| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
5. бан̃жаганибаад̇о
5. Pañcakanipāto
1. ман̣игун̣д̣алаваг̇г̇о
1. Maṇikuṇḍalavaggo
[351] 1. ман̣игун̣д̣алаж̇аад̇агаван̣н̣анаа
[351] 1. Maṇikuṇḍalajātakavaṇṇanā
ж̇ийно рат̇ассам̣ ман̣игун̣д̣алз жаад̇и ид̣̇ам̣ сад̇т̇аа ж̇зд̇аванз вихаранд̇о госаларан̃н̃о анд̇збурз саб̣б̣ад̇т̇асаад̇хагам̣ бад̣̇удтаамажжам̣ аараб̣бха гат̇зси. вад̇т̇у хздтаа вид̇т̇аарид̇амзва. ид̇ха бана б̣од̇хисад̇д̇о б̣аараан̣асирааж̇аа ахоси. бад̣̇удтаамажжо госаларааж̇аанам̣ аанзд̇ваа гаасираж̇ж̇ам̣ г̇аахаабзд̇ваа б̣аараан̣асирааж̇аанам̣ б̣анд̇хаабзд̇ваа б̣анд̇ханааг̇аарз багкибаабзси. рааж̇аа жхаанам̣ уббаад̣̇зд̇ваа аагаасз баллан̇гзна нисийд̣̇и, жораран̃н̃о сарийрз д̣аахо уббаж̇ж̇и. со б̣аараан̣асирааж̇аанам̣ убасан̇гамид̇ваа батамам̣ г̇аат̇амааха –
Jīnorathassaṃ maṇikuṇḍale cāti idaṃ satthā jetavane viharanto kosalarañño antepure sabbatthasādhakaṃ paduṭṭhāmaccaṃ ārabbha kathesi. Vatthu heṭṭhā vitthāritameva. Idha pana bodhisatto bārāṇasirājā ahosi. Paduṭṭhāmacco kosalarājānaṃ ānetvā kāsirajjaṃ gāhāpetvā bārāṇasirājānaṃ bandhāpetvā bandhanāgāre pakkhipāpesi. Rājā jhānaṃ uppādetvā ākāse pallaṅkena nisīdi, corarañño sarīre ḍāho uppajji. So bārāṇasirājānaṃ upasaṅkamitvā paṭhamaṃ gāthamāha –
1.
1.
‘‘ж̇ийно рат̇ассам̣ ман̣игун̣д̣алз жа, буд̇д̇з жа д̣̇аарз жа д̇ат̇зва ж̇ийно;
‘‘Jīno rathassaṃ maṇikuṇḍale ca, putte ca dāre ca tatheva jīno;
саб̣б̣зсу бхог̇зсу асзсагзсу, гасмаа на санд̇аббаси согагаалз’’д̇и.
Sabbesu bhogesu asesakesu, kasmā na santappasi sokakāle’’ti.
д̇ад̇т̇а ж̇ийно рат̇ассам̣ ман̣игун̣д̣алз жаад̇и махаарааж̇а, д̇вам̣ рат̇ан̃жа ассан̃жа ман̣игун̣д̣алаани жа ж̇ийно, ‘‘ж̇ийно рат̇ассз жа ман̣игун̣д̣алз жаа’’д̇иби баато. асзсагзсууд̇и ниссзсагзсу.
Tattha jīno rathassaṃ maṇikuṇḍale cāti mahārāja, tvaṃ rathañca assañca maṇikuṇḍalāni ca jīno, ‘‘jīno rathasse ca maṇikuṇḍale cā’’tipi pāṭho. Asesakesūti nissesakesu.
д̇ам̣ суд̇ваа б̣од̇хисад̇д̇о имаа д̣̇вз г̇аат̇аа абхааси –
Taṃ sutvā bodhisatto imā dve gāthā abhāsi –
2.
2.
‘‘буб̣б̣зва мажжам̣ виж̇аханд̇и бхог̇аа, мажжо ваа д̇з буб̣б̣ад̇арам̣ ж̇ахаад̇и;
‘‘Pubbeva maccaṃ vijahanti bhogā, macco vā te pubbataraṃ jahāti;
асассад̇аа бхог̇ино гаамагаами, д̇асмаа на сожаамахам̣ согагаалз.
Asassatā bhogino kāmakāmi, tasmā na socāmahaṃ sokakāle.
3.
3.
‘‘уд̣̇зд̇и аабуурад̇и взд̇и жанд̣̇о, ад̇т̇ам̣ д̇абзд̇ваана балзд̇и суурияо;
‘‘Udeti āpūrati veti cando, atthaṃ tapetvāna paleti sūriyo;
вид̣̇ид̇аа маяаа сад̇д̇уга логад̇хаммаа, д̇асмаа на сожаамахам̣ согагаалз’’д̇и.
Viditā mayā sattuka lokadhammā, tasmā na socāmahaṃ sokakāle’’ti.
д̇ад̇т̇а буб̣б̣зва мажжанд̇и мажжам̣ ваа бхог̇аа буб̣б̣зва батамад̇аран̃н̃зва виж̇аханд̇и, мажжо ваа д̇з бхог̇з буб̣б̣ад̇арам̣ ж̇ахаад̇и. гаамагаамийд̇и жорарааж̇аанам̣ аалабад̇и. амбхо, гаамз гаамаяамаана гаамагаами бхог̇ино наама логз асассад̇аа, бхог̇зсу ваа надтзсу ж̇ийвамаанаава абхог̇ино хонд̇и, бхог̇з ваа бахааяа саяам̣ нассанд̇и, д̇асмаа ахам̣ махааж̇анасса согагаалзби на сожаамийд̇и ад̇т̇о. вид̣̇ид̇аа маяаа сад̇д̇уга логад̇хаммаад̇и жорарааж̇аанам̣ аалабад̇и. амбхо, сад̇д̇уга, маяаа лаабхо алаабхо яасо аяасод̇иаад̣̇аяо логад̇хаммаа вид̣̇ид̇аа. яат̇зва хи жанд̣̇о уд̣̇зд̇и жа буурад̇и жа буна жа кийяад̇и, яат̇аа жа суурияо анд̇хагаарам̣ вид̇хаманд̇о маханд̇ам̣ аалогам̣ д̇абзд̇ваана буна сааяам̣ ад̇т̇ам̣ балзд̇и ад̇т̇ам̣ г̇ажчад̇и на д̣̇иссад̇и, звамзва бхог̇аа уббаж̇ж̇анд̇и жа нассанд̇и жа, д̇ад̇т̇а гим̣ согзна, д̇асмаа на сожаамийд̇и ад̇т̇о.
Tattha pubbeva maccanti maccaṃ vā bhogā pubbeva paṭhamataraññeva vijahanti, macco vā te bhoge pubbataraṃ jahāti. Kāmakāmīti corarājānaṃ ālapati. Ambho, kāme kāmayamāna kāmakāmi bhogino nāma loke asassatā, bhogesu vā naṭṭhesu jīvamānāva abhogino honti, bhoge vā pahāya sayaṃ nassanti, tasmā ahaṃ mahājanassa sokakālepi na socāmīti attho. Viditā mayā sattuka lokadhammāti corarājānaṃ ālapati. Ambho, sattuka, mayā lābho alābho yaso ayasotiādayo lokadhammā viditā. Yatheva hi cando udeti ca pūrati ca puna ca khīyati, yathā ca sūriyo andhakāraṃ vidhamanto mahantaṃ ālokaṃ tapetvāna puna sāyaṃ atthaṃ paleti atthaṃ gacchati na dissati, evameva bhogā uppajjanti ca nassanti ca, tattha kiṃ sokena, tasmā na socāmīti attho.
звам̣ махаасад̇д̇о жораран̃н̃о д̇хаммам̣ д̣̇зсзд̇ваа ид̣̇аани д̇амзва жорам̣ г̇араханд̇о ааха –
Evaṃ mahāsatto corarañño dhammaṃ desetvā idāni tameva coraṃ garahanto āha –
4.
4.
‘‘аласо г̇ихий гаамабхог̇ий на саад̇ху, асан̃н̃ад̇о баб̣б̣аж̇ид̇о на саад̇ху;
‘‘Alaso gihī kāmabhogī na sādhu, asaññato pabbajito na sādhu;
рааж̇аа на саад̇ху анисаммагаарий, яо бан̣д̣ид̇о год̇хано д̇ам̣ на саад̇ху.
Rājā na sādhu anisammakārī, yo paṇḍito kodhano taṃ na sādhu.
5.
5.
‘‘нисамма кад̇д̇ияо гаяираа, наанисамма д̣̇исамбад̇и;
‘‘Nisamma khattiyo kayirā, nānisamma disampati;
нисаммагаарино рааж̇а, яасо гид̇д̇и жа вад̣дхад̇ий’’д̇и.
Nisammakārino rāja, yaso kitti ca vaḍḍhatī’’ti.
имаа бана д̣̇вз г̇аат̇аа хздтаа вид̇т̇аарид̇ааязва. жорарааж̇аа б̣од̇хисад̇д̇ам̣ камаабзд̇ваа раж̇ж̇ам̣ бадижчаабзд̇ваа ад̇д̇ано ж̇анабад̣̇амзва г̇ад̇о.
Imā pana dve gāthā heṭṭhā vitthāritāyeva. Corarājā bodhisattaṃ khamāpetvā rajjaṃ paṭicchāpetvā attano janapadameva gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа госаларааж̇аа аананд̣̇о ахоси, б̣аараан̣асирааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā kosalarājā ānando ahosi, bārāṇasirājā pana ahameva ahosi’’nti.
ман̣игун̣д̣алаж̇аад̇агаван̣н̣анаа батамаа.
Maṇikuṇḍalajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 351. ман̣игун̣д̣алаж̇аад̇агам̣ • 351. Maṇikuṇḍalajātakaṃ
