| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[486] 3. махаауггусаж̇аад̇агаван̣н̣анаа
[486] 3. Mahāukkusajātakavaṇṇanā
уггаа жилаажаа б̣анд̇ханд̇ийд̇и ид̣̇ам̣ сад̇т̇аа ж̇зд̇аванз вихаранд̇о мид̇д̇аб̣анд̇хагаубаасагам̣ аараб̣бха гат̇зси. со гира саавад̇т̇ияам̣ бариж̇ин̣н̣асса гуласса буд̇д̇о сахааяам̣ бзсзд̇ваа ан̃н̃ад̇арам̣ гулад̇хийд̇арам̣ ваараабзд̇ваа ‘‘ад̇т̇и банасса уббаннагижжам̣ нид̇т̇аран̣асамад̇т̇о мид̇д̇о ваа сахааяо ваа’’д̇и вуд̇д̇з ‘‘над̇т̇ий’’д̇и вад̇ваа ‘‘д̇зна хи мид̇д̇з д̇аава б̣анд̇хад̇уу’’д̇и вуд̇д̇з д̇асмим̣ оваад̣̇з тад̇ваа батамам̣ д̇аава жад̇уухи д̣̇овааригзхи сад̣̇д̇хим̣ мзд̇д̇им̣ агааси, ат̇аанубуб̣б̣зна наг̇араг̇уд̇д̇игаг̇ан̣агамахаамад̇д̇аад̣̇ийхи сад̣̇д̇хим̣ мзд̇д̇им̣ гад̇ваа сзнаабад̇инааби убарааж̇знааби сад̣̇д̇хим̣ мзд̇д̇им̣ агааси. д̇зхи бана сад̣̇д̇хим̣ згад̇о худ̇ваа ран̃н̃аа сад̣̇д̇хим̣ мзд̇д̇им̣ агааси. д̇ад̇о асийд̇ияаа махаат̇зрзхи сад̣̇д̇хим̣ аананд̣̇ад̇т̇зрзнаби сад̣̇д̇хим̣ згад̇о худ̇ваа д̇ат̇ааг̇ад̇зна сад̣̇д̇хим̣ мзд̇д̇им̣ агааси. ат̇а нам̣ сад̇т̇аа саран̣зсу жа сийлзсу жа бад̇идтаабзси, рааж̇аабисса иссарияамад̣̇ааси. со мид̇д̇аб̣анд̇хагоязваад̇и баагадо ж̇аад̇о. ат̇асса рааж̇аа маханд̇ам̣ г̇зхам̣ д̣̇ад̇ваа ааваахаман̇г̇алам̣ гаарзси. рааж̇аанам̣ аад̣̇им̣ гад̇ваа махааж̇ано бан̣н̣аагаарз бахин̣и. ат̇асса бхарияаа ран̃н̃аа бахид̇ам̣ бан̣н̣аагаарам̣ убарааж̇асса, убарааж̇зна бахид̇ам̣ бан̣н̣аагаарам̣ сзнаабад̇иссаад̇и зд̇зна убааязна сагаланаг̇араваасино ааб̣анд̇хид̇ваа г̇ан̣хи. сад̇д̇амз д̣̇ивасз махаасаггаарам̣ гад̇ваа д̣̇асаб̣алам̣ ниманд̇зд̇ваа бан̃жасад̇асса б̣уд̣̇д̇хаббамукасса бхигкусан̇гхасса махаад̣̇аанам̣ д̣̇ад̇ваа бхад̇д̇агижжаавасаанз сад̇т̇аараа гат̇ид̇ам̣ анумод̣̇анам̣ суд̇ваа убхоби ж̇аяамбад̇игаа сод̇аабад̇д̇ипалз бад̇идтахим̣су.
Ukkā cilācā bandhantīti idaṃ satthā jetavane viharanto mittabandhakaupāsakaṃ ārabbha kathesi. So kira sāvatthiyaṃ parijiṇṇassa kulassa putto sahāyaṃ pesetvā aññataraṃ kuladhītaraṃ vārāpetvā ‘‘atthi panassa uppannakiccaṃ nittharaṇasamattho mitto vā sahāyo vā’’ti vutte ‘‘natthī’’ti vatvā ‘‘tena hi mitte tāva bandhatū’’ti vutte tasmiṃ ovāde ṭhatvā paṭhamaṃ tāva catūhi dovārikehi saddhiṃ mettiṃ akāsi, athānupubbena nagaraguttikagaṇakamahāmattādīhi saddhiṃ mettiṃ katvā senāpatināpi uparājenāpi saddhiṃ mettiṃ akāsi. Tehi pana saddhiṃ ekato hutvā raññā saddhiṃ mettiṃ akāsi. Tato asītiyā mahātherehi saddhiṃ ānandattherenapi saddhiṃ ekato hutvā tathāgatena saddhiṃ mettiṃ akāsi. Atha naṃ satthā saraṇesu ca sīlesu ca patiṭṭhāpesi, rājāpissa issariyamadāsi. So mittabandhakoyevāti pākaṭo jāto. Athassa rājā mahantaṃ gehaṃ datvā āvāhamaṅgalaṃ kāresi. Rājānaṃ ādiṃ katvā mahājano paṇṇākāre pahiṇi. Athassa bhariyā raññā pahitaṃ paṇṇākāraṃ uparājassa, uparājena pahitaṃ paṇṇākāraṃ senāpatissāti etena upāyena sakalanagaravāsino ābandhitvā gaṇhi. Sattame divase mahāsakkāraṃ katvā dasabalaṃ nimantetvā pañcasatassa buddhappamukhassa bhikkhusaṅghassa mahādānaṃ datvā bhattakiccāvasāne satthārā kathitaṃ anumodanaṃ sutvā ubhopi jayampatikā sotāpattiphale patiṭṭhahiṃsu.
бхигкуу д̇хаммасабхааяам̣ гат̇ам̣ самудтаабзсум̣ ‘‘аавусо, мид̇д̇аб̣анд̇хагаубаасаго ад̇д̇ано бхарияам̣ ниссааяа д̇ассаа важанам̣ гад̇ваа саб̣б̣зхи мзд̇д̇им̣ гад̇ваа ран̃н̃о санд̇игаа маханд̇ам̣ саггаарам̣ лабхи, д̇ат̇ааг̇ад̇зна бана сад̣̇д̇хим̣ мзд̇д̇им̣ гад̇ваа убхоби ж̇аяамбад̇игаа сод̇аабад̇д̇ипалз бад̇идтид̇аа’’д̇и. сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва со зд̇ам̣ маад̇уг̇аамам̣ ниссааяа маханд̇ам̣ яасам̣ самбад̇д̇о, буб̣б̣з д̇иражчаанаяонияам̣ ниб̣б̣ад̇д̇оби банзса зд̇иссаа важанзна б̣ахуухи сад̣̇д̇хим̣ мзд̇д̇им̣ гад̇ваа буд̇д̇асогад̇о муд̇д̇оязваа’’д̇и вад̇ваа д̇зхи яаажид̇о ад̇ийд̇ам̣ аахари.
Bhikkhū dhammasabhāyaṃ kathaṃ samuṭṭhāpesuṃ ‘‘āvuso, mittabandhakaupāsako attano bhariyaṃ nissāya tassā vacanaṃ katvā sabbehi mettiṃ katvā rañño santikā mahantaṃ sakkāraṃ labhi, tathāgatena pana saddhiṃ mettiṃ katvā ubhopi jayampatikā sotāpattiphale patiṭṭhitā’’ti. Satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva so etaṃ mātugāmaṃ nissāya mahantaṃ yasaṃ sampatto, pubbe tiracchānayoniyaṃ nibbattopi panesa etissā vacanena bahūhi saddhiṃ mettiṃ katvā puttasokato muttoyevā’’ti vatvā tehi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з згажжз бажжанд̇аваасино яад̇т̇а яад̇т̇а б̣ахум̣ мам̣сам̣ лабханд̇и, д̇ад̇т̇а д̇ад̇т̇а г̇аамам̣ ниваасзд̇ваа аран̃н̃з жарид̇ваа миг̇аад̣̇аяо маарзд̇ваа мам̣сам̣ аахарид̇ваа буд̇д̇ад̣̇аарз босзнд̇и. д̇зсам̣ г̇аамад̇о авид̣̇уурз махааж̇аад̇ассаро ад̇т̇и. д̇асса д̣̇агкин̣абассз зго сзнасагун̣о, бажчимабассз згаа сзнасагун̣ий, уд̇д̇арабассз сийхо миг̇арааж̇аа, баажийнабассз уггусасагун̣арааж̇аа васад̇и. ж̇аад̇ассарамаж̇жхз бана уннад̇адтаанз гажчабо васад̇и. д̇ад̣̇аа сзно сзним̣ ‘‘бхарияаа мз хохий’’д̇и вад̣̇ад̇и. ат̇а нам̣ саа ааха – ‘‘ад̇т̇и бана д̇з гожи мид̇д̇о’’д̇и? ‘‘над̇т̇и бхад̣̇д̣̇з’’д̇и. амхаагам̣ уббаннам̣ бхаяам̣ ваа д̣̇угкам̣ ваа харан̣асамад̇т̇ам̣ мид̇д̇ам̣ ваа сахааяам̣ ваа лад̣̇д̇хум̣ ваддад̇и, мид̇д̇з д̇аава г̇ан̣хаахийд̇и. ‘‘гзхи сад̣̇д̇хим̣ мзд̇д̇им̣ гароми бхад̣̇д̣̇з’’д̇и? баажийнабассз васанд̇зна уггусарааж̇зна, уд̇д̇арабассз сийхзна, ж̇аад̇ассарамаж̇жхз гажчабзна сад̣̇д̇хим̣ мзд̇д̇им̣ гарохийд̇и. со д̇ассаа важанам̣ самбадижчид̇ваа д̇ат̇аа агааси. д̇ад̣̇аа д̇з убхоби сам̣ваасам̣ габбзд̇ваа д̇асмим̣язва сарз згасмим̣ д̣̇ийбагз гад̣̇амб̣аругко ад̇т̇и саманд̇аа уд̣̇агзна баригкид̇д̇о, д̇асмим̣ гулаавагам̣ гад̇ваа бадивасим̣су.
Atīte bārāṇasiyaṃ brahmadatte rajjaṃ kārente ekacce paccantavāsino yattha yattha bahuṃ maṃsaṃ labhanti, tattha tattha gāmaṃ nivāsetvā araññe caritvā migādayo māretvā maṃsaṃ āharitvā puttadāre posenti. Tesaṃ gāmato avidūre mahājātassaro atthi. Tassa dakkhiṇapasse eko senasakuṇo, pacchimapasse ekā senasakuṇī, uttarapasse sīho migarājā, pācīnapasse ukkusasakuṇarājā vasati. Jātassaramajjhe pana unnataṭṭhāne kacchapo vasati. Tadā seno seniṃ ‘‘bhariyā me hohī’’ti vadati. Atha naṃ sā āha – ‘‘atthi pana te koci mitto’’ti? ‘‘Natthi bhadde’’ti. Amhākaṃ uppannaṃ bhayaṃ vā dukkhaṃ vā haraṇasamatthaṃ mittaṃ vā sahāyaṃ vā laddhuṃ vaṭṭati, mitte tāva gaṇhāhīti. ‘‘Kehi saddhiṃ mettiṃ karomi bhadde’’ti? Pācīnapasse vasantena ukkusarājena, uttarapasse sīhena, jātassaramajjhe kacchapena saddhiṃ mettiṃ karohīti. So tassā vacanaṃ sampaṭicchitvā tathā akāsi. Tadā te ubhopi saṃvāsaṃ kappetvā tasmiṃyeva sare ekasmiṃ dīpake kadambarukkho atthi samantā udakena parikkhitto, tasmiṃ kulāvakaṃ katvā paṭivasiṃsu.
д̇зсам̣ абарабхааг̇з д̣̇вз сагун̣абод̇агаа ж̇ааяим̣су. д̇зсам̣ багкзсу асан̃ж̇аад̇зсуязва згад̣̇ивасам̣ д̇з ж̇аанабад̣̇аа д̣̇ивасам̣ аран̃н̃з жарид̇ваа гин̃жи алабхид̇ваа ‘‘на саггаа д̇ужчахад̇т̇зна гхарам̣ г̇анд̇ум̣, мажчз ваа гажчабз ваа г̇ан̣хиссаамаа’’д̇и сарам̣ од̇арид̇ваа д̇ам̣ д̣̇ийбагам̣ г̇анд̇ваа д̇асса гад̣̇амб̣асса муулз нибаж̇ж̇ид̇ваа магасаад̣̇ийхи каж̇ж̇амаанаа д̇зсам̣ балаабанад̇т̇ааяа аран̣им̣ мант̇зд̇ваа аг̇г̇им̣ ниб̣б̣ад̇д̇зд̇ваа д̇хуумам̣ гарим̣су. д̇хумо уг̇г̇анд̇ваа сагун̣з бахари, сагун̣абод̇агаа виравим̣су. ж̇аанабад̣̇аа д̇ам̣ суд̇ваа ‘‘амбхо, сагун̣абод̇агаанам̣ сууяад̇и сад̣̇д̣̇о, удтзт̇а уггаа б̣анд̇хат̇а, чаад̇аа саяид̇ум̣ на саггома, сагун̣амам̣сам̣ каад̣̇ид̇ваава саяиссаамаа’’д̇и вад̇ваа аг̇г̇им̣ ж̇аалзд̇ваа уггаа б̣анд̇хим̣су. сагун̣игаа д̇зсам̣ сад̣̇д̣̇ам̣ суд̇ваа ‘‘имз амхаагам̣ бод̇агз каад̣̇ид̇угаамаа, маяам̣ зваруубасса бхаяасса харан̣ад̇т̇ааяа мид̇д̇з г̇ан̣химха, саамигам̣ уггусарааж̇асса санд̇игам̣ бзсзссаамий’’д̇и жинд̇зд̇ваа ‘‘г̇ажча, саами , буд̇д̇аанам̣ но уббаннабхаяам̣ уггусарааж̇асса аарожзхий’’д̇и вад̇ваа батамам̣ г̇аат̇амааха –
Tesaṃ aparabhāge dve sakuṇapotakā jāyiṃsu. Tesaṃ pakkhesu asañjātesuyeva ekadivasaṃ te jānapadā divasaṃ araññe caritvā kiñci alabhitvā ‘‘na sakkā tucchahatthena gharaṃ gantuṃ, macche vā kacchape vā gaṇhissāmā’’ti saraṃ otaritvā taṃ dīpakaṃ gantvā tassa kadambassa mūle nipajjitvā makasādīhi khajjamānā tesaṃ palāpanatthāya araṇiṃ manthetvā aggiṃ nibbattetvā dhūmaṃ kariṃsu. Dhumo uggantvā sakuṇe pahari, sakuṇapotakā viraviṃsu. Jānapadā taṃ sutvā ‘‘ambho, sakuṇapotakānaṃ sūyati saddo, uṭṭhetha ukkā bandhatha, chātā sayituṃ na sakkoma, sakuṇamaṃsaṃ khāditvāva sayissāmā’’ti vatvā aggiṃ jāletvā ukkā bandhiṃsu. Sakuṇikā tesaṃ saddaṃ sutvā ‘‘ime amhākaṃ potake khāditukāmā, mayaṃ evarūpassa bhayassa haraṇatthāya mitte gaṇhimha, sāmikaṃ ukkusarājassa santikaṃ pesessāmī’’ti cintetvā ‘‘gaccha, sāmi , puttānaṃ no uppannabhayaṃ ukkusarājassa ārocehī’’ti vatvā paṭhamaṃ gāthamāha –
44.
44.
‘‘уггаа жилаажаа б̣анд̇ханд̇и д̣̇ийбз, баж̇аа мамам̣ каад̣̇ид̇ум̣ бад̇т̇аяанд̇и;
‘‘Ukkā cilācā bandhanti dīpe, pajā mamaṃ khādituṃ patthayanti;
мид̇д̇ам̣ сахааяан̃жа вад̣̇зхи сзнага, аажигка н̃аад̇иб̣яасанам̣ д̣̇иж̇аана’’нд̇и.
Mittaṃ sahāyañca vadehi senaka, ācikkha ñātibyasanaṃ dijāna’’nti.
д̇ад̇т̇а жилаажаад̇и ж̇аанабад̣̇аа. д̣̇ийбзд̇и д̣̇ийбагамхи. баж̇аа маманд̇и мама буд̇д̇агз. сзнагаад̇и сзнагасагун̣ам̣ наамзнаалабад̇и. н̃аад̇иб̣яасананд̇и буд̇д̇аанам̣ б̣яасанам̣. д̣̇иж̇аананд̇и амхаагам̣ н̃аад̇ийнам̣ д̣̇иж̇аанам̣ ид̣̇ам̣ б̣яасанам̣ уггусарааж̇асса санд̇игам̣ г̇анд̇ваа аажигкаахийд̇и вад̣̇ад̇и.
Tattha cilācāti jānapadā. Dīpeti dīpakamhi. Pajā mamanti mama puttake. Senakāti senakasakuṇaṃ nāmenālapati. Ñātibyasananti puttānaṃ byasanaṃ. Dijānanti amhākaṃ ñātīnaṃ dijānaṃ idaṃ byasanaṃ ukkusarājassa santikaṃ gantvā ācikkhāhīti vadati.
со взг̇зна д̇асса васанадтаанам̣ г̇анд̇ваа вассид̇ваа ад̇д̇ано ааг̇ад̇абхаавам̣ ж̇аанаабзд̇ваа гад̇огаасо убасан̇гамид̇ваа ванд̣̇ид̇ваа ‘‘гим̣гааран̣аа ааг̇ад̇осий’’д̇и будто ааг̇ад̇агааран̣ам̣ д̣̇ассзнд̇о д̣̇уд̇ияам̣ г̇аат̇амааха –
So vegena tassa vasanaṭṭhānaṃ gantvā vassitvā attano āgatabhāvaṃ jānāpetvā katokāso upasaṅkamitvā vanditvā ‘‘kiṃkāraṇā āgatosī’’ti puṭṭho āgatakāraṇaṃ dassento dutiyaṃ gāthamāha –
45.
45.
‘‘д̣̇иж̇о д̣̇иж̇аанам̣ бавароси багкима, уггусарааж̇а саран̣ам̣ д̇ам̣ убзма;
‘‘Dijo dijānaṃ pavarosi pakkhima, ukkusarāja saraṇaṃ taṃ upema;
баж̇аа мамам̣ каад̣̇ид̇ум̣ бад̇т̇аяанд̇и, луд̣̇д̣̇аа жилаажаа бхава мз сукааяаа’’д̇и.
Pajā mamaṃ khādituṃ patthayanti, luddā cilācā bhava me sukhāyā’’ti.
д̇ад̇т̇а д̣̇иж̇од̇и д̇вам̣ д̣̇иж̇о жзва д̣̇иж̇аанам̣ баваро жа.
Tattha dijoti tvaṃ dijo ceva dijānaṃ pavaro ca.
уггусарааж̇аа ‘‘сзнага маа бхааяий’’д̇и д̇ам̣ ассаасзд̇ваа д̇ад̇ияам̣ г̇аат̇амааха –
Ukkusarājā ‘‘senaka mā bhāyī’’ti taṃ assāsetvā tatiyaṃ gāthamāha –
46.
46.
‘‘мид̇д̇ам̣ сахааяан̃жа гаронд̇и бан̣д̣ид̇аа, гаалз агаалз сукамзсамаанаа;
‘‘Mittaṃ sahāyañca karonti paṇḍitā, kāle akāle sukhamesamānā;
гароми д̇з сзнага зд̇амад̇т̇ам̣, арияо хи арияасса гарод̇и гижжа’’нд̇и.
Karomi te senaka etamatthaṃ, ariyo hi ariyassa karoti kicca’’nti.
д̇ад̇т̇а гаалз агаалзд̇и д̣̇иваа жа рад̇д̇ин̃жа. арияод̇и ид̇ха аажаараарияо ад̇хиббзд̇о. аажаарасамбанно хи аажаарасамбаннасса гижжам̣ гарод̇зва, гимзд̇т̇а гаран̣ийяанд̇и вад̣̇ад̇и.
Tattha kāle akāleti divā ca rattiñca. Ariyoti idha ācāraariyo adhippeto. Ācārasampanno hi ācārasampannassa kiccaṃ karoteva, kimettha karaṇīyanti vadati.
ат̇а нам̣ бужчи ‘‘гим̣, самма, ругкам̣ абхирул̣хаа жилаажаа’’д̇и? на д̇аава абхирул̣хаа, уггааязва б̣анд̇ханд̇ийд̇и. д̇зна хи д̇вам̣ сийгхам̣ г̇анд̇ваа мама сахааяигам̣ ассаасзд̇ваа мамааг̇аманабхаавам̣ аажигкаахийд̇и. со д̇ат̇аа агааси. уггусарааж̇ааби г̇анд̇ваа гад̣̇амб̣асса авид̣̇уурз жилаажаанам̣ абхируханам̣ ологзнд̇о згасмим̣ ругкаг̇г̇з нисийд̣̇ид̇ваа згасса жилаажасса абхируханагаалз д̇асмим̣ гулаавагасса авид̣̇уурам̣ абхирул̣хз сарз нимуж̇ж̇ид̇ваа багкзхи жа мукзна жа уд̣̇агам̣ аахарид̇ваа уггааяа убари аасин̃жи, саа ниб̣б̣ааяи. жилаажаа ‘‘иман̃жа сзнагасагун̣абод̇агз жасса каад̣̇иссаамий’’д̇и од̇арид̇ваа буна уггам̣ ж̇аалаабзд̇ваа абхирухим̣су. буна со уггам̣ виж̇жхаабзси. зд̇знубааязна б̣ад̣̇д̇хам̣ б̣ад̣̇д̇хам̣ виж̇жхаабзнд̇ассзвасса ад̣дхарад̇д̇о ж̇аад̇о. со ад̇ивияа гилами, хздтаауд̣̇арз гиломагам̣ д̇ануд̇ам̣ г̇ад̇ам̣, агкийни рад̇д̇аани ж̇аад̇аани. д̇ам̣ д̣̇исваа сагун̣ий саамигам̣ ааха – ‘‘саами, ад̇ивияа гиланд̇о уггусарааж̇аа, зд̇асса т̇огам̣ виссаманад̇т̇ааяа г̇анд̇ваа гажчабарааж̇асса гат̇зхий’’д̇и. со д̇ассаа важанам̣ суд̇ваа уггусам̣ убасан̇гамид̇ваа г̇аат̇ааяа аж̇жхабхааси –
Atha naṃ pucchi ‘‘kiṃ, samma, rukkhaṃ abhiruḷhā cilācā’’ti? Na tāva abhiruḷhā, ukkāyeva bandhantīti. Tena hi tvaṃ sīghaṃ gantvā mama sahāyikaṃ assāsetvā mamāgamanabhāvaṃ ācikkhāhīti. So tathā akāsi. Ukkusarājāpi gantvā kadambassa avidūre cilācānaṃ abhiruhanaṃ olokento ekasmiṃ rukkhagge nisīditvā ekassa cilācassa abhiruhanakāle tasmiṃ kulāvakassa avidūraṃ abhiruḷhe sare nimujjitvā pakkhehi ca mukhena ca udakaṃ āharitvā ukkāya upari āsiñci, sā nibbāyi. Cilācā ‘‘imañca senakasakuṇapotake cassa khādissāmī’’ti otaritvā puna ukkaṃ jālāpetvā abhiruhiṃsu. Puna so ukkaṃ vijjhāpesi. Etenupāyena baddhaṃ baddhaṃ vijjhāpentassevassa aḍḍharatto jāto. So ativiya kilami, heṭṭhāudare kilomakaṃ tanutaṃ gataṃ, akkhīni rattāni jātāni. Taṃ disvā sakuṇī sāmikaṃ āha – ‘‘sāmi, ativiya kilanto ukkusarājā, etassa thokaṃ vissamanatthāya gantvā kacchaparājassa kathehī’’ti. So tassā vacanaṃ sutvā ukkusaṃ upasaṅkamitvā gāthāya ajjhabhāsi –
47.
47.
‘‘яам̣ ход̇и гижжам̣ анугамбагзна, арияасса ариязна гад̇ам̣ д̇аяийд̣̇ам̣;
‘‘Yaṃ hoti kiccaṃ anukampakena, ariyassa ariyena kataṃ tayīdaṃ;
ад̇д̇аанурагкий бхава маа ад̣аяхи, лажчаама буд̇д̇з д̇аяи ж̇ийвамаанз’’д̇и.
Attānurakkhī bhava mā aḍayhi, lacchāma putte tayi jīvamāne’’ti.
д̇ад̇т̇а д̇аяийд̣̇анд̇и д̇аяаа ид̣̇ам̣, аяамзва ваа баато.
Tattha tayīdanti tayā idaṃ, ayameva vā pāṭho.
со д̇асса важанам̣ суд̇ваа сийханаад̣̇ам̣ над̣̇анд̇о бан̃жамам̣ г̇аат̇амааха –
So tassa vacanaṃ sutvā sīhanādaṃ nadanto pañcamaṃ gāthamāha –
48.
48.
‘‘д̇авзва рагкааваран̣ам̣ гаронд̇о, сарийрабхзд̣̇ааби на санд̇асаами;
‘‘Taveva rakkhāvaraṇaṃ karonto, sarīrabhedāpi na santasāmi;
гаронд̇и хзгз сакинам̣ сакааро, баан̣ам̣ жаж̇анд̇аа сад̇амзса д̇хаммо’’д̇и.
Karonti heke sakhinaṃ sakhāro, pāṇaṃ cajantā satamesa dhammo’’ti.
чадтам̣ бана сад̇т̇аа абхисамб̣уд̣̇д̇хо худ̇ваа д̇асса г̇ун̣ам̣ ван̣н̣знд̇о ааха –
Chaṭṭhaṃ pana satthā abhisambuddho hutvā tassa guṇaṃ vaṇṇento āha –
49.
49.
‘‘суд̣̇уггарам̣ гаммамагааси, ан̣д̣аж̇ааяам̣ вихан̇г̇амо;
‘‘Sudukkaraṃ kammamakāsi, aṇḍajāyaṃ vihaṅgamo;
ад̇т̇ааяа гураро буд̇д̇з, ад̣дхарад̇д̇з анааг̇ад̇з’’д̇и.
Atthāya kuraro putte, aḍḍharatte anāgate’’ti.
д̇ад̇т̇а гурарод̇и уггусарааж̇аа. буд̇д̇зд̇и сзнагасса буд̇д̇з рагканд̇о д̇зсам̣ ад̇т̇ааяа ад̣дхарад̇д̇з анааг̇ад̇з яаава д̣̇ияад̣дхаяаамаа вааяаамам̣ гаронд̇о д̣̇уггарам̣ агааси.
Tattha kuraroti ukkusarājā. Putteti senakassa putte rakkhanto tesaṃ atthāya aḍḍharatte anāgate yāva diyaḍḍhayāmā vāyāmaṃ karonto dukkaraṃ akāsi.
сзноби уггусам̣ ‘‘т̇огам̣ виссамаахи, саммаа’’д̇и вад̇ваа гажчабасса санд̇игам̣ г̇анд̇ваа д̇ам̣ удтаабзд̇ваа ‘‘гим̣, самма, ааг̇ад̇осий’’д̇и вуд̇д̇о ‘‘зваруубам̣ наама бхаяам̣ уббаннам̣, уггусарааж̇аа батамаяаамад̇о бадтааяа вааяаманд̇о гилами, д̇знамхи д̇ава санд̇игам̣ ааг̇ад̇о’’д̇и вад̇ваа сад̇д̇амам̣ г̇аат̇амааха –
Senopi ukkusaṃ ‘‘thokaṃ vissamāhi, sammā’’ti vatvā kacchapassa santikaṃ gantvā taṃ uṭṭhāpetvā ‘‘kiṃ, samma, āgatosī’’ti vutto ‘‘evarūpaṃ nāma bhayaṃ uppannaṃ, ukkusarājā paṭhamayāmato paṭṭhāya vāyamanto kilami, tenamhi tava santikaṃ āgato’’ti vatvā sattamaṃ gāthamāha –
50.
50.
‘‘жуд̇ааби хзгз калид̇аа сагаммунаа, мид̇д̇аанугамбааяа бад̇идтаханд̇и;
‘‘Cutāpi heke khalitā sakammunā, mittānukampāya patiṭṭhahanti;
буд̇д̇аа мамаддаа г̇ад̇имааг̇ад̇осми, ад̇т̇ам̣ жарзт̇о мама ваарижараа’’д̇и.
Puttā mamaṭṭā gatimāgatosmi, atthaṃ caretho mama vāricarā’’ti.
д̇ассад̇т̇о – саами, згажжз хи яасад̇о ваа д̇ханад̇о ваа жуд̇ааби сагаммунаа калид̇ааби мид̇д̇аанам̣ анугамбааяа бад̇идтаханд̇и, мама жа буд̇д̇аа аддаа аад̇ураа, д̇знаахам̣ д̇ам̣ г̇ад̇им̣ бадисаран̣ам̣ гад̇ваа ааг̇ад̇осми, буд̇д̇аанам̣ ж̇ийвид̇ад̣̇аанам̣ д̣̇ад̣̇анд̇о ад̇т̇ам̣ мз жараахи ваарижараад̇и.
Tassattho – sāmi, ekacce hi yasato vā dhanato vā cutāpi sakammunā khalitāpi mittānaṃ anukampāya patiṭṭhahanti, mama ca puttā aṭṭā āturā, tenāhaṃ taṃ gatiṃ paṭisaraṇaṃ katvā āgatosmi, puttānaṃ jīvitadānaṃ dadanto atthaṃ me carāhi vāricarāti.
д̇ам̣ суд̇ваа гажчабо ид̇арам̣ г̇аат̇амааха –
Taṃ sutvā kacchapo itaraṃ gāthamāha –
51.
51.
‘‘д̇ханзна д̇хан̃н̃зна жа ад̇д̇анаа жа, мид̇д̇ам̣ сахааяан̃жа гаронд̇и бан̣д̣ид̇аа;
‘‘Dhanena dhaññena ca attanā ca, mittaṃ sahāyañca karonti paṇḍitā;
гароми д̇з сзнага зд̇амад̇т̇ам̣, арияо хи арияасса гарод̇и гижжа’’нд̇и.
Karomi te senaka etamatthaṃ, ariyo hi ariyassa karoti kicca’’nti.
ат̇асса буд̇д̇о авид̣̇уурз нибанно бид̇у важанам̣ суд̇ваа ‘‘маа мз бид̇аа гиламад̇у, ахам̣ бид̇у гижжам̣ гариссаамий’’д̇и жинд̇зд̇ваа навамам̣ г̇аат̇амааха –
Athassa putto avidūre nipanno pitu vacanaṃ sutvā ‘‘mā me pitā kilamatu, ahaṃ pitu kiccaṃ karissāmī’’ti cintetvā navamaṃ gāthamāha –
52.
52.
‘‘аббоссугго д̇аад̇а д̇увам̣ нисийд̣̇а, буд̇д̇о бид̇у жарад̇и ад̇т̇ажарияам̣;
‘‘Appossukko tāta tuvaṃ nisīda, putto pitu carati atthacariyaṃ;
ахам̣ жариссаами д̇авзд̇амад̇т̇ам̣, сзнасса буд̇д̇з барид̇ааяамаано’’д̇и.
Ahaṃ carissāmi tavetamatthaṃ, senassa putte paritāyamāno’’ti.
ат̇а нам̣ бид̇аа г̇аат̇ааяа аж̇жхабхааси –
Atha naṃ pitā gāthāya ajjhabhāsi –
53.
53.
‘‘ад̣̇д̇хаа хи д̇аад̇а сад̇амзса д̇хаммо, буд̇д̇о бид̇у яам̣ жарз ад̇т̇ажарияам̣;
‘‘Addhā hi tāta satamesa dhammo, putto pitu yaṃ care atthacariyaṃ;
аббзва мам̣ д̣̇исваана бавад̣дхагааяам̣, сзнасса буд̇д̇аа на вихзтаязяяу’’нд̇и.
Appeva maṃ disvāna pavaḍḍhakāyaṃ, senassa puttā na viheṭhayeyyu’’nti.
д̇ад̇т̇а сад̇амзса д̇хаммод̇и бан̣д̣ид̇аанам̣ зса д̇хаммо. буд̇д̇аад̇и сзнасса буд̇д̇з жилаажаа на хзтаязяяунд̇и.
Tattha satamesa dhammoti paṇḍitānaṃ esa dhammo. Puttāti senassa putte cilācā na heṭhayeyyunti.
звам̣ вад̇ваа махаагажчабо ‘‘самма, маа бхааяи, д̇вам̣ бурад̇о г̇ажча, ид̣̇аанаахам̣ ааг̇амиссаамий’’д̇и д̇ам̣ уяяож̇зд̇ваа уд̣̇агз бад̇ид̇ваа галалан̃жа сзваалан̃жа сам̣гад̣дхид̇ваа аад̣̇ааяа д̣̇ийбагам̣ г̇анд̇ваа аг̇г̇им̣ виж̇жхаабзд̇ваа нибаж̇ж̇и. жилаажаа ‘‘гим̣ но сзнабод̇агзхи, имам̣ гаал̣агажчабам̣ баривад̇д̇зд̇ваа маарзссаама, аяам̣ но саб̣б̣зсам̣ бахоссад̇ий’’д̇и валлияо уд̣̇д̇харид̇ваа ж̇ияаа г̇ахзд̇ваа нивад̇т̇абилод̇игааби можзд̇ваа д̇зсу д̇зсу таанзсу б̣анд̇хид̇ваа гажчабам̣ баривад̇д̇зд̇ум̣ на саггонд̇и. гажчабо д̇з аагад̣дханд̇о г̇анд̇ваа г̇амбхийрадтаанз уд̣̇агз бад̇и. д̇зби гажчабалобхзна сад̣̇д̇хим̣язва бад̇ид̇ваа уд̣̇агабун̣н̣ааяа гужчияаа гиланд̇аа нигкамид̇ваа ‘‘бхо згзна но уггусзна яаава ад̣дхарад̇д̇аа уггаа виж̇жхаабид̇аа, ид̣̇аани иминаа гажчабзна уд̣̇агз баад̇зд̇ваа уд̣̇агам̣ бааязд̇ваа маход̣̇араа гад̇амха, буна аг̇г̇им̣ гарид̇ваа арун̣з уг̇г̇ад̇зби имз сзнагабод̇агз каад̣̇иссаамаа’’д̇и аг̇г̇им̣ гаад̇ум̣ аарабхим̣су. сагун̣ий д̇зсам̣ гат̇ам̣ суд̇ваа ‘‘саами, имз яааяа гааяажи взлааяа амхаагам̣ буд̇д̇агз каад̣̇ид̇ваа г̇амиссанд̇и, сахааяасса но сийхасса санд̇игам̣ г̇ажчаахий’’д̇и ааха. со д̇ан̇кан̣ан̃н̃зва сийхасса санд̇игам̣ г̇анд̇ваа ‘‘гим̣ авзлааяа ааг̇ад̇осий’’д̇и вуд̇д̇з аад̣̇ид̇о бадтааяа д̇ам̣ бавад̇д̇им̣ аарожзд̇ваа згаад̣̇асамам̣ г̇аат̇амааха –
Evaṃ vatvā mahākacchapo ‘‘samma, mā bhāyi, tvaṃ purato gaccha, idānāhaṃ āgamissāmī’’ti taṃ uyyojetvā udake patitvā kalalañca sevālañca saṃkaḍḍhitvā ādāya dīpakaṃ gantvā aggiṃ vijjhāpetvā nipajji. Cilācā ‘‘kiṃ no senapotakehi, imaṃ kāḷakacchapaṃ parivattetvā māressāma, ayaṃ no sabbesaṃ pahossatī’’ti valliyo uddharitvā jiyā gahetvā nivatthapilotikāpi mocetvā tesu tesu ṭhānesu bandhitvā kacchapaṃ parivattetuṃ na sakkonti. Kacchapo te ākaḍḍhanto gantvā gambhīraṭṭhāne udake pati. Tepi kacchapalobhena saddhiṃyeva patitvā udakapuṇṇāya kucchiyā kilantā nikkhamitvā ‘‘bho ekena no ukkusena yāva aḍḍharattā ukkā vijjhāpitā, idāni iminā kacchapena udake pātetvā udakaṃ pāyetvā mahodarā katamha, puna aggiṃ karitvā aruṇe uggatepi ime senakapotake khādissāmā’’ti aggiṃ kātuṃ ārabhiṃsu. Sakuṇī tesaṃ kathaṃ sutvā ‘‘sāmi, ime yāya kāyaci velāya amhākaṃ puttake khāditvā gamissanti, sahāyassa no sīhassa santikaṃ gacchāhī’’ti āha. So taṅkhaṇaññeva sīhassa santikaṃ gantvā ‘‘kiṃ avelāya āgatosī’’ti vutte ādito paṭṭhāya taṃ pavattiṃ ārocetvā ekādasamaṃ gāthamāha –
54.
54.
‘‘басуу мануссаа миг̇авийрасздта, бхаяаддид̇аа сздтамубаб̣б̣аж̇анд̇и;
‘‘Pasū manussā migavīraseṭṭha, bhayaṭṭitā seṭṭhamupabbajanti;
буд̇д̇аа мамаддаа г̇ад̇имааг̇ад̇осми, д̇вам̣ носи рааж̇аа бхава мз сукааяаа’’д̇и.
Puttā mamaṭṭā gatimāgatosmi, tvaṃ nosi rājā bhava me sukhāyā’’ti.
д̇ад̇т̇а басууд̇и саб̣б̣ад̇иражчаанз ааха. ид̣̇ам̣ вуд̇д̇ам̣ ход̇и – ‘‘саами, миг̇зсу вийриязна сздта, саб̣б̣алогасмин̃хи саб̣б̣з д̇иражчаанааби мануссааби бхаяаддид̇аа худ̇ваа сздтам̣ убаг̇ажчанд̇и, мама жа буд̇д̇аа аддаа аад̇ураа. д̇асмаахам̣ д̇ам̣ г̇ад̇им̣ гад̇ваа ааг̇ад̇омхи, д̇вам̣ амхаагам̣ рааж̇аа сукааяа мз бхаваахий’’д̇и.
Tattha pasūti sabbatiracchāne āha. Idaṃ vuttaṃ hoti – ‘‘sāmi, migesu vīriyena seṭṭha, sabbalokasmiñhi sabbe tiracchānāpi manussāpi bhayaṭṭitā hutvā seṭṭhaṃ upagacchanti, mama ca puttā aṭṭā āturā. Tasmāhaṃ taṃ gatiṃ katvā āgatomhi, tvaṃ amhākaṃ rājā sukhāya me bhavāhī’’ti.
д̇ам̣ суд̇ваа сийхо г̇аат̇амааха –
Taṃ sutvā sīho gāthamāha –
55.
55.
‘‘гароми д̇з сзнага зд̇амад̇т̇ам̣, ааяаами д̇з д̇ам̣ д̣̇исад̇ам̣ вад̇хааяа;
‘‘Karomi te senaka etamatthaṃ, āyāmi te taṃ disataṃ vadhāya;
гат̇ан̃хи вин̃н̃уу баху самбаж̇аано, на вааяамз ад̇д̇аж̇анасса г̇уд̇д̇ияаа’’д̇и.
Kathañhi viññū pahu sampajāno, na vāyame attajanassa guttiyā’’ti.
д̇ад̇т̇а д̇ам̣ д̣̇исад̇анд̇и д̇ам̣ д̣̇исасамуухам̣, д̇ам̣ д̇ава бажжад̇т̇игаг̇ан̣анд̇и ад̇т̇о. бахууд̇и амид̇д̇з ханд̇ум̣ самад̇т̇о. самбаж̇аанод̇и мид̇д̇асса бхаяуббад̇д̇им̣ ж̇аананд̇о. ад̇д̇аж̇анассаад̇и ад̇д̇асамасса ан̇г̇асамаанасса ж̇анасса, мид̇д̇ассаад̇и ад̇т̇о.
Tattha taṃ disatanti taṃ disasamūhaṃ, taṃ tava paccatthikagaṇanti attho. Pahūti amitte hantuṃ samattho. Sampajānoti mittassa bhayuppattiṃ jānanto. Attajanassāti attasamassa aṅgasamānassa janassa, mittassāti attho.
зван̃жа бана вад̇ваа ‘‘г̇ажча д̇вам̣ буд̇д̇з самассаасзхий’’д̇и д̇ам̣ уяяож̇зд̇ваа ман̣иван̣н̣ам̣ уд̣̇агам̣ мад̣̇д̣̇амаано бааяааси. жилаажаа д̇ам̣ ааг̇ажчанд̇ам̣ д̣̇исваа ‘‘гурарзна д̇аава амхаагам̣ уггаа виж̇жхаабид̇аа, д̇ат̇аа гажчабзна амхз нивад̇т̇абилод̇игаанамби ассаамигаа гад̇аа, ид̣̇аани бана надтамхаа, сийхо но ж̇ийвид̇агкаяамзва баабзссад̇ий’’д̇и маран̣абхаяад̇аж̇ж̇ид̇аа язна ваа д̇зна ваа балааяим̣су. сийхо ааг̇анд̇ваа ругкамуулз на гин̃жи ад̣̇д̣̇аса. ат̇а нам̣ гураро жа гажчабо жа сзно жа убасан̇гамид̇ваа ванд̣̇им̣су. со д̇зсам̣ мид̇д̇аанисам̣сам̣ гат̇зд̇ваа ‘‘ид̇о бадтааяа мид̇д̇ад̇хаммам̣ абхинд̣̇ид̇ваа аббамад̇д̇аа хот̇аа’’д̇и овад̣̇ид̇ваа баггаами, д̇зби сагатаанаани г̇ад̇аа. сзнасагун̣ий ад̇д̇ано буд̇д̇з ологзд̇ваа ‘‘мид̇д̇з ниссааяа амхзхи д̣̇аарагаа лад̣̇д̇хаа’’д̇и суканисиннасамаяз сзнзна сад̣̇д̇хим̣ саллабанд̇ий мид̇д̇ад̇хаммам̣ багаасамаанаа ча г̇аат̇аа абхааси –
Evañca pana vatvā ‘‘gaccha tvaṃ putte samassāsehī’’ti taṃ uyyojetvā maṇivaṇṇaṃ udakaṃ maddamāno pāyāsi. Cilācā taṃ āgacchantaṃ disvā ‘‘kurarena tāva amhākaṃ ukkā vijjhāpitā, tathā kacchapena amhe nivatthapilotikānampi assāmikā katā, idāni pana naṭṭhamhā, sīho no jīvitakkhayameva pāpessatī’’ti maraṇabhayatajjitā yena vā tena vā palāyiṃsu. Sīho āgantvā rukkhamūle na kiñci addasa. Atha naṃ kuraro ca kacchapo ca seno ca upasaṅkamitvā vandiṃsu. So tesaṃ mittānisaṃsaṃ kathetvā ‘‘ito paṭṭhāya mittadhammaṃ abhinditvā appamattā hothā’’ti ovaditvā pakkāmi, tepi sakaṭhānāni gatā. Senasakuṇī attano putte oloketvā ‘‘mitte nissāya amhehi dārakā laddhā’’ti sukhanisinnasamaye senena saddhiṃ sallapantī mittadhammaṃ pakāsamānā cha gāthā abhāsi –
56.
56.
‘‘мид̇д̇ан̃жа гаяираат̇а сухад̣̇аяан̃жа, аяиран̃жа гаяираат̇а сукааг̇амааяа;
‘‘Mittañca kayirātha suhadayañca, ayirañca kayirātha sukhāgamāya;
нивад̇т̇агожова сарзбхиханд̇ваа, мод̣̇аама буд̇д̇зхи саман̇г̇ибхууд̇аа.
Nivatthakocova sarebhihantvā, modāma puttehi samaṅgibhūtā.
57.
57.
‘‘сагамид̇д̇асса гаммзна, сахааяассаабалааяино;
‘‘Sakamittassa kammena, sahāyassāpalāyino;
гууж̇анд̇амубагууж̇анд̇и, ломасаа хад̣̇аяан̇г̇амам̣.
Kūjantamupakūjanti, lomasā hadayaṅgamaṃ.
58.
58.
‘‘мид̇д̇ам̣ сахааяам̣ ад̇хиг̇амма бан̣д̣ид̇о, со бхун̃ж̇ад̇ий буд̇д̇а басум̣ д̇ханам̣ ваа;
‘‘Mittaṃ sahāyaṃ adhigamma paṇḍito, so bhuñjatī putta pasuṃ dhanaṃ vā;
ахан̃жа буд̇д̇аа жа бад̇ий жа маяхам̣, мид̇д̇аанугамбааяа саман̇г̇ибхууд̇аа.
Ahañca puttā ca patī ca mayhaṃ, mittānukampāya samaṅgibhūtā.
59.
59.
‘‘рааж̇авад̇аа сууравад̇аа жа ад̇т̇о, самбаннасакисса бхаванд̇и хзд̇з;
‘‘Rājavatā sūravatā ca attho, sampannasakhissa bhavanti hete;
со мид̇д̇аваа яасаваа уг̇г̇ад̇ад̇д̇о, асмим̣д̇халогз мод̣̇ад̇и гаамагаамий.
So mittavā yasavā uggatatto, asmiṃdhaloke modati kāmakāmī.
60.
60.
‘‘гаран̣ийяаани мид̇д̇аани, д̣̇алид̣̇д̣̇знааби сзнага;
‘‘Karaṇīyāni mittāni, daliddenāpi senaka;
басса мид̇д̇аанугамбааяа, самаг̇г̇амхаа сан̃аад̇агз.
Passa mittānukampāya, samaggamhā sañātake.
61.
61.
‘‘суурзна б̣алаванд̇зна, яо мид̇д̇з гуруд̇з д̣̇иж̇о;
‘‘Sūrena balavantena, yo mitte kurute dijo;
звам̣ со сукид̇о ход̇и, яат̇аахам̣ д̇ван̃жа сзнагаа’’д̇и.
Evaṃ so sukhito hoti, yathāhaṃ tvañca senakā’’ti.
д̇ад̇т̇а мид̇д̇ан̃жаад̇и яам̣гин̃жи ад̇д̇ано мид̇д̇ан̃жа сухад̣̇аяан̃жа сухад̣̇аяасахааяан̃жа саамигасан̇каад̇ам̣ аяиран̃жа гарот̇зва. нивад̇т̇агожова сарзбхиханд̇ваад̇и зд̇т̇а гожод̇и гаважо. яат̇аа наама бадимуггагаважо сарз абхиханад̇и ниваарзд̇и, звам̣ маяамби мид̇д̇аб̣алзна бажжад̇т̇игз абхиханд̇ваа буд̇д̇зхи сад̣̇д̇хим̣ мод̣̇аамаад̇и вад̣̇ад̇и. сагамид̇д̇асса гаммзнаад̇и сагасса мид̇д̇асса бараггамзна. сахааяассаабалааяинод̇и сахааяасса абалааяино миг̇арааж̇асса. ломасаад̇и багкино амхаагам̣ буд̇д̇агаа ман̃жа д̇ан̃жа гууж̇анд̇ам̣ хад̣̇аяан̇г̇амам̣ мад̇хурассарам̣ нижчаарзд̇ваа убагууж̇анд̇и. саман̇г̇ибхууд̇аад̇и згадтаанз тид̇аа.
Tattha mittañcāti yaṃkiñci attano mittañca suhadayañca suhadayasahāyañca sāmikasaṅkhātaṃ ayirañca karotheva. Nivatthakocova sarebhihantvāti ettha kocoti kavaco. Yathā nāma paṭimukkakavaco sare abhihanati nivāreti, evaṃ mayampi mittabalena paccatthike abhihantvā puttehi saddhiṃ modāmāti vadati. Sakamittassa kammenāti sakassa mittassa parakkamena. Sahāyassāpalāyinoti sahāyassa apalāyino migarājassa. Lomasāti pakkhino amhākaṃ puttakā mañca tañca kūjantaṃ hadayaṅgamaṃ madhurassaraṃ nicchāretvā upakūjanti. Samaṅgibhūtāti ekaṭṭhāne ṭhitā.
рааж̇авад̇аа сууравад̇аа жа ад̇т̇од̇и яасса сийхасад̣̇исо рааж̇аа уггусагажчабасад̣̇исаа жа суураа мид̇д̇аа хонд̇и, д̇зна рааж̇авад̇аа сууравад̇аа жа ад̇т̇о саггаа баабун̣ид̇ум̣. бхаванд̇и хзд̇зд̇и яо жа самбаннасако барибун̣н̣амид̇д̇ад̇хаммо, д̇асса зд̇з сахааяаа бхаванд̇и. уг̇г̇ад̇ад̇д̇од̇и сирисобхаг̇г̇зна уг̇г̇ад̇асабхааво. асмим̣д̇халогзд̇и ид̇халогасан̇каад̇з асмим̣ логз мод̣̇ад̇и. гаамагаамийд̇и саамигам̣ аалабад̇и. со хи гаамз гааманад̇о гаамагаамий наама. самаг̇г̇амхаад̇и самаг̇г̇аа ж̇аад̇амхаа. сан̃аад̇агзд̇и н̃аад̇агзхи буд̇д̇зхи сад̣̇д̇хим̣.
Rājavatā sūravatā ca atthoti yassa sīhasadiso rājā ukkusakacchapasadisā ca sūrā mittā honti, tena rājavatā sūravatā ca attho sakkā pāpuṇituṃ. Bhavanti heteti yo ca sampannasakho paripuṇṇamittadhammo, tassa ete sahāyā bhavanti. Uggatattoti sirisobhaggena uggatasabhāvo. Asmiṃdhaloketi idhalokasaṅkhāte asmiṃ loke modati. Kāmakāmīti sāmikaṃ ālapati. So hi kāme kāmanato kāmakāmī nāma. Samaggamhāti samaggā jātamhā. Sañātaketi ñātakehi puttehi saddhiṃ.
звам̣ саа чахи г̇аат̇аахи мид̇д̇ад̇хаммасса г̇ун̣агат̇ам̣ гат̇зси. д̇з саб̣б̣зби сахааяагаа мид̇д̇ад̇хаммам̣ абхинд̣̇ид̇ваа яаавад̇ааяугам̣ тад̇ваа яат̇аагаммам̣ г̇ад̇аа.
Evaṃ sā chahi gāthāhi mittadhammassa guṇakathaṃ kathesi. Te sabbepi sahāyakā mittadhammaṃ abhinditvā yāvatāyukaṃ ṭhatvā yathākammaṃ gatā.
сад̇т̇аа имам̣ д̇хаммад̣̇зсанам̣ аахарид̇ваа ‘‘на, бхигкавз, ид̣̇аанзва со бхарияам̣ ниссааяа сукаббад̇д̇о, буб̣б̣зби сукаббад̇д̇оязваа’’д̇и вад̇ваа ж̇аад̇агам̣ самод̇хаанзси – ‘‘д̇ад̣̇аа сзно жа сзний жа ж̇аяамбад̇игаа ахзсум̣, буд̇д̇агажчабо раахуло, бид̇аа махаамог̇г̇аллаано, уггусо саарибуд̇д̇о, сийхо бана ахамзва ахоси’’нд̇и.
Satthā imaṃ dhammadesanaṃ āharitvā ‘‘na, bhikkhave, idāneva so bhariyaṃ nissāya sukhappatto, pubbepi sukhappattoyevā’’ti vatvā jātakaṃ samodhānesi – ‘‘tadā seno ca senī ca jayampatikā ahesuṃ, puttakacchapo rāhulo, pitā mahāmoggallāno, ukkuso sāriputto, sīho pana ahameva ahosi’’nti.
махаауггусаж̇аад̇агаван̣н̣анаа д̇ад̇ияаа.
Mahāukkusajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 486. махаауггусаж̇аад̇агам̣ • 486. Mahāukkusajātakaṃ
