| Library / Tipiṭaka / д̇ибидага • Tipiṭaka / махаавибхан̇г̇а • Mahāvibhaṅga |
7. махаабзсагаарасигкаабад̣̇ам̣
7. Mahāpesakārasikkhāpadaṃ
641. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇аро бурисо баваасам̣ г̇ажчанд̇о баж̇аабад̇им̣ зд̇ад̣̇авожа – ‘‘суд̇д̇ам̣ д̇хаараяид̇ваа амугасса д̇анд̇авааяасса д̣̇зхи, жийварам̣ вааяаабзд̇ваа нигкиба, ааг̇ад̇о аяяам̣ убананд̣̇ам̣ жийварзна ажчаад̣̇зссаамий’’д̇и. ассоси ко ан̃н̃ад̇аро бин̣д̣ажаариго бхигку д̇асса бурисасса имам̣ ваажам̣ бхаасамаанасса. ат̇а ко со бхигку язнааяасмаа убананд̣̇о сагяабуд̇д̇о д̇знубасан̇гами; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ зд̇ад̣̇авожа – ‘‘махаабун̃н̃оси д̇вам̣, аавусо убананд̣̇а, амугасмим̣ огаасз ан̃н̃ад̇аро бурисо баваасам̣ г̇ажчанд̇о баж̇аабад̇им̣ зд̇ад̣̇авожа – ‘‘суд̇д̇ам̣ д̇хаараяид̇ваа амугасса д̇анд̇авааяасса д̣̇зхи, жийварам̣ вааяаабзд̇ваа нигкиба, ааг̇ад̇о аяяам̣ убананд̣̇ам̣ жийварзна ажчаад̣̇зссаамий’’д̇и. ‘‘ад̇т̇аавусо, мам̣ со убадтааго’’д̇и. соби ко д̇анд̇авааяо ааяасмад̇о убананд̣̇асса сагяабуд̇д̇асса убадтааго ход̇и. ат̇а ко ааяасмаа убананд̣̇о сагяабуд̇д̇о язна со д̇анд̇авааяо д̇знубасан̇гами; убасан̇гамид̇ваа д̇ам̣ д̇анд̇авааяам̣ зд̇ад̣̇авожа – ‘‘ид̣̇ам̣ ко, аавусо, жийварам̣ мам̣ уд̣̇д̣̇исса вияяад̇и; ааяад̇ан̃жа гарохи вид̇т̇ад̇ан̃жа. аббид̇ан̃жа сувийд̇ан̃жа суббавааяид̇ан̃жа сувилзкид̇ан̃жа сувид̇ажчид̇ан̃жа гарохий’’д̇и. ‘‘зд̇з ко мз, бханд̇з, суд̇д̇ам̣ д̇хаараяид̇ваа ад̣̇ам̣су; иминаа суд̇д̇зна жийварам̣ винаахий’’д̇и. ‘‘на, бханд̇з, саггаа ааяад̇ам̣ ваа вид̇т̇ад̇ам̣ ваа аббид̇ам̣ ваа гаад̇ум̣. саггаа жа ко, бханд̇з, сувийд̇ан̃жа суббавааяид̇ан̃жа сувилзкид̇ан̃жа сувид̇ажчид̇ан̃жа гаад̇у’’нд̇и. ‘‘ин̇гха д̇вам̣, аавусо, ааяад̇ан̃жа гарохи вид̇т̇ад̇ан̃жа аббид̇ан̃жа. на д̇зна суд̇д̇зна бадиб̣ад̣̇д̇хам̣ бхависсад̇ий’’д̇и.
641. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro puriso pavāsaṃ gacchanto pajāpatiṃ etadavoca – ‘‘suttaṃ dhārayitvā amukassa tantavāyassa dehi, cīvaraṃ vāyāpetvā nikkhipa, āgato ayyaṃ upanandaṃ cīvarena acchādessāmī’’ti. Assosi kho aññataro piṇḍacāriko bhikkhu tassa purisassa imaṃ vācaṃ bhāsamānassa. Atha kho so bhikkhu yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ etadavoca – ‘‘mahāpuññosi tvaṃ, āvuso upananda, amukasmiṃ okāse aññataro puriso pavāsaṃ gacchanto pajāpatiṃ etadavoca – ‘‘suttaṃ dhārayitvā amukassa tantavāyassa dehi, cīvaraṃ vāyāpetvā nikkhipa, āgato ayyaṃ upanandaṃ cīvarena acchādessāmī’’ti. ‘‘Atthāvuso, maṃ so upaṭṭhāko’’ti. Sopi kho tantavāyo āyasmato upanandassa sakyaputtassa upaṭṭhāko hoti. Atha kho āyasmā upanando sakyaputto yena so tantavāyo tenupasaṅkami; upasaṅkamitvā taṃ tantavāyaṃ etadavoca – ‘‘idaṃ kho, āvuso, cīvaraṃ maṃ uddissa viyyati; āyatañca karohi vitthatañca. Appitañca suvītañca suppavāyitañca suvilekhitañca suvitacchitañca karohī’’ti. ‘‘Ete kho me, bhante, suttaṃ dhārayitvā adaṃsu; iminā suttena cīvaraṃ vināhī’’ti. ‘‘Na, bhante, sakkā āyataṃ vā vitthataṃ vā appitaṃ vā kātuṃ. Sakkā ca kho, bhante, suvītañca suppavāyitañca suvilekhitañca suvitacchitañca kātu’’nti. ‘‘Iṅgha tvaṃ, āvuso, āyatañca karohi vitthatañca appitañca. Na tena suttena paṭibaddhaṃ bhavissatī’’ti.
ат̇а ко со д̇анд̇авааяо яат̇аабхад̇ам̣ суд̇д̇ам̣ д̇анд̇з убанзд̇ваа язна саа ид̇т̇ий д̇знубасан̇гами; убасан̇гамид̇ваа д̇ам̣ ид̇т̇им̣ зд̇ад̣̇авожа – ‘‘суд̇д̇зна, аяяз, ад̇т̇о’’д̇и. ‘‘нану д̇вам̣ аяяо 1 маяаа вуд̇д̇о – ‘иминаа суд̇д̇зна жийварам̣ винаахий’’’д̇и. ‘‘сажжаахам̣, аяяз, д̇аяаа вуд̇д̇о – ‘иминаа суд̇д̇зна жийварам̣ винаахий’д̇и. абижа, мам̣ аяяо убананд̣̇о звамааха – ‘ин̇гха д̇вам̣, аавусо, ааяад̇ан̃жа гарохи вид̇т̇ад̇ан̃жа аббид̇ан̃жа, на д̇зна суд̇д̇зна бадиб̣ад̣̇д̇хам̣ бхависсад̇ий’’’д̇и. ат̇а ко саа ид̇т̇ий яад̇д̇агам̣язва суд̇д̇ам̣ батамам̣ ад̣̇ааси д̇ад̇д̇агам̣ бажчаа ад̣̇ааси. ассоси ко ааяасмаа убананд̣̇о сагяабуд̇д̇о – ‘‘со гира бурисо баваасад̇о ааг̇ад̇о’’д̇и. ат̇а ко ааяасмаа убананд̣̇о сагяабуд̇д̇о язна д̇асса бурисасса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и. ат̇а ко со бурисо язнааяасмаа убананд̣̇о сагяабуд̇д̇о д̇знубасан̇гами; убасан̇гамид̇ваа ааяасманд̇ам̣ убананд̣̇ам̣ сагяабуд̇д̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко со бурисо баж̇аабад̇им̣ зд̇ад̣̇авожа – ‘‘вийд̇ам̣ д̇ам̣ жийвара’’нд̇и? ‘‘аамааяяа, вийд̇ам̣ д̇ам̣ жийвара’’нд̇и. ‘‘аахара, аяяам̣ убананд̣̇ам̣ жийварзна ажчаад̣̇зссаамий’’д̇и. ат̇а ко саа ид̇т̇ий д̇ам̣ жийварам̣ нийхарид̇ваа саамигасса д̣̇ад̇ваа зд̇амад̇т̇ам̣ аарожзси. ат̇а ко со бурисо ааяасмад̇о убананд̣̇асса сагяабуд̇д̇асса жийварам̣ д̣̇ад̇ваа уж̇жхааяад̇и кияяад̇и вибаажзд̇и – ‘‘махижчаа имз саман̣аа сагяабуд̇д̇ияаа асанд̇удтаа. наяимз сугараа жийварзна ажчаад̣̇зд̇ум̣. гат̇ан̃хи наама аяяо убананд̣̇о маяаа буб̣б̣з аббаваарид̇о д̇анд̇авааяз 2 убасан̇гамид̇ваа жийварз вигаббам̣ аабаж̇ж̇иссад̇ий’’д̇и.
Atha kho so tantavāyo yathābhataṃ suttaṃ tante upanetvā yena sā itthī tenupasaṅkami; upasaṅkamitvā taṃ itthiṃ etadavoca – ‘‘suttena, ayye, attho’’ti. ‘‘Nanu tvaṃ ayyo 3 mayā vutto – ‘iminā suttena cīvaraṃ vināhī’’’ti. ‘‘Saccāhaṃ, ayye, tayā vutto – ‘iminā suttena cīvaraṃ vināhī’ti. Apica, maṃ ayyo upanando evamāha – ‘iṅgha tvaṃ, āvuso, āyatañca karohi vitthatañca appitañca, na tena suttena paṭibaddhaṃ bhavissatī’’’ti. Atha kho sā itthī yattakaṃyeva suttaṃ paṭhamaṃ adāsi tattakaṃ pacchā adāsi. Assosi kho āyasmā upanando sakyaputto – ‘‘so kira puriso pavāsato āgato’’ti. Atha kho āyasmā upanando sakyaputto yena tassa purisassa nivesanaṃ tenupasaṅkami; upasaṅkamitvā paññatte āsane nisīdi. Atha kho so puriso yenāyasmā upanando sakyaputto tenupasaṅkami; upasaṅkamitvā āyasmantaṃ upanandaṃ sakyaputtaṃ abhivādetvā ekamantaṃ nisīdi. Ekamantaṃ nisinno kho so puriso pajāpatiṃ etadavoca – ‘‘vītaṃ taṃ cīvara’’nti? ‘‘Āmāyya, vītaṃ taṃ cīvara’’nti. ‘‘Āhara, ayyaṃ upanandaṃ cīvarena acchādessāmī’’ti. Atha kho sā itthī taṃ cīvaraṃ nīharitvā sāmikassa datvā etamatthaṃ ārocesi. Atha kho so puriso āyasmato upanandassa sakyaputtassa cīvaraṃ datvā ujjhāyati khiyyati vipāceti – ‘‘mahicchā ime samaṇā sakyaputtiyā asantuṭṭhā. Nayime sukarā cīvarena acchādetuṃ. Kathañhi nāma ayyo upanando mayā pubbe appavārito tantavāye 4 upasaṅkamitvā cīvare vikappaṃ āpajjissatī’’ti.
ассосум̣ ко бхигкуу д̇асса бурисасса уж̇жхааяанд̇асса кияяанд̇асса вибаажзнд̇асса. яз д̇з бхигкуу аббижчаа…бз… д̇з уж̇жхааяанд̇и кияяанд̇и вибаажзнд̇и – ‘‘гат̇ан̃хи наама ааяасмаа убананд̣̇о сагяабуд̇д̇о буб̣б̣з аббаваарид̇о г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаж̇ж̇иссад̇ий’’д̇и! ат̇а ко д̇з бхигкуу ааяасманд̇ам̣ убананд̣̇ам̣ сагяабуд̇д̇ам̣ анзгабарияааязна виг̇арахид̇ваа бхаг̇авад̇о зд̇амад̇т̇ам̣ аарожзсум̣…бз… ‘‘сажжам̣ гира д̇вам̣, убананд̣̇а, буб̣б̣з аббаваарид̇о г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаж̇ж̇ий’’д̇и? ‘‘сажжам̣, бхаг̇аваа’’д̇и. ‘‘н̃аад̇аго д̇з, убананд̣̇а, ан̃н̃аад̇аго’’д̇и? ‘‘ан̃н̃аад̇аго, бхаг̇аваа’’д̇и. ‘‘ан̃н̃аад̇аго, могхабуриса, ан̃н̃аад̇агасса на ж̇аанаад̇и бад̇ируубам̣ ваа аббад̇ируубам̣ ваа санд̇ам̣ ваа асанд̇ам̣ ваа. д̇ад̇т̇а наама д̇вам̣, могхабуриса, буб̣б̣з аббаваарид̇о ан̃н̃аад̇агасса г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаж̇ж̇иссаси! нзд̇ам̣, могхабуриса, аббасаннаанам̣ ваа басаад̣̇ааяа…бз… зван̃жа бана, бхигкавз, имам̣ сигкаабад̣̇ам̣ уд̣̇д̣̇исзяяаат̇а –
Assosuṃ kho bhikkhū tassa purisassa ujjhāyantassa khiyyantassa vipācentassa. Ye te bhikkhū appicchā…pe… te ujjhāyanti khiyyanti vipācenti – ‘‘kathañhi nāma āyasmā upanando sakyaputto pubbe appavārito gahapatikassa tantavāye upasaṅkamitvā cīvare vikappaṃ āpajjissatī’’ti! Atha kho te bhikkhū āyasmantaṃ upanandaṃ sakyaputtaṃ anekapariyāyena vigarahitvā bhagavato etamatthaṃ ārocesuṃ…pe… ‘‘saccaṃ kira tvaṃ, upananda, pubbe appavārito gahapatikassa tantavāye upasaṅkamitvā cīvare vikappaṃ āpajjī’’ti? ‘‘Saccaṃ, bhagavā’’ti. ‘‘Ñātako te, upananda, aññātako’’ti? ‘‘Aññātako, bhagavā’’ti. ‘‘Aññātako, moghapurisa, aññātakassa na jānāti patirūpaṃ vā appatirūpaṃ vā santaṃ vā asantaṃ vā. Tattha nāma tvaṃ, moghapurisa, pubbe appavārito aññātakassa gahapatikassa tantavāye upasaṅkamitvā cīvare vikappaṃ āpajjissasi! Netaṃ, moghapurisa, appasannānaṃ vā pasādāya…pe… evañca pana, bhikkhave, imaṃ sikkhāpadaṃ uddiseyyātha –
642. ‘‘бхигкум̣ банзва уд̣̇д̣̇исса ан̃н̃аад̇аго г̇ахабад̇и ваа г̇ахабад̇ааний ваа д̇анд̇авааязхи жийварам̣ вааяаабзяяа, д̇ад̇ра жз со бхигку буб̣б̣з аббаваарид̇о д̇анд̇авааяз убасан̇гамид̇ваа жийварз вигаббам̣ аабаж̇ж̇зяяа – ‘ид̣̇ам̣ ко, аавусо, жийварам̣ мам̣ уд̣̇д̣̇исса вияяад̇и. ааяад̇ан̃жа гарот̇а вид̇т̇ад̇ан̃жа. аббид̇ан̃жа сувийд̇ан̃жа суббавааяид̇ан̃жа сувилзкид̇ан̃жа сувид̇ажчид̇ан̃жа гарот̇а. аббзва наама маяамби ааяасманд̇аанам̣ гин̃жимад̇д̇ам̣ анубад̣̇аж̇ж̇зяяаамаа’д̇и. зван̃жа со бхигку вад̇ваа гин̃жимад̇д̇ам̣ анубад̣̇аж̇ж̇зяяа анд̇амасо бин̣д̣абаад̇амад̇д̇амби, ниссаг̇г̇ияам̣ баажид̇д̇ияа’’нд̇и.
642.‘‘Bhikkhuṃ paneva uddissa aññātako gahapati vā gahapatānī vā tantavāyehi cīvaraṃ vāyāpeyya, tatra ce so bhikkhu pubbe appavārito tantavāye upasaṅkamitvā cīvare vikappaṃ āpajjeyya – ‘idaṃ kho, āvuso, cīvaraṃ maṃ uddissa viyyati. Āyatañca karotha vitthatañca. Appitañca suvītañca suppavāyitañca suvilekhitañca suvitacchitañca karotha. Appeva nāma mayampi āyasmantānaṃ kiñcimattaṃ anupadajjeyyāmā’ti. Evañca so bhikkhu vatvā kiñcimattaṃ anupadajjeyya antamaso piṇḍapātamattampi, nissaggiyaṃ pācittiya’’nti.
643. бхигкум̣ банзва уд̣̇д̣̇иссаад̇и бхигкуссад̇т̇ааяа бхигкум̣ аарамман̣ам̣ гарид̇ваа бхигкум̣ ажчаад̣̇зд̇угаамо.
643.Bhikkhuṃ paneva uddissāti bhikkhussatthāya bhikkhuṃ ārammaṇaṃ karitvā bhikkhuṃ acchādetukāmo.
ан̃н̃аад̇аго наама маад̇ид̇о ваа бид̇ид̇о ваа яаава сад̇д̇амаа бид̇аамахаяуг̇аа асамб̣ад̣̇д̇хо.
Aññātako nāma mātito vā pitito vā yāva sattamā pitāmahayugā asambaddho.
г̇ахабад̇и наама яо гожи аг̇аарам̣ аж̇жхаавасад̇и.
Gahapati nāma yo koci agāraṃ ajjhāvasati.
г̇ахабад̇ааний наама яаа гаажи аг̇аарам̣ аж̇жхаавасад̇и.
Gahapatānī nāma yā kāci agāraṃ ajjhāvasati.
д̇анд̇авааязхийд̇и бзсагаарзхи.
Tantavāyehīti pesakārehi.
жийварам̣ наама чаннам̣ жийвараанам̣ ан̃н̃ад̇арам̣ жийварам̣ вигаббанубаг̇ам̣ бажчимам̣.
Cīvaraṃ nāma channaṃ cīvarānaṃ aññataraṃ cīvaraṃ vikappanupagaṃ pacchimaṃ.
вааяаабзяяаад̇и винаабзд̇и.
Vāyāpeyyāti vināpeti.
д̇ад̇ра жз со бхигкууд̇и яам̣ бхигкум̣ уд̣̇д̣̇исса жийварам̣ вияяад̇и со бхигку.
Tatra ce so bhikkhūti yaṃ bhikkhuṃ uddissa cīvaraṃ viyyati so bhikkhu.
буб̣б̣з аббаваарид̇од̇и буб̣б̣з авуд̇д̇о ход̇и – ‘‘гийд̣̇исзна д̇з, бханд̇з, жийварзна ад̇т̇о, гийд̣̇исам̣ д̇з жийварам̣ вааяаабзмий’’д̇и?
Pubbe appavāritoti pubbe avutto hoti – ‘‘kīdisena te, bhante, cīvarena attho, kīdisaṃ te cīvaraṃ vāyāpemī’’ti?
д̇анд̇авааяз убасан̇гамид̇ваад̇и гхарам̣ г̇анд̇ваа яад̇т̇а гад̇т̇ажи убасан̇гамид̇ваа.
Tantavāye upasaṅkamitvāti gharaṃ gantvā yattha katthaci upasaṅkamitvā.
жийварз вигаббам̣ аабаж̇ж̇зяяаад̇и – ‘‘ид̣̇ам̣ ко, аавусо, жийварам̣ мам̣ уд̣̇д̣̇исса вияяад̇и, ааяад̇ан̃жа гарот̇а вид̇т̇ад̇ан̃жа. аббид̇ан̃жа сувийд̇ан̃жа суббавааяид̇ан̃жа сувилзкид̇ан̃жа сувид̇ажчид̇ан̃жа гарот̇а. аббзва наама маяамби ааяасманд̇аанам̣ гин̃жимад̇д̇ам̣ анубад̣̇аж̇ж̇зяяаамаа’’д̇и.
Cīvare vikappaṃ āpajjeyyāti – ‘‘idaṃ kho, āvuso, cīvaraṃ maṃ uddissa viyyati, āyatañca karotha vitthatañca. Appitañca suvītañca suppavāyitañca suvilekhitañca suvitacchitañca karotha. Appeva nāma mayampi āyasmantānaṃ kiñcimattaṃ anupadajjeyyāmā’’ti.
зван̃жа со бхигку вад̇ваа гин̃жимад̇д̇ам̣ анубад̣̇аж̇ж̇зяяа анд̇амасо бин̣д̣абаад̇амад̇д̇амбийд̇и. бин̣д̣абаад̇о наама яааг̇уби бхад̇д̇амби каад̣̇анийяамби жун̣н̣абин̣д̣оби д̣̇анд̇агадтамби д̣̇асигасуд̇д̇амби, анд̇амасо д̇хаммамби бхан̣ад̇и.
Evañca so bhikkhu vatvā kiñcimattaṃ anupadajjeyya antamaso piṇḍapātamattampīti. Piṇḍapāto nāma yāgupi bhattampi khādanīyampi cuṇṇapiṇḍopi dantakaṭṭhampi dasikasuttampi, antamaso dhammampi bhaṇati.
д̇асса важанзна ааяад̇ам̣ ваа вид̇т̇ад̇ам̣ ваа аббид̇ам̣ ваа гарод̇и, баяог̇з д̣̇уггадам̣. бадилаабхзна ниссаг̇г̇ияам̣ ход̇и. ниссаж̇ж̇ид̇аб̣б̣ам̣ сан̇гхасса ваа г̇ан̣асса ваа буг̇г̇аласса ваа. зван̃жа бана, бхигкавз, ниссаж̇ж̇ид̇аб̣б̣ам̣…бз… ид̣̇ам̣ мз, бханд̇з, жийварам̣ буб̣б̣з аббаваарид̇о ан̃н̃аад̇агасса г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаннам̣ ниссаг̇г̇ияам̣. имаахам̣ сан̇гхасса ниссаж̇ж̇аамийд̇и…бз… д̣̇ад̣̇зяяаад̇и…бз… д̣̇ад̣̇зяяунд̇и…бз… ааяасмад̇о д̣̇аммийд̇и.
Tassa vacanena āyataṃ vā vitthataṃ vā appitaṃ vā karoti, payoge dukkaṭaṃ. Paṭilābhena nissaggiyaṃ hoti. Nissajjitabbaṃ saṅghassa vā gaṇassa vā puggalassa vā. Evañca pana, bhikkhave, nissajjitabbaṃ…pe… idaṃ me, bhante, cīvaraṃ pubbe appavārito aññātakassa gahapatikassa tantavāye upasaṅkamitvā cīvare vikappaṃ āpannaṃ nissaggiyaṃ. Imāhaṃ saṅghassa nissajjāmīti…pe… dadeyyāti…pe… dadeyyunti…pe… āyasmato dammīti.
644. ан̃н̃аад̇агз ан̃н̃аад̇агасан̃н̃ий буб̣б̣з аббаваарид̇о г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣. ан̃н̃аад̇агз взмад̇иго буб̣б̣з аббаваарид̇о г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣. ан̃н̃аад̇агз н̃аад̇агасан̃н̃ий буб̣б̣з аббаваарид̇о г̇ахабад̇игасса д̇анд̇авааяз убасан̇гамид̇ваа жийварз вигаббам̣ аабаж̇ж̇ад̇и, ниссаг̇г̇ияам̣ баажид̇д̇ияам̣.
644. Aññātake aññātakasaññī pubbe appavārito gahapatikassa tantavāye upasaṅkamitvā cīvare vikappaṃ āpajjati, nissaggiyaṃ pācittiyaṃ. Aññātake vematiko pubbe appavārito gahapatikassa tantavāye upasaṅkamitvā cīvare vikappaṃ āpajjati, nissaggiyaṃ pācittiyaṃ. Aññātake ñātakasaññī pubbe appavārito gahapatikassa tantavāye upasaṅkamitvā cīvare vikappaṃ āpajjati, nissaggiyaṃ pācittiyaṃ.
н̃аад̇агз ан̃аад̇агасан̃н̃ий, аабад̇д̇и д̣̇уггадасса. н̃аад̇агз взмад̇иго, аабад̇д̇и д̣̇уггадасса. н̃аад̇агз н̃аад̇агасан̃н̃ий, анаабад̇д̇и.
Ñātake añātakasaññī, āpatti dukkaṭassa. Ñātake vematiko, āpatti dukkaṭassa. Ñātake ñātakasaññī, anāpatti.
645. анаабад̇д̇и – н̃аад̇агаанам̣, баваарид̇аанам̣, ан̃н̃ассад̇т̇ааяа, ад̇д̇ано д̇ханзна, махаг̇гхам̣ вааяаабзд̇угаамасса аббаг̇гхам̣ вааяаабзд̇и, уммад̇д̇агасса, аад̣̇игаммигассаад̇и.
645. Anāpatti – ñātakānaṃ, pavāritānaṃ, aññassatthāya, attano dhanena, mahagghaṃ vāyāpetukāmassa appagghaṃ vāyāpeti, ummattakassa, ādikammikassāti.
махаабзсагаарасигкаабад̣̇ам̣ нидтид̇ам̣ сад̇д̇амам̣.
Mahāpesakārasikkhāpadaṃ niṭṭhitaṃ sattamaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махаавибхан̇г̇а-адтагат̇аа • Mahāvibhaṅga-aṭṭhakathā / 7. махаабзсагаарасигкаабад̣̇аван̣н̣анаа • 7. Mahāpesakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. махаабзсагаарасигкаабад̣̇аван̣н̣анаа • 7. Mahāpesakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. махаабзсагаарасигкаабад̣̇аван̣н̣анаа • 7. Mahāpesakārasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. махаабзсагаарасигкаабад̣̇аван̣н̣анаа • 7. Mahāpesakārasikkhāpadavaṇṇanā
