| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[429] 3. махаасуваж̇аад̇агаван̣н̣анаа
[429] 3. Mahāsuvajātakavaṇṇanā
д̣̇умо яад̣̇аа ход̇ийд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. со гира сад̇т̇у санд̇игз гаммадтаанам̣ г̇ахзд̇ваа госалаж̇анабад̣̇з ан̃н̃ад̇арам̣ бажжанд̇аг̇аамам̣ убаниссааяа аран̃н̃з вихааси. мануссаа д̇асса рад̇д̇идтаанад̣̇иваадтаанаани самбаад̣̇зд̇ваа г̇аманааг̇аманасамбаннз таанз сзнаасанам̣ гад̇ваа саггажжам̣ убадтахим̣су. д̇асса вассуубаг̇ад̇асса батамамаасзязва со г̇аамо жхааяи, мануссаанам̣ б̣ийж̇амад̇д̇амби авасидтам̣ наахоси. д̇з д̇асса бан̣ийд̇ам̣ бин̣д̣абаад̇ам̣ д̣̇аад̇ум̣ наасагким̣су. со саббааяасзнаасанзби бин̣д̣абаад̇зна гиламанд̇о маг̇г̇ам̣ ваа палам̣ ваа ниб̣б̣ад̇д̇зд̇ум̣ наасагки. ат̇а нам̣ д̇змаасажжаязна сад̇т̇аарам̣ ванд̣̇ид̇ум̣ ааг̇ад̇ам̣ сад̇т̇аа бадисант̇аарам̣ гад̇ваа ‘‘гажжи бхигку бин̣д̣абаад̇зна на гиламанд̇оси, сзнаасанасаббааяан̃жа ахосий’’д̇и бужчи. со д̇амад̇т̇ам̣ аарожзси. сад̇т̇аа ‘‘д̇асса сзнаасанам̣ саббааяа’’нд̇и н̃ад̇ваа ‘‘бхигку саман̣зна наама сзнаасанасаббааяз сад̇и лолуббажаарам̣ бахааяа гин̃жид̣̇зва яат̇аалад̣̇д̇хам̣ барибхун̃ж̇ид̇ваа санд̇удтзна саман̣ад̇хаммам̣ гаад̇ум̣ ваддад̇и. бораан̣агабан̣д̣ид̇аа д̇иражчаанаяонияам̣ ниб̣б̣ад̇д̇ид̇ваа ад̇д̇ано ниваасасугкаругкз жун̣н̣ам̣ каад̣̇анд̇ааби лолуббажаарам̣ бахааяа санд̇удтаа мид̇д̇ад̇хаммам̣ абхинд̣̇ид̇ваа ан̃н̃ад̇т̇а на г̇амим̣су, д̇вам̣ бана гасмаа ‘бин̣д̣абаад̇о барид̇д̇о лууко’д̇и саббааяасзнаасанам̣ барижжаж̇ий’’д̇и вад̇ваа д̇зна яаажид̇о ад̇ийд̇ам̣ аахари.
Dumoyadā hotīti idaṃ satthā jetavane viharanto aññataraṃ bhikkhuṃ ārabbha kathesi. So kira satthu santike kammaṭṭhānaṃ gahetvā kosalajanapade aññataraṃ paccantagāmaṃ upanissāya araññe vihāsi. Manussā tassa rattiṭṭhānadivāṭṭhānāni sampādetvā gamanāgamanasampanne ṭhāne senāsanaṃ katvā sakkaccaṃ upaṭṭhahiṃsu. Tassa vassūpagatassa paṭhamamāseyeva so gāmo jhāyi, manussānaṃ bījamattampi avasiṭṭhaṃ nāhosi. Te tassa paṇītaṃ piṇḍapātaṃ dātuṃ nāsakkhiṃsu. So sappāyasenāsanepi piṇḍapātena kilamanto maggaṃ vā phalaṃ vā nibbattetuṃ nāsakkhi. Atha naṃ temāsaccayena satthāraṃ vandituṃ āgataṃ satthā paṭisanthāraṃ katvā ‘‘kacci bhikkhu piṇḍapātena na kilamantosi, senāsanasappāyañca ahosī’’ti pucchi. So tamatthaṃ ārocesi. Satthā ‘‘tassa senāsanaṃ sappāya’’nti ñatvā ‘‘bhikkhu samaṇena nāma senāsanasappāye sati loluppacāraṃ pahāya kiñcideva yathāladdhaṃ paribhuñjitvā santuṭṭhena samaṇadhammaṃ kātuṃ vaṭṭati. Porāṇakapaṇḍitā tiracchānayoniyaṃ nibbattitvā attano nivāsasukkharukkhe cuṇṇaṃ khādantāpi loluppacāraṃ pahāya santuṭṭhā mittadhammaṃ abhinditvā aññattha na gamiṃsu, tvaṃ pana kasmā ‘piṇḍapāto paritto lūkho’ti sappāyasenāsanaṃ pariccajī’’ti vatvā tena yācito atītaṃ āhari.
ад̇ийд̇з химаванд̇з г̇ан̇г̇аад̇ийрз згасмим̣ уд̣̇умб̣араванз анзгасад̇асахассаа сугаа васим̣су. д̇ад̇ра зго суварааж̇аа ад̇д̇ано ниваасаругкасса палзсу кийн̣зсу яад̣̇зва авасидтам̣ ход̇и ан̇гуро ваа бад̇д̇ам̣ ваа д̇ажо ваа бабадигаа ваа, д̇ам̣ каад̣̇ид̇ваа г̇ан̇г̇ааяа баанийяам̣ бивид̇ваа барамаббижчасанд̇удто худ̇ваа ан̃н̃ад̇т̇а на г̇ажчад̇и. д̇асса аббижчасанд̇удтабхааваг̇ун̣зна саггасса бхаванам̣ гамби. сагго ааваж̇ж̇амаано д̇ам̣ д̣̇исваа д̇асса виймам̣санад̇т̇ам̣ ад̇д̇ано аанубхаавзна д̇ам̣ ругкам̣ сугкаабзси. ругко каан̣угамад̇д̇о худ̇ваа чид̣̇д̣̇аавачид̣̇д̣̇о ваад̇з бахаранд̇з аагодияамаано вияа адтааси. д̇асса чид̣̇д̣̇зхи жун̣н̣аани нигкаманд̇и. суварааж̇аа д̇аани жун̣н̣аани каад̣̇ид̇ваа г̇ан̇г̇ааяа баанийяам̣ бивид̇ваа ан̃н̃ад̇т̇а аг̇анд̇ваа ваад̇аад̇абам̣ аг̇ан̣зд̇ваа уд̣̇умб̣аракаан̣угз нисийд̣̇и. сагго д̇асса барамаббижчабхаавам̣ н̃ад̇ваа ‘‘мид̇д̇ад̇хаммаг̇ун̣ам̣ гат̇аабзд̇ваа варамасса д̣̇ад̇ваа уд̣̇умб̣арам̣ амад̇апалам̣ гарид̇ваа ааг̇амиссаамий’’д̇и зго хам̣сарааж̇аа худ̇ваа суж̇ам̣ асураган̃н̃ам̣ бурад̇о гад̇ваа д̇ам̣ уд̣̇умб̣араванам̣ г̇анд̇ваа авид̣̇уурз згаругкасса саакааяа нисийд̣̇ид̇ваа д̇зна сад̣̇д̇хим̣ гат̇ам̣ самудтаабзнд̇о батамам̣ г̇аат̇амааха –
Atīte himavante gaṅgātīre ekasmiṃ udumbaravane anekasatasahassā sukā vasiṃsu. Tatra eko suvarājā attano nivāsarukkhassa phalesu khīṇesu yadeva avasiṭṭhaṃ hoti aṅkuro vā pattaṃ vā taco vā papaṭikā vā, taṃ khāditvā gaṅgāya pānīyaṃ pivitvā paramappicchasantuṭṭho hutvā aññattha na gacchati. Tassa appicchasantuṭṭhabhāvaguṇena sakkassa bhavanaṃ kampi. Sakko āvajjamāno taṃ disvā tassa vīmaṃsanatthaṃ attano ānubhāvena taṃ rukkhaṃ sukkhāpesi. Rukkho khāṇukamatto hutvā chiddāvachiddo vāte paharante ākoṭiyamāno viya aṭṭhāsi. Tassa chiddehi cuṇṇāni nikkhamanti. Suvarājā tāni cuṇṇāni khāditvā gaṅgāya pānīyaṃ pivitvā aññattha agantvā vātātapaṃ agaṇetvā udumbarakhāṇuke nisīdi. Sakko tassa paramappicchabhāvaṃ ñatvā ‘‘mittadhammaguṇaṃ kathāpetvā varamassa datvā udumbaraṃ amataphalaṃ karitvā āgamissāmī’’ti eko haṃsarājā hutvā sujaṃ asurakaññaṃ purato katvā taṃ udumbaravanaṃ gantvā avidūre ekarukkhassa sākhāya nisīditvā tena saddhiṃ kathaṃ samuṭṭhāpento paṭhamaṃ gāthamāha –
20.
20.
‘‘д̣̇умо яад̣̇аа ход̇и палуубабанно, бхун̃ж̇анд̇и нам̣ вихан̇г̇амаа самбад̇анд̇аа;
‘‘Dumo yadā hoti phalūpapanno, bhuñjanti naṃ vihaṅgamā sampatantā;
кийн̣анд̇и н̃ад̇ваана д̣̇умам̣ палажжаяз, д̣̇исод̣̇исам̣ яанд̇и д̇ад̇о вихан̇г̇амаа’’д̇и.
Khīṇanti ñatvāna dumaṃ phalaccaye, disodisaṃ yanti tato vihaṅgamā’’ti.
д̇ассад̇т̇о – суварааж̇а, ругко наама яад̣̇аа паласамбанно ход̇и, д̇ад̣̇аа д̇ам̣ саакад̇о саакам̣ самбад̇анд̇аава вихан̇г̇амаа бхун̃ж̇анд̇и, д̇ам̣ бана кийн̣ам̣ н̃ад̇ваа палаанам̣ ажжаязна д̇ад̇о ругкад̇о д̣̇исод̣̇исам̣ вихан̇г̇амаа г̇ажчанд̇ийд̇и.
Tassattho – suvarāja, rukkho nāma yadā phalasampanno hoti, tadā taṃ sākhato sākhaṃ sampatantāva vihaṅgamā bhuñjanti, taṃ pana khīṇaṃ ñatvā phalānaṃ accayena tato rukkhato disodisaṃ vihaṅgamā gacchantīti.
зван̃жа бана вад̇ваа д̇ад̇о нам̣ уяяож̇зд̇ум̣ д̣̇уд̇ияам̣ г̇аат̇амааха –
Evañca pana vatvā tato naṃ uyyojetuṃ dutiyaṃ gāthamāha –
21.
21.
‘‘жара жааригам̣ лохид̇ад̇ун̣д̣а маа мари, гим̣ д̇вам̣ сува сугкад̣̇умамхи жхааяаси;
‘‘Cara cārikaṃ lohitatuṇḍa mā mari, kiṃ tvaṃ suva sukkhadumamhi jhāyasi;
д̇ад̣̇ин̇гха мам̣ б̣руухи васанд̇асаннибха, гасмаа сува сугкад̣̇умам̣ на рин̃жасий’’д̇и.
Tadiṅgha maṃ brūhi vasantasannibha, kasmā suva sukkhadumaṃ na riñcasī’’ti.
д̇ад̇т̇а жхааяасийд̇и гим̣гааран̣аа сугкакаан̣умад̇т̇агз жхааяанд̇о баж̇жхааяанд̇о д̇идтаси. ин̇гхаад̇и жод̣̇анад̇т̇з нибаад̇о. васанд̇асаннибхаад̇и васанд̇агаалз ванасан̣д̣о суваг̇ан̣асамогин̣н̣о вияа нийлобхаасо ход̇и, д̇зна д̇ам̣ ‘‘васанд̇асаннибхаа’’д̇и аалабад̇и. на рин̃жасийд̇и на чад̣д̣зси.
Tattha jhāyasīti kiṃkāraṇā sukkhakhāṇumatthake jhāyanto pajjhāyanto tiṭṭhasi. Iṅghāti codanatthe nipāto. Vasantasannibhāti vasantakāle vanasaṇḍo suvagaṇasamokiṇṇo viya nīlobhāso hoti, tena taṃ ‘‘vasantasannibhā’’ti ālapati. Na riñcasīti na chaḍḍesi.
ат̇а нам̣ суварааж̇аа ‘‘ахам̣ хам̣са ад̇д̇ано гад̇ан̃н̃угад̇авзд̣̇ид̇ааяа имам̣ ругкам̣ на ж̇ахаамий’’д̇и вад̇ваа д̣̇вз г̇аат̇аа абхааси –
Atha naṃ suvarājā ‘‘ahaṃ haṃsa attano kataññukataveditāya imaṃ rukkhaṃ na jahāmī’’ti vatvā dve gāthā abhāsi –
22.
22.
‘‘яз вз сакийнам̣ сакааро бхаванд̇и, баан̣ажжаяз д̣̇угкасукзсу хам̣са;
‘‘Ye ve sakhīnaṃ sakhāro bhavanti, pāṇaccaye dukkhasukhesu haṃsa;
кийн̣ам̣ акийн̣амби на д̇ам̣ ж̇аханд̇и, санд̇о сад̇ам̣ д̇хаммамануссаранд̇аа.
Khīṇaṃ akhīṇampi na taṃ jahanti, santo sataṃ dhammamanussarantā.
23.
23.
‘‘сохам̣ сад̇ам̣ ан̃н̃ад̇аросми хам̣са, н̃аад̇ий жа мз ход̇и сакаа жа ругко;
‘‘Sohaṃ sataṃ aññatarosmi haṃsa, ñātī ca me hoti sakhā ca rukkho;
д̇ам̣ нуссахз ж̇ийвигад̇т̇о бахаад̇ум̣, кийн̣анд̇и н̃ад̇ваана на хзса д̇хаммо’’д̇и.
Taṃ nussahe jīvikattho pahātuṃ, khīṇanti ñatvāna na hesa dhammo’’ti.
д̇ад̇т̇а яз вз сакийнам̣ сакааро бхаванд̇ийд̇и яз сахааяаанам̣ сахааяаа хонд̇и. кийн̣ам̣ акийн̣амбийд̇и бан̣д̣ид̇аа наама ад̇д̇ано сахааяам̣ бхог̇абаригкаязна кийн̣амби акийн̣амби на ж̇аханд̇и. сад̇ам̣ д̇хаммамануссаранд̇аад̇и бан̣д̣ид̇аанам̣ бавзн̣им̣ ануссарамаанаа. н̃аад̇ий жа мзд̇и хам̣сарааж̇а, аяам̣ ругко самбияааяанад̇т̇зна маяхам̣ н̃аад̇и жа самаажин̣н̣ажаран̣ад̇ааяа сакаа жа. ж̇ийвигад̇т̇од̇и д̇амахам̣ ж̇ийвигааяа ад̇т̇иго худ̇ваа бахаад̇ум̣ на саггоми.
Tattha ye ve sakhīnaṃ sakhāro bhavantīti ye sahāyānaṃ sahāyā honti. Khīṇaṃ akhīṇampīti paṇḍitā nāma attano sahāyaṃ bhogaparikkhayena khīṇampi akhīṇampi na jahanti. Sataṃ dhammamanussarantāti paṇḍitānaṃ paveṇiṃ anussaramānā. Ñātī ca meti haṃsarāja, ayaṃ rukkho sampiyāyanatthena mayhaṃ ñāti ca samāciṇṇacaraṇatāya sakhā ca. Jīvikatthoti tamahaṃ jīvikāya atthiko hutvā pahātuṃ na sakkomi.
сагго д̇асса важанам̣ суд̇ваа д̇удто басам̣сид̇ваа варам̣ д̣̇аад̇угаамо д̣̇вз г̇аат̇аа абхааси –
Sakko tassa vacanaṃ sutvā tuṭṭho pasaṃsitvā varaṃ dātukāmo dve gāthā abhāsi –
24.
24.
‘‘саад̇ху сагки гад̇ам̣ ход̇и, мзд̇д̇и сам̣сад̇и сант̇аво;
‘‘Sādhu sakkhi kataṃ hoti, metti saṃsati santhavo;
сажзд̇ам̣ д̇хаммам̣ рожзси, баасам̣соси виж̇аанад̇ам̣.
Sacetaṃ dhammaṃ rocesi, pāsaṃsosi vijānataṃ.
25.
25.
‘‘со д̇з сува варам̣ д̣̇амми, бад̇д̇аяаана вихан̇г̇ама;
‘‘So te suva varaṃ dammi, pattayāna vihaṅgama;
варам̣ варассу вагган̇г̇а, яам̣ гин̃жи манасижчасий’’д̇и.
Varaṃ varassu vakkaṅga, yaṃ kiñci manasicchasī’’ti.
д̇ад̇т̇а саад̇хууд̇и самбахам̣санам̣. сагки гад̇ам̣ ход̇и, мзд̇д̇и сам̣сад̇и сант̇авод̇и сакибхааво жа мзд̇д̇и жа барисамаж̇жхз сант̇аво жаад̇и д̇аяаа мид̇д̇ам̣ гад̇ам̣ саад̇ху ход̇и лад̣̇д̇хагам̣ бхад̣̇д̣̇агамзва. сажзд̇ам̣ д̇хамманд̇и сажз зд̇ам̣ мид̇д̇ад̇хаммам̣. виж̇аанад̇анд̇и звам̣ санд̇з вин̃н̃уунам̣ басам̣сид̇аб̣б̣аяуд̇д̇агосийд̇и ад̇т̇о. со д̇зд̇и со ахам̣ д̇уяхам̣. варассууд̇и ижчассу. яам̣ гин̃жи манасижчасийд̇и яам̣ гин̃жи манасаа ижчаси, саб̣б̣ам̣ д̇ам̣ варам̣ д̣̇ад̣̇аами д̇зд̇и.
Tattha sādhūti sampahaṃsanaṃ. Sakkhi kataṃ hoti, metti saṃsati santhavoti sakhibhāvo ca metti ca parisamajjhe santhavo cāti tayā mittaṃ kataṃ sādhu hoti laddhakaṃ bhaddakameva. Sacetaṃ dhammanti sace etaṃ mittadhammaṃ. Vijānatanti evaṃ sante viññūnaṃ pasaṃsitabbayuttakosīti attho. So teti so ahaṃ tuyhaṃ. Varassūti icchassu. Yaṃ kiñci manasicchasīti yaṃ kiñci manasā icchasi, sabbaṃ taṃ varaṃ dadāmi teti.
д̇ам̣ суд̇ваа суварааж̇аа варам̣ г̇ан̣ханд̇о сад̇д̇амам̣ г̇аат̇амааха –
Taṃ sutvā suvarājā varaṃ gaṇhanto sattamaṃ gāthamāha –
26.
26.
‘‘варан̃жа мз хам̣са бхавам̣ д̣̇ад̣̇зяяа, аяан̃жа ругко бунарааяум̣ лабхзт̇а;
‘‘Varañca me haṃsa bhavaṃ dadeyya, ayañca rukkho punarāyuṃ labhetha;
со саакаваа палимаа сам̣вируул̣хо, мад̇худ̇т̇иго д̇идтад̇у собхамаано’’д̇и.
So sākhavā phalimā saṃvirūḷho, madhutthiko tiṭṭhatu sobhamāno’’ti.
д̇ад̇т̇а саакаваад̇и саакасамбанно. палимаад̇и палзна убзд̇о. сам̣вируул̣ход̇и саманд̇ад̇о вируул̣хабад̇д̇о д̇арун̣абад̇д̇асамбанно худ̇ваа. мад̇худ̇т̇игод̇и сам̣виж̇ж̇амаанамад̇хурапалзсу багкид̇д̇амад̇ху вияа мад̇хурапало худ̇ваад̇и ад̇т̇о.
Tattha sākhavāti sākhasampanno. Phalimāti phalena upeto. Saṃvirūḷhoti samantato virūḷhapatto taruṇapattasampanno hutvā. Madhutthikoti saṃvijjamānamadhuraphalesu pakkhittamadhu viya madhuraphalo hutvāti attho.
ат̇асса сагго варам̣ д̣̇ад̣̇амаано адтамам̣ г̇аат̇амааха –
Athassa sakko varaṃ dadamāno aṭṭhamaṃ gāthamāha –
27.
27.
‘‘д̇ам̣ басса самма палимам̣ ул̣аарам̣, сахаава д̇з ход̇у уд̣̇умб̣арзна;
‘‘Taṃ passa samma phalimaṃ uḷāraṃ, sahāva te hotu udumbarena;
со саакаваа палимаа сам̣вируул̣хо, мад̇худ̇т̇иго д̇идтад̇у собхамаано’’д̇и.
So sākhavā phalimā saṃvirūḷho, madhutthiko tiṭṭhatu sobhamāno’’ti.
д̇ад̇т̇а сахаава д̇з ход̇у уд̣̇умб̣арзнаад̇и д̇ава уд̣̇умб̣арзна сад̣̇д̇хим̣ саха згад̇ова ваасо ход̇у.
Tattha sahāva te hotu udumbarenāti tava udumbarena saddhiṃ saha ekatova vāso hotu.
зван̃жа бана вад̇ваа сагго д̇ам̣ ад̇д̇абхаавам̣ виж̇ахид̇ваа ад̇д̇ано жа суж̇ааяа жа аанубхаавам̣ д̣̇ассзд̇ваа г̇ан̇г̇аад̇о хад̇т̇зна уд̣̇агам̣ г̇ахзд̇ваа уд̣̇умб̣аракаан̣угам̣ бахари. д̇аавад̣̇зва саакаавидабасажчанно мад̇хурапало ругко удтахид̇ваа мун̣д̣аман̣ибаб̣б̣ад̇о вияа вилаасасамбанно адтааси. суварааж̇аа д̇ам̣ д̣̇исваа соманассаббад̇д̇о саггасса т̇уд̇им̣ гаронд̇о навамам̣ г̇аат̇амааха –
Evañca pana vatvā sakko taṃ attabhāvaṃ vijahitvā attano ca sujāya ca ānubhāvaṃ dassetvā gaṅgāto hatthena udakaṃ gahetvā udumbarakhāṇukaṃ pahari. Tāvadeva sākhāviṭapasacchanno madhuraphalo rukkho uṭṭhahitvā muṇḍamaṇipabbato viya vilāsasampanno aṭṭhāsi. Suvarājā taṃ disvā somanassappatto sakkassa thutiṃ karonto navamaṃ gāthamāha –
28.
28.
‘‘звам̣ сагга сукий хохи, саха саб̣б̣зхи н̃аад̇ибхи;
‘‘Evaṃ sakka sukhī hohi, saha sabbehi ñātibhi;
яат̇аахамаж̇ж̇а сукид̇о, д̣̇исваана сапалам̣ д̣̇ума’’нд̇и.
Yathāhamajja sukhito, disvāna saphalaṃ duma’’nti.
саггоби д̇асса варам̣ д̣̇ад̇ваа уд̣̇умб̣арам̣ амад̇апалам̣ гад̇ваа сад̣̇д̇хим̣ суж̇ааяа ад̇д̇ано таанамзва г̇ад̇о. д̇амад̇т̇ам̣ д̣̇ийбаяамаанаа осаанз абхисамб̣уд̣̇д̇хаг̇аат̇аа табид̇аа –
Sakkopi tassa varaṃ datvā udumbaraṃ amataphalaṃ katvā saddhiṃ sujāya attano ṭhānameva gato. Tamatthaṃ dīpayamānā osāne abhisambuddhagāthā ṭhapitā –
29.
29.
‘‘сувасса жа варам̣ д̣̇ад̇ваа, гад̇ваана сапалам̣ д̣̇умам̣;
‘‘Suvassa ca varaṃ datvā, katvāna saphalaṃ dumaṃ;
баггаами саха бхарияааяа, д̣̇зваанам̣ нанд̣̇анам̣ вана’’нд̇и.
Pakkāmi saha bhariyāya, devānaṃ nandanaṃ vana’’nti.
сад̇т̇аа имам̣ д̇хаммад̣̇зсанам̣ аахарид̇ваа ‘‘звам̣ бхигку бораан̣агабан̣д̣ид̇аа д̇иражчаанаяонияам̣ ниб̣б̣ад̇д̇ааби алолуббажаараа ахзсум̣. д̇вам̣ бана гасмаа зваруубз саасанз баб̣б̣аж̇ид̇ваа лолуббажаарам̣ жараси, г̇ажча д̇ад̇т̇зва васаахий’’д̇и гаммадтаанамасса гат̇зд̇ваа ж̇аад̇агам̣ самод̇хаанзси. со бхигку д̇ад̇т̇а г̇анд̇ваа вибассанам̣ вад̣дхзнд̇о арахад̇д̇ам̣ баабун̣и. д̇ад̣̇аа сагго ануруд̣̇д̇хо ахоси, суварааж̇аа бана ахамзва ахосинд̇и.
Satthā imaṃ dhammadesanaṃ āharitvā ‘‘evaṃ bhikkhu porāṇakapaṇḍitā tiracchānayoniyaṃ nibbattāpi aloluppacārā ahesuṃ. Tvaṃ pana kasmā evarūpe sāsane pabbajitvā loluppacāraṃ carasi, gaccha tattheva vasāhī’’ti kammaṭṭhānamassa kathetvā jātakaṃ samodhānesi. So bhikkhu tattha gantvā vipassanaṃ vaḍḍhento arahattaṃ pāpuṇi. Tadā sakko anuruddho ahosi, suvarājā pana ahameva ahosinti.
махаасуваж̇аад̇агаван̣н̣анаа д̇ад̇ияаа.
Mahāsuvajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 429. махаасуваж̇аад̇агам̣ • 429. Mahāsuvajātakaṃ
