| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[253] 3. ман̣иган̣таж̇аад̇агаван̣н̣анаа
[253] 3. Maṇikaṇṭhajātakavaṇṇanā
маманнабаананд̇и ид̣̇ам̣ сад̇т̇аа аал̣авим̣ ниссааяа аг̇г̇аал̣авз жзд̇ияз вихаранд̇о гудигаарасигкаабад̣̇ам̣ (баараа. 342) аараб̣бха гат̇зси. аал̣авагаа хи бхигкуу сан̃н̃аажигааяа гудияо гаараяамаанаа яаажанаб̣ахулаа вин̃н̃ад̇д̇иб̣ахулаа вихарим̣су ‘‘бурисам̣ д̣̇зт̇а, бурисад̇т̇агарам̣ д̣̇зт̇аа’’д̇иаад̣̇ийни вад̣̇анд̇аа. мануссаа убад̣̇д̣̇уд̇аа яаажанааяа убад̣̇д̣̇уд̇аа вин̃н̃ад̇д̇ияаа бхигкуу д̣̇исваа уб̣б̣иж̇ж̇им̣суби уд̇д̇асим̣суби балааяим̣суби. ат̇ааяасмаа махаагассабо аал̣авим̣ убасан̇гамид̇ваа бин̣д̣ааяа баависи, мануссаа т̇зрамби д̣̇исваа д̇ат̇зва бадибаж̇ж̇им̣су. со бажчаабхад̇д̇ам̣ бин̣д̣абаад̇абадигганд̇о бхигкуу ааманд̇зд̇ваа ‘‘буб̣б̣ааяам̣, аавусо, аал̣авий сулабхабин̣д̣аа, ид̣̇аани гасмаа д̣̇уллабхабин̣д̣аа ж̇аад̇аа’’д̇и бужчид̇ваа д̇ам̣ гааран̣ам̣ суд̇ваа бхаг̇авад̇и аал̣авим̣ ааг̇анд̇ваа аг̇г̇аал̣аважзд̇ияз вихаранд̇з бхаг̇аванд̇ам̣ убасан̇гамид̇ваа зд̇амад̇т̇ам̣ аарожзси. сад̇т̇аа зд̇асмим̣ гааран̣з бхигкусан̇гхам̣ саннибаад̇аабзд̇ваа аал̣авагз бхигкуу бадибужчи – ‘‘сажжам̣ гира д̇умхз, бхигкавз, сан̃н̃аажигааяа гудияо гаарзт̇аа’’д̇и. ‘‘сажжам̣, бханд̇з’’д̇и вуд̇д̇з д̇з бхигкуу г̇арахид̇ваа ‘‘бхигкавз, яаажанаа наамзсаа сад̇д̇арад̇анабарибун̣н̣з нааг̇абхаванз васанд̇аанам̣ нааг̇аанамби аманаабаа, баг̇зва мануссаанам̣, язсам̣ згам̣ гахаабан̣агам̣ уббаад̣̇знд̇аанам̣ баасаан̣ад̇о мам̣сам̣ уббааданагаало вияа ход̇ий’’д̇и вад̇ваа ад̇ийд̇ам̣ аахари.
Mamannapānanti idaṃ satthā āḷaviṃ nissāya aggāḷave cetiye viharanto kuṭikārasikkhāpadaṃ (pārā. 342) ārabbha kathesi. Āḷavakā hi bhikkhū saññācikāya kuṭiyo kārayamānā yācanabahulā viññattibahulā vihariṃsu ‘‘purisaṃ detha, purisatthakaraṃ dethā’’tiādīni vadantā. Manussā upaddutā yācanāya upaddutā viññattiyā bhikkhū disvā ubbijjiṃsupi uttasiṃsupi palāyiṃsupi. Athāyasmā mahākassapo āḷaviṃ upasaṅkamitvā piṇḍāya pāvisi, manussā therampi disvā tatheva paṭipajjiṃsu. So pacchābhattaṃ piṇḍapātapaṭikkanto bhikkhū āmantetvā ‘‘pubbāyaṃ, āvuso, āḷavī sulabhapiṇḍā, idāni kasmā dullabhapiṇḍā jātā’’ti pucchitvā taṃ kāraṇaṃ sutvā bhagavati āḷaviṃ āgantvā aggāḷavacetiye viharante bhagavantaṃ upasaṅkamitvā etamatthaṃ ārocesi. Satthā etasmiṃ kāraṇe bhikkhusaṅghaṃ sannipātāpetvā āḷavake bhikkhū paṭipucchi – ‘‘saccaṃ kira tumhe, bhikkhave, saññācikāya kuṭiyo kārethā’’ti. ‘‘Saccaṃ, bhante’’ti vutte te bhikkhū garahitvā ‘‘bhikkhave, yācanā nāmesā sattaratanaparipuṇṇe nāgabhavane vasantānaṃ nāgānampi amanāpā, pageva manussānaṃ, yesaṃ ekaṃ kahāpaṇakaṃ uppādentānaṃ pāsāṇato maṃsaṃ uppāṭanakālo viya hotī’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о махаавибхавз б̣раахман̣агулз ниб̣б̣ад̇д̇и. д̇асса аад̇хаавид̇ваа барид̇хаавид̇ваа вижаран̣агаалз ан̃н̃оби бун̃н̃аваа сад̇д̇о д̇асса маад̇у гужчисмим̣ ниб̣б̣ад̇д̇и. д̇з убхоби бхаад̇аро ваяаббад̇д̇аа маад̇аабид̇уунам̣ гаалагирияааяа сам̣виг̇г̇ахад̣̇аяаа исибаб̣б̣аж̇ж̇ам̣ баб̣б̣аж̇ид̇ваа г̇ан̇г̇аад̇ийрз бан̣н̣асаалам̣ маабзд̇ваа васим̣су. д̇зсу ж̇здтасса убариг̇ан̇г̇ааяа бан̣н̣асаалаа ахоси, ганидтасса ад̇хог̇ан̇г̇ааяа. ат̇згад̣̇ивасам̣ ман̣иган̣то наама нааг̇арааж̇аа нааг̇абхаванаа нигкамид̇ваа г̇ан̇г̇аад̇ийрз маан̣авагавзсзна вижаранд̇о ганидтасса ассамам̣ г̇анд̇ваа ванд̣̇ид̇ваа згаманд̇ам̣ нисийд̣̇и, д̇з ан̃н̃аман̃н̃ам̣ саммод̣̇анийяагат̇ам̣ гат̇зд̇ваа виссаасигаа ахзсум̣, винаа вад̇д̇ид̇ум̣ наасагким̣су. ман̣иган̣то абхин̣хам̣ ганидтад̇аабасасса санд̇игам̣ ааг̇анд̇ваа гат̇аасаллаабзна нисийд̣̇ид̇ваа г̇аманагаалз д̇аабасз синзхзна ад̇д̇абхаавам̣ виж̇ахид̇ваа бхог̇зхи д̇аабасам̣ баригкибанд̇о бариссаж̇ид̇ваа убаримуд̣̇д̇хани маханд̇ам̣ пан̣ам̣ д̇хаарзд̇ваа т̇огам̣ васид̇ваа д̇ам̣ синзхам̣ винод̣̇зд̇ваа сарийрам̣ винивзтзд̇ваа д̇аабасам̣ ванд̣̇ид̇ваа сагадтаанамзва г̇ажчад̇и. д̇аабасо д̇асса бхаязна гисо ахоси лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о.
Atīte bārāṇasiyaṃ brahmadatte rajjaṃ kārente bodhisatto mahāvibhave brāhmaṇakule nibbatti. Tassa ādhāvitvā paridhāvitvā vicaraṇakāle aññopi puññavā satto tassa mātu kucchismiṃ nibbatti. Te ubhopi bhātaro vayappattā mātāpitūnaṃ kālakiriyāya saṃviggahadayā isipabbajjaṃ pabbajitvā gaṅgātīre paṇṇasālaṃ māpetvā vasiṃsu. Tesu jeṭṭhassa uparigaṅgāya paṇṇasālā ahosi, kaniṭṭhassa adhogaṅgāya. Athekadivasaṃ maṇikaṇṭho nāma nāgarājā nāgabhavanā nikkhamitvā gaṅgātīre māṇavakavesena vicaranto kaniṭṭhassa assamaṃ gantvā vanditvā ekamantaṃ nisīdi, te aññamaññaṃ sammodanīyakathaṃ kathetvā vissāsikā ahesuṃ, vinā vattituṃ nāsakkhiṃsu. Maṇikaṇṭho abhiṇhaṃ kaniṭṭhatāpasassa santikaṃ āgantvā kathāsallāpena nisīditvā gamanakāle tāpase sinehena attabhāvaṃ vijahitvā bhogehi tāpasaṃ parikkhipanto parissajitvā uparimuddhani mahantaṃ phaṇaṃ dhāretvā thokaṃ vasitvā taṃ sinehaṃ vinodetvā sarīraṃ viniveṭhetvā tāpasaṃ vanditvā sakaṭṭhānameva gacchati. Tāpaso tassa bhayena kiso ahosi lūkho dubbaṇṇo uppaṇḍuppaṇḍukajāto dhamanisanthatagatto.
со згад̣̇ивасам̣ бхаад̇у санд̇игам̣ аг̇амааси. ат̇а нам̣ со бужчи – ‘‘гисса, д̇вам̣ бхо, гисо лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о’’д̇и. со д̇асса д̇ам̣ бавад̇д̇им̣ аарожзд̇ваа ‘‘гим̣ бана, д̇вам̣ бхо, д̇асса нааг̇арааж̇асса ааг̇аманам̣ ижчаси, на ижчасий’’д̇и будто ‘‘на ижчаамий’’д̇и вад̇ваа ‘‘со бана нааг̇арааж̇аа д̇ава санд̇игам̣ ааг̇ажчанд̇о гим̣ бил̣анд̇ханам̣ бил̣анд̇хид̇ваа ааг̇ажчад̇ий’’д̇и вуд̇д̇з ‘‘ман̣ирад̇ана’’нд̇и ааха. д̇зна хи д̇вам̣ д̇асмим̣ нааг̇арааж̇з д̇ава санд̇игам̣ ааг̇анд̇ваа анисиннзязва ‘‘ман̣им̣ мз д̣̇зхий’’д̇и яаажа, звам̣ со нааг̇о д̇ам̣ бхог̇зхи абаригкибид̇ваава г̇амиссад̇и. бунад̣̇ивасз ассамабад̣̇ад̣̇ваарз тад̇ваа ааг̇ажчанд̇амзва нам̣ яаажзяяааси, д̇ад̇ияад̣̇ивасз г̇ан̇г̇аад̇ийрз тад̇ваа уд̣̇агаа уммуж̇ж̇анд̇амзва нам̣ яаажзяяааси, звам̣ со д̇ава санд̇игам̣ буна на ааг̇амиссад̇ийд̇и.
So ekadivasaṃ bhātu santikaṃ agamāsi. Atha naṃ so pucchi – ‘‘kissa, tvaṃ bho, kiso lūkho dubbaṇṇo uppaṇḍuppaṇḍukajāto dhamanisanthatagatto’’ti. So tassa taṃ pavattiṃ ārocetvā ‘‘kiṃ pana, tvaṃ bho, tassa nāgarājassa āgamanaṃ icchasi, na icchasī’’ti puṭṭho ‘‘na icchāmī’’ti vatvā ‘‘so pana nāgarājā tava santikaṃ āgacchanto kiṃ piḷandhanaṃ piḷandhitvā āgacchatī’’ti vutte ‘‘maṇiratana’’nti āha. Tena hi tvaṃ tasmiṃ nāgarāje tava santikaṃ āgantvā anisinneyeva ‘‘maṇiṃ me dehī’’ti yāca, evaṃ so nāgo taṃ bhogehi aparikkhipitvāva gamissati. Punadivase assamapadadvāre ṭhatvā āgacchantameva naṃ yāceyyāsi, tatiyadivase gaṅgātīre ṭhatvā udakā ummujjantameva naṃ yāceyyāsi, evaṃ so tava santikaṃ puna na āgamissatīti.
д̇аабасо ‘‘саад̇хуу’’д̇и бадиссун̣ид̇ваа ад̇д̇ано бан̣н̣асаалам̣ г̇анд̇ваа бунад̣̇ивасз нааг̇арааж̇аанам̣ ааг̇анд̇ваа тид̇амад̇д̇амзва ‘‘зд̇ам̣ ад̇д̇ано бил̣анд̇ханаман̣им̣ мз д̣̇зхий’’д̇и яаажи, со анисийд̣̇ид̇ваава балааяи. ат̇а нам̣ д̣̇уд̇ияад̣̇ивасз ассамабад̣̇ад̣̇ваарз тад̇ваа ааг̇ажчанд̇амзва ‘‘хияяо мз ман̣ирад̇анам̣ наад̣̇ааси, аж̇ж̇а д̣̇аанам̣ лад̣̇д̇хум̣ ваддад̇ий’’д̇и ааха. нааг̇о ассамабад̣̇ам̣ абависид̇ваава балааяи. д̇ад̇ияад̣̇ивасз уд̣̇агад̇о уммуж̇ж̇анд̇амзва нам̣ ‘‘аж̇ж̇а мз д̇ад̇ияо д̣̇ивасо яаажанд̇асса, д̣̇зхи д̣̇аани мз зд̇ам̣ ман̣ирад̇ана’’нд̇и ааха. нааг̇арааж̇аа уд̣̇агз тад̇ваава д̇аабасам̣ бадигкибанд̇о д̣̇вз г̇аат̇аа ааха –
Tāpaso ‘‘sādhū’’ti paṭissuṇitvā attano paṇṇasālaṃ gantvā punadivase nāgarājānaṃ āgantvā ṭhitamattameva ‘‘etaṃ attano piḷandhanamaṇiṃ me dehī’’ti yāci, so anisīditvāva palāyi. Atha naṃ dutiyadivase assamapadadvāre ṭhatvā āgacchantameva ‘‘hiyyo me maṇiratanaṃ nādāsi, ajja dānaṃ laddhuṃ vaṭṭatī’’ti āha. Nāgo assamapadaṃ apavisitvāva palāyi. Tatiyadivase udakato ummujjantameva naṃ ‘‘ajja me tatiyo divaso yācantassa, dehi dāni me etaṃ maṇiratana’’nti āha. Nāgarājā udake ṭhatvāva tāpasaṃ paṭikkhipanto dve gāthā āha –
7.
7.
‘‘маманнабаанам̣ вибулам̣ ул̣аарам̣, уббаж̇ж̇ад̇иймасса ман̣исса хзд̇у;
‘‘Mamannapānaṃ vipulaṃ uḷāraṃ, uppajjatīmassa maṇissa hetu;
д̇ам̣ д̇з на д̣̇ассам̣ ад̇ияаажагоси, на жааби д̇з ассамамааг̇амиссам̣.
Taṃ te na dassaṃ atiyācakosi, na cāpi te assamamāgamissaṃ.
8.
8.
‘‘сусуу яат̇аа сагкарад̇ход̇абаан̣ий, д̇аасзсимам̣ сзлам̣ яаажамаано;
‘‘Susū yathā sakkharadhotapāṇī, tāsesimaṃ selaṃ yācamāno;
д̇ам̣ д̇з на д̣̇ассам̣ ад̇ияаажагоси, на жааби д̇з ассамамааг̇амисса’’нд̇и.
Taṃ te na dassaṃ atiyācakosi, na cāpi te assamamāgamissa’’nti.
д̇ад̇т̇а маманнабаананд̇и мама яааг̇убхад̇д̇аад̣̇ид̣̇иб̣б̣абхож̇анам̣ адтабаанагабхзд̣̇ан̃жа д̣̇иб̣б̣абаанам̣. вибуланд̇и б̣аху. ул̣ааранд̇и сздтам̣ бан̣ийд̇ам̣. д̇ам̣ д̇зд̇и д̇ам̣ ман̣им̣ д̇уяхам̣. ад̇ияаажагосийд̇и гаалан̃жа бамаан̣ан̃жа ад̇иггамид̇ваа аж̇ж̇а д̇ийн̣и д̣̇ивасаани маяхам̣ бияам̣ манаабам̣ ман̣ирад̇анам̣ яаажамаано ад̇иггамма яаажагоси. на жааби д̇зд̇и на гзвалам̣ на д̣̇ассам̣, ассамамби д̇з нааг̇амиссам̣. сусуу яат̇аад̇и яат̇аа наама яуваа д̇арун̣амануссо. сагкарад̇ход̇абаан̣ийд̇и сагкарааяа д̇ход̇абаан̣и, д̇злзна баасаан̣з д̇ход̇аасихад̇т̇о. д̇аасзсимам̣ сзлам̣ яаажамаанод̇и имам̣ ман̣им̣ яаажанд̇о д̇вам̣ ган̃жанат̇арукаг̇г̇ам̣ аб̣б̣аахид̇ваа ‘‘сийсам̣ д̇з чинд̣̇аамий’’д̇и вад̣̇анд̇о д̇арун̣абурисо вияа мам̣ д̇аасзси.
Tattha mamannapānanti mama yāgubhattādidibbabhojanaṃ aṭṭhapānakabhedañca dibbapānaṃ. Vipulanti bahu. Uḷāranti seṭṭhaṃ paṇītaṃ. Taṃ teti taṃ maṇiṃ tuyhaṃ. Atiyācakosīti kālañca pamāṇañca atikkamitvā ajja tīṇi divasāni mayhaṃ piyaṃ manāpaṃ maṇiratanaṃ yācamāno atikkamma yācakosi. Na cāpi teti na kevalaṃ na dassaṃ, assamampi te nāgamissaṃ. Susū yathāti yathā nāma yuvā taruṇamanusso. Sakkharadhotapāṇīti sakkharāya dhotapāṇi, telena pāsāṇe dhotaasihattho. Tāsesimaṃ selaṃ yācamānoti imaṃ maṇiṃ yācanto tvaṃ kañcanatharukhaggaṃ abbāhitvā ‘‘sīsaṃ te chindāmī’’ti vadanto taruṇapuriso viya maṃ tāsesi.
звам̣ вад̇ваа со нааг̇арааж̇аа уд̣̇агз нимуж̇ж̇ид̇ваа ад̇д̇ано нааг̇абхаванамзва г̇анд̇ваа на бажжааг̇ан̃чи. ат̇а со д̇аабасо д̇асса д̣̇ассанийяасса нааг̇арааж̇асса ад̣̇ассанзна бхияяосомад̇д̇ааяа гисо ахоси лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о. ат̇а ж̇здтад̇аабасо ‘‘ганидтасса бавад̇д̇им̣ ж̇ааниссаамий’’д̇и д̇асса санд̇игам̣ ааг̇анд̇ваа д̇ам̣ бхияяосомад̇д̇ааяа бан̣д̣урог̇инам̣ д̣̇исваа ‘‘гим̣ ну ко, бхо, д̇вам̣ бхияяосомад̇д̇ааяа бан̣д̣урог̇ий ж̇аад̇о’’д̇и вад̇ваа ‘‘д̇асса д̣̇ассанийяасса нааг̇арааж̇асса ад̣̇ассанзнаа’’д̇и суд̇ваа ‘‘аяам̣ д̇аабасо нааг̇арааж̇аанам̣ винаа вад̇д̇ид̇ум̣ на саггод̇ий’’д̇и саллагкзд̇ваа д̇ад̇ияам̣ г̇аат̇амааха –
Evaṃ vatvā so nāgarājā udake nimujjitvā attano nāgabhavanameva gantvā na paccāgañchi. Atha so tāpaso tassa dassanīyassa nāgarājassa adassanena bhiyyosomattāya kiso ahosi lūkho dubbaṇṇo uppaṇḍuppaṇḍukajāto dhamanisanthatagatto. Atha jeṭṭhatāpaso ‘‘kaniṭṭhassa pavattiṃ jānissāmī’’ti tassa santikaṃ āgantvā taṃ bhiyyosomattāya paṇḍuroginaṃ disvā ‘‘kiṃ nu kho, bho, tvaṃ bhiyyosomattāya paṇḍurogī jāto’’ti vatvā ‘‘tassa dassanīyassa nāgarājassa adassanenā’’ti sutvā ‘‘ayaṃ tāpaso nāgarājānaṃ vinā vattituṃ na sakkotī’’ti sallakkhetvā tatiyaṃ gāthamāha –
9.
9.
‘‘на д̇ам̣ яаажз яасса бияам̣ ж̇иг̇ийсз, д̣̇зссо ход̇и ад̇ияаажанааяа;
‘‘Na taṃ yāce yassa piyaṃ jigīse, desso hoti atiyācanāya;
нааг̇о ман̣им̣ яаажид̇о б̣раахман̣зна, ад̣̇ассанам̣язва д̇ад̣̇аж̇жхаг̇амаа’’д̇и.
Nāgo maṇiṃ yācito brāhmaṇena, adassanaṃyeva tadajjhagamā’’ti.
д̇ад̇т̇а на д̇ам̣ яаажзд̇и д̇ам̣ бхан̣д̣ам̣ на яаажзяяа. яасса бияам̣ ж̇иг̇ийсзд̇и яам̣ бхан̣д̣ам̣ асса буг̇г̇аласса бияанд̇и ж̇аанзяяа. д̣̇зссо ход̇ийд̇и аббияо ход̇и. ад̇ияаажанааяаад̇и бамаан̣ам̣ ад̇иггамид̇ваа варабхан̣д̣ам̣ яаажанд̇о д̇ааяа ад̇ияаажанааяа. ад̣̇ассанам̣язва д̇ад̣̇аж̇жхаг̇амаад̇и д̇ад̇о бадтааяа ад̣̇ассанамзва г̇ад̇од̇и.
Tattha na taṃ yāceti taṃ bhaṇḍaṃ na yāceyya. Yassa piyaṃ jigīseti yaṃ bhaṇḍaṃ assa puggalassa piyanti jāneyya. Desso hotīti appiyo hoti. Atiyācanāyāti pamāṇaṃ atikkamitvā varabhaṇḍaṃ yācanto tāya atiyācanāya. Adassanaṃyeva tadajjhagamāti tato paṭṭhāya adassanameva gatoti.
звам̣ бана д̇ам̣ вад̇ваа ‘‘ид̇о д̣̇аани бадтааяа маа сожий’’д̇и самассаасзд̇ваа ж̇здтабхаад̇аа ад̇д̇ано ассамамзва г̇ад̇о. ат̇аабарабхааг̇з д̇з д̣̇взби бхаад̇аро абхин̃н̃аа жа самаабад̇д̇ияо жа ниб̣б̣ад̇д̇зд̇ваа б̣рахмалогабарааяан̣аа ахзсум̣.
Evaṃ pana taṃ vatvā ‘‘ito dāni paṭṭhāya mā socī’’ti samassāsetvā jeṭṭhabhātā attano assamameva gato. Athāparabhāge te dvepi bhātaro abhiññā ca samāpattiyo ca nibbattetvā brahmalokaparāyaṇā ahesuṃ.
сад̇т̇аа ‘‘звам̣, бхигкавз, сад̇д̇арад̇анабарибун̣н̣з нааг̇абхаванз васанд̇аанам̣ нааг̇аанамби яаажанаа наама аманаабаа, гиман̇г̇ам̣ бана мануссаана’’нд̇и имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ганидто аананд̣̇о ахоси, ж̇здто бана ахамзва ахоси’’нд̇и.
Satthā ‘‘evaṃ, bhikkhave, sattaratanaparipuṇṇe nāgabhavane vasantānaṃ nāgānampi yācanā nāma amanāpā, kimaṅgaṃ pana manussāna’’nti imaṃ dhammadesanaṃ āharitvā jātakaṃ samodhānesi – ‘‘tadā kaniṭṭho ānando ahosi, jeṭṭho pana ahameva ahosi’’nti.
ман̣иган̣таж̇аад̇агаван̣н̣анаа д̇ад̇ияаа.
Maṇikaṇṭhajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 253. ман̣иган̣таж̇аад̇агам̣ • 253. Maṇikaṇṭhajātakaṃ
