| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
2. махаасун̃н̃ад̇асуд̇д̇аван̣н̣анаа
2. Mahāsuññatasuttavaṇṇanā
185. чавиван̣н̣зна со гаал̣о, на наамзна. балааласант̇аарод̇и аад̣̇ийнийд̇и аад̣̇и-сад̣̇д̣̇зна гожчажимилигаагадасаараад̣̇ийнам̣ г̇ахан̣ам̣. г̇ан̣абхигкуунанд̇и г̇ан̣аб̣анд̇ханавасзна бхигкуунам̣.
185.Chavivaṇṇenaso kāḷo, na nāmena. Palālasanthāroti ādīnīti ādi-saddena kocchacimilikākaṭasārādīnaṃ gahaṇaṃ. Gaṇabhikkhūnanti gaṇabandhanavasena bhikkhūnaṃ.
яад̣̇и сам̣саяо наама над̇т̇и, ‘‘самб̣ахулаа ну ко’’д̇и ид̣̇ам̣ гат̇анд̇и ааха ‘‘вид̇аггабуб̣б̣абхааг̇аа’’д̇иаад̣̇и. д̇ад̇т̇а вид̇агго буб̣б̣абхааг̇о зд̇иссаад̇и вид̇аггабуб̣б̣абхааг̇аа, бужчаа. саа ‘‘самб̣ахулаа но зд̇т̇а бхигкуувихаранд̇ий’’д̇и важанам̣, вид̇агго бана ‘‘самб̣ахулаа ну ко ид̇ха бхигкуу вихаранд̇ий’’д̇и иминаа аагаарзна д̇ад̣̇аа бхаг̇авад̇о уббанно жид̇д̇асан̇габбо, д̇асса баривид̇аггасса д̇аб̣бхааваж̇од̇анояам̣ ну-гааро вуд̇д̇од̇и д̣̇ассзнд̇о ааха – ‘‘вид̇аггабуб̣б̣абхааг̇з жааяам̣ ну-гааро нибаад̇амад̇д̇о’’д̇и. гин̃жааби г̇ажчанд̇о д̣̇исваа, ‘‘самб̣ахулаа но зд̇т̇а бхигкуу вихаранд̇ий’’д̇и бужчаавасзна бхаг̇авад̇аа вуд̇д̇о, ат̇а ко ‘‘на ко, аананд̣̇а, бхигку собхад̇и сан̇г̇ан̣игаараамо’’д̇иаад̣̇и (ма. ни. 3.185) убарид̣̇зсанаавасзна мад̇т̇агам̣ г̇ажчанд̇з авинижчид̇о наама на ход̇и, ат̇а ко висум̣ винижчид̇о зва ход̇и, д̣̇исваа нижчинид̇ваава гат̇аасамудтаабанад̇т̇ам̣ д̇ат̇аа бужчад̇и. д̇ат̇аа хи вуд̇д̇ам̣ – ‘‘ж̇аананд̇ааби д̇ат̇ааг̇ад̇аа бужчанд̇ий’’д̇и (баараа. 16). д̇знааха ‘‘ид̇о гираа’’д̇иаад̣̇и.
Yadi saṃsayo nāma natthi, ‘‘sambahulā nu kho’’ti idaṃ kathanti āha ‘‘vitakkapubbabhāgā’’tiādi. Tattha vitakko pubbabhāgo etissāti vitakkapubbabhāgā, pucchā. Sā ‘‘sambahulā no ettha bhikkhūviharantī’’ti vacanaṃ, vitakko pana ‘‘sambahulā nu kho idha bhikkhū viharantī’’ti iminā ākārena tadā bhagavato uppanno cittasaṅkappo, tassa parivitakkassa tabbhāvajotanoyaṃ nu-kāro vuttoti dassento āha – ‘‘vitakkapubbabhāge cāyaṃ nu-kāro nipātamatto’’ti. Kiñcāpi gacchanto disvā, ‘‘sambahulā no ettha bhikkhū viharantī’’ti pucchāvasena bhagavatā vutto, atha kho ‘‘na kho, ānanda, bhikkhu sobhati saṅgaṇikārāmo’’tiādi (ma. ni. 3.185) uparidesanāvasena matthakaṃ gacchante avinicchito nāma na hoti, atha kho visuṃ vinicchito eva hoti, disvā nicchinitvāva kathāsamuṭṭhāpanatthaṃ tathā pucchati. Tathā hi vuttaṃ – ‘‘jānantāpi tathāgatā pucchantī’’ti (pārā. 16). Tenāha ‘‘ito kirā’’tiādi.
яат̇аа над̣̇ийод̇ин̣н̣ам̣ уд̣̇агам̣ яат̇ааниннам̣ багканд̣̇ад̇и, звам̣ сад̇д̇аа д̇хаад̇усо сам̣санд̣̇анд̇и, д̇асмаа ‘‘г̇ан̣аваасо над̣̇ийод̇ин̣н̣ауд̣̇агасад̣̇исо’’д̇и вуд̇д̇ам̣. ид̣̇аани д̇амад̇т̇ам̣ вид̇т̇аарад̇о д̣̇ассзд̇ум̣ – ‘‘нираяад̇иражчаанаяоний’’д̇иаад̣̇и вуд̇д̇ам̣. гурувинд̣̇аад̣̇инхаанийяажун̣н̣аани сан̣хасукумабхаавад̇о наал̣ияам̣ багкид̇д̇аани ниранд̇араанзва д̇идтанд̇ийд̇и ааха – ‘‘жун̣н̣абхарид̇аа наал̣и вияаа’’д̇и. сад̇д̇абан̣н̣ааса гуласад̇асахассаанийд̇и сад̇д̇асад̇асахассаад̇хигаани бан̃н̃ааса гулаанам̣язва сад̇асахассаани, мануссаанам̣ бана васзна сад̇д̇а годияо д̇ад̣̇аа д̇ад̇т̇а васим̣су.
Yathā nadīotiṇṇaṃ udakaṃ yathāninnaṃ pakkhandati, evaṃ sattā dhātuso saṃsandanti, tasmā ‘‘gaṇavāso nadīotiṇṇaudakasadiso’’ti vuttaṃ. Idāni tamatthaṃ vitthārato dassetuṃ – ‘‘nirayatiracchānayonī’’tiādi vuttaṃ. Kuruvindādinhānīyacuṇṇāni saṇhasukhumabhāvato nāḷiyaṃ pakkhittāni nirantarāneva tiṭṭhantīti āha – ‘‘cuṇṇabharitā nāḷi viyā’’ti. Sattapaṇṇāsa kulasatasahassānīti sattasatasahassādhikāni paññāsa kulānaṃyeva satasahassāni, manussānaṃ pana vasena satta koṭiyo tadā tattha vasiṃsu.
д̇ад̇о жинд̇зси, гат̇ам̣? гааман̃жааяам̣ логабагад̇и, маяхам̣ бана саасанз аяуд̇д̇ова сод̇и ааха – ‘‘маяаа’’д̇иаад̣̇и. д̇хамманд̇и сабхаавасид̣̇д̇хам̣. сам̣взг̇од̇и саход̇д̇аббан̃аан̣ам̣ вужжад̇и. на ко банзд̇ам̣ саггаа г̇илаанубадтаанаоваад̣̇аанусаасаниаад̣̇ивасзна самааг̇амасса ижчид̇аб̣б̣ад̇д̇аа. г̇ан̣абхзд̣̇ананд̇и г̇ан̣асан̇г̇ан̣игааяа вивзжанам̣.
Tato cintesi, kathaṃ? Kāmañcāyaṃ lokapakati, mayhaṃ pana sāsane ayuttova soti āha – ‘‘mayā’’tiādi. Dhammanti sabhāvasiddhaṃ. Saṃvegoti sahottappañāṇaṃ vuccati. Na kho panetaṃ sakkā gilānupaṭṭhānaovādānusāsaniādivasena samāgamassa icchitabbattā. Gaṇabhedananti gaṇasaṅgaṇikāya vivecanaṃ.
186. гад̇абарибхан̣д̣анд̇и буб̣б̣з гад̇асам̣вид̇хаанасса жийварасса вуд̇д̇аагаарзна бадисан̇каран̣ам̣. нод̇и амхаагам̣. анад̇д̇аманод̇и анаараад̇хид̇ажид̇д̇о.
186.Kataparibhaṇḍanti pubbe katasaṃvidhānassa cīvarassa vuttākārena paṭisaṅkharaṇaṃ. Noti amhākaṃ. Anattamanoti anārādhitacitto.
сагаг̇ан̣зна сахабхаавад̇о сан̇г̇ан̣игаад̇и ааха ‘‘сагабарисасамод̇хаана’’нд̇и. г̇ан̣од̇и бана ид̇ха ж̇анасамууход̇и вуд̇д̇ам̣ ‘‘наанааж̇анасамод̇хаана’’нд̇и. собхад̇и яат̇аанусидтам̣ бадибаж̇ж̇амаанад̇о. гаамад̇о нигкамад̇ийд̇и нигкамо, звам̣ нигкамавасзна уббаннам̣ сукам̣. г̇ан̣асан̇г̇ан̣игаагилзсасан̇г̇ан̣игаахи бавивид̇д̇и бавивзго. бавивзгавасзна уббаннам̣ сукам̣. рааг̇аад̣̇ийнам̣ убасамаавахам̣ сукам̣ убасамасукам̣. маг̇г̇асамб̣од̇хаавахам̣ сукам̣ самб̣од̇хисукам̣. нигаамзд̇аб̣б̣асса, нигаамам̣ ваа лаабхий нигаамалаабхий. нид̣̇угкам̣ сукзнзва лабхад̇ийд̇и ад̣̇угкалаабхий. гасирам̣ вужжад̇и аббаганд̇и ааха – ‘‘агасиралаабхийд̇и вибулалаабхий’’д̇и.
Sakagaṇena sahabhāvato saṅgaṇikāti āha ‘‘sakaparisasamodhāna’’nti. Gaṇoti pana idha janasamūhoti vuttaṃ ‘‘nānājanasamodhāna’’nti. Sobhati yathānusiṭṭhaṃ paṭipajjamānato. Kāmato nikkhamatīti nikkhamo, evaṃ nikkhamavasena uppannaṃ sukhaṃ. Gaṇasaṅgaṇikākilesasaṅgaṇikāhi pavivitti paviveko. Pavivekavasena uppannaṃ sukhaṃ. Rāgādīnaṃ upasamāvahaṃ sukhaṃ upasamasukhaṃ. Maggasambodhāvahaṃ sukhaṃ sambodhisukhaṃ. Nikāmetabbassa, nikāmaṃ vā lābhī nikāmalābhī. Nidukkhaṃ sukheneva labhatīti adukkhalābhī. Kasiraṃ vuccati appakanti āha – ‘‘akasiralābhīti vipulalābhī’’ti.
саамааяиганд̇и самаяз гилзсавимужжанам̣ ажжанд̇амзваад̇и саамааяигам̣ ма-гаарз а-гаарасса д̣̇ийгхам̣ гад̇ваа. д̇знааха – ‘‘аббид̇аббид̇асамаяз гилзсзхи вимуд̇д̇а’’нд̇и. ганд̇анд̇и ан̇г̇асанд̇ад̇ааяа аарамман̣асанд̇ад̇ааяа жа гаманийяам̣ манораммам̣. асаамааяигам̣ ажжанд̇авимуд̇д̇ам̣.
Sāmāyikanti samaye kilesavimuccanaṃ accantamevāti sāmāyikaṃ ma-kāre a-kārassa dīghaṃ katvā. Tenāha – ‘‘appitappitasamaye kilesehi vimutta’’nti. Kantanti aṅgasantatāya ārammaṇasantatāya ca kamanīyaṃ manorammaṃ. Asāmāyikaṃ accantavimuttaṃ.
зд̇д̇аавад̇аад̇иаад̣̇инаа сан̇г̇ан̣игаараамасса висзсаад̇хиг̇амасса анд̇арааяигабхаавам̣ анваяад̇о б̣яад̇ирзгад̇о жа саха нид̣̇ассанзна д̣̇ассзд̇и. д̇ад̇т̇а саа д̣̇увид̇хаа анд̇арааяигад̇аа вод̣̇аанад̇хаммаанам̣ ануббад̇д̇ихзд̇угаа, сам̣гилзсад̇хаммаанам̣ уббад̇д̇ихзд̇угаа жа.
Ettāvatātiādinā saṅgaṇikārāmassa visesādhigamassa antarāyikabhāvaṃ anvayato byatirekato ca saha nidassanena dasseti. Tattha sā duvidhā antarāyikatā vodānadhammānaṃ anuppattihetukā, saṃkilesadhammānaṃ uppattihetukā ca.
д̇з батамам̣ ‘‘сан̇г̇ан̣игаараамо’’д̇иаад̣̇инаа вибхаавзд̇ваа ид̇арам̣ вибхаавзд̇ум̣, ‘‘ид̣̇аани д̣̇осуббад̇д̇им̣ д̣̇ассзнд̇о’’д̇иаад̣̇и вуд̇д̇ам̣. ‘‘адтин̃жа бадижжа нхаарун̃жа бадижжа жамман̃жа бадижжа мам̣сан̃жа бадижжа аагаасо бариваарид̇о руубанд̇взва сан̇кам̣ г̇ажчад̇ий’’д̇иаад̣̇ийсу (ма. ни. 1.306) вияа ид̇ха руубасад̣̇д̣̇о гараж̇агааяабарияааяод̇и ‘‘руубанд̇и сарийра’’нд̇и ааха. ‘‘наахам̣, аананд̣̇а…бз… д̣̇оманассубааяаасаа’’д̇и гасмаа вуд̇д̇ам̣? нану гааяз жа ж̇ийвид̇з жа анабзгкажид̇д̇аанам̣ аарад̣̇д̇хавибассагаанамби асаббааяаваж̇ж̇анасаббааяасзванавасзна гааяасса барихаран̣ам̣ ход̇ийд̇и? сажжам̣, д̇ам̣ бана яо галласарийрам̣ ниссааяа д̇хаммасаад̇ханааяа ануяун̃ж̇ид̇угаамо ход̇и, д̇ассзва д̇хаммасаад̇ханад̇аавасзна. д̇хаммасаад̇ханабхааван̃хи абзгкид̇ваа асаббааяам̣ важ̇ж̇зд̇ваа саббааяавасзна босзд̇ваа судтуд̇арам̣ худ̇ваа ануяун̃ж̇анад̇о гааяасса барихаран̣ам̣, на со гааяз абхирад̇о наама ход̇и бажжавзгкан̣ааяад̇д̇ад̇д̇аа абзгкааяа винод̣̇ид̇аб̣б̣о д̇аад̣̇исод̇и. убаалиг̇ахабад̇инод̇и зд̇т̇ааби ‘‘д̣̇асаб̣аласаавагад̇д̇убаг̇аманасан̇каад̇знаа’’д̇и аанзд̇ваа яож̇зд̇аб̣б̣ам̣.
Te paṭhamaṃ ‘‘saṅgaṇikārāmo’’tiādinā vibhāvetvā itaraṃ vibhāvetuṃ, ‘‘idāni dosuppattiṃ dassento’’tiādi vuttaṃ. ‘‘Aṭṭhiñca paṭicca nhāruñca paṭicca cammañca paṭicca maṃsañca paṭicca ākāso parivārito rūpantveva saṅkhaṃ gacchatī’’tiādīsu (ma. ni. 1.306) viya idha rūpasaddo karajakāyapariyāyoti ‘‘rūpanti sarīra’’nti āha. ‘‘Nāhaṃ, ānanda…pe… domanassupāyāsā’’ti kasmā vuttaṃ? Nanu kāye ca jīvite ca anapekkhacittānaṃ āraddhavipassakānampi asappāyavajjanasappāyasevanavasena kāyassa pariharaṇaṃ hotīti? Saccaṃ, taṃ pana yo kallasarīraṃ nissāya dhammasādhanāya anuyuñjitukāmo hoti, tasseva dhammasādhanatāvasena. Dhammasādhanabhāvañhi apekkhitvā asappāyaṃ vajjetvā sappāyavasena posetvā suṭṭhutaraṃ hutvā anuyuñjanato kāyassa pariharaṇaṃ, na so kāye abhirato nāma hoti paccavekkhaṇāyattattā apekkhāya vinoditabbo tādisoti. Upāligahapatinoti etthāpi ‘‘dasabalasāvakattupagamanasaṅkhātenā’’ti ānetvā yojetabbaṃ.
187. махаагарун̣аавасзна баривуд̇ааяа барисааяа маж̇жхз нисинноби зганд̇авивзгаж̇жхаасаяад̇д̇аа згагова. зд̇зна сад̇т̇уно бавивид̇д̇асса бавивзгад̇д̇зна вивид̇д̇ад̇ам̣ д̣̇ассзд̇и. руубааруубабадибхааг̇анимид̇д̇зхи нивад̇д̇анад̇т̇ам̣ ‘‘руубаад̣̇ийнам̣ сан̇кад̇анимид̇д̇аана’’нд̇и вуд̇д̇ам̣. ад̇ивияа санд̇ад̇арабан̣ийд̇ад̇амабхаавзна висзсад̇о синод̇и б̣анд̇хад̇ийд̇и висаяо, со зва сасанд̇ад̇ибарияаабаннад̇ааяа аж̇жхад̇д̇ам̣. гим̣ бана д̇анд̇и ааха – ‘‘сун̃н̃ад̇анд̇и сун̃н̃ад̇апаласамаабад̇д̇и’’нд̇и. убад̇хививзгад̇ааяа асан̇кад̇аа д̇хаад̇у ид̇ха вивзгод̇и ад̇хиббзд̇од̇и ааха – ‘‘вивзганиннзнаа’’д̇иаад̣̇и. бхан̇г̇амад̇д̇амби асзсзд̇ваа аасавадтаанияаанан̃жа д̇хаммаанам̣ д̇ад̇т̇а виг̇ад̇ад̇д̇аа д̇зсам̣ васзна виг̇ад̇анд̇зна, звам̣бхууд̇ам̣ д̇зсам̣ б̣яанд̇ибхаавам̣ бад̇д̇анд̇и баал̣ияам̣ ‘‘б̣яанд̇ибхууд̇знаа’’д̇и вуд̇д̇ам̣. уяяож̇анам̣ виссаж̇ж̇анам̣, д̇ам̣ зд̇асса ад̇т̇и, уяяож̇зд̇и виссаж̇ж̇зд̇ийд̇и ваа уяяож̇анигам̣. яасмаа на саб̣б̣агат̇аа уяяож̇анавасзнзва бавад̇д̇ад̇и, д̇асмаа вуд̇д̇ам̣ ‘‘уяяож̇анигабадисам̣яуд̇д̇а’’нд̇и.
187. Mahākaruṇāvasena parivutāya parisāya majjhe nisinnopi ekantavivekajjhāsayattā ekakova. Etena satthuno pavivittassa pavivekattena vivittataṃ dasseti. Rūpārūpapaṭibhāganimittehi nivattanatthaṃ ‘‘rūpādīnaṃ saṅkhatanimittāna’’nti vuttaṃ. Ativiya santatarapaṇītatamabhāvena visesato sinoti bandhatīti visayo, so eva sasantatipariyāpannatāya ajjhattaṃ. Kiṃ pana tanti āha – ‘‘suññatanti suññataphalasamāpatti’’nti. Upadhivivekatāya asaṅkhatā dhātu idha vivekoti adhippetoti āha – ‘‘vivekaninnenā’’tiādi. Bhaṅgamattampi asesetvā āsavaṭṭhāniyānañca dhammānaṃ tattha vigatattā tesaṃ vasena vigatantena, evaṃbhūtaṃ tesaṃ byantibhāvaṃ pattanti pāḷiyaṃ ‘‘byantibhūtenā’’ti vuttaṃ. Uyyojanaṃ vissajjanaṃ, taṃ etassa atthi, uyyojeti vissajjetīti vā uyyojanikaṃ. Yasmā na sabbakathā uyyojanavaseneva pavattati, tasmā vuttaṃ ‘‘uyyojanikapaṭisaṃyutta’’nti.
д̇злабаагам̣ г̇ан̣ханд̇о вияаад̇и яат̇аа д̇злабааго наама барижчиннагаало на ад̇иггамид̇аб̣б̣о, звам̣ ад̇д̇ано самаабад̇д̇игаалам̣ анад̇иггамид̇ваа. яат̇аа хи гусало взж̇ж̇о д̇злам̣ бажанд̇о д̇ам̣ д̇ам̣ д̇злагижжам̣ жинд̇зд̇ваа яад̣̇и ваа бад̇т̇иннабааго, яад̣̇и ваа маж̇жхимабааго, яад̣̇и ваа карабааго ижчид̇аб̣б̣о, д̇асса гаалам̣ убад̇хаарзд̇ваа бажад̇и, звам̣ бхаг̇аваа д̇хаммам̣ д̣̇зсзнд̇о взнзяяаанам̣ н̃аан̣абарибаагам̣ убад̇хаарзд̇ваа д̇ам̣ д̇ам̣ гаалам̣ анад̇иггамид̇ваа д̇хаммам̣ д̣̇зсзд̇ваа барисам̣ уяяож̇знд̇о жа вивзганиннзнзва жид̇д̇зна уяяож̇зд̇и. д̣̇вз бан̃жавин̃н̃аан̣ааниби д̇ад̣̇абхинийхад̇амановин̃н̃аан̣авасзна ниб̣б̣аананиннаанзва. б̣уд̣̇д̇хаанан̃хи сан̇каараанам̣ судту барин̃н̃аад̇ад̇ааяа бан̣ийд̇аанамби руубаад̣̇ийнам̣ аабаат̇аг̇аманз баг̇зва ид̇арзсам̣ бадигуулад̇аава субаагадаа худ̇ваа убадтаад̇и, д̇асмаа гхаммаабхид̇ад̇д̇асса вияа сийд̇аж̇аладтаананиннад̇аа ниб̣б̣аананиннамзва жид̇д̇ам̣ ход̇и, д̇асса ад̇ивияа санд̇абан̣ийд̇абхаавад̇о.
Telapākaṃ gaṇhanto viyāti yathā telapāko nāma paricchinnakālo na atikkamitabbo, evaṃ attano samāpattikālaṃ anatikkamitvā. Yathā hi kusalo vejjo telaṃ pacanto taṃ taṃ telakiccaṃ cintetvā yadi vā patthinnapāko, yadi vā majjhimapāko, yadi vā kharapāko icchitabbo, tassa kālaṃ upadhāretvā pacati, evaṃ bhagavā dhammaṃ desento veneyyānaṃ ñāṇaparipākaṃ upadhāretvā taṃ taṃ kālaṃ anatikkamitvā dhammaṃ desetvā parisaṃ uyyojento ca vivekaninneneva cittena uyyojeti. Dve pañcaviññāṇānipi tadabhinīhatamanoviññāṇavasena nibbānaninnāneva. Buddhānañhi saṅkhārānaṃ suṭṭhu pariññātatāya paṇītānampi rūpādīnaṃ āpāthagamane pageva itaresaṃ paṭikūlatāva supākaṭā hutvā upaṭṭhāti, tasmā ghammābhitattassa viya sītajalaṭṭhānaninnatā nibbānaninnameva cittaṃ hoti, tassa ativiya santapaṇītabhāvato.
188. аж̇жхад̇д̇амзваад̇и ид̇ха жхаанаарамман̣ам̣ ад̇хиббзд̇анд̇и ааха ‘‘г̇ожараж̇жхад̇д̇амзваа’’д̇и. ид̇ха нияагаж̇жхад̇д̇ам̣ сун̃н̃ад̇ам̣. абаг̇ун̣абаад̣̇агаж̇жхаанан̃хи зд̇т̇а ‘‘нияагаж̇жхад̇д̇а’’нд̇и ад̇хиббзд̇ам̣ вибассанаависзсасса ад̇хиббзд̇ад̇д̇аа, нияагаж̇жхад̇д̇ам̣ ниж̇ж̇ийваниссад̇д̇ад̇ам̣, анад̇д̇ад̇анд̇и ад̇т̇о. асамбаж̇ж̇анабхааваж̇аананзнаад̇и ид̣̇аани мз гаммадтаанам̣ вийт̇ибадибаннам̣ на ход̇и, уббат̇амзва бавад̇д̇ад̇ийд̇и ж̇аананзна.
188.Ajjhattamevāti idha jhānārammaṇaṃ adhippetanti āha ‘‘gocarajjhattamevā’’ti. Idha niyakajjhattaṃ suññataṃ. Apaguṇapādakajjhānañhi ettha ‘‘niyakajjhatta’’nti adhippetaṃ vipassanāvisesassa adhippetattā, niyakajjhattaṃ nijjīvanissattataṃ, anattatanti attho. Asampajjanabhāvajānanenāti idāni me kammaṭṭhānaṃ vīthipaṭipannaṃ na hoti, uppathameva pavattatīti jānanena.
гасмаа банзд̇т̇а бхаг̇авад̇аа вибассанааяа зва баад̣̇агз жхаанз авад̇ваа баад̣̇агаж̇жхаанам̣ г̇ахид̇анд̇и ааха – ‘‘аббаг̇ун̣абаад̣̇агаж̇жхаанад̇о’’д̇иаад̣̇и. на багканд̣̇ад̇и саммаа на самаахид̇ад̇д̇аа. со бана ‘‘аж̇жхад̇д̇ад̇хаммаа маяхам̣ ниж̇ж̇адаа ниг̇умб̣аа худ̇ваа на убадтаханд̇и, ханд̣̇аахам̣ б̣ахид̣̇д̇хаад̇хаммз манаси гарзяяам̣ згажжзсу сан̇каарзсу убадтид̇зсу ид̇арзби убадтахзяяумзваа’’д̇и барасса…бз… манаси гарод̇и. баад̣̇агаж̇жхаанавасзна вияа саммасид̇аж̇жхаанавасзнаби убхад̇обхааг̇авимуд̇д̇о ход̇иязваад̇и ааха – ‘‘аруубасамаабад̇д̇ияам̣ ну ко гат̇анд̇и аанзн̃ж̇ам̣ манаси гарод̇ий’’д̇и. на мз жид̇д̇ам̣ багканд̣̇ад̇ийд̇и маяхам̣ вибассанаажид̇д̇ам̣ вийт̇ибадибаннам̣ худ̇ваа на вахад̇ийд̇и. баад̣̇агаж̇жхаанамзваад̇и вибассанааяа баад̣̇агабхууд̇амзва жхаанам̣. бунаббунам̣ манаси гаад̇аб̣б̣анд̇и бунаббунам̣ самаабаж̇ж̇ид̇аб̣б̣ам̣ вибассанааяа д̇игкависад̣̇ад̇аабаад̣̇анааяа. аваханд̇з нибун̣аабхаавзна чзд̣̇анагирияааяа аббавад̇д̇анд̇з. самаабаж̇ж̇ид̇ваа вибассанааяа д̇игкагаммагаран̣ам̣ самат̇авибассанаавихаарзнаад̇и ааха – ‘‘гаммадтаанз манасигааро вахад̇ий’’д̇и.
Kasmā panettha bhagavatā vipassanāya eva pādake jhāne avatvā pādakajjhānaṃ gahitanti āha – ‘‘appaguṇapādakajjhānato’’tiādi. Na pakkhandati sammā na samāhitattā. So pana ‘‘ajjhattadhammā mayhaṃ nijjaṭā nigumbā hutvā na upaṭṭhahanti, handāhaṃ bahiddhādhamme manasi kareyyaṃ ekaccesu saṅkhāresu upaṭṭhitesu itarepi upaṭṭhaheyyumevā’’ti parassa…pe… manasi karoti. Pādakajjhānavasena viya sammasitajjhānavasenapi ubhatobhāgavimutto hotiyevāti āha – ‘‘arūpasamāpattiyaṃ nu kho kathanti āneñjaṃ manasi karotī’’ti. Na me cittaṃ pakkhandatīti mayhaṃ vipassanācittaṃ vīthipaṭipannaṃ hutvā na vahatīti. Pādakajjhānamevāti vipassanāya pādakabhūtameva jhānaṃ. Punappunaṃ manasi kātabbanti punappunaṃ samāpajjitabbaṃ vipassanāya tikkhavisadatāpādanāya. Avahante nipuṇābhāvena chedanakiriyāya appavattante. Samāpajjitvā vipassanāya tikkhakammakaraṇaṃ samathavipassanāvihārenāti āha – ‘‘kammaṭṭhāne manasikāro vahatī’’ti.
189. самбаж̇ж̇ад̇и мзд̇и вийт̇ибадибад̇д̇ияаа буб̣б̣знаабарам̣ висзсаабхаавад̇о самбаж̇ж̇ад̇и мз гаммадтаананд̇и ж̇аананзна. ирияаабат̇ам̣ ахаабзд̇ваад̇и яат̇аа бариссамо нааг̇ажчад̇и, звам̣ ад̇д̇ано б̣алаануруубам̣ д̇асса гаалам̣ нзд̇ваа бамаан̣амзва бавад̇д̇анзна ирияаабат̇ам̣ ахобзд̇ваа. саб̣б̣аваарзсууд̇и таананисаж̇ж̇аасаяанаваарзсу. гат̇ааваарзсу бана висзсам̣ д̇ад̇т̇а д̇ад̇т̇а вад̣̇анд̇и. ид̣̇ам̣ вуд̇д̇анд̇и ид̣̇ам̣, ‘‘иминаа вихаарзнаа’’д̇иаад̣̇иважанам̣ вуд̇д̇ам̣.
189.Sampajjati meti vīthipaṭipattiyā pubbenāparaṃ visesābhāvato sampajjati me kammaṭṭhānanti jānanena. Iriyāpathaṃ ahāpetvāti yathā parissamo nāgacchati, evaṃ attano balānurūpaṃ tassa kālaṃ netvā pamāṇameva pavattanena iriyāpathaṃ ahopetvā. Sabbavāresūti ṭhānanisajjāsayanavāresu. Kathāvāresu pana visesaṃ tattha tattha vadanti. Idaṃ vuttanti idaṃ, ‘‘iminā vihārenā’’tiādivacanaṃ vuttaṃ.
190. гаамавид̇аггаад̣̇аяо ол̣ааригагаамарааг̇аб̣яаабаад̣̇асабхааг̇аад̇и ааха – ‘‘вид̇аггабахаанзна д̣̇вз маг̇г̇з гат̇зд̇ваа’’д̇и. гаамаг̇ун̣зсууд̇и нид̣̇д̇хааран̣з бхуммам̣. гисмин̃жид̣̇зва гилзсуббад̇д̇игааран̣зд̇и д̇асса буг̇г̇аласса гилзсуббад̇д̇игааран̣ам̣ санд̇хааяа вуд̇д̇ам̣, ан̃н̃ат̇аа саб̣б̣зби бан̃жа гаамаг̇ун̣аа гилзсуббад̇д̇игааран̣амзва. самуд̣̇аажарад̇ийд̇и самуд̣̇аажаарод̇и ааха ‘‘самуд̣̇аажаран̣ад̇о’’д̇и. со бана яасмаа жид̇д̇асса, на сад̇д̇асса, д̇асмаа вуд̇д̇ам̣ баал̣ияам̣ ‘‘жзд̇асо’’д̇и. ма-гааро бад̣̇асанд̇хигаро з-гаарасса жа агааро гад̇од̇и ааха ‘‘звам̣ санд̇з зд̇анд̇и.
190. Kāmavitakkādayo oḷārikakāmarāgabyāpādasabhāgāti āha – ‘‘vitakkapahānena dve magge kathetvā’’ti. Kāmaguṇesūti niddhāraṇe bhummaṃ. Kismiñcideva kilesuppattikāraṇeti tassa puggalassa kilesuppattikāraṇaṃ sandhāya vuttaṃ, aññathā sabbepi pañca kāmaguṇā kilesuppattikāraṇameva. Samudācaratīti samudācāroti āha ‘‘samudācaraṇato’’ti. So pana yasmā cittassa, na sattassa, tasmā vuttaṃ pāḷiyaṃ ‘‘cetaso’’ti. Ma-kāro padasandhikaro e-kārassa ca akāro katoti āha ‘‘evaṃ sante etanti.
191. анусаяод̇и маанаанусаяо бхаварааг̇аанусаяо авиж̇ж̇аанусаяод̇и д̇ивид̇хоби анусаяо бахийяад̇и арахад̇д̇амаг̇г̇зна. вуд̇д̇анаязнзваад̇и, ‘‘д̇ад̇о маг̇г̇аананд̇арам̣ палам̣, палад̇о вудтааяа бажжавзгкамаано бахийнабхаавам̣ ж̇аанаад̇и, д̇асса ж̇аананзна самбаж̇аано ход̇ий’’д̇и вуд̇д̇анаязна.
191.Anusayoti mānānusayo bhavarāgānusayo avijjānusayoti tividhopi anusayo pahīyati arahattamaggena. Vuttanayenevāti, ‘‘tato maggānantaraṃ phalaṃ, phalato vuṭṭhāya paccavekkhamāno pahīnabhāvaṃ jānāti, tassa jānanena sampajāno hotī’’ti vuttanayena.
гусалад̇о ааяаад̇ийд̇и ааяад̇о, со зд̇зсанд̇и гусалааяад̇игаа. д̇знааха ‘‘гусалад̇о ааг̇ад̇аа’’д̇и. д̇ам̣ бана нзсам̣ гусалааяад̇игад̇д̇ам̣ убаниссаяавасзна ход̇и сахаж̇аад̇авасзнабийд̇и д̇ад̣̇убхаяам̣ д̣̇ассзд̇ум̣, ‘‘сзяяат̇ид̣̇а’’нд̇иаад̣̇и вуд̇д̇ам̣.
Kusalato āyātīti āyato, so etesanti kusalāyatikā. Tenāha ‘‘kusalato āgatā’’ti. Taṃ pana nesaṃ kusalāyatikattaṃ upanissayavasena hoti sahajātavasenapīti tadubhayaṃ dassetuṃ, ‘‘seyyathida’’ntiādi vuttaṃ.
яасмаа бана яат̇аавуд̇д̇ад̇хаммзсу гзжи логияаа, гзжи логуд̇д̇араа; ат̇а гасмаа висзсзна ‘‘логуд̇д̇араа’’д̇и вуд̇д̇анд̇и ааха – ‘‘логз уд̇д̇араа висидтаа’’д̇и. д̇зна логияад̇хаммзсу уд̇д̇амабхаавзна жхаанаад̣̇аяо логуд̇д̇араа вуд̇д̇аа, на логасса уд̇д̇аран̣ад̇од̇и д̣̇ассзд̇и. яам̣ гин̃жи махаг̇г̇ад̇ажид̇д̇ам̣ маарасса ависаяо агаамааважарад̇д̇аа, баг̇зва д̇ам̣ вибассанааяа баад̣̇агабхууд̇ам̣ сувигкаалид̇амаланд̇и ааха – ‘‘ж̇аанид̇ум̣ на саггод̇ий’’д̇и. зго аанисам̣со ад̇т̇и бхааванаануяог̇асса саббааяад̇хаммагат̇аабадилаабхо.
Yasmā pana yathāvuttadhammesu keci lokiyā, keci lokuttarā; atha kasmā visesena ‘‘lokuttarā’’ti vuttanti āha – ‘‘loke uttarā visiṭṭhā’’ti. Tena lokiyadhammesu uttamabhāvena jhānādayo lokuttarā vuttā, na lokassa uttaraṇatoti dasseti. Yaṃ kiñci mahaggatacittaṃ mārassa avisayo akāmāvacarattā, pageva taṃ vipassanāya pādakabhūtaṃ suvikkhālitamalanti āha – ‘‘jānituṃ na sakkotī’’ti. Eko ānisaṃso atthi bhāvanānuyogassa sappāyadhammakathāpaṭilābho.
192. зд̇ад̣̇ад̇т̇анд̇и гзваласса суд̇асса ад̇т̇ааяа. саббааяаасаббааяавасзнаад̇и гасмаа вуд̇д̇ам̣? нану саббааяавасзна д̣̇асагат̇аавад̇т̇ууни ааг̇ад̇аанийд̇и? сажжамзд̇ам̣, асаббааяагат̇ааваж̇ж̇анабуб̣б̣игааяа саббааяа гат̇ааяа васзна ааг̇ад̇ад̇д̇аа ‘‘саббааяаасаббааяавасзна ааг̇ад̇ааний’’д̇и вуд̇д̇ам̣. суд̇абарияад̇д̇ивасзнаад̇и саруубзна д̇ад̇т̇а анааг̇ад̇ааниби д̣̇асагат̇аавад̇т̇ууни суд̇д̇аг̇зяяаад̣̇ианд̇ог̇ад̇хад̇д̇аа, ‘‘суд̇абарияад̇д̇ивасзна ааг̇ад̇ааний’’д̇и вуд̇д̇ам̣. барибууран̣авасзна саруубад̇о ааг̇ад̇ад̇д̇аа имасмим̣ таанз тад̇ваа гат̇зд̇аб̣б̣аани. ад̇т̇од̇и сааман̃н̃ад̇т̇о.
192.Etadatthanti kevalassa sutassa atthāya. Sappāyāsappāyavasenāti kasmā vuttaṃ? Nanu sappāyavasena dasakathāvatthūni āgatānīti? Saccametaṃ, asappāyakathāvajjanapubbikāya sappāya kathāya vasena āgatattā ‘‘sappāyāsappāyavasena āgatānī’’ti vuttaṃ. Sutapariyattivasenāti sarūpena tattha anāgatānipi dasakathāvatthūni suttageyyādiantogadhattā, ‘‘sutapariyattivasena āgatānī’’ti vuttaṃ. Paripūraṇavasena sarūpato āgatattā imasmiṃ ṭhāne ṭhatvā kathetabbāni. Atthoti sāmaññattho.
193. ануаавад̇д̇анд̇ийд̇и ануану абхимукаа худ̇ваа вад̇д̇анд̇и, баяирубаасанаад̣̇ивасзна анугуулаяанд̇и. мужчанад̇ан̣ханд̇и бажжаязсу мужчанаагаарам̣. д̇ан̣хааяа бад̇т̇анаа наама д̇знаагаарзна бавад̇д̇ийд̇и ааха – ‘‘бад̇т̇зд̇и бавад̇д̇зд̇ий’’д̇и. гилзсуубад̣̇д̣̇авзнаад̇и гилзсасан̇каад̇зна убад̣̇д̣̇авзна. гилзсаа хи сад̇д̇аанам̣ махаанад̇т̇агаран̣ад̇о ‘‘убад̣̇д̣̇аво’’д̇и вужжанд̇и. ад̇д̇ано аб̣бханд̇арз уббаннзна гилзсуубад̣̇д̣̇авзна анд̇зваасино, убад̣̇д̣̇аво анд̇зваасуубад̣̇д̣̇аво, б̣рахмажарияасса убад̣̇д̣̇аво б̣рахмажаарубад̣̇д̣̇авод̇и имамад̇т̇ам̣ ‘‘сзсубад̣̇д̣̇авзсуби зсзва наяо’’д̇и иминаа ад̇ид̣̇исад̇и. г̇ун̣амаран̣ам̣ гат̇ид̇ам̣, на ж̇ийвид̇амаран̣ам̣.
193.Anuāvattantīti anuanu abhimukhā hutvā vattanti, payirupāsanādivasena anukūlayanti. Mucchanataṇhanti paccayesu mucchanākāraṃ. Taṇhāya patthanā nāma tenākārena pavattīti āha – ‘‘pattheti pavattetī’’ti. Kilesūpaddavenāti kilesasaṅkhātena upaddavena. Kilesā hi sattānaṃ mahānatthakaraṇato ‘‘upaddavo’’ti vuccanti. Attano abbhantare uppannena kilesūpaddavena antevāsino, upaddavo antevāsūpaddavo, brahmacariyassa upaddavo brahmacārupaddavoti imamatthaṃ ‘‘sesupaddavesupi eseva nayo’’ti iminā atidisati. Guṇamaraṇaṃ kathitaṃ, na jīvitamaraṇaṃ.
аббалаабхаад̇и аббамад̇д̇агалаабхий висзсаанам̣. звам̣ вуд̇д̇од̇и яат̇аавуд̇д̇аб̣рахмажаарубад̣̇д̣̇аво д̣̇угкавибаагад̇аро жзва гадугавибаагад̇аро жаад̇и звам̣ вуд̇д̇о. аажарияанд̇зваасигуубад̣̇д̣̇аво хи б̣аахирагасамаяавасзна вуд̇д̇о, б̣рахмажаарубад̣̇д̣̇аво бана саасанавасзна. д̣̇урагкаад̇з хи д̇хаммавинаяз д̣̇уббадибад̇д̇и на махаасааваж̇ж̇аа мижчаабхинивзсасса сит̇илавааяаамабхаавад̇о; сваакяаад̇з бана д̇хаммавинаяз д̣̇уббадибад̇д̇и махаасааваж̇ж̇аа махад̇о ад̇т̇асса б̣аахирабхаавагаран̣ад̇о. д̇знааха ‘‘саасанз банаа’’д̇иаад̣̇и.
Appalābhāti appamattakalābhī visesānaṃ. Evaṃ vuttoti yathāvuttabrahmacārupaddavo dukkhavipākataro ceva kaṭukavipākataro cāti evaṃ vutto. Ācariyantevāsikūpaddavo hi bāhirakasamayavasena vutto, brahmacārupaddavo pana sāsanavasena. Durakkhāte hi dhammavinaye duppaṭipatti na mahāsāvajjā micchābhinivesassa sithilavāyāmabhāvato; svākhyāte pana dhammavinaye duppaṭipatti mahāsāvajjā mahato atthassa bāhirabhāvakaraṇato. Tenāha ‘‘sāsane panā’’tiādi.
196. д̇асмаад̇и ид̣̇ам̣ буб̣б̣абараабзгкам̣ буримасса жа ад̇т̇асса гааран̣абхаавзна бажжаамасананд̇и ааха ‘‘яасмаа’’д̇иаад̣̇и. мид̇д̇ам̣ зд̇асса ад̇т̇ийд̇и мид̇д̇аваа, д̇асса бхааво мид̇д̇авад̇аа, д̇ааяа. мид̇д̇авасзна бадибаж̇ж̇ананд̇и ааха ‘‘мид̇д̇абадибад̇д̇ияаа’’д̇и. сабад̇д̇авад̇ааяаад̇и зд̇т̇ааби зсзва наяо.
196.Tasmāti idaṃ pubbaparāpekkhaṃ purimassa ca atthassa kāraṇabhāvena paccāmasananti āha ‘‘yasmā’’tiādi. Mittaṃ etassa atthīti mittavā, tassa bhāvo mittavatā, tāya. Mittavasena paṭipajjananti āha ‘‘mittapaṭipattiyā’’ti. Sapattavatāyāti etthāpi eseva nayo.
д̣̇уггадад̣̇уб̣бхаасид̇амад̇д̇амбийд̇и иминаа баг̇зва ид̇арам̣ вийд̇иггаманд̇од̇и д̣̇ассзд̇и. саавагзсу хид̇абараггаманам̣ оваад̣̇аанусаасанийхи бадибаж̇ж̇ананд̇и ааха – ‘‘д̇ат̇аа на бадибаж̇ж̇иссаамий’’д̇и. аамагамад̇д̇анд̇и гулаалабхааж̇анам̣ вужжад̇и. наахам̣ д̇умхзсу д̇ат̇аа бадибаж̇ж̇иссаамийд̇и гумбхагааро вияа аамагабхааж̇анзсу ахам̣ д̇умхзсу гзвалам̣ ж̇аанаабзнд̇о на бадибаж̇ж̇иссаами. ниг̇г̇ан̣хид̇ваад̇и нийхарид̇ваа. логияаг̇ун̣ааби ид̇ха саарод̇взва ад̇хиббзд̇аа логуд̇д̇араг̇ун̣аанам̣ ад̇хидтаанабхаавад̇о. сзсам̣ сувин̃н̃зяяамзва.
Dukkaṭadubbhāsitamattampīti iminā pageva itaraṃ vītikkamantoti dasseti. Sāvakesu hitaparakkamanaṃ ovādānusāsanīhi paṭipajjananti āha – ‘‘tathā na paṭipajjissāmī’’ti. Āmakamattanti kulālabhājanaṃ vuccati. Nāhaṃ tumhesu tathā paṭipajjissāmīti kumbhakāro viya āmakabhājanesu ahaṃ tumhesu kevalaṃ jānāpento na paṭipajjissāmi. Niggaṇhitvāti nīharitvā. Lokiyaguṇāpi idha sārotveva adhippetā lokuttaraguṇānaṃ adhiṭṭhānabhāvato. Sesaṃ suviññeyyameva.
махаасун̃н̃ад̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Mahāsuññatasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 2. махаасун̃н̃ад̇асуд̇д̇ам̣ • 2. Mahāsuññatasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 2. махаасун̃н̃ад̇асуд̇д̇аван̣н̣анаа • 2. Mahāsuññatasuttavaṇṇanā
