| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[26] 6. махил̣аамукаж̇аад̇агаван̣н̣анаа
[26] 6. Mahiḷāmukhajātakavaṇṇanā
бураан̣ажораана важо нисаммаад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇ам̣ аараб̣бха гат̇зси. д̣̇звад̣̇ад̇д̇о аж̇аад̇асад̇д̇угумаарам̣ басаад̣̇зд̇ваа лаабхасаггаарам̣ нибпаад̣̇зси. аж̇аад̇асад̇д̇угумааро д̣̇звад̣̇ад̇д̇асса г̇аяаасийсз вихаарам̣ гаарзд̇ваа наанаг̇г̇арасзхи д̇ивассигаг̇анд̇хасаалибхож̇анасса д̣̇ивасз д̣̇ивасз бан̃жа т̇аалибаагасад̇аани абхихари. лаабхасаггаарам̣ ниссааяа д̣̇звад̣̇ад̇д̇асса баривааро маханд̇о ж̇аад̇о, д̣̇звад̣̇ад̇д̇о бариваарзна сад̣̇д̇хим̣ вихаарзязва ход̇и. д̇зна самаязна рааж̇аг̇ахаваасигаа д̣̇вз сахааяаа. д̇зсу зго сад̇т̇у санд̇игз баб̣б̣аж̇ид̇о, зго д̣̇звад̣̇ад̇д̇асса. д̇з ан̃н̃аман̃н̃ам̣ д̇асмим̣ д̇асмим̣ таанзби бассанд̇и, вихаарам̣ г̇анд̇вааби бассанд̇иязва.
Purāṇacorāna vaco nisammāti idaṃ satthā veḷuvane viharanto devadattaṃ ārabbha kathesi. Devadatto ajātasattukumāraṃ pasādetvā lābhasakkāraṃ nipphādesi. Ajātasattukumāro devadattassa gayāsīse vihāraṃ kāretvā nānaggarasehi tivassikagandhasālibhojanassa divase divase pañca thālipākasatāni abhihari. Lābhasakkāraṃ nissāya devadattassa parivāro mahanto jāto, devadatto parivārena saddhiṃ vihāreyeva hoti. Tena samayena rājagahavāsikā dve sahāyā. Tesu eko satthu santike pabbajito, eko devadattassa. Te aññamaññaṃ tasmiṃ tasmiṃ ṭhānepi passanti, vihāraṃ gantvāpi passantiyeva.
ат̇згад̣̇ивасам̣ д̣̇звад̣̇ад̇д̇асса ниссид̇аго ид̇арам̣ ааха – ‘‘аавусо, гим̣ д̇вам̣ д̣̇звасигам̣ сзд̣̇зхи мужжамаанзхи бин̣д̣ааяа жараси, д̣̇звад̣̇ад̇д̇о г̇аяаасийсавихаарз нисийд̣̇ид̇ваава наанаг̇г̇арасзхи субхож̇анам̣ бхун̃ж̇ад̇и, зваруубо убааяо над̇т̇и, гим̣ д̇вам̣ д̣̇угкам̣ анубхоси, гим̣ д̇з баад̇ова г̇аяаасийсам̣ ааг̇анд̇ваа сауд̇д̇арибхан̇г̇ам̣ яааг̇ум̣ бивид̇ваа адтаарасавид̇хам̣ каж̇ж̇агам̣ каад̣̇ид̇ваа наанаг̇г̇арасзхи субхож̇анам̣ бхун̃ж̇ид̇ум̣ на ваддад̇ий’’д̇и? со бунаббунам̣ вужжамаано г̇анд̇угаамо худ̇ваа д̇ад̇о бадтааяа г̇аяаасийсам̣ г̇анд̇ваа бхун̃ж̇ид̇ваа гаалассзва взл̣уванам̣ ааг̇ажчад̇и. со саб̣б̣агаалам̣ бадижчаад̣̇зд̇ум̣ наасагки, ‘‘г̇аяаасийсам̣ г̇анд̇ваа д̣̇звад̣̇ад̇д̇асса бадтабид̇ам̣ бхад̇д̇ам̣ бхун̃ж̇ад̇ий’’д̇и на жирассзва баагадо ж̇аад̇о . ат̇а нам̣ сахааяаа бужчим̣су ‘‘сажжам̣ гира, д̇вам̣ аавусо, д̣̇звад̣̇ад̇д̇асса бадтабид̇ам̣ бхад̇д̇ам̣ бхун̃ж̇асий’’д̇и. ‘‘го звамаахаа’’д̇и? ‘‘асуго жа асуго жаа’’д̇и. ‘‘сажжам̣ ахам̣ аавусо г̇аяаасийсам̣ г̇анд̇ваа бхун̃ж̇аами, на бана мз д̣̇звад̣̇ад̇д̇о бхад̇д̇ам̣ д̣̇зд̇и, ан̃н̃з мануссаа д̣̇знд̇ий’’д̇и. ‘‘аавусо, д̣̇звад̣̇ад̇д̇о б̣уд̣̇д̇хаанам̣ бадиган̣даго д̣̇уссийло аж̇аад̇асад̇д̇ум̣ басаад̣̇зд̇ваа ад̇хаммзна ад̇д̇ано лаабхасаггаарам̣ уббаад̣̇зси, д̇вам̣ зваруубз нияяаанигз б̣уд̣̇д̇хасаасанз баб̣б̣аж̇ид̇ваа д̣̇звад̣̇ад̇д̇асса ад̇хаммзна уббаннам̣ бхож̇анам̣ бхун̃ж̇аси, зхи д̇ам̣ сад̇т̇у санд̇игам̣ нзссаамаа’’д̇и д̇ам̣ бхигкум̣ аад̣̇ааяа д̇хаммасабхам̣ ааг̇амим̣су.
Athekadivasaṃ devadattassa nissitako itaraṃ āha – ‘‘āvuso, kiṃ tvaṃ devasikaṃ sedehi muccamānehi piṇḍāya carasi, devadatto gayāsīsavihāre nisīditvāva nānaggarasehi subhojanaṃ bhuñjati, evarūpo upāyo natthi, kiṃ tvaṃ dukkhaṃ anubhosi, kiṃ te pātova gayāsīsaṃ āgantvā sauttaribhaṅgaṃ yāguṃ pivitvā aṭṭhārasavidhaṃ khajjakaṃ khāditvā nānaggarasehi subhojanaṃ bhuñjituṃ na vaṭṭatī’’ti? So punappunaṃ vuccamāno gantukāmo hutvā tato paṭṭhāya gayāsīsaṃ gantvā bhuñjitvā kālasseva veḷuvanaṃ āgacchati. So sabbakālaṃ paṭicchādetuṃ nāsakkhi, ‘‘gayāsīsaṃ gantvā devadattassa paṭṭhapitaṃ bhattaṃ bhuñjatī’’ti na cirasseva pākaṭo jāto . Atha naṃ sahāyā pucchiṃsu ‘‘saccaṃ kira, tvaṃ āvuso, devadattassa paṭṭhapitaṃ bhattaṃ bhuñjasī’’ti. ‘‘Ko evamāhā’’ti? ‘‘Asuko ca asuko cā’’ti. ‘‘Saccaṃ ahaṃ āvuso gayāsīsaṃ gantvā bhuñjāmi, na pana me devadatto bhattaṃ deti, aññe manussā dentī’’ti. ‘‘Āvuso, devadatto buddhānaṃ paṭikaṇṭako dussīlo ajātasattuṃ pasādetvā adhammena attano lābhasakkāraṃ uppādesi, tvaṃ evarūpe niyyānike buddhasāsane pabbajitvā devadattassa adhammena uppannaṃ bhojanaṃ bhuñjasi, ehi taṃ satthu santikaṃ nessāmā’’ti taṃ bhikkhuṃ ādāya dhammasabhaṃ āgamiṃsu.
сад̇т̇аа д̣̇исваава ‘‘гим̣, бхигкавз, зд̇ам̣ бхигкум̣ анижчанд̇ан̃н̃зва аад̣̇ааяа ааг̇ад̇ад̇т̇аа’’д̇и? ‘‘аама бханд̇з, аяам̣ бхигку д̇умхаагам̣ санд̇игз баб̣б̣аж̇ид̇ваа д̣̇звад̣̇ад̇д̇асса ад̇хаммзна уббаннам̣ бхож̇анам̣ бхун̃ж̇ад̇ий’’д̇и. ‘‘сажжам̣ гира д̇вам̣ бхигку д̣̇звад̣̇ад̇д̇асса ад̇хаммзна уббаннам̣ бхож̇анам̣ бхун̃ж̇асий’’д̇и? ‘‘на бханд̇з, д̣̇звад̣̇ад̇д̇о маяхам̣ д̣̇зд̇и, ан̃н̃з мануссаа д̣̇знд̇и, д̇амахам̣ бхун̃ж̇аамий’’д̇и. сад̇т̇аа ‘‘маа бхигку зд̇т̇а барихаарам̣ гари, д̣̇звад̣̇ад̇д̇о анаажааро д̣̇уссийло, гат̇ан̃хи наама д̇вам̣ ид̇ха баб̣б̣аж̇ид̇ваа мама саасанам̣ бхаж̇анд̇оязва д̣̇звад̣̇ад̇д̇асса бхад̇д̇ам̣ бхун̃ж̇аси, нижжагааламби бхаж̇анасийлагова д̇вам̣ д̣̇идтад̣̇идтзязва бхаж̇асий’’д̇и вад̇ваа ад̇ийд̇ам̣ аахари.
Satthā disvāva ‘‘kiṃ, bhikkhave, etaṃ bhikkhuṃ anicchantaññeva ādāya āgatatthā’’ti? ‘‘Āma bhante, ayaṃ bhikkhu tumhākaṃ santike pabbajitvā devadattassa adhammena uppannaṃ bhojanaṃ bhuñjatī’’ti. ‘‘Saccaṃ kira tvaṃ bhikkhu devadattassa adhammena uppannaṃ bhojanaṃ bhuñjasī’’ti? ‘‘Na bhante, devadatto mayhaṃ deti, aññe manussā denti, tamahaṃ bhuñjāmī’’ti. Satthā ‘‘mā bhikkhu ettha parihāraṃ kari, devadatto anācāro dussīlo, kathañhi nāma tvaṃ idha pabbajitvā mama sāsanaṃ bhajantoyeva devadattassa bhattaṃ bhuñjasi, niccakālampi bhajanasīlakova tvaṃ diṭṭhadiṭṭheyeva bhajasī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса амажжо ахоси. д̇ад̣̇аа ран̃н̃о махил̣аамуко наама ман̇г̇алахад̇т̇ий ахоси сийлаваа аажаарасамбанно, на ган̃жи вихзтзд̇и. ат̇згад̣̇ивасам̣ д̇асса саалааяа самийбз рад̇д̇ибхааг̇асамананд̇арз жораа ааг̇анд̇ваа д̇асса авид̣̇уурз нисиннаа жораманд̇ам̣ манд̇аяим̣су ‘‘звам̣ умман̇г̇о бхинд̣̇ид̇аб̣б̣о, звам̣ санд̇хижчзд̣̇агаммам̣ гад̇д̇аб̣б̣ам̣, умман̇г̇ан̃жа санд̇хижчзд̣̇ан̃жа маг̇г̇асад̣̇исам̣ д̇ид̇т̇асад̣̇исам̣ ниж̇ж̇адам̣ ниг̇г̇умб̣ам̣ гад̇ваа бхан̣д̣ам̣ харид̇ум̣ ваддад̇и, харанд̇зна маарзд̇ваава харид̇аб̣б̣ам̣, звам̣ удтаад̇ум̣ самад̇т̇о наама на бхависсад̇и, жорзна жа наама сийлаажаараяуд̇д̇зна на бхавид̇аб̣б̣ам̣, гагкал̣зна парусзна саахасигзна бхавид̇аб̣б̣а’’нд̇и. звам̣ манд̇зд̇ваа ан̃н̃аман̃н̃ам̣ уг̇г̇ан̣хаабзд̇ваа аг̇амам̣су. зд̇знзва убааязна бунад̣̇ивасзби бунад̣̇ивасзбийд̇и б̣ахуу д̣̇ивасз д̇ад̇т̇а ааг̇анд̇ваа манд̇аяим̣су. со д̇зсам̣ важанам̣ суд̇ваа ‘‘д̇з мам̣ сигкаабзнд̇ий’’д̇и сан̃н̃ааяа ‘‘ид̣̇аани маяаа гагкал̣зна парусзна саахасигзна бхавид̇аб̣б̣а’’нд̇и д̇ат̇ааруубова ахоси. баад̇ова ааг̇ад̇ам̣ хад̇т̇иг̇обагам̣ сон̣д̣ааяа г̇ахзд̇ваа бхуумияам̣ бот̇зд̇ваа маарзси. абарамби д̇ат̇аа абарамби д̇ат̇аад̇и ааг̇ад̇ааг̇ад̇ам̣ маарзд̇иязва.
Atīte bārāṇasiyaṃ brahmadatte rajjaṃ kārente bodhisatto tassa amacco ahosi. Tadā rañño mahiḷāmukho nāma maṅgalahatthī ahosi sīlavā ācārasampanno, na kañci viheṭheti. Athekadivasaṃ tassa sālāya samīpe rattibhāgasamanantare corā āgantvā tassa avidūre nisinnā coramantaṃ mantayiṃsu ‘‘evaṃ ummaṅgo bhinditabbo, evaṃ sandhicchedakammaṃ kattabbaṃ, ummaṅgañca sandhicchedañca maggasadisaṃ titthasadisaṃ nijjaṭaṃ niggumbaṃ katvā bhaṇḍaṃ harituṃ vaṭṭati, harantena māretvāva haritabbaṃ, evaṃ uṭṭhātuṃ samattho nāma na bhavissati, corena ca nāma sīlācārayuttena na bhavitabbaṃ, kakkhaḷena pharusena sāhasikena bhavitabba’’nti. Evaṃ mantetvā aññamaññaṃ uggaṇhāpetvā agamaṃsu. Eteneva upāyena punadivasepi punadivasepīti bahū divase tattha āgantvā mantayiṃsu. So tesaṃ vacanaṃ sutvā ‘‘te maṃ sikkhāpentī’’ti saññāya ‘‘idāni mayā kakkhaḷena pharusena sāhasikena bhavitabba’’nti tathārūpova ahosi. Pātova āgataṃ hatthigopakaṃ soṇḍāya gahetvā bhūmiyaṃ pothetvā māresi. Aparampi tathā aparampi tathāti āgatāgataṃ māretiyeva.
‘‘махил̣аамуко уммад̇д̇аго ж̇аад̇о д̣̇идтад̣̇идтз маарзд̇ий’’д̇и ран̃н̃о аарожаяим̣су. рааж̇аа б̣од̇хисад̇д̇ам̣ бахин̣и ‘‘г̇ажча бан̣д̣ид̇а, ж̇аанаахи гзна гааран̣зна со д̣̇удто ж̇аад̇о’’д̇и. б̣од̇хисад̇д̇о г̇анд̇ваа д̇асса сарийрз арог̇абхаавам̣ н̃ад̇ваа ‘‘гзна ну ко гааран̣зна зса д̣̇удто ж̇аад̇о’’д̇и убад̇хаарзнд̇о ‘‘ад̣̇д̇хаа авид̣̇уурз гзсан̃жи важанам̣ суд̇ваа ‘мам̣ зд̇з сигкаабзнд̇ий’д̇и сан̃н̃ааяа д̣̇удто ж̇аад̇о’’д̇и саннидтаанам̣ гад̇ваа хад̇т̇иг̇обагз бужчи ‘‘ад̇т̇и ну ко хад̇т̇исаалааяа самийбз рад̇д̇ибхааг̇з гзхижи гин̃жи гат̇ид̇абуб̣б̣а’’нд̇и? ‘‘аама, саами, жораа ааг̇анд̇ваа гат̇аяим̣суу’’д̇и. б̣од̇хисад̇д̇о г̇анд̇ваа ран̃н̃о аарожзси ‘‘д̣̇зва, ан̃н̃о хад̇т̇исса сарийрз вигааро над̇т̇и, жораанам̣ гат̇ам̣ суд̇ваа д̣̇удто ж̇аад̇о’’д̇и. ‘‘ид̣̇аани гим̣ гаад̇ум̣ ваддад̇ий’’д̇и? ‘‘сийлаванд̇з саман̣аб̣раахман̣з хад̇т̇исаалааяам̣ нисийд̣̇аабзд̇ваа сийлаажаарагат̇ам̣ гат̇аабзд̇ум̣ ваддад̇ий’’д̇и. ‘‘звам̣ гаарзхи, д̇аад̇аа’’д̇и.
‘‘Mahiḷāmukho ummattako jāto diṭṭhadiṭṭhe māretī’’ti rañño ārocayiṃsu. Rājā bodhisattaṃ pahiṇi ‘‘gaccha paṇḍita, jānāhi kena kāraṇena so duṭṭho jāto’’ti. Bodhisatto gantvā tassa sarīre arogabhāvaṃ ñatvā ‘‘kena nu kho kāraṇena esa duṭṭho jāto’’ti upadhārento ‘‘addhā avidūre kesañci vacanaṃ sutvā ‘maṃ ete sikkhāpentī’ti saññāya duṭṭho jāto’’ti sanniṭṭhānaṃ katvā hatthigopake pucchi ‘‘atthi nu kho hatthisālāya samīpe rattibhāge kehici kiñci kathitapubba’’nti? ‘‘Āma, sāmi, corā āgantvā kathayiṃsū’’ti. Bodhisatto gantvā rañño ārocesi ‘‘deva, añño hatthissa sarīre vikāro natthi, corānaṃ kathaṃ sutvā duṭṭho jāto’’ti. ‘‘Idāni kiṃ kātuṃ vaṭṭatī’’ti? ‘‘Sīlavante samaṇabrāhmaṇe hatthisālāyaṃ nisīdāpetvā sīlācārakathaṃ kathāpetuṃ vaṭṭatī’’ti. ‘‘Evaṃ kārehi, tātā’’ti.
б̣од̇хисад̇д̇о г̇анд̇ваа сийлаванд̇з саман̣аб̣раахман̣з хад̇т̇исаалааяам̣ нисийд̣̇аабзд̇ваа ‘‘сийлагат̇ам̣ гат̇зт̇а, бханд̇з’’д̇и ааха. д̇з хад̇т̇исса авид̣̇уурз нисиннаа ‘‘на гожи бараамасид̇аб̣б̣о на маарзд̇аб̣б̣о, сийлаажаарасамбаннзна канд̇имзд̇д̇аануд̣̇д̣̇аяаяуд̇д̇зна бхавид̇ум̣ ваддад̇ий’’д̇и сийлагат̇ам̣ гат̇аяим̣су. со д̇ам̣ суд̇ваа ‘‘мам̣ имз сигкаабзнд̇и, ид̇о д̣̇аани бадтааяа сийлаванд̇зна бхавид̇аб̣б̣а’’нд̇и сийлаваа ахоси. рааж̇аа б̣од̇хисад̇д̇ам̣ бужчи ‘‘гим̣, д̇аад̇а, сийлаваа ж̇аад̇о’’д̇и ? б̣од̇хисад̇д̇о ‘‘аама, д̣̇зваа’’д̇и. ‘‘зваруубо д̣̇удтахад̇т̇ий бан̣д̣ид̇з ниссааяа бораан̣агад̇хаммзязва бад̇идтид̇о’’д̇и вад̇ваа имам̣ г̇аат̇амааха –
Bodhisatto gantvā sīlavante samaṇabrāhmaṇe hatthisālāyaṃ nisīdāpetvā ‘‘sīlakathaṃ kathetha, bhante’’ti āha. Te hatthissa avidūre nisinnā ‘‘na koci parāmasitabbo na māretabbo, sīlācārasampannena khantimettānuddayayuttena bhavituṃ vaṭṭatī’’ti sīlakathaṃ kathayiṃsu. So taṃ sutvā ‘‘maṃ ime sikkhāpenti, ito dāni paṭṭhāya sīlavantena bhavitabba’’nti sīlavā ahosi. Rājā bodhisattaṃ pucchi ‘‘kiṃ, tāta, sīlavā jāto’’ti ? Bodhisatto ‘‘āma, devā’’ti. ‘‘Evarūpo duṭṭhahatthī paṇḍite nissāya porāṇakadhammeyeva patiṭṭhito’’ti vatvā imaṃ gāthamāha –
26.
26.
‘‘бураан̣ажораана важо нисамма, махил̣аамуко бот̇аяаманважаарий;
‘‘Purāṇacorāna vaco nisamma, mahiḷāmukho pothayamanvacārī;
сусан̃н̃ад̇аанан̃хи важо нисамма, г̇аж̇уд̇д̇амо саб̣б̣аг̇ун̣зсу адтаа’’д̇и.
Susaññatānañhi vaco nisamma, gajuttamo sabbaguṇesu aṭṭhā’’ti.
д̇ад̇т̇а бураан̣ажораананд̇и бораан̣ажораанам̣. нисаммаад̇и суд̇ваа, батамам̣ жораанам̣ важанам̣ суд̇ваад̇и ад̇т̇о. махил̣аамукод̇и хад̇т̇инимукзна сад̣̇исамуко. яат̇аа махил̣аа бурад̇о ологияамаанаа собхад̇и, на бажчад̇о, д̇ат̇аа соби бурад̇о ологияамаано собхад̇и. д̇асмаа ‘‘махил̣аамуко’’д̇исса наамам̣ агам̣су. бот̇аяаманважаарийд̇и бот̇аяанд̇о маарзнд̇о анужаарий. аяамзва ваа баато. сусан̃н̃ад̇аананд̇и судту сан̃н̃ад̇аанам̣ сийлаванд̇аанам̣. г̇аж̇уд̇д̇амод̇и уд̇д̇амаг̇аж̇о ман̇г̇алахад̇т̇ий. саб̣б̣аг̇ун̣зсу адтаад̇и саб̣б̣зсу бораан̣аг̇ун̣зсу бад̇идтид̇о. рааж̇аа ‘‘д̇иражчаанаг̇ад̇ассааби аасаяам̣ ж̇аанаад̇ий’’д̇и б̣од̇хисад̇д̇асса маханд̇ам̣ яасам̣ ад̣̇ааси. со яаавад̇ааяугам̣ тад̇ваа сад̣̇д̇хим̣ б̣од̇хисад̇д̇зна яат̇аагаммам̣ г̇ад̇о.
Tattha purāṇacorānanti porāṇacorānaṃ. Nisammāti sutvā, paṭhamaṃ corānaṃ vacanaṃ sutvāti attho. Mahiḷāmukhoti hatthinimukhena sadisamukho. Yathā mahiḷā purato olokiyamānā sobhati, na pacchato, tathā sopi purato olokiyamāno sobhati. Tasmā ‘‘mahiḷāmukho’’tissa nāmaṃ akaṃsu. Pothayamanvacārīti pothayanto mārento anucārī. Ayameva vā pāṭho. Susaññatānanti suṭṭhu saññatānaṃ sīlavantānaṃ. Gajuttamoti uttamagajo maṅgalahatthī. Sabbaguṇesu aṭṭhāti sabbesu porāṇaguṇesu patiṭṭhito. Rājā ‘‘tiracchānagatassāpi āsayaṃ jānātī’’ti bodhisattassa mahantaṃ yasaṃ adāsi. So yāvatāyukaṃ ṭhatvā saddhiṃ bodhisattena yathākammaṃ gato.
сад̇т̇аа ‘‘буб̣б̣зби д̇вам̣ бхигку д̣̇идтад̣̇идтзязва бхаж̇и, жораанам̣ важанам̣ суд̇ваа жорз бхаж̇и, д̇хаммигаанам̣ важанам̣ суд̇ваа д̇хаммигз бхаж̇ий’’д̇и имам̣ д̇хаммад̣̇зсанам̣ аахарид̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа махил̣аамуко вибагкасзвагабхигку ахоси, рааж̇аа аананд̣̇о, амажжо бана ахамзва ахоси’’нд̇и.
Satthā ‘‘pubbepi tvaṃ bhikkhu diṭṭhadiṭṭheyeva bhaji, corānaṃ vacanaṃ sutvā core bhaji, dhammikānaṃ vacanaṃ sutvā dhammike bhajī’’ti imaṃ dhammadesanaṃ āharitvā anusandhiṃ ghaṭetvā jātakaṃ samodhānesi – ‘‘tadā mahiḷāmukho vipakkhasevakabhikkhu ahosi, rājā ānando, amacco pana ahameva ahosi’’nti.
махил̣аамукаж̇аад̇агаван̣н̣анаа чадтаа.
Mahiḷāmukhajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 26. махил̣аамукаж̇аад̇агам̣ • 26. Mahiḷāmukhajātakaṃ
