Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೨೯. ಮಹಾಸುವಜಾತಕಂ (೩)
429. Mahāsuvajātakaṃ (3)
೨೦.
20.
ದುಮೋ ಯದಾ ಹೋತಿ ಫಲೂಪಪನ್ನೋ, ಭುಞ್ಜನ್ತಿ ನಂ ವಿಹಙ್ಗಮಾ 1 ಸಮ್ಪತನ್ತಾ।
Dumo yadā hoti phalūpapanno, bhuñjanti naṃ vihaṅgamā 2 sampatantā;
ಖೀಣನ್ತಿ ಞತ್ವಾನ ದುಮಂ ಫಲಚ್ಚಯೇ 3, ದಿಸೋದಿಸಂ ಯನ್ತಿ ತತೋ ವಿಹಙ್ಗಮಾ॥
Khīṇanti ñatvāna dumaṃ phalaccaye 4, disodisaṃ yanti tato vihaṅgamā.
೨೧.
21.
ಚರ ಚಾರಿಕಂ ಲೋಹಿತತುಣ್ಡ ಮಾಮರಿ, ಕಿಂ ತ್ವಂ ಸುವ ಸುಕ್ಖದುಮಮ್ಹಿ ಝಾಯಸಿ।
Cara cārikaṃ lohitatuṇḍa māmari, kiṃ tvaṃ suva sukkhadumamhi jhāyasi;
ತದಿಙ್ಘ ಮಂ ಬ್ರೂಹಿ ವಸನ್ತಸನ್ನಿಭ, ಕಸ್ಮಾ ಸುವ ಸುಕ್ಖದುಮಂ ನ ರಿಞ್ಚಸಿ॥
Tadiṅgha maṃ brūhi vasantasannibha, kasmā suva sukkhadumaṃ na riñcasi.
೨೨.
22.
ಯೇ ವೇ ಸಖೀನಂ ಸಖಾರೋ ಭವನ್ತಿ, ಪಾಣಚ್ಚಯೇ 5 ದುಕ್ಖಸುಖೇಸು ಹಂಸ।
Ye ve sakhīnaṃ sakhāro bhavanti, pāṇaccaye 6 dukkhasukhesu haṃsa;
ಖೀಣಂ ಅಖೀಣನ್ತಿ ನ ತಂ ಜಹನ್ತಿ, ಸನ್ತೋ ಸತಂ ಧಮ್ಮಮನುಸ್ಸರನ್ತಾ॥
Khīṇaṃ akhīṇanti na taṃ jahanti, santo sataṃ dhammamanussarantā.
೨೩.
23.
ಸೋಹಂ ಸತಂ ಅಞ್ಞತರೋಸ್ಮಿ ಹಂಸ, ಞಾತೀ ಚ ಮೇ ಹೋತಿ ಸಖಾ ಚ ರುಕ್ಖೋ।
Sohaṃ sataṃ aññatarosmi haṃsa, ñātī ca me hoti sakhā ca rukkho;
ತಂ ನುಸ್ಸಹೇ ಜೀವಿಕತ್ಥೋ ಪಹಾತುಂ, ಖೀಣನ್ತಿ ಞತ್ವಾನ ನ ಹೇಸ ಧಮ್ಮೋ 7॥
Taṃ nussahe jīvikattho pahātuṃ, khīṇanti ñatvāna na hesa dhammo 8.
೨೪.
24.
ಸಚೇತಂ ಧಮ್ಮಂ ರೋಚೇಸಿ, ಪಾಸಂಸೋಸಿ ವಿಜಾನತಂ॥
Sacetaṃ dhammaṃ rocesi, pāsaṃsosi vijānataṃ.
೨೫.
25.
ಸೋ ತೇ ಸುವ ವರಂ ದಮ್ಮಿ, ಪತ್ತಯಾನ ವಿಹಙ್ಗಮ।
So te suva varaṃ dammi, pattayāna vihaṅgama;
ವರಂ ವರಸ್ಸು ವಕ್ಕಙ್ಗ, ಯಂ ಕಿಞ್ಚಿ ಮನಸಿಚ್ಛಸಿ॥
Varaṃ varassu vakkaṅga, yaṃ kiñci manasicchasi.
೨೬.
26.
ವರಞ್ಚ ಮೇ ಹಂಸ ಭವಂ ದದೇಯ್ಯ, ಅಯಞ್ಚ ರುಕ್ಖೋ ಪುನರಾಯುಂ ಲಭೇಥ।
Varañca me haṃsa bhavaṃ dadeyya, ayañca rukkho punarāyuṃ labhetha;
ಸೋ ಸಾಖವಾ ಫಲಿಮಾ ಸಂವಿರೂಳ್ಹೋ, ಮಧುತ್ಥಿಕೋ ತಿಟ್ಠತು ಸೋಭಮಾನೋ॥
So sākhavā phalimā saṃvirūḷho, madhutthiko tiṭṭhatu sobhamāno.
೨೭.
27.
ತಂ ಪಸ್ಸ ಸಮ್ಮ ಫಲಿಮಂ ಉಳಾರಂ, ಸಹಾವ ತೇ ಹೋತು ಉದುಮ್ಬರೇನ।
Taṃ passa samma phalimaṃ uḷāraṃ, sahāva te hotu udumbarena;
ಸೋ ಸಾಖವಾ ಫಲಿಮಾ ಸಂವಿರೂಳ್ಹೋ, ಮಧುತ್ಥಿಕೋ ತಿಟ್ಠತು ಸೋಭಮಾನೋ॥
So sākhavā phalimā saṃvirūḷho, madhutthiko tiṭṭhatu sobhamāno.
೨೮.
28.
ಏವಂ ಸಕ್ಕ ಸುಖೀ ಹೋಹಿ, ಸಹ ಸಬ್ಬೇಹಿ ಞಾತಿಭಿ।
Evaṃ sakka sukhī hohi, saha sabbehi ñātibhi;
ಯಥಾಹಮಜ್ಜ ಸುಖಿತೋ, ದಿಸ್ವಾನ ಸಫಲಂ ದುಮಂ॥
Yathāhamajja sukhito, disvāna saphalaṃ dumaṃ.
೨೯.
29.
ಸುವಸ್ಸ ಚ ವರಂ ದತ್ವಾ, ಕತ್ವಾನ ಸಫಲಂ ದುಮಂ।
Suvassa ca varaṃ datvā, katvāna saphalaṃ dumaṃ;
ಪಕ್ಕಾಮಿ ಸಹ ಭರಿಯಾಯ, ದೇವಾನಂ ನನ್ದನಂ ವನನ್ತಿ॥
Pakkāmi saha bhariyāya, devānaṃ nandanaṃ vananti.
ಮಹಾಸುವಜಾತಕಂ ತತಿಯಂ।
Mahāsuvajātakaṃ tatiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೨೯] ೩. ಮಹಾಸುವಜಾತಕವಣ್ಣನಾ • [429] 3. Mahāsuvajātakavaṇṇanā