| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
3. махааважчасуд̇д̇аван̣н̣анаа
3. Mahāvacchasuttavaṇṇanā
193. саха гат̇аа зд̇асса ад̇т̇ийд̇и сахагат̇ий, ‘‘маяам̣ бужчаавасзна д̇умхз виссаж̇ж̇анавасзнаа’’д̇и звам̣ сахабавад̇д̇агат̇од̇и ад̇т̇о. зд̇ассзва гат̇ид̇аани, д̇ад̇т̇а батамз виж̇ж̇аад̇д̇аяам̣ д̣̇зсид̇ам̣, д̣̇уд̇ияз аг̇г̇инаа д̣̇ассид̇анд̇и д̇звиж̇ж̇аважчасуд̇д̇ам̣ аг̇г̇иважчасуд̇д̇анд̇и наамам̣ висзсзд̇ваа вуд̇д̇ам̣. сийгхам̣ лад̣̇д̇хим̣ на виссаж̇ж̇знд̇и, яасмаа сан̇каараанам̣ нияад̇ояам̣ винаасо анан̃н̃асамуббаад̣̇о, хзд̇усамуббаннааби на жирзна ниж̇жхаанам̣ каманд̇и, на лахум̣. д̇знааха ‘‘васаад̇зла …бз… суж̇жханд̇ий’’д̇и. бажчимаг̇аманам̣ н̃аан̣асса барибаагам̣ г̇ад̇ад̇д̇аа. яадтим̣ ааламб̣ид̇ваа уд̣̇агам̣ д̇арид̇ум̣ од̇аранд̇о бурисо ‘‘яадтим̣ од̇арид̇ваа уд̣̇агз бад̇амаано’’д̇и вуд̇д̇о. гаммабат̇авасзна вид̇т̇аарад̣̇зсананд̇и сам̣кид̇д̇ад̣̇зсанам̣ убаад̣̇ааяа вуд̇д̇ам̣. д̇знааха ‘‘муулавасзна жзд̇т̇аа’’д̇иаад̣̇и. вид̇т̇аарасад̣̇исаад̇и гаммабат̇авасзна ид̇ха д̣̇зсид̇ад̣̇зсанаава муулавасзна д̣̇зсид̇ад̣̇зсанам̣ убаад̣̇ааяа вид̇т̇аарасад̣̇исаа. вид̇т̇аарад̣̇зсанаа наама над̇т̇ийд̇и на гзвалам̣ аяамзва, ат̇а ко саб̣б̣ааби б̣уд̣̇д̇хаанам̣ ниббарияааязна уж̇угзна ниравасзсад̇о вид̇т̇аарад̣̇зсанаа наама над̇т̇и д̣̇зсанаан̃аан̣асса махаависаяад̇ааяа гаран̣асамбад̇д̇ияаа жа д̇аж̇ж̇ааяа махаанубхаавад̇д̇аа саб̣б̣ан̃н̃уд̇ан̃н̃аан̣асса. саб̣б̣ан̃н̃уд̇ан̃н̃аан̣асаман̇г̇ид̇ааяа хи авасзсабадисамбхид̣̇аанубхаавид̇ааяа абаримид̇агааласамбхад̇ан̃аан̣асамбхаарасамуд̣̇ааг̇ад̇ааяа гад̣̇аажиби баригкаяаанарахааяа анан̃н̃асаад̇хааран̣ааяа бадибхаанабадисамбхид̣̇ааяа бахууд̇аж̇ивхаад̣̇ид̇ад̣̇ануруубаруубагааяасамбад̇д̇исамбад̣̇ааяа вид̇т̇аарияамаанаа бхаг̇авад̇о д̣̇зсанаа гат̇ам̣ баримид̇аа барижчиннаа бхавзяяа, махаагаарун̣игад̇ааяа бана бхаг̇аваа взнзяяаж̇жхаасаяаануруубам̣ д̇ад̇т̇а д̇ад̇т̇а баримид̇ам̣ барижчиннам̣ гад̇ваа нидтабзд̇и. аяан̃жа ад̇т̇о махаасийханаад̣̇асуд̇д̇зна (ма. ни. 1.146 аад̣̇аяо) д̣̇ийбзд̇аб̣б̣о. саб̣б̣ам̣ сам̣кид̇д̇амзва ад̇д̇аж̇жхаасаяавасзна агат̇зд̇ваа б̣од̇ханзяяабуг̇г̇алаж̇жхаасаяавасзна д̣̇зсанааяа нидтаабид̇ад̇д̇аа. на жзд̇т̇а д̇хаммасаасанавирод̇хо барияааяам̣ аниссааяа яат̇аад̇хаммам̣ д̇хаммаанам̣ б̣од̇хид̇ад̇д̇аа саб̣б̣алахуд̇д̇аа жаад̇и.
193. Saha kathā etassa atthīti sahakathī, ‘‘mayaṃ pucchāvasena tumhe vissajjanavasenā’’ti evaṃ sahapavattakathoti attho. Etasseva kathitāni, tattha paṭhame vijjāttayaṃ desitaṃ, dutiye agginā dassitanti tevijjavacchasuttaṃ aggivacchasuttanti nāmaṃ visesetvā vuttaṃ. Sīghaṃ laddhiṃ na vissajjenti, yasmā saṅkhārānaṃ niyatoyaṃ vināso anaññasamuppādo, hetusamuppannāpi na cirena nijjhānaṃ khamanti, na lahuṃ. Tenāha ‘‘vasātela…pe… sujjhantī’’ti. Pacchimagamanaṃ ñāṇassa paripākaṃ gatattā. Yaṭṭhiṃ ālambitvā udakaṃ tarituṃ otaranto puriso ‘‘yaṭṭhiṃ otaritvā udake patamāno’’ti vutto. Kammapathavasena vitthāradesananti saṃkhittadesanaṃ upādāya vuttaṃ. Tenāha ‘‘mūlavasena cetthā’’tiādi. Vitthārasadisāti kammapathavasena idha desitadesanāva mūlavasena desitadesanaṃ upādāya vitthārasadisā. Vitthāradesanā nāma natthīti na kevalaṃ ayameva, atha kho sabbāpi buddhānaṃ nippariyāyena ujukena niravasesato vitthāradesanā nāma natthi desanāñāṇassa mahāvisayatāya karaṇasampattiyā ca tajjāya mahānubhāvattā sabbaññutaññāṇassa. Sabbaññutaññāṇasamaṅgitāya hi avasesapaṭisambhidānubhāvitāya aparimitakālasambhatañāṇasambhārasamudāgatāya kadācipi parikkhayānarahāya anaññasādhāraṇāya paṭibhānapaṭisambhidāya pahūtajivhāditadanurūparūpakāyasampattisampadāya vitthāriyamānā bhagavato desanā kathaṃ parimitā paricchinnā bhaveyya, mahākāruṇikatāya pana bhagavā veneyyajjhāsayānurūpaṃ tattha tattha parimitaṃ paricchinnaṃ katvā niṭṭhapeti. Ayañca attho mahāsīhanādasuttena (ma. ni. 1.146 ādayo) dīpetabbo. Sabbaṃ saṃkhittameva attajjhāsayavasena akathetvā bodhaneyyapuggalajjhāsayavasena desanāya niṭṭhāpitattā. Na cettha dhammasāsanavirodho pariyāyaṃ anissāya yathādhammaṃ dhammānaṃ bodhitattā sabbalahuttā cāti.
194. сад̇д̇а д̇хаммаа гаамааважараа самбад̇д̇асамаад̣̇аанавирад̇ийнам̣ ид̇хаад̇хиббзд̇ад̇д̇аа.
194.Satta dhammā kāmāvacarā sampattasamādānaviratīnaṃ idhādhippetattā.
анияамзд̇ваад̇и ‘‘саммаасамб̣уд̣̇д̇хо, сааваго’’д̇и ваа нияамам̣ висзсзна агад̇ваа. ад̇д̇аанамзва…бз… взд̣̇ид̇аб̣б̣ам̣, д̇ат̇аа хи бариб̣б̣ааж̇аго ‘‘д̇идтад̇у бхавам̣ г̇од̇амо’’д̇и ааха.
Aniyametvāti ‘‘sammāsambuddho, sāvako’’ti vā niyamaṃ visesena akatvā. Attānameva…pe… veditabbaṃ, tathā hi paribbājako ‘‘tiṭṭhatu bhavaṃ gotamo’’ti āha.
195. сад̇т̇аава арахаа ход̇и бадибад̇д̇ияаа баарибуурибхаавад̇о. д̇асмим̣ б̣яаагад̇зд̇и д̇асмим̣ ‘‘згабхигкуби сааваго’’д̇иаад̣̇инаа судту бан̃хз гат̇ид̇з.
195.Satthāvaarahā hoti paṭipattiyā pāripūribhāvato. Tasmiṃ byākateti tasmiṃ ‘‘ekabhikkhupi sāvako’’tiādinā suṭṭhu pañhe kathite.
196. самбаад̣̇агод̇и бадибад̇д̇исамбаад̣̇аго.
196.Sampādakoti paṭipattisampādako.
197. сзкааяа виж̇ж̇ааяаад̇и сзкалагкан̣аббад̇д̇ааяа маг̇г̇абан̃н̃ааяа саад̇исаяам̣ гад̇ваа гаран̣авасзна вуд̇д̇аа, палабан̃н̃аа бана д̇ааяа бад̇д̇аб̣б̣ад̇д̇аа гаммабхаавзна вуд̇д̇аа. д̇знааха ‘‘хздтимапалад̇д̇аяам̣ бад̇д̇аб̣б̣а’’нд̇и. имам̣ банзд̇т̇а авибарийд̇амад̇т̇ам̣ баал̣ид̇о зва вин̃н̃ааяамаанам̣ аббадивиж̇жханад̇о вид̇ан̣д̣аваад̣̇ий ‘‘яаавад̇агам̣ сзкзна бад̇д̇аб̣б̣ам̣, ануббад̇д̇ам̣ д̇ам̣ маяаа’’д̇и важаналзсам̣ г̇ахзд̇ваа ‘‘арахад̇д̇амаг̇г̇оби анзна бад̇д̇оязваа’’д̇и вад̣̇ад̇и. званд̇и ид̣̇аани вужжамаанааяа г̇аат̇ааяа.
197.Sekhāyavijjāyāti sekhalakkhaṇappattāya maggapaññāya sātisayaṃ katvā karaṇavasena vuttā, phalapaññā pana tāya pattabbattā kammabhāvena vuttā. Tenāha ‘‘heṭṭhimaphalattayaṃ pattabba’’nti. Imaṃ panettha aviparītamatthaṃ pāḷito eva viññāyamānaṃ appaṭivijjhanato vitaṇḍavādī ‘‘yāvatakaṃ sekhena pattabbaṃ, anuppattaṃ taṃ mayā’’ti vacanalesaṃ gahetvā ‘‘arahattamaggopi anena pattoyevā’’ti vadati. Evanti idāni vuccamānāya gāthāya.
гилзсаани бахааяа бан̃жаад̇и бан̃жорамбхааг̇ияасам̣яож̇анасан̇каад̇з сам̣гилзсз бахааяа баж̇ахид̇ваа, бахаанахзд̇у ваа. барибун̣н̣асзкод̇и саб̣б̣асо вад̣дхид̇асзкад̇хаммо. абарихаанад̇хаммод̇и абарихаанасабхааво. на хи яасса паад̇иг̇ад̇зхи сийлаад̣̇ид̇хаммзхи барихаани ад̇т̇и, самаад̇химхи барибуурагаарид̇ааяа жзд̇овасиббад̇д̇о. д̇знааха ‘‘самаахид̇инд̣̇рияо’’д̇и. абарихаанад̇хаммад̇д̇аава тид̇ад̇д̇о.
Kilesāni pahāya pañcāti pañcorambhāgiyasaṃyojanasaṅkhāte saṃkilese pahāya pajahitvā, pahānahetu vā. Paripuṇṇasekhoti sabbaso vaḍḍhitasekhadhammo. Aparihānadhammoti aparihānasabhāvo. Na hi yassa phātigatehi sīlādidhammehi parihāni atthi, samādhimhi paripūrakāritāya cetovasippatto. Tenāha ‘‘samāhitindriyo’’ti. Aparihānadhammattāva ṭhitatto.
анааг̇ааминаа хи асзкабхааваавахаа д̇хаммаа барибуурзд̇аб̣б̣аа, на сзкабхааваавахаад̇и со зганд̇абарибун̣н̣з сзко вуд̇д̇о. зд̇ам̣ на б̣уд̣̇д̇хаважананд̇и ‘‘маг̇г̇о б̣ахужид̇д̇агкан̣иго’’д̇и зд̇ам̣ важанам̣ на б̣уд̣̇д̇хаважанам̣ ананд̇арзганд̇авибаагад̣̇аанад̇о, б̣ахугкад̇д̇ум̣ бавад̇д̇анз баяож̇анаабхаавад̇о жа логуд̇д̇арагусаласса, ‘‘самаад̇химаананд̇ариган̃н̃амааху (ку. баа. 6.5; су. ни. 228), на баарам̣ д̣̇иг̇ун̣ам̣ яанд̇ий’’д̇и (су. ни. 719) звамаад̣̇ийни суд̇д̇абад̣̇аани зд̇ассад̇т̇асаад̇хагаани. орамбхааг̇ияасам̣яож̇анаббахаанзна сзгкад̇хаммабарибуурибхаавасса вуд̇д̇ад̇ааяа ад̇т̇о д̇ава важанзна вируж̇жхад̇ийд̇и. асса ааяасмад̇о важчасса.
Anāgāminā hi asekhabhāvāvahā dhammā paripūretabbā, na sekhabhāvāvahāti so ekantaparipuṇṇe sekho vutto. Etaṃ na buddhavacananti ‘‘maggo bahucittakkhaṇiko’’ti etaṃ vacanaṃ na buddhavacanaṃ anantarekantavipākadānato, bahukkhattuṃ pavattane payojanābhāvato ca lokuttarakusalassa, ‘‘samādhimānantarikaññamāhu (khu. pā. 6.5; su. ni. 228), na pāraṃ diguṇaṃ yantī’’ti (su. ni. 719) evamādīni suttapadāni etassatthasādhakāni. Orambhāgiyasaṃyojanappahānena sekkhadhammaparipūribhāvassa vuttatāya attho tava vacanena virujjhatīti. Assa āyasmato vacchassa.
198. абхин̃н̃аа ваа гааран̣анд̇и яан̃хи д̇ам̣ д̇ад̇ра д̇ад̇ра сагкибхаб̣б̣ад̇аасан̇каад̇ам̣ ид̣̇д̇хивид̇хабажжанубхаванаад̣̇и, д̇асса абхин̃н̃аа гааран̣ам̣. ат̇а ид̣̇д̇хивид̇хабажжанубхаванаад̣̇и абхин̃н̃аа, звам̣ сад̇и абхин̃н̃аабаад̣̇агаж̇жхаанам̣ гааран̣ам̣. авасаанз чадтаабхин̃н̃ааяа бана арахад̇д̇ам̣. зд̇т̇а жа яасмаа батамасуд̇д̇з аасавагкаяо ад̇хиббзд̇о, аасаваа кийн̣аа зва, на буна кзбзд̇аб̣б̣аа, д̇асмаа д̇ад̇т̇а ‘‘яаавад̣̇зваа’’д̇и на вуд̇д̇ам̣. ид̇ха паласамаабад̇д̇и ад̇хиббзд̇аа, саа жа бунаббунам̣ самаабаж̇ж̇ийяад̇и, д̇асмаа ‘‘яаавад̣̇зваа’’д̇и вуд̇д̇ам̣. д̇ад̇о зва хи ‘‘арахад̇д̇ам̣ ваа гааран̣а’’нд̇и вуд̇д̇ам̣. д̇ан̃хи ‘‘гуд̣̇аассу наамаахам̣ д̇ад̣̇ааяад̇анам̣ убасамбаж̇ж̇а вихариссаами, яад̣̇арияаа зд̇арахи убасамбаж̇ж̇а вихаранд̇ий’’д̇и (ма. ни. 1.465; 3.307) ануд̇д̇арзсу вимогкзсу бихам̣ убадтабзд̇ваа абхин̃н̃аа ниб̣б̣ад̇д̇знд̇асса гааран̣ам̣, д̇аяид̣̇ам̣ саб̣б̣асаад̇хааран̣ам̣ на ход̇ийд̇и саад̇хааран̣авасзна нам̣ д̣̇ассзнд̇о ‘‘арахад̇д̇асса вибассанаа ваа’’д̇и ааха.
198.Abhiññā vā kāraṇanti yañhi taṃ tatra tatra sakkhibhabbatāsaṅkhātaṃ iddhividhapaccanubhavanādi, tassa abhiññā kāraṇaṃ. Atha iddhividhapaccanubhavanādi abhiññā, evaṃ sati abhiññāpādakajjhānaṃ kāraṇaṃ. Avasāne chaṭṭhābhiññāya pana arahattaṃ. Ettha ca yasmā paṭhamasutte āsavakkhayo adhippeto, āsavā khīṇā eva, na puna khepetabbā, tasmā tattha ‘‘yāvadevā’’ti na vuttaṃ. Idha phalasamāpatti adhippetā, sā ca punappunaṃ samāpajjīyati, tasmā ‘‘yāvadevā’’ti vuttaṃ. Tato eva hi ‘‘arahattaṃ vā kāraṇa’’nti vuttaṃ. Tañhi ‘‘kudāssu nāmāhaṃ tadāyatanaṃ upasampajja viharissāmi, yadariyā etarahi upasampajja viharantī’’ti (ma. ni. 1.465; 3.307) anuttaresu vimokkhesu pihaṃ upaṭṭhapetvā abhiññā nibbattentassa kāraṇaṃ, tayidaṃ sabbasādhāraṇaṃ na hotīti sādhāraṇavasena naṃ dassento ‘‘arahattassa vipassanā vā’’ti āha.
200. барижаранд̇и наама виббагад̇аб̣рахмажарияаваасад̇д̇аа. барижин̣н̣о ход̇и саавагзна наама сад̇т̇у д̇хаммз гад̇д̇аб̣б̣аа барижарияаа саммад̣̇зва нидтаабид̇ад̇д̇аа. д̇знааха ‘‘ид̇и…бз… т̇зро звамаахаа’’д̇и. д̇зсам̣ г̇ун̣аананд̇и д̇зсам̣ асзгкаг̇ун̣аанам̣. сзсам̣ сувин̃н̃зяяамзва.
200.Paricaranti nāma vippakatabrahmacariyavāsattā. Pariciṇṇo hoti sāvakena nāma satthu dhamme kattabbā paricariyā sammadeva niṭṭhāpitattā. Tenāha ‘‘iti…pe… thero evamāhā’’ti. Tesaṃ guṇānanti tesaṃ asekkhaguṇānaṃ. Sesaṃ suviññeyyameva.
махааважчасуд̇д̇аван̣н̣анааяа лийнад̇т̇аббагаасанаа самад̇д̇аа.
Mahāvacchasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 3. махааважчасуд̇д̇ам̣ • 3. Mahāvacchasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 3. махааважчасуд̇д̇аван̣н̣анаа • 3. Mahāvacchasuttavaṇṇanā
