| Library / Tipiṭaka / д̇ибидага • Tipiṭaka / д̣̇ийгханигааяа (дийгаа) • Dīghanikāya (ṭīkā) |
8. махаасийханаад̣̇асуд̇д̇аван̣н̣анаа
8. Mahāsīhanādasuttavaṇṇanā
ажзлагассабавад̇т̇уван̣н̣анаа
Acelakassapavatthuvaṇṇanā
381. яасмим̣ радтз д̇ам̣ наг̇арам̣, д̇асса радтассаби яасмим̣ наг̇арз д̇ад̣̇аа бхаг̇аваа вихааси, д̇асса наг̇арассаби зд̇ад̣̇зва наамам̣, д̇асмаа урун̃н̃ааяанд̇и урун̃н̃ааж̇анабад̣̇з урун̃н̃аасан̇каад̇з наг̇арзд̇и ад̇т̇о. раман̣ийяод̇и манохарабхуумибхааг̇ад̇ааяа чааяууд̣̇агасамбад̇д̇ияаа, ж̇анавивид̇д̇ад̇ааяа жа манорамо. нааманд̇и г̇од̇д̇анаамам̣. д̇абанам̣ санд̇абанам̣ гааяасса кзд̣̇анам̣ д̇або, со зд̇асса ад̇т̇ийд̇и д̇абассий, д̇ам̣ д̇абассим̣. яасмаа д̇ат̇аабхууд̇о д̇абам̣ ниссид̇о, д̇або ваа д̇ам̣ ниссид̇о, д̇асмаа ааха ‘‘д̇абаниссид̇ага’’нд̇и. луукам̣ ваа парусам̣ саад̇хусаммад̇аажааравирахад̇о набасаад̣̇анийяам̣ ааж̇ийвад̇и вад̇д̇ад̇ийд̇и луукааж̇ийвий, д̇ам̣ луукааж̇ийвим̣. муд̇д̇аажаараад̣̇ийд̇и аад̣̇и-сад̣̇д̣̇зна барад̇о баал̣ияам̣ (д̣̇ий. ни. 1.397) ааг̇ад̇аа хад̇т̇аабалзканаад̣̇аяо сан̇г̇ахид̇аа. уббан̣д̣зд̇ийд̇и ухасанавасзна барибхаасад̇и. убавад̣̇ад̇ийд̇и аван̃н̃аабуб̣б̣агам̣ абавад̣̇ад̇и, д̇знааха ‘‘хийл̣зд̇и вамбхзд̇ий’’д̇и. д̇хаммасса жа ануд̇хаммам̣д̇и зд̇т̇а д̇хаммо наама хзд̇у ‘‘хзд̇умхи н̃аан̣ам̣ д̇хаммабадисамбхид̣̇аа’’д̇иаад̣̇ийсу (вибха. 720) вияаад̇и ааха ‘‘гааран̣асса анугааран̣а’’нд̇и. гааран̣анд̇и жзд̇т̇а д̇ат̇аабавад̇д̇асса сад̣̇д̣̇асса ад̇т̇о ад̇хиббзд̇о д̇асса бавад̇д̇ихзд̇убхаавад̇о. ад̇т̇аббаяуд̇д̇о хи сад̣̇д̣̇аббаяог̇о. анугааран̣анд̇и жа со зва барзхи д̇ат̇аа вужжамаано. барзхийд̇и ‘‘яз д̇з’’д̇и вуд̇д̇асад̇д̇зхи барзхи. вуд̇д̇агааран̣знаад̇и яат̇аа д̇зхи вуд̇д̇ам̣, д̇ат̇аа жз д̇умхзхи на вуд̇д̇ам̣, звам̣ сад̇и д̇зхи вуд̇д̇агааран̣зна сагааран̣о худ̇ваа д̇умхаагам̣ ваад̣̇о ваа д̇ад̇о барам̣ д̇асса ануваад̣̇о гожи аббамад̇д̇агоби вин̃н̃уухи г̇арахид̇аб̣б̣ам̣ таанам̣ гааран̣ам̣ нааг̇ажчзяяа, гимзвам̣ нааг̇ажчад̇ийд̇и яож̇анаа. ‘‘ид̣̇ам̣ вуд̇д̇ам̣ ход̇ий’’д̇иаад̣̇инаа д̇амзвад̇т̇ам̣ сан̇кзбад̇о д̣̇ассзд̇и.
381. Yasmiṃ raṭṭhe taṃ nagaraṃ, tassa raṭṭhassapi yasmiṃ nagare tadā bhagavā vihāsi, tassa nagarassapi etadeva nāmaṃ, tasmā uruññāyanti uruññājanapade uruññāsaṅkhāte nagareti attho. Ramaṇīyoti manoharabhūmibhāgatāya chāyūdakasampattiyā, janavivittatāya ca manoramo. Nāmanti gottanāmaṃ. Tapanaṃ santapanaṃ kāyassa khedanaṃ tapo, so etassa atthīti tapassī, taṃ tapassiṃ. Yasmā tathābhūto tapaṃ nissito, tapo vā taṃ nissito, tasmā āha ‘‘tapanissitaka’’nti. Lūkhaṃ vā pharusaṃ sādhusammatācāravirahato napasādanīyaṃ ājīvati vattatīti lūkhājīvī, taṃ lūkhājīviṃ. Muttācārādīti ādi-saddena parato pāḷiyaṃ (dī. ni. 1.397) āgatā hatthāpalekhanādayo saṅgahitā. Uppaṇḍetīti uhasanavasena paribhāsati. Upavadatīti avaññāpubbakaṃ apavadati, tenāha ‘‘hīḷeti vambhetī’’ti. Dhammassa ca anudhammaṃti ettha dhammo nāma hetu ‘‘hetumhi ñāṇaṃ dhammapaṭisambhidā’’tiādīsu (vibha. 720) viyāti āha ‘‘kāraṇassa anukāraṇa’’nti. Kāraṇanti cettha tathāpavattassa saddassa attho adhippeto tassa pavattihetubhāvato. Atthappayutto hi saddappayogo. Anukāraṇanti ca so eva parehi tathā vuccamāno. Parehīti ‘‘ye te’’ti vuttasattehi parehi. Vuttakāraṇenāti yathā tehi vuttaṃ, tathā ce tumhehi na vuttaṃ, evaṃ sati tehi vuttakāraṇena sakāraṇo hutvā tumhākaṃ vādo vā tato paraṃ tassa anuvādo koci appamattakopi viññūhi garahitabbaṃ ṭhānaṃ kāraṇaṃ nāgaccheyya, kimevaṃ nāgacchatīti yojanā. ‘‘Idaṃ vuttaṃ hotī’’tiādinā tamevatthaṃ saṅkhepato dasseti.
382. ид̣̇аани яам̣ вибхаж̇ж̇аваад̣̇ам̣ санд̇хааяа бхаг̇авад̇аа ‘‘на мз д̇з вуд̇д̇аваад̣̇ино’’д̇и сан̇кзбад̇о вад̇ваа д̇ам̣ вибхаж̇ид̇ваа д̣̇ассзд̇ум̣ ‘‘ид̇хаахам̣ гассабаа’’д̇иаад̣̇и вуд̇д̇ам̣, д̇ам̣ вибхааг̇зна д̣̇ассзнд̇о ‘‘ид̇хзгажжо’’д̇иаад̣̇имааха . бхаг̇аваа хи нирад̇т̇агам̣ анубасамасам̣вад̇д̇анигам̣ гааяагиламат̇ам̣ ‘‘ад̇д̇агиламат̇аануяог̇о д̣̇угко анарияо анад̇т̇асам̣хид̇о’’д̇иаад̣̇инаа (сам̣. ни. 3.1081; махаава. 13; бади. ма. 2.30) г̇арахад̇и. саад̇т̇агам̣ бана убасамасам̣вад̇д̇анигам̣ ‘‘ааран̃н̃иго ход̇и, бам̣сугуулиго ход̇ий’’д̇иаад̣̇инаа ван̣н̣зд̇и. аббабун̃н̃ад̇ааяаад̇и абун̃н̃ад̇ааяа. д̇ийн̣и д̣̇ужжарид̇аани буурзд̇ваад̇и мижчаад̣̇идтибхаавад̇о гаммапалам̣ бадигкибанд̇о ‘‘над̇т̇и д̣̇инна’’нд̇иаад̣̇инаа (д̣̇ий. ни. 1.171; ма. ни. 1.445; 2.94, 95, 225; 3.91, 115; сам̣. ни. 3.210; д̇ха. са. 1221; вибха. 938) мижчаад̣̇идтим̣ бурагкад̇ваа д̇ат̇аа д̇ат̇аа д̇ийн̣и д̣̇ужжарид̇аани буурзд̇ваа. анзсанавасзнаад̇и гохан̃н̃з тад̇ваа асанд̇аг̇ун̣асамбхааванижчааяа мижчааж̇ийвавасзна. имз д̣̇взд̇и ‘‘аббабун̃н̃о бун̃н̃аваа’’д̇и жа вуд̇д̇з д̣̇ужжарид̇агаарино д̣̇вз буг̇г̇алз санд̇хааяа.
382. Idāni yaṃ vibhajjavādaṃ sandhāya bhagavatā ‘‘na me te vuttavādino’’ti saṅkhepato vatvā taṃ vibhajitvā dassetuṃ ‘‘idhāhaṃ kassapā’’tiādi vuttaṃ, taṃ vibhāgena dassento ‘‘idhekacco’’tiādimāha . Bhagavā hi niratthakaṃ anupasamasaṃvattanikaṃ kāyakilamathaṃ ‘‘attakilamathānuyogo dukkho anariyo anatthasaṃhito’’tiādinā (saṃ. ni. 3.1081; mahāva. 13; paṭi. ma. 2.30) garahati. Sātthakaṃ pana upasamasaṃvattanikaṃ ‘‘āraññiko hoti, paṃsukūliko hotī’’tiādinā vaṇṇeti. Appapuññatāyāti apuññatāya. Tīṇi duccaritāni pūretvāti micchādiṭṭhibhāvato kammaphalaṃ paṭikkhipanto ‘‘natthi dinna’’ntiādinā (dī. ni. 1.171; ma. ni. 1.445; 2.94, 95, 225; 3.91, 115; saṃ. ni. 3.210; dha. sa. 1221; vibha. 938) micchādiṭṭhiṃ purakkhatvā tathā tathā tīṇi duccaritāni pūretvā. Anesanavasenāti kohaññe ṭhatvā asantaguṇasambhāvanicchāya micchājīvavasena. Ime dveti ‘‘appapuñño puññavā’’ti ca vutte duccaritakārino dve puggale sandhāya.
‘‘имз д̣̇вз санд̇хааяаа’’д̇и зд̇т̇а бана д̣̇уд̇ияанаяз ‘‘аббабун̃н̃о, бун̃н̃аваа’’д̇и жа вуд̇д̇з сужарид̇агааринод̇и аад̣̇инаа яож̇зд̇аб̣б̣ам̣. гаммагирияаваад̣̇ино хи имз д̣̇вз буг̇г̇алаа. ид̇и батамад̣̇уд̇ияанаязсу вуд̇д̇анаязнзва д̇ад̇ияажад̇уд̇т̇анаязсу яож̇анаа взд̣̇ид̇аб̣б̣аа.
‘‘Imedve sandhāyā’’ti ettha pana dutiyanaye ‘‘appapuñño, puññavā’’ti ca vutte sucaritakārinoti ādinā yojetabbaṃ. Kammakiriyavādino hi ime dve puggalā. Iti paṭhamadutiyanayesu vuttanayeneva tatiyacatutthanayesu yojanā veditabbā.
б̣аахирагаажаараяуд̇д̇о д̇ид̇т̇ияаажаараяуд̇д̇о, на вимуд̇д̇аажааро. ад̇д̇аанам̣ сукзд̇ваад̇и ад̇хаммигзна сукзна ад̇д̇аанам̣ сукзд̇ваа, д̇знааха ‘‘д̣̇ужжарид̇аани буурзд̇ваа’’д̇и. ‘‘на д̣̇аани маяаа сад̣̇исо ад̇т̇ий’’д̇иаад̣̇инаа д̇иссаннам̣ ман̃н̃анаанам̣ васзна д̣̇ужжарид̇абууран̣амааха. мижчаад̣̇идтивасзнаад̇и ‘‘над̇т̇и гаамзсу д̣̇осо’’д̇и звам̣ бавад̇д̇амижчаад̣̇идтивасзна. бариб̣б̣ааж̇игааяаад̇и баб̣б̣аж̇ж̇ам̣ убаг̇ад̇ааяа д̇аабасад̣̇ааригааяа. д̣̇ахарааяаад̇и д̇арун̣ааяа. муд̣̇угааяаад̇и сукумаалааяа. ломасааяаад̇и д̇ануд̇амб̣аломад̇ааяа аббаломааяа. гаамзсууд̇и вад̇т̇угаамзсу. баад̇аб̣яад̇анд̇и барибхун̃ж̇ид̇аб̣б̣ам̣, баад̇аб̣яад̇анд̇и ваа барибхун̃ж̇анагад̇ам̣. аабаж̇ж̇анд̇од̇и убаг̇ажчанд̇о. барибхог̇ад̇т̇о хи аяам̣ баа-сад̣̇д̣̇о, гад̇д̇усаад̇хано жа д̇аб̣б̣а-сад̣̇д̣̇о, яат̇ааружи барибхун̃ж̇анд̇од̇и ад̇т̇о. гилзсагаамоби хи ассаад̣̇ияамаано вад̇т̇угааманд̇ог̇ад̇хоязва.
Bāhirakācārayutto titthiyācārayutto, na vimuttācāro. Attānaṃ sukhetvāti adhammikena sukhena attānaṃ sukhetvā, tenāha ‘‘duccaritāni pūretvā’’ti. ‘‘Na dāni mayā sadiso atthī’’tiādinā tissannaṃ maññanānaṃ vasena duccaritapūraṇamāha. Micchādiṭṭhivasenāti ‘‘natthi kāmesu doso’’ti evaṃ pavattamicchādiṭṭhivasena. Paribbājikāyāti pabbajjaṃ upagatāya tāpasadārikāya. Daharāyāti taruṇāya. Mudukāyāti sukhumālāya. Lomasāyāti tanutambalomatāya appalomāya. Kāmesūti vatthukāmesu. Pātabyatanti paribhuñjitabbaṃ, pātabyatanti vā paribhuñjanakataṃ. Āpajjantoti upagacchanto. Paribhogattho hi ayaṃ pā-saddo, kattusādhano ca tabba-saddo, yathāruci paribhuñjantoti attho. Kilesakāmopi hi assādiyamāno vatthukāmantogadhoyeva.
ид̣̇анд̇и яат̇аавуд̇д̇ам̣ ад̇т̇аббабхзд̣̇ам̣ вибхаж̇ж̇анам̣. д̇ид̇т̇ияавасзна ааг̇ад̇ам̣ адтагат̇ааяам̣ д̇ат̇аа вибхад̇д̇ад̇д̇аа. саасанзбийд̇и имасмим̣ саасанзби.
Idanti yathāvuttaṃ atthappabhedaṃ vibhajjanaṃ. Titthiyavasena āgataṃ aṭṭhakathāyaṃ tathā vibhattattā. Sāsanepīti imasmiṃ sāsanepi.
арахад̇д̇ам̣ ваа ад̇д̇ани асанд̇ам̣ ‘‘ад̇т̇ий’’д̇и виббадиж̇аанид̇ваа. сааманд̇аж̇аббанам̣, бажжаяабадисзванам̣, ирияаабат̇аниссид̇анд̇и имаани д̇ийн̣и ваа гуханавад̇т̇ууни. д̇аад̣̇исо ваад̇и д̇худ̇ан̇г̇а- (ми. ба. 4.2; висуд̣̇д̇хи. 1.22) самаад̣̇аанавасзна луукааж̇ийвий зва. д̣̇уллабхасуко бхависсаами д̣̇уг̇г̇ад̇ийсу убабад̇д̇ияаад̇и ад̇хиббааяо.
Arahattaṃvā attani asantaṃ ‘‘atthī’’ti vippaṭijānitvā. Sāmantajappanaṃ, paccayapaṭisevanaṃ, iriyāpathanissitanti imāni tīṇi vā kuhanavatthūni. Tādisovāti dhutaṅga- (mi. pa. 4.2; visuddhi. 1.22) samādānavasena lūkhājīvī eva. Dullabhasukho bhavissāmi duggatīsu upapattiyāti adhippāyo.
383. асугадтаанад̇од̇и асугабхавад̇о. ааг̇ад̇аад̇и ниб̣б̣ад̇д̇анавасзна ид̇хааг̇ад̇аа. ид̣̇аани г̇анд̇аб̣б̣адтаананд̇и ааяад̇им̣ ниб̣б̣ад̇д̇анадтаанам̣. буна убабад̇д̇инд̇и ааяад̇им̣ ананд̇арабхавад̇о д̇ад̇ияам̣ убабад̇д̇им̣, буна убабад̇д̇ийд̇и бунаббунам̣ ниб̣б̣ад̇д̇и. гзна гааран̣знаад̇и яат̇аабхууд̇ам̣ аж̇аананд̇о хи ижчаад̣̇осавасзна яам̣ гин̃жи г̇арахзяяа, ахам̣ бана яат̇аабхууд̇ам̣ ж̇аананд̇о саб̣б̣ам̣ д̇ам̣ гзна гааран̣зна г̇арахиссаами, д̇ам̣ гааран̣ам̣ над̇т̇ийд̇и ад̇хиббааяо, д̇знааха ‘‘г̇арахид̇аб̣б̣амзваа’’д̇иаад̣̇и. д̇амад̇т̇анд̇и г̇арахид̇аб̣б̣ассзва г̇арахан̣ам̣, басам̣сид̇аб̣б̣асса жа басам̣санам̣.
383.Asukaṭṭhānatoti asukabhavato. Āgatāti nibbattanavasena idhāgatā. Idāni gantabbaṭṭhānanti āyatiṃ nibbattanaṭṭhānaṃ. Puna upapattinti āyatiṃ anantarabhavato tatiyaṃ upapattiṃ, puna upapattīti punappunaṃ nibbatti. Kena kāraṇenāti yathābhūtaṃ ajānanto hi icchādosavasena yaṃ kiñci garaheyya, ahaṃ pana yathābhūtaṃ jānanto sabbaṃ taṃ kena kāraṇena garahissāmi, taṃ kāraṇaṃ natthīti adhippāyo, tenāha ‘‘garahitabbamevā’’tiādi. Tamatthanti garahitabbasseva garahaṇaṃ, pasaṃsitabbassa ca pasaṃsanaṃ.
на гожи ‘‘на саад̇хуу’’д̇и вад̣̇ад̇и д̣̇идтад̇хаммигасса, самбарааяигасса жа ад̇т̇асса саад̇ханавасзнзва бавад̇д̇ияаа бхад̣̇д̣̇агад̇д̇аа. бан̃жавид̇хам̣ взранд̇и баан̣аад̇ибаад̇аад̣̇ибан̃жавид̇хам̣ взрам̣. д̇ан̃хи бан̃жавид̇хасса сийласса бадисад̇д̇убхаавад̇о, сад̇д̇аанам̣ взрахзд̇уд̇ааяа жа ‘‘взра’’нд̇и вужжад̇и. д̇ад̇о зва д̇ам̣ на гожи ‘‘саад̇хуу’’д̇и вад̣̇ад̇и, д̇ат̇аа д̣̇идтад̇хаммигаад̣̇иад̇т̇аанам̣ асаад̇ханад̇о, сад̇д̇аанам̣ саад̇хубхаавасса жа д̣̇уусанад̇о. на нирунд̇хид̇аб̣б̣анд̇и руубаг̇г̇ахан̣з на ниваарзд̇аб̣б̣ам̣. д̣̇ассанийяад̣̇ассанад̇т̇о хи жагкубадилаабход̇и д̇зсам̣ ад̇хиббааяо. яад̣̇аг̇г̇зна д̇зсам̣ бан̃жад̣̇ваарз асам̣варо саад̇ху , д̇ад̣̇аг̇г̇зна д̇ад̇т̇а сам̣варо на саад̇хууд̇и ааха ‘‘буна яам̣ д̇з згажжанд̇и бан̃жад̣̇ваарз сам̣вара’’нд̇и.
Na koci ‘‘na sādhū’’ti vadati diṭṭhadhammikassa, samparāyikassa ca atthassa sādhanavaseneva pavattiyā bhaddakattā. Pañcavidhaṃ veranti pāṇātipātādipañcavidhaṃ veraṃ. Tañhi pañcavidhassa sīlassa paṭisattubhāvato, sattānaṃ verahetutāya ca ‘‘vera’’nti vuccati. Tato eva taṃ na koci ‘‘sādhū’’ti vadati, tathā diṭṭhadhammikādiatthānaṃ asādhanato, sattānaṃ sādhubhāvassa ca dūsanato. Na nirundhitabbanti rūpaggahaṇe na nivāretabbaṃ. Dassanīyadassanattho hi cakkhupaṭilābhoti tesaṃ adhippāyo. Yadaggena tesaṃ pañcadvāre asaṃvaro sādhu , tadaggena tattha saṃvaro na sādhūti āha ‘‘puna yaṃ te ekaccanti pañcadvāre saṃvara’’nti.
ат̇а ваа яам̣ д̇з згажжам̣ вад̣̇анд̇и ‘‘саад̇хуу’’д̇и д̇з ‘‘згз саман̣аб̣раахман̣аа’’д̇и вуд̇д̇аа д̇ид̇т̇ияаа яам̣ ад̇д̇агиламат̇аануяог̇аад̣̇им̣ ‘‘саад̇хуу’’д̇и вад̣̇анд̇и, маяам̣ д̇ам̣ на ‘‘саад̇хуу’’д̇и вад̣̇аама. яам̣ д̇з згажжам̣ вад̣̇анд̇и ‘‘на саад̇хуу’’д̇и яам̣ бана д̇з анаваж̇ж̇абажжаяабарибхог̇ам̣, сунивад̇т̇асубаарубанаад̣̇исаммаабадибад̇д̇ин̃жа ‘‘на саад̇хуу’’д̇и вад̣̇анд̇и, д̇ам̣ маяам̣ ‘‘саад̇хуу’’д̇и вад̣̇аамаад̇и звам̣ бзд̇т̇а ад̇т̇о взд̣̇ид̇аб̣б̣о.
Atha vā yaṃ te ekaccaṃ vadanti ‘‘sādhū’’ti te ‘‘eke samaṇabrāhmaṇā’’ti vuttā titthiyā yaṃ attakilamathānuyogādiṃ ‘‘sādhū’’ti vadanti, mayaṃ taṃ na ‘‘sādhū’’ti vadāma. Yaṃ te ekaccaṃ vadanti ‘‘na sādhū’’ti yaṃ pana te anavajjapaccayaparibhogaṃ, sunivatthasupārupanādisammāpaṭipattiñca ‘‘na sādhū’’ti vadanti, taṃ mayaṃ ‘‘sādhū’’ti vadāmāti evaṃ pettha attho veditabbo.
звам̣ яам̣ бараваад̣̇амуулагам̣ жад̇уггам̣ д̣̇ассид̇ам̣, д̇ад̣̇зва буна сагаваад̣̇амуулагам̣ гад̇ваа д̣̇ассид̇анд̇и багаасзнд̇о ‘‘зва’’нд̇иаад̣̇имааха. яан̃хи гин̃жи гзнажи самаанам̣, д̇знаби д̇ам̣ самаанамзва, д̇ат̇аа асамаанам̣ бийд̇и. самаанаасамаанад̇анд̇и самаанаасамаанад̇аамад̇д̇ам̣. анавасзсад̇о хи бахаад̇аб̣б̣аанам̣ д̇хаммаанам̣ бахаанам̣ сагаваад̣̇з д̣̇иссад̇и, на бараваад̣̇з. д̇ат̇аа барибун̣н̣амзва жа убасамбаад̣̇зд̇аб̣б̣ад̇хаммаанам̣ убасамбаад̣̇анам̣ сагаваад̣̇з, на бараваад̣̇з. д̇зна вуд̇д̇ам̣ ‘‘д̇яааха’’нд̇иаад̣̇и.
Evaṃ yaṃ paravādamūlakaṃ catukkaṃ dassitaṃ, tadeva puna sakavādamūlakaṃ katvā dassitanti pakāsento ‘‘eva’’ntiādimāha. Yañhi kiñci kenaci samānaṃ, tenapi taṃ samānameva, tathā asamānaṃ pīti. Samānāsamānatanti samānāsamānatāmattaṃ. Anavasesato hi pahātabbānaṃ dhammānaṃ pahānaṃ sakavāde dissati, na paravāde. Tathā paripuṇṇameva ca upasampādetabbadhammānaṃ upasampādanaṃ sakavāde, na paravāde. Tena vuttaṃ ‘‘tyāha’’ntiādi.
самануяун̃ж̇аабанагат̇ааван̣н̣анаа
Samanuyuñjāpanakathāvaṇṇanā
385. лад̣̇д̇хим̣ бужчанд̇од̇и ‘‘гим̣ саман̣о г̇од̇амо сам̣гилзсад̇хаммз анавасзсам̣ бахааяа вад̇д̇ад̇и, уд̣̇ааху барз г̇ан̣аажарияаа. зд̇т̇а д̇аава ад̇д̇ано лад̣̇д̇хим̣ вад̣̇аа’’д̇и лад̣̇д̇хим̣ бужчанд̇о. гааран̣ам̣ бужчанд̇од̇и ‘‘саман̣о г̇од̇амо сам̣гилзсад̇хаммз анавасзсам̣ бахааяа вад̇д̇ад̇ий’’д̇и вуд̇д̇з ‘‘гзна гааран̣зна звамад̇т̇ам̣ г̇аахаяаа’’д̇и гааран̣ам̣ бужчанд̇о. убхаяам̣ бужчанд̇од̇и ‘‘ид̣̇ам̣ наамзд̇т̇а гааран̣а’’нд̇и гааран̣ам̣ вад̇ваа бадин̃н̃аад̇з ад̇т̇з саад̇хияамаанз анваяад̇о, б̣яад̇ирзгад̇о жа гааран̣ам̣ самад̇т̇зд̇ум̣ сад̣̇исаасад̣̇исабхзд̣̇ам̣ убамод̣̇аахаран̣ад̣̇ваяам̣ бужчанд̇о, убхаяам̣ бужчанд̇о гааран̣асса жа д̇илагкан̣асамбад̇д̇ияаа яат̇аабадин̃н̃аад̇з ад̇т̇з саад̇хид̇з саммад̣̇зва анубажчаа бхаасанд̇о ниг̇амзнд̇о саманубхаасад̇и наама. убасам̣харид̇ваад̇и убанзд̇ваа. ‘‘гим̣ д̇з’’д̇иаад̣̇и убасам̣харан̣аагаарад̣̇ассанам̣. д̣̇уд̇ияабад̣̇зд̇и ‘‘сан̇гхзна ваа сан̇гха’’нд̇и имасмим̣ бад̣̇з.
385.Laddhiṃpucchantoti ‘‘kiṃ samaṇo gotamo saṃkilesadhamme anavasesaṃ pahāya vattati, udāhu pare gaṇācariyā. Ettha tāva attano laddhiṃ vadā’’ti laddhiṃ pucchanto. Kāraṇaṃ pucchantoti ‘‘samaṇo gotamo saṃkilesadhamme anavasesaṃ pahāya vattatī’’ti vutte ‘‘kena kāraṇena evamatthaṃ gāhayā’’ti kāraṇaṃ pucchanto. Ubhayaṃ pucchantoti ‘‘idaṃ nāmettha kāraṇa’’nti kāraṇaṃ vatvā paṭiññāte atthe sādhiyamāne anvayato, byatirekato ca kāraṇaṃ samatthetuṃ sadisāsadisabhedaṃ upamodāharaṇadvayaṃ pucchanto, ubhayaṃ pucchanto kāraṇassa ca tilakkhaṇasampattiyā yathāpaṭiññāte atthe sādhite sammadeva anupacchā bhāsanto nigamento samanubhāsati nāma. Upasaṃharitvāti upanetvā. ‘‘Kiṃ te’’tiādi upasaṃharaṇākāradassanaṃ. Dutiyapadeti ‘‘saṅghena vā saṅgha’’nti imasmiṃ pade.
д̇амад̇т̇анд̇и д̇ам̣ бахаад̇аб̣б̣ад̇хаммаанам̣ анавасзсам̣ бахааяа вад̇д̇анасан̇каад̇ан̃жа самаад̣̇аад̇аб̣б̣ад̇хаммаанам̣ анавасзсам̣ самаад̣̇ааяа вад̇д̇анасан̇каад̇ан̃жа ад̇т̇ам̣. яож̇зд̇ваад̇и агусалаад̣̇ибад̣̇зхи яож̇зд̇ваа. агосалласамбхууд̇адтзна агусалаа жзва д̇ад̇оязва агусалаад̇и жа сан̇кам̣ г̇ад̇аад̇и сан̇каад̇аа д̇ад̇т̇а буримабад̣̇зна зганд̇аагусалз вад̣̇ад̇и, д̣̇уд̇ияабад̣̇зна д̇ам̣сахаг̇ад̇з, д̇ам̣багкияз жа, д̇знааха ‘‘годтаасам̣ ваа гад̇ваа табид̇аа’’д̇и, агусалабагкияабхаавзна вавад̇т̇аабид̇аад̇и ад̇т̇о. аваж̇ж̇адто д̣̇осадто г̇аараяхабарияааяад̇д̇аад̇и ааха ‘‘сааваж̇ж̇аад̇и сад̣̇осаа’’д̇и. арияаа наама нид̣̇д̣̇осаа, имз бана гад̇т̇ажиби нид̣̇д̣̇осаа на хонд̇ийд̇и нид̣̇д̣̇осадтзна арияаа бхавид̇ум̣ наалам̣ асамад̇т̇аа.
Tamatthanti taṃ pahātabbadhammānaṃ anavasesaṃ pahāya vattanasaṅkhātañca samādātabbadhammānaṃ anavasesaṃ samādāya vattanasaṅkhātañca atthaṃ. Yojetvāti akusalādipadehi yojetvā. Akosallasambhūtaṭṭhena akusalā ceva tatoyeva akusalāti ca saṅkhaṃ gatāti saṅkhātā tattha purimapadena ekantākusale vadati, dutiyapadena taṃsahagate, taṃpakkhiye ca, tenāha ‘‘koṭṭhāsaṃ vā katvā ṭhapitā’’ti, akusalapakkhiyabhāvena vavatthāpitāti attho. Avajjaṭṭho dosaṭṭho gārayhapariyāyattāti āha ‘‘sāvajjāti sadosā’’ti. Ariyā nāma niddosā, ime pana katthacipi niddosā na hontīti niddosaṭṭhena ariyā bhavituṃ nālaṃ asamatthā.
386-392. яанд̇и гааран̣з зд̇ам̣ бажжад̇д̇аважананд̇и ааха ‘‘язна вин̃н̃уу’’д̇и. яам̣ ваа банаад̇и ‘‘яам̣ бана гин̃жий’’д̇и асамбхааванаважанамзд̇анд̇и ааха ‘‘яам̣ ваа д̇ам̣ ваа аббамад̇д̇ага’’нд̇и. г̇ан̣аажарияаа бууран̣аад̣̇аяо. сад̇т̇уббабхавад̇д̇аа сан̇гхасса сан̇гхасамбад̇д̇ияааби сад̇т̇усамбад̇д̇и вибхаавийяад̇ийд̇и ааха ‘‘сан̇гхабасам̣сааяаби сад̇т̇уязва басам̣саасид̣̇д̇хид̇о’’д̇и. саа бана басам̣саа басаад̣̇ахзд̇угаад̇и басаад̣̇амукзна д̇ам̣ д̣̇ассзд̇ум̣ ‘‘басийд̣̇амаанааби хий’’д̇иаад̣̇и вуд̇д̇ам̣. д̇ад̇т̇а би-сад̣̇д̣̇зна яат̇аа анваяад̇о басам̣саа самужжийяад̇и, звам̣ сад̇т̇увиббадибад̇д̇ияаа саавагзсу, саавагавиббадибад̇д̇ияаа жа сад̇т̇ари аббасаад̣̇о самужжийяад̇ийд̇и д̣̇адтаб̣б̣ам̣. сарийрасамбад̇д̇инд̇и руубасамбад̇д̇им̣, руубагааяабаарибууринд̇и ад̇т̇о. бхаванд̇и вад̇д̇ааро руубаббамаан̣аа , гхосад̇хаммаббамаан̣аа жа. буна бхаванд̇и вад̇д̇аарод̇и д̇хаммаббамаан̣авасзнзва яож̇зд̇аб̣б̣ам̣. яаа сан̇гхасса басам̣саад̇и аанзд̇ваа самб̣анд̇хо.
386-392.Yanti kāraṇe etaṃ paccattavacananti āha ‘‘yena viññū’’ti. Yaṃ vā panāti ‘‘yaṃ pana kiñcī’’ti asambhāvanavacanametanti āha ‘‘yaṃ vā taṃ vā appamattaka’’nti. Gaṇācariyā pūraṇādayo. Satthuppabhavattā saṅghassa saṅghasampattiyāpi satthusampatti vibhāvīyatīti āha ‘‘saṅghapasaṃsāyapi satthuyeva pasaṃsāsiddhito’’ti. Sā pana pasaṃsā pasādahetukāti pasādamukhena taṃ dassetuṃ ‘‘pasīdamānāpi hī’’tiādi vuttaṃ. Tattha pi-saddena yathā anvayato pasaṃsā samuccīyati, evaṃ satthuvippaṭipattiyā sāvakesu, sāvakavippaṭipattiyā ca satthari appasādo samuccīyatīti daṭṭhabbaṃ. Sarīrasampattinti rūpasampattiṃ, rūpakāyapāripūrinti attho. Bhavanti vattāro rūpappamāṇā , ghosadhammappamāṇā ca. Puna bhavanti vattāroti dhammappamāṇavaseneva yojetabbaṃ. Yā saṅghassa pasaṃsāti ānetvā sambandho.
д̇ад̇т̇а яаа б̣уд̣̇д̇хаанам̣, б̣уд̣̇д̇хасаавагаанам̣язва жа баасам̣сад̇аа, ан̃н̃зсан̃жа д̇ад̣̇абхааво ж̇од̇ид̇о, д̇ам̣ вирад̇иббахаанасам̣варуд̣̇д̣̇зсавасзна нийхарид̇ваа д̣̇ассзд̇ум̣ ‘‘аяамад̇хиббааяо’’д̇иаад̣̇и вуд̇д̇ам̣. д̇ад̇т̇а сзд̇угхаад̇авирад̇и наама арияамаг̇г̇авирад̇и. вибассанаамад̇д̇авасзнаад̇и ‘‘анижжа’’нд̇и ваа ‘‘д̣̇угка’’нд̇и ваа вивид̇хам̣ д̣̇ассанамад̇д̇авасзна, на бана наамаруубававад̇т̇аанабажжаяабариг̇г̇ан̣ханабуб̣б̣агам̣ лагкан̣ад̇д̇аяам̣ ааробзд̇ваа сан̇каараанам̣ саммасанавасзна. ид̇араанийд̇и самужчзд̣̇абадиббассад̣̇д̇хиниссаран̣аббахаанаани. ‘‘сзса’’нд̇и бан̃жасийлад̇о ан̃н̃о саб̣б̣о сийласам̣варо, ‘‘камо ход̇ий’’д̇иаад̣̇инаа (ма. ни. 1.24; 3.159; а. ни. 4.114) вуд̇д̇о субарисуд̣̇д̇хо канд̇исам̣варо, ‘‘бан̃н̃ааязд̇з бид̇хияяарз’’д̇и (су. ни. 1041; жуул̣ани. 60) звам̣ вуд̇д̇о гилзсаанам̣ самужчзд̣̇аго маг̇г̇ан̃аан̣асан̇каад̇о н̃аан̣асам̣варо, манажчадтаанам̣ инд̣̇рияаанам̣ бид̣̇аханавасзна бавад̇д̇о барисуд̣̇д̇хо инд̣̇рияасам̣варо, ‘‘ануббаннаанам̣ баабагаанам̣ агусалаанам̣ д̇хаммаанам̣ ануббаад̣̇ааяаа’’д̇иаад̣̇инаа (д̣̇ий. ни. 2.402; ма. ни. 1.135; сам̣. ни. 5.8; вибха. 205) вуд̇д̇о саммаббад̇хаанасан̇каад̇о вийрияасам̣варод̇и имам̣ сам̣варабан̃жагам̣ санд̇хааяааха. бан̃жа ко банимз баад̇имогкуд̣̇д̣̇зсаад̇иаад̣̇и саасанз сийласса б̣ахубхаавам̣ д̣̇ассзд̇ваа д̇ад̣̇згад̣̇зсз зва барзсам̣ авадтаанад̣̇ассанад̇т̇ам̣ яат̇аавуд̇д̇асийласам̣варассзва буна г̇ахан̣ам̣.
Tattha yā buddhānaṃ, buddhasāvakānaṃyeva ca pāsaṃsatā, aññesañca tadabhāvo jotito, taṃ viratippahānasaṃvaruddesavasena nīharitvā dassetuṃ ‘‘ayamadhippāyo’’tiādi vuttaṃ. Tattha setughātavirati nāma ariyamaggavirati. Vipassanāmattavasenāti ‘‘anicca’’nti vā ‘‘dukkha’’nti vā vividhaṃ dassanamattavasena, na pana nāmarūpavavatthānapaccayapariggaṇhanapubbakaṃ lakkhaṇattayaṃ āropetvā saṅkhārānaṃ sammasanavasena. Itarānīti samucchedapaṭippassaddhinissaraṇappahānāni. ‘‘Sesa’’nti pañcasīlato añño sabbo sīlasaṃvaro, ‘‘khamo hotī’’tiādinā (ma. ni. 1.24; 3.159; a. ni. 4.114) vutto suparisuddho khantisaṃvaro, ‘‘paññāyete pidhiyyare’’ti (su. ni. 1041; cūḷani. 60) evaṃ vutto kilesānaṃ samucchedako maggañāṇasaṅkhāto ñāṇasaṃvaro, manacchaṭṭhānaṃ indriyānaṃ pidahanavasena pavatto parisuddho indriyasaṃvaro, ‘‘anuppannānaṃ pāpakānaṃ akusalānaṃ dhammānaṃ anuppādāyā’’tiādinā (dī. ni. 2.402; ma. ni. 1.135; saṃ. ni. 5.8; vibha. 205) vutto sammappadhānasaṅkhāto vīriyasaṃvaroti imaṃ saṃvarapañcakaṃ sandhāyāha. Pañca kho panime pātimokkhuddesātiādi sāsane sīlassa bahubhāvaṃ dassetvā tadekadese eva paresaṃ avaṭṭhānadassanatthaṃ yathāvuttasīlasaṃvarasseva puna gahaṇaṃ.
арияаадтан̇г̇игамаг̇г̇аван̣н̣анаа
Ariyaaṭṭhaṅgikamaggavaṇṇanā
393. сийханаад̣̇анд̇и сздтанаад̣̇ам̣, абхийд̇анаад̣̇ам̣ гзнажи аббадивад̇д̇ияанаад̣̇анд̇и ад̇т̇о. ‘‘аяам̣ яат̇аавуд̇д̇о мама ваад̣̇о авибарийд̇о, д̇асса авибарийд̇абхааво имам̣ маг̇г̇ам̣ бадибаж̇ж̇ид̇ваа абараббажжаяад̇о ж̇аанид̇аб̣б̣о’’д̇и звам̣ авибарийд̇абхаавааваб̣од̇ханад̇т̇ам̣. ‘‘ад̇т̇и гассабаа’’д̇иаад̣̇ийсу яам̣ маг̇г̇ам̣ бадибанно саман̣о г̇од̇амо вад̣̇анд̇о яуд̇д̇абад̇д̇агаалз, д̇ат̇абхаавад̇о бхууд̇ам̣, згам̣сад̇о хид̇аавихабхаавзна ад̇т̇ам̣, д̇хаммад̇о анабзд̇ад̇д̇аа д̇хаммам̣, винаяаяог̇ад̇о барзсам̣ винаяанад̇о жа винаяам̣ вад̣̇ад̇ийд̇и саамам̣язва ад̇д̇абажжагкад̇ова ж̇ааниссад̇и, со маяаа саяам̣ абхин̃н̃аа сажчигад̇ваа бавзд̣̇ид̇о сагалаваддад̣̇угканиссаран̣абхууд̇о ад̇т̇и гассаба маг̇г̇о, д̇асса жа ад̇хиг̇амуубааяабхууд̇аа буб̣б̣абхааг̇абадибад̣̇аад̇и аяамзд̇т̇а яож̇анаа. д̇зна ‘‘саман̣о г̇од̇амо имз д̇хаммз’’д̇иаад̣̇инаяаббавад̇д̇о ваад̣̇о гзнажи асам̣гамбияо яат̇аабхууд̇асийханаад̣̇од̇и д̣̇ассзд̇и.
393.Sīhanādanti seṭṭhanādaṃ, abhītanādaṃ kenaci appaṭivattiyanādanti attho. ‘‘Ayaṃ yathāvutto mama vādo aviparīto, tassa aviparītabhāvo imaṃ maggaṃ paṭipajjitvā aparappaccayato jānitabbo’’ti evaṃ aviparītabhāvāvabodhanatthaṃ. ‘‘Atthi kassapā’’tiādīsu yaṃ maggaṃ paṭipanno samaṇo gotamo vadanto yuttapattakāle, tathabhāvato bhūtaṃ, ekaṃsato hitāvihabhāvena atthaṃ, dhammato anapetattā dhammaṃ, vinayayogato paresaṃ vinayanato ca vinayaṃ vadatīti sāmaṃyeva attapaccakkhatova jānissati, so mayā sayaṃ abhiññā sacchikatvā pavedito sakalavaṭṭadukkhanissaraṇabhūto atthi kassapa maggo, tassa ca adhigamūpāyabhūtā pubbabhāgapaṭipadāti ayamettha yojanā. Tena ‘‘samaṇo gotamo ime dhamme’’tiādinayappavatto vādo kenaci asaṃkampiyo yathābhūtasīhanādoti dasseti.
‘‘звамзд̇ам̣ яат̇аабхууд̇ам̣ саммаббан̃н̃ааяа бассад̇ий’’д̇иаад̣̇ийсу (а. ни. 3.134) вияа маг̇г̇ан̃жа бадибад̣̇ан̃жа згад̇о гад̇ваа д̣̇ассзнд̇о. ‘‘аяамзваа’’д̇и важанам̣ маг̇г̇асса бут̇убхаавабадигкзбанад̇т̇ам̣, саб̣б̣аарияасаад̇хааран̣абхаавад̣̇ассанад̇т̇ам̣, саасанз баагадабхаавад̣̇ассанад̇т̇ан̃жа. д̇знааха ‘‘згааяано аяам̣ бхигкавз маг̇г̇о’’д̇и, (д̣̇ий. ни. 2.373; ма. ни. 1.106; сам̣. ни. 5.367, 384, 409)‘‘зсзва маг̇г̇о над̇т̇ан̃н̃о д̣̇ассанасса висуд̣̇д̇хияаа’’д̇и (д̇ха. ба. 274),
‘‘Evametaṃ yathābhūtaṃ sammappaññāya passatī’’tiādīsu (a. ni. 3.134) viya maggañca paṭipadañca ekato katvā dassento. ‘‘Ayamevā’’ti vacanaṃ maggassa puthubhāvapaṭikkhepanatthaṃ, sabbaariyasādhāraṇabhāvadassanatthaṃ, sāsane pākaṭabhāvadassanatthañca. Tenāha ‘‘ekāyano ayaṃ bhikkhave maggo’’ti, (dī. ni. 2.373; ma. ni. 1.106; saṃ. ni. 5.367, 384, 409)‘‘eseva maggo natthañño dassanassa visuddhiyā’’ti (dha. pa. 274),
‘‘згааяанам̣ ж̇аад̇икаяанд̇ад̣̇ассий,
‘‘Ekāyanaṃ jātikhayantadassī,
маг̇г̇ам̣ баж̇аанаад̇и хид̇аанугамбий;
Maggaṃ pajānāti hitānukampī;
зд̇зна маг̇г̇зна д̇арим̣су буб̣б̣з,
Etena maggena tariṃsu pubbe,
д̇ариссанд̇и яз жа д̇аранд̇и огха’’нд̇и. (сам̣. ни. 5.384, 409; махаани. 191; жуул̣ани. 107, 121; нзд̇д̇и. 170);
Tarissanti ye ca taranti ogha’’nti. (saṃ. ni. 5.384, 409; mahāni. 191; cūḷani. 107, 121; netti. 170);
саб̣б̣зсу суд̇д̇абад̣̇зсзсу абхид̇хаммабад̣̇зсзсу жа зговааяам̣ маг̇г̇о баагадо бан̃н̃аад̇о ааг̇ад̇о жаад̇и.
Sabbesu suttapadesesu abhidhammapadesesu ca ekovāyaṃ maggo pākaṭo paññāto āgato cāti.
д̇абобаггамагат̇ааван̣н̣анаа
Tapopakkamakathāvaṇṇanā
394. д̇абоязва убаггамид̇аб̣б̣ад̇о аарабхид̇аб̣б̣ад̇о д̇абобаггамод̇и ааха ‘‘д̇абаарамбхаа’’д̇и. аарамбханан̃жзд̇т̇а гаран̣амзваад̇и ааха ‘‘д̇абогаммаанийд̇и ад̇т̇о’’д̇и. саман̣агаммасан̇каад̇аад̇и саман̣зхи гад̇д̇аб̣б̣агаммасан̃н̃ид̇аа. нижжолод̇и ниссадтажзло саб̣б̣зна саб̣б̣ам̣ бадигкид̇д̇ажзло. наг̇г̇ияавад̇асамаад̣̇аанзна наг̇г̇о. ‘‘тид̇агова ужжаарам̣ гарод̇ий’’д̇иаад̣̇и нид̣̇ассанамад̇д̇ам̣, вамид̇ваа мукавигкааланаад̣̇иаажаарассаби д̇зна виссадтад̇д̇аа. ж̇ивхааяа хад̇т̇ам̣ абаликад̇и абалихад̇и уд̣̇агзна ад̇хованад̇о. д̣̇уд̇ияавигаббзби зсзва наяо. ‘‘зхи бхад̣̇д̣̇анд̇з’’д̇и вуд̇д̇з убаг̇аманасан̇каад̇о вид̇хи зхибхад̣̇д̣̇анд̇о, д̇ам̣ жарад̇ийд̇и зхибхад̣̇д̣̇анд̇иго, д̇аббадигкзбзна на зхибхад̣̇д̣̇анд̇иго. на гарод̇и саман̣зна наама барасса важанагарзна на бхавид̇аб̣б̣анд̇и ад̇хиббааязна. бурзд̇аранд̇и д̇ам̣ таанам̣ ад̇д̇ано убаг̇аманад̇о бурзд̇арам̣. д̇ам̣ гира со ‘‘бхигкунаа наама яаад̣̇ижчагий зва бхигкаа г̇ахзд̇аб̣б̣аа’’д̇и ад̇хиббааязна на г̇ан̣хаад̇и. уд̣̇д̣̇иссагад̇ам̣ ‘‘мама нимид̇д̇абхаавзна б̣ахуу куд̣̇д̣̇агаа баан̣аа сан̇гхаад̇ам̣ аабаад̣̇ид̇аа’’д̇и на г̇ан̣хаад̇и. ниманд̇анам̣ на саад̣̇ияад̇и ‘‘звам̣ д̇зсам̣ важанам̣ гад̇ам̣ бхависсад̇ий’’д̇и. гумбхийаад̣̇ийсуби со сад̇д̇асан̃н̃ийд̇и ааха ‘‘гумбхийгал̣обияо’’д̇иаад̣̇и.
394. Tapoyeva upakkamitabbato ārabhitabbato tapopakkamoti āha ‘‘tapārambhā’’ti. Ārambhanañcettha karaṇamevāti āha ‘‘tapokammānītiattho’’ti. Samaṇakammasaṅkhātāti samaṇehi kattabbakammasaññitā. Niccoloti nissaṭṭhacelo sabbena sabbaṃ paṭikkhittacelo. Naggiyavatasamādānena naggo. ‘‘Ṭhitakova uccāraṃ karotī’’tiādi nidassanamattaṃ, vamitvā mukhavikkhālanādiācārassapi tena vissaṭṭhattā. Jivhāya hatthaṃ apalikhati apalihati udakena adhovanato. Dutiyavikappepi eseva nayo. ‘‘Ehi bhaddante’’ti vutte upagamanasaṅkhāto vidhi ehibhaddanto, taṃ caratīti ehibhaddantiko, tappaṭikkhepena na ehibhaddantiko. Na karoti samaṇena nāma parassa vacanakarena na bhavitabbanti adhippāyena. Puretaranti taṃ ṭhānaṃ attano upagamanato puretaraṃ. Taṃ kira so ‘‘bhikkhunā nāma yādicchakī eva bhikkhā gahetabbā’’ti adhippāyena na gaṇhāti. Uddissakataṃ ‘‘mama nimittabhāvena bahū khuddakā pāṇā saṅghātaṃ āpāditā’’ti na gaṇhāti. Nimantanaṃ na sādiyati ‘‘evaṃ tesaṃ vacanaṃ kataṃ bhavissatī’’ti. Kumbhīādīsupi so sattasaññīti āha ‘‘kumbhīkaḷopiyo’’tiādi.
габ̣ал̣анд̇арааяод̇и габ̣ал̣асса анд̇арааяо ход̇ийд̇и. г̇аамасабхааг̇аад̣̇ивасзна сан̇г̇амма гид̇д̇знд̇и зд̇иссаад̇и сан̇гид̇д̇и, д̇ат̇аа сам̣хадад̇ан̣д̣улаад̣̇исан̃жаяо. мануссаад̇и взяяааважжагарамануссаа.
Kabaḷantarāyoti kabaḷassa antarāyo hotīti. Gāmasabhāgādivasena saṅgamma kittenti etissāti saṅkitti, tathā saṃhaṭataṇḍulādisañcayo. Manussāti veyyāvaccakaramanussā.
сураабаанамзваад̇и маж̇ж̇алагкан̣аббад̇д̇ааяа сурааяа баанамзва сурааг̇г̇ахан̣зна жзд̇т̇а мзраяамби сан̇г̇ахид̇ам̣. згааг̇аарамзва ун̃чад̇ийд̇и згааг̇аариго. згаалобзнзва вад̇д̇ад̇ийд̇и згаалобиго. д̣̇ийяад̇и зд̇ааяаад̇и д̣̇ад̇д̇и, д̣̇вад̇д̇иаалобамад̇д̇аг̇аахи куд̣̇д̣̇агам̣ бхигкаад̣̇аанабхааж̇анам̣, д̇знааха ‘‘куд̣̇д̣̇агабаад̇ий’’д̇и. абхун̃ж̇анавасзна зго ахо зд̇асса ад̇т̇ийд̇и згаахиго, аахааро. д̇ам̣ згаахигам̣, со бана ад̇т̇ад̇о згад̣̇ивасалан̇гхагод̇и ааха ‘‘згад̣̇ивасанд̇арига’’нд̇и. ‘‘д̣̇вийхига’’нд̇иаад̣̇ийсуби зсзва наяо. згаахам̣ абхун̃ж̇ид̇ваа згаахам̣ бхун̃ж̇анам̣ згаахавааро, д̇ам̣ згаахигамзва ад̇т̇ад̇о. д̣̇вийхам̣ абхун̃ж̇ид̇ваа д̣̇вийхам̣ бхун̃ж̇анам̣ д̣̇вийхавааро. сзсад̣̇ваязби зсзва наяо. уггадто бана барияааяабхад̇д̇абхож̇аниго д̣̇вийхам̣ абхун̃ж̇ид̇ваа згаахамзва бхун̃ж̇ад̇и. сзсад̣̇ваязби зсзва наяо.
Surāpānamevāti majjalakkhaṇappattāya surāya pānameva surāggahaṇena cettha merayampi saṅgahitaṃ. Ekāgārameva uñchatīti ekāgāriko. Ekālopeneva vattatīti ekālopiko. Dīyati etāyāti datti, dvattiālopamattagāhi khuddakaṃ bhikkhādānabhājanaṃ, tenāha ‘‘khuddakapātī’’ti. Abhuñjanavasena eko aho etassa atthīti ekāhiko, āhāro. Taṃ ekāhikaṃ, so pana atthato ekadivasalaṅghakoti āha ‘‘ekadivasantarika’’nti. ‘‘Dvīhika’’ntiādīsupi eseva nayo. Ekāhaṃ abhuñjitvā ekāhaṃ bhuñjanaṃ ekāhavāro, taṃ ekāhikameva atthato. Dvīhaṃ abhuñjitvā dvīhaṃ bhuñjanaṃ dvīhavāro. Sesadvayepi eseva nayo. Ukkaṭṭho pana pariyāyabhattabhojaniko dvīhaṃ abhuñjitvā ekāhameva bhuñjati. Sesadvayepi eseva nayo.
395. гун̣д̣аганд̇и д̇ануд̇арам̣ д̇ан̣д̣уласагалам̣.
395.Kuṇḍakanti tanutaraṃ taṇḍulasakalaṃ.
396. сан̣зхи сан̣аваагзхи ниб̣б̣ад̇д̇авад̇т̇аани саан̣аани. миссасаан̣аани масаан̣аани, на бхан̇г̇аани. зрагад̇ин̣аад̣̇ийнийд̇и аад̣̇и-сад̣̇д̣̇зна аггамагажигад̣̇алийваагаад̣̇ийнам̣ сан̇г̇ахо. зрагаад̣̇ийхи гад̇аани хи чаваани лаамагаани д̣̇уссаанийд̇и вад̇д̇аб̣б̣ад̇ам̣ лабханд̇и.
396. Saṇehi saṇavākehi nibbattavatthāni sāṇāni. Missasāṇāni masāṇāni, na bhaṅgāni. Erakatiṇādīnīti ādi-saddena akkamakacikadalīvākādīnaṃ saṅgaho. Erakādīhi katāni hi chavāni lāmakāni dussānīti vattabbataṃ labhanti.
мижчаавааяаамавасзнзва уггудигавад̇аануяог̇од̇и ааха ‘‘уггудигавийрияам̣ ануяуд̇д̇о’’д̇и. т̇ан̣д̣иланд̇и ваа самаа багад̇ибхууми вужжад̇и ‘‘бад̇т̇ан̣д̣илз баад̇урахосий’’д̇иаад̣̇ийсу (ма. ни. 4.10) вияа, д̇асмаа т̇ан̣д̣иласзяяанд̇и ананд̇арахид̇ааяа багад̇ибхуумияам̣ сзяяанд̇и вуд̇д̇ам̣ ход̇и. лад̣̇д̇хам̣ аасананд̇и нисийд̣̇ид̇ум̣ яат̇аалад̣̇д̇хам̣ аасанам̣. агобзд̇ваад̇и ан̃н̃ад̇т̇а анубаг̇анд̇ваа, д̇знааха ‘‘д̇ад̇т̇зва нисийд̣̇анасийло’’д̇и. со хи д̇ам̣ ачад̣д̣знд̇о абарижжаж̇анд̇о агобзнд̇о наама ход̇и. вигаданд̇и г̇уут̇ам̣ вужжад̇и аасаяавасзна вируубам̣ ж̇аад̇анд̇и гад̇ваа.
Micchāvāyāmavaseneva ukkuṭikavatānuyogoti āha ‘‘ukkuṭikavīriyaṃ anuyutto’’ti. Thaṇḍilanti vā samā pakatibhūmi vuccati ‘‘patthaṇḍile pāturahosī’’tiādīsu (ma. ni. 4.10) viya, tasmā thaṇḍilaseyyanti anantarahitāya pakatibhūmiyaṃ seyyanti vuttaṃ hoti. Laddhaṃ āsananti nisīdituṃ yathāladdhaṃ āsanaṃ. Akopetvāti aññattha anupagantvā, tenāha ‘‘tattheva nisīdanasīlo’’ti. So hi taṃ achaḍḍento apariccajanto akopento nāma hoti. Vikaṭanti gūthaṃ vuccati āsayavasena virūpaṃ jātanti katvā.
зд̇т̇а жа ‘‘ажзлаго ход̇ий’’д̇иаад̣̇ийни вад̇абад̣̇аани яаава ‘‘на т̇усод̣̇агам̣ бивад̇ий’’д̇и зд̇аани згаваараани. ‘‘згааг̇аариго ваа’’д̇иаад̣̇ийни наанааваараани, наанаагаалигаани ваа. д̇ат̇аа ‘‘саагабхагко ваа’’д̇иаад̣̇ийни, ‘‘саан̣ааниби д̇хаарзд̇ий’’д̇иаад̣̇ийни жа. д̇ат̇аа хзд̇т̇а ваа-сад̣̇д̣̇аг̇г̇ахан̣ам̣, би-сад̣̇д̣̇аг̇г̇ахан̣ан̃жа гад̇ам̣. би-сад̣̇д̣̇оби вигаббад̇т̇о зва д̣̇адтаб̣б̣о. буримзсу бана на гад̇ам̣. зван̃жа гад̇ваа ‘‘ажзлаго ход̇ий’’д̇и вад̇ваа ‘‘саан̣ааниби д̇хаарзд̇ий’’д̇иаад̣̇и важанасса, ‘‘раж̇ож̇аллад̇харо ход̇ий’’д̇и вад̇ваа ‘‘уд̣̇агороханаануяог̇ам̣ ануяуд̇д̇о’’д̇и важанасса жа авирод̇хо сид̣̇д̇хо ход̇и. ат̇а ваа гимзд̇т̇а авирод̇хажинд̇ааяа. уммад̇д̇агабажчисад̣̇исо хи д̇ид̇т̇ияаваад̣̇о. ат̇а ваа ‘‘ажзлаго ход̇ий’’д̇и аарабхид̇ваа д̇аббасан̇г̇зна саб̣б̣амби ад̇д̇агиламат̇аануяог̇ам̣ д̣̇ассзнд̇зна ‘‘саан̣ааниби д̇хаарзд̇ий’’д̇иаад̣̇и вуд̇д̇анд̇и д̣̇адтаб̣б̣ам̣.
Ettha ca ‘‘acelako hotī’’tiādīni vatapadāni yāva ‘‘na thusodakaṃ pivatī’’ti etāni ekavārāni. ‘‘Ekāgāriko vā’’tiādīni nānāvārāni, nānākālikāni vā. Tathā ‘‘sākabhakkho vā’’tiādīni, ‘‘sāṇānipi dhāretī’’tiādīni ca. Tathā hettha vā-saddaggahaṇaṃ, pi-saddaggahaṇañca kataṃ. Pi-saddopi vikappattho eva daṭṭhabbo. Purimesu pana na kataṃ. Evañca katvā ‘‘acelako hotī’’ti vatvā ‘‘sāṇānipi dhāretī’’tiādi vacanassa, ‘‘rajojalladharo hotī’’ti vatvā ‘‘udakorohanānuyogaṃ anuyutto’’ti vacanassa ca avirodho siddho hoti. Atha vā kimettha avirodhacintāya. Ummattakapacchisadiso hi titthiyavādo. Atha vā ‘‘acelako hotī’’ti ārabhitvā tappasaṅgena sabbampi attakilamathānuyogaṃ dassentena ‘‘sāṇānipi dhāretī’’tiādi vuttanti daṭṭhabbaṃ.
д̇абобаггаманирад̇т̇агат̇ааван̣н̣анаа
Tapopakkamaniratthakathāvaṇṇanā
397. сийласамбад̣̇аад̣̇ийхи винаад̇и сийласамбад̣̇аа, самаад̇хисамбад̣̇аа, бан̃н̃аасамбад̣̇аад̇и имаахи логуд̇д̇араахи самбад̣̇аахи винаа на гад̣̇аажи сааман̃н̃ам̣ ваа б̣рахман̃н̃ам̣ ваа самбхавад̇и, яасмаа жа д̇ад̣̇звам̣, д̇асмаа д̇зсам̣ д̇абобаггамаанам̣ нирад̇т̇агад̇ам̣ д̣̇ассзнд̇од̇и яож̇анаа. ‘‘д̣̇осавзравирахид̇а’’нд̇и ид̣̇ам̣ д̣̇осасса мзд̇д̇ааяа уж̇убадибагкад̇ааяа вуд̇д̇ам̣. д̣̇оса-г̇г̇ахан̣зна ваа саб̣б̣зби жхаанабадибагкаа сам̣гилзсад̇хаммаа г̇ахид̇аа, взра-г̇г̇ахан̣зна бажжад̇т̇игабхууд̇аа сад̇д̇аа. яад̣̇аг̇г̇зна хи д̣̇осарахид̇ам̣, д̇ад̣̇аг̇г̇зна взрарахид̇анд̇и.
397.Sīlasampadādīhi vināti sīlasampadā, samādhisampadā, paññāsampadāti imāhi lokuttarāhi sampadāhi vinā na kadāci sāmaññaṃ vā brahmaññaṃ vā sambhavati, yasmā ca tadevaṃ, tasmā tesaṃ tapopakkamānaṃ niratthakataṃ dassentoti yojanā. ‘‘Dosaveravirahita’’nti idaṃ dosassa mettāya ujupaṭipakkhatāya vuttaṃ. Dosa-ggahaṇena vā sabbepi jhānapaṭipakkhā saṃkilesadhammā gahitā, vera-ggahaṇena paccatthikabhūtā sattā. Yadaggena hi dosarahitaṃ, tadaggena verarahitanti.
398. баагадабхаавзна гааяад̇и г̇амзд̇ийд̇и багад̇и, логасид̣̇д̇хаваад̣̇о, д̇знааха ‘‘багад̇и ко зсаад̇и багад̇игат̇аа зсаа’’д̇и. мад̇д̇ааяаад̇и мад̇д̇аа-сад̣̇д̣̇о ‘‘мад̇д̇аа сукабарижжааг̇аа’’д̇иаад̣̇ийсу (д̇ха. ба. 290) вияа аббад̇т̇ам̣ анд̇онийд̇ам̣ гад̇ваа бамаан̣аваажагод̇и ааха ‘‘иминаа бамаан̣зна звам̣ барид̇д̇агзнаа’’д̇и. д̇зна бана бамаан̣зна бахаад̇аб̣б̣о багаран̣аббад̇д̇о бадибад̇д̇иггамод̇и ааха ‘‘бадибад̇д̇иггамзнаа’’д̇и. саб̣б̣ад̇т̇аад̇и саб̣б̣аваарзсу.
398. Pākaṭabhāvena kāyati gametīti pakati, lokasiddhavādo, tenāha ‘‘pakati kho esāti pakatikathā esā’’ti. Mattāyāti mattā-saddo ‘‘mattā sukhapariccāgā’’tiādīsu (dha. pa. 290) viya appatthaṃ antonītaṃ katvā pamāṇavācakoti āha ‘‘iminā pamāṇena evaṃ parittakenā’’ti. Tena pana pamāṇena pahātabbo pakaraṇappatto paṭipattikkamoti āha ‘‘paṭipattikkamenā’’ti. Sabbatthāti sabbavāresu.
399. ан̃н̃ат̇аа вад̣̇ат̇аад̇и яад̣̇и ажзлагабхааваад̣̇инаа сааман̃н̃ам̣ ваа б̣рахман̃н̃ам̣ ваа абхависса, сувиж̇аанова саман̣о сувиж̇аано б̣раахман̣о. яасмаа бана д̇умхз ид̇о ан̃н̃ат̇аава сааман̃н̃ам̣ б̣рахман̃н̃ан̃жа вад̣̇ат̇а, д̇асмаа д̣̇уж̇ж̇аанова саман̣о д̣̇уж̇ж̇аано б̣раахман̣о, д̇знааха ‘‘ид̣̇ам̣ санд̇хааяаахаа’’д̇и. д̇ам̣ багад̇иваад̣̇ам̣ бадигкибид̇ваад̇и буб̣б̣з яам̣ баагад̇игам̣ сааман̃н̃ам̣ б̣рахман̃н̃ан̃жа хад̣̇аяз табзд̇ваа д̇зна ‘‘д̣̇уггара’’нд̇иаад̣̇и вуд̇д̇ам̣, д̇амзва санд̇хааяа бхаг̇авад̇ааби ‘‘багад̇и ко зсаа’’д̇иаад̣̇и вуд̇д̇ам̣. ид̇ха бана д̇ам̣ багад̇иваад̣̇ам̣ баагад̇игасаман̣аб̣раахман̣ависаяам̣ гат̇ам̣ бадигкибид̇ваа бадисам̣харид̇ваа сабхаавад̇ова барамад̇т̇ад̇ова саман̣асса б̣раахман̣асса жа д̣̇уж̇ж̇аанабхаавам̣ аавигаронд̇о багаасзнд̇о. д̇ад̇раабийд̇и саман̣аб̣раахман̣аваад̣̇зби вуд̇д̇анаязнзва.
399.Aññathā vadathāti yadi acelakabhāvādinā sāmaññaṃ vā brahmaññaṃ vā abhavissa, suvijānova samaṇo suvijāno brāhmaṇo. Yasmā pana tumhe ito aññathāva sāmaññaṃ brahmaññañca vadatha, tasmā dujjānova samaṇo dujjāno brāhmaṇo, tenāha ‘‘idaṃ sandhāyāhā’’ti. Taṃ pakativādaṃ paṭikkhipitvāti pubbe yaṃ pākatikaṃ sāmaññaṃ brahmaññañca hadaye ṭhapetvā tena ‘‘dukkara’’ntiādi vuttaṃ, tameva sandhāya bhagavatāpi ‘‘pakati kho esā’’tiādi vuttaṃ. Idha pana taṃ pakativādaṃ pākatikasamaṇabrāhmaṇavisayaṃ kathaṃ paṭikkhipitvā paṭisaṃharitvā sabhāvatova paramatthatova samaṇassa brāhmaṇassa ca dujjānabhāvaṃ āvikaronto pakāsento. Tatrāpīti samaṇabrāhmaṇavādepi vuttanayeneva.
сийласамаад̇хибан̃н̃аасамбад̣̇ааван̣н̣анаа
Sīlasamādhipaññāsampadāvaṇṇanā
400-1. бан̣д̣ид̇од̇и хзд̇усамбад̇д̇исид̣̇д̇хзна бан̣д̣ижжзна саманнааг̇ад̇о, гат̇ам̣ уг̇г̇ахзси барибагган̃аан̣ад̇д̇аа гхадз бад̣̇ийбзна вияа аб̣бханд̇арз самуж̇ж̇аланд̇зна бан̃н̃аавзяяад̇д̇иязна д̇ад̇т̇а д̇ад̇т̇а бхаг̇авад̇аа д̣̇зсид̇амад̇т̇ам̣ бариг̇г̇ан̣ханд̇о д̇амби д̣̇зсанам̣ убад̇хаарзси. д̇асса жаад̇и яо ажзлаго ход̇и яаава уд̣̇агороханаануяог̇ам̣ ануяуд̇д̇о вихарад̇и, д̇асса жа. д̇аа самбад̇д̇ияо бужчаами, яаахи саман̣о жа ход̇ийд̇и ад̇хиббааяо. сийласамбад̣̇ааяаад̇и ид̇и-сад̣̇д̣̇о аад̣̇иад̇т̇о, д̇зна ‘‘жид̇д̇асамбад̣̇ааяа бан̃н̃аасамбад̣̇ааяаа’’д̇и бад̣̇ад̣̇ваяам̣ сан̇г̇ан̣хаад̇и асзгкасийлаад̣̇иканд̇хад̇д̇аяасан̇г̇ахид̇ан̃хи арахад̇д̇ам̣, д̇знааха ‘‘арахад̇д̇апаламзва санд̇хааяа вуд̇д̇а’’нд̇иаад̣̇и. д̇ад̇т̇а ид̣̇анд̇и ид̣̇ам̣ важанам̣.
400-1.Paṇḍitoti hetusampattisiddhena paṇḍiccena samannāgato, kathaṃ uggahesi paripakkañāṇattā ghaṭe padīpena viya abbhantare samujjalantena paññāveyyattiyena tattha tattha bhagavatā desitamatthaṃ pariggaṇhanto tampi desanaṃ upadhāresi. Tassa cāti yo acelako hoti yāva udakorohanānuyogaṃ anuyutto viharati, tassa ca. Tā sampattiyo pucchāmi, yāhi samaṇo ca hotīti adhippāyo. Sīlasampadāyāti iti-saddo ādiattho, tena ‘‘cittasampadāya paññāsampadāyā’’ti padadvayaṃ saṅgaṇhāti asekkhasīlādikhandhattayasaṅgahitañhi arahattaṃ, tenāha ‘‘arahattaphalameva sandhāya vutta’’ntiādi. Tattha idanti idaṃ vacanaṃ.
сийханаад̣̇агат̇ааван̣н̣анаа
Sīhanādakathāvaṇṇanā
402. анан̃н̃асаад̇хааран̣ад̇ааяа , анан̃н̃асаад̇хааран̣ад̇т̇ависаяад̇ааяа жа ануд̇д̇арам̣ б̣уд̣̇д̇хасийханаад̣̇ам̣ над̣̇анд̇о. ад̇ивияа ажжанд̇ависуд̣̇д̇хад̇ааяа барамависуд̣̇д̇хам̣. бараманд̇и уггадтам̣, д̇знааха ‘‘уд̇д̇ама’’нд̇и. сийламзва логияасийлад̇д̇аа. яат̇аа анан̃н̃асаад̇хааран̣ам̣ бхаг̇авад̇о логуд̇д̇арасийлам̣ саваасанам̣ бадибагкавид̣̇д̇хам̣санад̇о, звам̣ логияасийламби д̇асса анужчавигабхаавзна самбхууд̇ад̇д̇аа, самзна саманд̇и самасаманд̇и аяамзд̇т̇а ад̇т̇од̇и ааха ‘‘мама сийласамзна сийлзна маяаа сама’’нд̇и. ‘‘яад̣̇ид̣̇ам̣ ад̇хисийла’’нд̇и логияам̣, логуд̇д̇аран̃жаад̇и д̣̇увид̇хамби б̣уд̣̇д̇хасийлам̣ згаж̇жхам̣ гад̇ваа вуд̇д̇ам̣. д̇знааха ‘‘сийлзбий’’д̇и. ид̇и иманд̇и звам̣ имам̣ сийлависаяам̣. батамам̣ бавад̇д̇ад̇д̇аа батамам̣.
402. Anaññasādhāraṇatāya , anaññasādhāraṇatthavisayatāya ca anuttaraṃ buddhasīhanādaṃ nadanto. Ativiya accantavisuddhatāya paramavisuddhaṃ. Paramanti ukkaṭṭhaṃ, tenāha ‘‘uttama’’nti. Sīlameva lokiyasīlattā. Yathā anaññasādhāraṇaṃ bhagavato lokuttarasīlaṃ savāsanaṃ paṭipakkhaviddhaṃsanato, evaṃ lokiyasīlampi tassa anucchavikabhāvena sambhūtattā, samena samanti samasamanti ayamettha atthoti āha ‘‘mama sīlasamena sīlena mayā sama’’nti. ‘‘Yadidaṃ adhisīla’’nti lokiyaṃ, lokuttarañcāti duvidhampi buddhasīlaṃ ekajjhaṃ katvā vuttaṃ. Tenāha ‘‘sīlepī’’ti. Iti imanti evaṃ imaṃ sīlavisayaṃ. Paṭhamaṃ pavattattā paṭhamaṃ.
д̇абад̇ийд̇и санд̇аббад̇и, вид̇хамад̇ийд̇и ад̇т̇о. ж̇иг̇ужчад̇ийд̇и хийл̣зд̇и лаамагад̇о табзд̇и. нид̣̇д̣̇осад̇д̇аа арияаа аарагаа гилзсзхийд̇и. маг̇г̇апаласамбаяуд̇д̇аа вийрияасан̇каад̇аа д̇абож̇иг̇ужчаад̇и аанзд̇ваа самб̣анд̇хо. барамаа наама саб̣б̣уггадтабхаавад̇о. яат̇аа яувино бхааво яоб̣б̣анам̣, звам̣ ж̇иг̇ужчино бхааво ж̇зг̇ужчам̣. гилзсаанам̣ самужчинд̣̇анабадиббассамбханаани самужчзд̣̇абадибассад̣̇д̇хивимуд̇д̇ияо. ниссаран̣авимуд̇д̇и ниб̣б̣аанам̣. ат̇а ваа саммааваажаад̣̇ийнам̣ ад̇хисийлаг̇г̇ахан̣зна, саммаавааяаамасса ад̇хиж̇зг̇ужчаг̇г̇ахан̣зна, саммаад̣̇идтияаа ад̇хибан̃н̃ааг̇г̇ахан̣зна г̇ахид̇ад̇д̇аа аг̇г̇ахид̇аг̇г̇ахан̣зна саммаасан̇габбасад̇исамаад̇хаяо маг̇г̇апалабарияаабаннаа самужчзд̣̇абадибассад̣̇д̇хивимуд̇д̇ияо д̣̇адтаб̣б̣аа. ниссаран̣авимуд̇д̇и бана ниб̣б̣аанамзва.
Tapatīti santappati, vidhamatīti attho. Jigucchatīti hīḷeti lāmakato ṭhapeti. Niddosattā ariyā ārakā kilesehīti. Maggaphalasampayuttā vīriyasaṅkhātā tapojigucchāti ānetvā sambandho. Paramā nāma sabbukkaṭṭhabhāvato. Yathā yuvino bhāvo yobbanaṃ, evaṃ jigucchino bhāvo jegucchaṃ. Kilesānaṃ samucchindanapaṭippassambhanāni samucchedapaṭipassaddhivimuttiyo. Nissaraṇavimutti nibbānaṃ. Atha vā sammāvācādīnaṃ adhisīlaggahaṇena, sammāvāyāmassa adhijegucchaggahaṇena, sammādiṭṭhiyā adhipaññāggahaṇena gahitattā aggahitaggahaṇena sammāsaṅkappasatisamādhayo maggaphalapariyāpannā samucchedapaṭipassaddhivimuttiyo daṭṭhabbā. Nissaraṇavimutti pana nibbānameva.
403. яам̣ гин̃жи ж̇анавивид̇д̇ам̣ таанам̣ ид̇ха ‘‘сун̃н̃ааг̇аара’’нд̇и ад̇хиббзд̇ам̣. д̇ад̇т̇а над̣̇анд̇зна винаа наад̣̇о над̇т̇ийд̇и ааха ‘‘згад̇ова нисийд̣̇ид̇ваа’’д̇и. адтасу барисаасууд̇и кад̇д̇ияабарисаа, б̣раахман̣абарисаа, г̇ахабад̇ибарисаа, саман̣абарисаа, жаад̇умахаарааж̇игабарисаа, д̇аавад̇им̣сабарисаа, маарабарисаа, б̣рахмабарисаад̇и имаасу адтасу барисаасу.
403. Yaṃ kiñci janavivittaṃ ṭhānaṃ idha ‘‘suññāgāra’’nti adhippetaṃ. Tattha nadantena vinā nādo natthīti āha ‘‘ekatova nisīditvā’’ti. Aṭṭhasu parisāsūti khattiyaparisā, brāhmaṇaparisā, gahapatiparisā, samaṇaparisā, cātumahārājikaparisā, tāvatiṃsaparisā, māraparisā, brahmaparisāti imāsu aṭṭhasu parisāsu.
взсаараж̇ж̇аанийд̇и висаарад̣̇абхааваа н̃аан̣аббахаанасамбад̣̇аанимид̇д̇ам̣ гуд̇ожи асанд̇ассанабхааваа ниб̣бхаяабхааваад̇и ад̇т̇о. аасабхам̣ таананд̇и сздтам̣ таанам̣, уд̇д̇амам̣ таананд̇и ад̇т̇о. аасабхаа ваа буб̣б̣аб̣уд̣̇д̇хаа, д̇зсам̣ таананд̇и ад̇т̇о.
Vesārajjānīti visāradabhāvā ñāṇappahānasampadānimittaṃ kutoci asantassanabhāvā nibbhayabhāvāti attho. Āsabhaṃ ṭhānanti seṭṭhaṃ ṭhānaṃ, uttamaṃ ṭhānanti attho. Āsabhā vā pubbabuddhā, tesaṃ ṭhānanti attho.
абижа усабхасса ид̣̇анд̇и аасабхам̣, аасабхам̣ вияаад̇и аасабхам̣. яат̇аа хи нисабхасан̇каад̇о усабхо ад̇д̇ано усабхаб̣алзна жад̇уухи баад̣̇зхи бат̇авим̣ уббийл̣зд̇ваа ажаладтаанзна д̇идтад̇и, звам̣ д̇ат̇ааг̇ад̇оби д̣̇асахи д̇ат̇ааг̇ад̇аб̣алзхи саманнааг̇ад̇о жад̇уухи взсаараж̇ж̇абаад̣̇зхи адтабарисаабат̇авим̣ уббийл̣зд̇ваа сад̣̇звагз логз гзнажи бажжад̇т̇игзна агамбияо ажалзна таанзна д̇идтад̇и. звам̣ д̇идтамаанова д̇ам̣ аасабхам̣ таанам̣ бадиж̇аанаад̇и убаг̇ажчад̇и на бажжагкаад̇и ад̇д̇ани ааробзд̇и. д̇зна вуд̇д̇ам̣ ‘‘аасабхам̣ таанам̣ бадиж̇аанаад̇ий’’д̇и.
Apica usabhassa idanti āsabhaṃ, āsabhaṃ viyāti āsabhaṃ. Yathā hi nisabhasaṅkhāto usabho attano usabhabalena catūhi pādehi pathaviṃ uppīḷetvā acalaṭṭhānena tiṭṭhati, evaṃ tathāgatopi dasahi tathāgatabalehi samannāgato catūhi vesārajjapādehi aṭṭhaparisāpathaviṃ uppīḷetvā sadevake loke kenaci paccatthikena akampiyo acalena ṭhānena tiṭṭhati. Evaṃ tiṭṭhamānova taṃ āsabhaṃ ṭhānaṃ paṭijānāti upagacchati na paccakkhāti attani āropeti. Tena vuttaṃ ‘‘āsabhaṃ ṭhānaṃ paṭijānātī’’ti.
сийханаад̣̇ам̣ над̣̇ад̇ийд̇и яат̇аа миг̇арааж̇аа бариссаяаанам̣ саханад̇о, ванамахим̣самад̇д̇авааран̣аад̣̇ийнам̣ хананад̇о жа ‘‘сийхо’’д̇и вужжад̇и, звам̣ д̇ат̇ааг̇ад̇о логад̇хаммаанам̣ саханад̇о, бараббаваад̣̇аанам̣ хананад̇о жа ‘‘сийхо’’д̇и вужжад̇и. звам̣ вуд̇д̇асса сийхасса наад̣̇ам̣ сийханаад̣̇ам̣. д̇ад̇т̇а яат̇аа сийхо сийхаб̣алзна саманнааг̇ад̇о саб̣б̣ад̇т̇а висаарад̣̇о виг̇ад̇аломахам̣со сийханаад̣̇ам̣ над̣̇ад̇и, звам̣ д̇ат̇ааг̇ад̇асийхоби д̣̇асахи д̇ат̇ааг̇ад̇аб̣алзхи саманнааг̇ад̇о адтасу барисаасу висаарад̣̇о виг̇ад̇аломахам̣со ‘‘ид̇и рууба’’нд̇иаад̣̇инаа (сам̣. ни. 3.78; а. ни. 8.2) наязна наанаавилаасасамбаннам̣ сийханаад̣̇ам̣ над̣̇ад̇и.
Sīhanādaṃ nadatīti yathā migarājā parissayānaṃ sahanato, vanamahiṃsamattavāraṇādīnaṃ hananato ca ‘‘sīho’’ti vuccati, evaṃ tathāgato lokadhammānaṃ sahanato, parappavādānaṃ hananato ca ‘‘sīho’’ti vuccati. Evaṃ vuttassa sīhassa nādaṃ sīhanādaṃ. Tattha yathā sīho sīhabalena samannāgato sabbattha visārado vigatalomahaṃso sīhanādaṃ nadati, evaṃ tathāgatasīhopi dasahi tathāgatabalehi samannāgato aṭṭhasu parisāsu visārado vigatalomahaṃso ‘‘iti rūpa’’ntiādinā (saṃ. ni. 3.78; a. ni. 8.2) nayena nānāvilāsasampannaṃ sīhanādaṃ nadati.
бан̃хам̣ абхисан̇карид̇ваад̇и н̃аад̇ум̣ ижчид̇амад̇т̇ам̣ ад̇д̇ано н̃аан̣аб̣алаануруубам̣ абхиражид̇ваа д̇ан̇кан̣ам̣язваад̇и бужчид̇агкан̣зязва таануббад̇д̇игабадибхаанзна виссаж̇ж̇зд̇и. жид̇д̇ам̣ барид̇осзд̇иязва аж̇жхаасаяаануруубам̣ виссаж̇ж̇анад̇о. сод̇аб̣б̣ан̃жасса ман̃н̃анд̇и адтагкан̣аваж̇ж̇ид̇зна навамзна кан̣зна лаб̣бхамаанад̇д̇аа. ‘‘яам̣ но сад̇т̇аа бхаасад̇и, д̇ам̣ но соссаамаа’’д̇и аад̣̇араг̇аараваж̇аад̇аа маханд̇зна уссаахзна сод̇аб̣б̣ам̣ самбадижчид̇аб̣б̣ам̣ ман̃н̃анд̇и. суббасаннаа басаад̣̇аабхиб̣уд̣̇д̇хияаа виг̇ад̇убаггилзсад̇ааяа галлажид̇д̇аа муд̣̇ужид̇д̇аа хонд̇и. басаннагааранд̇и басаннзхи гаад̇аб̣б̣асаггаарам̣, д̇хаммаамисабууж̇анд̇и ад̇т̇о. д̇ад̇т̇а аамисабууж̇ам̣ д̣̇ассзнд̇о ‘‘бан̣ийд̇ааний’’д̇иаад̣̇имааха. д̇хаммабууж̇аа бана ‘‘д̇ат̇ад̇д̇ааяаа’’д̇и иминаа д̣̇ассид̇аа. д̇ат̇аабхаавааяаад̇и яат̇ад̇д̇ааяа яасса ваддад̣̇угканиссаран̣ад̇т̇ааяа д̇хаммо д̣̇зсид̇о, д̇ат̇аабхаавааяа, д̇знааха ‘‘д̇хаммаануд̇хаммабадибад̇д̇ибууран̣ад̇т̇ааяаа’’д̇и. саа жа д̇хаммаануд̇хаммабадибад̇д̇и яааяа анубуб̣б̣ияаа бадибаж̇ж̇ид̇аб̣б̣аа, бадибаж̇ж̇анд̇аанан̃жа сад̇и аж̇жхад̇д̇иган̇г̇асамавааяз згам̣сигаа д̇ассаа баарибуурийд̇и д̇ам̣ анубуб̣б̣им̣ д̣̇ассзд̇ум̣ ‘‘гзжи саран̣зсуу’’д̇иаад̣̇и вуд̇д̇ам̣.
Pañhaṃ abhisaṅkharitvāti ñātuṃ icchitamatthaṃ attano ñāṇabalānurūpaṃ abhiracitvā taṅkhaṇaṃyevāti pucchitakkhaṇeyeva ṭhānuppattikapaṭibhānena vissajjeti. Cittaṃ paritosetiyeva ajjhāsayānurūpaṃ vissajjanato. Sotabbañcassa maññanti aṭṭhakkhaṇavajjitena navamena khaṇena labbhamānattā. ‘‘Yaṃ no satthā bhāsati, taṃ no sossāmā’’ti ādaragāravajātā mahantena ussāhena sotabbaṃ sampaṭicchitabbaṃ maññanti. Suppasannā pasādābhibuddhiyā vigatupakkilesatāya kallacittā muducittā honti. Pasannakāranti pasannehi kātabbasakkāraṃ, dhammāmisapūjanti attho. Tattha āmisapūjaṃ dassento ‘‘paṇītānī’’tiādimāha. Dhammapūjā pana ‘‘tathattāyā’’ti iminā dassitā. Tathābhāvāyāti yathattāya yassa vaṭṭadukkhanissaraṇatthāya dhammo desito, tathābhāvāya, tenāha ‘‘dhammānudhammapaṭipattipūraṇatthāyā’’ti. Sā ca dhammānudhammapaṭipatti yāya anupubbiyā paṭipajjitabbā, paṭipajjantānañca sati ajjhattikaṅgasamavāye ekaṃsikā tassā pāripūrīti taṃ anupubbiṃ dassetuṃ ‘‘keci saraṇesū’’tiādi vuttaṃ.
имасмим̣ баногаасз тад̇ваад̇и ‘‘бадибаннаа жа аараад̇хзнд̇ий’’д̇и зд̇асмим̣ сийханаад̣̇агижжабаарибуурид̣̇ийбанз баал̣ибад̣̇зсз тад̇ваа. самод̇хаанзд̇аб̣б̣аад̇и сан̇галид̇аб̣б̣аа. зго сийханаад̣̇о асаад̇хааран̣о ан̃н̃зхи аббадивад̇д̇ияо сздтанаад̣̇о абхийд̇анаад̣̇од̇и гад̇ваа. зса наяо сзсзсуби. буримаанам̣ д̣̇асаннанд̇иаад̣̇ид̇о бадтааяа яаава ‘‘вимуд̇д̇ияаа маяхам̣ сад̣̇исо над̇т̇ий’’д̇и зд̇зсам̣ буримаанам̣ д̣̇асаннам̣ сийханаад̣̇аанам̣, нид̣̇д̇хааран̣з жзд̇т̇а саамиважанам̣, д̇знааха ‘‘згзгассаа’’д̇и. ‘‘барисаасу жа над̣̇ад̇ий’’д̇и аад̣̇аяо бариваараа ‘‘згажжам̣ д̇абассим̣ нираяз ниб̣б̣ад̇д̇ам̣ бассаамий’’д̇и сийханаад̣̇ам̣ над̣̇анд̇о бхаг̇аваа барисааяам̣ над̣̇ад̇и висаарад̣̇о над̣̇ад̇и яаава ‘‘бадибаннаа аараад̇хзнд̇ий’’д̇и ад̇т̇аяож̇анааяа самбхавад̇о . д̇ат̇аа сзсзсуби навасу.
Imasmiṃpanokāse ṭhatvāti ‘‘paṭipannā ca ārādhentī’’ti etasmiṃ sīhanādakiccapāripūridīpane pāḷipadese ṭhatvā. Samodhānetabbāti saṅkalitabbā. Eko sīhanādo asādhāraṇo aññehi appaṭivattiyo seṭṭhanādo abhītanādoti katvā. Esa nayo sesesupi. Purimānaṃ dasannantiādito paṭṭhāya yāva ‘‘vimuttiyā mayhaṃ sadiso natthī’’ti etesaṃ purimānaṃ dasannaṃ sīhanādānaṃ, niddhāraṇe cettha sāmivacanaṃ, tenāha ‘‘ekekassā’’ti. ‘‘Parisāsu ca nadatī’’ti ādayo parivārā ‘‘ekaccaṃ tapassiṃ niraye nibbattaṃ passāmī’’ti sīhanādaṃ nadanto bhagavā parisāyaṃ nadati visārado nadati yāva ‘‘paṭipannā ārādhentī’’ti atthayojanāya sambhavato . Tathā sesesupi navasu.
‘‘зва’’нд̇иаад̣̇и яат̇аавуд̇д̇аанам̣ д̇зсам̣ сан̇галзд̇ваа д̣̇ассанам̣. д̇з д̣̇асаад̇и д̇з ‘‘барисаасу жа над̣̇ад̇ий’’д̇и аад̣̇аяо сийханаад̣̇аа. буримаанам̣ д̣̇асаннанд̇и яат̇аавуд̇д̇аанам̣ буримаанам̣ д̣̇асаннам̣. баривааравасзнаад̇и бажжзгам̣ баривааравасзна яож̇ияамаанаа сад̇ам̣ сийханаад̣̇аа. буримаа жа д̣̇асаад̇и д̇ат̇аа аяож̇ияамаанаа буримаа жа д̣̇асаад̇и звам̣ д̣̇асаад̇хигам̣ сийханаад̣̇асад̇ам̣ ход̇и. звам̣ ваад̣̇ийнам̣ ваад̣̇анд̇и звам̣ бавад̇д̇аваад̣̇аанам̣ д̇ид̇т̇ияаанам̣ ваад̣̇ам̣. бадисзд̇хзд̇ваад̇и д̇ат̇аабхааваабхаавад̣̇ассанзна бадигкибид̇ваа. яам̣ бхаг̇аваа уд̣̇умб̣аригасуд̇д̇з ‘‘ид̇ха ниг̇род̇ха д̇абассий’’д̇иаад̣̇инаа (д̣̇ий. ни. 3.33) убаггилзсавибхааг̇ам̣, баарисуд̣̇д̇хивибхааг̇ан̃жа д̣̇ассзнд̇о сабарисасса ниг̇род̇хасса бариб̣б̣ааж̇агасса бурад̇о сийханаад̣̇ам̣ над̣̇и, д̇ам̣ д̣̇ассзд̇ум̣ ‘‘ид̣̇аани барисад̇и над̣̇ид̇абуб̣б̣ам̣ сийханаад̣̇ам̣ д̣̇ассзнд̇о’’д̇иаад̣̇и вуд̇д̇ам̣.
‘‘Eva’’ntiādi yathāvuttānaṃ tesaṃ saṅkaletvā dassanaṃ. Te dasāti te ‘‘parisāsu ca nadatī’’ti ādayo sīhanādā. Purimānaṃ dasannanti yathāvuttānaṃ purimānaṃ dasannaṃ. Parivāravasenāti paccekaṃ parivāravasena yojiyamānā sataṃ sīhanādā. Purimā ca dasāti tathā ayojiyamānā purimā ca dasāti evaṃ dasādhikaṃ sīhanādasataṃ hoti. Evaṃ vādīnaṃ vādanti evaṃ pavattavādānaṃ titthiyānaṃ vādaṃ. Paṭisedhetvāti tathābhāvābhāvadassanena paṭikkhipitvā. Yaṃ bhagavā udumbarikasutte ‘‘idha nigrodha tapassī’’tiādinā (dī. ni. 3.33) upakkilesavibhāgaṃ, pārisuddhivibhāgañca dassento saparisassa nigrodhassa paribbājakassa purato sīhanādaṃ nadi, taṃ dassetuṃ ‘‘idāni parisati naditapubbaṃ sīhanādaṃ dassento’’tiādi vuttaṃ.
д̇ид̇т̇ияабариваасагат̇ааван̣н̣анаа
Titthiyaparivāsakathāvaṇṇanā
404. ид̣̇анд̇и ‘‘рааж̇аг̇ахз г̇иж̇жхагуудз баб̣б̣ад̇з вихаранд̇ам̣ мам̣…бз… бан̃хам̣ бужчий’’д̇и ид̣̇ам̣ важанам̣. гаамам̣ яад̣̇аа ниг̇род̇хо бан̃хам̣ бужчи, бхаг̇аваа жасса виссаж̇ж̇зси, на д̇ад̣̇аа г̇иж̇жхагуудз баб̣б̣ад̇з вихарад̇и, рааж̇аг̇ахасамийбз бана вихарад̇ийд̇и гад̇ваа ‘‘рааж̇аг̇ахз г̇иж̇жхагуудз баб̣б̣ад̇з вихаранд̇ам̣ ма’’нд̇и вуд̇д̇ам̣, г̇иж̇жхагуудз вихаран̣ан̃жасса д̇ад̣̇аа авижчиннанд̇и, д̇знааха ‘‘яам̣ д̇ам̣ бхаг̇аваа’’д̇иаад̣̇и. яог̇зд̇и наяз, д̣̇угканиссаран̣уубааязд̇и ад̇т̇о.
404.Idanti ‘‘rājagahe gijjhakūṭe pabbate viharantaṃ maṃ…pe… pañhaṃ pucchī’’ti idaṃ vacanaṃ. Kāmaṃ yadā nigrodho pañhaṃ pucchi, bhagavā cassa vissajjesi, na tadā gijjhakūṭe pabbate viharati, rājagahasamīpe pana viharatīti katvā ‘‘rājagahe gijjhakūṭe pabbate viharantaṃ ma’’nti vuttaṃ, gijjhakūṭe viharaṇañcassa tadā avicchinnanti, tenāha ‘‘yaṃ taṃ bhagavā’’tiādi. Yogeti naye, dukkhanissaraṇūpāyeti attho.
405. яам̣ бариваасам̣ сааман̣зрабхуумияам̣ тид̇о баривасад̇ийд̇и яож̇анаа. яасмаа сааман̣зрабхуумияам̣ тид̇зна баривасид̇аб̣б̣ам̣, на г̇ихибхууд̇зна, д̇асмаа абаривасид̇вааязва баб̣б̣аж̇ж̇ам̣ лабхад̇и. ааган̇кад̇и баб̣б̣аж̇ж̇ам̣, ааган̇кад̇и убасамбад̣̇анд̇и зд̇т̇а бана баб̣б̣аж̇ж̇аа-г̇г̇ахан̣ам̣ важанасилидтад̇аавасзнзва ‘‘д̣̇ирад̇д̇ад̇ирад̇д̇ам̣ сахасзяяа’’нд̇и (баажи. 50) зд̇т̇а д̣̇ирад̇д̇аг̇г̇ахан̣ам̣ вияа. г̇аамаббавзсанаад̣̇ийнийд̇и аад̣̇и-сад̣̇д̣̇зна взсияаавид̇хаваат̇уллагумаарибан̣д̣агабхигкуниг̇ожарад̇аа, саб̣рахмажаарийнам̣ ужжааважзсу гим̣гаран̣ийязсу д̣̇агкааналасаад̣̇ид̇аа, уд̣̇д̣̇зсабарибужчаад̣̇ийсу д̇иб̣б̣ачанд̣̇ад̇аа, яасса д̇ид̇т̇ааяад̇анад̇о ид̇хааг̇ад̇о, д̇асса аван̣н̣з, рад̇анад̇д̇аяасса жа ван̣н̣з анад̇д̇аманад̇аа, д̇ад̣̇убхаяам̣ яат̇ааггамам̣ ван̣н̣з жа аван̣н̣з жа ад̇д̇аманад̇аад̇и имзсам̣ сан̇г̇ахо взд̣̇ид̇аб̣б̣о, д̇знааха ‘‘адта вад̇д̇аани буурзнд̇знаа’’д̇и. гхам̣сид̇ваа годдзд̇ваад̇и аж̇жхаасаяасса виймам̣санавасзна суван̣н̣ам̣ вияа гхам̣сид̇ваа годдзд̇ваа.
405. Yaṃ parivāsaṃ sāmaṇerabhūmiyaṃ ṭhito parivasatīti yojanā. Yasmā sāmaṇerabhūmiyaṃ ṭhitena parivasitabbaṃ, na gihibhūtena, tasmā aparivasitvāyeva pabbajjaṃ labhati. Ākaṅkhati pabbajjaṃ, ākaṅkhati upasampadanti ettha pana pabbajjā-ggahaṇaṃ vacanasiliṭṭhatāvaseneva ‘‘dirattatirattaṃ sahaseyya’’nti (pāci. 50) ettha dirattaggahaṇaṃ viya. Gāmappavesanādīnīti ādi-saddena vesiyāvidhavāthullakumāripaṇḍakabhikkhunigocaratā, sabrahmacārīnaṃ uccāvacesu kiṃkaraṇīyesu dakkhānalasāditā, uddesaparipucchādīsu tibbachandatā, yassa titthāyatanato idhāgato, tassa avaṇṇe, ratanattayassa ca vaṇṇe anattamanatā, tadubhayaṃ yathākkamaṃ vaṇṇe ca avaṇṇe ca attamanatāti imesaṃ saṅgaho veditabbo, tenāha ‘‘aṭṭha vattāni pūrentenā’’ti. Ghaṃsitvā koṭṭetvāti ajjhāsayassa vīmaṃsanavasena suvaṇṇaṃ viya ghaṃsitvā koṭṭetvā.
г̇ан̣амаж̇жхз нисийд̣̇ид̇ваад̇и убасамбад̣̇аагаммасса г̇ан̣аббахонагаанам̣ бхигкуунам̣ маж̇жхз сан̇гхад̇т̇зро вияа д̇асса ануг̇г̇ахад̇т̇ам̣ нисийд̣̇ид̇ваа. вуубагадтод̇и вивид̇д̇о. д̇аад̣̇исасса сийлависод̇ханз аббамаад̣̇о авуд̇д̇асид̣̇д̇ход̇и ааха ‘‘гаммадтаанз сад̇им̣ авиж̇аханд̇о’’д̇и. бзсид̇ажид̇д̇од̇и ниб̣б̣аанам̣ бад̇и бзсид̇ажид̇д̇о д̇ам̣нинно д̇аббон̣о д̇аббаб̣бхааро. ж̇аад̇игулабуд̇д̇ааби аажаарасамбаннаа зва арахад̇д̇аад̇хиг̇амааяа баб̣б̣аж̇ж̇аабзгкаа хонд̇ийд̇и д̇зби д̇зхи згасан̇г̇ахз гаронд̇о ааха ‘‘гулабуд̇д̇аад̇и аажаарагулабуд̇д̇аа’’д̇и, д̇знааха ‘‘саммад̣̇зваад̇и хзд̇унаава гааран̣знзваа’’д̇и. ‘‘од̇ин̣н̣омхи ж̇аад̇ияаа’’д̇иаад̣̇инаа наязна хи сам̣взг̇абуб̣б̣игам̣ яат̇аанусидтам̣ баб̣б̣аж̇ж̇ам̣ санд̇хааяа ид̇ха ‘‘саммад̣̇зваа’’д̇и вуд̇д̇ам̣. хзд̇унаад̇и н̃ааязна. баабун̣ид̇ваад̇и бад̇ваа ад̇хиг̇анд̇ваа. самбаад̣̇зд̇ваад̇и асзгкаа сийласамаад̇хибан̃н̃аа нибпаад̣̇зд̇ваа, барибуурзд̇ваа ваад̇и ад̇т̇о.
Gaṇamajjhe nisīditvāti upasampadākammassa gaṇappahonakānaṃ bhikkhūnaṃ majjhe saṅghatthero viya tassa anuggahatthaṃ nisīditvā. Vūpakaṭṭhoti vivitto. Tādisassa sīlavisodhane appamādo avuttasiddhoti āha ‘‘kammaṭṭhāne satiṃ avijahanto’’ti. Pesitacittoti nibbānaṃ pati pesitacitto taṃninno tappoṇo tappabbhāro. Jātikulaputtāpi ācārasampannā eva arahattādhigamāya pabbajjāpekkhā hontīti tepi tehi ekasaṅgahe karonto āha ‘‘kulaputtāti ācārakulaputtā’’ti, tenāha ‘‘sammadevāti hetunāva kāraṇenevā’’ti. ‘‘Otiṇṇomhi jātiyā’’tiādinā nayena hi saṃvegapubbikaṃ yathānusiṭṭhaṃ pabbajjaṃ sandhāya idha ‘‘sammadevā’’ti vuttaṃ. Hetunāti ñāyena. Pāpuṇitvāti patvā adhigantvā. Sampādetvāti asekkhā sīlasamādhipaññā nipphādetvā, paripūretvā vāti attho.
нидтаабзд̇унд̇и ниг̇аманавасзна барияосаабзд̇ум̣. ‘‘б̣рахмажарияабарияосаанам̣…бз… вихаасий’’д̇и иминаа зва хи арахад̇д̇анигуудзна д̣̇зсанаа барияосаабид̇аа. д̇ам̣ бана ниг̇амзнд̇о ‘‘ан̃н̃ад̇аро ко банаа…бз… ахосий’’д̇и вуд̇д̇ам̣ д̇хаммасан̇г̇аахагзхи. яам̣ банзд̇т̇а ад̇т̇ад̇о на вибхад̇д̇ам̣, д̇ам̣ сувин̃н̃зяяамзва.
Niṭṭhāpetunti nigamanavasena pariyosāpetuṃ. ‘‘Brahmacariyapariyosānaṃ…pe… vihāsī’’ti iminā eva hi arahattanikūṭena desanā pariyosāpitā. Taṃ pana nigamento ‘‘aññataro kho panā…pe… ahosī’’ti vuttaṃ dhammasaṅgāhakehi. Yaṃ panettha atthato na vibhattaṃ, taṃ suviññeyyameva.
махаасийханаад̣̇асуд̇д̇аван̣н̣анааяа лийнад̇т̇аббагаасанаа.
Mahāsīhanādasuttavaṇṇanāya līnatthappakāsanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / д̣̇ийгханигааяа • Dīghanikāya / 8. махаасийханаад̣̇асуд̇д̇ам̣ • 8. Mahāsīhanādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / д̣̇ийгха нигааяа (адтагат̇аа) • Dīgha nikāya (aṭṭhakathā) / 8. махаасийханаад̣̇асуд̇д̇аван̣н̣анаа • 8. Mahāsīhanādasuttavaṇṇanā
