| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
9. махаабун̣н̣амасуд̇д̇аван̣н̣анаа
9. Mahāpuṇṇamasuttavaṇṇanā
85. д̇асмим̣ ахууд̇и д̇асмим̣ аханийд̇и ааха ‘‘д̇асмим̣ д̣̇ивасз’’д̇и. анасанзнаад̇и саб̣б̣асо аахаарасса абхун̃ж̇анзна саасанигасийлзна б̣аахирагаанасанзна убзд̇аа худ̇ваад̇и яож̇анаа. ваа-сад̣̇д̣̇зна кийрабаанамад̇хусааяанаад̣̇ивид̇хим̣ сан̇г̇ан̣хаад̇и. убзжжа васид̇аб̣б̣ад̇о убосат̇о, баад̇имогкуд̣̇д̣̇зсо. убзд̇зна саманнааг̇ад̇зна худ̇ваа васид̇аб̣б̣ад̇о санд̇аанз ваасзд̇аб̣б̣ад̇о убосат̇о, сийлам̣. анасанаад̣̇ид̇хаммаад̣̇им̣ ваа убзжжа васанам̣ убаваасо убосат̇о. д̇ат̇ааруубз хад̇т̇иж̇аад̇ивисзсз убосат̇од̇и саман̃н̃аамад̇д̇анд̇и ааха – ‘‘убосат̇о наама нааг̇арааж̇аад̇иаад̣̇ийсу бан̃н̃ад̇д̇ий’’д̇и. вуд̇д̇анаязна убавасанд̇и зд̇т̇аад̇и убосат̇о, д̣̇ивасо. со банзса убосат̇о. маасабун̣н̣ад̇ааяаад̇и маасасса буурид̇абхаавзна. самбун̣н̣аад̇и саб̣б̣асо бун̣н̣аа. д̇ааяа хи рад̇д̇ияаа васзна маасо анавасзсад̇о бун̣н̣о ход̇и. маасад̣̇д̇хамаасаад̣̇ибхзд̣̇ам̣ гаалам̣ маад̇и минанд̇о вияа ход̇ийд̇и жа ‘‘маа’’ид̇и жанд̣̇о вужжад̇и. зд̇т̇аад̇и зд̇иссаа рад̇д̇ияаа. бун̣н̣о барибун̣н̣агало ж̇аад̇од̇и бун̣н̣амаа. д̇ан̃хи жанд̣̇абаарибуурияаа маасабаарибуурияаа звамааха. зд̇зна д̇асса убосат̇абхаавам̣ д̣̇ассзд̇и.
85.Tasmiṃahūti tasmiṃ ahanīti āha ‘‘tasmiṃ divase’’ti. Anasanenāti sabbaso āhārassa abhuñjanena sāsanikasīlena bāhirakaanasanena upetā hutvāti yojanā. Vā-saddena khīrapānamadhusāyanādividhiṃ saṅgaṇhāti. Upecca vasitabbato uposatho, pātimokkhuddeso. Upetena samannāgatena hutvā vasitabbato santāne vāsetabbato uposatho, sīlaṃ. Anasanādidhammādiṃ vā upecca vasanaṃ upavāso uposatho. Tathārūpe hatthijātivisese uposathoti samaññāmattanti āha – ‘‘uposatho nāma nāgarājātiādīsu paññattī’’ti. Vuttanayena upavasanti etthāti uposatho, divaso. So panesa uposatho. Māsapuṇṇatāyāti māsassa pūritabhāvena. Sampuṇṇāti sabbaso puṇṇā. Tāya hi rattiyā vasena māso anavasesato puṇṇo hoti. Māsaddhamāsādibhedaṃ kālaṃ māti minanto viya hotīti ca ‘‘mā’’iti cando vuccati. Etthāti etissā rattiyā. Puṇṇo paripuṇṇakalo jātoti puṇṇamā. Tañhi candapāripūriyā māsapāripūriyā evamāha. Etena tassa uposathabhāvaṃ dasseti.
д̣̇иссад̇и палам̣ санд̣̇иссад̇ийд̇и д̣̇зсо, хзд̇ууд̇и ааха ‘‘д̣̇зсанд̇и гааран̣а’’нд̇и. саб̣б̣ам̣ гат̇знд̇и саб̣б̣ам̣ ад̇д̇анаа бариг̇г̇ахид̇аббагаарам̣ гат̇знд̇и. гат̇зд̇ум̣ на саггонд̇и ависаяад̇д̇аа. баасаад̣̇абаривзн̣зд̇и баасаад̣̇асса бурад̇о вивадан̇г̇ан̣з. хздтаа вуд̇д̇анаязнаад̇и сзкасуд̇д̇з (ма. ни. адта. 2.22) вуд̇д̇анаязна вид̇т̇аарзд̇аб̣б̣ам̣.
Dissati phalaṃ sandissatīti deso, hetūti āha ‘‘desanti kāraṇa’’nti. Sabbaṃ kathenti sabbaṃ attanā pariggahitappakāraṃ kathenti. Kathetuṃ na sakkonti avisayattā. Pāsādapariveṇeti pāsādassa purato vivaṭaṅgaṇe. Heṭṭhā vuttanayenāti sekhasutte (ma. ni. aṭṭha. 2.22) vuttanayena vitthāretabbaṃ.
86. имз ну код̇и зд̇т̇а нууд̇и сам̣саяаж̇од̇анод̇и ааха – ‘‘вимад̇ибужчаа вияа гат̇ид̇аа’’д̇и. ж̇аананд̇знаад̇иаад̣̇и бужчаавад̇д̇ад̣̇ассанабарам̣ д̣̇адтаб̣б̣ам̣, на бужчагасса сад̇т̇у ад̇д̇ано аж̇аананабхаавад̣̇ийбанабарам̣. ж̇аанаад̇и хи бхаг̇аваа. аж̇аананд̇зна вияа худ̇ваа бужчид̇з. яат̇аабхууд̇асабхаавам̣ ж̇аананд̇о вияа бужчад̇и гохан̃н̃з тад̇ваа. д̇знааха – ‘‘т̇зро зваруубам̣ важанам̣ гим̣ гариссад̇ий’’д̇и гааран̣асса суббахийнад̇д̇аад̇и ад̇хиббааяо.
86.Ime nu khoti ettha nūti saṃsayajotanoti āha – ‘‘vimatipucchā viya kathitā’’ti. Jānantenātiādi pucchāvattadassanaparaṃ daṭṭhabbaṃ, na pucchakassa satthu attano ajānanabhāvadīpanaparaṃ. Jānāti hi bhagavā. Ajānantena viya hutvā pucchite. Yathābhūtasabhāvaṃ jānanto viya pucchati kohaññe ṭhatvā. Tenāha – ‘‘thero evarūpaṃ vacanaṃ kiṃ karissatī’’ti kāraṇassa suppahīnattāti adhippāyo.
чанд̣̇амуулагаад̇и д̇ан̣хаачанд̣̇амуулагаа. д̇ан̣хаа хи д̣̇угкасамуд̣̇аяо. гусаласан̃н̃о ваа т̇ирависад̣̇анибун̣асан̃н̃о ваа, гусаласан̇кааро ваа д̇икин̣ат̇ирависад̣̇асан̇кааро ваа; сувисуд̣̇д̇хавибулод̣̇ааравин̃н̃аан̣о ваад̇и имамад̇т̇ам̣ ‘‘сан̃н̃аад̣̇ийсуби зсзва наяо’’д̇и иминаа ад̇ид̣̇исад̇и. гасмаа банзд̇т̇а анааг̇ад̇агаалавасзнзва д̣̇зсанаа ааг̇ад̇аад̇и ааха ‘‘яасмаа банаа’’д̇иаад̣̇и.
Chandamūlakāti taṇhāchandamūlakā. Taṇhā hi dukkhasamudayo. Kusalasañño vā thiravisadanipuṇasañño vā, kusalasaṅkhāro vā tikhiṇathiravisadasaṅkhāro vā; suvisuddhavipulodāraviññāṇo vāti imamatthaṃ ‘‘saññādīsupi eseva nayo’’ti iminā atidisati. Kasmā panettha anāgatakālavaseneva desanā āgatāti āha ‘‘yasmā panā’’tiādi.
канд̇хаанам̣ канд̇хабан̣н̣ад̇д̇ийд̇и канд̇хасад̣̇д̣̇аабхид̇хзяяаанам̣ руббанаанубхаванасан̃ж̇аананаабхисан̇каравиж̇аананасабхааваанам̣ ад̇т̇аанам̣ ‘‘канд̇хо’’д̇и аяам̣ саман̃н̃аа. гид̇д̇агзнаад̇и гим̣баримаан̣зна ад̇т̇зна, раасад̇т̇абхааг̇ад̇т̇аад̣̇ийсу гийд̣̇исзнаад̇и ад̇хиббааяо.
Khandhānaṃ khandhapaṇṇattīti khandhasaddābhidheyyānaṃ ruppanānubhavanasañjānanābhisaṅkharavijānanasabhāvānaṃ atthānaṃ ‘‘khandho’’ti ayaṃ samaññā. Kittakenāti kiṃparimāṇena atthena, rāsatthabhāgatthādīsu kīdisenāti adhippāyo.
хзд̇ухзд̇ууд̇и хзд̇убажжаяабхууд̇о хзд̇у. яо хи лобхаад̣̇ийнам̣ сахаж̇аад̇ад̇хаммзсу мууладтзнубагаарагабхааво ниббарияааязна хзд̇уд̇т̇о; со бат̇авийаад̣̇ийсуби бажжаяабхаавамад̇д̇зна хзд̇убарияааяад̣̇ассанад̇о д̣̇уд̇иязна хзд̇у-сад̣̇д̣̇зна висзсзд̇ваа вуд̇д̇о ‘‘хзд̇ухзд̇уу’’д̇и. авиж̇ж̇аа бун̃н̃аабхисан̇каараад̣̇ийнам̣ саад̇хааран̣абажжаяад̇д̇аа саад̇хааран̣ахзд̇у, ‘‘ад̇ийд̇аанааг̇ад̇абажжуббаннаанам̣ гаммасамаад̣̇аанаанам̣ таанасо хзд̇усо вибаага’’нд̇и зд̇т̇а виж̇ж̇амаанзсуби ан̃н̃зсу бажжаязсу идтаанидтавибааганияаамагад̇д̇аа гаммам̣ д̇асса бад̇хаанагааран̣анд̇и ааха – ‘‘гусалаагусалам̣ ад̇д̇ано ад̇д̇ано вибаагад̣̇аанз уд̇д̇амахзд̇уу’’д̇и. ‘‘махаабхууд̇аа хзд̇уу’’д̇и аяамзвад̇т̇о ‘‘махаабхууд̇аа бажжаяо’’д̇и иминааби вуд̇д̇од̇и хзд̇усад̣̇д̣̇абажжаяасад̣̇д̣̇аанам̣ самаанад̇т̇ад̇д̇аа бажжаяо зва хзд̇у бажжаяахзд̇у, яо жа руубагканд̇хасса хзд̇у, со зва д̇асса бан̃н̃аабанааяа бажжаяод̇и вуд̇д̇од̇и ааха – ‘‘ид̇ха бажжаяахзд̇у ад̇хиббзд̇о’’д̇и. яад̣̇аг̇г̇зна бажжаяад̇хаммо ад̇д̇ано бажжаяуббаннасса уббаад̣̇ааяа тид̇ияаа жа бажжаяо, д̇ад̣̇аг̇г̇зна д̇асса бхаавад̇о саман̃н̃аад̇о бан̃н̃аабанааяаби со бажжаяод̇и вад̇д̇аб̣б̣ад̇ам̣ арахад̇ийд̇и. баал̣ияам̣ авибхааг̇зна вуд̇д̇амад̇т̇ам̣ вибхааг̇зна д̣̇ассзд̇ум̣, ‘‘д̇ад̇т̇а бат̇авийд̇хаад̇уу’’д̇иаад̣̇и вуд̇д̇ам̣. д̇ад̇т̇а бан̃н̃аабанааяаад̇и сахзд̇уахзд̇уганд̇иаад̣̇иаагаарзхи б̣од̇ханааяа . д̇ам̣ бана саб̣б̣од̇ханам̣ н̃аан̣зна д̣̇ассанам̣ ход̇ийд̇и вуд̇д̇ам̣ ‘‘д̣̇ассанад̇т̇ааяаа’’д̇и.
Hetuhetūti hetupaccayabhūto hetu. Yo hi lobhādīnaṃ sahajātadhammesu mūlaṭṭhenupakārakabhāvo nippariyāyena hetuttho; so pathavīādīsupi paccayabhāvamattena hetupariyāyadassanato dutiyena hetu-saddena visesetvā vutto ‘‘hetuhetū’’ti. Avijjā puññābhisaṅkhārādīnaṃ sādhāraṇapaccayattā sādhāraṇahetu, ‘‘atītānāgatapaccuppannānaṃ kammasamādānānaṃ ṭhānaso hetuso vipāka’’nti ettha vijjamānesupi aññesu paccayesu iṭṭhāniṭṭhavipākaniyāmakattā kammaṃ tassa padhānakāraṇanti āha – ‘‘kusalākusalaṃ attano attano vipākadāne uttamahetū’’ti. ‘‘Mahābhūtā hetū’’ti ayamevattho ‘‘mahābhūtā paccayo’’ti imināpi vuttoti hetusaddapaccayasaddānaṃ samānatthattā paccayo eva hetu paccayahetu, yo ca rūpakkhandhassa hetu, so eva tassa paññāpanāya paccayoti vuttoti āha – ‘‘idha paccayahetu adhippeto’’ti. Yadaggena paccayadhammo attano paccayuppannassa uppādāya ṭhitiyā ca paccayo, tadaggena tassa bhāvato samaññāto paññāpanāyapi so paccayoti vattabbataṃ arahatīti. Pāḷiyaṃ avibhāgena vuttamatthaṃ vibhāgena dassetuṃ, ‘‘tattha pathavīdhātū’’tiādi vuttaṃ. Tattha paññāpanāyāti sahetuahetukantiādiākārehi bodhanāya . Taṃ pana sabbodhanaṃ ñāṇena dassanaṃ hotīti vuttaṃ ‘‘dassanatthāyā’’ti.
пассод̇и пассасаман̇г̇ийбхааво. со жзд̇т̇а сагижжанибпаад̣̇анасамад̇т̇асса пассасса ниб̣б̣ад̇д̇и. ниб̣б̣ад̇д̇о хи пассо д̇ат̇ааруубааяа взд̣̇анааяа бажжаяо ход̇ийд̇и. зд̇ад̣̇ад̇т̇амзвзд̇т̇а бхаг̇авад̇аа буг̇г̇алаад̇хидтаанаа д̣̇зсанаа гад̇аа, д̇асмаа бажжуббаннаад̇ийд̇агаалавасзна д̣̇вигаалиго пассасад̣̇д̣̇о взд̣̇ид̇аб̣б̣о. пассз сад̇и взд̣̇зд̇и пассабажжаяаа взд̣̇анааижжзва вуд̇д̇ам̣ ход̇и. сзсабад̣̇ад̣̇ваязби зсзва наяо. яат̇зва хи взд̣̇анааяа звам̣ сан̃н̃ааяа сан̇каараанамби пассо висзсабажжаяо д̇асмим̣ асад̇и абхаавад̇о. жзд̇анааг̇г̇ахан̣зна ааяууханаануруубад̇ааяа д̇аббад̇хаанад̇д̇аа сан̇каарагканд̇хад̇хаммаа г̇ахид̇аа. д̇ат̇аа хи суд̇д̇анд̇абхааж̇анийяз сан̇каарагканд̇хабхааж̇анийяз (вибха. 21, 22) жа ‘‘жагкусампассаж̇аа жзд̇анаа’’д̇иаад̣̇инаа жзд̇анаава нид̣̇д̣̇идтаа. вин̃н̃аан̣агканд̇хассаад̇и зд̇т̇а згасмим̣ бхавз аад̣̇ибхууд̇авин̃н̃аан̣асса наамаруубабажжаяад̇ам̣ д̣̇ассзд̇ум̣, ‘‘бадисанд̇хивин̃н̃аан̣зна д̇ааваа’’д̇иаад̣̇и вуд̇д̇ам̣. д̇ад̇т̇а г̇аб̣бхасзяяагасса сабхаавагасса руубабавад̇д̇им̣ санд̇хааяа ‘‘убаримабарижчзд̣̇знаа’’д̇и вуд̇д̇ам̣ самад̇им̣сад̇о убари бадисанд̇хигкан̣з д̇асса руубаанам̣ асамбхавад̇о. ид̣̇аани бавад̇д̇ивин̃н̃аан̣асса наамаруубабажжаяам̣ д̣̇вааравасзна д̣̇ассзд̇ум̣, ‘‘жагкуд̣̇ваарз’’д̇иаад̣̇и вуд̇д̇ам̣. нану жа вин̃н̃аан̣ассаби пассо бажжаяо, гасмаа д̇аяо зва канд̇хаа пассабажжаяаа вуд̇д̇аад̇и? сажжамзд̇ам̣, яат̇аа бана вин̃н̃аан̣асахид̇о пассо взд̣̇анаад̣̇ийнам̣ бажжаяо, на звам̣ вин̃н̃аан̣асса. д̇знааха бхаг̇аваа – ‘‘д̇ин̣н̣ам̣ сан̇г̇ад̇и пассо’’д̇и (ма. ни. 1.204; ма. ни. 3.421, 425, 426; сам̣. ни. 2.44, 45; 2.4.60) пассо вияа наамаруубам̣ вин̃н̃аан̣асса висзсабажжаяо яат̇аа наамаруубабажжаяааби вин̃н̃аан̣анд̇и. д̇асмаа имам̣ висзсам̣ д̣̇ассзд̇ум̣ наамаруубассзва вин̃н̃аан̣абажжаяад̇аа вуд̇д̇аа, на пассасса.
Phassoti phassasamaṅgībhāvo. So cettha sakiccanipphādanasamatthassa phassassa nibbatti. Nibbatto hi phasso tathārūpāya vedanāya paccayo hotīti. Etadatthamevettha bhagavatā puggalādhiṭṭhānā desanā katā, tasmā paccuppannātītakālavasena dvikāliko phassasaddo veditabbo. Phasse sati vedeti phassapaccayā vedanāicceva vuttaṃ hoti. Sesapadadvayepi eseva nayo. Yatheva hi vedanāya evaṃ saññāya saṅkhārānampi phasso visesapaccayo tasmiṃ asati abhāvato. Cetanāggahaṇena āyūhanānurūpatāya tappadhānattā saṅkhārakkhandhadhammā gahitā. Tathā hi suttantabhājanīye saṅkhārakkhandhabhājanīye (vibha. 21, 22) ca ‘‘cakkhusamphassajā cetanā’’tiādinā cetanāva niddiṭṭhā. Viññāṇakkhandhassāti ettha ekasmiṃ bhave ādibhūtaviññāṇassa nāmarūpapaccayataṃ dassetuṃ, ‘‘paṭisandhiviññāṇena tāvā’’tiādi vuttaṃ. Tattha gabbhaseyyakassa sabhāvakassa rūpapavattiṃ sandhāya ‘‘uparimaparicchedenā’’ti vuttaṃ samatiṃsato upari paṭisandhikkhaṇe tassa rūpānaṃ asambhavato. Idāni pavattiviññāṇassa nāmarūpapaccayaṃ dvāravasena dassetuṃ, ‘‘cakkhudvāre’’tiādi vuttaṃ. Nanu ca viññāṇassapi phasso paccayo, kasmā tayo eva khandhā phassapaccayā vuttāti? Saccametaṃ, yathā pana viññāṇasahito phasso vedanādīnaṃ paccayo, na evaṃ viññāṇassa. Tenāha bhagavā – ‘‘tiṇṇaṃ saṅgati phasso’’ti (ma. ni. 1.204; ma. ni. 3.421, 425, 426; saṃ. ni. 2.44, 45; 2.4.60) phasso viya nāmarūpaṃ viññāṇassa visesapaccayo yathā nāmarūpapaccayāpi viññāṇanti. Tasmā imaṃ visesaṃ dassetuṃ nāmarūpasseva viññāṇapaccayatā vuttā, na phassassa.
87. яаава саггааяад̣̇идти самуббаж̇ж̇ад̇и, д̇аава ваддасса барияанд̇о над̇т̇зваад̇и аббахийнасаггааяад̣̇идтиго ваддз бариб̣бхамад̇ийд̇и ааха – ‘‘гат̇ам̣ бана, бханд̇зд̇и ваддам̣ бужчанд̇о’’д̇и. яат̇аа жа саггааяад̣̇идтиж̇од̇анаа ваддабужчаа, звам̣ д̇аб̣бхзд̣̇анаж̇од̇анаа виваддабужчаад̇и ааха – ‘‘саггааяад̣̇идти на ход̇ийд̇и виваддам̣ бужчанд̇о’’д̇и.
87. Yāva sakkāyadiṭṭhi samuppajjati, tāva vaṭṭassa pariyanto natthevāti appahīnasakkāyadiṭṭhiko vaṭṭe paribbhamatīti āha – ‘‘kathaṃ pana, bhanteti vaṭṭaṃ pucchanto’’ti. Yathā ca sakkāyadiṭṭhijotanā vaṭṭapucchā, evaṃ tabbhedanajotanā vivaṭṭapucchāti āha – ‘‘sakkāyadiṭṭhi na hotīti vivaṭṭaṃ pucchanto’’ti.
88. аяам̣ руубз ассаад̣̇од̇и яаат̇аавад̇о д̣̇ассанам̣ барин̃н̃аабхисамаяо, д̣̇угкасажжабарияаабаннан̃жа руубанд̇и ааха – ‘‘иминаа барин̃н̃аабадивзд̇хо жзва д̣̇угкасажжан̃жа гат̇ид̇а’’нд̇и. ‘‘яам̣ руубам̣ анижжа’’нд̇иаад̣̇иважанад̇о анижжаад̣̇ибхааво д̇ад̇т̇а аад̣̇ийнаво, со жасса бажжаяаад̇хийнавуд̇д̇ид̇ааяа бажжаяо самуд̣̇аяасажжанд̇и самуд̣̇аяаббахаанзна аад̣̇ийнавасамад̇иггамод̇и аад̣̇ийнаваг̇г̇ахан̣зна сид̣̇д̇хамад̇т̇амааха – ‘‘бахаанабадивзд̇хо жзва самуд̣̇аяасажжан̃жаа’’д̇и. саб̣б̣асан̇кад̇аниссаран̣ам̣ ниб̣б̣аанан̃жа сажчигирияаабхисамаяавасзна бадивиж̇жхид̇аб̣б̣анд̇и ааха – ‘‘иминаа сажчигирияаабадивзд̇хо жзва нирод̇хасажжан̃жаа’’д̇и. имзсу д̇ийсу таанзсууд̇и яат̇аавуд̇д̇зсу д̣̇угкаад̣̇ийсу д̇ийсу абхисамаяадтаанзсу. яз саммаад̣̇идтиаад̣̇аяо д̇хаммаад̇и яз арияамаг̇г̇асан̃н̃ид̇аа саммаад̣̇идтиаад̣̇аяо адта, сад̇д̇а ваа д̇хаммаа. бхааванаабадивзд̇хо маг̇г̇асажжанд̇и бхааванаабхисамаяавасзна бавад̇д̇ам̣ маг̇г̇асажжам̣. сзсабад̣̇зсубийд̇и, ‘‘аяам̣ взд̣̇анааяа ассаад̣̇о’’д̇иаад̣̇ибад̣̇зсуби.
88.Ayaṃrūpe assādoti yāthāvato dassanaṃ pariññābhisamayo, dukkhasaccapariyāpannañca rūpanti āha – ‘‘iminā pariññāpaṭivedho ceva dukkhasaccañca kathita’’nti. ‘‘Yaṃ rūpaṃ anicca’’ntiādivacanato aniccādibhāvo tattha ādīnavo, so cassa paccayādhīnavuttitāya paccayo samudayasaccanti samudayappahānena ādīnavasamatikkamoti ādīnavaggahaṇena siddhamatthamāha – ‘‘pahānapaṭivedho ceva samudayasaccañcā’’ti. Sabbasaṅkhatanissaraṇaṃ nibbānañca sacchikiriyābhisamayavasena paṭivijjhitabbanti āha – ‘‘iminā sacchikiriyāpaṭivedho ceva nirodhasaccañcā’’ti. Imesu tīsu ṭhānesūti yathāvuttesu dukkhādīsu tīsu abhisamayaṭṭhānesu. Ye sammādiṭṭhiādayo dhammāti ye ariyamaggasaññitā sammādiṭṭhiādayo aṭṭha, satta vā dhammā. Bhāvanāpaṭivedho maggasaccanti bhāvanābhisamayavasena pavattaṃ maggasaccaṃ. Sesapadesupīti, ‘‘ayaṃ vedanāya assādo’’tiādipadesupi.
89. имасминд̇и аасаннабажжагкад̇ааяа сагаад̇д̇абхааво г̇ахид̇о, д̇ад̣̇зва аж̇жхад̇д̇аа канд̇хаад̇и д̇аббадияог̇ид̇ааяа, ‘‘б̣ахид̣̇д̇хаад̇и барасса савин̃н̃аан̣агз гааяз’’д̇и вуд̇д̇ам̣. саб̣б̣анимид̇д̇зсууд̇и саб̣б̣зсу руубанимид̇д̇аад̣̇ийсуби . д̇аани бана инд̣̇рияаб̣ад̣̇д̇хааниби анинд̣̇рияаб̣ад̣̇д̇хааниби д̇ам̣сабхааваанийд̇и ааха ‘‘анинд̣̇рияаб̣ад̣̇д̇хамби сан̇г̇ан̣хаад̇ий’’д̇и. вин̃н̃аан̣аг̇г̇ахан̣знзвзд̇т̇а взд̣̇анаад̣̇аяоби г̇ахид̇аа авинаабхаавад̇од̇и, ‘‘савин̃н̃аан̣агз гааяз’’д̇и вуд̇д̇ам̣. ‘‘гааяо’’д̇и ваа канд̇хасамууход̇и ад̇т̇о.
89.Imasminti āsannapaccakkhatāya sakaattabhāvo gahito, tadeva ajjhattā khandhāti tappaṭiyogitāya, ‘‘bahiddhāti parassa saviññāṇake kāye’’ti vuttaṃ. Sabbanimittesūti sabbesu rūpanimittādīsupi . Tāni pana indriyabaddhānipi anindriyabaddhānipi taṃsabhāvānīti āha ‘‘anindriyabaddhampi saṅgaṇhātī’’ti. Viññāṇaggahaṇenevettha vedanādayopi gahitā avinābhāvatoti, ‘‘saviññāṇake kāye’’ti vuttaṃ. ‘‘Kāyo’’ti vā khandhasamūhoti attho.
90. анад̇д̇ани тад̇ваад̇и ад̇д̇арахид̇з анад̇д̇асабхаавз канд̇хагодтаасз тад̇ваа д̇ам̣ аад̇хаарам̣ гад̇ваа гад̇аани гаммаани. гад̇арасмим̣ ад̇д̇ани тад̇ваад̇и гийд̣̇исз ад̇д̇ани ниссаяавибаагам̣ д̣̇ассанд̇и вибажжиссанд̇и. зд̇зна гаарагавзд̣̇агарахид̇ад̇д̇аа ад̇д̇абагкагаммагаани на яуж̇ж̇анд̇ийд̇и д̣̇ассзд̇и, канд̇хаанам̣ кан̣игад̇д̇аа жа гад̇анаасаагад̇аб̣бхааг̇амад̣̇осо жа аабаж̇ж̇ад̇ийд̇и.
90.Anattani ṭhatvāti attarahite anattasabhāve khandhakoṭṭhāse ṭhatvā taṃ ādhāraṃ katvā katāni kammāni. Katarasmiṃ attani ṭhatvāti kīdise attani nissayavipākaṃ dassanti vipaccissanti. Etena kārakavedakarahitattā attapakkhakammakāni na yujjantīti dasseti, khandhānaṃ khaṇikattā ca katanāsaakatabbhāgamadoso ca āpajjatīti.
д̇ад̇рааяам̣ (ид̇иву. адта. 74; саарад̇т̇а. дий. 1.5) жод̣̇анаасод̇ханаавид̇хи – баан̣аад̇ибаад̇авасзна д̇аава гаммабат̇асамб̣анд̇хавибхааванаа, кан̣з кан̣з хи нируж̇жханасабхаавзсу сан̇каарзсу го ханд̇и, го ваа хан̃н̃ад̇и, яад̣̇и жид̇д̇ажзд̇асигасанд̇аано, со аруубад̇д̇аа на чзд̣̇анабхзд̣̇анаад̣̇ивасзна вигобанасамад̇т̇о, наби вигобанийяо. ат̇а руубасанд̇аано, со ажзд̇анад̇д̇аа гадтагалин̇г̇аруубамод̇и на д̇ад̇т̇а чзд̣̇анаад̣̇инаа баан̣аад̇ибаад̇аабун̃н̃ам̣ басавад̇и яат̇аа мад̇асарийрз. баяог̇оби баан̣аад̇ибаад̇асса бахаран̣аббахаараад̣̇иго ад̇ийд̇зсу ваа сан̇каарзсу бхавзяяа, анааг̇ад̇зсу, бажжуббаннзсу ваа, д̇ад̇т̇а на д̇аава ад̇ийд̇аанааг̇ад̇зсу самбхавад̇и д̇зсам̣ абхаавад̇о, бажжуббаннзсу жа сан̇каараанам̣ кан̣игад̇д̇аа сарасзнзва нируж̇жханасабхаавад̇ааяа винаасаабхимукзсу ниббаяож̇ано баяог̇о сияаа, винаасасса жа гааран̣арахид̇ад̇д̇аа на бахаран̣аббахаараад̣̇иббаяог̇ахзд̇угам̣ маран̣ам̣, нирийхагад̇ааяа жа сан̇каараанам̣ гасса со баяог̇о? кан̣игад̇д̇аа вад̇хаад̇хиббааяасамагаалабхиж̇ж̇анагасса гирияаабарияосаанагаалаанавадтаанад̇о гасса баан̣аад̇ибаад̇агаммаб̣ад̣̇д̇ход̇и?
Tatrāyaṃ (itivu. aṭṭha. 74; sārattha. ṭī. 1.5) codanāsodhanāvidhi – pāṇātipātavasena tāva kammapathasambandhavibhāvanā, khaṇe khaṇe hi nirujjhanasabhāvesu saṅkhāresu ko hanti, ko vā haññati, yadi cittacetasikasantāno, so arūpattā na chedanabhedanādivasena vikopanasamattho, napi vikopanīyo. Atha rūpasantāno, so acetanattā kaṭṭhakaliṅgarūpamoti na tattha chedanādinā pāṇātipātāpuññaṃ pasavati yathā matasarīre. Payogopi pāṇātipātassa paharaṇappahārādiko atītesu vā saṅkhāresu bhaveyya, anāgatesu, paccuppannesu vā, tattha na tāva atītānāgatesu sambhavati tesaṃ abhāvato, paccuppannesu ca saṅkhārānaṃ khaṇikattā saraseneva nirujjhanasabhāvatāya vināsābhimukhesu nippayojano payogo siyā, vināsassa ca kāraṇarahitattā na paharaṇappahārādippayogahetukaṃ maraṇaṃ, nirīhakatāya ca saṅkhārānaṃ kassa so payogo? Khaṇikattā vadhādhippāyasamakālabhijjanakassa kiriyāpariyosānakālānavaṭṭhānato kassa pāṇātipātakammabaddhoti?
вужжад̇зяат̇аавуд̇д̇авад̇хагажзд̇анаасахид̇о сан̇каарабун̃ж̇о сад̇д̇асан̇каад̇о ханд̇и. д̇зна бавад̇д̇ид̇авад̇хаббаяог̇анимид̇д̇ам̣ абаг̇ад̇аусмаавин̃н̃аан̣аж̇ийвид̇инд̣̇рияо мад̇авохаарабавад̇д̇иниб̣анд̇хано яат̇аавуд̇д̇аваббаяог̇агаран̣з уббаж̇ж̇анаарахо руубааруубад̇хаммасамуухо хан̃н̃ад̇и, гзвало ваа жид̇д̇ажзд̇асигасанд̇аано. вад̇хаббаяог̇аависаяабхаавзби д̇асса бан̃жавогаарабхавз руубасанд̇аанаад̇хийнавуд̇д̇ид̇ааяа руубасанд̇аанз барзна баяож̇ид̇аж̇ийвид̇инд̣̇рияубажчзд̣̇агабаяог̇авасзна д̇анниб̣б̣ад̇д̇ид̇авиб̣анд̇хагависад̣̇ируубуббад̇д̇ияаа виг̇ад̇з вижчзд̣̇о ход̇ийд̇и на баан̣аад̇ибаад̇асса асамбхаво; нааби ахзд̇уго баан̣аад̇ибаад̇о, на жа баяог̇о ниббаяож̇ано бажжуббаннзсу сан̇каарзсу гад̇аббаяог̇авасзна д̇ад̣̇ананд̇арам̣ уббаж̇ж̇анаарахасса сан̇каарагалаабасса д̇ат̇аа ануббад̇д̇ид̇о. кан̣игаанам̣ сан̇каараанам̣ кан̣игамаран̣асса ид̇ха маран̣абхаавзна анад̇хиббзд̇ад̇д̇аа санд̇ад̇имаран̣асса жа яат̇аавуд̇д̇анаязна сахзд̇угабхаавад̇о на ахзд̇угам̣ маран̣ам̣ ; на жа гад̇д̇урахид̇о баан̣аад̇ибаад̇аббаяог̇о нирийхагзсуби сан̇каарзсу саннихид̇ад̇аамад̇д̇зна убагаарагзсу ад̇д̇ано ад̇д̇ано ануруубапалуббаад̣̇анз нияад̇зсу гааран̣зсу гад̇д̇увохаарасид̣̇д̇хид̇о яат̇аа – ‘‘бад̣̇ийбо багаасзд̇и, нисаагаро жанд̣̇имаа’’д̇и. на жа гзваласса важаад̇хиббааяасахабхуно жид̇д̇ажзд̇асигагалаабасса баан̣аад̇ибаад̇о ижчид̇о санд̇аанавасзна авадтид̇ассзва бадиж̇аананад̇о; санд̇аанавасзна бавад̇д̇амаанаанан̃жа бад̣̇ийбаад̣̇ийнам̣ ад̇т̇агирияасид̣̇д̇хи д̣̇иссад̇ийд̇и ад̇т̇зва баан̣аад̇ибаад̇зна гаммунаа б̣ад̣̇д̇хо; д̇ад̇о зва яасмим̣ санд̇аанз баан̣аад̇ибаад̇ажзд̇анаа бавад̇д̇аа; д̇ад̇т̇зва санд̇аанз бажжаяанд̇арасамавааязна бхаванд̇арз нираяаад̣̇ийсу д̇ассаа палаббавад̇д̇ийд̇и над̇т̇зва гад̇авинаасо агад̇аб̣бхааг̇амо жа. иминаа наязна ад̣̇иннаад̣̇аанаад̣̇ийнан̃жа васзна яат̇аарахам̣ гаммабат̇асамб̣анд̇хавибхааванаа взд̣̇ид̇аб̣б̣аад̇и.
Vuccateyathāvuttavadhakacetanāsahito saṅkhārapuñjo sattasaṅkhāto hanti. Tena pavattitavadhappayoganimittaṃ apagatausmāviññāṇajīvitindriyo matavohārapavattinibandhano yathāvuttavappayogakaraṇe uppajjanāraho rūpārūpadhammasamūho haññati, kevalo vā cittacetasikasantāno. Vadhappayogāvisayabhāvepi tassa pañcavokārabhave rūpasantānādhīnavuttitāya rūpasantāne parena payojitajīvitindriyupacchedakapayogavasena tannibbattitavibandhakavisadirūpuppattiyā vigate vicchedo hotīti na pāṇātipātassa asambhavo; nāpi ahetuko pāṇātipāto, na ca payogo nippayojano paccuppannesu saṅkhāresu katappayogavasena tadanantaraṃ uppajjanārahassa saṅkhārakalāpassa tathā anuppattito. Khaṇikānaṃ saṅkhārānaṃ khaṇikamaraṇassa idha maraṇabhāvena anadhippetattā santatimaraṇassa ca yathāvuttanayena sahetukabhāvato na ahetukaṃ maraṇaṃ ; na ca katturahito pāṇātipātappayogo nirīhakesupi saṅkhāresu sannihitatāmattena upakārakesu attano attano anurūpaphaluppādane niyatesu kāraṇesu kattuvohārasiddhito yathā – ‘‘padīpo pakāseti, nisākaro candimā’’ti. Na ca kevalassa vacādhippāyasahabhuno cittacetasikakalāpassa pāṇātipāto icchito santānavasena avaṭṭhitasseva paṭijānanato; santānavasena pavattamānānañca padīpādīnaṃ atthakiriyasiddhi dissatīti attheva pāṇātipātena kammunā baddho; tato eva yasmiṃ santāne pāṇātipātacetanā pavattā; tattheva santāne paccayantarasamavāyena bhavantare nirayādīsu tassā phalappavattīti nattheva katavināso akatabbhāgamo ca. Iminā nayena adinnādānādīnañca vasena yathārahaṃ kammapathasambandhavibhāvanā veditabbāti.
саб̣б̣о д̣̇идтиг̇г̇аахо д̇ан̣хаавасаг̇ад̇ассзва ход̇ийд̇и ааха ‘‘д̇ан̣хаад̇хибад̇зяязнаа’’д̇и. д̇зсу д̇зсу д̇хаммзсууд̇и маяаа д̣̇зсияамаанад̣̇ассанад̇хаммзсу. багад̇игаммадтаананд̇и д̇асса т̇зрасса санд̇игз г̇ахзд̇ваа барихарияамаанагаммадтаанам̣. ан̃н̃ам̣ навагаммадтаананд̇и бхаг̇авад̇о д̣̇зсанаанусаарзна г̇ахид̇ам̣ ан̃н̃ам̣ навам̣ гаммадтаанам̣. сзсам̣ сувин̃н̃зяяамзва.
Sabbo diṭṭhiggāho taṇhāvasagatasseva hotīti āha ‘‘taṇhādhipateyyenā’’ti. Tesu tesu dhammesūti mayā desiyamānadassanadhammesu. Pakatikammaṭṭhānanti tassa therassa santike gahetvā parihariyamānakammaṭṭhānaṃ. Aññaṃ navakammaṭṭhānanti bhagavato desanānusārena gahitaṃ aññaṃ navaṃ kammaṭṭhānaṃ. Sesaṃ suviññeyyameva.
махаабун̣н̣амасуд̇д̇аван̣н̣анааяа лийнад̇т̇аббагаасанаа самад̇д̇аа.
Mahāpuṇṇamasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. махаабун̣н̣амасуд̇д̇ам̣ • 9. Mahāpuṇṇamasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. махаабун̣н̣амасуд̇д̇аван̣н̣анаа • 9. Mahāpuṇṇamasuttavaṇṇanā
