| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१२. महापरिवारवग्गो
12. Mahāparivāravaggo
१. महापरिवारकत्थेरअपदानं
1. Mahāparivārakattheraapadānaṃ
१.
1.
‘‘विपस्सी नाम भगवा, लोकजेट्ठो नरासभो।
‘‘Vipassī nāma bhagavā, lokajeṭṭho narāsabho;
अट्ठसट्ठिसहस्सेहि, पाविसि बन्धुमं तदा॥
Aṭṭhasaṭṭhisahassehi, pāvisi bandhumaṃ tadā.
२.
2.
‘‘नगरा अभिनिक्खम्म, अगमं दीपचेतियं।
‘‘Nagarā abhinikkhamma, agamaṃ dīpacetiyaṃ;
अद्दसं विरजं बुद्धं, आहुतीनं पटिग्गहं॥
Addasaṃ virajaṃ buddhaṃ, āhutīnaṃ paṭiggahaṃ.
३.
3.
‘‘चुल्लासीतिसहस्सानि, यक्खा मय्हं उपन्तिके।
‘‘Cullāsītisahassāni, yakkhā mayhaṃ upantike;
४.
4.
‘‘भवना अभिनिक्खम्म, दुस्सं पग्गय्हहं तदा।
‘‘Bhavanā abhinikkhamma, dussaṃ paggayhahaṃ tadā;
सिरसा अभिवादेसिं, तञ्चादासिं महेसिनो॥
Sirasā abhivādesiṃ, tañcādāsiṃ mahesino.
५.
5.
‘‘अहो बुद्धो अहो धम्मो, अहो नो सत्थु सम्पदा।
‘‘Aho buddho aho dhammo, aho no satthu sampadā;
बुद्धस्स आनुभावेन, वसुधायं पकम्पथ॥
Buddhassa ānubhāvena, vasudhāyaṃ pakampatha.
६.
6.
‘‘तञ्च अच्छरियं दिस्वा, अब्भुतं लोमहंसनं।
‘‘Tañca acchariyaṃ disvā, abbhutaṃ lomahaṃsanaṃ;
बुद्धे चित्तं पसादेमि, द्विपदिन्दम्हि तादिने॥
Buddhe cittaṃ pasādemi, dvipadindamhi tādine.
७.
7.
‘‘सोहं चित्तं पसादेत्वा, दुस्सं दत्वान सत्थुनो।
‘‘Sohaṃ cittaṃ pasādetvā, dussaṃ datvāna satthuno;
सरणञ्च उपागच्छिं, सामच्चो सपरिज्जनो॥
Saraṇañca upāgacchiṃ, sāmacco saparijjano.
८.
8.
‘‘एकनवुतितो कप्पे, यं कम्ममकरिं तदा।
‘‘Ekanavutito kappe, yaṃ kammamakariṃ tadā;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
९.
9.
सत्तरतनसम्पन्ना, चक्कवत्ती महब्बला॥
Sattaratanasampannā, cakkavattī mahabbalā.
१०.
10.
‘‘पटिसम्भिदा चतस्सो, विमोक्खापि च अट्ठिमे।
‘‘Paṭisambhidā catasso, vimokkhāpi ca aṭṭhime;
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा महापरिवारको थेरो इमा गाथायो अभासित्थाति।
Itthaṃ sudaṃ āyasmā mahāparivārako thero imā gāthāyo abhāsitthāti.
महापरिवारकत्थेरस्सापदानं पठमं।
Mahāparivārakattherassāpadānaṃ paṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १. महापरिवारकत्थेरअपदानवण्णना • 1. Mahāparivārakattheraapadānavaṇṇanā
