| Library / Tipiṭaka / д̇ибидага • Tipiṭaka / винаяасан̇г̇аха-адтагат̇аа • Vinayasaṅgaha-aṭṭhakathā |
17. ман̃жабийтаад̣̇исан̇гхигасзнаасанзсу бадибаж̇ж̇ид̇аб̣б̣авинижчаяагат̇аа
17. Mañcapīṭhādisaṅghikasenāsanesu paṭipajjitabbavinicchayakathā
82. вихаарз сан̇гхигз сзяяам̣, сант̇арид̇ваана баггамод̇и сан̇гхигз вихаарз сзяяам̣ сант̇арид̇ваана ан̃н̃ад̇т̇а васид̇угаамад̇ааяа вихаарад̇о баггаманам̣. д̇ад̇рааяам̣ винижчаяо –
82.Vihāresaṅghike seyyaṃ, santharitvāna pakkamoti saṅghike vihāre seyyaṃ santharitvāna aññattha vasitukāmatāya vihārato pakkamanaṃ. Tatrāyaṃ vinicchayo –
‘‘яо бана бхигку сан̇гхигз вихаарз сзяяам̣ сант̇арид̇ваа ваа сант̇араабзд̇ваа ваа д̇ам̣ баггаманд̇о нзва уд̣̇д̇харзяяа на уд̣̇д̇хараабзяяа анаабужчам̣ ваа г̇ажчзяяа, баажид̇д̇ияа’’нд̇и (баажи. 115) –
‘‘Yo pana bhikkhu saṅghike vihāre seyyaṃ santharitvā vā santharāpetvā vā taṃ pakkamanto neva uddhareyya na uddharāpeyya anāpucchaṃ vā gaccheyya, pācittiya’’nti (pāci. 115) –
важанад̇о сан̇гхигз вихаарз сзяяам̣ саяам̣ сант̇арид̇ваа ан̃н̃зна ваа сант̇араабзд̇ваа уд̣̇д̇харан̣аад̣̇ийни агад̇ваа баригкид̇д̇асса аараамасса баригкзбам̣, абаригкид̇д̇асса убажаарам̣ ад̇иггаманд̇асса баажид̇д̇ияам̣.
Vacanato saṅghike vihāre seyyaṃ sayaṃ santharitvā aññena vā santharāpetvā uddharaṇādīni akatvā parikkhittassa ārāmassa parikkhepaṃ, aparikkhittassa upacāraṃ atikkamantassa pācittiyaṃ.
д̇ад̇т̇а сзяяаа наама бхиси жимилигаа уд̇д̇арад̇т̇аран̣ам̣ бхуумад̇т̇аран̣ам̣ д̇аддигаа жаммакан̣д̣о нисийд̣̇анам̣ бажжад̇т̇аран̣ам̣ д̇ин̣асант̇ааро бан̣н̣асант̇аарод̇и д̣̇асавид̇хаа. д̇ад̇т̇а бхисийд̇и ман̃жагабхиси ваа бийтагабхиси ваа. жимилигаа наама суд̇хаад̣̇ибаригаммагад̇ааяа бхуумияаа ван̣н̣аанурагкан̣ад̇т̇ам̣ гад̇аа, д̇ам̣ хздтаа бад̇т̇арид̇ваа убари гадасаарагам̣ бад̇т̇аранд̇и. уд̇д̇арад̇т̇аран̣ам̣ наама ман̃жабийтаанам̣ убари ад̇т̇арид̇аб̣б̣агабажжад̇т̇аран̣ам̣. бхуумад̇т̇аран̣ам̣ наама бхуумияам̣ ад̇т̇арид̇аб̣б̣аа гадасаарагаад̣̇ивигад̇и. д̇аддигаа наама д̇аалабан̣н̣зхи ваа ваагзхи ваа гад̇ад̇аддигаа. жаммакан̣д̣о наама сийхаб̣яаг̇гхад̣̇ийбид̇аражчажаммаад̣̇ийсуби яам̣ гин̃жи жаммам̣. адтагат̇аасу хи сзнаасанабарибхог̇з бадигкид̇д̇ажаммам̣ на д̣̇иссад̇и, д̇асмаа сийхаб̣яаг̇гхажаммаад̣̇ийнам̣ барихаран̣зязва бадигкзбо взд̣̇ид̇аб̣б̣о. нисийд̣̇ананд̇и сад̣̇асам̣ взд̣̇ид̇аб̣б̣ам̣. бажжад̇т̇аран̣анд̇и баавааро гож̇авод̇и зд̇д̇агамзва вуд̇д̇ам̣. д̇ин̣асант̇аарод̇и язсам̣ гзсан̃жи д̇ин̣аанам̣ сант̇ааро. зса наяо бан̣н̣асант̇аарзби. звам̣ бана имам̣ д̣̇асавид̇хам̣ сзяяам̣ сан̇гхигз вихаарз сант̇арид̇ваа ваа сант̇араабзд̇ваа ваа баггаманд̇зна аабужчид̇ваа баггамид̇аб̣б̣ам̣, аабужчанд̇зна жа бхигкумхи сад̇и бхигку аабужчид̇аб̣б̣о, д̇асмим̣ асад̇и сааман̣зро, д̇асмим̣ асад̇и аараамиго, д̇асмим̣ асад̇и язна вихааро гаарид̇о, со вихаарасаамиго, д̇асса ваа гулз яо гожи аабужчид̇аб̣б̣о, д̇асмимби асад̇и жад̇уусу баасаан̣зсу ман̃жам̣ табзд̇ваа ман̃жз авасзсаман̃жабийтаани ааробзд̇ваа убари бхисиаад̣̇игам̣ д̣̇асавид̇хамби сзяяам̣ раасим̣ гад̇ваа д̣̇аарубхан̣д̣ам̣ мад̇д̇игаабхан̣д̣ам̣ бадисаамзд̇ваа д̣̇ваараваад̇абаанаани бид̣̇ахид̇ваа г̇амияавад̇д̇ам̣ буурзд̇ваа г̇анд̇аб̣б̣ам̣.
Tattha seyyā nāma bhisi cimilikā uttarattharaṇaṃ bhūmattharaṇaṃ taṭṭikā cammakhaṇḍo nisīdanaṃ paccattharaṇaṃ tiṇasanthāro paṇṇasanthāroti dasavidhā. Tattha bhisīti mañcakabhisi vā pīṭhakabhisi vā. Cimilikā nāma sudhādiparikammakatāya bhūmiyā vaṇṇānurakkhaṇatthaṃ katā, taṃ heṭṭhā pattharitvā upari kaṭasārakaṃ pattharanti. Uttarattharaṇaṃ nāma mañcapīṭhānaṃ upari attharitabbakapaccattharaṇaṃ. Bhūmattharaṇaṃ nāma bhūmiyaṃ attharitabbā kaṭasārakādivikati. Taṭṭikā nāma tālapaṇṇehi vā vākehi vā katataṭṭikā. Cammakhaṇḍo nāma sīhabyagghadīpitaracchacammādīsupi yaṃ kiñci cammaṃ. Aṭṭhakathāsu hi senāsanaparibhoge paṭikkhittacammaṃ na dissati, tasmā sīhabyagghacammādīnaṃ pariharaṇeyeva paṭikkhepo veditabbo. Nisīdananti sadasaṃ veditabbaṃ. Paccattharaṇanti pāvāro kojavoti ettakameva vuttaṃ. Tiṇasanthāroti yesaṃ kesañci tiṇānaṃ santhāro. Esa nayo paṇṇasanthārepi. Evaṃ pana imaṃ dasavidhaṃ seyyaṃ saṅghike vihāre santharitvā vā santharāpetvā vā pakkamantena āpucchitvā pakkamitabbaṃ, āpucchantena ca bhikkhumhi sati bhikkhu āpucchitabbo, tasmiṃ asati sāmaṇero, tasmiṃ asati ārāmiko, tasmiṃ asati yena vihāro kārito, so vihārasāmiko, tassa vā kule yo koci āpucchitabbo, tasmimpi asati catūsu pāsāṇesu mañcaṃ ṭhapetvā mañce avasesamañcapīṭhāni āropetvā upari bhisiādikaṃ dasavidhampi seyyaṃ rāsiṃ katvā dārubhaṇḍaṃ mattikābhaṇḍaṃ paṭisāmetvā dvāravātapānāni pidahitvā gamiyavattaṃ pūretvā gantabbaṃ.
сажз бана сзнаасанам̣ овассад̇и, чад̣̇анад̇т̇ан̃жа д̇ин̣ам̣ ваа идтагаа ваа аанийд̇аа хонд̇и, сажз уссахад̇и, чаад̣̇зд̇аб̣б̣ам̣. но жз саггод̇и, яо огаасо ановассаго, д̇ад̇т̇а ман̃жабийтаад̣̇ийни нигкибид̇ваа г̇анд̇аб̣б̣ам̣. сажз саб̣б̣амби овассад̇и, уссаханд̇зна анд̇ог̇аамз убаасагаанам̣ гхарз табзд̇аб̣б̣ам̣. сажз д̇зби ‘‘сан̇гхигам̣ наама, бханд̇з, бхаарияам̣, аг̇г̇ид̣̇аахаад̣̇ийнам̣ бхааяаамаа’’д̇и на самбадижчанд̇и, аб̣бхогаасзби баасаан̣аанам̣ убари ман̃жам̣ табзд̇ваа сзсам̣ буб̣б̣з вуд̇д̇анаязнзва нигкибид̇ваа д̇ин̣зхи жа бан̣н̣зхи жа бадижчаад̣̇зд̇ваа г̇анд̇ум̣ ваддад̇и. яан̃хи д̇ад̇т̇а ан̇г̇амад̇д̇амби авасиссад̇и, д̇ам̣ ан̃н̃зсам̣ д̇ад̇т̇а ааг̇ад̇абхигкуунам̣ убагаарам̣ бхависсад̇ийд̇и. уд̣̇д̇харид̇ваа г̇ажчанд̇зна бана ман̃жабийтагаваадам̣ саб̣б̣ам̣ абанзд̇ваа сам̣харид̇ваа жийваравам̣сз лаг̇г̇зд̇ваава г̇анд̇аб̣б̣ам̣. бажчаа ааг̇анд̇ваа васанагабхигкунааби буна ман̃жабийтам̣ табаяид̇ваа г̇ажчанд̇зна д̇ат̇зва гаад̇аб̣б̣ам̣. анд̇огуддад̇о сзяяам̣ б̣ахигуддз бан̃н̃абзд̇ваа васанд̇зна г̇аманагаалз буна г̇ахид̇адтаанзязва бадисаамзд̇аб̣б̣ам̣. убарибаасаад̣̇ад̇о оробзд̇ваа хздтаабаасаад̣̇з васанд̇ассаби зсзва наяо. рад̇д̇идтаанад̣̇иваадтаанзсу ман̃жабийтам̣ бан̃н̃абзд̇ваа б̣ахиг̇аманагаалз буна г̇ахид̇адтаанзязва табзд̇аб̣б̣ам̣.
Sace pana senāsanaṃ ovassati, chadanatthañca tiṇaṃ vā iṭṭhakā vā ānītā honti, sace ussahati, chādetabbaṃ. No ce sakkoti, yo okāso anovassako, tattha mañcapīṭhādīni nikkhipitvā gantabbaṃ. Sace sabbampi ovassati, ussahantena antogāme upāsakānaṃ ghare ṭhapetabbaṃ. Sace tepi ‘‘saṅghikaṃ nāma, bhante, bhāriyaṃ, aggidāhādīnaṃ bhāyāmā’’ti na sampaṭicchanti, abbhokāsepi pāsāṇānaṃ upari mañcaṃ ṭhapetvā sesaṃ pubbe vuttanayeneva nikkhipitvā tiṇehi ca paṇṇehi ca paṭicchādetvā gantuṃ vaṭṭati. Yañhi tattha aṅgamattampi avasissati, taṃ aññesaṃ tattha āgatabhikkhūnaṃ upakāraṃ bhavissatīti. Uddharitvā gacchantena pana mañcapīṭhakavāṭaṃ sabbaṃ apanetvā saṃharitvā cīvaravaṃse laggetvāva gantabbaṃ. Pacchā āgantvā vasanakabhikkhunāpi puna mañcapīṭhaṃ ṭhapayitvā gacchantena tatheva kātabbaṃ. Antokuṭṭato seyyaṃ bahikuṭṭe paññapetvā vasantena gamanakāle puna gahitaṭṭhāneyeva paṭisāmetabbaṃ. Uparipāsādato oropetvā heṭṭhāpāsāde vasantassapi eseva nayo. Rattiṭṭhānadivāṭṭhānesu mañcapīṭhaṃ paññapetvā bahigamanakāle puna gahitaṭṭhāneyeva ṭhapetabbaṃ.
83. сзнаасанзсу бана аяам̣ аабужчид̇аб̣б̣аанаабужчид̇аб̣б̣авинижчаяо – яаа д̇аава бхуумияам̣ д̣̇ийгхасаалаа ваа бан̣н̣асаалаа ваа ход̇и, яам̣ ваа ругкад̇т̇амбхзсу гад̇аг̇зхам̣ убажигаанам̣ удтаанадтаанам̣ ход̇и, д̇ад̇о баггаманд̇зна д̇аава аабужчид̇ваава баггамид̇аб̣б̣ам̣. д̇асмин̃хи гад̇ибаяаани д̣̇ивасаани аж̇аг̇г̇ияамаанз ваммигаава санд̇идтанд̇и. яам̣ бана баасаан̣абидтияам̣ ваа баасаан̣ад̇т̇амбхзсу ваа гад̇асзнаасанам̣ силужжаяалзн̣ам̣ ваа суд̇хаалид̇д̇асзнаасанам̣ ваа, яад̇т̇а яад̇т̇а убажигаасан̇гаа над̇т̇и, д̇ад̇о баггаманд̇асса аабужчид̇вааби анаабужчид̇вааби г̇анд̇ум̣ ваддад̇и, аабужчанам̣ бана вад̇д̇ам̣. сажз д̇аад̣̇исзби сзнаасанз згзна бассзна убажигаа аароханд̇и, аабужчид̇ваава г̇анд̇аб̣б̣ам̣. яо бана ааг̇анд̇уго бхигку сан̇гхигасзнаасанам̣ г̇ахзд̇ваава санд̇ам̣ бхигкум̣ анувад̇д̇анд̇о ад̇д̇ано сзнаасанам̣ аг̇г̇ахзд̇ваа васад̇и, яаава со на г̇ан̣хаад̇и, д̇аава д̇ам̣ сзнаасанам̣ буримабхигкуссзва балиб̣од̇хо. яад̣̇аа бана со сзнаасанам̣ г̇ахзд̇ваа ад̇д̇ано иссариязна васад̇и, д̇ад̇о бадтааяа ааг̇анд̇угассзва балиб̣од̇хо. сажз убхоби вибхаж̇ид̇ваа г̇ан̣ханд̇и, убхиннамби балиб̣од̇хо.
83. Senāsanesu pana ayaṃ āpucchitabbānāpucchitabbavinicchayo – yā tāva bhūmiyaṃ dīghasālā vā paṇṇasālā vā hoti, yaṃ vā rukkhatthambhesu katagehaṃ upacikānaṃ uṭṭhānaṭṭhānaṃ hoti, tato pakkamantena tāva āpucchitvāva pakkamitabbaṃ. Tasmiñhi katipayāni divasāni ajaggiyamāne vammikāva santiṭṭhanti. Yaṃ pana pāsāṇapiṭṭhiyaṃ vā pāsāṇatthambhesu vā katasenāsanaṃ siluccayaleṇaṃ vā sudhālittasenāsanaṃ vā, yattha yattha upacikāsaṅkā natthi, tato pakkamantassa āpucchitvāpi anāpucchitvāpi gantuṃ vaṭṭati, āpucchanaṃ pana vattaṃ. Sace tādisepi senāsane ekena passena upacikā ārohanti, āpucchitvāva gantabbaṃ. Yo pana āgantuko bhikkhu saṅghikasenāsanaṃ gahetvāva santaṃ bhikkhuṃ anuvattanto attano senāsanaṃ aggahetvā vasati, yāva so na gaṇhāti, tāva taṃ senāsanaṃ purimabhikkhusseva palibodho. Yadā pana so senāsanaṃ gahetvā attano issariyena vasati, tato paṭṭhāya āgantukasseva palibodho. Sace ubhopi vibhajitvā gaṇhanti, ubhinnampi palibodho.
махаабажжарияам̣ бана вуд̇д̇ам̣ – сажз д̣̇вз д̇аяо згад̇о худ̇ваа бан̃н̃абзнд̇и, г̇аманагаалз саб̣б̣зхи аабужчид̇аб̣б̣ам̣. д̇зсу жз батамам̣ г̇ажчанд̇о ‘‘бажчимо ж̇аг̇г̇иссад̇ий’’д̇и аабхог̇ам̣ гад̇ваа г̇ажчад̇и, ваддад̇и , бажчимасса аабхог̇зна муд̇д̇и над̇т̇и. б̣ахуу згам̣ бзсзд̇ваа сант̇араабзнд̇и, г̇аманагаалз саб̣б̣зхи ваа аабужчид̇аб̣б̣ам̣, згам̣ ваа бзсзд̇ваа аабужчид̇аб̣б̣ам̣. ан̃н̃ад̇о ман̃жабийтаад̣̇ийни аанзд̇ваа ан̃н̃ад̇ра васид̇ваа г̇аманагаалз д̇ад̇т̇зва нзд̇аб̣б̣аани. сажз ан̃н̃ад̇о аанзд̇ваа васамаанасса ан̃н̃о вуд̣дхад̇аро ааг̇ажчад̇и, на бадиб̣аахид̇аб̣б̣о , ‘‘маяаа, бханд̇з, ан̃н̃ааваасад̇о аанийд̇ам̣, баагад̇игам̣ гарзяяаат̇аа’’д̇и вад̇д̇аб̣б̣ам̣. д̇зна ‘‘звам̣ гариссаамий’’д̇и самбадижчид̇з ид̇арасса г̇анд̇ум̣ ваддад̇и. звам̣ ан̃н̃ад̇т̇а харид̇вааби сан̇гхигабарибхог̇зна барибхун̃ж̇анд̇асса хи надтам̣ ваа ж̇ин̣н̣ам̣ ваа жорзхи ваа хадам̣ г̇ийваа нзва ход̇и, буг̇г̇алигабарибхог̇зна барибхун̃ж̇анд̇асса бана г̇ийваа ход̇и. ан̃н̃асса ман̃жабийтам̣ бана сан̇гхигабарибхог̇зна ваа буг̇г̇алигабарибхог̇зна ваа барибхун̃ж̇анд̇асса надтам̣ г̇ийвааязва. анд̇овихаарз сзяяам̣ сант̇арид̇ваа ‘‘аж̇ж̇зва ааг̇анд̇ваа бадиж̇аг̇г̇иссаамий’’д̇и звам̣ саабзгко над̣̇ийбаарам̣ г̇ааманд̇арам̣ ваа г̇анд̇ваа яад̇т̇асса г̇аманажид̇д̇ам̣ уббаннам̣, д̇ад̇т̇зва тид̇о ган̃жи бзсзд̇ваа аабужчад̇и, над̣̇ийбуурарааж̇ажораад̣̇ийсу ваа гзнажи балиб̣од̇хо ход̇и убад̣̇д̣̇уд̇о, на саггод̇и бажжааг̇анд̇ум̣, звам̣бхууд̇асса анаабад̇д̇и.
Mahāpaccariyaṃ pana vuttaṃ – sace dve tayo ekato hutvā paññapenti, gamanakāle sabbehi āpucchitabbaṃ. Tesu ce paṭhamaṃ gacchanto ‘‘pacchimo jaggissatī’’ti ābhogaṃ katvā gacchati, vaṭṭati , pacchimassa ābhogena mutti natthi. Bahū ekaṃ pesetvā santharāpenti, gamanakāle sabbehi vā āpucchitabbaṃ, ekaṃ vā pesetvā āpucchitabbaṃ. Aññato mañcapīṭhādīni ānetvā aññatra vasitvā gamanakāle tattheva netabbāni. Sace aññato ānetvā vasamānassa añño vuḍḍhataro āgacchati, na paṭibāhitabbo , ‘‘mayā, bhante, aññāvāsato ānītaṃ, pākatikaṃ kareyyāthā’’ti vattabbaṃ. Tena ‘‘evaṃ karissāmī’’ti sampaṭicchite itarassa gantuṃ vaṭṭati. Evaṃ aññattha haritvāpi saṅghikaparibhogena paribhuñjantassa hi naṭṭhaṃ vā jiṇṇaṃ vā corehi vā haṭaṃ gīvā neva hoti, puggalikaparibhogena paribhuñjantassa pana gīvā hoti. Aññassa mañcapīṭhaṃ pana saṅghikaparibhogena vā puggalikaparibhogena vā paribhuñjantassa naṭṭhaṃ gīvāyeva. Antovihāre seyyaṃ santharitvā ‘‘ajjeva āgantvā paṭijaggissāmī’’ti evaṃ sāpekkho nadīpāraṃ gāmantaraṃ vā gantvā yatthassa gamanacittaṃ uppannaṃ, tattheva ṭhito kañci pesetvā āpucchati, nadīpūrarājacorādīsu vā kenaci palibodho hoti upadduto, na sakkoti paccāgantuṃ, evaṃbhūtassa anāpatti.
вихаарасса убажаарз бана убадтаанасаалааяа ваа ман̣д̣абз ваа ругкамуулз ваа сзяяам̣ сант̇арид̇ваа ваа сант̇араабзд̇ваа ваа д̇ам̣ баггаманд̇о нзва уд̣̇д̇харад̇и на уд̣̇д̇хараабзд̇и анаабужчам̣ ваа г̇ажчад̇и, д̣̇уггадам̣. вуд̇д̇аббагааран̃хи д̣̇асавид̇хам̣ сзяяам̣ анд̇ог̇аб̣бхаад̣̇имхи г̇уд̇д̇адтаанз бан̃н̃абзд̇ваа г̇ажчанд̇асса яасмаа сзяяааби сзнаасанамби убажигаахи балуж̇ж̇ад̇и, ваммигараасиязва ход̇и, д̇асмаа баажид̇д̇ияам̣ вуд̇д̇ам̣. б̣ахи бана убадтаанасаалаад̣̇ийсу бан̃н̃абзд̇ваа г̇ажчанд̇асса сзяяаамад̇д̇амзва нассзяяа таанасса аг̇уд̇д̇ад̇ааяа, на сзнаасанам̣, д̇асмаа зд̇т̇а д̣̇уггадам̣ вуд̇д̇ам̣. ман̃жабийтам̣ бана яасмаа на саггаа сахасаа убажигаахи кааяид̇ум̣, д̇асмаа д̇ам̣ вихаарзби сант̇арид̇ваа г̇ажчанд̇асса д̣̇уггадам̣. вихаарассуубажаарз убадтаанасаалааяам̣ ман̣д̣абз ругкамуулзби сант̇арид̇ваа баггаманд̇асса д̣̇уггадамзва.
Vihārassa upacāre pana upaṭṭhānasālāya vā maṇḍape vā rukkhamūle vā seyyaṃ santharitvā vā santharāpetvā vā taṃ pakkamanto neva uddharati na uddharāpeti anāpucchaṃ vā gacchati, dukkaṭaṃ. Vuttappakārañhi dasavidhaṃ seyyaṃ antogabbhādimhi guttaṭṭhāne paññapetvā gacchantassa yasmā seyyāpi senāsanampi upacikāhi palujjati, vammikarāsiyeva hoti, tasmā pācittiyaṃ vuttaṃ. Bahi pana upaṭṭhānasālādīsu paññapetvā gacchantassa seyyāmattameva nasseyya ṭhānassa aguttatāya, na senāsanaṃ, tasmā ettha dukkaṭaṃ vuttaṃ. Mañcapīṭhaṃ pana yasmā na sakkā sahasā upacikāhi khāyituṃ, tasmā taṃ vihārepi santharitvā gacchantassa dukkaṭaṃ. Vihārassūpacāre upaṭṭhānasālāyaṃ maṇḍape rukkhamūlepi santharitvā pakkamantassa dukkaṭameva.
84. ‘‘яо бана бхигку сан̇гхигам̣ ман̃жам̣ ваа бийтам̣ ваа бхисим̣ ваа гожчам̣ ваа аж̇жхогаасз сант̇арид̇ваа ваа сант̇араабзд̇ваа ваа д̇ам̣ баггаманд̇о нзва уд̣̇д̇харзяяа на уд̣̇д̇хараабзяяа анаабужчам̣ ваа г̇ажчзяяа, баажид̇д̇ияа’’нд̇и (баажи. 109) важанад̇о сан̇гхигаани бана ман̃жабийтаад̣̇ийни жад̇д̇аари аж̇жхогаасз сант̇арид̇ваа ваа сант̇араабзд̇ваа ваа уд̣̇д̇харан̣аад̣̇ийни агад̇ваа ‘‘аж̇ж̇зва ааг̇амиссаамий’’д̇и г̇ажчанд̇ассаби т̇аамамаж̇жхимасса бурисасса лзд̣д̣убаад̇аад̇иггамз баажид̇д̇ияам̣. зд̇т̇а гожчам̣ наама ваагамаяам̣ ваа усийрамаяам̣ ваа мун̃ж̇амаяам̣ ваа баб̣б̣аж̇амаяам̣ ваа хздтаа жа убари жа вид̇т̇ад̇ам̣ маж̇жхз сам̣кид̇д̇ам̣ бан̣авасан̣таанам̣ гад̇ваа б̣ад̣̇д̇хам̣. д̇ам̣ гира маж̇жхз сийхаб̣яаг̇гхажаммабаригкид̇д̇амби гаронд̇и, агаббияажаммам̣ наамзд̇т̇а над̇т̇и. сзнаасанан̃хи сован̣н̣амаяамби ваддад̇и, д̇асмаа д̇ам̣ махаг̇гхам̣ ход̇и.
84. ‘‘Yo pana bhikkhu saṅghikaṃ mañcaṃ vā pīṭhaṃ vā bhisiṃ vā kocchaṃ vā ajjhokāse santharitvā vā santharāpetvā vā taṃ pakkamanto neva uddhareyya na uddharāpeyya anāpucchaṃ vā gaccheyya, pācittiya’’nti (pāci. 109) vacanato saṅghikāni pana mañcapīṭhādīni cattāri ajjhokāse santharitvā vā santharāpetvā vā uddharaṇādīni akatvā ‘‘ajjeva āgamissāmī’’ti gacchantassapi thāmamajjhimassa purisassa leḍḍupātātikkame pācittiyaṃ. Ettha kocchaṃ nāma vākamayaṃ vā usīramayaṃ vā muñjamayaṃ vā pabbajamayaṃ vā heṭṭhā ca upari ca vitthataṃ majjhe saṃkhittaṃ paṇavasaṇṭhānaṃ katvā baddhaṃ. Taṃ kira majjhe sīhabyagghacammaparikkhittampi karonti, akappiyacammaṃ nāmettha natthi. Senāsanañhi sovaṇṇamayampi vaṭṭati, tasmā taṃ mahagghaṃ hoti.
‘‘ануж̇аанаами, бхигкавз, адта маасз авассигасан̇гзд̇з ман̣д̣абз ваа ругкамуулз ваа яад̇т̇а гаагаа ваа гулалаа ваа на уухад̣̇анд̇и, д̇ад̇т̇а сзнаасанам̣ нигкибид̇у’’нд̇и (баажи. 110) важанад̇о бана вассигавассаанамаасаад̇и звам̣ абан̃н̃аад̇з жад̇д̇ааро хзманд̇игз, жад̇д̇ааро г̇имхигзд̇и адта маасз саакааман̣д̣абз ваа бад̣̇араман̣д̣абз ваа ругкамуулз ваа нигкибид̇ум̣ ваддад̇и. яасмим̣ бана гаагаа ваа гулалаа ваа ан̃н̃з ваа сагунд̇аа д̇хуваниваасзна гулаавагз гад̇ваа васанд̇и, д̇асса ругкасса муулз на нигкибид̇аб̣б̣ам̣. ‘‘адта маасз’’д̇и важанад̇о язсу ж̇анабад̣̇зсу вассагаалз на вассад̇и, д̇зсу жад̇д̇ааро маасз нигкибид̇ум̣ на ваддад̇иязва. ‘‘авассигасан̇гзд̇з’’д̇и важанад̇о яад̇т̇а хзманд̇з д̣̇зво вассад̇и, д̇ад̇т̇а хзманд̇зби аж̇жхогаасз нигкибид̇ум̣ на ваддад̇и. г̇имхз бана саб̣б̣ад̇т̇а виг̇ад̇авалаахагам̣ висуд̣̇д̇хам̣ над̇ам̣ ход̇и, зваруубз гаалз гзнажид̣̇зва гаран̣ийязна аж̇жхогаасз ман̃жабийтам̣ нигкибид̇ум̣ ваддад̇и.
‘‘Anujānāmi, bhikkhave, aṭṭha māse avassikasaṅkete maṇḍape vā rukkhamūle vā yattha kākā vā kulalā vā na ūhadanti, tattha senāsanaṃ nikkhipitu’’nti (pāci. 110) vacanato pana vassikavassānamāsāti evaṃ apaññāte cattāro hemantike, cattāro gimhiketi aṭṭha māse sākhāmaṇḍape vā padaramaṇḍape vā rukkhamūle vā nikkhipituṃ vaṭṭati. Yasmiṃ pana kākā vā kulalā vā aññe vā sakuntā dhuvanivāsena kulāvake katvā vasanti, tassa rukkhassa mūle na nikkhipitabbaṃ. ‘‘Aṭṭha māse’’ti vacanato yesu janapadesu vassakāle na vassati, tesu cattāro māse nikkhipituṃ na vaṭṭatiyeva. ‘‘Avassikasaṅkete’’ti vacanato yattha hemante devo vassati, tattha hemantepi ajjhokāse nikkhipituṃ na vaṭṭati. Gimhe pana sabbattha vigatavalāhakaṃ visuddhaṃ nataṃ hoti, evarūpe kāle kenacideva karaṇīyena ajjhokāse mañcapīṭhaṃ nikkhipituṃ vaṭṭati.
85. аб̣бхогаасигзнаби вад̇д̇ам̣ ж̇аанид̇аб̣б̣ам̣. д̇асса хи сажз буг̇г̇алигаман̃жаго ад̇т̇и, д̇ад̇т̇зва саяид̇аб̣б̣ам̣. сан̇гхигам̣ г̇ан̣ханд̇зна взд̇д̇зна ваа ваагзна ваа вийд̇аман̃жаго г̇ахзд̇аб̣б̣о, д̇асмим̣ асад̇и бураан̣аман̃жаго г̇ахзд̇аб̣б̣о, д̇асмим̣ асад̇и нававааяимо ваа онад̣̇д̇хаго ваа г̇ахзд̇аб̣б̣о. г̇ахзд̇ваа бана ‘‘ахам̣ уггадтаругкамуулиго уггадтааб̣бхогаасиго’’д̇и жийварагудимби агад̇ваа асамаяз аж̇жхогаасз ваа ругкамуулз ваа бан̃н̃абзд̇ваа нибаж̇ж̇ид̇ум̣ на ваддад̇и. сажз бана жад̇уг̇г̇ун̣знаби жийварзна гад̇аа гуди ад̇змзнд̇ам̣ рагкид̇ум̣ на саггод̇и, сад̇д̇аахавад̣̇д̣̇алигаад̣̇ийни бхаванд̇и, бхигкуно гааяаануг̇ад̇игад̇д̇аа ваддад̇и. аран̃н̃з бан̣н̣агудийсу васанд̇аанам̣ сийласамбад̣̇ааяа басаннажид̇д̇аа мануссаа навам̣ ман̃жабийтам̣ д̣̇знд̇и ‘‘сан̇гхигабарибхог̇зна барибхун̃ж̇ат̇аа’’д̇и, васид̇ваа г̇ажчанд̇зхи сааманд̇авихаарз сабхааг̇абхигкуунам̣ бзсзд̇ваа г̇анд̇аб̣б̣ам̣, сабхааг̇аанам̣ абхаавзна ановассагз нигкибид̇ваа г̇анд̇аб̣б̣ам̣, ановассагз асад̇и ругкз лаг̇г̇зд̇ваа г̇анд̇аб̣б̣ам̣. жзд̇ияан̇г̇ан̣з саммаж̇ж̇аним̣ г̇ахзд̇ваа бхож̇анасаалан̇г̇ан̣ам̣ ваа убосат̇ааг̇ааран̇г̇ан̣ам̣ ваа баривзн̣ад̣̇иваадтаанааг̇г̇исаалаад̣̇ийсу ваа ан̃н̃ад̇арам̣ саммаж̇ж̇ид̇ваа д̇ховид̇ваа буна саммаж̇ж̇анимаал̣агзязва табзд̇аб̣б̣аа. убосат̇ааг̇аараад̣̇ийсу ан̃н̃ад̇арасмим̣ г̇ахзд̇ваа авасзсаани саммаж̇ж̇анд̇ассаби зсзва наяо.
85. Abbhokāsikenapi vattaṃ jānitabbaṃ. Tassa hi sace puggalikamañcako atthi, tattheva sayitabbaṃ. Saṅghikaṃ gaṇhantena vettena vā vākena vā vītamañcako gahetabbo, tasmiṃ asati purāṇamañcako gahetabbo, tasmiṃ asati navavāyimo vā onaddhako vā gahetabbo. Gahetvā pana ‘‘ahaṃ ukkaṭṭharukkhamūliko ukkaṭṭhaabbhokāsiko’’ti cīvarakuṭimpi akatvā asamaye ajjhokāse vā rukkhamūle vā paññapetvā nipajjituṃ na vaṭṭati. Sace pana catugguṇenapi cīvarena katā kuṭi atementaṃ rakkhituṃ na sakkoti, sattāhavaddalikādīni bhavanti, bhikkhuno kāyānugatikattā vaṭṭati. Araññe paṇṇakuṭīsu vasantānaṃ sīlasampadāya pasannacittā manussā navaṃ mañcapīṭhaṃ denti ‘‘saṅghikaparibhogena paribhuñjathā’’ti, vasitvā gacchantehi sāmantavihāre sabhāgabhikkhūnaṃ pesetvā gantabbaṃ, sabhāgānaṃ abhāvena anovassake nikkhipitvā gantabbaṃ, anovassake asati rukkhe laggetvā gantabbaṃ. Cetiyaṅgaṇe sammajjaniṃ gahetvā bhojanasālaṅgaṇaṃ vā uposathāgāraṅgaṇaṃ vā pariveṇadivāṭṭhānaaggisālādīsu vā aññataraṃ sammajjitvā dhovitvā puna sammajjanimāḷakeyeva ṭhapetabbā. Uposathāgārādīsu aññatarasmiṃ gahetvā avasesāni sammajjantassapi eseva nayo.
яо бана бхигкаажаарамаг̇г̇ам̣ саммаж̇ж̇анд̇о г̇анд̇угаамо ход̇и, д̇зна саммаж̇ж̇ид̇ваа сажз анд̇араамаг̇г̇з саалаа ад̇т̇и, д̇ад̇т̇а табзд̇аб̣б̣аа. сажз над̇т̇и, валаахагаанам̣ анудтид̇абхаавам̣ саллагкзд̇ваа ‘‘яааваахам̣ г̇аамад̇о нигкамаами, д̇аава на вассиссад̇ий’’д̇и ж̇аананд̇зна яад̇т̇а гад̇т̇ажи нигкибид̇ваа буна бажжааг̇ажчанд̇зна баагад̇игадтаанз табзд̇аб̣б̣аа. ‘‘сажз вассиссад̇ийд̇и ж̇аананд̇о аж̇жхогаасз табзд̇и, д̣̇уггада’’нд̇и махаабажжарияам̣ вуд̇д̇ам̣. сажз бана д̇ад̇ра д̇ад̇рзва саммаж̇ж̇анад̇т̇ааяа саммаж̇ж̇аний нигкид̇д̇аа ход̇и, д̇ам̣ д̇ам̣ таанам̣ саммаж̇ж̇ид̇ваа д̇ад̇ра д̇ад̇рзва нигкибид̇ум̣ ваддад̇и, аасанасаалам̣ саммаж̇ж̇анд̇зна вад̇д̇ам̣ ж̇аанид̇аб̣б̣ам̣. д̇ад̇рид̣̇ам̣ вад̇д̇ам̣ – маж̇жхад̇о бадтааяа баад̣̇адтаанаабхимукаа ваалигаа харид̇аб̣б̣аа, гажаварам̣ хад̇т̇зхи г̇ахзд̇ваа б̣ахи чад̣д̣зд̇аб̣б̣ам̣.
Yo pana bhikkhācāramaggaṃ sammajjanto gantukāmo hoti, tena sammajjitvā sace antarāmagge sālā atthi, tattha ṭhapetabbā. Sace natthi, valāhakānaṃ anuṭṭhitabhāvaṃ sallakkhetvā ‘‘yāvāhaṃ gāmato nikkhamāmi, tāva na vassissatī’’ti jānantena yattha katthaci nikkhipitvā puna paccāgacchantena pākatikaṭṭhāne ṭhapetabbā. ‘‘Sace vassissatīti jānanto ajjhokāse ṭhapeti, dukkaṭa’’nti mahāpaccariyaṃ vuttaṃ. Sace pana tatra tatreva sammajjanatthāya sammajjanī nikkhittā hoti, taṃ taṃ ṭhānaṃ sammajjitvā tatra tatreva nikkhipituṃ vaṭṭati, āsanasālaṃ sammajjantena vattaṃ jānitabbaṃ. Tatridaṃ vattaṃ – majjhato paṭṭhāya pādaṭṭhānābhimukhā vālikā haritabbā, kacavaraṃ hatthehi gahetvā bahi chaḍḍetabbaṃ.
86. сажз вуд̇д̇аббагаарам̣ жад̇уб̣б̣ид̇хамби сан̇гхигам̣ сзнаасанам̣ аж̇жхогаасз ваа ругкамуулз ваа ман̣д̣абз ваа анубасамбаннзна сант̇араабзд̇и, язна сант̇араабид̇ам̣, д̇асса балиб̣од̇хо. сажз бана убасамбаннзна сант̇араабзд̇и, язна сант̇ад̇ам̣, д̇асса балиб̣од̇хо. д̇ад̇рааяам̣ винижчаяо (баажи. адта. 111) – т̇зро бхож̇анасаалааяам̣ бхад̇д̇агижжам̣ гад̇ваа д̣̇ахарам̣ аан̣аабзд̇и ‘‘г̇ажча д̣̇иваадтаанз ман̃жабийтам̣ бан̃н̃абзхий’’д̇и. со д̇ат̇аа гад̇ваа нисинно, т̇зро яат̇ааружи вижарид̇ваа д̇ад̇т̇а г̇анд̇ваа т̇авигам̣ ваа уд̇д̇араасан̇г̇ам̣ ваа табзд̇и, д̇ад̇о бадтааяа т̇зрасса балиб̣од̇хо. нисийд̣̇ид̇ваа саяам̣ г̇ажчанд̇о нзва уд̣̇д̇харад̇и на уд̣̇д̇хараабзд̇и, лзд̣д̣убаад̇аад̇иггамз баажид̇д̇ияам̣. сажз бана т̇зро д̇ад̇т̇а т̇авигам̣ ваа уд̇д̇араасан̇г̇ам̣ ваа адтабзд̇ваа жан̇гаманд̇ова д̣̇ахарам̣ ‘‘г̇ажча д̇ва’’нд̇и бхан̣ад̇и, д̇зна ‘‘ид̣̇ам̣, бханд̇з, ман̃жабийта’’нд̇и аажигкид̇аб̣б̣ам̣. сажз т̇зро вад̇д̇ам̣ ж̇аанаад̇и, ‘‘д̇вам̣ г̇ажча, ахам̣ баагад̇игам̣ гариссаамий’’д̇и вад̇д̇аб̣б̣ам̣. сажз б̣аало ход̇и ануг̇г̇ахид̇авад̇д̇о, ‘‘г̇ажча, маа ид̇ха д̇идта, нзва нисийд̣̇ид̇ум̣ на нибаж̇ж̇ид̇ум̣ д̣̇змий’’д̇и д̣̇ахарам̣ д̇аж̇ж̇зд̇иязва. д̣̇ахарзна ‘‘бханд̇з, сукам̣ саяат̇аа’’д̇и габбам̣ лабхид̇ваа ванд̣̇ид̇ваа г̇анд̇аб̣б̣ам̣. д̇асмим̣ г̇ад̇з т̇зрассзва балиб̣од̇хо, буриманаязнзва жасса аабад̇д̇и взд̣̇ид̇аб̣б̣аа.
86. Sace vuttappakāraṃ catubbidhampi saṅghikaṃ senāsanaṃ ajjhokāse vā rukkhamūle vā maṇḍape vā anupasampannena santharāpeti, yena santharāpitaṃ, tassa palibodho. Sace pana upasampannena santharāpeti, yena santhataṃ, tassa palibodho. Tatrāyaṃ vinicchayo (pāci. aṭṭha. 111) – thero bhojanasālāyaṃ bhattakiccaṃ katvā daharaṃ āṇāpeti ‘‘gaccha divāṭṭhāne mañcapīṭhaṃ paññapehī’’ti. So tathā katvā nisinno, thero yathāruci vicaritvā tattha gantvā thavikaṃ vā uttarāsaṅgaṃ vā ṭhapeti, tato paṭṭhāya therassa palibodho. Nisīditvā sayaṃ gacchanto neva uddharati na uddharāpeti, leḍḍupātātikkame pācittiyaṃ. Sace pana thero tattha thavikaṃ vā uttarāsaṅgaṃ vā aṭṭhapetvā caṅkamantova daharaṃ ‘‘gaccha tva’’nti bhaṇati, tena ‘‘idaṃ, bhante, mañcapīṭha’’nti ācikkhitabbaṃ. Sace thero vattaṃ jānāti, ‘‘tvaṃ gaccha, ahaṃ pākatikaṃ karissāmī’’ti vattabbaṃ. Sace bālo hoti anuggahitavatto, ‘‘gaccha, mā idha tiṭṭha, neva nisīdituṃ na nipajjituṃ demī’’ti daharaṃ tajjetiyeva. Daharena ‘‘bhante, sukhaṃ sayathā’’ti kappaṃ labhitvā vanditvā gantabbaṃ. Tasmiṃ gate therasseva palibodho, purimanayeneva cassa āpatti veditabbā.
ат̇а бана аан̣ад̇д̇игкан̣зязва д̣̇ахаро ‘‘маяхам̣ бхан̣д̣з бхан̣д̣ад̇хованаад̣̇и гин̃жи гаран̣ийяам̣ ад̇т̇ий’’д̇и вад̣̇ад̇и, т̇зро бана д̇ам̣ ‘‘бан̃н̃абзд̇ваа г̇ажчаахий’’д̇и вад̇ваа бхож̇анасаалад̇о нигкамид̇ваа ан̃н̃ад̇т̇а г̇ажчад̇и, баад̣̇уд̣̇д̇хаарзна гаарзд̇аб̣б̣о . сажз д̇ад̇т̇зва г̇анд̇ваа нисийд̣̇ад̇и, буриманаязнзва жасса лзд̣д̣убаад̇аад̇иггамз аабад̇д̇и. сажз бана т̇зро сааман̣зрам̣ аан̣аабзд̇и, сааман̣зрз д̇ад̇т̇а ман̃жабийтам̣ бан̃н̃абзд̇ваа нисиннзби бхож̇анасаалад̇о ан̃н̃ад̇т̇а г̇ажчанд̇о баад̣̇уд̣̇д̇хаарзна гаарзд̇аб̣б̣о. г̇анд̇ваа нисинно буна г̇аманагаалз лзд̣д̣убаад̇аад̇иггамз аабад̇д̇ияаа гаарзд̇аб̣б̣о. сажз бана аан̣аабзнд̇о ‘‘ман̃жабийтам̣ бан̃н̃абзд̇ваа д̇ад̇т̇зва нисийд̣̇аа’’д̇и аан̣аабзд̇и, яад̇рижчад̇и, д̇ад̇ра г̇анд̇ваа ааг̇анд̇ум̣ лабхад̇и. саяам̣ бана баагад̇игам̣ агад̇ваа г̇ажчанд̇асса лзд̣д̣убаад̇аад̇иггамз баажид̇д̇ияам̣. анд̇арасаннибаад̇з ман̃жабийтаад̣̇ийни бан̃н̃абзд̇ваа нисиннзхи г̇аманагаалз аараамигаанам̣ ‘‘ид̣̇ам̣ бадисаамзт̇аа’’д̇и вад̇д̇аб̣б̣ам̣, авад̇ваа г̇ажчанд̇аанам̣ лзд̣д̣убаад̇аад̇иггамз аабад̇д̇и.
Atha pana āṇattikkhaṇeyeva daharo ‘‘mayhaṃ bhaṇḍe bhaṇḍadhovanādi kiñci karaṇīyaṃ atthī’’ti vadati, thero pana taṃ ‘‘paññapetvā gacchāhī’’ti vatvā bhojanasālato nikkhamitvā aññattha gacchati, pāduddhārena kāretabbo . Sace tattheva gantvā nisīdati, purimanayeneva cassa leḍḍupātātikkame āpatti. Sace pana thero sāmaṇeraṃ āṇāpeti, sāmaṇere tattha mañcapīṭhaṃ paññapetvā nisinnepi bhojanasālato aññattha gacchanto pāduddhārena kāretabbo. Gantvā nisinno puna gamanakāle leḍḍupātātikkame āpattiyā kāretabbo. Sace pana āṇāpento ‘‘mañcapīṭhaṃ paññapetvā tattheva nisīdā’’ti āṇāpeti, yatricchati, tatra gantvā āgantuṃ labhati. Sayaṃ pana pākatikaṃ akatvā gacchantassa leḍḍupātātikkame pācittiyaṃ. Antarasannipāte mañcapīṭhādīni paññapetvā nisinnehi gamanakāle ārāmikānaṃ ‘‘idaṃ paṭisāmethā’’ti vattabbaṃ, avatvā gacchantānaṃ leḍḍupātātikkame āpatti.
87. махаад̇хаммассаванам̣ наама ход̇и, д̇ад̇т̇а убосат̇ааг̇аарад̇оби бхож̇анасаалад̇оби аахарид̇ваа ман̃жабийтаани бан̃н̃абзнд̇и, ааваасигаанам̣язва балиб̣од̇хо. сажз ааг̇анд̇угаа ‘‘ид̣̇ам̣ амхаагам̣ убаж̇жхааяасса, ид̣̇ам̣ аажарияассаа’’д̇и г̇ан̣ханд̇и, д̇ад̇о бадтааяа д̇зсам̣ балиб̣од̇хо. г̇аманагаалз баагад̇игам̣ агад̇ваа лзд̣д̣убаад̇ам̣ ад̇иггаманд̇аанам̣ аабад̇д̇и. махаабажжарияам̣ бана вуд̇д̇ам̣ ‘‘яаава ан̃н̃з на нисийд̣̇анд̇и, д̇аава язхи бан̃н̃ад̇д̇ам̣, д̇зсам̣ бхааро, ан̃н̃зсу ааг̇анд̇ваа нисиннзсу нисиннагаанам̣ бхааро. сажз д̇з ануд̣̇д̇харид̇ваа ваа ануд̣̇д̇хараабзд̇ваа ваа г̇ажчанд̇и, д̣̇уггадам̣. гасмаа? анаан̣ад̇д̇ияаа бан̃н̃абид̇ад̇д̇аа’’д̇и. д̇хаммаасанз бан̃н̃ад̇д̇з яаава уссаараго ваа д̇хаммагат̇иго ваа нааг̇ажчад̇и, д̇аава бан̃н̃аабагаанам̣ балиб̣од̇хо. д̇асмим̣ ааг̇анд̇ваа нисиннз д̇асса балиб̣од̇хо. сагалам̣ ахорад̇д̇ам̣ д̇хаммассаванам̣ ход̇и, ан̃н̃о уссаараго ваа д̇хаммагат̇иго ваа удтаад̇и, ан̃н̃о нисийд̣̇ад̇и, яо яо ааг̇анд̇ваа нисийд̣̇ад̇и, д̇асса д̇ассзва бхааро. удтаханд̇зна бана ‘‘ид̣̇амаасанам̣ д̇умхаагам̣ бхааро’’д̇и вад̇ваа г̇анд̇аб̣б̣ам̣. сажзби ид̇арасмим̣ анааг̇ад̇з батамам̣ нисинно удтааяа г̇ажчад̇и, д̇асмин̃жа анд̇оубажаарадтзязва ид̇аро ааг̇анд̇ваа нисийд̣̇ад̇и, удтааяа г̇ад̇о аабад̇д̇ияаа на гаарзд̇аб̣б̣о. сажз бана ид̇арасмим̣ анааг̇ад̇зязва батамам̣ нисинно удтааяаасанаа лзд̣д̣убаад̇ам̣ ад̇иггамад̇и, аабад̇д̇ияаа гаарзд̇аб̣б̣о. ‘‘саб̣б̣ад̇т̇а лзд̣д̣убаад̇аад̇иггамз батамабаад̣̇з д̣̇уггадам̣, д̣̇уд̇ияабаад̣̇з баажид̇д̇ияа’’нд̇и аяам̣ наяо махаабажжарияам̣ вуд̇д̇од̇и.
87. Mahādhammassavanaṃ nāma hoti, tattha uposathāgāratopi bhojanasālatopi āharitvā mañcapīṭhāni paññapenti, āvāsikānaṃyeva palibodho. Sace āgantukā ‘‘idaṃ amhākaṃ upajjhāyassa, idaṃ ācariyassā’’ti gaṇhanti, tato paṭṭhāya tesaṃ palibodho. Gamanakāle pākatikaṃ akatvā leḍḍupātaṃ atikkamantānaṃ āpatti. Mahāpaccariyaṃ pana vuttaṃ ‘‘yāva aññe na nisīdanti, tāva yehi paññattaṃ, tesaṃ bhāro, aññesu āgantvā nisinnesu nisinnakānaṃ bhāro. Sace te anuddharitvā vā anuddharāpetvā vā gacchanti, dukkaṭaṃ. Kasmā? Anāṇattiyā paññapitattā’’ti. Dhammāsane paññatte yāva ussārako vā dhammakathiko vā nāgacchati, tāva paññāpakānaṃ palibodho. Tasmiṃ āgantvā nisinne tassa palibodho. Sakalaṃ ahorattaṃ dhammassavanaṃ hoti, añño ussārako vā dhammakathiko vā uṭṭhāti, añño nisīdati, yo yo āgantvā nisīdati, tassa tasseva bhāro. Uṭṭhahantena pana ‘‘idamāsanaṃ tumhākaṃ bhāro’’ti vatvā gantabbaṃ. Sacepi itarasmiṃ anāgate paṭhamaṃ nisinno uṭṭhāya gacchati, tasmiñca antoupacāraṭṭheyeva itaro āgantvā nisīdati, uṭṭhāya gato āpattiyā na kāretabbo. Sace pana itarasmiṃ anāgateyeva paṭhamaṃ nisinno uṭṭhāyāsanā leḍḍupātaṃ atikkamati, āpattiyā kāretabbo. ‘‘Sabbattha leḍḍupātātikkame paṭhamapāde dukkaṭaṃ, dutiyapāde pācittiya’’nti ayaṃ nayo mahāpaccariyaṃ vuttoti.
88. сажз бана вуд̇д̇аббагаарасзнаасанад̇о ан̃н̃ам̣ сан̇гхигам̣ жимилигам̣ ваа уд̇д̇арад̇т̇аран̣ам̣ ваа бхуумад̇т̇аран̣ам̣ ваа д̇аддигам̣ ваа жаммакан̣д̣ам̣ ваа баад̣̇абун̃чаним̣ ваа палагабийтам̣ ваа аж̇жхогаасз сант̇арид̇ваа ваа сант̇араабзд̇ваа ваа д̇ам̣ баггаманд̇о нзва уд̣̇д̇харад̇и на уд̣̇д̇хараабзд̇и анаабужчам̣ ваа г̇ажчад̇и, д̣̇уггадам̣. аад̇хаарагам̣ бад̇д̇абид̇хаанагам̣ баад̣̇агаталигам̣ д̇аалаван̣дам̣ б̣ийж̇анибад̇д̇агам̣ яам̣ гин̃жи д̣̇аарубхан̣д̣ам̣ анд̇амасо баанийяаул̣ун̇гам̣ баанийяасан̇кам̣ аж̇жхогаасз нигкибид̇ваа г̇ажчанд̇ассаби д̣̇уггадам̣. аж̇жхогаасз раж̇анам̣ бажид̇ваа раж̇анабхааж̇анам̣ раж̇анаул̣ун̇го раж̇анад̣̇он̣игаад̇и саб̣б̣ам̣ аг̇г̇исаалааяа бадисаамзд̇аб̣б̣ам̣. сажз аг̇г̇исаалаа над̇т̇и, ановассагз баб̣бхаарз нигкибид̇аб̣б̣ам̣. д̇асмимби асад̇и яад̇т̇а ологзнд̇аа бхигкуу бассанд̇и, д̇аад̣̇исз таанз табзд̇ваа г̇анд̇ум̣ ваддад̇и. ан̃н̃абуг̇г̇алигз бана ман̃жабийтаад̣̇исзнаасанзби д̣̇уггадамзва. зд̇т̇а бана ‘‘яасмим̣ виссаасаг̇г̇аахо на рухад̇и, д̇асса санд̇агз д̣̇уггадам̣. яасмим̣ бана виссаасаг̇г̇аахо рухад̇и, д̇асса санд̇агам̣ ад̇д̇ано буг̇г̇алигамзва ход̇ий’’д̇и махаабажжарияаад̣̇ийсу вуд̇д̇ам̣. ад̇д̇ано буг̇г̇алигз бана анаабад̇д̇иязва. яо бхигку ваа сааман̣зро ваа аараамиго ваа лаж̇ж̇ий ход̇и, ад̇д̇ано балиб̣од̇хам̣ вияа ман̃н̃ад̇и, д̇ат̇ааруубам̣ анаабужчид̇ваа г̇ажчанд̇ассаби анаабад̇д̇и. яо бана аад̇абз од̇аабзнд̇о ‘‘ааг̇анд̇ваа уд̣̇д̇хариссаамий’’д̇и г̇ажчад̇и, д̇ассаби анаабад̇д̇и.
88. Sace pana vuttappakārasenāsanato aññaṃ saṅghikaṃ cimilikaṃ vā uttarattharaṇaṃ vā bhūmattharaṇaṃ vā taṭṭikaṃ vā cammakhaṇḍaṃ vā pādapuñchaniṃ vā phalakapīṭhaṃ vā ajjhokāse santharitvā vā santharāpetvā vā taṃ pakkamanto neva uddharati na uddharāpeti anāpucchaṃ vā gacchati, dukkaṭaṃ. Ādhārakaṃ pattapidhānakaṃ pādakaṭhalikaṃ tālavaṇṭaṃ bījanipattakaṃ yaṃ kiñci dārubhaṇḍaṃ antamaso pānīyauḷuṅkaṃ pānīyasaṅkhaṃ ajjhokāse nikkhipitvā gacchantassapi dukkaṭaṃ. Ajjhokāse rajanaṃ pacitvā rajanabhājanaṃ rajanauḷuṅko rajanadoṇikāti sabbaṃ aggisālāya paṭisāmetabbaṃ. Sace aggisālā natthi, anovassake pabbhāre nikkhipitabbaṃ. Tasmimpi asati yattha olokentā bhikkhū passanti, tādise ṭhāne ṭhapetvā gantuṃ vaṭṭati. Aññapuggalike pana mañcapīṭhādisenāsanepi dukkaṭameva. Ettha pana ‘‘yasmiṃ vissāsaggāho na ruhati, tassa santake dukkaṭaṃ. Yasmiṃ pana vissāsaggāho ruhati, tassa santakaṃ attano puggalikameva hotī’’ti mahāpaccariyādīsu vuttaṃ. Attano puggalike pana anāpattiyeva. Yo bhikkhu vā sāmaṇero vā ārāmiko vā lajjī hoti, attano palibodhaṃ viya maññati, tathārūpaṃ anāpucchitvā gacchantassapi anāpatti. Yo pana ātape otāpento ‘‘āgantvā uddharissāmī’’ti gacchati, tassapi anāpatti.
ид̇и баал̣имуд̇д̇агавинаяавинижчаяасан̇г̇ахз
Iti pāḷimuttakavinayavinicchayasaṅgahe
ман̃жабийтаад̣̇исан̇гхигасзнаасанзсу
Mañcapīṭhādisaṅghikasenāsanesu
бадибаж̇ж̇ид̇аб̣б̣авинижчаяагат̇аа самад̇д̇аа.
Paṭipajjitabbavinicchayakathā samattā.
