| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. махаасун̃н̃ад̇асуд̇д̇аван̣н̣анаа
2. Mahāsuññatasuttavaṇṇanā
185. звам̣ мз суд̇анд̇и махаасун̃н̃ад̇асуд̇д̇ам̣. д̇ад̇т̇а гаал̣акзмагассаад̇и чавиван̣н̣зна со гаал̣о, кзмагод̇и банасса наамам̣. вихаарод̇и д̇асмим̣язва ниг̇род̇хаараамз згасмим̣ бад̣̇зсз баагаарзна баригкибид̇ваа д̣̇ваарагодтагам̣ маабзд̇ваа хам̣саваддагаад̣̇исзнаасанаани жзва ман̣д̣аламаал̣абхож̇анасаалаад̣̇ийни жа бад̇идтабзд̇ваа гад̇о вихааро. самб̣ахулаани сзнаасанаанийд̇и ман̃жо бийтам̣ бхисиб̣имб̣оханам̣ д̇аддигаа жаммакан̣д̣о д̇ин̣асант̇ааро бан̣н̣асант̇ааро балааласант̇аарод̇иаад̣̇ийни бан̃н̃ад̇д̇аани хонд̇и, ман̃жзна ман̃жам̣…бз… балааласант̇аарзнзва балааласант̇аарам̣ аахажжа табид̇аани, г̇ан̣абхигкуунам̣ васанадтаанасад̣̇исам̣ ахоси.
185.Evaṃme sutanti mahāsuññatasuttaṃ. Tattha kāḷakhemakassāti chavivaṇṇena so kāḷo, khemakoti panassa nāmaṃ. Vihāroti tasmiṃyeva nigrodhārāme ekasmiṃ padese pākārena parikkhipitvā dvārakoṭṭhakaṃ māpetvā haṃsavaṭṭakādisenāsanāni ceva maṇḍalamāḷabhojanasālādīni ca patiṭṭhapetvā kato vihāro. Sambahulāni senāsanānīti mañco pīṭhaṃ bhisibimbohanaṃ taṭṭikā cammakhaṇḍo tiṇasanthāro paṇṇasanthāro palālasanthārotiādīni paññattāni honti, mañcena mañcaṃ…pe… palālasanthāreneva palālasanthāraṃ āhacca ṭhapitāni, gaṇabhikkhūnaṃ vasanaṭṭhānasadisaṃ ahosi.
самб̣ахулаа ну код̇и бхаг̇авад̇о б̣од̇хибаллан̇гзязва саб̣б̣агилзсаанам̣ самуг̇гхаадид̇ад̇д̇аа сам̣саяо наама над̇т̇и, вид̇аггабуб̣б̣абхааг̇аа бужчаа, вид̇аггабуб̣б̣абхааг̇з жааяам̣ нугааро нибаад̇амад̇д̇о. баадимад̇т̇агам̣ г̇ажчанд̇з авинижчид̇о наама на ход̇и. ид̇о гира буб̣б̣з бхаг̇авад̇аа д̣̇аса д̣̇ваад̣̇аса бхигкуу згадтаанз васанд̇аа на д̣̇идтабуб̣б̣аа.
Sambahulānu khoti bhagavato bodhipallaṅkeyeva sabbakilesānaṃ samugghāṭitattā saṃsayo nāma natthi, vitakkapubbabhāgā pucchā, vitakkapubbabhāge cāyaṃ nukāro nipātamatto. Pāṭimatthakaṃ gacchante avinicchito nāma na hoti. Ito kira pubbe bhagavatā dasa dvādasa bhikkhū ekaṭṭhāne vasantā na diṭṭhapubbā.
ат̇асса зд̇ад̣̇ахоси – г̇ан̣аваасо наамааяам̣ ваддз аажин̣н̣асамаажин̣н̣о над̣̇ийод̇ин̣н̣ауд̣̇агасад̣̇исо, нираяад̇иражчаанаяонибзд̇д̇ивисаяаасурагааязсуби, мануссалога-д̣̇звалогаб̣рахмалогзсуби г̇ан̣аваасова аажин̣н̣о. д̣̇асаяож̇анасахассо хи нираяо д̇ибужун̣н̣абхарид̇аа наал̣и вияа сад̇д̇зхи ниранд̇аро, бан̃жавид̇хаб̣анд̇ханагаммагааран̣агаран̣адтаанз сад̇д̇аанам̣ бамаан̣ам̣ ваа барижчзд̣̇о ваа над̇т̇и, д̇ат̇аа ваасийхи д̇ажчанаад̣̇итаанзсу, ид̇и г̇ан̣абхууд̇аава бажжанд̇и. д̇иражчаанаяонияам̣ згасмим̣ ваммигз убасигаанам̣ бамаан̣ам̣ ваа барижчзд̣̇о ваа над̇т̇и, д̇ат̇аа згзгаб̣илаад̣̇ийсуби гибиллигаад̣̇ийнам̣. д̇иражчаанаяонияамби г̇ан̣аваасова. бзд̇анаг̇араани жа г̇аавуд̇игаани ад̣дхаяож̇анигааниби бзд̇абхарид̇аани хонд̇и. звам̣ бзд̇д̇ивисаязби г̇ан̣аваасова. асурабхаванам̣ д̣̇асаяож̇анасахассам̣ ган̣н̣з багкид̇д̇асуужияаа ган̣н̣аб̣илам̣ вияа ход̇и. ид̇и асурагааязби г̇ан̣аваасова. мануссалогз саавад̇т̇ияам̣ сад̇д̇абан̣н̣ааса гуласад̇асахассаани, рааж̇аг̇ахз анд̇о жа б̣ахи жа адтаараса мануссагодияо васим̣су. звам̣ ан̃н̃зсуби таанзсууд̇и мануссалогзби г̇ан̣аваасова. бхуммад̣̇звад̇аа аад̣̇им̣ гад̇ваа д̣̇звалогаб̣рахмалогзсуби г̇ан̣аваасова. згзгасса хи д̣̇звабуд̇д̇асса ад̣дхад̇ияаа наадагагодияо хонд̇и, наваби годияо хонд̇и, згадтаанз д̣̇асасахассааби б̣рахмаано васанд̇и.
Athassa etadahosi – gaṇavāso nāmāyaṃ vaṭṭe āciṇṇasamāciṇṇo nadīotiṇṇaudakasadiso, nirayatiracchānayonipettivisayāsurakāyesupi, manussaloka-devalokabrahmalokesupi gaṇavāsova āciṇṇo. Dasayojanasahasso hi nirayo tipucuṇṇabharitā nāḷi viya sattehi nirantaro, pañcavidhabandhanakammakāraṇakaraṇaṭṭhāne sattānaṃ pamāṇaṃ vā paricchedo vā natthi, tathā vāsīhi tacchanādiṭhānesu, iti gaṇabhūtāva paccanti. Tiracchānayoniyaṃ ekasmiṃ vammike upasikānaṃ pamāṇaṃ vā paricchedo vā natthi, tathā ekekabilādīsupi kipillikādīnaṃ. Tiracchānayoniyampi gaṇavāsova. Petanagarāni ca gāvutikāni aḍḍhayojanikānipi petabharitāni honti. Evaṃ pettivisayepi gaṇavāsova. Asurabhavanaṃ dasayojanasahassaṃ kaṇṇe pakkhittasūciyā kaṇṇabilaṃ viya hoti. Iti asurakāyepi gaṇavāsova. Manussaloke sāvatthiyaṃ sattapaṇṇāsa kulasatasahassāni, rājagahe anto ca bahi ca aṭṭhārasa manussakoṭiyo vasiṃsu. Evaṃ aññesupi ṭhānesūti manussalokepi gaṇavāsova. Bhummadevatā ādiṃ katvā devalokabrahmalokesupi gaṇavāsova. Ekekassa hi devaputtassa aḍḍhatiyā nāṭakakoṭiyo honti, navapi koṭiyo honti, ekaṭṭhāne dasasahassāpi brahmāno vasanti.
д̇ад̇о жинд̇зси – ‘‘маяаа сад̇асахассагаббаад̇хигаани жад̇д̇аари асан̇кязяяаани г̇ан̣аваасавид̣̇д̇хам̣санад̇т̇ам̣ д̣̇аса баарамияо буурид̇аа, имз жа бхигкуу ид̇о бадтааязва г̇ан̣ам̣ б̣анд̇хид̇ваа г̇ан̣аабхирад̇аа ж̇аад̇аа ананужчавигам̣ гаронд̇ий’’д̇и. со д̇хаммасам̣взг̇ам̣ уббаад̣̇зд̇ваа буна жинд̇зси – ‘‘сажз ‘згадтаанз д̣̇вийхи бхигкуухи на васид̇аб̣б̣а’нд̇и саггаа бхавзяяа сигкаабад̣̇ам̣ бан̃н̃абзд̇ум̣, сигкаабад̣̇ам̣ бан̃н̃аабзяяам̣, на ко банзд̇ам̣ саггаа. ханд̣̇аахам̣ махаасун̃н̃ад̇аабадибад̇д̇им̣ наама суд̇д̇анд̇ам̣ д̣̇зсзми, яам̣ сигкаагаамаанам̣ гулабуд̇д̇аанам̣ сигкаабад̣̇абан̃н̃ад̇д̇и вияа наг̇арад̣̇ваарз нигкид̇д̇асаб̣б̣агааяигааад̣̇аасо вияа жа бхависсад̇и. д̇ад̇о яат̇аа наамзгасмим̣ аад̣̇аасз кад̇д̇ияаад̣̇аяо ад̇д̇ано важ̇ж̇ам̣ д̣̇исваа д̇ам̣ бахааяа анаваж̇ж̇аа хонд̇и, звамзвам̣ маяи бариниб̣б̣уд̇зби бан̃жавассасахассаани имам̣ суд̇д̇ам̣ ааваж̇ж̇ид̇ваа г̇ан̣ам̣ винод̣̇зд̇ваа згийбхааваабхирад̇аа гулабуд̇д̇аа ваддад̣̇угкасса анд̇ам̣ гариссанд̇ий’’д̇и. бхаг̇авад̇о жа манорат̇ам̣ буурзнд̇аа вияа имам̣ суд̇д̇ам̣ ааваж̇ж̇ид̇ваа г̇ан̣ам̣ винод̣̇зд̇ваа ваддад̣̇угкам̣ кзбзд̇ваа бариниб̣б̣уд̇аа гулабуд̇д̇аа г̇ан̣анабат̇ам̣ вийд̇ивад̇д̇аа. ваалигабидтивихаарзби хи аабхид̇хаммигаабхаяад̇т̇зро наама вассуубанааяигасамаяз самб̣ахулзхи бхигкуухи сад̣̇д̇хим̣ имам̣ суд̇д̇ам̣ сан̃жхааяид̇ваа ‘‘саммаасамб̣уд̣̇д̇хо звам̣ гаарзд̇и, маяам̣ гим̣ гаромаа’’д̇и ааха. д̇з саб̣б̣зби анд̇овассз г̇ан̣ам̣ винод̣̇зд̇ваа згийбхааваабхирад̇аа арахад̇д̇ам̣ баабун̣им̣су. г̇ан̣абхзд̣̇анам̣ наама ид̣̇ам̣ суд̇д̇анд̇и.
Tato cintesi – ‘‘mayā satasahassakappādhikāni cattāri asaṅkhyeyyāni gaṇavāsaviddhaṃsanatthaṃ dasa pāramiyo pūritā, ime ca bhikkhū ito paṭṭhāyeva gaṇaṃ bandhitvā gaṇābhiratā jātā ananucchavikaṃ karontī’’ti. So dhammasaṃvegaṃ uppādetvā puna cintesi – ‘‘sace ‘ekaṭṭhāne dvīhi bhikkhūhi na vasitabba’nti sakkā bhaveyya sikkhāpadaṃ paññapetuṃ, sikkhāpadaṃ paññāpeyyaṃ, na kho panetaṃ sakkā. Handāhaṃ mahāsuññatāpaṭipattiṃ nāma suttantaṃ desemi, yaṃ sikkhākāmānaṃ kulaputtānaṃ sikkhāpadapaññatti viya nagaradvāre nikkhittasabbakāyikaādāso viya ca bhavissati. Tato yathā nāmekasmiṃ ādāse khattiyādayo attano vajjaṃ disvā taṃ pahāya anavajjā honti, evamevaṃ mayi parinibbutepi pañcavassasahassāni imaṃ suttaṃ āvajjitvā gaṇaṃ vinodetvā ekībhāvābhiratā kulaputtā vaṭṭadukkhassa antaṃ karissantī’’ti. Bhagavato ca manorathaṃ pūrentā viya imaṃ suttaṃ āvajjitvā gaṇaṃ vinodetvā vaṭṭadukkhaṃ khepetvā parinibbutā kulaputtā gaṇanapathaṃ vītivattā. Vālikapiṭṭhivihārepi hi ābhidhammikaabhayatthero nāma vassūpanāyikasamaye sambahulehi bhikkhūhi saddhiṃ imaṃ suttaṃ sañjhāyitvā ‘‘sammāsambuddho evaṃ kāreti, mayaṃ kiṃ karomā’’ti āha. Te sabbepi antovasse gaṇaṃ vinodetvā ekībhāvābhiratā arahattaṃ pāpuṇiṃsu. Gaṇabhedanaṃ nāma idaṃ suttanti.
186. гхадааяаад̇и звам̣наамагасса саггасса. вихаарзд̇и аяамби вихааро ниг̇род̇хаараамассзва згад̣̇зсз гаал̣акзмагасса вихааро вияа гад̇од̇и взд̣̇ид̇аб̣б̣о. жийварагамманд̇и ж̇ин̣н̣амалинаанам̣ аг̇г̇ал̣адтаануббаад̣̇анад̇хованаад̣̇ийхи гад̇абарибхан̣д̣амби, жийварад̇т̇ааяа уббаннавад̇т̇аанам̣ вижааран̣асиб̣б̣анаад̣̇ийхи агад̇ам̣ сам̣вид̇хаанамби ваддад̇и, ид̇ха бана агад̇ам̣ сам̣вид̇хаанам̣ ад̇хиббзд̇ам̣. мануссаа хи аананд̣̇ад̇т̇зрасса жийварасаадагз ад̣̇ам̣су. д̇асмаа т̇зро самб̣ахулз бхигкуу г̇ахзд̇ваа д̇ад̇т̇а жийварагаммам̣ агааси. д̇зби бхигкуу баад̇ова суужибаасагасса бан̃н̃ааяанагаалад̇о бадтааяа нисиннаа абан̃н̃ааяанагаалз удтаханд̇и. суужигаммз нидтид̇зязва сзнаасанаани сам̣вид̣̇ахиссаамаад̇и на сам̣вид̣̇ахим̣су. жийварагаарасамаяо нод̇и т̇зро гира жинд̇зси – ‘‘ад̣̇д̇хаа зд̇зхи бхигкуухи на бадисаамид̇аани сзнаасанаани, бхаг̇авад̇аа жа д̣̇идтаани бхависсанд̇и. ид̇и анад̇д̇амано сад̇т̇аа судту ниг̇г̇ахзд̇угаамо, имзсам̣ бхигкуунам̣ убад̇т̇амбхо бхависсаамий’’д̇и; д̇асмаа звамааха. аяам̣ банзд̇т̇а ад̇хиббааяо – ‘‘на, бханд̇з, имз бхигкуу гаммаараамаа зва, жийварагижжавасзна бана звам̣ васанд̇ий’’д̇и.
186.Ghaṭāyāti evaṃnāmakassa sakkassa. Vihāreti ayampi vihāro nigrodhārāmasseva ekadese kāḷakhemakassa vihāro viya katoti veditabbo. Cīvarakammanti jiṇṇamalinānaṃ aggaḷaṭṭhānuppādanadhovanādīhi kataparibhaṇḍampi, cīvaratthāya uppannavatthānaṃ vicāraṇasibbanādīhi akataṃ saṃvidhānampi vaṭṭati, idha pana akataṃ saṃvidhānaṃ adhippetaṃ. Manussā hi ānandattherassa cīvarasāṭake adaṃsu. Tasmā thero sambahule bhikkhū gahetvā tattha cīvarakammaṃ akāsi. Tepi bhikkhū pātova sūcipāsakassa paññāyanakālato paṭṭhāya nisinnā apaññāyanakāle uṭṭhahanti. Sūcikamme niṭṭhiteyeva senāsanāni saṃvidahissāmāti na saṃvidahiṃsu. Cīvarakārasamayo noti thero kira cintesi – ‘‘addhā etehi bhikkhūhi na paṭisāmitāni senāsanāni, bhagavatā ca diṭṭhāni bhavissanti. Iti anattamano satthā suṭṭhu niggahetukāmo, imesaṃ bhikkhūnaṃ upatthambho bhavissāmī’’ti; tasmā evamāha. Ayaṃ panettha adhippāyo – ‘‘na, bhante, ime bhikkhū kammārāmā eva, cīvarakiccavasena pana evaṃ vasantī’’ti.
на ко, аананд̣̇аад̇и, аананд̣̇а, гаммасамаяо ваа ход̇у агаммасамаяо ваа, жийварагаарасамаяо ваа ход̇у ажийварагаарасамаяо ваа, ат̇а ко сан̇г̇ан̣игаараамо бхигку на собхад̇иязва. маа д̇вам̣ анубад̇т̇амбхадтаанз убад̇т̇амбхо ахосийд̇и. д̇ад̇т̇а сан̇г̇ан̣игаад̇и сагабарисасамод̇хаанам̣. г̇ан̣од̇и наанааж̇анасамод̇хаанам̣. ид̇и сан̇г̇ан̣игаараамо ваа ход̇у г̇ан̣аараамо ваа, саб̣б̣ат̇ааби г̇ан̣аб̣аахуллаабхирад̇о г̇ан̣аб̣анд̇ханаб̣ад̣̇д̇хо бхигку на собхад̇и. бажчаабхад̇д̇з бана д̣̇иваадтаанам̣ саммаж̇ж̇ид̇ваа суд̇ход̇ахад̇т̇абаад̣̇о муулагаммадтаанам̣ г̇ахзд̇ваа згаараамад̇амануяуд̇д̇о бхигку б̣уд̣̇д̇хасаасанз собхад̇и. нзгкаммасуканд̇и гаамад̇о нигканд̇асса сукам̣. бавивзгасукамби гаамабавивзгасукамзва. рааг̇аад̣̇ийнам̣ бана вуубасамад̇т̇ааяа сам̣вад̇д̇ад̇ийд̇и убасамасукам̣. маг̇г̇асамб̣од̇хад̇т̇ааяа сам̣вад̇д̇ад̇ийд̇и самб̣од̇хисукам̣. нигаамалаабхийд̇и гаамалаабхий ижчид̇алаабхий. агижчалаабхийд̇и ад̣̇угкалаабхий. агасиралаабхийд̇и вибулалаабхий.
Na kho, ānandāti, ānanda, kammasamayo vā hotu akammasamayo vā, cīvarakārasamayo vā hotu acīvarakārasamayo vā, atha kho saṅgaṇikārāmo bhikkhu na sobhatiyeva. Mā tvaṃ anupatthambhaṭṭhāne upatthambho ahosīti. Tattha saṅgaṇikāti sakaparisasamodhānaṃ. Gaṇoti nānājanasamodhānaṃ. Iti saṅgaṇikārāmo vā hotu gaṇārāmo vā, sabbathāpi gaṇabāhullābhirato gaṇabandhanabaddho bhikkhu na sobhati. Pacchābhatte pana divāṭṭhānaṃ sammajjitvā sudhotahatthapādo mūlakammaṭṭhānaṃ gahetvā ekārāmatamanuyutto bhikkhu buddhasāsane sobhati. Nekkhammasukhanti kāmato nikkhantassa sukhaṃ. Pavivekasukhampi kāmapavivekasukhameva. Rāgādīnaṃ pana vūpasamatthāya saṃvattatīti upasamasukhaṃ. Maggasambodhatthāya saṃvattatīti sambodhisukhaṃ. Nikāmalābhīti kāmalābhī icchitalābhī. Akicchalābhīti adukkhalābhī. Akasiralābhīti vipulalābhī.
саамааяиганд̇и аббид̇аббид̇асамаяз гилзсзхи вимуд̇д̇ам̣. ганд̇анд̇и манаабам̣. жзд̇овимуд̇д̇инд̇и руубааруубааважаражид̇д̇авимуд̇д̇им̣. вуд̇д̇ан̃хзд̇ам̣ – ‘‘жад̇д̇аари жа жхаанаани жад̇ассо жа аруубасамаабад̇д̇ияо, аяам̣ саамааяиго вимогко’’д̇и (бади. ма. 1.213). асаамааяиганд̇и на самаяавасзна гилзсзхи вимуд̇д̇ам̣, ат̇а ко ажжанд̇авимуд̇д̇ам̣ логуд̇д̇арам̣ вуд̇д̇ам̣. вуд̇д̇ан̃хзд̇ам̣ – ‘‘жад̇д̇ааро жа арияамаг̇г̇аа жад̇д̇аари жа сааман̃н̃апалаани, аяам̣ асаамааяиго вимогко’’д̇и. агуббанд̇и гилзсзхи агобзд̇аб̣б̣ам̣.
Sāmāyikanti appitappitasamaye kilesehi vimuttaṃ. Kantanti manāpaṃ. Cetovimuttinti rūpārūpāvacaracittavimuttiṃ. Vuttañhetaṃ – ‘‘cattāri ca jhānāni catasso ca arūpasamāpattiyo, ayaṃ sāmāyiko vimokkho’’ti (paṭi. ma. 1.213). Asāmāyikanti na samayavasena kilesehi vimuttaṃ, atha kho accantavimuttaṃ lokuttaraṃ vuttaṃ. Vuttañhetaṃ – ‘‘cattāro ca ariyamaggā cattāri ca sāmaññaphalāni, ayaṃ asāmāyiko vimokkho’’ti. Akuppanti kilesehi akopetabbaṃ.
зд̇д̇аавад̇аа гим̣ гат̇ид̇ам̣ ход̇и? сан̇г̇ан̣игаараамо бхигку г̇ан̣аб̣анд̇ханаб̣ад̣̇д̇хо нзва логияаг̇ун̣ам̣, на жа логуд̇д̇араг̇ун̣ам̣ ниб̣б̣ад̇д̇зд̇ум̣ саггод̇и, г̇ан̣ам̣ винод̣̇зд̇ваа бана згаабхирад̇о саггод̇и. д̇ат̇аа хи вибассий б̣од̇хисад̇д̇о жад̇ураасийд̇ияаа баб̣б̣аж̇ид̇асахассзхи баривуд̇о сад̇д̇а вассаани вижаранд̇о саб̣б̣ан̃н̃уг̇ун̣ам̣ ниб̣б̣ад̇д̇зд̇ум̣ наасагки, г̇ан̣ам̣ винод̣̇зд̇ваа сад̇д̇ад̣̇ивасз згийбхааваабхирад̇о б̣од̇химан̣д̣ам̣ ааруяха саб̣б̣ан̃н̃уг̇ун̣ам̣ ниб̣б̣ад̇д̇зси. амхаагам̣ б̣од̇хисад̇д̇о бан̃жаваг̇г̇иязхи сад̣̇д̇хим̣ чаб̣б̣ассаани вижаранд̇о саб̣б̣ан̃н̃уг̇ун̣ам̣ ниб̣б̣ад̇д̇зд̇ум̣ наасагки, д̇зсу багганд̇зсу згийбхааваабхирад̇о б̣од̇химан̣д̣ам̣ ааруяха саб̣б̣ан̃н̃уг̇ун̣ам̣ ниб̣б̣ад̇д̇зси.
Ettāvatā kiṃ kathitaṃ hoti? Saṅgaṇikārāmo bhikkhu gaṇabandhanabaddho neva lokiyaguṇaṃ, na ca lokuttaraguṇaṃ nibbattetuṃ sakkoti, gaṇaṃ vinodetvā pana ekābhirato sakkoti. Tathā hi vipassī bodhisatto caturāsītiyā pabbajitasahassehi parivuto satta vassāni vicaranto sabbaññuguṇaṃ nibbattetuṃ nāsakkhi, gaṇaṃ vinodetvā sattadivase ekībhāvābhirato bodhimaṇḍaṃ āruyha sabbaññuguṇaṃ nibbattesi. Amhākaṃ bodhisatto pañcavaggiyehi saddhiṃ chabbassāni vicaranto sabbaññuguṇaṃ nibbattetuṃ nāsakkhi, tesu pakkantesu ekībhāvābhirato bodhimaṇḍaṃ āruyha sabbaññuguṇaṃ nibbattesi.
звам̣ сан̇г̇ан̣игаараамасса г̇ун̣аад̇хиг̇амаабхаавам̣ д̣̇ассзд̇ваа ид̣̇аани д̣̇осуббад̇д̇им̣ д̣̇ассзнд̇о наахам̣ аананд̣̇аад̇иаад̣̇имааха. д̇ад̇т̇а руубанд̇и сарийрам̣. яад̇т̇а рад̇д̇ассаад̇и яасмим̣ руубз рааг̇авасзна рад̇д̇асса. на уббаж̇ж̇зяяунд̇и яасмим̣ руубз рад̇д̇асса на уббаж̇ж̇зяяум̣, д̇ам̣ руубам̣ на саманубассаами, ат̇а ко саарибуд̇д̇амог̇г̇аллаанаанам̣ д̣̇асаб̣аласаавагад̇д̇убаг̇аманасан̇каад̇зна ан̃н̃ат̇аабхаавзна сан̃жаяасса вияа, убаалиг̇ахабад̇ино ан̃н̃ат̇аабхаавзна наадабуд̇д̇асса вияа, бияаж̇аад̇игасуд̇д̇з сздтиаад̣̇ийнам̣ вияа жа уббаж̇ж̇анд̇иязва.
Evaṃ saṅgaṇikārāmassa guṇādhigamābhāvaṃ dassetvā idāni dosuppattiṃ dassento nāhaṃ ānandātiādimāha. Tattha rūpanti sarīraṃ. Yattha rattassāti yasmiṃ rūpe rāgavasena rattassa. Na uppajjeyyunti yasmiṃ rūpe rattassa na uppajjeyyuṃ, taṃ rūpaṃ na samanupassāmi, atha kho sāriputtamoggallānānaṃ dasabalasāvakattupagamanasaṅkhātena aññathābhāvena sañcayassa viya, upāligahapatino aññathābhāvena nāṭaputtassa viya, piyajātikasutte seṭṭhiādīnaṃ viya ca uppajjantiyeva.
187. аяам̣ ко банаананд̣̇аад̇и го анусанд̇хи? сажз хи гожи д̣̇уб̣б̣уд̣̇д̇хий навабаб̣б̣аж̇ид̇о вад̣̇зяяа – ‘‘саммаасамб̣уд̣̇д̇хо кзд̇д̇ам̣ бавидтаа г̇аавияо вияа амхзязва г̇ан̣ад̇о нийхарад̇и, згийбхаавз нияож̇зд̇и, саяам̣ бана рааж̇арааж̇амахаамад̇д̇аад̣̇ийхи баривуд̇о вихарад̇ий’’д̇и, д̇асса важаногаасубажчзд̣̇анад̇т̇ам̣ – ‘‘жаггаваал̣абарияанд̇ааяа барисааяа маж̇жхз нисинноби д̇ат̇ааг̇ад̇о згаговаа’’д̇и д̣̇ассзд̇ум̣ имам̣ д̣̇зсанам̣ аарабхи. д̇ад̇т̇а саб̣б̣анимид̇д̇аананд̇и руубаад̣̇ийнам̣ сан̇канимид̇д̇аанам̣. аж̇жхад̇д̇анд̇и висаяаж̇жхад̇д̇ам̣. сун̃н̃ад̇анд̇и сун̃н̃ад̇апаласамаабад̇д̇им̣. д̇ад̇ра жзд̇и убаяог̇ад̇т̇з бхуммам̣, д̇ам̣ жзд̇и вуд̇д̇ам̣ ход̇и. буна д̇ад̇раад̇и д̇асмим̣ барисамаж̇жхз тид̇о. вивзганиннзнаад̇и ниб̣б̣аананиннзна. б̣яанд̇ийбхууд̇знаад̇и аасавадтаанийяад̇хаммзхи виг̇ад̇анд̇зна ниссадзна висам̣яуд̇д̇зна. уяяож̇анигабадисам̣яуд̇д̇анд̇и г̇ажчат̇а д̇умхзд̇и звам̣ уяяож̇анигзна важанзна бадисам̣яуд̇д̇ам̣.
187.Ayaṃkho panānandāti ko anusandhi? Sace hi koci dubbuddhī navapabbajito vadeyya – ‘‘sammāsambuddho khettaṃ paviṭṭhā gāviyo viya amheyeva gaṇato nīharati, ekībhāve niyojeti, sayaṃ pana rājarājamahāmattādīhi parivuto viharatī’’ti, tassa vacanokāsupacchedanatthaṃ – ‘‘cakkavāḷapariyantāya parisāya majjhe nisinnopi tathāgato ekakovā’’ti dassetuṃ imaṃ desanaṃ ārabhi. Tattha sabbanimittānanti rūpādīnaṃ saṅkhanimittānaṃ. Ajjhattanti visayajjhattaṃ. Suññatanti suññataphalasamāpattiṃ. Tatra ceti upayogatthe bhummaṃ, taṃ ceti vuttaṃ hoti. Puna tatrāti tasmiṃ parisamajjhe ṭhito. Vivekaninnenāti nibbānaninnena. Byantībhūtenāti āsavaṭṭhānīyadhammehi vigatantena nissaṭena visaṃyuttena. Uyyojanikapaṭisaṃyuttanti gacchatha tumheti evaṃ uyyojanikena vacanena paṭisaṃyuttaṃ.
гааяа бана взлааяа бхаг̇аваа звам̣ гат̇зд̇и? бажчаабхад̇д̇агижжавзлааяа, ваа буримаяаамагижжавзлааяа ваа. бхаг̇аваа хи бажчаабхад̇д̇з г̇анд̇хагудияам̣ сийхасзяяам̣ габбзд̇ваа вудтааяа паласамаабад̇д̇им̣ аббзд̇ваа нисийд̣̇ад̇и. д̇асмим̣ самаяз д̇хаммассаванад̇т̇ааяа барисаа саннибад̇анд̇и. ат̇а бхаг̇аваа гаалам̣ вид̣̇ид̇ваа г̇анд̇хагудид̇о нигкамид̇ваа б̣уд̣̇д̇хаасанавараг̇ад̇о д̇хаммам̣ д̣̇зсзд̇ваа бхзсаж̇ж̇ад̇злабаагам̣ г̇ан̣ханд̇о вияа гаалам̣ анад̇иггамид̇ваа вивзганиннзна жид̇д̇зна барисам̣ уяяож̇зд̇и . буримаяаамзби ‘‘абхигганд̇аа ко ваасздтаа рад̇д̇и, яасса д̣̇аани гаалам̣ ман̃н̃ат̇аа’’д̇и (д̣̇ий. ни. 3.299) звам̣ уяяож̇зд̇и . б̣уд̣̇д̇хаанан̃хи б̣од̇хибад̇д̇ид̇о бадтааяа д̣̇вз бан̃жавин̃н̃аан̣ааниби ниб̣б̣аананиннаанзва. д̇асмаад̇ихаананд̣̇аад̇и яасмаа сун̃н̃ад̇аавихааро санд̇о бан̣ийд̇о, д̇асмаа.
Kāya pana velāya bhagavā evaṃ katheti? Pacchābhattakiccavelāya, vā purimayāmakiccavelāya vā. Bhagavā hi pacchābhatte gandhakuṭiyaṃ sīhaseyyaṃ kappetvā vuṭṭhāya phalasamāpattiṃ appetvā nisīdati. Tasmiṃ samaye dhammassavanatthāya parisā sannipatanti. Atha bhagavā kālaṃ viditvā gandhakuṭito nikkhamitvā buddhāsanavaragato dhammaṃ desetvā bhesajjatelapākaṃ gaṇhanto viya kālaṃ anatikkamitvā vivekaninnena cittena parisaṃ uyyojeti . Purimayāmepi ‘‘abhikkantā kho vāseṭṭhā ratti, yassa dāni kālaṃ maññathā’’ti (dī. ni. 3.299) evaṃ uyyojeti . Buddhānañhi bodhipattito paṭṭhāya dve pañcaviññāṇānipi nibbānaninnāneva. Tasmātihānandāti yasmā suññatāvihāro santo paṇīto, tasmā.
188. аж̇жхад̇д̇амзваад̇и г̇ожараж̇жхад̇д̇амзва. аж̇жхад̇д̇ам̣ сун̃н̃ад̇анд̇и ид̇ха нияагаж̇жхад̇д̇ам̣, ад̇д̇ано бан̃жасу канд̇хзсу ниссид̇анд̇и ад̇т̇о. самбаж̇аано ход̇ийд̇и гаммадтаанасса асамбаж̇ж̇анабхааваж̇аананзна самбаж̇аано. б̣ахид̣̇д̇хаад̇и барасса бан̃жасу канд̇хзсу. аж̇жхад̇д̇аб̣ахид̣̇д̇хаад̇и гаалзна аж̇жхад̇д̇ам̣ гаалзна б̣ахид̣̇д̇хаа . аанзн̃ж̇анд̇и убхад̇обхааг̇авимуд̇д̇о бхависсаамаад̇и аанзн̃ж̇ам̣ аруубасамаабад̇д̇им̣ манаси гарод̇и.
188.Ajjhattamevāti gocarajjhattameva. Ajjhattaṃ suññatanti idha niyakajjhattaṃ, attano pañcasu khandhesu nissitanti attho. Sampajāno hotīti kammaṭṭhānassa asampajjanabhāvajānanena sampajāno. Bahiddhāti parassa pañcasu khandhesu. Ajjhattabahiddhāti kālena ajjhattaṃ kālena bahiddhā . Āneñjanti ubhatobhāgavimutto bhavissāmāti āneñjaṃ arūpasamāpattiṃ manasi karoti.
д̇асмим̣язва буримасминд̇и баад̣̇агаж̇жхаанам̣ санд̇хааяа вуд̇д̇ам̣. абаг̇ун̣абаад̣̇агаж̇жхаанад̇о вудтид̇асса хи аж̇жхад̇д̇ам̣ сун̃н̃ад̇ам̣ манасигарод̇о д̇ад̇т̇а жид̇д̇ам̣ на багканд̣̇ад̇и. д̇ад̇о ‘‘барасса санд̇аанз ну ко гат̇а’’нд̇и б̣ахид̣̇д̇хаа манаси гарод̇и, д̇ад̇т̇аби на багканд̣̇ад̇и. д̇ад̇о – ‘‘гаалзна ад̇д̇ано санд̇аанз, гаалзна барасса санд̇аанз ну ко гат̇а’’нд̇и аж̇жхад̇д̇аб̣ахид̣̇д̇хаа манаси гарод̇и, д̇ад̇т̇аби на багканд̣̇ад̇и. д̇ад̇о убхад̇обхааг̇авимуд̇д̇о ход̇угаамо ‘‘аруубасамаабад̇д̇ияам̣ ну ко гат̇а’’нд̇и аанзн̃ж̇ам̣ манаси гарод̇и, д̇ад̇т̇аби на багканд̣̇ад̇и. ид̣̇аани – ‘‘на мз жид̇д̇ам̣ багканд̣̇ад̇ийд̇и виссадтавийриязна убадтаагаад̣̇ийнам̣ бажчад̇о на жарид̇аб̣б̣ам̣, баад̣̇агаж̇жхаанамзва бана саад̇хугам̣ бунаббунам̣ манасигаад̇аб̣б̣ам̣. звамасса ругкз чинд̣̇ад̇о парасумхи аваханд̇з буна нисид̇ам̣ гаарзд̇ваа чинд̣̇анд̇асса чиж̇ж̇зсу парасу вияа гаммадтаанз манасигааро вахад̇ий’’д̇и д̣̇ассзд̇ум̣ д̇асмим̣язваад̇иаад̣̇имааха. ид̣̇аанисса звам̣ бадибаннасса яам̣ яам̣ манаси гарод̇и, д̇ад̇т̇а д̇ад̇т̇а манасигааро самбаж̇ж̇ад̇ийд̇и д̣̇ассзнд̇о багканд̣̇ад̇ийд̇и ааха.
Tasmiṃyeva purimasminti pādakajjhānaṃ sandhāya vuttaṃ. Apaguṇapādakajjhānato vuṭṭhitassa hi ajjhattaṃ suññataṃ manasikaroto tattha cittaṃ na pakkhandati. Tato ‘‘parassa santāne nu kho katha’’nti bahiddhā manasi karoti, tatthapi na pakkhandati. Tato – ‘‘kālena attano santāne, kālena parassa santāne nu kho katha’’nti ajjhattabahiddhā manasi karoti, tatthapi na pakkhandati. Tato ubhatobhāgavimutto hotukāmo ‘‘arūpasamāpattiyaṃ nu kho katha’’nti āneñjaṃ manasi karoti, tatthapi na pakkhandati. Idāni – ‘‘na me cittaṃ pakkhandatīti vissaṭṭhavīriyena upaṭṭhākādīnaṃ pacchato na caritabbaṃ, pādakajjhānameva pana sādhukaṃ punappunaṃ manasikātabbaṃ. Evamassa rukkhe chindato pharasumhi avahante puna nisitaṃ kāretvā chindantassa chijjesu pharasu viya kammaṭṭhāne manasikāro vahatī’’ti dassetuṃ tasmiṃyevātiādimāha. Idānissa evaṃ paṭipannassa yaṃ yaṃ manasi karoti, tattha tattha manasikāro sampajjatīti dassento pakkhandatīti āha.
189. иминаа вихаарзнаад̇и иминаа самат̇авибассанаавихаарзна. ид̇иха д̇ад̇т̇а самбаж̇аанод̇и ид̇и жан̇гаманд̇оби д̇асмим̣ гаммадтаанз самбаж̇ж̇амаанз ‘‘самбаж̇ж̇ад̇и мз гаммадтаана’’нд̇и ж̇аананзна самбаж̇аано ход̇и. саяад̇ийд̇и нибаж̇ж̇ад̇и. зд̇т̇а ган̃жи гаалам̣ жан̇гамид̇ваа – ‘‘ид̣̇аани зд̇д̇агам̣ гаалам̣ жан̇гамид̇ум̣ сагкиссаамий’’д̇и н̃ад̇ваа ирияаабат̇ам̣ ахаабзд̇ваа таад̇аб̣б̣ам̣. зса наяо саб̣б̣аваарзсу . на гат̇зссаамийд̇и, ид̇иха д̇ад̇т̇аад̇и звам̣ на гат̇зссаамийд̇и ж̇аананзна д̇ад̇т̇а самбаж̇аанагаарий ход̇и.
189.Iminā vihārenāti iminā samathavipassanāvihārena. Itiha tattha sampajānoti iti caṅkamantopi tasmiṃ kammaṭṭhāne sampajjamāne ‘‘sampajjati me kammaṭṭhāna’’nti jānanena sampajāno hoti. Sayatīti nipajjati. Ettha kañci kālaṃ caṅkamitvā – ‘‘idāni ettakaṃ kālaṃ caṅkamituṃ sakkhissāmī’’ti ñatvā iriyāpathaṃ ahāpetvā ṭhātabbaṃ. Esa nayo sabbavāresu . Na kathessāmīti, itiha tatthāti evaṃ na kathessāmīti jānanena tattha sampajānakārī hoti.
буна д̣̇уд̇ияаваарз зваруубим̣ гат̇ам̣ гат̇зссаамийд̇и ж̇аананзна самбаж̇аанагаарий ход̇и, имасса бхигкуно самат̇авибассанаа д̇арун̣аава, д̇аасам̣ анурагкан̣ад̇т̇ам̣ –
Puna dutiyavāre evarūpiṃ kathaṃ kathessāmīti jānanena sampajānakārī hoti, imassa bhikkhuno samathavipassanā taruṇāva, tāsaṃ anurakkhaṇatthaṃ –
‘‘ааваасо г̇ожаро бхассам̣, буг̇г̇ало ат̇а бхож̇анам̣;
‘‘Āvāso gocaro bhassaṃ, puggalo atha bhojanaṃ;
уд̇у ирияаабат̇о жзва, саббааяо сзвид̇аб̣б̣аго’’д̇и.
Utu iriyāpatho ceva, sappāyo sevitabbako’’ti.
сад̇д̇а саббааяаани ижчид̇аб̣б̣аани. д̇зсам̣ д̣̇ассанад̇т̇амид̣̇ам̣ вуд̇д̇ам̣. вид̇аггаваарзсу авид̇агганасса жа вид̇агганасса жа ж̇аананзна самбаж̇аанад̇аа взд̣̇ид̇аб̣б̣аа.
Satta sappāyāni icchitabbāni. Tesaṃ dassanatthamidaṃ vuttaṃ. Vitakkavāresu avitakkanassa ca vitakkanassa ca jānanena sampajānatā veditabbā.
190. ид̇и вид̇аггабахаанзна д̣̇вз маг̇г̇з гат̇зд̇ваа ид̣̇аани д̇ад̇ияамаг̇г̇асса вибассанам̣ аажигканд̇о бан̃жа ко имз, аананд̣̇а, гаамаг̇ун̣аад̇иаад̣̇имааха. ааяад̇анзд̇и д̇зсуязва гаамаг̇ун̣зсу гисмин̃жид̣̇зва гилзсуббад̇д̇игааран̣з. самуд̣̇аажаарод̇и самуд̣̇аажаран̣ад̇о аббахийнагилзсо. звам̣ санд̇анд̇и звам̣ виж̇ж̇амаанамзва. самбаж̇аанод̇и гаммадтаанасса асамбад̇д̇иж̇аананзна самбаж̇аано. д̣̇уд̇ияаваарз звам̣ санд̇амзд̇анд̇и звам̣ санд̇з зд̇ам̣. самбаж̇аанод̇и гаммадтаанасамбад̇д̇иж̇аананзна самбаж̇аано. аяан̃хи ‘‘бахийно ну ко мз бан̃жасу гаамаг̇ун̣зсу чанд̣̇арааг̇о но’’д̇и бажжавзгкамаано абахийнабхаавам̣ н̃ад̇ваа вийрияам̣ баг̇г̇ахзд̇ваа д̇ам̣ анааг̇аамимаг̇г̇зна самуг̇гхаадзд̇и, д̇ад̇о маг̇г̇аананд̇арам̣ палам̣, палад̇о вудтааяа бажжавзгкамаано бахийнабхаавам̣ ж̇аанаад̇и, д̇асса ж̇аананзна ‘‘самбаж̇аано ход̇ий’’д̇и вуд̇д̇ам̣.
190. Iti vitakkapahānena dve magge kathetvā idāni tatiyamaggassa vipassanaṃ ācikkhanto pañca kho ime, ānanda, kāmaguṇātiādimāha. Āyataneti tesuyeva kāmaguṇesu kismiñcideva kilesuppattikāraṇe. Samudācāroti samudācaraṇato appahīnakileso. Evaṃsantanti evaṃ vijjamānameva. Sampajānoti kammaṭṭhānassa asampattijānanena sampajāno. Dutiyavāre evaṃ santametanti evaṃ sante etaṃ. Sampajānoti kammaṭṭhānasampattijānanena sampajāno. Ayañhi ‘‘pahīno nu kho me pañcasu kāmaguṇesu chandarāgo no’’ti paccavekkhamāno apahīnabhāvaṃ ñatvā vīriyaṃ paggahetvā taṃ anāgāmimaggena samugghāṭeti, tato maggānantaraṃ phalaṃ, phalato vuṭṭhāya paccavekkhamāno pahīnabhāvaṃ jānāti, tassa jānanena ‘‘sampajāno hotī’’ti vuttaṃ.
191. ид̣̇аани арахад̇д̇амаг̇г̇асса вибассанам̣ аажигканд̇о бан̃жа ко имз, аананд̣̇а, убаад̣̇аанагканд̇хаад̇иаад̣̇имааха. д̇ад̇т̇а со бахийяад̇ийд̇и руубз асмийд̇и маано асмийд̇и чанд̣̇о асмийд̇и анусаяо бахийяад̇и. д̇ат̇аа взд̣̇анаад̣̇ийсу самбаж̇аанад̇аа вуд̇д̇анааязнзва взд̣̇ид̇аб̣б̣аа.
191. Idāni arahattamaggassa vipassanaṃ ācikkhanto pañca kho ime, ānanda, upādānakkhandhātiādimāha. Tattha so pahīyatīti rūpe asmīti māno asmīti chando asmīti anusayo pahīyati. Tathā vedanādīsu sampajānatā vuttanāyeneva veditabbā.
имз ко д̇з, аананд̣̇а, д̇хаммаад̇и хздтаа гат̇ид̇з самат̇авибассанаамаг̇г̇апалад̇хаммз санд̇хааяааха. гусалааяад̇игаад̇и гусалад̇о ааг̇ад̇аа. гусалаа хи гусалааби хонд̇и гусалааяад̇игааби, сзяяат̇ид̣̇ам̣, батамаж̇жхаанам̣ гусалам̣, д̣̇уд̇ияаж̇жхаанам̣ гусалан̃жзва гусалааяад̇иган̃жа…бз… аагин̃жан̃н̃ааяад̇анам̣ гусалам̣, нзвасан̃н̃аанаасан̃н̃ааяад̇анам̣ гусалан̃жзва гусалааяад̇иган̃жа, нзвасан̃н̃аанаасан̃н̃ааяад̇анам̣ гусалам̣, сод̇аабад̇д̇имаг̇г̇о гусало жзва гусалааяад̇иго жа…бз… анааг̇аамимаг̇г̇о гусало, арахад̇д̇амаг̇г̇о гусало жзва гусалааяад̇иго жа. д̇ат̇аа батамаж̇жхаанам̣ гусалам̣, д̇ам̣самбаяуд̇д̇агаа д̇хаммаа гусалаа жзва гусалааяад̇игаа жа…бз… арахад̇д̇амаг̇г̇о гусало, д̇ам̣самбаяуд̇д̇агаа д̇хаммаа гусалаа жзва гусалааяад̇игаа жа.
Ime kho te, ānanda, dhammāti heṭṭhā kathite samathavipassanāmaggaphaladhamme sandhāyāha. Kusalāyatikāti kusalato āgatā. Kusalā hi kusalāpi honti kusalāyatikāpi, seyyathidaṃ, paṭhamajjhānaṃ kusalaṃ, dutiyajjhānaṃ kusalañceva kusalāyatikañca…pe… ākiñcaññāyatanaṃ kusalaṃ, nevasaññānāsaññāyatanaṃ kusalañceva kusalāyatikañca, nevasaññānāsaññāyatanaṃ kusalaṃ, sotāpattimaggo kusalo ceva kusalāyatiko ca…pe… anāgāmimaggo kusalo, arahattamaggo kusalo ceva kusalāyatiko ca. Tathā paṭhamajjhānaṃ kusalaṃ, taṃsampayuttakā dhammā kusalā ceva kusalāyatikā ca…pe… arahattamaggo kusalo, taṃsampayuttakā dhammā kusalā ceva kusalāyatikā ca.
арияаад̇и ниггилзсаа висуд̣̇д̇хаа. логуд̇д̇араад̇и логз уд̇д̇араа висидтаа. анавагганд̇аа баабимад̇аад̇и баабиманд̇зна маарзна аногганд̇аа. вибассанаабаад̣̇агаа адта самаабад̇д̇ияо аббзд̇ваа нисиннасса хи бхигкуно жид̇д̇ам̣ мааро на бассад̇и, ‘‘ид̣̇ам̣ наама аарамман̣ам̣ ниссааяа сам̣вад̇д̇ад̇ий’’д̇и ж̇аад̇ид̇ум̣ на саггод̇и. д̇асмаа ‘‘анавагганд̇аа’’д̇и вуд̇д̇ам̣.
Ariyāti nikkilesā visuddhā. Lokuttarāti loke uttarā visiṭṭhā. Anavakkantāpāpimatāti pāpimantena mārena anokkantā. Vipassanāpādakā aṭṭha samāpattiyo appetvā nisinnassa hi bhikkhuno cittaṃ māro na passati, ‘‘idaṃ nāma ārammaṇaṃ nissāya saṃvattatī’’ti jātituṃ na sakkoti. Tasmā ‘‘anavakkantā’’ti vuttaṃ.
д̇ам̣ гим̣ ман̃н̃асийд̇и ид̣̇ам̣ гасмаа ааха? г̇ан̣зби зго аанисам̣со ад̇т̇и, д̇ам̣ д̣̇ассзд̇ум̣ ид̣̇амааха. ануб̣анд̇хид̇унд̇и ануг̇ажчид̇ум̣ барижарид̇ум̣.
Taṃ kiṃ maññasīti idaṃ kasmā āha? Gaṇepi eko ānisaṃso atthi, taṃ dassetuṃ idamāha. Anubandhitunti anugacchituṃ paricarituṃ.
на ко, аананд̣̇аад̇и зд̇т̇а гин̃жааби бхаг̇авад̇аа – ‘‘суд̇аавуд̇хо, бхигкавз, арияасааваго агусалам̣ баж̇ахад̇и, гусалам̣ бхаавзд̇и, сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и, суд̣̇д̇хам̣ ад̇д̇аанам̣ барихарад̇ий’’д̇и (а. ни. 7.67) б̣ахуссуд̇о бан̃жаавуд̇хасамбанно яод̇хо вияа гад̇о. яасмаа бана со суд̇абарияад̇д̇им̣ уг̇г̇ахзд̇вааби д̇ад̣̇анужчавигам̣ ануломабадибад̣̇ам̣ на бадибаж̇ж̇ад̇и, на д̇асса д̇ам̣ аавуд̇хам̣ ход̇и. яо бадибаж̇ж̇ад̇и, д̇ассзва ход̇и. д̇асмаа зд̇ад̣̇ад̇т̇ам̣ ануб̣анд̇хид̇ум̣ наарахад̇ийд̇и д̣̇ассзнд̇о на ко, аананд̣̇аад̇и ааха.
Na kho, ānandāti ettha kiñcāpi bhagavatā – ‘‘sutāvudho, bhikkhave, ariyasāvako akusalaṃ pajahati, kusalaṃ bhāveti, sāvajjaṃ pajahati, anavajjaṃ bhāveti, suddhaṃ attānaṃ pariharatī’’ti (a. ni. 7.67) bahussuto pañcāvudhasampanno yodho viya kato. Yasmā pana so sutapariyattiṃ uggahetvāpi tadanucchavikaṃ anulomapaṭipadaṃ na paṭipajjati, na tassa taṃ āvudhaṃ hoti. Yo paṭipajjati, tasseva hoti. Tasmā etadatthaṃ anubandhituṃ nārahatīti dassento na kho, ānandāti āha.
ид̣̇аани яад̣̇ад̇т̇ам̣ ануб̣анд̇хид̇аб̣б̣о, д̇ам̣ д̣̇ассзд̇ум̣ яаа жа код̇иаад̣̇имааха. ид̇и имасмим̣ суд̇д̇з д̇ийсу таанзсу д̣̇аса гат̇аавад̇т̇ууни ааг̇ад̇аани. ‘‘ид̇и зваруубам̣ гат̇ам̣ гат̇зссаамий’’д̇и саббааяаасаббааяавасзна ааг̇ад̇аани, ‘‘яад̣̇ид̣̇ам̣ суд̇д̇ам̣ г̇зяяа’’нд̇и зд̇т̇а суд̇абарияад̇д̇ивасзна ааг̇ад̇аани, имасмим̣ таанз барибууран̣авасзна ааг̇ад̇аани. д̇асмаа имасмим̣ суд̇д̇з д̣̇аса гат̇аавад̇т̇ууни гат̇знд̇зна имасмим̣ таанз тад̇ваа гат̇зд̇аб̣б̣аани.
Idāni yadatthaṃ anubandhitabbo, taṃ dassetuṃ yā ca khotiādimāha. Iti imasmiṃ sutte tīsu ṭhānesu dasa kathāvatthūni āgatāni. ‘‘Iti evarūpaṃ kathaṃ kathessāmī’’ti sappāyāsappāyavasena āgatāni, ‘‘yadidaṃ suttaṃ geyya’’nti ettha sutapariyattivasena āgatāni, imasmiṃ ṭhāne paripūraṇavasena āgatāni. Tasmā imasmiṃ sutte dasa kathāvatthūni kathentena imasmiṃ ṭhāne ṭhatvā kathetabbāni.
ид̣̇аани яасмаа згажжасса згагасса вихарад̇оби ад̇т̇о на самбаж̇ж̇ад̇и, д̇асмаа д̇ам̣ санд̇хааяа згийбхаавз аад̣̇ийнавам̣ д̣̇ассзнд̇о звам̣ санд̇з ко, аананд̣̇аад̇иаад̣̇имааха. д̇ад̇т̇а звам̣ санд̇зд̇и звам̣ згийбхаавз санд̇з.
Idāni yasmā ekaccassa ekakassa viharatopi attho na sampajjati, tasmā taṃ sandhāya ekībhāve ādīnavaṃ dassento evaṃ sante kho, ānandātiādimāha. Tattha evaṃ santeti evaṃ ekībhāve sante.
193. сад̇т̇аад̇и б̣аахираго д̇ид̇т̇агарасад̇т̇аа. анваавад̇д̇анд̇ийд̇и ануаавад̇д̇анд̇и убасан̇гаманд̇и. мужчам̣ гаамаяад̇ийд̇и мужчанад̇ан̣хам̣ бад̇т̇зд̇и, бавад̇д̇зд̇ийд̇и ад̇т̇о. аажарияуубад̣̇д̣̇авзнаад̇и аб̣бханд̇арз уббаннзна гилзсуубад̣̇д̣̇авзна аажарияассубад̣̇д̣̇аво. сзсубад̣̇д̣̇авзсуби зсзва наяо. авад̇хим̣су нанд̇и маараяим̣су нам̣. зд̇зна хи г̇ун̣амаран̣ам̣ гат̇ид̇ам̣.
193.Satthāti bāhirako titthakarasatthā. Anvāvattantīti anuāvattanti upasaṅkamanti. Mucchaṃ kāmayatīti mucchanataṇhaṃ pattheti, pavattetīti attho. Ācariyūpaddavenāti abbhantare uppannena kilesūpaddavena ācariyassupaddavo. Sesupaddavesupi eseva nayo. Avadhiṃsu nanti mārayiṃsu naṃ. Etena hi guṇamaraṇaṃ kathitaṃ.
винибаад̇ааяаад̇и судту нибад̇анааяа. гасмаа бана б̣рахмажаарубад̣̇д̣̇авова – ‘‘д̣̇угкавибаагад̇аро жа гадугавибаагад̇аро жа винибаад̇ааяа жа сам̣вад̇д̇ад̇ий’’д̇и вуд̇д̇од̇и. б̣аахирабаб̣б̣аж̇ж̇аа хи аббалаабхаа, д̇ад̇т̇а маханд̇о ниб̣б̣ад̇д̇зд̇аб̣б̣аг̇ун̣о над̇т̇и, адтасамаабад̇д̇ибан̃жаабхин̃н̃аамад̇д̇агамзва ход̇и. ид̇и яат̇аа г̇ад̣̇рабхабидтид̇о бад̇ид̇асса маханд̇ам̣ д̣̇угкам̣ на ход̇и, сарийрасса бам̣сумагканамад̇д̇амзва ход̇и, звам̣ б̣аахирасамаяз логияаг̇ун̣амад̇д̇ад̇ова барихааяад̇и, д̇зна буримам̣ убад̣̇д̣̇авад̣̇ваяам̣ на звам̣ вуд̇д̇ам̣. саасанз бана баб̣б̣аж̇ж̇аа махаалаабхаа, д̇ад̇т̇а жад̇д̇ааро маг̇г̇аа жад̇д̇аари палаани ниб̣б̣аананд̇и маханд̇аа ад̇хиг̇анд̇аб̣б̣аг̇ун̣аа. ид̇и яат̇аа убхад̇о суж̇аад̇о кад̇д̇ияагумааро хад̇т̇игканд̇хавараг̇ад̇о наг̇арам̣ анусан̃жаранд̇о хад̇т̇игканд̇хад̇о бад̇ид̇о махаад̣̇угкам̣ ниг̇ажчад̇и, звам̣ саасанад̇о барихааяамаано навахи логуд̇д̇араг̇ун̣зхи барихааяад̇и. д̇знааяам̣ б̣рахмажаарубад̣̇д̣̇аво звам̣ вуд̇д̇о.
Vinipātāyāti suṭṭhu nipatanāya. Kasmā pana brahmacārupaddavova – ‘‘dukkhavipākataro ca kaṭukavipākataro ca vinipātāya ca saṃvattatī’’ti vuttoti. Bāhirapabbajjā hi appalābhā, tattha mahanto nibbattetabbaguṇo natthi, aṭṭhasamāpattipañcābhiññāmattakameva hoti. Iti yathā gadrabhapiṭṭhito patitassa mahantaṃ dukkhaṃ na hoti, sarīrassa paṃsumakkhanamattameva hoti, evaṃ bāhirasamaye lokiyaguṇamattatova parihāyati, tena purimaṃ upaddavadvayaṃ na evaṃ vuttaṃ. Sāsane pana pabbajjā mahālābhā, tattha cattāro maggā cattāri phalāni nibbānanti mahantā adhigantabbaguṇā. Iti yathā ubhato sujāto khattiyakumāro hatthikkhandhavaragato nagaraṃ anusañcaranto hatthikkhandhato patito mahādukkhaṃ nigacchati, evaṃ sāsanato parihāyamāno navahi lokuttaraguṇehi parihāyati. Tenāyaṃ brahmacārupaddavo evaṃ vutto.
196. д̇асмаад̇и яасмаа сзсубад̣̇д̣̇авзхи б̣рахмажаарубад̣̇д̣̇аво д̣̇угкавибаагад̇аро, яасмаа ваа сабад̇д̇абадибад̇д̇им̣ вийд̇иггаманд̇о д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇ад̇и, мид̇д̇абадибад̇д̇и хид̇ааяа, д̇асмаа. звам̣ убаримзнаби хздтимзнаби ад̇т̇зна яож̇зд̇аб̣б̣ам̣. мид̇д̇авад̇ааяаад̇и мид̇д̇абадибад̇д̇ияаа. сабад̇д̇авад̇ааяаад̇и взрабадибад̇д̇ияаа.
196.Tasmāti yasmā sesupaddavehi brahmacārupaddavo dukkhavipākataro, yasmā vā sapattapaṭipattiṃ vītikkamanto dīgharattaṃ ahitāya dukkhāya saṃvattati, mittapaṭipatti hitāya, tasmā. Evaṃ uparimenapi heṭṭhimenapi atthena yojetabbaṃ. Mittavatāyāti mittapaṭipattiyā. Sapattavatāyāti verapaṭipattiyā.
воггамма жа сад̇т̇усаасанаад̇и д̣̇уггадад̣̇уб̣бхаасид̇амад̇д̇амби хи сан̃жижжа вийд̇иггаманд̇о воггамма вад̇д̇ад̇и наама. д̇ад̣̇зва авийд̇иггаманд̇о на воггамма вад̇д̇ад̇и наама.
Vokkammaca satthusāsanāti dukkaṭadubbhāsitamattampi hi sañcicca vītikkamanto vokkamma vattati nāma. Tadeva avītikkamanto na vokkamma vattati nāma.
на во ахам̣, аананд̣̇а, д̇ат̇аа бараггамиссаамийд̇и ахам̣ д̇умхзсу д̇ат̇аа на бадибаж̇ж̇иссаами. аамагзд̇и абаггз. аамагамад̇д̇зд̇и аамагз наад̇исугкз бхааж̇анз. гумбхагааро хи аамагам̣ наад̇исугкам̣ абаггам̣ убхохи хад̇т̇зхи сан̣хигам̣ г̇ан̣хаад̇и ‘‘маа бхиж̇ж̇ад̇уу’’д̇и. ид̇и яат̇аа гумбхагааро д̇ад̇т̇а бадибаж̇ж̇ад̇и, наахам̣ д̇умхзсу д̇ат̇аа бадибаж̇ж̇иссаами. ниг̇г̇аяха ниг̇г̇аяхаад̇и сагим̣ овад̣̇ид̇ваа д̇ун̣хий на бхависсаами, ниг̇г̇ан̣хид̇ваа ниг̇г̇ан̣хид̇ваа бунаббунам̣ овад̣̇иссаами анусаасиссаами. баваяха баваяхаад̇и д̣̇осз баваахзд̇ваа баваахзд̇ваа. яат̇аа баггабхааж̇анзсу гумбхагааро бхинначиннаж̇аж̇ж̇араани баваахзд̇ваа згад̇о гад̇ваа субаггаанзва аагодзд̇ваа аагодзд̇ваа г̇ан̣хаад̇и, звамзва ахамби баваахзд̇ваа баваахзд̇ваа бунаббунам̣ овад̣̇иссаами анусаасиссаами. яо сааро со тассад̇ийд̇и звам̣ во маяаа овад̣̇ияамаанаанам̣ яо маг̇г̇апаласааро, со тассад̇и. абижа логияаг̇ун̣ааби ид̇ха саарод̇взва ад̇хиббзд̇аа. сзсам̣ саб̣б̣ад̇т̇а уд̇д̇аанамзваад̇и.
Na vo ahaṃ, ānanda, tathā parakkamissāmīti ahaṃ tumhesu tathā na paṭipajjissāmi. Āmaketi apakke. Āmakamatteti āmake nātisukkhe bhājane. Kumbhakāro hi āmakaṃ nātisukkhaṃ apakkaṃ ubhohi hatthehi saṇhikaṃ gaṇhāti ‘‘mā bhijjatū’’ti. Iti yathā kumbhakāro tattha paṭipajjati, nāhaṃ tumhesu tathā paṭipajjissāmi. Niggayha niggayhāti sakiṃ ovaditvā tuṇhī na bhavissāmi, niggaṇhitvā niggaṇhitvā punappunaṃ ovadissāmi anusāsissāmi. Pavayha pavayhāti dose pavāhetvā pavāhetvā. Yathā pakkabhājanesu kumbhakāro bhinnachinnajajjarāni pavāhetvā ekato katvā supakkāneva ākoṭetvā ākoṭetvā gaṇhāti, evameva ahampi pavāhetvā pavāhetvā punappunaṃ ovadissāmi anusāsissāmi. Yosāro so ṭhassatīti evaṃ vo mayā ovadiyamānānaṃ yo maggaphalasāro, so ṭhassati. Apica lokiyaguṇāpi idha sārotveva adhippetā. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
махаасун̃н̃ад̇асуд̇д̇аван̣н̣анаа нидтид̇аа.
Mahāsuññatasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. махаасун̃н̃ад̇асуд̇д̇ам̣ • 2. Mahāsuññatasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 2. махаасун̃н̃ад̇асуд̇д̇аван̣н̣анаа • 2. Mahāsuññatasuttavaṇṇanā
