Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā)

    7. махаасагулуд̣̇ааяисуд̇д̇аван̣н̣анаа

    7. Mahāsakuludāyisuttavaṇṇanā

    237. звам̣ мз суд̇анд̇и махаасагулуд̣̇ааяисуд̇д̇ам̣. д̇ад̇т̇а мораниваабзд̇и д̇асмим̣ таанз мораанам̣ абхаяам̣ гхосзд̇ваа бхож̇анам̣ ад̣̇ам̣су. д̇асмаа д̇ам̣ таанам̣ мораниваабод̇и сан̇кам̣ г̇ад̇ам̣. аннабхаарод̇и згасса бариб̣б̣ааж̇агасса наамам̣. д̇ат̇аа варад̇харод̇и. ан̃н̃з жаад̇и на гзвалам̣ имз д̇аяо, ан̃н̃зби абхин̃н̃аад̇аа б̣ахуу бариб̣б̣ааж̇агаа. аббасад̣̇д̣̇асса ван̣н̣аваад̣̇ийд̇и ид̇ха аббасад̣̇д̣̇авинийд̇од̇и авад̇ваава ид̣̇ам̣ вуд̇д̇ам̣. гасмаа? на хи бхаг̇аваа ан̃н̃зна винийд̇од̇и.

    237.Evaṃme sutanti mahāsakuludāyisuttaṃ. Tattha moranivāpeti tasmiṃ ṭhāne morānaṃ abhayaṃ ghosetvā bhojanaṃ adaṃsu. Tasmā taṃ ṭhānaṃ moranivāpoti saṅkhaṃ gataṃ. Annabhāroti ekassa paribbājakassa nāmaṃ. Tathā varadharoti. Aññe cāti na kevalaṃ ime tayo, aññepi abhiññātā bahū paribbājakā. Appasaddassa vaṇṇavādīti idha appasaddavinītoti avatvāva idaṃ vuttaṃ. Kasmā? Na hi bhagavā aññena vinītoti.

    238. буримаанийд̇и хияяод̣̇ивасам̣ убаад̣̇ааяа буримаани наама хонд̇и, д̇ад̇о барам̣ буримад̇араани. гуд̇уухаласаалааяанд̇и гуд̇уухаласаалаа наама бажжзгасаалаа над̇т̇и, яад̇т̇а бана наанаад̇ид̇т̇ияаа саман̣аб̣раахман̣аа наанаавид̇хам̣ гат̇ам̣ бавад̇д̇знд̇и, саа б̣ахуунам̣ – ‘‘аяам̣ гим̣ вад̣̇ад̇и , аяам̣ гим̣ вад̣̇ад̇ий’’д̇и гуд̇уухалуббад̇д̇идтаанад̇о ‘‘гуд̇уухаласаалаа’’д̇и вужжад̇и. ‘‘год̇уухаласаалаа’’д̇иби баато. лаабхаад̇и яз зваруубз саман̣аб̣раахман̣з д̣̇адтум̣ бан̃хам̣ бужчид̇ум̣ д̇хаммагат̇ам̣ ваа нзсам̣ сод̇ум̣ лабханд̇и, д̇зсам̣ ан̇г̇амаг̇ад̇хаанам̣ имз лаабхаад̇и ад̇т̇о.

    238.Purimānīti hiyyodivasaṃ upādāya purimāni nāma honti, tato paraṃ purimatarāni. Kutūhalasālāyanti kutūhalasālā nāma paccekasālā natthi, yattha pana nānātitthiyā samaṇabrāhmaṇā nānāvidhaṃ kathaṃ pavattenti, sā bahūnaṃ – ‘‘ayaṃ kiṃ vadati , ayaṃ kiṃ vadatī’’ti kutūhaluppattiṭṭhānato ‘‘kutūhalasālā’’ti vuccati. ‘‘Kotūhalasālā’’tipi pāṭho. Lābhāti ye evarūpe samaṇabrāhmaṇe daṭṭhuṃ pañhaṃ pucchituṃ dhammakathaṃ vā nesaṃ sotuṃ labhanti, tesaṃ aṅgamagadhānaṃ ime lābhāti attho.

    сан̇гхинод̇иаад̣̇ийсу баб̣б̣аж̇ид̇асамуухасан̇каад̇о сан̇гхо зд̇зсам̣ ад̇т̇ийд̇и сан̇гхино. свзва г̇ан̣о зд̇зсам̣ ад̇т̇ийд̇и г̇ан̣ино. аажаарасигкаабанавасзна д̇асса г̇ан̣асса аажарияаад̇и г̇ан̣аажарияаа. н̃аад̇аад̇и бан̃н̃аад̇аа баагадаа. яат̇аабхужжаг̇ун̣зхи жзва аяат̇аабхууд̇аг̇ун̣зхи жа самуг̇г̇ад̇о яасо зд̇зсам̣ ад̇т̇ийд̇и яасассино. бууран̣аад̣̇ийнан̃хи ‘‘аббижчо санд̇удто, аббижчад̇ааяа вад̇т̇амби на ниваасзд̇ий’’д̇иаад̣̇инаа наязна яасо самуг̇г̇ад̇о, д̇ат̇ааг̇ад̇асса ‘‘ид̇иби со бхаг̇аваа’’д̇иаад̣̇ийхи яат̇аабхууд̇аг̇ун̣зхи. д̇ид̇т̇агараад̇и лад̣̇д̇хигараа. саад̇хусаммад̇аад̇и имз саад̇хуу сунд̣̇араа саббурисаад̇и звам̣ саммад̇аа. б̣ахуж̇анассаад̇и ассуд̇авад̇о жзва анд̇хаб̣аалабут̇уж̇ж̇анасса вибхаавино жа бан̣д̣ид̇аж̇анасса. д̇ад̇т̇а д̇ид̇т̇ияаа б̣аалаж̇анасса звам̣ саммад̇аа, д̇ат̇ааг̇ад̇о бан̣д̣ид̇аж̇анасса. иминаа наязна бууран̣о гассабо сан̇гхийд̇иаад̣̇ийсу ад̇т̇о взд̣̇ид̇аб̣б̣о. бхаг̇аваа бана яасмаа адтад̇им̣са аарамман̣аани вибхаж̇анд̇о б̣ахууни ниб̣б̣аанаод̇аран̣ад̇ид̇т̇аани агааси, д̇асмаа ‘‘д̇ид̇т̇агаро’’д̇и вад̇д̇ум̣ ваддад̇и.

    Saṅghinotiādīsu pabbajitasamūhasaṅkhāto saṅgho etesaṃ atthīti saṅghino. Sveva gaṇo etesaṃ atthīti gaṇino. Ācārasikkhāpanavasena tassa gaṇassa ācariyāti gaṇācariyā. Ñātāti paññātā pākaṭā. Yathābhuccaguṇehi ceva ayathābhūtaguṇehi ca samuggato yaso etesaṃ atthīti yasassino. Pūraṇādīnañhi ‘‘appiccho santuṭṭho, appicchatāya vatthampi na nivāsetī’’tiādinā nayena yaso samuggato, tathāgatassa ‘‘itipi so bhagavā’’tiādīhi yathābhūtaguṇehi. Titthakarāti laddhikarā. Sādhusammatāti ime sādhū sundarā sappurisāti evaṃ sammatā. Bahujanassāti assutavato ceva andhabālaputhujjanassa vibhāvino ca paṇḍitajanassa. Tattha titthiyā bālajanassa evaṃ sammatā, tathāgato paṇḍitajanassa. Iminā nayena pūraṇo kassapo saṅghītiādīsu attho veditabbo. Bhagavā pana yasmā aṭṭhatiṃsa ārammaṇāni vibhajanto bahūni nibbānaotaraṇatitthāni akāsi, tasmā ‘‘titthakaro’’ti vattuṃ vaṭṭati.

    гасмаа банзд̇з саб̣б̣зби д̇ад̇т̇а осадаад̇и? убадтаагарагкан̣ад̇т̇ан̃жзва лаабхасаггаарад̇т̇ан̃жа. д̇зсан̃хи звам̣ ход̇и – ‘‘амхаагам̣ убадтаагаа саман̣ам̣ г̇од̇амам̣ саран̣ам̣ г̇ажчзяяум̣, д̇з жа рагкиссаама. саман̣асса жа г̇од̇амасса убадтаагз саггаарам̣ гаронд̇з д̣̇исваа амхаагамби убадтаагаа амхаагам̣ саггаарам̣ гариссанд̇ий’’д̇и. д̇асмаа яад̇т̇а яад̇т̇а бхаг̇аваа осарад̇и, д̇ад̇т̇а д̇ад̇т̇а саб̣б̣з осаранд̇и.

    Kasmā panete sabbepi tattha osaṭāti? Upaṭṭhākarakkhaṇatthañceva lābhasakkāratthañca. Tesañhi evaṃ hoti – ‘‘amhākaṃ upaṭṭhākā samaṇaṃ gotamaṃ saraṇaṃ gaccheyyuṃ, te ca rakkhissāma. Samaṇassa ca gotamassa upaṭṭhāke sakkāraṃ karonte disvā amhākampi upaṭṭhākā amhākaṃ sakkāraṃ karissantī’’ti. Tasmā yattha yattha bhagavā osarati, tattha tattha sabbe osaranti.

    239. ваад̣̇ам̣ ааробзд̇ваад̇и ваад̣̇з д̣̇осам̣ ааробзд̇ваа. абагганд̇аад̇и, абаг̇ад̇аа, гзжи д̣̇исам̣ багганд̇аа, гзжи г̇ихибхаавам̣ бад̇д̇аа, гзжи имам̣ саасанам̣ ааг̇ад̇аа. сахид̇ам̣ мзд̇и маяхам̣ важанам̣ сахид̇ам̣ силидтам̣, ад̇т̇аяуд̇д̇ам̣ гааран̣аяуд̇д̇анд̇и ад̇т̇о. асахид̇ам̣ д̇зд̇и д̇уяхам̣ важанам̣ асахид̇ам̣. ад̇хижин̣н̣ам̣ д̇з вибараавад̇д̇анд̇и яам̣ д̇уяхам̣ д̣̇ийгхарад̇д̇аажин̣н̣авасзна суббаг̇ун̣ам̣, д̇ам̣ маяхам̣ згаважанзнзва вибараавад̇д̇ам̣ вибаривад̇д̇ид̇ваа тид̇ам̣, на гин̃жи ж̇аад̇анд̇и ад̇т̇о. ааробид̇о д̇з ваад̣̇од̇и маяаа д̇ава ваад̣̇з д̣̇осо ааробид̇о. жара ваад̣̇аббамогкааяаад̇и д̣̇осаможанад̇т̇ам̣ жара вижара, д̇ад̇т̇а д̇ад̇т̇а г̇анд̇ваа сигкаад̇и ад̇т̇о. ниб̣б̣зтзхи ваа сажз бахосийд̇и ат̇а саяам̣ бахоси, ид̣̇аанзва ниб̣б̣зтзхи. д̇хаммаггосзнаад̇и сабхааваггосзна.

    239.Vādaṃ āropetvāti vāde dosaṃ āropetvā. Apakkantāti, apagatā, keci disaṃ pakkantā, keci gihibhāvaṃ pattā, keci imaṃ sāsanaṃ āgatā. Sahitaṃ meti mayhaṃ vacanaṃ sahitaṃ siliṭṭhaṃ, atthayuttaṃ kāraṇayuttanti attho. Asahitaṃ teti tuyhaṃ vacanaṃ asahitaṃ. Adhiciṇṇaṃ te viparāvattanti yaṃ tuyhaṃ dīgharattāciṇṇavasena suppaguṇaṃ, taṃ mayhaṃ ekavacaneneva viparāvattaṃ viparivattitvā ṭhitaṃ, na kiñci jātanti attho. Āropito te vādoti mayā tava vāde doso āropito. Cara vādappamokkhāyāti dosamocanatthaṃ cara vicara, tattha tattha gantvā sikkhāti attho. Nibbeṭhehi vā sace pahosīti atha sayaṃ pahosi, idāneva nibbeṭhehi. Dhammakkosenāti sabhāvakkosena.

    240. д̇ам̣ но соссаамаад̇и д̇ам̣ амхаагам̣ д̣̇зсид̇ам̣ д̇хаммам̣ сун̣иссаама. куд̣̇д̣̇амад̇хунд̇и куд̣̇д̣̇агамагкигаахи гад̇ам̣ д̣̇ан̣д̣агамад̇хум̣. анзлаганд̇и нид̣̇д̣̇осам̣ абаг̇ад̇амажчиган̣д̣агам̣. бийл̣зяяаад̇и д̣̇ад̣̇зяяа. бажжаасийсамаанаруубод̇и буурзд̇ваа ну ко но бхож̇анам̣ д̣̇ассад̇ийд̇и бхааж̇анахад̇т̇о бажжаасийсамаано бажжубадтид̇о асса. самбаяож̇зд̇ваад̇и аббамад̇д̇агам̣ виваад̣̇ам̣ гад̇ваа.

    240.Taṃ no sossāmāti taṃ amhākaṃ desitaṃ dhammaṃ suṇissāma. Khuddamadhunti khuddakamakkhikāhi kataṃ daṇḍakamadhuṃ. Anelakanti niddosaṃ apagatamacchikaṇḍakaṃ. Pīḷeyyāti dadeyya. Paccāsīsamānarūpoti pūretvā nu kho no bhojanaṃ dassatīti bhājanahattho paccāsīsamāno paccupaṭṭhito assa. Sampayojetvāti appamattakaṃ vivādaṃ katvā.

    241. ид̇арийд̇арзнаад̇и лаамагалаамагзна. бавивид̇д̇од̇и ид̣̇ам̣ бариб̣б̣ааж̇аго гааяавивзгамад̇д̇ам̣ санд̇хааяа вад̣̇ад̇и, бхаг̇аваа бана д̇ийхи вивзгзхи вивид̇д̇ова.

    241.Itarītarenāti lāmakalāmakena. Pavivittoti idaṃ paribbājako kāyavivekamattaṃ sandhāya vadati, bhagavā pana tīhi vivekehi vivittova.

    242. госагаахаараабийд̇и д̣̇аанабад̇ийнам̣ гхарз аг̇г̇абхигкаатабанад̇т̇ам̣ куд̣̇д̣̇агасарааваа хонд̇и, д̣̇аанабад̇ино аг̇г̇абхад̇д̇ам̣ ваа д̇ад̇т̇а табзд̇ваа бхун̃ж̇анд̇и, баб̣б̣аж̇ид̇з самбад̇д̇з д̇ам̣ бхад̇д̇ам̣ д̇асса д̣̇знд̇и. д̇ам̣ сараавагам̣ госагод̇и вужжад̇и. д̇асмаа яз жа згзнзва бхад̇д̇агосагзна яаабзнд̇и, д̇з госагаахаараад̇и. б̣злуваахаараад̇и б̣злувамад̇д̇абхад̇д̇аахаараа. самад̇ид̇д̇иганд̇и одтаваддияаа хздтималзкаасамам̣ . иминаа д̇хаммзнаад̇и иминаа аббаахаарад̇аад̇хаммзна. зд̇т̇а бана саб̣б̣аагаарзнзва бхаг̇аваа анаббаахаарод̇и на вад̇д̇аб̣б̣о. бад̇хаанабхуумияам̣ чаб̣б̣ассаани аббаахаарова ахоси, взран̃ж̇ааяам̣ д̇аяо маасз бад̇т̇од̣̇анзнзва яаабзси баалилзяяагаванасан̣д̣з д̇аяо маасз бхисамул̣аалзхзва яаабзси. ид̇ха бана зд̇амад̇т̇ам̣ д̣̇ассзд̇и – ‘‘ахам̣ згасмим̣ гаалз аббаахааро ахосим̣, маяхам̣ бана саавагаа д̇худ̇ан̇г̇асамаад̣̇аанад̇о бадтааяа яааваж̇ийвам̣ д̇худ̇ан̇г̇ам̣ на бхинд̣̇анд̇ий’’д̇и. д̇асмаа яад̣̇и д̇з иминаа д̇хаммзна саггарзяяум̣, маяаа хи д̇з висзсад̇араа. ан̃н̃о жзва бана д̇хаммо ад̇т̇и, язна мам̣ д̇з саггаронд̇ийд̇и д̣̇ассзд̇и. иминаа наязна саб̣б̣аваарзсу яож̇анаа взд̣̇ид̇аб̣б̣аа.

    242.Kosakāhārāpīti dānapatīnaṃ ghare aggabhikkhāṭhapanatthaṃ khuddakasarāvā honti, dānapatino aggabhattaṃ vā tattha ṭhapetvā bhuñjanti, pabbajite sampatte taṃ bhattaṃ tassa denti. Taṃ sarāvakaṃ kosakoti vuccati. Tasmā ye ca ekeneva bhattakosakena yāpenti, te kosakāhārāti. Beluvāhārāti beluvamattabhattāhārā. Samatittikanti oṭṭhavaṭṭiyā heṭṭhimalekhāsamaṃ . Iminā dhammenāti iminā appāhāratādhammena. Ettha pana sabbākāreneva bhagavā anappāhāroti na vattabbo. Padhānabhūmiyaṃ chabbassāni appāhārova ahosi, verañjāyaṃ tayo māse patthodaneneva yāpesi pālileyyakavanasaṇḍe tayo māse bhisamuḷāleheva yāpesi. Idha pana etamatthaṃ dasseti – ‘‘ahaṃ ekasmiṃ kāle appāhāro ahosiṃ, mayhaṃ pana sāvakā dhutaṅgasamādānato paṭṭhāya yāvajīvaṃ dhutaṅgaṃ na bhindantī’’ti. Tasmā yadi te iminā dhammena sakkareyyuṃ, mayā hi te visesatarā. Añño ceva pana dhammo atthi, yena maṃ te sakkarontīti dasseti. Iminā nayena sabbavāresu yojanā veditabbā.

    бам̣сугуулигаад̇и самаад̣̇иннабам̣сугуулиган̇г̇аа. луукажийварад̇хараад̇и сад̇т̇асуд̇д̇алуукаани жийвараани д̇хаараяамаанаа. нанд̇агаанийд̇и анд̇авирахид̇аани вад̇т̇акан̣д̣аани, яад̣̇и хи нзсам̣ анд̇о бхавзяяа, билод̇игаад̇и сан̇кам̣ г̇ажчзяяум̣. ужжинид̇ваад̇и паалзд̇ваа д̣̇уб̣б̣аладтаанам̣ бахааяа т̇ирадтаанамзва г̇ахзд̇ваа. алааб̣уломасаанийд̇и алааб̣уломасад̣̇исасуд̇д̇аани сукумаанийд̇и д̣̇ийбзд̇и. зд̇д̇аавад̇аа жа сад̇т̇аа жийварасанд̇осзна асанд̇удтод̇и на вад̇д̇аб̣б̣о. ад̇имуд̇д̇агасусаанад̇о хисса бун̣н̣ад̣̇аасияаа баарубид̇ваа баад̇ид̇асаан̣абам̣сугуулам̣ г̇ахан̣ад̣̇ивасз уд̣̇агабарияанд̇ам̣ гад̇ваа махаабат̇авий агамби. ид̇ха бана зд̇амад̇т̇ам̣ д̣̇ассзд̇и – ‘‘ахам̣ згасмим̣язва гаалз бам̣сугуулам̣ г̇ан̣хим̣, маяхам̣ бана саавагаа д̇худ̇ан̇г̇асамаад̣̇аанад̇о бадтааяа яааваж̇ийвам̣ д̇худ̇ан̇г̇ам̣ на бхинд̣̇анд̇ий’’д̇и.

    Paṃsukūlikāti samādinnapaṃsukūlikaṅgā. Lūkhacīvaradharāti satthasuttalūkhāni cīvarāni dhārayamānā. Nantakānīti antavirahitāni vatthakhaṇḍāni, yadi hi nesaṃ anto bhaveyya, pilotikāti saṅkhaṃ gaccheyyuṃ. Uccinitvāti phāletvā dubbalaṭṭhānaṃ pahāya thiraṭṭhānameva gahetvā. Alābulomasānīti alābulomasadisasuttāni sukhumānīti dīpeti. Ettāvatā ca satthā cīvarasantosena asantuṭṭhoti na vattabbo. Atimuttakasusānato hissa puṇṇadāsiyā pārupitvā pātitasāṇapaṃsukūlaṃ gahaṇadivase udakapariyantaṃ katvā mahāpathavī akampi. Idha pana etamatthaṃ dasseti – ‘‘ahaṃ ekasmiṃyeva kāle paṃsukūlaṃ gaṇhiṃ, mayhaṃ pana sāvakā dhutaṅgasamādānato paṭṭhāya yāvajīvaṃ dhutaṅgaṃ na bhindantī’’ti.

    бин̣д̣абаад̇игаад̇и ад̇ирзгалаабхам̣ бадигкибид̇ваа самаад̣̇иннабин̣д̣абаад̇иган̇г̇аа. сабад̣̇аанажааринод̇и лолуббажаарам̣ бадигкибид̇ваа самаад̣̇иннасабад̣̇аанажаараа. ун̃чаасагз вад̇з рад̇аад̇и ун̃чаажарияасан̇каад̇з бхигкуунам̣ багад̇ивад̇з рад̇аа, ужжанийжагхарад̣̇ваарадтааяино худ̇ваа габ̣арамиссагам̣ бхад̇д̇ам̣ сам̣харид̇ваа барибхун̃ж̇анд̇ийд̇и ад̇т̇о. анд̇арагхаранд̇и б̣рахмааяусуд̇д̇з уммаарад̇о бадтааяа анд̇арагхарам̣, ид̇ха инд̣̇акийлад̇о бадтааяа ад̇хиббзд̇ам̣. зд̇д̇аавад̇аа жа сад̇т̇аа бин̣д̣абаад̇асанд̇осзна асанд̇удтод̇и на вад̇д̇аб̣б̣о, аббаахаарад̇ааяа вуд̇д̇анияаамзнзва бана саб̣б̣ам̣ вид̇т̇аарзд̇аб̣б̣ам̣. ид̇ха бана зд̇амад̇т̇ам̣ д̣̇ассзд̇и – ‘‘ахам̣ згасмим̣язва гаалз ниманд̇анам̣ на саад̣̇аяим̣, маяхам̣ бана саавагаа д̇худ̇ан̇г̇асамаад̣̇аанад̇о бадтааяа яааваж̇ийвам̣ д̇худ̇ан̇г̇ам̣ на бхинд̣̇анд̇ий’’д̇и.

    Piṇḍapātikāti atirekalābhaṃ paṭikkhipitvā samādinnapiṇḍapātikaṅgā. Sapadānacārinoti loluppacāraṃ paṭikkhipitvā samādinnasapadānacārā. Uñchāsake vate ratāti uñchācariyasaṅkhāte bhikkhūnaṃ pakativate ratā, uccanīcagharadvāraṭṭhāyino hutvā kabaramissakaṃ bhattaṃ saṃharitvā paribhuñjantīti attho. Antaragharanti brahmāyusutte ummārato paṭṭhāya antaragharaṃ, idha indakhīlato paṭṭhāya adhippetaṃ. Ettāvatā ca satthā piṇḍapātasantosena asantuṭṭhoti na vattabbo, appāhāratāya vuttaniyāmeneva pana sabbaṃ vitthāretabbaṃ. Idha pana etamatthaṃ dasseti – ‘‘ahaṃ ekasmiṃyeva kāle nimantanaṃ na sādayiṃ, mayhaṃ pana sāvakā dhutaṅgasamādānato paṭṭhāya yāvajīvaṃ dhutaṅgaṃ na bhindantī’’ti.

    ругкамуулигаад̇и чаннам̣ бадигкибид̇ваа самаад̣̇иннаругкамуулиган̇г̇аа. аб̣бхогаасигаад̇и чаннан̃жа ругкамуулан̃жа бадигкибид̇ваа самаад̣̇иннааб̣бхогаасиган̇г̇аа. адтамаасзд̇и хзманд̇аг̇имхигз маасз. анд̇овассз бана жийвараануг̇г̇ахад̇т̇ам̣ чаннам̣ бависанд̇и. зд̇д̇аавад̇аа жа сад̇т̇аа сзнаасанасанд̇осзна асанд̇удтод̇и на вад̇д̇аб̣б̣о, сзнаасанасанд̇осо банасса чаб̣б̣ассигамахаабад̇хаанзна жа баалилзяяагаванасан̣д̣зна жа д̣̇ийбзд̇аб̣б̣о. ид̇ха бана зд̇амад̇т̇ам̣ д̣̇ассзд̇и – ‘‘ахам̣ згасмим̣язва гаалз чаннам̣ на баависим̣, маяхам̣ бана саавагаа д̇худ̇ан̇г̇асамаад̣̇аанад̇о бадтааяа яааваж̇ийвам̣ д̇худ̇ан̇г̇ам̣ на бхинд̣̇анд̇ий’’д̇и.

    Rukkhamūlikāti channaṃ paṭikkhipitvā samādinnarukkhamūlikaṅgā. Abbhokāsikāti channañca rukkhamūlañca paṭikkhipitvā samādinnaabbhokāsikaṅgā. Aṭṭhamāseti hemantagimhike māse. Antovasse pana cīvarānuggahatthaṃ channaṃ pavisanti. Ettāvatā ca satthā senāsanasantosena asantuṭṭhoti na vattabbo, senāsanasantoso panassa chabbassikamahāpadhānena ca pālileyyakavanasaṇḍena ca dīpetabbo. Idha pana etamatthaṃ dasseti – ‘‘ahaṃ ekasmiṃyeva kāle channaṃ na pāvisiṃ, mayhaṃ pana sāvakā dhutaṅgasamādānato paṭṭhāya yāvajīvaṃ dhutaṅgaṃ na bhindantī’’ti.

    ааран̃н̃игаад̇и г̇ааманд̇асзнаасанам̣ бадигкибид̇ваа самаад̣̇иннаааран̃н̃иган̇г̇аа. сан̇гхамаж̇жхз осаранд̇ийд̇и аб̣ад̣̇д̇хасиймааяа гат̇ид̇ам̣, б̣ад̣̇д̇хасиймааяам̣ бана васанд̇аа ад̇д̇ано васанадтаанзязва убосат̇ам̣ гаронд̇и. зд̇д̇аавад̇аа жа сад̇т̇аа но бавивид̇д̇од̇и на вад̇д̇аб̣б̣о, ‘‘ижчаамахам̣, бхигкавз, ад̣дхамаасам̣ бадисаллияид̇у’’нд̇и (баараа. 162; 565) зван̃хисса бавивзго бан̃н̃ааяад̇и. ид̇ха бана зд̇амад̇т̇ам̣ д̣̇ассзд̇и ‘‘ахам̣ згасмим̣язва д̇ат̇ааруубз гаалз бадисаллияим̣, маяхам̣ бана саавагаа д̇худ̇ан̇г̇асамаад̣̇аанад̇о бадтааяа яааваж̇ийвам̣ д̇худ̇ан̇г̇ам̣ на бхинд̣̇анд̇ий’’д̇и. мамам̣ саавагаад̇и мам̣ саавагаа.

    Āraññikāti gāmantasenāsanaṃ paṭikkhipitvā samādinnaāraññikaṅgā. Saṅghamajjhe osarantīti abaddhasīmāya kathitaṃ, baddhasīmāyaṃ pana vasantā attano vasanaṭṭhāneyeva uposathaṃ karonti. Ettāvatā ca satthā no pavivittoti na vattabbo, ‘‘icchāmahaṃ, bhikkhave, aḍḍhamāsaṃ paṭisalliyitu’’nti (pārā. 162; 565) evañhissa paviveko paññāyati. Idha pana etamatthaṃ dasseti ‘‘ahaṃ ekasmiṃyeva tathārūpe kāle paṭisalliyiṃ, mayhaṃ pana sāvakā dhutaṅgasamādānato paṭṭhāya yāvajīvaṃ dhutaṅgaṃ na bhindantī’’ti. Mamaṃ sāvakāti maṃ sāvakā.

    244. санид̣̇аананд̇и саббажжаяам̣. гим̣ бана аббажжаяам̣ ниб̣б̣аанам̣ на д̣̇зсзд̇ийд̇и. но на д̣̇зсзд̇и, сахзд̇угам̣ бана д̇ам̣ д̣̇зсанам̣ гад̇ваа д̣̇зсзд̇и, но ахзд̇уганд̇и. саббаадихаарияанд̇и буримассзвзд̇ам̣ взважанам̣, сагааран̣анд̇и ад̇т̇о. д̇ам̣ вад̇аад̇и зд̇т̇а вад̇аад̇и нибаад̇амад̇д̇ам̣.

    244.Sanidānanti sappaccayaṃ. Kiṃ pana appaccayaṃ nibbānaṃ na desetīti. No na deseti, sahetukaṃ pana taṃ desanaṃ katvā deseti, no ahetukanti. Sappāṭihāriyanti purimassevetaṃ vevacanaṃ, sakāraṇanti attho. Taṃ vatāti ettha vatāti nipātamattaṃ.

    245. анааг̇ад̇ам̣ ваад̣̇абат̇анд̇и аж̇ж̇а табзд̇ваа свз ваа бунад̣̇ивасз ваа ад̣дхамаасз ваа маасз ваа сам̣важчарз ваа д̇асса д̇асса бан̃хасса убари ааг̇аманаваад̣̇абат̇ам̣. на д̣̇агкад̇ийд̇и яат̇аа сажжаго ниг̇ан̣то ад̇д̇ано ниг̇г̇ахан̣ад̇т̇ам̣ ааг̇ад̇агааран̣ам̣ висзсзд̇ваа вад̣̇анд̇о на ад̣̇д̣̇аса, звам̣ на д̣̇агкад̇ийд̇и нзд̇ам̣ таанам̣ виж̇ж̇ад̇и. сахад̇хаммзнаад̇и сагааран̣зна. анд̇аранд̇араа гат̇ам̣ обаад̇зяяунд̇и мама гат̇ааваарам̣ бажчинд̣̇ид̇ваа анд̇аранд̇арз ад̇д̇ано гат̇ам̣ бавзсзяяунд̇и ад̇т̇о. на ко банаахам̣, уд̣̇ааяийд̇и, уд̣̇ааяи, ахам̣ амб̣адтасон̣ад̣̇ан̣д̣агуудад̣̇анд̇асажжаганиг̇ан̣таад̣̇ийхи сад̣̇д̇хим̣ махааваад̣̇з вад̇д̇амаанзби – ‘‘ахо вад̇а мз згасаавагоби убамам̣ ваа гааран̣ам̣ ваа аахарид̇ваа д̣̇ад̣̇зяяаа’’д̇и звам̣ саавагзсу анусаасаним̣ на бажжаасийсаами. мамаязваад̇и зваруубзсу таанзсу саавагаа мамаязва анусаасаним̣ оваад̣̇ам̣ бажжаасийсанд̇и.

    245.Anāgataṃ vādapathanti ajja ṭhapetvā sve vā punadivase vā aḍḍhamāse vā māse vā saṃvacchare vā tassa tassa pañhassa upari āgamanavādapathaṃ. Nadakkhatīti yathā saccako nigaṇṭho attano niggahaṇatthaṃ āgatakāraṇaṃ visesetvā vadanto na addasa, evaṃ na dakkhatīti netaṃ ṭhānaṃ vijjati. Sahadhammenāti sakāraṇena. Antarantarā kathaṃ opāteyyunti mama kathāvāraṃ pacchinditvā antarantare attano kathaṃ paveseyyunti attho. Na kho panāhaṃ, udāyīti, udāyi, ahaṃ ambaṭṭhasoṇadaṇḍakūṭadantasaccakanigaṇṭhādīhi saddhiṃ mahāvāde vattamānepi – ‘‘aho vata me ekasāvakopi upamaṃ vā kāraṇaṃ vā āharitvā dadeyyā’’ti evaṃ sāvakesu anusāsaniṃ na paccāsīsāmi. Mamayevāti evarūpesu ṭhānesu sāvakā mamayeva anusāsaniṃ ovādaṃ paccāsīsanti.

    246. д̇зсаахам̣ жид̇д̇ам̣ аараад̇хзмийд̇и д̇зсам̣ ахам̣ д̇асса бан̃хасса взяяаагаран̣зна жид̇д̇ам̣ г̇ан̣хаами самбаад̣̇зми барибуурзми, ан̃н̃ам̣ будто ан̃н̃ам̣ на б̣яаагароми, амб̣ам̣ будто лаб̣уж̇ам̣ вияа лаб̣уж̇ам̣ ваа будто амб̣ам̣ вияа. зд̇т̇а жа ‘‘ад̇хисийлз самбхаавзнд̇ий’’д̇и вуд̇д̇адтаанз б̣уд̣̇д̇хасийлам̣ наама гат̇ид̇ам̣, ‘‘абхигганд̇з н̃аан̣ад̣̇ассанз самбхаавзнд̇ий’’д̇и вуд̇д̇адтаанз саб̣б̣ан̃н̃уд̇ан̃н̃аан̣ам̣, ‘‘ад̇хибан̃н̃ааяа самбхаавзнд̇ий’’д̇и вуд̇д̇адтаанз таануббад̇д̇игабан̃н̃аа, ‘‘язна д̣̇угкзнаа’’д̇и вуд̇д̇адтаанз сажжаб̣яаагаран̣абан̃н̃аа. д̇ад̇т̇а саб̣б̣ан̃н̃уд̇ан̃н̃аан̣ан̃жа сажжаб̣яаагаран̣абан̃н̃ан̃жа табзд̇ваа авасзсаа бан̃н̃аа ад̇хибан̃н̃ам̣ бхаж̇ад̇и.

    246.Tesāhaṃcittaṃ ārādhemīti tesaṃ ahaṃ tassa pañhassa veyyākaraṇena cittaṃ gaṇhāmi sampādemi paripūremi, aññaṃ puṭṭho aññaṃ na byākaromi, ambaṃ puṭṭho labujaṃ viya labujaṃ vā puṭṭho ambaṃ viya. Ettha ca ‘‘adhisīle sambhāventī’’ti vuttaṭṭhāne buddhasīlaṃ nāma kathitaṃ, ‘‘abhikkante ñāṇadassane sambhāventī’’ti vuttaṭṭhāne sabbaññutaññāṇaṃ, ‘‘adhipaññāya sambhāventī’’ti vuttaṭṭhāne ṭhānuppattikapaññā, ‘‘yena dukkhenā’’ti vuttaṭṭhāne saccabyākaraṇapaññā. Tattha sabbaññutaññāṇañca saccabyākaraṇapaññañca ṭhapetvā avasesā paññā adhipaññaṃ bhajati.

    247. ид̣̇аани д̇зсам̣ д̇зсам̣ висзсаад̇хиг̇амаанам̣ бадибад̣̇ам̣ аажигканд̇о буна жабарам̣ уд̣̇ааяийд̇иаад̣̇имааха. д̇ад̇т̇а абхин̃н̃аавосаанабаарамиббад̇д̇аад̇и абхин̃н̃аавосаанасан̇каад̇ан̃жзва абхин̃н̃аабаарамийсан̇каад̇ан̃жа арахад̇д̇ам̣ бад̇д̇аа.

    247. Idāni tesaṃ tesaṃ visesādhigamānaṃ paṭipadaṃ ācikkhanto puna caparaṃ udāyītiādimāha. Tattha abhiññāvosānapāramippattāti abhiññāvosānasaṅkhātañceva abhiññāpāramīsaṅkhātañca arahattaṃ pattā.

    саммаббад̇хаанзд̇и убааяабад̇хаанз. чанд̣̇ам̣ ж̇анзд̇ийд̇и гад̇д̇угамяад̇аагусалажчанд̣̇ам̣ ж̇анзд̇и. вааяамад̇ийд̇и вааяаамам̣ гарод̇и. вийрияам̣ аарабхад̇ийд̇и вийрияам̣ бавад̇д̇зд̇и. жид̇д̇ам̣ баг̇г̇ан̣хаад̇ийд̇и жид̇д̇ам̣ угкибад̇и. бад̣̇ахад̇ийд̇и убааяабад̇хаанам̣ гарод̇и. бхааванааяа баарибуурияаад̇и вад̣дхияаа барибууран̣ад̇т̇ам̣. абижзд̇т̇а – ‘‘яаа тид̇и, со асаммосо…бз… яам̣ взбуллам̣, саа бхааванаабаарибуурий’’д̇и (вибха. 406) звам̣ буримам̣ буримасса бажчимам̣ бажчимасса ад̇т̇од̇иби взд̣̇ид̇аб̣б̣ам̣.

    Sammappadhāneti upāyapadhāne. Chandaṃ janetīti kattukamyatākusalacchandaṃ janeti. Vāyamatīti vāyāmaṃ karoti. Vīriyaṃ ārabhatīti vīriyaṃ pavatteti. Cittaṃ paggaṇhātīti cittaṃ ukkhipati. Padahatīti upāyapadhānaṃ karoti. Bhāvanāya pāripūriyāti vaḍḍhiyā paripūraṇatthaṃ. Apicettha – ‘‘yā ṭhiti, so asammoso…pe… yaṃ vepullaṃ, sā bhāvanāpāripūrī’’ti (vibha. 406) evaṃ purimaṃ purimassa pacchimaṃ pacchimassa atthotipi veditabbaṃ.

    имзхи бана саммаббад̇хаанзхи гим̣ гат̇ид̇ам̣? гассабасам̣яуд̇д̇абарияааязна саавагасса буб̣б̣абхааг̇абадибад̣̇аа гат̇ид̇аа. вуд̇д̇ан̃хзд̇ам̣ д̇ад̇т̇а –

    Imehi pana sammappadhānehi kiṃ kathitaṃ? Kassapasaṃyuttapariyāyena sāvakassa pubbabhāgapaṭipadā kathitā. Vuttañhetaṃ tattha –

    ‘‘жад̇д̇ааромз , аавусо, саммаббад̇хаанаа. гад̇амз жад̇д̇ааро? ид̇хаавусо, бхигку, ануббаннаа мз баабагаа агусалаа д̇хаммаа уббаж̇ж̇амаанаа анад̇т̇ааяа сам̣вад̇д̇зяяунд̇и аад̇аббам̣ гарод̇и. уббаннаа мз баабагаа агусалаа д̇хаммаа аббахийяамаанаа анад̇т̇ааяа сам̣вад̇д̇зяяунд̇и аад̇аббам̣ гарод̇и. ануббаннаа мз гусалаа д̇хаммаа ануббаж̇ж̇амаанаа анад̇т̇ааяа сам̣вад̇д̇зяяунд̇и аад̇аббам̣ гарод̇и. уббаннаа мз гусалаа д̇хаммаа нируж̇жхамаанаа анад̇т̇ааяа сам̣вад̇д̇зяяунд̇и аад̇аббам̣ гарод̇ий’’д̇и (сам̣. ни. 2.145).

    ‘‘Cattārome , āvuso, sammappadhānā. Katame cattāro? Idhāvuso, bhikkhu, anuppannā me pāpakā akusalā dhammā uppajjamānā anatthāya saṃvatteyyunti ātappaṃ karoti. Uppannā me pāpakā akusalā dhammā appahīyamānā anatthāya saṃvatteyyunti ātappaṃ karoti. Anuppannā me kusalā dhammā anuppajjamānā anatthāya saṃvatteyyunti ātappaṃ karoti. Uppannā me kusalā dhammā nirujjhamānā anatthāya saṃvatteyyunti ātappaṃ karotī’’ti (saṃ. ni. 2.145).

    зд̇т̇а жа баабагаа агусалаад̇и лобхаад̣̇аяо взд̣̇ид̇аб̣б̣аа. ануббаннаа гусалаа д̇хаммаад̇и самат̇авибассанаа жзва маг̇г̇о жа, уббаннаа гусалаа наама самат̇авибассанаава. маг̇г̇о бана сагим̣ уббаж̇ж̇ид̇ваа нируж̇жхамаано анад̇т̇ааяа сам̣вад̇д̇анаго наама над̇т̇и. со хи паласса бажжаяам̣ д̣̇ад̇ваава нируж̇жхад̇и. буримасмимби ваа самат̇авибассанаава г̇ахзд̇аб̣б̣аад̇и вуд̇д̇ам̣, д̇ам̣ бана на яуд̇д̇ам̣.

    Ettha ca pāpakā akusalāti lobhādayo veditabbā. Anuppannā kusalā dhammāti samathavipassanā ceva maggo ca, uppannā kusalā nāma samathavipassanāva. Maggo pana sakiṃ uppajjitvā nirujjhamāno anatthāya saṃvattanako nāma natthi. So hi phalassa paccayaṃ datvāva nirujjhati. Purimasmimpi vā samathavipassanāva gahetabbāti vuttaṃ, taṃ pana na yuttaṃ.

    д̇ад̇т̇а ‘‘уббаннаа самат̇авибассанаа нируж̇жхамаанаа анад̇т̇ааяа сам̣вад̇д̇анд̇ий’’д̇и ад̇т̇асса аавибхаавад̇т̇амид̣̇ам̣ вад̇т̇у – зго гира кийн̣аасавад̇т̇зро ‘‘махаажзд̇ияан̃жа махааб̣од̇хин̃жа ванд̣̇иссаамий’’д̇и самаабад̇д̇илаабхинаа бхан̣д̣аг̇аахагасааман̣зрзна сад̣̇д̇хим̣ ж̇анабад̣̇ад̇о махаавихаарам̣ ааг̇анд̇ваа вихаарабаривзн̣ам̣ баависи. сааяанхасамаяз махаабхигкусан̇гхз жзд̇ияам̣ ванд̣̇амаанз жзд̇ияам̣ ванд̣̇анад̇т̇ааяа на нигками. гасмаа? кийн̣аасаваанан̃хи д̇ийсу рад̇анзсу маханд̇ам̣ г̇ааравам̣ ход̇и. д̇асмаа бхигкусан̇гхз ванд̣̇ид̇ваа бадиггаманд̇з мануссаанам̣ сааяамаасабхуд̇д̇авзлааяам̣ сааман̣зрамби аж̇аанаабзд̇ваа ‘‘жзд̇ияам̣ ванд̣̇иссаамий’’д̇и згагова нигками. сааман̣зро – ‘‘гим̣ ну ко т̇зро авзлааяа згагова г̇ажчад̇и, ж̇ааниссаамий’’д̇и убаж̇жхааяасса бад̣̇аанубад̣̇иго нигками. т̇зро анааваж̇ж̇анзна д̇асса ааг̇аманам̣ аж̇аананд̇о д̣̇агкин̣ад̣̇ваарзна жзд̇ияан̇г̇ан̣ам̣ аарухи. сааман̣зроби анубад̣̇ам̣язва аарул̣хо.

    Tattha ‘‘uppannā samathavipassanā nirujjhamānā anatthāya saṃvattantī’’ti atthassa āvibhāvatthamidaṃ vatthu – eko kira khīṇāsavatthero ‘‘mahācetiyañca mahābodhiñca vandissāmī’’ti samāpattilābhinā bhaṇḍagāhakasāmaṇerena saddhiṃ janapadato mahāvihāraṃ āgantvā vihārapariveṇaṃ pāvisi. Sāyanhasamaye mahābhikkhusaṅghe cetiyaṃ vandamāne cetiyaṃ vandanatthāya na nikkhami. Kasmā? Khīṇāsavānañhi tīsu ratanesu mahantaṃ gāravaṃ hoti. Tasmā bhikkhusaṅghe vanditvā paṭikkamante manussānaṃ sāyamāsabhuttavelāyaṃ sāmaṇerampi ajānāpetvā ‘‘cetiyaṃ vandissāmī’’ti ekakova nikkhami. Sāmaṇero – ‘‘kiṃ nu kho thero avelāya ekakova gacchati, jānissāmī’’ti upajjhāyassa padānupadiko nikkhami. Thero anāvajjanena tassa āgamanaṃ ajānanto dakkhiṇadvārena cetiyaṅgaṇaṃ āruhi. Sāmaṇeropi anupadaṃyeva āruḷho.

    махаат̇зро махаажзд̇ияам̣ уллогзд̇ваа б̣уд̣̇д̇хаарамман̣ам̣ бийд̇им̣ г̇ахзд̇ваа саб̣б̣ам̣ жзд̇асо саманнаахарид̇ваа хадтабахадто жзд̇ияам̣ ванд̣̇ад̇и. сааман̣зро т̇зрасса ванд̣̇анаагаарам̣ д̣̇исваа ‘‘убаж̇жхааяо мз ад̇ивияа басаннажид̇д̇о ванд̣̇ад̇и, гим̣ ну ко бубпаани лабхид̇ваа бууж̇ам̣ гарзяяаа’’д̇и жинд̇зси. т̇зро ванд̣̇ид̇ваа удтааяа сираси ан̃ж̇алим̣ табзд̇ваа махаажзд̇ияам̣ уллогзд̇ваа тид̇о. сааман̣зро уггаасид̇ваа ад̇д̇ано ааг̇ад̇абхаавам̣ ж̇аанаабзси. т̇зро баривад̇д̇зд̇ваа ологзнд̇о ‘‘гад̣̇аа ааг̇ад̇осий’’д̇и бужчи. д̇умхаагам̣ жзд̇ияам̣ ванд̣̇анагаалз, бханд̇з. ад̇ивияа басаннаа жзд̇ияам̣ ванд̣̇ид̇т̇а гим̣ ну ко бубпаани лабхид̇ваа бууж̇зяяаат̇аад̇и? аама сааман̣зра имасмим̣ жзд̇ияз вияа ан̃н̃ад̇ра зд̇д̇агам̣ д̇хаад̇уунам̣ нид̇хаанам̣ наама над̇т̇и, зваруубам̣ асад̣̇исам̣ махаат̇уубам̣ бубпаани лабхид̇ваа го на бууж̇зяяаад̇и. д̇зна хи, бханд̇з, ад̇хиваасзт̇а, аахариссаамийд̇и д̇аавад̣̇зва жхаанам̣ самаабаж̇ж̇ид̇ваа ид̣̇д̇хияаа химаванд̇ам̣ г̇анд̇ваа ван̣н̣аг̇анд̇хасамбаннабубпаани бариссааванам̣ буурзд̇ваа махаат̇зрз д̣̇агкин̣амукад̇о бажчимам̣ мукам̣ асамбад̇д̇зязва ааг̇анд̇ваа бубпабариссааванам̣ хад̇т̇з табзд̇ваа ‘‘бууж̇зт̇а, бханд̇з,’’д̇и ааха . т̇зро ‘‘ад̇иманд̣̇аани но сааман̣зра бубпааний’’д̇и ааха. г̇ажчат̇а, бханд̇з, бхаг̇авад̇о г̇ун̣з ааваж̇ж̇ид̇ваа бууж̇зт̇аад̇и.

    Mahāthero mahācetiyaṃ ulloketvā buddhārammaṇaṃ pītiṃ gahetvā sabbaṃ cetaso samannāharitvā haṭṭhapahaṭṭho cetiyaṃ vandati. Sāmaṇero therassa vandanākāraṃ disvā ‘‘upajjhāyo me ativiya pasannacitto vandati, kiṃ nu kho pupphāni labhitvā pūjaṃ kareyyā’’ti cintesi. Thero vanditvā uṭṭhāya sirasi añjaliṃ ṭhapetvā mahācetiyaṃ ulloketvā ṭhito. Sāmaṇero ukkāsitvā attano āgatabhāvaṃ jānāpesi. Thero parivattetvā olokento ‘‘kadā āgatosī’’ti pucchi. Tumhākaṃ cetiyaṃ vandanakāle, bhante. Ativiya pasannā cetiyaṃ vandittha kiṃ nu kho pupphāni labhitvā pūjeyyāthāti? Āma sāmaṇera imasmiṃ cetiye viya aññatra ettakaṃ dhātūnaṃ nidhānaṃ nāma natthi, evarūpaṃ asadisaṃ mahāthūpaṃ pupphāni labhitvā ko na pūjeyyāti. Tena hi, bhante, adhivāsetha, āharissāmīti tāvadeva jhānaṃ samāpajjitvā iddhiyā himavantaṃ gantvā vaṇṇagandhasampannapupphāni parissāvanaṃ pūretvā mahāthere dakkhiṇamukhato pacchimaṃ mukhaṃ asampatteyeva āgantvā pupphaparissāvanaṃ hatthe ṭhapetvā ‘‘pūjetha, bhante,’’ti āha . Thero ‘‘atimandāni no sāmaṇera pupphānī’’ti āha. Gacchatha, bhante, bhagavato guṇe āvajjitvā pūjethāti.

    т̇зро бажчимамуканиссид̇зна собаан̣зна ааруяха гужчивзд̣̇игаабхуумияам̣ бубпабууж̇ам̣ гаад̇ум̣ аарад̣̇д̇хо. взд̣̇игаабхуумияам̣ барибун̣н̣аани бубпаани бад̇ид̇ваа д̣̇уд̇ияабхуумияам̣ ж̇ан̣н̣убамаан̣зна од̇хинаа буураяим̣су. д̇ад̇о од̇арид̇ваа баад̣̇абидтигабанд̇им̣ бууж̇зси. сааби барибуури. барибун̣н̣абхаавам̣ н̃ад̇ваа хздтимад̇алз вигиранд̇о аг̇амааси. саб̣б̣ам̣ жзд̇ияан̇г̇ан̣ам̣ барибуури. д̇асмим̣ барибун̣н̣з ‘‘сааман̣зра бубпаани на кийяанд̇ий’’д̇и ааха. бариссааванам̣, бханд̇з, ад̇хомукам̣ гарот̇аад̇и. ад̇хомукам̣ гад̇ваа жаалзси, д̇ад̣̇аа бубпаани кийн̣аани. бариссааванам̣ сааман̣зрасса д̣̇ад̇ваа сад̣̇д̇хим̣ хад̇т̇ибаагаарзна жзд̇ияам̣ д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу ванд̣̇ид̇ваа баривзн̣ам̣ г̇ажчанд̇о жинд̇зси – ‘‘яаава махид̣̇д̇хиго вад̇ааяам̣ сааман̣зро, сагкиссад̇и ну ко имам̣ ид̣̇д̇хаанубхаавам̣ рагкид̇у’’нд̇и. д̇ад̇о ‘‘на сагкиссад̇ий’’д̇и д̣̇исваа сааман̣зрамааха – ‘‘сааман̣зра д̇вам̣ ид̣̇аани махид̣̇д̇хиго, зваруубам̣ бана ид̣̇д̇хим̣ наасзд̇ваа бажчимагаалз гаан̣абзсагаарияаа хад̇т̇зна мад̣̇д̣̇ид̇аган̃ж̇ияам̣ бивиссасий’’д̇и. д̣̇ахарагабхаавасса наамзса д̣̇осояам̣, со убаж̇жхааяасса гат̇ааяам̣ сам̣виж̇ж̇ид̇ваа – ‘‘гаммадтаанам̣ мз, бханд̇з, аажигкат̇аа’’д̇и на яаажи, амхаагам̣ убаж̇жхааяо гим̣ вад̣̇ад̇ийд̇и д̇ам̣ бана асун̣анд̇о вияа аг̇амааси.

    Thero pacchimamukhanissitena sopāṇena āruyha kucchivedikābhūmiyaṃ pupphapūjaṃ kātuṃ āraddho. Vedikābhūmiyaṃ paripuṇṇāni pupphāni patitvā dutiyabhūmiyaṃ jaṇṇupamāṇena odhinā pūrayiṃsu. Tato otaritvā pādapiṭṭhikapantiṃ pūjesi. Sāpi paripūri. Paripuṇṇabhāvaṃ ñatvā heṭṭhimatale vikiranto agamāsi. Sabbaṃ cetiyaṅgaṇaṃ paripūri. Tasmiṃ paripuṇṇe ‘‘sāmaṇera pupphāni na khīyantī’’ti āha. Parissāvanaṃ, bhante, adhomukhaṃ karothāti. Adhomukhaṃ katvā cālesi, tadā pupphāni khīṇāni. Parissāvanaṃ sāmaṇerassa datvā saddhiṃ hatthipākārena cetiyaṃ tikkhattuṃ padakkhiṇaṃ katvā catūsu ṭhānesu vanditvā pariveṇaṃ gacchanto cintesi – ‘‘yāva mahiddhiko vatāyaṃ sāmaṇero, sakkhissati nu kho imaṃ iddhānubhāvaṃ rakkhitu’’nti. Tato ‘‘na sakkhissatī’’ti disvā sāmaṇeramāha – ‘‘sāmaṇera tvaṃ idāni mahiddhiko, evarūpaṃ pana iddhiṃ nāsetvā pacchimakāle kāṇapesakāriyā hatthena madditakañjiyaṃ pivissasī’’ti. Daharakabhāvassa nāmesa dosoyaṃ, so upajjhāyassa kathāyaṃ saṃvijjitvā – ‘‘kammaṭṭhānaṃ me, bhante, ācikkhathā’’ti na yāci, amhākaṃ upajjhāyo kiṃ vadatīti taṃ pana asuṇanto viya agamāsi.

    т̇зро махаажзд̇ияан̃жа махааб̣од̇хин̃жа ванд̣̇ид̇ваа сааман̣зрам̣ бад̇д̇ажийварам̣ г̇аахаабзд̇ваа анубуб̣б̣зна гудзл̣ид̇иссамахаавихаарам̣ аг̇амааси. сааман̣зро убаж̇жхааяасса бад̣̇аанубад̣̇иго худ̇ваа бхигкаажаарам̣ на г̇ажчад̇и, ‘‘гад̇арам̣ г̇аамам̣ бависат̇а, бханд̇з,’’д̇и бужчид̇ваа бана ‘‘ид̣̇аани мз убаж̇жхааяо г̇аамад̣̇ваарам̣ бад̇д̇о бхависсад̇ий’’д̇и н̃ад̇ваа ад̇д̇ано жа убаж̇жхааяасса жа бад̇д̇ажийварам̣ г̇ахзд̇ваа аагаасзна г̇анд̇ваа т̇зрасса бад̇д̇ажийварам̣ д̣̇ад̇ваа бин̣д̣ааяа бависад̇и. т̇зро саб̣б̣агаалам̣ овад̣̇ад̇и – ‘‘сааман̣зра маа звамагааси, бут̇уж̇ж̇анид̣̇д̇хи наама жалаа аниб̣ад̣̇д̇хаа, асаббааяам̣ руубаад̣̇иаарамман̣ам̣ лабхид̇ваа аббамад̇д̇агзнзва бхиж̇ж̇ад̇и, санд̇ааяа самаабад̇д̇ияаа барихийнааяа б̣рахмажарияаваасо сант̇амбхид̇ум̣ на саггод̇ий’’д̇и. сааман̣зро ‘‘гим̣ гат̇зд̇и маяхам̣ убаж̇жхааяо’’д̇и сод̇ум̣ на ижчад̇и, д̇ат̇зва гарод̇и. т̇зро анубуб̣б̣зна жзд̇ияаванд̣̇анам̣ гаронд̇о гаммуб̣инд̣̇увихаарам̣ наама г̇ад̇о. д̇ад̇т̇а васанд̇зби т̇зрз сааман̣зро д̇ат̇зва гарод̇и.

    Thero mahācetiyañca mahābodhiñca vanditvā sāmaṇeraṃ pattacīvaraṃ gāhāpetvā anupubbena kuṭeḷitissamahāvihāraṃ agamāsi. Sāmaṇero upajjhāyassa padānupadiko hutvā bhikkhācāraṃ na gacchati, ‘‘kataraṃ gāmaṃ pavisatha, bhante,’’ti pucchitvā pana ‘‘idāni me upajjhāyo gāmadvāraṃ patto bhavissatī’’ti ñatvā attano ca upajjhāyassa ca pattacīvaraṃ gahetvā ākāsena gantvā therassa pattacīvaraṃ datvā piṇḍāya pavisati. Thero sabbakālaṃ ovadati – ‘‘sāmaṇera mā evamakāsi, puthujjaniddhi nāma calā anibaddhā, asappāyaṃ rūpādiārammaṇaṃ labhitvā appamattakeneva bhijjati, santāya samāpattiyā parihīnāya brahmacariyavāso santhambhituṃ na sakkotī’’ti. Sāmaṇero ‘‘kiṃ katheti mayhaṃ upajjhāyo’’ti sotuṃ na icchati, tatheva karoti. Thero anupubbena cetiyavandanaṃ karonto kammubinduvihāraṃ nāma gato. Tattha vasantepi there sāmaṇero tatheva karoti.

    ат̇згад̣̇ивасам̣ згаа бзсагаарад̇хийд̇аа абхируубаа батамаваяз тид̇аа гаммаб̣инд̣̇уг̇аамад̇о нигкамид̇ваа бад̣̇умассарам̣ оруяха г̇ааяамаанаа бубпаани бхан̃ж̇ад̇и. д̇асмим̣ самаяз сааман̣зро бад̣̇умассарамад̇т̇агзна г̇ажчад̇и, г̇ажчанд̇о бана силзсигааяа гаан̣амажчигаа вияа д̇ассаа г̇ийд̇асад̣̇д̣̇з б̣аж̇жхи. д̇аавад̣̇звасса ид̣̇д̇хи анд̇арахид̇аа, чиннабагкагааго вияа ахоси. санд̇асамаабад̇д̇иб̣алзна бана д̇ад̇т̇зва уд̣̇агабидтз абад̇ид̇ваа симб̣алид̇уулам̣ вияа бад̇амаанам̣ анубуб̣б̣зна бад̣̇умасарад̇ийрз адтааси. со взг̇зна г̇анд̇ваа убаж̇жхааяасса бад̇д̇ажийварам̣ д̣̇ад̇ваа нивад̇д̇и. махаат̇зро ‘‘баг̇звзд̇ам̣ маяаа д̣̇идтам̣, ниваарияамааноби на нивад̇д̇иссад̇ий’’д̇и гин̃жи авад̇ваа бин̣д̣ааяа баависи.

    Athekadivasaṃ ekā pesakāradhītā abhirūpā paṭhamavaye ṭhitā kammabindugāmato nikkhamitvā padumassaraṃ oruyha gāyamānā pupphāni bhañjati. Tasmiṃ samaye sāmaṇero padumassaramatthakena gacchati, gacchanto pana silesikāya kāṇamacchikā viya tassā gītasadde bajjhi. Tāvadevassa iddhi antarahitā, chinnapakkhakāko viya ahosi. Santasamāpattibalena pana tattheva udakapiṭṭhe apatitvā simbalitūlaṃ viya patamānaṃ anupubbena padumasaratīre aṭṭhāsi. So vegena gantvā upajjhāyassa pattacīvaraṃ datvā nivatti. Mahāthero ‘‘pagevetaṃ mayā diṭṭhaṃ, nivāriyamānopi na nivattissatī’’ti kiñci avatvā piṇḍāya pāvisi.

    сааман̣зро г̇анд̇ваа бад̣̇умасарад̇ийрз адтааси д̇ассаа бажжуд̇д̇аран̣ам̣ ааг̇амаяамаано. сааби сааман̣зрам̣ аагаасзна г̇ажчанд̇ан̃жа буна ааг̇анд̇ваа тид̇ан̃жа д̣̇исваа ‘‘ад̣̇д̇хаа зса мам̣ ниссааяа угган̣тид̇о’’д̇и н̃ад̇ваа ‘‘бадиггама сааман̣зраа’’д̇и ааха. со бадиггами. ид̇араа бажжуд̇д̇арид̇ваа саадагам̣ ниваасзд̇ваа д̇ам̣ убасан̇гамид̇ваа ‘‘гим̣, бханд̇з,’’д̇и бужчи. со д̇амад̇т̇ам̣ аарожзси. саа б̣ахуухи гааран̣зхи гхарааваасз аад̣̇ийнавам̣ б̣рахмажарияаваасз аанисам̣сан̃жа д̣̇ассзд̇ваа овад̣̇амаанааби д̇асса угган̣там̣ винод̣̇зд̇ум̣ асаггонд̇ий – ‘‘аяам̣ мама гааран̣аа зваруубааяа ид̣̇д̇хияаа барихийно, на д̣̇аани яуд̇д̇ам̣ барижжаж̇ид̇у’’нд̇и ид̇хзва д̇идтаад̇и вад̇ваа гхарам̣ г̇анд̇ваа маад̇аабид̇уунам̣ д̇ам̣ бавад̇д̇им̣ аарожзси. д̇зби ааг̇анд̇ваа наанаббагаарам̣ овад̣̇амаанаа важанам̣ аг̇г̇ан̣ханд̇ам̣ аахам̣су – ‘‘д̇вам̣ амхз ужжагулаад̇и саллагкзси, маяам̣ бзсагаараа. сагкиссаси бзсагаарагаммам̣ гаад̇у’’нд̇и сааман̣зро ааха – ‘‘убаасага г̇ихибхууд̇о наама бзсагаарагаммам̣ ваа гарзяяа нал̣агаарагаммам̣ ваа, гим̣ иминаа саадагамад̇д̇зна лобхам̣ гарот̇аа’’д̇и. бзсагааро уд̣̇арз б̣ад̣̇д̇хасаадагам̣ д̣̇ад̇ваа гхарам̣ нзд̇ваа д̇хийд̇арам̣ ад̣̇ааси.

    Sāmaṇero gantvā padumasaratīre aṭṭhāsi tassā paccuttaraṇaṃ āgamayamāno. Sāpi sāmaṇeraṃ ākāsena gacchantañca puna āgantvā ṭhitañca disvā ‘‘addhā esa maṃ nissāya ukkaṇṭhito’’ti ñatvā ‘‘paṭikkama sāmaṇerā’’ti āha. So paṭikkami. Itarā paccuttaritvā sāṭakaṃ nivāsetvā taṃ upasaṅkamitvā ‘‘kiṃ, bhante,’’ti pucchi. So tamatthaṃ ārocesi. Sā bahūhi kāraṇehi gharāvāse ādīnavaṃ brahmacariyavāse ānisaṃsañca dassetvā ovadamānāpi tassa ukkaṇṭhaṃ vinodetuṃ asakkontī – ‘‘ayaṃ mama kāraṇā evarūpāya iddhiyā parihīno, na dāni yuttaṃ pariccajitu’’nti idheva tiṭṭhāti vatvā gharaṃ gantvā mātāpitūnaṃ taṃ pavattiṃ ārocesi. Tepi āgantvā nānappakāraṃ ovadamānā vacanaṃ aggaṇhantaṃ āhaṃsu – ‘‘tvaṃ amhe uccakulāti sallakkhesi, mayaṃ pesakārā. Sakkhissasi pesakārakammaṃ kātu’’nti sāmaṇero āha – ‘‘upāsaka gihibhūto nāma pesakārakammaṃ vā kareyya naḷakārakammaṃ vā, kiṃ iminā sāṭakamattena lobhaṃ karothā’’ti. Pesakāro udare baddhasāṭakaṃ datvā gharaṃ netvā dhītaraṃ adāsi.

    со бзсагаарагаммам̣ уг̇г̇ан̣хид̇ваа бзсагаарзхи сад̣̇д̇хим̣ саалааяа гаммам̣ гарод̇и. ан̃н̃зсам̣ ид̇т̇ияо баад̇ова бхад̇д̇ам̣ самбаад̣̇зд̇ваа аахарим̣су, д̇асса бхарияаа на д̇аава ааг̇ажчад̇и. со ид̇арзсу гаммам̣ виссаж̇ж̇зд̇ваа бхун̃ж̇амаанзсу д̇асарам̣ ваддзнд̇о нисийд̣̇и. саа бажчаа аг̇амааси. ат̇а нам̣ со ‘‘ад̇ижирзна ааг̇ад̇аасий’’д̇и д̇аж̇ж̇зси. маад̇уг̇аамо жа наама аби жаггавад̇д̇ирааж̇аанам̣ ад̇д̇ани бадиб̣ад̣̇д̇хажид̇д̇ам̣ н̃ад̇ваа д̣̇аасам̣ вияа саллагкзд̇и. д̇асмаа саа звамааха – ‘‘ан̃н̃зсам̣ гхарз д̣̇аарубан̣н̣алон̣аад̣̇ийни саннихид̇аани, б̣аахирад̇о аахарид̇ваа д̣̇ааяагаа бзсанад̇агаарагааби ад̇т̇и, ахам̣ бана згигаава, д̇вамби маяхам̣ гхарз ид̣̇ам̣ ад̇т̇и ид̣̇ам̣ над̇т̇ийд̇и на ж̇аанааси. сажз ижчаси, бхун̃ж̇а, но жз ижчаси, маа бхун̃ж̇аа’’д̇и. со ‘‘на гзвалан̃жа уссуурз бхад̇д̇ам̣ аахараси, ваажааяаби мам̣ гхаддзсий’’д̇и гуж̇жхид̇ваа ан̃н̃ам̣ бахаран̣ам̣ абассанд̇о д̇амзва д̇асарад̣̇ан̣д̣агам̣ д̇асарад̇о лун̃жид̇ваа киби. саа д̇ам̣ ааг̇ажчанд̇ам̣ д̣̇исваа ийсагам̣ баривад̇д̇и. д̇асарад̣̇ан̣д̣агасса жа годи наама д̇икин̣аа ход̇и, саа д̇ассаа баривад̇д̇амаанааяа агкигодияам̣ бависид̇ваа адтааси. саа убхохи хад̇т̇зхи взг̇зна агким̣ аг̇г̇ахзси, бхиннадтаанад̇о лохид̇ам̣ баг̇гхарад̇и. со д̇асмим̣ гаалз убаж̇жхааяасса важанам̣ ануссари – ‘‘ид̣̇ам̣ санд̇хааяа мам̣ убаж̇жхааяо ‘анааг̇ад̇з гаалз гаан̣абзсагаарияаа хад̇т̇зхи мад̣̇д̣̇ид̇аган̃ж̇ияам̣ бивиссасий’д̇и ааха, ид̣̇ам̣ т̇зрзна д̣̇идтам̣ бхависсад̇и, ахо д̣̇ийгхад̣̇ассий аяяо’’д̇и махаасад̣̇д̣̇зна род̣̇ид̇ум̣ аарабхи. д̇амзнам̣ ан̃н̃з – ‘‘алам̣, аавусо, маа род̣̇и, агки наама бхиннам̣ на саггаа род̣̇анзна бадибаагад̇игам̣ гаад̇у’’нд̇и аахам̣су. со ‘‘наахамзд̇амад̇т̇ам̣ род̣̇аами, абижа ко имам̣ санд̇хааяа род̣̇аамий’’д̇и саб̣б̣ам̣ бадибаадияаа гат̇зси. звам̣ уббаннаа самат̇авибассанаа нируж̇жхамаанаа анад̇т̇ааяа сам̣вад̇д̇анд̇и.

    So pesakārakammaṃ uggaṇhitvā pesakārehi saddhiṃ sālāya kammaṃ karoti. Aññesaṃ itthiyo pātova bhattaṃ sampādetvā āhariṃsu, tassa bhariyā na tāva āgacchati. So itaresu kammaṃ vissajjetvā bhuñjamānesu tasaraṃ vaṭṭento nisīdi. Sā pacchā agamāsi. Atha naṃ so ‘‘aticirena āgatāsī’’ti tajjesi. Mātugāmo ca nāma api cakkavattirājānaṃ attani paṭibaddhacittaṃ ñatvā dāsaṃ viya sallakkheti. Tasmā sā evamāha – ‘‘aññesaṃ ghare dārupaṇṇaloṇādīni sannihitāni, bāhirato āharitvā dāyakā pesanatakārakāpi atthi, ahaṃ pana ekikāva, tvampi mayhaṃ ghare idaṃ atthi idaṃ natthīti na jānāsi. Sace icchasi, bhuñja, no ce icchasi, mā bhuñjā’’ti. So ‘‘na kevalañca ussūre bhattaṃ āharasi, vācāyapi maṃ ghaṭṭesī’’ti kujjhitvā aññaṃ paharaṇaṃ apassanto tameva tasaradaṇḍakaṃ tasarato luñcitvā khipi. Sā taṃ āgacchantaṃ disvā īsakaṃ parivatti. Tasaradaṇḍakassa ca koṭi nāma tikhiṇā hoti, sā tassā parivattamānāya akkhikoṭiyaṃ pavisitvā aṭṭhāsi. Sā ubhohi hatthehi vegena akkhiṃ aggahesi, bhinnaṭṭhānato lohitaṃ paggharati. So tasmiṃ kāle upajjhāyassa vacanaṃ anussari – ‘‘idaṃ sandhāya maṃ upajjhāyo ‘anāgate kāle kāṇapesakāriyā hatthehi madditakañjiyaṃ pivissasī’ti āha, idaṃ therena diṭṭhaṃ bhavissati, aho dīghadassī ayyo’’ti mahāsaddena rodituṃ ārabhi. Tamenaṃ aññe – ‘‘alaṃ, āvuso, mā rodi, akkhi nāma bhinnaṃ na sakkā rodanena paṭipākatikaṃ kātu’’nti āhaṃsu. So ‘‘nāhametamatthaṃ rodāmi, apica kho imaṃ sandhāya rodāmī’’ti sabbaṃ paṭipāṭiyā kathesi. Evaṃ uppannā samathavipassanā nirujjhamānā anatthāya saṃvattanti.

    абарамби вад̇т̇у – д̇им̣самад̇д̇аа бхигкуу галяаан̣имахаажзд̇ияам̣ ванд̣̇ид̇ваа адавимаг̇г̇зна махаамаг̇г̇ам̣ од̇арамаанаа анд̇араамаг̇г̇з жхаамакзд̇д̇з гаммам̣ гад̇ваа ааг̇ажчанд̇ам̣ згам̣ мануссам̣ ад̣̇д̣̇асам̣су. д̇асса сарийрам̣ масимагкид̇ам̣ вияа ахоси. масимагкид̇ам̣язва згам̣ гаасаавам̣ гажчам̣ бийл̣зд̇ваа нивад̇т̇ам̣, ологияамаано жхаамакаан̣уго вияа кааяад̇и. со д̣̇ивасабхааг̇з гаммам̣ гад̇ваа убад̣дхаж̇жхааяамаанаанам̣ д̣̇ааруунам̣ галаабам̣ угкибид̇ваа бидтияам̣ виббагин̣н̣зхи гзсзхи гуммаг̇г̇зна ааг̇анд̇ваа бхигкуунам̣ саммукз адтааси. сааман̣зраа д̣̇исваа ан̃н̃аман̃н̃ам̣ ологаяамаанаа, – ‘‘аавусо, д̇уяхам̣ бид̇аа д̇уяхам̣ махаабид̇аа д̇уяхам̣ маад̇уло’’д̇и хасамаанаа г̇анд̇ваа ‘‘гонаамо д̇вам̣ убаасагаа’’д̇и наамам̣ бужчим̣су. со наамам̣ бужчид̇о виббадисаарий худ̇ваа д̣̇ааругалаабам̣ чад̣д̣зд̇ваа вад̇т̇ам̣ сам̣вид̇хааяа ниваасзд̇ваа махаат̇зрз ванд̣̇ид̇ваа ‘‘д̇идтат̇а д̇аава, бханд̇з,’’д̇и ааха. махаат̇зраа адтам̣су.

    Aparampi vatthu – tiṃsamattā bhikkhū kalyāṇimahācetiyaṃ vanditvā aṭavimaggena mahāmaggaṃ otaramānā antarāmagge jhāmakhette kammaṃ katvā āgacchantaṃ ekaṃ manussaṃ addasaṃsu. Tassa sarīraṃ masimakkhitaṃ viya ahosi. Masimakkhitaṃyeva ekaṃ kāsāvaṃ kacchaṃ pīḷetvā nivatthaṃ, olokiyamāno jhāmakhāṇuko viya khāyati. So divasabhāge kammaṃ katvā upaḍḍhajjhāyamānānaṃ dārūnaṃ kalāpaṃ ukkhipitvā piṭṭhiyaṃ vippakiṇṇehi kesehi kummaggena āgantvā bhikkhūnaṃ sammukhe aṭṭhāsi. Sāmaṇerā disvā aññamaññaṃ olokayamānā, – ‘‘āvuso, tuyhaṃ pitā tuyhaṃ mahāpitā tuyhaṃ mātulo’’ti hasamānā gantvā ‘‘konāmo tvaṃ upāsakā’’ti nāmaṃ pucchiṃsu. So nāmaṃ pucchito vippaṭisārī hutvā dārukalāpaṃ chaḍḍetvā vatthaṃ saṃvidhāya nivāsetvā mahāthere vanditvā ‘‘tiṭṭhatha tāva, bhante,’’ti āha. Mahātherā aṭṭhaṃsu.

    д̣̇ахарасааман̣зраа ааг̇анд̇ваа махаат̇зраанам̣ саммукааби барихаасам̣ гаронд̇и. убаасаго ааха – ‘‘бханд̇з, д̇умхз мам̣ бассид̇ваа барихасат̇а, зд̇д̇агзнзва мад̇т̇агам̣ бад̇д̇амхаад̇и маа саллагкзт̇а. ахамби буб̣б̣з д̇умхаад̣̇исова саман̣о ахосим̣. д̇умхаагам̣ бана жид̇д̇згаг̇г̇ад̇аамад̇д̇агамби над̇т̇и, ахам̣ имасмим̣ саасанз махид̣̇д̇хиго махаанубхааво ахосим̣, аагаасам̣ г̇ахзд̇ваа бат̇авим̣ гароми, бат̇авим̣ аагаасам̣. д̣̇уурам̣ г̇ан̣хид̇ваа санд̇игам̣ гароми, санд̇игам̣ д̣̇уурам̣. жаггаваал̣асад̇асахассам̣ кан̣зна винивиж̇жхаами. хад̇т̇з мз бассат̇а, ид̣̇аани маггадахад̇т̇асад̣̇исаа, ахам̣ имзхзва хад̇т̇зхи ид̇ха нисиннова жанд̣̇имасуурияз бараамасим̣. имзсам̣язва баад̣̇аанам̣ жанд̣̇имасуурияз баад̣̇агат̇алигам̣ гад̇ваа нисийд̣̇им̣. зваруубаа мз ид̣̇д̇хи бамаад̣̇зна анд̇арахид̇аа, д̇умхз маа бамаж̇ж̇ид̇т̇а. бамаад̣̇зна хи зваруубам̣ б̣яасанам̣ баабун̣анд̇и. аббамад̇д̇аа вихаранд̇аа ж̇аад̇иж̇араамаран̣асса анд̇ам̣ гаронд̇и. д̇асмаа д̇умхз ман̃н̃зва аарамман̣ам̣ гарид̇ваа аббамад̇д̇аа хот̇а, бханд̇з,’’д̇и д̇аж̇ж̇зд̇ваа оваад̣̇амад̣̇ааси. д̇з д̇асса гат̇знд̇ассзва сам̣взг̇ам̣ аабаж̇ж̇ид̇ваа вибассамаанаа д̇им̣саж̇анаа д̇ад̇т̇зва арахад̇д̇ам̣ баабун̣им̣сууд̇и. звамби уббаннаа самат̇авибассанаа нируж̇жхамаанаа анад̇т̇ааяа сам̣вад̇д̇анд̇ийд̇и взд̣̇ид̇аб̣б̣аа.

    Daharasāmaṇerā āgantvā mahātherānaṃ sammukhāpi parihāsaṃ karonti. Upāsako āha – ‘‘bhante, tumhe maṃ passitvā parihasatha, ettakeneva matthakaṃ pattamhāti mā sallakkhetha. Ahampi pubbe tumhādisova samaṇo ahosiṃ. Tumhākaṃ pana cittekaggatāmattakampi natthi, ahaṃ imasmiṃ sāsane mahiddhiko mahānubhāvo ahosiṃ, ākāsaṃ gahetvā pathaviṃ karomi, pathaviṃ ākāsaṃ. Dūraṃ gaṇhitvā santikaṃ karomi, santikaṃ dūraṃ. Cakkavāḷasatasahassaṃ khaṇena vinivijjhāmi. Hatthe me passatha, idāni makkaṭahatthasadisā, ahaṃ imeheva hatthehi idha nisinnova candimasūriye parāmasiṃ. Imesaṃyeva pādānaṃ candimasūriye pādakathalikaṃ katvā nisīdiṃ. Evarūpā me iddhi pamādena antarahitā, tumhe mā pamajjittha. Pamādena hi evarūpaṃ byasanaṃ pāpuṇanti. Appamattā viharantā jātijarāmaraṇassa antaṃ karonti. Tasmā tumhe maññeva ārammaṇaṃ karitvā appamattā hotha, bhante,’’ti tajjetvā ovādamadāsi. Te tassa kathentasseva saṃvegaṃ āpajjitvā vipassamānā tiṃsajanā tattheva arahattaṃ pāpuṇiṃsūti. Evampi uppannā samathavipassanā nirujjhamānā anatthāya saṃvattantīti veditabbā.

    ануббаннаанам̣ баабагаананд̇и жзд̇т̇а ‘‘ануббанно ваа гаамаасаво на уббаж̇ж̇ад̇ий’’д̇иаад̣̇ийсу вуд̇д̇анаязна ад̇т̇о взд̣̇ид̇аб̣б̣о. уббаннаанам̣ баабагаананд̇и зд̇т̇а бана жад̇уб̣б̣ид̇хам̣ уббаннам̣ вад̇д̇амаануббаннам̣ бхуд̇ваавиг̇ад̇уббаннам̣, огаасагад̇уббаннам̣, бхуумилад̣̇д̇хуббаннанд̇и. д̇ад̇т̇а яз гилзсаа виж̇ж̇амаанаа уббаад̣̇аад̣̇исаман̇г̇ино, ид̣̇ам̣ вад̇д̇амаануббаннам̣ наама. гаммз бана ж̇авид̇з аарамман̣арасам̣ анубхавид̇ваа нируд̣̇д̇хавибааго бхуд̇ваа виг̇ад̇ам̣ наама. гаммам̣ уббаж̇ж̇ид̇ваа нируд̣̇д̇хам̣ бхавид̇ваа виг̇ад̇ам̣ наама. д̇ад̣̇убхаяамби бхуд̇ваавиг̇ад̇уббаннанд̇и сан̇кам̣ г̇ажчад̇и. гусалаагусалам̣ гаммам̣ ан̃н̃асса гаммасса вибаагам̣ бадиб̣аахид̇ваа ад̇д̇ано вибаагасса огаасам̣ гарод̇и, звам̣ гад̇з огаасз вибааго уббаж̇ж̇амаано огаасагаран̣ад̇о бадтааяа уббаннод̇и сан̇кам̣ г̇ажчад̇и. ид̣̇ам̣ огаасагад̇уббаннам̣ наама. бан̃жагканд̇хаа бана вибассанааяа бхууми наама. д̇з ад̇ийд̇аад̣̇ибхзд̣̇аа хонд̇и. д̇зсу анусаяид̇агилзсаа бана ад̇ийд̇аа ваа анааг̇ад̇аа ваа бажжуббаннаа ваад̇и на вад̇д̇аб̣б̣аа. ад̇ийд̇аканд̇хзсу анусаяид̇ааби хи аббахийнаава хонд̇и, анааг̇ад̇аканд̇хзсу, бажжуббаннаканд̇хзсу анусаяид̇ааби аббахийнаава хонд̇и. ид̣̇ам̣ бхуумилад̣̇д̇хуббаннам̣ наама. д̇знааху бораан̣аа – ‘‘д̇аасу д̇аасу бхуумийсу асамуг̇гхаад̇ид̇агилзсаа бхуумилад̣̇д̇хуббаннаад̇и сан̇кам̣ г̇ажчанд̇ий’’д̇и.

    Anuppannānaṃ pāpakānanti cettha ‘‘anuppanno vā kāmāsavo na uppajjatī’’tiādīsu vuttanayena attho veditabbo. Uppannānaṃ pāpakānanti ettha pana catubbidhaṃ uppannaṃ vattamānuppannaṃ bhutvāvigatuppannaṃ, okāsakatuppannaṃ, bhūmiladdhuppannanti. Tattha ye kilesā vijjamānā uppādādisamaṅgino, idaṃ vattamānuppannaṃ nāma. Kamme pana javite ārammaṇarasaṃ anubhavitvā niruddhavipāko bhutvā vigataṃ nāma. Kammaṃ uppajjitvā niruddhaṃ bhavitvā vigataṃ nāma. Tadubhayampi bhutvāvigatuppannanti saṅkhaṃ gacchati. Kusalākusalaṃ kammaṃ aññassa kammassa vipākaṃ paṭibāhitvā attano vipākassa okāsaṃ karoti, evaṃ kate okāse vipāko uppajjamāno okāsakaraṇato paṭṭhāya uppannoti saṅkhaṃ gacchati. Idaṃ okāsakatuppannaṃ nāma. Pañcakkhandhā pana vipassanāya bhūmi nāma. Te atītādibhedā honti. Tesu anusayitakilesā pana atītā vā anāgatā vā paccuppannā vāti na vattabbā. Atītakhandhesu anusayitāpi hi appahīnāva honti, anāgatakhandhesu, paccuppannakhandhesu anusayitāpi appahīnāva honti. Idaṃ bhūmiladdhuppannaṃ nāma. Tenāhu porāṇā – ‘‘tāsu tāsu bhūmīsu asamugghātitakilesā bhūmiladdhuppannāti saṅkhaṃ gacchantī’’ti.

    абарамби жад̇уб̣б̣ид̇хам̣ уббаннам̣ самуд̣̇аажааруббаннам̣, аарамман̣аад̇хиг̇ахид̇уббаннам̣, авигкамбхид̇уббаннам̣ асамуг̇гхаад̇ид̇уббаннанд̇и. д̇ад̇т̇а самбад̇и вад̇д̇амаанам̣язва самуд̣̇аажааруббаннам̣ наама. сагим̣ жагкууни уммийлзд̇ваа аарамман̣з нимид̇д̇з г̇ахид̇з ануссарид̇аануссарид̇агкан̣з гилзсаа нуббаж̇ж̇иссанд̇ийд̇и на вад̇д̇аб̣б̣аа. гасмаа? аарамман̣асса ад̇хиг̇ахид̇ад̇д̇аа. яат̇аа гим̣? яат̇аа кийраругкасса гутаарияаа аахад̇аахад̇адтаанз кийрам̣ на нигкамиссад̇ийд̇и на вад̇д̇аб̣б̣ам̣, звам̣. ид̣̇ам̣ аарамман̣аад̇хиг̇ахид̇уббаннам̣ наама. самаабад̇д̇ияаа авигкамбхид̇аа гилзсаа бана имасмим̣ наама таанз нуббаж̇ж̇иссанд̇ийд̇и на вад̇д̇аб̣б̣аа. гасмаа? авигкамбхид̇ад̇д̇аа. яат̇аа гим̣? яат̇аа сажз кийраругкз гутаарияаа ааханзяяум̣, имасмим̣ наама таанз кийрам̣ на нигкамзяяаад̇и на вад̇д̇аб̣б̣ам̣, звам̣. ид̣̇ам̣ авигкамбхид̇уббаннам̣ наама. маг̇г̇зна асамуг̇гхаад̇ид̇агилзсаа бана бхаваг̇г̇з ниб̣б̣ад̇д̇ассааби уббаж̇ж̇анд̇ийд̇и буриманаязнзва вид̇т̇аарзд̇аб̣б̣ам̣. ид̣̇ам̣ асамуг̇гхаад̇ид̇уббаннам̣ наама.

    Aparampi catubbidhaṃ uppannaṃ samudācāruppannaṃ, ārammaṇādhigahituppannaṃ, avikkhambhituppannaṃ asamugghātituppannanti. Tattha sampati vattamānaṃyeva samudācāruppannaṃ nāma. Sakiṃ cakkhūni ummīletvā ārammaṇe nimitte gahite anussaritānussaritakkhaṇe kilesā nuppajjissantīti na vattabbā. Kasmā? Ārammaṇassa adhigahitattā. Yathā kiṃ? Yathā khīrarukkhassa kuṭhāriyā āhatāhataṭṭhāne khīraṃ na nikkhamissatīti na vattabbaṃ, evaṃ. Idaṃ ārammaṇādhigahituppannaṃ nāma. Samāpattiyā avikkhambhitā kilesā pana imasmiṃ nāma ṭhāne nuppajjissantīti na vattabbā. Kasmā? Avikkhambhitattā. Yathā kiṃ? Yathā sace khīrarukkhe kuṭhāriyā āhaneyyuṃ, imasmiṃ nāma ṭhāne khīraṃ na nikkhameyyāti na vattabbaṃ, evaṃ. Idaṃ avikkhambhituppannaṃ nāma. Maggena asamugghātitakilesā pana bhavagge nibbattassāpi uppajjantīti purimanayeneva vitthāretabbaṃ. Idaṃ asamugghātituppannaṃ nāma.

    имзсу уббаннзсу вад̇д̇амаануббаннам̣ бхуд̇ваавиг̇ад̇уббаннам̣ огаасагад̇уббаннам̣ самуд̣̇аажааруббаннанд̇и жад̇уб̣б̣ид̇хам̣ уббаннам̣ на маг̇г̇аваж̇жхам̣, бхуумилад̣̇д̇хуббаннам̣ аарамман̣аад̇хиг̇ахид̇уббаннам̣ авигкамбхид̇уббаннам̣ асамуг̇гхаад̇ид̇уббаннанд̇и жад̇уб̣б̣ид̇хам̣ маг̇г̇аваж̇жхам̣. маг̇г̇о хи уббаж̇ж̇амаано зд̇з гилзсз баж̇ахад̇и. со яз гилзсз баж̇ахад̇и, д̇з ад̇ийд̇аа ваа анааг̇ад̇аа ваа бажжуббаннаа ваад̇и на вад̇д̇аб̣б̣аа. вуд̇д̇амби жзд̇ам̣ –

    Imesu uppannesu vattamānuppannaṃ bhutvāvigatuppannaṃ okāsakatuppannaṃ samudācāruppannanti catubbidhaṃ uppannaṃ na maggavajjhaṃ, bhūmiladdhuppannaṃ ārammaṇādhigahituppannaṃ avikkhambhituppannaṃ asamugghātituppannanti catubbidhaṃ maggavajjhaṃ. Maggo hi uppajjamāno ete kilese pajahati. So ye kilese pajahati, te atītā vā anāgatā vā paccuppannā vāti na vattabbā. Vuttampi cetaṃ –

    ‘‘хан̃жи ад̇ийд̇з гилзсз баж̇ахад̇и, д̇зна хи кийн̣ам̣ кзбзд̇и, нируд̣̇д̇хам̣ нирод̇хзд̇и, виг̇ад̇ам̣ виг̇амзд̇и ад̇т̇ан̇г̇ад̇ам̣ ад̇т̇ан̇г̇амзд̇и. ад̇ийд̇ам̣ яам̣ над̇т̇и, д̇ам̣ баж̇ахад̇и. хан̃жи анааг̇ад̇з гилзсз баж̇ахад̇и, д̇зна хи аж̇аад̇ам̣ баж̇ахад̇и, аниб̣б̣ад̇д̇ам̣, ануббаннам̣, абаад̇убхууд̇ам̣ баж̇ахад̇и. анааг̇ад̇ам̣ яам̣ над̇т̇и, д̇ам̣ баж̇ахад̇и, хан̃жи бажжуббаннз гилзсз баж̇ахад̇и, д̇зна хи рад̇д̇о рааг̇ам̣ баж̇ахад̇и , д̣̇удто д̣̇осам̣, муул̣хо мохам̣, виниб̣ад̣̇д̇хо маанам̣, бараамадто д̣̇идтим̣, вигкзбаг̇ад̇о уд̣̇д̇хажжам̣, анидтан̇г̇ад̇о вижигижчам̣, т̇аамаг̇ад̇о анусаяам̣ баж̇ахад̇и. ган̣хасуггад̇хаммаа яуг̇анад̣̇д̇хаа самамзва вад̇д̇анд̇и. сам̣гилзсигаа маг̇г̇абхааванаа ход̇и…бз… д̇зна хи над̇т̇и маг̇г̇абхааванаа, над̇т̇и паласажчигирияаа, над̇т̇и гилзсаббахаанам̣, над̇т̇и д̇хаммаабхисамаяод̇и. ад̇т̇и маг̇г̇абхааванаа…бз… ад̇т̇и д̇хаммаабхисамаяод̇и. яат̇аа гат̇ам̣ вияа, сзяяат̇ааби д̇арун̣о ругко аж̇аад̇апало…бз… абаад̇убхууд̇ааязва на баад̇убхаванд̇ий’’д̇и.

    ‘‘Hañci atīte kilese pajahati, tena hi khīṇaṃ khepeti, niruddhaṃ nirodheti, vigataṃ vigameti atthaṅgataṃ atthaṅgameti. Atītaṃ yaṃ natthi, taṃ pajahati. Hañci anāgate kilese pajahati, tena hi ajātaṃ pajahati, anibbattaṃ, anuppannaṃ, apātubhūtaṃ pajahati. Anāgataṃ yaṃ natthi, taṃ pajahati, hañci paccuppanne kilese pajahati, tena hi ratto rāgaṃ pajahati , duṭṭho dosaṃ, mūḷho mohaṃ, vinibaddho mānaṃ, parāmaṭṭho diṭṭhiṃ, vikkhepagato uddhaccaṃ, aniṭṭhaṅgato vicikicchaṃ, thāmagato anusayaṃ pajahati. Kaṇhasukkadhammā yuganaddhā samameva vattanti. Saṃkilesikā maggabhāvanā hoti…pe… tena hi natthi maggabhāvanā, natthi phalasacchikiriyā, natthi kilesappahānaṃ, natthi dhammābhisamayoti. Atthi maggabhāvanā…pe… atthi dhammābhisamayoti. Yathā kathaṃ viya, seyyathāpi taruṇo rukkho ajātaphalo…pe… apātubhūtāyeva na pātubhavantī’’ti.

    ид̇и баал̣ияам̣ аж̇аад̇апаларугко ааг̇ад̇о, ж̇аад̇апаларугкзна бана д̣̇ийбзд̇аб̣б̣ам̣. яат̇аа хи сапало д̇арун̣амб̣аругко, д̇асса палаани мануссаа барибхун̃ж̇зяяум̣, сзсаани баад̇зд̇ваа бажчияо буурзяяум̣ . ат̇ан̃н̃о бурисо д̇ам̣ парасунаа чинд̣̇зяяа, д̇знасса нзва ад̇ийд̇аани палаани наасид̇аани хонд̇и, на анааг̇ад̇абажжуббаннаани наасид̇аани. ад̇ийд̇аани хи мануссзхи барибхуд̇д̇аани, анааг̇ад̇аани аниб̣б̣ад̇д̇аани, на саггаа наасзд̇ум̣. яасмим̣ бана самаяз со чинно, д̇ад̣̇аа палааниязва над̇т̇ийд̇и бажжуббаннааниби анаасид̇аани. сажз бана ругко ажчинно, ат̇асса бат̇авийрасан̃жа ааборасан̃жа ааг̇амма яаани палаани ниб̣б̣ад̇д̇зяяум̣, д̇аани наасид̇аани хонд̇и. д̇аани хи аж̇аад̇аанзва на ж̇ааяанд̇и, аниб̣б̣ад̇д̇аанзва на ниб̣б̣ад̇д̇анд̇и, абаад̇убхууд̇аанзва на баад̇убхаванд̇и, звамзва маг̇г̇о нааби ад̇ийд̇аад̣̇ибхзд̣̇з гилзсз баж̇ахад̇и, нааби на баж̇ахад̇и. язсан̃хи гилзсаанам̣ маг̇г̇зна канд̇хзсу абарин̃н̃аад̇зсу уббад̇д̇и сияаа, маг̇г̇зна уббаж̇ж̇ид̇ваа канд̇хаанам̣ барин̃н̃аад̇ад̇д̇аа д̇з гилзсаа аж̇аад̇аава на ж̇ааяанд̇и, аниб̣б̣ад̇д̇аава на ниб̣б̣ад̇д̇анд̇и, абаад̇убхууд̇аава на баад̇убхаванд̇и, д̇арун̣абуд̇д̇ааяа ид̇т̇ияаа буна авиж̇ааяанад̇т̇ам̣, б̣яаад̇хид̇аанам̣ рог̇авуубасаманад̇т̇ам̣ бийд̇абхзсаж̇ж̇зхи жааби аяамад̇т̇о вибхаавзд̇аб̣б̣о. звам̣ маг̇г̇о яз гилзсз баж̇ахад̇и, д̇з ад̇ийд̇аа ваа анааг̇ад̇аа ваа бажжуббаннаа ваад̇и на вад̇д̇аб̣б̣аа, на жа маг̇г̇о гилзсз на баж̇ахад̇и. яз бана маг̇г̇о гилзсз баж̇ахад̇и, д̇з санд̇хааяа ‘‘уббаннаанам̣ баабагаана’’нд̇иаад̣̇и вуд̇д̇ам̣.

    Iti pāḷiyaṃ ajātaphalarukkho āgato, jātaphalarukkhena pana dīpetabbaṃ. Yathā hi saphalo taruṇambarukkho, tassa phalāni manussā paribhuñjeyyuṃ, sesāni pātetvā pacchiyo pūreyyuṃ . Athañño puriso taṃ pharasunā chindeyya, tenassa neva atītāni phalāni nāsitāni honti, na anāgatapaccuppannāni nāsitāni. Atītāni hi manussehi paribhuttāni, anāgatāni anibbattāni, na sakkā nāsetuṃ. Yasmiṃ pana samaye so chinno, tadā phalāniyeva natthīti paccuppannānipi anāsitāni. Sace pana rukkho acchinno, athassa pathavīrasañca āporasañca āgamma yāni phalāni nibbatteyyuṃ, tāni nāsitāni honti. Tāni hi ajātāneva na jāyanti, anibbattāneva na nibbattanti, apātubhūtāneva na pātubhavanti, evameva maggo nāpi atītādibhede kilese pajahati, nāpi na pajahati. Yesañhi kilesānaṃ maggena khandhesu apariññātesu uppatti siyā, maggena uppajjitvā khandhānaṃ pariññātattā te kilesā ajātāva na jāyanti, anibbattāva na nibbattanti, apātubhūtāva na pātubhavanti, taruṇaputtāya itthiyā puna avijāyanatthaṃ, byādhitānaṃ rogavūpasamanatthaṃ pītabhesajjehi cāpi ayamattho vibhāvetabbo. Evaṃ maggo ye kilese pajahati, te atītā vā anāgatā vā paccuppannā vāti na vattabbā, na ca maggo kilese na pajahati. Ye pana maggo kilese pajahati, te sandhāya ‘‘uppannānaṃ pāpakāna’’ntiādi vuttaṃ.

    на гзвалан̃жа маг̇г̇о гилзсзязва баж̇ахад̇и, гилзсаанам̣ бана аббахийнад̇д̇аа яз жа уббаж̇ж̇зяяум̣ убаад̣̇иннагагканд̇хаа, д̇зби баж̇ахад̇иязва. вуд̇д̇амби жзд̇ам̣ – ‘‘сод̇аабад̇д̇имаг̇г̇ан̃аан̣зна абхисан̇кааравин̃н̃аан̣асса нирод̇хзна сад̇д̇а бхавз табзд̇ваа анамад̇аг̇г̇з сам̣саарз яз уббаж̇ж̇зяяум̣ нааман̃жа руубан̃жа, зд̇т̇зд̇з нируж̇жханд̇ий’’д̇и (жуул̣ани. 6) вид̇т̇ааро. ид̇и маг̇г̇о убаад̣̇иннаанубаад̣̇иннад̇о вудтаад̇и. бхававасзна бана сод̇аабад̇д̇имаг̇г̇о абааяабхавад̇о вудтаад̇и, сагад̣̇ааг̇аамимаг̇г̇о суг̇ад̇ибхавзгад̣̇зсад̇о, анааг̇аамимаг̇г̇о суг̇ад̇игаамабхавад̇о, арахад̇д̇амаг̇г̇о руубааруубабхавад̇о вудтаад̇и. саб̣б̣абхавзхи вудтаад̇иязваад̇иби вад̣̇анд̇и.

    Na kevalañca maggo kileseyeva pajahati, kilesānaṃ pana appahīnattā ye ca uppajjeyyuṃ upādinnakakkhandhā, tepi pajahatiyeva. Vuttampi cetaṃ – ‘‘sotāpattimaggañāṇena abhisaṅkhāraviññāṇassa nirodhena satta bhave ṭhapetvā anamatagge saṃsāre ye uppajjeyyuṃ nāmañca rūpañca, etthete nirujjhantī’’ti (cūḷani. 6) vitthāro. Iti maggo upādinnaanupādinnato vuṭṭhāti. Bhavavasena pana sotāpattimaggo apāyabhavato vuṭṭhāti, sakadāgāmimaggo sugatibhavekadesato, anāgāmimaggo sugatikāmabhavato, arahattamaggo rūpārūpabhavato vuṭṭhāti. Sabbabhavehi vuṭṭhātiyevātipi vadanti.

    ат̇а маг̇г̇агкан̣з гат̇ам̣ ануббаннаанам̣ уббаад̣̇ааяа бхааванаа ход̇и, гат̇ам̣ ваа уббаннаанам̣ тид̇ияаад̇и. маг̇г̇аббавад̇д̇ияааязва. маг̇г̇о хи бавад̇д̇амаано буб̣б̣з ануббаннабуб̣б̣ад̇д̇аа ануббанно наама вужжад̇и. анааг̇ад̇абуб̣б̣ан̃хи таанам̣ ааг̇анд̇ваа ананубхууд̇абуб̣б̣ам̣ ваа аарамман̣ам̣ анубхавид̇ваа вад̇д̇ааро бхаванд̇и ‘‘анааг̇ад̇адтаанам̣ ааг̇ад̇амхаа, ананубхууд̇ам̣ аарамман̣ам̣ анубхаваамаа’’д̇и. яаа жасса бавад̇д̇и, аяамзва тид̇и наамаад̇и тид̇ияаа бхаавзд̇ийд̇иби вад̇д̇ум̣ ваддад̇и.

    Atha maggakkhaṇe kathaṃ anuppannānaṃ uppādāya bhāvanā hoti, kathaṃ vā uppannānaṃ ṭhitiyāti. Maggappavattiyāyeva. Maggo hi pavattamāno pubbe anuppannapubbattā anuppanno nāma vuccati. Anāgatapubbañhi ṭhānaṃ āgantvā ananubhūtapubbaṃ vā ārammaṇaṃ anubhavitvā vattāro bhavanti ‘‘anāgataṭṭhānaṃ āgatamhā, ananubhūtaṃ ārammaṇaṃ anubhavāmā’’ti. Yā cassa pavatti, ayameva ṭhiti nāmāti ṭhitiyā bhāvetītipi vattuṃ vaṭṭati.

    ид̣̇д̇хибаад̣̇зсу сан̇кзбагат̇аа жзд̇окиласуд̇д̇з (ма. ни. 1.185 аад̣̇аяо) вуд̇д̇аа. убасамамаанам̣ г̇ажчад̇и, гилзсуубасамад̇т̇ам̣ ваа г̇ажчад̇ийд̇и убасамаг̇аамий. самб̣уж̇жхамаанаа г̇ажчад̇и, маг̇г̇асамб̣од̇хад̇т̇ааяа ваа г̇ажчад̇ийд̇и самб̣од̇хаг̇аамий.

    Iddhipādesu saṅkhepakathā cetokhilasutte (ma. ni. 1.185 ādayo) vuttā. Upasamamānaṃ gacchati, kilesūpasamatthaṃ vā gacchatīti upasamagāmī. Sambujjhamānā gacchati, maggasambodhatthāya vā gacchatīti sambodhagāmī.

    вивзганиссид̇аад̣̇ийни саб̣б̣аасавасам̣варз вуд̇д̇аани. аяамзд̇т̇а сан̇кзбо, вид̇т̇аарад̇о банааяам̣ б̣од̇хибагкияагат̇аа висуд̣̇д̇химаг̇г̇з вуд̇д̇аа.

    Vivekanissitādīni sabbāsavasaṃvare vuttāni. Ayamettha saṅkhepo, vitthārato panāyaṃ bodhipakkhiyakathā visuddhimagge vuttā.

    248. вимогкагат̇ааяам̣ вимогкзд̇и гзнадтзна вимогкаа, ад̇химужжанадтзна. го банааяам̣ ад̇химужжанадто наама? бажжанийгад̇хаммзхи жа судту мужжанадто, аарамман̣з жа абхирад̇ивасзна судту мужжанадто, бид̇уан̇гз виссадтан̇г̇абажжан̇г̇асса д̣̇аарагасса саяанам̣ вияа аниг̇г̇ахид̇абхаавзна нираасан̇гад̇ааяа аарамман̣з бавад̇д̇ийд̇и вуд̇д̇ам̣ ход̇и. аяам̣ банад̇т̇о бажчимавимогкз над̇т̇и, буримзсу саб̣б̣зсу ад̇т̇и. руубий руубаани бассад̇ийд̇и зд̇т̇а аж̇жхад̇д̇агзсаад̣̇ийсу нийлагасин̣аад̣̇ивасзна уббаад̣̇ид̇ам̣ руубаж̇жхаанам̣ руубам̣, д̇ад̣̇асса ад̇т̇ийд̇и руубий. б̣ахид̣̇д̇хаа руубаани бассад̇ийд̇и б̣ахид̣̇д̇хааби нийлагасин̣аад̣̇ийни руубаани жхаанажагкунаа бассад̇и. иминаа аж̇жхад̇д̇а б̣ахид̣̇д̇хаавад̇т̇угзсу гасин̣зсу уббаад̣̇ид̇аж̇жхаанасса буг̇г̇аласса жад̇д̇аариби руубааважараж̇жхаанаани д̣̇ассид̇аани.

    248. Vimokkhakathāyaṃ vimokkheti kenaṭṭhena vimokkhā, adhimuccanaṭṭhena. Ko panāyaṃ adhimuccanaṭṭho nāma? Paccanīkadhammehi ca suṭṭhu muccanaṭṭho, ārammaṇe ca abhirativasena suṭṭhu muccanaṭṭho, pituaṅke vissaṭṭhaṅgapaccaṅgassa dārakassa sayanaṃ viya aniggahitabhāvena nirāsaṅkatāya ārammaṇe pavattīti vuttaṃ hoti. Ayaṃ panattho pacchimavimokkhe natthi, purimesu sabbesu atthi. Rūpī rūpāni passatīti ettha ajjhattakesādīsu nīlakasiṇādivasena uppāditaṃ rūpajjhānaṃ rūpaṃ, tadassa atthīti rūpī. Bahiddhā rūpāni passatīti bahiddhāpi nīlakasiṇādīni rūpāni jhānacakkhunā passati. Iminā ajjhatta bahiddhāvatthukesu kasiṇesu uppāditajjhānassa puggalassa cattāripi rūpāvacarajjhānāni dassitāni.

    аж̇жхад̇д̇ам̣ аруубасан̃н̃ийд̇и аж̇жхад̇д̇ам̣ на руубасан̃н̃ий, ад̇д̇ано гзсаад̣̇ийсу ануббаад̣̇ид̇аруубааважараж̇жхаанод̇и ад̇т̇о. иминаа б̣ахид̣̇д̇хаа баригаммам̣ гад̇ваа б̣ахид̣̇д̇хаава уббаад̣̇ид̇аж̇жхаанасса руубааважараж̇жхаанаани д̣̇ассид̇аани. субханд̇зва ад̇химуд̇д̇о ход̇ийд̇и иминаа сувисуд̣̇д̇хзсу нийлаад̣̇ийсу ван̣н̣агасин̣зсу жхаанаани д̣̇ассид̇аани. д̇ад̇т̇а гин̃жааби анд̇оаббанааяам̣ субханд̇и аабхог̇о над̇т̇и, яо бана сувисуд̣̇д̇хам̣ субхагасин̣ам̣ аарамман̣ам̣ гад̇ваа вихарад̇и, со яасмаа субханд̇и ад̇химуд̇д̇о ход̇ийд̇и вад̇д̇аб̣б̣ад̇ам̣ аабаж̇ж̇ад̇и, д̇асмаа звам̣ д̣̇зсанаа гад̇аа. бадисамбхид̣̇аамаг̇г̇з бана ‘‘гат̇ам̣ субханд̇зва ад̇химуд̇д̇о ход̇ийд̇и вимогко. ид̇ха бхигку мзд̇д̇аасахаг̇ад̇зна жзд̇асаа згам̣ д̣̇исам̣ парид̇ваа вихарад̇и…бз… мзд̇д̇ааяа бхаавид̇ад̇д̇аа сад̇д̇аа аббадигуулаа хонд̇и. гарун̣аасахаг̇ад̇зна, муд̣̇ид̇аасахаг̇ад̇зна, убзгкаасахаг̇ад̇зна жзд̇асаа згам̣ д̣̇исам̣ парид̇ваа вихарад̇и…бз… убзгкааяа бхаавид̇ад̇д̇аа сад̇д̇аа аббадигуулаа хонд̇и. звам̣ субханд̇зва ад̇химуд̇д̇о ход̇ийд̇и вимогко’’д̇и (бади. ма. 1.212) вуд̇д̇ам̣.

    Ajjhattaṃ arūpasaññīti ajjhattaṃ na rūpasaññī, attano kesādīsu anuppāditarūpāvacarajjhānoti attho. Iminā bahiddhā parikammaṃ katvā bahiddhāva uppāditajjhānassa rūpāvacarajjhānāni dassitāni. Subhanteva adhimutto hotīti iminā suvisuddhesu nīlādīsu vaṇṇakasiṇesu jhānāni dassitāni. Tattha kiñcāpi antoappanāyaṃ subhanti ābhogo natthi, yo pana suvisuddhaṃ subhakasiṇaṃ ārammaṇaṃ katvā viharati, so yasmā subhanti adhimutto hotīti vattabbataṃ āpajjati, tasmā evaṃ desanā katā. Paṭisambhidāmagge pana ‘‘kathaṃ subhanteva adhimutto hotīti vimokkho. Idha bhikkhu mettāsahagatena cetasā ekaṃ disaṃ pharitvā viharati…pe… mettāya bhāvitattā sattā appaṭikūlā honti. Karuṇāsahagatena, muditāsahagatena, upekkhāsahagatena cetasā ekaṃ disaṃ pharitvā viharati…pe… upekkhāya bhāvitattā sattā appaṭikūlā honti. Evaṃ subhanteva adhimutto hotīti vimokkho’’ti (paṭi. ma. 1.212) vuttaṃ.

    саб̣б̣асо руубасан̃н̃аананд̇иаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ висуд̣̇д̇химаг̇г̇з вуд̇д̇амзва. аяам̣ адтамо вимогкод̇и аяам̣ жад̇уннам̣ канд̇хаанам̣ саб̣б̣асо виссадтад̇д̇аа вимуд̇д̇ад̇д̇аа адтамо уд̇д̇амо вимогко наама.

    Sabbasorūpasaññānantiādīsu yaṃ vattabbaṃ, taṃ sabbaṃ visuddhimagge vuttameva. Ayaṃ aṭṭhamo vimokkhoti ayaṃ catunnaṃ khandhānaṃ sabbaso vissaṭṭhattā vimuttattā aṭṭhamo uttamo vimokkho nāma.

    249. абхибхааяад̇анагат̇ааяам̣ абхибхааяад̇анаанийд̇и абхибхаванагааран̣аани. гим̣ абхибхаванд̇и? бажжанийгад̇хаммзби аарамман̣ааниби. д̇аани хи бадибагкабхаавзна бажжанийгад̇хаммз абхибхаванд̇и, буг̇г̇аласса н̃аан̣уд̇д̇арид̇ааяа аарамман̣аани. аж̇жхад̇д̇ам̣ руубасан̃н̃ийд̇иаад̣̇ийсу бана аж̇жхад̇д̇аруубз баригаммавасзна аж̇жхад̇д̇ам̣ руубасан̃н̃ий наама ход̇и. аж̇жхад̇д̇ан̃жа нийлабаригаммам̣ гаронд̇о гзсз ваа бид̇д̇з ваа агкид̇аарагааяа ваа гарод̇и, бийд̇абаригаммам̣ гаронд̇о мзд̣̇з ваа чавияаа ваа хад̇т̇ад̇алабаад̣̇ад̇алзсу ваа агкийнам̣ бийд̇адтаанз ваа гарод̇и, лохид̇абаригаммам̣ гаронд̇о мам̣сз ваа лохид̇з ваа ж̇ивхааяа ваа агкийнам̣ рад̇д̇адтаанз ваа гарод̇и, од̣̇аад̇абаригаммам̣ гаронд̇о адтимхи ваа д̣̇анд̇з ваа накз ваа агкийнам̣ сзд̇адтаанз ваа гарод̇и. д̇ам̣ бана сунийлам̣ субийд̇агам̣ сулохид̇агам̣ суод̣̇аад̇ам̣ на ход̇и, асувисуд̣̇д̇хамзва ход̇и.

    249. Abhibhāyatanakathāyaṃ abhibhāyatanānīti abhibhavanakāraṇāni. Kiṃ abhibhavanti? Paccanīkadhammepi ārammaṇānipi. Tāni hi paṭipakkhabhāvena paccanīkadhamme abhibhavanti, puggalassa ñāṇuttaritāya ārammaṇāni. Ajjhattaṃ rūpasaññītiādīsu pana ajjhattarūpe parikammavasena ajjhattaṃ rūpasaññī nāma hoti. Ajjhattañca nīlaparikammaṃ karonto kese vā pitte vā akkhitārakāya vā karoti, pītaparikammaṃ karonto mede vā chaviyā vā hatthatalapādatalesu vā akkhīnaṃ pītaṭṭhāne vā karoti, lohitaparikammaṃ karonto maṃse vā lohite vā jivhāya vā akkhīnaṃ rattaṭṭhāne vā karoti, odātaparikammaṃ karonto aṭṭhimhi vā dante vā nakhe vā akkhīnaṃ setaṭṭhāne vā karoti. Taṃ pana sunīlaṃ supītakaṃ sulohitakaṃ suodātaṃ na hoti, asuvisuddhameva hoti.

    зго б̣ахид̣̇д̇хаа руубаани бассад̇ийд̇и яассзд̇ам̣ баригаммам̣ аж̇жхад̇д̇ам̣ уббаннам̣ ход̇и, нимид̇д̇ам̣ бана б̣ахид̣̇д̇хаа, со звам̣ аж̇жхад̇д̇ам̣ баригаммасса б̣ахид̣̇д̇хаа жа аббанааяа васзна – ‘‘аж̇жхад̇д̇ам̣ руубасан̃н̃ий зго б̣ахид̣̇д̇хаа руубаани бассад̇ий’’д̇и вужжад̇и. барид̇д̇аанийд̇и авад̣дхид̇аани. суван̣н̣ад̣̇уб̣б̣ан̣н̣аанийд̇и суван̣н̣аани ваа хонд̇у д̣̇уб̣б̣ан̣н̣аани ваа, барид̇д̇авасзнзва ид̣̇амабхибхааяад̇анам̣ вуд̇д̇анд̇и взд̣̇ид̇аб̣б̣ам̣. д̇аани абхибхуяяаад̇и яат̇аа наама самбаннаг̇ахан̣иго гадажчумад̇д̇ам̣ бхад̇д̇ам̣ лабхид̇ваа ‘‘гимзд̇т̇а бхун̃ж̇ид̇аб̣б̣ам̣ ад̇т̇ий’’д̇и сан̇гад̣дхид̇ваа згагаб̣ал̣амзва гарод̇и, звамзвам̣ н̃аан̣уд̇д̇ариго буг̇г̇ало висад̣̇ан̃аан̣о – ‘‘гимзд̇т̇а барид̇д̇агз аарамман̣з самаабаж̇ж̇ид̇аб̣б̣ам̣ ад̇т̇и, нааяам̣ мама бхааро’’д̇и д̇аани руубаани абхибхавид̇ваа самаабаж̇ж̇ад̇и, саха нимид̇д̇уббаад̣̇знзвзд̇т̇а аббанам̣ баабзд̇ийд̇и ад̇т̇о. ж̇аанаами бассаамийд̇и иминаа банасса аабхог̇о гат̇ид̇о, со жа ко самаабад̇д̇ид̇о вудтид̇асса, на анд̇осамаабад̇д̇ияам̣. звам̣сан̃н̃ий ход̇ийд̇и аабхог̇асан̃н̃ааяаби жхаанасан̃н̃ааяаби звам̣сан̃н̃ий ход̇и. абхибхавасан̃н̃аа хисса анд̇осамаабад̇д̇ияам̣ ад̇т̇и, аабхог̇асан̃н̃аа бана самаабад̇д̇ид̇о вудтид̇ассзва.

    Eko bahiddhā rūpāni passatīti yassetaṃ parikammaṃ ajjhattaṃ uppannaṃ hoti, nimittaṃ pana bahiddhā, so evaṃ ajjhattaṃ parikammassa bahiddhā ca appanāya vasena – ‘‘ajjhattaṃ rūpasaññī eko bahiddhā rūpāni passatī’’ti vuccati. Parittānīti avaḍḍhitāni. Suvaṇṇadubbaṇṇānīti suvaṇṇāni vā hontu dubbaṇṇāni vā, parittavaseneva idamabhibhāyatanaṃ vuttanti veditabbaṃ. Tāniabhibhuyyāti yathā nāma sampannagahaṇiko kaṭacchumattaṃ bhattaṃ labhitvā ‘‘kimettha bhuñjitabbaṃ atthī’’ti saṅkaḍḍhitvā ekakabaḷameva karoti, evamevaṃ ñāṇuttariko puggalo visadañāṇo – ‘‘kimettha parittake ārammaṇe samāpajjitabbaṃ atthi, nāyaṃ mama bhāro’’ti tāni rūpāni abhibhavitvā samāpajjati, saha nimittuppādenevettha appanaṃ pāpetīti attho. Jānāmi passāmīti iminā panassa ābhogo kathito, so ca kho samāpattito vuṭṭhitassa, na antosamāpattiyaṃ. Evaṃsaññī hotīti ābhogasaññāyapi jhānasaññāyapi evaṃsaññī hoti. Abhibhavasaññā hissa antosamāpattiyaṃ atthi, ābhogasaññā pana samāpattito vuṭṭhitasseva.

    аббамаан̣аанийд̇и вад̣дхид̇аббамаан̣аани, маханд̇аанийд̇и ад̇т̇о. абхибхуяяаад̇и зд̇т̇а бана яат̇аа махаг̇гхасо бурисо згам̣ бхад̇д̇авад̣дхид̇агам̣ лабхид̇ваа ‘‘ан̃н̃ааби ход̇у, ан̃н̃ааби ход̇у, гимзсаа маяхам̣ гариссад̇ий’’д̇и д̇ам̣ на маханд̇ад̇о бассад̇и, звамзва н̃аан̣уд̇д̇аро буг̇г̇ало висад̣̇ан̃аан̣о ‘‘гимзд̇т̇а самаабаж̇ж̇ид̇аб̣б̣ам̣, наяид̣̇ам̣ аббамаан̣ам̣, на маяхам̣ жид̇д̇згаг̇г̇ад̇аагаран̣з бхааро ад̇т̇ий’’д̇и д̇аани абхибхавид̇ваа самаабаж̇ж̇ад̇и, саха нимид̇д̇уббаад̣̇знзвзд̇т̇а аббанам̣ баабзд̇ийд̇и ад̇т̇о.

    Appamāṇānīti vaḍḍhitappamāṇāni, mahantānīti attho. Abhibhuyyāti ettha pana yathā mahagghaso puriso ekaṃ bhattavaḍḍhitakaṃ labhitvā ‘‘aññāpi hotu, aññāpi hotu, kimesā mayhaṃ karissatī’’ti taṃ na mahantato passati, evameva ñāṇuttaro puggalo visadañāṇo ‘‘kimettha samāpajjitabbaṃ, nayidaṃ appamāṇaṃ, na mayhaṃ cittekaggatākaraṇe bhāro atthī’’ti tāni abhibhavitvā samāpajjati, saha nimittuppādenevettha appanaṃ pāpetīti attho.

    аж̇жхад̇д̇ам̣ аруубасан̃н̃ийд̇и алаабхид̇ааяа ваа анад̇т̇игад̇ааяа ваа аж̇жхад̇д̇аруубз баригаммасан̃н̃аавирахид̇о. зго б̣ахид̣̇д̇хаа руубаани бассад̇ийд̇и яасса баригаммамби нимид̇д̇амби б̣ахид̣̇д̇хаава уббаннам̣, со звам̣ б̣ахид̣̇д̇хаа баригаммасса жзва аббанааяа жа васзна – ‘‘аж̇жхад̇д̇ам̣ аруубасан̃н̃ий зго б̣ахид̣̇д̇хаа руубаани бассад̇ий’’д̇и вужжад̇и. сзсамзд̇т̇а жад̇уд̇т̇аабхибхааяад̇анз вуд̇д̇анаяамзва. имзсу бана жад̇уусу барид̇д̇ам̣ вид̇аггажарид̇авасзна ааг̇ад̇ам̣, аббамаан̣ам̣ мохажарид̇авасзна, суван̣н̣ам̣ д̣̇осажарид̇авасзна, д̣̇уб̣б̣ан̣н̣ам̣ рааг̇ажарид̇авасзна. зд̇зсан̃хи зд̇аани саббааяаани. саа жа нзсам̣ саббааяад̇аа вид̇т̇аарад̇о висуд̣̇д̇химаг̇г̇зжарияанид̣̇д̣̇зсз вуд̇д̇аа.

    Ajjhattaṃ arūpasaññīti alābhitāya vā anatthikatāya vā ajjhattarūpe parikammasaññāvirahito. Ekobahiddhā rūpāni passatīti yassa parikammampi nimittampi bahiddhāva uppannaṃ, so evaṃ bahiddhā parikammassa ceva appanāya ca vasena – ‘‘ajjhattaṃ arūpasaññī eko bahiddhā rūpāni passatī’’ti vuccati. Sesamettha catutthābhibhāyatane vuttanayameva. Imesu pana catūsu parittaṃ vitakkacaritavasena āgataṃ, appamāṇaṃ mohacaritavasena, suvaṇṇaṃ dosacaritavasena, dubbaṇṇaṃ rāgacaritavasena. Etesañhi etāni sappāyāni. Sā ca nesaṃ sappāyatā vitthārato visuddhimaggecariyaniddese vuttā.

    бан̃жамаабхибхааяад̇анаад̣̇ийсу нийлаанийд̇и саб̣б̣асан̇г̇аахигавасзна вуд̇д̇ам̣. нийлаван̣н̣аанийд̇и ван̣н̣авасзна. нийланид̣̇ассанаанийд̇и нид̣̇ассанавасзна. абан̃н̃ааяамаанавивараани асамбхиннаван̣н̣аани зганийлаанзва худ̇ваа д̣̇иссанд̇ийд̇и вуд̇д̇ам̣ ход̇и. нийланибхаасаанийд̇и ид̣̇ам̣ бана обхаасавасзна вуд̇д̇ам̣, нийлобхаасаани нийлабабхааяуд̇д̇аанийд̇и ад̇т̇о. зд̇зна нзсам̣ сувисуд̣̇д̇хад̇ам̣ д̣̇ассзд̇и. висуд̣̇д̇хаван̣н̣авасзнзва хи имаани жад̇д̇аари абхибхааяад̇анаани вуд̇д̇аани. умаабубпанд̇и зд̇ан̃хи бубпам̣ синид̣̇д̇хам̣ муд̣̇ум̣ д̣̇иссамаанамби нийламзва ход̇и. г̇ириган̣н̣игабубпаад̣̇ийни бана д̣̇иссамаанаани сзд̇ад̇хаад̇угаани хонд̇и. д̇асмаа ид̣̇амзва г̇ахид̇ам̣, на д̇аани. б̣аараан̣асзяяаганд̇и б̣аараан̣асияам̣ бхавам̣. д̇ад̇т̇а гира габбаасоби муд̣̇у, суд̇д̇аганд̇игааяоби д̇анд̇авааяааби чзгаа, уд̣̇агамби сужи синид̣̇д̇хам̣, д̇асмаа вад̇т̇ам̣ убхад̇обхааг̇авимадтам̣ ход̇и, д̣̇вийсу бассзсу мадтам̣ муд̣̇у синид̣̇д̇хам̣ кааяад̇и. бийд̇аанийд̇иаад̣̇ийсу иминаава наязна ад̇т̇о взд̣̇ид̇аб̣б̣о. ‘‘нийлагасин̣ам̣ уг̇г̇ан̣ханд̇о нийласмим̣ нимид̇д̇ам̣ г̇ан̣хаад̇и бубпасмим̣ ваа вад̇т̇асмим̣ ваа ван̣н̣ад̇хаад̇уяаа ваа’’д̇иаад̣̇игам̣ банзд̇т̇а гасин̣агаран̣ан̃жзва баригамман̃жа аббанаавид̇хаанан̃жа саб̣б̣ам̣ висуд̣̇д̇химаг̇г̇з вид̇т̇аарад̇о вуд̇д̇амзва.

    Pañcamaabhibhāyatanādīsu nīlānīti sabbasaṅgāhikavasena vuttaṃ. Nīlavaṇṇānīti vaṇṇavasena. Nīlanidassanānīti nidassanavasena. Apaññāyamānavivarāni asambhinnavaṇṇāni ekanīlāneva hutvā dissantīti vuttaṃ hoti. Nīlanibhāsānīti idaṃ pana obhāsavasena vuttaṃ, nīlobhāsāni nīlapabhāyuttānīti attho. Etena nesaṃ suvisuddhataṃ dasseti. Visuddhavaṇṇavaseneva hi imāni cattāri abhibhāyatanāni vuttāni. Umāpupphanti etañhi pupphaṃ siniddhaṃ muduṃ dissamānampi nīlameva hoti. Girikaṇṇikapupphādīni pana dissamānāni setadhātukāni honti. Tasmā idameva gahitaṃ, na tāni. Bārāṇaseyyakanti bārāṇasiyaṃ bhavaṃ. Tattha kira kappāsopi mudu, suttakantikāyopi tantavāyāpi chekā, udakampi suci siniddhaṃ, tasmā vatthaṃ ubhatobhāgavimaṭṭhaṃ hoti, dvīsu passesu maṭṭhaṃ mudu siniddhaṃ khāyati. Pītānītiādīsu imināva nayena attho veditabbo. ‘‘Nīlakasiṇaṃ uggaṇhanto nīlasmiṃ nimittaṃ gaṇhāti pupphasmiṃ vā vatthasmiṃ vā vaṇṇadhātuyā vā’’tiādikaṃ panettha kasiṇakaraṇañceva parikammañca appanāvidhānañca sabbaṃ visuddhimagge vitthārato vuttameva.

    абхин̃н̃аавосаанабаарамиббад̇д̇аад̇и ид̇о буб̣б̣зсу сад̇ибадтаанаад̣̇ийсу д̇з д̇хаммз бхаавзд̇ваа арахад̇д̇аббад̇д̇аава абхин̃н̃аавосаанабаарамиббад̇д̇аа наама хонд̇и, имзсу бана адтасу абхибхааяад̇анзсу жин̣н̣авасийбхаавааязва абхин̃н̃аавосаанабаарамиббад̇д̇аа наама.

    Abhiññāvosānapāramippattāti ito pubbesu satipaṭṭhānādīsu te dhamme bhāvetvā arahattappattāva abhiññāvosānapāramippattā nāma honti, imesu pana aṭṭhasu abhibhāyatanesu ciṇṇavasībhāvāyeva abhiññāvosānapāramippattā nāma.

    250. гасин̣агат̇ааяам̣ сагаладтзна гасин̣аани, д̇ад̣̇аарамман̣аанам̣ д̇хаммаанам̣ кзд̇д̇адтзна ад̇хидтаанадтзна ваа ааяад̇анаани. уд̣̇д̇ханд̇и убари г̇аг̇анад̇алаабхимукам̣. ад̇ход̇и хздтаа бхуумид̇алаабхимукам̣. д̇ирияанд̇и кзд̇д̇аман̣д̣аламива саманд̇аа барижчинд̣̇ид̇ваа. згажжо хи уд̣̇д̇хамзва гасин̣ам̣ вад̣дхзд̇и, згажжо ад̇хо, згажжо саманд̇ад̇о. д̇зна д̇зна гааран̣зна звам̣ басаарзд̇и аалогамива руубад̣̇ассанагаамо. д̇зна вуд̇д̇ам̣ – ‘‘бат̇авийгасин̣амзго сан̃ж̇аанаад̇и уд̣̇д̇хам̣ад̇ход̇ирияа’’нд̇и. ад̣̇ваяанд̇и д̣̇исааануд̣̇исаасу ад̣̇ваяам̣. ид̣̇ам̣ бана згасса ан̃н̃абхааваанубаг̇аманад̇т̇ам̣ вуд̇д̇ам̣. яат̇аа хи уд̣̇агам̣ бавидтасса саб̣б̣ад̣̇исаасу уд̣̇агамзва ход̇и анан̃н̃ам̣, звамзвам̣ бат̇авийгасин̣ам̣ бат̇авийгасин̣амзва ход̇и, над̇т̇и д̇асса ан̃н̃о гасин̣асамбхзд̣̇од̇и. зса наяо саб̣б̣ад̇т̇а. аббамаан̣анд̇и ид̣̇ам̣ д̇асса д̇асса паран̣ааббамаан̣авасзна вуд̇д̇ам̣. д̇ан̃хи жзд̇асаа паранд̇о сагаламзва парад̇и, аяамасса аад̣̇и, ид̣̇ам̣ маж̇жханд̇и бамаан̣ам̣ г̇ан̣хаад̇ийд̇и. вин̃н̃аан̣агасин̣анд̇и жзд̇т̇а гасин̣уг̇гхаадимаагаасз бавад̇д̇ам̣ вин̃н̃аан̣ам̣. д̇ад̇т̇а гасин̣авасзна гасин̣уг̇гхаадимаагаасз, гасин̣уг̇гхаадимаагаасавасзна д̇ад̇т̇а бавад̇д̇авин̃н̃аан̣з уд̣̇д̇хам̣ад̇ход̇ирияад̇аа взд̣̇ид̇аб̣б̣аа. аяамзд̇т̇а сан̇кзбо. гаммадтаанабхааванаанаязна банзд̇аани бат̇авийгасин̣аад̣̇ийни вид̇т̇аарад̇о висуд̣̇д̇химаг̇г̇з вуд̇д̇аанзва. ид̇хааби жин̣н̣авасибхаавзнзва абхин̃н̃аавосаанабаарамиббад̇д̇аа хонд̇ийд̇и взд̣̇ид̇аб̣б̣аа. д̇ат̇аа ид̇о ананд̇арзсу жад̇уусу жхаанзсу. яам̣ банзд̇т̇а вад̇д̇аб̣б̣ам̣, д̇ам̣ махааассабурасуд̇д̇з вуд̇д̇амзва.

    250. Kasiṇakathāyaṃ sakalaṭṭhena kasiṇāni, tadārammaṇānaṃ dhammānaṃ khettaṭṭhena adhiṭṭhānaṭṭhena vā āyatanāni. Uddhanti upari gaganatalābhimukhaṃ. Adhoti heṭṭhā bhūmitalābhimukhaṃ. Tiriyanti khettamaṇḍalamiva samantā paricchinditvā. Ekacco hi uddhameva kasiṇaṃ vaḍḍheti, ekacco adho, ekacco samantato. Tena tena kāraṇena evaṃ pasāreti ālokamiva rūpadassanakāmo. Tena vuttaṃ – ‘‘pathavīkasiṇameko sañjānāti uddhaṃadhotiriya’’nti. Advayanti disāanudisāsu advayaṃ. Idaṃ pana ekassa aññabhāvānupagamanatthaṃ vuttaṃ. Yathā hi udakaṃ paviṭṭhassa sabbadisāsu udakameva hoti anaññaṃ, evamevaṃ pathavīkasiṇaṃ pathavīkasiṇameva hoti, natthi tassa añño kasiṇasambhedoti. Esa nayo sabbattha. Appamāṇanti idaṃ tassa tassa pharaṇaappamāṇavasena vuttaṃ. Tañhi cetasā pharanto sakalameva pharati, ayamassa ādi, idaṃ majjhanti pamāṇaṃ gaṇhātīti. Viññāṇakasiṇanti cettha kasiṇugghāṭimākāse pavattaṃ viññāṇaṃ. Tattha kasiṇavasena kasiṇugghāṭimākāse, kasiṇugghāṭimākāsavasena tattha pavattaviññāṇe uddhaṃadhotiriyatā veditabbā. Ayamettha saṅkhepo. Kammaṭṭhānabhāvanānayena panetāni pathavīkasiṇādīni vitthārato visuddhimagge vuttāneva. Idhāpi ciṇṇavasibhāveneva abhiññāvosānapāramippattā hontīti veditabbā. Tathā ito anantaresu catūsu jhānesu. Yaṃ panettha vattabbaṃ, taṃ mahāassapurasutte vuttameva.

    252. вибассанаан̃аан̣з бана руубийд̇иаад̣̇ийнамад̇т̇о вуд̇д̇оязва. зд̇т̇а сид̇амзд̇т̇а бадиб̣ад̣̇д̇ханд̇и зд̇т̇а жаад̇умахаабхууд̇игз гааяз ниссид̇ан̃жа бадиб̣ад̣̇д̇хан̃жа. субход̇и сунд̣̇аро. ж̇аад̇имаад̇и субарисуд̣̇д̇хааагарасамудтид̇о. субаригаммагад̇од̇и судту гад̇абаригаммо абанийд̇абаасаан̣асагкаро. ажчод̇и д̇анужчави. виббасаннод̇и судту виббасанно. саб̣б̣аагаарасамбаннод̇и д̇хована взд̇ханаад̣̇ийхи саб̣б̣зхи аагаарзхи самбанно. нийланд̇иаад̣̇ийхи ван̣н̣асамбад̇д̇им̣ д̣̇ассзд̇и. д̇аад̣̇исан̃хи аавуд̇ам̣ баагадам̣ ход̇и.

    252. Vipassanāñāṇe pana rūpītiādīnamattho vuttoyeva. Ettha sitamettha paṭibaddhanti ettha cātumahābhūtike kāye nissitañca paṭibaddhañca. Subhoti sundaro. Jātimāti suparisuddhaākarasamuṭṭhito. Suparikammakatoti suṭṭhu kataparikammo apanītapāsāṇasakkharo. Acchoti tanucchavi. Vippasannoti suṭṭhu vippasanno. Sabbākārasampannoti dhovana vedhanādīhi sabbehi ākārehi sampanno. Nīlantiādīhi vaṇṇasampattiṃ dasseti. Tādisañhi āvutaṃ pākaṭaṃ hoti.

    звамзва код̇и зд̇т̇а звам̣ убамаасам̣санд̣̇анам̣ взд̣̇ид̇аб̣б̣ам̣ – ман̣и вияа хи гараж̇агааяо. аавуд̇асуд̇д̇ам̣ вияа вибассанаан̃аан̣ам̣. жагкумаа бурисо вияа вибассанаалаабхий бхигку. хад̇т̇з гарид̇ваа бажжавзгкад̇о ‘‘аяам̣ ко ман̣ий’’д̇и ман̣ино аавибхууд̇агаало вияа вибассанаан̃аан̣ам̣ абхинийхарид̇ваа нисиннасса бхигкуно жаад̇умахаабхууд̇игагааяасса аавибхууд̇агаало. ‘‘д̇ад̇рид̣̇ам̣ суд̇д̇ам̣ аавуд̇а’’нд̇и суд̇д̇асса аавибхууд̇агаало вияа вибассанаан̃аан̣ам̣ абхинийхарид̇ваа нисиннасса бхигкуно д̇ад̣̇аарамман̣аанам̣ пассабан̃жамагаанам̣ ваа саб̣б̣ажид̇д̇ажзд̇асигаанам̣ ваа вибассанаан̃аан̣ассзва ваа аавибхууд̇агаалод̇и.

    Evameva khoti ettha evaṃ upamāsaṃsandanaṃ veditabbaṃ – maṇi viya hi karajakāyo. Āvutasuttaṃ viya vipassanāñāṇaṃ. Cakkhumā puriso viya vipassanālābhī bhikkhu. Hatthe karitvā paccavekkhato ‘‘ayaṃ kho maṇī’’ti maṇino āvibhūtakālo viya vipassanāñāṇaṃ abhinīharitvā nisinnassa bhikkhuno cātumahābhūtikakāyassa āvibhūtakālo. ‘‘Tatridaṃ suttaṃ āvuta’’nti suttassa āvibhūtakālo viya vipassanāñāṇaṃ abhinīharitvā nisinnassa bhikkhuno tadārammaṇānaṃ phassapañcamakānaṃ vā sabbacittacetasikānaṃ vā vipassanāñāṇasseva vā āvibhūtakāloti.

    гим̣ банзд̇ам̣ н̃аан̣асса аавибхууд̇ам̣, буг̇г̇алассаад̇и. н̃аан̣асса, д̇асса бана аавибхаавад̇д̇аа буг̇г̇аласса аавибхууд̇аава хонд̇и. ид̣̇ан̃жа вибассанаан̃аан̣ам̣ маг̇г̇асса ананд̇арам̣, звам̣ санд̇зби яасмаа абхин̃н̃ааваарз аарад̣̇д̇хз зд̇асса анд̇араавааро над̇т̇и, д̇асмаа ид̇хзва д̣̇ассид̇ам̣. яасмаа жа анижжаад̣̇ивасзна агад̇асаммасанасса д̣̇иб̣б̣ааяа сод̇ад̇хаад̇уяаа бхзравасад̣̇д̣̇ам̣ сун̣анд̇о буб̣б̣зниваасаануссад̇ияаа бхзравз канд̇хз ануссарад̇о д̣̇иб̣б̣зна жагкунаа бхзраваруубам̣ бассад̇о бхаяасанд̇аасо уббаж̇ж̇ад̇и, на анижжаад̣̇ивасзна гад̇асаммасанасса, д̇асмаа абхин̃н̃аабад̇д̇асса бхаяавинод̣̇агахзд̇усамбаад̣̇анад̇т̇амби ид̣̇ам̣ ид̇хзва д̣̇ассид̇ам̣. ид̇хааби арахад̇д̇авасзнзва абхин̃н̃аавосаанабаарамиббад̇д̇ад̇аа взд̣̇ид̇аб̣б̣аа.

    Kiṃ panetaṃ ñāṇassa āvibhūtaṃ, puggalassāti. Ñāṇassa, tassa pana āvibhāvattā puggalassa āvibhūtāva honti. Idañca vipassanāñāṇaṃ maggassa anantaraṃ, evaṃ santepi yasmā abhiññāvāre āraddhe etassa antarāvāro natthi, tasmā idheva dassitaṃ. Yasmā ca aniccādivasena akatasammasanassa dibbāya sotadhātuyā bheravasaddaṃ suṇanto pubbenivāsānussatiyā bherave khandhe anussarato dibbena cakkhunā bheravarūpaṃ passato bhayasantāso uppajjati, na aniccādivasena katasammasanassa, tasmā abhiññāpattassa bhayavinodakahetusampādanatthampi idaṃ idheva dassitaṃ. Idhāpi arahattavaseneva abhiññāvosānapāramippattatā veditabbā.

    253. маномаяид̣̇д̇хияам̣ жин̣н̣авасид̇ааяа. д̇ад̇т̇а маномаяанд̇и манзна ниб̣б̣ад̇д̇ам̣. саб̣б̣ан̇г̇абажжан̇г̇инд̇и саб̣б̣зхи ан̇г̇зхи жа бажжан̇г̇зхи жа саманнааг̇ад̇ам̣. ахийнинд̣̇рияанд̇и сан̣таанавасзна авигалинд̣̇рияам̣. ид̣̇д̇химад̇аа ниммид̇аруубан̃хи сажз ид̣̇д̇химаа од̣̇аад̇о, д̇амби од̣̇аад̇ам̣. сажз авид̣̇д̇хаган̣н̣о, д̇амби авид̣̇д̇хаган̣н̣анд̇и звам̣ саб̣б̣аагаарзхи д̇зна сад̣̇исамзва ход̇и. мун̃ж̇амхаа ийсиганд̇иаад̣̇и убамад̇д̇аяамби д̇ам̣ сад̣̇исабхаавад̣̇ассанад̇т̇амзва вуд̇д̇ам̣. мун̃ж̇асад̣̇исаа зва хи д̇асса анд̇о ийсигаа ход̇и. госасад̣̇исоязва аси, ваддааяа госияаа ваддам̣ асимзва багкибанд̇и, бад̇т̇адааяа бад̇т̇адам̣.

    253. Manomayiddhiyaṃ ciṇṇavasitāya. Tattha manomayanti manena nibbattaṃ. Sabbaṅgapaccaṅginti sabbehi aṅgehi ca paccaṅgehi ca samannāgataṃ. Ahīnindriyanti saṇṭhānavasena avikalindriyaṃ. Iddhimatā nimmitarūpañhi sace iddhimā odāto, tampi odātaṃ. Sace aviddhakaṇṇo, tampi aviddhakaṇṇanti evaṃ sabbākārehi tena sadisameva hoti. Muñjamhā īsikantiādi upamattayampi taṃ sadisabhāvadassanatthameva vuttaṃ. Muñjasadisā eva hi tassa anto īsikā hoti. Kosasadisoyeva asi, vaṭṭāya kosiyā vaṭṭaṃ asimeva pakkhipanti, patthaṭāya patthaṭaṃ.

    гаран̣д̣аад̇и ид̣̇амби ахиган̃жугасса наамам̣, на вилийвагаран̣д̣агасса. ахиган̃жуго хи ахинаа сад̣̇исова ход̇и. д̇ад̇т̇а гин̃жааби ‘‘бурисо ахим̣ гаран̣д̣аа уд̣̇д̇харзяяаа’’д̇и хад̇т̇зна уд̣̇д̇харамаано вияа д̣̇ассид̇о, ат̇а ко жид̇д̇знзвасса уд̣̇д̇харан̣ам̣ взд̣̇ид̇аб̣б̣ам̣. аяан̃хи ахи наама саж̇аад̇ияам̣ тид̇о, гадтанд̇арам̣ ваа ругканд̇арам̣ ваа ниссааяа, д̇ажад̇о сарийраниггад̣дханабаяог̇асан̇каад̇зна т̇аамзна, сарийрам̣ каад̣̇амаанам̣ вияа бураан̣ад̇ажам̣ ж̇иг̇ужчанд̇од̇и имзхи жад̇уухи гааран̣зхи саяамзва ган̃жугам̣ ж̇ахаад̇и, на саггаа д̇ад̇о ан̃н̃зна уд̣̇д̇харид̇ум̣. д̇асмаа жид̇д̇зна уд̣̇д̇харан̣ам̣ санд̇хааяа ид̣̇ам̣ вуд̇д̇анд̇и взд̣̇ид̇аб̣б̣ам̣. ид̇и мун̃ж̇аад̣̇исад̣̇исам̣ имасса бхигкуно сарийрам̣, ийсигаад̣̇исад̣̇исам̣ ниммид̇аруубанд̇и ид̣̇амзд̇т̇а обаммасам̣санд̣̇анам̣. ниммаанавид̇хаанам̣ банзд̇т̇а барад̇о жа ид̣̇д̇хивид̇хаад̣̇ибан̃жаабхин̃н̃аагат̇аа саб̣б̣аагаарзна висуд̣̇д̇химаг̇г̇з вид̇т̇аарид̇аад̇и д̇ад̇т̇а вуд̇д̇анаязнзва взд̣̇ид̇аб̣б̣аа. убамаамад̇д̇амзва хи ид̇ха ад̇хигам̣.

    Karaṇḍāti idampi ahikañcukassa nāmaṃ, na vilīvakaraṇḍakassa. Ahikañcuko hi ahinā sadisova hoti. Tattha kiñcāpi ‘‘puriso ahiṃ karaṇḍā uddhareyyā’’ti hatthena uddharamāno viya dassito, atha kho cittenevassa uddharaṇaṃ veditabbaṃ. Ayañhi ahi nāma sajātiyaṃ ṭhito, kaṭṭhantaraṃ vā rukkhantaraṃ vā nissāya, tacato sarīranikkaḍḍhanapayogasaṅkhātena thāmena, sarīraṃ khādamānaṃ viya purāṇatacaṃ jigucchantoti imehi catūhi kāraṇehi sayameva kañcukaṃ jahāti, na sakkā tato aññena uddharituṃ. Tasmā cittena uddharaṇaṃ sandhāya idaṃ vuttanti veditabbaṃ. Iti muñjādisadisaṃ imassa bhikkhuno sarīraṃ, īsikādisadisaṃ nimmitarūpanti idamettha opammasaṃsandanaṃ. Nimmānavidhānaṃ panettha parato ca iddhividhādipañcaabhiññākathā sabbākārena visuddhimagge vitthāritāti tattha vuttanayeneva veditabbā. Upamāmattameva hi idha adhikaṃ.

    д̇ад̇т̇а чзгагумбхагаараад̣̇аяо вияа ид̣̇д̇хивид̇хан̃аан̣алаабхий бхигку д̣̇адтаб̣б̣о. субаригаммагад̇амад̇д̇игаад̣̇аяо вияа ид̣̇д̇хивид̇хан̃аан̣ам̣ д̣̇адтаб̣б̣ам̣. ижчид̇ижчид̇абхааж̇анавигад̇иаад̣̇игаран̣ам̣ вияа д̇асса бхигкуно вигуб̣б̣анам̣ д̣̇адтаб̣б̣ам̣. ид̇хааби жин̣н̣авасид̇аавасзнзва абхин̃н̃аавосаанабаарамиббад̇д̇ад̇аа взд̣̇ид̇аб̣б̣аа. д̇ат̇аа ид̇о бараасу жад̇уусу абхин̃н̃аасу.

    Tattha chekakumbhakārādayo viya iddhividhañāṇalābhī bhikkhu daṭṭhabbo. Suparikammakatamattikādayo viya iddhividhañāṇaṃ daṭṭhabbaṃ. Icchiticchitabhājanavikatiādikaraṇaṃ viya tassa bhikkhuno vikubbanaṃ daṭṭhabbaṃ. Idhāpi ciṇṇavasitāvaseneva abhiññāvosānapāramippattatā veditabbā. Tathā ito parāsu catūsu abhiññāsu.

    255. д̇ад̇т̇а д̣̇иб̣б̣асод̇ад̇хаад̇уубамааяам̣ сан̇кад̇хамод̇и сан̇кад̇хамаго. аббагасирзнзваад̇и нид̣̇д̣̇угкзнзва. вин̃н̃аабзяяаад̇и ж̇аанаабзяяа. д̇ад̇т̇а звам̣ жаад̇уд̣̇д̣̇исаа вин̃н̃аабзнд̇з сан̇кад̇хамагз ‘‘сан̇касад̣̇д̣̇о аяа’’нд̇и вавад̇т̇аабзнд̇аанам̣ сад̇д̇аанам̣ д̇асса сан̇касад̣̇д̣̇асса аавибхууд̇агаало вияа яог̇ино д̣̇уурасанд̇игабхзд̣̇аанам̣ д̣̇иб̣б̣аанан̃жзва маанусагаанан̃жа сад̣̇д̣̇аанам̣ аавибхууд̇агаало д̣̇адтаб̣б̣о.

    255. Tattha dibbasotadhātuupamāyaṃ saṅkhadhamoti saṅkhadhamako. Appakasirenevāti niddukkheneva. Viññāpeyyāti jānāpeyya. Tattha evaṃ cātuddisā viññāpente saṅkhadhamake ‘‘saṅkhasaddo aya’’nti vavatthāpentānaṃ sattānaṃ tassa saṅkhasaddassa āvibhūtakālo viya yogino dūrasantikabhedānaṃ dibbānañceva mānusakānañca saddānaṃ āvibhūtakālo daṭṭhabbo.

    256. жзд̇обарияан̃аан̣а-убамааяам̣ д̣̇ахарод̇и д̇арун̣о. яуваад̇и яоб̣б̣анзна саманнааг̇ад̇о. ман̣д̣анагаж̇аад̇игод̇и яувааби самаано на аласияо гилидтавад̇т̇асарийро, ат̇а ко ман̣д̣анагабагад̇иго, д̣̇ивасасса д̣̇вз д̇аяо ваарз нхааяид̇ваа суд̣̇д̇хавад̇т̇а-барид̣̇ахана-алан̇гаарагаран̣асийлод̇и ад̇т̇о. саган̣иганд̇и гаал̣ад̇илагаван̇га-мукад̣̇уусибийл̣агаад̣̇ийнам̣ ан̃н̃ад̇арзна сад̣̇осам̣. д̇ад̇т̇а яат̇аа д̇асса муканимид̇д̇ам̣ бажжавзгкад̇о мукад̣̇осо баагадо ход̇и, звам̣ жзд̇обарияан̃аан̣ааяа жид̇д̇ам̣ абхинийхарид̇ваа нисиннасса бхигкуно барзсам̣ сол̣асавид̇хам̣ жид̇д̇ам̣ баагадам̣ ход̇ийд̇и взд̣̇ид̇аб̣б̣ам̣. буб̣б̣зниваасаубамаад̣̇ийсу яам̣ вад̇д̇аб̣б̣ам̣, д̇ам̣ саб̣б̣ам̣ махааассабурз вуд̇д̇амзва.

    256. Cetopariyañāṇa-upamāyaṃ daharoti taruṇo. Yuvāti yobbanena samannāgato. Maṇḍanakajātikoti yuvāpi samāno na alasiyo kiliṭṭhavatthasarīro, atha kho maṇḍanakapakatiko, divasassa dve tayo vāre nhāyitvā suddhavattha-paridahana-alaṅkārakaraṇasīloti attho. Sakaṇikanti kāḷatilakavaṅka-mukhadūsipīḷakādīnaṃ aññatarena sadosaṃ. Tattha yathā tassa mukhanimittaṃ paccavekkhato mukhadoso pākaṭo hoti, evaṃ cetopariyañāṇāya cittaṃ abhinīharitvā nisinnassa bhikkhuno paresaṃ soḷasavidhaṃ cittaṃ pākaṭaṃ hotīti veditabbaṃ. Pubbenivāsaupamādīsu yaṃ vattabbaṃ, taṃ sabbaṃ mahāassapure vuttameva.

    259. аяам̣ ко уд̣̇ааяи бан̃жамо д̇хаммод̇и згуунавийсад̇и баб̣б̣аани бадибад̣̇аавасзна згам̣ д̇хаммам̣ гад̇ваа бан̃жамо д̇хаммод̇и вуд̇д̇о. яат̇аа хи адтаганааг̇арасуд̇д̇з (ма. ни. 2.17 аад̣̇аяо) згаад̣̇аса баб̣б̣аани бужчаавасзна згад̇хаммо гад̇о, звамид̇ха згуунавийсад̇и баб̣б̣аани бадибад̣̇аавасзна зго д̇хаммо гад̇од̇и взд̣̇ид̇аб̣б̣аани. имзсу жа бана згуунавийсад̇ияаа баб̣б̣зсу бадибаадияаа адтасу годтаасзсу вибассанаан̃аан̣з жа аасавагкаяан̃аан̣з жа арахад̇д̇авасзна абхин̃н̃аавосаанабаарамиббад̇д̇ад̇аа взд̣̇ид̇аб̣б̣аа, сзсзсу жин̣н̣авасибхаававасзна. сзсам̣ саб̣б̣ад̇т̇а уд̇д̇аанамзваад̇и.

    259.Ayaṃ kho udāyi pañcamo dhammoti ekūnavīsati pabbāni paṭipadāvasena ekaṃ dhammaṃ katvā pañcamo dhammoti vutto. Yathā hi aṭṭhakanāgarasutte (ma. ni. 2.17 ādayo) ekādasa pabbāni pucchāvasena ekadhammo kato, evamidha ekūnavīsati pabbāni paṭipadāvasena eko dhammo katoti veditabbāni. Imesu ca pana ekūnavīsatiyā pabbesu paṭipāṭiyā aṭṭhasu koṭṭhāsesu vipassanāñāṇe ca āsavakkhayañāṇe ca arahattavasena abhiññāvosānapāramippattatā veditabbā, sesesu ciṇṇavasibhāvavasena. Sesaṃ sabbattha uttānamevāti.

    бабан̃жасууд̣̇анияаа маж̇жхиманигааяадтагат̇ааяа

    Papañcasūdaniyā majjhimanikāyaṭṭhakathāya

    махаасагулуд̣̇ааяисуд̇д̇аван̣н̣анаа нидтид̇аа.

    Mahāsakuludāyisuttavaṇṇanā niṭṭhitā.




    Next: 8. саман̣амун̣д̣игасуд̇д̇аван̣н̣анаа • 8. Samaṇamuṇḍikasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. махаасагулуд̣̇ааяисуд̇д̇ам̣ • 7. Mahāsakuludāyisuttaṃ

    дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 7. махаасагулуд̣̇ааяисуд̇д̇аван̣н̣анаа • 7. Mahāsakuludāyisuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact