| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. मणिपूजकत्थेरअपदानं
8. Maṇipūjakattheraapadānaṃ
३४.
34.
‘‘ओरेन हिमवन्तस्स, नदिका सम्पवत्तथ।
‘‘Orena himavantassa, nadikā sampavattatha;
तस्सा चानुपखेत्तम्हि, सयम्भू वसते तदा॥
Tassā cānupakhettamhi, sayambhū vasate tadā.
३५.
35.
‘‘मणिं पग्गय्ह पल्लङ्कं, साधुचित्तं मनोरमं।
‘‘Maṇiṃ paggayha pallaṅkaṃ, sādhucittaṃ manoramaṃ;
पसन्नचित्तो सुमनो, बुद्धस्स अभिरोपयिं॥
Pasannacitto sumano, buddhassa abhiropayiṃ.
३६.
36.
‘‘चतुन्नवुतितो कप्पे, यं मणिं अभिरोपयिं।
‘‘Catunnavutito kappe, yaṃ maṇiṃ abhiropayiṃ;
दुग्गतिं नाभिजानामि, बुद्धपूजायिदं फलं॥
Duggatiṃ nābhijānāmi, buddhapūjāyidaṃ phalaṃ.
३७.
37.
‘‘इतो च द्वादसे कप्पे, सतरंसीसनामका।
‘‘Ito ca dvādase kappe, sataraṃsīsanāmakā;
अट्ठ ते आसुं राजानो, चक्कवत्ती महब्बला॥
Aṭṭha te āsuṃ rājāno, cakkavattī mahabbalā.
३८.
38.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा मणिपूजको थेरो इमा गाथायो अभासित्थाति।
Itthaṃ sudaṃ āyasmā maṇipūjako thero imā gāthāyo abhāsitthāti.
मणिपूजकत्थेरस्सापदानं अट्ठमं।
Maṇipūjakattherassāpadānaṃ aṭṭhamaṃ.
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. मणिपूजकत्थेरअपदानवण्णना • 8. Maṇipūjakattheraapadānavaṇṇanā
