2. махаасийханаад̣̇асуд̇д̇аван̣н̣анаа

взсаалинаг̇араван̣н̣анаа

146. звам̣ мз суд̇анд̇и махаасийханаад̣̇асуд̇д̇ам̣. д̇ад̇т̇а взсаалияанд̇и звам̣наамагз наг̇арз. д̇ам̣ гира абараабарам̣ висаалийбхууд̇ад̇ааяа ‘‘взсаалий’’д̇и сан̇кам̣ г̇ад̇ам̣. д̇ад̇рааяам̣ анубуб̣б̣агат̇аа – б̣аараан̣асиран̃н̃о гира аг̇г̇амахзсияаа гужчимхи г̇аб̣бхо сан̣тааси. саа н̃ад̇ваа ран̃н̃о нивзд̣̇зси. рааж̇аа г̇аб̣бхабарихаарам̣ ад̣̇ааси. саа саммаа барихарийяамаанаа г̇аб̣бхабарибаагагаалз виж̇ааяанагхарам̣ баависи. бун̃н̃аванд̇ийнам̣ бажжуусасамаяз г̇аб̣бхавудтаанам̣ ход̇и, саа жа д̇аасам̣ ан̃н̃ад̇араа, д̇зна бажжуусасамаяз алад̇д̇агабадалаб̣анд̇хуж̇ийвагабубпасад̣̇исам̣ мам̣сабзсим̣ виж̇ааяи. д̇ад̇о ‘‘ан̃н̃аа д̣̇звияо суван̣н̣аб̣имб̣асад̣̇исз буд̇д̇з виж̇ааяанд̇и, аг̇г̇амахзсий мам̣сабзсинд̇и ран̃н̃о бурад̇о мама аван̣н̣о уббаж̇ж̇зяяаа’’д̇и жинд̇зд̇ваа д̇зна аван̣н̣абхаязна д̇ам̣ мам̣сабзсим̣ згасмим̣ бхааж̇анз багкибид̇ваа бадигуж̇ж̇ид̇ваа рааж̇амуд̣̇д̣̇игааяа лан̃чзд̇ваа г̇ан̇г̇ааяа сод̇з багкибаабзси. мануссзхи чад̣д̣ид̇амад̇д̇з д̣̇звад̇аа аарагкам̣ сам̣вид̣̇ахим̣су. суван̣н̣абаддаган̃жзд̇т̇а ж̇аад̇ихин̇г̇улагзна ‘‘б̣аараан̣асиран̃н̃о аг̇г̇амахзсияаа баж̇аа’’д̇и ликид̇ваа б̣анд̇хим̣су. д̇ад̇о д̇ам̣ бхааж̇анам̣ уумибхаяаад̣̇ийхи анубад̣̇д̣̇уд̇ам̣ г̇ан̇г̇аасод̇зна бааяааси.

д̇зна жа самаязна ан̃н̃ад̇аро д̇аабасо г̇обаалагагулам̣ ниссааяа г̇ан̇г̇аад̇ийрз вихарад̇и. со баад̇ова г̇ан̇г̇ам̣ од̇ин̣н̣о д̇ам̣ бхааж̇анам̣ ааг̇ажчанд̇ам̣ д̣̇исваа бам̣сугууласан̃н̃ааяа аг̇г̇ахзси. ат̇зд̇т̇а д̇ам̣ агкарабаддигам̣ рааж̇амуд̣̇д̣̇игаалан̃чанам̣ жа д̣̇исваа мун̃жид̇ваа д̇ам̣ мам̣сабзсим̣ ад̣̇д̣̇аса, д̣̇исваанасса зд̇ад̣̇ахоси ‘‘сияаа г̇аб̣бхо, д̇ат̇аа хисса д̣̇уг̇г̇анд̇хабууд̇игабхааво над̇т̇ий’’д̇и. ассамам̣ нзд̇ваа суд̣̇д̇хз огаасз табзси. ат̇а ад̣дхамаасажжаязна д̣̇вз мам̣сабзсияо ахзсум̣. д̇аабасо д̣̇исваа саад̇худ̇арам̣ табзси. д̇ад̇о буна ад̣дхамаасажжаязна згамзгиссаа мам̣сабзсияаа хад̇т̇абаад̣̇асийсаанамад̇т̇ааяа бан̃жа бан̃жа бил̣агаа удтахим̣су. ат̇а д̇ад̇о ад̣дхамаасажжаязна згаа мам̣сабзси суван̣н̣аб̣имб̣асад̣̇исо д̣̇аараго, згаа д̣̇ааригаа ахоси.

д̇зсу д̇аабасасса буд̇д̇асинзхо уббаж̇ж̇и, ан̇г̇удтагад̇о жасса кийрам̣ ниб̣б̣ад̇д̇и. д̇ад̇о бабхуд̇и жа кийрабхад̇д̇ам̣ алабхид̇т̇а, со бхад̇д̇ам̣ бхун̃ж̇ид̇ваа кийрам̣ д̣̇аарагаанам̣ мукз аасин̃жад̇и. д̇зсам̣ уд̣̇арам̣ яам̣ яам̣ бависад̇и, д̇ам̣ д̇ам̣ саб̣б̣ам̣ ман̣ибхааж̇анаг̇ад̇ам̣ вияа д̣̇иссад̇и, звам̣ нижчавий ахзсум̣. абарз ааху ‘‘сиб̣б̣зд̇ваа табид̇аа вияа нзсам̣ ан̃н̃аман̃н̃ам̣ лийнаа чави ахосий’’д̇и. звам̣ д̇з нижчавид̇ааяа ваа лийнажчавид̇ааяа ваа лижчавийд̇и бан̃н̃ааяим̣су.

д̇аабасо д̣̇аарагз босзнд̇о уссуурз г̇аамам̣ сигкааяа бависад̇и, ад̇ид̣̇иваа бадиггамад̇и. д̇асса д̇ам̣ б̣яаабаарам̣ н̃ад̇ваа г̇обаалагаа аахам̣су – ‘‘бханд̇з, баб̣б̣аж̇ид̇аанам̣ д̣̇аарагабосанам̣ балиб̣од̇хо, амхаагам̣ д̣̇аарагз д̣̇зт̇а, маяам̣ босзссаама, д̇умхз ад̇д̇ано гаммам̣ гарот̇аа’’д̇и. д̇аабасо саад̇хууд̇и бадиссун̣и. г̇обаалагаа д̣̇уд̇ияад̣̇ивасз маг̇г̇ам̣ самам̣ гад̇ваа бубпзхи огирид̇ваа д̇хаж̇абадаагаа уссаабзд̇ваа д̇ууриязхи важ̇ж̇амаанзхи ассамам̣ ааг̇ад̇аа. д̇аабасо – ‘‘махаабун̃н̃аа д̣̇аарагаа аббамаад̣̇зна вад̣дхзт̇а, вад̣дхзд̇ваа жа ан̃н̃аман̃н̃ам̣ ааваахавиваахам̣ гарот̇а, бан̃жаг̇орасзна рааж̇аанам̣ д̇осзд̇ваа бхуумибхааг̇ам̣ г̇ахзд̇ваа наг̇арам̣ маабзт̇а, д̇ад̇т̇а гумаарам̣ абхисин̃жат̇аа’’д̇и вад̇ваа д̣̇аарагз ад̣̇ааси. д̇з саад̇хууд̇и бадиссун̣ид̇ваа д̣̇аарагз нзд̇ваа босзсум̣.

д̣̇аарагаа вуд̣̇д̇химанвааяа гийл̣анд̇аа виваад̣̇адтаанзсу ан̃н̃з г̇обаалагад̣̇аарагз хад̇т̇знаби баад̣̇знаби бахаранд̇и. д̇з род̣̇анд̇и. ‘‘гисса род̣̇ат̇аа’’д̇и жа маад̇аабид̇уухи вуд̇д̇аа ‘‘имз ниммаад̇аабид̇игаа д̇аабасабосид̇аа амхз ад̇ибахаранд̇ий’’д̇и вад̣̇анд̇и. д̇ад̇о д̇зсам̣ маад̇аабид̇аро ‘‘имз д̣̇аарагаа ан̃н̃з д̣̇аарагз винаасзнд̇и д̣̇угкаабзнд̇и, на имз сан̇г̇ахзд̇аб̣б̣аа, важ̇ж̇зд̇аб̣б̣аа имз’’д̇и аахам̣су. д̇ад̇о бабхуд̇и гира со бад̣̇зсо важ̇ж̇ийд̇и вужжад̇и яож̇анасад̇иго баримаан̣зна. ат̇а д̇ам̣ бад̣̇зсам̣ г̇обаалагаа рааж̇аанам̣ д̇осзд̇ваа аг̇г̇ахзсум̣. д̇ад̇т̇а жа наг̇арам̣ маабзд̇ваа сол̣асавассуд̣̇д̣̇зсигам̣ гумаарам̣ абхисин̃жид̇ваа рааж̇аанам̣ агам̣су. д̇ааяа жасса д̣̇ааригааяа сад̣̇д̇хим̣ виваахам̣ гад̇ваа гад̇игам̣ агам̣су ‘‘б̣аахирагад̣̇ааригаа на аанзд̇аб̣б̣аа, ид̇о д̣̇ааригаа на гассажи д̣̇аад̇аб̣б̣аа’’д̇и. д̇зсам̣ батамасам̣ваасзна д̣̇вз д̣̇аарагаа ж̇аад̇аа д̇хийд̇аа жа буд̇д̇о жа. звам̣ сол̣асагкад̇д̇ум̣ д̣̇вз д̣̇вз ж̇аад̇аа. д̇ад̇о д̇зсам̣ д̣̇аарагаанам̣ яат̇ааггамам̣ вад̣дханд̇аанам̣ аараамуяяаананиваасадтаанабариваарасамбад̇д̇им̣ г̇ахзд̇ум̣ аббахонд̇аа наг̇арам̣ д̇игкад̇д̇ум̣ г̇аавуд̇анд̇арзна г̇аавуд̇анд̇арзна баригкибим̣су . д̇асса бунаббунам̣ висаалийгад̇ад̇д̇аа взсаалийд̇взва наамам̣ ж̇аад̇ам̣. д̇зна вуд̇д̇ам̣ ‘‘взсаалияанд̇и звам̣ наамагз наг̇арз’’д̇и.

01 б̣ахинаг̇арзд̇и наг̇арасса б̣ахи, на амб̣абааливанам̣ вияа анд̇онаг̇арасмим̣. аяам̣ бана ж̇ийвагамб̣аванам̣ вияа наг̇арасса б̣ахид̣̇д̇хаа ванасан̣д̣о. д̇зна вуд̇д̇ам̣ ‘‘б̣ахинаг̇арз’’д̇и. абарабурзд̇и бурасса абарз, бажчимад̣̇исааяанд̇и ад̇т̇о. ванасан̣д̣зд̇и со гира ванасан̣д̣о наг̇арасса бажчимад̣̇исааяам̣ г̇аавуд̇амад̇д̇з таанз. д̇ад̇т̇а мануссаа бхаг̇авад̇о г̇анд̇хагудим̣ гад̇ваа д̇ам̣ бариваарзд̇ваа бхигкуунам̣ рад̇д̇идтаанад̣̇иваадтаанажан̇гамалзн̣агудиман̣д̣абаад̣̇ийни бад̇идтабзсум̣, бхаг̇аваа д̇ад̇т̇а вихарад̇и. д̇зна вуд̇д̇ам̣ ‘‘абарабурз ванасан̣д̣з’’д̇и. сунагкад̇д̇од̇и д̇асса наамам̣. лижчавийнам̣ бана буд̇д̇ад̇д̇аа лижчавибуд̇д̇од̇и вуд̇д̇о. ажирабагганд̇од̇и виб̣бхамид̇ваа г̇ихибхаавуубаг̇аманзна ад̇хунаабагганд̇о. барисад̇ийд̇и барисамаж̇жхз. уд̇д̇аримануссад̇хаммаад̇и зд̇т̇а мануссад̇хаммаа наама д̣̇асагусалагаммабат̇аа. д̇з бадисзд̇хзд̇ум̣ на саггод̇и. гасмаа? убаарамбхабхаяаа. взсаалияан̃хи б̣ахуу мануссаа рад̇анад̇д̇аяз басаннаа б̣уд̣̇д̇хамаамагаа д̇хаммамаамагаа сан̇гхамаамагаа. д̇з д̣̇асагусалагаммабат̇амад̇д̇амби над̇т̇и саман̣асса г̇од̇амассаад̇и вуд̇д̇з д̇вам̣ гад̇т̇а бхаг̇аванд̇ам̣ баан̣ам̣ хананд̇ам̣ ад̣̇д̣̇аса, гад̇т̇а ад̣̇иннам̣ аад̣̇ияанд̇анд̇иаад̣̇ийни вад̇ваа ад̇д̇ано бамаан̣ам̣ на ж̇аанааси? гим̣ д̣̇анд̇аа мз ад̇т̇ийд̇и баасаан̣асагкараа каад̣̇аси, ахинан̇г̇удтз г̇ан̣хид̇ум̣ вааяамаси, гагажад̣̇анд̇зсу бубпаавал̣игам̣ гийл̣ид̇ум̣ ижчаси? мукад̇о д̇з д̣̇анд̇з баад̇зссаамаад̇и вад̣̇зяяум̣. со д̇зсам̣ убаарамбхабхаяаа звам̣ вад̇д̇ум̣ на саггод̇и.

взсаалинаг̇араван̣н̣анаа нидтид̇аа.

уд̇д̇аримануссад̇хаммаад̣̇иван̣н̣анаа

д̇ад̇о уд̇д̇арим̣ бана висзсаад̇хиг̇амам̣ бадисзд̇хзнд̇о уд̇д̇ари мануссад̇хаммаа аламарияан̃аан̣ад̣̇ассанависзсод̇и ааха.

д̇ад̇т̇а аламарияам̣ н̃аад̇унд̇и аламарияо, арияабхаавааяа самад̇т̇од̇и вуд̇д̇ам̣ ход̇и. н̃аан̣ад̣̇ассанамзва н̃аан̣ад̣̇ассанависзсо. аламарияо жа со н̃аан̣ад̣̇ассанависзсо жаад̇и аламарияан̃аан̣ад̣̇ассанависзсо. н̃аан̣ад̣̇ассананд̇и д̣̇иб̣б̣ажагкуби вибассанааби маг̇г̇оби паламби бажжавзгкан̣ан̃аан̣амби саб̣б̣ан̃н̃уд̇ан̃н̃аан̣амби вужжад̇и. ‘‘аббамад̇д̇о самаано н̃аан̣ад̣̇ассанам̣ аараад̇хзд̇ий’’д̇и (ма. ни. 1.311) хи зд̇т̇а д̣̇иб̣б̣ажагку н̃аан̣ад̣̇ассанам̣ наама. ‘‘н̃аан̣ад̣̇ассанааяа жид̇д̇ам̣ абхинийхарад̇и абхининнаамзд̇ий’’д̇и (д̣̇ий. ни. 1.235) зд̇т̇а вибассанаан̃аан̣ам̣. ‘‘абхаб̣б̣аа д̇з н̃аан̣ад̣̇ассанааяа ануд̇д̇арааяа самб̣од̇хааяаа’’д̇и (а. ни. 4.196) зд̇т̇а маг̇г̇о. ‘‘аяаман̃н̃о уд̇д̇ари мануссад̇хаммаа аламарияан̃аан̣ад̣̇ассанависзсо ад̇хиг̇ад̇о паасу вихааро’’д̇и (ма. ни. 1.328) зд̇т̇а палам̣. ‘‘н̃аан̣ан̃жа бана мз д̣̇ассанам̣ уд̣̇абаад̣̇и, агуббаа мз жзд̇овимуд̇д̇и, аяаманд̇имаа ж̇аад̇и, над̇т̇и д̣̇аани бунаб̣бхаво’’д̇и (махаава. 16) зд̇т̇а бажжавзгкан̣ан̃аан̣ам̣. ‘‘н̃аан̣ан̃жа бана мз д̣̇ассанам̣ уд̣̇абаад̣̇и сад̇д̇аахагаалан̇гад̇о аал̣ааро гаал̣аамо’’д̇и (ма. ни. 2.340) зд̇т̇а саб̣б̣ан̃н̃уд̇ан̃н̃аан̣ам̣. ид̇ха бана логуд̇д̇арамаг̇г̇о ад̇хиббзд̇о. д̇ан̃хи со бхаг̇авад̇о бадисзд̇хзд̇и.

д̇аггабарияаахад̇анд̇и иминаа аажарияам̣ бадиб̣аахад̇и. звам̣ гирасса ахоси – саман̣зна г̇од̇амзна аажарияз убасан̇гамид̇ваа сукумам̣ д̇хамманд̇арам̣ г̇ахид̇ам̣ наама над̇т̇и, д̇аггабарияаахад̇ам̣ бана д̇аггзд̇ваа звам̣ бхависсад̇и звам̣ бхависсад̇ийд̇и д̇аггабарияаахад̇ам̣ д̇хаммам̣ д̣̇зсзд̇ийд̇и. виймам̣саанужарид̇анд̇и иминаа жасса логияабан̃н̃ам̣ ануж̇аанаад̇и. саман̣о г̇од̇амо бан̃н̃аваа, со д̇ам̣ бан̃н̃аасан̇каад̇ам̣ инд̣̇аваж̇ируубамам̣ виймам̣сам̣ звам̣ ваддиссад̇и, звам̣ ваддиссад̇ийд̇и ид̇о жид̇о жа анужараабзд̇ваа виймам̣сааяа анужарид̇ам̣ д̇хаммам̣ д̣̇зсзд̇и. саяам̣бадибхаананд̇и иминаасса д̇хаммзсу бажжагкабхаавам̣ бадиб̣аахад̇и. звам̣ хисса ахоси – саман̣асса г̇од̇амасса сукумам̣ д̇хамманд̇арам̣ вибассанаа ваа маг̇г̇о ваа палам̣ ваа бажжавзгкан̣аа ваа над̇т̇и, аяам̣ бана лад̣̇д̇хабарисо, рааж̇аанам̣ жаггавад̇д̇им̣ вияа нам̣ жад̇д̇ааро ван̣н̣аа бариваарзнд̇и, супусид̇ам̣ банасса д̣̇анд̇ааваран̣ам̣, муд̣̇угаа ж̇ивхаа, мад̇хуро саро, анзлаг̇ал̣аа ваажаа, со яам̣ яад̣̇звасса убадтаад̇и, д̇ам̣ д̇ам̣ г̇ахзд̇ваа саяам̣бадибхаанам̣ гат̇знд̇о махааж̇анам̣ ран̃ж̇зд̇ийд̇и.

яасса жа кваасса ад̇т̇ааяа д̇хаммо д̣̇зсид̇од̇и яасса жа ко ад̇т̇ааяа асса д̇хаммо д̣̇зсид̇о. сзяяат̇ид̣̇ам̣, рааг̇абадигхаад̇ад̇т̇ааяа асубхагаммадтаанам̣, д̣̇осаббадигхаад̇ад̇т̇ааяа мзд̇д̇аабхааванаа, мохабадигхаад̇ад̇т̇ааяа бан̃жа д̇хаммаа, вид̇аггуубажчзд̣̇ааяа аанаабаанассад̇и.

со нияяаад̇и д̇аггарасса саммаа д̣̇угкагкаяааяаад̇и со д̇хаммо яо д̇ам̣ яат̇аад̣̇зсид̇ам̣ гарод̇и, д̇асса д̇аггарасса саммаа хзд̇унаа наязна гааран̣зна ваддад̣̇угкагкаяааяа нияяаад̇и г̇ажчад̇и д̇амад̇т̇ам̣ саад̇хзд̇ийд̇и д̣̇ийбзд̇и . ид̣̇ам̣ банзса на ад̇д̇ано аж̇жхаасаязна вад̣̇ад̇и. б̣уд̣̇д̇хаанан̃хи д̇хаммо анияяаанигод̇и звамзвам̣ бавзд̣̇зяяа, на бана саггод̇и вад̇д̇ум̣. гасмаа? убаарамбхабхаяаа. взсаалияан̃хи б̣ахуу сод̇аабанна-сагад̣̇ааг̇аами-анааг̇аамиубаасагаа. д̇з звам̣ вад̣̇зяяум̣ ‘‘сунагкад̇д̇а д̇вам̣ бхаг̇авад̇аа д̣̇зсид̇ад̇хаммо анияяаанигод̇и вад̣̇аси, яад̣̇и аяам̣ д̇хаммо анияяааниго, имасмим̣ наг̇арз имз гасмаа зд̇д̇агаа сод̇аабаннаа ж̇аад̇аа, зд̇д̇агаа сагад̣̇ааг̇аамий, зд̇д̇агаа анааг̇аамийд̇и буб̣б̣з вуд̇д̇анаязна убаарамбхам̣ гарзяяу’’нд̇и. со иминаа убаарамбхабхаязна анияяаанигод̇и вад̇д̇ум̣ асаггонд̇о аж̇ж̇унзна виссадтаган̣д̣ам̣ вияа асса д̇хаммо амогхо нияяаад̇и, аб̣бханд̇арз банасса гин̃жи над̇т̇ийд̇и вад̣̇ад̇и.

ассоси код̇и взсаалияам̣ б̣раахман̣агуласздтигулаад̣̇ийсу д̇ад̇т̇а д̇ад̇т̇а барисамаж̇жхз звам̣ бхаасамаанасса д̇ам̣ важанам̣ сун̣и, на бана бадисзд̇хзси. гасмаа? гаарун̃н̃ад̇ааяа. звам̣ гирасса ахоси аяам̣ гуд̣̇д̇хо жхааяамаанам̣ взл̣уванам̣ вияа багкид̇д̇алон̣ам̣ уд̣̇д̇ханам̣ вияа жа год̇хавасзна бадабадааяад̇и, маяаа бадиб̣аахид̇о бана маяиби аагхаад̇ам̣ б̣анд̇хиссад̇и, звамасса д̇ат̇ааг̇ад̇з жа маяи жаад̇и д̣̇вийсу ж̇анзсу аагхаад̇о ад̇ибхаарияо бхависсад̇ийд̇и гаарун̃н̃ад̇ааяа на бадисзд̇хзси. аби жасса звам̣ ахоси, б̣уд̣̇д̇хаанам̣ аван̣н̣агат̇анам̣ наама бун̣н̣ажанд̣̇з д̣̇осааробанасад̣̇исам̣, го имасса гат̇ам̣ г̇ан̣хиссад̇и? саяамзва кзл̣з бажчиннз мукз сугкз орамиссад̇ийд̇и иминаа гааран̣зна на бадисзд̇хзси. бин̣д̣абаад̇абадигганд̇од̇и бин̣д̣абаад̇абариязсанад̇о абаг̇ад̇о.

147. год̇ханод̇и жан̣д̣о парусо. могхабурисод̇и д̇ужчабурисо. яасса хи д̇асмим̣ ад̇д̇абхаавз маг̇г̇апалаанам̣ убаниссаяо над̇т̇и, д̇ам̣ б̣уд̣̇д̇хаа ‘‘могхабурисо’’д̇и вад̣̇анд̇и. убаниссаяз сад̇иби д̇асмим̣ кан̣з маг̇г̇з ваа палз ваа асад̇и ‘‘могхабурисо’’д̇и вад̣̇анд̇иязва. имасса бана д̇асмим̣ ад̇д̇абхаавз маг̇г̇апалаанам̣ убаниссаяо самужчинноязва, д̇зна д̇ам̣ ‘‘могхабурисо’’д̇и ааха. год̇хаа жа банасса зсаа ваажаа бхаасид̇аад̇и зсаа жа банасса ваажаа год̇хзна бхаасид̇аа.

гасмаа банзса бхаг̇авад̇о гуд̣̇д̇ход̇и? аяан̃хи буб̣б̣з бхаг̇аванд̇ам̣ убасан̇гамид̇ваа д̣̇иб̣б̣ажагкубаригаммам̣ бужчи. ат̇асса бхаг̇аваа гат̇зси. со д̣̇иб̣б̣ажагкум̣ ниб̣б̣ад̇д̇зд̇ваа аалогам̣ вад̣дхзд̇ваа д̣̇звалогз ологзнд̇о нанд̣̇анаванажид̇д̇алад̇ааванапаарусагаванамиссагаванзсу д̣̇иб̣б̣асамбад̇д̇им̣ анубхавамаанз д̣̇звабуд̇д̇з жа д̣̇звад̇хийд̇аро жа д̣̇исваа зд̇зсам̣ зваруубааяа ад̇д̇абхаавасамбад̇д̇ияаа тид̇аанам̣ гийвамад̇хуро ну ко сад̣̇д̣̇о бхависсад̇ийд̇и сад̣̇д̣̇ам̣ сод̇угаамо худ̇ваа д̣̇асаб̣алам̣ убасан̇гамид̇ваа д̣̇иб̣б̣асод̇ад̇хаад̇убаригаммам̣ бужчи. бхаг̇аваа банасса д̣̇иб̣б̣асод̇ад̇хаад̇уяаа убаниссаяо над̇т̇ийд̇и н̃ад̇ваа баригаммам̣ на гат̇зси. на хи б̣уд̣̇д̇хаа убаниссаяавирахид̇а д̇асса баригаммам̣ гат̇знд̇и. со бхаг̇авад̇и аагхаад̇ам̣ б̣анд̇хид̇ваа жинд̇зси ‘‘ахам̣ саман̣ам̣ г̇од̇амам̣ батамам̣ д̣̇иб̣б̣ажагкубаригаммам̣ бужчим̣, со ‘маяхам̣ д̇ам̣ самбаж̇ж̇ад̇у ваа маа ваа самбаж̇ж̇ад̇уу’д̇и гат̇зси. ахам̣ бана бажжад̇д̇абурисагаарзна д̇ам̣ ниб̣б̣ад̇д̇зд̇ваа д̣̇иб̣б̣асод̇ад̇хаад̇убаригаммам̣ бужчим̣, д̇ам̣ мз на гат̇зси. ад̣̇д̇хаасса звам̣ ход̇и ‘аяам̣ рааж̇абаб̣б̣аж̇ид̇о д̣̇иб̣б̣ажагкун̃аан̣ам̣ ниб̣б̣ад̇д̇зд̇ваа д̣̇иб̣б̣асод̇ад̇хаад̇ун̃аан̣ам̣ ниб̣б̣ад̇д̇зд̇ваа жзд̇обарияан̃аан̣ам̣ ниб̣б̣ад̇д̇зд̇ваа аасаваанам̣ каяан̃аан̣ам̣ ниб̣б̣ад̇д̇зд̇ваа маяаа самасамо бхависсад̇ий’д̇и иссаамажчарияавасзна маяхам̣ на гат̇зд̇ий’’д̇и. бхияяосо аагхаад̇ам̣ б̣анд̇хид̇ваа гаасааяаани чад̣д̣зд̇ваа г̇ихибхаавам̣ бад̇вааби на д̇ун̣хийбхууд̇о вижарад̇и. д̣̇асаб̣алам̣ бана асад̇аа д̇ужчзна аб̣бхаажигканд̇о вижарад̇и. д̇знааха бхаг̇аваа ‘‘год̇хаа жа банасса зсаа ваажаа бхаасид̇аа’’д̇и.

ван̣н̣о хзсо, саарибуд̇д̇аад̇и, саарибуд̇д̇а, д̇ат̇ааг̇ад̇зна сад̇асахассагаббаад̇хигаани жад̇д̇аари асан̇кязяяаани баарамияо буурзнд̇зна зд̇ад̣̇ад̇т̇амзва вааяаамо гад̇о ‘‘д̣̇зсанаад̇хаммо мз нияяааниго бхависсад̇ий’’д̇и. д̇асмаа яо звам̣ вад̣̇зяяа, со ван̣н̣ам̣язва д̇ат̇ааг̇ад̇асса бхаасад̇и. ван̣н̣о хзсо, саарибуд̇д̇а, д̇ат̇ааг̇ад̇асса г̇ун̣о зсо д̇ат̇ааг̇ад̇асса, на аг̇ун̣од̇и д̣̇ассзд̇и.

аяамби хи наама саарибуд̇д̇аад̇иаад̣̇инаа гим̣ д̣̇ассзд̇и? сунагкад̇д̇зна бадисид̣̇д̇хасса уд̇д̇аримануссад̇хаммасса ад̇д̇ани ад̇т̇ид̇ам̣ д̣̇ассзд̇и. бхаг̇аваа гира аяам̣, саарибуд̇д̇а, сунагкад̇д̇о могхабурисо над̇т̇и д̇ат̇ааг̇ад̇асса уд̇д̇аримануссад̇хаммод̇и вад̣̇ад̇и. маяхан̃жа саб̣б̣ан̃н̃уд̇ан̃н̃аан̣ам̣ наама ад̇т̇и, ид̣̇д̇хивид̇хан̃аан̣ам̣ наама ад̇т̇и, д̣̇иб̣б̣асод̇ад̇хаад̇ун̃аан̣ам̣ наама ад̇т̇и, жзд̇обарияан̃аан̣ам̣ наама ад̇т̇и, д̣̇асаб̣алан̃аан̣ам̣ наама ад̇т̇и, жад̇увзсаараж̇ж̇ан̃аан̣ам̣ наама ад̇т̇и, адтасу барисаасу агамбанан̃аан̣ам̣ наама ад̇т̇и, жад̇уяонибарижчзд̣̇аган̃аан̣ам̣ наама ад̇т̇и, бан̃жаг̇ад̇ибарижчзд̣̇аган̃аан̣ам̣ наама ад̇т̇и, саб̣б̣зби жзд̇з уд̇д̇аримануссад̇хаммааязва. зваруубзсу уд̇д̇аримануссад̇хаммзсу згассааби виж̇аананасамад̇т̇ам̣ д̇хамманваяамад̇д̇амби наама зд̇асса могхабурисасса на бхависсад̇ийд̇и зд̇амад̇т̇ам̣ д̣̇ассзд̇ум̣ аяамби хи наама саарибуд̇д̇аад̇иаад̣̇инаа наязна имам̣ д̣̇зсанам̣ аарабхи. д̇ад̇т̇а анвзд̇ийд̇и анваяо, ж̇аанаад̇и , ануб̣уж̇жхад̇ийд̇и ад̇т̇о. д̇хаммасса анваяо д̇хамманваяо, д̇ам̣ д̇ам̣ саб̣б̣ан̃н̃уд̇ан̃н̃аан̣аад̣̇ид̇хаммам̣ ж̇аананабан̃н̃ааязд̇ам̣ ад̇хиважанам̣. ‘‘ид̇иби со бхаг̇аваа’’д̇иаад̣̇ийхи зваруубамби наама маяхам̣ саб̣б̣ан̃н̃уд̇ан̃н̃аан̣асан̇каад̇ам̣ уд̇д̇аримануссад̇хаммам̣ виж̇ж̇амаанамзва ад̇т̇ийд̇и ж̇аанид̇ум̣ д̇асса могхабурисасса д̇хамманваяоби на бхависсад̇ийд̇и д̣̇ассзд̇и. ид̣̇д̇хивид̇хан̃аан̣аад̣̇ийсуби звам̣ яож̇анаа взд̣̇ид̇аб̣б̣аа.

уд̇д̇аримануссад̇хаммаад̣̇иван̣н̣анаа нидтид̇аа.

д̣̇асаб̣алан̃аан̣аад̣̇иван̣н̣анаа

148. зд̇т̇а жа гин̃жааби жзд̇обарияан̃аан̣аананд̇арам̣ д̇иссо виж̇ж̇аа вад̇д̇аб̣б̣аа сияум̣, яасмаа бана д̇аасу вуд̇д̇аасу убари д̣̇асаб̣алан̃аан̣ам̣ на барибуурад̇и, д̇асмаа д̇аа авад̇ваа д̇ат̇ааг̇ад̇асса д̣̇асаб̣алан̃аан̣ам̣ барибуурам̣ гад̇ваа д̣̇ассзнд̇о д̣̇аса ко банимаани саарибуд̇д̇аад̇иаад̣̇имааха. д̇ад̇т̇а д̇ат̇ааг̇ад̇аб̣алаанийд̇и ан̃н̃зхи асаад̇хааран̣аани д̇ат̇ааг̇ад̇ассзва б̣алаани. яат̇аа ваа буб̣б̣аб̣уд̣̇д̇хаанам̣ б̣алаани бун̃н̃уссаяасамбад̇д̇ияаа ааг̇ад̇аани, д̇ат̇аа ааг̇ад̇аб̣алаанийд̇иби ад̇т̇о. д̇ад̇т̇а д̣̇увид̇хам̣ д̇ат̇ааг̇ад̇аб̣алам̣ гааяаб̣алан̃жа н̃аан̣аб̣алан̃жа. д̇зсу гааяаб̣алам̣ хад̇т̇игулаанусаарзна взд̣̇ид̇аб̣б̣ам̣. вуд̇д̇ан̃хзд̇ам̣ бораан̣зхи –

‘‘гаалааваган̃жа г̇ан̇г̇зяяам̣, бан̣д̣арам̣ д̇амб̣абин̇г̇алам̣;

г̇анд̇хаман̇г̇алахзман̃жа, убосат̇ачад̣̇д̣̇анд̇имз д̣̇асаа’’д̇и.

имаани хи д̣̇аса хад̇т̇игулаани. д̇ад̇т̇а гаалааваганд̇и багад̇ихад̇т̇игулам̣ д̣̇адтаб̣б̣ам̣. яам̣ д̣̇асаннам̣ бурисаанам̣ гааяаб̣алам̣, д̇ам̣ згасса гаалаавагахад̇т̇ино. яам̣ д̣̇асаннам̣ гаалаавагаанам̣ б̣алам̣, д̇ам̣ згасса г̇ан̇г̇зяяасса. яам̣ д̣̇асаннам̣ г̇ан̇г̇зяяаанам̣, д̇ам̣ згасса бан̣д̣арасса. яам̣ д̣̇асаннам̣ бан̣д̣араанам̣, д̇ам̣ згасса д̇амб̣асса. яам̣ д̣̇асаннам̣ д̇амб̣аанам̣, д̇ам̣ згасса бин̇г̇аласса. яам̣ д̣̇асаннам̣ бин̇г̇алаанам̣, д̇ам̣ згасса г̇анд̇хахад̇т̇ино. яам̣ д̣̇асаннам̣ г̇анд̇хахад̇т̇ийнам̣, д̇ам̣ згасса ман̇г̇аласса. яам̣ д̣̇асаннам̣ ман̇г̇алаанам̣, д̇ам̣ згасса хзмавад̇асса. яам̣ д̣̇асаннам̣ хзмавад̇аанам̣, д̇ам̣ згасса убосат̇асса. яам̣ д̣̇асаннам̣ убосат̇аанам̣, д̇ам̣ згасса чад̣̇д̣̇анд̇асса. яам̣ д̣̇асаннам̣ чад̣̇д̣̇анд̇аанам̣ д̇ам̣ згасса д̇ат̇ааг̇ад̇асса. наарааяанасан̇гхаад̇аб̣аланд̇иби ид̣̇амзва вужжад̇и . д̇ад̣̇зд̇ам̣ багад̇ихад̇т̇иг̇ан̣анааяа хад̇т̇ийнам̣ годисахассаанам̣ бурисаг̇ан̣анааяа д̣̇асаннам̣ бурисагодисахассаанам̣ б̣алам̣ ход̇и. ид̣̇ам̣ д̇аава д̇ат̇ааг̇ад̇асса гааяаб̣алам̣.

н̃аан̣аб̣алам̣ бана баал̣ияам̣ д̇аава ааг̇ад̇амзва. д̣̇асаб̣алан̃аан̣ам̣, жад̇увзсаараж̇ж̇ан̃аан̣ам̣, адтасу барисаасу агамбанан̃аан̣ам̣, жад̇уяонибарижчзд̣̇аган̃аан̣ам̣, бан̃жаг̇ад̇ибарижчзд̣̇аган̃аан̣ам̣. сам̣яуд̇д̇агз (сам̣. ни. 2.34) ааг̇ад̇аани д̇зсад̇д̇ад̇и н̃аан̣аани сад̇д̇асад̇д̇ад̇и н̃аан̣аанийд̇и звам̣ ан̃н̃ааниби анзгаани н̃аан̣асахассаани, зд̇ам̣ н̃аан̣аб̣алам̣ наама. ид̇хааби н̃аан̣аб̣аламзва ад̇хиббзд̇ам̣. н̃аан̣ан̃хи агамбияадтзна убад̇т̇амбханадтзна жа б̣аланд̇и вуд̇д̇ам̣.

язхи б̣алзхи саманнааг̇ад̇од̇и язхи д̣̇асахи н̃аан̣аб̣алзхи убзд̇о самубзд̇о. аасабхам̣ таананд̇и сздтадтаанам̣ уд̇д̇амадтаанам̣. аасабхаа ваа буб̣б̣аб̣уд̣̇д̇хаа, д̇зсам̣ таананд̇и ад̇т̇о. абижа г̇авасад̇аж̇здтаго усабхо, г̇авасахассаж̇здтаго васабхо. важ̇асад̇аж̇здтаго ваа усабхо, важ̇асахассаж̇здтаго васабхо. саб̣б̣аг̇авасздто саб̣б̣абариссаяасахо сзд̇о баасаад̣̇иго махаабхааравахо асанисад̇асад̣̇д̣̇зхиби агамбанияо нисабхо, со ид̇ха усабход̇и ад̇хиббзд̇о. ид̣̇амби хи д̇асса барияааяаважанам̣. усабхасса ид̣̇анд̇и аасабхам̣. таананд̇и жад̇уухи баад̣̇зхи бат̇авим̣ уббийл̣зд̇ваа ажаладтаанам̣. ид̣̇ам̣ бана аасабхам̣ вияаад̇и аасабхам̣. яат̇зва хи нисабхасан̇каад̇о усабхо усабхаб̣алзна саманнааг̇ад̇о жад̇уухи баад̣̇зхи бат̇авим̣ уббийл̣зд̇ваа ажаладтаанзна д̇идтад̇и, звам̣ д̇ат̇ааг̇ад̇оби д̣̇асахи д̇ат̇ааг̇ад̇аб̣алзхи саманнааг̇ад̇о жад̇уухи взсаараж̇ж̇абаад̣̇зхи адтабарисабат̇авим̣ уббийл̣зд̇ваа сад̣̇звагз логз гзнажи бажжад̇т̇игзна бажжаамид̇д̇зна агамбияо ажаладтаанзна д̇идтад̇и. звам̣ д̇идтамаанова д̇ам̣ аасабхам̣ таанам̣ бадиж̇аанаад̇и, убаг̇ажчад̇и на бажжагкаад̇и ад̇д̇ани ааробзд̇и. д̇зна вуд̇д̇ам̣ ‘‘аасабхам̣ таанам̣ бадиж̇аанаад̇ий’’д̇и.

барисаасууд̇и адтасу барисаасу. сийханаад̣̇ам̣ над̣̇ад̇ийд̇и сздтанаад̣̇ам̣ абхийд̇анаад̣̇ам̣ над̣̇ад̇и, сийханаад̣̇асад̣̇исам̣ ваа наад̣̇ам̣ над̣̇ад̇и. аяамад̇т̇о сийханаад̣̇асуд̇д̇зна д̣̇ийбзд̇аб̣б̣о. яат̇аа ваа сийхо саханад̇о хананад̇о жа сийход̇и вужжад̇и, звам̣ д̇ат̇ааг̇ад̇о логад̇хаммаанам̣ саханад̇о бараббаваад̣̇аанан̃жа хананад̇о сийход̇и вужжад̇и. звам̣ вуд̇д̇асса сийхасса наад̣̇ам̣ сийханаад̣̇ам̣. д̇ад̇т̇а яат̇аа сийхо сийхаб̣алзна саманнааг̇ад̇о саб̣б̣ад̇т̇а висаарад̣̇о виг̇ад̇аломахам̣со сийханаад̣̇ам̣ над̣̇ад̇и, звам̣ д̇ат̇ааг̇ад̇асийхоби д̇ат̇ааг̇ад̇аб̣алзхи саманнааг̇ад̇о адтасу барисаасу висаарад̣̇о виг̇ад̇аломахам̣со ид̇и руубанд̇иаад̣̇инаа наязна наанаавид̇хад̣̇зсанаавилаасасамбаннам̣ сийханаад̣̇ам̣ над̣̇ад̇и. д̇зна вуд̇д̇ам̣ ‘‘барисаасу сийханаад̣̇ам̣ над̣̇ад̇ий’’д̇и. б̣рахмажаггам̣ бавад̇д̇зд̇ийд̇и зд̇т̇а б̣рахманд̇и сздтам̣ уд̇д̇амам̣ висидтам̣. жагга-сад̣̇д̣̇о банааяам̣ –

самбад̇д̇ияам̣ лагкан̣з жа, рат̇ан̇г̇з ирияаабат̇з;

д̣̇аанз рад̇анад̇хаммуура-жаггаад̣̇ийсу жа д̣̇иссад̇и;

д̇хаммажаггз ид̇ха мад̇о, д̇ан̃жа д̣̇взд̇хаа вибхааваяз.

‘‘жад̇д̇ааримаани, бхигкавз, жаггаани, язхи саманнааг̇ад̇аанам̣ д̣̇звамануссаана’’нд̇иаад̣̇ийсу (а. ни. 4.31) хи аяам̣ самбад̇д̇ияам̣ д̣̇иссад̇и. ‘‘баад̣̇ад̇алзсу жаггаани ж̇аад̇ааний’’д̇и (д̣̇ий. ни. 2.35) зд̇т̇а лагкан̣з. ‘‘жаггам̣ва вахад̇о бад̣̇а’’нд̇и (д̇ха. ба. 1) зд̇т̇а рат̇ан̇г̇з. ‘‘жад̇ужаггам̣ навад̣̇ваара’’нд̇и (сам̣. ни. 1.29) зд̇т̇а ирияаабат̇з. ‘‘д̣̇ад̣̇ам̣ бхун̃ж̇а маа жа бамаад̣̇о, жаггам̣ бавад̇д̇аяа саб̣б̣абаан̣ина’’нд̇и (ж̇аа. 1.7.149) зд̇т̇а д̣̇аанз. ‘‘д̣̇иб̣б̣ам̣ жаггарад̇анам̣ баад̇урахосий’’д̇и (д̣̇ий. ни. 2.243) зд̇т̇а рад̇анажаггз. ‘‘маяаа бавад̇д̇ид̇ам̣ жагга’’нд̇и (су. ни. 562) зд̇т̇а д̇хаммажаггз. ‘‘ижчаахад̇асса босасса, жаггам̣ бхамад̇и мад̇т̇агз’’д̇и (ж̇аа. 1.1.104; 1.5.103) зд̇т̇а уражаггз. ‘‘курабарияанд̇зна жзби жаггзнаа’’д̇и (д̣̇ий. ни. 1.166) зд̇т̇а бахаран̣ажаггз. ‘‘асанивижагга’’нд̇и (д̣̇ий. ни. 3.61; сам̣. ни. 2.162) зд̇т̇а асаниман̣д̣алз. ид̇ха банааяам̣ д̇хаммажаггз ад̇хиббзд̇о.

д̇ам̣ бана д̇хаммажаггам̣ д̣̇увид̇хам̣ ход̇и бадивзд̇хан̃аан̣ан̃жзва д̣̇зсанаан̃аан̣ан̃жа. д̇ад̇т̇а бан̃н̃аабабхаавид̇ам̣ ад̇д̇ано арияаб̣алаавахам̣ бадивзд̇хан̃аан̣ам̣. гарун̣аабабхаавид̇ам̣ саавагаанам̣ арияаб̣алаавахам̣ д̣̇зсанаан̃аан̣ам̣. д̇ад̇т̇а бадивзд̇хан̃аан̣ам̣ уббаж̇ж̇амаанам̣ уббаннанд̇и д̣̇увид̇хам̣. д̇ан̃хи абхинигкаманад̇о яаава арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̇усид̇абхаванад̇о ваа яаава махааб̣од̇хибаллан̇гз арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̣̇ийбан̇гарад̣̇асаб̣алад̇о бадтааяа ваа яаава арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̣̇зсанаан̃аан̣амби бавад̇д̇амаанам̣ бавад̇д̇анд̇и д̣̇увид̇хам̣. д̇ан̃хи яаава ан̃н̃аад̇агон̣д̣ан̃н̃асса сод̇аабад̇д̇имаг̇г̇аа бавад̇д̇амаанам̣, палагкан̣з бавад̇д̇ам̣ наама. д̇зсу бадивзд̇хан̃аан̣ам̣ логуд̇д̇арам̣, д̣̇зсанаан̃аан̣ам̣ логияам̣. убхаяамби банзд̇ам̣ ан̃н̃зхи асаад̇хааран̣ам̣, б̣уд̣̇д̇хаанам̣язва орасан̃аан̣ам̣.

ид̣̇аани язхи б̣алзхи саманнааг̇ад̇о д̇ат̇ааг̇ад̇о аасабхам̣ таанам̣ бадиж̇аанаад̇и, яаани аад̣̇ид̇ова ‘‘д̣̇аса ко банимаани, саарибуд̇д̇а, д̇ат̇ааг̇ад̇асса д̇ат̇ааг̇ад̇аб̣алааний’’д̇и нигкид̇д̇аани, д̇аани вид̇т̇аарад̇о д̣̇ассзд̇ум̣ гад̇амаани д̣̇аса? ид̇ха, саарибуд̇д̇а, д̇ат̇ааг̇ад̇о таанан̃жа таанад̇од̇иаад̣̇имааха. д̇ад̇т̇а таанан̃жа таанад̇од̇и гааран̣ан̃жа гааран̣ад̇о. гааран̣ан̃хи яасмаа д̇ад̇т̇а палам̣ д̇идтад̇и д̇ад̣̇ааяад̇д̇авуд̇д̇ияааяа уббаж̇ж̇ад̇и жзва бавад̇д̇ад̇и жа, д̇асмаа таананд̇и вужжад̇и. д̇ам̣ бхаг̇аваа ‘‘яз яз д̇хаммаа язсам̣ язсам̣ д̇хаммаанам̣ хзд̇уу бажжаяаа уббаад̣̇ааяа, д̇ам̣ д̇ам̣ таанам̣. яз яз д̇хаммаа язсам̣ язсам̣ д̇хаммаанам̣ на хзд̇уу на бажжаяаа уббаад̣̇ааяа, д̇ам̣ д̇ам̣ адтаана’’нд̇и баж̇аананд̇о таанан̃жа таанад̇о адтаанан̃жа адтаанад̇о яат̇аабхууд̇ам̣ баж̇аанаад̇и. абхид̇хаммз банзд̇ам̣, ‘‘д̇ад̇т̇а гад̇амам̣ д̇ат̇ааг̇ад̇асса таанан̃жа таанад̇о адтаанан̃жа адтаанад̇о яат̇аабхууд̇ам̣ н̃аан̣а’’нд̇иаад̣̇инаа (вибха. 809) наязна вид̇т̇аарид̇амзва. яамбийд̇и язна н̃аан̣зна. ид̣̇амби, саарибуд̇д̇а, д̇ат̇ааг̇ад̇ассаад̇и ид̣̇амби таанаадтаанан̃аан̣ам̣ д̇ат̇ааг̇ад̇асса д̇ат̇ааг̇ад̇аб̣алам̣ наама ход̇ийд̇и ад̇т̇о. звам̣ саб̣б̣абад̣̇зсу яож̇анаа взд̣̇ид̇аб̣б̣аа.

гаммасамаад̣̇аанаананд̇и самаад̣̇ияид̇ваа гад̇аанам̣ гусалаагусалагаммаанам̣, гаммамзва ваа гаммасамаад̣̇аанам̣. таанасо хзд̇усод̇и бажжаяад̇о жзва хзд̇уд̇о жа. д̇ад̇т̇а г̇ад̇иубад̇хигаалабаяог̇аа вибаагасса таанам̣. гаммам̣ хзд̇у. имасса бана н̃аан̣асса вид̇т̇аарагат̇аа ‘‘ад̇т̇згажжаани баабагаани гаммасамаад̣̇аанаани г̇ад̇исамбад̇д̇ибадиб̣аал̣хаани на вибажжанд̇ий’’д̇иаад̣̇инаа (вибха. 810) наязна абхид̇хаммз ааг̇ад̇ааязва.

саб̣б̣ад̇т̇аг̇аамининд̇и саб̣б̣аг̇ад̇иг̇ааминим̣ аг̇ад̇иг̇ааминин̃жа. бадибад̣̇анд̇и маг̇г̇ам̣. яат̇аабхууд̇ам̣ баж̇аанаад̇ийд̇и б̣ахуусуби мануссзсу згамзва баан̣ам̣ гхаад̇знд̇зсу имасса жзд̇анаа нираяаг̇ааминий бхависсад̇и, имасса жзд̇анаа д̇иражчаанаяониг̇ааминийд̇и иминаа наязна згавад̇т̇усмимби гусалаагусалажзд̇анаасан̇каад̇аанам̣ бадибад̇д̇ийнам̣ авибарийд̇ад̇о сабхаавам̣ ж̇аанаад̇и. имасса жа н̃аан̣асса вид̇т̇аарагат̇аа ‘‘д̇ад̇т̇а гад̇амам̣ д̇ат̇ааг̇ад̇асса саб̣б̣ад̇т̇аг̇ааминим̣ бадибад̣̇ам̣ яат̇аабхууд̇ам̣ н̃аан̣ам̣? ид̇ха д̇ат̇ааг̇ад̇о аяам̣ маг̇г̇о аяам̣ бадибад̣̇аа нираяаг̇аамийд̇и баж̇аанаад̇ий’’д̇иаад̣̇инаа (вибха. 811) наязна абхид̇хаммз ааг̇ад̇ааязва.

анзгад̇хаад̇унд̇и жагкуд̇хаад̇уаад̣̇ийхи гаамад̇хаад̇уаад̣̇ийхи ваа д̇хаад̇уухи б̣ахуд̇хаад̇ум̣. наанаад̇хаад̇унд̇и д̇аасам̣язва д̇хаад̇уунам̣ вилагкан̣ад̇ааяа наанаббагаарад̇хаад̇ум̣. логанд̇и канд̇хааяад̇анад̇хаад̇улогам̣. яат̇аабхууд̇ам̣ баж̇аанаад̇ийд̇и д̇аасам̣ д̇аасам̣ д̇хаад̇уунам̣ авибарийд̇ад̇о сабхаавам̣ бадивиж̇жхад̇и. ид̣̇амби н̃аан̣ам̣ ‘‘д̇ад̇т̇а гад̇амам̣ д̇ат̇ааг̇ад̇асса анзгад̇хаад̇унаанаад̇хаад̇улогам̣ яат̇аабхууд̇ам̣ н̃аан̣ам̣, ид̇ха д̇ат̇ааг̇ад̇о канд̇ханаанад̇д̇ам̣ баж̇аанаад̇ий’’д̇иаад̣̇инаа наязна абхид̇хаммз вид̇т̇аарид̇амзва.

наанаад̇химуд̇д̇игад̇анд̇и хийнаад̣̇ийхи ад̇химуд̇д̇ийхи наанаад̇химуд̇д̇игабхаавам̣. ид̣̇амби н̃аан̣ам̣, ‘‘д̇ад̇т̇а гад̇амам̣ д̇ат̇ааг̇ад̇асса сад̇д̇аанам̣ наанаад̇химуд̇д̇игад̇ам̣ яат̇аабхууд̇ам̣ н̃аан̣ам̣, ид̇ха д̇ат̇ааг̇ад̇о баж̇аанаад̇и санд̇и сад̇д̇аа хийнаад̇химуд̇д̇игаа’’д̇и аад̣̇инаа наязна абхид̇хаммз вид̇т̇аарид̇амзва.

барасад̇д̇аананд̇и бад̇хаанасад̇д̇аанам̣. барабуг̇г̇алаананд̇и д̇ад̇о барзсам̣ хийнасад̇д̇аанам̣. згад̇т̇амзва ваа зд̇ам̣ бад̣̇ад̣̇ваяам̣. взнзяяавасзна бана д̣̇взд̇хаа вуд̇д̇ам̣. инд̣̇рияабаробарияад̇д̇анд̇и сад̣̇д̇хаад̣̇ийнам̣ инд̣̇рияаанам̣ барабхаавам̣ абарабхааван̃жа, вуд̣̇д̇хин̃жа хаанин̃жаад̇и ад̇т̇о. имассаби н̃аан̣асса вид̇т̇аарагат̇аа – ‘‘д̇ад̇т̇а гад̇амам̣ д̇ат̇ааг̇ад̇асса барасад̇д̇аанам̣ барабуг̇г̇алаанам̣ инд̣̇рияабаробарияад̇д̇ам̣ яат̇аабхууд̇ам̣ н̃аан̣ам̣, ид̇ха д̇ат̇ааг̇ад̇о сад̇д̇аанам̣ аасаяам̣ баж̇аанаад̇и анусаяам̣ баж̇аанаад̇ий’’д̇иаад̣̇инаа (вибха. 814) наязна абхид̇хаммз ааг̇ад̇ааязва.

жхаанавимогкасамаад̇хисамаабад̇д̇ийнанд̇и батамаад̣̇ийнам̣ жад̇уннам̣ жхаанаанам̣ руубий руубаани бассад̇ийд̇иаад̣̇ийнам̣ адтаннам̣ вимогкаанам̣ савид̇аггасавижаараад̣̇ийнам̣ д̇ин̣н̣ам̣ самаад̇хийнам̣ батамаж̇жхаанасамаабад̇д̇иаад̣̇ийнан̃жа наваннам̣ анубуб̣б̣асамаабад̇д̇ийнам̣. сам̣гилзсанд̇и хаанабхааг̇ияад̇хаммам̣. вод̣̇аананд̇и висзсабхааг̇ияад̇хаммам̣. вудтаананд̇и ‘‘вод̣̇аанамби вудтаанам̣. д̇амхаа д̇амхаа самаад̇химхаа вудтаанамби вудтаана’’нд̇и (вибха. 828) звам̣ вуд̇д̇абаг̇ун̣аж̇жхаанан̃жзва бхаван̇г̇апаласамаабад̇д̇ияо жа. хздтимам̣ хздтиман̃хи баг̇ун̣аж̇жхаанам̣ убаримасса убаримасса бад̣̇адтаанам̣ ход̇и. д̇асмаа ‘‘вод̣̇аанамби вудтаана’’нд̇и вуд̇д̇ам̣. бхаван̇г̇зна бана саб̣б̣аж̇жхаанзхи вудтаанам̣ ход̇и. паласамаабад̇д̇ияаа нирод̇хасамаабад̇д̇ид̇о вудтаанам̣ ход̇и. д̇ам̣ санд̇хааяа ‘‘д̇амхаа д̇амхаа самаад̇химхаа вудтаанамби вудтаана’’нд̇и вуд̇д̇ам̣. ид̣̇амби н̃аан̣ам̣ ‘‘д̇ад̇т̇а гад̇амам̣ д̇ат̇ааг̇ад̇асса жхаанавимогкасамаад̇хисамаабад̇д̇ийнам̣ сам̣гилзсам̣ вод̣̇аанам̣ вудтаанам̣ яат̇аабхууд̇ам̣ н̃аан̣ам̣, жхааяийд̇и жад̇д̇ааро жхааяий, ад̇т̇згажжо жхааяий самбад̇д̇им̣язва самаанам̣ вибад̇д̇ийд̇и бажжзд̇ий’’д̇иаад̣̇инаа (вибха. 828) наязна абхид̇хаммз вид̇т̇аарид̇ам̣. сад̇д̇аннам̣ н̃аан̣аанам̣ вид̇т̇аарагат̇аавинижчаяо саммохавинод̣̇анияам̣ вибхан̇г̇адтагат̇ааяам̣ вуд̇д̇о. буб̣б̣зниваасаануссад̇ид̣̇иб̣б̣ажагкун̃аан̣агат̇аа висуд̣̇д̇химаг̇г̇з вид̇т̇аарид̇аа. аасавагкаяагат̇аа бхаяабхзравз.

149. имаани ко саарибуд̇д̇аад̇и яаани буб̣б̣з ‘‘д̣̇аса ко банимаани, саарибуд̇д̇а, д̇ат̇ааг̇ад̇асса д̇ат̇ааг̇ад̇аб̣алааний’’д̇и авожам̣, имаани д̇аанийд̇и аббанам̣ гарод̇и. д̇ад̇т̇а бараваад̣̇ийгат̇аа ход̇и – д̣̇асаб̣алан̃аан̣ам̣ наама баадиязггам̣ над̇т̇и, саб̣б̣ан̃н̃уд̇ан̃н̃аан̣ассзвааяам̣ бабхзд̣̇од̇и. д̇ам̣ на д̇ат̇аа д̣̇адтаб̣б̣ам̣. ан̃н̃амзва хи д̣̇асаб̣алан̃аан̣ам̣, ан̃н̃ам̣ саб̣б̣ан̃н̃уд̇ан̃н̃аан̣ам̣. д̣̇асаб̣алан̃аан̣ан̃хи сагасагагижжамзва ж̇аанаад̇и. саб̣б̣ан̃н̃уд̇ан̃аан̣ам̣ д̇амби д̇ад̇о авасзсамби баж̇аанаад̇и. д̣̇асаб̣алан̃аан̣зсу хи батамам̣ гааран̣аагааран̣амзва ж̇аанаад̇и. д̣̇уд̇ияам̣ гамманд̇аравибааганд̇арамзва. д̇ад̇ияам̣ гаммабарижчзд̣̇амзва. жад̇уд̇т̇ам̣ д̇хаад̇унаанад̇д̇агааран̣амзва. бан̃жамам̣ сад̇д̇аанам̣ аж̇жхаасаяаад̇химуд̇д̇имзва. чадтам̣ инд̣̇рияаанам̣ д̇игкамуд̣̇убхаавамзва. сад̇д̇амам̣ жхаанаад̣̇ийхи сад̣̇д̇хим̣ д̇зсам̣ сам̣гилзсаад̣̇имзва. адтамам̣ буб̣б̣знивуд̇т̇аканд̇хасанд̇ад̇имзва. навамам̣ сад̇д̇аанам̣ жуд̇ибадисанд̇химзва. д̣̇асамам̣ сажжабарижчзд̣̇амзва. саб̣б̣ан̃н̃уд̇ан̃н̃аан̣ам̣ бана зд̇зхи ж̇аанид̇аб̣б̣ан̃жа д̇ад̇о уд̇д̇арин̃жа баж̇аанаад̇и. зд̇зсам̣ бана гижжам̣ на саб̣б̣ам̣ гарод̇и. д̇ан̃хи жхаанам̣ худ̇ваа аббзд̇ум̣ на саггод̇и, ид̣̇д̇хи худ̇ваа вигуб̣б̣ид̇ум̣ на саггод̇и, маг̇г̇о худ̇ваа гилзсз кзбзд̇ум̣ на саггод̇и. абижа бараваад̣̇ий звам̣ бужчид̇аб̣б̣о – ‘‘д̣̇асаб̣алан̃аан̣ам̣ наама зд̇ам̣ савид̇аггасавижаарам̣ авид̇аггавижаарамад̇д̇ам̣ авид̇аггаавижаарам̣ гаамааважарам̣ руубааважарам̣ аруубааважарам̣ логияам̣ логуд̇д̇ара’’нд̇и? ж̇аананд̇о бадибаадияаа сад̇д̇а н̃аан̣аани савид̇аггасавижаараанийд̇и вагкад̇и. д̇ад̇о бараани д̣̇вз авид̇аггаавижаараанийд̇и вагкад̇и. аасавагкаяан̃аан̣ам̣ сияаа савид̇аггасавижаарам̣, сияаа авид̇аггавижаарамад̇д̇ам̣, сияаа авид̇аггаавижааранд̇и вагкад̇и. д̇ат̇аа бадибаадияаа сад̇д̇а гаамааважараани, д̇ад̇о бараани д̣̇вз руубааважараани, авасаанз згам̣ логуд̇д̇аранд̇и вагкад̇и, саб̣б̣ан̃н̃уд̇ан̃н̃аан̣ам̣ бана савид̇аггасавижаарамзва гаамааважарамзва логияамзваад̇и вагкад̇и.

звамзд̇т̇а анубад̣̇аван̣н̣анам̣ гад̇ваа ид̣̇аани яасмаа д̇ат̇ааг̇ад̇о батамам̣язва таанаадтаанан̃аан̣зна взнзяяасад̇д̇аанам̣ аасавагкаяаад̇хиг̇амасса жзва анад̇хиг̇амасса жа таанаадтаанабхууд̇ам̣ гилзсааваран̣аабхаавам̣ бассад̇и, логияасаммаад̣̇идтидтаанад̣̇ассанад̇о нияад̇амижчаад̣̇идтидтаанаабхаавад̣̇ассанад̇о жа. ат̇а нзсам̣ гаммавибааган̃аан̣зна вибаагааваран̣аабхаавам̣ бассад̇и, д̇ихзд̇угабадисанд̇хид̣̇ассанад̇о. саб̣б̣ад̇т̇аг̇ааминийбадибад̣̇аан̃аан̣зна гаммааваран̣аабхаавам̣ бассад̇и, ананд̇арияагаммаабхаавад̣̇ассанад̇о. звам̣ анааваран̣аанам̣ анзгад̇хаад̇унаанаад̇хаад̇ун̃аан̣зна анугуулад̇хаммад̣̇зсанад̇т̇ам̣ жарияависзсам̣ бассад̇и, д̇хаад̇увзмад̇д̇ад̣̇ассанад̇о. ат̇а нзсам̣ наанаад̇химуд̇д̇игад̇аан̃аан̣зна ад̇химуд̇д̇им̣ бассад̇и, баяог̇ам̣ анаад̣̇ияид̇вааби ад̇химуд̇д̇ивасзна д̇хаммад̣̇зсанад̇т̇ам̣. ат̇звам̣ д̣̇идтаад̇химуд̇д̇ийнам̣ яат̇аасад̇д̇и яат̇ааб̣алам̣ д̇хаммам̣ д̣̇зсзд̇ум̣ инд̣̇рияабаробарияад̇д̇ан̃аан̣зна инд̣̇рияабаробарияад̇д̇ам̣ бассад̇и, сад̣̇д̇хаад̣̇ийнам̣ д̇игкамуд̣̇убхаавад̣̇ассанад̇о. звам̣ барин̃н̃аад̇инд̣̇рияабаробарияад̇д̇аа бана д̇з сажз д̣̇уурз хонд̇и, батамаж̇жхаанаад̣̇ийсу васийбхууд̇ад̇д̇аа ид̣̇д̇хивисзсзна д̇з киббам̣ убаг̇ажчад̇и. убаг̇анд̇ваа жа нзсам̣ буб̣б̣зниваасаануссад̇ин̃аан̣зна буб̣б̣аж̇аад̇ибхааванам̣, д̣̇иб̣б̣ажагкун̃аан̣аанубхаавад̇о бад̇д̇аб̣б̣зна жзд̇обарияан̃аан̣зна самбад̇и жид̇д̇ависзсам̣ бассанд̇о аасавагкаяан̃аан̣аанубхаавзна аасавагкаяаг̇ааминияаа бадибад̣̇ааяа виг̇ад̇асаммохад̇д̇аа аасавагкаяааяа д̇хаммам̣ д̣̇зсзд̇и. д̇асмаа иминаа ануггамзна имаани д̣̇асаб̣алаани вуд̇д̇аанийд̇и взд̣̇ид̇аб̣б̣аани.

д̇ам̣, саарибуд̇д̇а, ваажам̣ аббахааяаад̇иаад̣̇ийсу буна зваруубим̣ ваажам̣ на вагкаамийд̇и вад̣̇анд̇о д̇ам̣ ваажам̣ баж̇ахад̇и наама. буна зваруубам̣ жид̇д̇ам̣ на уббаад̣̇зссаамийд̇и жинд̇знд̇о жид̇д̇ам̣ баж̇ахад̇и наама. буна зваруубам̣ д̣̇идтим̣ на г̇ан̣хиссаамийд̇и баж̇аханд̇о д̣̇идтим̣ бадиниссаж̇ж̇ад̇и наама, д̇ат̇аа агаронд̇о нзва баж̇ахад̇и, на бадиниссаж̇ж̇ад̇и. со яат̇аабхад̇ам̣ нигкид̇д̇о звам̣ нираязд̇и яат̇аа нираяабаалзхи аахарид̇ваа нираяз табид̇о, звам̣ нираяз табид̇оязваад̇и взд̣̇ид̇аб̣б̣о.

ид̣̇аанисса ад̇т̇асаад̇хагам̣ убамам̣ д̣̇ассзнд̇о сзяяат̇аабийд̇иаад̣̇имааха. д̇ад̇т̇а сийласамбаннод̇иаад̣̇ийсу логияалогуд̇д̇араа сийласамаад̇хибан̃н̃аа взд̣̇ид̇аб̣б̣аа. логуд̇д̇аравасзнзва винивад̇д̇зд̇умби ваддад̇и. аяан̃хи саммааваажаагамманд̇ааж̇ийвзхи сийласамбанно, саммаавааяаамасад̇исамаад̇хийхи самаад̇хисамбанно, саммаад̣̇идтисан̇габбзхи бан̃н̃аасамбанно, со звам̣ сийлаад̣̇исамбанно бхигку яат̇аа д̣̇идтзва д̇хаммз имасмим̣язва ад̇д̇абхаавз ан̃н̃ам̣ аараад̇хзд̇и арахад̇д̇ам̣ баабун̣аад̇и, звам̣самбад̣̇амид̣̇ам̣, саарибуд̇д̇а, вад̣̇аами имамби гааран̣ам̣ зваруубамзва . яат̇аа хи маг̇г̇аананд̇арам̣ авираж̇жхид̇ваава палам̣ ниб̣б̣ад̇д̇ад̇и, звамзва имассааби буг̇г̇аласса жуд̇иананд̇арам̣ авираж̇жхид̇ваава нираяз бадисанд̇хи ход̇ийд̇и д̣̇ассзд̇и. сагаласмин̃хи б̣уд̣̇д̇хаважанз имааяа убамааяа г̇аал̣хад̇арам̣ гад̇ваа вуд̇д̇аубамаа наама над̇т̇и.

150. взсаараж̇ж̇аанийд̇и зд̇т̇а саараж̇ж̇абадибагко взсаараж̇ж̇ам̣, жад̇уусу таанзсу саараж̇ж̇аабхаавам̣ бажжавзгканд̇асса уббаннасоманассамаяан̃аан̣ассзд̇ам̣ наамам̣. саммаасамб̣уд̣̇д̇хасса д̇з бадиж̇аанад̇од̇и ахам̣ саммаасамб̣уд̣̇д̇хо, саб̣б̣з д̇хаммаа маяаа абхисамб̣уд̣̇д̇хаад̇и звам̣ бадиж̇аанад̇о д̇ава. анабхисамб̣уд̣̇д̇хаад̇и имз наама д̇хаммаа д̇аяаа анабхисамб̣уд̣̇д̇хаа. д̇ад̇ра вад̇аад̇и д̇зсу вад̇а анабхисамб̣уд̣̇д̇хаад̇и звам̣ д̣̇ассид̇ад̇хаммзсу. сахад̇хаммзнаад̇и сахзд̇унаа сагааран̣зна важанзна сунагкад̇д̇о вияа виббалабанд̇о аббамаан̣ам̣. нимид̇д̇амзд̇анд̇и зд̇т̇а буг̇г̇алоби д̇хаммоби нимид̇д̇анд̇и ад̇хиббзд̇о. д̇ам̣ буг̇г̇алам̣ на бассаами, яо мам̣ бадижод̣̇зссад̇и, д̇ам̣ д̇хаммам̣ на бассаами, яам̣ д̣̇ассзд̇ваа аяам̣ наама д̇хаммо д̇аяаа анабхисамб̣уд̣̇д̇ход̇и мам̣ бадижод̣̇зссад̇ийд̇и аяамзд̇т̇а ад̇т̇о. кзмаббад̇д̇од̇и кзмам̣ бад̇д̇о, сзсабад̣̇ад̣̇ваяам̣ имассзва взважанам̣. саб̣б̣ан̃хзд̇ам̣ взсаараж̇ж̇ан̃аан̣амзва санд̇хааяа вуд̇д̇ам̣. д̣̇асаб̣аласса хи аяам̣ наама д̇хаммо д̇аяаа анабхисамб̣уд̣̇д̇ход̇и жод̣̇агам̣ буг̇г̇алам̣ ваа жод̣̇анаагааран̣ам̣ анабхисамб̣уд̣̇д̇хад̇хаммам̣ ваа абассад̇о сабхааваб̣уд̣̇д̇хоязва ваа самаано ахам̣ б̣уд̣̇д̇хосмийд̇и вад̣̇аамийд̇и бажжавзгканд̇асса б̣алавад̇арам̣ соманассам̣ уббаж̇ж̇ад̇и. д̇зна самбаяуд̇д̇ам̣ н̃аан̣ам̣ взсаараж̇ж̇ам̣ наама. д̇ам̣ санд̇хааяа ‘‘кзмаббад̇д̇о’’д̇иаад̣̇имааха. звам̣ саб̣б̣ад̇т̇а ад̇т̇о взд̣̇ид̇аб̣б̣о.

анд̇арааяигаа д̇хаммаад̇и зд̇т̇а бана анд̇арааяам̣ гаронд̇ийд̇и анд̇арааяигаа, д̇з ад̇т̇ад̇о сан̃жижжа вийд̇игганд̇аа сад̇д̇а аабад̇д̇игканд̇хаа. сан̃жижжа вийд̇игганд̇ан̃хи анд̇амасо д̣̇уггада-д̣̇уб̣бхаасид̇амби маг̇г̇апалаанам̣ анд̇арааяам̣ гарод̇и. ид̇ха бана мзт̇унад̇хаммо ад̇хиббзд̇о. мзт̇унам̣ сзвад̇о хи яасса гассажи ниссам̣саяамзва маг̇г̇апалаанам̣ анд̇арааяо ход̇и. яасса ко бана д̇зсу ад̇т̇ааяаад̇и рааг̇агкаяаад̣̇ийсу яасса ад̇т̇ааяа. д̇хаммо д̣̇зсид̇од̇и асубхабхааванаад̣̇ид̇хаммо гат̇ид̇о . д̇ад̇ра вад̇а манд̇и д̇асмим̣ анияяаанигад̇хаммз мам̣. сзсам̣ вуд̇д̇анаязнзва взд̣̇ид̇аб̣б̣ам̣.

д̣̇асаб̣алан̃аан̣аад̣̇иван̣н̣анаа нидтид̇аа.

адтабарисаван̣н̣анаа

151. ‘‘адта ко имаа саарибуд̇д̇аа’’д̇и ид̣̇ам̣ гасмаа аарад̣̇д̇хам̣? взсаараж̇ж̇ан̃аан̣асса б̣алад̣̇ассанад̇т̇ам̣. яат̇аа хи б̣яад̇д̇ам̣ барисам̣ аж̇жхог̇аахзд̇ваа вин̃н̃уунам̣ жид̇д̇ам̣ аараад̇ханасамад̇т̇ааяа гат̇ааяа д̇хаммагат̇игасса чзгабхааво бан̃н̃ааяад̇и, звам̣ имаа адта барисаа бад̇ваа взсаараж̇ж̇ан̃аан̣асса взсаараж̇ж̇абхааво саггаа н̃аад̇унд̇и взсаараж̇ж̇ан̃аан̣асса б̣алам̣ д̣̇ассзнд̇о, адта ко имаа саарибуд̇д̇аад̇иаад̣̇имааха.

д̇ад̇т̇а кад̇д̇ияабарисаад̇и кад̇д̇ияаанам̣ саннибад̇ид̇ваа нисиннадтаанам̣, зса наяо саб̣б̣ад̇т̇а. маарагааяигаанам̣ бана саннибад̇ид̇ваа нисиннадтаанам̣ маарабарисаа взд̣̇ид̇аб̣б̣аа, на маараанам̣. саб̣б̣ааби жзд̇аа барисаа уг̇г̇адтаанад̣̇ассанавасзна г̇ахид̇аа. мануссаа хи ‘‘зд̇т̇а рааж̇аа нисинно’’д̇и багад̇иважанамби вад̇д̇ум̣ на саггонд̇и, гажчзхи сзд̣̇аа мужжанд̇и. звам̣ уг̇г̇аа кад̇д̇ияабарисаа. б̣раахман̣аа д̇ийсу взд̣̇зсу гусалаа хонд̇и, г̇ахабад̇аяо наанаавохаарзсу жзва агкаражинд̇ааяа жа. саман̣аа сагаваад̣̇абараваад̣̇зсу гусалаа хонд̇и. д̇зсам̣ маж̇жхз д̇хаммагат̇аагат̇анам̣ наама ад̇ивияа бхааро. амануссааби уг̇г̇аа хонд̇и. амануссод̇и хи вуд̇д̇амад̇д̇зби мануссаанам̣ сагаласарийрам̣ сан̇гамбад̇и, д̇зсам̣ руубам̣ ваа д̣̇исваа сад̣̇д̣̇ам̣ ваа суд̇ваа сад̇д̇аа висан̃н̃ино хонд̇и. звам̣ амануссабарисаа уг̇г̇аа. д̇аасуби д̇хаммагат̇аагат̇анам̣ наама ад̇ивияа бхааро. ид̇и уг̇г̇адтаанад̣̇ассанавасзна д̇аа г̇ахид̇аад̇и взд̣̇ид̇аб̣б̣аа.

аж̇жхог̇аахад̇ийд̇и анубависад̇и. анзгасад̇ам̣ кад̇д̇ияабарисанд̇и б̣имб̣исаарасамааг̇ама н̃аад̇исамааг̇ама лижчавийсамааг̇амасад̣̇исам̣. ан̃н̃зсуби жаггаваал̣зсу лаб̣бхад̇иязва. гим̣ бана бхаг̇аваа ан̃н̃аани жаггаваал̣ааниби г̇ажчад̇ийд̇и? аама г̇ажчад̇и. гийд̣̇исо худ̇ваа? яаад̣̇исаа д̇з, д̇аад̣̇исоязва. д̇знзвааха ‘‘абхиж̇аанаами ко банаахам̣, аананд̣̇а, анзгасад̇ам̣ кад̇д̇ияабарисам̣ убасан̇гамид̇аа, д̇ад̇т̇а яаад̣̇исаго д̇зсам̣ ван̣н̣о ход̇и, д̇аад̣̇исаго маяхам̣ ван̣н̣о ход̇и. яаад̣̇исаго д̇зсам̣ саро ход̇и, д̇аад̣̇исаго маяхам̣ саро ход̇и. д̇хаммияаа гат̇ааяа санд̣̇ассзми самаад̣̇абзми самуд̇д̇зж̇зми самбахам̣сзми. бхаасамаанан̃жа мам̣ на ж̇аананд̇и ‘го ну ко аяам̣ бхаасад̇и д̣̇зво ваа мануссо ваа’д̇и. д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа анд̇арад̇хааяаами . анд̇арахид̇ан̃жа мам̣ на ж̇аананд̇и ‘го ну ко аяам̣ анд̇арахид̇о д̣̇зво ваа мануссо ваа’’’д̇и (д̣̇ий. ни. 2.172).

кад̇д̇ияаа гзяууран̇г̇ад̣̇амаалааг̇анд̇хаад̣̇ивибхуусид̇аа наанаавирааг̇авасанаа аамуггаман̣игун̣д̣алаа мол̣ид̇хараа хонд̇и. гим̣ бхаг̇авааби звам̣ ад̇д̇аанам̣ ман̣д̣зд̇и? д̇з жа од̣̇аад̇ааби хонд̇и гаал̣ааби мам̣г̇улажчавийби. гим̣ сад̇т̇ааби зваруубо ход̇ийд̇и? сад̇т̇аа ад̇д̇ано баб̣б̣аж̇ид̇авасзнзва г̇ажчад̇и, д̇зсам̣ бана д̇аад̣̇исо худ̇ваа убадтаад̇и, г̇анд̇ваа рааж̇аасанз нисиннам̣ ад̇д̇аанам̣ д̣̇ассзд̇и, д̇зсам̣ ‘‘аж̇ж̇а амхаагам̣ рааж̇аа ад̇ивияа вирожад̇ий’’д̇и ход̇и. д̇з жа бхиннассарааби хонд̇и г̇аг̇г̇ассарааби гаагассарааби. сад̇т̇аа б̣рахмассарзнзва д̇хаммам̣ гат̇зд̇и. д̇аад̣̇исаго маяхам̣ саро ход̇ийд̇и ид̣̇ам̣ бана бхаасанд̇арам̣ санд̇хааяа гат̇ид̇ам̣. мануссаанам̣ бана д̇ам̣ суд̇ваа ‘‘аж̇ж̇а рааж̇аа мад̇хурзна сарзна гат̇зд̇ий’’д̇и ход̇и. гат̇зд̇ваа багганд̇з жа бхаг̇авад̇и буна рааж̇аанам̣ ааг̇ад̇ам̣ д̣̇исваа ‘‘го ну ко аяа’’нд̇и виймам̣саа уббаж̇ж̇ад̇и.

ид̣̇ам̣ вуд̇д̇ам̣ ход̇и – го ну ко аяам̣ имасмим̣ таанз ид̣̇аанзва мааг̇ад̇хабхаасааяа сийхал̣абхаасааяа мад̇хурзна сарзна гат̇знд̇о анд̇арахид̇о, гим̣ д̣̇зво, уд̣̇ааху мануссод̇и? гимад̇т̇ам̣ банзвам̣ аж̇аананд̇аанам̣ д̇хаммам̣ д̣̇зсзд̇ийд̇и? ваасанад̇т̇ааяа. звам̣ суд̇оби хи д̇хаммо анааг̇ад̇з бажжаяо ход̇иязваад̇и анааг̇ад̇ам̣ бадижжа д̣̇зсзд̇ийд̇и.

саннисиннабуб̣б̣анд̇и сан̇г̇амма нисиннабуб̣б̣ам̣. саллабид̇абуб̣б̣анд̇и аалаабасаллаабо гад̇абуб̣б̣о. саагажчаад̇и д̇хаммасаагажчааби самаабаж̇ж̇ид̇абуб̣б̣аа. анзгасад̇ам̣ б̣раахман̣абарисанд̇иаад̣̇ийнамби сон̣ад̣̇ан̣д̣асамааг̇амаад̣̇ивасзна жзва ан̃н̃ажаггаваал̣авасзна жа самбхаво взд̣̇ид̇аб̣б̣о.

адтабарисаван̣н̣анаа нидтид̇аа.

жад̇уяониван̣н̣анаа

152. жад̇ассо ко имаа, саарибуд̇д̇а, яонияод̇и зд̇т̇а яонийд̇и канд̇хагодтаасассаби гааран̣ассаби бассаавамаг̇г̇ассаби наамам̣. ‘‘жад̇ассо нааг̇аяонияо жад̇ассо субан̣н̣аяонияо’’д̇и (сам̣. ни. 3.342, 392) зд̇т̇а хи канд̇хагодтаасо яони наама. ‘‘яони хзсаа бхуумиж̇а паласса ад̇хиг̇амааяаа’’д̇и (ма. ни. 2.227) зд̇т̇а гааран̣ам̣. ‘‘на жаахам̣ б̣раахман̣ам̣ б̣рууми, яониж̇ам̣ мад̇д̇исамбхава’’нд̇и (ма. ни. 2.457; д̇ха. ба. 396) зд̇т̇а бассаавамаг̇г̇о. ид̇ха бана канд̇хагодтаасо яонийд̇и ад̇хиббзд̇о. д̇ад̇т̇а ан̣д̣з ж̇аад̇аа ан̣д̣аж̇аа. ж̇алааб̣умхи ж̇аад̇аа ж̇алааб̣уж̇аа. сам̣сзд̣̇з ж̇аад̇аа сам̣сзд̣̇аж̇аа. винаа зд̇зхи гааран̣зхи уббад̇ид̇ваа вияа ниб̣б̣ад̇д̇аа абхиниб̣б̣ад̇д̇аад̇и обабаад̇игаа. абхиниб̣бхиж̇ж̇а ж̇ааяанд̇ийд̇и бхинд̣̇ид̇ваа нигкаманавасзна ж̇ааяанд̇и. бууд̇игун̣абз ваад̇иаад̣̇ийхи анидтадтаанаанзва д̣̇ассид̇аани. идтзсуби саббид̇зламад̇хупаан̣ид̇аад̣̇ийсу сад̇д̇аа ж̇ааяанд̇и зва. д̣̇зваад̇иаад̣̇ийсу жаад̇умахаарааж̇игад̇о бадтааяа убарид̣̇зваа обабаад̇игаава хонд̇и. бхуумад̣̇зваа бана жад̇уяонигаа. згажжз жа мануссаад̇и мануссзсу гзжи д̣̇зваа вияа обабаад̇игаа жа хонд̇и. язбхуяязна банзд̇з ж̇алааб̣уж̇аава, ан̣д̣аж̇ааби зд̇т̇а гонд̇абуд̇д̇аа д̣̇взбхаад̇ияад̇т̇зраа вияа, сам̣сзд̣̇аж̇ааби бад̣̇умаг̇аб̣бхз ниб̣б̣ад̇д̇абогкарасаад̇иб̣раахман̣абад̣̇умавад̇ид̣̇звийаад̣̇аяо вияа, звам̣ винибаад̇игзсу ниж̇жхаамад̇ан̣хигабзд̇аа нзраяигаа вияа обабаад̇игааязва, авасзсаа жад̇уяонигааби хонд̇и. яат̇аа д̇з звам̣ яагкааби саб̣б̣ажад̇уббад̣̇абагкиж̇аад̇ид̣̇ийгхаж̇аад̇иаад̣̇аяоби саб̣б̣з жад̇уяонигааязва.

жад̇уяониван̣н̣анаа нидтид̇аа.

бан̃жаг̇ад̇иван̣н̣анаа

153. бан̃жа ко имаа, саарибуд̇д̇а, г̇ад̇ияод̇и зд̇т̇а сугад̇ад̣̇уггадагаммавасзна г̇анд̇аб̣б̣аад̇и г̇ад̇ияо. абижа г̇ад̇иг̇ад̇и ниб̣б̣ад̇д̇иг̇ад̇и аж̇жхаасаяаг̇ад̇и вибхаваг̇ад̇и нибпад̇д̇иг̇ад̇ийд̇и б̣ахувид̇хаа г̇ад̇и наама. д̇ад̇т̇а ‘‘д̇ам̣ г̇ад̇им̣ бзжжа г̇ажчаамий’’д̇и (а. ни. 4.184) жа, ‘‘яасса г̇ад̇им̣ на ж̇аананд̇и, д̣̇зваа г̇анд̇хаб̣б̣амаанусаа’’д̇и (д̇ха. ба. 420) жа аяам̣ г̇ад̇иг̇ад̇и наама. ‘‘имзсам̣ ко ахам̣ бхигкуунам̣ сийлаванд̇аанам̣ нзва ж̇аанаами г̇ад̇им̣ ваа аг̇ад̇им̣ ваа’’д̇и (ма. ни. 1.508) аяам̣ ниб̣б̣ад̇д̇иг̇ад̇и наама. ‘‘звамби ко д̇з ахам̣ б̣рахмз г̇ад̇им̣ жа баж̇аанаами ж̇уд̇ин̃жа баж̇аанаамий’’д̇и (ма. ни. 1.503) аяам̣ аж̇жхаасаяаг̇ад̇и наама. ‘‘вибхаво г̇ад̇и д̇хаммаанам̣, ниб̣б̣аанам̣ арахад̇о г̇ад̇ий’’д̇и (бари. 339) аяам̣ вибхаваг̇ад̇и наама. ‘‘д̣̇взязва г̇ад̇ияо бхаванд̇и анан̃н̃аа’’д̇и (д̣̇ий. ни. 1.258; 2.34) аяам̣ нибпад̇д̇иг̇ад̇и наама. д̇аасу ид̇ха г̇ад̇иг̇ад̇и ад̇хиббзд̇аа.

нираяод̇иаад̣̇ийсу нирад̇иад̇т̇зна нирассаад̣̇адтзна нираяо. д̇ирияам̣ ан̃чид̇аад̇и д̇иражчаанаа. д̇зсам̣ яони д̇иражчаанаяони. бзжжабхаавам̣ бад̇д̇аанам̣ висаяод̇и бзд̇д̇ивисаяо. манасо уссаннад̇д̇аа мануссаа. бан̃жахи гаамаг̇ун̣зхи ад̇д̇ано ад̇д̇ано аанубхаавзхи жа д̣̇иб̣б̣анд̇ийд̇и д̣̇зваа. нираяан̃жаахам̣, саарибуд̇д̇аад̇иаад̣̇ийсу нираяод̇и сад̣̇д̇хим̣ огаасзна канд̇хаа. д̇иражчаанаяоним̣ жаад̇иаад̣̇ийсуби зсзва наяо. маг̇г̇ам̣ бадибад̣̇анд̇и убхаязнааби вуд̇д̇аг̇ад̇исам̣вад̇д̇анига гаммамзва д̣̇ассзд̇и. яат̇аа жа бадибаннод̇и язна маг̇г̇зна яааяа бадибад̣̇ааяа бадибаннод̇и убхаяамби згад̇о гад̇ваа нид̣̇д̣̇исад̇и. абааяанд̇иаад̣̇ийсу вад̣дхисан̇каад̇аа сукасан̇каад̇аа ваа аяаа абзд̇ад̇д̇аа абааяо. д̣̇угкасса г̇ад̇и бадисаран̣анд̇и д̣̇уг̇г̇ад̇и. д̣̇уггадагаарино зд̇т̇а винибад̇анд̇ийд̇и винибаад̇о. ниб̣б̣аанан̃жааханд̇и ид̣̇ам̣ бана на гзвалам̣ г̇ад̇иг̇ад̇имзва, г̇ад̇иниссаран̣ам̣ ниб̣б̣аанамби ж̇аанаамийд̇и д̣̇ассанад̇т̇амааха. ид̇ха маг̇г̇о бадибад̣̇аад̇и убхаязнааби арияамаг̇г̇ова вуд̇д̇о.

бан̃жаг̇ад̇иван̣н̣анаа нидтид̇аа.

н̃аан̣аббавад̇д̇аагаараван̣н̣анаа

154. ид̣̇аани яат̇аавуд̇д̇зсу сад̇д̇асу таанзсу адтасу таанзсу ад̇д̇ано н̃аан̣аббавад̇д̇аагаарам̣ д̣̇ассзнд̇о ид̇хаахам̣, саарибуд̇д̇аад̇иаад̣̇имааха.

д̇ад̇т̇а зганд̇ад̣̇угкаад̇и нижжад̣̇угкаа ниранд̇арад̣̇угкаа. д̇иб̣б̣аад̇и б̣ахалаа. гадугаад̇и караа. сзяяат̇аабийд̇иаад̣̇ийни обаммад̣̇ассанад̇т̇ам̣ вуд̇д̇аани. д̇ад̇т̇а гаасууд̇и ааваадоби вужжад̇и раасиби.

‘‘гинну санд̇арамаанова, гаасум̣ кан̣аси саарат̇и;

будто мз самма агкаахи, гим̣ гаасуяаа гариссасий’’д̇и. (ж̇аа. 2.22.3) –

зд̇т̇а хи ааваадо гаасу наама.

‘‘ан̇г̇аарагаасум̣ абарз пунанд̇и, нараа руд̣̇анд̇аа барид̣̇ад̣дхаг̇ад̇д̇аа’’д̇и. (ж̇аа. 2.22.462) –

зд̇т̇а рааси. ид̇ха бана ааваадо ад̇хиббзд̇о. д̇знзвааха ‘‘саад̇хигаборисаа’’д̇и. д̇ад̇т̇а саад̇хигам̣ борисам̣ бамаан̣ам̣ ассаад̇и саад̇хигаборисаа, ад̇ирзгабан̃жарад̇анаад̇и ад̇т̇о. вийд̇ажжигаанам̣ вийд̇ад̇хуумаананд̇и зд̇ам̣ барил̣аахасса б̣алавабхаавад̣̇ийбанад̇т̇ам̣ вуд̇д̇ам̣, ажжияаа ваа сад̇и д̇хуумз ваа сад̇и, ваад̇о самудтаад̇и, д̇зна барил̣аахо на б̣алаваа ход̇и. гхаммабарзд̇од̇и гхаммаануг̇ад̇о . д̇асид̇од̇и ж̇аад̇ад̇ан̣хо. бибаасид̇од̇и уд̣̇агам̣ баад̇угаамо. згааяанзна маг̇г̇знаад̇и згабат̇знзва маг̇г̇зна, ануггаманиязна убхосу бассзсу ниранд̇араган̣дагаругкаг̇аханзна. бан̣ид̇хааяаад̇и ан̇г̇аарагаасуяам̣ бад̇т̇анаа наама над̇т̇и, ан̇г̇аарагаасум̣ аараб̣бха бана ирияаабат̇асса табид̇ад̇д̇аа звам̣ вуд̇д̇ам̣.

звамзва код̇и зд̇т̇а ид̣̇ам̣ обаммасам̣санд̣̇анам̣ – ан̇г̇аарагаасу вияа хи нираяо д̣̇адтаб̣б̣о. ан̇г̇аарагаасумаг̇г̇о вияа нираяуубаг̇ам̣ гаммам̣. маг̇г̇аарул̣хо вияа гаммасаман̇г̇ий буг̇г̇ало. жагкумаа бурисо вияа д̣̇иб̣б̣ажагкуго бхаг̇аваа. яат̇аа со бурисо маг̇г̇аарул̣хам̣ д̣̇исваа виж̇аанаад̇и ‘‘аяам̣ иминаа маг̇г̇зна г̇анд̇ваа ан̇г̇аарагаасуяам̣ бад̇иссад̇ий’’д̇и, звамзвам̣ бхаг̇аваа баан̣аад̇ибаад̇аад̣̇ийсу яам̣гин̃жи гаммам̣ ааяууханд̇ам̣ звам̣ ж̇аанаад̇и ‘‘аяам̣ имам̣ гаммам̣ гад̇ваа нираяз ниб̣б̣ад̇д̇иссад̇д̇ий’’д̇и. яат̇аа со бурисо абарабхааг̇з д̇ам̣ ан̇г̇аарагаасуяаа бад̇ид̇ам̣ бассад̇и, звамзва бхаг̇аваа абарабхааг̇з ‘‘со бурисо д̇ам̣ гаммам̣ гад̇ваа гухим̣ ниб̣б̣ад̇д̇о’’д̇и аалогам̣ вад̣дхзд̇ваа д̣̇иб̣б̣ажагкунаа ологзнд̇о нираяз ниб̣б̣ад̇д̇ам̣ бассад̇и бан̃жавид̇хаб̣анд̇ханаад̣̇имахаад̣̇угкам̣ анубхаванд̇ам̣. д̇ад̇т̇а гин̃жааби д̇асса гаммааяууханагаалз ан̃н̃о ван̣н̣о, нираяз ниб̣б̣ад̇д̇асса ан̃н̃о. ат̇ааби ‘‘со сад̇д̇о д̇ам̣ гаммам̣ гад̇ваа гад̇т̇а ниб̣б̣ад̇д̇о’’д̇и ологзнд̇асса анзгасахассаанам̣ сад̇д̇аанам̣ маж̇жхз тид̇оби ‘‘аяам̣ со’’д̇и соязва сад̇д̇о аабаат̇ам̣ ааг̇ажчад̇и, ‘‘д̣̇иб̣б̣ажагкуб̣алам̣ наама зд̇а’’нд̇и вад̣̇анд̇и.

д̣̇уд̇ияаубамааяам̣ яасмаа ан̇г̇аарагаасуяам̣ вияа г̇уут̇агуубз барил̣аахо над̇т̇и, д̇асмаа ‘‘зганд̇ад̣̇угкаа’’д̇и авад̇ваа ‘‘д̣̇угкаа’’д̇иаад̣̇имааха. зд̇т̇ааби буриманаязнзва обаммасам̣санд̣̇анам̣ взд̣̇ид̇аб̣б̣ам̣ . имамби хи буг̇г̇алам̣ бхаг̇аваа хад̇т̇ияониаад̣̇ийсу яад̇т̇а гад̇т̇ажи ниб̣б̣ад̇д̇ам̣ вад̇хаб̣анд̇ханааагад̣дханавигад̣дханаад̣̇ийхи махаад̣̇угкам̣ анубхавамаанам̣ бассад̇иязва.

д̇ад̇ияаубамааяам̣ д̇анубад̇д̇абалаасод̇и на аб̣бхабадалам̣ вияа д̇анубан̣н̣о, вирал̣абан̣н̣ад̇д̇ам̣ банасса санд̇хааяа ид̣̇ам̣ вуд̇д̇ам̣. габ̣аражчааяод̇и вирал̣ажчааяо. д̣̇угкаб̣ахулаад̇и бзд̇д̇ивисаяасмин̃хи д̣̇угкамзва б̣ахулам̣, сукам̣ барид̇д̇ам̣ гад̣̇аажи анубхавид̇аб̣б̣ам̣ ход̇и, д̇асмаа звамааха. зд̇т̇ааби буриманаязнзва обаммасам̣санд̣̇анам̣ взд̣̇ид̇аб̣б̣ам̣.

жад̇уд̇т̇аубамааяам̣ б̣ахалабад̇д̇абалаасод̇и ниранд̇арабан̣н̣о бад̇д̇асан̃чанно. санд̇ажчааяод̇и баасаан̣ажчад̇д̇ам̣ вияа гханажчааяо. сукаб̣ахулаа взд̣̇анаад̇и мануссалогз кад̇д̇ияагулаад̣̇ийсу сукаб̣ахулаа взд̣̇анаа взд̣̇аяид̇аб̣б̣аа ход̇и, д̇аа взд̣̇аяамаанам̣ нибаннам̣ ваа нисиннам̣ ваа бассаамийд̇и д̣̇ассзд̇и. ид̇хааби обаммасам̣санд̣̇анам̣ буриманаязнзва взд̣̇ид̇аб̣б̣ам̣.

бан̃жамаубамааяам̣ баасаад̣̇од̇и д̣̇ийгхабаасаад̣̇о. уллид̇д̇аавалид̇д̇анд̇и анд̇о жзва уллид̇д̇ам̣ б̣ахи жа авалид̇д̇ам̣. пусид̇аг̇г̇ал̣анд̇и д̣̇ваараб̣аахаахи сад̣̇д̇хим̣ субихид̇агаваадам̣. г̇онагад̇т̇ад̇од̇и жад̇уран̇г̇улаад̇хигаломзна гаал̣агож̇авзна ад̇т̇ад̇о. бадигад̇т̇ад̇од̇и ун̣н̣аамаязна сзд̇аад̇т̇аран̣зна ад̇т̇ад̇о. бадалигад̇т̇ад̇од̇и гханабубпагзна ун̣н̣аамаяаад̇т̇аран̣зна ад̇т̇ад̇о. гад̣̇алимиг̇абаварабажжад̇т̇аран̣од̇и гад̣̇алимиг̇ажаммамаязна уд̇д̇амабажжад̇т̇аран̣зна ад̇т̇ад̇о. д̇ам̣ гира бажжад̇т̇аран̣ам̣ сзд̇авад̇т̇асса убари гад̣̇алимиг̇ажаммам̣ ад̇т̇арид̇ваа сиб̣б̣зд̇ваа гаронд̇и. сауд̇д̇аражчад̣̇од̇и саха уд̇д̇аражчад̣̇зна, уд̇д̇ариб̣ад̣̇д̇хзна рад̇д̇авид̇аанзна сад̣̇д̇хинд̇и ад̇т̇о. убхад̇олохид̇агуубад̇хаанод̇и сийсуубад̇хаанан̃жа баад̣̇уубад̇хаанан̃жаад̇и баллан̇гасса убхад̇о табид̇алохид̇агуубад̇хаано. ид̇хааби убамаасам̣санд̣̇анам̣ буриманаязнзва взд̣̇ид̇аб̣б̣ам̣.

аяам̣ банзд̇т̇а абарабхааг̇аяож̇анаа, яат̇аа со бурисо маг̇г̇аарул̣хамзва ж̇аанаад̇и ‘‘аяам̣ зд̇зна маг̇г̇зна г̇анд̇ваа баасаад̣̇ам̣ ааруяха гуудааг̇аарам̣ бависид̇ваа баллан̇гз нисийд̣̇иссад̇и ваа нибаж̇ж̇иссад̇и ваа’’д̇и, звамзвам̣ бхаг̇аваа д̣̇аанаад̣̇ийсу бун̃н̃агирияавад̇т̇уусу яам̣гин̃жи гусалагаммам̣ ааяууханд̇ам̣язва буг̇г̇алам̣ д̣̇исваа ‘‘аяам̣ имам̣ гад̇ваа д̣̇звалогз ниб̣б̣ад̇д̇иссад̇ий’’д̇и ж̇аанаад̇и. яат̇аа со бурисо абарабхааг̇з д̇ам̣ баасаад̣̇ам̣ ааруяха гуудааг̇аарам̣ бависид̇ваа баллан̇гз нисиннам̣ ваа нибаннам̣ ваа зганд̇асукам̣ ниранд̇арасукам̣ взд̣̇анам̣ взд̣̇аяамаанам̣ бассад̇и, звамзвам̣ бхаг̇аваа абарабхааг̇з ‘‘со д̇ам̣ галяаан̣ам̣ гад̇ваа гухим̣ ниб̣б̣ад̇д̇о’’д̇и аалогам̣ вад̣дхзд̇ваа д̣̇иб̣б̣ажагкунаа ологзнд̇о д̣̇звалогз ниб̣б̣ад̇д̇ам̣ бассад̇и, нанд̣̇анаванаад̣̇ийсу ажчараасан̇гхабаривуд̇ам̣ д̣̇иб̣б̣асамбад̇д̇им̣ анубхавамаанам̣.

н̃аан̣аббавад̇д̇аагаараван̣н̣анаа нидтид̇аа.

аасавагкаяаваараван̣н̣анаа

аасавагкаяаваарз ‘‘д̣̇иб̣б̣зна жагкунаа’’д̇и авад̇ваа ‘‘д̇амзнам̣ бассаамий’’д̇и вуд̇д̇ам̣. д̇ам̣ гасмаад̇и жз? нияамаабхааваа. иман̃хи буг̇г̇алам̣ д̣̇иб̣б̣ажагкунааби бассиссад̇и, жзд̇обарияан̃аан̣знааби ж̇ааниссад̇и, саб̣б̣ан̃н̃уд̇ан̃н̃аан̣знаби ж̇ааниссад̇иязва. зганд̇асукаа взд̣̇анаад̇и ид̣̇ам̣ гин̃жааби д̣̇звалогасукзна сад̣̇д̇хим̣ б̣яан̃ж̇анад̇о згам̣, ад̇т̇ад̇о бана наанаа ход̇и. д̣̇звалогасукан̃хи рааг̇абарил̣аахаад̣̇ийнам̣ ад̇т̇ид̇ааяа на зганд̇знзва сукам̣. ниб̣б̣аанасукам̣ бана саб̣б̣абарил̣аахаанам̣ вуубасамааяа саб̣б̣аагаарзна зганд̇асукам̣. убамааяамби ‘‘яат̇аа баасаад̣̇з зганд̇асукаа’’д̇и вуд̇д̇ам̣. д̇ам̣ маг̇г̇абарил̣аахасса авуубасанд̇ад̇ааяа чаад̇аж̇жхад̇д̇ад̇ааяа бибаасаабхибхууд̇ад̇ааяа жа на зганд̇амзва сукам̣. ванасан̣д̣з бана богкаран̣ияам̣ оруяха раж̇ож̇алласса баваахид̇ад̇д̇аа маг̇г̇ад̣̇арат̇асса вуубасанд̇ад̇ааяа бхисамуулакаад̣̇анзна жзва мад̇хурод̣̇агабаанзна жа куббибаасаанам̣ винийд̇ад̇ааяа уд̣̇агасаадагам̣ баривад̇д̇зд̇ваа мадтад̣̇угуулам̣ ниваасзд̇ваа д̇ан̣д̣улад̇т̇авигам̣ уссийсагз гад̇ваа уд̣̇агасаадагам̣ бийл̣зд̇ваа хад̣̇аяз табзд̇ваа манд̣̇аманд̣̇зна жа ваад̇зна б̣ийж̇аяамаанасса нибаннад̇д̇аа саб̣б̣аагаарзна зганд̇асукам̣ ход̇и.

звамзва код̇и зд̇т̇а ид̣̇ам̣ обаммасам̣санд̣̇анам̣ – богкаран̣ий вияа хи арияамаг̇г̇о д̣̇адтаб̣б̣о. богкаран̣имаг̇г̇о вияа буб̣б̣абхааг̇абадибад̣̇аа. маг̇г̇аарул̣хо вияа бадибад̣̇аасаман̇г̇ийбуг̇г̇ало. жагкумаа бурисо вияа д̣̇иб̣б̣ажагку бхаг̇аваа. ванасан̣д̣о вияа ниб̣б̣аанам̣. яат̇аа со бурисо маг̇г̇аарул̣хам̣ д̣̇исваава ж̇аанаад̇и ‘‘аяам̣ иминаа маг̇г̇зна г̇анд̇ваа богкаран̣ияам̣ нхад̇ваа раман̣ийяз ванасан̣д̣з ругкамуулз нисийд̣̇иссад̇и ваа нибаж̇ж̇иссад̇и ваа’’д̇и, звамзвам̣ бхаг̇аваа бадибад̣̇ам̣ буурзнд̇амзва наамаруубам̣ барижчинд̣̇анд̇амзва бажжаяабариг̇г̇ахам̣ гаронд̇амзва лагкан̣аарамман̣ааяа вибассанааяа гаммам̣ гаронд̇амзва ж̇аанаад̇и ‘‘аяам̣ имам̣ бадибад̣̇ам̣ буурзд̇ваа саб̣б̣ааасавз кзбзд̇ваа анаасавам̣ жзд̇овимуд̇д̇им̣ бан̃н̃аавимуд̇д̇инд̇и звам̣ вуд̇д̇ам̣ паласамаабад̇д̇им̣ убасамбаж̇ж̇а вихариссад̇ий’’д̇и. яат̇аа со бурисо абарабхааг̇з д̇ааяам̣ богкаран̣ияам̣ нхад̇ваа ванасан̣д̣ам̣ бависид̇ваа нисиннам̣ ваа нибаннам̣ ваа зганд̇асукам̣ взд̣̇анам̣ взд̣̇аяамаанам̣ бассад̇и, звамзва бхаг̇аваа абарабхааг̇з д̇ам̣ буг̇г̇алам̣ бадибад̣̇ам̣ буурзд̇ваа маг̇г̇ам̣ бхаавзд̇ваа палам̣ сажчигад̇ваа нирод̇хасаяанавараг̇ад̇ам̣ ниб̣б̣аанаарамман̣ам̣ паласамаабад̇д̇им̣ аббзд̇ваа зганд̇асукам̣ взд̣̇анам̣ взд̣̇аяамаанам̣ бассад̇и.

аасавагкаяаваараван̣н̣анаа нидтид̇аа.

д̣̇уггарагааригаад̣̇исуд̣̇д̇хиван̣н̣анаа

155. ‘‘абхиж̇аанаами ко банаахам̣, саарибуд̇д̇а, жад̇уран̇г̇асаманнааг̇ад̇а’’нд̇и ид̣̇ам̣ гасмаа аарад̣̇д̇хам̣? баадиязггам̣ анусанд̇хивасзна аарад̣̇д̇хам̣. аяам̣ гира сунагкад̇д̇о д̣̇уггарагааригааяа суд̣̇д̇хи ход̇ийд̇и звам̣ лад̣̇д̇хиго. ат̇асса бхаг̇аваа маяаа згасмим̣ ад̇д̇абхаавз тад̇ваа жад̇уран̇г̇асаманнааг̇ад̇ам̣ д̣̇уггарам̣ гад̇ам̣, д̣̇уггарагаараго наама маяаа сад̣̇исо над̇т̇и. д̣̇уггарагаарзна суд̣̇д̇хияаа сад̇и ахамзва суд̣̇д̇хо бхавзяяанд̇и д̣̇ассзд̇ум̣ имам̣ д̣̇зсанам̣ аарабхи. абижа аяам̣ сунагкад̇д̇о д̣̇уггарагааригааяа басанно, со жасса басаннабхааво, ‘‘ад̣̇д̣̇асаа ко, бхаг̇г̇ава, сунагкад̇д̇о лижчавибуд̇д̇о ажзлам̣ горагкад̇д̇ияам̣ жад̇уггун̣д̣игам̣ чамаанигин̣н̣ам̣ бхагкасам̣ мукзна каад̣̇анд̇ам̣ мукзна бхун̃ж̇анд̇ам̣. д̣̇исваанасса зд̇ад̣̇ахоси ‘саад̇ху руубо вад̇а, бхо, аяам̣ саман̣о жад̇уггун̣д̣иго чамаанигин̣н̣ам̣ бхагкасам̣ мукзнзва каад̣̇ад̇и, мукзнзва бхун̃ж̇ад̇ий’’’д̇и звамаад̣̇инаа баат̇игасуд̇д̇з (д̣̇ий. ни. 3.7) ааг̇ад̇анаязна взд̣̇ид̇аб̣б̣о.

ат̇а бхаг̇аваа аяам̣ д̣̇уггарагааригааяа басанно, маяаа жа зд̇асмим̣ ад̇д̇абхаавз тад̇ваа жад̇уран̇г̇асаманнааг̇ад̇ам̣ д̣̇уггарам̣ гад̇ам̣, д̣̇уггарагаарз басийд̣̇анд̇знааби анзна маяи басийд̣̇ид̇аб̣б̣ам̣ сияаа, собисса басаад̣̇о маяи над̇т̇ийд̇и д̣̇ассзнд̇о имам̣ д̣̇зсанам̣ аарабхи.

д̇ад̇ра б̣рахмажарияанд̇и д̣̇аанамби взяяааважжамби сигкаабад̣̇амби б̣рахмавихаарааби д̇хаммад̣̇зсанааби мзт̇унавирад̇иби сад̣̇аарасанд̇особи убосат̇оби арияамаг̇г̇оби сагаласаасанамби аж̇жхаасаяоби вийрияамби вужжад̇и.

‘‘гим̣ д̇з вад̇ам̣ гим̣ бана б̣рахмажарияам̣,

гисса сужин̣н̣асса аяам̣ вибааго;

ид̣̇д̇хий ж̇уд̇ий б̣алавийрияуубабад̇д̇и,

ид̣̇ан̃жа д̇з нааг̇а махаавимаанам̣.

ахан̃жа бхарияаа жа мануссалогз,

сад̣̇д̇хаа убхо д̣̇аанабад̇ий ахумхаа;

обаанабхууд̇ам̣ мз гхарам̣ д̇ад̣̇ааси,

санд̇аббид̇аа саман̣аб̣раахман̣аа жа.

д̇ам̣ мз вад̇ам̣ д̇ам̣ бана б̣рахмажарияам̣,

д̇асса сужин̣н̣асса аяам̣ вибааго;

ид̣̇д̇хий ж̇уд̇ий б̣алавийрияуубабад̇д̇и,

ид̣̇ан̃жа мз д̇хийра махаавимаана’’нд̇и. (ж̇аа. 2.22.1592, 1593, 1595) –

имасмин̃хи бун̣н̣агаж̇аад̇агз д̣̇аанам̣ б̣рахмажарияанд̇и вуд̇д̇ам̣.

‘‘гзна баан̣и гаамад̣̇ад̣̇о, гзна баан̣и мад̇хуссаво;

гзна д̇з б̣рахмажариязна, бун̃н̃ам̣ баан̣имхи иж̇жхад̇и.

д̇зна баан̣и гаамад̣̇ад̣̇о, д̇зна баан̣и мад̇хуссаво;

д̇зна мз б̣рахмажариязна, бун̃н̃ам̣ баан̣имхи иж̇жхад̇ий’’д̇и. (бз. ва. 275) –

имасмим̣ ан̇гурабзд̇авад̇т̇усмим̣ взяяааважжам̣ б̣рахмажарияанд̇и вуд̇д̇ам̣. ‘‘звам̣ ко д̇ам̣, бхигкавз, д̇ид̇д̇ирияам̣ наама б̣рахмажарияам̣ ахосий’’д̇и (жуул̣ава. 311) имасмим̣ д̇ид̇д̇ираж̇аад̇агз бан̃жасигкаабад̣̇ам̣ б̣рахмажарияанд̇и вуд̇д̇ам̣. ‘‘д̇ам̣ ко бана мз бан̃жасика б̣рахмажарияам̣ нзва ниб̣б̣ид̣̇ааяа на вирааг̇ааяа на нирод̇хааяа, яаавад̣̇зва б̣рахмалогуубабад̇д̇ияаа’’д̇и (д̣̇ий. ни. 2.329) имасмим̣ махааг̇овинд̣̇асуд̇д̇з б̣рахмавихаараа б̣рахмажарияанд̇и вуд̇д̇ам̣. ‘‘згасмим̣ б̣рахмажарияасмим̣, сахассам̣ мажжухааяина’’нд̇и (сам̣. ни. 1.184) зд̇т̇а д̇хаммад̣̇зсанаа б̣рахмажарияанд̇и вуд̇д̇аа. ‘‘барз аб̣рахмажаарий бхависсанд̇и, маяамзд̇т̇а б̣рахмажаарий бхависсаамаа’’д̇и (ма. ни. 1.83) саллзкасуд̇д̇з мзт̇унавирад̇и б̣рахмажарияанд̇и вуд̇д̇аа.

‘‘маяан̃жа бхарияаа наад̇иггамаама,

амхз жа бхарияаа наад̇иггаманд̇и;

ан̃н̃ад̇ра д̇аахи б̣рахмажарияам̣ жараама,

д̇асмаа хи амхам̣ д̣̇ахараа на мийяарз’’д̇и. (ж̇аа. 1.10.97) –

махаад̇хаммабаалаж̇аад̇агз сад̣̇аарасанд̇осо б̣рахмажарияанд̇и вуд̇д̇о.

‘‘хийнзна б̣рахмажариязна, кад̇д̇ияз убабаж̇ж̇ад̇и;

маж̇жхимзна жа д̣̇звад̇д̇ам̣, уд̇д̇амзна висуж̇жхад̇ий’’д̇и. (ж̇аа. 1.8.75) –

звам̣ нимиж̇аад̇агз ад̇д̇ад̣̇аманавасзна гад̇о адтан̇г̇иго убосат̇о б̣рахмажарияанд̇и вуд̇д̇о. ‘‘ид̣̇ам̣ ко бана мз, бан̃жасика, б̣рахмажарияам̣ зганд̇аниб̣б̣ид̣̇ааяа вирааг̇ааяа…бз… аяамзва арияо адтан̇г̇иго маг̇г̇о’’д̇и (д̣̇ий. ни. 2.329) махааг̇овинд̣̇асуд̇д̇асмин̃н̃зва арияамаг̇г̇о б̣рахмажарияанд̇и вуд̇д̇о. ‘‘д̇аяид̣̇ам̣ б̣рахмажарияам̣ ид̣̇д̇хан̃жзва пийд̇ан̃жа вид̇т̇ааригам̣ б̣аахуж̇ан̃н̃ам̣ бут̇убхууд̇ам̣ яаава д̣̇звамануссзхи суббагаасид̇а’’нд̇и (д̣̇ий. ни. 3.174) баасаад̣̇игасуд̇д̇з сигкад̇д̇аяасан̇г̇ахам̣ саасанам̣ б̣рахмажарияанд̇и вуд̇д̇ам̣.

‘‘аби ад̇арамаанаанам̣, палаасаава самиж̇жхад̇и;

вибаггаб̣рахмажарияосми, звам̣ ж̇аанаахи г̇ааман̣ий’’д̇и. (ж̇аа. 1.1.8) –

зд̇т̇а аж̇жхаасаяо б̣рахмажарияанд̇и вуд̇д̇о. ид̇ха бана вийрияам̣ б̣рахмажарияанд̇и ад̇хиббзд̇ам̣. вийрияаб̣рахмажарияасса хи ид̣̇амзва суд̇д̇ам̣. д̇ад̣̇зд̇ам̣ згасмим̣ ад̇д̇абхаавз жад̇уб̣б̣ид̇хасса д̣̇уггарасса гад̇ад̇д̇аа жад̇уран̇г̇асаманнааг̇ад̇анд̇и вуд̇д̇ам̣.

д̇абассий суд̣̇ам̣ хомийд̇и суд̣̇анд̇и нибаад̇амад̇д̇ам̣, д̇абаниссид̇аго хомийд̇и ад̇т̇о. барамад̇абассийд̇и барамо д̇абассий, д̇абаниссид̇агаанам̣ уд̇д̇амо. лууко суд̣̇ам̣ хомийд̇и лууко хоми. ж̇зг̇ужчийд̇и баабаж̇зг̇ужчиго. бавивид̇д̇о суд̣̇ам̣ хомийд̇и бавивид̇д̇о ахам̣ хоми. д̇ад̇раассу мз ид̣̇ам̣, саарибуд̇д̇аад̇и д̇ад̇ра жад̇уран̇г̇з б̣рахмажарияз ид̣̇ам̣ мама д̇абассид̇ааяа ход̇и, д̇абаниссид̇агабхаавз маяхам̣ ид̣̇ам̣ ажзлагаад̣̇ид̇абассид̇агад̇д̇ам̣ ход̇ийд̇и д̣̇ассзд̇и.

д̇ад̇т̇а ажзлагод̇и нижжзло наг̇г̇о. муд̇д̇аажаарод̇и висадтаажааро, ужжаарагаммаад̣̇ийсу логияагулабуд̇д̇аажаарзна вирахид̇о, тид̇агова ужжаарам̣ гароми, бассаавам̣ гароми, каад̣̇аами бхун̃ж̇аами жа. хад̇т̇аабалзканод̇и хад̇т̇з бин̣д̣амхи тид̇з ж̇ивхааяа хад̇т̇ам̣ абаликаами, ужжаарам̣ ваа гад̇ваа хад̇т̇асмин̃н̃зва д̣̇ан̣д̣агасан̃н̃ий худ̇ваа хад̇т̇зна абаликаамийд̇и д̣̇ассзд̇и. д̇з гира д̣̇ан̣д̣агам̣ сад̇д̇од̇и бан̃н̃абзнд̇и, д̇асмаа д̇зсам̣ бадибад̣̇ам̣ буурзнд̇о звамагааси. бхигкааг̇ахан̣ад̇т̇ам̣ зхи бхад̣̇д̣̇анд̇зд̇и вуд̇д̇о на зд̇ийд̇и на зхибхад̣̇д̣̇анд̇иго. д̇зна хи д̇идта бхад̣̇д̣̇анд̇зд̇и вуд̇д̇оби на д̇идтад̇ийд̇и на д̇идтабхад̣̇д̣̇анд̇иго. д̇ад̣̇убхаяамби д̇ид̇т̇ияаа звам̣ зд̇асса важанам̣ гад̇ам̣ бхависсад̇ийд̇и на гаронд̇и. ахамби звам̣ агаасинд̇и д̣̇ассзд̇и. абхихаданд̇и бурзд̇арам̣ г̇ахзд̇ваа аахадам̣ бхигкам̣. уд̣̇д̣̇иссагад̇анд̇и ид̣̇ам̣ д̇умхз уд̣̇д̣̇исса гад̇анд̇и звам̣ аарожид̇абхигкам̣. на ниманд̇ананд̇и асугам̣ наама гулам̣ ваа вийт̇им̣ ваа г̇аамам̣ ваа бависзяяаат̇аад̇и звам̣ ниманд̇ид̇абхигкамби на саад̣̇ияаами на г̇ан̣хаами.

на гумбхимукаад̇и гумбхид̇о уд̣̇д̇харид̇ваа д̣̇ияяамаанам̣ бхигкам̣ на г̇ан̣хаами. на гал̣обимукаад̇и гал̣обийд̇и угкали ваа бажчи ваа. д̇ад̇оби на г̇ан̣хаами. гасмаа? гумбхигал̣обияо мам̣ ниссааяа гадажчунаа бахаарам̣ лабханд̇ийд̇и. на зл̣агаманд̇аранд̇и уммаарам̣ анд̇арам̣ гад̇ваа д̣̇ияяамаанам̣ на г̇ан̣хаами. гасмаа? аяам̣ мам̣ ниссааяа анд̇арагаран̣ам̣ лабхад̇ийд̇и. д̣̇ан̣д̣амусалзсуби зсзва наяо. на д̣̇виннанд̇и д̣̇вийсу бхун̃ж̇амаанзсу згасмим̣ удтааяа д̣̇знд̇з на г̇ан̣хаами. гасмаа? габ̣ал̣анд̇арааяо ход̇ийд̇и. на г̇аб̣бхинияаад̇иаад̣̇ийсу бана г̇аб̣бхинияаа гужчияам̣ д̣̇аараго гиламад̇и, бааяанд̇ияаа д̣̇аарагасса кийранд̇арааяо ход̇и, бурисанд̇араг̇ад̇ааяа рад̇ианд̇арааяо ход̇ийд̇и на г̇ан̣хаами. на сам̣гид̇д̇ийсууд̇и сам̣гид̇д̇зд̇ваа гад̇абхад̇д̇зсу. д̣̇уб̣бхигкасамаяз гира ажзлагасаавагаа ажзлагаанам̣ ад̇т̇ааяа д̇ад̇о д̇ад̇о д̇ан̣д̣улаад̣̇ийни самаад̣̇абзд̇ваа бхад̇д̇ам̣ бажанд̇и. уггадтаажзлаго д̇ад̇оби на бадиг̇г̇ан̣хаад̇и.

на яад̇т̇а саад̇и яад̇т̇а сунако бин̣д̣ам̣ лабхиссаамийд̇и убадтид̇о ход̇и, д̇ад̇т̇а д̇асса ад̣̇ад̇ваа аахадам̣ на г̇ан̣хаами. гасмаа? зд̇асса бин̣д̣анд̇арааяо ход̇ийд̇и. сан̣д̣асан̣д̣ажааринийд̇и самуухасамуухажаариний, сажз хи ажзлагам̣ д̣̇исваа имасса бхигкам̣ д̣̇ассаамаад̇и маанусагаа бхад̇д̇аг̇зхам̣ бависанд̇и. д̇зсу жа бависанд̇зсу гал̣обимукаад̣̇ийсу нилийнаа магкигаа уббад̇ид̇ваа сан̣д̣асан̣д̣аа жаранд̇и. д̇ад̇о аахадам̣ бхигкам̣ на г̇ан̣хаами. гасмаа? мам̣ ниссааяа магкигаанам̣ г̇ожаранд̇арааяо ж̇аад̇од̇и, ахамби д̇ат̇аа агаасим̣. на т̇усод̣̇аганд̇и саб̣б̣асассасамбхаарзхи гад̇ам̣ лон̣асовийрагам̣. зд̇т̇а жа сураабаанамзва сааваж̇ж̇ам̣, аяам̣ бана саб̣б̣зсуби сааваж̇ж̇асан̃н̃ий.

згааг̇ааригод̇и яо згасмин̃н̃зва г̇зхз бхигкам̣ лабхид̇ваа нивад̇д̇ад̇и. згаалобигод̇и яо згзнзва аалобзна яаабзд̇и. д̣̇вааг̇ааригаад̣̇ийсуби зсзва наяо. згиссааби д̣̇ад̇д̇ияаад̇и згааяа д̣̇ад̇д̇ияаа. д̣̇ад̇д̇и наама згаа куд̣̇д̣̇агабаад̇и ход̇и, яад̇т̇а аг̇г̇абхигкам̣ багкибид̇ваа табзнд̇и. згаахиганд̇и згад̣̇ивасанд̇аригам̣. ад̣̇д̇хамаасиганд̇и ад̣̇д̇хамаасанд̇аригам̣. барияааяабхад̇д̇абхож̇ананд̇и ваарабхад̇д̇абхож̇анам̣. згаахаваарзна д̣̇вийхаваарзна сад̇д̇аахаваарзна ад̣дхамаасаваарзнаад̇и звам̣ д̣̇ивасаваарзна аабхад̇ам̣ бхад̇д̇абхож̇анам̣.

саагабхагкод̇и алласаагабхагко. саамаагабхагкод̇и саамаагад̇ан̣д̣улабхагко. нийваараад̣̇ийсу нийваараа наама д̇аава аран̃н̃з саяам̣ж̇аад̇авийхиж̇аад̇и. д̣̇ад̣̇д̣̇уланд̇и жаммагаарзхи жаммам̣ ликид̇ваа чад̣д̣ид̇агасадам̣. хадам̣ вужжад̇и силзсоби сзваалоби ган̣игаараад̣̇иругканияяаасоби. ган̣анд̇и гун̣д̣агам̣ . аажаамод̇и бхад̇д̇аугкалигааяа лаг̇г̇о жхаамаод̣̇ано, д̇ам̣ чад̣д̣ид̇адтаанз г̇ахзд̇ваа каад̣̇ад̇и. ‘‘од̣̇анаган̃ж̇ияа’’нд̇иби вад̣̇анд̇и. бин̃н̃аагаад̣̇аяо баагадаа зва. бавад̇д̇апалабхож̇ийд̇и бад̇ид̇апалабхож̇ий.

саан̣аанийд̇и саан̣аваагажол̣аани. масаан̣аанийд̇и миссагажол̣аани. чавад̣̇уссаанийд̇и мад̇асарийрад̇о чад̣д̣ид̇авад̇т̇аани. зрагад̇ин̣аад̣̇ийни ваа г̇ант̇зд̇ваа гад̇аниваасанаани. бам̣сугуулаанийд̇и бат̇авияам̣ чад̣д̣ид̇ананд̇агаани. д̇ирид̇аанийд̇и ругкад̇д̇ажавад̇т̇аани. аж̇инанд̇и аж̇инамиг̇ажаммам̣. аж̇инагкибанд̇и д̇ад̣̇зва маж̇жхз паалид̇ам̣. сакураганд̇иби вад̣̇анд̇и. гусажийранд̇и гусад̇ин̣ам̣ г̇ант̇зд̇ваа гад̇ажийрам̣. ваагажийрапалагажийрзсуби зсзва наяо. гзсагамб̣аланд̇и мануссагзсзхи гад̇агамб̣алам̣. яам̣ санд̇хааяа вуд̇д̇ам̣ ‘‘яаани гаанижи, бхигкавз, д̇анд̇аавуд̇аанам̣ вад̇т̇аанам̣, гзсагамб̣ало д̇зсам̣ бадигудто агкааяад̇и. гзсагамб̣ало, бхигкавз, сийд̇з сийд̇о, ун̣хз ун̣хо, д̣̇уб̣б̣ан̣н̣о д̣̇уг̇г̇анд̇хо д̣̇угкасампасо’’д̇и (а. ни. 3.138). ваалагамб̣аланд̇и ассаваалаад̣̇ийхи гад̇агамб̣алам̣. улуугабагкаганд̇и улуугабад̇д̇аани г̇ант̇зд̇ваа гад̇аниваасанам̣. уб̣бхадтагод̇и уд̣̇д̇хам̣ тид̇аго. уггудигаббад̇хаанамануяуд̇д̇од̇и уггудигавийрияам̣ ануяуд̇д̇о, г̇ажчанд̇оби уггудигова худ̇ваа уббад̇ид̇ваа уббад̇ид̇ваа г̇ажчад̇и. ган̣дагаабассаяигод̇и аяаган̣дагз ваа багад̇иган̣дагз ваа бхуумияам̣ годдзд̇ваа д̇ад̇т̇а жаммам̣ ад̇т̇арид̇ваа таанажан̇гамаад̣̇ийни гаромийд̇и д̣̇ассзд̇и. сзяяанд̇и саяанд̇оби д̇ад̇т̇зва сзяяам̣ габбзми. сааяам̣ д̇ад̇ияамассаад̇и сааяад̇ад̇ияагам̣. баад̇о маж̇жханхигз сааяанд̇и д̣̇ивасасса д̇игкад̇д̇ум̣ баабам̣ баваахзссаамийд̇и уд̣̇агороханаануяог̇ам̣ ануяуд̇д̇о вихараамийд̇и д̣̇ассзд̇и.

156. нзгавассаг̇ан̣иганд̇и нзгавассаг̇ан̣асан̃ж̇аад̇ам̣. раж̇ож̇алланд̇и раж̇амалам̣, ид̣̇ам̣ ад̇д̇ано раж̇ож̇аллагавад̇асамаад̣̇аанагаалам̣ санд̇хааяа вад̣̇ад̇и. ж̇зг̇ужчисминд̇и баабаж̇иг̇ужчанабхаавз. яаава уд̣̇агаб̣инд̣̇умхибийд̇и яаава уд̣̇агат̇звагзби мама д̣̇аяаа бажжубадтид̇аа ход̇и, го бана ваад̣̇о ан̃н̃зсу сагкарагаталад̣̇ан̣д̣агаваалигаад̣̇ийсу. д̇з гира уд̣̇агаб̣инд̣̇ум̣ жа зд̇з жа сагкарагаталаад̣̇аяо куд̣̇д̣̇агабаан̣аад̇и бан̃н̃абзнд̇и. д̇знааха ‘‘яаава уд̣̇агаб̣инд̣̇умхиби мз д̣̇аяаа бажжубадтид̇аа ход̇ий’’д̇и. уд̣̇агаб̣инд̣̇умби на ханаами на винаасзми, гим̣ гааран̣аа. маахам̣ куд̣̇д̣̇агз баан̣з висамаг̇ад̇з сан̇гхаад̇ам̣ аабаад̣̇зсинд̇и. ниннат̇алад̇ин̣аг̇г̇аругкасаакаад̣̇ийсу висамадтаанз г̇ад̇з уд̣̇агаб̣инд̣̇усан̇каад̇з куд̣̇д̣̇агабаан̣з сан̇гхаад̇ам̣ вад̇хам̣ маа аабаад̣̇зсинд̇и. зд̇амад̇т̇ам̣ ‘‘сад̇ова абхиггамаамий’’д̇и д̣̇ассзд̇и. ажзлагзсу гира бхуумим̣ агганд̇агаалад̇о бабхуд̇и сийлаваа наама над̇т̇и. бхигкаажаарам̣ г̇ажчанд̇ааби д̣̇уссийлаава худ̇ваа г̇ажчанд̇и, убадтаагаанам̣ г̇зхз бхун̃ж̇анд̇ааби д̣̇уссийлаава худ̇ваа бхун̃ж̇анд̇и. ааг̇ажчанд̇ааби д̣̇уссийлаава худ̇ваа ааг̇ажчанд̇и. яад̣̇аа бана морабин̃чзна палагам̣ саммаж̇ж̇ид̇ваа сийлам̣ ад̇хидтааяа нисийд̣̇анд̇и, д̇ад̣̇аа сийлаванд̇аа наама хонд̇и.

ванагаммиганд̇и ганд̣̇амуулапалаапалаад̣̇ийнам̣ ад̇т̇ааяа ванз вижаранд̇ам̣. ванзна вананд̇и ванад̇о ванам̣, зса наяо саб̣б̣ад̇т̇а. сам̣бад̇аамийд̇и г̇ажчаами. ааран̃н̃агод̇и аран̃н̃з ж̇аад̇авуд̣̇д̇хо, ид̣̇ам̣ ад̇д̇ано ааж̇ийвагагаалам̣ санд̇хааяа вад̣̇ад̇и. б̣од̇хисад̇д̇о гира баасан̣д̣абариг̇г̇ан̣хан̣ад̇т̇ааяа д̇ам̣ баб̣б̣аж̇ж̇ам̣ баб̣б̣аж̇и, нирад̇т̇агабхаавам̣ бана н̃ад̇вааби на уббаб̣б̣аж̇ж̇ид̇о, б̣од̇хисад̇д̇аа хи яам̣ яам̣ таанам̣ убзнд̇и, д̇ад̇о анивад̇д̇ид̇ад̇хаммаа хонд̇и, баб̣б̣аж̇ид̇ваа бана маа мам̣ гожи ад̣̇д̣̇асаад̇и д̇ад̇ова аран̃н̃ам̣ бавидто. д̇знзвааха ‘‘маа мам̣ д̇з ад̣̇д̣̇асам̣су ахан̃жа маа д̇з ад̣̇д̣̇аса’’нд̇и.

г̇одтаад̇и г̇оваж̇аа. бадтид̇аг̇аавод̇и нигканд̇аг̇ааво. д̇ад̇т̇а жад̇уггун̣д̣игод̇и вананд̇зязва тид̇о г̇обаалагаанам̣ г̇аавийхи сад̣̇д̇хим̣ абаг̇ад̇абхаавам̣ д̣̇исваа д̣̇вз хад̇т̇з д̣̇вз жа ж̇ан̣н̣угаани бхуумияам̣ табзд̇ваа звам̣ жад̇уггун̣д̣иго убасан̇гамид̇ваад̇и ад̇т̇о. д̇аани суд̣̇ам̣ аахаарзмийд̇и махаллагаважчагаанам̣ г̇омаяаани гасадаани нирож̇аани хонд̇и, д̇асмаа д̇аани важ̇ж̇зд̇ваа яаани д̇арун̣аважчагаанам̣ кийрабаанзнзва вад̣дханд̇аанам̣ саож̇аани г̇омаяаани д̇аани гужчибуурам̣ каад̣̇ид̇ваа буна ванасан̣д̣амзва бависад̇и. д̇ам̣ санд̇хааяааха ‘‘д̇аани суд̣̇ам̣ аахаарзмий’’д̇и. яаавагийван̃жа мзд̇и яад̇д̇агам̣ гаалам̣ мама сагам̣ муд̇д̇агарийсам̣ абаригкийн̣ам̣ ход̇и. яаава мз д̣̇вааравал̣ан̃ж̇о бавад̇д̇ид̇т̇а, д̇аава д̇ад̣̇зва аахаарзмийд̇и ад̇т̇о. гаалз бана г̇ажчанд̇з г̇ажчанд̇з баригкийн̣амам̣салохид̇о убажчиннад̣̇вааравал̣ан̃ж̇о важчагаанам̣ г̇омаяаани аахаарзми. махаавигадабхож̇анасминд̇и маханд̇з вигадабхож̇анз, абагад̇ибхож̇анзд̇и ад̇т̇о.

157. д̇ад̇раассуд̣̇ам̣, саарибуд̇д̇а, бхим̣санагасса ванасан̣д̣асса бхим̣санагад̇асмим̣ ход̇ийд̇и. д̇ад̇раад̇и буримаважанаабзгканам̣. суд̣̇анд̇и бад̣̇абууран̣амад̇д̇з нибаад̇о. саарибуд̇д̇аад̇и аалабанам̣. аяам̣ банзд̇т̇а ад̇т̇аяож̇анаа – д̇ад̇раад̇и яам̣ вуд̇д̇ам̣ ан̃н̃ад̇арам̣ бхим̣санагам̣ ванасан̣д̣анд̇и, д̇ад̇ра яо со бхим̣санаго ванасан̣д̣о вуд̇д̇о, д̇асса бхим̣санагасса ванасан̣д̣асса бхим̣санагад̇асмим̣ ход̇и, бхим̣санагагирияааяа ход̇ийд̇и ад̇т̇о. гим̣ ход̇и? ид̣̇ам̣ ход̇и, яо гожи авийд̇арааг̇о…бз… ломаани хам̣санд̇ийд̇и.

ат̇а ваа д̇ад̇раад̇и саамиад̇т̇з бхуммам̣. су ид̇и нибаад̇о. гим̣ су наама д̇з бхонд̇о саман̣аб̣раахман̣аад̇иаад̣̇ийсу вияа. ид̣̇анд̇и ад̇хиббзд̇амад̇т̇ам̣ бажжагкам̣ вияа гад̇ваа д̣̇ассанаважанам̣. суд̣̇анд̇и су ид̣̇ам̣, санд̇хивасзна игааралобо взд̣̇ид̇аб̣б̣о. жагкунд̣̇рияам̣ ид̇т̇инд̣̇рияам̣ анан̃н̃аад̇ан̃н̃ассаамийд̇инд̣̇рияам̣ гим̣ сууд̇хавид̇д̇анд̇иаад̣̇ийсу вияа. аяам̣ банзд̇т̇а ад̇т̇аяож̇анаа, д̇асса, саарибуд̇д̇а, бхим̣санагасса ванасан̣д̣асса бхим̣санагад̇асмим̣ ид̣̇ам̣су ход̇ийд̇и. бхим̣санагад̇асминд̇и бхим̣санагабхаавзд̇и ад̇т̇о. згасса д̇агаарасса лобо д̣̇адтаб̣б̣о. ‘‘бхим̣санагад̇д̇асми’’нд̇иязва ваа баато , бхим̣санагад̇ааяа ид̇и ваа вад̇д̇аб̣б̣з лин̇г̇авибаллаасо гад̇о, нимид̇д̇ад̇т̇з жзд̇ам̣ бхуммаважанам̣. д̇асмаа звам̣ самб̣анд̇хо взд̣̇ид̇аб̣б̣о, бхим̣санагабхаавз ид̣̇ам̣су ход̇и, бхим̣санагабхааванимид̇д̇ам̣ бхим̣санагабхаавахзд̇у, бхим̣санагабхаавабажжаяаа ид̣̇ам̣су ход̇и. яо гожи авийд̇арааг̇о д̇ам̣ ванасан̣д̣ам̣ бависад̇и. язбхуяязна ломаани хам̣санд̇и б̣ахуд̇араани ломаани хам̣санд̇и, уд̣̇д̇хам̣ мукаани суужисад̣̇исаани ган̣дагасад̣̇исаани жа худ̇ваа д̇идтанд̇и, аббаани на хам̣санд̇и, б̣ахуд̇араанам̣ ваа сад̇д̇аанам̣ хам̣санд̇и, аббагаанам̣ ад̇исуурабурисаанам̣ на хам̣санд̇ийд̇и.

анд̇арадтагаад̇и маагхамаасасса авасаанз жад̇ассо, паг̇г̇ун̣амаасасса аад̣̇имхи жад̇ассод̇и звам̣ убхиннам̣ анд̇арз адтарад̇д̇и. аб̣бхогаасзд̇и махаасад̇д̇о химабаад̇асамаяз рад̇д̇им̣ аб̣бхогаасз вихарад̇и, ат̇асса ломагуубзсу аавуд̇амуд̇д̇аа вияа химаб̣инд̣̇ууни д̇идтанд̇и, сарийрам̣ сзд̇ад̣̇угуулабааруд̇ам̣ вияа ход̇и. д̣̇иваа ванасан̣д̣зд̇и д̣̇иваа химаб̣инд̣̇уусу суурияаад̇абасампассзна виг̇ад̇зсу ассаасоби бхавзяяа, аяам̣ бана суурияз уг̇г̇ажчанд̇зязва ванасан̣д̣ам̣ бависад̇и, д̇ад̇раабисса суурияаад̇абзна баг̇гхаранд̇ам̣ химам̣ сарийрзязва бад̇ад̇и. д̣̇иваа аб̣бхогаасз вихараами рад̇д̇им̣ ванасан̣д̣зд̇и г̇имхагаалз гирзса д̣̇иваа аб̣бхогаасз вихааси, д̇знасса гажчзхи сзд̣̇ад̇хаараа мужжим̣су, рад̇д̇им̣ ассаасо бхавзяяа, аяам̣ бана суурияз ад̇т̇ам̣ г̇ажчанд̇зязва ванасан̣д̣ам̣ бависад̇и. ат̇асса д̣̇иваа г̇ахид̇аусмз ванасан̣д̣з ан̇г̇аарагаасуяам̣ багкид̇д̇о вияа ад̇д̇абхааво барид̣̇аяхид̇т̇а. анажчарияаад̇и ануажчарияаа. бадибхаасийд̇и убадтааси.

сод̇ад̇д̇од̇и д̣̇иваа аад̇абзна рад̇д̇им̣ ванаусмааяа суд̇ад̇д̇о. сосиннод̇и рад̇д̇им̣ химзна д̣̇иваа химод̣̇агзна судту д̇инд̇о. бхим̣санагзд̇и бхаяаж̇анагз. наг̇г̇од̇и нижжзло. ниваасанабаарубанз хи сад̇и сийд̇ам̣ ваа ун̣хам̣ ваа на ад̇иб̣аад̇хзяяа, д̇амби мз над̇т̇ийд̇и д̣̇ассзд̇и. на жаг̇г̇имаасинод̇и аг̇г̇имби на убаг̇ад̇о. зсанаабасуд̇од̇и суд̣̇д̇хизсанад̇т̇ааяа басуд̇о, баяуд̇д̇о. мунийд̇и, д̇ад̣̇аа ад̇д̇аанам̣ мунийд̇и гад̇ваа гат̇зд̇и.

чавадтигаанийд̇и убад̣дхад̣̇ад̣дхаани адтийни. убад̇хааяаад̇и яат̇аа сийсуубад̇хаанан̃жа баад̣̇уубад̇хаанан̃жа бан̃н̃ааяад̇и, звам̣ сант̇арид̇ваа д̇ад̇т̇а сзяяам̣ габбзмийд̇и д̣̇ассзд̇и. г̇ааман̣д̣алаад̇и г̇обаалад̣̇аарагаа. д̇з гира б̣од̇хисад̇д̇асса санд̇игам̣ г̇анд̇ваа, сумзд̇ха, д̇вам̣ имасмим̣ таанз гасмаа нисинно, гат̇зхийд̇и вад̣̇анд̇и. б̣од̇хисад̇д̇о ад̇хомуко нисийд̣̇ад̇и, на гат̇зд̇и. ат̇а нам̣ д̇з агат̇зд̇ум̣ на д̣̇ассаамаад̇и бариваарзд̇ваа одтубханд̇и сарийрз кзл̣ам̣ баад̇знд̇и. б̣од̇хисад̇д̇о звамби на гат̇зд̇и. ат̇а нам̣ д̇вам̣ на гат̇зсийд̇и омуд̇д̇знд̇и бассаавамасса убари виссаж̇ж̇знд̇и. б̣од̇хисад̇д̇о звамби на гат̇зд̇иязва. д̇ад̇о нам̣ гат̇зхи гат̇зхийд̇и бам̣сугзна огиранд̇и. б̣од̇хисад̇д̇о звамби на гат̇зд̇иязва. ат̇асса на гат̇зсийд̇и д̣̇ан̣д̣агасалаагаа г̇ахзд̇ваа ган̣н̣асод̇зсу бавзсзнд̇и. б̣од̇хисад̇д̇о д̣̇угкаа д̇иб̣б̣аа гадугаа взд̣̇анаа ад̇хиваасзнд̇о гассажи гин̃жи на гариссаамийд̇и мад̇аго вияа ажчад̇и. д̇знааха ‘‘на ко банаахам̣, саарибуд̇д̇а, абхиж̇аанаами д̇зсу баабагам̣ жид̇д̇ам̣ уббаад̣̇зд̇аа’’д̇и. на маяаа д̇зсу баабагам̣ жид̇д̇амби уббаад̣̇ид̇анд̇и ад̇т̇о. убзгкаавихаарасмим̣ ход̇ийд̇и убзгкаавихааро ход̇и. вихааро зва хи вихаарасминд̇и вуд̇д̇о. д̇знзва жа ‘‘ид̣̇ам̣су мз’’д̇и зд̇т̇ааби аяам̣су мзд̇и звам̣ ад̇т̇о взд̣̇ид̇аб̣б̣о. иминаа наязна ан̃н̃ааниби зваруубаани бад̣̇аани взд̣̇ид̇аб̣б̣аани. иминаа ид̇о зганавуд̇игаббз буурид̇ам̣ убзгкаавихаарам̣ д̣̇ассзд̇и. яам̣ санд̇хааяааха –

‘‘сукабад̇д̇о на раж̇ж̇аами, д̣̇угкз на хоми д̣̇уммано;

саб̣б̣ад̇т̇а д̇улид̇о хоми, зсаа мз убзгкаабаарамий’’д̇и.

д̣̇уггарагааригаад̣̇исуд̣̇д̇хиван̣н̣анаа нидтид̇аа.

аахаарасуд̣̇д̇хиван̣н̣анаа

158. аахаарзна суд̣̇д̇хийд̇и голаад̣̇инаа згажжзна барид̇д̇агааахаарзна саггаа суж̇жхид̇унд̇и звам̣д̣̇идтино хонд̇и. звамаахам̣сууд̇и звам̣ вад̣̇анд̇и. голзхийд̇и бад̣̇арзхи. голод̣̇аганд̇и голаани мад̣̇д̣̇ид̇ваа гад̇абаанагам̣. голавигад̇инд̇и голасаал̣аваголабууваголаг̇ул̣аад̣̇иголавигаарам̣. зд̇абарамод̇и зд̇ам̣ бамаан̣ам̣ барамам̣ ассаад̇и зд̇абарамо. д̇ад̣̇аа зганавуд̇игаббамад̇т̇агз бана на б̣злувабаггад̇аалабаггабамаан̣о голо ход̇и, яам̣ зд̇арахи голасса бамаан̣ам̣, зд̇д̇агова ход̇ийд̇и ад̇т̇о.

159. ад̇химад̇д̇агасимаананд̇и ад̇ивияа гисабхаавам̣. аасийд̇игабаб̣б̣аани ваа гаал̣абаб̣б̣аани ваад̇и яат̇аа аасийд̇игаваллияаа ваа гаал̣аваллияаа ваа санд̇хидтаанзсу милааяид̇ваа маж̇жхз уннад̇уннад̇аани хонд̇и, звам̣ маяхам̣ ан̇г̇абажжан̇г̇аани хонд̇ийд̇и д̣̇ассзд̇и. одтабад̣̇анд̇и яат̇аа одтасса бад̣̇ам̣ маж̇жхз г̇амбхийрам̣ ход̇и, звамзвам̣ б̣од̇хисад̇д̇асса милаад̇з мам̣салохид̇з важжад̣̇ваарасса анд̇обавидтад̇д̇аа аанисад̣̇ам̣ маж̇жхз г̇амбхийрам̣ ход̇и. ат̇асса бхуумияам̣ нисиннадтаанам̣ сарабон̇кзна агганд̇ам̣ вияа маж̇жхз уннад̇ам̣ ход̇и. вадданаавал̣ийд̇и яат̇аа раж̇ж̇уяаа аавунид̇ваа гад̇аа вадданаавал̣ий вадданаанам̣ анд̇аранд̇араа ниннаа ход̇и, вадданадтаанзсу уннад̇аа, звам̣ бидтиган̣даго уннад̇ааванад̇о ход̇и, ж̇арасаалааяа г̇обаанасияод̇и ж̇ин̣н̣асаалааяа г̇обаанасияо, д̇аа вам̣сад̇о мужжид̇ваа ман̣д̣алз бад̇идтаханд̇и, ман̣д̣алад̇о мужжид̇ваа бхуумияанд̇и; звам̣ згаа убари ход̇и, згаа хздтаад̇и олуг̇г̇авилуг̇г̇аа бхаванд̇и. б̣од̇хисад̇д̇асса бана на звам̣ паасул̣ияо, д̇асса хи лохид̇з чиннз мам̣сз милаад̇з паасул̣анд̇арзхи жаммаани хздтаа од̇ин̣н̣аани, д̇ам̣ санд̇хааязд̇ам̣ вуд̇д̇ам̣.

огкааяигаад̇и хздтаа анубавидтаа. д̇асса гира лохид̇з чиннз мам̣сз милаад̇з агкиааваадагаа мад̇т̇алун̇г̇ам̣ аахажжа адтам̣су, д̇знасса зваруубаа агкид̇аарагаа ахзсум̣. аамагажчиннод̇и ад̇ид̇арун̣агаалз чинно, со хи ваад̇аад̇абзна сам̣пусад̇и жзва милааяад̇и жа. яаавассу мз, саарибуд̇д̇аад̇и, саарибуд̇д̇а, маяхам̣ уд̣̇аражчави яаава бидтиган̣дагам̣ аллийнаа ход̇и. ат̇а ваа яаавассу мз, саарибуд̇д̇а, бхаарияабхаарияаа ахоси д̣̇уггарагааригаа, маяхам̣ уд̣̇аражчави яаава бидтиган̣дагам̣ аллийнаа ахосийд̇и звамзд̇т̇а самб̣анд̇хо взд̣̇ид̇аб̣б̣о. бидтиган̣дагам̣язва бариг̇г̇ан̣хаамийд̇и сахауд̣̇аражчавим̣ г̇ан̣хаами. уд̣̇аражчавим̣язва бариг̇г̇ан̣хаамийд̇и сахабидтиган̣дагам̣ г̇ан̣хаами. авагуж̇ж̇о бабад̇аамийд̇и д̇асса хи ужжаарабассаавад̇т̇ааяа нисиннасса бассааво нзва нигкамад̇и, важжам̣ бана згам̣ д̣̇вз гадагадтимад̇д̇ам̣ нигкамад̇и. б̣алавад̣̇угкам̣ уббаад̣̇зд̇и. сарийрад̇о сзд̣̇аа мужжанд̇и, д̇ад̇т̇зва авагуж̇ж̇о бхуумияам̣ бад̇ад̇и. д̇знааха ‘‘авагуж̇ж̇о бабад̇аамий’’д̇и. д̇амзва гааяанд̇и д̇ам̣ зганавуд̇игаббамад̇т̇агз гааяам̣. махаасажжагасуд̇д̇з бана бажчимабхавигагааяам̣ санд̇хааяа имамзва гааяанд̇и ааха. бууд̇имуулаанийд̇и мам̣сз ваа лохид̇з ваа сад̇и д̇идтанд̇и. д̇асса бана абхаавз жаммакан̣д̣з ломаани вияа хад̇т̇зязва лаг̇г̇анд̇и, д̇ам̣ санд̇хааяааха ‘‘бууд̇имуулаани ломаани гааяасмаа бад̇анд̇ий’’д̇и.

аламарияан̃аан̣ад̣̇ассанависзсанд̇и арияабхаавам̣ гаад̇ум̣ самад̇т̇ам̣ логуд̇д̇арамаг̇г̇ам̣. имиссааязва арияааяа бан̃н̃ааяаад̇и вибассанаабан̃н̃ааяа анад̇хиг̇амаа. яааяам̣ арияаад̇и яаа аяам̣ маг̇г̇абан̃н̃аа ад̇хиг̇ад̇аа. ид̣̇ам̣ вуд̇д̇ам̣ ход̇и – яат̇аа зд̇арахи вибассанаабан̃н̃ааяа ад̇хиг̇ад̇ад̇д̇аа маг̇г̇абан̃н̃аа ад̇хиг̇ад̇аа, звам̣ зганавуд̇игаббамад̇т̇агз вибассанаабан̃н̃ааяа анад̇хиг̇ад̇ад̇д̇аа логуд̇д̇арамаг̇г̇абан̃н̃ам̣ наад̇хиг̇ад̇осмийд̇и, маж̇жхимабхаан̣агад̇т̇зраа банааху, имиссааязваад̇и вуд̇д̇абан̃н̃ааби яааяам̣ арияаад̇и вуд̇д̇абан̃н̃ааби маг̇г̇абан̃н̃ааязва. ат̇а нз бхигкуу аахам̣су ‘‘звам̣ санд̇з маг̇г̇асса анад̇хиг̇ад̇ад̇д̇аа маг̇г̇ам̣ наад̇хиг̇ад̇осмийд̇и ид̣̇ам̣ вуд̇д̇ам̣ ход̇и, бханд̇з’’д̇и. аавусо, гин̃жааби д̣̇ийбзд̇ум̣ на саггоми, д̣̇взби бана маг̇г̇абан̃н̃ааязваад̇и, зд̇ад̣̇зва жзд̇т̇а яуд̇д̇ам̣. ид̇арат̇аа хи яаа аяанд̇и нид̣̇д̣̇зсо анануруубо сияаа.

аахаарасуд̣̇д̇хиван̣н̣анаа нидтид̇аа.

сам̣саарасуд̣̇д̇хиаад̣̇иван̣н̣анаа

160. сам̣саарзна суд̣̇д̇хийд̇и б̣ахугам̣ сам̣сарид̇ваа суж̇жханд̇ийд̇и вад̣̇анд̇и. убабад̇д̇ияаа суд̣̇д̇хийд̇и б̣ахугам̣ убабаж̇ж̇ид̇ваа суж̇жханд̇ийд̇и вад̣̇анд̇и. ааваасзна суд̣̇д̇хийд̇и б̣ахуусу таанзсу васид̇ваа суж̇жханд̇ийд̇и вад̣̇анд̇и. д̇ийсуби таанзсу сам̣саран̣агавасзна сам̣сааро. убабаж̇ж̇анагавасзна убабад̇д̇и. васанагавасзна ааваасод̇и канд̇хааязва вуд̇д̇аа. яан̃н̃знаад̇и б̣ахуяааг̇з яаж̇ид̇ваа суж̇жханд̇ийд̇и вад̣̇анд̇и. муд̣̇д̇хаавасид̇д̇знаад̇и д̇ийхи сан̇кзхи кад̇д̇ияаабхисзгзна муд̣̇д̇хани абхисид̇д̇зна. аг̇г̇ибаарижарияааяаад̇и б̣ахуаг̇г̇ибарижаран̣зна суж̇жханд̇ийд̇и вад̣̇анд̇и.

161. д̣̇ахарод̇и д̇арун̣о. яуваад̇и яоб̣б̣анзна саманнааг̇ад̇о. сусугаал̣агзсод̇и судту гаал̣агзсо. бхад̣̇рзна яоб̣б̣анзна саманнааг̇ад̇од̇и иминаасса язна яоб̣б̣анзна саманнааг̇ад̇о яуваа, д̇ам̣ яоб̣б̣анам̣ бхад̣̇д̣̇ам̣ лад̣̇д̇хаганд̇и д̣̇ассзд̇и. батамзна ваяасаад̇и батамаваяо наама д̇зд̇д̇им̣са вассаани, д̇зна саманнааг̇ад̇од̇и ад̇т̇о, бан̃н̃аавзяяад̇д̇иязнаад̇и бан̃н̃аавзяяад̇д̇ибхаавзна. ж̇ин̣н̣од̇и ж̇арааж̇ин̣н̣о. вуд̣̇д̇ход̇и вад̣дхид̇ваа тид̇аан̇г̇абажжан̇г̇о. махаллагод̇и ж̇аад̇имахаллаго. ад̣̇д̇хаг̇ад̇од̇и б̣ахуад̣̇д̇хаанам̣ г̇ад̇о жирагаалаад̇игганд̇о. ваяо ануббад̇д̇од̇и вассасад̇асса д̇ад̇ияагодтаасам̣ бажчимаваяам̣ ануббад̇д̇о. аасийд̇иго мз ваяо вад̇д̇ад̇ийд̇и имам̣ гира суд̇д̇ам̣ бхаг̇аваа бариниб̣б̣аанасам̣важчарз гат̇зси. д̇асмаа звамааха. барамааяаад̇и уд̇д̇амааяа. сад̇ияаад̇иаад̣̇ийсу бад̣̇асад̇амби бад̣̇асахассамби вад̣̇анд̇ассзва г̇ахан̣асамад̇т̇ад̇аа сад̇и наама. д̇ад̣̇зва аад̇хааран̣аубаниб̣анд̇ханасамад̇т̇ад̇аа г̇ад̇и наама. звам̣ г̇ахид̇ам̣ д̇хаарид̇ам̣ саж̇жхааяам̣ гаад̇ум̣ самад̇т̇авийрияам̣ д̇хид̇и наама. д̇асса ад̇т̇ан̃жа гааран̣ан̃жа д̣̇ассанасамад̇т̇ад̇аа бан̃н̃аавзяяад̇д̇ияам̣ наама.

д̣̇ал̣хад̇хаммаа д̇хануг̇г̇аход̇и д̣̇ал̣хам̣ д̇ханум̣ г̇ахзд̇ваа тид̇о иссаасо. д̣̇ал̣хад̇хану наама д̣̇висахассат̇аамам̣ вужжад̇и, д̣̇висахассат̇аамам̣ наама яасса ааробид̇асса ж̇ияааб̣ад̣̇д̇хо лохасийсаад̣̇ийнам̣ бхааро д̣̇ан̣д̣з г̇ахзд̇ваа яаава ган̣д̣аббамаан̣аа угкид̇д̇асса бат̇авид̇о мужжад̇и. сигкид̇од̇и д̣̇аса д̣̇ваад̣̇аса вассаани аажарияагулз уг̇г̇ахид̇асиббо. гад̇ахад̇т̇од̇и гожи сиббамзва уг̇г̇ан̣хаад̇и. гад̇ахад̇т̇о на ход̇и, аяам̣ бана гад̇ахад̇т̇о жин̣н̣авасийбхааво. гад̇уубаасанод̇и рааж̇агулаад̣̇ийсу д̣̇ассид̇асиббо. лахугзна асанзнаад̇и анд̇о сусирам̣ гад̇ваа д̇уулаад̣̇ийни буурзд̇ваа гад̇алаакаабаригаммзна саллахугаган̣д̣зна. звам̣ гад̇ан̃хи згаусабхаг̇аамий д̣̇вз усабхаани г̇ажчад̇и, адтаусабхаг̇аамий сол̣асаусабхаани г̇ажчад̇и. аббагасирзнаад̇и нид̣̇угкзна. ад̇ибаад̇зяяаад̇и ад̇иггамзяяа. звам̣ ад̇химад̇д̇асад̇иманд̇од̇и яат̇аа со д̇хануг̇г̇ахо д̇ам̣ вид̣̇ад̇т̇ижад̇уран̇г̇улачааяам̣ сийгхам̣ зва ад̇иггамзд̇и, звам̣ бад̣̇асад̇амби бад̣̇асахассамби уг̇г̇ахзд̇ум̣ убад̇хаарзд̇ум̣ саж̇жхааяид̇ум̣ ад̇т̇агааран̣аани жа убабаригкид̇ум̣ самад̇т̇аад̇и ад̇т̇о. ан̃н̃ад̇ра асид̇абийд̇акааяид̇асааяид̇аад̇и асид̇абийд̇аад̣̇ийни хи бхаг̇авад̇ааби гаад̇аб̣б̣аани хонд̇и, бхигкуухиби. д̇асмаа д̇зсам̣ гаран̣амад̇д̇агаалам̣ табзд̇ваад̇и д̣̇ассзд̇и.

абарияаад̣̇иннааязваад̇и абаригкийн̣ааязва. сажз хи зго бхигку гааяаанубассанам̣ бужчад̇и, ан̃н̃о взд̣̇анаанубассанам̣, ан̃н̃о жид̇д̇аанубассанам̣, аяяо д̇хаммаанубассанам̣. иминаа будтам̣ ахам̣ бужчиссаамийд̇и зго згам̣ на ологзд̇и. звам̣ санд̇зби д̇зсам̣ вааро бан̃н̃ааяад̇и. звам̣ б̣уд̣̇д̇хаанам̣ бана вааро на бан̃н̃ааяад̇и, вид̣̇ад̇т̇ижад̇уран̇г̇улачааяам̣ ад̇иггамад̇о бурзд̇арам̣язва бхаг̇аваа жуд̣̇д̣̇асавид̇хзна гааяаанубассанам̣, нававид̇хзна взд̣̇анаанубассанам̣, сол̣асавид̇хзна жид̇д̇аанубассанам̣, бан̃жавид̇хзна д̇хаммаанубассанам̣ гат̇зд̇и. д̇идтанд̇у ваа д̇аава зд̇з жад̇д̇ааро. сажз хи ан̃н̃з жад̇д̇ааро саммаббад̇хаанзсу, ан̃н̃з ид̣̇д̇хибаад̣̇зсу, ан̃н̃з бан̃жа инд̣̇риязсу, ан̃н̃з бан̃жа б̣алзсу, ан̃н̃з сад̇д̇а б̣ож̇жхан̇г̇зсу, ан̃н̃з адта маг̇г̇ан̇г̇зсу бан̃хам̣ бужчзяяум̣, д̇амби бхаг̇аваа гат̇зяяа. д̇идтанд̇у ваа зд̇з адта. сажз ан̃н̃з сад̇д̇ад̇им̣са ж̇анаа б̣од̇хибагкиязсу бан̃хам̣ бужчзяяум̣, д̇амби бхаг̇аваа д̇аавад̣̇зва гат̇зяяа. гасмаа? яаавад̇аа хи логияамахааж̇анаа згам̣ бад̣̇ам̣ гат̇знд̇и. д̇аава аананд̣̇ад̇т̇зро адта бад̣̇аани гат̇зд̇и. аананд̣̇ад̇т̇зрз бана згам̣ бад̣̇ам̣ гат̇знд̇зязва бхаг̇аваа сол̣асабад̣̇аани гат̇зд̇и. гасмаа? бхаг̇авад̇о хи ж̇ивхаа муд̣̇угаа д̣̇анд̇ааваран̣ам̣ супусид̇ам̣ важанам̣ аг̇алид̇ам̣ бхаван̇г̇абариваасо лахуго. д̇знааха ‘‘абарияаад̣̇иннааязвасса, саарибуд̇д̇а, д̇ат̇ааг̇ад̇асса д̇хаммад̣̇зсанаа’’д̇и.

д̇ад̇т̇а д̇хаммад̣̇асзнаад̇и д̇анд̇итабанаа. д̇хаммабад̣̇аб̣яан̃ж̇ананд̇и баал̣ияаа бад̣̇аб̣яан̃ж̇анам̣, д̇асса д̇асса ад̇т̇асса б̣яан̃ж̇анагам̣ агкарам̣. бан̃хабадибхаананд̇и бан̃хаб̣яаагаран̣ам̣. иминаа гим̣ д̣̇ассзд̇и? д̇ат̇ааг̇ад̇о буб̣б̣з д̣̇ахарагаалз агкараани самбин̣д̣зд̇ваа бад̣̇ам̣ вад̇д̇ум̣ саггод̇и, бад̣̇аани самбин̣д̣зд̇ваа г̇аат̇ам̣ вад̇д̇ум̣ саггод̇и, жад̇уагкарзхи ваа адтаагкарзхи ваа сол̣асаагкарзхи ваа бад̣̇зхи яуд̇д̇ааяа г̇аат̇ааяа ад̇т̇ам̣ вад̇д̇ум̣ саггод̇и. ид̣̇аани бана махаллагагаалз агкараани самбин̣д̣зд̇ваа бад̣̇ам̣ ваа, бад̣̇аани самбин̣д̣зд̇ваа г̇аат̇ам̣ ваа, г̇аат̇ааяа ад̇т̇ам̣ ваа вад̇д̇ум̣ на саггод̇ийд̇и звам̣ над̇т̇и. д̣̇ахарагаалз жа махаллагагаалз жа саб̣б̣амзд̇ам̣ д̇ат̇ааг̇ад̇асса абарияаад̣̇иннамзваад̇и имам̣ д̣̇ассзд̇и. ман̃жагзна жзби манд̇и ид̣̇ам̣ б̣уд̣̇д̇хаб̣алад̣̇ийбанад̇т̇амзва баригаббзд̇ваа ааха. д̣̇асаб̣алам̣ бана ман̃жагз ааробзд̇ваа г̇ааманиг̇амарааж̇ад̇хаанияо барихаран̣агаало наама над̇т̇и. д̇ат̇ааг̇ад̇аа хи бан̃жамз ааяугодтаасз кан̣д̣ижжаад̣̇ийхи анабхибхууд̇аа суван̣н̣аван̣н̣асарийрасса взван̣н̣ияз анануббад̇д̇з д̣̇звамануссаанам̣ бияаманаабагаалзязва бариниб̣б̣ааяанд̇и.

162. нааг̇асамаалод̇и д̇асса т̇зрасса наамам̣. батамаб̣од̇хияан̃хи вийсад̇ивассаб̣бханд̇арз убаваананааг̇ид̇амзгхияад̇т̇зраа вияа аяамби бхаг̇авад̇о убадтааго ахоси. б̣ийж̇аяамаанод̇и манд̣̇аманд̣̇зна д̇аалаван̣даваад̇зна бхаг̇авад̇о уд̇усукам̣ самудтаабаяамаано. зд̇ад̣̇авожаад̇и сагаласуд̇д̇анд̇ам̣ суд̇ваа бхаг̇авад̇о буб̣б̣ажарид̇ам̣ д̣̇уггарагаарагам̣ ааг̇амма басанно зд̇ам̣ ‘‘ажчарияам̣ бханд̇з’’д̇иаад̣̇иважанам̣ авожа. д̇ад̇т̇а ажчарам̣ бахарид̇ум̣ яуд̇д̇анд̇и ажчарияам̣. абхууд̇абуб̣б̣ам̣ бхууд̇анд̇и аб̣бхуд̇ам̣. убхаязнаби ад̇д̇ано вимхаяамзва д̣̇ийбзд̇и. го наамо аяам̣ бханд̇зд̇и ид̣̇ам̣ бхад̣̇д̣̇аго вад̇ааяам̣ д̇хаммабарияааяо, ханд̣̇асса бхаг̇аванд̇ам̣ ааяаажид̇ваа наамам̣ г̇ан̣хаабзмийд̇и ад̇хиббааязна ааха. ат̇асса бхаг̇аваа наамам̣ г̇ан̣ханд̇о д̇асмаа д̇иха д̇ванд̇иаад̣̇имааха. д̇ассад̇т̇о, яасмаа ид̣̇ам̣ суд̇д̇ам̣ суд̇ваа д̇ава ломаани хадтаани, д̇асмаа д̇иха д̇вам̣ , нааг̇асамаала, имам̣ д̇хаммабарияааяам̣ ‘‘ломахам̣сана барияааяо’’д̇взва нам̣ д̇хаарзхийд̇и.

сам̣саарасуд̣̇д̇хиаад̣̇иван̣н̣анаа нидтид̇аа.

бабан̃жасууд̣̇анияаа маж̇жхиманигааяадтагат̇ааяа

махаасийханаад̣̇асуд̇д̇аван̣н̣анаа нидтид̇аа.