| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
7. махаасамаяасуд̇д̇аван̣н̣анаа
7. Mahāsamayasuttavaṇṇanā
нид̣̇аанаван̣н̣анаа
Nidānavaṇṇanā
331. уд̣̇аананд̇и ран̃н̃аа оггаагзна ж̇аад̇исамбхзд̣̇абарихааранимид̇д̇ам̣ бавад̇д̇ид̇ам̣ уд̣̇аанам̣ бадижжа. згоби ж̇анабад̣̇о рул̣хисад̣̇д̣̇зна ‘‘саггаа’’д̇и вужжад̇ийд̇и зд̇т̇а яам̣ вад̇д̇аб̣б̣ам̣, д̇ам̣ махаанид̣̇аанаван̣н̣анааяам̣ вуд̇д̇анаязна взд̣̇ид̇аб̣б̣ам̣. аробид̇зд̇и гзнажи аробид̇з.
331.Udānanti raññā okkākena jātisambhedaparihāranimittaṃ pavattitaṃ udānaṃ paṭicca. Ekopi janapado ruḷhisaddena ‘‘sakkā’’ti vuccatīti ettha yaṃ vattabbaṃ, taṃ mahānidānavaṇṇanāyaṃ vuttanayena veditabbaṃ. Aropiteti kenaci aropite.
ааваран̣знаад̇и сзд̇унаа. б̣анд̇хаабзд̇ваад̇и бам̣субалаасабаасаан̣амад̇д̇игаакан̣д̣аад̣̇ийхи аал̣им̣ т̇ирам̣ гаараабзд̇ваа.
Āvaraṇenāti setunā. Bandhāpetvāti paṃsupalāsapāsāṇamattikākhaṇḍādīhi āḷiṃ thiraṃ kārāpetvā.
‘‘ж̇аад̇им̣ гхаддзд̇ваа галахам̣ вад̣дхаяим̣суу’’д̇и сан̇кзбзна вуд̇д̇амад̇т̇ам̣ баагадад̇арам̣ гаад̇ум̣ ‘‘голияагаммагараа вад̣̇анд̇ий’’д̇иаад̣̇и вуд̇д̇ам̣.
‘‘Jātiṃ ghaṭṭetvā kalahaṃ vaḍḍhayiṃsū’’ti saṅkhepena vuttamatthaṃ pākaṭataraṃ kātuṃ ‘‘koliyakammakarā vadantī’’tiādi vuttaṃ.
д̇ийн̣и ж̇аад̇агаанийд̇и панд̣̇анаж̇аад̇агабат̇авийунд̣̇рияаж̇аад̇агаладугигаж̇аад̇агаани д̣̇вз ж̇аад̇агаанийд̇и ругкад̇хамма ваддагаж̇аад̇агаани.
Tīṇi jātakānīti phandanajātakapathavīundriyajātakalaṭukikajātakāni dve jātakānīti rukkhadhamma vaṭṭakajātakāni.
д̇знаад̇и бхаг̇авад̇аа. галахагааран̣абхаавод̇и галахагааран̣асса ад̇т̇ибхааво.
Tenāti bhagavatā. Kalahakāraṇabhāvoti kalahakāraṇassa atthibhāvo.
адтаанзд̇и агааран̣з. взрам̣ гад̇ваад̇и вирод̇хам̣ уббаад̣̇зд̇ваа. ‘‘гутаарихад̇т̇о бурисо’’д̇иаад̣̇инаа панд̣̇анаж̇аад̇агам̣ гат̇зси. ‘‘д̣̇уд̣̇д̣̇убхааяад̇и бхад̣̇д̣̇анд̇з’’д̇иаад̣̇инаа бат̇авийунд̣̇рияаж̇аад̇агам̣ гат̇зси. ‘‘ванд̣̇аами д̇ам̣ гун̃ж̇араа’’д̇иаад̣̇инаа ладугигаж̇аад̇агам̣ гат̇зси.
Aṭṭhāneti akāraṇe. Veraṃ katvāti virodhaṃ uppādetvā. ‘‘Kuṭhārihattho puriso’’tiādinā phandanajātakaṃ kathesi. ‘‘Duddubhāyati bhaddante’’tiādinā pathavīundriyajātakaṃ kathesi. ‘‘Vandāmi taṃ kuñjarā’’tiādinā laṭukikajātakaṃ kathesi.
‘‘саад̇хуу самб̣ахулаа н̃аад̇ий; аби ругкаа аран̃н̃аж̇аа;
‘‘Sādhū sambahulā ñātī; api rukkhā araññajā;
ваад̇о вахад̇и згадтам̣, б̣раханд̇амби ванаббад̇и’’нд̇и. –
Vāto vahati ekaṭṭhaṃ, brahantampi vanappati’’nti. –
аад̣̇инаа ругкад̇хаммаж̇аад̇агам̣ гат̇зси.
Ādinā rukkhadhammajātakaṃ kathesi.
‘‘саммод̣̇амаанаа г̇ажчанд̇и, ж̇аалам̣ аад̣̇ааяа багкино;
‘‘Sammodamānā gacchanti, jālaṃ ādāya pakkhino;
яад̣̇аа д̇з вивад̣̇иссанд̇и, д̇ад̣̇аа зхинд̇и мз васа’’нд̇и. –
Yadā te vivadissanti, tadā ehinti me vasa’’nti. –
аад̣̇инаа ваддагаж̇аад̇агам̣ гат̇зси.
Ādinā vaṭṭakajātakaṃ kathesi.
‘‘ад̇д̇ад̣̇ан̣д̣аа бхаяам̣ ж̇аад̇ам̣, ж̇анам̣ бассат̇а мзд̇хаг̇ам̣;
‘‘Attadaṇḍā bhayaṃ jātaṃ, janaṃ passatha medhagaṃ;
сам̣взг̇ам̣ гид̇д̇аяиссаами, яат̇аа сам̣виж̇ид̇ам̣ маяаа’’д̇и. (су. ни. 1.941);
Saṃvegaṃ kittayissāmi, yathā saṃvijitaṃ mayā’’ti. (su. ni. 1.941);
аад̣̇инаа ад̇д̇ад̣̇ан̣д̣асуд̇д̇ам̣ гат̇зси.
Ādinā attadaṇḍasuttaṃ kathesi.
д̇ам̣д̇ам̣балобханагирияаа гааяаваажаахи бараггаманд̇ияо ‘‘угган̣танд̇уу’’д̇и саасанам̣ бзсзнд̇и.
Taṃtaṃpalobhanakiriyā kāyavācāhi parakkamantiyo ‘‘ukkaṇṭhantū’’ti sāsanaṃ pesenti.
гун̣аалад̣̇ахзд̇и гун̣аалад̣̇ахад̇ийрз бад̇идтааяа. бужчид̇абужчид̇ам̣ гат̇зси (ж̇аа. 2.гун̣аалаж̇аад̇ага) ‘‘ануггамзна гун̣ааласагун̣арааж̇асса бужчанаббасан̇г̇зна гун̣аалаж̇аад̇агам̣ гат̇зссаамий’’д̇и. анабхирад̇им̣ винод̣̇зси ид̇т̇ийнам̣ д̣̇осад̣̇ассанамукзна гаамаанам̣ аад̣̇ийнавогаарасам̣гилзсавибхааванзна.
Kuṇāladaheti kuṇāladahatīre patiṭṭhāya. Pucchitapucchitaṃ kathesi (jā. 2.kuṇālajātaka) ‘‘anukkamena kuṇālasakuṇarājassa pucchanappasaṅgena kuṇālajātakaṃ kathessāmī’’ti. Anabhiratiṃ vinodesi itthīnaṃ dosadassanamukhena kāmānaṃ ādīnavokārasaṃkilesavibhāvanena.
госаж̇ж̇ам̣ вид̇хамид̇ваа бурисат̇аамабариб̣рууханзна ‘‘уд̇д̇амабурисасад̣̇исзхи но бхавид̇ум̣ ваддад̇ий’’д̇и уббаннажид̇д̇аа.
Kosajjaṃ vidhamitvā purisathāmaparibrūhanena ‘‘uttamapurisasadisehi no bhavituṃ vaṭṭatī’’ti uppannacittā.
ависсадтагамманд̇аад̇и арад̇ивинод̣̇анад̇о бадтааяа ависсадтасаман̣агамманд̇аа, абарижад̇д̇агаммадтаанаад̇и ад̇т̇о. нисийд̣̇ид̇ум̣ ваддад̇ийд̇и бхаг̇аваа жинд̇зсийд̇и яож̇анаа.
Avissaṭṭhakammantāti arativinodanato paṭṭhāya avissaṭṭhasamaṇakammantā, aparicattakammaṭṭhānāti attho. Nisīdituṃ vaṭṭatīti bhagavā cintesīti yojanā.
бад̣̇уминияанд̇и бад̣̇умассарз. вигасим̣су г̇ун̣аг̇ан̣авиб̣од̇хзна. ‘‘аяам̣ имасса…бз… на гат̇зсий’’д̇и иминаа саб̣б̣зби д̇з бхигкуу д̇аавад̣̇зва бадибаадияаа ааг̇ад̇ад̇д̇аа ан̃н̃аман̃н̃асса лаж̇ж̇амаанаа ад̇д̇анаа бадивид̣̇д̇хависзсам̣ бхаг̇авад̇о наарожзсунд̇и д̣̇ассзд̇и. ‘‘кийн̣аасаваана’’нд̇иаад̣̇инаа д̇ад̇т̇а гааран̣амааха.
Paduminiyanti padumassare. Vikasiṃsu guṇagaṇavibodhena. ‘‘Ayaṃ imassa…pe… na kathesī’’ti iminā sabbepi te bhikkhū tāvadeva paṭipāṭiyā āgatattā aññamaññassa lajjamānā attanā paṭividdhavisesaṃ bhagavato nārocesunti dasseti. ‘‘Khīṇāsavāna’’ntiādinā tattha kāraṇamāha.
осийд̣̇амад̇д̇зд̇и бхаг̇авад̇о санд̇игам̣ убаг̇ад̇амад̇д̇з. арияаман̣д̣алзд̇и арияасамуухз. баажийнаяуг̇анд̇харабаригкзбад̇од̇и яуг̇анд̇харабаб̣б̣ад̇асса баажийнабаригкзбад̇о, на б̣аахирагзхи ужжамаанауд̣̇аяабаб̣б̣ад̇ад̇о. рааман̣зяяагад̣̇ассанад̇т̇анд̇и б̣уд̣̇д̇хуббаад̣̇абадиман̣д̣ид̇ад̇д̇аа висзсад̇о раман̣ийяасса логасса раман̣ийяабхаавад̣̇ассанад̇т̇ам̣. уллан̇гхид̇ваад̇и удтахид̇ваа. зваруубз кан̣з лаяз мухуд̇д̇зд̇и яат̇аавуд̇д̇з жанд̣̇аман̣д̣аласса удтид̇агкан̣з удтид̇авзлааяам̣ удтид̇амухуд̇д̇зд̇и убаруубари гааласса вад̣дхид̇абхаавад̣̇ассанад̇т̇ам̣ вуд̇д̇ам̣.
Osīdamatteti bhagavato santikaṃ upagatamatte. Ariyamaṇḍaleti ariyasamūhe. Pācīnayugandharaparikkhepatoti yugandharapabbatassa pācīnaparikkhepato, na bāhirakehi uccamānaudayapabbatato. Rāmaṇeyyakadassanatthanti buddhuppādapaṭimaṇḍitattā visesato ramaṇīyassa lokassa ramaṇīyabhāvadassanatthaṃ. Ullaṅghitvāti uṭṭhahitvā. Evarūpe khaṇe laye muhutteti yathāvutte candamaṇḍalassa uṭṭhitakkhaṇe uṭṭhitavelāyaṃ uṭṭhitamuhutteti uparūpari kālassa vaḍḍhitabhāvadassanatthaṃ vuttaṃ.
д̇ат̇аа д̇зсам̣ бхигкуунам̣ ж̇аад̇иаад̣̇ивасзна бхаг̇авад̇о ануруубабариваарид̇ам̣ д̣̇ассзнд̇о ‘‘д̇ад̇т̇аа’’д̇и аад̣̇имааха.
Tathā tesaṃ bhikkhūnaṃ jātiādivasena bhagavato anurūpaparivāritaṃ dassento ‘‘tatthā’’ti ādimāha.
самаабаннад̣̇звад̇аад̇и аасаннадтаанз жхаанасамаабад̇д̇и самаабаннад̣̇звад̇аа. жалим̣сууд̇и удтахим̣су. госамад̇д̇ам̣ таанам̣ сад̣̇д̣̇анд̇арам̣. ж̇амб̣уд̣̇ийбз гира аад̣̇ид̇о д̇зсадтимад̇д̇аани наг̇арасахассаани уббаннаани, д̇ат̇аа д̣̇уд̇ияам̣, д̇ат̇аа д̇ад̇ияам̣, д̇ам̣ санд̇хааяааха ‘‘д̇игкад̇д̇ум̣ д̇зсадтияаа наг̇арасахассзсуу’’д̇и. д̇з бана самбин̣д̣зд̇ваа сад̇асахассад̇о барам̣ асийд̇исахассаани, навасахассаани жа хонд̇и. наванавуд̇ияаа д̣̇он̣амукасад̇асахассзсууд̇и навасад̇асахассаад̇хигзсу навуд̇исад̇асахассзсу д̣̇он̣амукзсу. д̣̇он̣амуканд̇и жа махаанаг̇арасса ааяуббад̇д̇идтаанабхууд̇ам̣ баад̣̇анаг̇арам̣ вужжад̇и. чаннавуд̇ияаа бадданагодисад̇асахассзсууд̇и чагодиад̇хиганавуд̇игодисад̇асахассабадданзсу. д̇амб̣абан̣н̣ид̣̇ийбаад̣̇ийсу чабан̣н̣аасааяа рад̇анаагарзсу. звам̣ бана наг̇арад̣̇он̣имукабадданарад̇анаагараад̣̇ивибхааг̇зна гат̇анам̣ д̇ам̣д̇ам̣ад̇хивад̇т̇ааяа васанд̇ийнам̣ д̣̇звад̇аанам̣ б̣ахубхаавад̣̇ассанад̇т̇ам̣. яад̣̇и д̣̇асасахассажаггаваал̣зсу д̣̇звад̇аа саннибад̇ид̇аа, ат̇а гасмаа баал̣ияам̣ ‘‘д̣̇асахи жа логад̇хаад̇уухий’’д̇и вуд̇д̇анд̇и ааха ‘‘д̣̇асасахасса…бз… ад̇хиббзд̇аа’’д̇и, д̇зна сахассилогад̇хаад̇у ид̇ха ‘‘згаа логад̇хаад̇уу’’д̇и вуд̇д̇аад̇и взд̣̇ид̇аб̣б̣ам̣.
Samāpannadevatāti āsannaṭṭhāne jhānasamāpatti samāpannadevatā. Caliṃsūti uṭṭhahiṃsu. Kosamattaṃ ṭhānaṃ saddantaraṃ. Jambudīpe kira ādito tesaṭṭhimattāni nagarasahassāni uppannāni, tathā dutiyaṃ, tathā tatiyaṃ, taṃ sandhāyāha ‘‘tikkhattuṃ tesaṭṭhiyā nagarasahassesū’’ti. Te pana sampiṇḍetvā satasahassato paraṃ asītisahassāni, navasahassāni ca honti. Navanavutiyā doṇamukhasatasahassesūti navasatasahassādhikesu navutisatasahassesu doṇamukhesu. Doṇamukhanti ca mahānagarassa āyuppattiṭṭhānabhūtaṃ pādanagaraṃ vuccati. Channavutiyā paṭṭanakoṭisatasahassesūti chakoṭiadhikanavutikoṭisatasahassapaṭṭanesu. Tambapaṇṇidīpādīsu chapaṇṇāsāya ratanākaresu. Evaṃ pana nagaradoṇimukhapaṭṭanaratanākarādivibhāgena kathanaṃ taṃtaṃadhivatthāya vasantīnaṃ devatānaṃ bahubhāvadassanatthaṃ. Yadi dasasahassacakkavāḷesu devatā sannipatitā, atha kasmā pāḷiyaṃ ‘‘dasahi ca lokadhātūhī’’ti vuttanti āha ‘‘dasasahassa…pe… adhippetā’’ti, tena sahassilokadhātu idha ‘‘ekā lokadhātū’’ti vuttāti veditabbaṃ.
лохабаасаад̣̇зд̇и аад̣̇ид̇о гад̇з лохабаасаад̣̇з. б̣рахмалогзд̇и хздтимз б̣рахмалогз. яад̣̇и д̇аа д̣̇звад̇аа звам̣ ниранд̇араа, бажчаа ааг̇ад̇аанам̣ огаасо зва на бхавзяяаад̇и жод̣̇анам̣ санд̇хааяааха ‘‘яат̇аа ко банаа’’д̇иаад̣̇и. суд̣̇д̇хааваасагааяам̣ убабаннаа суд̣̇д̇хааваасагааяигаа, д̇аасам̣ бана яасмаа суд̣̇д̇хааваасабхууми ниваасадтаанам̣, д̇асмаа вуд̇д̇ам̣ ‘‘суд̣̇д̇хааваасаваасийна’’нд̇и. ааваасаад̇и ааваасанадтаанабхууд̇аа , д̣̇звад̇аа бана орамбхааг̇ияаанам̣, ид̇арзсан̃жа сам̣яож̇анаанам̣ самужчинд̣̇анзна суд̣̇д̇хо ааваасо зд̇зсанд̇и суд̣̇д̇хааваасаа.
Lohapāsādeti ādito kate lohapāsāde. Brahmaloketi heṭṭhime brahmaloke. Yadi tā devatā evaṃ nirantarā, pacchā āgatānaṃ okāso eva na bhaveyyāti codanaṃ sandhāyāha ‘‘yathā kho panā’’tiādi. Suddhāvāsakāyaṃ upapannā suddhāvāsakāyikā, tāsaṃ pana yasmā suddhāvāsabhūmi nivāsaṭṭhānaṃ, tasmā vuttaṃ ‘‘suddhāvāsavāsīna’’nti. Āvāsāti āvāsanaṭṭhānabhūtā , devatā pana orambhāgiyānaṃ, itaresañca saṃyojanānaṃ samucchindanena suddho āvāso etesanti suddhāvāsā.
332. бурад̇т̇имажаггаваал̣амукаваддияам̣ од̇ари ан̃н̃ад̇т̇а огаасам̣ алабхамаано. звам̣ сзсааби. б̣уд̣̇д̇хаанам̣ абхимукамаг̇г̇о б̣уд̣̇д̇хавийт̇и. яаава жаггаваал̣аа од̇т̇арид̇ум̣ оварид̇ум̣ на саггаа. бахадаб̣уд̣̇д̇хавийт̇ияааваад̇и б̣уд̣̇д̇хаанам̣ санд̇игам̣ убасан̇гаманд̇зхи д̇зхи д̣̇зваб̣рахмзхи вал̣ан̃ж̇ид̇авийт̇ияаава. самид̇и сан̇г̇ад̇и саннибаад̇о самаяо, маханд̇о самаяо махаасамаяод̇и ааха ‘‘махаасамуухо’’д̇и . бавад̣̇д̇хам̣ ванам̣ бавананд̇и ааха ‘‘ванасан̣д̣о’’д̇и. д̣̇звагхадаад̇и д̣̇звасамуухаа.
332.Puratthimacakkavāḷamukhavaṭṭiyaṃ otari aññattha okāsaṃ alabhamāno. Evaṃ sesāpi. Buddhānaṃ abhimukhamaggo buddhavīthi. Yāva cakkavāḷā ottharituṃ ovarituṃ na sakkā. Pahaṭabuddhavīthiyāvāti buddhānaṃ santikaṃ upasaṅkamantehi tehi devabrahmehi vaḷañjitavīthiyāva. Samiti saṅgati sannipāto samayo, mahanto samayo mahāsamayoti āha ‘‘mahāsamūho’’ti . Pavaddhaṃ vanaṃ pavananti āha ‘‘vanasaṇḍo’’ti. Devaghaṭāti devasamūhā.
самаад̣̇ахам̣сууд̇и самаад̣̇ахид̇ам̣ логуд̇д̇арасамаад̇хинаа судту аббид̇ам̣ агам̣су, яат̇аасамаахид̇ам̣ бана самаад̇хинаа яож̇ид̇ам̣ наама ход̇ийд̇и вуд̇д̇ам̣ ‘‘самаад̇хинаа яож̇зсу’’нд̇и. саб̣б̣зсам̣ г̇омуд̇д̇аван̇гаад̣̇ийнам̣ д̣̇уурасамууханид̇ад̇д̇аа саб̣б̣з…бз… агарим̣су. наяад̇и ассз зд̇зхийд̇и нзд̇д̇аани, яод̇д̇аани. авийт̇ибадибаннаанам̣ ассаанам̣ вийт̇ибадибаад̣̇анам̣ расмиг̇г̇ахан̣зна баход̇ийд̇и ‘‘саб̣б̣аяод̇д̇аани г̇ахзд̇ваа ажод̣̇знд̇о’’д̇и вад̇ваа д̇ам̣ бана ажод̣̇анам̣ авааран̣ам̣ зваад̇и ааха ‘‘ажод̣̇знд̇о аваарзнд̇о’’д̇и.
Samādahaṃsūti samādahitaṃ lokuttarasamādhinā suṭṭhu appitaṃ akaṃsu, yathāsamāhitaṃ pana samādhinā yojitaṃ nāma hotīti vuttaṃ ‘‘samādhinā yojesu’’nti. Sabbesaṃ gomuttavaṅkādīnaṃ dūrasamūhanitattā sabbe…pe… akariṃsu. Nayati asse etehīti nettāni, yottāni. Avīthipaṭipannānaṃ assānaṃ vīthipaṭipādanaṃ rasmiggahaṇena pahotīti ‘‘sabbayottāni gahetvā acodento’’ti vatvā taṃ pana acodanaṃ avāraṇaṃ evāti āha ‘‘acodento avārento’’ti.
яат̇аа кийлам̣ бхид̇д̇ияам̣ ваа бхуумияам̣ ваа аагодид̇ам̣ д̣̇уннийхаран̣ам̣, яат̇аа жа балигхам̣ наг̇араббавзсанивааран̣ам̣, яат̇аа жа инд̣̇акийлам̣ г̇амбхийранзми суникаад̇ам̣ д̣̇уннийхаран̣ам̣, звам̣ рааг̇аад̣̇аяо сад̇д̇асанд̇аанад̇о д̣̇уннийхаран̣аа, ниб̣б̣аананаг̇араббавзсанивааран̣аа жаад̇и д̇з ‘‘кийлам̣, балигхам̣, инд̣̇акийла’’нд̇и жа вуд̇д̇аа. д̇ан̣хаазж̇ааяа абхаавзна анзж̇аа барамасанд̇удтабхаавзна жаад̇уд̣̇д̣̇исад̇д̇аа аббадихад̇ажааригам̣ жаранд̇и.
Yathā khīlaṃ bhittiyaṃ vā bhūmiyaṃ vā ākoṭitaṃ dunnīharaṇaṃ, yathā ca palighaṃ nagarappavesanivāraṇaṃ, yathā ca indakhīlaṃ gambhīranemi sunikhātaṃ dunnīharaṇaṃ, evaṃ rāgādayo sattasantānato dunnīharaṇā, nibbānanagarappavesanivāraṇā cāti te ‘‘khīlaṃ, palighaṃ, indakhīla’’nti ca vuttā. Taṇhāejāya abhāvena anejā paramasantuṭṭhabhāvena cātuddisattā appaṭihatacārikaṃ caranti.
г̇ад̇аасзд̇и г̇ад̇аа зва, на бана г̇амиссанд̇и баринидтид̇асаран̣аг̇аманад̇д̇аад̇и . логуд̇д̇арасаран̣аг̇аманам̣ ад̇хиббзд̇анд̇и ааха ‘‘ниб̣б̣змад̇игасаран̣аг̇аманзна г̇ад̇аа’’д̇и. д̇з хи нияамзна абааяабхуумим̣ на г̇амиссанд̇и, д̣̇звагааяан̃жа барибуурзссанд̇и. яз бана логиязна саран̣аг̇аманзна б̣уд̣̇д̇хам̣ саран̣ам̣ г̇ад̇аасз, на д̇з г̇амиссанд̇и абааяабхуумим̣, сад̇и жа бажжаяанд̇арасамавааяз бахааяа маанусам̣ д̣̇зхам̣, д̣̇звагааяам̣ барибуурзссанд̇ийд̇и аяамзд̇т̇а ад̇т̇о.
Gatāseti gatā eva, na pana gamissanti pariniṭṭhitasaraṇagamanattāti . Lokuttarasaraṇagamanaṃ adhippetanti āha ‘‘nibbematikasaraṇagamanena gatā’’ti. Te hi niyamena apāyabhūmiṃ na gamissanti, devakāyañca paripūressanti. Ye pana lokiyena saraṇagamanena buddhaṃ saraṇaṃ gatāse, na te gamissanti apāyabhūmiṃ, sati ca paccayantarasamavāye pahāya mānusaṃ dehaṃ, devakāyaṃ paripūressantīti ayamettha attho.
д̣̇звад̇аасаннибаад̇аван̣н̣анаа
Devatāsannipātavaṇṇanā
333. зд̇зсанд̇и д̣̇звад̇аасаннибаад̇аанам̣. ид̣̇аанийд̇и имасмим̣ гаалз. б̣уд̣̇д̇хаананд̇и ан̃н̃зсам̣ б̣уд̣̇д̇хаанам̣ абхааваа. жид̇д̇агаллад̇аа жид̇д̇амад̣̇д̣̇авам̣.
333.Etesanti devatāsannipātānaṃ. Idānīti imasmiṃ kāle. Buddhānanti aññesaṃ buddhānaṃ abhāvā. Cittakallatā cittamaddavaṃ.
гим̣ бана бхаг̇авад̇аава маханд̇з д̣̇звад̇аасамааг̇амз д̇зсам̣ наамаг̇од̇д̇ам̣ гат̇зд̇ум̣ саггаад̇и? аама саггаад̇и д̣̇ассзд̇ум̣ ‘‘б̣уд̣̇д̇хаа наама маханд̇аа’’д̇иаад̣̇и вуд̇д̇ам̣. д̇ад̇т̇а д̣̇идтанд̇и руубааяад̇анамааха, суд̇анд̇и сад̣̇д̣̇ааяад̇анам̣, муд̇анд̇и самбад̇д̇аг̇г̇аахиинд̣̇рияависаяам̣ г̇анд̇харасаподтаб̣б̣ааяад̇анам̣, вин̃н̃аад̇анд̇и вуд̇д̇аавасзсам̣ саб̣б̣ам̣ н̃зяяам̣, бад̇д̇анд̇и бариязсид̇ваа, абариязсид̇ваа ваа самбад̇д̇ам̣, бариязсид̇анд̇и бад̇д̇ам̣, аббад̇д̇ам̣ ваа барияидтам̣. анувижарид̇ам̣ манасаад̇и гзвалам̣ манасаа ааложид̇ам̣. гад̇т̇ажи нийлаад̣̇ивасзна вибхад̇д̇аруубаарамман̣зд̇и абхид̇хаммз (д̇ха. са. 615) ‘‘нийлам̣ бийд̇ага’’нд̇иаад̣̇инаа вибхад̇д̇з яад̇т̇а гад̇т̇ажи руубаарамман̣з гин̃жи руубаарамман̣ам̣ ваа на ад̇т̇ийд̇и яож̇анаа. бхзрисад̣̇д̣̇аад̣̇ивасзнаад̇и зд̇т̇ааби зсзва наяо. яанд̇и яам̣ аарамман̣ам̣. зд̇зсанд̇и б̣уд̣̇д̇хаанам̣.
Kiṃ pana bhagavatāva mahante devatāsamāgame tesaṃ nāmagottaṃ kathetuṃ sakkāti? Āma sakkāti dassetuṃ ‘‘buddhā nāma mahantā’’tiādi vuttaṃ. Tattha diṭṭhanti rūpāyatanamāha, sutanti saddāyatanaṃ, mutanti sampattaggāhiindriyavisayaṃ gandharasaphoṭṭhabbāyatanaṃ, viññātanti vuttāvasesaṃ sabbaṃ ñeyyaṃ, pattanti pariyesitvā, apariyesitvā vā sampattaṃ, pariyesitanti pattaṃ, appattaṃ vā pariyiṭṭhaṃ. Anuvicaritaṃ manasāti kevalaṃ manasā ālocitaṃ. Katthaci nīlādivasena vibhattarūpārammaṇeti abhidhamme (dha. sa. 615) ‘‘nīlaṃ pītaka’’ntiādinā vibhatte yattha katthaci rūpārammaṇe kiñci rūpārammaṇaṃ vā na atthīti yojanā. Bherisaddādivasenāti etthāpi eseva nayo. Yanti yaṃ ārammaṇaṃ. Etesanti buddhānaṃ.
ид̣̇аани яат̇аавуд̇д̇амад̇т̇ам̣ баал̣ияаа самад̇т̇зд̇ум̣ ‘‘яат̇аахаа’’д̇иаад̣̇и вуд̇д̇ам̣. д̇ад̣̇аа ж̇аананагирияааяа абарияосид̇абхаавад̣̇ассанад̇т̇ам̣ ‘‘ж̇аанаамий’’д̇и вад̇ваа яасмаа яам̣ гин̃жи нзяяам̣ наама, саб̣б̣ам̣ д̇ам̣ бхаг̇авад̇аа ан̃н̃аад̇ам̣ наама над̇т̇и, д̇асмаа вуд̇д̇ам̣ ‘‘д̇амахам̣ аб̣бхан̃н̃ааси’’нд̇и.
Idāni yathāvuttamatthaṃ pāḷiyā samatthetuṃ ‘‘yathāhā’’tiādi vuttaṃ. Tadā jānanakiriyāya apariyositabhāvadassanatthaṃ ‘‘jānāmī’’ti vatvā yasmā yaṃ kiñci neyyaṃ nāma, sabbaṃ taṃ bhagavatā aññātaṃ nāma natthi, tasmā vuttaṃ ‘‘tamahaṃ abbhaññāsi’’nti.
на ологзнд̇и баяож̇анаабхаавад̇о. вибарийд̇аа ‘‘на гаммааваран̣зна саманнааг̇ад̇аа’’д̇иаад̣̇инаа наязна вуд̇д̇аа. ‘‘яасса ман̇г̇алаа самуухад̇аа’’д̇и (су. ни. 362) аарабхид̇ваа ‘‘рааг̇ам̣ винаязт̇а маанусзсу д̣̇иб̣б̣зсу гаамзсу жаа’’д̇иаад̣̇инаа (су. ни. 363) жа рааг̇аниг̇г̇ахагат̇ааб̣аахуллад̇о саммаабариб̣б̣ааж̇анийяасуд̇д̇ам̣ рааг̇ажарид̇аанам̣ саббааяам̣, ‘‘бияамаббияабхууд̇аа галаха виваад̣̇аа барид̣̇звасогаа сахамажчараа жаа’’д̇иаад̣̇инаа (су. ни. 869; махаани. 98) галахаад̣̇аяо яад̇о д̣̇осад̇о самудтаханд̇и, со жа д̣̇осо яад̇о бияабхаавад̇о, со жа бияабхааво яад̇о чанд̣̇ад̇о самудтаханд̇и, ид̇и палад̇о, гааран̣абарамбарад̇о жа д̣̇осз аад̣̇ийнававибхааванаб̣аахуллад̇о галахавиваад̣̇асуд̇д̇ам̣ (су. ни. 869; махаани. 98) д̣̇осажарид̇аанам̣ саббааяам̣ –
Na olokenti payojanābhāvato. Viparītā ‘‘na kammāvaraṇena samannāgatā’’tiādinā nayena vuttā. ‘‘Yassa maṅgalā samūhatā’’ti (su. ni. 362) ārabhitvā ‘‘rāgaṃ vinayetha mānusesu dibbesu kāmesu cā’’tiādinā (su. ni. 363) ca rāganiggahakathābāhullato sammāparibbājanīyasuttaṃ rāgacaritānaṃ sappāyaṃ, ‘‘piyamappiyabhūtā kalaha vivādā paridevasokā sahamaccharā cā’’tiādinā (su. ni. 869; mahāni. 98) kalahādayo yato dosato samuṭṭhahanti, so ca doso yato piyabhāvato, so ca piyabhāvo yato chandato samuṭṭhahanti, iti phalato, kāraṇaparamparato ca dose ādīnavavibhāvanabāhullato kalahavivādasuttaṃ (su. ni. 869; mahāni. 98) dosacaritānaṃ sappāyaṃ –
‘‘аббан̃хи зд̇ам̣ на алам̣ самааяа,
‘‘Appañhi etaṃ na alaṃ samāya,
д̣̇увз виваад̣̇асса палаани б̣рууми;
Duve vivādassa phalāni brūmi;
зд̇амби д̣̇исваа на виваад̣̇аязт̇а,
Etampi disvā na vivādayetha,
кзмаабхибассам̣ авиваад̣̇абхууми’’нд̇и. (су. ни. 902; махаани. 131) –
Khemābhipassaṃ avivādabhūmi’’nti. (su. ni. 902; mahāni. 131) –
аад̣̇инаа наязна саммохавид̇хаманад̇о, бан̃н̃аабариб̣рууханад̇о жа махааб̣яуухасуд̇д̇ам̣ мохажарид̇аанам̣ саббааяам̣ –
Ādinā nayena sammohavidhamanato, paññāparibrūhanato ca mahābyūhasuttaṃ mohacaritānaṃ sappāyaṃ –
‘‘барасса жз д̇хаммам̣ анаануж̇аанам̣,
‘‘Parassa ce dhammaṃ anānujānaṃ,
б̣аало, маг̇о ход̇и нихийнабан̃н̃о;
Bālo, mago hoti nihīnapañño;
саб̣б̣зва б̣аалаа сунихийнабан̃н̃аа,
Sabbeva bālā sunihīnapaññā,
саб̣б̣звимз д̣̇идтибариб̣б̣асаанаа’’д̇и. (су. ни. 886; махаани. 115) –
Sabbevime diṭṭhiparibbasānā’’ti. (su. ni. 886; mahāni. 115) –
аад̣̇инаа наязна санд̣̇идтибараамаасид̇аабанаяанамукзна сависаязсу д̣̇идтиг̇г̇ахан̣зсу висадавид̇аггавижчинд̣̇анавасзна бавад̇д̇ад̇д̇аа жуул̣аб̣яуухасуд̇д̇ам̣ вид̇аггажарид̇аанам̣ саббааяам̣ –
Ādinā nayena sandiṭṭhiparāmāsitāpanayanamukhena savisayesu diṭṭhiggahaṇesu visaṭavitakkavicchindanavasena pavattattā cūḷabyūhasuttaṃ vitakkacaritānaṃ sappāyaṃ –
‘‘муулам̣ бабан̃жасан̇кааяа (ид̇и бхаг̇аваа),
‘‘Mūlaṃ papañcasaṅkhāya (iti bhagavā),
манд̇аа асмийд̇и саб̣б̣ам̣ убарунд̇хз;
Mantā asmīti sabbaṃ uparundhe;
яаа гаажи д̇ан̣хаа аж̇жхад̇д̇ам̣,
Yā kāci taṇhā ajjhattaṃ,
д̇аасам̣ винаяаа сад̣̇аа сад̇о сигкз’’д̇и. (су. ни. 922; махаани. 151) –
Tāsaṃ vinayā sadā sato sikkhe’’ti. (su. ni. 922; mahāni. 151) –
бабан̃жасан̇кааяа муулам̣ авиж̇ж̇аад̣̇игилзсаж̇аад̇ам̣ асмийд̇и бавад̇д̇амаанан̃жаад̇и саб̣б̣ам̣ манд̇аа бан̃н̃ааяа убарунд̇хзяяа. яаа гаажи аж̇жхад̇д̇ам̣ руубад̇ан̣хаад̣̇ибхзд̣̇аа д̇ан̣хаа уббаж̇ж̇зяяа, д̇аасам̣ винаяаа вуубасамааяа сад̣̇аа сад̇о убадтид̇ассад̇и худ̇ваа сигкзяяаад̇и звамаад̣̇и убад̣̇зсасса сад̣̇д̇хова бхааж̇анам̣. д̇асса хи со ад̇т̇ааваход̇и д̇уваддагасуд̇д̇ам̣ сад̣̇д̇хаажарид̇аанам̣ саббааяам̣ –
Papañcasaṅkhāya mūlaṃ avijjādikilesajātaṃ asmīti pavattamānañcāti sabbaṃ mantā paññāya uparundheyya. Yā kāci ajjhattaṃ rūpataṇhādibhedā taṇhā uppajjeyya, tāsaṃ vinayā vūpasamāya sadā sato upaṭṭhitassati hutvā sikkheyyāti evamādi upadesassa saddhova bhājanaṃ. Tassa hi so atthāvahoti tuvaṭṭakasuttaṃ saddhācaritānaṃ sappāyaṃ –
‘‘вийд̇ад̇ан̣хо бураа бхзд̣̇аа (ид̇и бхаг̇аваа),
‘‘Vītataṇho purā bhedā (iti bhagavā),
буб̣б̣аманд̇аманиссид̇о;
Pubbamantamanissito;
взмаж̇жхз нубасан̇кзяяо,
Vemajjhe nupasaṅkheyyo,
д̇асса над̇т̇и бурагкад̇а’’нд̇и. (су. ни. 855; махаани. 84) –
Tassa natthi purakkhata’’nti. (su. ni. 855; mahāni. 84) –
яо сарийрабхзд̣̇ад̇о буб̣б̣зва бахийнад̇ан̣хо, д̇ад̇о зва ад̇ийд̇ад̣̇д̇хасан̃н̃ид̇ам̣ буримагодтаасам̣ д̇ан̣хааниссаязна аниссид̇о, взмаж̇жхз бажжуббаннзби ад̣̇д̇хани ‘‘рад̇д̇о’’д̇иаад̣̇инаа убасан̇каад̇аб̣б̣о, д̇асса арахад̇о д̇ан̣хаад̣̇идтибурагкаараанам̣ абхааваа анааг̇ад̇з ад̣̇д̇хани гин̃жи бурагкад̇ам̣ над̇т̇ийд̇и аад̣̇инаа звам̣ г̇амбхийрагат̇ааб̣аахуллад̇о буураабхзд̣̇асуд̇д̇ам̣ (су. ни. 855; махаани. 84) б̣уд̣̇д̇хижарид̇аанам̣ саббааяанд̇и гад̇ваа вуд̇д̇ам̣ ‘‘ат̇а нзсам̣ саббааяам̣ …бз… вавад̇т̇абзд̇ваа’’д̇и. манасаагаасийд̇и звам̣ жарияааяа васзна манаси гад̇ваа буна д̇ам̣ сад̣̇исам̣ ад̇д̇ано д̣̇зсанаанигкзбаяог̇яад̇аавасзна манаси агааси. ад̇д̇аж̇жхаасаязна ну ко ж̇аанзяяаад̇и бараж̇жхаасаяаад̣̇им̣ анабзгкид̇ваа маяхам̣язва аж̇жхаасаязна аарад̣̇д̇ха д̣̇зсанам̣ ж̇аанзяяа ну ко. бараж̇жхаасаязнаад̇и саннибад̇ид̇ааяа барисааяа гассажи аж̇жхаасаязна. адтуббад̇д̇игзнаад̇и ид̇ха самудтид̇аадтуббад̇д̇ияаа. бужчаавасзнаад̇и гассажи бужчанд̇асса бужчаавасзна. аарад̣̇д̇хад̣̇зсанам̣ ж̇аанзяяаад̇и. ‘‘сажз бажжзгаб̣уд̣̇д̇хо бхавзяяаа’’д̇и ид̣̇ам̣ имзсам̣ суд̇д̇аанам̣ д̣̇зсанааяа бужчаа бажжзгаб̣уд̣̇д̇хаанам̣ бхаарияаа, ависаяаа жаад̇и д̣̇ассанад̇т̇ам̣ вуд̇д̇ам̣. д̇знааха ‘‘соби на саггун̣зяяаа’’д̇и.
Yo sarīrabhedato pubbeva pahīnataṇho, tato eva atītaddhasaññitaṃ purimakoṭṭhāsaṃ taṇhānissayena anissito, vemajjhe paccuppannepi addhani ‘‘ratto’’tiādinā upasaṅkhātabbo, tassa arahato taṇhādiṭṭhipurakkhārānaṃ abhāvā anāgate addhani kiñci purakkhataṃ natthīti ādinā evaṃ gambhīrakathābāhullato pūrābhedasuttaṃ (su. ni. 855; mahāni. 84) buddhicaritānaṃ sappāyanti katvā vuttaṃ ‘‘atha nesaṃ sappāyaṃ …pe… vavatthapetvā’’ti. Manasākāsīti evaṃ cariyāya vasena manasi katvā puna taṃ sadisaṃ attano desanānikkhepayogyatāvasena manasi akāsi. Attajjhāsayena nu kho jāneyyāti parajjhāsayādiṃ anapekkhitvā mayhaṃyeva ajjhāsayena āraddha desanaṃ jāneyya nu kho. Parajjhāsayenāti sannipatitāya parisāya kassaci ajjhāsayena. Aṭṭhuppattikenāti idha samuṭṭhitaaṭṭhuppattiyā. Pucchāvasenāti kassaci pucchantassa pucchāvasena. Āraddhadesanaṃ jāneyyāti. ‘‘Sace paccekabuddho bhaveyyā’’ti idaṃ imesaṃ suttānaṃ desanāya pucchā paccekabuddhānaṃ bhāriyā, avisayā cāti dassanatthaṃ vuttaṃ. Tenāha ‘‘sopi na sakkuṇeyyā’’ti.
зд̇т̇а жа яасмаа на анумад̇ибужчаа, гат̇зд̇угамяад̇аабужчаа ваа яуд̇д̇аа, ат̇а ко д̣̇идтасам̣санд̣̇анабужчаасад̣̇исий ваа вимад̇ижчзд̣̇анабужчаасад̣̇исий ваа бужчаа яуд̇д̇аа, д̇аава буг̇г̇алаж̇жхаасаяавасзна бавад̇д̇ид̇аа наама хонд̇и, на яат̇аад̇хаммавасзна, д̇ад̇т̇а яад̣̇и бхаг̇аваа д̇ат̇аа саяамзва бужчид̇ваа саяамзва виссаж̇ж̇зяяа, сун̣анд̇ийнам̣ д̣̇звад̇аанам̣ саммохо бхавзяяа ‘‘гим̣ наамзд̇ам̣ бхаг̇аваа батамам̣ звамааха, бунаби звамаахаа’’д̇и, анд̇хагаарам̣ бавидтаа вияа хонд̇и, д̇асмаа вуд̇д̇ам̣ ‘‘звам̣ бзд̇аа д̣̇звад̇аа на сагкиссанд̇и бадивиж̇жхид̇у’’нд̇и. яат̇аад̇хаммад̣̇зсанааяам̣ бана гат̇зд̇угамяад̇аавасзна бужчанзна саммохо ход̇ийд̇и. суурияо уг̇г̇ад̇од̇и ааха д̣̇звасан̇гхо аасаннад̇арабхаавзна обхаасасса вибулаул̣аарабхаавад̇о. згиссаа логад̇хаад̇уяаад̇и суд̇д̇з (д̣̇ий. ни. 3.161; ма. ни. 3.129; а. ни. 1.277; вибха. 809; нзд̇д̇и. 57; ми. ба. 5.1.1) ааг̇ад̇анаязна саб̣б̣ад̇т̇зва бана абуб̣б̣ам̣ ажаримам̣ д̣̇вз б̣уд̣̇д̇хаа на хонд̇зва. д̇знзвааха – ‘‘ананд̇аасу…бз… ад̣̇д̣̇асаа’’д̇и.
Ettha ca yasmā na anumatipucchā, kathetukamyatāpucchā vā yuttā, atha kho diṭṭhasaṃsandanapucchāsadisī vā vimaticchedanapucchāsadisī vā pucchā yuttā, tāva puggalajjhāsayavasena pavattitā nāma honti, na yathādhammavasena, tattha yadi bhagavā tathā sayameva pucchitvā sayameva vissajjeyya, suṇantīnaṃ devatānaṃ sammoho bhaveyya ‘‘kiṃ nāmetaṃ bhagavā paṭhamaṃ evamāha, punapi evamāhā’’ti, andhakāraṃ paviṭṭhā viya honti, tasmā vuttaṃ ‘‘evaṃ petā devatā na sakkhissanti paṭivijjhitu’’nti. Yathādhammadesanāyaṃ pana kathetukamyatāvasena pucchanena sammoho hotīti. Sūriyo uggatoti āha devasaṅgho āsannatarabhāvena obhāsassa vipulauḷārabhāvato. Ekissā lokadhātuyāti sutte (dī. ni. 3.161; ma. ni. 3.129; a. ni. 1.277; vibha. 809; netti. 57; mi. pa. 5.1.1) āgatanayena sabbattheva pana apubbaṃ acarimaṃ dve buddhā na honteva. Tenevāha – ‘‘anantāsu…pe… addasā’’ti.
г̇аат̇ааяам̣ бужчаамийд̇и ниммид̇аб̣уд̣̇д̇хо бхаг̇аванд̇ам̣ бужчид̇ум̣ огаасам̣ гаараабзси. мунинд̇и б̣уд̣̇д̇хамуним̣ . бахууд̇абан̃н̃анд̇и махаабан̃н̃ам̣. д̇ин̣н̣анд̇и жад̇урогхад̇ин̣н̣ам̣. бааран̇г̇ад̇анд̇и ниб̣б̣аанаббад̇д̇ам̣, саб̣б̣асса ваа н̃зяяасса баарам̣ барияанд̇ам̣ г̇ад̇ам̣. бариниб̣б̣уд̇ам̣ саубаад̣̇исзсаниб̣б̣аанавасзна. тид̇ад̇д̇анд̇и авадтид̇ажид̇д̇ам̣ логад̇хаммзхи агамбанзяяад̇ааяа. нигкамма гхараа бануж̇ж̇а гаамзд̇и вад̇т̇угаамз банууд̣̇ид̇ваа гхарааваасаа нигкамма. гат̇ам̣ бхигку саммаа со логз бариб̣б̣аж̇зяяаад̇и со бхигку гат̇ам̣ саммаа бариб̣б̣аж̇зяяа г̇ажчзяяа вихарзяяа, анубалид̇д̇о худ̇ваа логам̣ ад̇иггамзяяаад̇и ад̇т̇о.
Gāthāyaṃ pucchāmīti nimmitabuddho bhagavantaṃ pucchituṃ okāsaṃ kārāpesi. Muninti buddhamuniṃ . Pahūtapaññanti mahāpaññaṃ. Tiṇṇanti caturoghatiṇṇaṃ. Pāraṅgatanti nibbānappattaṃ, sabbassa vā ñeyyassa pāraṃ pariyantaṃ gataṃ. Parinibbutaṃ saupādisesanibbānavasena. Ṭhitattanti avaṭṭhitacittaṃ lokadhammehi akampaneyyatāya. Nikkhamma gharā panujja kāmeti vatthukāme panūditvā gharāvāsā nikkhamma. Kathaṃ bhikkhu sammā so loke paribbajeyyāti so bhikkhu kathaṃ sammā paribbajeyya gaccheyya vihareyya, anupalitto hutvā lokaṃ atikkameyyāti attho.
334. силогам̣ анугассаамийд̇и зд̇т̇а силого наама баад̣̇асамуд̣̇аяо, исийхи вужжамаанаа г̇аат̇аад̇иби вужжад̇и. баад̣̇ова нияад̇аван̣н̣аанубуб̣б̣игаанам̣ бад̣̇аанам̣ самуухо, д̇ам̣ силогам̣ анугассаами бавад̇д̇аяиссаамийд̇и ад̇т̇од̇и ааха ‘‘агкара…бз… бавад̇д̇аяиссаамий’’д̇и. яад̇т̇аад̇и ад̇хигаран̣з бхуммам̣. аамзд̣ид̇алобзнааяам̣ нид̣̇д̣̇зсод̇и ааха ‘‘язсу язсу таанзсуу’’д̇и. бхуммаад̇и бхуумибадиб̣ад̣̇д̇ханиваасаа. д̇ам̣ д̇ам̣ ниссид̇аа д̇ам̣ д̇ам̣ таанам̣ ниссид̇аванд̇о ниссааяа васамаанаа, д̇зхи сад̣̇д̇хим̣ силогам̣ анугассаамийд̇и ад̇хиббааяо. ‘‘яз сид̇аа г̇ириг̇аб̣бхара’’нд̇и иминаа д̇зсам̣ вивзгаваасам̣ д̣̇ассзд̇и, ‘‘бахид̇ад̇д̇аа самаахид̇аа’’д̇и иминаа бхааванаабхияог̇ам̣.
334.Silokaṃanukassāmīti ettha siloko nāma pādasamudayo, isīhi vuccamānā gāthātipi vuccati. Pādova niyatavaṇṇānupubbikānaṃ padānaṃ samūho, taṃ silokaṃ anukassāmi pavattayissāmīti atthoti āha ‘‘akkhara…pe… pavattayissāmī’’ti. Yatthāti adhikaraṇe bhummaṃ. Āmeḍitalopenāyaṃ niddesoti āha ‘‘yesu yesu ṭhānesū’’ti. Bhummāti bhūmipaṭibaddhanivāsā. Taṃ taṃ nissitā taṃ taṃ ṭhānaṃ nissitavanto nissāya vasamānā, tehi saddhiṃ silokaṃ anukassāmīti adhippāyo. ‘‘Ye sitā girigabbhara’’nti iminā tesaṃ vivekavāsaṃ dasseti, ‘‘pahitattā samāhitā’’ti iminā bhāvanābhiyogaṃ.
б̣ахуж̇анаа бан̃жасад̇асан̇кяад̇д̇аа. бадибагкаабхибхаванад̇о, д̇зж̇уссад̣̇ад̇ааяа жа сийхаа вияа бавивид̇д̇ад̇ааяа нилийнаа. згад̇д̇анд̇и згийбхаавам̣. од̣̇аад̇ажид̇д̇аа худ̇ваа суд̣̇д̇хаад̇и арахад̇д̇амаг̇г̇аад̇хиг̇амзна барияод̣̇аад̇ажид̇д̇аа худ̇ваа суд̣̇д̇хаа, на гзвалам̣ сарийрасуд̣̇д̇хияаава. виббасаннаад̇и арияамаг̇г̇аббасаад̣̇зна висзсад̇о басаннаа. жид̇д̇асса аавилабхаавагараанам̣ гилзсаанам̣ абхаавзна анаавилаа.
Bahujanā pañcasatasaṅkhyattā. Paṭipakkhābhibhavanato, tejussadatāya ca sīhā viya pavivittatāya nilīnā. Ekattanti ekībhāvaṃ. Odātacittā hutvā suddhāti arahattamaggādhigamena pariyodātacittā hutvā suddhā, na kevalaṃ sarīrasuddhiyāva. Vippasannāti ariyamaggappasādena visesato pasannā. Cittassa āvilabhāvakarānaṃ kilesānaṃ abhāvena anāvilā.
бхигкуу ж̇аанид̇ваад̇и бхиннагилзсз бхигкуу ‘‘имз д̣̇иб̣б̣ажагкунаа зд̇з д̣̇звагааяз бассанд̇ийд̇и ж̇аанид̇ваа. савананд̇з ж̇аад̇ад̇д̇аад̇и д̇хаммассаванабарияосаанз арияаж̇аад̇ияаа ж̇аад̇ад̇д̇аа. ид̣̇ам̣ саб̣б̣анд̇и ид̣̇ам̣ ‘‘бхияяо бан̃жасад̇з’’д̇иаад̣̇игам̣ саб̣б̣ам̣.
Bhikkhū jānitvāti bhinnakilese bhikkhū ‘‘ime dibbacakkhunā ete devakāye passantīti jānitvā. Savanante jātattāti dhammassavanapariyosāne ariyajātiyā jātattā. Idaṃ sabbanti idaṃ ‘‘bhiyyo pañcasate’’tiādikaṃ sabbaṃ.
д̇ад̣̇ад̇т̇ааяа вийрияам̣ гарим̣сууд̇и д̣̇иб̣б̣ажагкун̃аан̣аабхинийхааравасзна вийрияам̣ уссаахам̣ агам̣су. д̇знааха ‘‘на д̇ам̣ д̇зхий’’д̇иаад̣̇и. сад̇д̇аринд̇и д̇а-гаарасса ра-гаараад̣̇зсам̣ гад̇ваа вуд̇д̇ам̣, сад̇д̇ад̇инд̇и ад̇т̇о. ‘‘сахасса’’нд̇и бана анувад̇д̇ад̇и, сад̇д̇ад̇ияог̇зна б̣ахуважанам̣. д̇знааха ‘‘згз сахассам̣. згз сад̇д̇ад̇исахассааний’’д̇и.
Tadatthāya vīriyaṃ kariṃsūti dibbacakkhuñāṇābhinīhāravasena vīriyaṃ ussāhaṃ akaṃsu. Tenāha ‘‘na taṃ tehī’’tiādi. Sattarinti ta-kārassa ra-kārādesaṃ katvā vuttaṃ, sattatinti attho. ‘‘Sahassa’’nti pana anuvattati, sattatiyogena bahuvacanaṃ. Tenāha ‘‘eke sahassaṃ. Eke sattatisahassānī’’ti.
ананд̇анд̇и анд̇арахид̇ам̣, д̇ам̣ бана ад̇ивияа маханд̇ам̣ наама ход̇ийд̇и ааха ‘‘вибула’’нд̇и.
Anantanti antarahitaṃ, taṃ pana ativiya mahantaṃ nāma hotīti āha ‘‘vipula’’nti.
авзгкид̇ваад̇и н̃аан̣ажагкунаа висум̣ висум̣ авзгкид̇ваа ‘‘вавад̇т̇ид̇ваанаа’’д̇иби батанд̇и, со звад̇т̇о. д̇ам̣ авзгканам̣ нижчаяагаран̣ам̣ ход̇ийд̇и ааха ‘‘вавад̇т̇абзд̇ваа’’д̇и. буб̣б̣з вуд̇д̇аг̇аат̇аасу д̇ад̇ияаг̇аат̇ааяа бажчимад̣̇д̇хам̣, жад̇уд̇т̇аг̇аат̇ааяа буримад̣̇д̇хан̃жа санд̇хааяааха ‘‘буб̣б̣з вуд̇д̇аг̇аат̇амзваа’’д̇и.
Avekkhitvāti ñāṇacakkhunā visuṃ visuṃ avekkhitvā ‘‘vavatthitvānā’’tipi paṭhanti, so evattho. Taṃ avekkhanaṃ nicchayakaraṇaṃ hotīti āha ‘‘vavatthapetvā’’ti. Pubbe vuttagāthāsu tatiyagāthāya pacchimaddhaṃ, catutthagāthāya purimaddhañca sandhāyāha ‘‘pubbe vuttagāthamevā’’ti.
виж̇аананамби д̣̇ассанам̣ зваад̇и ааха ‘‘бассат̇а ологзт̇аа’’д̇и. ваажааяад̇абавад̇д̇ид̇абхаавад̇о ‘‘анубадибаадияаава гид̇д̇аяиссаамий’’д̇и вад̣̇ад̇и.
Vijānanampi dassanaṃ evāti āha ‘‘passatha olokethā’’ti. Vācāyatapavattitabhāvato ‘‘anupaṭipāṭiyāva kittayissāmī’’ti vadati.
335. сад̇д̇а сахассаани сан̇кааяаад̇и сад̇д̇а сахассаа. яагкааязваад̇и яагкаж̇аад̇игаа зва. аанубхаавасамбаннаад̇и махзсагкаа. ид̣̇д̇химанд̇од̇и ваа махаанубхааваа. ж̇уд̇иманд̇од̇и махаббабхаа. ван̣н̣аванд̇од̇и ад̇игганд̇аван̣н̣аа. яасассинод̇и махаабариваараа жзва бад̇т̇адагид̇д̇исад̣̇д̣̇аа жа. самид̇и-сад̣̇д̣̇о самийбад̇т̇од̇и ад̇хиббааязнааха ‘‘бхигкуунам̣ санд̇ига’’нд̇и.
335. Satta sahassāni saṅkhāyāti satta sahassā. Yakkhāyevāti yakkhajātikā eva. Ānubhāvasampannāti mahesakkhā. Iddhimantoti vā mahānubhāvā. Jutimantoti mahappabhā. Vaṇṇavantoti atikkantavaṇṇā. Yasassinoti mahāparivārā ceva patthaṭakittisaddā ca. Samiti-saddo samīpatthoti adhippāyenāha ‘‘bhikkhūnaṃ santika’’nti.
хзмавад̇абаб̣б̣ад̇зд̇и химавад̇о самийбз тид̇абаб̣б̣ад̇з.
Hemavatapabbateti himavato samīpe ṭhitapabbate.
зд̇з саб̣б̣збийд̇и зд̇з сад̇д̇асахассаа гаабилавад̇т̇аваа, часахассаа хзмавад̇аа, д̇исахассаа саад̇ааг̇ираад̇и яат̇аавуд̇д̇аа саб̣б̣зби сол̣асасахассаа.
Ete sabbepīti ete sattasahassā kāpilavatthavā, chasahassā hemavatā, tisahassā sātāgirāti yathāvuttā sabbepi soḷasasahassā.
рааж̇аг̇аханаг̇арзд̇и рааж̇аг̇аханаг̇арасса самийбз. д̇анд̇и гумбхийрам̣.
Rājagahanagareti rājagahanagarassa samīpe. Tanti kumbhīraṃ.
336. гаамам̣ баажийнад̣̇исам̣ басаасад̇и, д̇ат̇ааби жад̇уусуби д̣̇исаасу сабариваарад̣̇ийбзсу жад̇уусуби махаад̣̇ийбзсу г̇анд̇хаб̣б̣аанам̣ ж̇здтаго, гат̇ам̣? саб̣б̣з д̇з д̇асса васз вад̇д̇анд̇и. гумбхан̣д̣аанам̣ ад̇хибад̇ийд̇иаад̣̇ийсуби зсзва наяо.
336. Kāmaṃ pācīnadisaṃ pasāsati, tathāpi catūsupi disāsu saparivāradīpesu catūsupi mahādīpesu gandhabbānaṃ jeṭṭhako, kathaṃ? Sabbe te tassa vase vattanti.Kumbhaṇḍānaṃ adhipatītiādīsupi eseva nayo.
д̇ассааби вирул̣хасса. д̇аад̣̇исааязваад̇и д̇хад̇арадтасса буд̇д̇асад̣̇исаа зва бут̇уд̇т̇ад̇о, наамад̇о, б̣алад̇о, ид̣̇д̇хиаад̣̇ивисзсад̇о жа.
Tassāpi viruḷhassa. Tādisāyevāti dhataraṭṭhassa puttasadisā eva puthutthato, nāmato, balato, iddhiādivisesato ca.
саб̣б̣асан̇г̇аахигавасзнаад̇и д̣̇асасахассилогад̇хаад̇уяаа бажжзгам̣ жад̇д̇ааро жад̇д̇ааро махаарааж̇аанод̇и д̇зсам̣ саб̣б̣зсам̣ сан̇г̇ан̣ханавасзна. д̇знааха ‘‘аяан̃жзд̇т̇аа’’д̇иаад̣̇и.
Sabbasaṅgāhikavasenāti dasasahassilokadhātuyā paccekaṃ cattāro cattāro mahārājānoti tesaṃ sabbesaṃ saṅgaṇhanavasena. Tenāha ‘‘ayañcetthā’’tiādi.
жад̇уро д̣̇исаад̇и жад̇уусу д̣̇исаасу. жад̇уро д̣̇исаа ж̇аламаанаа самуж̇ж̇аланд̇аа обхаасзнд̇аа. яад̣̇и звам̣ махад̇ияаа барисааяа ааг̇ад̇аанам̣ гат̇ам̣ гаабилавад̇т̇авз ванз тид̇аад̇и ааха ‘‘д̇з банаа’’д̇иаад̣̇и.
Caturo disāti catūsu disāsu. Caturo disā jalamānā samujjalantā obhāsentā. Yadi evaṃ mahatiyā parisāya āgatānaṃ kathaṃ kāpilavatthave vane ṭhitāti āha ‘‘te panā’’tiādi.
337. д̇зсам̣ махаарааж̇аанам̣ д̣̇аасаад̇и яож̇анаа. мааяааяа яуд̇д̇аа, д̇асмаа мааяаавино. ван̃жанам̣ зд̇зсу ад̇т̇и, ван̃жанз ваа нияуд̇д̇аад̇и ван̃жанигаа. гзраадияасаатзяязнаад̇и нихийнасатзна гаммзна. мааяаа зд̇зсам̣ ад̇т̇ийд̇и мааяаа, д̇з жа барзсам̣ ван̃жанад̇т̇ам̣ язна мааяаагаран̣зна ‘‘мааяаа’’д̇и вуд̇д̇аа, д̇ам̣ д̣̇ассзнд̇о ‘‘мааяаагаарагаа’’д̇и ааха.
337. Tesaṃ mahārājānaṃ dāsāti yojanā. Māyāya yuttā, tasmā māyāvino. Vañcanaṃ etesu atthi, vañcane vā niyuttāti vañcanikā. Kerāṭiyasāṭheyyenāti nihīnasaṭhena kammena. Māyā etesaṃ atthīti māyā, te ca paresaṃ vañcanatthaṃ yena māyākaraṇena ‘‘māyā’’ti vuttā, taṃ dassento ‘‘māyākārakā’’ti āha.
зд̇д̇агаа д̣̇аасаад̇и зд̇д̇агаа гудзн̣д̣уаад̣̇игаа нигхан̣д̣убарияосаанаа адтамахаарааж̇аанам̣ д̣̇аасаа.
Ettakā dāsāti ettakā kuṭeṇḍuādikā nighaṇḍupariyosānā aṭṭhamahārājānaṃ dāsā.
д̣̇зварааж̇аанод̇и д̣̇зваа худ̇ваа д̇ам̣д̇ам̣д̣̇звагааяасса рааж̇аано. жид̇д̇о жа сзно жа жид̇д̇асзно жаад̇и д̇аяо зд̇з д̣̇звабуд̇д̇аа баал̣ияам̣ згасзсанаязна вуд̇д̇аад̇и ааха ‘‘жид̇д̇о жаа’’д̇иаад̣̇и.
Devarājānoti devā hutvā taṃtaṃdevakāyassa rājāno. Citto ca seno ca cittaseno cāti tayo ete devaputtā pāḷiyaṃ ekasesanayena vuttāti āha ‘‘citto cā’’tiādi.
бхигкусан̇гхо самид̇о саннибад̇ид̇о зд̇т̇аад̇и бхигкусан̇гхасамид̇и, имам̣ ванам̣.
Bhikkhusaṅgho samito sannipatito etthāti bhikkhusaṅghasamiti, imaṃ vanaṃ.
338. нааг̇асад̣̇ахаваасигаад̇и нааг̇асад̣̇аханиваасино. д̇ад̇т̇зго гира нааг̇арааж̇аа, жирагаалам̣ васад̇о д̇асса барисаа махад̇ий барамбарааг̇ад̇аа ад̇т̇и, д̇ам̣ санд̇хааяааха ‘‘д̇ажчаганааг̇абарисааяаа’’д̇и.
338.Nāgasadahavāsikāti nāgasadahanivāsino. Tattheko kira nāgarājā, cirakālaṃ vasato tassa parisā mahatī paramparāgatā atthi, taṃ sandhāyāha ‘‘tacchakanāgaparisāyā’’ti.
яамунаваасинод̇и яамунааяам̣ васанаганааг̇аа. нааг̇авохаарзнаад̇и хад̇т̇инааг̇авохаарзна.
Yamunavāsinoti yamunāyaṃ vasanakanāgā. Nāgavohārenāti hatthināgavohārena.
вуд̇д̇аббагаарзд̇и гамб̣алассад̇арз табзд̇ваа ид̇арз вуд̇д̇аббагааранааг̇аа. лобхаабхибхууд̇аад̇и аахааралобхзна абхибхууд̇аа. д̣̇иб̣б̣аанубхаавад̇аад̇и д̣̇иб̣б̣аанубхаавад̇о, д̣̇иб̣б̣аанубхаавахзд̇у ваа д̣̇иб̣б̣аа. ‘‘жид̇расубан̣н̣аа’’д̇и наамам̣ вижид̇расунд̣̇арабад̇д̇аванд̇ад̇ааяа.
Vuttappakāreti kambalassatare ṭhapetvā itare vuttappakāranāgā. Lobhābhibhūtāti āhāralobhena abhibhūtā. Dibbānubhāvatāti dibbānubhāvato, dibbānubhāvahetu vā dibbā. ‘‘Citrasupaṇṇā’’ti nāmaṃ vicitrasundarapattavantatāya.
убавхаяанд̇аад̇и убзжжа гат̇знд̇аа. гааголуугаахинагулаад̣̇аяо вияа ан̃н̃аман̃н̃ам̣ ж̇аад̇исамуд̣̇ааг̇ад̇авзрааби самаанаа мид̇д̇аа вияа…бз… хадтад̇удтажид̇д̇аа ан̃н̃аман̃н̃асминд̇и ад̇хиббааяо. б̣уд̣̇д̇хам̣язва д̇з саран̣ам̣ г̇ад̇аа ‘‘б̣уд̣̇д̇хаанубхаавзнзва маяам̣ ан̃н̃аман̃н̃асмим̣ мзд̇д̇им̣ бадилабхимхаа’’д̇и.
Upavhayantāti upecca kathentā. Kākolūkaahinakulādayo viya aññamaññaṃ jātisamudāgataverāpi samānā mittā viya…pe… haṭṭhatuṭṭhacittā aññamaññasminti adhippāyo. Buddhaṃyeva te saraṇaṃ gatā ‘‘buddhānubhāveneva mayaṃ aññamaññasmiṃ mettiṃ paṭilabhimhā’’ti.
339. бхаад̇арод̇и мзт̇унабхаад̇аро. д̇знааха ‘‘суж̇ааяа асураган̃н̃ааяа гааран̣аа’’д̇и.
339.Bhātaroti methunabhātaro. Tenāha ‘‘sujāya asurakaññāya kāraṇā’’ti.
д̇зсууд̇и асурзсу. гаалаган̃жаад̇и звам̣ наамаа. махаабхисмаад̇и бхим̣санагамахаасарийраа. абхаб̣б̣аад̇и саммад̇д̇анияаамам̣ оггамид̇ум̣ на бхаб̣б̣аа ажчанд̣̇игад̇д̇аа д̇аад̣̇исасса чанд̣̇ассзва абхаавад̇о.
Tesūti asuresu. Kālakañcāti evaṃ nāmā. Mahābhismāti bhiṃsanakamahāsarīrā. Abhabbāti sammattaniyāmaṃ okkamituṃ na bhabbā acchandikattā tādisassa chandasseva abhāvato.
б̣алино махааасурасса аб̣бхад̇ийд̇ад̇д̇аа д̇асса буд̇д̇з зва гид̇д̇знд̇о бхаг̇аваа ‘‘сад̇ан̃жа б̣алибуд̇д̇аана’’нд̇и аад̣̇имааха. со гира сукумам̣ ад̇д̇абхаавам̣ маабзд̇ваа убаг̇ажчи.
Balino mahāasurassa abbhatītattā tassa putte eva kittento bhagavā ‘‘satañca baliputtāna’’nti ādimāha. So kira sukhumaṃ attabhāvaṃ māpetvā upagacchi.
340. гаммам̣ гад̇ваад̇и баригаммам̣ гад̇ваа. ниб̣б̣ад̇д̇аад̇и убажаараж̇жхаанзна ниб̣б̣ад̇д̇аа. аббанаажхаанзна бана ниб̣б̣ад̇д̇аа б̣рахмаано хонд̇и, д̇з барад̇о вагкад̇и ‘‘суб̣рахмаа’’д̇иаад̣̇инаа (д̣̇ий. ни. 2.341), аяан̃жа гаамааважарад̣̇звад̇аа вужжад̇и. д̇знзвааха – ‘‘мзд̇д̇аагарун̣аагааяигаад̇и мзд̇д̇аажхаанз жа гарун̣аажхаанз жа баригаммам̣ гад̇ваа ниб̣б̣ад̇д̇ад̣̇зваа’’д̇и. мзд̇д̇аажхаанз гарун̣аажхаанзд̇и мзд̇д̇аажхаананимид̇д̇ам̣ гарун̣аажхаананимид̇д̇ам̣, д̇ад̣̇ад̇т̇анд̇и ад̇т̇о.
340.Kammaṃ katvāti parikammaṃ katvā. Nibbattāti upacārajjhānena nibbattā. Appanājhānena pana nibbattā brahmāno honti, te parato vakkhati ‘‘subrahmā’’tiādinā (dī. ni. 2.341), ayañca kāmāvacaradevatā vuccati. Tenevāha – ‘‘mettākaruṇākāyikāti mettājhāne ca karuṇājhāne ca parikammaṃ katvā nibbattadevā’’ti. Mettājhāne karuṇājhāneti mettājhānanimittaṃ karuṇājhānanimittaṃ, tadatthanti attho.
д̇з аабод̣̇зваад̣̇аяо яат̇аасагам̣ ваг̇г̇авасзна тид̇ад̇д̇аа д̣̇асад̇хаа тид̇аа. яаава гарун̣аагааяигаа д̣̇аса д̣̇звагааяаа. наанад̇д̇аван̣н̣аад̇и наанаасабхаававан̣н̣аванд̇о.
Te āpodevādayo yathāsakaṃ vaggavasena ṭhitattā dasadhā ṭhitā. Yāva karuṇākāyikā dasa devakāyā.Nānattavaṇṇāti nānāsabhāvavaṇṇavanto.
взн̣д̣уд̣̇звад̇аад̇и взн̣д̣у наама д̣̇звад̇аа, звам̣ сахали д̣̇звад̇аа. асамад̣̇звад̇аа, яамагад̣̇звад̇аад̇и ‘‘д̣̇вз аяанияо’’д̇и вад̣̇анд̇и, д̇аббамукаа д̣̇вз д̣̇званигааяаад̇и. жанд̣̇ассуубанисаа д̣̇зваа жанд̣̇асса убаниссаяад̇о вад̇д̇амаанаа д̇асса бурад̇о жа бажчад̇о жа бассад̇о жа д̇хааванагад̣̇зваа. д̇знааха ‘‘жанд̣̇аниссид̇агаа д̣̇зваа’’д̇и. суурияассуубанисаа, нагкад̇д̇аниссид̇аад̇и зд̇т̇ааби зсзва наяо. гзвалам̣ ваад̇авааяанахзд̇аво д̣̇звад̇аа ваад̇авалаахагаа. д̇ат̇аа гзвалам̣ аб̣бхабадаласан̃жаран̣ахзд̇аво аб̣бхавалаахагаа. ун̣хаббавад̇д̇ихзд̇аво ун̣хавалаахагаа. вассавалаахагаа бана баж̇ж̇уннасад̣̇исаад̇и. д̇з ид̇ха на вуд̇д̇аа. васуд̣̇звад̇аа наама зго д̣̇званигааяо, д̇зсам̣ буб̣б̣ан̇г̇амад̇д̇аа ваасаво, сагго.
Veṇḍudevatāti veṇḍu nāma devatā, evaṃ sahali devatā. Asamadevatā, yamakadevatāti ‘‘dve ayaniyo’’ti vadanti, tappamukhā dve devanikāyāti. Candassūpanisā devā candassa upanissayato vattamānā tassa purato ca pacchato ca passato ca dhāvanakadevā. Tenāha ‘‘candanissitakā devā’’ti. Sūriyassūpanisā, nakkhattanissitāti etthāpi eseva nayo. Kevalaṃ vātavāyanahetavo devatā vātavalāhakā. Tathā kevalaṃ abbhapaṭalasañcaraṇahetavo abbhavalāhakā. Uṇhappavattihetavo uṇhavalāhakā. Vassavalāhakā pana pajjunnasadisāti. Te idha na vuttā. Vasudevatā nāma eko devanikāyo, tesaṃ pubbaṅgamattā vāsavo, sakko.
д̣̇асзд̇зд̇и зд̇з взн̣д̣уд̣̇звад̇аад̣̇аяо ваасавабарияосаанаа д̣̇аса д̣̇звагааяаа.
Daseteti ete veṇḍudevatādayo vāsavapariyosānā dasa devakāyā.
имаанийд̇и ‘‘ж̇аламаг̇г̇ий’’д̇и жа ‘‘сикаариваа’’д̇и жа имаани д̇зсам̣ наамаани. гзжи бана ма-гааро бад̣̇асанд̇хигаро ‘‘ж̇алаа’’д̇и жа ‘‘аг̇г̇ий’’д̇и жа ‘‘сикаариваа’’д̇и жа имаани д̇зсам̣ наамаанийд̇и вад̣̇анд̇и. зд̇зд̇и д̇зсу зва ‘‘аридтагаа, рож̇аа’’д̇и жа вуд̇д̇ад̣̇звзсу згажжз,умаабубпанибхаасино ван̣н̣ад̇о умаабубпасад̣̇исаад̇и звамад̇т̇о г̇ахзд̇аб̣б̣о, ан̃н̃ат̇аа згаад̣̇аса д̣̇звагааяаа сияум̣.
Imānīti ‘‘jalamaggī’’ti ca ‘‘sikhārivā’’ti ca imāni tesaṃ nāmāni. Keci pana ma-kāro padasandhikaro ‘‘jalā’’ti ca ‘‘aggī’’ti ca ‘‘sikhārivā’’ti ca imāni tesaṃ nāmānīti vadanti. Eteti tesu eva ‘‘ariṭṭhakā, rojā’’ti ca vuttadevesu ekacce,umāpupphanibhāsino vaṇṇato umāpupphasadisāti evamattho gahetabbo, aññathā ekādasa devakāyā siyuṃ.
д̣̇асзд̇зд̇и зд̇з д̣̇аса сахабхууд̣̇зваад̣̇аяо ваасаванзсибарияосаанаа д̣̇аса д̣̇звагааяаа. д̇знзва нигааяабхзд̣̇авасзна д̣̇асад̇хаава ааг̇ад̇аа.
Daseteti ete dasa sahabhūdevādayo vāsavanesipariyosānā dasa devakāyā. Teneva nikāyabhedavasena dasadhāva āgatā.
‘‘самаанаа’’д̇иаад̣̇и д̇зсам̣ д̣̇зваанам̣ нигааяасамуд̣̇ааяаг̇ад̇ам̣ наамам̣. звам̣ сзсаанамби.
‘‘Samānā’’tiādi tesaṃ devānaṃ nikāyasamudāyagataṃ nāmaṃ. Evaṃ sesānampi.
д̣̇асзд̇зд̇и зд̇з самаанаад̣̇игаа махаабаараг̇абарияосаанаа д̣̇аса д̣̇звагааяаа. д̇знзва нигааяабхзд̣̇зна д̣̇асад̇хаа ааг̇ад̇аа.
Daseteti ete samānādikā mahāpāragapariyosānā dasa devakāyā. Teneva nikāyabhedena dasadhā āgatā.
суггаад̣̇аяо д̇аяо д̣̇звагааяаа. баамогкад̣̇зваад̇и бамукаа бад̇хаанабхууд̇аа д̣̇зваа.
Sukkādayo tayo devakāyā. Pāmokkhadevāti pamukhā padhānabhūtā devā.
д̣̇исаад̇и д̣̇исаасу. д̣̇звод̇и мзгхо. д̣̇асзд̇зд̇и зд̇з суггаад̣̇аяо баж̇ж̇уннабарияосаанаа д̣̇аса д̣̇звагааяаа, д̇з д̣̇званигааяабхзд̣̇зна д̣̇асад̇хаа ааг̇ад̇аа.
Disāti disāsu. Devoti megho. Daseteti ete sukkādayo pajjunnapariyosānā dasa devakāyā, te devanikāyabhedena dasadhā āgatā.
д̣̇асзд̇зд̇и зд̇з кзмияаад̣̇аяо бараниммид̇абарияосаанаа д̣̇аса д̣̇звагааяаа, д̇з д̣̇званигааяабхзд̣̇зна д̣̇асад̇хаава ааг̇ад̇аа. д̇ад̇т̇а ‘‘кзмияаа, гадтагаад̣̇аяо жа бан̃жааби сад̣̇звагааяаа д̇аавад̇им̣сагааяигаа’’д̇и вад̣̇анд̇и. нааманваязнаад̇и наамаануг̇амзна ‘‘аабод̣̇звад̇аа’’д̇иаад̣̇инаамасабхааг̇зна. д̇знзвааха ‘‘наамабхааг̇зна наамагодтаасзнаа’’д̇и. саб̣б̣аа д̣̇звад̇аад̇и д̣̇асасахассилогад̇хаад̇уусу саб̣б̣ааби д̣̇звад̇аа. нид̣̇д̣̇исад̇и д̇ам̣д̇ам̣наамасабхааг̇зна згаж̇жхам̣ гад̇ваа.
Daseteti ete khemiyādayo paranimmitapariyosānā dasa devakāyā, te devanikāyabhedena dasadhāva āgatā. Tattha ‘‘khemiyā, kaṭṭhakādayo ca pañcāpi sadevakāyā tāvatiṃsakāyikā’’ti vadanti. Nāmanvayenāti nāmānugamena ‘‘āpodevatā’’tiādināmasabhāgena. Tenevāha ‘‘nāmabhāgena nāmakoṭṭhāsenā’’ti. Sabbā devatāti dasasahassilokadhātūsu sabbāpi devatā. Niddisati taṃtaṃnāmasabhāgena ekajjhaṃ katvā.
бавуд̇т̇аад̇и баваасам̣ г̇ад̇аа вияа абзд̇аад̇и ааха ‘‘виг̇ад̇аа’’д̇и. бавуд̇т̇аа ваа багаарад̇о вуд̇т̇аа вусид̇аа, д̇зна ж̇аад̇и вусид̇аб̣б̣аа ассаад̇и бавудтаж̇аад̇и. гаал̣агабхааваа сам̣гилзсад̇хаммаа, саб̣б̣асо д̇ад̣̇абхаавад̇о гаал̣агабхааваад̇ийд̇ам̣ д̣̇асаб̣алам̣. лан̃жанаабхаавзна ваа асид̇аад̇иг̇о гаал̣агабхааваад̇ийд̇ааяа сирияаа жанд̣̇о, д̇аад̣̇исам̣ жанд̣̇ам̣ вияа сирияаа вирожамаанам̣.
Pavutthāti pavāsaṃ gatā viya apetāti āha ‘‘vigatā’’ti. Pavutthā vā pakārato vutthā vusitā, tena jāti vusitabbā assāti pavuṭṭhajāti. Kāḷakabhāvā saṃkilesadhammā, sabbaso tadabhāvato kāḷakabhāvātītaṃ dasabalaṃ. Lañcanābhāvena vā asitātigo kāḷakabhāvātītāya siriyā cando, tādisaṃ candaṃ viya siriyā virocamānaṃ.
341. зго б̣рахмаад̇и саг̇аат̇агаваг̇г̇з (сам̣. ни. 1.98) ааг̇ад̇о суб̣рахмад̣̇звабуд̇д̇о. б̣рахмалогз ниб̣б̣ад̇д̇ид̇ваа хздтимзсу бад̇идтид̇аа арияаб̣рахмаано, на суд̣̇д̇хааваасаб̣рахмаано. д̇иссамахааб̣рахмаа бут̇уж̇ж̇ано, яо абарабхааг̇з мануссзсу ниб̣б̣ад̇д̇ид̇ваа мог̇г̇алибуд̇д̇ад̇иссад̇т̇зро ж̇аад̇о.
341.Eko brahmāti sagāthakavagge (saṃ. ni. 1.98) āgato subrahmadevaputto. Brahmaloke nibbattitvā heṭṭhimesu patiṭṭhitā ariyabrahmāno, na suddhāvāsabrahmāno. Tissamahābrahmā puthujjano, yo aparabhāge manussesu nibbattitvā moggaliputtatissatthero jāto.
сахассам̣ б̣рахмалогаананд̇и б̣рахмалого зд̇зсанд̇и б̣рахмалогаа, б̣рахмаано, д̇зсам̣ б̣рахмалогаанам̣ сахассам̣ сад̇д̇алогабарияааяо жааяам̣ логасад̣̇д̣̇од̇и ааха ‘‘махааб̣рахмаанам̣ сахассам̣ ааг̇ад̇а’’нд̇и. ананд̇араг̇аат̇ааяам̣ ‘‘ааг̇ад̇аа’’д̇и вуд̇д̇абад̣̇амзва ад̇т̇авасзна вад̣̇ад̇и. яад̇т̇аад̇и яасмим̣ б̣рахмасахассз. ан̃н̃з б̣рахмзд̇и д̇ад̣̇ан̃н̃з б̣рахмаано. абхибхавид̇ваа д̇идтад̇и ван̣н̣зна, яасасаа ааяунаа жа.
Sahassaṃbrahmalokānanti brahmaloko etesanti brahmalokā, brahmāno, tesaṃ brahmalokānaṃ sahassaṃ sattalokapariyāyo cāyaṃ lokasaddoti āha ‘‘mahābrahmānaṃ sahassaṃ āgata’’nti. Anantaragāthāyaṃ ‘‘āgatā’’ti vuttapadameva atthavasena vadati. Yatthāti yasmiṃ brahmasahasse. Aññe brahmeti tadaññe brahmāno. Abhibhavitvā tiṭṭhati vaṇṇena, yasasā āyunā ca.
иссараад̇и д̇знзва васабавад̇д̇анзна сзсаб̣рахмаанам̣ ад̇хибад̇ино.
Issarāti teneva vasapavattanena sesabrahmānaṃ adhipatino.
342. гаал̣агад̇хаммасаманнааг̇ад̇о гаал̣агасса баабимасса маарасса б̣аалабхаавам̣ бассат̇а, яо ад̇д̇ано ависаяз нирад̇т̇агам̣ бараггамид̇ум̣ вааяамад̇и.
342. Kāḷakadhammasamannāgato kāḷakassa pāpimassa mārassa bālabhāvaṃ passatha, yo attano avisaye niratthakaṃ parakkamituṃ vāyamati.
вийд̇арааг̇абхааваавахасса д̇хаммассаванасса анд̇арааяагаран̣зна авийд̇арааг̇аа рааг̇зна б̣ад̣̇д̇хаа зва наама хонд̇ийд̇и вуд̇д̇ам̣ ‘‘рааг̇зна б̣ад̣̇д̇хам̣ ход̇уу’’д̇и.
Vītarāgabhāvāvahassa dhammassavanassa antarāyakaraṇena avītarāgā rāgena baddhā eva nāma hontīti vuttaṃ ‘‘rāgena baddhaṃ hotū’’ti.
бхаяаанагам̣ саран̃жа гад̇ваад̇и бхзравам̣ маханд̇ам̣ сад̣̇д̣̇ам̣ самудтабзд̇ваа.
Bhayānakaṃ sarañca katvāti bheravaṃ mahantaṃ saddaṃ samuṭṭhapetvā.
ид̣̇аани д̇ам̣ сад̣̇д̣̇ам̣ убамааяа д̣̇ассзнд̇о ‘‘яат̇аа’’д̇и аад̣̇имааха. ган̃жийд̇и д̇асмим̣ самааг̇амз ган̃жи д̣̇звад̇ам̣, маанусагам̣ ваа ад̇д̇ано васз вад̇д̇зд̇ум̣ асаггонд̇о асаяам̣васз саяан̃жа на ад̇д̇ано васз тид̇о. д̇знааха ‘‘асаяам̣васий’’д̇иаад̣̇и.
Idāni taṃ saddaṃ upamāya dassento ‘‘yathā’’ti ādimāha. Kañcīti tasmiṃ samāgame kañci devataṃ, mānusakaṃ vā attano vase vattetuṃ asakkonto asayaṃvase sayañca na attano vase ṭhito. Tenāha ‘‘asayaṃvasī’’tiādi.
343. ‘‘вийд̇арааг̇зхий’’д̇и д̣̇зсанаасийсамзд̇ам̣. саб̣б̣ааяаби хи д̇ад̇т̇а самааг̇ад̇абарисааяа маарасзнаа абагганд̇аава. нзсам̣ ломамби ин̃ж̇аяум̣ д̇зсам̣ ломамад̇д̇амби на жаалзсум̣, гуд̇о анд̇арааяагаран̣ам̣. ид̇и яад̇д̇агаа д̇ад̇т̇а висзсам̣ ад̇хиг̇ажчим̣су, д̇зсам̣ саб̣б̣зсамби анд̇арааяаагаран̣авасзна ад̇т̇о вибхаавзд̇аб̣б̣о, вийд̇арааг̇аг̇г̇ахан̣зна ваа сарааг̇авийд̇арааг̇авибхаавино жа д̇ад̇т̇а сан̇г̇ахид̇аад̇и взд̣̇ид̇аб̣б̣ам̣. мааро имам̣ г̇аат̇ам̣ абхааси ажчарияаб̣бхуд̇ажид̇д̇аж̇аад̇о. гат̇ан̃хи наама д̇аава гхорад̇арам̣ махад̇им̣ вибхим̣сагам̣ маяи гаронд̇зби саб̣б̣з бимз ниб̣б̣игаараа самаахид̇аа зва. гасмаа? виж̇ид̇аавино имз уд̇д̇амабурисаад̇и. д̇знааха ‘‘саб̣б̣з’’д̇иаад̣̇и. яаад̣̇исо арияаанам̣ д̇хамманиссид̇о бамод̣̇о, на гад̣̇аажи д̇аад̣̇исо анарияаанам̣ ход̇ийд̇и ‘‘саасанз бхууд̇зхи ариязхи’’ ижжзд̇ам̣ вуд̇д̇ам̣. ви-сад̣̇д̣̇зна винаа гзвалоби суд̇а-сад̣̇д̣̇о викяаад̇ад̇т̇аважано ход̇и ‘‘суд̇ад̇хаммассаа’’д̇иаад̣̇ийсу (махаава. 5; уд̣̇аа. 11) вияаад̇и ааха ‘‘ж̇анз виссуд̇аа’’д̇и.
343.‘‘Vītarāgehī’’ti desanāsīsametaṃ. Sabbāyapi hi tattha samāgataparisāya mārasenā apakkantāva. Nesaṃ lomampi iñjayuṃ tesaṃ lomamattampi na cālesuṃ, kuto antarāyakaraṇaṃ. Iti yattakā tattha visesaṃ adhigacchiṃsu, tesaṃ sabbesampi antarāyākaraṇavasena attho vibhāvetabbo, vītarāgaggahaṇena vā sarāgavītarāgavibhāvino ca tattha saṅgahitāti veditabbaṃ. Māro imaṃ gāthaṃ abhāsi acchariyabbhutacittajāto. Kathañhi nāma tāva ghorataraṃ mahatiṃ vibhiṃsakaṃ mayi karontepi sabbe pime nibbikārā samāhitā eva. Kasmā? Vijitāvino ime uttamapurisāti. Tenāha ‘‘sabbe’’tiādi. Yādiso ariyānaṃ dhammanissito pamodo, na kadāci tādiso anariyānaṃ hotīti ‘‘sāsane bhūtehi ariyehi’’ iccetaṃ vuttaṃ. Vi-saddena vinā kevalopi suta-saddo vikhyātatthavacano hoti ‘‘sutadhammassā’’tiādīsu (mahāva. 5; udā. 11) viyāti āha ‘‘jane vissutā’’ti.
д̣̇уурзд̇и д̣̇уурз бад̣̇зсз. д̣̇ахарасса анд̇арааяам̣ барихаранд̇ий ‘‘на саггаа бханд̇з сагалам̣ гааяам̣ д̣̇ассзд̇у’’нд̇и авожаад̇и.
Dūreti dūre padese. Daharassa antarāyaṃ pariharantī ‘‘na sakkā bhante sakalaṃ kāyaṃ dassetu’’nti avocāti.
махаасамаяасуд̇д̇аван̣н̣анааяа лийнад̇т̇аббагаасанаа.
Mahāsamayasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 7. махаасамаяасуд̇д̇ам̣ • 7. Mahāsamayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 7. махаасамаяасуд̇д̇аван̣н̣анаа • 7. Mahāsamayasuttavaṇṇanā
