| Library / Tipiṭaka / തിപിടക • Tipiṭaka / വിമതിവിനോദനീ-ടീകാ • Vimativinodanī-ṭīkā |
൫. മഞ്ചപീഠസിക്ഖാപദവണ്ണനാ
5. Mañcapīṭhasikkhāpadavaṇṇanā
൫൨൧. പഞ്ചമേ പാളിയം ആസയതോ, ഭിക്ഖവേ, മോഘപുരിസോ വേദിതബ്ബോതി ഹീനജ്ഝാസയവസേന അയം തുച്ഛപുരിസോതി ഞാതബ്ബോ, ഹീനായ പച്ചയേ ലോലതായ പുഗ്ഗലസ്സ തുച്ഛതാ ഞാതബ്ബാതി അധിപ്പായോ. ഇമസ്മിം സിക്ഖാപദേ, ഇതോ പരേസു ച പഞ്ചസു അത്തനാ കാരാപിതസ്സ പടിലാഭേ ഏവ പാചിത്തിയം. പരിഭോഗേ പനസ്സ, അഞ്ഞേസഞ്ച ദുക്കടമേവ. പമാണാതിക്കന്തമഞ്ചപീഠതാ, അത്തനോ കരണകാരാപനവസേന പടിലാഭോതി ദ്വേ അങ്ഗാനി.
521. Pañcame pāḷiyaṃ āsayato, bhikkhave, moghapuriso veditabboti hīnajjhāsayavasena ayaṃ tucchapurisoti ñātabbo, hīnāya paccaye lolatāya puggalassa tucchatā ñātabbāti adhippāyo. Imasmiṃ sikkhāpade, ito paresu ca pañcasu attanā kārāpitassa paṭilābhe eva pācittiyaṃ. Paribhoge panassa, aññesañca dukkaṭameva. Pamāṇātikkantamañcapīṭhatā, attano karaṇakārāpanavasena paṭilābhoti dve aṅgāni.
മഞ്ചപീഠസിക്ഖാപദവണ്ണനാ നിട്ഠിതാ.
Mañcapīṭhasikkhāpadavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / വിനയപിടക • Vinayapiṭaka / മഹാവിഭങ്ഗ • Mahāvibhaṅga / ൯. രതനവഗ്ഗോ • 9. Ratanavaggo
ടീകാ • Tīkā / വിനയപിടക (ടീകാ) • Vinayapiṭaka (ṭīkā) / വജിരബുദ്ധി-ടീകാ • Vajirabuddhi-ṭīkā / ൫. മഞ്ചസിക്ഖാപദവണ്ണനാ • 5. Mañcasikkhāpadavaṇṇanā
