| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[92] 2. махаасаараж̇аад̇агаван̣н̣анаа
[92] 2. Mahāsārajātakavaṇṇanā
уггадтз суурамижчанд̇ийд̇и ид̣̇ам̣ сад̇т̇аа ж̇зд̇аванз вихаранд̇о ааяасманд̇ам̣ аананд̣̇ад̇т̇зрам̣ аараб̣бха гат̇зси. згасмин̃хи самаяз госаларан̃н̃о ид̇т̇ияо жинд̇аяим̣су ‘‘б̣уд̣̇д̇хуббаад̣̇о наама д̣̇уллабхо, д̇ат̇аа мануссабадилаабхо, барибун̣н̣ааяад̇анад̇аа жа. маяан̃жа имам̣ д̣̇уллабхам̣ кан̣асамавааяам̣ лабхид̇вааби ад̇д̇ано ружияаа вихаарам̣ г̇анд̇ваа д̇хаммам̣ ваа сод̇ум̣ б̣уд̣̇д̇хабууж̇ам̣ ваа гаад̇ум̣ д̣̇аанам̣ ваа д̣̇аад̇ум̣ на лабхаама, ман̃ж̇уусааяа багкид̇д̇аа вияа васаама, ран̃н̃о гат̇зд̇ваа амхаагам̣ д̇хаммам̣ д̣̇зсзд̇ум̣ анужчавигам̣ згам̣ бхигкум̣ баггосаабзд̇ваа д̇асса санд̇игз д̇хаммам̣ соссаама, д̇ад̇о яам̣ сагкиссаама, д̇ам̣ уг̇г̇ан̣хиссаама, д̣̇аанаад̣̇ийни жа бун̃н̃аани гариссаама. звам̣ но аяам̣ кан̣абадилаабхо сапало бхависсад̇ий’’д̇и. д̇аа саб̣б̣ааби рааж̇аанам̣ убасан̇гамид̇ваа ад̇д̇анаа жинд̇ид̇агааран̣ам̣ гат̇аяим̣су. рааж̇аа ‘‘саад̇хуу’’д̇и самбадижчи.
Ukkaṭṭhesūramicchantīti idaṃ satthā jetavane viharanto āyasmantaṃ ānandattheraṃ ārabbha kathesi. Ekasmiñhi samaye kosalarañño itthiyo cintayiṃsu ‘‘buddhuppādo nāma dullabho, tathā manussapaṭilābho, paripuṇṇāyatanatā ca. Mayañca imaṃ dullabhaṃ khaṇasamavāyaṃ labhitvāpi attano ruciyā vihāraṃ gantvā dhammaṃ vā sotuṃ buddhapūjaṃ vā kātuṃ dānaṃ vā dātuṃ na labhāma, mañjūsāya pakkhittā viya vasāma, rañño kathetvā amhākaṃ dhammaṃ desetuṃ anucchavikaṃ ekaṃ bhikkhuṃ pakkosāpetvā tassa santike dhammaṃ sossāma, tato yaṃ sakkhissāma, taṃ uggaṇhissāma, dānādīni ca puññāni karissāma. Evaṃ no ayaṃ khaṇapaṭilābho saphalo bhavissatī’’ti. Tā sabbāpi rājānaṃ upasaṅkamitvā attanā cintitakāraṇaṃ kathayiṃsu. Rājā ‘‘sādhū’’ti sampaṭicchi.
ат̇згад̣̇ивасам̣ рааж̇аа уяяаанагийл̣ам̣ гийл̣ид̇угаамо уяяаанабаалам̣ баггосаабзд̇ваа ‘‘уяяаанам̣ сод̇хзхий’’д̇и ааха. уяяаанабаало уяяаанам̣ сод̇хзнд̇о сад̇т̇аарам̣ ан̃н̃ад̇арасмим̣ ругкамуулз нисиннам̣ д̣̇исваа ран̃н̃о санд̇игам̣ г̇анд̇ваа ‘‘суд̣̇д̇хам̣, д̣̇зва, уяяаанам̣, абижзд̇т̇а ан̃н̃ад̇арасмим̣ ругкамуулз бхаг̇аваа нисинно’’д̇и ааха. рааж̇аа ‘‘саад̇ху, самма, сад̇т̇у санд̇игз д̇хаммамби соссаамаа’’д̇и алан̇гад̇арат̇ам̣ абхирухид̇ваа уяяаанам̣ г̇анд̇ваа сад̇т̇у санд̇игам̣ аг̇амааси.
Athekadivasaṃ rājā uyyānakīḷaṃ kīḷitukāmo uyyānapālaṃ pakkosāpetvā ‘‘uyyānaṃ sodhehī’’ti āha. Uyyānapālo uyyānaṃ sodhento satthāraṃ aññatarasmiṃ rukkhamūle nisinnaṃ disvā rañño santikaṃ gantvā ‘‘suddhaṃ, deva, uyyānaṃ, apicettha aññatarasmiṃ rukkhamūle bhagavā nisinno’’ti āha. Rājā ‘‘sādhu, samma, satthu santike dhammampi sossāmā’’ti alaṅkatarathaṃ abhiruhitvā uyyānaṃ gantvā satthu santikaṃ agamāsi.
д̇асмин̃жа самаяз чад̇д̇абаан̣и наамзго анааг̇аамий убаасаго сад̇т̇у санд̇игз д̇хаммам̣ сун̣амаано нисинно ход̇и. рааж̇аа д̇ам̣ д̣̇исваа аасан̇гамаано мухуд̇д̇ам̣ тад̇ваа буна ‘‘сажааяам̣ баабаго бхавзяяа, на сад̇т̇у санд̇игз нисийд̣̇ид̇ваа д̇хаммам̣ сун̣зяяа, абаабагзна иминаа бхавид̇аб̣б̣а’’нд̇и жинд̇зд̇ваа сад̇т̇аарам̣ убасан̇гамид̇ваа ванд̣̇ид̇ваа згаманд̇ам̣ нисийд̣̇и. убаасаго б̣уд̣̇д̇хаг̇ааравзна ран̃н̃о бажжудтаанам̣ ваа ванд̣̇анам̣ ваа на агааси, д̇знасса рааж̇аа анад̇д̇амано ахоси. сад̇т̇аа д̇асса анад̇д̇аманабхаавам̣ н̃ад̇ваа убаасагасса г̇ун̣ам̣ гат̇зси ‘‘аяам̣, махаарааж̇а, убаасаго б̣ахуссуд̇о ааг̇ад̇ааг̇амо гаамзсу вийд̇арааг̇о’’д̇и рааж̇аа ‘‘на иминаа орагзна бхавид̇аб̣б̣ам̣, яасса сад̇т̇аа г̇ун̣ам̣ ван̣н̣зд̇ий’’д̇и жинд̇зд̇ваа ‘‘убаасага, вад̣̇зяяааси язна д̇з ад̇т̇о’’д̇и ааха. убаасаго ‘‘саад̇хуу’’д̇и самбадижчи. рааж̇аа сад̇т̇у санд̇игз д̇хаммам̣ суд̇ваа сад̇т̇аарам̣ бад̣̇агкин̣ам̣ гад̇ваа баггаами.
Tasmiñca samaye chattapāṇi nāmeko anāgāmī upāsako satthu santike dhammaṃ suṇamāno nisinno hoti. Rājā taṃ disvā āsaṅkamāno muhuttaṃ ṭhatvā puna ‘‘sacāyaṃ pāpako bhaveyya, na satthu santike nisīditvā dhammaṃ suṇeyya, apāpakena iminā bhavitabba’’nti cintetvā satthāraṃ upasaṅkamitvā vanditvā ekamantaṃ nisīdi. Upāsako buddhagāravena rañño paccuṭṭhānaṃ vā vandanaṃ vā na akāsi, tenassa rājā anattamano ahosi. Satthā tassa anattamanabhāvaṃ ñatvā upāsakassa guṇaṃ kathesi ‘‘ayaṃ, mahārāja, upāsako bahussuto āgatāgamo kāmesu vītarāgo’’ti rājā ‘‘na iminā orakena bhavitabbaṃ, yassa satthā guṇaṃ vaṇṇetī’’ti cintetvā ‘‘upāsaka, vadeyyāsi yena te attho’’ti āha. Upāsako ‘‘sādhū’’ti sampaṭicchi. Rājā satthu santike dhammaṃ sutvā satthāraṃ padakkhiṇaṃ katvā pakkāmi.
со згад̣̇ивасам̣ убарибаасаад̣̇з махааваад̇абаанам̣ виварид̇ваа тид̇о д̇ам̣ убаасагам̣ бхуд̇д̇абаад̇араасам̣ чад̇д̇амаад̣̇ааяа ж̇зд̇аванам̣ г̇ажчанд̇ам̣ д̣̇исваа баггосаабзд̇ваа звамааха ‘‘д̇вам̣ гира, убаасага, б̣ахуссуд̇о, амхааган̃жа ид̇т̇ияо д̇хаммам̣ сод̇угаамаа жзва уг̇г̇ахзд̇угаамаа жа, саад̇ху вад̇асса сажз д̇аасам̣ д̇хаммам̣ ваажзяяаасий’’д̇и. ‘‘д̣̇зва, г̇ихийнам̣ наама рааж̇анд̇збурз д̇хаммам̣ д̣̇зсзд̇ум̣ ваа ваажзд̇ум̣ ваа наббад̇ируубам̣, аяяаанам̣ зва бад̇ирууба’’нд̇и. рааж̇аа ‘‘сажжам̣ зса вад̣̇ад̇ий’’д̇и уяяож̇зд̇ваа ид̇т̇ияо баггосаабзд̇ваа ‘‘бхад̣̇д̣̇з, ахам̣ д̇умхаагам̣ д̇хаммад̣̇зсанад̇т̇ааяа жа д̇хаммаваажанад̇т̇ааяа жа сад̇т̇у санд̇игам̣ г̇анд̇ваа згам̣ бхигкум̣ яаажаами, асийд̇ияаа махаасаавагзсу гад̇арам̣ яаажаамий’’д̇и ааха. д̇аа саб̣б̣ааби манд̇зд̇ваа д̇хаммабхан̣д̣ааг̇ааригам̣ аананд̣̇ад̇т̇зрамзва аарожзсум̣. рааж̇аа сад̇т̇у санд̇игам̣ г̇анд̇ваа ванд̣̇ид̇ваа згаманд̇ам̣ нисинно звамааха ‘‘бханд̇з, амхаагам̣ г̇зхз ид̇т̇ияо аананд̣̇ад̇т̇зрасса санд̇игз д̇хаммам̣ сод̇ун̃жа уг̇г̇ан̣хид̇ун̃жа ижчанд̇и, саад̇ху вад̇а сажз т̇зро амхаагам̣ г̇зхз д̇хаммам̣ д̣̇зсзяяа жзва ваажзяяа жаа’’д̇и. сад̇т̇аа ‘‘саад̇хуу’’д̇и самбадижчид̇ваа т̇зрам̣ аан̣аабзси. д̇ад̇о бадтааяа ран̃н̃о ид̇т̇ияо т̇зрасса санд̇игз д̇хаммам̣ сун̣анд̇и жзва уг̇г̇ан̣ханд̇и жа.
So ekadivasaṃ uparipāsāde mahāvātapānaṃ vivaritvā ṭhito taṃ upāsakaṃ bhuttapātarāsaṃ chattamādāya jetavanaṃ gacchantaṃ disvā pakkosāpetvā evamāha ‘‘tvaṃ kira, upāsaka, bahussuto, amhākañca itthiyo dhammaṃ sotukāmā ceva uggahetukāmā ca, sādhu vatassa sace tāsaṃ dhammaṃ vāceyyāsī’’ti. ‘‘Deva, gihīnaṃ nāma rājantepure dhammaṃ desetuṃ vā vācetuṃ vā nappatirūpaṃ, ayyānaṃ eva patirūpa’’nti. Rājā ‘‘saccaṃ esa vadatī’’ti uyyojetvā itthiyo pakkosāpetvā ‘‘bhadde, ahaṃ tumhākaṃ dhammadesanatthāya ca dhammavācanatthāya ca satthu santikaṃ gantvā ekaṃ bhikkhuṃ yācāmi, asītiyā mahāsāvakesu kataraṃ yācāmī’’ti āha. Tā sabbāpi mantetvā dhammabhaṇḍāgārikaṃ ānandattherameva ārocesuṃ. Rājā satthu santikaṃ gantvā vanditvā ekamantaṃ nisinno evamāha ‘‘bhante, amhākaṃ gehe itthiyo ānandattherassa santike dhammaṃ sotuñca uggaṇhituñca icchanti, sādhu vata sace thero amhākaṃ gehe dhammaṃ deseyya ceva vāceyya cā’’ti. Satthā ‘‘sādhū’’ti sampaṭicchitvā theraṃ āṇāpesi. Tato paṭṭhāya rañño itthiyo therassa santike dhammaṃ suṇanti ceva uggaṇhanti ca.
ат̇згад̣̇ивасам̣ ран̃н̃о жуул̣ааман̣и надто. рааж̇аа д̇асса надтабхаавам̣ суд̇ваа амажжз аан̣аабзси ‘‘саб̣б̣з анд̇овал̣ан̃ж̇анагз мануссз г̇ахзд̇ваа жуул̣ааман̣им̣ аахараабзт̇аа’’д̇и. амажжаа маад̇уг̇аамз аад̣̇им̣ гад̇ваа жуул̣ааман̣им̣ барибужчанд̇аа ад̣̇исваа махааж̇анам̣ гиламзнд̇и. д̇ам̣ д̣̇ивасам̣ аананд̣̇ад̇т̇зро рааж̇анивзсанам̣ бавидто. яат̇аа д̇аа ид̇т̇ияо буб̣б̣з т̇зрам̣ д̣̇исваава хадтад̇удтаа д̇хаммам̣ сун̣анд̇и жзва уг̇г̇ан̣ханд̇и жа, д̇ат̇аа агад̇ваа саб̣б̣аа д̣̇оманассаббад̇д̇аава ахзсум̣. д̇ад̇о т̇зрзна ‘‘гасмаа д̇умхз аж̇ж̇а зваруубаа ж̇аад̇аа’’д̇и бужчид̇аа звамаахам̣су ‘‘бханд̇з, ран̃н̃о жуул̣ааман̣им̣ бариязсаамаад̇и амажжаа маад̇уг̇аамз убаад̣̇ааяа анд̇овал̣ан̃ж̇анагз гиламзнд̇и, на ж̇аанаама гасса ‘гим̣ бхависсад̇ий’д̇и, д̇знамха д̣̇оманассаббад̇д̇аа’’д̇и. т̇зро ‘‘маа жинд̇аяид̇т̇аа’’д̇и д̇аа самассаасзд̇ваа ран̃н̃о санд̇игам̣ г̇анд̇ваа бан̃н̃ад̇д̇аасанз нисийд̣̇ид̇ваа ‘‘ман̣и гира д̇з, махаарааж̇а, надто’’д̇и бужчи. ‘‘аама, бханд̇з’’д̇и. ‘‘асагки бана д̇ам̣ аахараабзд̇у’’нд̇и. ‘‘бханд̇з, саб̣б̣ам̣ анд̇ож̇анам̣ г̇ахзд̇ваа гиламзнд̇оби на саггоми аахараабзд̇у’’нд̇и. ‘‘махаарааж̇а, махааж̇анам̣ агиламзд̇ваава аахаран̣уубааяо ад̇т̇ий’’д̇и. ‘‘гад̇аро, бханд̇з’’д̇и? ‘‘бин̣д̣ад̣̇аанам̣, махаарааж̇аа’’д̇и. ‘‘гад̇арам̣ бин̣д̣ад̣̇аанам̣, бханд̇з’’д̇и? ‘‘махаарааж̇а, яад̇д̇агзсу аасан̇гаа ад̇т̇и, д̇з г̇ахзд̇ваа згзгасса згзгам̣ балаалабин̣д̣ам̣ ваа мад̇д̇игаабин̣д̣ам̣ ваа д̣̇ад̇ваа ‘имам̣ бажжуусагаалз аахарид̇ваа асугадтаанз наама баад̇зт̇аа’д̇и вад̇д̇аб̣б̣ам̣. язна г̇ахид̇о бхависсад̇и, со д̇асмим̣ багкибид̇ваа аахариссад̇и. сажз батамад̣̇ивасзязва баад̇знд̇и, ижжзд̇ам̣ гусалам̣. но жз баад̇знд̇и, д̣̇уд̇ияад̣̇ивасзби д̇ад̇ияад̣̇ивасзби д̇ат̇зва гаад̇аб̣б̣ам̣. звам̣ махааж̇ано жа на гиламиссад̇и, ман̣ин̃жа лабхиссасий’’д̇и звам̣ вад̇ваа т̇зро аг̇амааси.
Athekadivasaṃ rañño cūḷāmaṇi naṭṭho. Rājā tassa naṭṭhabhāvaṃ sutvā amacce āṇāpesi ‘‘sabbe antovaḷañjanake manusse gahetvā cūḷāmaṇiṃ āharāpethā’’ti. Amaccā mātugāme ādiṃ katvā cūḷāmaṇiṃ paripucchantā adisvā mahājanaṃ kilamenti. Taṃ divasaṃ ānandatthero rājanivesanaṃ paviṭṭho. Yathā tā itthiyo pubbe theraṃ disvāva haṭṭhatuṭṭhā dhammaṃ suṇanti ceva uggaṇhanti ca, tathā akatvā sabbā domanassappattāva ahesuṃ. Tato therena ‘‘kasmā tumhe ajja evarūpā jātā’’ti pucchitā evamāhaṃsu ‘‘bhante, rañño cūḷāmaṇiṃ pariyesāmāti amaccā mātugāme upādāya antovaḷañjanake kilamenti, na jānāma kassa ‘kiṃ bhavissatī’ti, tenamha domanassappattā’’ti. Thero ‘‘mā cintayitthā’’ti tā samassāsetvā rañño santikaṃ gantvā paññattāsane nisīditvā ‘‘maṇi kira te, mahārāja, naṭṭho’’ti pucchi. ‘‘Āma, bhante’’ti. ‘‘Asakkhi pana taṃ āharāpetu’’nti. ‘‘Bhante, sabbaṃ antojanaṃ gahetvā kilamentopi na sakkomi āharāpetu’’nti. ‘‘Mahārāja, mahājanaṃ akilametvāva āharaṇūpāyo atthī’’ti. ‘‘Kataro, bhante’’ti? ‘‘Piṇḍadānaṃ, mahārājā’’ti. ‘‘Kataraṃ piṇḍadānaṃ, bhante’’ti? ‘‘Mahārāja, yattakesu āsaṅkā atthi, te gahetvā ekekassa ekekaṃ palālapiṇḍaṃ vā mattikāpiṇḍaṃ vā datvā ‘imaṃ paccūsakāle āharitvā asukaṭṭhāne nāma pātethā’ti vattabbaṃ. Yena gahito bhavissati, so tasmiṃ pakkhipitvā āharissati. Sace paṭhamadivaseyeva pātenti, iccetaṃ kusalaṃ. No ce pātenti, dutiyadivasepi tatiyadivasepi tatheva kātabbaṃ. Evaṃ mahājano ca na kilamissati, maṇiñca labhissasī’’ti evaṃ vatvā thero agamāsi.
рааж̇аа вуд̇д̇анаязнзва д̇аяо д̣̇ивасз д̣̇аабзси, нзва ман̣им̣ аахарим̣су. т̇зро д̇ад̇ияад̣̇ивасз ааг̇анд̇ваа ‘‘гим̣, махаарааж̇а, баад̇ид̇о ман̣ий’’д̇и бужчи. ‘‘на баад̇знд̇и, бханд̇з’’д̇и. ‘‘д̇зна хи, махаарааж̇а, махаад̇аласмим̣язва бадижчаннадтаанз махаажаадим̣ табаабзд̇ваа уд̣̇агасса буураабзд̇ваа саан̣им̣ баригкибаабзд̇ваа ‘саб̣б̣з анд̇овал̣ан̃ж̇анагамануссаа жа ид̇т̇ияо жа уд̇д̇араасан̇г̇ам̣ гад̇ваа згзгова анд̇осаан̣им̣ бависид̇ваа хад̇т̇ам̣ д̇ховид̇ваа ааг̇ажчанд̇уу’д̇и вад̣̇зхий’’д̇и т̇зро имам̣ убааяам̣ аажигкид̇ваа баггаами. рааж̇аа д̇ат̇аа гаарзси. ман̣ижоро жинд̇зси ‘‘д̇хаммабхан̣д̣ааг̇аариго имам̣ ад̇хигаран̣ам̣ аад̣̇ааяа ман̣им̣ ад̣̇ассзд̇ваа осаггиссад̇ийд̇и адтаанамзд̇ам̣, баад̇зд̇ум̣ д̣̇аани ваддад̇ий’’д̇и ман̣им̣ бадижчаннам̣ гад̇ваа аад̣̇ааяа анд̇осаан̣им̣ бависид̇ваа жаадияам̣ баад̇зд̇ваа нигками. саб̣б̣зсам̣ нигканд̇агаалз уд̣̇агам̣ чад̣д̣зд̇ваа ман̣им̣ ад̣̇д̣̇асам̣су. рааж̇аа ‘‘т̇зрам̣ ниссааяа махааж̇анам̣ агиламзд̇ваава мз ман̣и лад̣̇д̇хо’’д̇и д̇усси, анд̇овал̣ан̃ж̇анагамануссааби ‘‘т̇зрам̣ ниссааяа махаад̣̇угкад̇о муд̇д̇амхаа’’д̇и д̇уссим̣су. ‘‘т̇зрассаанубхаавзна ран̃н̃о жуул̣ааман̣и лад̣̇д̇хо’’д̇и т̇зрассаанубхааво сагаланаг̇арз жзва бхигкусан̇гхз жа баагадо ж̇аад̇о.
Rājā vuttanayeneva tayo divase dāpesi, neva maṇiṃ āhariṃsu. Thero tatiyadivase āgantvā ‘‘kiṃ, mahārāja, pātito maṇī’’ti pucchi. ‘‘Na pātenti, bhante’’ti. ‘‘Tena hi, mahārāja, mahātalasmiṃyeva paṭicchannaṭṭhāne mahācāṭiṃ ṭhapāpetvā udakassa pūrāpetvā sāṇiṃ parikkhipāpetvā ‘sabbe antovaḷañjanakamanussā ca itthiyo ca uttarāsaṅgaṃ katvā ekekova antosāṇiṃ pavisitvā hatthaṃ dhovitvā āgacchantū’ti vadehī’’ti thero imaṃ upāyaṃ ācikkhitvā pakkāmi. Rājā tathā kāresi. Maṇicoro cintesi ‘‘dhammabhaṇḍāgāriko imaṃ adhikaraṇaṃ ādāya maṇiṃ adassetvā osakkissatīti aṭṭhānametaṃ, pātetuṃ dāni vaṭṭatī’’ti maṇiṃ paṭicchannaṃ katvā ādāya antosāṇiṃ pavisitvā cāṭiyaṃ pātetvā nikkhami. Sabbesaṃ nikkhantakāle udakaṃ chaḍḍetvā maṇiṃ addasaṃsu. Rājā ‘‘theraṃ nissāya mahājanaṃ akilametvāva me maṇi laddho’’ti tussi, antovaḷañjanakamanussāpi ‘‘theraṃ nissāya mahādukkhato muttamhā’’ti tussiṃsu. ‘‘Therassānubhāvena rañño cūḷāmaṇi laddho’’ti therassānubhāvo sakalanagare ceva bhikkhusaṅghe ca pākaṭo jāto.
д̇хаммасабхааяам̣ саннисиннаа бхигкуу т̇зрасса г̇ун̣ам̣ ван̣н̣аяим̣су ‘‘аавусо, аананд̣̇ад̇т̇зро ад̇д̇ано б̣ахуссуд̇ад̇ааяа бан̣д̣ижжзна убааяагусалад̇ааяа махааж̇анам̣ агиламзд̇ваа убааязнзва ран̃н̃о ман̣им̣ д̣̇ассзсий’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аани аананд̣̇знзва барахад̇т̇аг̇ад̇ам̣ бхан̣д̣ам̣ д̣̇ассид̇ам̣, буб̣б̣зби бан̣д̣ид̇аа махааж̇анам̣ агиламзд̇ваа убааязнзва д̇иражчаанахад̇т̇аг̇ад̇ам̣ бхан̣д̣ам̣ д̣̇ассаяим̣суу’’д̇и вад̇ваа ад̇ийд̇ам̣ аахари.
Dhammasabhāyaṃ sannisinnā bhikkhū therassa guṇaṃ vaṇṇayiṃsu ‘‘āvuso, ānandatthero attano bahussutatāya paṇḍiccena upāyakusalatāya mahājanaṃ akilametvā upāyeneva rañño maṇiṃ dassesī’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāni ānandeneva parahatthagataṃ bhaṇḍaṃ dassitaṃ, pubbepi paṇḍitā mahājanaṃ akilametvā upāyeneva tiracchānahatthagataṃ bhaṇḍaṃ dassayiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о саб̣б̣асиббзсу нибпад̇д̇им̣ бад̇д̇о д̇ассзва амажжо ахоси. ат̇згад̣̇ивасам̣ рааж̇аа маханд̇зна бариваарзна уяяаанам̣ г̇анд̇ваа вананд̇араани вижарид̇ваа уд̣̇агагийл̣ам̣ гийл̣ид̇угаамо ман̇г̇алабогкаран̣им̣ од̇арид̇ваа ид̇т̇ааг̇аарамби баггоси. ид̇т̇ияо ад̇д̇ано ад̇д̇ано сийсуубаг̇аг̇ийвуубаг̇аад̣̇ийни аабхаран̣аани омун̃жид̇ваа уд̇д̇араасан̇г̇зсу багкибид̇ваа самуг̇г̇абидтзсу табзд̇ваа д̣̇аасияо бадижчаабзд̇ваа богкаран̣им̣ од̇арим̣су. ат̇згаа уяяаанамаггадий сааканд̇арз нисиннаа д̣̇звим̣ бил̣анд̇ханаани омун̃жид̇ваа уд̇д̇араасан̇г̇з багкибид̇ваа самуг̇г̇абидтз табаяамаанам̣ д̣̇исваа д̇ассаа муд̇д̇аахаарам̣ бил̣анд̇хид̇угаамаа худ̇ваа д̣̇аасияаа бамаад̣̇ам̣ ологаяамаанаа нисийд̣̇и, д̣̇аасийби д̇ам̣ рагкамаанаа д̇ахам̣ д̇ахам̣ ологзд̇ваа нисиннааязва нид̣̇д̣̇ааяид̇ум̣ аарабхи. маггадий д̇ассаа бамаад̣̇абхаавам̣ н̃ад̇ваа ваад̇авзг̇зна од̇арид̇ваа махаамуд̇д̇аахаарам̣ г̇ийвааяа бадимун̃жид̇ваа ваад̇авзг̇зна уббад̇ид̇ваа сааканд̇арз нисийд̣̇ид̇ваа ан̃н̃аасам̣ маггадийнам̣ д̣̇ассанабхаязна згасмим̣ ругкасусирадтаанз табзд̇ваа убасанд̇уубасанд̇аа вияа д̇ам̣ рагкамаанаа нисийд̣̇и.
Atīte bārāṇasiyaṃ brahmadatte rajjaṃ kārente bodhisatto sabbasippesu nipphattiṃ patto tasseva amacco ahosi. Athekadivasaṃ rājā mahantena parivārena uyyānaṃ gantvā vanantarāni vicaritvā udakakīḷaṃ kīḷitukāmo maṅgalapokkharaṇiṃ otaritvā itthāgārampi pakkosi. Itthiyo attano attano sīsūpagagīvūpagādīni ābharaṇāni omuñcitvā uttarāsaṅgesu pakkhipitvā samuggapiṭṭhesu ṭhapetvā dāsiyo paṭicchāpetvā pokkharaṇiṃ otariṃsu. Athekā uyyānamakkaṭī sākhantare nisinnā deviṃ piḷandhanāni omuñcitvā uttarāsaṅge pakkhipitvā samuggapiṭṭhe ṭhapayamānaṃ disvā tassā muttāhāraṃ piḷandhitukāmā hutvā dāsiyā pamādaṃ olokayamānā nisīdi, dāsīpi taṃ rakkhamānā tahaṃ tahaṃ oloketvā nisinnāyeva niddāyituṃ ārabhi. Makkaṭī tassā pamādabhāvaṃ ñatvā vātavegena otaritvā mahāmuttāhāraṃ gīvāya paṭimuñcitvā vātavegena uppatitvā sākhantare nisīditvā aññāsaṃ makkaṭīnaṃ dassanabhayena ekasmiṃ rukkhasusiraṭṭhāne ṭhapetvā upasantūpasantā viya taṃ rakkhamānā nisīdi.
сааби ко д̣̇аасий бадиб̣уж̇жхид̇ваа муд̇д̇аахаарам̣ абассанд̇ий гамбамаанаа ан̃н̃ам̣ убааяам̣ ад̣̇исваа ‘‘бурисо д̣̇звияаа муд̇д̇аахаарам̣ г̇ахзд̇ваа балаад̇о’’д̇и махаавиравам̣ вирави. аарагкамануссаа д̇ад̇о д̇ад̇о саннибад̇ид̇ваа д̇ассаа важанам̣ суд̇ваа ран̃н̃о аарожаяим̣су. рааж̇аа ‘‘жорам̣ г̇ан̣хат̇аа’’д̇и ааха. бурисаа уяяаанаа нигкамид̇ваа ‘‘жорам̣ г̇ан̣хат̇а, жорам̣ г̇ан̣хат̇аа’’д̇и ид̇о жид̇о жа ологзнд̇и. ат̇зго ж̇аанабад̣̇о б̣алигаарагабурисо д̇ам̣ сад̣̇д̣̇ам̣ суд̇ваа гамбамаано балааяи. д̇ам̣ д̣̇исваа рааж̇абурисаа ‘‘аяам̣ жоро бхависсад̇ий’’д̇и ануб̣анд̇хид̇ваа д̇ам̣ г̇ахзд̇ваа бот̇зд̇ваа ‘‘арз, д̣̇удтажора, звам̣ махаасаарам̣ наама бил̣анд̇ханам̣ авахариссасий’’д̇и барибхаасим̣су. со жинд̇зси ‘‘сажаахам̣ ‘на г̇ан̣хаамий’д̇и вагкаами, аж̇ж̇а мз ж̇ийвид̇ам̣ над̇т̇и, бот̇знд̇ааязва мам̣ маарзссанд̇и, самбадижчаами на’’нд̇и. со ‘‘аама, саами, г̇ахид̇ам̣ мз’’д̇и ааха. ат̇а нам̣ б̣анд̇хид̇ваа ран̃н̃о санд̇игам̣ аанаяим̣су. рааж̇ааби нам̣ бужчи ‘‘г̇ахид̇ам̣ д̇з махаасаарабил̣анд̇хана’’нд̇и? ‘‘аама, д̣̇зваа’’д̇и . ‘‘ид̣̇аани д̇ам̣ гаха’’нд̇и. ‘‘д̣̇зва, маяаа махаасаарам̣ наама ман̃жабийтамби на д̣̇идтабуб̣б̣ам̣, сздти бана мам̣ махаасаарабил̣анд̇ханам̣ г̇ан̣хаабзси, сохам̣ д̇ам̣ г̇ахзд̇ваава д̇асса ад̣̇аасим̣, со нам̣ ж̇аанаад̇ий’’д̇и.
Sāpi kho dāsī paṭibujjhitvā muttāhāraṃ apassantī kampamānā aññaṃ upāyaṃ adisvā ‘‘puriso deviyā muttāhāraṃ gahetvā palāto’’ti mahāviravaṃ viravi. Ārakkhamanussā tato tato sannipatitvā tassā vacanaṃ sutvā rañño ārocayiṃsu. Rājā ‘‘coraṃ gaṇhathā’’ti āha. Purisā uyyānā nikkhamitvā ‘‘coraṃ gaṇhatha, coraṃ gaṇhathā’’ti ito cito ca olokenti. Atheko jānapado balikārakapuriso taṃ saddaṃ sutvā kampamāno palāyi. Taṃ disvā rājapurisā ‘‘ayaṃ coro bhavissatī’’ti anubandhitvā taṃ gahetvā pothetvā ‘‘are, duṭṭhacora, evaṃ mahāsāraṃ nāma piḷandhanaṃ avaharissasī’’ti paribhāsiṃsu. So cintesi ‘‘sacāhaṃ ‘na gaṇhāmī’ti vakkhāmi, ajja me jīvitaṃ natthi, pothentāyeva maṃ māressanti, sampaṭicchāmi na’’nti. So ‘‘āma, sāmi, gahitaṃ me’’ti āha. Atha naṃ bandhitvā rañño santikaṃ ānayiṃsu. Rājāpi naṃ pucchi ‘‘gahitaṃ te mahāsārapiḷandhana’’nti? ‘‘Āma, devā’’ti . ‘‘Idāni taṃ kaha’’nti. ‘‘Deva, mayā mahāsāraṃ nāma mañcapīṭhampi na diṭṭhapubbaṃ, seṭṭhi pana maṃ mahāsārapiḷandhanaṃ gaṇhāpesi, sohaṃ taṃ gahetvāva tassa adāsiṃ, so naṃ jānātī’’ti.
рааж̇аа сздтим̣ баггосаабзд̇ваа ‘‘г̇ахид̇ам̣ д̇з имасса хад̇т̇ад̇о махаасаарабил̣анд̇хана’’нд̇и бужчи. ‘‘аама, д̣̇зваа’’д̇и. ‘‘гахам̣ д̇а’’нд̇и. ‘‘бурохид̇асса мз д̣̇инна’’нд̇и. бурохид̇амби баггосаабзд̇ваа д̇ат̇зва бужчи, соби самбадижчид̇ваа ‘‘г̇анд̇хаб̣б̣асса мз д̣̇инна’’нд̇и ааха. д̇амби баггосаабзд̇ваа ‘‘бурохид̇асса хад̇т̇ад̇о д̇з махаасаарабил̣анд̇ханам̣ г̇ахид̇а’’нд̇и бужчи. ‘‘аама, д̣̇зваа’’д̇и. ‘‘гахам̣ д̇а’’нд̇и. ‘‘гилзсавасзна мз ван̣н̣ад̣̇аасияаа д̣̇инна’’нд̇и. д̇амби баггосаабзд̇ваа бужчи, саа ‘‘на г̇ан̣хаамий’’д̇и ааха. д̇з бан̃жа ж̇анз бужчанд̇аанан̃н̃зва суурияо ад̇т̇ам̣ г̇ад̇о. рааж̇аа ‘‘ид̣̇аани вигаало ж̇аад̇о, свз ж̇ааниссаамаа’’д̇и д̇з бан̃жа ж̇анз амажжаанам̣ д̣̇ад̇ваа наг̇арам̣ баависи.
Rājā seṭṭhiṃ pakkosāpetvā ‘‘gahitaṃ te imassa hatthato mahāsārapiḷandhana’’nti pucchi. ‘‘Āma, devā’’ti. ‘‘Kahaṃ ta’’nti. ‘‘Purohitassa me dinna’’nti. Purohitampi pakkosāpetvā tatheva pucchi, sopi sampaṭicchitvā ‘‘gandhabbassa me dinna’’nti āha. Tampi pakkosāpetvā ‘‘purohitassa hatthato te mahāsārapiḷandhanaṃ gahita’’nti pucchi. ‘‘Āma, devā’’ti. ‘‘Kahaṃ ta’’nti. ‘‘Kilesavasena me vaṇṇadāsiyā dinna’’nti. Tampi pakkosāpetvā pucchi, sā ‘‘na gaṇhāmī’’ti āha. Te pañca jane pucchantānaññeva sūriyo atthaṃ gato. Rājā ‘‘idāni vikālo jāto, sve jānissāmā’’ti te pañca jane amaccānaṃ datvā nagaraṃ pāvisi.
б̣од̇хисад̇д̇о жинд̇зси – ‘‘ид̣̇ам̣ бил̣анд̇ханам̣ анд̇овал̣ан̃ж̇з надтам̣, аяан̃жа г̇ахабад̇иго б̣ахивал̣ан̃ж̇о, д̣̇ваарзби б̣алаваарагко, д̇асмаа анд̇овал̣ан̃ж̇анагаанамби д̇ам̣ г̇ахзд̇ваа балааяид̇ум̣ на саггаа. звам̣ нзва б̣ахивал̣ан̃ж̇анагаанам̣, на анд̇о, уяяаанз вал̣ан̃ж̇анагаанам̣ г̇ахан̣уубааяо д̣̇иссад̇и. иминаа д̣̇уг̇г̇ад̇амануссзна ‘сздтисса мз д̣̇инна’нд̇и гат̇знд̇зна ад̇д̇ано могкад̇т̇ааяа гат̇ид̇ам̣ бхависсад̇и, сздтинааби ‘бурохид̇асса мз д̣̇инна’нд̇и гат̇знд̇зна ‘згад̇о худ̇ваа нид̇т̇ариссаамий’д̇и жинд̇зд̇ваа гат̇ид̇ам̣ бхависсад̇и, бурохид̇знааби ‘г̇анд̇хаб̣б̣асса мз д̣̇инна’нд̇и гат̇знд̇зна ‘б̣анд̇ханааг̇аарз г̇анд̇хаб̣б̣ам̣ ниссааяа сукзна васиссаамаа’д̇и жинд̇зд̇ваа гат̇ид̇ам̣ бхависсад̇и, г̇анд̇хаб̣б̣знааби ‘ван̣н̣ад̣̇аасияаа мз д̣̇инна’нд̇и гат̇знд̇зна ‘зганд̇зна анугган̣тид̇аа бхависсаамаа’д̇и жинд̇зд̇ваа гат̇ид̇ам̣ бхависсад̇и, имзхи бан̃жахиби жорзхи на бхавид̇аб̣б̣ам̣, уяяаанз маггадаа б̣ахуу, бил̣анд̇ханзна згиссаа маггадияаа хад̇т̇з аарул̣хзна бхавид̇аб̣б̣а’’нд̇и. со рааж̇аанам̣ убасан̇гамид̇ваа ‘‘махаарааж̇а, жорз амхаагам̣ нияяаад̣̇зт̇а, маяам̣ д̇ам̣ гижжам̣ сод̇хзссаамаа’’д̇и ааха. рааж̇аа ‘‘саад̇ху, бан̣д̣ид̇а, сод̇хзхий’’д̇и д̇асса нияяаад̣̇зси.
Bodhisatto cintesi – ‘‘idaṃ piḷandhanaṃ antovaḷañje naṭṭhaṃ, ayañca gahapatiko bahivaḷañjo, dvārepi balavārakkho, tasmā antovaḷañjanakānampi taṃ gahetvā palāyituṃ na sakkā. Evaṃ neva bahivaḷañjanakānaṃ, na anto, uyyāne vaḷañjanakānaṃ gahaṇūpāyo dissati. Iminā duggatamanussena ‘seṭṭhissa me dinna’nti kathentena attano mokkhatthāya kathitaṃ bhavissati, seṭṭhināpi ‘purohitassa me dinna’nti kathentena ‘ekato hutvā nittharissāmī’ti cintetvā kathitaṃ bhavissati, purohitenāpi ‘gandhabbassa me dinna’nti kathentena ‘bandhanāgāre gandhabbaṃ nissāya sukhena vasissāmā’ti cintetvā kathitaṃ bhavissati, gandhabbenāpi ‘vaṇṇadāsiyā me dinna’nti kathentena ‘ekantena anukkaṇṭhitā bhavissāmā’ti cintetvā kathitaṃ bhavissati, imehi pañcahipi corehi na bhavitabbaṃ, uyyāne makkaṭā bahū, piḷandhanena ekissā makkaṭiyā hatthe āruḷhena bhavitabba’’nti. So rājānaṃ upasaṅkamitvā ‘‘mahārāja, core amhākaṃ niyyādetha, mayaṃ taṃ kiccaṃ sodhessāmā’’ti āha. Rājā ‘‘sādhu, paṇḍita, sodhehī’’ti tassa niyyādesi.
б̣од̇хисад̇д̇о ад̇д̇ано д̣̇аасабурисз баггосаабзд̇ваа д̇з бан̃жа ж̇анз згасмим̣язва таанз васаабзд̇ваа саманд̇аа аарагкам̣ гад̇ваа ган̣н̣ам̣ д̣̇ад̇ваа ‘‘яам̣ д̇з ан̃н̃аман̃н̃ам̣ гат̇знд̇и, д̇ам̣ маяхам̣ аарожзт̇аа’’д̇и вад̇ваа баггаами. д̇з д̇ат̇аа агам̣су. д̇ад̇о мануссаанам̣ саннисиннавзлааяа сздти д̇ам̣ г̇ахабад̇игам̣ ааха – ‘‘арз, д̣̇удтаг̇ахабад̇и, д̇аяаа ахам̣, маяаа ваа д̇вам̣ гахам̣ д̣̇идтабуб̣б̣о, гад̣̇аа д̇з маяхам̣ бил̣анд̇ханам̣ д̣̇инна’’нд̇и ааха. со ‘‘саами махаасздти, ахам̣ махаасаарам̣ наама ругкасаарабаад̣̇агам̣ ман̃жабийтамби на ж̇аанаами, ‘д̇ам̣ ниссааяа бана могкам̣ лабхиссаамий’д̇и звам̣ аважам̣, маа мз гуж̇жха, саамий’’д̇и ааха. бурохид̇оби сздтим̣ ааха ‘‘махаасздти, д̇вам̣ иминаа ад̇д̇ано ад̣̇иннагамзва маяхам̣ гат̇ам̣ ад̣̇аасий’’д̇и? ‘‘маяамби д̣̇вз иссараа, амхаагам̣ згад̇о худ̇ваа тид̇агаалз гаммам̣ киббам̣ нибпаж̇ж̇иссад̇ий’’д̇и гат̇зсинд̇и. г̇анд̇хаб̣б̣оби бурохид̇ам̣ ааха ‘‘б̣раахман̣а, гад̣̇аа д̇аяаа маяхам̣ бил̣анд̇ханам̣ д̣̇инна’’нд̇и? ‘‘ахам̣ д̇ам̣ ниссааяа васанадтаанз сукам̣ васиссаамий’’д̇и гат̇зсинд̇и. ван̣н̣ад̣̇аасийби г̇анд̇хаб̣б̣ам̣ ааха ‘‘арз д̣̇удтаг̇анд̇хаб̣б̣а, ахам̣ гад̣̇аа д̇ава санд̇игам̣ г̇ад̇абуб̣б̣аа, д̇вам̣ ваа мама санд̇игам̣ ааг̇ад̇абуб̣б̣о, гад̣̇аа д̇з маяхам̣ бил̣анд̇ханам̣ д̣̇инна’’нд̇и? бхаг̇ини гим̣гааран̣аа гуж̇жхаси, ‘‘амхзсу бан̃жасу згад̇о васанд̇зсу гхарааваасо бхависсад̇и, анугган̣тамаанаа сукам̣ васиссаамаа’’д̇и гат̇зсинд̇и. б̣од̇хисад̇д̇о баяож̇ид̇амануссаанам̣ санд̇игаа д̇ам̣ гат̇ам̣ суд̇ваа д̇зсам̣ д̇ат̇ад̇о ажорабхаавам̣ н̃ад̇ваа ‘‘маггадияаа г̇ахид̇абил̣анд̇ханам̣ убааязнзва баад̇зссаамий’’д̇и г̇зн̣д̣умаяаани б̣ахууни бил̣анд̇ханаани гаарзд̇ваа уяяаанз маггадияо г̇аахаабзд̇ваа хад̇т̇абаад̣̇аг̇ийваасу г̇зн̣д̣убил̣анд̇ханаани бил̣анд̇хаабзд̇ваа виссаж̇ж̇зси. ид̇араа маггадий бил̣анд̇ханам̣ рагкамаанаа уяяаанз зва нисийд̣̇и.
Bodhisatto attano dāsapurise pakkosāpetvā te pañca jane ekasmiṃyeva ṭhāne vasāpetvā samantā ārakkhaṃ katvā kaṇṇaṃ datvā ‘‘yaṃ te aññamaññaṃ kathenti, taṃ mayhaṃ ārocethā’’ti vatvā pakkāmi. Te tathā akaṃsu. Tato manussānaṃ sannisinnavelāya seṭṭhi taṃ gahapatikaṃ āha – ‘‘are, duṭṭhagahapati, tayā ahaṃ, mayā vā tvaṃ kahaṃ diṭṭhapubbo, kadā te mayhaṃ piḷandhanaṃ dinna’’nti āha. So ‘‘sāmi mahāseṭṭhi, ahaṃ mahāsāraṃ nāma rukkhasārapādakaṃ mañcapīṭhampi na jānāmi, ‘taṃ nissāya pana mokkhaṃ labhissāmī’ti evaṃ avacaṃ, mā me kujjha, sāmī’’ti āha. Purohitopi seṭṭhiṃ āha ‘‘mahāseṭṭhi, tvaṃ iminā attano adinnakameva mayhaṃ kathaṃ adāsī’’ti? ‘‘Mayampi dve issarā, amhākaṃ ekato hutvā ṭhitakāle kammaṃ khippaṃ nipphajjissatī’’ti kathesinti. Gandhabbopi purohitaṃ āha ‘‘brāhmaṇa, kadā tayā mayhaṃ piḷandhanaṃ dinna’’nti? ‘‘Ahaṃ taṃ nissāya vasanaṭṭhāne sukhaṃ vasissāmī’’ti kathesinti. Vaṇṇadāsīpi gandhabbaṃ āha ‘‘are duṭṭhagandhabba, ahaṃ kadā tava santikaṃ gatapubbā, tvaṃ vā mama santikaṃ āgatapubbo, kadā te mayhaṃ piḷandhanaṃ dinna’’nti? Bhagini kiṃkāraṇā kujjhasi, ‘‘amhesu pañcasu ekato vasantesu gharāvāso bhavissati, anukkaṇṭhamānā sukhaṃ vasissāmā’’ti kathesinti. Bodhisatto payojitamanussānaṃ santikā taṃ kathaṃ sutvā tesaṃ tathato acorabhāvaṃ ñatvā ‘‘makkaṭiyā gahitapiḷandhanaṃ upāyeneva pātessāmī’’ti geṇḍumayāni bahūni piḷandhanāni kāretvā uyyāne makkaṭiyo gāhāpetvā hatthapādagīvāsu geṇḍupiḷandhanāni piḷandhāpetvā vissajjesi. Itarā makkaṭī piḷandhanaṃ rakkhamānā uyyāne eva nisīdi.
б̣од̇хисад̇д̇о мануссз аан̣аабзси ‘‘г̇ажчат̇а д̇умхз, уяяаанз саб̣б̣аа маггадияо убад̇хаарзт̇а, яассаа д̇ам̣ бил̣анд̇ханам̣ бассат̇а, д̇ам̣ уд̇д̇аасзд̇ваа бил̣анд̇ханам̣ г̇ан̣хат̇аа’’д̇и. д̇ааби ко маггадияо ‘‘бил̣анд̇ханам̣ но лад̣̇д̇ха’’нд̇и д̇удтабахадтаа уяяаанз вижаранд̇ияо д̇ассаа санд̇игам̣ г̇анд̇ваа ‘‘басса амхаагам̣ бил̣анд̇хана’’нд̇и аахам̣су. саа маггадий асахамаанаа ‘‘гим̣ иминаа г̇зн̣д̣убил̣анд̇ханзнаа’’д̇и муд̇д̇аахаарам̣ бил̣анд̇хид̇ваа нигками. ат̇а нам̣ д̇з бурисаа д̣̇исваа бил̣анд̇ханам̣ чад̣д̣аабзд̇ваа аахарид̇ваа б̣од̇хисад̇д̇асса ад̣̇ам̣су. со д̇ам̣ аад̣̇ааяа ран̃н̃о д̣̇ассзд̇ваа ‘‘ид̣̇ам̣ д̇з д̣̇зва бил̣анд̇ханам̣, д̇з бан̃жаби ажораа, ид̣̇ам̣ бана уяяаанз маггадияаа аабхад̇а’’нд̇и ааха. ‘‘гат̇ам̣ бана д̇з, бан̣д̣ид̇а, маггадияаа хад̇т̇ам̣ аарул̣хабхааво н̃аад̇о, гат̇ам̣ д̇з г̇ахид̇а’’нд̇и? со саб̣б̣ам̣ аажигки. рааж̇аа д̇удтамаанасо ‘‘сан̇г̇аамасийсаад̣̇ийсу наама суураад̣̇аяо ижчид̇аб̣б̣аа хонд̇ий’’д̇и б̣од̇хисад̇д̇асса т̇уд̇им̣ гаронд̇о имам̣ г̇аат̇амааха –
Bodhisatto manusse āṇāpesi ‘‘gacchatha tumhe, uyyāne sabbā makkaṭiyo upadhāretha, yassā taṃ piḷandhanaṃ passatha, taṃ uttāsetvā piḷandhanaṃ gaṇhathā’’ti. Tāpi kho makkaṭiyo ‘‘piḷandhanaṃ no laddha’’nti tuṭṭhapahaṭṭhā uyyāne vicarantiyo tassā santikaṃ gantvā ‘‘passa amhākaṃ piḷandhana’’nti āhaṃsu. Sā makkaṭī asahamānā ‘‘kiṃ iminā geṇḍupiḷandhanenā’’ti muttāhāraṃ piḷandhitvā nikkhami. Atha naṃ te purisā disvā piḷandhanaṃ chaḍḍāpetvā āharitvā bodhisattassa adaṃsu. So taṃ ādāya rañño dassetvā ‘‘idaṃ te deva piḷandhanaṃ, te pañcapi acorā, idaṃ pana uyyāne makkaṭiyā ābhata’’nti āha. ‘‘Kathaṃ pana te, paṇḍita, makkaṭiyā hatthaṃ āruḷhabhāvo ñāto, kathaṃ te gahita’’nti? So sabbaṃ ācikkhi. Rājā tuṭṭhamānaso ‘‘saṅgāmasīsādīsu nāma sūrādayo icchitabbā hontī’’ti bodhisattassa thutiṃ karonto imaṃ gāthamāha –
92.
92.
‘‘уггадтз суурамижчанд̇и, манд̇ийсу агуд̇уухалам̣;
‘‘Ukkaṭṭhe sūramicchanti, mantīsu akutūhalaṃ;
бияан̃жа аннабаанамхи, ад̇т̇з ж̇аад̇з жа бан̣д̣ид̇а’’нд̇и.
Piyañca annapānamhi, atthe jāte ca paṇḍita’’nti.
д̇ад̇т̇а уггадтзд̇и убагадтз, убхад̇об̣яуул̣хз сан̇г̇аамз самбахаарз вад̇д̇амаанзд̇и ад̇т̇о. суурамижчанд̇ийд̇и асанияааби мад̇т̇агз бад̇амаанааяа абалааяинам̣ суурам̣ ижчанд̇и, д̇асмим̣ кан̣з зваруубо сан̇г̇аамаяод̇хо бад̇т̇зд̇аб̣б̣о ход̇и. манд̇ийсу агуд̇уухаланд̇и гад̇д̇аб̣б̣аагад̇д̇аб̣б̣агижжам̣ самманд̇анагаалз уббаннз манд̇ийсу яо агуд̇уухало авигин̣н̣аваажо манд̇ам̣ на бхинд̣̇ад̇и, д̇ам̣ ижчанд̇и, д̇аад̣̇исо д̇зсу таанзсу бад̇т̇зд̇аб̣б̣о ход̇и. бияан̃жа аннабаанамхийд̇и мад̇хурз аннабаанз бажжубадтид̇з сахабарибхун̃ж̇анад̇т̇ааяа бияабуг̇г̇алам̣ бад̇т̇знд̇и, д̇аад̣̇исо д̇асмим̣ гаалз бад̇т̇зд̇аб̣б̣о ход̇и. ад̇т̇з ж̇аад̇з жа бан̣д̣ид̇анд̇и ад̇т̇аг̇амбхийрз д̇хаммаг̇амбхийрз гисмин̃жид̣̇зва гааран̣з ваа бан̃хз ваа уббаннз бан̣д̣ид̇ам̣ вижагкан̣ам̣ ижчанд̇и. д̇ат̇ааруубо хи д̇асмим̣ самаяз бад̇т̇зд̇аб̣б̣о ход̇ийд̇и.
Tattha ukkaṭṭheti upakaṭṭhe, ubhatobyūḷhe saṅgāme sampahāre vattamāneti attho. Sūramicchantīti asaniyāpi matthake patamānāya apalāyinaṃ sūraṃ icchanti, tasmiṃ khaṇe evarūpo saṅgāmayodho patthetabbo hoti. Mantīsu akutūhalanti kattabbākattabbakiccaṃ sammantanakāle uppanne mantīsu yo akutūhalo avikiṇṇavāco mantaṃ na bhindati, taṃ icchanti, tādiso tesu ṭhānesu patthetabbo hoti. Piyañca annapānamhīti madhure annapāne paccupaṭṭhite sahaparibhuñjanatthāya piyapuggalaṃ patthenti, tādiso tasmiṃ kāle patthetabbo hoti. Atthe jāte ca paṇḍitanti atthagambhīre dhammagambhīre kismiñcideva kāraṇe vā pañhe vā uppanne paṇḍitaṃ vicakkhaṇaṃ icchanti. Tathārūpo hi tasmiṃ samaye patthetabbo hotīti.
звам̣ рааж̇аа б̣од̇хисад̇д̇ам̣ ван̣н̣зд̇ваа т̇омзд̇ваа гханавассам̣ вассзнд̇о махаамзгхо вияа сад̇д̇аахи рад̇анзхи бууж̇зд̇ваа д̇ассоваад̣̇з тад̇ваа д̣̇аанаад̣̇ийни бун̃н̃аани гад̇ваа яат̇аагаммам̣ г̇ад̇о, б̣од̇хисад̇д̇оби яат̇аагаммам̣ г̇ад̇о.
Evaṃ rājā bodhisattaṃ vaṇṇetvā thometvā ghanavassaṃ vassento mahāmegho viya sattāhi ratanehi pūjetvā tassovāde ṭhatvā dānādīni puññāni katvā yathākammaṃ gato, bodhisattopi yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа т̇зрасса г̇ун̣ам̣ гат̇зд̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа аананд̣̇о ахоси, бан̣д̣ид̇аамажжо бана ахамзва ахоси’’нд̇и.
Satthā imaṃ dhammadesanaṃ āharitvā therassa guṇaṃ kathetvā jātakaṃ samodhānesi – ‘‘tadā rājā ānando ahosi, paṇḍitāmacco pana ahameva ahosi’’nti.
махаасаараж̇аад̇агаван̣н̣анаа д̣̇уд̇ияаа.
Mahāsārajātakavaṇṇanā dutiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 92. махаасаараж̇аад̇агам̣ • 92. Mahāsārajātakaṃ
