| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. маалугяабуд̇д̇асуд̇д̇ам̣
4. Mālukyaputtasuttaṃ
257. ат̇а ко ааяасмаа маалугяабуд̇д̇о 1 язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа маалугяабуд̇д̇о бхаг̇аванд̇ам̣ зд̇ад̣̇авожа –
257. Atha kho āyasmā mālukyaputto 2 yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mālukyaputto bhagavantaṃ etadavoca –
‘‘саад̇ху мз, бханд̇з, бхаг̇аваа сам̣кид̇д̇зна д̇хаммам̣ д̣̇зсзд̇у, яамахам̣ бхаг̇авад̇о д̇хаммам̣ суд̇ваа зго вуубагадто аббамад̇д̇о аад̇аабий бахид̇ад̇д̇о вихарзяяа’’нд̇и. ‘‘зд̇т̇а ид̣̇аани, маалугяабуд̇д̇а, гим̣ д̣̇ахарз бхигкуу вагкаама; яад̇ра хи наама д̇вам̣ ж̇ин̣н̣о вуд̣̇д̇хо махаллаго д̇ат̇ааг̇ад̇асса сам̣кид̇д̇зна оваад̣̇ам̣ яаажасий’’д̇и! ‘‘д̣̇зсзд̇у мз, бханд̇з, бхаг̇аваа сам̣кид̇д̇зна д̇хаммам̣; д̣̇зсзд̇у суг̇ад̇о сам̣кид̇д̇зна д̇хаммам̣. аббзва наамаахам̣ бхаг̇авад̇о бхаасид̇асса ад̇т̇ам̣ ааж̇аанзяяам̣; аббзва наамаахам̣ бхаг̇авад̇о бхаасид̇асса д̣̇ааяаад̣̇о 3 асса’’нд̇и.
‘‘Sādhu me, bhante, bhagavā saṃkhittena dhammaṃ desetu, yamahaṃ bhagavato dhammaṃ sutvā eko vūpakaṭṭho appamatto ātāpī pahitatto vihareyya’’nti. ‘‘Ettha idāni, mālukyaputta, kiṃ dahare bhikkhū vakkhāma; yatra hi nāma tvaṃ jiṇṇo vuddho mahallako tathāgatassa saṃkhittena ovādaṃ yācasī’’ti! ‘‘Desetu me, bhante, bhagavā saṃkhittena dhammaṃ; desetu sugato saṃkhittena dhammaṃ. Appeva nāmāhaṃ bhagavato bhāsitassa atthaṃ ājāneyyaṃ; appeva nāmāhaṃ bhagavato bhāsitassa dāyādo 4 assa’’nti.
‘‘жад̇д̇ааромз , маалугяабуд̇д̇а, д̇ан̣хуббаад̣̇аа яад̇т̇а бхигкуно д̇ан̣хаа уббаж̇ж̇амаанаа уббаж̇ж̇ад̇и. гад̇амз жад̇д̇ааро? жийварахзд̇у ваа, маалугяабуд̇д̇а, бхигкуно д̇ан̣хаа уббаж̇ж̇амаанаа уббаж̇ж̇ад̇и. бин̣д̣абаад̇ахзд̇у ваа, маалугяабуд̇д̇а, бхигкуно д̇ан̣хаа уббаж̇ж̇амаанаа уббаж̇ж̇ад̇и. сзнаасанахзд̇у ваа, маалугяабуд̇д̇а, бхигкуно д̇ан̣хаа уббаж̇ж̇амаанаа уббаж̇ж̇ад̇и. ид̇ибхаваабхавахзд̇у ваа, маалугяабуд̇д̇а, бхигкуно д̇ан̣хаа уббаж̇ж̇амаанаа уббаж̇ж̇ад̇и. имз ко, маалугяабуд̇д̇а, жад̇д̇ааро д̇ан̣хуббаад̣̇аа яад̇т̇а бхигкуно д̇ан̣хаа уббаж̇ж̇амаанаа уббаж̇ж̇ад̇и. яад̇о ко, маалугяабуд̇д̇а , бхигкуно д̇ан̣хаа бахийнаа ход̇и ужчиннамуулаа д̇аалаавад̇т̇угад̇аа анабхаавам̣гад̇аа ааяад̇им̣ ануббаад̣̇ад̇хаммаа, аяам̣ вужжад̇и, маалугяабуд̇д̇а, ‘бхигку ажчзжчи д̇ан̣хам̣, вивад̇д̇аяи сам̣яож̇анам̣, саммаа маанаабхисамаяаа анд̇амагааси д̣̇угкассаа’’’д̇и.
‘‘Cattārome , mālukyaputta, taṇhuppādā yattha bhikkhuno taṇhā uppajjamānā uppajjati. Katame cattāro? Cīvarahetu vā, mālukyaputta, bhikkhuno taṇhā uppajjamānā uppajjati. Piṇḍapātahetu vā, mālukyaputta, bhikkhuno taṇhā uppajjamānā uppajjati. Senāsanahetu vā, mālukyaputta, bhikkhuno taṇhā uppajjamānā uppajjati. Itibhavābhavahetu vā, mālukyaputta, bhikkhuno taṇhā uppajjamānā uppajjati. Ime kho, mālukyaputta, cattāro taṇhuppādā yattha bhikkhuno taṇhā uppajjamānā uppajjati. Yato kho, mālukyaputta , bhikkhuno taṇhā pahīnā hoti ucchinnamūlā tālāvatthukatā anabhāvaṃkatā āyatiṃ anuppādadhammā, ayaṃ vuccati, mālukyaputta, ‘bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’’ti.
ат̇а ко ааяасмаа маалугяабуд̇д̇о бхаг̇авад̇аа иминаа оваад̣̇зна овад̣̇ид̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко ааяасмаа маалугяабуд̇д̇о зго вуубагадто аббамад̇д̇о аад̇аабий бахид̇ад̇д̇о вихаранд̇о нажирассзва – яассад̇т̇ааяа гулабуд̇д̇аа саммад̣̇зва аг̇аарасмаа анаг̇аарияам̣ баб̣б̣аж̇анд̇и, д̇ад̣̇ануд̇д̇арам̣ – б̣рахмажарияабарияосаанам̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихааси. ‘‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’’д̇и аб̣бхан̃н̃ааси. ан̃н̃ад̇аро жа банааяасмаа маалугяабуд̇д̇о арахад̇ам̣ ахосийд̇и. жад̇уд̇т̇ам̣.
Atha kho āyasmā mālukyaputto bhagavatā iminā ovādena ovadito uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho āyasmā mālukyaputto eko vūpakaṭṭho appamatto ātāpī pahitatto viharanto nacirasseva – yassatthāya kulaputtā sammadeva agārasmā anagāriyaṃ pabbajanti, tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja vihāsi. ‘‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’’ti abbhaññāsi. Aññataro ca panāyasmā mālukyaputto arahataṃ ahosīti. Catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. маалугяабуд̇д̇асуд̇д̇аван̣н̣анаа • 4. Mālukyaputtasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-10. маалугяабуд̇д̇асуд̇д̇аад̣̇иван̣н̣анаа • 4-10. Mālukyaputtasuttādivaṇṇanā
