| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
2. нааланд̣̇аваг̇г̇о
2. Nālandavaggo
1. махаабурисасуд̇д̇ам̣
1. Mahāpurisasuttaṃ
377. саавад̇т̇инид̣̇аанам̣ . ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘‘махаабурисо, махаабурисо’д̇и, бханд̇з, вужжад̇и. гид̇д̇аавад̇аа ну ко, бханд̇з, махаабурисо ход̇ий’’д̇и? ‘‘вимуд̇д̇ажид̇д̇ад̇д̇аа кваахам̣, саарибуд̇д̇а, ‘махаабурисо’д̇и вад̣̇аами. авимуд̇д̇ажид̇д̇ад̇д̇аа ‘но махаабурисо’д̇и вад̣̇аами’’.
377. Sāvatthinidānaṃ . Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca – ‘‘‘mahāpuriso, mahāpuriso’ti, bhante, vuccati. Kittāvatā nu kho, bhante, mahāpuriso hotī’’ti? ‘‘Vimuttacittattā khvāhaṃ, sāriputta, ‘mahāpuriso’ti vadāmi. Avimuttacittattā ‘no mahāpuriso’ti vadāmi’’.
‘‘гат̇ан̃жа, саарибуд̇д̇а, вимуд̇д̇ажид̇д̇о ход̇и? ид̇ха, саарибуд̇д̇а, бхигку гааяз гааяаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. д̇асса гааяз гааяаанубассино вихарад̇о жид̇д̇ам̣ вираж̇ж̇ад̇и, вимужжад̇и анубаад̣̇ааяа аасавзхи. взд̣̇анаасу…бз… жид̇д̇з…бз… д̇хаммзсу д̇хаммаанубассий вихарад̇и аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. д̇асса д̇хаммзсу д̇хаммаанубассино вихарад̇о жид̇д̇ам̣ вираж̇ж̇ад̇и, вимужжад̇и анубаад̣̇ааяа аасавзхи. звам̣ ко, саарибуд̇д̇а, вимуд̇д̇ажид̇д̇о ход̇и. вимуд̇д̇ажид̇д̇ад̇д̇аа кваахам̣, саарибуд̇д̇а, ‘махаабурисо’д̇и вад̣̇аами. авимуд̇д̇ажид̇д̇ад̇д̇аа ‘но махаабурисо’д̇и вад̣̇аамий’’д̇и. батамам̣.
‘‘Kathañca, sāriputta, vimuttacitto hoti? Idha, sāriputta, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ. Tassa kāye kāyānupassino viharato cittaṃ virajjati, vimuccati anupādāya āsavehi. Vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Tassa dhammesu dhammānupassino viharato cittaṃ virajjati, vimuccati anupādāya āsavehi. Evaṃ kho, sāriputta, vimuttacitto hoti. Vimuttacittattā khvāhaṃ, sāriputta, ‘mahāpuriso’ti vadāmi. Avimuttacittattā ‘no mahāpuriso’ti vadāmī’’ti. Paṭhamaṃ.
