| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૦. મલસુત્તં
10. Malasuttaṃ
૧૦. ‘‘તીહિ, ભિક્ખવે, ધમ્મેહિ સમન્નાગતો તયો મલે અપ્પહાય યથાભતં નિક્ખિત્તો એવં નિરયે. કતમેહિ તીહિ? દુસ્સીલો ચ હોતિ, દુસ્સીલ્યમલઞ્ચસ્સ અપ્પહીનં હોતિ; ઇસ્સુકી ચ હોતિ, ઇસ્સામલઞ્ચસ્સ અપ્પહીનં હોતિ; મચ્છરી ચ હોતિ, મચ્છેરમલઞ્ચસ્સ અપ્પહીનં હોતિ. ઇમેહિ ખો, ભિક્ખવે, તીહિ ધમ્મેહિ સમન્નાગતો ઇમે તયો મલે અપ્પહાય યથાભતં નિક્ખિત્તો એવં નિરયે.
10. ‘‘Tīhi, bhikkhave, dhammehi samannāgato tayo male appahāya yathābhataṃ nikkhitto evaṃ niraye. Katamehi tīhi? Dussīlo ca hoti, dussīlyamalañcassa appahīnaṃ hoti; issukī ca hoti, issāmalañcassa appahīnaṃ hoti; maccharī ca hoti, maccheramalañcassa appahīnaṃ hoti. Imehi kho, bhikkhave, tīhi dhammehi samannāgato ime tayo male appahāya yathābhataṃ nikkhitto evaṃ niraye.
‘‘તીહિ , ભિક્ખવે, ધમ્મેહિ સમન્નાગતો તયો મલે પહાય યથાભતં નિક્ખિત્તો એવં સગ્ગે. કતમેહિ તીહિ? સીલવા ચ હોતિ, દુસ્સીલ્યમલઞ્ચસ્સ પહીનં હોતિ; અનિસ્સુકી ચ હોતિ, ઇસ્સામલઞ્ચસ્સ પહીનં હોતિ; અમચ્છરી ચ હોતિ, મચ્છેરમલઞ્ચસ્સ પહીનં હોતિ. ઇમેહિ ખો, ભિક્ખવે, તીહિ ધમ્મેહિ સમન્નાગતો ઇમે તયો મલે પહાય યથાભતં નિક્ખિત્તો એવં સગ્ગે’’તિ. દસમં.
‘‘Tīhi , bhikkhave, dhammehi samannāgato tayo male pahāya yathābhataṃ nikkhitto evaṃ sagge. Katamehi tīhi? Sīlavā ca hoti, dussīlyamalañcassa pahīnaṃ hoti; anissukī ca hoti, issāmalañcassa pahīnaṃ hoti; amaccharī ca hoti, maccheramalañcassa pahīnaṃ hoti. Imehi kho, bhikkhave, tīhi dhammehi samannāgato ime tayo male pahāya yathābhataṃ nikkhitto evaṃ sagge’’ti. Dasamaṃ.
બાલવગ્ગો પઠમો.
Bālavaggo paṭhamo.
તસ્સુદ્દાનં –
Tassuddānaṃ –
ભયં લક્ખણચિન્તી ચ, અચ્ચયઞ્ચ અયોનિસો;
Bhayaṃ lakkhaṇacintī ca, accayañca ayoniso;
અકુસલઞ્ચ સાવજ્જં, સબ્યાબજ્ઝખતં મલન્તિ.
Akusalañca sāvajjaṃ, sabyābajjhakhataṃ malanti.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૦. મલસુત્તવણ્ણના • 10. Malasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૫-૧૦. અયોનિસોસુત્તાદિવણ્ણના • 5-10. Ayonisosuttādivaṇṇanā
