| Library / Tipiṭaka / तिपिटक • Tipiṭaka / इतिवुत्तकपाळि • Itivuttakapāḷi |
५. मक्खसुत्तं
5. Makkhasuttaṃ
५. वुत्तञ्हेतं भगवता, वुत्तमरहताति मे सुतं –
5. Vuttañhetaṃ bhagavatā, vuttamarahatāti me sutaṃ –
‘‘एकधम्मं, भिक्खवे, पजहथ; अहं वो पाटिभोगो अनागामिताय। कतमं एकधम्मं? मक्खं, भिक्खवे, एकधम्मं पजहथ; अहं वो पाटिभोगो अनागामिताया’’ति। एतमत्थं भगवा अवोच। तत्थेतं इति वुच्चति –
‘‘Ekadhammaṃ, bhikkhave, pajahatha; ahaṃ vo pāṭibhogo anāgāmitāya. Katamaṃ ekadhammaṃ? Makkhaṃ, bhikkhave, ekadhammaṃ pajahatha; ahaṃ vo pāṭibhogo anāgāmitāyā’’ti. Etamatthaṃ bhagavā avoca. Tatthetaṃ iti vuccati –
‘‘येन मक्खेन मक्खासे 1, सत्ता गच्छन्ति दुग्गतिं।
‘‘Yena makkhena makkhāse 2, sattā gacchanti duggatiṃ;
तं मक्खं सम्मदञ्ञाय, पजहन्ति विपस्सिनो।
Taṃ makkhaṃ sammadaññāya, pajahanti vipassino;
पहाय न पुनायन्ति, इमं लोकं कुदाचन’’न्ति॥
Pahāya na punāyanti, imaṃ lokaṃ kudācana’’nti.
अयम्पि अत्थो वुत्तो भगवता, इति मे सुतन्ति। पञ्चमं।
Ayampi attho vutto bhagavatā, iti me sutanti. Pañcamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / इतिवुत्तक-अट्ठकथा • Itivuttaka-aṭṭhakathā / ५. मक्खसुत्तवण्णना • 5. Makkhasuttavaṇṇanā
