| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. மலஸுத்தவண்ணனா
10. Malasuttavaṇṇanā
10. த³ஸமே து³ஸ்ஸீலபா⁴வோ து³ஸ்ஸீல்யங், து³ஸ்ஸீல்யமேவ மலங் து³ஸ்ஸீல்யமலங். கேனட்டே²ன மலந்தி? அனுத³ஹனட்டே²ன து³க்³க³ந்த⁴ட்டே²ன கிலிட்ட²கரணட்டே²ன ச. தஞ்ஹி நிரயாதீ³ஸு அபாயேஸு அனுத³ஹதீதி அனுத³ஹனட்டே²னபி மலங். தேன ஸமன்னாக³தோ புக்³க³லோ மாதாபிதூனம்பி ஸந்திகே பி⁴க்கு²ஸங்க⁴ஸ்ஸாபி அந்தரே போ³தி⁴சேதியட்டா²னேஸுபி ஜிகு³ச்ச²னீயோ ஹோதி, ஸப்³ப³தி³ஸாஸு சஸ்ஸ ‘‘ஏவரூபங் கிர தேன பாபகம்மங் கத’’ந்தி அவண்ணக³ந்தோ⁴ வாயதீதி து³க்³க³ந்த⁴ட்டே²னபி மலங். தேன ச ஸமன்னாக³தோ புக்³க³லோ க³தக³தட்டா²னே உபதாபஞ்சேவ லப⁴தி, காயகம்மாதீ³னி சஸ்ஸ அஸுசீனி ஹொந்தி அபப⁴ஸ்ஸரானீதி கிலிட்ட²கரணட்டே²னபி மலங். அபிச தங் தே³வமனுஸ்ஸஸம்பத்தியோ சேவ நிப்³பா³னஸம்பத்திஞ்ச மிலாபேதீதி மிலாபனட்டே²னபி மலந்தி வேதி³தப்³ப³ங். இஸ்ஸாமலமச்சே²ரமலேஸுபி ஏஸேவ நயோ.
10. Dasame dussīlabhāvo dussīlyaṃ, dussīlyameva malaṃ dussīlyamalaṃ. Kenaṭṭhena malanti? Anudahanaṭṭhena duggandhaṭṭhena kiliṭṭhakaraṇaṭṭhena ca. Tañhi nirayādīsu apāyesu anudahatīti anudahanaṭṭhenapi malaṃ. Tena samannāgato puggalo mātāpitūnampi santike bhikkhusaṅghassāpi antare bodhicetiyaṭṭhānesupi jigucchanīyo hoti, sabbadisāsu cassa ‘‘evarūpaṃ kira tena pāpakammaṃ kata’’nti avaṇṇagandho vāyatīti duggandhaṭṭhenapi malaṃ. Tena ca samannāgato puggalo gatagataṭṭhāne upatāpañceva labhati, kāyakammādīni cassa asucīni honti apabhassarānīti kiliṭṭhakaraṇaṭṭhenapi malaṃ. Apica taṃ devamanussasampattiyo ceva nibbānasampattiñca milāpetīti milāpanaṭṭhenapi malanti veditabbaṃ. Issāmalamaccheramalesupi eseva nayo.
பா³லவக்³கோ³ பட²மோ.
Bālavaggo paṭhamo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. மலஸுத்தங் • 10. Malasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 5-10. அயோனிஸோஸுத்தாதி³வண்ணனா • 5-10. Ayonisosuttādivaṇṇanā
