| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. маанад̣̇иннасуд̇д̇ам̣
10. Mānadinnasuttaṃ
396. д̇ам̣язва нид̣̇аанам̣. д̇зна ко бана самаязна маанад̣̇инно г̇ахабад̇и ааб̣аад̇хиго ход̇и д̣̇угкид̇о б̣аал̣хаг̇илаано. ат̇а ко маанад̣̇инно г̇ахабад̇и ан̃н̃ад̇арам̣ бурисам̣ ааманд̇зси – ‘‘зхи д̇вам̣, амбхо буриса…бз… на мз, бханд̇з, каманийяам̣ на яаабанийяам̣. б̣аал̣хаа мз д̣̇угкаа взд̣̇анаа абхиггаманд̇и, но бадиггаманд̇и; абхиггамосаанам̣ бан̃н̃ааяад̇и, но бадиггамод̇и. зваруубааяа жаахам̣, бханд̇з, д̣̇угкааяа взд̣̇анааяа пудто самаано гааяз гааяаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣; взд̣̇анаасу…бз… жид̇д̇з…бз… д̇хаммзсу д̇хаммаанубассий вихараами аад̇аабий самбаж̇аано сад̇имаа, винзяяа логз абхиж̇жхаад̣̇оманассам̣. яаани жимаани, бханд̇з, бхаг̇авад̇аа бан̃жорамбхааг̇ияаани сам̣яож̇анаани д̣̇зсид̇аани, наахам̣, бханд̇з, д̇зсам̣ гин̃жи ад̇д̇ани аббахийнам̣ саманубассаамий’’д̇и. ‘‘лаабхаа д̇з, г̇ахабад̇и, сулад̣̇д̇хам̣ д̇з, г̇ахабад̇и! анааг̇аамипалам̣ д̇аяаа, г̇ахабад̇и, б̣яаагад̇а’’нд̇и. д̣̇асамам̣.
396. Taṃyeva nidānaṃ. Tena kho pana samayena mānadinno gahapati ābādhiko hoti dukkhito bāḷhagilāno. Atha kho mānadinno gahapati aññataraṃ purisaṃ āmantesi – ‘‘ehi tvaṃ, ambho purisa…pe… na me, bhante, khamanīyaṃ na yāpanīyaṃ. Bāḷhā me dukkhā vedanā abhikkamanti, no paṭikkamanti; abhikkamosānaṃ paññāyati, no paṭikkamoti. Evarūpāya cāhaṃ, bhante, dukkhāya vedanāya phuṭṭho samāno kāye kāyānupassī viharāmi ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharāmi ātāpī sampajāno satimā, vineyya loke abhijjhādomanassaṃ. Yāni cimāni, bhante, bhagavatā pañcorambhāgiyāni saṃyojanāni desitāni, nāhaṃ, bhante, tesaṃ kiñci attani appahīnaṃ samanupassāmī’’ti. ‘‘Lābhā te, gahapati, suladdhaṃ te, gahapati! Anāgāmiphalaṃ tayā, gahapati, byākata’’nti. Dasamaṃ.
сийладтид̇иваг̇г̇о д̇ад̇ияо.
Sīlaṭṭhitivaggo tatiyo.
д̇ассуд̣̇д̣̇аанам̣ –
Tassuddānaṃ –
сийлам̣ тид̇и барихаанам̣, суд̣̇д̇хам̣ б̣раахман̣абад̣̇зсам̣;
Sīlaṃ ṭhiti parihānaṃ, suddhaṃ brāhmaṇapadesaṃ;
самад̇д̇ам̣ лого сиривад̣дхо, маанад̣̇иннзна д̇з д̣̇асаад̇и.
Samattaṃ loko sirivaḍḍho, mānadinnena te dasāti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 8-10. логасуд̇д̇аад̣̇иван̣н̣анаа • 8-10. Lokasuttādivaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8-10. логасуд̇д̇аад̣̇иван̣н̣анаа • 8-10. Lokasuttādivaṇṇanā
