| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. махаабун̣н̣амасуд̇д̇аван̣н̣анаа
9. Mahāpuṇṇamasuttavaṇṇanā
85. звам̣ мз суд̇анд̇и махаабун̣н̣амасуд̇д̇ам̣. д̇ад̇т̇а д̇ад̣̇ахууд̇и д̇асмим̣ аху, д̇асмим̣ д̣̇ивасзд̇и ад̇т̇о. убавасанд̇и зд̇т̇аад̇и убосат̇о. убавасанд̇ийд̇и сийлзна ваа анасанзна ваа убзд̇аа худ̇ваа васанд̇ийд̇и ад̇т̇о. аяам̣ банзд̇т̇а ад̇т̇уд̣̇д̇хааро – ‘‘ааяаама, аавусо, габбина, убосат̇ам̣ г̇амиссаамаа’’д̇иаад̣̇ийсу хи баад̇имогкуд̣̇д̣̇зсо убосат̇о. ‘‘адтан̇г̇асаманнааг̇ад̇о ко висаакз убосат̇о убавуд̇т̇о’’д̇иаад̣̇ийсу (а. ни. 8.53) сийлам̣. ‘‘суд̣̇д̇хасса вз сад̣̇аа паг̇г̇у, суд̣̇д̇хассубосат̇о сад̣̇аа’’д̇иаад̣̇ийсу (ма. ни. 1.79) убаваасо. ‘‘убосат̇о наама нааг̇арааж̇аа’’д̇иаад̣̇ийсу (д̣̇ий. ни. 2.246) бан̃н̃ад̇д̇и. ‘‘на, бхигкавз, д̇ад̣̇ахубосат̇з сабхигкугаа ааваасаа’’д̇иаад̣̇ийсу (махаава. 181) убавасид̇аб̣б̣ад̣̇ивасо. ид̇хааби соязва ад̇хиббзд̇о . со банзса адтамийжаад̇уд̣̇д̣̇асийбаннарасийбхзд̣̇зна д̇ивид̇хо. д̇асмаа сзсад̣̇ваяанивааран̣ад̇т̇ам̣ баннарасзд̇и вуд̇д̇ам̣. д̇зна вуд̇д̇ам̣ ‘‘убавасанд̇и зд̇т̇аад̇и убосат̇о’’д̇и. маасабун̣н̣ад̇ааяа бун̣н̣аа сам̣бун̣н̣аад̇и бун̣н̣аа. маа-ид̇и жанд̣̇о вужжад̇и, со зд̇т̇а бун̣н̣од̇и бун̣н̣амаа. звам̣ бун̣н̣ааяа бун̣н̣амааяаад̇и имасмим̣ бад̣̇ад̣̇ваяз ад̇т̇о взд̣̇ид̇аб̣б̣о.
85.Evaṃme sutanti mahāpuṇṇamasuttaṃ. Tattha tadahūti tasmiṃ ahu, tasmiṃ divaseti attho. Upavasanti etthāti uposatho. Upavasantīti sīlena vā anasanena vā upetā hutvā vasantīti attho. Ayaṃ panettha atthuddhāro – ‘‘āyāma, āvuso, kappina, uposathaṃ gamissāmā’’tiādīsu hi pātimokkhuddeso uposatho. ‘‘Aṭṭhaṅgasamannāgato kho visākhe uposatho upavuttho’’tiādīsu (a. ni. 8.53) sīlaṃ. ‘‘Suddhassa ve sadā phaggu, suddhassuposatho sadā’’tiādīsu (ma. ni. 1.79) upavāso. ‘‘Uposatho nāma nāgarājā’’tiādīsu (dī. ni. 2.246) paññatti. ‘‘Na, bhikkhave, tadahuposathe sabhikkhukā āvāsā’’tiādīsu (mahāva. 181) upavasitabbadivaso. Idhāpi soyeva adhippeto . So panesa aṭṭhamīcātuddasīpannarasībhedena tividho. Tasmā sesadvayanivāraṇatthaṃ pannaraseti vuttaṃ. Tena vuttaṃ ‘‘upavasanti etthāti uposatho’’ti. Māsapuṇṇatāya puṇṇā saṃpuṇṇāti puṇṇā. Mā-iti cando vuccati, so ettha puṇṇoti puṇṇamā. Evaṃ puṇṇāya puṇṇamāyāti imasmiṃ padadvaye attho veditabbo.
д̣̇зсанд̇и гааран̣ам̣. д̇зна хи д̇вам̣ бхигку сагз аасанз нисийд̣̇ид̇ваа бужчаад̇и гасмаа бхаг̇аваа тид̇асса агат̇зд̇ваа нисийд̣̇аабзсийд̇и. аяам̣ гира бхигку садтимад̇д̇аанам̣ бад̇хаанияабхигкуунам̣ сан̇гхад̇т̇зро садти бхигкуу г̇ахзд̇ваа аран̃н̃з васад̇и, д̇з д̇асса санд̇игз гаммадтаанам̣ г̇ахзд̇ваа гхадзнд̇и вааяаманд̇и. махаабхууд̇аани бариг̇г̇ан̣ханд̇и убаад̣̇ааруубаани, наамаруубабажжаяалагкан̣аарамман̣игавибассанам̣ бариг̇г̇ан̣ханд̇и. ат̇а нз аажарияубадтаанам̣ ааг̇анд̇ваа ванд̣̇ид̇ваа нисиннз т̇зро махаабхууд̇абариг̇г̇ахаад̣̇ийни бужчад̇и. д̇з саб̣б̣ам̣ гат̇знд̇и, маг̇г̇апалабан̃хам̣ бужчид̇аа бана гат̇зд̇ум̣ на саггонд̇и. ат̇а т̇зро жинд̇зси – ‘‘мама санд̇игз зд̇зсам̣ оваад̣̇асса барихаани над̇т̇и, имз жа аарад̣̇д̇хавийрияаа вихаранд̇и. гуггудасса баанийяабиванагааламад̇д̇амби нзсам̣ бамаад̣̇агирияаа над̇т̇и. звам̣ санд̇зби маг̇г̇апалаани ниб̣б̣ад̇д̇зд̇ум̣ на саггонд̇и. ахам̣ имзсам̣ аж̇жхаасаяам̣ на ж̇аанаами, б̣уд̣̇д̇хавзнзяяаа зд̇з бхависсанд̇и , г̇ахзд̇ваа нз сад̇т̇у санд̇игам̣ г̇ажчаами, ат̇а нзсам̣ сад̇т̇аа жарияавасзна д̇хаммам̣ д̣̇зсзссад̇ий’’д̇и, д̇з бхигкуу г̇ахзд̇ваа сад̇т̇у санд̇игам̣ ааг̇ад̇о.
Desanti kāraṇaṃ. Tena hi tvaṃ bhikkhu sake āsane nisīditvā pucchāti kasmā bhagavā ṭhitassa akathetvā nisīdāpesīti. Ayaṃ kira bhikkhu saṭṭhimattānaṃ padhāniyabhikkhūnaṃ saṅghatthero saṭṭhi bhikkhū gahetvā araññe vasati, te tassa santike kammaṭṭhānaṃ gahetvā ghaṭenti vāyamanti. Mahābhūtāni pariggaṇhanti upādārūpāni, nāmarūpapaccayalakkhaṇārammaṇikavipassanaṃ pariggaṇhanti. Atha ne ācariyupaṭṭhānaṃ āgantvā vanditvā nisinne thero mahābhūtapariggahādīni pucchati. Te sabbaṃ kathenti, maggaphalapañhaṃ pucchitā pana kathetuṃ na sakkonti. Atha thero cintesi – ‘‘mama santike etesaṃ ovādassa parihāni natthi, ime ca āraddhavīriyā viharanti. Kukkuṭassa pānīyapivanakālamattampi nesaṃ pamādakiriyā natthi. Evaṃ santepi maggaphalāni nibbattetuṃ na sakkonti. Ahaṃ imesaṃ ajjhāsayaṃ na jānāmi, buddhaveneyyā ete bhavissanti , gahetvā ne satthu santikaṃ gacchāmi, atha nesaṃ satthā cariyavasena dhammaṃ desessatī’’ti, te bhikkhū gahetvā satthu santikaṃ āgato.
сад̇т̇ааби сааяанхасамаяз аананд̣̇ад̇т̇зрзна убанийд̇ам̣ уд̣̇агам̣ аад̣̇ааяа сарийрам̣ уд̇ум̣ г̇ан̣хаабзд̇ваа миг̇аарамаад̇убаасаад̣̇абаривзн̣з бан̃н̃ад̇д̇авараб̣уд̣̇д̇хаасанз нисийд̣̇и, бхигкусан̇гхоби нам̣ бариваарзд̇ваа нисийд̣̇и.
Satthāpi sāyanhasamaye ānandattherena upanītaṃ udakaṃ ādāya sarīraṃ utuṃ gaṇhāpetvā migāramātupāsādapariveṇe paññattavarabuddhāsane nisīdi, bhikkhusaṅghopi naṃ parivāretvā nisīdi.
д̇асмим̣ самаяз суурияо ад̇т̇ан̇г̇амзд̇и, жанд̣̇о уг̇г̇ажчад̇и, маж̇жхадтаанз жа бхаг̇аваа нисинно. жанд̣̇асса бабхаа над̇т̇и, суурияасса бабхаа над̇т̇и, жанд̣̇имасуурияаанам̣ бабхам̣ магкзд̇ваа чаб̣б̣ан̣н̣аа яамагаб̣уд̣̇д̇харасмияо виж̇ж̇од̇амаанаа бун̃ж̇аа бун̃ж̇аа худ̇ваа д̣̇исаавид̣̇исаасу д̇хааванд̇ийд̇и саб̣б̣ам̣ хздтаа вуд̇д̇анаязна вид̇т̇аарзд̇аб̣б̣ам̣. ван̣н̣абхууми наамзсаа, д̇хаммагат̇игассзвзд̇т̇а т̇аамо бамаан̣ам̣, яад̇д̇агам̣ саггод̇и, д̇ад̇д̇агам̣ гат̇зд̇аб̣б̣ам̣. д̣̇уггат̇ид̇анд̇и на вад̇д̇аб̣б̣ам̣. звам̣ саннисиннааяа барисааяа т̇зро удтахид̇ваа сад̇т̇аарам̣ бан̃хасса огаасам̣ гаарзси. д̇ад̇о бхаг̇аваа – ‘‘сажз имасмим̣ тид̇агз бужчанд̇з ‘аажарияо но удтид̇о’д̇и сзсабхигкуу удтахиссанд̇и, звам̣ д̇ат̇ааг̇ад̇з аг̇аараво гад̇о бхависсад̇и. ат̇а нисиннаава бужчиссанд̇и, аажарияз аг̇аараво гад̇о бхависсад̇и, згаг̇г̇аа худ̇ваа д̇хаммад̣̇зсанам̣ бадижчид̇ум̣ на саггун̣иссанд̇и. аажарияз бана нисиннз д̇зби нисийд̣̇иссанд̇и. д̇ад̇о згаг̇г̇аа д̇хаммад̣̇зсанам̣ бадижчид̇ум̣ саггун̣иссанд̇ий’’д̇и иминаа гааран̣зна бхаг̇аваа тид̇асса агат̇зд̇ваа нисийд̣̇аабзд̇ийд̇и.
Tasmiṃ samaye sūriyo atthaṅgameti, cando uggacchati, majjhaṭṭhāne ca bhagavā nisinno. Candassa pabhā natthi, sūriyassa pabhā natthi, candimasūriyānaṃ pabhaṃ makkhetvā chabbaṇṇā yamakabuddharasmiyo vijjotamānā puñjā puñjā hutvā disāvidisāsu dhāvantīti sabbaṃ heṭṭhā vuttanayena vitthāretabbaṃ. Vaṇṇabhūmi nāmesā, dhammakathikassevettha thāmo pamāṇaṃ, yattakaṃ sakkoti, tattakaṃ kathetabbaṃ. Dukkathitanti na vattabbaṃ. Evaṃ sannisinnāya parisāya thero uṭṭhahitvā satthāraṃ pañhassa okāsaṃ kāresi. Tato bhagavā – ‘‘sace imasmiṃ ṭhitake pucchante ‘ācariyo no uṭṭhito’ti sesabhikkhū uṭṭhahissanti, evaṃ tathāgate agāravo kato bhavissati. Atha nisinnāva pucchissanti, ācariye agāravo kato bhavissati, ekaggā hutvā dhammadesanaṃ paṭicchituṃ na sakkuṇissanti. Ācariye pana nisinne tepi nisīdissanti. Tato ekaggā dhammadesanaṃ paṭicchituṃ sakkuṇissantī’’ti iminā kāraṇena bhagavā ṭhitassa akathetvā nisīdāpetīti.
имз ну ко, бханд̇зд̇и вимад̇ибужчаа вияа гат̇ид̇аа. т̇зро бана бан̃жагканд̇хаанам̣ уд̣̇аяаб̣б̣аяам̣ бариг̇г̇ан̣хид̇ваа арахад̇д̇ам̣ бад̇д̇о махаакийн̣аасаво, над̇т̇и зд̇асса вимад̇и. ж̇аананд̇знаби бана аж̇аананд̇зна вияа худ̇ваа бужчид̇ум̣ ваддад̇и. сажз хи ж̇аананд̇о вияа бужчад̇и, ‘‘ж̇аанаад̇и аяа’’нд̇и д̇асса д̇асса виссаж̇ж̇знд̇о згад̣̇зсамзва гат̇зд̇и. аж̇аананд̇зна вияа бужчид̇з бана гат̇знд̇о ид̇о жа зд̇д̇о жа гааран̣ам̣ аахарид̇ваа баагадам̣ гад̇ваа гат̇зд̇и. гожи бана аж̇аананд̇оби ж̇аананд̇о вияа бужчад̇и. т̇зро зваруубам̣ важанам̣ гим̣ гариссад̇и, ж̇аананд̇оязва бана аж̇аананд̇о вияа бужчад̇ийд̇и взд̣̇ид̇аб̣б̣о.
Ime nu kho, bhanteti vimatipucchā viya kathitā. Thero pana pañcakkhandhānaṃ udayabbayaṃ pariggaṇhitvā arahattaṃ patto mahākhīṇāsavo, natthi etassa vimati. Jānantenapi pana ajānantena viya hutvā pucchituṃ vaṭṭati. Sace hi jānanto viya pucchati, ‘‘jānāti aya’’nti tassa tassa vissajjento ekadesameva katheti. Ajānantena viya pucchite pana kathento ito ca etto ca kāraṇaṃ āharitvā pākaṭaṃ katvā katheti. Koci pana ajānantopi jānanto viya pucchati. Thero evarūpaṃ vacanaṃ kiṃ karissati, jānantoyeva pana ajānanto viya pucchatīti veditabbo.
чанд̣̇амуулагаад̇и д̇ан̣хаамуулагаа. звам̣руубо сияанд̇и сажз од̣̇аад̇о ход̇угаамо, харид̇аалаван̣н̣о ваа маносилааван̣н̣о ваа сияанд̇и бад̇т̇зд̇и . сажз гаал̣о ход̇угаамо, нийлуббалаван̣н̣о ваа ан̃ж̇анаван̣н̣о ваа ад̇асийбубпаван̣н̣о ваа сияанд̇и бад̇т̇зд̇и. звам̣взд̣̇анод̇и гусалавзд̣̇ано ваа сукавзд̣̇ано ваа сияанд̇и бад̇т̇зд̇и. сан̃н̃аад̣̇ийсуби зсзва наяо. яасмаа бана ад̇ийд̇з бад̇т̇анаа наама над̇т̇и, бад̇т̇знд̇знааби жа на саггаа д̇ам̣ лад̣̇д̇хум̣, бажжуббаннзби на ход̇и, на хи од̣̇аад̇о гаал̣абхаавам̣ бад̇т̇зд̇ваа бажжуббаннз гаал̣о ход̇и, на гаал̣о ваа од̣̇аад̇о, д̣̇ийгхо ваа рассо, рассо ваа д̣̇ийгхо, д̣̇аанам̣ бана д̣̇ад̇ваа сийлам̣ ваа самаад̣̇ияид̇ваа ‘‘анааг̇ад̇з кад̇д̇ияо ваа хоми б̣раахман̣о ваа’’д̇и бад̇т̇знд̇асса бад̇т̇анаа самиж̇жхад̇и. д̇асмаа анааг̇ад̇амзва г̇ахид̇ам̣.
Chandamūlakāti taṇhāmūlakā. Evaṃrūpo siyanti sace odāto hotukāmo, haritālavaṇṇo vā manosilāvaṇṇo vā siyanti pattheti . Sace kāḷo hotukāmo, nīluppalavaṇṇo vā añjanavaṇṇo vā atasīpupphavaṇṇo vā siyanti pattheti. Evaṃvedanoti kusalavedano vā sukhavedano vā siyanti pattheti. Saññādīsupi eseva nayo. Yasmā pana atīte patthanā nāma natthi, patthentenāpi ca na sakkā taṃ laddhuṃ, paccuppannepi na hoti, na hi odāto kāḷabhāvaṃ patthetvā paccuppanne kāḷo hoti, na kāḷo vā odāto, dīgho vā rasso, rasso vā dīgho, dānaṃ pana datvā sīlaṃ vā samādiyitvā ‘‘anāgate khattiyo vā homi brāhmaṇo vā’’ti patthentassa patthanā samijjhati. Tasmā anāgatameva gahitaṃ.
канд̇хаад̇хиважананд̇и канд̇хаанам̣ канд̇хабан̣н̣ад̇д̇и гид̇д̇агзна ход̇ийд̇и бужчад̇и.
Khandhādhivacananti khandhānaṃ khandhapaṇṇatti kittakena hotīti pucchati.
махаабхууд̇аа хзд̇ууд̇и ‘‘д̇аяо гусалахзд̇уу’’д̇иаад̣̇ийсу (д̇ха. са. 1441) хи хзд̇ухзд̇у вуд̇д̇о. авиж̇ж̇аа бун̃н̃аабхисан̇каараад̣̇ийнам̣ саад̇хааран̣ад̇д̇аа саад̇хааран̣ахзд̇у. гусалаагусалам̣ ад̇д̇ано ад̇д̇ано вибаагад̣̇аанз уд̇д̇амахзд̇у. ид̇ха бажжаяахзд̇у ад̇хиббзд̇о. д̇ад̇т̇а бат̇авийд̇хаад̇у махаабхууд̇ам̣ ид̇арзсам̣ д̇ин̣н̣ам̣ бхууд̇аанам̣ убаад̣̇ааруубасса жа бан̃н̃аабанааяа д̣̇ассанад̇т̇ааяа хзд̇у жзва бажжаяо жа. звам̣ сзсзсуби яож̇анаа взд̣̇ид̇аб̣б̣аа.
Mahābhūtā hetūti ‘‘tayo kusalahetū’’tiādīsu (dha. sa. 1441) hi hetuhetu vutto. Avijjā puññābhisaṅkhārādīnaṃ sādhāraṇattā sādhāraṇahetu. Kusalākusalaṃ attano attano vipākadāne uttamahetu. Idha paccayahetu adhippeto. Tattha pathavīdhātu mahābhūtaṃ itaresaṃ tiṇṇaṃ bhūtānaṃ upādārūpassa ca paññāpanāya dassanatthāya hetu ceva paccayo ca. Evaṃ sesesupi yojanā veditabbā.
пассод̇и ‘‘пудто, бхигкавз, взд̣̇зд̇и, пудто сан̃ж̇аанаад̇и, пудто жзд̇зд̇ий’’д̇и (сам̣. ни. 4.93) важанад̇о пассо д̇ин̣н̣ам̣ канд̇хаанам̣ бан̃н̃аабанааяа хзд̇у жзва бажжаяо жа. вин̃н̃аан̣агканд̇хассаад̇и зд̇т̇а бадисанд̇хивин̃н̃аан̣зна д̇аава сад̣̇д̇хим̣ г̇аб̣бхасзяяагаанам̣ убаримабарижчзд̣̇зна самад̇им̣са руубаани самбаяуд̇д̇аа жа д̇аяо канд̇хаа уббаж̇ж̇анд̇и, д̇ам̣ наамаруубам̣ бадисанд̇хивин̃н̃аан̣асса бан̃н̃аабанааяа хзд̇у жзва бажжаяо жа. жагкуд̣̇ваарз жагкубасаад̣̇о жзва руубаарамман̣ан̃жа руубам̣, самбаяуд̇д̇аа д̇аяо канд̇хаа наамам̣. д̇ам̣ наамаруубам̣ жагкувин̃н̃аан̣асса бан̃н̃аабанааяа хзд̇у жзва бажжаяо жа. зсзва наяо сзсавин̃н̃аан̣зсу.
Phassoti ‘‘phuṭṭho, bhikkhave, vedeti, phuṭṭho sañjānāti, phuṭṭho cetetī’’ti (saṃ. ni. 4.93) vacanato phasso tiṇṇaṃ khandhānaṃ paññāpanāya hetu ceva paccayo ca. Viññāṇakkhandhassāti ettha paṭisandhiviññāṇena tāva saddhiṃ gabbhaseyyakānaṃ uparimaparicchedena samatiṃsa rūpāni sampayuttā ca tayo khandhā uppajjanti, taṃ nāmarūpaṃ paṭisandhiviññāṇassa paññāpanāya hetu ceva paccayo ca. Cakkhudvāre cakkhupasādo ceva rūpārammaṇañca rūpaṃ, sampayuttā tayo khandhā nāmaṃ. Taṃ nāmarūpaṃ cakkhuviññāṇassa paññāpanāya hetu ceva paccayo ca. Eseva nayo sesaviññāṇesu.
87. гат̇ам̣ бана, бханд̇зд̇и ид̣̇ам̣ гид̇д̇агзна ну код̇и ваддам̣ бужчанд̇о звамааха. саггааяад̣̇идти на ход̇ийд̇и ид̣̇ам̣ виваддам̣ бужчанд̇о звамааха.
87.Kathaṃ pana, bhanteti idaṃ kittakena nu khoti vaṭṭaṃ pucchanto evamāha. Sakkāyadiṭṭhi na hotīti idaṃ vivaṭṭaṃ pucchanto evamāha.
88. аяам̣ руубз ассаад̣̇од̇и иминаа барин̃н̃аабадивзд̇хо жзва д̣̇угкасажжан̃жа гат̇ид̇ам̣. аяам̣ руубз аад̣̇ийнавод̇и иминаа бахаанабадивзд̇хо жзва самуд̣̇аяасажжан̃жа. ид̣̇ам̣ руубз ниссаран̣анд̇и иминаа сажчигирияаабадивзд̇хо жзва нирод̇хасажжан̃жа. яз имзсу д̇ийсу таанзсу саммаад̣̇идтиаад̣̇аяо д̇хаммаа, аяам̣ бхааванаабадивзд̇хо маг̇г̇асажжам̣. сзсабад̣̇зсуби зсзва наяо.
88.Ayaṃrūpe assādoti iminā pariññāpaṭivedho ceva dukkhasaccañca kathitaṃ. Ayaṃ rūpe ādīnavoti iminā pahānapaṭivedho ceva samudayasaccañca. Idaṃ rūpe nissaraṇanti iminā sacchikiriyāpaṭivedho ceva nirodhasaccañca. Ye imesu tīsu ṭhānesu sammādiṭṭhiādayo dhammā, ayaṃ bhāvanāpaṭivedho maggasaccaṃ. Sesapadesupi eseva nayo.
89. б̣ахид̣̇д̇хаад̇и барасса савин̃н̃аан̣агз гааяз. саб̣б̣анимид̇д̇зсууд̇и иминаа бана анинд̣̇рияаб̣ад̣̇д̇хамби сан̇г̇ан̣хаад̇и. ‘‘савин̃н̃аан̣агз гааяз’’д̇и важанзна ваа ад̇д̇ано жа барасса жа гааяо г̇ахид̇ова, б̣ахид̣̇д̇хаа жа саб̣б̣анимид̇д̇аг̇г̇ахан̣зна анинд̣̇рияаб̣ад̣̇д̇хам̣ г̇ан̣хаад̇и.
89.Bahiddhāti parassa saviññāṇake kāye. Sabbanimittesūti iminā pana anindriyabaddhampi saṅgaṇhāti. ‘‘Saviññāṇake kāye’’ti vacanena vā attano ca parassa ca kāyo gahitova, bahiddhā ca sabbanimittaggahaṇena anindriyabaddhaṃ gaṇhāti.
90. анад̇д̇агад̇аанийд̇и анад̇д̇ани тад̇ваа гад̇аани. гамад̇д̇аанам̣ пусиссанд̇ийд̇и гад̇арасмим̣ ад̇д̇ани тад̇ваа вибаагам̣ д̣̇ассзнд̇ийд̇и сассад̇ад̣̇ассанам̣ оггаманд̇о звамааха. д̇ан̣хаад̇хибад̇зяязнаад̇и д̇ан̣хааж̇здтагзна. д̇ад̇ра д̇ад̇раад̇и д̇зсу д̇зсу д̇хаммзсу. садтимад̇д̇аананд̇и имз бхигкуу багад̇игаммадтаанам̣ ж̇ахид̇ваа ан̃н̃ам̣ навагаммадтаанам̣ саммасанд̇аа баллан̇гам̣ абхинд̣̇ид̇ваа д̇асмим̣язва аасанз арахад̇д̇ам̣ баабун̣им̣су. сзсам̣ саб̣б̣ад̇т̇а уд̇д̇аанамзваад̇и.
90.Anattakatānīti anattani ṭhatvā katāni. Kamattānaṃ phusissantīti katarasmiṃ attani ṭhatvā vipākaṃ dassentīti sassatadassanaṃ okkamanto evamāha. Taṇhādhipateyyenāti taṇhājeṭṭhakena. Tatra tatrāti tesu tesu dhammesu. Saṭṭhimattānanti ime bhikkhū pakatikammaṭṭhānaṃ jahitvā aññaṃ navakammaṭṭhānaṃ sammasantā pallaṅkaṃ abhinditvā tasmiṃyeva āsane arahattaṃ pāpuṇiṃsu. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаабун̣н̣амасуд̇д̇аван̣н̣анаа нидтид̇аа.
Mahāpuṇṇamasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. махаабун̣н̣амасуд̇д̇ам̣ • 9. Mahāpuṇṇamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. махаабун̣н̣амасуд̇д̇аван̣н̣анаа • 9. Mahāpuṇṇamasuttavaṇṇanā
