ni. 1.166) paṭiññātā, sabbaññupaṭiññā eva vā. Niyyānikāti sappāṭihāriyā, tesaṃ vā siddhantasaṅkhātā paṭiññā vaṭṭato nissaraṇaṭṭhena niyyānikāti. Sāsanassa sampattiyā tesaṃ sabbaññutaṃ, tabbipariyāyato ca asabbaññutaṃ gacchatīti daṭṭhabbaṃ. Tenāha ‘‘tasmā’’tiādi. Atthābhāvatoti subhaddassa sādhetabbaatthābhāvato. Okāsābhāvatoti tathā vitthāritaṃ katvā dhammaṃ desetuṃ avasarābhāvato. Idāni tameva okāsābhāvaṃ dassetuṃ ‘‘paṭhamayāmasmi’’ntiādi vuttaṃ.

    214. язсам̣ саман̣абхаавагараанам̣ д̇хаммаанам̣ самбаад̣̇анзна саман̣о, д̇з бана уггадтанид̣̇д̣̇зсзна арияамаг̇г̇ад̇хаммаад̇и жад̇умаг̇г̇асам̣сид̣̇д̇хияаа баал̣ияам̣ жад̇д̇ааро саман̣аа вуд̇д̇аад̇и д̇з б̣аахирасамаяз саб̣б̣зна саб̣б̣ам̣ над̇т̇ийд̇и д̣̇ассзнд̇о ‘‘батамо сод̇аабаннасаман̣о’’д̇иаад̣̇имааха. буримад̣̇зсанааяаад̇и ‘‘яасмин̃жа ко, субхад̣̇д̣̇а, д̇хаммавинаяз’’д̇иаад̣̇инаа вуд̇д̇ааяа д̣̇зсанааяа. б̣яад̇ирзгад̇о, анваяад̇о жа ад̇хиббзд̇о ад̇т̇о вибхаавийяад̇ийд̇и батаманаяобзд̇т̇а ‘‘буримад̣̇зсанааяаа’’д̇и бад̣̇зна сан̇г̇ахид̇о ваад̇и д̣̇адтаб̣б̣о. ад̇д̇ано саасанам̣ нияамзнд̇о ааха ‘‘имасмим̣ ко’’д̇и яож̇анаа. аарад̣̇д̇хавибассагзхийд̇и самаад̇хигаммигавибассагзхи, сикааббад̇д̇авибассагз санд̇хааяа вуд̇д̇ам̣, на бадтабид̇авибассанз. абарз бана ‘‘б̣аахирагасамаяз вибассанаарамбхасса г̇ант̇оби над̇т̇зваад̇и ависзсаважанамзд̇а’’нд̇и вад̣̇анд̇и. ад̇хиг̇ад̇адтаананд̇и ад̇хиг̇ад̇асса гааран̣ам̣, д̇ад̣̇ад̇т̇ам̣ буб̣б̣абхааг̇абадибад̣̇анд̇и ад̇т̇о, язна сод̇аабад̇д̇имаг̇г̇о ад̇хиг̇ад̇о, на убаримаг̇г̇о, со сод̇аабад̇д̇имаг̇г̇з тид̇о агуббад̇хаммад̇ааяа д̇асса, д̇ад̇т̇а ваа сид̣̇д̇хид̇о тид̇абуб̣б̣о бхууд̇абуб̣б̣аг̇ад̇ияаад̇и сод̇аабад̇д̇имаг̇г̇адто сод̇аабанно, на сзсаарияаа бхууманд̇аруббад̇д̇ид̇о. сод̇аабанно хи ад̇д̇анаа ад̇хиг̇ад̇адтаанам̣ сод̇аабад̇д̇имаг̇г̇ам̣ ан̃н̃асса гат̇зд̇ваа сод̇аабад̇д̇имаг̇г̇адтам̣ гарзяяа, на адтамаго асамбхавад̇о. зса наяо сзсамаг̇г̇адтзсууд̇и зд̇т̇ааби иминаава наязна ад̇т̇о взд̣̇ид̇аб̣б̣о. баг̇ун̣ам̣ гаммадтаананд̇и ад̇д̇ано баг̇ун̣ам̣ вибассанаагаммадтаанам̣, зд̇знзва ‘‘ависзсаважана’’нд̇и ваад̣̇о бадигкид̇д̇од̇и д̣̇адтаб̣б̣о.

    214. Yesaṃ samaṇabhāvakarānaṃ dhammānaṃ sampādanena samaṇo, te pana ukkaṭṭhaniddesena ariyamaggadhammāti catumaggasaṃsiddhiyā pāḷiyaṃ cattāro samaṇā vuttāti te bāhirasamaye sabbena sabbaṃ natthīti dassento ‘‘paṭhamo sotāpannasamaṇo’’tiādimāha. Purimadesanāyāti ‘‘yasmiñca kho, subhadda, dhammavinaye’’tiādinā vuttāya desanāya. Byatirekato, anvayato ca adhippeto attho vibhāvīyatīti paṭhamanayopettha ‘‘purimadesanāyā’’ti padena saṅgahito vāti daṭṭhabbo. Attano sāsanaṃ niyamento āha ‘‘imasmiṃ kho’’ti yojanā. Āraddhavipassakehīti samādhikammikavipassakehi, sikhāppattavipassake sandhāya vuttaṃ, na paṭṭhapitavipassane. Apare pana ‘‘bāhirakasamaye vipassanārambhassa ganthopi natthevāti avisesavacanameta’’nti vadanti. Adhigataṭṭhānanti adhigatassa kāraṇaṃ, tadatthaṃ pubbabhāgapaṭipadanti attho, yena sotāpattimaggo adhigato, na uparimaggo, so sotāpattimagge ṭhito akuppadhammatāya tassa, tattha vā siddhito ṭhitapubbo bhūtapubbagatiyāti sotāpattimaggaṭṭho sotāpanno, na sesaariyā bhūmantaruppattito. Sotāpanno hi attanā adhigataṭṭhānaṃ sotāpattimaggaṃ aññassa kathetvā sotāpattimaggaṭṭhaṃ kareyya, na aṭṭhamako asambhavato. Esa nayo sesamaggaṭṭhesūti etthāpi imināva nayena attho veditabbo. Paguṇaṃ kammaṭṭhānanti attano paguṇaṃ vipassanākammaṭṭhānaṃ, eteneva ‘‘avisesavacana’’nti vādo paṭikkhittoti daṭṭhabbo.

    саб̣б̣ан̃н̃уд̇ан̃н̃аан̣ам̣ ад̇хиббзд̇ам̣. д̇ан̃хи саб̣б̣ан̃зяяад̇хаммааваб̣од̇ханз ‘‘гусалам̣ чзгам̣ нибун̣а’’нд̇и вужжад̇и д̇ад̇т̇а асан̇г̇ааббадихад̇ам̣ бавад̇д̇ад̇ийд̇и гад̇ваа. самад̇хигаани згзна вассзна. н̃ааяанд̇и зд̇зна жад̇усажжад̇хаммам̣ яаат̇аавад̇о бадивиж̇жханд̇ийд̇и н̃ааяо, логуд̇д̇арамаг̇г̇од̇и ааха ‘‘арияамаг̇г̇ад̇хаммассаа’’д̇и. бад̣̇иссад̇и зд̇зна арияамаг̇г̇о бажжагкад̇о д̣̇иссад̇ийд̇и бад̣̇зсо, вибассанаад̇и вуд̇д̇ам̣ ‘‘бад̣̇зсз вибассанаамаг̇г̇з’’д̇и. саман̣обийд̇и зд̇т̇а би-сад̣̇д̣̇о ‘‘бад̣̇зсавад̇д̇ий’’д̇и зд̇т̇ааби аанзд̇ваа самб̣анд̇хид̇аб̣б̣од̇и ааха ‘‘бад̣̇зсавад̇д̇и…бз… над̇т̇ийд̇и вуд̇д̇ам̣ ход̇ий’’д̇и.

    Sabbaññutaññāṇaṃadhippetaṃ. Tañhi sabbañeyyadhammāvabodhane ‘‘kusalaṃ chekaṃ nipuṇa’’nti vuccati tattha asaṅgaappaṭihataṃ pavattatīti katvā. Samadhikāni ekena vassena. Ñāyanti etena catusaccadhammaṃ yāthāvato paṭivijjhantīti ñāyo, lokuttaramaggoti āha ‘‘ariyamaggadhammassā’’ti. Padissati etena ariyamaggo paccakkhato dissatīti padeso, vipassanāti vuttaṃ ‘‘padese vipassanāmagge’’ti. Samaṇopīti ettha pi-saddo ‘‘padesavattī’’ti etthāpi ānetvā sambandhitabboti āha ‘‘padesavatti…pe… natthīti vuttaṃ hotī’’ti.

    215. сод̇и д̇ат̇аавуд̇д̇о анд̇зваасий. д̇знаад̇и аажариязна. ад̇д̇ано таанз табид̇о ход̇и барабаб̣б̣ааж̇анаад̣̇ийсу нияуд̇д̇ад̇д̇аа.

    215.Soti tathāvutto antevāsī. Tenāti ācariyena. Attano ṭhāne ṭhapito hoti parapabbājanādīsu niyuttattā.

    сагкисаавагод̇и бажжагкасааваго, саммукасаавагод̇и ад̇т̇о. бхаг̇авад̇и д̇харамаанзд̇и д̇харамаанасса бхаг̇авад̇о санд̇игз. сзсад̣̇ваязби зсзва наяо. саб̣б̣оби сод̇и саб̣б̣о со д̇ивид̇хоби. аяам̣ бана арахад̇д̇ам̣ бад̇д̇о, д̇асмаа барибун̣н̣аг̇ад̇ааяа мад̇т̇агаббад̇д̇о бажчимо сагкисаавагод̇и.

    Sakkhisāvakoti paccakkhasāvako, sammukhasāvakoti attho. Bhagavati dharamāneti dharamānassa bhagavato santike. Sesadvayepi eseva nayo. Sabbopi soti sabbo so tividhopi. Ayaṃ pana arahattaṃ patto, tasmā paripuṇṇagatāya matthakappatto pacchimo sakkhisāvakoti.

    бан̃жамабхаан̣аваараван̣н̣анаа нидтид̇аа.

    Pañcamabhāṇavāravaṇṇanā niṭṭhitā.

    д̇ат̇ааг̇ад̇абажчимаваажааван̣н̣анаа

    Tathāgatapacchimavācāvaṇṇanā

    216. д̇анд̇и бхигкусан̇гхасса оваад̣̇аган̇г̇ам̣ д̣̇ассзд̇ум̣…бз… вуд̇д̇ам̣ д̇хаммасан̇г̇аахагзхийд̇и ад̇хиббааяо. суд̇д̇аабхид̇хаммасан̇г̇ахид̇асса д̇хаммасса ад̇исаж̇ж̇анам̣ самб̣од̇ханам̣ д̣̇зсанаа, д̇ассзва багаарад̇о н̃аабанам̣ взнзяяасанд̇аанз табанам̣ бан̃н̃аабананд̇и ‘‘д̇хаммоби д̣̇зсид̇о жзва бан̃н̃ад̇д̇о жаа’’д̇и вуд̇д̇ам̣. д̇ат̇аа винаяад̇анд̇исан̇г̇ахид̇асса гааяаваажаанам̣ винаяанад̇о ‘‘винаяо’’д̇и лад̣̇д̇хаад̇хиважанасса ад̇т̇асса ад̇исаж̇ж̇анам̣ самб̣од̇ханам̣ д̣̇зсанаа, д̇ассзва багаарад̇о н̃аабанам̣ асан̇гарад̇о табанам̣ бан̃н̃аабананд̇и ‘‘винаяоби д̣̇зсид̇о жзва бан̃н̃ад̇д̇о жаа’’д̇и вуд̇д̇ам̣. ад̇хисийласигкаанид̣̇д̣̇зсабхаавзна саасанасса муулабхууд̇ад̇д̇аа винаяо батамам̣ сигкид̇аб̣б̣од̇и д̇ам̣ д̇аава аяамуд̣̇д̣̇зсам̣ саруубад̇о д̣̇ассзнд̇о ‘‘маяаа хи во’’д̇иаад̣̇имааха. д̇ад̇т̇а сад̇д̇аабад̇д̇игканд̇хавасзнаад̇и сад̇д̇аннам̣ аабад̇д̇игканд̇хаанам̣ авийд̇иггаманийяад̇аавасзна . сад̇т̇угижжам̣ саад̇хзссад̇и ‘‘ид̣̇ам̣ во гад̇д̇аб̣б̣ам̣, ид̣̇ам̣ во на гад̇д̇аб̣б̣а’’нд̇и гад̇д̇аб̣б̣аагад̇д̇аб̣б̣асса вибхааг̇зна анусаасанад̇о.

    216.Tanti bhikkhusaṅghassa ovādakaṅgaṃ dassetuṃ…pe… vuttaṃ dhammasaṅgāhakehīti adhippāyo. Suttābhidhammasaṅgahitassa dhammassa atisajjanaṃ sambodhanaṃ desanā, tasseva pakārato ñāpanaṃ veneyyasantāne ṭhapanaṃ paññāpananti ‘‘dhammopi desito cevapaññatto cā’’ti vuttaṃ. Tathā vinayatantisaṅgahitassa kāyavācānaṃ vinayanato ‘‘vinayo’’ti laddhādhivacanassa atthassa atisajjanaṃ sambodhanaṃ desanā, tasseva pakārato ñāpanaṃ asaṅkarato ṭhapanaṃ paññāpananti ‘‘vinayopi desito ceva paññatto cā’’ti vuttaṃ. Adhisīlasikkhāniddesabhāvena sāsanassa mūlabhūtattā vinayo paṭhamaṃ sikkhitabboti taṃ tāva ayamuddesaṃ sarūpato dassento ‘‘mayā hi vo’’tiādimāha. Tattha sattāpattikkhandhavasenāti sattannaṃ āpattikkhandhānaṃ avītikkamanīyatāvasena . Satthukiccaṃ sādhessati ‘‘idaṃ vo kattabbaṃ, idaṃ vo na kattabba’’nti kattabbākattabbassa vibhāgena anusāsanato.

    д̇зна д̇знаагаарзнаад̇и д̇зна д̇зна взнзяяаанам̣ аж̇жхаасаяаануруубзна багаарзна. имз д̇хаммзд̇и имз сад̇д̇ад̇им̣саб̣од̇хибагкияад̇хаммз. д̇аббад̇хаанад̇д̇аа суд̇д̇анд̇ад̣̇зсанааяа ‘‘суд̇д̇анд̇абидагам̣ д̣̇зсид̇а’’нд̇и вуд̇д̇ам̣. сад̇т̇угижжам̣ саад̇хзссад̇и д̇ам̣д̇ам̣жарияаануруубам̣ саммаабадибад̇д̇ияаа анусаасанад̇о. гусалаагусалааб̣яаагад̇авасзна нава хзд̇уу. ‘‘сад̇д̇а пассаа’’д̇иаад̣̇и сад̇д̇авин̃н̃аан̣ад̇хаад̇усамбаяог̇авасзна вуд̇д̇ам̣. д̇хаммаануломз д̇игабадтаанаад̣̇аяо ча, д̇ат̇аа д̇хаммабажжанийяз, д̇хаммаануломабажжанийяз, д̇хаммабажжанийяаануломзд̇и жад̇увийсад̇и саманд̇абадтаанаани зд̇ассаад̇и жад̇увийсад̇исаманд̇абадтаанам̣, д̇ам̣ бана бажжаяаануломаад̣̇ивасзна вибхаж̇ияамаанам̣ абаримаан̣анаяам̣ зваад̇и ааха ‘‘ананд̇анаяамахаабадтаанабадиман̣д̣ид̇а’’нд̇и. сад̇т̇угижжам̣ саад̇хзссад̇ийд̇и канд̇хаад̣̇ивибхааг̇зна н̃ааяамаанам̣ жад̇усажжасамб̣од̇хаавахад̇д̇аа сад̇т̇аараа саммаасамб̣уд̣̇д̇хзна гаад̇аб̣б̣агижжам̣ нибпаад̣̇зссад̇и.

    Tenatenākārenāti tena tena veneyyānaṃ ajjhāsayānurūpena pakārena. Ime dhammeti ime sattatiṃsabodhipakkhiyadhamme. Tappadhānattā suttantadesanāya ‘‘suttantapiṭakaṃ desita’’nti vuttaṃ. Satthukiccaṃ sādhessati taṃtaṃcariyānurūpaṃ sammāpaṭipattiyā anusāsanato. Kusalākusalābyākatavasena nava hetū. ‘‘Satta phassā’’tiādi sattaviññāṇadhātusampayogavasena vuttaṃ. Dhammānulome tikapaṭṭhānādayo cha, tathā dhammapaccanīye, dhammānulomapaccanīye, dhammapaccanīyānulometi catuvīsati samantapaṭṭhānāni etassāti catuvīsatisamantapaṭṭhānaṃ, taṃ pana paccayānulomādivasena vibhajiyamānaṃ aparimāṇanayaṃ evāti āha ‘‘anantanayamahāpaṭṭhānapaṭimaṇḍita’’nti. Satthukiccaṃ sādhessatīti khandhādivibhāgena ñāyamānaṃ catusaccasambodhāvahattā satthārā sammāsambuddhena kātabbakiccaṃ nipphādessati.

    овад̣̇иссанд̇и анусаасиссанд̇и оваад̣̇аанусаасанийгижжанибпаад̣̇анад̇о.

    Ovadissanti anusāsissanti ovādānusāsanīkiccanipphādanato.

    жаарид̇д̇анд̇и самуд̣̇аажаараа, навзсу бияаалаабам̣ вуд̣дхзсу г̇аараваалаабанд̇и ад̇т̇о. д̇знааха ‘‘бханд̇зд̇и ваа ааяасмаад̇и ваа’’д̇и. г̇аарававажанам̣ хзд̇ам̣ яад̣̇ид̣̇ам̣ бханд̇зд̇и ваа ааяасмаад̇и ваа, логз бана ‘‘д̇ад̇ра бхава’’нд̇и, ‘‘д̣̇зваанам̣ бияаа’’д̇и жа г̇аарававажанамзва.

    Cārittanti samudācārā, navesu piyālāpaṃ vuḍḍhesu gāravālāpanti attho. Tenāha ‘‘bhanteti vā āyasmāti vā’’ti. Gāravavacanaṃ hetaṃ yadidaṃ bhanteti vā āyasmāti vā, loke pana ‘‘tatra bhava’’nti, ‘‘devānaṃ piyā’’ti ca gāravavacanameva.

    ‘‘ааган̇камаано самууханад̇уу’’д̇и вуд̇д̇з ‘‘на ааган̇камаано на самууханад̇уу’’д̇иби вуд̇д̇амзва ход̇ийд̇и ааха ‘‘вигаббаважанзнзва табзсий’’д̇и. б̣аланд̇и н̃аан̣аб̣алам̣. яад̣̇и асамуухананам̣ д̣̇идтам̣, д̇ад̣̇зва жа ижчид̇ам̣, ат̇а гасмаа бхаг̇аваа ‘‘ааган̇камаано самууханад̇уу’’д̇и авожаад̇и? д̇ат̇ааруубабуг̇г̇алаж̇жхаасаяавасзна. санд̇и хи гзжи куд̣̇д̣̇аанукуд̣̇д̣̇агаани сигкаабад̣̇аани самаад̣̇ааяа сам̣вад̇д̇ид̇ум̣ анижчанд̇аа, д̇зсам̣ д̇ат̇аа авужжамаанз бхаг̇авад̇и вигхаад̇о уббаж̇ж̇зяяа, д̇ам̣ д̇зсам̣ бхависсад̇и д̣̇ийгхарад̇д̇ам̣ ахид̇ааяа д̣̇угкааяа, д̇ат̇аа бана вуд̇д̇з д̇зсам̣ вигхаад̇о на уббаж̇ж̇зяяа ‘‘амхаагам̣ звааяам̣ д̣̇осо, яад̇о амхзсу зва гзжи самуухананам̣ на ижчанд̇ий’’д̇и. гзжи ‘‘сагаласса бана саасанасса сан̇гхааяад̇д̇абхаавагаран̣ад̇т̇ам̣ д̇ат̇аа вуд̇д̇а’’нд̇и вад̣̇анд̇и. яан̃жа гин̃жи сад̇т̇аараа сигкаабад̣̇ам̣ бан̃н̃ад̇д̇ам̣, д̇ам̣ саман̣аа сагяабуд̇д̇ияаа сирасаа самбадижчид̇ваа ж̇ийвид̇ам̣ вияа рагканд̇и. д̇ат̇аа хи д̇з ‘‘куд̣̇д̣̇аанукуд̣̇д̣̇агаани сигкаабад̣̇аани ааган̇камаано сан̇гхо самууханад̇уу’’д̇и вуд̇д̇зби на самууханим̣су, ан̃н̃ад̣̇ад̇т̇у ‘‘бурад̇о вияа д̇асса ажжаязби рагким̣су зваа’’д̇и сад̇т̇усаасанасса , сан̇гхасса жа маханд̇абхаавад̣̇ассанад̇т̇амби д̇ат̇аа вуд̇д̇анд̇и д̣̇адтаб̣б̣ам̣. д̇ат̇аа хи ааяасмаа аананд̣̇о, ан̃н̃зби ваа бхигкуу ‘‘гад̇амам̣ бана бханд̇з куд̣̇д̣̇агам̣, гад̇амам̣ анукуд̣̇д̣̇ага’’нд̇и на бужчим̣су самууханаж̇жхаасаяассзва абхаавад̇о.

    ‘‘Ākaṅkhamāno samūhanatū’’ti vutte ‘‘na ākaṅkhamāno na samūhanatū’’tipi vuttameva hotīti āha ‘‘vikappavacaneneva ṭhapesī’’ti. Balanti ñāṇabalaṃ. Yadi asamūhananaṃ diṭṭhaṃ, tadeva ca icchitaṃ, atha kasmā bhagavā ‘‘ākaṅkhamāno samūhanatū’’ti avocāti? Tathārūpapuggalajjhāsayavasena. Santi hi keci khuddānukhuddakāni sikkhāpadāni samādāya saṃvattituṃ anicchantā, tesaṃ tathā avuccamāne bhagavati vighāto uppajjeyya, taṃ tesaṃ bhavissati dīgharattaṃ ahitāya dukkhāya, tathā pana vutte tesaṃ vighāto na uppajjeyya ‘‘amhākaṃ evāyaṃ doso, yato amhesu eva keci samūhananaṃ na icchantī’’ti. Keci ‘‘sakalassa pana sāsanassa saṅghāyattabhāvakaraṇatthaṃ tathā vutta’’nti vadanti. Yañca kiñci satthārā sikkhāpadaṃ paññattaṃ, taṃ samaṇā sakyaputtiyā sirasā sampaṭicchitvā jīvitaṃ viya rakkhanti. Tathā hi te ‘‘khuddānukhuddakāni sikkhāpadāni ākaṅkhamāno saṅgho samūhanatū’’ti vuttepi na samūhaniṃsu, aññadatthu ‘‘purato viya tassa accayepi rakkhiṃsu evā’’ti satthusāsanassa , saṅghassa ca mahantabhāvadassanatthampi tathā vuttanti daṭṭhabbaṃ. Tathā hi āyasmā ānando, aññepi vā bhikkhū ‘‘katamaṃ pana bhante khuddakaṃ, katamaṃ anukhuddaka’’nti na pucchiṃsu samūhanajjhāsayasseva abhāvato.

    на д̇ам̣ звам̣ г̇ахзд̇аб̣б̣анд̇и ‘‘нааг̇асзнад̇т̇зро куд̣̇д̣̇аанукуд̣̇д̣̇агам̣ ж̇аанаад̇ий’’д̇иаад̣̇инаа вуд̇д̇ам̣ д̇ам̣ нзсам̣ важанам̣ иминаа вуд̇д̇аагаарзна на г̇ахзд̇аб̣б̣ам̣ ад̇хиббааяасса авид̣̇ид̇ад̇д̇аа. ид̣̇аани д̇ам̣ ад̇хиббааяам̣ вибхаавзд̇ум̣ ‘‘нааг̇асзнад̇т̇зро хий’’д̇иаад̣̇и вуд̇д̇ам̣. яасмаа нааг̇асзнад̇т̇зро (милинд̣̇абан̃хз абхзж̇ж̇аваг̇г̇з вид̇т̇ааро) барзсам̣ ваад̣̇абат̇обажчзд̣̇анад̇т̇ам̣ сан̇г̇ийд̇игаалз д̇хаммасан̇г̇аахагамахаат̇зрзхи г̇ахид̇агодтаасзсу жа анд̇имагодтаасамзва г̇ахзд̇ваа милинд̣̇арааж̇аанам̣ бан̃н̃аабзси. махаагассабад̇т̇зро бана згасигкаабад̣̇амби асамууханид̇угаамад̇ааяа д̇ат̇аа гаммаваажам̣ саавзд̇и, д̇асмаа д̇ам̣ д̇зсам̣ важанам̣ д̇ат̇аа на г̇ахзд̇аб̣б̣ам̣.

    Na taṃ evaṃ gahetabbanti ‘‘nāgasenatthero khuddānukhuddakaṃ jānātī’’tiādinā vuttaṃ taṃ nesaṃ vacanaṃ iminā vuttākārena na gahetabbaṃ adhippāyassa aviditattā. Idāni taṃ adhippāyaṃ vibhāvetuṃ ‘‘nāgasenattherohī’’tiādi vuttaṃ. Yasmā nāgasenatthero (milindapañhe abhejjavagge vitthāro) paresaṃ vādapathopacchedanatthaṃ saṅgītikāle dhammasaṅgāhakamahātherehi gahitakoṭṭhāsesu ca antimakoṭṭhāsameva gahetvā milindarājānaṃ paññāpesi. Mahākassapatthero pana ekasikkhāpadampi asamūhanitukāmatāya tathā kammavācaṃ sāveti, tasmā taṃ tesaṃ vacanaṃ tathā na gahetabbaṃ.

    217. д̣̇взл̣хаганд̇и д̣̇вид̇хааг̇аахо, анзгам̣саг̇г̇ааход̇и ад̇т̇о. вимад̇ийд̇и сам̣саяаабад̇д̇и. д̇знааха ‘‘винижчид̇ум̣ асамад̇т̇ад̇аа’’д̇и. д̇ам̣ во вад̣̇аамийд̇и д̇ам̣ сам̣саяаванд̇ам̣ бхигкум̣ санд̇хааяа во д̇умхз вад̣̇аами.

    217.Dveḷhakanti dvidhāgāho, anekaṃsaggāhoti attho. Vimatīti saṃsayāpatti. Tenāha ‘‘vinicchituṃ asamatthatā’’ti. Taṃ vo vadāmīti taṃ saṃsayavantaṃ bhikkhuṃ sandhāya vo tumhe vadāmi.

    нигган̇кабхаавабажжагкагаран̣ан̃аан̣ам̣ язваад̇и б̣уд̣̇д̇хаад̣̇ийсу д̇зсам̣ бхигкуунам̣ нигган̇кабхаавасса бажжагкагаарияаабхаавад̇о д̇амад̇т̇ам̣ бадивиж̇жхид̇ваа тид̇ам̣ саб̣б̣ан̃н̃уд̇ан̃н̃аан̣амзва. зд̇т̇а зд̇асмим̣ ад̇т̇з.

    Nikkaṅkhabhāvapaccakkhakaraṇañāṇaṃ yevāti buddhādīsu tesaṃ bhikkhūnaṃ nikkaṅkhabhāvassa paccakkhakāriyābhāvato tamatthaṃ paṭivijjhitvā ṭhitaṃ sabbaññutaññāṇameva. Ettha etasmiṃ atthe.

    218. аббамаж̇ж̇анам̣ аббамаад̣̇о, со бана ад̇т̇ад̇о н̃аан̣уубасан̃хид̇аа сад̇и. яасмаа д̇ад̇т̇а сад̇ияаа б̣яаабааро саад̇исаяо, д̇асмаа ‘‘сад̇иавиббаваасзнаа’’д̇и вуд̇д̇ам̣. аббамаад̣̇абад̣̇зязва багкибид̇ваа ад̣̇ааси д̇ам̣ ад̇т̇ад̇о, д̇асса сагаласса б̣уд̣̇д̇хаважанасса сан̇г̇ан̣ханад̇о жа.

    218. Appamajjanaṃ appamādo, so pana atthato ñāṇūpasañhitā sati. Yasmā tattha satiyā byāpāro sātisayo, tasmā ‘‘satiavippavāsenā’’ti vuttaṃ. Appamādapadeyeva pakkhipitvā adāsi taṃ atthato, tassa sakalassa buddhavacanassa saṅgaṇhanato ca.

    бариниб̣б̣уд̇агат̇ааван̣н̣анаа

    Parinibbutakathāvaṇṇanā

    219. жхаанаад̣̇ийсу, жид̇д̇з жа барамуггам̣саг̇ад̇авасийбхаавад̇ааяа ‘‘зд̇д̇агз гаалз зд̇д̇агаа самаабад̇д̇ияо самаабаж̇ж̇ид̇ваа бариниб̣б̣ааяиссаамий’’д̇и гаалабарижчзд̣̇ам̣ гад̇ваа самаабад̇д̇и самаабаж̇ж̇анам̣ ‘‘бариниб̣б̣аанабаригамма’’нд̇и ад̇хиббзд̇ам̣. т̇зрод̇и ануруд̣̇д̇хад̇т̇зро.

    219. Jhānādīsu, citte ca paramukkaṃsagatavasībhāvatāya ‘‘ettake kāle ettakā samāpattiyo samāpajjitvā parinibbāyissāmī’’ti kālaparicchedaṃ katvā samāpatti samāpajjanaṃ ‘‘parinibbānaparikamma’’nti adhippetaṃ. Theroti anuruddhatthero.

    аяамби жаад̇и яат̇аавуд̇д̇абан̃жасадтияаа жхаанаанам̣ самаабаннабхаавагат̇ааби сан̇кзбагат̇аа зва, гасмаа ? яасмаа бхаг̇аваа д̇ад̣̇ааби д̣̇звасигам̣ вал̣ан̃ж̇анасамаабад̇д̇ияо саб̣б̣ааби абарихаабзд̇ваа самаабаж̇ж̇и зваад̇и д̣̇ассзнд̇о ‘‘ниб̣б̣аанабурам̣ бависанд̇о’’д̇иаад̣̇имааха.

    Ayampicāti yathāvuttapañcasaṭṭhiyā jhānānaṃ samāpannabhāvakathāpi saṅkhepakathā eva, kasmā ? Yasmā bhagavā tadāpi devasikaṃ vaḷañjanasamāpattiyo sabbāpi aparihāpetvā samāpajji evāti dassento ‘‘nibbānapuraṃ pavisanto’’tiādimāha.

    имаани д̣̇взби самананд̇араанзва бажжавзгкан̣ааяаби язбхуяязнаананд̇арияагад̇ааяа жхаанабагкигабхаавад̇о, яасмаа бхаван̇г̇ажид̇д̇ам̣ саб̣б̣абажчимам̣, д̇ад̇о бхавад̇о жаванад̇о ‘‘жуд̇ий’’д̇и вужжад̇и, д̇асмаа на гзвалам̣ аяамзва бхаг̇аваа, ат̇а ко саб̣б̣зби сад̇д̇аа бхаван̇г̇ажид̇д̇знзва жаванд̇ийд̇и д̣̇ассзд̇ум̣ ‘‘яз хи гзжий’’д̇иаад̣̇и вуд̇д̇ам̣.

    Imāni dvepi samanantarāneva paccavekkhaṇāyapi yebhuyyenānantariyakatāya jhānapakkhikabhāvato, yasmā bhavaṅgacittaṃ sabbapacchimaṃ, tato bhavato cavanato ‘‘cutī’’ti vuccati, tasmā na kevalaṃ ayameva bhagavā, atha kho sabbepi sattā bhavaṅgacitteneva cavantīti dassetuṃ ‘‘ye hi kecī’’tiādi vuttaṃ.

    220. бадибхааг̇абуг̇г̇алавирахид̇од̇и сийлаад̣̇иг̇ун̣зхи асад̣̇исад̇ааяа сад̣̇исабуг̇г̇аларахид̇о.

    220.Paṭibhāgapuggalavirahitoti sīlādiguṇehi asadisatāya sadisapuggalarahito.

    221. сан̇каараа вуубасаманд̇и зд̇т̇аад̇и вуубасамод̇и звам̣сан̇каад̇ам̣ н̃аад̇ам̣ гат̇ид̇ам̣ ниб̣б̣аанам̣.

    221. Saṅkhārā vūpasamanti etthāti vūpasamoti evaṃsaṅkhātaṃ ñātaṃ kathitaṃ nibbānaṃ.

    222. яанд̇и бажжад̇д̇з убаяог̇аважананд̇и ааха ‘‘яо гаалам̣ агарий’’д̇и.

    222.Yanti paccatte upayogavacananti āha ‘‘yo kālaṃ akarī’’ti.

    сувигасид̇знзваад̇и бийд̇исоманассаяог̇ад̇о судту вигасид̇зна муд̣̇ид̇зна. взд̣̇анам̣ ад̇хиваасзси абхаавасамуд̣̇аяо гад̇о судту барин̃н̃аад̇ад̇д̇аа. анааваран̣авимогко саб̣б̣асо ниб̣б̣уд̇абхаавад̇о.

    Suvikasitenevāti pītisomanassayogato suṭṭhu vikasitena muditena. Vedanaṃ adhivāsesi abhāvasamudayo kato suṭṭhu pariññātattā. Anāvaraṇavimokkho sabbaso nibbutabhāvato.

    223. аагаронд̇и ад̇д̇ано палаани самаанаагаарз гаронд̇ийд̇и аагаараа, гааран̣аани. саб̣б̣аагаараваруубзд̇зд̇и саб̣б̣зхи аагаараварзхи уд̇д̇амагааран̣зхи сийлаад̣̇иг̇ун̣зхи саманнааг̇ад̇зд̇и ад̇т̇о.

    223. Ākaronti attano phalāni samānākāre karontīti ākārā, kāraṇāni. Sabbākāravarūpeteti sabbehi ākāravarehi uttamakāraṇehi sīlādiguṇehi samannāgateti attho.

    225. гат̇ам̣бхууд̇аад̇и гийд̣̇исаабхууд̇аа.

    225.Kathaṃbhūtāti kīdisābhūtā.

    жуллагад̣̇д̇хаананд̇и барид̇д̇ам̣ гаалам̣ д̣̇вад̇д̇инаад̣игаамад̇д̇ам̣ взлам̣.

    Cullakaddhānanti parittaṃ kālaṃ dvattināḍikāmattaṃ velaṃ.

    б̣уд̣̇д̇хасарийрабууж̇ааван̣н̣анаа

    Buddhasarīrapūjāvaṇṇanā

    227. гам̣сад̇аал̣аад̣̇и д̇аал̣ам̣ аважарад̇и зд̇т̇аад̇и ‘‘д̇аал̣ааважара’’нд̇и вужжад̇и аад̇ад̇аад̣̇ид̇уурияабхан̣д̣ам̣. д̇знааха ‘‘саб̣б̣ам̣ д̇уурияабхан̣д̣а’’нд̇и.

    227. Kaṃsatāḷādi tāḷaṃ avacarati etthāti ‘‘tāḷāvacara’’nti vuccati ātatāditūriyabhaṇḍaṃ. Tenāha ‘‘sabbaṃ tūriyabhaṇḍa’’nti.

    д̣̇агкин̣ад̣̇исаабхааг̇знзваад̇и ан̃н̃зна д̣̇исаабхааг̇зна анаахарид̇ваа яамагасаалаанам̣ таанад̇о д̣̇агкин̣ад̣̇исаабхааг̇знзва, д̇ад̇оби д̣̇агкин̣ад̣̇исаабхааг̇ам̣ харид̇ваа нзд̇ваа.

    Dakkhiṇadisābhāgenevāti aññena disābhāgena anāharitvā yamakasālānaṃ ṭhānato dakkhiṇadisābhāgeneva, tatopi dakkhiṇadisābhāgaṃ haritvā netvā.

    ж̇зд̇аванасад̣̇исзд̇и саавад̇т̇ияаа ж̇зд̇аванасад̣̇исз таанз, ‘‘ж̇зд̇аванасад̣̇исз таанз’’д̇иби баато.

    Jetavanasadiseti sāvatthiyā jetavanasadise ṭhāne, ‘‘jetavanasadise ṭhāne’’tipi pāṭho.

    228. басаад̇ханаман̇г̇аласаалааяаад̇и абхисзгагаалз алан̇гаран̣аман̇г̇аласаалааяа.

    228.Pasādhanamaṅgalasālāyāti abhisekakāle alaṅkaraṇamaṅgalasālāya.

    229. д̣̇звад̣̇аанияод̇и д̇асса жорасса наамам̣.

    229.Devadāniyoti tassa corassa nāmaṃ.

    махаагассабад̇т̇зравад̇т̇уван̣н̣анаа

    Mahākassapattheravatthuvaṇṇanā

    231. баавааяаад̇и бааваа наг̇арад̇о. ааваж̇ж̇анабадиб̣ад̣̇д̇хад̇д̇аа ж̇аананасса анааваж̇ж̇ид̇ад̇д̇аа сад̇т̇у бариниб̣б̣аанам̣ аж̇аананд̇о ‘‘д̣̇асаб̣алам̣ бассиссаамий’’д̇и т̇зро жинд̇зси, сад̇т̇у сарийрз ваа сад̇т̇усан̃н̃ам̣ уббаад̣̇знд̇о д̇ат̇аа жинд̇зси. д̇знзвааха ‘‘ат̇а бхаг̇аванд̇ам̣ угкибид̇ваа’’д̇и. ‘‘д̇хувам̣ бариниб̣б̣уд̇о бхависсад̇ий’’д̇и жинд̇зси баарисзсан̃ааязна. ж̇аананд̇оби т̇зро ааж̇ийвагам̣ бужчиязва, бужчанз бана гааран̣ам̣ саяамзва багаасзд̇ум̣ ‘‘гим̣ банаа’’д̇иаад̣̇и аарад̣̇д̇хам̣.

    231.Pāvāyāti pāvā nagarato. Āvajjanapaṭibaddhattā jānanassa anāvajjitattā satthu parinibbānaṃ ajānanto ‘‘dasabalaṃ passissāmī’’ti thero cintesi, satthu sarīre vā satthusaññaṃ uppādento tathā cintesi. Tenevāha ‘‘atha bhagavantaṃ ukkhipitvā’’ti. ‘‘Dhuvaṃ parinibbuto bhavissatī’’ti cintesi pārisesañāyena. Jānantopi thero ājīvakaṃ pucchiyeva, pucchane pana kāraṇaṃ sayameva pakāsetuṃ ‘‘kiṃ panā’’tiādi āraddhaṃ.

    аж̇ж̇а сад̇д̇аахабариниб̣б̣уд̇од̇и аж̇ж̇а д̣̇ивасад̇о бадиломад̇о сад̇д̇амз ахани бариниб̣б̣уд̇о.

    Ajja sattāhaparinibbutoti ajja divasato paṭilomato sattame ahani parinibbuto.

    232. наал̣ияаа ваабагзнаад̇и наал̣ияаа жзва т̇авигааяа жа.

    232.Nāḷiyā vāpakenāti nāḷiyā ceva thavikāya ca.

    ман̃ж̇угзд̇и ман̃ж̇убхаан̣инз мад̇хурассарз. бадибхаанзяяагзд̇и бадибхаанаванд̇з. бхун̃ж̇ид̇ваа баад̇аб̣б̣аяааг̇ууд̇и батамам̣ бхун̃ж̇ид̇ваа бивид̇аб̣б̣аяааг̇у.

    Mañjuketi mañjubhāṇine madhurassare. Paṭibhāneyyaketi paṭibhānavante. Bhuñjitvā pātabbayāgūti paṭhamaṃ bhuñjitvā pivitabbayāgu.

    д̇ассаад̇и субхад̣̇д̣̇асса вуд̣дхабаб̣б̣аж̇ид̇асса.

    Tassāti subhaddassa vuḍḍhapabbajitassa.

    аараад̇хид̇асаасанзд̇и самаахид̇асаасанз. аланд̇и самад̇т̇о. баабод̇и баабабуг̇г̇ало. осаггаабзд̇унд̇и хаабзд̇ум̣ анд̇арад̇хаабзд̇ум̣.

    Ārādhitasāsaneti samāhitasāsane. Alanti samattho. Pāpoti pāpapuggalo. Osakkāpetunti hāpetuṃ antaradhāpetuṃ.

    бан̃хаваараад̇и бан̃хаа вияа виссаж̇ж̇анаани ‘‘яасмим̣ самаяз гаамааважарам̣ гусалам̣ жид̇д̇ам̣ уббаннам̣ ход̇ий’’д̇иаад̣̇инаа, (д̇ха. са. 1.1) ‘‘яасмим̣ самаяз руубуубабад̇д̇ияаа маг̇г̇ам̣ бхаавзд̇ий’’д̇иаад̣̇инаа (д̇ха. са. 1.251) жа бавад̇д̇аани згам̣ д̣̇вз бхууманд̇араани. муулз надтз бисаажасад̣̇исаа бхависсаамаад̇и яат̇аа ругкз ад̇хивад̇т̇о бисаажо д̇асса саакаабариваарз надтз канд̇хам̣ ниссааяа васад̇и, канд̇хз надтз муулам̣ ниссааяа васад̇и, муулз бана надтз аниссаяова ход̇и, д̇ат̇аа бхависсаамаад̇и ад̇т̇о. ат̇а ваа муулз надтзд̇и бисаажзна гира ругкаг̇ажчаад̣̇ийнам̣ ган̃жид̣̇зва муулам̣ чинд̣̇ид̇ваа ад̇д̇ано буд̇д̇асса д̣̇иннам̣, яаава д̇ам̣ д̇асса хад̇т̇ад̇о на виг̇ажчад̇и, д̇аава со д̇ам̣ бад̣̇зсам̣ ад̣̇иссамаанаруубо вижарад̇и. яад̣̇аа бана д̇асмим̣ гзнажи ажчиннабхаавзна ваа сад̇ивиббаваасавасзна ваа надтз мануссаанамби д̣̇иссамаанаруубо вижарад̇и, д̇ам̣ санд̇хааяааха ‘‘муулз надтз бисаажасад̣̇исаа бхависсаамаа’’д̇и.

    Pañhavārāti pañhā viya vissajjanāni ‘‘yasmiṃ samaye kāmāvacaraṃ kusalaṃ cittaṃ uppannaṃ hotī’’tiādinā, (dha. sa. 1.1) ‘‘yasmiṃ samaye rūpūpapattiyā maggaṃ bhāvetī’’tiādinā (dha. sa. 1.251) ca pavattāni ekaṃ dve bhūmantarāni.Mūle naṭṭhe pisācasadisā bhavissāmāti yathā rukkhe adhivattho pisāco tassa sākhāparivāre naṭṭhe khandhaṃ nissāya vasati, khandhe naṭṭhe mūlaṃ nissāya vasati, mūle pana naṭṭhe anissayova hoti, tathā bhavissāmāti attho. Atha vā mūle naṭṭheti pisācena kira rukkhagacchādīnaṃ kañcideva mūlaṃ chinditvā attano puttassa dinnaṃ, yāva taṃ tassa hatthato na vigacchati, tāva so taṃ padesaṃ adissamānarūpo vicarati. Yadā pana tasmiṃ kenaci acchinnabhāvena vā sativippavāsavasena vā naṭṭhe manussānampi dissamānarūpo vicarati, taṃ sandhāyāha ‘‘mūle naṭṭhe pisācasadisā bhavissāmā’’ti.

    мам̣ гааяасагким̣ гад̇ваад̇и д̇ам̣ бадибад̣̇ам̣ гааязна сажчигад̇аванд̇ам̣ д̇асмаа д̇ассаа д̣̇зсанааяа сагкибхууд̇ам̣ мам̣ гад̇ваа. бадижчаабзси д̇ам̣ бадижчаабанам̣ гассабасуд̇д̇зна д̣̇ийбзд̇аб̣б̣ам̣.

    Maṃ kāyasakkhiṃ katvāti taṃ paṭipadaṃ kāyena sacchikatavantaṃ tasmā tassā desanāya sakkhibhūtaṃ maṃ katvā. Paṭicchāpesi taṃ paṭicchāpanaṃ kassapasuttena dīpetabbaṃ.

    233. жанд̣̇анагхадигааб̣аахуллад̇о жанд̣̇анажид̇агаа.

    233. Candanaghaṭikābāhullato candanacitakā.

    д̇ам̣ суд̇ваад̇и д̇ам̣ ааяасмад̇аа ануруд̣̇д̇хад̇т̇зрзна вуд̇д̇ам̣ д̣̇звад̇аанам̣ ад̇хиббааяам̣ суд̇ваа.

    Taṃ sutvāti taṃ āyasmatā anuruddhattherena vuttaṃ devatānaṃ adhippāyaṃ sutvā.

    234. д̣̇асигад̇анд̇ам̣ ваад̇и баливзтид̇аахад̇агаасигавад̇т̇аанам̣ д̣̇асатаанзна д̇анд̇умад̇д̇амби ваа. д̣̇ааругканд̇хам̣ ваад̇и жанд̣̇анаад̣̇ижид̇агад̣̇ааругканд̇хам̣ ваа.

    234.Dasikatantaṃ vāti paliveṭhitaahatakāsikavatthānaṃ dasaṭhānena tantumattampi vā. Dārukkhandhaṃ vāti candanādicitakadārukkhandhaṃ vā.

    235. самуд̣̇ааязсу бавад̇д̇авохаараанам̣ аваяавзсу д̣̇иссанад̇о сарийрасса аваяавабхууд̇аани адтийни ‘‘сарийрааний’’д̇и вуд̇д̇аани.

    235. Samudāyesu pavattavohārānaṃ avayavesu dissanato sarīrassa avayavabhūtāni aṭṭhīni ‘‘sarīrānī’’ti vuttāni.

    на виббагирим̣сууд̇и саруубзнзва тид̇аад̇и ад̇т̇о. ‘‘сзсаа виббагирим̣суу’’д̇и вад̇ваа яат̇аа бана д̇аа виббагин̣н̣аа ахзсум̣, д̇ам̣ д̣̇ассзд̇ум̣ ‘‘д̇ад̇т̇аа’’д̇иаад̣̇и вуд̇д̇ам̣.

    Na vippakiriṃsūti sarūpeneva ṭhitāti attho. ‘‘Sesā vippakiriṃsū’’ti vatvā yathā pana tā vippakiṇṇā ahesuṃ, taṃ dassetuṃ ‘‘tatthā’’tiādi vuttaṃ.

    уд̣̇агад̇хаараа нигкамид̇ваа ниб̣б̣аабзсунд̇и д̣̇звад̇аанубхаавзна. звам̣ махад̇ияо б̣ахуу уд̣̇агад̇хаараа гимад̇т̇ааяаад̇и ааха ‘‘бхаг̇авад̇о жид̇аго маханд̇о’’д̇и. махаа хи со вийсарад̇анасад̇иго. адтад̣̇анд̇агзхийд̇и нан̇г̇алзхи адтзва хи нзсам̣ д̣̇анд̇асад̣̇исаани бод̇т̇аани хонд̇и, д̇асмаа ‘‘адтад̣̇анд̇агааний’’д̇и вужжад̇и.

    Udakadhārā nikkhamitvā nibbāpesunti devatānubhāvena. Evaṃ mahatiyo bahū udakadhārā kimatthāyāti āha ‘‘bhagavato citako mahanto’’ti. Mahā hi so vīsaratanasatiko. Aṭṭhadantakehīti naṅgalehi aṭṭheva hi nesaṃ dantasadisāni potthāni honti, tasmā ‘‘aṭṭhadantakānī’’ti vuccati.

    д̇хаммагат̇аава бамаан̣анд̇и ад̇ивияа ажчарияаб̣бхуд̇абхаавад̇о бассанд̇аанам̣, сун̣анд̇аанан̃жа саад̇исаяам̣ басаад̣̇аавахабхаавад̇о, сависзсам̣ б̣уд̣̇д̇хаанубхаавад̣̇ийбанад̇о. бариниб̣б̣уд̇асса хи б̣уд̣̇д̇хасса бхаг̇авад̇о зваруубо аанубхаавод̇и д̇ам̣ бавад̇д̇им̣ гат̇знд̇аанам̣ д̇хаммагат̇игаанам̣ ад̇д̇ано н̃аан̣аб̣алаануруубам̣ бавад̇д̇ияамаанаа д̇хаммагат̇аа звзд̇т̇а бамаан̣ам̣ ван̣н̣зд̇аб̣б̣асса ад̇т̇асса махаависаяад̇д̇аа, д̇асмаа ван̣н̣анаабхууми наамзсаад̇и ад̇хиббааяо. жад̇уж̇ж̇аад̇ияаг̇анд̇хабарибхан̣д̣ам̣ гаарзд̇ваад̇и д̇аг̇арагун̇гумаяаванабубпад̇амаалабад̇д̇аани бисид̇ваа гад̇аг̇анд̇хзна барибхан̣д̣ам̣ гаарзд̇ваа. кажид̇ваад̇и д̇ад̇т̇а д̇ад̇т̇а оламб̣анавасзна ражзд̇ваа, г̇анд̇хавад̇т̇ууни г̇ахзд̇ваа г̇ант̇ид̇амаалаа г̇анд̇хад̣̇аамаани рад̇анаавал̣ияо рад̇анад̣̇аамаани. б̣ахигилан̃ж̇абаригкзбасса, анд̇осаан̣ибаригкзбасса гаран̣зна саан̣игилан̃ж̇абаригкзбам̣ гаарзд̇ваа. ваад̇аг̇г̇аахинияо бадаагаа ваад̇абадаагаа. сарабхаруубабаад̣̇аго баллан̇го сарабхамаяабаллан̇го, д̇асмим̣ сарабхамаяабаллан̇гз.

    Dhammakathāvapamāṇanti ativiya acchariyabbhutabhāvato passantānaṃ, suṇantānañca sātisayaṃ pasādāvahabhāvato, savisesaṃ buddhānubhāvadīpanato. Parinibbutassa hi buddhassa bhagavato evarūpo ānubhāvoti taṃ pavattiṃ kathentānaṃ dhammakathikānaṃ attano ñāṇabalānurūpaṃ pavattiyamānā dhammakathā evettha pamāṇaṃ vaṇṇetabbassa atthassa mahāvisayattā, tasmā vaṇṇanābhūmi nāmesāti adhippāyo. Catujjātiyagandhaparibhaṇḍaṃ kāretvāti tagarakuṅkumayavanapupphatamālapattāni pisitvā katagandhena paribhaṇḍaṃ kāretvā. Khacitvāti tattha tattha olambanavasena racetvā, gandhavatthūni gahetvā ganthitamālā gandhadāmāni ratanāvaḷiyo ratanadāmāni. Bahikilañjaparikkhepassa, antosāṇiparikkhepassa karaṇena sāṇikilañjaparikkhepaṃ kāretvā. Vātaggāhiniyo paṭākā vātapaṭākā. Sarabharūpapādako pallaṅko sarabhamayapallaṅko, tasmiṃ sarabhamayapallaṅke.

    сад̇д̇ихад̇т̇аа бурисаа сад̇д̇ияо д̇ам̣сахажаран̣ад̇о яат̇аа ‘‘гунд̇аа бажаранд̇ий’’д̇и, д̇зхи саманд̇ад̇о рагкаабанам̣ бан̃жагаран̣анд̇и ааха ‘‘сад̇д̇ихад̇т̇зхи бурисзхи баригкибаабзд̇ваа’’д̇и. д̇хануухийд̇и зд̇т̇ааби зсзва наяо. саннаахаг̇аважчигам̣ вияа гад̇ваа ниранд̇араавадтид̇ааарагкасаннаахзна г̇аважчиж̇аалам̣ вияа гад̇ваа.

    Sattihatthā purisā sattiyo taṃsahacaraṇato yathā ‘‘kuntā pacarantī’’ti, tehi samantato rakkhāpanaṃ pañcakaraṇanti āha ‘‘sattihatthehi purisehi parikkhipāpetvā’’ti. Dhanūhīti etthāpi eseva nayo. Sannāhagavacchikaṃviya katvā nirantarāvaṭṭhitaārakkhasannāhena gavacchijālaṃ viya katvā.

    саад̇хугийл̣ид̇анд̇и сабарахид̇ам̣ саад̇ханадтзна саад̇хуу, д̇зсам̣ гийл̣ид̇ам̣ ул̣аарабун̃н̃абасаванад̇о, самбарааяигад̇т̇аавирод̇хигам̣ гийл̣аавихааранд̇и ад̇т̇о.

    Sādhukīḷitanti saparahitaṃ sādhanaṭṭhena sādhū, tesaṃ kīḷitaṃ uḷārapuññapasavanato, samparāyikatthāvirodhikaṃ kīḷāvihāranti attho.

    сарийрад̇хаад̇увибхаж̇анаван̣н̣анаа

    Sarīradhātuvibhajanavaṇṇanā

    236. иминаава нияаамзнаад̇и язна нийхаарзна махаад̇алз нисинно ган̃жи барихаарам̣ агад̇ваа гзвалам̣ иминаа нияаамзнзва. субинагод̇и д̣̇уссубинаго. д̣̇угуулад̣̇убаддам̣ ниваасзд̇ваад̇и д̣̇вз д̣̇угуулавад̇т̇аани згаж̇жхам̣ гад̇ваа ниваасзд̇ваа. зван̃хи д̇аани согасамаббид̇ассааби абхассид̇ваа д̇идтанд̇и.

    236.Imināva niyāmenāti yena nīhārena mahātale nisinno kañci parihāraṃ akatvā kevalaṃ iminā niyāmeneva. Supinakoti dussupinako. Dukūladupaṭṭaṃ nivāsetvāti dve dukūlavatthāni ekajjhaṃ katvā nivāsetvā. Evañhi tāni sokasamappitassāpi abhassitvā tiṭṭhanti.

    абхисзгасин̃жагод̇и раж̇ж̇аабхисзгз абхисзгаман̇г̇аласин̃жаго уд̇д̇амаман̇г̇алабхаавад̇о. висан̃н̃ий ж̇аад̇о яат̇аа д̇ам̣ бхаг̇авад̇о г̇ун̣ависзсаамад̇арасан̃н̃уд̇ааяа авадтид̇абзмо бот̇уж̇ж̇анигасад̣̇д̇хааяа бад̇идтид̇абасаад̣̇о гад̇уубагаарад̇ааяа сан̃ж̇анид̇ажид̇д̇амад̣̇д̣̇аво.

    Abhisekasiñcakoti rajjābhiseke abhisekamaṅgalasiñcako uttamamaṅgalabhāvato. Visaññī jāto yathā taṃ bhagavato guṇavisesāmatarasaññutāya avaṭṭhitapemo pothujjanikasaddhāya patiṭṭhitapasādo katūpakāratāya sañjanitacittamaddavo.

    суван̣н̣аб̣имб̣исагаван̣н̣анд̇и сувиражид̇а абассзнасад̣̇исам̣.

    Suvaṇṇabimbisakavaṇṇanti suviracita apassenasadisaṃ.

    гасмаа банзд̇т̇а баавзяяагаа баал̣ияам̣ саб̣б̣абажчад̇о г̇ахид̇аа, гим̣ д̇з гусинаарааяа аасаннад̇арааби саб̣б̣абажчад̇о удтид̇аа? аама, саб̣б̣абажчад̇о удтид̇аад̇и д̣̇ассзд̇ум̣ ‘‘д̇ад̇т̇а баавзяяагаа’’д̇иаад̣̇и вуд̇д̇ам̣.

    Kasmā panettha pāveyyakā pāḷiyaṃ sabbapacchato gahitā, kiṃ te kusinārāya āsannatarāpi sabbapacchato uṭṭhitā? Āma, sabbapacchato uṭṭhitāti dassetuṃ ‘‘tattha pāveyyakā’’tiādi vuttaṃ.

    д̇хаад̇убаасанад̇т̇анд̇и сад̇т̇у д̇хаад̇уунам̣ баяирубаасанааяа. нзсам̣ багкаа ахзсум̣ ‘‘н̃ааязна д̇зсам̣ санд̇агаа д̇хаад̇уяо’’д̇и.

    Dhātupāsanatthanti satthu dhātūnaṃ payirupāsanāya. Nesaṃ pakkhā ahesuṃ ‘‘ñāyena tesaṃ santakā dhātuyo’’ti.

    237. д̣̇он̣аг̇аж̇ж̇ид̇ам̣ наама авожа сад̇т̇у авад̇т̇ад̇д̇аяуубасам̣хид̇ам̣. зд̇ад̣̇ад̇т̇амзва хи бхаг̇аваа маг̇г̇ам̣ г̇ажчанд̇о ‘‘бажчад̇о ааг̇ажчанд̇о д̣̇он̣о б̣раахман̣о яаава мз бад̣̇авал̣ан̃ж̇ам̣ бассад̇и, д̇аава маа виг̇ажчад̇уу’’д̇и ад̇хидтааяа ан̃н̃ад̇арасмим̣ ругкамуулз нисийд̣̇и. д̣̇он̣оби ко б̣раахман̣о ‘‘имаани сад̣̇звагз логз аг̇г̇абуг̇г̇аласса бад̣̇ааний’’д̇и саллагкзнд̇о бад̣̇аанусаарзна сад̇т̇у санд̇игам̣ убаг̇ажчи, сад̇т̇аабисса д̇хаммам̣ д̣̇зсзси, д̇знаби со бхаг̇авад̇и нивидтасад̣̇д̇хо ахоси. зд̇ад̣̇авожа, гим̣ авожаад̇и ааха ‘‘сун̣анд̇у…бз… авожаа’’д̇и.

    237.Doṇagajjitaṃ nāma avoca satthu avatthattayūpasaṃhitaṃ. Etadatthameva hi bhagavā maggaṃ gacchanto ‘‘pacchato āgacchanto doṇo brāhmaṇo yāva me padavaḷañjaṃ passati, tāva mā vigacchatū’’ti adhiṭṭhāya aññatarasmiṃ rukkhamūle nisīdi. Doṇopi kho brāhmaṇo ‘‘imāni sadevake loke aggapuggalassa padānī’’ti sallakkhento padānusārena satthu santikaṃ upagacchi, satthāpissa dhammaṃ desesi, tenapi so bhagavati niviṭṭhasaddho ahosi. Etadavoca, kiṃ avocāti āha ‘‘suṇantu…pe… avocā’’ti.

    гааязна згасаннибаад̇аа ваажааяа згаважанаа абхиннаважанаа звам̣ самаг̇г̇аа хот̇а. д̇асса банид̣̇ам̣ гааран̣анд̇и ааха ‘‘саммод̣̇амаанаа’’д̇и. д̇знааха ‘‘жид̇д̇знааби ан̃н̃аман̃н̃ам̣ саммод̣̇амаанаа хот̇аа’’д̇и.

    Kāyena ekasannipātā vācāya ekavacanā abhinnavacanā evaṃ samaggā hotha. Tassa panidaṃ kāraṇanti āha ‘‘sammodamānā’’ti. Tenāha ‘‘cittenāpi aññamaññaṃ sammodamānā hothā’’ti.

    238. д̇ад̇о д̇ад̇о самааг̇ад̇асан̇гхаананд̇и д̇ад̇о д̇ад̇о ад̇д̇ано васанадтаанад̇о самааг̇анд̇ваа саннибад̇ид̇абхаавзна самааг̇ад̇асан̇гхаанам̣. д̇ат̇аа самаабад̇ид̇асамуухабхаавзна самааг̇ад̇аг̇ан̣аанам̣. важанасамбадижчанзна бадиссун̣ид̇ваа.

    238.Tato tato samāgatasaṅghānanti tato tato attano vasanaṭṭhānato samāgantvā sannipatitabhāvena samāgatasaṅghānaṃ. Tathā samāpatitasamūhabhāvena samāgatagaṇānaṃ. Vacanasampaṭicchanena paṭissuṇitvā.

    д̇хаад̇ут̇уубабууж̇ааван̣н̣анаа

    Dhātuthūpapūjāvaṇṇanā

    239. яагкаг̇г̇аахо д̣̇звад̇аавзсо. кибид̇агам̣ д̇хаад̇угкобхам̣ уббаад̣̇зд̇ваа кибид̇агарог̇о. арожаго аахаарасса аружжанарог̇о.

    239.Yakkhaggāho devatāveso. Khipitakaṃ dhātukkhobhaṃ uppādetvā khipitakarogo. Arocako āhārassa aruccanarogo.

    сад̇д̇амад̣̇ивасзд̇и сад̇д̇авассасад̇д̇амаасад̇о барад̇о сад̇д̇амз д̣̇ивасз. б̣алаануруубзнаад̇и вибхаваб̣алаануруубзна.

    Sattamadivaseti sattavassasattamāsato parato sattame divase. Balānurūpenāti vibhavabalānurūpena.

    бажчаа сан̇г̇ийд̇игаарагаад̇и д̣̇уд̇ияам̣ д̇ад̇ияам̣ сан̇г̇ийд̇игаарагаа. д̇хаад̇уунам̣ анд̇арааяам̣ д̣̇исваад̇и д̇ад̇т̇а д̇ад̇т̇а жзд̇ияз яат̇аабад̇идтаабид̇абхаавзнзва тид̇аанам̣ д̇хаад̇уунам̣ мижчаад̣̇идтигаанам̣ васзна анд̇арааяам̣ д̣̇исваа, махаад̇хаад̇унид̇хаанзна саммад̣̇зва рагкид̇аанам̣ анааг̇ад̇з асогзна д̇хаммаран̃н̃аа д̇ад̇о уд̣̇д̇харид̇ваа вид̇т̇аарид̇абхаавз гад̇з сад̣̇звагасса логасса хид̇асукаавахабхааван̃жа д̣̇исваад̇и ад̇хиббааяо. барижаран̣амад̇д̇амзваад̇и г̇ахзд̇ваа барижарид̇аб̣б̣ад̇хаад̇умад̇д̇амзва. рааж̇уунам̣ хад̇т̇з табзд̇ваа, на жзд̇иязсу. д̇ат̇аа хи бажчаа асогамахаарааж̇аа жзд̇иязсу д̇хаад̇уунам̣ на лабхад̇и.

    Pacchā saṅgītikārakāti dutiyaṃ tatiyaṃ saṅgītikārakā. Dhātūnaṃ antarāyaṃ disvāti tattha tattha cetiye yathāpatiṭṭhāpitabhāveneva ṭhitānaṃ dhātūnaṃ micchādiṭṭhikānaṃ vasena antarāyaṃ disvā, mahādhātunidhānena sammadeva rakkhitānaṃ anāgate asokena dhammaraññā tato uddharitvā vitthāritabhāve kate sadevakassa lokassa hitasukhāvahabhāvañca disvāti adhippāyo. Paricaraṇamattamevāti gahetvā paricaritabbadhātumattameva. Rājūnaṃ hatthe ṭhapetvā, na cetiyesu. Tathā hi pacchā asokamahārājā cetiyesu dhātūnaṃ na labhati.

    буримам̣ буримам̣ гад̇асса г̇ан̣ханаяог̇яам̣ бажчимам̣ бажчимам̣ гаарзнд̇о адта адта харижанд̣̇анаад̣̇имаяз гаран̣д̣з жа т̇уубз жа гаарзси. лохид̇ажанд̣̇анамаяаад̣̇ийсуби зсзва наяо. ман̣игаран̣д̣зсууд̇и лохид̇ан̇гамасаараг̇аллапалигамаяз табзд̇ваа авасзсаман̣ивижид̇д̇агзсу гаран̣д̣зсу.

    Purimaṃ purimaṃ katassa gaṇhanayogyaṃ pacchimaṃ pacchimaṃ kārento aṭṭha aṭṭha haricandanādimaye karaṇḍe ca thūpe ca kāresi. Lohitacandanamayādīsupi eseva nayo. Maṇikaraṇḍesūti lohitaṅkamasāragallaphalikamaye ṭhapetvā avasesamaṇivicittakesu karaṇḍesu.

    т̇уубаараамажзд̇ияаббамаан̣анд̇и д̣̇зваанам̣бияад̇иссамахаарааж̇зна гаарид̇ажзд̇ияаббамаан̣ам̣.

    Thūpārāmacetiyappamāṇanti devānaṃpiyatissamahārājena kāritacetiyappamāṇaṃ.

    маалаа маа милааяанд̇ууд̇и ‘‘яаава асого д̇хаммарааж̇аа б̣ахи жзд̇ияаани гаарзд̇ум̣ ид̇о д̇хаад̇уяо уд̣̇д̇хариссад̇и, д̇аава маалаа маа милааяанд̇уу’’д̇и ад̇хидтахид̇ваа. аавин̃чанараж̇ж̇уяанд̇и аг̇г̇ал̣аавин̃чанараж̇ж̇уяам̣. гун̃жигамуд̣̇д̣̇иганд̇и д̣̇вааравиваран̣ад̇т̇ам̣ гун̃жиган̃жзва муд̣̇д̣̇иган̃жа.

    Mālā mā milāyantūti ‘‘yāva asoko dhammarājā bahi cetiyāni kāretuṃ ito dhātuyo uddharissati, tāva mālā mā milāyantū’’ti adhiṭṭhahitvā. Āviñchanarajjuyanti aggaḷāviñchanarajjuyaṃ. Kuñcikamuddikanti dvāravivaraṇatthaṃ kuñcikañceva muddikañca.

    ваал̣асан̇гхаад̇аяанд̇анд̇и гуггулам̣ бадибхаяад̣̇ассанам̣ ан̃н̃аман̃н̃абадиб̣ад̣̇д̇хаг̇аманаад̣̇ид̇ааяа сан̇гхаадид̇аруубагаяанд̇ам̣ яож̇зси. д̇знааха ‘‘гадтаруубагааний’’д̇иаад̣̇и. аан̣ияаа б̣анд̇хид̇ваад̇и анзгагадтаруубавижид̇д̇аяанд̇ам̣ ад̇д̇ано д̣̇зваанубхаавзна згааяа зва аан̣ияаа б̣анд̇хид̇ваа виссагаммо д̣̇звалогамзва г̇ад̇о. ‘‘саманд̇ад̇о’’д̇иаад̣̇и бана д̇асмим̣ д̇хаад̇унид̣̇аанз аж̇аад̇асад̇д̇уно гижжависзсаанудтаанад̣̇ассанам̣.

    Vāḷasaṅghātayantanti kukkulaṃ paṭibhayadassanaṃ aññamaññapaṭibaddhagamanāditāya saṅghāṭitarūpakayantaṃ yojesi. Tenāha ‘‘kaṭṭharūpakānī’’tiādi. Āṇiyā bandhitvāti anekakaṭṭharūpavicittayantaṃ attano devānubhāvena ekāya eva āṇiyā bandhitvā vissakammo devalokameva gato. ‘‘Samantato’’tiādi pana tasmiṃ dhātunidāne ajātasattuno kiccavisesānuṭṭhānadassanaṃ.

    ‘‘асугадтаанз наама д̇хаад̇унид̇хаана’’нд̇и ран̃н̃аа бужчид̇з ‘‘д̇асмим̣ саннибаад̇з висзсалаабхино наахзсу’’нд̇и гзжи. ‘‘ад̇д̇аанам̣ ниг̇уухид̇ваа д̇асса вуд̣дхад̇арасса важанам̣ ниссааяа виймам̣санд̇о ж̇ааниссад̇ийд̇и на гат̇зсу’’нд̇и абарз. яагкад̣̇аасагзд̇и убахаараад̣̇ивид̇хинаа д̣̇звад̇аавзсанагз бхууд̇аавиг̇г̇аахагз.

    ‘‘Asukaṭṭhāne nāma dhātunidhāna’’nti raññā pucchite ‘‘tasmiṃ sannipāte visesalābhino nāhesu’’nti keci. ‘‘Attānaṃ nigūhitvā tassa vuḍḍhatarassa vacanaṃ nissāya vīmaṃsanto jānissatīti na kathesu’’nti apare. Yakkhadāsaketi upahārādividhinā devatāvesanake bhūtāviggāhake.

    имам̣ бад̣̇анд̇и ‘‘звамзд̇ам̣ бхууд̇абуб̣б̣а’’нд̇и д̣̇уд̇ияасан̇г̇ийд̇игаарзхи табид̇ам̣ имам̣ бад̣̇ам̣. махаад̇хаад̇унид̇хаанамби д̇асса ад̇т̇ам̣ гад̇ваа д̇ад̇ияасан̇г̇ийд̇игаарааби табаяим̣су.

    Imaṃpadanti ‘‘evametaṃ bhūtapubba’’nti dutiyasaṅgītikārehi ṭhapitaṃ imaṃ padaṃ. Mahādhātunidhānampi tassa atthaṃ katvā tatiyasaṅgītikārāpi ṭhapayiṃsu.

    махаабариниб̣б̣аанасуд̇д̇аван̣н̣анааяа лийнад̇т̇аббагаасанаа.

    Mahāparinibbānasuttavaṇṇanāya līnatthappakāsanā.




    Next: 4. махаасуд̣̇ассанасуд̇д̇аван̣н̣анаа • 4. Mahāsudassanasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 3. махаабариниб̣б̣аанасуд̇д̇ам̣ • 3. Mahāparinibbānasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 3. махаабариниб̣б̣аанасуд̇д̇аван̣н̣анаа • 3. Mahāparinibbānasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact